အပစ်အခတ်ရပ်စဲသည့် ဒေသအလိုက် မိမိတို့ဒေသအတွင်းရှိ စီးပွားရေးလုပ်ငန်းများကို NRPC သို့တင်ပြ၍ ကဏ္ဍအလိုက်ဆောင်ရွက်မည်ဟု ပြည်ထောင်စုဝန်ကြီး ပြောကြား

မြန်မာနိုင်ငံ တိုင်းရင်းသားလုပ်ငန်းရှင်များအသင်း စတင်မိတ်ဆက်ခြင်း အခမ်းအနားကို တွေ့ရစဉ်(ဓာတ်ပုံ-ဇေယျာငြိမ်း)

အပစ်အခတ်ရပ်စဲသည့် ဒေသအလိုက် မိမိတို့ဒေသအတွင်းရှိ စီးပွားရေးလုပ်ငန်းများကို NRPC သို့ တင်ပြ၍ ကဏ္ဍအလိုက် ဆောင်ရွက်သွားမည်ဖြစ်ကြောင်း ဇူလိုင် ၂၀ ရက်က ကုန်သည်စက်မှုအသင်းချုပ်၌ ပြုလုပ်သည့် မြန်မာနိုင်ငံ တိုင်းရင်းသားလုပ်ငန်းရှင်များအသင်း စတင်မိတ်ဆက်ခြင်းအခမ်းအနားတွင် တိုင်းရင်းသားရေးရာဝန်ကြီးဌာန၊ ပြည်ထောင်စုဝန်ကြီး ဦးနိုင်သက်လွင်က ပြောကြားသည်။

“စီးပွားရေးကဏ္ဍကတော့ သူတို့အပစ်အခတ်ရပ်စဲတဲ့ သူရဲ့ဒေသမှာ သူဘယ်လို လုပ်မလဲဆိုတာ အရင်ကပုံနဲ့တော့ မတူဘူး။ စီးပွားရေးအခန်းကဏ္ဍက တိုင်းရင်းသားတွေက သူတို့ရဲ့ဒေသထဲမှာ ဘာလုပ်ငန်းတွေရှိလဲ။ ဘာတွေလုပ်မယ်ဆိုတဲ့ ကျွန်တော်တို့ NRPC သူတို့တင်ပြပြီးတော့ သက်ဆိုင်ရာ ၀န်ကြီးဌာနကို ကျွန်တော်တို့က သူ့သက်ဆိုင်ရာ၊ သက်ဆိုင်ရာ သစ်တောနဲ့ဆိုရင် သစ်နဲ့ ဆိုင်တာပေါ့။ စီးပွားရေးဆို စီးပွားရေးနဲ့၊ လမ်းပန်းဆက်သွယ်ရေးဆို လမ်းပန်းဆက်သွယ်ရေး သူ့ကဏ္ဍနဲ့သူသွားမယ်” ဟု  ပြည်ထောင်စုဝန်ကြီး ဦးနိုင်သက်လွင်က ပြောကြားသည်။

လက်ရှိအချိန်တွင်လည်း မြန်မာနိုင်ငံ တိုင်းရင်းသားလုပ်ငန်းရှင်များအသင်းကို စတင်ဖွဲ့စည်းနိုင်ခဲ့ပြီး ယင်းအသင်းမှ မြန်မာနိုင်ငံအတွင်းရှိ တိုင်းရင်းသားလုပ်ငန်းရှင်များ လုပ်ကိုင်လိုသည့် စီးပွားရေးလုပ်ငန်းများအတွက် ကူညီဆောင်ရွက်ပေးသွားမည်ဖြစ်ကြောင်း သိရသည်။

ထို့ပြင် အဆိုပါအသင်းအနေဖြင့် စီးပွားရေးလုပ်ငန်း လုပ်ကိုင်ခြင်းထက် စီးပွားရေး လုပ်ငန်းများလုပ်ကိုင်မည့် တိုင်းရင်းသားအားလုံးအတွက် ကူညီပေးသည့်အဖွဲ့အစည်းအဖြစ်သာ ရပ်တည်သွားရန် မြန်မာနိုင်ငံတိုင်းရင်းသား လုပ်ငန်းရှင်များအသင်း၏ နာယက ဒေါက်တာအောင်ထွန်းသက်က ဆိုသည်။

