စည်းကြပ်မှုမှလွတ်ကင်းနေသော ၀င်ငွေကို သုံးရာခိုင်နှုန်းမှ ငါးရာခိုင်နှုန်းအထိ လျှော့ချပေးမှုသည် တိုင်းပြည်၏ နိုင်ငံရေး၊ စီးပွားရေး တည်ငြိမ်မှုများအားလုံး ပျက်စီးစေနိုင်သည်အထိ အန္တရာယ်ကြီးမားသည့်အပြင် အစ္စလာမ္မစ်အကြမ်းဖက်အဖွဲ့များ၏ငွေများ စီးဝင်လာပြီး တိုင်းပြည်စီးပွားရေးကို Manipulate လုပ်ပါက အဆိုပါ ပုဒ်မထည့်သွင်းရေးဆွဲသူက တာဝန်ခံနိုင်မည်လားဟု NLD စီးပွားရေးကော်မတီဝင် မေးခွန်းထုတ်

ရန်ကုန်မြို့ အစိတ်အပိုင်းတစ်နေရာရှိ နေအိမ်တိုက်ခန်းများကို တွေ့ရစဉ် (ဓာတ်ပုံ-ဆန်းထူးအောင်)

၂၀၁၈ ခုနှစ် ပြည်ထောင်စု၏ အခွန်အကောက်ဥပဒေကြမ်း ပုဒ်မ ၂၅ တွင် စည်းကြပ်မှုမှ လွတ်ကင်းနေသောဝင်ငွေကို သုံးရာခိုင်နှုန်းမှ ငါးရာခိုင်နှုန်းအထိ အခွန်နှုန်း လျှော့ချပေးထားမှုမှာ တိုင်းပြည်၏ နိုင်ငံရေး၊ စီးပွားရေးတည်ငြိမ်မှုများအားလုံး ပျက်စီးစေနိုင်သည်အထိ အန္တရာယ်ကြီးမားနေသည့်အပြင် အစ္စလာမ္မစ်အကြမ်းဖက်အဖွဲ့များ၏ ငွေများစီးဝင်လာပြီး တိုင်းပြည်တည်ငြိမ်အေးချမ်းမှု ပျက်ပြားကာ တိုင်းပြည်၏ စီးပွားရေးကိုပါ လက်ဝါးကြီးအုပ်သွားပါက အဆိုပါပုဒ်မကို ထည့်သွင်းရေးဆွဲသူက မည်သို့တာဝန်ယူ၊ တာဝန်ခံမည်ဆိုသည်ကို သိလိုကြောင်း NLD စီးပွားရေးကော်မတီဝင် မူဝါဒဆိုင်ရာ စီးပွားရေးပညာရှင် ဒေါက်တာအောင်ကိုကိုက မေးခွန်းထုတ်သည်။

“ ပုဒ်မ ၂၅ ကို ကျွန်တော်တို့ သဘောမတူကြဘူး။ ဒီလိုဝင်ငွေရလမ်းမပြနိုင်တဲ့ ငွေကြေးတွေဆိုတာ ပြောရမယ်ဆို အင်မတန်ကို အန္တရာယ်ကြီးတယ်။ လူပုဂ္ဂိုလ် ဘယ်သူမဆို သူ့လက်ထဲကို ငွေရောက်လာတာနဲ့ သုံးရာခိုင်နှုန်း အခွန်ဆောင်လိုက်တာနဲ့ ငွေဖြူဖြစ်သွားမယ်ဆို သူလုပ်ချင်သလို လုပ်သွားမယ်။ မြေ၀ယ်မယ်။ ရွှေဝယ်မယ်။ ကားဝယ်မယ်။ Intangible ရော၊ Tangible ရော အကုန်လုံးကို လုပ်ချင်သလိုလုပ်သွားမယ်။ ကျွန်တော်တို့ တိုင်းပြည်ရဲ့ စီးပွားရေးအကုန်လုံး ကမောက်ကမဖြစ်သွားမယ်။ ဈေးကစားခံရမယ်။ တိုင်းပြည် စီးပွားရေးတစ်ခုလုံး ၀ါးမျိုခံရမယ်။ ရည်ရွယ်ချက်က ရင်းနှီးမြှုပ်နှံမှုတွေ ၀င်လာမယ်ဆိုတာနဲ့ လုပ်သည်ပဲဆိုပါစို့။ ရင်းနှီးမြှုပ်နှံမှု ဆိုတာကလည်း နိုင်ငံခြားရင်းနှီးမြှုပ်နှံမှုတွေက ကောင်းပါတယ်။ ဒါပေမဲ့ FDI တွေက ကျွန်တော်တို့နိုင်ငံရဲ့ ဖွံ့ဖြိုးတိုးတက်မှုကို အ ထောက်အကူဖြစ်ဖို့လိုတယ်။ ကုန်ဈေးနှုန်း ကမောက်ကမဖြစ်စေမယ့် ရင်းနှီးမြှုပ်နှံမှုတွေ၊ သဘာဝပတ်ဝန်းကျင် ထိခိုက်ပျက်စီးသွားစေမယ့် ရင်းနှီးမြှုပ်နှံမှုတွေ၊ ကျွန်တော်တို့ရဲ့ ထုံးတမ်းစဉ်လာ ယဉ်ကျေးမှုတွေကို ပျက် စီးစေမယ့်မြှုပ်နှံမှုတွေဆိုရင် ကျွန်တော်တို့ လက်ခံလို့မရဘူး။ နောက်ပြီးတော့ နိုင်ငံတော်လုံခြုံရေးကို ထိခိုက်စေမယ့် ရင်းနှီးမြှုပ်နှံမှုတွေနဲ့ သဘာဝပတ်ဝန်းကျင်နဲ့ ရာသီဥတုကို ပြောင်းလဲသွားစေမယ့် ရင်းနှီးမြှုပ်နှံမှုတွေဆို ဒါတွေက အန္တရာယ်ရှိတာပေါ့။ ပြောရမယ်ဆိုရင် ဒီပုဒ်မ ၂၅ က ဖြုတ်ဖို့တောင်သင့်တဲ့အချက်မျိုး” ဟု ဒေါက်တာအောင်ကိုကိုက ဆိုသည်။

ငွေမည်းခ၀ါချနိုင်မည့်ပုဒ်မဟု အဝေဖန်ခံနေရသည့် စည်းကြပ်မှုမှ လွတ်ကင်းနေသော ၀င်ငွေကို သုံးရာခိုင်နှုန်းမှ ငါးရာခိုင်နှုန်းအထိ အခွန်နှုန်း လျှော့ချပေးထားမှုကို ပယ်ဖျက်နိုင်ခြင်း မရှိပါက ရင်းနှီးမြှုပ်နှံလာသည့် ကဏ္ဍအလိုက် အခွန်ကောက်ခံမှုကို သုံးရာခိုင်နှုန်းမှ ငါးရာခိုင်နှုန်းကဲ့သို့ ပြောင်းလဲ သတ်မှတ်ခြင်းမျိုးကဲ့သို့ လုပ်ဆောင်နိုင်သည့်အပြင် ပြည်ပသို့ စီးထွက်သွားခဲ့သည့် နိုင်ငံသားများ၏ ငွေများပြန်ဝင်လာမည်ဆိုသည့် မျှော်လင့်ချက်ထက် အကြမ်းဖက်အဖွဲ့အစည်းများ၏ ထောက်ပံ့ငွေများ ၀င်ရောက်လာပါက တိုင်းပြည်၏ ကုန်ဈေးနှုန်းတည်ငြိမ်မှု ပျက်ပြားသွားစေနိုင်သည့်အပြင် လက်ရှိတွင် ဖြစ်တည်စ အခွန်ထမ်းလိုစိတ်ယဉ်ကျေးမှု ပျက်သုဉ်းသွားနိုင်ကြောင်းနှင့် အဆိုပါ ပုဒ်မ ၂၅ ကို ထည့်သွင်းရေးဆွဲသူ မည်သူမှန်းမသိသော်လည်း ယင်းပုဒ်မကြောင့် ဖြစ်ပေါ်လာမည့် နောက်ဆက်တွဲဆိုးကျိုးများကို အဆိုပါပုဂ္ဂိုလ်မှ မည်သို့တာဝန်ယူမည်နည်းဟု ဒေါက်တာအောင်ကိုကိုက မေးခွန်းထုတ်သည်။

