နယ်မြေသတ်မှတ်မှု တိတိကျကျမရှိခြင်းကြောင့် တပ်မတော်နှင့် RCSS တို့အကြား ထိတွေ့မှုများ ဖြစ်ပွားနေခြင်းဖြစ်ကြောင်း နိုင်ငံတော်၏အတိုင်ပင်ခံပုဂ္ဂိုလ်ရုံးညွှန်ကြားရေးမှူးချုပ် ပြောကြား

နယ်မြေသတ်မှတ်မှု တိတိကျကျမရှိခြင်းကြောင့် တပ်မတော်နှင့် NCA ရေးထိုးထားသော တိုင်းရင်းသားလက်နက်ကိုင်အဖွဲ့တစ်ဖွဲ့ဖြစ်သည့် ရှမ်းပြည်ပြန်လည်ထူထောင်ရေးကောင်စီ (RCSS) တို့အကြား ထိတွေ့မှုများ ဖြစ်ပွားနေခြင်းဖြစ်ကြောင်း နိုင်ငံတော်အတိုင်ပင်ခံပုဂ္ဂိုလ်ရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောကြားသည်။

“ကျွန်တော်တို့ ပြီးခဲ့တဲ့ကြားကာလမှာ RCSS နဲ့ အလွတ်သဘောတွေ့တယ်။ အစိုးရနဲ့တပ်နဲ့  RCSS နဲ့ တွေ့တယ်။ တွေ့တဲ့အချိန်မှာ နယ်မြေသတ်မှတ်ချက်က နှစ်ဦးနှစ်ဖက် မရှင်းလင်းဘူးဖြစ်နေတယ်။ ကျွန်တော်တို့ စာချုပ်တွေမှာ ဒုတိယတပ်မတော်ကာကွယ်ရေးဦးစီးချုပ် ဒီဖက်က လက်မှတ်ထိုးတယ် ဟိုဖက်က ဗိုလ်ချုပ်ကြီး ရွက်ဆစ်လက်မှတ်ထိုးထားတဲ့ Bilateral စာချုပ်ရှိတယ်။  အဲဒီစာချုပ်ကို ပြန်ကြည့်လိုက်တော့ နယ်နိမိတ် သတ်မှတ်ချက်တွေပါတယ်။ သို့သော် အဲဒါမဟုတ်သေးဘူးဆိုပြီးပြောတော့ ပြဿနာက ဘာလဲဆိုတော့ ကျွန်တော်တို့ နယ်မြေပိုင်းခြား သတ်မှတ်မှုတွေ တိတိကျကျ သဘောတူညီချက်မရှိတဲ့အတွက် နယ်ကျော်ခြင်း၊ မကျော်ခြင်းကနေစပြီးတော့ ပြဿနာဖြစ်တာ။ ဒီဘက်ကိုကျော်လာတယ်၊ ဟိုဖက်ကို ကျော်လာတယ်။ နောက်တစ်ခုက အောက်ခြေမှာ ပြည်သူတွေနဲ့ ဆက်စပ်တဲ့အပိုင်းတွေရှိတယ်” ဟု ဦးဇော်ဌေးက ပြောကြားသည်။

တပ်မတော်နှင့်  RCSS တုိ့သည့် မကြာခဏ ပစ်ခတ်မှုဖြစ်ပွားခဲ့ပြီး လက်ရှိတွင်လည်း ရှမ်းပြည်နယ်၊ မိုင်းကိုင်မြို့နယ်တွင် ဖြစ်ပွားနေသော ထိတွေ့မှုကြောင့် ဒေသခံပြည်သူ ၆၀၀ကျော် စစ်ဘေးရှောင်ထွက်ပြေးနေရကြောင်း သိရသည်။