“အသင်းအနေနဲ့ စီးပွားရေးလုပ်ခြင်းထက် စီးပွားရေးလုပ်ကိုင်လိုတဲ့ တိုင်းရင်းသားအားလုံးကို အကူအညီပေးတဲ့အဖွဲ့အစည်းအဖြစ် ရပ်တည်စေလိုတယ်” ဟု ဒေါက်တာ အောင်ထွန်းသက်က ပြောကြားသည်။

မြန်မာနိုင်ငံ တိုင်းရင်းသားလုပ်ငန်းရှင်များအသင်း (MEEA) ဖွဲ့စည်းရခြင်းသည် တိုင်းရင်းသားလုပ်ငန်းရှင်များ ပေါ်ထွန်းရေး၊ နိုင်ငံအ၀ှမ်း တိုင်းရင်းသား လူမျိုးလုပ်ငန်းရှင်များ စဉ်ဆက်မပျက် ဖွံ့ဖြိုးတိုးတက်လာစေရေး၊ တိုင်းရင်းသား လူမျိုးလုပ်ငန်းရှင်အချင်းချင်းသာမက ပြည်ပလုပ်ငန်းရှင်များနှင့်ပါ စီးပွားဆက်သွယ်ဆောင်ရွက်နိုင်ရေး စသည့်ရည်ရွယ်ချက်များဖြင့် ဖွဲ့စည်းခဲ့ခြင်း ဖြစ်သည်။

ထို့ပြင် ဒေသထွက်ကုန်များ နိုင်ငံခြားဈေးကွက်သို့ ထိုးဖောက်ဝင်ရောက်နိုင်ရေး၊ ရှိပြီးသားလုပ်ငန်းများ ပိုမိုဖြစ်ထွန်းလာစေရေး၊ တိုင်းရင်းသားလူမျိုးလုပ်ငန်းများ ထိရောက်စွာ ဆောင်ရွက်နိုင်ရေးအလို့ငှာ သတင်းအခြေအမြစ်များ အချိန်နှင့်တစ်ပြေးညီ ရရှိစေရေးတို့ဖြစ်ကြောင်း သိရသည်။

လက်ရှိအချိန်တွင်း ဒေသခံပြည်သူများအနေဖြင့် စိုက်ပျိုးရေးလုပ်ငန်းများကို ဆောင်ရွက်နေသော်လည်း ဈေးကွက်အရ မဖွံ့ဖြိုးသည့်အတွက် လုပ်ငန်းတွက်ခြေကိုက်မှုများ အားနည်းနေကြောင်း၊ ထို့ကြောင့် ဈေးကွက်ဖွံ့ဖြိုးမှုအတွက် နိုင်ငံတော်မှဆောင် ရွက်ပေးစေလိုကြောင်း အဆိုပါအခမ်းအနားတွင် ဦးခွန်မြင့်ထွန်းက ပြောကြားခဲ့သည်။

မြန်မာနိုင်ငံ၏ အဓိကပြည်ပပို့ကုန်များသည် လယ်ယာထွက်ကုန်များဖြစ်ပြီး ဒေသအလိုက် သီးနှံထွက်ကုန်များကို နိုင်ငံတကာဈေးကွက်သို့ တင်ပို့နိုင်ရေးနှင့် စံချိန်စံညွှန်များအတိုင်း ထုတ်လုပ်နိုင်ရေ ဆောင်ရွက်လျက်ရှိသည်။

တပ်မတော်အနေဖြင့် လက်ရှိအစိုးရ လက်ထက်၌ပင် ခိုင်မြဲသော ငြိမ်းချမ်းရေး ရရှိလိုပြီး လက်နက်ကိုင် လမ်းစဉ်ဖြင့် ဖက်ဒရယ်ပြည်ထောင်စု တည်ဆောက်၍ မရဟု JMC-U ဥက္ကဋ္ဌ ပြောကြား

ဇူလိုင် ၃ ရက်က ပြုလုပ်သည့် JMC-U ၏ (၁၇) ကြိမ်မြောက် အစည်းအဝေးတွင် JMC-U ဥက္ကဋ္ဌ ဒုတိယဗိုလ်ချုပ်ကြီးရာပြည့် အမှာစကား ပြောကြားနေစဉ်