“အကြမ်းဖက်အဖွဲ့အစည်းတွေရဲ့ ငွေတွေဝင်လာပြီး လုပ်ချင်သလိုလုပ်သွားမယ်ဆိုရင် ငွေဖောင်းပွမှုတို့၊ ငွေလဲနှုန်းတည်ငြိမ်မှုတို့ တစ်နည်းပြောရရင် ကုန်ဈေးနှုန်းတည်ငြိမ်မှုကို တိုက်ရိုက်ကြီးသွားထိမယ်။ အခုဆို အခွန်ထမ်းဆောင်နေတဲ့ ကုမ္ပဏီတွေက အခွန်ထမ်းဆောင်ချင်စိတ်ရှိတော့မှာ မဟုတ်ဘဲ အခွန်ရှောင်လည်း ငါတို့ကရတယ်။ သုံးရာခိုင်နှုန်းပဲပေးရမှာဆိုတာမျိုးနဲ့ အခွန်ယဉ်ကျေးမှု ပျက်သွားမယ်။ အင်မတန်အန္တရာယ် များတယ်။ အဲဒီ ပုဒ်မ ၂၅ ကို သဘောတူလို့ မရဘူး။ ကျွန်တော်တို့ တစ်ဦးချင်းအနေနဲ့လည်း သဘောမတူဘူး။ နောက်တစ်ခုက အဲ ဒီပုဒ်မကို ရေးဆွဲသူသည် မည်သူမည်ဝါ၊ မည်သည့်ပုဂ္ဂိုလ်ဆိုတာ ကျွန်တော်တို့ မသိရသော်ငြားလည်း ဒီပုဂ္ဂိုလ်က ဒီလိုရေးဆွဲလိုက်တဲ့ နောက်ဆက်တွဲကို သူတာဝန်ယူ၊ တာဝန်ခံမည်လားဆိုတာ မေးစရာရှိလာတယ်” ဟု ၎င်းက ဆိုသည်။

ငွေမည်းခ၀ါချမှုဟု အသွင်ဆောင်နေသည့် စည်းကြပ်မှုမှ လွတ်ကင်းနေသော ၀င်ငွေကို သုံးရာခိုင်နှုန်းမှ ငါးရာခိုင်နှုန်းအထိ အခွန်နှုန်းလျှော့ချပေးထားမှု ပုဒ်မ ၂၅ မှာ NLD စီးပွားရေးကော်မတီ (ဗဟို) က ရေးဆွဲ ပေးခြင်းမဟုတ်ဘဲ ပြည်သူများကဲ့သို့ပင် ၂၀၁၈ ခုနှစ် ပြည်ထောင်စု၏ အခွန်အကောက် ဥပဒေကြမ်းထွက်ရှိမှသာ သိရှိရခြင်းဖြစ်ကြောင်း ဒေါက်တာအောင်ကိုကိုက ဆိုသည်။
ထို့ပြင် လက်ရှိ စီးပွားရေးမူဝါဒ ၁၂ ချက်သည်ပင်လျှင် NLD ပါတီ၏ မူလရွေးကောက်ပွဲ ကြေညာစာတမ်းပါ စီးပွားရေးမူဝါဒများနှင့် ကွဲလွဲမှုများရှိနေပြီး အစိုးရက လုပ်ဆောင်နေသည့် စီမံကိန်းများတွင် NLD စီးပွားရေးကော်မတီ (ဗဟို) ပင် မသိရှိသည့် ကိစ္စရပ်များ ရှိနေကြောင်း ဒေါက်တာ အောင်ကိုကိုက ပြောကြားသည်။

လက်ရှိမျှော်လင့်ထားသည့် Panama Papers စာရင်းဝင်အခွန်ရှောင်သူများနှင့် ဒေါ်လာ ၁၁ ဘီလျံ ပြန်ဝင်လာမည်ဆိုသည့် တွေးထင်မှုများထက် IS ကဲ့သို့ အစ္စလာမ္မစ်အကြမ်းဖက်အဖွဲ့များဆီမှ ငွေများစီးဝင်လာပြီး တိုင်း ပြည်စီးပွားရေးအပေါ် Manipulate လုပ်သွားပါက မည်သို့လုပ်ဆောင်မည်နည်းဟု ဒေါက်တာအောင်ကိုကိုက မေးခွန်းထုတ်သည်။

“စိုးရိမ်စရာပိုကောင်းတာက နောက်ဆုံးအဆုံးစွန်ပြောရရင် ကိုယ့်နိုင်ငံသားတွေဆီက ငွေတွေဝင်လာတာတော်သေးတယ်။ IS လို အစ္စလာမ္မစ်အကြမ်းဖက်အဖွဲ့တွေဆီက ငွေတွေဝင်လာရင် ဘယ်လိုလုပ်မလဲ။ ဥပမာပြောတာပေါ့ဗျာ။ ဟိုလူတွေဆီက ၀င်လာရင် ကိုယ့်နိုင်ငံသားတွေဖြစ်လို့ ဘုရားတည်၊ ကျောင်းဆောက်ဘက် ရောက်သွားနိုင်သေးတယ်။ အဲဒီလိုမဟုတ်ဘဲ အကြမ်းဖက်သမားတွေဆီက ငွေကြေးတွေနဲ့ ၀င်လာပြီး တိုင်း ပြည်စီးပွားရေးတစ်ခုလုံးကို Manipulate လုပ်သွားနိုင်တဲ့ အဆင့်ရောက်သွားရင် ဘယ်လိုလုပ်မလဲ။ တိုင်းပြည်ရဲ့ နိုင်ငံရေးရော၊ စီးပွားရေးရော၊ ယဉ်ကျေးမှုရော၊ အားလုံးကို ပျက်စီးသွားစေနိုင်တာပေါ့။ စီးပွားရေးကော် မတီဝင်သာဖြစ်တယ်။ ကျွန်တော်တို့ ကြိုတင်ပြီး သိရတာလည်း မဟုတ်ပါဘူး။ တိုင်းပြည် စီးပွားရေးက ကျဆင်းနေလွန်းလို့ အဖတ်ဆည်လို့ရအောင် သုံးရာခိုင်နှုန်း၊ ငါးရာခိုင် နှုန်းပေးလိုက်မယ်ဆို မှားမယ်ဗျ။ ငွေမည်းကို ခ၀ါချခွင့် ပေးလိုက်သလိုဖြစ်သွားမယ်။ ငွေမည်းဆိုတာ သာမန် ရိုးရိုးသားသားဆို ပြဿနာ မရှိဘူး။ အကြမ်းဖက်အဖွဲ့အစည်းတွေရဲ့ ငွေမည်းတွေလိုမျိုး တိုင်းပြည်ရဲ့စီးပွားရေးတစ်ခုလုံး မြန်မာ့နိုင်ငံရေး တစ်ခုလုံးကို ကြိုးကိုင်ဖို့ ကြိုးစားတဲ့ အဖွဲ့အစည်းတွေလက်ထဲသာ ၀င်သွားခဲ့ရင် ဒီပိုက်ဆံတွေက အများကြီး။ ရှင်းရှင်းပြောရရင် ပြည်သူပိုင်ပြန်သိမ်းလို့ မရတဲ့ခေတ်လည်း ဖြစ်နေတယ်။ အဲဒါကို Money Laundering Law တွေနဲ့လည်း ပြန်ညှိရမယ်” ဟု ၎င်းက ဆိုသည်။