“အဲဒါတွေက အခုကျွန်တော်တို့ ပြော နေတာတွေက အပစ်ရပ်နယ်မြေ၊ အပစ်ရပ် ဒေသသတ်မှတ်ပေးပြီးရင် ဘာတွေလုပ်လို့ ရလဲဆိုတာ NCA မှာပါတယ် ကြားကာလ အစီအစဉ်ဆိုတာ။ လူတွေက တချို့မီဒီယာ သမားတွမေးတယ်။ ကြားကာလအစီအစဉ် ဘာလုပ်လဲ။ ကြားကာလအစီအစဉ်ရဲ့နိဒါန်းမှာ အပစ်ရပ်နယ်မြေ ၊အပစ်ရပ်ဒေသအတွင်း ဆိုလို့ပါတယ်။ ဒါတွေဆောင်ရွက်။ ဆောင်ရွက်တော့ ကြားကာလကို လုပ်ဖို့အတွက် အပစ်ရပ်နယ်မြေသတ်မှတ်ဖို့လိုတယ်။ ဘယ်အဖွဲ့နဲ့မှ ကျွန်တော်တို့က သတ်မှတ်ထားပြီးသား မရှိဘူး။ မရှိတဲ့ကျတော့ JMC က အဲဒါကို လုပ်နေတယ်။ JMC –U မှာ လုပ်တယ်။  JMC – U ကတော့ အချို့ တပ်မတော်ကတော့ ရှင်းတယ်။  ဒီနယ်မြေပိုင်းခြားသတ်မှတ်မှုကို JMC –S ကို ပေးထားတယ်။ JMC – S မှာ ဘယ်သူထိုင်လည်းဆိုတော့ သက်ဆိုင်ရာ တိုင်မှူးတွေထိုင်တယ်။ တိုင်းမှူးတွေက သူ့စစ်တိုင်းအလိုက် နယ်မြေသတ်မှတ်ချက် သူတို့ကို တာဝန်ပေးထားတယ်။ ဟိုဘက်မှာကျတော့ မဟုတ်ဘူး။ EAO  ကျတော့ အကုန်လုံး ဘုံတူညီတဲ့ နယ်မြေသတ်မှတ်ချက်ပုံစံမျိုး သူတို့က  ညှိချင်တယ်။ တပ်မတော်ကျတော့ Bilateral တစ်ခုချင်း သွားချင်တယ်။ အဖွဲ့တစ်ဖွဲ့နဲ့တစ်ဖွဲ့ မတူတဲ့အတွက်ဆိုပြီး အဲဒီအပေါ်မှာ အခုအချိန်ထိ JMC မှာ နယ်မြေသတ်မှတ်နိုင်ခြင်း မရှိဘူး။ မရှိတဲ့အတွက် နယ်ကျော်ခြင်း၊ မကျော်ခြင်းနဲ့ အဲဒါတွေ ဖြစ်နေတာ အဓိကပြဿနာက အဲဒါပဲ” ဟု ဦးဇော်ဌေးက ပြောကြားသည်။

တပ်မတော်နှင့် တိုင်းရင်းသားလက်နက်ကိုင်အဖွဲ့များအကြား အပစ်ရပ်နယ်မြေ၊ သတ်မှတ်နယ်မြေနှင့် ထိန်းချုပ်နယ်မြေဆိုသည့် စကားလုံးများသည့် ညှိနှိုင်းရန် ခက်ခဲနေသည့် စကားလုံးများဖြစ်သည်။

တပ်မတော်နှင့် NCA ထိုးထားသော RCSS/SSA တို့ ရှမ်းပြည်နယ် (တောင်ပိုင်း) မိုင်းကိုင်မြို့နယ်တွင် တိုက်ပွဲဖြစ်ပွား

ရှမ်းပြည်နယ်တောင်ပိုင်း မိုင်းကိုင်မြို့နယ် မိုင်းခွန်ကျေးရွာအနီးတွင် တပ်မတော်နှင့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားသော ရှမ်းပြည်ပြန်လည်ထူထောင်ရေးကောင်စီ (RCSS) တို့ မေ ၂၂ ရက် ညနေ ၃ နာရီခွဲဝန်းကျင်က တိုက်ပွဲဖြစ်ပွားခဲ့ကြောင်း သျှမ်းသံတော်ဆင့်သတင်းဌာန၏ သတင်းဖော်ပြချက်အရ သိရသည်။

