OBOR တွင် ကျောက်ဖြူစီမံကိန်း ပါဝင်ရန်ရှိပြီး ကြွေးတင်မည့်အပေါ် စဉ်းစားနေကြောင်းနှင့် ပြန်လည်သုံးသပ်ခြင်း မဟုတ်ဘဲ ညှိနှိုင်းနေခြင်းသာဖြစ်ကာ ရေနက်ဆိပ်ကမ်းစီမံကိန်းကို အပိုင်းလိုက်တည်ဆောက်ရန် နှစ်ဖက်သဘောတူထားဟု သိရ

ဇူလိုင် ၆ ရက်က ပြုလုပ်သည့် ပုဂ္ဂလိကလုပ်ငန်းရှင်များနှင့် တွေ့ဆုံပွဲအခမ်းအနားကို တွေ့ရစဉ် (ဓာတ်ပုံ-ဖြိုးဝေ)

တရုတ်နိုင်ငံ၏ OBOR(One Belt One Road-Belt & Initiative (BRI) စီမံကိန်းတွင် ကျောက်ဖြူစီမံကိန်း ပါဝင်လာရန်ရှိပြီး စီမံကိန်းကြောင့် ကြွေးတင်မည့်အပေါ် စဉ်းစားနေကြောင်းနှင့် အဆိုပါစီမံကိန်းကို ပြန်လည်သုံးသပ်နေခြင်းမဟုတ်ဘဲ ညှိနှိုင်းနေခြင်းသာဖြစ်ကြောင်းနှင့် ရေနက်ဆိပ်ကမ်း စီမံကိန်းကို အပိုင်းလိုက်တည်ဆောက်သွားရန် တရုတ်-မြန်မာ နှစ်ဖက်သဘောတူထားကြောင်း မြန်မာ အထူးစီးပွားရေးဇုန်ဆိုင်ရာ ဗဟိုလုပ်ငန်းအဖွဲ့ဥက္ကဋ္ဌ ဒေါက်တာသန်းမြင့်က ဇူလိုင် ၆ ရက်တွင် ပြောကြားသည်။

ကျောက်ဖြူရေနက်ဆိပ်ကမ်းစီမံကိန်း တည်ဆောက်မှုတွင် ဒေါ်လာ ၇ ဒသမ ၅ ဘီလျံ ရင်းနှီးမြှုပ်နှံရမည်ဆိုသည်မှာ ကျိုးကြောင်းလျော်ညီမှုမရှိဘဲ ရူးသွပ်မှုသက်သက်သာဖြစ်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ စီးပွားရေးအကြံပေး Sean Turnellက မေလနှောင်းပိုင်းက Bloomberg သတင်းဌာနသို့ ပြောကြားခဲ့သည်။ ထို့ပြင် အဆိုပါစီမံကိန်းကို ပြန်လည် စဉ်းစားသင့်ကြောင်း ပြောကြားပြီးနောက် စီမံကိန်းကို ပြန်လည်သုံးသပ်နေကြောင်း သတင်းများထွက်ပေါ်ခဲ့သည်။ ထိုသို့ သတင်းများ ထွက်ပေါ်နေသော်လည်း ကျောက်ဖြူအထူးစီးပွားရေးဇုန်နှင့် ရေနက်ဆိပ်ကမ်းစီမံကိန်းကို ပြန်လည်သုံးသပ်နေခြင်းမဟုတ်ဘဲ ညှိနှိုင်းနေခြင်းသာဖြစ်သည်ဟု ၎င်းက ဆိုသည်။

“ကျောက်ဖြူစီမံကိန်းကို ပြန်သုံးသပ်တာ မဟုတ်ပါဘူး။ ညှိနှိုင်းတာ ဖြစ်ပါတယ်။  သဘောတူညှိနှိုင်းမှုဟာ အတော်လေး အလားအလာကောင်းပြီး မကြာခင်မှာလည်း  သဘောတူဆောင်ရွက်မှာဖြစ်တဲ့အတွက် ရင်းနှီးမြှုပ်နှံမှုကြီးမားမှု၊ စီမံခန့်ခွဲမှုတွေကို စဉ်းစားပါတယ်။ စဉ်းစားတဲ့အခါမှာ ဒီဆိပ်ကမ်းကို လုံးဝဥဿုံ တစ်ခါတည်းနဲ့အပြီး တည်ဆောက်မယ့် ဒီဇိုင်းမဟုတ်ဘဲနဲ့ အပိုင်းလိုက် အပိုင်းလိုက် တည်ဆောက်ဖို့ဆိုတာ ကျွန်တော်တို့ နှစ်ဖက် သဘောတူထားတာရှိပါတယ်” ဟု ဒေါက်တာသန်းမြင့်က ပြောကြားသည်။

ကျောက်ဖြူ အထူးစီးပွားရေးဇုန်တွင် တရုတ်-မြန်မာ အချိုးကျ ထည့်ဝင်မြှုပ်နှံမည့် ပမာဏ သတ်မှတ်ပြီးဖြစ်သော်လည်း ရေနက်ဆိပ်ကမ်းစီမံကိန်းတွင် ရှယ်ယာခွဲဝေမှုပြီးပြတ်ခြင်း မရှိသေးဘဲ တရုတ်နိုင်ငံဘက်မှ ရွေးချယ်ပေးရန်အဆိုပြုထားသည့် Option လေးခုအဖြစ် တရုတ် ၈၅- မြန်မာ ၁၅၊ တရုတ် ၈၀-မြန်မာ ၂၀၊ တရုတ် ၇၅- မြန်မာ ၂၅ နှင့် တရုတ် ၇၀- မြန်မာ ၃၀ ထည့်ဝင်ရန် ကမ်းလှမ်းထားပြီး အထူးစီးပွားရေးဇုန်နှင့် ရေနက်ဆိပ်ကမ်းစီမံကိန်းနှစ်ခုတွင် မြန်မာအစိုးရမှ Gold Share အဖြစ် စီမံကိန်းတစ်ခုလျှင် ၁၀ ရာခိုင်နှုန်း ရရှိမည်ဖြစ်သည်။ သို့သော် ရေနက်ဆိပ်ကမ်းစီမံကိန်းတွင် ရာခိုင်နှုန်း ၃၀ ပါဝင်မည်ဆိုပါက မြန်မာလုပ်ငန်းရှင်များဘက်မှ ဒေါ်လာ ၁ ဒသမ ၂ ဘီလျံခန့် ရှယ်ယာထည့်ဝင်ရမည်ဖြစ်ပြီး အဆိုပါပမာဏကို အစိုးရနှင့် နီးစပ်သည့် လုပ်ငန်းရှင်များက ထည့်ဝင်နိုင်ခြင်းမရှိဘဲ အစိုးရမှ တာဝန်ခံချေးပေးရန် တောင်းဆိုမှုများ ရှိနေကြောင်း ကျောက်ဖြူဒေသခံကုမ္ပဏီများမှ သိရသည်။

အိန္ဒိယသမုဒ္ဒရာကို မျက်နှာမူထားသော ကျောက်ဖြူရေနက်ဆိပ်ကမ်းနှင့် အထူးစီးပွား ရေးဇုန်တည်ဆောက်ရေးစီမံကိန်းသည် ဒေါ်လာ ၁၀ ဘီလျံနီးပါး ကုန်ကျမည်ဖြစ်ပြီး တရုတ်နိုင်ငံထံမှ ငွေချေးငှားရမည့် အရေးကိစ္စအပေါ် မြန်မာနိုင်ငံဘက်က စိုးရိမ်မှုများဖြစ်ပေါ်နေခြင်းဖြစ်သည်။

 

သီရိလင်္ကာသို့ ကိုယ်ကျိုးမဖက်သည့် ချေးငွေများပိုမိုပေးမည်ဟု တရုတ်က ကတိပြု

ဇွန် ၂၁ ရက်တွင် ကိုလံဘို၌ တရုတ်ငွေကြေးထောက်ပံ့သော စီမံကိန်းတစ်ခု၏ ဆောက်လုပ်ရေးလုပ်ငန်းခွင်အား တွေ့ရစဉ် (Ref: AFP)

 

တရုတ်သည် ၎င်း၏ အလွန်တရာကြီးမားလှသော Belt and Road အခြေခံအဆောက်အအုံ စီမံကိန်းခေါင်းစဉ်ဖြင့် သီရိလင်္ကာနိုင်ငံသို့ ချေးငွေများအပါအ၀င် ဘဏ္ဍာရေး အကူအညီများ ဆက်လက်ပေးသွားမည် ဖြစ်ကြောင်း ဇူလိုင် ၅ ရက်က ကတိပြုခဲ့သည်။ သီရိလင်္ကာကျွန်းနိုင်ငံ၏ အလွန်များပြားလှသည့် ချေးငွေများနှင့် ပတ်သက်ပြီး အများက သတိပေးနေကြသည့်ကြားမှ တရုတ် ၏ ကတိပြုမှု ထွက်ပေါ်လာခြင်းဖြစ်သည်။

အနောက်နိုင်ငံမီဒီယာများတွင် ရေးသားကြသည့် အကြွေးထောင်ချောက် ဆင်သည်ဟုပြောကြားချက်များကို ကိုလံဘိုရှိ တရုတ်သံရုံးက ပယ်ချခဲ့ပြီး သီရိလင်္ကာကျွန်းပေါ်မှ တရုတ်၏ စီမံကိန်းများအတွင်း ခြစားမှု ရှိသည်ဟူသည့် စွပ်စွဲမှုများကိုလည်း ငြင်းဆန်ခဲ့သည်။

သီရိလင်္ကာ၌ တရုတ်၏ ရင်းနှီးမြှုပ်နှံမှု ချေးငွေအစုစုသည် ဒေါ်လာ ၅ ဒသမ ၅  ဘီလျံရှိသည်ဟု သံရုံးထုတ်ပြန်ချက်ထဲတွင် ဖော်ပြခဲ့သည်။ ထိုပမာဏသည် သီရိလင်္ကာ အစိုးရ၏ စုစုပေါင်းပြင်ပချေးငွေ ဒေါ်လာ ၅၁ ဒသမ ၈၂ ဘီလျံ၏ ဆယ်ပုံတစ်ပုံဝန်းကျင် ရှိနေသည်။ အခြားမည်သည့် စီမံကိန်းများ အား ထောက်ပံ့ရန် ကြံရွယ်နေကြောင်းကိုမူ မထုတ်ဖော်ခဲ့ပေ။

“သီရိလင်္ကာနိုင်ငံ ဖွံ့ဖြိုးရေးအတွက် အလွန်ကိုလိုအပ်တဲ့ ရန်ပုံငွေတွေအပါအ၀င် တရုတ်ဟာ ကိုယ်ကျိုးမဖက်တဲ့ ထောက်ပံ့မှု တွေကို ဆက်ပြီးလုပ်ဆောင်သွားမှာဖြစ်ပါတယ်” ဟု ထုတ်ပြန်ချက်တွင် ဖော်ပြခဲ့သည်။

“အကြွေးထောင်ချောက်ဆိုတဲ့ အနောက်တိုင်းမီဒီယာတွေ ဖန်တီးခဲ့တဲ့ စကားလုံးဟာ မှားယွင်းတဲ့ကိစ္စပါ။ တရုတ်နဲ့ ဖွံ့ဖြိုးဆဲနိုင်ငံတွေရဲ့(သီရိလင်္ကာအပါအ၀င်) ပူးတွဲလုပ်ဆောင်ချက်တွေကို ပိတ်ပင်ဖို့တိုက် ရိုက်ကြိုးပမ်းမှုတစ်ခုဖြစ်ပါတယ်” ဟု လည်း ဖော်ပြခဲ့သည်။

သီရိလင်္ကာသည် ကမ္ဘာပေါ်တွင် အစည်ကားဆုံးရေလမ်းကြောင်းများထဲမှ တစ်ခု ပေါ်၌ရှိသော ဆိပ်ကမ်းသစ်ကြီးအား တည်ဆောက်ခဲ့သည့် ဒေါ်လာ ၁ ဒသမ ၄ ဘီလျံ တန်ဖိုးရှိသောစီမံကိန်းအတွက် တရုတ်၏ အကြွေးများကို ပြန်မပေးနိုင်သောကြောင့် ပြီးခဲ့သည့်နှစ်ကပင် ဟမ်ဘန်တိုတာဆိပ်ကမ်းသစ်ကြီးအား တရုတ်သို့ ၉၉ နှစ်ကြာ အငှားချထားလိုက်ရသည်။

အာရှတစ်လွှားမှ အခြေခံအဆောက်အအုံ စီမံကိန်းများအား ရန်ပုံငွေထောက်ပံ့ရန် တရုတ်သမ္မတရှီကျင်ပင်းက လက်မှတ်ထိုးပေးလိုက်သော ဒေါ်လာ တစ်ထရီလျံတန်ဖိုးရှိ စီမံကိန်းနှင့်ပတ်သက်၍ အိန္ဒိယနှင့် အနောက်နိုင်ငံတို့၏ စိုးရိမ်မှုများကို ဟမ်ဘန်တိုတာ ဆိပ်ကမ်းကိစ္စက ပိုမိုမြင့်တက်စေခဲ့သည်။

သီရိလင်္ကာအစိုးရသည် တရုတ်ထံသို့ ပိုင်ဆိုင်မှုများအား ပိုမိုလွှဲပြောင်းပေးရနိုင်သည်ဟု အပြည်ပြည်ဆိုင်ရာငွေကြေးရန်ပုံငွေအဖွဲ့ (IMF) ကလည်း သတိပေးထားသည်။ IMF သည် ၂၀၁၆ ခုနှစ် ဇွန်ကပင် သီရိလင်္ကာသို့ ဒေါ်လာ ၁ ဒသမ ၅ ဘီလျံ ချေးခဲ့သေးသည်။

သမ္မတဟောင်း မဟင်ဒါရာဂျာပက်ဆာသည် မအောင်မြင်ခဲ့သော ၂၀၁၅ ခုနှစ်က ရွေးကောက်ပွဲ မဲဆွယ်စည်းရုံးမှုများအတွက် ဟမ်ဘန်တိုတာဆိပ်ကမ်းအား တည်ဆောက်ခဲ့သည့် တရုတ်ကုမ္ပဏီထံမှ ဒေါ်လာသန်းပေါင်း ရရှိခဲ့သည့်ဟု ဇွန်လ ကပင် နယူးယောက်တိုင်းမ်သတင်းထဲတွင် ဖော်ပြခဲ့သည်။

မြန်မာ-တရုတ် စီးပွားရေးစင်္ကြံ တည်ဆောက်နိုင်ရေး ယခုနှစ်အတွင်း လက်မှတ်ရေးထိုးမည်

ရန်ကုန်မြို့ရှိ ဆိပ်ကမ်းတစ်ခုကို တွေ့ရစဉ်

မြန်မာနိုင်ငံ၌ ပင်လယ်ထွက်ပေါက်ရှိသည့် နေရာတိုင်းတွင် တရုတ်နိုင်ငံ၏ OBOR စီမံကိန်းအောက်တွင် Corridor အဖြစ် ပါဝင်လာမည်ဖြစ်ပြီး မြန်မာ-တရုတ် စီးပွားရေး  စင်္ကြံစီမံကိန်းတည်ဆောက်နိုင်ရေးအတွက် လက်ရှိအချိန်တွင် နှစ်နိုင်ငံညှိနှိုင်းနေဆဲဖြစ်ပြီး ၂၀၁၈ ခုနှစ်အတွင်း လက်မှတ်ရေးထိုးမည်ဖြစ်ကြောင်း မြန်မာနိုင်ငံ ရင်းနှီးမြှုပ်နှံမှုကော် မရှင်မှ သိရသည်။

“ရက်တော့မသတ်မှတ်ရသေးဘူး။ ညှိနှိုင်းနေဆဲ ဖြစ်ပါတယ်။ ၂၀၁၈ အတွင်းတော့ ဖြစ်မှာပါ” ဟု ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန ညွှန်ကြားရေးမှူးချုပ် ဦးအောင်နိုင်ဦးက ပြောကြားသည်။

တရုတ်-မြန်မာ စီးပွားရေးစင်္ကြံစီမံကိန်းအတွက် မြန်မာ-တရုတ် နှစ်နိုင်ငံအကြား လုပ်ငန်းကော်မတီများ အပြန်အလှန်ဖွဲ့စည်း ဆောင်ရွက်ရန် ပြင်ဆင်နေပြီ ဖြစ်သည်။

မြန်မာနိုင်ငံ၌ ပင်လယ်ထွက်ပေါက်ရှိနေသည့် နေရာတိုင်းတွင် တရုတ်နိုင်ငံ၏ OBOR (Belt & Road) စီမံကိန်းအောက်တွင် Corridor အဖြစ် ပါဝင်လာမည်ဖြစ်ပြီး တရုတ်-မြန်မာ စီးပွားရေးပူးပေါင်းဆောင်ရွက်မှု စင်္ကြံနားလည်မှုစာချွန်လွှာအတွက် ၂၀၁၈ ခုနှစ် မေ ၁၄ ရက်က အပြီးသတ် ဆွေးနွေးခဲ့ခြင်းဖြစ်သည်။

တရုတ်-မြန်မာ စီးပွားရေးစင်္ကြံအကောင်အထည်ဖော်ဆောင်နိုင်ရေးအတွက် တရုတ်-  မြန်မာ စီးပွားရေးစင်္ကြံတစ်လျှောက် အကောင်အထည်ဖော်လိုသည့် စီမံကိန်းများနှင့် စပ်လျဉ်း၍ ဦးစားပေးအဆင့်သတ်မှတ်ရန် ပြီးခဲ့သည့်ဧပြီလအတွင်းက ညှိနှိုင်းဆွေးနွေးခဲ့ကြသည်။

တရုတ်-မြန်မာ စီးပွားရေးစင်္ကြံစီမံကိန်း အတွင်းရှိ အခြေခံအဆောက်အအုံ၊ စက်မှုဇုန်များ၊ မြို့ပြစီမံကိန်းများ၊ စိုက်ပျိုးရေးဇုန်များ စသည်ဖြင့် ကဏ္ဍများတည်ဆောက်ရာ၌ ပြည်တွင်းပြည်ပ ရင်းနှီးမြှုပ်နှံမှုများ ဖိတ်ခေါ်ဆောင်ရွက်မည်ဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ သိရသည်။

အဆိုပါစီးပွားရေးစင်္ကြံစီမံကိန်းသည် OBOR စီမံကိန်း၏ အဓိကအစိတ်အပိုင်းတစ်ခုဖြစ်ကြောင်း သိရသည်။

“ခြုံပြောရရင် တရုတ်နိုင်ငံက မြန်မာနယ်နိမိတ်ကစပြီး ရန်ကုန်အထိ စင်္ကြံတွေ ဆောက်ဖို့ရှိတယ်။ အဲဒီအထဲမှာ ကဏ္ဍတွေ အများကြီးပါတယ်။ စီးပွားရေးစင်္ကြံလို့ ပြောတဲ့အတွက်ကြောင့်သူက လမ်းသက်သက် အခြေခံအဆောက်အအုံသက်သက် မဟုတ်ဘူး။ အဲဒီမှာ စင်္ကြံနဲ့ဆက်စပ်ပြီး မြို့ပြတွေ ပေါ်လာတာရှိမယ်။ စိုက်ပျိုးရေးဇုန်တွေ ပေါ်လာတာရှိမယ်။ စက်မှုဇုန်တွေ ပေါ်လာတာ ရှိမယ်။ နောက်ပြီးအိုင်တီနဲ့ပတ်သက်တဲ့ လုပ်ငန်းတွေ ပေါ်လာတာရှိမယ်။ ကုန်သွယ်မှုနဲ့ ဆက်စပ်ပြီး Logistics ပေါ့။ ထောက်ပံ့ပို့ဆောင်ရေးဆိုင်ရာ အခြေခံအဆောက်အအုံတွေ ပေါ်လာတာရှိမယ်။ နယ်စပ်ကုန်သွယ်ရေးနဲ့ ပတ်သက်တာတွေ ခရီးသွားကဏ္ဍနဲ့ ပတ်သက်တာတွေ ပါလာတာရှိမယ်။ ခြုံပြောရရင်တော့ OBOR ရဲ့ခေါင်းစဉ်အောက်ထဲမှာ တရုတ်-မြန်မာ စီးပွားရေးစင်္ကြံ တည်ဆောက်သွားဖို့ရှိတယ်။ အဲဒီကို ပြီးခဲ့တဲ့လမှာ ပြည်ထောင်စုဝန်ကြီးဦးဆောင်ပြီး သွားပါတယ်။ နှစ်နိုင်ငံနှစ်ဖက်ညှိနှိုင်းတာ အားလုံးပြီးပြတ်တဲ့အဆင့်ပေါ့။ လက်မှတ်ထိုးတဲ့ အဆင့်ကိုတော့ မရောက်သေးဘူး။ နှစ်နိုင်ငံအကြီးအကဲတွေ ဆက်လက်ညှိနှိုင်းပြီးတော့မှ အကောင်အထည်ဖော်သွားမှာ ဖြစ်ပါတယ်” ဟု ဦးအောင်နိုင်ဦးက ပြောကြားသည်။

“နံပါတ်တစ် ဒီစင်္ကြံရဲ့အကျိုးဆက်ပေါ့၊ ရထားလမ်းတွေ၊ ကားလမ်းတွေ၊ ဆိပ်ကမ်းတွေ ပေါ်လာမယ်။ လုပ်တဲ့အပိုင်းမှာလည်း တရုတ်ကချည်း အားလုံးလာလုပ်တာ မဟုတ်ပါဘူး။ နိုင်ငံသားတွေလည်း ပါမယ်။ အခြား ရင်းနှီး မြှုပ်နှံမှုတွေကိုလည်း ဖိတ်ခေါ်ပြီးတော့ အားလုံးပူးပေါင်းဆောင်ရွက်သွားမှာ ဖြစ်ပါတယ်”ဟု ၎င်းက ဆက်လက်ပြောကြားသည်။

တရုတ်နိုင်ငံ ယူနန်ပြည်နယ်မှ အစပြု၍ မန္တလေးမြို့သို့ ချဲ့ထွင်ပြီး ရန်ကုန်နှင့်ရခိုင်ရှိ အထူးစီးပွားရေးဇုန်များနှင့် ချိတ်ဆက်မည့် တရုတ်-မြန်မာ စီးပွားရေးစင်္ကြံ ထူထောင်နိုင်ရေးအတွက် လာမည့်နိုဝင်ဘာတွင် MoU ရေးထိုးနိုင်ရန် တရုတ်ကြိုးပမ်း

တရုတ်-မြန်မာနယ်စပ်ရှိ မူဆယ်နယ်စပ် ကုန်သွယ်ရေးစခန်း တစ်နေရာကို တွေ့ရစဉ် (ဓာတ်ပုံ-ထွန်းနေလှိုင်)