တပ်မတော်အနေဖြင့် လက်ရှိအစိုးရ လက်ထက်တွင်ပင် ခိုင်မြဲသော ငြိမ်းချမ်းရေး ရရှိလိုပြီး တပ်မတော် ကာကွယ်ရေး ဦးစီးချုပ်၏ ဆန္ဒမှာလည်း ထိုအတိုင်းပင်ဖြစ်ကာ လက်နက်ကိုင်လမ်းစဉ်ဖြင့် ဒီမိုကရေစီနှင့် ဖက်ဒရယ်စနစ်ကို အခြေခံသော ပြည်ထောင်စုကို တည်ဆောက်၍မရဟု ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMC-U) ၏ (၁၇) ကြိမ်မြောက် အစည်းအဝေးတွင် JMC-U ဥက္ကဋ္ဌ ဒုတိယဗိုလ်ချုပ်ကြီး ရာပြည့်က ပြောကြားသည်။

JMC-U ၏ (၁၇) ကြိမ်မြောက် အစည်းအဝေးကို ရန်ကုန်မြို့ ရွှေလီလမ်းရှိ အမျိုးသား ပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် ဇူလိုင် ၃ ရက်မှ ၅ ရက်အထိ ကျင်းပနေပြီး အဆိုပါ အစည်းအဝေး အဖွင့်အမှာစကား ပြောကြားရာတွင် ဒုတိယဗိုလ်ချုပ်ကြီး ရာပြည့်က ထိုသို့ ပြောကြားခဲ့ခြင်း ဖြစ်သည်။

“လက်နက်ကိုင်လမ်းစဉ်နဲ့ ကျွန်တော်တို့ ဒီမိုကရေစီနဲ့ ဖက်ဒရယ်ကို အခြေခံတဲ့ ပြည်ထောင်စုကို ကျွန်တော်တို့ တည်ဆောက်လို့ရမှာ မဟုတ်ပါဘူး။ တိုင်းရင်းသားပြည်သူ အားလုံးကလည်း လက်နက်ကိုင် ပဋိပက္ခ ချုပ်ငြိမ်းပြီးတော့ ရေရှည်တည်တံ့ခိုင်မြဲတဲ့ ငြိမ်းချမ်းရေးကို ကျွန်တော်တို့ အမှန်တကယ် လိုလားလျက် ရှိပါတယ်။ ရေရှည်တည်တံ့ခိုင်မြဲတဲ့ ငြိမ်းချမ်းရေး ရရှိဖို့အတွက် NCA ဟာ ကျွန်တော်တို့ ငြိမ်းချမ်းရေးအတွက် တစ်ခုတည်းသော ကျွန်တော်တို့ မဟာဗျူဟာတစ်ခု ဖြစ်သလို NCA မှာ ပါဝင်တဲ့ ကတိက၀တ်များကိုလည်း လိုက်နာစောင့်ထိန်းဖို့ လိုအပ်ပါတယ်” ဟု JMC-U ဥက္ကဋ္ဌ ဒုတိယဗိုလ်ချုပ်ကြီး ရာပြည့်က ပြောကြားသည်။

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ် ရေးထိုးထားသော လက်နက်ကိုင် အဖွဲ့အစည်း အချင်းချင်းများအကြား ပစ်ခတ်တိုက်ခိုက်မှုများ လျော့နည်းသွားစေရေး အလေးအနက်ထား ဆောင်ရွက်ရန် လိုအပ်နေပြီး ရေရှည်တည်တံ့သော ထာဝရငြိမ်းချမ်းရေးရရှိရေး အတွက် NCA သည် မဟာဗျူဟာတစ်ခု ဖြစ်သကဲ့သို့ NCA စာချုပ်တွင် ပါဝင်သည့် ကတိက၀တ် များကိုလည်း စောင့်ထိန်းလိုက်နာရန် လိုအပ်နေသည်ဟု ဒုတိယဗိုလ်ချုပ်ကြီး ရာပြည့်က ပြောကြားသည်။

“ကျွန်တော်တို့ တပ်မတော်အနေနဲ့ လက်ရှိကျွန်တော်တို့အစိုးရ ကာလမှာပဲ ခိုင်မြဲတဲ့ ငြိမ်းချမ်းရေး၊ ထာဝရ ငြိ်မ်းချမ်းရေးကို ရရှိလိုတဲ့ ဆန္ဒရှိပါတယ်။ ဒါကျွန်တော်တို့ တပ်မတော်အပြင် တပ်မတော် အကြီးအကဲကလည်း ဒီအတိုင်းပဲ ဆန္ဒရှိတာ ဖြစ်ပါတယ်” ဟု ဒုတိယဗိုလ်ချုပ်ကြီး ရာပြည့်က ပြောကြားသည်။