သျှမ်းသံတော်ဆင့်၏ ဖော်ပြချက်အရ တပ်မတော်နှင့် RCSS တို့၏ တိုက်ပွဲမှာ မိနစ် ၂၀ ခန့်ကြာမြင့်ခဲ့ပြီး အဆိုပါတိုက်ပွဲတွင် တပ်မတော်၏ ကျည်ကပ်များ၊ ရေဘူးများနှင့် စစ်အသုံးအဆောင်ပစ္စည်းများကို RCSS က သိမ်းဆည်းရမိခဲ့ပြီး ဒေသခံများအား ထိခိုက်မှုမရှိခဲ့ကြောင်း သိရသည်။

အဆိုပါတိုက်ပွဲနှင့်ပတ်သက်၍ “ကျွန်တော်ခရီးလွန်နေလို့ သေချာမသိသေးပါဘူး” ဟု RCSS တပ်ဖွဲ့၏ ပြောရေးဆိုခွင့်ရှိသူတောင်ကြီးဆက်ဆံရေးရုံးတာဝန်ခံ ဒုတိယ ဗိုလ်မှူးကြီးစိုင်းဦးက ပြောကြားသည်။

မိုင်းခွန်ကျေးရွာအုပ်စုသည် မိုင်းကိုင်မြို့ အရှေ့ဘက်ရှိ နမ့်တိန်းချောင်း၏ အရှေ့ဘက်ကမ်းတွင်ရှိပြီး ကျေးသီးမြို့နယ်စပ်တွင်လည်း တည်ရှိနေကြောင်း၊ ကျေးသီးမြို့နယ်သည် ရှမ်းပြည်တိုးတက်ရေးပါတီ (SSPP/ SSA) အခြေစိုက်ရာ ဒေသလည်းဖြစ်ကြောင်း သိရသည်။

RCSS အနေဖြင့် NCA စာချုပ်တွင် ပါဝင်လက်မှတ်ရေးထိုးခဲ့ပြီးနောက် တပ်မတော်နှင့် RCSS တို့ ရှမ်းပြည်နယ် (တောင် ပိုင်း) တွင် မကြာခဏ တိုက်ပွဲများဖြစ်ပွားခဲ့ပြီး အဆိုပါတိုက်ပွဲများနှင့်ပတ်သက်၍ ပြည်နယ်အဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်တီ (JMC –S) မှ တစ်ဆင့် ဖြေရှင်းမှုများရှိခဲ့သည်။

ထို့ပြင်  RCSS အနေဖြင့် ရှမ်းပြည်နယ် (မြောက်ပိုင်း) တွင်လည်း တအန်းလက်နက်ကိုင်အဖွဲ့ (TNLA) နှင့် တိုက်ပွဲများ မကြာခဏ ဖြစ်ပွားနေပြီး တိုက်ပွဲများ ရပ်တန့်ရေးနှင့်ပတ်သက်၍ နှစ်ဖက်ခေါင်းဆောင်များ တွေ့ဆုံဆွေးနွေး အဖြေရှာရန် စီစဉ်ထားသော်လည်း တွေ့ဆုံဆွေးနွေးနိုင်ခြင်း မရှိသေးကြောင်း သိရသည်။

NCA လက်မှတ်ရေးထိုးထားသော RCSS နှင့် PNLO တို့ ကဒူးကြီးဒေသတွင် ပစ်ခတ်တိုက်ခိုက်မှုဖြစ်ပွား