တရုတ်နိုင်ငံ ယူနန်ပြည်နယ်မှအစပြု ၍မန္တလေးမြို့သို့ ချဲ့ထွင်ကာ ရန်ကုန်နှင့် ရခိုင်ရှိ အထူးစီးပွားရေးဇုန်များနှင့် ချိတ်ဆက်မည့် တရုတ်-မြန်မာ စီးပွားရေးစင်္ကြံ ထူထောင်ရေးအတွက် လာမည့်နိုဝင်ဘာတွင် MoU နားလည်မှုစာချွန်လွှာ ရေးထိုးနိုင်ရန် တရုတ်အစိုးရ ကြိုတင်စီစဉ်နေကြောင်း မြန်မာဘာသာဖြင့် ထုတ်ဝေသည့် တရုတ်အခြေစိုက် သတင်းစာ ပေါက်ဖော် သတင်းဌာန၏ ဖော်ပြချက်အရ သိရသည်။

တရုတ်ခေါင်းဆောင်များမှ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သို့ တင်သွင်းထားသော တရုတ်-မြန်မာ စီးပွားရေးစင်္ကြံလမ်းနှင့် ပတ်သက်၍ နှစ်နိုင်ငံအစိုးရက သဘောတူညီပြီးဖြစ်ကာ အဆိုပါစီမံကိန်းဆိုင်ရာ ဆွေးနွေးပွဲတစ်ခုကို မေ ၂၈ ရက်က ရန်ကုန်မြို့ Lotte Hotel တွင် ပြုလုပ်ခဲ့ပြီးဖြစ်သည်။

ယင်းဆွေးနွေးပွဲတွင် စီးပွားရေး ဖွံ့ဖြိုးတိုးတက်မှု၊ ငြိမ်းချမ်းရေးနှင့် သဘာဝပတ်ဝန်းကျင် ထိန်းသိမ်းရေးတို့အပြင် ဆက်သွယ်ရေး၊ စွမ်းအင်နှင့် နှစ်ဖက်ပြည်သူလူထု ဆက်ဆံရေးဆိုင်ရာ ခေါင်းစဉ်များကို ဆွေးနွေးခဲ့ကြသည်။

“မြန်မာနိုင်ငံအနေနဲ့ ရင်ဆိုင်နေရတဲ့ ရေရှည်စိန်ခေါ်မှုကြီး နှစ်ခုက ရာသီဥတု ပြောင်းလဲလာခြင်းနဲ့ အိမ်နီးချင်း တရုတ်နိုင်ငံ အင်အားကြီးလာခြင်းတို့ ဖြစ်ပါတယ်။ ပထမတစ်ခုက မကောင်းပေမယ့် ကျန်တစ်ခုက အခွင့်အလမ်းတစ်ခု ဖြစ်ပါတယ်။ တရုတ်နိုင်ငံနဲ့ ဆက်ဆံရေးကို အလေးထား စီမံခန့်ခွဲတာဟာ အလွန်အရေးကြီးရုံသာမက မြန်မာနိုင်ငံအတွက် အလှည့်အပြောင်း ဖြစ်စေမယ့် ကစားကွက်တစ်ခု ဖြစ်လာနိုင်ပါတယ်။ စစ်တုရင်ကစားပွဲမှာ အနိုင်ရမယ့် အကွက်တစ်ခု ဖြစ်ပါတယ်။ တခြားပြဿနာတွေအတွက် ဖြေရှင်းချက်တွေ ရှာတွေ့နိုင်မယ့် အခွင့်အရေးတစ်ခု ဖြစ်ပါတယ်။ မြန်မာနိုင်ငံအနေနဲ့ နည်းမှန်လမ်းမှန် ဆောင်ရွက်ဖို့ပဲ လိုပါတယ်” ဟု ဦးသန့်မြင့်ဦးက အဆိုပါ ဆွေးနွေးပွဲတွင် ပြောကြားသည်။

၂၀၁၇ ခုနှစ်နှောင်းပိုင်းတွင် တရုတ်နိုင်ငံခြားရေးဝန်ကြီး ၀မ်ယီက နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံခြားရေးဝန်ကြီး ဒေါ်အောင်ဆန်းစုကြည်နှင့် တွေ့ဆုံစဉ်က တရုတ် -မြန်မာ စီးပွားရေးစင်္ကြံလမ်း အဆိုကို တင်သွင်းခဲ့ခြင်း ဖြစ်သည်။ ၎င်းစင်္ကြံလမ်းသည် တရုတ်နိုင်ငံ ယူနန်ပြည်နယ်တွင် အစပြု၍ မြန်မာနိုင်ငံ မန္တလေးမြို့ကို တိုးချဲ့ကာ ရန်ကုန်မြို့နှင့် ရခိုင်အထူးစီးပွားရေးဇုန်များသို့ ဆက်သွယ်ထားသည့် မဏ္ဍိုင်သုံးရပ်ပါ ပူးပေါင်းဆောင်ရွက်မှု စီမံကိန်းအဖြစ် ရည်ရွယ်ထားခြင်း ဖြစ်သည်။

၂၀၁၈ ခုနှစ် ဧပြီ ၂ ရက်တွင် ကုန်သည်စက်မှုအသင်းချုပ်၌ ပြုလုပ်သည့် ဒုတိယသမ္မတ (၁) ဦးမြင့်ဆွေ၊ ပြည်ထောင်စု ၀န်ကြီးများနှင့် ပုဂ္ဂလိကကဏ္ဍ ကိုယ်စားလှယ်များ ပုံမှန်တွေ့ဆုံပွဲတွင် တရုတ်-မြန်မာ စီးပွားရေးစင်္ကြံလမ်း စီမံကိန်းတွင် အတူတကွ ရင်းနှီးမြှုပ်နှံလိုသော လုပ်ငန်းရှင်များကို ဖိတ်ခေါ်ထားကြောင်း သိရသည်။

တရုတ်-မြန်မာ စီးပွားရေးစင်္ကြံလမ်းသည် တရုတ်အစိုးရက ချမှတ်ထားသော One Belt One Road စီမံကိန်း၏ မြန်မာနိုင်ငံဆိုင်ရာ အဓိကစီမံကိန်း တစ်ခုဖြစ်ပြီး မြို့ပြအိမ်ရာများ၊ စက်မှုဇုန်များ၊ စိုက်ပျိုးရေးဇုန်များ၊ ဆိပ်ကမ်းများ၊ ထောက်ပံ့ပို့ဆောင်ရေးဆိုင်ရာ အခြေခံ အဆောက်အအုံများ၊ အိုင်တီလုပ်ငန်းများ၊ ကုန်သွယ်ရေး အခြေခံကဏ္ဍများ၊ နယ်စပ်ကုန်သွယ်ရေး၊ ခရီးသွားကဏ္ဍ စသည့်ဘက်စုံ စီမံကိန်းများ ပါဝင်မည့် စီးပွားရေးစင်္ကြံလမ်း စီမံကိန်းဖြစ်သည်။

တရုတ်-မြန်မာ စီးပွားစင်္ကြံလမ်း၏ မြန်မာဘက်ခြမ်း စီမံကိန်းများတွင် စက်မှုဥယျာဉ်ဇုန်များ တည်ထောင်ခြင်း၊ ကားလမ်း၊ ရထားလမ်း၊ လေကြောင်း၊ ပိုက်လိုင်းနှင့် အင်တာနက် အခြေခံ အဆောက်အအုံ ကွန်ရက်များ တည်ဆောက်ခြင်း၊ တရုတ်ရွှေလီ၊ ကျန်းဖုန်းမှ မြန်မာဗန်းမော်ဆိပ်ကမ်း ချိတ်ဆက်နိုင်မည့် တရုတ်-မြန်မာ ဧရာဝတီမြစ် ကုန်းကြောင်း  ရေကြောင်း ပူးတွဲပို့ဆောင်ရေး ကားလမ်းမ စီမံကိန်း၊ ရွှေလီ-မန္တလေးကားလမ်း အဆင့်မြှင့်တင်မှု စီမံကိန်း၊ တရုတ်-မြန်မာ စီးပွားရေးစင်္ကြံ၏ ရထားလမ်း၊ အမြန်လမ်း တည်ဆောက်မှုစီမံကိန်း၊ စွမ်းအင်နှင့် ဆက်သွယ်ရေး အခြေခံ အဆောက်အအုံ စီမံကိန်းများ ပါဝင်ကြောင်း ပေါက်ဖော်သတင်းစာ၏ ဖော်ပြချက်အရ သိရသည်။

တရုတ်-မြန်မာ စီးပွားရေး စင်္ကြံလမ်း၏ စီမံကိန်းများကို တရုတ်နိုင်ငံ တစ်နိုင်ငံတည်းက ရင်းနှီးမြှုပ်နှံမှု ပြုလုပ်မည် မဟုတ်ဘဲ မြန်မာနိုင်ငံသားများ၊ နိုင်ငံခြား ရင်းနှီးမြှုပ်နှံမှုများလည်း ပါဝင်နိုင်ကြောင်း မြန်မာအစိုးရ ၀န်ကြီးဌာနမှ အကြီးတန်း တာဝန်ရှိသူများက ပြောကြားထားသည်။

နေပြည်တော်စီမံကိန်းလို နောက်ထပ်အမှားတစ်ခု ဖြစ်လာမှာလား

ဒေါ်လာဘီလျံများစွာ ကုန်ကျခဲ့သည့် နေပြည်တော်စီမံကိန်း တည်ဆောက်ဆဲကာလ ၂၀၀၈ ခုနှစ်မှစတင်၍ မြန်မာ့ GDP ကျဆင်းမှုကို တွေ့ရစဉ် (Infographic by EMG)

၂၀၁၅ ခုနှစ် အထွေထွေ ရွေးကောက်ပွဲအနိုင်ရခဲ့တဲ့ အမျိုးသားဒီမိုကရေစီအဖွဲ့ချုပ်ရဲ့ လွှတ်တော်ကိုယ်စားလှယ် ဦးမင်းသူက နေပြည်တော်မြို့သစ်စီမံကိန်းဟာ နိုင်ငံတော်ဘဏ္ဍာငွေ ကုန်ကျစရိတ် ကြီးမားစွာ ဖြစ်ပေါ်နေတာကြောင့် နေပြည်တော် တည်ဆောက်ရေးစီမံကိန်း (City Plan) စတင်ချိန်ကနေ ၂၀၁၆ ဇန်န၀ါရီ ၁၅ ရက်အထိ ကုန်ကျစရိတ် ဘယ်လောက်ရှိနေပြီလဲလို့ ပြည်ထောင်စုလွှတ်တော်မှာ ဆွေးနွေးမေးမြန်းခဲ့ပါတယ်။ ဒီလို မေးမြန်းခဲ့ပေမယ့် ပထမအကြိမ် ပြည်ထောင်စုလွှတ်တော် သက်တမ်းမှာ အဖြေမရှိခဲ့ပါဘူး။

နေပြည်တော်လို့ ဆိုလိုက်တာနဲ့ ပြည်သူတွေမြင်ကြတာက အာဏာကိုချုပ်ကိုင်ပြီး သက်ဦးဆံပိုင်စနစ်ကို ပြန်သွားချင်တဲ့သူတွေရဲ့ လုပ်ရပ်လို့ မြင်နေကြတာဖြစ်ပြီး ဒီနေ့အထိ နေပြည်တော်ဟာ အလုပ်သဘောကြောင့် သွားလာမှုတွေကလွဲရင် လူမနေတဲ့ မြို့ကြီး (Ghost City) တစ်ခုလိုပါပဲ။

ဗေဒင်ကိန်းခန်းတွေအလိုအရ မင်းနေပြည်တော်တစ်ခုကို တည်ဆောက်ခဲ့ရာမှာ အကျိုးအမြတ်များစွာရခဲ့တဲ့သူတွေကတော့ နေပြည်တော်ကို တာဝန်ခံတည်ဆောက်ခဲ့တဲ့ စစ်အာဏာရှင်လက်ထက်က တပ်မတော်အရာရှိတွေနဲ့ ခရိုနီတွေပါ။

၂၀၀၀ ပြည့်နှစ်နောက်ပိုင်း ၂၀၀၂ ခုနှစ်လောက်မှာ စတင်တည်ဆောက်ခဲ့ပြီး ၂၀၀၅ ခုနှစ် နိုဝင်ဘာ ၆ ရက်မှာ အစိုးရ၀န်ထမ်းတွေကို ကြွေးကြော်သံတွေနဲ့ ပြောင်းရွှေ့စေခဲ့တဲ့ ဒီ ‘တစ္ဆေမြို့တော်စီမံကိန်း’ မှာ ခရိုနီကုမ္ပဏီ ၂၀ ကျော်က အကျိုးအမြတ် ရခဲ့ပါတယ်။ နေပြည်တော် သေမင်းတမန် အမြန်လမ်းမကြီးနဲ့ လူမရှိဘဲ ထိန်ထိန်ညီးနေတဲ့ စက်ရုပ်မြို့တော်တစ်ခုရဲ့ တရားဝင်ကုန်ကျစရိတ်ဟာ ဒီနေ့အထိ မြန်မာနိုင်ငံမှာ တရားဝင်ထုတ်ပြန်တာ မရှိခဲ့ပေမဲ့ လူ့အသက်ပေါင်းများစွာ စတေးခဲ့တဲ့ အမြန်လမ်းတစ်ခုတင် ကျပ် ၉၁၅ ဘီလျံကျော် ကုန်ကျခဲ့တယ်လို့ ဆောက်လုပ်ရေးဝန်ကြီးဌာနက ဖြေဆိုထားပါတယ်။

၃၅၂ မိုင်ကျော် ရှည်လျားတဲ့ အမြန်လမ်းတစ်ခုတည်းကို ကျပ် ၉၁၅ ဘီလျံကျော် ကုန်ကျခဲ့မှုနောက်မှာ ရှစ်လမ်းသွား၊ ၁၂ လမ်းသွား လမ်းမကြီးများစွာနဲ့ ၂၇၂၃ စတုရန်းမိုင် ကျယ်ဝန်းပြီး မြို့နယ်ငါးခု၊ ၀န်ထမ်းအိမ်ရာနဲ့ အဆောင်ပေါင်း ၁၃၀၀ လောက် တည်ဆောက်ခဲ့တဲ့အပြင် လွှတ်တော်အဆောက်အအုံ၊ သမ္မတနဲ့ ၀န်ကြီးအိမ်ရာ၊ တပ်မတော်ဆိုင်ရာ အဆောက်အအုံတွေ အားလုံးအတွက် ဒေါ်လာလေးဘီလျံနဲ့ ငါးဘီလျံအကြားမှာ ကုန်ကျနိုင်တယ်လို့ တွက်ချက်ခဲ့ကြောင်းကို လက်ရှိနိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အထူးစီးပွားရေးအကြံပေး Mr. Sean Turnell က The New York Times က ၂၀၀၈ ခုနှစ်မှာ ရေးသားခဲ့တဲ့ “Built to Order: Myanmar’s New Capital Isolates and Insulates Junta” ဆောင်းပါးမှာ ဖော်ပြခဲ့ပါတယ်။ နေပြည်တော် မြို့သစ်စီမံကိန်းအတွက် ဒေါ်လာ လေးဘီလျံနဲ့ ငါးဘီလျံအကြားမှာ ကုန်ကျနိုင်တယ်လို့ Sean Turnell က တွက်ချက်ခဲ့ပေမဲ့ ၂၀၁၂ ခုနှစ်လောက်မှ အပြီးသတ်နိုင်ခဲ့တဲ့ ဒီနေပြည်တော်ကြီးရဲ့ ကုန်ကျစရိတ်ဟာ ဒေါ်လာ ၁၀ ဘီလျံနဲ့အထက် ရှိနိုင်တယ်လို့ ခရိုနီဆောက်လုပ်ရေး လုပ်ငန်းရှင်တွေနဲ့ နီးစပ်တဲ့ အသိုင်းအ၀ိုင်းက ခန့်မှန်းသုံးသပ်ကြပါတယ်။

စစ်ရေးအရဗျူဟာမြောက် နေရာလို့လည်း သုံးသပ်ကြတဲ့ ဒီအုပ်ချုပ်ရေးမြို့တော်ဟာ ၂၀၀၂ ခုနှစ်လောက်ကနေ ၂၀၀၅ ခုနှစ်အတွင်း တက်သုတ်ရိုက် တည်ဆောက်ခဲ့တာ ပြောင်းရွှေ့ခဲ့တာရဲ့ နောက်ကွယ်မှာ မြန်မာ့စီးပွားရေးအတွက် အချက်အချာကျတဲ့ အဓိကစီးပွားရေးမြို့တော်က လုပ်ငန်းရှင်တွေ၊ ကုမ္ပဏီတွေများစွာကို အခက်အခဲများစွာ ဖြစ်စေခဲ့ပါတယ်။ နိုင်ငံခြားရင်းနှီးမြှုပ်နှံမှုတွေများစွာနဲ့ ပြည်တွင်းလုပ်ငန်းရှင်တွေများစွာဟာ ကုမ္ပဏီလုပ်ငန်းတွေ အဆင်ပြေချောမွေ့စွာ လုပ်ဆောင်နိုင်ရေးအတွက် သရဲမြို့တော်ကြီးဆီကို အချိန်ကုန် ငွေကုန်ခံပြီး သွားရောက်လုပ်ကိုင်ရမှုတွေနဲ့အတူ ၂၀၀၈ ခုနှစ်မှာဖြစ်ခဲ့တဲ့ “နာဂစ်” ဂယက်တွေအောက်မှာ မြန်မာ့ GDP ဟာ ထက်ဝက်ကျော် ထိုးဆင်းသွားခဲ့ပါတယ်။

ကုန်ဈေးနှုန်း မြင့်တက်မှုကနေ စခဲ့တဲ့ ၂၀၀၇ ခုနှစ် ရွှေဝါရောင် အရေးအခင်း၊ ၂၀၀၈ ခုနှစ် ဖွဲ့စည်းပုံ အခြေခံဥပဒေ အတည်ပြုမှုဂယက်တွေ ပါဝင်နိုင်တယ်ဆိုပေမဲ့ တကယ်တမ်းမှာ သဘာဝဓာတ်ငွေ့၊ သဘာဝသယံဇာတက ရငွေတွေအားလုံးကို နေပြည်တော်မြို့သစ်ကြီးဆီမှာ ပုံအောသုံးလိုက်ပြီး လာဘ်စားမှုတွေ၊ အကျင့်ပျက်မှုတွေကို စိစစ်နိုင်မှုမရှိဘဲ လက်တစ်ဆုပ်စာကုမ္ပဏီ ၂၀ ကျော်နဲ့ အချိန်တိုအတွင်း မြို့သစ်ကြီး တည်ဆောက်ခဲ့မှုမှာ မြန်မာ့စီးပွားရေး ကျဆင်းမှုကို ဦးတည်ခဲ့ပါတယ်။

ဒီနေရာမှာ စစ်အစိုးရက နေပြည်တော်မြို့တော်ကြီးကို ဘယ်လိုပုံစံနဲ့ တည်ခဲ့တယ်ဆိုတာ မေးစရာ ရှိပါတယ်။ ၂၀၁၂ ခုနှစ် ဧပြီ ၁ ရက် မတိုင်ခင်အထိ မြန်မာနိုင်ငံရဲ့ တရားဝင်ငွေလဲနှုန်းက တစ်ဒေါ်လာကို ခြောက်ကျပ်အောက်မှာပဲ ရှိပါတယ်။ ဒီလိုတရားဝင်ငွေလဲနှုန်းက ခြောက်ကျပ်အောက်မှာ ဆိုပေမဲ့ ပြင်ပဈေးကွက်မှာ တစ်ဒေါ်လာ ၁၀၀၀ ကျော်ပါ။ သယံဇာတရောင်းရငွေတွေကို နိုင်ငံ့ဘဏ္ဍာဆီ တစ်ဒေါ်လာခြောက်ကျပ်နဲ့ထည့်ပြီး တစ်ထောင်ကျော် အိတ်ထဲထည့်နေတဲ့ စစ်အာဏာရှင် အသိုင်းအ၀ိုင်းဟာ ငွေမည်းတွေနဲ့ နေပြည်တော်ကို တည်ဆောက်ခဲ့တာဖြစ်ပြီး လက်ရှိအချိန်မှာ ရန်ကုန်မြို့သစ်ကို တည်ဆောက်မည့် NLD အစိုးရက ဘယ်လိုငွေနဲ့ မြို့သစ်တည်မှာလဲလို့ မေးခွန်းထုတ်မှုတွေ ရှိလာပါတယ်။

