RCSS က အရပ်သားများကို ပြန်လွှတ်ပေးခြင်းမရှိဘဲ ဖမ်းဆီးထားခြင်းသည် ငြိမ်းချမ်းရေးလုပ်ငန်းစဉ်ကို ထိခိုက်စေနိုင်သည့်အပြင် အခြေခံလူ့အခွင့်အရေးကိုပါ ထိခိုက်စေသည်ဟု မြန်မာနိုင်ငံ အမျိုးသားလူ့အခွင့်အရေးကော်မရှင် သတင်းထုတ်ပြန်

ရှမ်းပြည်ပြန်လည်ထူထောင်ရေးကောင်စီ (RCSS/SSA) က အရပ်သားများကို ပြန်လွှတ်ပေးခြင်းမရှိဘဲ ဖမ်းဆီးထားခြင်းသည် ငြိမ်းချမ်းရေးလုပ်ငန်းစဉ်ကို ထိခိုက်စေနိုင်သည့်အပြင် အခြေခံလူ့အခွင့်အရေးကိုပါ ထိခိုက်စေသည်ဟု မြန်မာနိုင်ငံ အမျိုးသားလူ့အခွင့်အရေး ကော်မရှင်က သြဂုတ် ၇ ရက်တွင် သတင်းထုတ်ပြန်သည်။

ရှမ်းပြည်နယ်၊ ကျိုင်ခမ်းဒေသရှိ EZY ကုမ္ပဏီ၊ Power Tun ကုမ္ပဏီ၊ Love and Like ကုမ္ပဏီ၊ Pan Thu ကုမ္ပဏီတို့တွင် အလုပ်လုပ်ကိုင်နေကြသည့် အလုပ်သမား ၁၂ ဦးကို SSA၊ တပ်မဟာ ၇၅၉၊ တပ်ခွဲ ၁၉၈ မှ ၂၀၁၀ခုနှစ် ဒီဇင်ဘာ ၂၈ ရက်တွင် ဖမ်းဆီး ခေါ်ဆောင်သွားသဖြင့် ပျောက်ဆုံးလူငယ်များ၏ မိဘများက မြန်မာနိုင်ငံ အမျိုသား လူ့အခွင့်အရေးကော်မရှင်သို့ တိုင်ကြားခဲ့သည်ဟု သတင်းထုတ်ပြန်ချက်တွင် ပါရှိသည်။

“အဖမ်းခံရပါတယ်ဆိုပြီး တိုင်တာက ၂၀၁၇ခုနှစ် ဇွန် ၃၁ ရက် ရက်စွဲနဲ့တိုင်တာ” ဟု မြန်မာနိုင်ငံ အမျိုးသားလူ့အခွင့်အရေးကော်မရှင် ပြောရေးဆိုခွင့်ရှိသူ ဦးယုလွင်အောင်က ပြောကြားသည်။