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားကြသော ရှမ်းပြည်ပြန်လည်ထူထောင်ရေးကောင်စီ (RCSS) နှင့် ပအို့ဝ်အမျိုးသားလွတ်မြောက်ရေးအဖွဲ့ချုပ် (PNLO) တို့ ရှမ်းပြည်နယ် (တောင်ပိုင်း)၊ မောက်မယ်မြို့နယ် ကဒူးကြီးဒေသ မန့်စီရွာအနီးတွင် မေ ၁၁ ရက် နံနက်ပိုင်းက တိုက်ပွဲဖြစ်ပွားခဲ့ကြောင်း နှစ်ဖက်တပ်ဖွဲ့ထံမှ သိရသည်။

ရှမ်းပြည်ပြန်လည်ထူထောင်ရေးကောင်စီ (RCSS) တပ်ဖွဲ့ဝင်များ နယ်မြေကျွံလာသည့်အတွက် နှစ်ဖက်ရင်ဆိုင် တိုက်ပွဲဖြစ်ပွားခဲ့ခြင်းဖြစ်ပြီး ပစ်ခတ်တိုက်ခိုက်မှုသည် ၁၅ မိနစ်ခန့်ကြာမြင့်ခဲ့ကာ တိုက်ပွဲကြောင့် ထိခိုက်ဒဏ်ရာ ရရှိမှုများရှိခဲ့သည်ဟု ပအို့အမျိုးသားလွတ်မြောက်ရေးအဖွဲ့ချုပ် (PNLO) ၏ နာယကဗိုလ်မှူးကြီး ခွန်ဥက္ကာက ပြောကြားသည်။

သို့သော်လည်း ကဒူးကြီးဒေသတွင်ရှိသည့် RCSS တပ်စခန်းတစ်ခုကို PNLO က ၀င်ရောက်တိုက်ခိုက်ခြင်းကြောင့်သာ တိုက်ပွဲဖြစ်ပွားခဲ့ခြင်းဖြစ်ပြီး နှစ်ဖက်သွားလာလှုပ်ရှားမှုများနှင့် ပတ်သက်၍ တစ်ဖက်နှင့်တစ်ဖက် အသိပေး၍ လှုပ်ရှားသွားလာခြင်းဖြင့် ပစ်ခတ်တိုက်ခိုက်မှုများကို ရှောင်ရှားနိုင်ကြောင်း RCSS ပြောရေးဆိုခွင့်ရှိသူ တောင်ကြီးဆက်ဆံရေးရုံးတာဝန်ခံ ဒုတိယဗိုလ်မှူးကြီး စိုင်းဦးက ပြောကြားသည်။

“အောက်ခြေမှာ သူတို့အချင်းချင်း သိနေကြတာပဲ။ နှစ်ဖက်တိုက်ပွဲမဖြစ်တာလည်း ကြာနေပြီလေ။ နောက်ပြီးတော့ JMC မှာလည်း သူတို့ကတွေ့နေကြတာပဲ။ နှစ်ဖက်တပ်တွေ တွေ့ဖြစ်ကြတယ်ပေါ့။ အဲဒီတော့ ကျွန်တော်တို့က တိုက်ပွဲဖြစ်တယ်လို့ ကြားတော့တောင် အံ့သြနေသေးတယ်။ ဘယ်လိုဖြစ်တာလဲပေါ့။ အဲဒီတော့ ကျွန်တော်တို့အထက်လူကြီးက တစ်ဖက်နဲ့တစ်ဖက် သတင်းပေးပြီးသွားနေကြတာပဲ။ မဖြစ်သင့်ဘူးလို့ ပြောတာပေါ့” ဟု ဒုတိယဗိုလ်မှူးကြီး စိုင်းဦးက ပြောကြားသည်။