JMC-U ၏ (၁၇) ကြိမ်မြောက် အစည်းအဝေးတွင် (၁၆) ကြိမ်မြောက် အစည်းအဝေးနှင့် (၁၇) ကြိမ်မြောက် အစည်းအဝေး ကြားကာလအတွင်း ပစ်ခတ်တိုက်ခိုက်မှု ရပ်စဲရေးဆိုင်ရာ အကောင်အထည်ဖော်မှုများ၊ JMC အဆင့်ဆင့်၏ တာဝန်နှင့် လုပ်ပိုင်ခွင့်များ၊ ပဋိပက္ခများ ဖြေရှင်းနိုင်ရေးအတွက် NCA တွင် ၀ိဝါဒ ကွဲပြားနေသော ဝေါဟာရအချို့နှင့် ပတ်သက်၍ အဓိပ္ပါယ် ဖွင့်ဆိုချက်များကို နှစ်ဖက်အပြန်အလှန် ဆွေးနွေးသွားကြမည် ဖြစ်ကြောင်း သိရသည်။

JMC မှ အဆင့်ဆင့်သော ကော်မတီဝင်များ အနေဖြင့် JMC လုပ်ငန်းများ ဆောင်ရွက်ရာတွင် ဒို့တာဝန် အရေးသုံးပါးကို ရှေးရှု၍ ဒီမိုကရေစီနှင့် ဖက်ဒရယ်စနစ်ကို အခြေခံသော ပြည်ထောင်စုကို နိုင်ငံရေး ဆွေးနွေးပွဲရလဒ်များနှင့်အညီ တည်ဆောက်သွားနိုင်ရေးအတွက် JMC ဆိုင်ရာ ပြဋ္ဌာန်းချက်များနှင့် လုပ်ထုံးလုပ်နည်းများနှင့်အညီ တိတိကျကျ အကောင်အထည်ဖော် ဆောင်ရွက်သွားကြရန် ယခုအစည်းအဝေးတွင် JMC-U ဥက္ကဋ္ဌ ဒုတိယဗိုလ်ချုပ်ကြီး ရာပြည့်က တိုက်တွန်းခဲ့သည်။

“ငြိမ်းချမ်းရေးလုပ်ငန်းစဉ် အကောင်အထည်ဖော် ဆောင်ရွက်တဲ့နေရာမှာ ရေတိုရေရှည် ဆောင်ရွက်ရမယ့် လုပ်ငန်းများကို ခွဲခြားသိမြင်ပြီးတော့မှ ညှိနှိုင်းဆောင်ရွက်ဖို့ လိုအပ်ပါတယ်။ ညှိနှိုင်းဆောင်ရွက်ပြီးတော့မှ လိုအပ်တဲ့ အကောင်အထည် ဖော်မှုတွေကိုလည်း ဆက်လက် ဆောင်ရွက်သွားဖို့ လိုအပ်ပါတယ်။ ကြားကာလ အတွင်းမှာ ငြိမ်းချမ်းရေး လုပ်ငန်းစဉ်တွေ တိုးတက်အောင်မြင်မှု ရရှိအောင်လို့ ကျွန်တော်တို့ နောက်ကြောင်းပြန် စဉ်းစားတာမျိုးတွေ မပြုလုပ်ဘဲ ရှေ့ဆက်သွားရမယ့် လမ်းကြောင်းကိုပဲ စဉ်းစားဆောင်ရွက်မှသာလျှင် ကျွန်တော်တို့ ထာဝရငြိမ်းချမ်းရေးရရှိ ဆောင်ရွက်နိုင်မှာ ဖြစ်ပါတယ်” ဟု  JMC-U ဥက္ကဋ္ဌ ဒုတိယဗိုလ်ချုပ်ကြီး ရာပြည့်က ပြောကြားသည်။