၂၀၁၈ ခုနှစ် ပြည်ထောင်စု၏ အခွန်အကောက် ဥပဒေကြမ်းပါ ပုဒ်မ ၂၅ သည် အဓိပ္ပာယ်နှစ်ခွ ထွက်နေသော ပြဋ္ဌာန်းချက်တစ်ခုဖြစ်နေကြောင်း အမျိုးသားဒီမိုကရေစီအဖွဲ့ချုပ် စီးပွားရေးကော်မတီ (ဗဟို) အတွင်းရေးမှူး ဦးမင်းခင်က“အခွန်​ဥပ​ဒေ တူးအင်​၀မ်း” ဆိုကာ “ လတ်တလော လွှတ်​​တော်​မှာတင်​ထားပြီး အများပြည်​သူကြား ဝေဖန်​​နေကြတဲ့ ၂၀၁၈ ပြည်​​ထောင်​စု အခွန်​အ​ကောက်​ဥပ​ဒေကြမ်းရဲ့ အဓိကဖြစ်​တဲ့ ပုဒ်​မ ၂၅ က အ​တော်​စိတ်​၀င်​စားစရာ ကောင်းတယ်​။ ပထမအချက်​က နိုင်​ငံသားတစ်​ယောက်​က ပြည်​ပမှာ တနည်းနည်းနဲ့ ​​၀င်​​ငွေရခဲ့ပြီး အခွန်​မ​ဆောင်​ခဲ့ဘူးဆိုရင်​၊ ဒါမှမဟုတ်​နိုင်ငံခြားမှာ ငွေ​တွေ၊ ဘဏ်​စာရင်း​တွေ ရှိ​နေခဲ့ရင်​ (​ငွေပမာဏ ဘယ်​​လောက်ပဲ ဖြစ်​ဖြစ်​) သုံးရာခိုင်နှုန်းသာ​ပေးလိုက်​။ ​ငွေဖြူ ဖြစ်​မယ်​။ တရားဝင်​၀ယ်​တာခြမ်းတာ စီးပွား​ရေးလုပ်​ငန်း အားလုံး လုပ်​လို့ရမယ်​။ ဒုတိယအချက်​က အရင်​တုန်းကပဲဖြစ်​ဖြစ်​လာမယ့် ၂၀၁၈ ထဲမှာပဲ ဖြစ်​ဖြစ်​ ကြိုက်​တာဝယ်​။ ​ငွေဘယ်​​လောက်​ပဲသုံးသုံး၊ စီးပွား​ရေးလုပ်​ငန်း​ထောင်​၊ ရှယ်​ယာထည့်​၊ ၀ယ်​၊ ​ငွေဖြူမယ်​။ သုံးရာခိုင်နှုန်းပဲ​ပေး။ အားလုံးတရားဝင်​မယ်​။ ဒီနှစ်ချက်​စလုံးက တစ်ချက်​ခြင်းလည်း အဓိပ္ပာယ်​ရှိသလို နှစ်​ချက်​​ပေါင်းလည်း အဓိပ္ပါယ်​ရှိတယ်။ ​ကော်​ဖီမစ်​ စကားနဲ့ဆို တူးအင်​၀မ်းများ ဖြစ်​နေလေ
မလား” ဟု ၎င်း၏ လူမှုကွန်ရက်စာမျက်နှာတွင် ဝေဖန်ရေးသားထားသည်။

NLD ပါတီ တံတားဦးမြို့နယ် ပြည်သူ့လွှတ်တော်ကိုယ်စားလှယ်၏ ဇာတိဖြစ်သော လက်ဆောင်ယူကျေးရွာ ရွာလုံးကျွတ်နီးပါး ပြည်ခိုင်ဖြိုးပါတီသို့ ၀င်ရောက်

NLD ပါတီ တံတားဦးမြို့နယ် ပြည်သူ့လွှတ်တော်ကိုယ်စားလှယ် ဒေါ်စိုးနွယ်အေး၏ ဇာတိရွာဖြစ်သော မန္တလေးတိုင်းဒေသကြီး ကျောက်ဆည်ခရိုင် တံတားဦးမြို့နယ် လက်ဆောင်ယူကျေးရွာအုပ်စု လက်ဆောင်ယူကျေးရွာမှ ရွာလုံးကျွတ်နီးပါး USDP ပါတီ သို့ ၀င်ရောက်ကြောင်း သိရသည်။

အဆိုပါကျေးရွာတွင် ၁၈ နှစ်အထက် မဲပေးနိုင်သူ ၁၃၃၂ ဦးရှိသည့်အနက် ၉၈၀ ဦး USDP ပါတီဝင်ဖြစ်လာခြင်းဖြစ်ကြောင်း မန္တလေးတိုင်းဒေသကြီး ပြည်ခိုင်ဖြိုးပါတီ မီဒီယာတာဝန်ခံ ဦးကျော်စန်းက ဆိုသည်။

“လက်ဆောင်ယူကျေးရွာမှာ ရပ်/ကျေး ပါတီဥက္ကဋ္ဌများ တာဝန်ပေးအပ်ပွဲနဲ့ ပါတီဝင် အဆိုပြုလွှာပေးအပ်ပွဲ အခမ်းအနား မနေ့က ကျင်းပခဲ့ပါတယ်။ ကျွန်တော်တုိ့ပါတီဝင်ဖြစ်ပြီးသား ကျေးရွာသူ၊ ကျေးရွာသားက၂၁၅ ဦးပါ။ မနေ့ကမှပါတီဝင်အဖြစ် ၀င်ရောက်လာတာ ၇၆၅ ဦးဖြစ်ပါတယ်” ဟု ၎င်းကဆိုသည်။

ပြည်ခိုင်ဖြိုးပါတီ၏ ဆောင်ရွက်မှုများ၊ အမျိုးဘာသာသာသနာ စောင့်ရှောက်မှုများကို နှစ်ခြိုက်သည့်အတွက် ပါတီဝင်ရန် ဆုံးဖြတ်ခဲ့ခြင်းဖြစ်ကြောင်း လက်ဆောင်ယူကျေးရွာနေ ဒေါ်မြင့်မြင့်စန်းက ပြောကြားသည်။

“လက်ဆောင်ယူကျေးရွာက တံတားဦး လွှတ်တော်ကိုယ်စားလှယ်ဒေါ်စိုးနွယ်အေးရဲ့ ရွာဆိုတာ ဟုတ်ပါတယ်။ အဲဒီရွာက နဂိုတည်းက ပြည်ခိုင်ဖြိုးပါတီဘက် ယိမ်းတဲ့ ရွာပါ။ ၂၀၁၅ ရွေးကောက်ပွဲတုန်းကလည်း NLD ပါတီက အဲဒီနေရာမှာ ရှုံးခဲ့တာပါပဲ။ပြီးတော့ ယခင်ရွေးကောက်ပွဲကော်မရှင် ဥက္ကဋ္ဌ ဦးတင်အေးရဲ့အမျိုးတွေ အဲဒီမှာရှိတယ်” ဟု တံတားဦးမြို့ခံတစ်ဦးက ဆိုသည်။

လွှတ်တော်ကိုယ်စားလှယ်အချို့မှာ တာဝန်ဝတ္တရားများကို ပေါ့လျော့စွာ ထမ်းဆောင်နေကြသည်ကိုတွေ့ရကြောင်း NLD ပါတီ ဗဟိုအလုပ်အမှုဆောင်အဖွဲ့၏ အစီရင်ခံစာတွင် ဖော်ပြ

လွှတ်တော်အသီးသီး၏ ကိုယ်စားလှယ်အများစုမှာ တာဝန်ဝတ္တရားများကို ကျေပွန်စွာ ထမ်းဆောင်လျက်ရှိသည်ကို တွေ့ရပြီး အနည်းစုဖြစ်သော ကိုယ်စားလှယ်အချို့မှာ ပေါ့လျော့စွာ တာဝန်ထမ်းဆောင်နေကြသည်ကို တွေ့ရကြောင်း အမျိုးသားဒီမိုကရေစီအဖွဲ့ ချုပ် (NLD) ပါတီ ဗဟိုအလုပ်အမှုဆောင်အဖွဲ့၏ အစီရင်ခံစာတွင် ဖော်ပြထားသည်။