“နေပြည်တော်ကြီး တည်တာက အခု ရန်ကုန်မြို့သစ်ကြီးတည်တာနဲ့ မတူဘူး။ မတူဘူးဆိုတာက နေပြည်တော်တည်တဲ့အချိန်တုန်းက တစ်ဒေါ်လာကို တရားဝင်ဈေးနှုန်းက ငါးကျပ်ခွဲကျော်ကျော်နဲ့ ခြောက်ကျပ်ကြားပဲ သွားနေတာ။ ပြင်ပဈေးနှုန်းက တစ်ထောင်ကျော်နဲ့ နှစ်ထောင်ကြား သွားနေတယ်။ အဲဒီတော့ ငွေလဲနှုန်းက တစ်ဒေါ်လာတစ်ထောင်ကျော် ပျောက်နေတယ်။ အဲဒီတုန်းက ဘတ်ဂျက်တွက်တဲ့အချိန်မှာ တရားဝင်ငွေလဲနှုန်းနဲ့ တွက်တယ်။ ဥပမာ Gas ရောင်းရတယ်။ Gas ရောင်းရငွေက ဒေါ်လာ ၂ ဒသမ ၅ ဘီလျံလောက်က စရောင်းရတယ်။ ဒေါ်လာ ၂ ဒသမ ၅ ဘီလျံကို ၀င်ငွေအနေနဲ့ ပြတဲ့အခါကျတော့ ကျပ်ဘီလျံ ၁၃၀၀၀ လောက်ပဲပြတယ်။ ပြပြီး လိုငွေပြတယ်။ ဒီလိုလုပ်နေတော့ တစ်ဒေါ်လာတိုင်း တစ်ဒေါ်လာတိုင်းမှာ ကျပ် ၁၀၀၀ ကျော်က ငွေမည်းဖြစ်သွားတယ်။ ငွေမည်းဖြစ်သွားတယ် ဆိုတာက ကျပ်ငွေတွေက ငွေမည်းဖြစ်သွားတာမဟုတ်ဘဲ ဒေါ်လာတွေက ငွေမည်း ဖြစ်သွားတာ။ ဒေါ်လာတွေဝင်လာတာ အများကြီး။ အဲဒီဝင်လာတဲ့ ဒေါ်လာတွေကို အပုံ ၁၀၀၀ ပုံ တစ်ပုံလောက်ပဲ ပြပြီးတော့ ကျန်တာတွေကို နေပြည်တော် တည်ပစ်လိုက်တာ။ အဲဒါက ဘယ်လိုပဲပြောပြော ခုသာခံသာသေးတယ်။ အခုဟာက ငွေဖြူငွေမည်း ပြဿနာက မရှိတော့ဘူး။ ဘယ်က အချောင်ရတဲ့ငွေရှိလဲ။ အဲဒီတုန်းက အချောင်ရတဲ့ငွေရှိလို့ မြို့သစ်လုပ်လိုက်စမ်းဆိုပြီး ထလုပ်တာ။ နောက်တစ်ခါ ကျောက်စိမ်း။ သူက တစ်နှစ်ကို ဒေါ်လာ ၃၁ ဘီလျံဝင်ငွေ ရှိတယ်။ အဲဒီမှာ သက်သေပြလို့ ရတာက ၂၀၁၄ ခုနှစ်။ အဲဒီနှစ်မှာ တရားဝင်စာရင်းပြတာ နိုင်ငံတော်က ဒေါ်လာ ၁ ဒသမ ၁ ဘီလျံ ရှိတယ်လို့ စာရင်းပြတယ်။ တကယ်တမ်းကျ ၃၁ ဘီလျံရှိတယ်။ ၃၀ ပုံ တစ်ပုံပဲ ၀င်ငွေပြပြီး ၂၉ ပုံက ပျောက်သွားတယ်။ ပျောက်သွားတာတွေက Black Money တွေဖြစ်သွားပြီး ဆိုင်ရာပိုင်ရာလူတွေကနေ နိုင်ငံခြားကိုသွားပြီး ဘဏ်အကောင့်တွေ ဖွင့်ကြတယ်။ အဲဒီလိုငွေတွေနဲ့ ဆောက်တာ။ ၂၀၁၄ တုန်းကတော့ ပေါ်ခဲ့လို့ စာရင်းသိရတာ။ အရင်တုန်းက သိခဲ့ရတာမရှိဘူး။ ဆိုလိုတာက အဲဒီလို ငွေမည်းတွေနဲ့ နေပြည်တော်ကြီးတည်ခဲ့တာ။ GDP ရော Per Capita Income ရော Trade Balance ရော အကုန်လုံး လျော့သွားတယ်။ အ၀င်မှမပြတာ။ အခုကျ ဘာ Black Money မှ မရှိဘူး။ ဘာလုပ်ဖို့ နေပြည်တော်ကြီးတည်မလဲ။ နေပြည်တော်ရယ်လဲမဟုတ်။ ဒီလိုမြို့သစ်ကြီး တည်ရအောင် ဘယ်လောက်ချမ်းသာနေလို့လဲ။ ဘီလျံပေါင်းများစွာ အကုန်ခံပြီး လုပ်ရလောက်အောင် ချမ်းသာနေတာ မဟုတ်ဘူးလေ။ ဘယ်က ငွေရလို့လဲ။ ၀င်ငွေမရှိဘဲနဲ့ ၀န်ထမ်းတွေလည်း လစာတိုးပေးထားတယ်။ ဘယ်ကငွေနဲ့လဲ။ ငွေတွေ Black Money တွေမရှိဘဲ သဘာဝကျကျ တိုးချဲ့ရမယ့်အစား ဘီလျံများစွာ အကုန်ခံပြီး မလုပ်သင့်ဘူးလို့ မြင်တယ်” လို့ မဆလခေတ် ဒုတိယ၀န်ကြီးရဲ့ PSO တာဝန်အပြင် မြန်မာနိုင်ငံရဲ့ စီးပွားရေးမူဝါဒရေးဆွဲရာမှာ ပါဝင်ဖူးပြီး လက်ရှိအချိန်မှာ စီးပွားရေးပညာရှင်အဖြစ် ရပ်တည်နေတဲ့ ဦးလှမောင်က သုံးသပ်ပါတယ်။

ရန်ကုန်မြို့သစ်ဟာ အခုအချိန်မှာ လုံးဝကို တည်ဆောက်သင့်တဲ့အချိန် မဟုတ်ပါဘူး။ တရုတ်နိုင်ငံအားကိုးနဲ့ တည်ဆောက်မယ် ဆိုရင်တော့ တည်ဆောက်သူတွေရဲ့ သမိုင်းအမှားနဲ့ မြန်မာ့စီးပွားရေးကို ထပ်ပြီးဆွဲချမယ့်အဖြစ်ကို ရင်ဆိုင်ရပါလိမ့်မယ်။

တရုတ်နဲ့ ရန်ကုန်မြို့သစ် ဘယ်လိုဆက်စပ်သလဲ

တရုတ်နိုင်ငံရဲ့ OBOR (One Belts & One Road) စီမံကိန်းနဲ့ ချိတ်ဆက်နေပြီး တရုတ်အစိုးရက ရှယ်ယာအများစုပိုင်ထားတဲ့ CCCC (China Communications Construction Company) ကို Pre Design Tender Document ကို ရေးဆွဲဖို့ လုပ်ဆောင်နေပြီ ဖြစ်ပါတယ်။

ငွေဖြူငွေမည်းပြဿနာ၊ မြေလက်ဝါးကြီးအုပ်မှု ပြဿနာတွေနဲ့ တရုတ်နိုင်ငံသားတွေ ပါဝင်ချုပ်ကိုင်ထားပြီး မြေလက်ဦးမှုရယူထားတယ်ဆိုတဲ့ သတင်းဆိုးများစွာနဲ့ ရန်ကုန်မြို့သစ်စီမံကိန်းကို ပြည်သူအများစုက နှစ်လိုမှုမရှိကြပါဘူး။ ဒီလိုနှစ်လိုမှုမရှိတဲ့အပြင် အရင်အစိုးရတုန်းက အတည်ပြုခဲ့လို့ ဆက်လုပ်နေတာပါဆိုတဲ့ အခြေအနေဟာလည်း ပိုကောင်းမယ်ထင်လို့ ပြည်သူက ရွေးကောက်တင်မြှောက်ထားတဲ့ ရန်ကုန်တိုင်းဒေသကြီး အစိုးရအဖွဲ့ရဲ့ ဆင်ခြေဖြစ်နေတာကိုလည်း စိတ်မကောင်းစွာ မြင်နေရတာဟာ တိုင်းပြည်အတွက်တော့ ရင်နာစရာပါ။

အရင်အစိုးရလက်ထက်တုန်းက လုပ်ခဲ့တဲ့ OBOR စီမံကိန်းဟာ ဒေါ်အောင်ဆန်းစုကြည်ရဲ့ တရုတ်ခရီးစဉ်အပြီးမှာ နှစ်နိုင်ငံကတိက၀တ်တွေကနေ မန္တလေးကို ဗဟိုပြုပြီး ရန်ကုန်မြို့သစ်နဲ့ ကျောက်ဖြူကို ချိတ်ဆက်မယ့် တရုတ်-မြန်မာ စီးပွားရေးပူးပေါင်း ဆောင်ရွက်မှုစင်္ကြံဆိုပြီး ပေါ်ထွက်လာခဲ့ပါတယ်။ ဒီလို ပေါ်ထွက်လာတဲ့ အခြေအနေမှာ ရန်ကုန်မြို့သစ်စီမံကိန်းက ထွက်လာခဲ့တာပါ။

မြန်မာနိုင်ငံက ပင်လယ်ထွက်ပေါက်ရှိနေတဲ့ နေရာတိုင်းဟာ တရုတ်နိုင်ငံရဲ့ OBOR (Belt & Road Initiative) စီမံကိန်းအောက်မှာ Corridor အဖြစ် ပါဝင်လာမယ်လို့ မြန်မာနိုင်ငံရင်းနှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးက ပြောကြားမှုတွေရဲ့ နောက်ကွယ်မှာ ပင်လယ်ထွက်ပေါက်နေရာတစ်ခု အနေနဲ့ အားသာချက်ရှိတဲ့ ရန်ကုန်မြို့သစ်စီမံကိန်းနေရာဟာ CCCC နဲ့ တရုတ်အစိုးရအတွက် မက်လုံးအဖြစ် မြန်မာ့စီးပွားရေး အချက်အခြာဗဟိုက ပင်လယ်ထွက်ပေါက်နေရာဖြစ်တဲ့ ရန်ကုန်မြို့ကို မဟာဗျုဟာအရ အုပ်စီးမိရေးပဲ ဖြစ်ပါလိမ့်မယ်။

ဒီနေရာမှာ အားလုံးက ကြောက်ရွံ့နေတာကတော့ သီရိလင်္ကာက ဟန်ဘန်တိုတာဆိပ်ကမ်းကို တရုတ်က ထိန်းချုပ်ပြီး ဒီဆိပ်ကမ်းက အကျိုးအမြတ် မဖြစ်တာကြောင့် တရုတ်ကို ထိုးအပ်လိုက်ရတဲ့ဖြစ်စဉ်အပြင် တခြားစက်မှုဇုန်တွေ လုပ်ငန်းတွေကိုပါ ခွင့်ပြုပေးလိုက်ရတဲ့ ဖြစ်စဉ်မျိုးကိုပါ။

ဖြတ်သွားဖြတ်လာနည်းလှသည့် နေပြည်တော်လမ်းပိုင်း တစ်နေရာကို တွေ့ရစဉ် (ဓာတ်ပုံ-နေရိုင်း)

ရန်ကုန်တိုင်းဒေသကြီးလွှတ်တော်ကလည်း လက်မခံဘူး

ရန်ကုန်တိုင်းဒေသကြီးအစိုးရ အဖွဲ့က လွှတ်တော်ကို တင်ပြလာမှု မရှိဘဲ စီမံကိန်းတွေ လုပ်ဆောင်နေတာ၊ စီးပွားရေးလုပ်ငန်းရှင်တွေလောက်တောင် ပြည်သူရွေးကောက် တင်မြှောက်ထားတဲ့ လွှတ်တော်ကိုယ်စားလှယ်တွေက တိုင်းဒေသကြီးအစိုးရလုပ်နေတဲ့ စီမံကိန်းတွေကို သိရှိမှုမရှိ ဖြစ်နေတာတွေကြောင့် ရန်ကုန်မြို့သစ်စီမံကိန်းဟာ ကန့်ကွက်ခံရမှုတွေမှာ ထိပ်ဆုံးက ရှိနေပါတယ်။

ဒါ့ကြောင့် ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ရန်ကုန်တိုင်းဒေသကြီးအစိုးရလုပ်နေတဲ့ စီမံကိန်းတွေ အားလုံးဟာ လွှတ်တော်ရဲ့ အတည်ပြုချက်တစ်ခုမှ မပါဘဲ လုပ်နေတာလို့ မှတ်ချက်ပြုခဲ့သလို လတ်တလောမှာ ဆိုရင်လည်း ရန်ကုန်မြို့သစ်စီမံကိန်းမှာ ပါဝင်တဲ့ ပြည်တွင်းပြည်ပ ရင်းနှီးမြှုပ်နှံမှုဖြင့် မြို့ပြဖွံ့ဖြိုးရေးဆိုင်ရာ လုပ်ငန်းစီမံကိန်းအစီရင်ခံစာကို လွှတ်တော်ကိုယ်စားလှယ်တွေက ဝေဖန်ကန့်ကွက်မှုတွေ ရှိနေပါတယ်။

“ဒီရန်ကုန်တိုင်းဒေသကြီးအတွင်းမှာ ပြည်တွင်းပြည်ပ ရင်းနှီးမြှုပ်နှံမှုနဲ့ မြို့ပြဖွံ့ဖြိုးရေးဆိုင်ရာ လုပ်ငန်းစီမံကိန်း အစီရင်ခံစာနဲ့ ပတ်သက်ပြီးတော့ ကျွန်မမူအားဖြင့်လည်း ဆွေးနွေးသွားပါမယ်။ ကျွန်မ ပထမဆုံး အနေနဲ့ကတော့ အခုနက ကိုနေဘုန်းလတ်က လွှတ်တော်ရဲ့ အခန်းကဏ္ဍကို ကျယ်ကျယ်ပြန့်ပြန့် ဆွေးနွေးသွားပြီဖြစ်တဲ့အတွက် ကျွန်မကတော့ မူအားအဖြစ်နဲ့ လက်ရှိဖြစ်ပျက်နေတဲ့ ကျွန်မတို့နိုင်ငံရဲ့ စီးပွားရေး အခြေအနေအရနဲ့ပဲ နှိုင်းယှဉ်ပြီးတော့ ဆွေးနွေးသွားပါ့မယ်။ ပထမဆုံးအချက်အနေနဲ့ တင်ပြလိုတာကတော့ ရန်ကုန်မြို့ပြဖွံ့ဖြိုးရေး မဟာဗျူဟာစီမံကိန်း ၂၀၄၀ ဆိုတာက JICA,KOICA,AFD ဆိုတဲ့ အဖွဲ့အစည်းတွေက ကာလတို၊ ကာလလတ်၊ ကာလရှည်စီမံကိန်းတွေ ဆိုပြီးတော့ နှစ်အလိုက် ရည်မှန်းချက်နဲ့ လုပ်ငန်းစဉ်တွေ ချမှတ်ရေးဆွဲခဲ့တာ ဖြစ်ပါတယ်။ သို့သော်လည်း ဒီစီမံကိန်းတွေကို ပြီးခဲ့တဲ့လွှတ်တော်မှာ စာအုပ်ကြီးတစ်အုပ်အနေနဲ့ ထားပေးခဲ့တာပါ။ ဒီစီမံကိန်းတွေကို မလွဲမသေ လုပ်ဆောင်ရမယ်။ ဒီစီမံကိန်းတွေမှာ ပါဝင်တဲ့ခေါင်းစဉ်တွေအတိုင်း လုပ်ဆောင်ရမယ်လို့ JICA တို့ကလည်း ဆိုခဲ့တာ မဟုတ်ပါဘူး။ ဒါပေမဲ့လည်း ပြီးခဲ့တဲ့လွှတ်တော်မှာ စာအုပ်ကြီးတစ်အုပ်ကို ပေးခဲ့ပါတယ်။ ပေးခဲ့ပြီးတော့ ဒီစာအုပ်ကို သိရုံ၊ တင်ပြရုံပဲ လွှတ်တော်ကိုတင်ပြခဲ့တာပါ။ လွှတ်တော်ကိုယ်စားလှယ်များကလည်း ဒီထဲမှာ ပါဝင်တဲ့ ခေါင်းစဉ်တွေအားလုံးကို အတည်ပြုခဲ့ခြင်း မရှိဘူးဆိုတာ မှတ်တမ်းအနေနဲ့ ရှိခဲ့ပါတယ်။ အဲဒီလိုပါပဲ ကျွန်မတို့ ဒုတိယအကြိမ်သက်တမ်း လွှတ်တော်သက်တမ်းရောက်လာတဲ့ အချိန်မှာလည်း ဒီစာအုပ်ကြီးထဲမှာ ပါနေတဲ့ ဒီခေါင်းစဉ်တွေကိုပဲ ကျွန်မတို့တွေကို စီမံကိန်းဆိုပြီးတော့ စာအုပ်ကြီးပြပြီးတော့ အတည်ပြုခိုင်းတယ် ဆိုတာဟာ ကျွန်မတို့ ဘယ်လိုနည်းနဲ့မှ ဥပဒေကြောင်းအရ မညီညွတ်ဘူးဆိုတာကို ပထမဆုံး တင်ပြလိုပါတယ်။ ယခုတင်ပြထားတဲ့ ဒီစီမံကိန်းတွေမှာ အခြေခံ အဆောက်အအုံဖွံ့ဖြိုးမှု စီမံကိန်းဆိုတာဟာ နှစ်ခုပဲပါလာတာ တွေ့ရတယ်။ ကျန်တဲ့အဆောက်အအုံတွေ အားလုံးဟာ အိမ်ရာဆောက်လုပ်မှု ဖွံ့ဖြိုးမှုစီမံကိန်းတွေဟာ အများဆုံး ဖြစ်နေတယ်လို့ဆိုတာလည်း တွေ့ရပါတယ်။ ဒါတွေဟာ Trading ကို အခြေခံတဲ့ စီမံကိန်းတွေ ဖြစ်ပါတယ်။ အမှန်တကယ် တိုင်းပြည်ရဲ့ စီးပွားရေးကို တိုးတက်စေမယ့် Manufacturing ကို တိုးတက်ဖို့ ကုန်ထုတ်လုပ်မှုကို တိုးတက်ဖို့ မဟုတ်ဘူးဆိုတာကိုလည်း စီမံဘဏ္ဍာဝန်ကြီးက ဒီလိုစီမံကိန်းမျိုးတွေ ရှိနေသမျှ ကျွန်မတို့တိုင်းပြည် မတိုးတက်နိုင်ပါဘူးဆိုတာကို မကြာခင်ကပဲ တင်ပြသွားတာ ရှိပါတယ်။ ကျွန်မတို့နိုင်ငံရဲ့ စီးပွားရေးကျဆင်းနေချိန်မှာ ကျွန်မတို့ Real Estate Development တွေကို Urban Development လုပ်သယောင်ယောင်ပုံစံနဲ့ Real Estate Development တွေ လုပ်နေတာဟာ ကျွန်မတို့ ပေါ်လစီမှားနေတယ်လို့ ပြောချင်ပါတယ်။ ဒီလို Real Estate Development တွေ လုပ်ခြင်းအားဖြင့် ကျွန်မတို့က သူတို့ဆောက်လုပ်ရေးလုပ်ငန်းတွေအတွက် Import တွေ Substitution တွေ အများကြီးလုပ်ရမယ်။ အဲဒီအတွက် ကျွန်မတို့ ကုန်သွယ်မှုလိုငွေတွေ အများကြီး ဖြစ်လာနိုင်ပါတယ်။ ဒါဟာ ကာလတိုမှာ စီးပွားရေးတက်သယောင်ယောင်လုပ်တဲ့ စီမံကိန်းတွေပဲ ဖြစ်ပါတယ်။ အမှန်တကယ် တိုင်းဒေသကြီးအဆင့်အနေနဲ့ လုပ်ပေးရမှာက အခြေခံအဆောက်အအုံဖြစ်တဲ့ Infrastructure တွေကို တိုးတက်အောင် လုပ်ဆောင်ပေးရမှာပဲ ဖြစ်ပါတယ်။ ကျွန်မတို့ ပြီးခဲ့တဲ့ ၂၀၁၇-၂၀၁၈ ဘဏ္ဍာနှစ်ရဲ့ ဒေသန္တရစီမံကိန်းမှာ ဖော်ပြထားတာက စွမ်းဆောင်မှု ဖွံ့ဖြိုးတိုးတက်မှုစီမံကိန်း ၂၅ ခု ပြုလုပ်ရန်ဆိုပြီး စာအုပ်အနီနဲ့ ကျွန်မတို့ကို ဝေထားပြီးတော့ တင်ပြထားတာလည်း ရှိပါတယ်။ စာအုပ်အနီမှာ တင်ပြထားတာက စက်မှုဇုန် အဟောင်း ၂၉ ခုကို အသစ်ပြန်လည် ဖော်ဆောင်ပြီးတော့ အဆင်မြှင့်တင်ရန်လို့ ပြောထားပေမဲ့ တကယ်တမ်းကျတော့ အခု ကျွန်မတို့ကို စာအုပ်ပေးပြီး အတည်ပြုခိုင်းနေတာက စက်မှုဇုန်အဟောင်းတွေ မပါဘဲနဲ့ စက်မှုဇုန်အသစ်တွေကို အတည်ပြုခိုင်းတာ ဖြစ်နေပါတယ်။ စက်မှုဇုန်အသစ်တွေ လုပ်ခိုင်းတယ် ဆိုတာကလည်း သဘာဝကျပါတယ်။ စက်မှုဇုန်အဟောင်းတွေက မြေဈေးကစားမှုတွေကြောင့် ရင်းနှီးမြှုပ်နှံမှုတွေ လုပ်မယ့်သူတွေ မလာဘူး။ ဒီအတွက် မြေကွက်တွေ မရောင်းရဘူး။ ဒါကြောင့်မို့လို့ စက်မှုဇုန်အသစ်တွေ ဖော်ဆောင်ပြီးတော့ စက်မှုဇုန်အင်္ဂါရပ်နဲ့ညီတဲ့ စက်မှုဇုန် အသစ်တွေ ပြန်လည်ဖော်ဆောင် ပေးချင်တာကတော့ မူအားဖြင့် မှန်ကန်တယ်လို့ ပြောနိုင်ပေမဲ့ ဒါဟာ လက်တွေ့သိပ်မကျဘူးလို့ ပြောချင်ပါတယ်” လို့ ရန်ကုန်တိုင်းဒေသကြီး လွှတ်တော်ဘဏ္ဍာရေး၊ စီမံကိန်းနဲ့ စီးပွားရေးကော်မတီဥက္ကဋ္ဌ ဒေါ်စန္ဒာမင်းက ဝေဖန်ခဲ့ပါတယ်။

ဒါ့အပြင် တိုင်းဒေသကြီးအစိုးရဘက်က တင်သွင်းလာတဲ့ စီမံကိန်းတွေဟာ ပြည့်စုံမှုမရှိတာကြောင့် လွှတ်တော်က အတည်မပြုတာဖြစ်ပြီး ဒီလိုအတည်မပြုဘဲထားတဲ့ စီမံကိန်းတွေကို အစိုးရက အတင်းအဓမ္မ လုပ်ဆောင်နေရင် လွှတ်တော်နဲ့ အစိုးရဂုဏ်သိက္ခာ ကျဆင်းနိုင်တယ်လို့ ဒေါ်စန္ဒာမင်းက ဝေဖန်ပါတယ်။

ဒါ့အပြင် အစိုးရကလုပ်တဲ့ စီမံကိန်းတွေဟာ ဥပဒေနဲ့အညီဖြစ်ဖို့အတွက် လိုအပ်ပြီး ရန်ကုန်တိုင်းဒေသကြီးအစိုးရအဖွဲ့ဟာ ဥပဒေနဲ့အညီလုပ်တဲ့ အစိုးရဖြစ်စေချင်တယ်လို့ ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက “ပြည်သူ့အသံ၊ လွှတ်တော်အသံ၊ ပြည်သူ့ဆန္ဒ၊ လွှတ်တော်ဆန္ဒ၊ ပြည်သူတွေရဲ့ မျှော်လင့်ချက် လွှတ်တော်က ဖော်ဆောင်ရွက်။ ပြည်သူတွေ ဘာတွေမျှော်လင့်နေလဲ။ ဒါတွေကို ကျွန်တော်တို့ လေ့လာဖို့ လိုပါတယ်။ ဒါက စီမံကိန်းတွေကို ကန့်ကွက်နေတာ မဟုတ်ဘူး။ စီမံကိန်းတွေကို စီမံချက်ကောင်းကောင်းနဲ့ ရန်ကုန်တိုင်းဒေသကြီးအစိုးရအဖွဲ့က အကောင်အထည်ဖော်နိုင်အောင် ကျွန်တော်တို့က ဆွေးနွေးနေတာပါ။ ဒါကြောင့်မို့လို့ ကျွန်တော်တို့ တင်မြောက်လိုက်တဲ့ ရန်ကုန်တိုင်းဒေသကြီးအစိုးရအဖွဲ့ဟာ ဥပဒေနဲ့အညီ လုပ်ဆောင်သော အစိုးရဖြစ်စေချင်ပါတယ်။ ငါ့မြင်းငါစိုင်း၊ စစ်ကိုင်းရောက်ရောက်ဆိုပြီးလုပ်တဲ့ အနေအထား မဖြစ်သင့်ပါဘူး။ ငါ့မြင်းမဟုတ်ပါဘူး။ ပြည်သူတွေရဲ့ မြင်းပါ။ ပြည်သူတွေရဲ့သဘောကျ စီးနိုင်မှကောင်းမှာပါ” လို့ ပြောပါတယ်။