ပစ်ခတ်တိုက်ခိုက်မှုဖြစ်ပွားခဲ့သည့် လက်နက်ကိုင်အဖွဲ့အစည်း နှစ်ဖွဲ့သည် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) တွင် ပါဝင်လက်မှတ်ရေးထိုးထားကြသော တိုင်းရင်းသားလက်နက်ကိုင် အဖွဲ့အစည်းများဖြစ်ကြသည့်အတွက် ယခုပစ်ခတ်တိုက်ခိုက်မှုနှင့် ပတ်သက်၍ ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC) တွင် တင်ပြဆွေးနွေးသွားမည်ဖြစ်ကြောင်း သိရသည်။

ပြီးခဲ့သည့် ၂၀၁၇ ခုနှစ်အတွင်းက ကဒူးကြီးဒေသ နာဟီးကျေးရွာဘက်တွင် ဖြစ်ပွားခဲ့သော RCSS နှင့် PNLO တို့၏တိုက်ပွဲကြောင့် ဒေသခံ ၂၀၀ ကျော် နေရပ်စွန့်ခွာ ထွက်ပြေးတိမ်းရှောင်ခဲ့ရပြီး ယခုဖြစ်စဉ်တွင်မူ နေရပ်စွန့်ခွာ ထွက်ပြေးတိမ်းရှောင်ရသူများ မရှိကြောင်း သိရသည်။

အကြိုလူထုတွေ့ဆုံပွဲများ ပြုလုပ်ရန် ကျန်ရှိနေသည့် နေရာများတွင် ပြုလုပ်ခွင့်ရရှိပါက အမျိုးသားအဆင့် နိုင်ငံရေးဆွေးနွေးပွဲကို ဆက်လက်ပြုလုပ်မည်ဖြစ်ကြောင်း RCSS ပြောကြား

အကြိုလူထုတွေ့ဆုံပွဲများ ပြုလုပ်ရန် ကျန်ရှိနေသေးသည့် နေရာများတွင် ပြုလုပ်ခွင့်ရရှိပါက အမျိုးသားအဆင့် နိုင်ငံရေးဆွေးနွေးပွဲကို ဆက်လက်ပြုလုပ်သွားမည်ဖြစ်ကြောင်း ရှမ်းပြည်ပြန်လည်ထူထောင်ရေးကောင်စီ (RCSS) ပြောရေးဆိုခွင့်ရှိသူ ဒုတိယဗိုလ်မှူးကြီး စိုင်းမိဏ်းက ပြောကြားသည်။

ငြိမ်းချမ်းရေးသတင်းများကို ဖော်ပြနေသည့် Network Media Group နှင့် ပြုလုပ်သော သီးသန့်အင်တာဗျူးတွင် ဒုတိယဗိုလ်မှူးကြီး စိုင်းမိဏ်းက ယင်းကဲ့သို့ ဖြေကြားထားခြင်းဖြစ်သည်။ ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ပြုလုပ်နိုင်ရေးနှင့် ပတ်သက်၍ RCSS တာဝန်ရှိသူများထံ The Daily Eleven သတင်းစာက ကြိမ်ဖန်များစွာ ဆက်သွယ်သော်လည်း အဆက်အသွယ်မရရှိခဲ့ပေ။

“ကျွန်တော်တို့အနေနဲ့ကတော့ (တပ်မတော်နှင့်) ညှိထားတာပေါ့နော်။ ဘာကြောင့်လဲဆိုတော့ ကျွန်တော်တို့ပြည်သူတွေကို ပြန်လည်ပြီးတော့ တွေ့ဆုံခွင့်ပေးဖို့ပေါ့နော်။ ကျန်နေသေးတဲ့ ငါးနေရာမှာလည်း ကျွန်တော်တို့ လွတ်လွတ်လပ်လပ် လုပ်ခွင့်ပေးဖို့ အဲဒီလိုမျိုးရရှိမယ်ဆိုရင် ကျွန်တော်တို့ကလည်း လင်းခေးမှာကျင်းပမယ့် အမျိုးသားအဆင့် နိုင်ငံရေးဆွေးနွေးပွဲကို ကျွန်တော်တို့လုပ်ဆောင်သွားမယ်ဆိုတဲ့ အနေအထားမှာလည်း ရှိပါတယ်” ဟု ဒုတိယဗိုလ်မှူးကြီး စိုင်းမိဏ်းက ပြောကြားသည်။