အမျိုးသားဒီမိုကရေစီအဖွဲ့ချုပ် အဋ္ဌမအကြိမ် ဗဟိုကော်မတီအစည်းအဝေးသို့ တင်သွင်းသည့် ဗဟိုအလုပ်အမှုဆောင်အဖွဲ့၏အစီရင်ခံစာကို ဗဟိုအလုပ်အမှုဆောင်အဖွဲ့ဝင် ဦးအောင်စိုးက ရန်ကုန်မြို့ မင်းဓမ္မလမ်းရှိ MCC ခန်းမ၌ကျင်းပသည့် အမျိုးသားဒီမိုက ရေစီအဖွဲ့ချုပ် ရန်ကုန်တိုင်းဒေသကြီး အဋ္ဌမအကြိမ် တိုင်း၊ ခရိုင်၊ မြို့နယ် စုံညီတွေ့ဆုံပွဲတွင် ဖတ်ကြားတင်သွင်းရာ၌ အထက်ပါကဲ့သို့ ထည့်သွင်းဖတ်ကြားခဲ့ခြင်းဖြစ်သည်။

“လွှတ်တော်ကိုယ်စားလှယ်များနှင့် ပတ်သက်၍ ၎င်းတို့၏ အရည်အချင်းကို အကဲဖြတ်နိုင်ရန် ရည်ရွယ်လျက် ယခုနှစ်ကစ၍ မေးခွန်းများမေးလျက် အဖြေများတောင်းခံခဲ့ပါသည်။ ကိုယ်စားလှယ်အများစုသည် မိမိတို့၏ တာဝန်ဝတ္တရားများကို ကျေပွန်စွာထမ်း ဆောင်လျက်ရှိသည်ကို တွေ့ရပါသည်။ သို့သော် အနည်းစုဖြစ်သော ကိုယ်စားလှယ်အချို့သည် ပေါ့လျော့စွာ တာဝန်ထမ်းဆောင်နေကြသည်ကိုလည်း တွေ့ရှိရပါသည်” ဟု ဦးအောင်စိုးက ဖတ်ကြားတင်ပြခဲ့သည်။

ထို့ပြင် လွှတ်တော်သက်တမ်းများသည် နောက်ထပ်သုံးနှစ်ခန့် ကျန်သေးကြောင်း၊ သို့ဖြစ်၍ မိမိတို့လွှတ်တော်ကိုယ်စားလှယ်များသည် ပြည်သူလူထုအကျိုးကို သယ်ပိုး ထမ်းဆောင်သော ကိုယ်စားလှယ်များဖြစ်လာရန် ကြိုးပမ်းကြစေလိုကြောင်း အစီရင်ခံစာတွင် တိုက်တွန်းထားသည်။

လွှတ်တော်ကိုယ်စားလှယ်များနှင့် ပတ်သက်၍ တိုင်ကြားစာများကို ကိုင်တွယ်ရန် ဗဟိုအလုပ်အမှုဆောင်ကော်မတီဝင် ဒေါက်တာ မျိုးညွန့်အား တာဝန်ပေးအပ်ထားကြောင်း၊ တိုင်ကြားစာအများစုမှာ အထောက်အထား မခိုင်လုံဘဲ တိုင်ကြားခဲ့ကြသည်ကို တွေ့ရှိရ ကြောင်းနှင့် အရေးယူရန်လိုအပ်သော တိုင်ကြားစာများမှာ အနည်းစုသာဖြစ်ကြောင်း ဦးအောင်စိုးက ဖတ်ကြားတင်သွင်းခဲ့သည်။

ကိုယ်စားလှယ်များကို တိုင်ကြားထားမှုအနေဖြင့် လူဦးရေ ၁၀၀ ကျော်ရှိကြောင်း၊ တိုင်ကြားစာ ၁၀၀ ကျော်တွင် လွှတ်တော် ကိုယ်စားလှယ်များ အပါအ၀င် အစုံဖြစ်ကြောင်း ပါတီဗဟိုအလုပ်အမှုဆောင်အဖွဲ့ အတွင်းရေးမှူး အဖွဲ့ဝင် ဦးဥာဏ်ဝင်းက ပြောကြား ထားသည်။

အုပ်စုတစ်စုအတွက် ပြောခြင်း၊ ဆိုခြင်း၊ လုပ်ခြင်းမျိုး မဖြစ်စေရန် အရေးကြီးကြောင်း အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ အတွင်းရေးမှူးအဖွဲ့ဝင် ဦးဉာဏ်ဝင်း ပြောကြား

အုပ်စုတစ်စုအတွက် ပြောခြင်း၊ ဆိုခြင်း၊ လုပ်ခြင်းမျိုး မဖြစ်စေရန် အရေးကြီးကြောင်း အမျိုးသားဒီမိုကရေစီအဖွဲ့ချုပ်ပါတီမှ ဗဟို အလုပ်အမှုဆောင်အဖွဲ့အတွင်းရေးမှူး အဖွဲ့ ၀င် ဦးဉာဏ်ဝင်းက ပြောကြားသည်။

ရန်ကုန်မြို့ မင်းဓမ္မလမ်းရှိ MCC ခန်းမ၌ ဖေဖော်ဝါရီ ၃ ရက်က ကျင်းပသည့် အမျိုးသားဒီမို ကရေစီအဖွဲ့ချုပ် ရန်ကုန်တိုင်းဒေသကြီး၊ အဋ္ဌမအကြိမ်တိုင်း၊ ခရိုင်မြို့နယ် စုံညီတွေ့ဆုံပွဲတွင် ဦးဉာဏ်ဝင်းက အဖွင့်အမှာစကားပြော ကြားရာတွင် ထည့်သွင်းပြောကြားခဲ့သည်။

ဒီမိုကရေစီတည်ဆောက်ရာတွင် အခြေ ခံအားဖြင့် အားလုံးသည် ပွင့်ပွင့်လင်းလင်းနှင့် ထိတွေ့ဆက်ဆံမှုက အဓိကဖြစ်ကြောင်း၊ မိမိတို့ ပါတီဗဟိုကပဲဖြစ်ဖြစ်၊ ပါတီ၏ ဖွဲ့စည်း လိုက်သည့် အစိုးရကပဲဖြစ်ဖြစ် အဆင့်ဆင့် သော အဖွဲ့အစည်းများနှင့် ထိ တွေ့ဆက်ဆံရန် အရေးကြီးကြောင်း၊ ပြည်သူလူထုနှင့်ထိတွေ့ ဆက်ဆံရန်လိုကြောင်း၊ ထိုသို့ထိတွေ့ဆက်ဆံ မှသာ လိုချင်သည့် ဒီမိုကရေစီပန်းတိုင်ကို ချီ တက်နိုင်မည်ဖြစ်ကြောင်း၊ လိုအပ်ချက်များ၊ ဖြည့်တင်းရမည့်အချက်များကို တိုက်ရိုက်သိရှိ နိုင်မည်ဖြစ်ကြောင်း ဦးÓဏ်ဝင်းက ဆိုသည်။

“ဒီနေ့ကျင်းပတဲ့ပွဲမှာ ကျွန်တော်တို့ ည နေပိုင်းကျရင်တော့ ဆွေးနွေးတာတွေ အများ ကြီးကြားရမှာပေါ့။ ဒါပေမဲ့ ဘယ်လိုပဲဖြစ်ဖြစ် ဝေဖန်ပါ။ ကျွန်တော်တို့ အဖွဲ့အစည်းက အုပ် စုတစ်စုအတွက် ပြောတာ၊ ဆိုတာ၊ လုပ်တာမျိုး တော့မဖြစ်စေဖို့ အရေးကြီးပါတယ်။ ကျွန်တော် တို့က ဒီမိုကရေစီလိုချင်တဲ့အတွက် ဒီမိုကရေ စီနည်းကျထိတွေ့ဆက်ဆံမှုကနေ အကျိုးအ မြတ်တွေရအောင် ကြိုးစားဆောင်ရွက်ကြဖို့ ကျွန်တော်တိုက်တွန်းရင်း နိဂုံးချုပ်ပါတယ” ဟု ဦးဉာဏ်ဝင်းက ပြောကြားသည်။