ထို့ကြောင့် ကော်မရှင်က ရှမ်းပြည်နယ် အစိုးရအဖွဲ့သို့ ၂၀၁၈ခုနှစ် ဇန်န၀ါရီ ၁၁ ရက် ရက်စွဲဖြင့် အကြောင်းကြားရာ၌ ရှမ်းပြည်နယ်အစိုးရအဖွဲ့က ၂၀၁၈ ခုနှစ် မေ ၂၃ ရက် ရက်စွဲဖြင့် ပြန်လည်အကြောင်းကြားသည့်စာတွင် SSA မှ ကုမ္ပဏီလုပ်သားအချို့အား ဖမ်းဆီးခေါ်ဆောင်သွားပြီး ယင်းတို့အနက် အချို့ကို ပြန်လွှတ်ပေး၍ မောင်ဝေလင်းစိုး၊ မောင်ကျော်စွာဟိန်း၊ မောင်ကျော်လင်းဖြိုး၊ မောင်စစ်မျိုးနိုင်၊ မောင်ထင်ကျော်နှင့် မောင်ထွေးတို့ ခြောက်ဦးအား SSA မှ ဆက်လက် ဖမ်းဆီးထားကြောင်း၊ အဆိုပါကုမ္ပဏီများက SSA-S တပ်ဖွဲ့ဝင်များနှင့် ချိန်းဆို၍ ၂၀၁၁ ခုနှစ်၊ ဇန်န၀ါရီ ၆ ရက်တွင် ငွေကျပ်သိန်း ၂၀၀ ကို သွားရောက်ပေးပို့ပြီး ရွေးယူရန် ကြိုးစားခဲ့သော်လည်း ၎င်းတို့ တောင်းခံထားသည့် ငွေမပြည့်ဟုဆိုကာ သွားရောက်ပေးပို့သူ ခုနစ်ဦးအဖွဲ့မှ ဦးစိုင်းစံလှ တစ်ဦးကိုသာ ပြန်လွှတ်ပေးခဲ့ပြီး ကျန်ခြောက်ဦးကိုလည်း ထပ်မံဖမ်းဆီးထားခဲ့ကြောင်း ဖမ်းဆီးခံထားရသူ ၁၂ ဦးမှာ ယနေ့အချိန်အထိ ပြန်လည်လွတ်မြောက်လာခြင်း မရှိသေးသဖြင့် ဒေသခံလူငယ်များ ပြန်လည်စေလွှတ်ပေးရေးအတွက် ရှမ်းပြည်နယ်အစိုးရအဖွဲ့က တောင်ကြီးမြို့ရှိ RCSS/SSA ဆက်ဆံရေးရုံးသို့ အကြောင်းကြားထားသည်ဟု ဖော်ပြပါရှိကြောင်း မြန်မာနိုင်ငံ အမျိုးသားလူ့အခွင့်အရေးကော်မရှင်က သတင်းထုတ်ပြန်သည်။

အဆိုပါဖြစ်စဉ်သည် နိုင်ငံတော်၏ ငြိမ်းချမ်းရေး ဖော်ဆောင်နေသည့် လုပ်ငန်းစဉ်ကို ထိခိုက်စေနိုင်သည့်အပြင် အပြစ်မဲ့ တိုင်းရင်းသားပြည်သူများ၏ အခြေခံလူ့အခွင့်အရေးကို ထိခိုက်စေသည်ဟု သုံးသပ်ရရှိသဖြင့် ဖမ်းဆီးထားသူများကို ပြန်လည်လွှတ်ပေးသင့်ကြောင်း အလေးအနက် တိုက်တွန်းအပ်သည်ဟု ကော်မရှင် သတင်းထုတ်ပြန်ချက်တွင် ဖော်ပြထားသည်။

ကော်မရှင် သတင်းထုတ်ပြန်ချက်တွင်ပါရှိသော ကိစ္စနှင့်ပတ်သက်၍ RCSS တာဝန်ရှိသူများထံ ဆက်သွယ်မေးမြန်းသော်လည်း ပြန်လည်ဖြေဆိုခြင်းမရှိပေ။ RCSS အဖွဲ့သည် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) တွင် ကနဦး လက်မှတ်ရေးထိုးထားသည့် တိုင်းရင်းသားလက်နက်ကိုင် အဖွဲ့အစည်းတစ်ခု ဖြစ်သည်။

ရှမ်းပြည်နယ်အရှေ့ပိုင်း မိုင်းပျဉ်းမြို့နယ်တွင် RCSS အဖွဲ့က တပ်သားသစ်စုဆောင်းမှုများ ရှိနေသည့်အတွက် ဒေသခံလူငယ်များ ထွက်ပြေးတိမ်းရှောင်နေရ

ရှမ်းပြည်နယ်အရှေ့ပိုင်း မိုင်းပျဉ်းမြို့နယ်တွင် ရှမ်းပြည်ပြန်လည်ထူထောင်ရေး ကောင်စီ (RCSS/SSA) က တပ်သားသစ် စုဆောင်းမှုများ ရှိနေသည့်အတွက် ဒေသခံ လူငယ်အများစုမှာ နေရပ်စွန့်ခွာကာ ထွက်ပြေး တိမ်းရှောင်နေရသည်ဟု မိုင်းပျဉ်းမြို့နယ် မိုင်းပွန်ကျေးရွာအုပ်စုအတွင်းရှိ ဒေသခံများထံမှ သတင်းရရှိသည်။