လက်ရှိ အမျိုးသားအဆင့် နိုင်ငံရေးဆွေးနွေးပွဲ ကျင်းပနိုင်ရေးနှင့် ပတ်သက်၍ တပ်မတော်နှင့် ညှိနှိုင်းနေဆဲဖြစ်ကြောင်း ဒုတိယဗိုလ်မှူးကြီး စိုင်းမိဏ်းက ပြောကြားသည်။ “ကျွန်တော်တို့ Option (ရွေးချယ်နိုင်ခွင့်) တွေ အပြန်အလှန် ဆွေးနွေးတာပေါ့နော်။ သူတို့အနေနဲ့ကတော့ တောင်ကြီးမှာကျင်းပမယ့် အကြိုပေါ့။ အဲဒီအကြိုကို အကြိုဆိုတဲ့ပုံစံမျိုးနဲ့လည်း မလုပ်ခိုင်းဘဲနဲ့ ကျွန်တော်တို့ကို အမျိုးသားအဆင့် နိုင်ငံရေးဆွေးနွေးပွဲ ဖြစ်မြောက်ရေးကော်မတီ အစည်းအဝေးသဘောမျိုးနဲ့ ပြန်ပြီးလုပ်ဆောင်ခိုင်းတယ်။ ပြည်သူလူထုတွေကိုလည်း လင်းခေးမှာစုပြီးတော့ သွားပြီးတော့ ဆွေးနွေးဖို့ အဲဒီလိုမျိုး ပြောလာတာရှိတယ်။ ဒါပေမဲ့ ကျွန်တော်တို့အနေနဲ့ကျတော့ တောင်ကြီးမှာလည်း ရပါတယ်။ ကျွန်တော်တို့အကြိုအနေနဲ့ ဆွေးနွေးဖို့ ကျွန်တော်တို့ တောင်းဆိုထားတာရှိတယ်။ ဒါပေမဲ့ အပြန်အလှန်တော့ တောင်းဆိုနေတုန်းပဲပေါ့” ဟု ဒုတိယဗိုလ်မှူးကြီး စိုင်းမိဏ်းက ဆိုသည်။

ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ အကြိုလူထုတွေ့ဆုံပွဲများကို ရှမ်းတိုင်းရင်းသားများ နေထိုင်ရာ မြို့နယ်များတွင် NCA ရေးထိုးထားသည့် RCSS က ဦးဆောင်ပြီး ရှမ်းနိုင်ငံရေးပါတီများ၊ ရှမ်းအဖွဲ့အစည်းများ ပူးပေါင်း၍ အဖွဲ့များခွဲပြီး လိုက်လံပြုလုပ်ရာတွင် တပ်မတော်၏ တားမြစ်မှုကိုခံခဲ့ရပြီး နောက်ပိုင်းတွင် အုပ်ချုပ်ရေးပိုင်းကပါ တားမြစ်ခဲ့သည်။

ကျောက်မဲမြို့နယ်အတွင်း တိုက်ပွဲများ ဖြစ်ပွားမှုကြောင့် ဒေသခံအများစု ပိတ်မိနေပြီး စားနပ်ရိက္ခာလိုအပ်မည့် အနေအထားကြုံတွေ့

တိုက်ပွဲဖြစ်ပွားသည့် ကျေးရွာများသို့ သွားရောက်ကာ ဒေသခံများအား ကယ်ထုတ်မည့် လူမှုကူညီရေး ယာဉ်များကို အောင်ချမ်းသာကျေးရွာတွင် တွေ့ရစဉ်