ထို့ပြင် အမျိုးသားဒီမိုကရေစီအဖွဲ့ချုပ်၊ ဗဟိုအလုပ်အမှုဆောင်အဖွဲ့အတွင်းရေးမှူး အဖွဲ့ဝင်ဦးဟံသာမြင့်က အမှာစကားပြော ကြားရာတွင် “ကျွန်တော်တို့ရဲ့ တကယ့်ရည် မှန်းချက်က ဘာလဲဆိုရင် အာဏာကိုအကြွင်းမရှိ သိမ်းတာကို တွန်းဖျက်ဖို့ဆိုတာ ကျွန်တော်တို့ အစကတည်းကလည်း လိုသေးတယ်။ အခုလည်း လိုဦးမှာပဲ။ ဒီအတွက် ဒီအပေါ်မှာ အခြေခံပြီးတော့ တစ်ဦးနဲ့တစ်ဦးပြန်လည် ထိန်းချုပ်ဖို့ဆိုတာ ရှိဖို့လည်းလိုအပ်တယ်။ ဒီလိုရှိမှလည်း ဒီမိုကရေစီဆိုတာက ရှင်သန် မှာဖြစ်ပါတယ”ဟု ပြောကြားသည်။

“ဝေဖန်တာ ကောင်းပါတယ်။ ဒါပေမဲ့ ကိုယ်ကိုယ်ကိုယ် ပြန်ကြည့်ဖို့လည်း အရေး ကြီးပါတယ်။ ကိုယ့်ကိုယ်ကိုယ် ပြန်ကြည့်တဲ့ နေရာမှာ ကိုယ်ဟာ မှန်ထောင်ပြီးတော့ ကြည့် လို့ရတာမဟုတ်ဘူး။ အဲဒီတော့ ဒီလုပ်ကိုင်နေ တဲ့အချိန်မှာ အဓိကကတော့ ဒီမိုကရေစီနိုင်ငံ တွေမှာ အဓိကကတော့ ကိုယ့်ကို မှန်ထောင် ပြီးတော့ ပြနေတာကတော့ အခုပြောနေတဲ့ စာနယ်ဇင်း၊ မီဒီယာဆိုတာ သူတို့အထဲမှာ ပါတာတွေဟာ ကိုယ်မကြိုက်တာတွေလည်း ရှိချင်ရှိမယ်။ မပါဘူးလို့ ထင်တဲ့ဟာတွေလည်း ရှိချင်ရှိမယ်။ တကယ်ဟုတ်ချင်မှလည်း ဟုတ် မယ်။ မှားချင်လည်း မှားမယ်။ သို့သော်လည်းပဲ ဒီမှန်တွေကိုယ်တိုင်ကလည်းပဲ ကြေးမုံအသစ် တွေပေါ့ဗျာ။ နောက်သူတို့အနေနဲ့က တကယ့် စင်းလုံးချော ကြေးမုံတွေဖြစ်ချင်မှဖြစ်မယ်။ မဖြစ်သော်လည်းပဲ ကျွန်တော်တို့အနေ နဲ့ကတော့ ဒီကြေးမုံတွေကို ကြည့်လိုက်ရင် ကိုယ့်ကို ရေးရေးတော့မြင်ရမှာပ” ဟု ဦးဟံသာမြင့်က ဆက်လက်ပြောကြားသည်။

မီဒီယာများ၏ ရေးသားဖော်ပြမှုများနှင့် ပတ်သက်၍ ပယ်ချရန်ထက် ဂရုစိုက်ရန် လိုအပ်ကြောင်း၊ မိမိတို့ ဘာဖြစ်နေပြီလဲ ဆိုသည်ကို ပြန်ကြည့်ရန် အရေးကြီးဆုံးဖြစ်နေပြီ ဖြစ်ကြောင်း ဦးဟံသာမြင့်က ပြောကြားသည်။

အနစ်နာခံ ရင်းနှီးပေးဆပ်ခဲ့ရ၍ အာဏာရသည့်အချိန်တွင် ပြန်လည်ခံစားမည်ဟု စိတ်ကူးရှိသည့်လူများပါက တိုင်းပြည်တွင် လက်ရှိရရှိထားသော ဒီမိုကရေစီနှင့်လူ့အခွင့်အရေး ပြန်လည်ဆုံးရှုံးသွားနိုင်ကြောင်း NLD ပါတီ ရန်ကုန်တိုင်း အလုပ်အမှုဆောင်အဖွဲ့ဥက္ကဋ္ဌ ပြောကြား

ရန်ကုန်မြို့ MCC ခန်းမ၌ ဖေဖော်ဝါရီ ၃ ရက်က ကျင်းပသည့် အမျိုးသားဒီမိုကရေစီအဖွဲ့ချုပ် ရန်ကုန်တိုင်းဒေသကြီး၊ အဋ္ဌမအကြိမ်တိုင်း၊ ခရိုင် မြို့နယ် စုံညီတွေ့ဆုံပွဲကို တွေ့ရစဉ် (ဓာတ်ပုံ-မျိုးမင်းထက်)

အနစ်နာခံ ရင်းနှီးပေးဆပ်ခဲ့ရ၍ အာဏာရသည့်အချိန်တွင် ပြန်လည်ခံစားမည်ဟု စိတ်ကူးရှိသည့်လူတွေ များပါက တိုင်းပြည်တွင် လက်ရှိရရှိထားသည့် ဒီမိုကရေစီနှင့် လူ့အခွင့်အရေး ပြန်လည်ဆုံးရှုံးသွားနိုင်ကြောင်း အမျိုးသားဒီမိုကရေစီအဖွဲ့ချုပ် ရန်ကုန်တိုင်းဒေသကြီး အလုပ်အမှုဆောင်အဖွဲ့ဥက္ကဋ္ဌ ဦးမြင့်ဌေးက ပြောကြားသည်။

ဦးမြင့်ဌေးက ဖေဖော်ဝါရီ ၃ ရက်တွင် ရန်ကုန်မြို့၊ မင်းဓမ္မလမ်းရှိ Myanmar Convention Center – MCC ခန်းမ၌ ကျင်းပသည့် အမျိုးသားဒီမိုကရေစီအဖွဲ့ချုပ် ရန်ကုန်တိုင်းဒေသကြီး၊ အဋ္ဌမအကြိမ် တိုင်း၊ ခရိုင်၊ မြို့နယ် စုံညီတွေ့ဆုံပွဲတွင် ပြောကြားခဲ့ခြင်း ဖြစ်သည်။

“အဲဒီအပေါ်မှာ ငွေကြေးလစာအပေါ်မှာ ပြောနေတာတွေကတော့ မသင့်တော်ဘူးလို့ ကျွန်တော် ပြောချင်ပါတယ်။ တချို့ပါတီဝင်တွေ၊ တချို့ကိုယ်စားလှယ်တွေ၊ လွှတ်တော်အသီးသီးက ကိုယ်စားလှယ်တွေ ဘ၀ပျက်၊ မိသားစုပျက်၊ စီးပွားပျက်ခံပြီးတော့ မြန်မာနိုင်ငံ ဒီမိုကရေစီနဲ့ လူ့အခွင့်အရေးအတွက် အားတက်သရော ကြိုးပမ်းဆောင်ရွက်နေကြသလို တချို့ပါတီဝင်တွေ၊ တချို့လွှတ်တော် ကိုယ်စားလှယ်တွေက ဒီတာဝန်တွေကို ယူပြီး စီးပွားတက်အောင် လုပ်ချင်ကြတဲ့ ပါတီဝင်၊ ကိုယ်စားလှယ်တွေလည်း ရှိတယ်။ ဒါတွေဟာ ဆင်ခြင်ရမယ်။ မဖြစ်သင့် မဖြစ်ထိုက်တဲ့ ကိစ္စတွေလို့ ကျွန်တော်ပြောချင်ပါတယ်”ဟု ဦးမြင့်ဌေးက ပြောကြားသည်။