မိုင်းပျဉ်းမြို့နယ်အတွင်းရှိ ကျေးရွာများမှ ဒေသခံများ အနေဖြင့် ရှမ်းပြည်ပြန်လည်ထူထောင်ရေးကောင်စီ (RCSS) အဖွဲ့ထံတွင် ၀င်ရောက်စစ်မှုမထမ်းဆောင်လိုသော်လည်း မဖြစ်မနေ စစ်မှုထမ်းဆောင်ရမည်ဖြစ်သည့်အတွက် ရွာသားများအကြား မဲနှိုက်ရွေးချယ်နေရကြောင်း သိရသည်။

“ဘယ်လိုလဲဆိုတော့ တစ်ရွာကိုတစ်ယောက်တောင်းတယ်ပေါ့လေ။ ရွာကြီးရင်တော့ နှစ်ယောက်တောင်းပါတယ်။ ရွာသူရွာသားတွေကလည်း ဘယ်သူအရင်သွား၊ ဘယ်သူအရင်သွားနဲ့ အဲဒီလို ဖြစ်နေကြတာပေါ့။ အဲ့ဒါကြောင့် မဲနှိုက်ခိုင်းပြီး ကျတဲ့လူသွားရပါတယ်။ အဲဒီလိုပေါ့။ မဲနှိုက်တာတောင် သိပ်မကြာသေးဘူး။ နှစ်ရက်၊ သုံးရက်ပဲ ရှိသေးတယ်။ အခုလောလောဆယ် မဲပေါက်တဲ့သူတွေကတော့ မသွားရသေးဘူး။ တစ်ရက်၊ နှစ်ရက်တော့ စောင့်ကြည့်ရဦးမယ်ထင်တယ်။ သူတို့လာကြိုရင် ကြိုမှာပေါ့” ဟု မိုင်းပွန်ဒေသခံ တစ်ဦးက ပြောကြားသည်။

မိုင်းပျဉ်းမြို့နယ်အတွင်းရှိ နန်းယောင်း၊ မိုင်းပွန်း၊ ကွန်းဆိုင်၊ ၀မ့်ပျက်၊ ၀မ့်ခုတ်၊ ကျိုင်းတောင်း၊ ၀မ့်ပေါ၊ ၀မ့်ကျန်၊ ကျောင်းကျဉ် စသည့် ကျေးရွာပေါင်း ၁၀ ရွာခန့်တွင် RCSS/SSA က တပ်သားသစ် လာရောက်စုဆောင်းနေခြင်းဖြစ်ပြီး လူငယ်အများစုမှာ စစ်မှုထမ်းဆောင်လိုခြင်း မရှိကြောင်း သိရသည်။

“မိုင်းပွန်အုပ်စုမှာဆိုရင် ကိုးရွာ၊ ၁၀ ရွာလောက်ရှိတယ်။ တာဝန်ကျတဲ့သူအများစုက မသွားချင်ကြဘူး။ တချို့လည်း မိန်းမရှိတယ်။ ကလေးရှိတယ်ဆိုတော့ ဘယ်သူရှာကျွေးမလဲပေါ့။ အဲဒီလို စိုးရိမ်မှုတွေတော့ ရှိတယ်။ လူငယ်တွေဆို ရွာထဲမှာမနေရဲတော့ဘူး။ တချို့မြို့ကိုပြေးတယ်။ တချို့က နိုင်ငံခြားထွက်ကြတယ်။ မနေရဲကြဘူး။ လူငယ်တွေ ထွက်ပြေးကြတာပေါ့။ အများစုကတော့ ထွက်ပြေးနေကြတာပဲ” ဟု ၎င်းကဆက်လက် ပြောကြားသည်။

အဆိုပါကိစ္စနှင့်ပတ်သက်၍ RCSS ဥက္ကဋ္ဌ ဗိုလ်ချုပ်ကြီး ယွက်စစ်ကမူ ၎င်း၏အဖွဲ့အနေဖြင့် အတင်းအဓမ္မ တပ်သားသစ် စုဆောင်းမှု မရှိကြောင်းနှင့် လူငယ်များသည် အသိစိတ်ဖြင့် လာရောက်စစ်မှုထမ်းခြင်း၊ တာဝန်အရ စစ်မှုထမ်းခြင်းနှင့် လူတိုင်းစစ် ပညာတတ်ရမည်ဆိုသည့်မူကြောင့် လာရောက် စစ်မှုထမ်းခြင်းသာဖြစ်သည်ဟု ရှမ်းသံတော်ဆင့်နှင့် တွေ့ဆုံစဉ် ပြောကြားထားသည်။