အလုပ်အကိုင်အခွင့်အလမ်း နှစ်သန်းလား၊ ကျူးနှစ်သန်းတိုးမယ့် စီမံကိန်းလား

၁၉၈၈ ခုနှစ်နောက်ပိုင်းမှာ န၀တအစိုးရက မြို့သစ်ခုနစ်မြို့တည်ပြီး ကျူးကျော်တွေကို ရှင်းလင်းခဲ့ပါတယ်။ ၁၉၉၆ ခုနှစ်နောက်ပိုင်းမှာ ကျူးကျော်တွေကို နေရာချထားပေးမှု မရှိတော့ပေမယ့် ၁၉၉၆ ကနေ ၂၀၀၅ ခုနှစ်အထိ ကျူးကျော်အိမ်ရာတွေ သိသိသာသာ တိုးပွားခဲ့တာ မတွေ့ခဲ့ရဘူးလို့ မြို့ပြပညာရှင်တစ်ဦးဖြစ်တဲ့ မြင့်မိုရ်ဆွေရဲ့ “ကျူးကျော်အိမ်ရာ ဖြေရှင်းရာဖွေရှာ နည်းလမ်းသစ်” ဆောင်းပါးမှာ ဖော်ပြခဲ့ပါတယ်။ ကျူးကျော်တွေဟာ နာဂစ်ဖြစ်ပြီး ၂၀၀၈ နောက်ပိုင်းမှာ ပိုများလာပြီးတော့ ဦးသိန်းစိန်အစိုးရ စတင်တာဝန်ယူခဲ့တဲ့ ၂၀၁၁ နောက်ပိုင်းမှာ စံချိန်တင်အများဆုံးရှိလာခဲ့ပြီး ၂၀၀၅ ခုနှစ်ကနေ ၂၀၁၅ ခုနှစ် အတွင်းမှာ ကျူးကျော်ထောင်ဂဏန်းကနေ သိန်းဂဏန်းဆီ ရောက်လာခဲ့ပါတယ်။ ၁၉၉၀ ပြည့်နှစ်တွေကနေ ၂၀၁၅ ခုနှစ်အတွင်း ကျူးကျော်ငါးဆတိုးလာတယ်လို့ မြို့ပြပညာရှင်တွေက သုံးသပ်ကြပြီး ဦးဖြိုးမင်းသိန်းတို့ ကောက်ယူထားတဲ့ နောက်ဆုံးစာရင်းတွေအရ ရန်ကုန်မြို့မှာ ကျူးကျော်အိမ်ခြေပေါင်း ၁၁၀၀၀၀ ကျော်၊ အိမ်ထောင်စုပေါင်း ၁၅၀၀၀၀ ကျော်နဲ့ လူဦးရေ ၄၅၀၀၀၀ ခန့် ရှိနေပါတယ်။

ဒီလိုကျူးကျော်တွေ တိုးပွားလာမှုအပေါ် မြို့ပြပညာရှင် မြင့်မိုရ်ဆွေက “ပြောင်းသုံးပြောင်းကြောင့်လို့ အမည်တပ်ခဲ့ပြီး ပထမပြောင်းက ‘ရန်ကုန်ကနေ နေပြည်တော်ကို အစိုးရရုံးတွေပြောင်းရွှေ့မှုကြောင့် နေပြည်တော်ရဲ့ ဖွံ့ဖြိုးမှုပဲ အာရုံစိုက်ခဲ့တာကြောင့်” လို့ သုံးသပ်ခဲ့ပြီး ဒုတိယကိုတော့ “အာဏာရှင်စနစ်ကနေ ဒီမိုကရေစီစနစ်ဆီ ပြောင်းလဲမှု” လို့ သုံးသပ်ခဲ့ပြီး တတိယကိုတော့ “မြို့သစ်တွေ၊ စက်မှုဇုန်တွေရဲ့ မြေစီမံခန့်ခွဲမှုတွေကို မြို့/အိုးဦးစီးဌာနကနေ ရန်ကုန်စည်ပင်ကို လွှဲပေးလိုက်တဲ့ အလွှဲအပြောင်းကြားမှာ သူလိုလို ကိုယ်လိုလိုနဲ့ ဌာနနှစ်ခု အပြောင်းအလဲကြား မြေစီမံခန့်ခွဲမှု အားနည်းခဲ့တယ်” လို့ သုံးသပ်ခဲ့ပါတယ်။

၁၉၅၈ မှာ တစ်ကြိမ်၊ ၁၉၈၈ နောက်ပိုင်းမှာ တစ်ကြိမ် စုပုံလာတဲ့ ကျုးတွေကို ရှင်းထုတ်ပြီးတဲ့နောက်မှာ စုပုံလာပြန်တဲ့ ကျုးတွေအတွက် NLD အစိုးရဆီကို ရောက်လာခဲ့ပြီး ကျုးကျော်တွေအတွက် အိမ်ရာဖန်တီးပေးမယ်ဆိုတဲ့ ကတိတွေနဲ့ စာရင်းကောက်ယူမှုတွေ ရှိလာခဲ့ပြီး ရန်ကုန်တိုင်းဒေသကြီးဝန်ကြီးချုပ်ရဲ့ ပထမဆုံးပေးခဲ့တဲ့ ကတိလည်း ဖြစ်ပါတယ်။ ဒါပေမဲ့ ဒီနေ့အချိန်အထိ အောင်မြင်မှုမရှိသေးပါဘူး။ ကျုးကျော်တွေအတွက် တိုက်ခန်းတွေ ပေးမယ်ဆိုတာကြောင့် နှစ်နှစ်အတွင်းမှာ ပိုမိုတိုးပွားလာတဲ့ ကျုးကျော်တွေလည်း ရှိနေပြန်ပါတယ်။ အဲဒါကြောင့်လည်း ဦးဖြိုးမင်းသိန်းတို့က ကျူးကျော်အရေအတွက် သုံးသိန်းလောက်ပဲရှိမယ် ခန့်မှန်းထားခဲ့ပေမဲ့ လက်တွေ့မှာ လေးသိန်းကျော် ဖြစ်ခဲ့ပါတယ်။ ရန်ကုန်တိုင်းအတွင်းက ကျူးကျော်တွေအတွက် နေရာချထားမှုကို ၂၀၁၇ ခုနှစ် အောက်တိုဘာမှာ စတင်မယ်လို့ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ပြောကြားခဲ့ပေမဲ့ လက်ရှိအချိန်အထိ ဖြစ်မလာသေးပါဘူး။

ဒီလိုအခြေအနေ ဖြစ်နေချိန်မှာ ရန်ကုန်မြို့သစ်စီမံကိန်းဟာ အလုပ်အကိုင် အခွင့်အလမ်းနှစ်သန်းကို ဖန်တီးပေးမယ်လို့ ရန်ကုန်တိုင်း အစိုးရတာဝန်ရှိသူတွေနဲ့ NYDC ရဲ့ CEO ဦးသိမ်းဝေတို့က ကြွေးကြော်ကြပါတယ်။

ဒီလိုကြွေးကျော်ပေမဲ့ လက်တွေ့မှာ ကြွေးကြော်သလိုဖြစ်ဖို့ အလွန်ခဲယဉ်းပါတယ်။ မြန်မာနိုင်ငံမှာ Skill Labour လုံးဝကို မရှိသလောက်လို့ ပြောလို့ရတဲ့အခြေအနေမို့လို့ တရုတ် CCCC ကုမ္ပဏီက သူခေါ်လာတဲ့ သူ့လုပ်သားတွေနဲ့ တည်ဆောက်သွားတာမျိုး၊ မြို့သစ်စီမံကိန်းမှာ ပါဝင်ခွင့်ရတဲ့ ပြည်ပကုမ္ပဏီတွေက သူ့နိုင်ငံသားတွေ ခေါ်လာတာမျိုးပဲ ဖြစ်လာမှာဖြစ်ပြီးတော့ အလုပ်အကိုင် အခွင့်အလမ်းနှစ်သန်းဆိုတာ မြန်မာနိုင်ငံသားတွေအတွက် ဖြစ်လာမယ့် အခြေအနေမှာ မရှိပါဘူး။ ပိုဆိုးတာက နိုင်ငံတစ်ဝန်းမှာ အလုပ်လက်မဲ့ အခြေအနေတွေကြောင့် ရန်ကုန်မြို့သစ် စီမံကိန်းကြီးစနေပြီဆိုတာနဲ့ အနယ်နယ်အရပ်ရပ်က ရွှေ့ပြောင်းလုပ်သားသိန်းနဲ့ချီပြီး ရန်ကုန်ဆီ ရောက်လာပါလိမ့်မယ်။ ရွှေ့ပြောင်းလုပ်သားတွေရဲ့ သဘော သဘာဝဟာ ငွေကြေးအခက်အခဲကြောင့် နေစရာ၊ သွားစရာ အခက်မကြုံအောင် စီမံကိန်းပတ်လည်မှာပဲ အဆင်ပြေသလိုနေကြမှာဖြစ်လို့ ရန်ကုန်မြို့သစ်စီမံကိန်းပတ်လည်မှာ ကျုးကျော်တွေ ပိုများလာပြီး ဒုတိယလှိုင်သာယာ ဖြစ်လာပါလိမ့်မယ်။

Skill Labour မရှိလို့ တိုင်းပြည်အတွက် အလုပ်အကိုင် အခွင့်အလမ်းနှစ်သန်း ဖန်တီးပေးမယ်ဆိုတာက အိပ်မက်စိတ်ကူးပဲ ဖြစ်လာမှာဖြစ်ပြီး လက်ရှိကျူးတွေနဲ့ အရင်ကျူးတွေပေါင်းပြီး သူဌေးတွေအတွက် ရန်ကုန်မြို့သစ်ကြီးဟာ ကျူးတွေနှိမ်နင်းနေရတာ၊ နေရာပေးနေရတာနဲ့ပဲ ရှေ့မဆက်နိုင်ဘဲ ကျူးနှစ်သန်းတိုးမယ့် စီမံကိန်းဖြစ်သွားနိုင်ပါတယ်။

“ကျူးကျော်တွေကို မြန်မာနိုင်ငံမှာရော တစ်ကမ္ဘာလုံးမှာပါ ရှင်းလင်းကြတယ်။ ဒါပေမဲ့ မအောင်မြင်ဘူး။ ဘာဖြစ်လို့လဲဆိုတော့ ကျူးကျော်တွေဆိုတာက သူတို့ရဲ့အလုပ်အကိုင် အခွင့်အလမ်းရှိတဲ့နေရာမှာ သွားနေကြတယ်။ လှိုင်သာယာ စက်မှုဇုန်မှာနေတဲ့သူ တစ်ယောက်ကို မြောက်ဒဂုံမှာ သွားထားရင် သူက ကားခနဲ့တင်ကို သူ့ဝင်ငွေထက်ဝက်လောက် ကုန်သွားမယ်။ ဘယ်လိုမှ မဖြစ်နိုင်ဘူး။ အဲဒီတော့ သူတို့က လှိုင်သာယာစက်မှုဇုန်နားမှာပဲ သွားနေကြတယ်။ အဲဒီလိုပဲ တောင်ဒဂုံ၊ မြောက်ဒဂုံစက်မှုဇုန်တွေမှာ အလုပ်လုပ်တဲ့သူတွေကလည်း အဲဒီနားမှာပဲ သွားနေတယ်။ ဆေးရုံနဲ့ပတ်သက်ပြီး ရှင်သန်နေကြတဲ့သူတွေကလည်း ဆေးရုံနားပတ်ဝန်းကျင်မှာပဲ မရရအောင် နေတယ်။ ဈေးကို မှီခိုပြီးနေတဲ့သူတွေကလည်း ဈေးနားမှာပဲ မရရအောင်နေရတယ်။ အဲဒီအခြေခံ အချက်တွေ မစဉ်းစားနိုင်ဘဲနဲ့ ကျူးကျော်တွေကို Upgrade လုပ်ပေးလိုက်မယ်။ အိမ်ရာလုပ်ပေးလိုက်မယ် ဆိုတာမျိုးနဲ့ မရဘူး” လို့ ရန်ကုန်မြို့သစ် စီမံကိန်းမှာပါဝင်တဲ့ ပညာရှင်တစ်ဦးဖြစ်တဲ့ Modular Architects Firm ရဲ့ MD ဦးခိုင်ဝင်းလတ်က Next for Yangon ဆွေးနွေးပွဲမှာ ပြောပါတယ်။

ရန်ကုန်မြို့ မြို့နယ်တစ်ခုအတွင်းရှိ ကျူးကျော်မိသားစုများ၏ မြင်ကွင်း (ဓာတ်ပုံ-ကျော်ဇင်ဖြိုး)

နှစ်နှစ်အတွင်း စီမံကိန်းမှန်သမျှ အောင်မြင်ခဲ့လား

စီးပွားဖြစ်သင်္ကြန်ကို ပြောင်းလဲမယ်ဆိုပြီး ကြွေးကြော်မှုနဲ့ စတက်လာခဲ့ပေမဲ့ နှစ်နှစ်အကြာမှာ စီးပွားဖြစ်သင်္ကြန်ကို ပြန်ခွင့်ပြုခဲ့ရတဲ့ ရန်ကုန်တိုင်းဒေသကြီးအစိုးရအဖွဲ့ဟာ ဘာလုပ်လုပ်အောင်မြင်အောင် လက်စသတ် မလုပ်နိုင်ဘူးဆိုတဲ့ နာမည်တွေနဲ့ နာမည်ကျော်ပါတယ်။

ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းရဲ့ အထပ်မြင့် အဆောက်အအုံတွေ ရပ်ဆိုင်းလိုက်မှုဟာ NLD အစိုးရလက်ထက် နှစ်နှစ်ကျော်အထိ စီးပွားရေးကျဆင်းမှုတွေရဲ့ ဇာတ်ကောင်အဖြစ် သုံးသပ်ခံနေရသလို ကမ်းနားလမ်းညဈေးဟာလည်း မအောင်မမြင်နဲ့ ပြောင်းလဲနိုင်မှု နည်းပါးခဲ့ပြီး ဘီလျံပေါင်းများစွာ ကုန်ကျမှုတွေပဲ အဖတ်တင်ခဲ့ပါတယ်။

သုံးရက်နဲ့ ပြောင်းလဲနိုင်ခဲ့တယ်ဆိုတဲ့ YBS စီမံကိန်းဟာ လိုအပ်ချက်များစွာရှိနေပြီး ညဦးပိုင်းပြန်ချိန်အခက်အခဲ၊ ငွေအကြွေပြဿနာတွေနဲ့ပါ။ စီးနင်းသူမရှိသလောက် ဖြစ်နေပြီး အပျော်စီးနင်းသူတွေပဲ စီးနေကြတဲ့ Water Taxi၊ နောက်ဖေးလမ်းကြား စီမံကိန်းတွေရဲ့ မအောင်မြင်မှု၊ ယာဉ်ကြောပိတ်ဆို့မှု မလျှော့ချနိုင်တာတွေနဲ့ တစ်ချိန်လုံးပြောနေခဲ့တဲ့ မီးပွိုင့်စနစ်ကို အသက်မသွင်းနိုင်မှုစတဲ့ အခြေအနေတွေဟာ အစမှာ မကောင်းခဲ့သလို အဆုံးသတ်မှာလည်း ဝေဖန်ခံရမှုတွေ အပြည့်နဲ့ပါ။ အခုအချိန်အထိလည်း မအောင်မြင်ပါဘူး။ ဒါ့အပြင် ရန်ကုန်တိုင်းဒေသကြီးအတွင်း ဒုစရိုက်သမားတွေအတွက် နေရာမရှိစေရဘူးဆိုတဲ့ ကျုံးဝါးသံဟာလည်း ရန်ကုန်ဟာ ဘေးကင်းလုံခြုံမှုမရှိဆုံးမြို့တွေထဲမှာ ဒုတိယလိုက်မှုနဲ့ အဆုံးသတ်ခဲ့ရတာပါ။

အဆိုးဆုံးကတော့ ပြည်သူတွေအတွက် မက်လုံးပေးခဲ့တဲ့ ရန်ကုန်တိုင်းဒေသကြီးအစိုးရ စတက်လာကတည်းက လုပ်ဆောင်ပေးမယ်ဆိုတဲ့ ကျူးကျော်အိမ်ရာစီမံကိန်းပါ။ ရန်ကုန်တိုင်းဒေသကြီးအစိုးရအဖွဲ့ဟာ ဒီစီမံကိန်းကို ပြောထားတဲ့အတိုင်း လုပ်ဆောင်မပေးနိုင်ဘဲ ပြည်သူကိုပေးထားတဲ့ ကတိပျက်နေပါတယ်။ ချမ်းသာသူတိုင်း မာစီဒီးစီးရဖို့ထက် မရှိဆင်းရဲသားတိုင်း ကျောတစ်ခင်းစာရဖို့နဲ့ ထမင်း၀၀စားနိုင်ဖို့ ပိုအရေးကြီးပါတယ်။

လက်ရှိ ရန်ကုန်မြို့သစ် တည်ဆောက်မယ့်ပုံစံကို ကြည့်မယ်ဆိုရင် CCCC က မြို့သစ်နဲ့ ပတ်သက်တဲ့ စီမံကိန်းအကြို အဆိုပြုလွှာရေးမယ်။ ဒီဟာကို ပြည်သူတွေဆီ ချပြမယ်။ အဲဒီ စီမံကိန်းအကြို အဆိုပြုလွှာထက် ပိုကောင်းအောင်လုပ်နိုင်သူ မည်သူမဆိုပါ ၀င်ယှဉ်ပြိုင်လို့ ရတယ်ဆိုတဲ့ ပုံစံဖြစ်သလို လက်ရှိရန်ကုန်တိုင်းဒေသကြီးအစိုးရအဖွဲ့နဲ့ ကုမ္ပဏီတည်ထောင်ထားတဲ့ ဆောက်လုပ်ရေးလုပ်ငန်းရှင်တွေက ပါဝင်တည်ဆောက်မှုတွေ လုပ်ကိုင်မယ်ဆိုတဲ့ အခြေအနေမျိုးပါ။ တိုင်းပြည်မှာ ကျပ်တည်းနေလို့ ဆောက်လုပ်ရေးလုပ်ငန်းတွေ ပြိုနေပါပြီလို့အော်နေတဲ့ ဆောက်လုပ်ရေးလုပ်ငန်းရှင်တွေက ဘယ်ကငွေနဲ့ ဒီလုပ်ငန်းတွေမှာ ၀င်ရောက် လုပ်ကိုင်မလဲဆိုတာ စိတ်ဝင်စားစရာပါ။

“PPP ဆိုတာက Public Private Partnership လုပ်တာ။ Private က ဘယ်ကငွေရလို့လဲ။ အခုက ခရိုနီလည်း မရှိတော့ဘူး။ ဆောက်လုပ်ရေးလုပ်ငန်းရှင်တွေပဲ ရှိတယ်။ အဲဒီလုပ်ငန်းရှင်တွေက ဘယ်ကငွေရလို့ PPP ပြောပြောနေတာလဲ။ Private တွေက ဘယ်ကငွေရလို့ Public အစိုးရကိုကူပြီး Partnership လုပ်ပြီးတော့ မြို့တော်ကြီး တည်ဆောက်မှာလဲ။ ဒီပြည်တွင်း လှည့်လည်ငွေထဲကပဲ ဘယ်ဘက်အိတ်ထဲကနေ ညာဘက်အိတ် ပြောင်းရတာ။ ငွေက တိုးလာတာမှ မဟုတ်ဘဲ။ အကယ်၍ နိုင်ငံခြားက ကုမ္ပဏီကြီးတွေက Invest လုပ်ရင်တော့ မဆိုးဘူးပေါ့။ ဒါပေမဲ့ Loan ကို မချေးနဲ့။ နောင်လာနောင်သားတွေ သားစဉ်မြေးဆက် ဆပ်နေရမယ်” လို့ ဦးလှမောင်က ဆက်လက်ပြောပါတယ်။

မြေပေးမယ်။ တံတားနဲ့လဲမယ်ဆိုတဲ့ အတွေးမျိုးဟာ လုံးဝမဖြစ်သင့်သလို လက်ရှိ ရန်ကုန်ဟာ နေရာအနှံ့မှာ မြေလွတ်မြေလပ် အများကြီးရှိနေတာကြောင့်မို့လို့ လက်ရှိ လူဦးရေရဲ့ နှစ်ဆတက်လာရင်ကို မြို့သစ်ချဲ့စရာမလိုပါဘူး။ ဥပမာအားဖြင့် လက်ရှိ ရန်ကုန်လူဦးရေ သိပ်သည်းဆဟာ တစ်စတုရန်း ကီလိုမီတာမှာ ၄၅၉၈ ဦးရှိပြီးတော့ ဘန်ကောက်ဟာ ၉၅၁၀ ဦး ရှိပါတယ်။ လူဦးရေ သိပ်သည်းဆမြင့်ပြီးတော့ Mega City အဆင့်ရောက်နေတဲ့ ဘန်ကောက်တောင် မြို့သစ်မချဲ့သေးချိန်မှာ ရန်ကုန်က အိုးကမပူ စလောင်းပူပြီး မြို့သစ်ချဲ့ချင်နေတာဟာ မှားယွင်းမှုပါ။ ဒါ့အပြင် ဘယ်သူတွေခန့်မှန်းမသိတဲ့ ဦးသိမ်းဝေကို NYDC CEO အဖြစ် မြို့သစ်စီမံကိန်းကို ပုံအပ်လိုက်မှု၊ တင်ဒါမခေါ်ဘဲ CCCC ကို ရန်ကုန်မြို့သစ် စီမံကိန်းအတွက် ပုံအပ်လိုက်မှု၊ ဘယ်အချိန်က တင်ဒါခေါ်မှန်း မသိလိုက်ဘဲ နယ်သာလန်အခြေစိုက် Royal Haskoning DHV ကို ရန်ကုန်မြို့သစ်စီမံကိန်းအတွက် ရေလွှမ်းမိုးမှု ဖြစ်နိုင်ခြေ စိစစ်အကဲဖြတ်ချက် ပြုလုပ်ဖို့အကြံပေးအဖြစ် ရွေးချယ်လိုက်မှုတွေကလည်း ဆိုးရွားပါတယ်။ နောက်ထက် ဘယ်လောက်အထိ ပြည်သူနဲ့ လွှတ်တော်ကို ချမပြဘဲ လုပ်နေတဲ့စီမံကိန်းတွေ ဘယ်လောက်အထိ ရှိနေလဲမသိရတာက ပိုဆိုးပါတယ်။