ရှမ်းပြည်နယ် (မြောက်ပိုင်း)၊ ကျောက်မဲမြို့နယ် ကွန်ကော်၊ တော့ဖယ်ကျေးရွာများ တစ်ဝိုက်တွင် RCSS နှင့် TNLA တို့ တိုက်ပွဲများ ဖြစ်ပွားနေမှုကြောင့် ၎င်းဒေသအနီးတစ်ဝိုက်ရှိ ဒေသခံအများစု တိုက်ပွဲများကြား ပိတ်မိနေပြီး စားဝတ်နေရေးနှင့် လုံခြုံရေး အခြေအနေများအတွက် စိုးရိမ်နေရကြောင်း သိရသည်။

တိုက်ပွဲများကြား ပိတ်မိနေသော ဒေသခံများအား ကယ်ထုတ်ရန်အတွက် မတ် ၁၅ ရက်တွင် ကျောက်မဲ၊ သီပေါ၊ လားရှိုးမြို့နှင့် နောင်ပိန်ကျေးရွာတို့မှ လူမှုကူညီရေးအသင်းများမှ ကား ၁၁ စီးသည် ကျောက်မဲမြို့ နယ်၊ တော့ဖယ်ကျေးရွာနှင့် ကွန်ကော်ကျေးရွာသို့ သွားရောက်ခဲ့သော်လည်း လုံခြုံရေး အခြေအနေအရ ကယ်တင်နိုင်ခဲ့ခြင်း မရှိခဲ့ကြောင်း သိရသည်။

“ကျွန်တော်တို့ ကွန်ကော်နဲ့တော့ဖယ်ရွာက ဒေသခံတွေကို ကယ်ထုတ်ဖို့အတွက် လူမှုကူညီရေးအသင်းကား ၁၁ စီးနဲ့ သွားခဲ့ပါတယ်။ ဒါပေမဲ့ အောင်ချမ်းသာရွာလောက် ထိပဲရောက်ခဲ့ပြီး မမြင်နိုင်တဲ့ မိုင်းအန္တရာယ်တွေ ရှိနေတဲ့အတွက် လက်လျှော့ပြီး နောက်ပြန်ဆုတ်ခဲ့ရပါတယ်။ အခြေအနေကတော့ တော့ဖယ်နဲ့ကွန်ကော်ရွာက ဒေသခံအချို့ တိုက်ပွဲတွေကြောင့် အသက်ဆုံးရှုံးရတာတွေ ရှိတယ်လို့လည်း ကြားပါတယ်။ ကျွန်တော်တို့ ရောက်ခဲ့တဲ့ အောင်ချမ်းသာရွာကနေ လက်နက်ကြီးသံတွေ သေနတ်သံတွေ ကြားနေရပါတယ်။ ကျွန်တော်တို့လည်း ဒုက္ခရောက်နေတဲ့ ဒေသခံတွေကို ကယ်ထုတ်ဖို့အတွက် ကြိုး စားကြည့်ပေမယ့် အခြေအနေ မပေးတဲ့အတွက် မကယ်ထုတ်နိုင်ခဲ့ပါဘူး” ဟု နောင်ပိန်ကမ်းလင့်လက်များ လူမှုကူညီရေးအသင်းမှ ကိုနေအောင်က ပြောကြားသည်။

တော့ဖယ်ကျေးရွာတွင် တိုက်ပွဲများ ပြင်းထန်ပြီး နေအိမ် ၁၂ လုံး မီးလောင်ခံထားရကြောင်း ထိခိုက်ဒဏ်ရာရသည့် ဒေသခံများ ရှိနေကြောင်း သိရသည်။