“တိုက်ပွဲမရှိတဲ့ ထိုင်းတွေတောင် သူတို့နိုင်ငံ သူတို့ရပ်ရွာကာကွယ်ဖို့ စစ်ပညာသင်ရတယ်။ တိုက်ပွဲများတဲ့တို့ဒေသမှာ ပိုတောင်လိုအပ်သေးတယ်။ တာဝန်ပြီးဆုံးရင် မိသားစုနဲ့အတူ ပြန်နေရမှာပဲ။ ပြီးရင် နောက်တစ်ယောက် ထပ်လာ။ ဒါက ကိုယ်ကျိုးအတွက် လုပ်တာမဟုတ်ဘူး။ ကိုယ်ပိုင်ပြဋ္ဌာန်းခွင့်ရရေး၊ အမျိုးသားတန်းတူရေးအတွက် တိုင်းပြည်နဲ့ လူမျိုးအတွက် အလုပ်လုပ်တာ” ဟု ရှမ်းသံတော်ဆင့်နှင့် တွေ့ဆုံစဉ် ဗိုလ်ချုပ်ကြီး ယွက်စစ်က ပြောကြားထားသည်။

ရှမ်းပြည်ပြန်လည်ထူထောင်ရေးကောင်စီ (RCSS) သည် တစ်နိုင်ငံလုံးပစ်ခတ် တိုက်ခိုက်မှုရပ်စဲရေးသဘောတူစာချုပ် (NCA) တွင် ပါဝင်လက်မှတ်ရေးထိုးထားပြီး အပစ်ရပ် လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့များအနေဖြင့် လူသစ်စုဆောင်းခြင်း၊ အင်အားတိုးချဲ့ခြင်း မပြုလုပ်ရန် တားမြစ်ထားသည်။

ရှမ်းပြည်နယ်တောင်ပိုင်း မိုင်းကိုင်မြို့နယ် ဟမ်းငိုင်းကျေးရွာတွင် လေယာဉ်သံ ကြားသည်ဟုဆိုကာ နားလေဘုန်းတော်ကြီးကျောင်း၊ ကုန်းစုံကျောင်းတို့တွင် စစ်ဘေးဒုက္ခသည် တစ်ထောင်ကျော်တိုးလာဟုဆို

စစ်ဘေးဒုက္ခသည်များအား တွေ့ရစဉ်

ရှမ်းပြည်နယ်တောင်ပိုင်း မိုင်းကိုင်မြို့နယ် ဟမ်းငိုင်းတွင် လေယာဉ်သံကြားသဖြင့် စစ်ဘေးဒုက္ခသည် တစ်ထောင်ကျော် တိုးလာသည်ဟု ဇူလိုင် ၁၃ ရက်တွင် သတင်းရရှိသည်။

ရှမ်းပြည်နယ်တောင်ပိုင်း လွိုင်လင်ခရိုင် မိုင်းကိုင်မြို့နယ်တွင် တပ်မတော်နှင့် RCSS/SSA တပ်ဖွဲ့တို့ မိုင်းကိုင်မြို့နယ် ဟိုခိုင်း-ဟမ်းငိုင်းဒေသ၌ ဇူလိုင် ၁၀ ရက်တွင် တိုက်ပွဲများဖြစ်ပွားနေသဖြင့် ပထမရက်တွင် လူဦးရေ ၄၀၀ ကျော် ထွက်ပြေးနေရပြီး ဒုတိယရက်တွင် လူဦးရေ ၆၀၀ ကျော်လာပြီဖြစ်ကာ တတိယရက်တွင် လူတစ်ထောင်ကျော် များလာကြောင်း လွှတ်တော်ကိုယ်စားလှယ်များက ပြောကြားသည်။