ထို့ပြင် ၎င်းက “ဒါမျိုးဖြစ်နေတာဟာ ကျွန်တော်တို့ အရင်တုန်းက ဒီမိုကရေစီနှင့် လူ့အခွင့်အရေးအတွက် ဆိုပြီး ကြွေးကြော်လာပြီးတော့ မူလယုံကြည်မှု၊ ယုံကြည်ချက်တွေဟာ ဘယ်လိုဖြစ်လို့ ပျောက်ကွယ်သွားကြတာလဲ။ ဒါဆိုရင်တော့ ကျွန်တော်က ပြောချင်တယ်။ ငါတို့က အနစ်နာခံခဲ့လို့ ငါတို့ ဘယ်လောက် ရင်းနှီးပေးဆပ်ခဲ့လို့ ငါတို့ တာဝန်ရတဲ့အချိန်၊ ငါတို့ အာဏာရတဲ့အချိန် အဲဒီရင်းနှီးတာတွေကို ငါတို့ပြန်လည် ခံစားမယ်လို့ စိတ်ကူးရှိရင် အဲဒီလို စိတ်ကူးရှိတဲ့ လူတွေများရင် ကျွန်တော်တို့ တိုင်းပြည်ဟာ ဒီမိုကရေစီနှင့် လူ့အခွင့်အရေး လက်ရှိရထားတာဟာ ပြန်လည်ဆုံးရှုံးသွားနိုင်တယ်။ ဒါကို ကျွန်တော်တို့ ဆင်ခြင်သုံးသပ်ဖို့တော့ လိုပါတယ်”ဟု ဆက် လက်ပြောကြားသည်။

ထို့ပြင် လက်ရှိတွင် ပါတီ၌ တာဝန်ယူနေရသည့် အဆင့်ဆင့်သော အမှုဆောင်များ၊ အဖွဲ့ဝင်များသည် လစာ တစ်ပြားတစ်ချပ်မှ မရကြောင်း၊ ဗဟိုအလုပ်အမှုဆောင်ကိုတောင် ပါတီအနေဖြင့် ထောက်ပံ့နိုင်သည့် အနေအထားမရှိကြောင်း ဦးမြင့်ဌေးက ဆိုသည်။

“အဲတော့ အဲဒီကနေတစ်ဆင့် ၂၀၁၅ အထွေထွေ ရွေးကောက်ပွဲကို ၀င်တဲ့အခါမှာ အနိုင်ရသွားတဲ့ ကျွန်တော်တို့အဖွဲ့ချုပ်က ကိုယ်စားလှယ်တွေဟာ နိုင်ငံတော်ကပေးတဲ့ လစာကို ရယူနေတယ်။ ဒါပေမဲ့ တချို့ကိုယ်စားလှယ်တွေက အသံထွက်တယ်။ ဒီလစာလောက်နဲ့ ဘာလုပ်လို့ရမှာလဲဆိုတဲ့ ကိစ္စတွေ အသံထွက်တယ်။ အဲတော့ ကျွန်တော် တော်တော်စိတ်မကောင်း ဖြစ်တယ်။ အရင်တုန်းက တစ်ပြားတစ်ချပ်မှ မရဘူး။ ကိုယ့်အိတ်ထဲက ကိုယ်စိုက်လုပ်နေတယ်။ အဲဒီလိုလုပ်နေတဲ့ လူတွေလည်း ပါတီမှာ လက်ရှိ ရှိတယ်။ နိုင်ငံတော်က ပေးတဲ့လစာကို ဥပဒေထဲကနေပြီးတော့ သတ်မှတ်ထားတဲ့ လစာကို ရနေတဲ့ တချို့သော ကိုယ်စားလှယ်တချို့၊ ဥပမာအားဖြင့် တိုင်းဒေသကြီးဆိုရင် သတ်မှတ်ထားတဲ့ လစာ။ အမျိုးသားလွှတ်တော်၊ ပြည်သူ့လွှတ်တော်တွေရတယ်။ အဲတော့ ပါတီကို ပြန်လည်သွင်းရမယ်ဆိုတဲ့ ရာခိုင်နှုန်းတွေ ဖြတ်တယ်။ ငါတို့ရတာက ဒီလောက်၊ ပါတီကို ပြန်သွင်းရတာနဲ့ဆိုတဲ့ အသံတွေ ထွက်တယ်။ ဒီလစာနဲ့ ဘာမှ အဆင်မပြေဘူးဆိုတော့။ ကျွန်တော်တို့ ဒီကိုယ်စားလှယ်တွေ ရွေးချယ်မှုအပိုင်းကို ဘယ်သူက အတင်းအဓမ္မ တိုက်တွန်းပြီးတော့ ဘယ်သူက အတင်းအဓမ္မ မဖြစ်မနေ ရွေးချယ်ရမယ်လို့ ပြောသလဲ။ မိမိယူနိုင်တဲ့ တာဝန်ကို မိမိတာဝန် ထမ်းဆောင်ကြတာပဲ မဟုတ်ဘူးလား”ဟု ဦးမြင့်ဌေးက ပြောကြားသည်။

အဆိုပါ စုံညီတွေ့ဆုံပွဲ တက်ရောက်လာသည့် ရန်ကုန်တိုင်းဒေသကြီး၊ ဒဂုံမဲဆန္ဒနယ် မှ လွှတ်တော်ကိုယ်စားလှယ် ဦးကျော်ဇေယျ က “တချို့လွှတ်တော် ကိုယ်စားလှယ်တွေကျတော့လည်း လုပ်တယ်။ လုပ်တဲ့အခါကျတော့ အမှားကတော့ ရှိမှာပဲလေ။ တချို့ကိုယ်စားလှယ်တွေ ကျတော့လည်း ဘာမှမလုပ်ဘူး။ ဘာမှလည်း မပြောဘူးဆိုတာတွေ ရှိပါတယ်။ အန်ကယ်ကတော့ ကိုယ့်လွှတ်တော် ကိုယ်စားလှယ်တွေကိုလည်း မပြုတ်မရှုပ်တော့ မလုပ်ပါနဲ့ လုပ်ပါ။ အမှားတော့ရှိမှာပဲ။ ဒါပေမဲ့ အဲဒါလေးကို အမှားနည်းအောင် လုပ်ပြီးတော့ ကိုယ့်ရဲ့စေတနာသန့်သန့်နဲ့ ၂၀၂၀ အမျိုးသားဒီမိုကရေစီအဖွဲ့ချုပ် အောင်နိုင်ရေးအတွက်တော့ လုပ်ကို လုပ်ရမယ်။ ပြည်သူ့ဘက်ကလို အပ်တာတွေကို။ အစိုးရဘက်ကို ထောက်ပြရမယ်ဆိုပြီးတော့ အန်ကယ်ကတော့ ရဲဘော်ရဲဘက်စိတ် အပြည့်နဲ့တော့ ရန်ကုန်လွှတ်တော်ထဲမှာ လှုပ်ရှားနေပါတယ်”ဟု ပြောကြားသည်။

NLD ပါတီ၏ ဗဟိုစည်းကမ်းထိန်းသိမ်းရေးအဖွဲ့ကို ပြန်လည်ဖွဲ့စည်းပြီး အဖွဲ့ခေါင်းဆောင်အဖြစ် ဦးဥာဏ်ဝင်းအား တာဝန်ပေးအပ်

အမျိုးသားဒီမိုကရေစီအဖွဲ့ချုပ် (NLD) ဗဟိုစည်းကမ်းထိမ်းသိမ်းရေးအဖွဲ့ကို ပြန်လည်ဖွဲ့စည်းခဲ့ပြီး အဖွဲ့ခေါင်းဆောင်အဖြစ် ဦးဥာဏ်ဝင်းကို တာဝန်ပေးအပ်ကြောင်း ဇန်န၀ါရီ ၂၉ ရက်၌ အမျိုးသားဒီမိုကရေစီအဖွဲ့ချုပ် (NLD) က ထုတ်ပြန်သည်။