ပြည်ထောင်စုလွှတ်တော်က တာဝန်ခံအတည်ပြုရမယ့် ရန်ကုန်မြို့သစ်

လက်ရှိတည်ဆောက်မယ့် ရန်ကုန်မြို့သစ်စီမံကိန်းနေရာဟာ လှိုင်သာယာအောက်ဘက်ဖြစ်ပြီး Sea Level အောက် ၁၀ ပေလောက် ရောက်နေတာကြောင့် အစိုးရအဆက်ဆက် မြို့သစ်တည်ဆောက်တဲ့အချိန်မှာ ချန်ခဲ့တဲ့နေရာ ဖြစ်ပါတယ်။

ဒီလိုနေရာကို မြို့သစ်တည်မယ်ဆိုရင် မြေဖို့ရမှာက Sea Level အထက်ရောက်ဖို့အတွက်ဆိုရင် အနည်းဆုံး ပေ ၃၀ လောက်မြင့်အောင် မြေဖို့ရမှာဖြစ်လို့ ပထမအဆင့်မှာတင် ကုန်ကျစရိတ် များပြားလွန်းပါတယ်။

ဖို့ထားတဲ့မြေ အသားသေဖို့ စောင့်ရမယ့်အချိန်၊ ဖို့မြေရဲ့ ကြံ့ခိုင်မှု အခြေအနေနဲ့ မြို့သစ်မှာ တည်ဆောက်လာမယ့် အဆောက်အအုံတွေရဲ့ ဖိအားဟာ ငလျင်ဒဏ်ကို ကြောက်ရွံ့ရမယ့် အခြေအနေလည်း ဖြစ်နေပြန်ပါတယ်။ ဒီလိုအခြေအနေမှာ ဒီရန်ကုန်မြို့သစ်နေရာရဲ့ တစ်ခုတည်းသော မက်လုံးဟာ ပင်လယ်ထွက်ပေါက်နေရာတစ်ခုပဲ ဖြစ်နေပါတယ်။ ဒီလို ပင်လယ်ထွက်ပေါက်နေရာဆိုတာလေးတစ်ခုကလည်း ရေစူးအခြေအနေကြောင့် များစွာတူးဖော်ရဦးမှာပါ။

ဒီလို ဘက်ပေါင်းစုံက ညံ့ဖျင်းနေတဲ့ ရန်ကုန်မြို့သစ်စီမံကိန်းနေရာကို ဘယ်သူက ရွေးချယ်မှန်းမသိဘဲ ပါဝင်လာတဲ့ CCCC ဟာလည်း အခြေအနေမှန်ကို မသိဘဲနဲ့ သူတို့ တရုတ်အစိုးရရဲ့ OBOR စီမံကိန်းမှာ ဒီနေရာသာ ပင်လယ်ထွက်ပေါက်နေရာဖြစ်ရင် လက်ဦးမှုရယူတဲ့သဘောနဲ့ပဲ စီမံကိန်းမှာ ပါဝင်နေတာဖြစ်ပြီး ဒီစီမံကိန်းနဲ့ ပတ်သက်ပြီး Eleven Media Group က တရုတ်နိုင်ငံဆီ သွားရောက်တဲ့ ခရီးစဉ်မှာလည်း ရေရာတဲ့ အဖြေပေးနိုင်ခဲ့မှု မရှိပါဘူး။

၂၀၁၇ ခုနှစ် ဧပြီ ၁၀ ရက်မှာ မြန်မာနိုင်ငံ ရင်းနှီးမြှုပ်နှံမှုကော်မရှင်က ကန့်သတ်တဲ့ ရင်းနှီးမြှုပ်နှံမှု လုပ်ငန်းတွေအတွက် အမိန့်ကြော်ငြာစာ ၁၅/၂၀၁၇ နဲ့ ထုတ်ပြန်ချက် တစ်စောင် ထုတ်ခဲ့ပါတယ်။ အဲဒီ ထုတ်ပြန်ချက်အရ မြို့သစ်တည်ထောင်ခြင်းလုပ်ငန်းတွေအတွက် ဆောက်လုပ်ရေးဝန်ကြီးဌာနရဲ့ အတည်ပြုချက် ရယူဆောင်ရွက်ရမှာ ဖြစ်ပါတယ်။

ဒါပေမဲ့ လက်တွေ့မှာတော့ ရန်ကုန်တိုင်းဒေသကြီးအစိုးရအဖွဲ့က မြို့သစ်စီမံကိန်းတွေ လုပ်ဆောင်နေရာမှာ တိုင်းဒေသကြီးလွှတ်တော်ရဲ့ သဘောတူညီမှုမယူဘဲ တင်ဒါခေါ်တာတွေ၊ စီမံကိန်းတွေအတွက် သဘောတူစာချုပ်ချုပ်ဆိုနေတာတွေ လုပ်နေရုံမက ဆောက်လုပ်ရေးဝန်ကြီးဌာနရဲ့ အတည်ပြုချက် ရယူထားမှု ရှိ မရှိကိုလည်း ရှင်းလင်းမှုမရှိဘဲ တိုင်းအစိုးရရဲ့ လုပ်ပိုင်ခွင့်ဆိုပြီး လုပ်ကိုင်နေတာ ဖြစ်ပါတယ်။ ဒါ့အပြင် ရန်ကုန်တိုင်းဒေသကြီးလွှတ်တော်ရဲ့ အတည်ပြုချက်လည်း မရသေးဘဲ ကုမ္ပဏီတွေ စာချုပ်ချုပ်၊ တိုင်းဒေသကြီးအစိုးရအဖွဲ့ အနေနဲ့ အထိန်းအကွပ်မရှိ လုပ်ကိုင်နေတာတွေဟာ သင့်လျော်မှုရှိ မရှိ ဆိုတာ ဆန်းစစ်ဖို့ လိုအပ်ပါတယ်။

၂၀၁၈ ခုနှစ်မှာ စတင်လုပ်ဆောင်မယ်ဆိုတဲ့ ရန်ကုန်မြို့သစ် စီမံကိန်းဟာ မြို့သစ်ဆိုတာ တစ်ခုထက် တရုတ်အကျိုးအမြတ် ရေနက်ဆိပ်ကမ်း ထွက်ပေါက်တစ်ခု ဖြစ်နေတယ်ဆိုတာဟာ ပြန်လည်သုံးသပ်ဖို့ လိုအပ်ခြင်း အကြောင်းအချက် တစ်ခုဖြစ်နေပြီး ဒီအချက်ဟာ မြန်မာ့အချုပ်အခြာအာဏာအတွက် အရေးကြီးပါတယ်။

“မြို့သစ်မှာ ဘယ်လိုလူတွေ နေမလဲ။ ဘယ် Target ကို အဓိကထားပြီး ဖော်ဆောင်မလဲဆိုတာ အရေးကြီးပါတယ်။ အဲဒါတွေအတွက် Social Policy, Urban Development Guideline တွေက ရှိထားရမယ်။ ရှိထားတဲ့အပေါ် မူတည်ပြီးတော့မှ တစ်ဆင့်ချင်းပေါ့။ ဘယ်လို Investment လုပ်မယ်။ ဘယ်လိုတွေ စီမံခန့်ခွဲအုပ်ချုပ်မယ်။ ဘယ်လိုအဖွဲ့အစည်းတွေက မြို့သစ်မှာ ပါဝင်လာမယ်။ ဘယ်လိုအဖွဲ့အစည်းတွေက မြို့သစ်တည်ထောင်မှုမှာ ပါဝင်မလဲ။ ဘယ်လိုအဖွဲ့အစည်းတွေက မြို့သစ်စီမံခန့်ခွဲမှုတွေမှာ ပါဝင်လာမလဲ။ မြို့သစ်လေး တိုးချဲ့လိုက်မယ်။ အကွက်ဆွဲလိုက်မယ်။ လူတွေ ရောင်းလိုက်မယ်။ အိမ်တွေ တည်ဆောက်လိုက်မယ်ဆိုတာမျိုး သိပ်ပြီးရိုးရှင်းတဲ့ကဏ္ဍ မဟုတ်ပါဘူး” လို့ ဆောက်လုပ်ရေးဝန်ကြီးဌာနက ဒုတိယညွှန်ကြားရေးမှူးချုပ် ဒေါ်အေးအေးမြင့်က Next for Yangon ဆွေးနွေးပွဲမှာ ပြောပါတယ်။

ရန်ကုန်မြို့သစ်စီမံကိန်းကို ပင်လယ်ထွက်ပေါက်ကြောင့် မြန်မာနိုင်ငံအတွက် အကျိုးရှိရှိ မရှိရှိ တရုတ် CCCC က ငွေစိုက်ထုတ်ပြီးလုပ်မယ်။ အဲဒီလိုလုပ်တဲ့အတွက် တရုတ်နိုင်ငံကို မြန်မာနိုင်ငံက ဒေါ်လာဘီလျံများစွာ ပေးဆပ်ရမယ်။ မြို့သစ်ကြီးတည်ပြီး နေပြည်တော်လို နေမယ့်သူမရှိ၊ သွားမယ့်သူမရှိဘဲ ဒီစီမံကိန်းကြီးက Ghost City ကြီးဖြစ်နေမယ်ဆိုရင် နစ်နာရမှာက မြန်မာနိုင်ငံပဲ ဖြစ်ပါလိမ့်မယ်။

“မြို့သစ်စီမံကိန်းဟာ မြန်မာနိုင်ငံ အခုလိုအခြေအနေမျိုးမှာ တည်ဆောက်ဖို့ အကောင်အထည်ဖော်ဖို့ မသင့်သေးဘူးလို့ စီးပွားရေးရှုထောင့်က သုံးသပ်လို့ရပါတယ်။ ရန်ကုန်မြို့က ကြီးလာတယ်ဆိုပေမဲ့ အခုအချိန်မှာ Metropolitan အဆင့်ပဲ ရောက်ပါသေးတယ်။ Mega City အဆင့်မရောက်သေးပါဘူး။ Mega City ဆိုတာ လူဦးရေ ၁၀ သန်းကျော်မှ သတ်မှတ်တယ်။ ဘန်ကောက်ဆို ကျော်သွားပြီ။ မွမ်ဘိုင်းတို့ ရှန်ဟိုင်းတို့၊ တိုကျိုတို့ဆိုတာ Mega City တွေ။ အဲဒီလို Mega City တွေတောင် မြို့သစ်မတည်ကြဘူး။ ဘာလို့မတည်လဲဆိုတော့ သူ့ဟာသူ သဘာဝကျကျ တိုးချဲ့သွားတာပေါ့။ မြို့သစ်တည်တယ်ဆိုတာ ဥပမာ မလေးရှား။ ပူထရာဂျာယားဆိုတဲ့ နေပြည်တော်မြို့တော်ကြီး တည်တယ်။ သူကအရမ်း စီးပွားရေးတိုးတက်အောင်မြင်တဲ့အချိန်မှာ လုပ်တာ။ အခု မြန်မာပြည်ကျတော့ စီးပွားရေးမတိုးတက်ဘဲ လုပ်လိုက်တော့ စီးပွားရေးကျတယ်။ တန့်တယ်ပေါ့။ မြန်မာနိုင်ငံမှာက လက်ရှိအခြေအနေမှာဆိုရင် GDP,GNI,Inflation တို့ Trade Deficit တို့ ဘတ်ဂျက်လိုငွေပြတာတို့ ထင်ထင်ရှားရှားဖြစ်နေချိန်မှာ မြို့သစ်တည်စရာအကြောင်း မရှိပါဘူး။ လွှတ်တော်ကိုယ်စားလှယ် တော်တော်များများကလည်း များသောအားဖြင့် မြို့သစ်မတည်ဖို့ဘက်က ဆွေးနွေးကြပါတယ်။ သူတို့ကတော့ စီးပွားရေးရှုထောင့်ဆိုတာထက် လွှတ်တော်ကို အတည်ပြုချက်မယူဘဲနဲ့ ပွင့်လင်းမြင်သာမှုမရှိဘဲနဲ့ ဦးသိန်းစိန်အစိုးရတုန်းက ရေးဆွဲထားတဲ့ စီမံကိန်းကြီးကို ဒီအတိုင်းဆက်ပြီး အကောင်အထည်ဖော်မယ်။ အကောင်အထည်ဖော်မယ့်နေရာမှာလည်း လူသာပြောင်းမယ်။ မြို့သစ်ကလည်း တစ်ခုတည်းမဟုတ်ဘူး။ ရန်ကုန်တစ်ဖက်ကမ်းမှာတစ်ခု၊ လှည်းကူးဘက်မှာတစ်ခု။ ဒီလိုလုပ်နေတာတွေက စီးပွားရေးရှုထောင့်ကကြည့်ရင်လည်း မလိုအပ်ဘူး ထင်ပါတယ်” လို့ စီးပွားရေးဆောင်းပါးရှင် အောင်ချိန်ဘွားက သုံးသပ်ပါတယ်။

ရန်ကုန်က ဆင်းရဲသားတွေက ကျူးကျော်တဲတွေနဲ့ နေနေရချိန်မှာ နေပြည်တော်ဟာ လူမနေတဲ့အိမ်တွေနဲ့ ကျဆင်းနေတဲ့ မြေဈေးတွေနဲ့ပါ။ ယာဉ်ကြောပိတ်ဆို့မှုကို ရန်ကုန်မြို့မှာ လျှော့ချဖို့ မလုပ်ဆောင်နိုင်တဲ့ အခြေအနေမှာ နေပြည်တော်ဟာ ဘီလျံပေါင်းများစွာ ကုန်ကျခံထားရတဲ့ လမ်းမကြီးတွေနဲ့ သွားလာသူမရှိလို့ စပါးလှန်းနေရတဲ့ အခြေအနေပါ။ နေပြည်တော်မြို့သစ်ဟာ မြန်မာ့စီးပွားရေးကို ဆွဲချသွားသလိုမျိုး ရန်ကုန်မြို့သစ်ဟာလည်း မြန်မာ့စီးပွားရေးကို ထပ်ပြီးဆွဲချပါလိမ့်မယ်။ ဒီလိုအခြေအနေတွေ၊ တရုတ်နိုင်ငံရဲ့ OBOR စီမံကိန်းအောက်မှာ ရန်ကုန်မြို့သစ်စီမံကိန်းကို အကြွေးဗရပွနဲ့ ထိုးအပ်ရမယ့် အခြေအနေတွေကို ကျော်လွန်ဖို့၊ မြန်မာ့အချုပ်အခြာအာဏာအတွက် ရန်ကုန်မြို့သစ်စီမံကိန်းဟာ တိုင်းတစ်ပါးရဲ့ ထိန်းချုပ်မှုအောက် မရှိဖို့ဆိုရင် ဒီရန်ကုန်မြို့သစ်စီမံကိန်းဟာ ပြည်ထောင်စုအစိုးရရဲ့ အတည်ပြုချက်၊ ပြည်ထောင်စုလွှတ်တော်ရဲ့ တာဝန်ခံအတည်ပြုမှုတွေ ရှိနေဖို့ လိုအပ်ပါတယ်။ နေပြည်တော် တည်ဆောက်မှုကြောင့် မြန်မာ့စီးပွားရေး ကျဆင်းခဲ့ရသလိုမျိုး နောက်ထပ်သမိုင်းအမှားတစ်ခုကို NLD အစိုးရနဲ့ လွှတ်တော်က မကျူးလွန်မိဖို့ဆိုရင် ရန်ကုန်မြို့သစ်စီမံကိန်းကို ပြည်သူတွေဆီချပြပြီး ဖြစ်လာနိုင်တဲ့ အကျိုးဆက်တွေကို ပြန်လည်သုံးသပ်သင့်ပါတယ်။

လီဒိုလမ်းကြောင်း၊ OBOR နဲ့ ကချင်ပြည်နယ်အတွင်း ပြင်းထန်နေတဲ့ စစ်ပွဲများ

ကချင်ပြည်နယ် ကဆုန့်ဒေသ တိုက်ပွဲများကြောင့် စစ်ဘေးရှောင်များ မြစ်ကြီးနားမြို့ ကယ်ဆယ်ရေးစခန်းများသို့ တိမ်းရှောင်လာသည်ကို ဧပြီ ၂၀ ရက်က တွေ့ရစဉ် (ဓာတ်ပုံ-မုန်ဆန်အောင်)

ကချင်ပြည်နယ်တွင် ကချင်လွတ်မြောက်ရေးတပ်မတော် (KIA) နှင့် တပ်မတော်တို့အကြား တိုက်ပွဲများ လအနည်းငယ်အကြာ ငြိမ်သက်နေရာမှ ဧပြီလဆန်းပိုင်းမှ စတင်ကာ တစ်ကျော့ပြန် ဖြစ်ပွားလာခဲ့သည်။ အတိအကျ ပြောရမည်ဆိုလျှင် ဧပြီ ၂ ရက်တွင် တစ်ကျော့ပြန် တိုက်ပွဲများ ဖြစ်ပွားလာခဲ့ခြင်း ဖြစ်သည်။

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) ရေးထိုးနိုင်ရန် အစိုးရနှင့် ဆွေးနွေးလျက်ရှိသည့် ကချင်လွတ်မြောက်ရေးတပ်မတော်တို့အကြား တနိုင်းဒေသတွင် တိုက်ပွဲများ ဖြစ်ပွားနေသည်မှာ တစ်နှစ်ကျော်ကြာပြီ ဖြစ်သည်။

လတ်တလော တိုက်ပွဲများ ပြန်လည်ဖြစ်ပွားလာမှုနှင့် ပတ်သက်ပြီး KIA မှ ပြောရေးဆိုခွင့်ရှိသူ ဗိုလ်မှူးကြီးနော်ဘူက “လီဒိုလမ်းကြောက တရုတ်နိုင်ငံရဲ့ One Belt One Road စီမံကိန်းနဲ့လည်း ပတ်သက်မယ်လို့ တွက်တယ်။ ဒါကို တပ်မတော်နဲ့ အစိုးရပေါင်းပြီး အကောင်အထည် ဖော်ရမှာဖြစ်ပါတယ်။ ကေအိုင်အေတွေရှိနေရင် မြန်မာအစိုးရနဲ့ တပ်မတော်အတွက် နယ်မြေစိုးမိုးရေး၊ နယ်မြေရှင်းလင်းရေးအတွက် လုပ်တယ်လို့ ခန့်မှန်းတယ်။ လီဒိုလမ်းက တရုတ်နဲ့ အိန္ဒိယလမ်းမကြီးကိုး” ဟု ပြောကြားသည်။

ကေအိုင်အေ တပ်မဟာ (၂) တည်ရှိသည့်နေရာမှာ တရုတ်နိုင်ငံ၏ One Belt One Road စီမံကိန်းနေရာတွင် တည်ရှိကြောင်း၊ အဆိုပါ လမ်းကြောင်းများတည်ရှိသည့်နေရာများတွင် ယင်းကဲ့သို့ တိုက်ပွဲများ ဖြစ်ပွားနေကြောင်း KIA မှ ပြောရေးဆိုခွင့်ရှိသူ ဗိုလ်မှူးကြီးနော်ဘူက ပြောကြားသည်။

“သူတို့တွေရဲ့ မြေပုံတွေကို ကြည့်မယ်ဆိုရင် One Belt One Road နေရာကျတဲ့ နေရာတွေချည်းပဲ။ အခုတိုက်ပွဲဖြစ်တဲ့နေရာတွေက။ အဲဒါနဲ့ ပတ်သက်တယ်လို့ ပြောလို့ရတာပေါ့” ဟု ၎င်းကပြောကြားသည်။

ယင်းလီဒိုလမ်းမကြီး ပြန်လည်ဖောက်လုပ်မည့် စီမံကိန်းနှင့် ပတ်သက်ပြီး ကြားထားသည်မှာ ကြာမြင့်ပြီဖြစ်ပြီး လီဒိုလမ်းမတစ်လျှောက်ရှိ လက်နက်ကိုင်အဖွဲ့များအား ရှင်းလင်းမည့်သတင်းအား ကြားသိခဲ့ရကြောင်း ကချင်ဒေသခံတစ်ဦးက ပြောကြားသည်။

“ကြားတာတော့ ကြာပါပြီ။ သူတို့က တရားဝင် ထုတ်ပြောထားတာတော့ မရှိဘူး။ စာချုပ်ချုပ်ထားတယ်လို့လည်း ကြားတယ်။ အခုလီဒိုလမ်းမတစ်လျှောက် KIA ရှိတဲ့နေရာတွေကို ဖြိုတဲ့သဘောမှာ ရှိတယ်။ KIA ရှိတဲ့နေရာဆိုရင် ပထမဆုံး ဗုံးကြဲတယ်။ ပြီးရင် တပ်နဲ့ထိုးတာ။ အရင်တုန်းကတော့ မတိုက်ဘူး။ အခုကတော့ သေချာမပြောတတ်ဘူး။ အပြီးရှင်းတာလား ဘာလားဆိုတာကို” ဟု ကချင်ပြည်နယ်ရှိ ဒေသခံတစ်ဦးက ပြောကြားသည်။

လီဒိုလမ်းမကြီးမှာ တရုတ်သမ္မတ ရှီကျင်ပင်းလက်ထက်တွင် အကောင်အထည်ဖော်နေသည့် တရုတ်ပြည်သူ့သမ္မတနိုင်ငံ၏ တစ်ခုတည်းသောရပ်ဝန်း၊ တစ်ခုတည်းသော လမ်းကြောင်း OBOR One Belt One Road အစီအစဉ်တွင် အစိတ်အပိုင်းတစ်ခုအဖြစ် ပါဝင်နေသည်။