မိုင်းကိုင်မြို့နယ်ရှိ နားလေကျေးရွာ၊ ၀မ်ထမ်+နမ့်အွတ်ကျေးရွာ၊ စမ်ပေါင်ရွာ၊ ကုန်းညောင်ဖာစားကျေးရွာနှင့် နောင်တောင်းရွာခြောက်ရွာတို့မှ အိမ်ထောင်စုပေါင်း ၂၂၃ စု၊ ကျား – ၂၅၈၊ မ – ၄၁၅ ဦး၊ လူဦးရေပေါင်း ၆၇၃ ဦးတို့သည် ဒုတိယရက်တွင် ပြေးလာခြင်းဖြစ်ကာ တတိယရက်တွင် နောက်ထပ် ၆၀၀ ကျော် တိုးလာကြောင်း၊ ဟမ်းငိုင်းရွာသို့ ထွက်ပြေး တိမ်းရှောင်နေရကြောင်း သိရသည်။ ဟမ်းငိုင်းကျေးရွာရှိ နားလေဘုန်းတော်ကြီးကျောင်း၊ ကုန်းစုံကျောင်း၊ လွယ်စက်တော်ကျောင်းနှင့် ပါချိန်နေအိမ်တို့တွင် စစ်ဘေးခိုလှုံနေရကြောင်း သိရသည်။

“လေယာဉ်သံကြားလို့ နောက်ထပ် ဒုက္ခသည်ပေါင်း ခြောက်ရာကျော် တိုးလာတယ်။ အားလုံးပေါင်း တစ်ထောင်ကျော်သွားပြီဖြစ်ပါတယ်။ အမျိုးသမီးနဲ့ ကလေးငယ်တွေ သက်ကြီးရွယ်အိုတွေ အများဆုံး ဖြစ်ပါတယ်” ဟု ကျေးသီးမြို့နယ် ပြည်နယ်လွှတ်တော်ကိုယ်စားလှယ် စိုင်းစံမိန်းက ပြောကြားသည်။

ထိုသို့ တိုက်ပွဲများရက်ရှည်ဖြစ်ပွားမည်ဆိုလျှင် စားနပ်ရိက္ခာများ လိုအပ်ဦးမည် ဖြစ်ပြီး နောက်ထပ်ရောက်လာမည့် ဒုက္ခသည်များအတွက်လည်း အကူအညီများစွာ လိုအပ်နေကြောင်း၊ စစ်ဘေးရှောင်ခိုလှုံမည့် ရက်ကြာလျှင် ကြာသလောက် ကူညီကယ်ဆယ်ရေး များ ဆောင်ရွက်ရန်အတွက် အကူအညီများစွာ လိုအပ်နေကြောင်း သိရသည်။

“ခုထိလည်း ဆက်ပြီး လာနေသေးတုန်းပဲ။ လသားကလေးတွေနဲ့ အဘိုးကြီး အဘွားကြီးတွေ ပါတယ်။ အမျိုးသမီးကလေးတွေနဲ့ သက်ကြီးရွယ်အိုတွေ များတယ်။ သံဃာတွေရော ထွေအုပ်ရော။ အမျိုးသမီးအရပ်ဘက် အဖွဲ့တွေလည်း လာကြပါတယ်” ဟု မိုင်းကိုင်မြို့နယ် ပြည်နယ်လွှတ်တော်ကိုယ်စားလှယ်ဖြစ်သူ စိုင်းပန်က ပြောကြားသည်။

ဇူလိုင် ၁၃ ရက်တွင် SNLD ပါတီ၊ SNDP ပါတီနှင့် အရပ်ဘက်အဖွဲ့အစည်းများ၊ ဌာနဆိုင်ရာများမှ လာရောက်လှူဒါန်းကြသဖြင့် စားဝတ်နေရေးအဆင်ပြေပေမယ့် အ၀တ်အထည်နှင့် စောင်များ လိုအပ်နေသေးကြောင်း သိရသည်။