အဖွဲ့ဝင်ကိုးဦးပါဝင်သည့် အဆိုပါ ဗဟိုစည်းကမ်းထိန်းသိမ်းရေးအဖွဲ့တွင် ခေါင်းဆောင်အဖြစ် ဦးဥာဏ်ဝင်း၊ အဖွဲ့ဝင်အဖြစ် ဦးဝင်းထိန်၊ ဒေါက်တာဒေါ်မေ၀င်းမြင့်၊ ဒေါက်တာမျိုးညွန့်၊ ဦးသိန်းဦး၊ ဦးကျော်ဟိုး၊ ဒေါ်လဲ့လဲ့၊ ဒေါ်ဝင်းမြမြ၊ ဦးတိုးလွင်တို့ပါဝင်ကြောင်း ထုတ်ပြန်ချက်တွင် ဖော်ပြထားချက်အရ သိရသည်။

အဆိုပါအဖွဲ့တွင် အဖွဲ့ဝင်အဖြစ်ပါဝင်သည့် ဦးဝင်းထိန်မှာ ၎င်း၏သားဖြစ်သူ မင်္ဂလာဆောင်အပြီးတွင် သြစတြေးလျနိုင်ငံရှိ သမီးဖြစ်သူထံ ခေတ္တသွားရောက်နေထိုင်လျက်ရှိကြောင်း သိရသည်။

NLD ပါတီမှ ဦးဝင်းထိန်နှင့် ပြည်သူ့လွှတ်တော်ကိုယ်စားလှယ် ဦးမောင်မောင်ဦးတို့ကို သရော်စာသဘောသွယ်ဝိုက်ရေးသားမှု ပြည်သူများအထင်အမြင်လွဲမှားစေကာ လူထုယုံကြည်မှု လျော့ကျစေနိုင်သဖြင့် မြန်မာသံတော်ဆင့်နှင့် ဆောင်းပါးရှင်က ပြန်လည်တောင်းပန်ရေး ရန်ကုန်တိုင်းလွှတ်တော် ကိုယ်စားလှယ်က သတင်းမီဒီယာကောင်စီသို့ တိုင်ကြား

လက်ရှိအာဏာရ NLD ပါတီမှ ဦးဝင်းထိန်နှင့် ပြည်သူ့လွှတ်တော်ကိုယ်စားလှယ် ဦးမောင်မောင်ဦးတို့ကို မြန်မာသံတော်ဆင့်ဂျာနယ်က သရော်စာသဘော သွယ်ဝိုက်ရေးသားသည့် ဆောင်းပါးနှစ်ပုဒ်သည် ပြည်သူများ အထင်အမြင်လွဲမှားစေကာ လူထုယုံကြည်မှု လျော့ကျစေနိုင်သဖြင့် မြန်မာသံတော်ဆင့်နှင့် ဆောင်းပါးရှင်လင်းယုန်တို့ ပြန်လည်တောင်းပန်စေရေးအတွက် ရန်ကုန်တိုင်းဒေသကြီးလွှတ်တော်၊ အင်းစိန်မြို့နယ် မဲဆန္ဒနယ် အမှတ် (၂) မှ လွှတ်တော်ကိုယ်စားလှယ် ဦးဝေဖြိုးဟန်က သတင်းမီဒီယာကောင်စီသို့ တိုင်ကြားစာပေးပို့ထားကြောင်း သိရသည်။

မြန်မာနိုင်ငံ သတင်းမီဒီယာကောင်စီဥက္ကဋ္ဌသို့ လိပ်မူကာ ဇန်န၀ါရီ ၁၀ ရက်နေ့စွဲဖြင့် ပေးပို့ခဲ့သည့် မြန်မာသံတော်ဆင့်ဂျာနယ်နှင့် ဆောင်းပါးရှင်လင်းယုန်သို့ ကန့်ကွက်ကြောင်းပေးပို့ခဲ့သည့် တိုင်ကြားစာတွင် “မြန်မာသံတော်ဆင့်ဂျာနယ်၏ ၂၀၁၇ ခုနှစ် ဒီဇင်ဘာ ၂၃ ရက်နေ့ထုတ် အတွဲ (၆) အမှတ် (၄၀) ပါ ‘ဘဏ်စာရင်းထဲက ဦးဆောင်မှုကဏ္ဍ’ ဆောင်းပါးနှင့် ဒီဇင်ဘာ ၃၀ ရက်ထုတ် အတွဲ (၆) အမှတ် (၄၁) ပါ ‘ဗိုလ်ချုပ်ရုပ်တုစိုက်ထူရေး… ဒို့အရေး ဒို့အရေး’ ဆောင်းပါးနှစ်ပုဒ်အား ဆောင်းပါးရှင်လင်းယုန်က ရေးသားခဲ့ရာတွင် အမျိုးသားဒီမိုကရေစီအဖွဲ့ချုပ်ပါတီ၏ အကြီးအကဲများနှင့် လွှတ်တော်ကိုယ်စားလှယ်များအပေါ် လူထုအယုံအကြည်လျော့နည်းပြီး အထင်အမြင်လွဲမှားစေရန် မဟုတ်မမှန် သတင်းအချက်အလက်များဖြင့် ရေးသားဖော်ပြခဲ့ပါသည်။ သို့ပါ၍ ဆောင်းပါးများရေးသားသူ လင်းယုန်နှင့် ပုံနှိပ်ဖော်ပြခဲ့သော မြန်မာသံတော်ဆင့်ဂျာနယ်အပေါ် အပြင်းအထန် ရှုတ်ချကန့်ကွက်ကြောင်း အသိပေးအပ်ပါသည်” ဟု ဖော်ပြထားသည်။

ထို့ပြင် “ပြည်သူ့ပါတီနှင့် ပြည်သူ့ကိုယ်စားလှယ်များအပေါ် သရော်စာသဘောဖြင့် ရေးသားသည်ဟုဆိုသော်ငြား မမှန်သတင်းများရေးသားပြီး ပြည်သူလူထုကြား နားလည်မှုလွဲမှားအောင် တမင်သက်သက်ဖန်တီးခြင်းဖြစ်ကြောင်း သုံးသပ်ပါသည်။ ဆောင်းပါးနှစ်ပုဒ် ရေးသားမှုများသည် ရန်ကုန်တိုင်းဒေသကြီး အင်းစိန်မြို့နယ်တွင်နေထိုင်သော အမျိုးသားဒီမိုကရေစီအဖွဲ့ချုပ်ပါတီ အကြီးအကဲတစ်ဦးဖြစ်သူ ဦးဝင်းထိန်နှင့် အင်းစိန်ပြည်သူ့လွှတ်တော်ကိုယ်စားလှယ် ဦးမောင်မောင်ဦးတို့အား အမည်တိုက်ရိုက်မရေးသားထားသော်လည်း သွယ်ဝိုက်သောနည်းဖြင့် သိသာစေရန် ရေးသားထားခြင်းသည် အမျိုးသားဒီမိုကရေစီအဖွဲ့ချုပ်ပါတီနှင့် ပြည်သူ့ကိုယ်စားလှယ်များ၏ ကိုယ်ကျင့်တရားကို များစွာထိခိုက်နစ်နာရာရောက်ပါသည်။ ထို့ကြောင့် အဆိုပါဆောင်းပါးရေးသားသူ (သို့မဟုတ်) ဆောင်းပါးများ ပုံနှိပ်ဖော်ပြခဲ့သော ဂျာနယ်တိုက်အား လိုအပ်သောသတိပေးမှုများ ဆောင်ရွက်ပေးနိုင်ပါရန်နှင့် တိကျခိုင်လုံသော အကြောင်းအရာမဟုတ်ပါဘဲ၊ မဟုတ်မမှန်သတင်းများဖြင့် ရေးသားခဲ့ခြင်းများသည် သတင်းမီဒီယာ၊ စာပေကျင့်ဝတ်ကို ချိုးဖောက်ရာရောက်ကြောင်းနှင့် အဆိုပါကိစ္စကို အများပြည်သူအထင်အမြင် မလွဲမှားစေရန် ပြည်လည်တောင်းပန်ခြင်း ပြုလုပ်နိုင်ရန် မြန်မာနိုင်ငံသတင်းမီဒီယာကောင်စီအနေဖြင့် လိုအပ်သလို ကူညီဆောင်ရွက်ပေးနိုင်ပါရန် လေးစားစွာ အကူအညီတောင်းခံတင်ပြအပ်ပါသည်” ဟု ဦးဝေဖြိုးဟန်၏ တိုင်ကြားစာတွင် ဖော်ပြထားသည်။