ယုံကြည်မှု တည်ဆောက်ရာတွင် ပုဂ္ဂိုလ်ရေး ရင်းနှီးမှုကို အခြေခံ၍ အပြန်အလှန် ယုံကြည်မှု တည်ဆောက်သွားနိုင်ပါက ပိုမိုလွယ်ကူနိုင်သည်ဟု ယူဆရသည့်အတွက် အောက်ခြေတပ်မှူး အချင်းချင်း ခင်မင်ရင်းနှီးမှုရှိအောင် ဆောင်ရွက်ရန် အစည်းအဝေး ပြီးဆုံးချိန်တိုင်းတွင် တွေ့ဆုံမှု ပြုလုပ်ရန် လိုအပ်နေသည်ဟုလည်း ၎င်းက ပြောကြားသည်။

JMC ဆိုင်ရာလုပ်ငန်းများ အကောင်အထည်ဖော် ဆောင်ရွက်နိုင်မှုနှင့် ပတ်သက်၍ အားနည်းချက်၊ အားသာချက်များ၊ အကြံပြုချက်များကို ယခုအစည်းအဝေးတွင် ပွင့်ပွင့်လင်းလင်း ဆွေးနွေးကြရန် JMC-U ဥက္ကဋ္ဌ ဒုတိယဗိုလ်ချုပ်ကြီး ရာပြည့်က တိုက်တွန်းခဲ့သည်။

 

၂၁ ရာစုပင်လုံတတိယအစည်းအဝေး ကျင်းပရေးနှင့်ပတ်သက်၍ အစိုးရနှင့် NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့များ၏ တတိယအကြိမ် အလွတ်သဘောအစည်းအဝေး ယနေ့ ပြုလုပ်မည်

ပြည်ထောင်စုငြိမ်းချမ်းရေးညီလာခံ ၂၁ – ရာစုပင်လုံ တတိယအစည်းအဝေး အောင်မြင်စွာကျင်းပနိုင်ရေးအတွက် အစိုးရနှင့် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘော တူစာချုပ် (NCA) လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့များ၏ တတိယအကြိမ် အလွတ်သဘောအစည်းအဝေးကို ယနေ့ မေ ၃၀ ရက်တွင် ရန်ကုန်မြို့ ရွှေလီလမ်းရှိအမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ၌ ပြုလုပ်သွားမည်ဖြစ်ကြောင်း ကရင်အမျိုးသား အစည်းအရုံး (KNU) ၏ အထွေထွေအတွင်းရေးမှူး ပဒိုစောတာဒိုမူးက ပြောကြားသည်။

“ဆုံးဖြတ်ချက်တွေကိုတော့ ကျွန်တော်တို့ ပြောဖို့မရှိပါဘူး။ ဒါပေမဲ့ ဒီအလွတ်သဘော ဆွေးနွေးပွဲတွေကို ကျွန်တော်တို့ ဆက်သွားပါမယ်။ အဲဒီမှာ ဆက်လက်ပြီး ဆွေးနွေးသွားပါမယ်” ဟု အလွတ်သဘော တွေ့ဆုံဆွေးနွေးရေးအဖွဲ့၏ အဖွဲ့ခေါင်းဆောင်တစ်ဦးဖြစ်သူ KNU အထွေထွေအတွင်းရေးမှူး ပဒိုစောတာဒိုမူးက ပြောကြားသည်။

NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့ရှစ်ဖွဲ့ဖြင့် ဖွဲ့စည်းထားသော ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) ၏ အကြိမ် (၂၀) မြောက် အစည်းအဝေးကို မေ ၂၇ ရက်နှင့် ၂၈ ရက်တွင် ထိုင်းနိုင်ငံ၊ ချင်းမိုင်၌ ပြုလုပ်ခဲ့ပြီး အဆိုပါအစည်းအဝေးတွင် မေ ၁၈ ရက်နှင့် ၁၉ ရက်တွင် နေပြည်တော်၌ ပြုလုပ်ခဲ့သော အစိုးရနှင့် အလွတ်သဘော တွေ့ဆုံဆွေးနွေးရေးအဖွဲ့တို့၏ ဒုတိယအကြိမ် အလွတ်သဘောတွေ့ဆုံဆွေးနွေးပွဲမှ ဆွေးနွေးချက်များကို ပြန်လည်ညှိနှိုင်းဆွေးနွေးသုံးသပ်ခဲ့ကြကြောင်း သိရသည်။