ယခုဖြစ်ပွားရာနေရာသည် မိုင်းကိုင်မြို့နယ်အရှေ့ဘက် သီပေါနှင့် ကျေးသီးမြို့နယ် အစပ်နားတွင် ဖြစ်ပွားခြင်းဖြစ်သဖြင့် လေးငါးမိုင်အကွာအဝေးရှိ ဟမ်းငိုင်းသို့ ထွက်ပြေးရခြင်းဖြစ်ကြောင်း သိရသည်။ အဆိုပါ စစ်ဘေးရှောင်များကို မြို့နယ်အထွေထွေအုပ်ချုပ်ရေးဦးစီးဌာန၊ ရှမ်းအမျိုးသမီးအဖွဲ့ များနှင့် အရပ်ဘက်အဖွဲ့များက လာရောက်ကူညီကြပြီး ရှမ်းတိုင်းရင်းသားများဒီမိုကရေစီအဖွဲ့ချုပ်ပါတီမှ မိုင်းကိုင်ပြည်နယ်လွှတ်တော် ကိုယ်စားလှယ်နှင့် ကျေးသီးပြည်နယ်လွှတ်တော် ကိုယ်စားလှယ်တို့ကလည်း အားပေးခဲ့ကြောင်း သိရသည်။

မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ မွန်ပြည်နယ် ရေးမြို့တွင် ယနေ့ စတင်ပြုလုပ်မည်

မွန်လူမျိုးအလိုက် အမျိုးသား အဆင့် နိုင်ငံရေးဆွေးနွေးပွဲ ကျင်းပရန် ပြင်ဆင်နေမှုများအား မေ ၄ ရက်က တွေ့ရစဉ် (ဓာတ်ပုံ-ဘိုဘိုမြင့်)

မွန်ပြည်သစ်ပါတီ၏ ဦးဆောင်မှုဖြင့် ပြုလုပ်သည့် မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲကို ယနေ့ (မေ ၅  ရက်) မှစတင်ကာ မွန်ပြည်နယ် ရေးမြို့တွင် ပြုလုပ်မည်ဖြစ်သည်။

၂၀၁၈ ခုနှစ် ဖေဖော်ဝါရီ ၁၃ ရက်တွင် မွန်ပြည်သစ်ပါတီသည် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်  (NCA) တွင် ပါဝင်လက်မှတ်ရေးထိုးခဲ့ပြီးနောက် အမျိုးသားအဆင့် နိုင်ငံရေးဆွေးနွေးပွဲအား လပိုင်းအတွင်း အကောင်အထည်ဖော် ပြုလုပ်နိုင်ခြင်းဖြစ်သည်။

“မွန်လူမျိုးအလိုက် အမျိုးသားအဆင့်နိုင်ငံရေး ဆွေးနွေးပွဲအတွက် အားလုံးအဆင်သင့်ဖြစ်နေပါပြီ။ ဆွေးနွေးပွဲကို တက်ရောက်ကြမယ့် ကိုယ်စားလှယ်အရေအတွက်က ၅၀၀ ကျော်ရှိမယ်။ မနက်ဖြန်မှာ ပြုလုပ်မယ့် ဖွင့်ပွဲအခမ်းအနားကိုတော့ ပြည်ထောင်စုအဆင့် ပုဂ္ဂိုလ်တွေ၊ မြန်မာနိုင်ငံရဲ့ ငြိမ်းချမ်းရေးဖြစ်စဉ်တွေမှာ ပါဝင်ဆောင်ရွက်နေကြတဲ့ ပုဂ္ဂိုလ်တွေ၊ NRPC တို့၊ PC တို့၊ JMC စသည်ဖြင့် အစုအဖွဲ့တွေက ပုဂ္ဂိုလ်တွေ တက်ရောက်ကြမှာပါ” ဟု မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ကျင်းပရေးကော်မတီအ တွင်းရေးမှူး ဦးမင်းအောင်ထူးက The Daily Eleven သတင်းစာသို့ ပြောကြားသည်။

အဆိုပါ မွန်လူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲကို မေ ၇ ရက်ထိ ပြုလုပ်မည်ဖြစ်ပြီး ရေးမြို့ရှိ အားကစားရုံ၊ အထက်တန်းကျောင်းနှင့် တစ်ပလ္လင်နှစ်ဆူ ဓမ္မာရုံတို့တွင် နိုင်ငံရေးကဏ္ဍ၊ စီးပွားရေးကဏ္ဍ၊ လူမှုရေးကဏ္ဍနှင့် မြေယာနှင့် သဘာဝပတ် ၀န်းကျင်ဆိုင်ရာကဏ္ဍများကို နေရာများခွဲကာ ဆွေးနွေးရန် လျာထားကြောင်း ဦးမင်းအောင်ထူးက ပြောကြားသည်။