“တိုက်ပွဲဖြစ်ပွားတဲ့ရွာတွေက ဒေသခံ တွေက အားကိုးတကြီးနဲ့ လာကယ်ထုတ်ဖို့ ဆက်သွယ်လာပေမယ့် ကျွန်တော်တို့ သူတို့ ရွာအထိ မရောက်နိုင်ခဲ့ဘူး။ အောင်ချမ်းသာ ရွာကနေ ရှေ့ဆက်တိုးဖို့  အခက်အခဲရှိနေ တာနဲ့ ရွာသားတွေကို ထွက်လာနိုင်အောင် ကြိုးစားပေမဲ့လည်း အသက်အန္တရာယ်တွေ ရှိနေတာကြောင့်  လက်လျှော့ခဲ့ရပါတယ်။ စားနပ်ရိက္ခာ သောက်သုံးရေ ကျန်းမာရေး အခက်အခဲများစွာ ရင်ဆိုင်နေရတဲ့ ဒေသခံ တွေအတွက် မေတ္တာရှေ့ထားပြီး တောင်းဆိုပါ ရစေ။ သူတို့တတွေ သူတို့ရွာကနေ ဘေးအန္တ ရာယ်ကင်းကင်းနဲ့ထွက်လာနိုင်ဖို့ ခဏတာ လမ်းဖွင့်ကူညီပေးပြီး ဒေသတွင်းငြိမ်းချမ်း ရေးကို ဦးတည်စေချင်ပါတယ်လို့  ကျွန်တော်တို့အနေနဲ့ တောင်းဆိုချင်ပါတယ်” ဟု တိုက်ပွဲဖြစ်ပွားသည့်ဒေသများရှိ ဒေသခံများအား ကယ်ထုတ်ရန် သွားရောက်ခဲ့သည့် ကျောက်မဲမြို့မှ ကိုသားဇော်က မတ် ၁၅ ရက် ညနေပိုင်းတွင် ပြောကြားသည်။

မတ် ၁၆ ရက်တွင် မိုင်းငေါ့မြို့အနီး မန်ခေါက်ကျေးရွာသို့ စစ်ဘေးရှောင်သူ ၁၅၀ ဦးခန့် ရောက်ရှိလာသော်လည်း တော့ဖယ်ကျေးရွာနှင့် ကွန်ကော်ကျေးရွာတို့မှ ဒေသခံများမှာ ၎င်းတို့၏ရွာများမှ ထွက်မလာနိုင်သေးကြောင်း သိရသည်။

ဆက်လက်၍ ကိုသားဇော်က “လတ်တလော မိုင်းငေ့ါမြို့အနီးက မန်ခေါက်ရွာကို ရောက်လာတဲ့ စစ်ဘေးရှောင်တွေကို ကျောက်မဲမြို့မှာ လာနေဖို့ သွားကြိုဖို့ ဆက်သွယ်ပေမယ့်လည်း သူတို့က မန်ခေါက်ရွာကနေ ထွက်မလာချင်ကြသေးဘူး။ သူတို့ရဲ့ ရွာသားတွေ တောထဲမှာ ကျန်ခဲ့တာတွေလည်းရှိတယ်။ နောက်တစ်ချက်က အဲဒီနားက ရွာကလူတွေ ထွက်လာရတော့မယ်။ တချို့တွေဆို စားသောက်ရေး အခက်အခဲ ဖြစ်နေတယ်။ ရွာတွေမှာ တချို့ရေတွေတောင် ပြတ်နေကြတယ်။ တချို့ရွာတွေက ရွာထိပ်က ရေကန်တို့ ရေတွင်းတို့မှာ ရေခပ်ရတာဆိုတော့ မသွားခပ်ရဲကြတော့ သောက်သုံးရေ ပြတ်တာတွေ ရှိနေတယ်” ဟု ပြောကြားသည်။

လားရှိုး၊ နမ္မတူလမ်းပေါ်ရှိ နားဆိုင်းကျေးရွာ၊ ၁၈ မိုင်ရွာတို့တွင်လည်း တိုက်ပွဲများ ဖြစ်ပွားနေမှုကြောင့် နမ္မတူမြို့နယ်နှင့် မန်စံကျေးရွာတို့တွင် စစ်ဘေးရှောင် ခိုလှုံနေရကြောင်း သိရသည်။