တရုတ်နိုင်ငံမှ အကောင်အထည်ဖော်လျက်ရှိသည့် OBOR စီမံကိန်းမှာ တိုက်ကြီးသုံးတိုက်၊ ကမ္ဘာ့နိုင်ငံပေါင်း ၇၀ ခန့်ပါဝင်ပြီး ကမ္ဘာ့လူဦးရေ ရာခိုင်နှုန်း ၆၀ ကျော်နှင့် အမေရိကန်ဒေါ်လာ ၂၆ ထရီလျံခန့် ရင်းနှီးမြှုပ်နှံမည့် စီမံကိန်းတစ်ခုဖြစ်သည်။ အဆိုပါ စီမံကိန်းတွင် ပါဝင်မည်ဟု ဦးသိန်းစိန် အစိုးရလက်ထက်တွင် လက်ခံခဲ့ပြီး အမျိုးသားဒီမိုကရေစီ အစိုးရလက်ထက်တွင်လည်း ပါဝင်မည့်အကြောင်းအား ထပ်လောင်း အတည်ပြုထားသည့် စီမံကိန်း ဖြစ်သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၂၀၁၆ ခုနှစ် သြဂုတ် ၁၇ ရက်မှ ၂၁ ရက်အထိ ငါးရက်ကြာ တရုတ်ပြည်သူ့သမ္မတနိုင်ငံ ချစ်ကြည်ရေး အလည်အပတ် ခရီးအပြီး ထုတ်ပြန်သော နှစ်နိုင်ငံ ပူးတွဲသတင်းထုတ်ပြန်ချက်တွင် မြန်မာနိုင်ငံ အနေဖြင့် တရုတ်ပြည်သူ့ သမ္မတနိုင်ငံ၏ တစ်ခုတည်းသောရပ်ဝန်း၊ တစ်ခုတည်းသောလမ်းကြောင်း OBOR One Belt One Road အစီအစဉ်နှင့် ဘင်္ဂလားဒေ့ရှ်-မြန်မာ-အိန္ဒိယ-တရုတ် ပူးပေါင်းဆောင်ရွက်ရေး စင်္ကြံလမ်း အစီအစဉ်ကို ကြိုဆိုကြောင်း ဖော်ပြခဲ့ပြီး ၂၀၁၇ ခုနှစ် ဧပြီ ၆ ရက်မှ ၁၁ ရက်အထိ သမ္မတဦးထင်ကျော်၏ တရုတ်ပြည်သူ့သမ္မတနိုင်ငံ ချစ်ကြည်ရေးခရီးစဉ်တွင်လည်း မြန်မာနိုင်ငံအနေဖြင့် ၂၁ ရာစု ပိုးလမ်းမကြီးဟု ကျော်ကြားသည့် တစ်ခုတည်းသော ရပ်ဝန်း၊ တစ်ခုတည်းသောလမ်းကြောင်း OBOR One Belt One Road တွင်ပါဝင်မည်ဟု လူသိရှင်ကြား ထပ်မံအတည်ပြုခဲ့သည်။

၂၀၁၇ ခုနှစ် မေလတွင် နှစ် နိုင်ငံထိပ်သီး ခေါင်းဆောင်တို့၏ရှေ့မှောက် တရုတ်-မြန်မာနှစ်နိုင်ငံအစိုးရတို့က “The Belt and Road” အတူတကွတည်ဆောက်ရန် သဘောတူ ပူးပေါင်းဆောင်ရွက်ရေး စာချုပ်ချုပ်ဆိုခဲ့ပြီး တရုတ်-မြန်မာ နှစ်ဦးနှစ်ဖက်မှ “The Belt and Road” အတူတကွ တည်ဆောက်ခြင်းသည် မြန်မာအစိုးရ၊ တပ်မတော်၊ ပါတီအသီးသီး၊ အဖွဲ့အစည်း အသီးသီးနှင့် နယ်ပယ်အသီးသီးတို့မှ ထောက်ခံမှု ကြီးကျယ်စွာရရှိခဲ့ပြီး လက်ရှိကာလနှင့် အနာဂတ်ကာလတစ်ခု အတွင်းတွင် တရုတ်-မြန်မာပူးပေါင်း ဆောင်ရွက်ရေး၏ အဓိကလုပ်ငန်းနှင့် အရေးပါသည့် စင်မြင့်ဖြစ်ကြောင်း မြန်မာနိုင်ငံဆိုင်ရာ တရုတ်သံအမတ်ကြီး Mr. Hong Liang က “တရုတ်ကွန်မြူနစ်ပါတီ (၁၉) ကြိမ်မြောက် ပြည်လုံးကျွတ်ညီလာခံသည် တရုတ်-မြန်မာဆက်ဆံရေးအတွက် ပိုမိုသာယာသည့် အနာဂတ်ကို ဖွင့်လှစ်ပေးနိုင်” ဆောင်းပါးတွင် ရေးသားထားသည်။

အသေးစိတ် ဖော်ပြရလျှင် တရုတ်-မြန်မာ နှစ်ဦးနှစ်ဖက်မှ “The Belt and Road” အတူတကွ တည်ဆောက်ရေးဟူသည်မှာ ငြိမ်းချမ်းရေးလမ်းကြောင်း၊ ဖွံ့ဖြိုးတိုးတက်ရေးလမ်းကြောင်းနှင့် လူမှုဘ၀ မြှင့်တင်ရေးလမ်းကြောင်းများ အတူတူ တည်ဆောက်ရန်ဖြစ်သည်။ ငြိမ်းချမ်းရေးလမ်းကြောင်းသည် စတင် ဖြစ်ထွန်းလျက်ရှိနေပြီး “The Belt and Road” ဆိုသည်မှာ ရှေးဦးစွာ ငြိမ်းချမ်းရေးလမ်းကြောင်းဖြစ်ကြောင်းနှင့် ယင်းမှာ တရုတ်-မြန်မာနှစ်နိုင်ငံအတွက် တူညီသောလုပ်ငန်းဖြစ်ကြောင်း Mr. Hong Liang က ဆက်လက် ရေးသားထားသည်။

ထို့ပြင် ၂၀၁၇ ခုနှစ် ဖေဖော်ဝါရီ ၂၄ ရက်က ‘၀’ ဒေသ ပန်းခမ်း (ပန်ဆန်း)တွင် ပြုလုပ်သည့် တိုင်းရင်းသားလက်နက်ကိုင် တော်လှန်ရေးအဖွဲ့အစည်း ခေါင်းဆောင်များ တတိယအကြိမ် မျက်နှာစုံညီ ထိပ်သီးအစည်းအဝေးတွင်လည်း တရုတ်နိုင်ငံရဲ့ OBOR ပေါ်လစီသည် မြန်မာနိုင်ငံအတွင်း အောင်မြင်အောင် အကောင်အထည် ဖော်ဆောင်နိုင်ပြီး တိုင်းရင်းသားဒေသများအတွက် အကျိုးဖြစ်ထွန်းနိုင်မည်ဟု မျှော်လင့်ကြောင်း ‘၀’ အပါအ၀င် တိုင်းရင်းသားလက်နက်ကိုင်ခုနစ်ဖွဲ့က ထုတ်ပြန်ကြေညာခဲ့သည်။

OBOR တွင် ရေးဆွဲထားသည့် လမ်းကြောင်းများမှာ ခြောက်ခုရှိသည်။ ယင်းလမ်းကြောင်းများမှာ တရုတ်နိုင်ငံအနောက်ပိုင်းမှ ရုရှားနိုင်ငံ အနောက်ပိုင်းလမ်းကြောင်း၊ တရုတ်နိုင်ငံတောင်ပိုင်းမှ ရုရှားအရှေ့ပိုင်းလမ်းကြောင်း၊ တရုတ်နိုင်ငံ အနောက်ပိုင်းမှ တူရကီအထိလမ်းကြောင်း၊ တောင်တရုတ်ဘက်မှတစ်ဆင့် စင်ကာပူနိုင်ငံကို ချိတ်ဆက်မည့်လမ်းကြောင်း၊ တရုတ်အနောက် တောင်ပိုင်းနှင့် ပါကစ္စတန်ကို ချိတ်ဆက်မည့်လမ်းကြောင်း၊ တရုတ်-ပါကစ္စတန်စင်္ကြံနှင့် မြန်မာပြည်လီဒိုလမ်းဟောင်းကို အခြေခံမည့် ဘင်္ဂလားဒေ့ရှ်-တရုတ်-အိန္ဒိယ-မြန်မာ လမ်းကြောင်းတို့ ဖြစ်သည်။

လီဒိုလမ်းမကြီးမှာ ဒုတိယ ကမ္ဘာစစ်အတွင်းက ဖောက်လုပ်ခဲ့သည့် လမ်းမကြီးတစ်ခုဖြစ်ပြီး လူ ၆၃,၀၀၀ နှင့် အမေရိကန်ဒေါ်လာ သန်း ၁၅၀ သုံးစွဲကာ တရုတ်၊ အိန္ဒိယ၊ ဗြိတိသျှတပ်များ စစ်လက်နက်၊ ရိက္ခာသယ်ယူ ပို့ဆောင်ရေးအတွက် သုံးစွဲခဲ့သည်။ လီဒိုလမ်းမကြီးသည် မြန်မာနိုင်ငံအတွင်းတွင် ရှင်ဘွေယန်၊ မြစ်ကြီးနား၊ ဗန်းမော်နှင့် ကချင်ပြည်နယ်တို့ကို ဖြတ်သန်းသွားပြီး ၁၉၃၅ ခုနှစ်တွင် အမေရိကန်စစ်တပ်မှ ဗိုလ်ချုပ်ကြီး စတီးဝဲလ်က ၁၉၄၂ ခုနှစ်တွင် ထပ်မံ တာဝန်ယူကာ ဖောက်လုပ်ခဲ့ကာ ၁၉၄၅ ခုနှစ်တွင် အပြီးသတ် ဖောက်လုပ်နိုင်ခဲ့သည်။

အဆိုပါ လီဒိုလမ်းမဟောင်းအား ပြန်လည်ပြင်ဆင်ပြုပြင်ရန် ဦးသိန်းစိန်အစိုးရလက်ထက်ကတည်းက အကောင်အထည်ဖော် ဆောင်ရွက်ခဲ့ခြင်းဖြစ်ပြီး လက်ရှိတွင် ယင်းလမ်းပိုင်းမှာ ၁၅ မိုင်အထိ ပြန်လည်ပြင်ဆင်ပြီးဖြစ်သည်။ သို့သော် ကျန်ရှိသည့်နေရာများတွင် ကေအိုင်အေမှာ အခြေပြုလှုပ်ရှားမှုများရှိခြင်းကြောင့် ကျန်ရှိသည့် လမ်းပိုင်းမှာ ပြန်လည်ပြင်ဆင်နိုင်ခြင်း မရှိသေးချေ။

လက်ရှိတွင် ကချင်ပြည်နယ်အတွင်း နေရာအနှံ့တိုက်ပွဲများ ဖြစ်ပွားနေသော်လည်း လီဒိုလမ်းမကြီးအနီးရှိ တနိုင်းမြို့တွင် အပြင်းအထန် ဖြစ်ပွားနေခြင်းဖြစ်သည်။ အဆိုပါ လီဒိုလမ်းမကြီးရှိ တနိုင်းဒေသဘက်တွင် ကချင်လွတ်မြောက်ရေး တပ်မတော်က တပ်စွဲထားသည့် နေရာအများအပြားရှိကြောင်း KIA မှ ပြောရေးဆိုခွင့်ရှိသူ ဗိုလ်မှူးကြီးနော်ဘူက ပြောကြားသည်။

သို့သော် တနိုင်းဒေသ KIA တပ်မဟာ (၂) နယ်မြေ၊ ရင်း (၁၄) နယ်မြေ၊ ကဆုန့်ဒေသရင်း (၁၁) နယ်မြေ၊ ဖားကန့်ဒေသရင်း (၆) နယ်မြေများတွင် တပ်မတော်က ၀င်ရောက်နေရာယူထားသည့် အတွက် KIA အနေဖြင့် ရွှေ့ပြောင်းတပ်ရင်း အဖြစ်သာ ရှိနေကြောင်း ဗိုလ်မှူးကြီး နော်ဘူက ပြောကြားသည်။

“တနိုင်းဘက်တပ်ရင်း (၂) ဘက်ကတော့ စစ်ရေးတင်းမာနေတဲ့ သဘောမှာရှိပါတယ်။ နောက်ပြီးတော့ ကဆုန့်နမ္မတီးဘက်မှာတော့ မနေ့က (ဧပြီ ၂၇ ရက်) လည်း တိုက်ပွဲဖြစ်တဲ့ သတင်းတက်လာပါတယ်။ မြောက်ဘက်ဆိုရင်တော့ ဧပြီ ၂၅ ရက်မှာ တပ်ရင်း (၄) ဖြစ်တဲ့ ကောင်းခါးဘက်ကို တပ်မတော်ဘက် လေယာဉ်နဲ့ ပစ်တာတွေရှိတယ်။ ဒီနေ့ (ဧပြီ ၂၇ ရက်) ကတော့ တိုက်ပွဲ အခြေအနေ မကြားမိသေးဘူး။ ခြုံငုံကြည့်မယ် ဆိုရင်တော့ ကချင်ပြည်နယ် တော်တော်များများမှာ တိုက်ပွဲတွေ ဖြစ်နေပါတယ်” ဟု ဗိုလ်မှူးကြီးနော်ဘူက ပြောကြားသည်။

ယင်းကဲ့သို့ တိုက်ပွဲများ မဖြစ်ပွားမီ KIO ဥက္ကဋ္ဌသစ် ဗိုလ်ချုပ်ကြီး အင်ဘန်လနှင့် တပ်မတော်ဘက်မှ အမှတ် (၁) စစ်ဆင်ရေးအထူးအဖွဲ့ (ကစထ) မှူး ဒုတိယဗိုလ်ချုပ်ကြီး ထွန်းထွန်းနောင်တို့ ရှမ်းပြည်မြောက်ပိုင်း KIA တပ်မဟာ (၆) နှင့်နီးစပ်သည့် တရုတ်နိုင်ငံ ယူနန်ပြည်နယ် Dali (ဒါးလီး) မြို့တွင် ၂၀၁၈ ခုနှစ် ဖေဖော်ဝါရီ ၁ ရက်က တွေ့ဆုံခဲ့သည်။

KIO ဥက္ကဋ္ဌသစ်နှင့် တပ်မတော်အကြီးအကဲတို့ တရုတ်နိုင်ငံ၌ တွေ့ဆုံမှုတွင် KIA တပ်ရင်းအချို့ကို ဆုတ်ခွာပေးရန် တပ်မတော်က တောင်းဆိုခဲ့ကြောင်း KIO ဗဟိုကော်မတီ၏ ကြေညာချက်တွင် ဖော်ပြထားသည်။

ယင်းထုတ်ပြန်ချက်တွင် KIO ဗဟိုနှင့် မြန်မာ့တပ်မတော်တို့ ပထမဆုံး သီးခြားတွေ့ဆုံခြင်းဖြစ်ကြောင်း၊ KIO အဖွဲ့က လက်ရှိဖြစ်ပွားနေသော တိုက်ပွဲများ အပါအ၀င် ဒေသတည်ငြိမ်ရေး၊ တိုက်ပွဲများလျှော့ချရေး၊ ငြိမ်းချမ်းရေး တည်ဆောက်ရာတွင် အားလုံးပါဝင်ရေးနှင့် ပင်လုံ ကတိက၀တ်နှင့်အညီ ဖက်ဒရယ် ပြည်ထောင်စု တည်ဆောက်ရေးကို အလေးထား ဆွေးနွေးခဲ့ကြောင်း၊ မြန်မာ့တပ်မတော်က ဆွေးနွေးရာတွင် KIA တပ်ရင်း (၁၄) ဌာနချုပ် အပါအ၀င် KIA ရှေ့တန်းစခန်းများကို ဖယ်ရှားပေးရန်၊ အချို့သော KIA တပ်မဟာများ တည်ရှိမှုကို အသိအမှတ် မပြုနိုင်ကြောင်း ဖိအားပေး ဆွေးနွေးခဲ့ကြောင်း၊ တွေ့ဆုံဆွေးနွေးမှုတွင် ကတိက၀တ်ပြုသည့် တစ်စုံတစ်ရာ မရရှိခဲ့သော်လည်း ထပ်မံတွေ့ဆုံရန် နှစ်ဖက်စလုံးက သဘောဆန္ဒရှိကြောင်း ဖော်ပြပါရှိသည်။

ယင်းတွေ့ဆုံမှုအပြီးတွင် KIO နှင့် တပ်မတော်တို့အကြား တိုက်ပွဲများ ကြိုကြားကြိုကြား ဖြစ်ပွားခဲ့ခြင်းရှိသော်လည်း ဧပြီလဆန်းပိုင်းတွင် ဖြစ်ပွားခဲ့သည့် တိုက်ပွဲများလောက် ပြင်းထန်ခြင်း မရှိခဲ့ချေ။ ဧပြီ ၂ ရက်မှ စတင်ဖြစ်ပွားခဲ့သည့် တိုက်ပွဲများမှာ လက်ရှိတွင် နေ့တိုင်းနီးပါး ဖြစ်ပွားနေခြင်းဖြစ်ပြီး နှစ်ဖက်အကျအဆုံးများကို အတိအကျ မပြောနိုင်သေးပေ။

“ဖြစ်တာကတော့ နေ့တိုင်းနီးပါး ဖြစ်နေတာပဲ။ ဒီနေ့ (ဧပြီ ၂၇ ရက်) တော့ တိုက်ပွဲသတင်းက မတက်လာသေးဘူး။ ပြန်တွက်ရင်တော့ ဒီတစ်လတည်းမှာကို တိုက်ပွဲ နှစ်ဆယ်ကျော်ပြီ” ဟု KIA မှ ပြောရေးဆိုခွင့်ရှိသူ ဗိုလ်မှူးကြီးနော်ဘူက ပြောကြားသည်။

ကချင်ဒေသတိုက်ပွဲများကြောင့် မြစ်ကြီးနားမြို့သို့ တိမ်းရှောင်လာသော စစ်ရှောင်များကို ဧပြီ ၂၆ ရက်က တွေ့ရစဉ် (ဓာတ်ပုံ-မုန်ဆန်အောင်)

OBOR စီမံကိန်းအောက်က စတေးခံနေရတဲ့ စစ်ဘေးရှောင်များ

ကချင်ပြည်နယ်တွင် လတ်တလော ဖြစ်ပွားလျက်ရှိသည့် တိုက်ပွဲများအနက် တရုတ်နှင့် သဘောတူထားသည့် OBOR စီမံကိန်းအတွက် နယ်မြေရှင်းလင်းရေးများ လုပ်ဆောင်ရာတွင် လတ်တလော ဒုက္ခရောက်နေသည်မှာ စစ်ဘေးရှောင်များဖြစ်သည်။ ဧပြီ ၂ ရက်တိုက်ပွဲများ ဖြစ်ပွားပြီးနောက်ပိုင်းတွင် စစ်ဘေးဒုက္ခသည် နှစ်ထောင်နီးပါးရှိလာကြောင်း ကချင်စစ်ဘေးရှောင်များအား ကူညီလျက်ရှိသည့် သိက္ခာတော်ရဆရာတော် ဖာသာခါးရ်အောင်တူးက ပြောကြားသည်။

“ဘာကြောင့်ပဲတိုက်တိုက် စစ်ဘေးရှောင်က တိုးလာမှာပဲ။ အခုမြို့ပေါ်ကို လာတဲ့စစ်ဘေးရှောင် အရေအတွက်မှာ တင်တန်ဖဲကို ရောက်လာတာက တစ်ထောင်ကျော်တယ်။ အဲဒီကအများဆုံးပဲ။ အားလုံးဆိုနှစ်ထောင်လောက်တော့ ရှိနိုင်တယ်” ဟု ဖာသာခါးရ်အောင်တူးက ပြောကြားသည်။

ထို့ပြင် တပ်မတော်က ပိတ်ဆို့ထားမှုကြောင့် မြို့ပေါ်သို့ တက်ရောက်နိုင်ခြင်းမရှိသည့် စစ်ဘေးရှောင်များလည်းရှိသည်။ သင်္ကြန်ကာလမတိုင်မီက အောင်လော့ဒ် ကျေးရွာနေ ရွာသူရွာသားနှစ်ထောင်ခန့်မှာ လက်ရှိအချိန်အထိ မြို့ပေါ်သို့ ရောက်ရှိခြင်း မရှိသေးချေ။ အဆိုပါ ပိတ်မိနေသူများအား ကယ်ဆယ်ကူညီရန် အရပ်ဘက် လူမှုအဖွဲ့အစည်းများက ကချင်ပြည်နယ်အစိုးရ၊ တပ်မတော်တို့အား ခွင့်ပြုချက်များ တောင်းခံထားသော်လည်း ထူးခြားမှုမရှိသေးကြောင်း ကချင်လူမှုအဖွဲ့အစည်းများက ပြောကြားသည်။

“ဒီနေ့အထိတောထဲမှာ ပိတ်မိနေတဲ့သူတွေကို မကယ်ဆယ်နိုင်သေးဘူး။ အစိုးရကိုလည်း ခဏခဏပြောတယ်။ တပ်ဘက်ကိုလည်း ပြောတယ်။ မထူးခြားဘူး။ ဒီအတိုင်း လက်ပိုက်ကြည့်နေရတယ်။ ပိတ်မိနေတဲ့သူတွေဆီက ဖုန်းလာရင် ကျွန်မတို့မှာ ပြောစရာစကား အားမရှိဘူး” ဟု ပိတ်မိနေသည့် စစ်ဘေးရှောင်များကို ကူညီကယ်ဆယ်ရေးအဖွဲ့မှ ဒေါ်နန်ပူက ပြောကြားသည်။

စစ်ရှောင်များအနေဖြင့် လက်ရှိတွင် တပ်မတော်က ရွာပြန်ရန် ပြောကြားမှုများရှိသော်လည်း လူထုအနေဖြင့် တပ်မတော်ရှိနေသည့် ကျေးရွာများတွင် နေထိုင်ရဲခြင်း မရှိကြောင်း၊ စစ်ရှောင်ပြည်သူ အများစုမှာ မြို့ပေါ်သို့ လာရောက်ရန် ခက်ခဲလျက်ရှိကြောင်း ဗိုလ်မှူးကြီးနော်ဘူက ပြောကြားသည်။

“ပြည်သူတွေကတော့ တော်တော်များများ ဒုက္ခရောက်တယ်။ နောက်ပြီးတော့ ဖုန်ဆွေယန်ဘက်၊ အင်ဂျန်းယန်ဘက်မှာတော့ ရွာသားတွေက မြစ်ကြီးနားဘက်၊ မြစ်ဆုံဘက်ကို တက်လာပြီလို့ ကြားတယ်။ မြို့ဘက်ကိုလည်း ခြေကျင်နဲ့လျှောက်မှ မြို့ကိုရောက်တာ။ စားဖို့သောက်ဖို့လည်း မရှိဘူး။ ကလေးသူငယ်၊ သက်ကြီးရွယ်အိုတွေ တော်တော်ဒုက္ခရောက်တယ်ဆိုတဲ့ သတင်းတွေ ကြားရတယ်” ဟု ၎င်းက ပြောကြားသည်။

ပိတ်မိနေသည့် စစ်ရှောင်ပြည်သူများအား အကူအညီပေးနိုင်ရန် နိုင်ငံတော်သမ္မတ၊ ကချင်ပြည်နယ် အစိုးရအဖွဲ့နှင့် တပ်မတော်ထံ လူသားချင်းစာနာသည့် အကူအညီများပေးပို့ရန် စာများပေးပို့ထားသော်လည်း ထူးခြားမှုမရှိသည့် အခြေအနေများကြောင့် ဧပြီ ၃၀ ရက်တွင် မြစ်ကြီးနားမြို့ပေါ်တွင် ဆန္ဒထုတ်ဖော်ရန် စီစဉ်ထားကြောင်း သိရသည်။ ယင်းနောက် သပိတ်စခန်းများလည်း ဖွင့်လှစ်ကာ ဆန္ဒထုတ်ဖော်မည်ဖြစ်ကြောင်း ပိတ်မိနေသည့် စစ်ဘေးရှောင်များကို ကူညီကယ်ဆယ်ရေးအဖွဲ့မှ ဒေါ်နန်ပူက ပြောကြားသည်။