“အမျိုးသားအဆင့် နိုင်ငံရေးဆွေးနွေးပွဲမှာ နိုင်ငံရေး၊ စီးပွားရေး၊ လူမှုရေး၊ လုံခြုံရေး နှင့် မြေယာနှင့် သဘာဝပတ်ဝန်းကျင်ဆိုင်ရာ မူဝါဒကိစ္စရပ်များ စသည့်ကဏ္ဍငါးရပ်ကို အဓိကထား ဆွေးနွေးသွားဖို့ရှိတယ်။ အဲဒီ ကဏ္ဍငါးရပ်ကနေပြီး အသေးစိတ်အကြောင်းအရာအလိုက် ဆွေးနွေးသွားဖို့ ရှိပါတယ်။ မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲမှာ အဓိကအားဖြင့် NCA က ပေးထားတဲ့ ငြိမ်းချမ်းရေးလမ်းစဉ်အတိုင်း တခြားတိုင်းရင်းသားတွေနဲ့ နည်းတူဖက်ဒရယ်စနစ်ကို အခြေခံတဲ့ အကြံပြုချက်တွေကို တင်ပြဆွေးနွေးဖို့ ရည်ရွယ်ထားပါတယ်။ ဖက်ဒရယ် ဒီမိုကရေစီစနစ် ပေါ်ထွန်းလာဖို့အတွက်ကို အကြံပြုဆွေးနွေးသွားဖို့လည်း ရှိပါတယ်” ဟု မွန်လူမျိုးအလိုက် အမျိုးသားအဆင့် နိုင်ငံရေး ဆွေးနွေးပွဲသို့ တက်ရောက်ဆွေးနွေးခွင့် ရရှိထားသည့် မွန်အမျိုးသားပါတီမှ အတွင်းရေးမှူး (၂) ဖြစ်သူ နိုင်စိုးမြင့်က ပြောကြားသည်။

မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲသို့ မွန်ပြည်သစ်ပါတီ အပါအ၀င် မွန်နိုင်ငံရေးပါတီများ၊ အရပ်ဘက်အဖွဲ့အစည်းများ၊ ဖိတ်ကြားသင့် ဖိတ်ကြားထိုက်တဲ့ ပုဂ္ဂိုလ်များ အပါအ၀င် အင်အား ၅၀၀ ကျော် တက်ရောက်ဆွေးနွေးကြမည်ဖြစ်ကြောင်း ကျင်းပရေးကော်မတီထံမှ သိရသည်။

NCA စာချုပ်တွင် မွန်ပြည်သစ်ပါတီ လက်မှတ်မရေးထိုးမီ ယခင်ပါဝင်လက်မှတ်aရးထိုးထားသည့် တိုင်းရင်းသားလက်နက်ကိုင် ရှစ်ဖွဲ့အနက် ရှမ်းပြည်ပြန်လည်ထူထောင်ရေးကောင်စီ (RCSS/SSA) သည် ရှမ်းလူမျိုးအလိုက် အမျိုးသားအဆင့်နိုင်ငံရေးဆွေး နွေးပွဲကျင်းပခွင့် ရရှိထားသော်လည်း အကြို လူထုတွေ့ဆုံပွဲများ တားမြစ်ခံရသည့်ကိစ္စရပ်ကြောင့် ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲအား ပြုလုပ်ခြင်းမရှိဘဲ ယာယီရွှေ့ဆိုင်းထားပြီး လက်ရှိတွင် အမျိုးသားအဆင့် နိုင်ငံရေးဆွေးနွေးပွဲ ကျင်းပနိုင်ရေး အစိုးရဘက်မှ RCSS/SSA သို့ရွေးချယ်နိုင်ရန် နည်းလမ်းများ ကမ်းလှမ်းထားသော်လည်း ယခုအချိန်ထိ တစ်စုံတစ်ရာဆုံးဖြတ် ဆောင်ရွက်မည်ဖြစ်ကြောင်း RCSS ဘက်က ထုတ်ပြန်ထားခြင်းမရှိပေ။