ထို့ပြင် မည်ကဲ့သို့ အတူတကွ ရှေ့ဆက်အကောင်အထည်ဖော်ကြမည်ဆိုသည်ကို PPST အစည်းအဝေးတွင် ဆွေးနွေးခဲ့ကြသော်လည်း အဆိုပါ ဆွေးနွေးချက်များကိုမူ PPST အစည်းအဝေးသို့ တက်ရောက်ခဲ့ကြသော တိုင်းရင်းသားလက်နက်ကိုင်အဖွဲ့ ကိုယ်စားလှယ်များက ထုတ်ဖော်ပြောကြားခြင်း မရှိပေ။

ငြိမ်းချမ်းရေးဆွေးနွေးပွဲများ အောင်မြင်မှု ရသင့်သလောက် မရရှိသေးခြင်းသည် အစိုးရ၊ တပ်မတော်နှင့် တိုင်းရင်းသား လက်နက်ကိုင်အဖွဲ့အစည်းများအကြား ယေဘုယျကြည့်ပါက တူသယောင်နှင့် ကွဲပြားမှုရှိသော ရည်မှန်းချက်ပန်းတိုင်ကိုယ်စီ ရှိခြင်းကြောင့် ဖြစ်သည့်အတွက် ဘုံသဘောဆန်သော ရည်မှန်းချက်များကို ရှာဖွေရမည်ဖြစ်သည်ဟု PPST အဖွဲ့ခေါင်းဆောင် KNU ဥက္ကဋ္ဌ ဗိုလ်ချုပ်ကြီး စောမူတူးစေးဖိုးကအကြိမ် (၂၀) မြောက် PPST အစည်းအဝေး အဖွင့်အမှာစကားတွင် ပြောကြားခဲ့သည်။

ပြည်ထောင်စု၏ အစိတ်အပိုင်းမှန်သမျှသည် ပြည်ထောင်စုနယ်မြေမှ မည်သည့် အခါမျှ ခွဲမထွက်ရဟူသောအချက်ကို ပြည်ထောင်စုငြိမ်းချမ်းရေးညီလာခံ ၂၁ – ရာစု ပင်လုံတတိယအစည်းအဝေး၏ ပြည်ထောင်စုသဘောတူစာချုပ် အစိတ်အပိုင်းတွင် အစိုးရနှင့်တပ်မတော်တို့က ထည့်သွင်းလိုသော်လည်း အဆိုပါအချက်နှင့်ပတ်သက်၍ တိုင်းရင်းသားလက်နက်ကိုင်အဖွဲ့များနှင့် ညှိနှိုင်းမှု အဆင်မပြေဖြစ်နေခြင်းဖြစ်ကြောင်း သိရသည်။

ထိုသို့ထည့်သွင်းရန် တိုင်းရင်းသား လက်နက်ကိုင်အဖွဲ့များက သဘောတူမှသာ တိုင်းရင်းသားများ လိုလားသည့် အမျိုးသား တန်းတူရေးနှင့် ကိုယ်ပိုင်ပြဋ္ဌာန်းခွင့်များ ပါဝင်သော အချက်များကို ပြည်ထောင်စု သဘောတူစာချုပ်၏ အစိတ်အပိုင်းတွင် ထည့်သွင်းပေးမည်ဖြစ်ပြီး အဆိုပါအချက်များနှင့်ပတ်သက်၍ အစိုးရ၊ တပ်မတော်နှင့် တိုင်းရင်းသား လက်နက်ကိုင်အဖွဲ့များအကြား ညှိနှိုင်းမှုအဆင်မပြေသေးသည့်အတွက် ပြည်ထောင်စုငြိမ်းချမ်းရေးညီလာခံ ၂၁ – ရာစု ပင်လုံတတိယအစည်းအဝေး မကျင်းပနိုင်သေးခြင်းဖြစ်ကြောင်း သိရသည်။

၂၁-  ရာစုပင်လုံ တတိယအစည်းအဝေး အောင်မြင်စွာကျင်းပနိုင်ရေးအတွက် အစိုးရ နှင့် NCA လက်မှတ်ရေးထိုးထားသော တိုင်းရင်းသား လက်နက်ကိုင်အဖွဲ့များသည် ဧပြီလ တွင် ပထမအကြိမ် အလွတ်သဘောဆွေးနွေးခဲ့ကြပြီး ယခုလ ၁၈ ရက်နှင့်  ၁၉ ရက်တွင် ဒုတိယအကြိမ်အလွတ်သဘော တွေ့ဆုံဆွေးနွေးထားသည်။