“သပိတ်စခန်းကတော့ သူတို့ မကူညီမချင်း လုပ်ဖို့တော့ စီစဉ်ထားပါတယ်။ လူဦးရေက ဆန္ဒထုတ်ဖော်ရင် ငါးထောင်လောက်ပါမယ်။ သပိတ်စခန်းမှာတော့ လူငယ် ၃၀၀ လောက် ရှိပါမယ်” ဟု ၎င်းက ပြောကြားသည်။

ပိတ်မိနေသည့် ဒေသခံကျေးရွာများအနက် တပ်မတော်က တပ်စွဲထားသည့် တနိုင်းမြို့နယ် အောင်လော့ဒ်ကျေးရွာတွင် နေထိုင်သူ အများဆုံးဖြစ်ပြီး ၂၀၀၀ နီးပါးခန့်ရှိကြောင်း၊ တပ်မတော်က လာရောက် တပ်စွဲထားမှုကြောင့် တောထဲတွင် ထွက်ပြေးနေကြရခြင်းဖြစ်ကြောင်း၊ ထွက်ပြေးသူအများစုတွင် သက်ကြီးရွယ်အိုများ၊ ကလေးသူငယ်များ အများဆုံးပါဝင်ကြောင်း ဒေါ်နန်ပူ၏ ပြောကြားချက်အရ သိရသည်။

“ဒီနေ့အပါအ၀င်ဆိုရင် ၁၅ ရက်လောက် ရှိပါပြီ။ ဒီအချိန်ဆိုရင်တော့ အစာရေစာ ပြတ်လပ်နေပြီ။ သက်ကြီးရွယ်အိုနဲ့ ကလေးငယ်က အများဆုံးပဲ။ ပြီးတော့ ကိုယ်ဝန်ဆောင်တွေလည်း ပါတယ်။ အခုထိတော့ တချို့က အဆက်အသွယ်ရပေမယ့် တချို့ကတော့ မရသေးဘူး” ဟု ၎င်းက ပြောကြားသည်။

လက်ရှိတွင်လည်း တပ်မတော်မှ တပ်အင်အားဖြည့်တင်းမှုများကြောင့် ကချင်ပြည်နယ်တွင် စစ်ရေးတင်းမာမှုများ ဆက်လက်ဖြစ်ပွားလာနိုင်ကြောင်း ကချင်ဒေသခံများထံမှ သိရသည်။

ထိုသို့ တိုက်ပွဲများဖြစ်ပွားနေသော်လည်း အစိုးရ၊ တပ်မတော်နှင့် တွေ့ဆုံဆွေးနွေးမည်ဆိုသည်မှာ KIA ၏ မူဝါဒတစ်ခုဖြစ်ကြောင်း၊ တွေ့ဆုံဆွေးနွေးရေး မူဝါဒဖြစ်မြောက်စေရန်မှာ တိုက်ပွဲများ ဆက်တိုက်ဖြစ်ပွားနေရန်လည်း မလိုကြောင်း၊ တိုက်ပွဲများ ဆက်တိုက်ဖြစ်ပွားနေပါက တစ်ဖက်နှင့်တစ်ဖက် ယုံကြည်မှု ပျောက်ဆုံးနိုင်ကြောင်း KIA မှ ပြောခွင့်ရပုဂ္ဂိုလ် ဗိုလ်မှူးကြီးနော်ဘူက ပြောကြားသည်။

“လောလောဆယ် စစ်ရေးအခြေအနေက စစ်ရေးအရ KIA ရော ပြည်သူရော စိုးရိမ်စရာ ဖြစ်ပါတယ်။ KIO/KIA အဖွဲ့ဟာ တော်လှန်ရေးဖြစ်တဲ့အတွက် ပန်းခင်းလမ်းမဟုတ်ဘူး။ စစ်မှန်တဲ့ ငြိမ်းချမ်းရေး မရမချင်း အခက်အခဲတွေကို ကျော်ဖြတ်ရမှာ။ ခုခံရမှာဖြစ်ပါတယ်။ အခုလို စစ်အင်အား၊ သေနတ်ပြောင်းဝနဲ့ချိန်ထားတဲ့ ငြိမ်းချမ်းရေးကိုတော့ မလိုလားပါဘူး။ အခုဖြစ်နေတဲ့ အခြေအနေမှာတော့ နိုင်ငံရေးတွေ့ဆုံမယ်ဆိုတာကတော့ တိုက်ပွဲဖြစ်တာပဲဖြစ်ဖြစ်၊ မဖြစ်တာပဲဖြစ်ဖြစ် ကျွန်တော်တို့က မူအားဖြင့်တော့ ဆွေးနွေးမှုရှိမယ်။ တိုက်ပွဲဖြစ်တာ မဖြစ်တာနဲ့ မဆိုင်ပါဘူး။ အခုလည်း တပ်မတော်ဘက်က ဆက်သွယ်လာလို့ရှိရင်၊ နောက်ပြီးတော့ ကျွန်တော်တို့ဘက်က လူကြီးပိုင်းတွေ ဘယ်လိုစီစဉ်မယ်ဆိုတာတော့ ကျွန်တော်လည်း မပြောတတ်သေးဘူး။ ဒါပေမဲ့ စစ်ရေးဘက်က ကြည့်မယ်ဆိုရင်တော့ ရှိတဲ့အင်အားနဲ့ ခုခံကြမှာပဲ။ တော်လှန်ရေး ဆိုတာကတော့ ပန်းခင်းတဲ့လမ်းမဟုတ်ဘူး။ ရှိတဲ့အင်အားနဲ့တော့ ခုခံဖို့တော့ ရှိပါတယ်” ဟု ဗိုလ်မှူးကြီးနော်ဘူက ပြောကြားသည်။

ကချင်ပြည်နယ်တွင် ကိုယ်ပိုင်ပြဋ္ဌာန်းခွင့်၊ ကိုယ်ပိုင်လွတ်လပ်ခွင့်များအတွက် လက်နက်ကိုင်တော်လှန်မှုများ ပေါ်ပေါက်လာခဲ့ပြီး လက်ရှိတွင် OBOR စီမံကိန်းကြောင့် နယ်မြေရှင်းလင်းရေး ဆောင်ရွက်မှုများကြောင့် တိုက်ပွဲများ ဆက်လက် ဖြစ်ပွားနေခြင်းဖြစ်သည်။ အင်အားကြီး တရုတ်နိုင်ငံ၏ ၂၁ ရာစုပိုးလမ်းကြီး စီမံကိန်းကြီးအတွက် တပ်မတော်က နယ်မြေရှင်းလင်းရေး လုပ်ကိုင်မှုတွင် ကချင်လွတ်မြောက်ရေး တပ်မတော်နှင့် အစိုးရတပ်မတော်တို့ ထိတွေ့တိုက်ပွဲများ ဖြစ်ပွားလာခဲ့ခြင်းဖြစ်သည်။ အဆိုပါ OBOR စီမံကိန်း အသက်ဝင်ရန်အတွက် မြန်မာနိုင်ငံမှ စစ်ဘေးရှောင် ပြည်သူအရေအတွက် မည်မျှတိုးလာမည်ဆိုသည်မှာ မည်သူမျှမသိနိုင်ပေ။ တောထဲတွင် ရောက်ရှိနေသည့် စစ်ဘေးရှောင်များလည်း မည်သည့်အချိန်တွင် ပြန်လာရမည်ကို အတိအကျ မသိနိုင်ပေ။

တရုတ်နိုင်ငံအတွက် အကျိုးများစွာဖြစ်ထွန်းမည့် One Belt, One Road အစီအစဉ်တွင် တိုင်းရင်းသားလက်နက်ကိုင်များ၊ တပ်မတော်သားများ၊ ဒေသခံများ၏ ဘ၀အခြေအနေမည်သို့ ဖြစ်လာမည်ဆိုသည်ကို ဆက်လက်စောင့်ကြည့်ရမည် ဖြစ်ပေသည်။

OBOR ၏ မြန်မာ-တရုတ် စီးပွားရေးစင်္ကြံစီမံကိန်းတွင် မြန်မာလုပ်ငန်းရှင်များ ပါဝင်ဆောင်ရွက်ရန် မြန်မာ-တရုတ် စီးပွားရေးကောင်စီကို ဧပြီလအတွင်း ဖွဲ့စည်းမည်

OBOR ၏ မြန်မာ-တရုတ် စီးပွားရေးစင်္ကြံစီမံကိန်းတွင် မြန်မာလုပ်ငန်းရှင်များ ပါဝင်ဆောင်ရွက်ရန် မြန်မာ-တရုတ် စီးပွားရေးကောင်စီကို ဧပြီလအတွင်း ဖွဲ့စည်းမည်ဖြစ်ကြောင်း ကုန်သည်စက်မှုအသင်းချုပ်မှ သိရသည်။

“OBOR နဲ့ပတ်သက်ပြီး ကျွန်တော်တို့ကို ၂၆ ရက်နေ့က တရုတ်သံအမတ်ကြီးက လုပ်ငန်းရှင်တွေကို ဖိတ်ကြားပြီးတော့ Myanmar-China Business Council ဖွဲ့ပေးပါတဲ့။ ကျွန်တော်တို့လည်းဖွဲ့ဖို့ စီစဉ်နေပါတယ်။ ဧပြီလအတွင်းမှာ ဖွဲ့စည်းဖို့ ဆောင်ရွက်နေပါတယ်” ဟု ကုန်သည်စက်မှုအသင်းချုပ်ဥက္ကဋ္ဌ ဦးဇော်မင်းဝင်းက ပြောကြားသည်။

“OBOR ရဲ့ Economic Corridor မှာလုပ်မယ့်စီမံကိန်းတွေမှာ မြန်မာနိုင်ငံအနေနဲ့ JV ပဲဖြစ်ဖြစ် လုပ်နိုင်မယ့်လုပ်ငန်းရှင်တွေက ပါဝင်ဖို့ဆောင်ရွက်နေပါတယ်” ဟု ဦးဇော်မင်းဝင်းက ဆက်လက်ပြောကြားသည်။

မြန်မာနိုင်ငံနှင့် တရုတ်နိုင်ငံတို့အကြား နှစ်နိုင်ငံပူးပေါင်း၍ ပိုမိုကောင်းမွန်သည့် စီးပွားရေးကွန်ရက်တည်ဆောက်ပြီး တရုတ်- မြန်မာ နှစ်နိုင်ငံစီးပွားရေးနယ်ပယ် ပူးပေါင်းဖလှယ်ရေး စင်မြင့်သစ်တည်ထောင်ရန် ပြင်ဆင်လျက်ရှိကြောင်း မြန်မာနိုင်ငံဆိုင်ရာ တရုတ်သံရုံး၏ ထုတ်ပြန်ချက်အရ သိရသည်။

မြန်မာနိုင်ငံဆိုင်ရာ တရုတ်သံအမတ်ကြီး Mr. Hong Liang က တရုတ်-မြန်မာနှစ်နိုင်ငံမှ The Belt and Road နှင့် တရုတ်- မြန်မာ စီးပွားရေးစင်္ကြံဆောက်လုပ်ရာတွင် တက်ကြွစွာ အကျိုးပြုဆောင်ရွက်လိုကြောင်း၊ နှစ်နိုင်ငံ စီးပွားရေးနယ်ပယ်ပူးပေါင်းဖလှယ်သည့် စင်မြင့် မြန်မာ-တရုတ် ကုန်သည်ကြီးများအသင်းကို ဆောလျင်စွာ တည်ထောင်စေလိုကြောင်း မြန်မာနိုင်ငံဆိုင်ရာ တရုတ်သံရုံးနှင့် မြန်မာနိုင်ငံရှိ တရုတ်ကုန်သည် လုပ်ငန်းရှင်ကြီးများအသင်းတို့ မတ် ၂၆ ရက်က ရန်ကုန်မြို့တွင် တရုတ်-မြန်မာနှစ်နိုင်ငံ စီးပွားရေးလုပ်ငန်းရှင်များ နှီးနှောဖလှယ်ပွဲတွင် ပြောကြားသည်။

မြန်မာနိုင်ငံဆိုင်ရာ တရုတ်သံရုံးမှ မြန်မာနိုင်ငံရှိ တရုတ်ကုန်သည်လုပ်ငန်းရှင်ကြီးများအသင်းနှင့် မြန်မာနိုင်ငံစက်မှုလက်မှု စီးပွားရေးနယ်ပယ်တို့ပူးပေါင်း၍ ပိုမိုကောင်းမွန်သည့် စီးပွားရေးကွန်ရက် တည်ဆောက်ပြီး တရုတ်-မြန်မာနှစ်နိုင်ငံ စီးပွားရေးနယ်ပယ် ပူးပေါင်းဖလှယ်ရေးစင်မြင့်သစ် ‘တရုတ်- မြန်မာစီးပွားရေးကောင်စီ’ သို့မဟုတ် ‘မြန်မာ-တရုတ်ကုန်သည်ကြီးများအသင်း’ ကို တည်ဆောက်ရန်အတွက် ထောက်ခံကူညီသွားမည်ဖြစ်ကြောင်း သံအမတ်ကြီးက ပြောကြားသည်။

ကြောက်စရာ စစ်ပွဲထောင်ချောက်

ဇန်န၀ါရီ ၂၄ ရက်က ကော့ဘဇားမြို့မှ ၃၂ မိုင်ကွာ ဘာလူခါလီဒုက္ခသည်စခန်းကို တွေ့မြင်ရစဉ် (Photo:AP)

၂၀၁၇ ခုနှစ် စက်တင်ဘာ၂၃ ရက်က စင်ကာပူနိုင်ငံခြားရေးဝန်ကြီး ဗီဗီယန်ဘာလာကာ ရစ်ရ်ှနန်က ကုလသမဂ္ဂအထွေထွေ ညီလာခံမှာ မိန့်ခွန်းတစ်ခုပြောခဲ့တယ်။

အဲဒါကတော့ ဘင်္ဂါလီအစွန်းရောက်တွေရဲ့ လှည့်ကွက်ထဲ မ၀င်မိဖို့ပါပဲ။ သူက ဒီကိစ္စကို လျှော့မတွက်ကြဖို့ ပြောသွားပါတယ်။

သူက “ဘင်္ဂါလီအစွန်းရောက်တွေရဲ့ အစွန်းရောက်နည်းလမ်းဖြစ်တဲ့ ပုံသေနည်းထောင်ချောက်ကို ဖွင့်ပြသွားတယ်။ အဲဒါက (၁) သူတို့ဟာ အင်မတန်ဆိုးတဲ့ အကြမ်းဖက်လုပ်ရပ်တွေကို လုပ်ပြပါမယ်။ (၂) ဒါကို သူတို့က ဘာသာရေးကြောင့်ဆိုတဲ့ တံဆိပ်ကပ်ကြပါမယ်။ (၃) တတိယကတော့ ဒီကိစ္စကို စောင့်ကြည့်သူ တခြားနိုင်ငံကလူတွေ သူတို့ကို  သနားလာအောင် ဆွဲဆောင်တာတွေ ပြုတော့တာပဲ။ ဒီတော့ အဲဒီလိုအစွန်းရောက်ဝါဒီတွေရဲ့ ထောင်ချောက်ထဲကို မရောက်သွားဖို့ အရေးကြီးလှတယ်။

ပထမအချက်အနေနဲ့ မြန်မာပြည်မှာ ဖြစ်တာကို ကြည့်မယ်။ သူဟာ အင်မတန်ဆိုးတဲ့ အကြမ်းဖက်လုပ်ရပ်တွေကို လုပ်ပြပါမယ်ဆိုတာ တကယ်ပဲလား။ ဒါကို အများသိပါတယ်။ မြန်မာတွေက ဒီလိုအလုပ်ခံရတာကို သဘောပေါက်တယ်။ ရခိုင်ပြည်ရောက် ကုလသမဂ္ဂ အဖွဲ့အစည်းတွေကလည်း ဒီအကြောင်းကို ပြောပြပါတယ်။ သူတို့ဟာ အသက်ကို ဖက်နဲ့ထုပ်ကာ ပြန်ပြေးလာရတဲ့အကြောင်းတွေကို ရှင်းပြမှာဖြစ်တယ်။ သိသာထင်ရှားတာကတော့ ရဲစခန်းတွေကို ၀င်တိုက်တယ်။ တပ်မတော်ကင်းစခန်းတွေကို တိုက်ခိုက်တယ်။ လက်နက်တွေ လုတယ်။ အသေခံဓားတွေနဲ့ ၀င်ခုတ်တယ်။ ဒီလိုမျိုးလုပ်ရင် ဘယ်နိုင်ငံက အစိုးရရဲ့ လက်နက်ကိုင်တပ်ဖွဲ့မဆို တုံ့ပြန်မှာ အသေအချာပဲပေါ့။ ဒီလိုတုံ့ပြန်တာ သူတို့ရဲ့ ပထမ အောင်မြင်မှုပါပဲ။

ဒုတိယကတော့ ဘာသာရေးအကြောင်းပြဆိုတဲ့ တံဆိပ်ကပ်တာကို ပြုလုပ်တာပါပဲ။ ရခိုင်ပြည်နယ်မှာ ဖြစ်ပေါ်လာတဲ့ ပဋိပက္ခကို  ဖန်တီးပြီးတဲ့နောက် ဒါဟာ လူမျိုးဘာသာရေး ဆိုတဲ့ စွဲချက်တွေကို Issue တွေ ထုတ်တော့တာပဲ။ စင်ကာပူဟာ အာဆီယံနဲ့ပူးပေါင်းကာ ဒီအရေးကို ဖြေရှင်းမယ်။ ဒီအရေးကိစ္စမှာ ထိခိုက်သူတွေကို လူသားချင်း စာနာထောက်ထားတဲ့အနေနဲ့ ၀ိုင်းဝန်းကူညီသွားမယ်လို့ တင်ပြပါတယ်။ မြန်မာနိုင်ငံကတော့ ဒီလိုကိစ္စကို ပေါ့ပေါ့တန်တန်ပဲ သဘောထားတယ်။ ဘာကြောင့်လဲဆိုတော့ မြန်မာဗုဒ္ဓဘာသာတွေဟာ တစ်ယောက်ကို တစ်ယောက် ငဲ့ညှာတယ်။ ခွင့်လွှတ်တယ်။ အလှူပေးတယ်။ ဒုက္ခရောက်တဲ့သူတွေကို ကူညီတယ်ဆိုတာ ရိုးရာဓလေ့ဖြစ်နေပါတယ်။ ကမ္ဘာမှာ သက်သေ အထင်အရှား ရှိပါတယ်။ မြန်မာနိုင်ငံဟာ စစ်ပြီးစ စားသောက်စရာတွေ ပြတ်နေပြီး ငတ်နေတဲ့ ဂျပန်တွေကို ဆန်လှူတဲ့တစ်ခု တည်းသော နိုင်ငံဖြစ်တယ်။ မြန်မာနိုင်ငံဟာ သီရိလင်္ကာ၊ မော်လဒိုက် တောင်အာဖရိကနိုင်ငံတွေကို ဆန် နှစ်စဉ်လှူခဲ့တဲ့ သာဓကတွေ ရှိခဲ့ပါတယ်။ မြန်မာနိုင်ငံဟာ အလှူအတန်း အရက်ရောဆုံးနိုင်ငံလို့  ကုလသမဂ္ဂကတောင် အသိအမှတ်ပြုထားတဲ့ နိုင်ငံဖြစ်တယ်။ သို့သော် ဒီလိုအေးအေးနေတာဟာ ဘင်္ဂါလီတွေ ရဲ့ ထောင်ချောက်ထဲကို တည့်တည့်မတ်မတ်ကြီး ၀င်သွားတော့တာပဲ။

တတိယနည်းဗျူဟာအနေနဲ့ ဒီကိစ္စကို စောင့်ကြည့်သူ တခြားနိုင်ငံကလူတွေ သူတို့ကို သနားလာအောင် ဆွဲဆောင်တော့တာပဲ။ မြန်မာနိုင်ငံအပေါ် နားလည်မှုရှိတဲ့ မိတ်ဆွေ နိုင်ငံတွေ ရှိသလို အမြင်မှား အထင်မှား ဖြစ်နေတဲ့ နိုင်ငံတွေ ရှိနေတယ်။ တစ်ဖက်ကလည်း တရုတ်ရဲ့ OBOR (One Belt One Road) ဆိုတဲ့ စီမံကိန်းမှာ မြန်မာနိုင်ငံဟာ ထိပ်တန်းက ပါဝင်နေတယ်။ ကျောက်ဖြူရေနက်ဆိပ်ကမ်းဟာ အနောက်တိုင်းအတွက် အထိနာစေတဲ့ စီးပွားရေးဗျူဟာတစ်ခုကို ဖြစ်ပေါ်စေတယ်။ မြန်မာပြည်ကနေ တရုတ်ပြည် ယူနန်ကို လမ်းပေါက်သွားရင်  ဒေသတွင်းသာမက ကမ္ဘာ့ကုန်သွယ်ရေးမှာပါ ပြောင်းလဲမှုများစွာ ဖြစ်သွားပါမယ်။ တရုတ်တို့ဟာ မလက္ကာ ရေလက်ကြားကို တစ်ကွေ့တစ်ပတ်ကြီး ဖြတ်စရာမလိုဘဲ အရှေ့အလယ်ပိုင်းက  ရေနံကို တရုတ်ပြည်အရောက် တိုက်ရိုက်တင်ပို့နိုင်မယ်။ တရုတ်ပြည်ကလည်း ကုန်ပစ္စည်းတွေကို အမြန်ရထား (High Speed Trains) တွေသုံးပြီး အနောက်ဖက်နိုင်ငံတွေကို တင်ပို့နိုင်မယ်။ သာမန်တွေးဆကြည့်ရင်တောင် ကုန်သွယ်မှုပုံစံတွေရဲ့ ပါရာဒိုင်းအသစ်ဖြစ်တဲ့ တရုတ်ရဲ့ OBOR (One Belt One Road) စီမံကိန်းကို မြင်နေရပါမယ်။ ဒီလိုနည်းနဲ့ မြန်မာကမ်းရိုးတန်းကို တရုတ်တို့ အသုံးပြုခွင့်ရသွားမှာဖြစ်တယ်။ ဒီကမ်းရိုးတန်းကို အင်္ဂလိပ်တို့ကလည်း လိုချင်ခဲ့တယ်။ ဒေါက်တာသန်းထွန်းက သူ့ရဲ့သမိုင်းစာအုပ်ထဲမှာ  အင်္ဂလိပ်တွေ မြန်မာပြည်ကို ကျွန်ပြုတာ ကျွန်းသစ်တွေ လိုချင်လို့လည်း မဟုတ်ဘူး။ ရေနံတွေ လိုချင်လို့ မဟုတ်ဘူး။ ကမ်းရိုးတန်း အရှည်ကြီးကို လိုချင်လို့ပဲလို့ သုံးသပ်ထားတာရှိပါတယ်။ ဒီလိုဘင်္ဂါလီတွေနဲ့  မြန်မာတို့ ပဋိပက္ခဖြစ်တဲ့အခါ အနောက်တိုင်းရဲ့ အကွက်ဖြစ်လာတော့တယ်။

ဘင်္ဂါလီတွေဟာ သူတို့ရဲ့ဒုက္ခတွေကို သတင်းမီဒီယာတွေထံမှာ ငိုပြတယ်။ သတင်းမီဒီယာများကလည်း ကျင့်ဝတ် (Ethic) ကို ချိုးဖောက်ပြီး တစ်ဖက်သတ် ရေးသားကြတော့တာပဲ။ တကယ်လည်း သူတို့ဟာ ဒုက္ခသည်စခန်းကို ရောက်တယ်။ ဒုက္ခသည်စခန်းဆိုတာ ဒုက္ခတွေအများကြီးရှိတာ အမှန်ပဲ။ ယနေ့ဆိုရင် အာဖရိက (လစ်ဗျား) နဲ့ ဆီးရီးယားတို့ကနေ ထွက်ပြေးလာတဲ့ ဒုက္ခသည် မြောက်မြားစွာဟာ မြေထဲပင်လယ်ကို ဖြတ်ကူးလို့ဖြစ်ဖြစ်၊ အခုလို ပြင်းထန်တဲ့ဆောင်းမှာ အမိုးအကာမရှိလို့ဖြစ်ဖြစ် သေဆုံးသွားတာကို သိနေရပါတယ်။ ကျွန်တော် ဆိုလိုတာက ဒုက္ခသည်စခန်းမှာ ဒုက္ခတွေ အနည်းအများတော့ရှိမှာပဲ။ ကိုယ်ဝန်ဆောင်တွေရဲ့ ဒုက္ခ၊ သက်ကြီးရွယ်အိုတွေရဲ့ ဒုက္ခ၊ ကလေးသူငယ်တွေရဲ့ဒုက္ခ၊ မီးဖွားတဲ့မိခင်ဒုက္ခ။ ဒါတွေအားလုံးကို မီဒီယာတွေက  သနားစဖွယ်  Human Touch တွေအနေနဲ့ ရေးပြလို့ရတယ်။ အခုခေတ်မှာတော့ ရုပ်သံလွှင့်ခြင်းနဲ့ အွန်လိုင်းတွေမှာ You Tube တွေနဲ့ပြခြင်း၊ Facebook တင်ခြင်းတို့နဲ့ သတင်းတွေကို နေရာအနှံ့ရောက်အောင် ဖြန့်ချိလို့ရပါတယ်။ ဒီလို တစ်ဖက်လူတွေ သနားလာအောင် လုပ်တာဟာ သူတို့ရဲ့ဗျူဟာပါပဲ။

အမှန်တော့ ကျွန်တော်တို့ နိုင်ငံရဲ့ အရှေ့ဘက်ခြမ်း (ထိုင်းနိုင်ငံ)မှာ နှစ်ပေါင်းများစွာကတည်းက ဒီလို စစ်ရှောင်ဒုက္ခသည်စခန်း  (Refugee Camps) တွေ ရှိပါတယ်။ ကချင် အရှေ့မြောက် တရုတ်နယ်စပ်မှာလည်း ဒုက္ခသည်စခန်း (Refugee Camps) တွေရှိပါတယ်။ ဒုက္ခသည်စခန်းတွေမှာ ဒုက္ခတွေရှိပါတယ်။ ဒါပေမဲ့ အနောက်တိုင်းမီဒီယာတွေဟာ အဲဒီဒုက္ခသည်စခန်း (Refugee Camps) တွေကို ဘာလို့ ရိုက်မပြတာလဲ။ ဘာလို့ သတင်းလုပ်ပြီး မတင်ပြတာလဲ။ တစိုက်မတ်မတ် ဘင်္ဂလားဒေ့ရ်ှနယ်စပ်က ဒုက္ခသည်စခန်းကိုသာ ပြတယ်။ ဒီစခန်းဟာ ကမ္ဘာ့အကြီးဆုံး ဒုက္ခသည်စခန်းလို့လည်း တင်ပြထားတယ်။ တကယ်တော့ ကမ္ဘာမှာ စစ်ပြေးဒုက္ခသည် အရေအတွက်ဟာ သန်း ၉၀ ကျော်ရှိပါတယ်။ ဘင်္ဂလားဒေ့ရ်ှနယ်စပ်က စခန်းမှာ လူငါးသိန်း ရှိပါတယ်။ သူတို့ကို စုပေါင်းထားရှိတယ်။ ပြီးတော့ မြန်မာပြည်က ခေါ်တာကိုလည်း လက်မခံဘူး။ ပြန်မ၀င်လာဘူး။ ဒီနေရာမှာ ဒုက္ခသည်တွေ မြန်မာနိုင်ငံကို ပြန်မ၀င်တာ ဘာကြောင့်လဲ။ အဓိက,ကတော့ တတိယနိုင်ငံကို သွားလိုတာပါပဲ။ ဒီအခြေအနေကို အနောက်တိုင်းကရော အရှေ့တိုင်းနိုင်ငံတွေကပါ သဘောပေါက်ပါတယ်။ (မြန်မာနိုင်ငံအရှေ့ဘက် ဒုက္ခသည်စခန်းတွေကလည်း ဒီလို တတိယနိုင်ငံသွားကြတာ  သိန်းချီရှိပါတယ်။ ဒါတွေဟာ နိုင်ငံရေးတွေနဲ့ အလှည့်တွေ၊ အကွက်ဆင်တာတွေ အားလုံးနဲ့ဆိုင်တယ်။ အင်မတန်ရှုပ်ထွေးတဲ့ ကစားကွက်ပါပဲ)

ဒါပေမဲ့ ကျွန်တော်တို့ဟာ ဘင်္ဂါလီတွေရဲ့ ထောင်ချောက်ထဲကိုတော့ ထင်ထင်ရှားရှားကို ရောက်သွားရပြီဖြစ်တယ်။ အထူးသဖြင့် ကုလသမဂ္ဂလုံခြုံရေးကောင်စီမှာ မြန်မာပြည်ကို အရေးယူဖို့ ဆွေးနွေးကြတယ်။ ဘယ်လိုအရေးယူမလဲ။ R2P (Responsible to Protect) လို့ခေါ်တဲ့ လူသားတွေကို ကုလသမဂ္ဂ ‘ကာကွယ်ဖို့ တာဝန်ရှိတယ်’ ဆိုတဲ့ အကြောင်းအရာနဲ့ဝင်ဖို့ပါပဲ။ R2P ဆိုတဲ့ ကုလတပ်တွေ ဘယ်အခြေအနေမျိုးမှာ သုံးနိုင်သလဲ။ R2P ဆိုတာက ၂၀၀၅ ခုနှစ်က ကုလသမဂ္ဂက အတည်ပြု ဆုံးဖြတ်ထားတဲ့ စည်းမျဉ်းဥပဒေပါပဲ။ ဒီစည်းမျဉ်းအရ (၁) မျိုးဆက်သုတ်သင်မှု (Genocide) ဆိုတဲ့ လူမျိုးတုံး သတ်ဖြတ်မှု ဖြစ်လာရင် ၊ (၂) စစ်ရာဇ၀တ်ကျူးလွန်မှု (War Crimes) ပြုလုပ်ရင်၊  (၃) မျိုးနွယ်စုတစ်ခုလုံး သုတ်သင်မှု (Ethnic Cleansing) ပြုလုပ်ရင်၊ (၄) လူ့အခွင့်အရေးကို လျစ်လျူရှုပြီး လူမဆန်စွာ ရက်စက်မှု၊ လူမဆန်တဲ့ ရာဇ၀တ်မှုကျူးလွန်မှု (Crime against Humanity) ပြုလုပ်ရင်  အရေးယူနိုင်တယ်ဆိုပြီး ဖော်ပြထားပါတယ်။ အဲဒီ အချက်လေးချက်ထဲက တစ်ခုခုကို ကျူးလွန်တယ်လို့ ယူဆရင် ကုလသမဂ္ဂကလုံခြုံရေးကောင်စီမှာ ဆုံးဖြတ်လို့ရတယ်။ ဒီလိုကျူးလွန်တဲ့ နိုင်ငံတွေရဲ့ အချုပ်အခြာအာဏာကို ကျော်လွန်ပြီး ကုလသမဂ္ဂတပ်တွေ အဲဒီနိုင်ငံတွင်းကို ၀င်ရောက်ပြီး ထိန်းသိမ်းနိုင်တယ်လို့ ဆိုပါတယ်။ ဒီကိစ္စမျိုးမှာ မြန်မာနိုင်ငံကို အရေးယူဖို့ ကုလသမဂ္ဂကလုံခြုံရေးကောင်စီမှာ တင်ဖူးပါတယ်။ ဒါပေမဲ့ လုံခြုံရေးကောင်စီမှာ တရုတ်နဲ့ ရုရှားတို့က ပယ်ချလိုက်တယ်။ မြန်မာနိုင်ငံအတွင်း အများစုကတော့ ကုလသမဂ္ဂက လုံခြုံရေးကောင်စီမှာ တင်သမျှ  တရုတ်နဲ့ ရုရှားတို့က ပယ်ချပြီး R2P မ၀င်နိုင်တော့ဘူးလို့ ယူဆကြပါတယ်။ ဒီလိုဖြစ်မယ်လို့ ကျွန်တော်တို့လည်း မျှော်လင့်ပါတယ်။ ဒါပေမဲ့ ပြန်စဉ်းစားဖို့ အီရတ်ကို အမေရိကန် ဘယ်လိုဝင်လဲ၊ လစ်ဗျားကို အမေရိကန် ဘယ်လိုဝင်ခဲ့လဲ။ ကုလသမဂ္ဂက လုံခြုံရေးကောင်စီကို အကြောင်းကြားပြီး အတည်ပြုချက် မရယူခဲ့ဘူး။ ဒီလိုတင်ပြီး ၀င်တဲ့အတွက် အီရတ်ဟာ ယနေ့တိုင် ပြည်တွင်းစစ်တွေနဲ့ ရင်ဆိုင်နေရဆဲပဲ။ လစ်ဗျားဟာ သတ်ဖြတ်မှုတွေအများကြီးနဲ့ ရင်ဆိုင်နေရဆဲပဲ။ အဲဒီက လူမြောက်မြားစွာဟာ စစ်ပြေးဒုက္ခသည်တွေဖြစ်နေတာပဲ။

ယနေ့ကမ္ဘာ့အခြေအနေကိုကြည့်ပါ။  ဆီးရီးယားစစ် လေးနှစ်ကျော်ပြီ။ ကုလသမဂ္ဂက အပစ်အခတ်ရပ်စဲရေး လုပ်တယ်။ မရဘူး။ အဆိပ်ဓာတ်ငွေ့တွေ သုံးခဲ့တယ်။အမေရိကန်က ဗုံးချတယ်။ ရုရှားက ဗုံးချတယ်။ တူရကီက ၀င်တိုက်တယ်။ အစိုးရက တိုက်တယ်။ ရေပြင်မှာရော ဝေဟင်မှာရောပေါ့။  ပြည်သူတွေ  အသက်အိုးအိမ်တွေ ဘယ်လောက်ပျက်စီးလဲ၊  လူသိန်းချီသေတယ်။ ထွက်ပြေးရတယ်။ ဆေးဝါး၊ စားစရာမရှိဘူး။ စစ်ဆိုတာ ကြောက်စရာပါ။ စစ်ဖြစ်ပြီးရင် နောက်ဆုတ်လို့ရမယ်ထင်လို့လား။ ရခိုင်နဲ့ ဘင်္ဂလားဒေ့ရ်ှနယ်စပ်မှာ စစ်ပြင်နေတာ ကြားကြမှာပါ။

စစ်ဆိုတာ ကြောက်စရာပါ။ R2P ဆိုတာကို ပေါ့ပေါ့မတွေးပါနဲ့။ ဆွေနွေးအဖြေရှာဖို့ လိုတယ်။ ကျွန်တော်တို့အားလုံးဟာ လူသားတွေပါ။ လူမျိုး၊ ဘာသာ၊ အသားအရောင် ဘာပဲကွာကွာ လူဟာ လူပါ။ စစ်ဖြစ်ရင် ဘယ်လူမျိုး၊ ဘာဘာသာကိုးကွယ်သူ၊ ဖြူဖြူ မည်းမည်း ဗုံးကြဲရင် သေမှာကို ကြောက်ကြပါ။ ခေါင်းဆောင်များကလည်း ပေါ့ပေါ့လေးတွေးပြီး မြန်မာ့နောင်ရေးကို မဆုံးဖြတ်ပါနဲ့လို့  မှာချင်ပါတယ်။

OBOR စီမံကိန်းအတွက် NLD စီးပွားရေးကော်မတီနှင့် အပြန်အလှန်သုတေသနပြုလုပ်ရန် တရုတ်ကမ်းလှမ်း

OBOR စီမံကိန်းတွင် မြန်မာနိုင်ငံနှင့် တရုတ်နိုင်ငံအကြား ချိတ်ဆက်သွားနိုင်ဖွယ်ရှိသည့် စီမံကိန်းခန့်မှန်းမြေပုံကို တွေ့ရစဉ်

တရုတ်နိုင်ငံ၏ မဟာဗျုဟာ One Belt One Road စီမံကိန်းအတွက် NLD ပါတီ၏ ဗဟိုစီးပွားရေးကော်မတီနှင့် အပြန်အလှန် သုတေသနပြုလုပ်ရန် တရုတ်ဘက်မှ ကမ်းလှမ်းမှုရှိနေသည်ဟု  NLD ပါတီ၏ ဗဟိုစီးပွားရေးကော်မတီဝင် ဒေါက်တာအောင်ကိုကိုက ပြောကြားသည်။

“စီးပွားရေးကော်မတီဘက်က လုပ်ဖို့ ရှိမရှိတော့ ကျွန်တော်မသိသေးဘူး။ ဒါပေမဲ့ တရုတ်ဘက်က အဲဒါကို လိုလားနေတယ်။  တရုတ်ဘက်က OBOR နဲ့ပတ်သက်ပြီး သူ တို့နဲ့ အပြန်အလှန် သုတေသနလုပ်ပါလို့ ကမ်းလှမ်းမှုတွေတော့ ရှိလာပြီ။ ရှိလာတယ်ဆိုတာ အပြန်အလှန် သုတေသနလုပ်ချင်တယ်။ ဒီလို သုတေသနလုပ်မယ်ဆိုရာမှာလည်း ကျွန်တော်တို့က ဘယ်လိုပုံစံနဲ့လုပ်မလဲဆိုတာ စဉ်းစားဖို့လိုတယ်။ သူတို့ဘက်က ကမ်းလှမ်းတဲ့အဖွဲ့အစည်းသည် အမျိုးမျိုးရှိနိုင်တယ်။ အစိုးရနဲ့ ဆက်စပ်နေတဲ့အဖွဲ့အစည်းလား။ တက္ကသိုလ်တွေနဲ့ ချိတ်ဆက်ထားတဲ့ အဖွဲ့အစည်းလား။ ဒါမှမဟုတ် ပုဂ္ဂလိကလုပ်ငန်းရှင်တွေ ထောက်ပံ့ထားတဲ့ အဖွဲ့အစည်းလား။ တရုတ်နိုင်ငံပိုင် စီးပွားရေးအဖွဲ့အစည်းတွေက ငွေကြေးထောက်ပံ့ထားတဲ့ အဖွဲ့အစည်းလား။ လေးမျိုးရှိတယ်။ အဲဒီလို ဆွေးနွေးပြီ ဆိုရင် နှစ်နိုင်ငံကြားမှာ အချက်အလက် ဖလှယ်ရတာတွေရှိလာမယ်။ အဲဒါတွေကအစ စဉ်းစားဖို့လိုတယ်။ အဲဒီလိုနိုင်ငံနဲ့ဆိုင်တဲ့ အချက်အလက်တွေ ဖလှယ်တဲ့အခါမှာ အပေါ်ကပြောတဲ့လေးဖွဲ့ပေါ့။ ဘယ်သူတွေနဲ့ ဆွေးနွေးမလဲ။ အဲဒါက အရေးကြီးတဲ့ အချက် ပေါ့” ဟု ဒေါက်တာအောင်ကိုကိုက ပြောကြားသည်။

တရုတ်နိုင်ငံ၏ OBOR စီမံကိန်းတွင် ပါဝင်နိုင်ရန် ၂၀၁၆ ခုနှစ်အတွင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ခရီးစဉ်အတွင်း တရားဝင်ထုတ်ပြန်ခဲ့ခြင်း ဖြစ်သည်။ ထိုသို့ ကြေညာထားသော်လည်း စီမံကိန်းနှင့် ပတ်သက်၍ ဥပဒေ၊ နည်းဥပဒေ များ၊ မူဝါဒများ၊ မဟာဗျုဟာများ ဆွေးနွေးချပြနိုင်မှု မရှိခြင်းကြောင့် အဆိုပါ စီမံကိန်းတွင် ပါဝင်မည်ဆိုပါက မြန်မာနိုင်ငံအနေဖြင့် နစ်နာမှုမရှိစေရန် ကြိုတင်ပြင်ဆင်မှုများ ရှိနေသင့်ကြောင်း ဝေဖန်နေကြသည်။

“အခု OBOR ဆိုတာက အမှန်ပြောရရင် တရုတ်နိုင်ငံက အမေရိကန်တို့၊ EU တို့ သူတို့ရဲ့ ငွေကြေးကို ယှဉ်နိုင်အောင်လို့ ဒေသတွင်းနိုင်ငံတွေ ဒီလမ်းကြောင်းပေါ်မှာ ရှိနေတဲ့နိုင်ငံတွေနဲ့ ပေါင်းပြီးပြိုင်တာပေါ့။ ပေါင်းရင်းနဲ့ဟိုဘက်ကို အင်အားပြိုင်ဖို့ ကြိုးစားတယ်လို့ ကျွန်တော်ကသုံးသပ်တယ်။ တစ်ဖက်က ကြည့်မယ်ဆို ကိုယ့်ဘက်က အင်အားမရှိရင် ပြိုင်လည်းမပြိုင်နိုင် ပေါင်းလည်း မပေါင်းနိုင်ဖြစ်သွားမယ်။ ပြိုင်နိုင်တဲ့အင်အား ပေါင်းနိုင်တဲ့အင်အား ဆိုတာလည်း ချက်ချင်းကြီးမရဘဲ ကြိုတင်ပြင်ဆင်ရတယ်။ တကယ်လို့များ အဲဒီ OBOR က ကျွန်တော်တို့ နိုင်ငံကို ရောက်လာမယ်ဆိုရင် ဘယ်လိုပုံနဲ့ပြိုင်မလဲ၊ ဘယ်လိုပုံစံနဲ့ပေါင်းမလဲ။ လုပ်ငန်းရှင်တွေက သိထားဖို့ လိုလာပြီ။ အဲဒီအတွက်ကို ကြိုတင်ပြင်ဆင်စေချင်တယ်”  ဟု ဒေါက်တာအောင်ကိုကိုက ပြောကြားသည်။

အခြားသော နိုင်ငံများတွင် OBOR ကို တစ်ဖက်သတ်ဆန့်ကျင်ခြင်းနှင့် ထောက်ခံခြင်းများ ရှိနေပြီး အဆိုပါ စီမံကိန်းမှာကောင်း ကျိုးဆိုးကျိုး ဒွန်တွဲလာနိုင်ကြောင်းနှင့် ထို စီမံကိန်းစတင်လာချိန်တွင် ကိုယ့်နိုင်ငံ ကိုယ့်လူမျိုးများမှ မပြိုင်ဘဲ မပေါင်းဘဲနေ၍ မရနိုင် ကြောင်းနှင့် OBOR ကို ဆန့်ကျင်မည်ဆိုပါက ထိုစီမံကိန်းထက် ပိုမိုကောင်းမွန်သည့် စီမံကိန်း ရှိမရှိ မေးခွန်းထုတ်ရန် လိုအပ်လာမည် ဖြစ်ကြောင်းနှင့် အမေရိကန်နှင့်အနောက် နိုင်ငံများ၏ ရင်းနှီးမြှုပ်နှံမှု မျှော်လင့်သကဲ့သို့ ဖြစ်မလာချိန်တွင် မြန်မာ့ရင်းနှီးမြှုပ်နှံမှု နိုင်ငံ ဖြစ်သော အိမ်နီးချင်းတရုတ်နိုင်ငံနှင့်အတူ ပူးပေါင်းတည်ဆောက်နိုင်မည့် လမ်းစများရရှိလာနိုင်မည်ဖြစ်ကြောင်းနှင့် တရုတ်နိုင်ငံက မြန်မာ့သယံဇာတများ၊ မြန်မာ့အခွင့်အလမ်းများကို တစ်ဖက်သတ်ရယူသွားမည်ဟု ထင်မြင်နေ၍မရဘဲ ထိုသို့ ဖြစ်မလာရေးမှာ မြန်မာ နိုင်ငံအပေါ်တွင်သာ မူတည်နေကြောင်း ဒေါက်တာအောင်ကိုကိုက ဆိုသည်။

OBOR စီမံကိန်းတွင် ကျောက်ဖြူအထူးစီးပွားရေးဇုန်၊ ကျောက်ဖြူ-ကူမင်းမီးရထား လမ်းစီမံကိန်း၊ BCIM စင်္ကြံ၊ တစ်နာရီ မိုင် ၂၀၀ နှုန်းဖြင့်  မူဆယ်-လားရှိုး- မန္တလေး-ရန်ကုန်နှင့် မော်လမြိုင်မြို့မှတစ်ဆင့် ထိုင်းနိုင်ငံသို့ ဖြတ်ကျော် ၀င်ရောက်မည့် ပြေးဆွဲမည့် မြန်နှုန်းမြင့် မီးရထားလမ်းစီမံကိန်းများ ချိတ်ဆက်ပါဝင်ဖွယ်ရှိနေပြီး လက်ရှိတွင် မန္တလေးမြို့ကို ဗဟိုပြုတည်ဆောက်မည့် တရုတ်-မြန်မာ စီးပွားရေးစင်္ကြံတည်ဆောက်ရန် နားလည်မှုစာချွှန်လွှာ(မူကြမ်း) အတည်ပြုဆွေးနွေးထားသကဲ့သို့ OBOR မူဘောင်အတွင်း မြန်မာနိုင်ငံ စီးပွားရေးဖွံ့ဖြိုးတိုးတက်မှုနှင့် စားဝတ်နေရေးမြှင့်တင်နိုင်ရန် ကူညီဆောင်ရွက် ပေးမည်ဖြစ်ကြောင်း မြန်မာနိုင်ငံဆိုင်ရာ တရုတ်သံရုံးက သတင်းထုတ်ပြန်ထားသည်။