အဆိုပါတိုင်ကြားစာပေးပို့မှုအပေါ် ဦးဝေဖြိုးဟန်က “မြန်မာသံတော်ဆင့်ဂျာနယ်နဲ့ ဆောင်းပါးရှင် လင်းယုန်ကို မြန်မာနိုင်ငံသတင်းမီဒီယာကောင်စီထံ လိပ်မူကန့်ကွက်ထားခြင်း မှန်ပါတယ်။ တရားစွဲဆိုသွားရန် အစီအစဉ်မရှိသေးပါ။ အများပြည်သူ အထင်အမြင်လွဲမှားစေရန် မဟုတ်မမှန်ရေးသားခဲ့မှုများအတွက် ပြန်လည်ဖြေရှင်း တောင်းပန်ရန်သာ တင်ပြထားပါတယ်” ဟုဖြေကြားသည်။

ရန်ကုန်တိုင်းဒေသကြီးလွှတ်တော် အင်းစိန်မြို့နယ် မဲဆန္ဒနယ်အမှတ် (၂) မှ လွှတ်တော်ကိုယ်စားလှယ် ဦးဝေဖြိုးဟန်က မြန်မာသံတော်ဆင့်ဂျာနယ်သို့ တိုင်ကြားခဲ့သည့် တိုင်ကြားစာကို သံတော်ဆင့်ဂျာနယ်အနေဖြင့် လူမှုကွန်ရက်မှသာ သိရှိထားရပြီး ဦးဝေဖြိုးဟန်မှ တရားဝင်စာပေးပို့ခြင်းမရှိသကဲ့သို့ သတင်းမီဒီယာကောင်စီမှလည်း ဇန်န၀ါရီ ၁၇ ရက်အထိ အကြောင်းကြားမှုမရှိသေးကြောင်းနှင့် အဆိုပါတိုင်ကြားစာအပေါ် လတ်တလောတွင် တုံ့ပြန်ရန်မရှိသေးကြောင်း မြန်မာသံတော်ဆင့်ဂျာနယ် ပြောရေးဆိုခွင့်ရှိသူ ပြန်ကြားရေးနှင့်ဆက်ဆံရေးအရာရှိ တာမွေအောင်ကိုက ပြောကြားသည်။

“ကျွန်တော်တို့ဆီကိုလည်း ဒီစာတရား ၀င်ရောက်တာလည်းမရှိသေးဘူး။ စာနယ်ဇင်းကောင်စီကနေလည်း ဘာမှအကြောင်းကြားတာ မရှိသေးဘူး။ စာနယ်ဇင်းကောင်စီက ကျွန်တော်တို့ကိုခေါ်ရင်တော့ သွားရမှာပေါ့လေ။ အခုလောလောဆယ်တော့ ဘာမှတုံ့ပြန်စရာမရှိသေးပါဘူး။ သူတို့လည်း သူတို့ရဲ့လုပ်ပိုင်ခွင့် ပြောပိုင်ခွင့်ရှိတယ်လေ။ ပြည်သူတစ်ယောက်အနေနဲ့လည်း ပြောပိုင်ခွင့်ရှိတယ်။ ဆိုပိုင်ခွင့်ရှိတယ်။ ကျွန်တော်တို့မီဒီယာအနေနဲ့လည်း ပြောပိုင်ခွင့်ရှိတယ်။ ဒီဆောင်းပါးနဲ့ပတ်သက်လို့ သိတဲ့အခါမှာ ကျွန်တော်တို့အမြင်ကတစ်မျိုး၊ သူတို့အမြင်ကတစ်မျိုး မြင်နေတဲ့သဘောပဲလို့ ကျွန်တော်တို့က မြင်ပါတယ်။ စာရေးဆရာလင်းယုန် ရေးတာဟာ အမှန်တော့သရော်စာပါ။ အဲဒီလို သရော်စာဖြစ်တဲ့အတွက် စာနယ်ဇင်းကောင်စီက မခေါ်တာဖြစ်ပါလိမ့်မယ်” ဟု တာမွေအောင်ကိုက ပြောကြားသည်။

NLD ပါတီမှ အစိုးရအဖွဲ့ဝန်ကြီးများ၊ လွှတ်တော် ကိုယ်စားလှယ်များနှင့် ပတ်သက်၍ တိုင်ကြားမှု ၄၀၀ ခန့်ရှိပြီး စုံစမ်းစစ်ဆေးရန် လိုအပ်သည့် တိုင်ကြားစာ ၂၀၀ ခန့်ရှိကြောင်း NLD ပါတီ ဗဟိုအလုပ်အမှုဆောင်အဖွဲ့ အတွင်းရေးမှူးအဖွဲ့ဝင် ဦးဉာဏ်ဝင်း ပြောကြား

ရန်ကုန်မြို့ အမျိုးသားဒီမိုကရေစီအဖွဲ့ချုပ်ပါတီ ဗဟိုရုံးချုပ်တွင် ပြုလုပ်သည့် NLD ပါတီ ပထမဗဟိုကော်မတီ အဋ္ဌမအကြိမ် အစည်းအဝေးအပြီး သတင်းစာရှင်းလင်းပွဲကို ဒီဇင်ဘာ ၃၁ ရက်က တွေ့ရစဉ်

NLD ပါတီမှ အစိုးရအဖွဲ့ဝန်ကြီးများ၊ လွှတ်တော် ကိုယ်စားလှယ်များနှင့် ပတ်သက်၍ ပါတီတိုင်ကြားစာ လက်ခံသည့်ဌာနသို့ တိုင်ကြားမှု ၄၀၀ ခန့်ရှိပြီး အမှန်တကယ် စုံစမ်းစစ်ဆေးရန် လိုအပ်သည့် တိုင်ကြားစာ ၂၀၀ ခန့် ရှိကြောင်း အမျိုးသားဒီမိုကရေစီအဖွဲ့ချုပ်ပါတီ ဗဟိုအလုပ်အမှုဆောင်အဖွဲ့ အတွင်းရေးမှူးအဖွဲ့ဝင် ဦးဉာဏ်ဝင်းက ပြောကြားသည်။

ဒီဇင်ဘာ ၃၁ ရက်က ရန်ကုန်မြို့ အမျိုးသားဒီမိုကရေစီအဖွဲ့ချုပ်ပါတီ ဗဟိုရုံးချုပ်တွင် ပြုလုပ်သည့် NLD ပါတီ ပထမဗဟိုကော်မတီ အဋ္ဌမအကြိမ် အစည်းအဝေးအပြီး သတင်းစာရှင်းလင်းပွဲတွင် ထိုသို့ပြောကြားခြင်း ဖြစ်သည်။

နိုင်ငံတော်၏ အတိုင်ပင်ခံပုဂ္ဂိုလ် ပြောကြားထားသည့်အတိုင်း မမှန်မကန် လုပ်နေသည့် ၀န်ကြီးများအား အရေးယူမှု ပြုလုပ်သွားမည်ဆိုခြင်းနှင့် ပတ်သက်၍ NLD ပါတီတွင်လည်း ပါတီ CEC ထံ တိုင်ကြားထားသည့် တိုင်ကြားစာများအရ ယင်းကဲ့သို့ အရေးယူခံရနိုင်သည့် NLD ပါတီမှ အစိုးရအဖွဲ့ဝန်ကြီး များ၊ အစိုးရပိုင်းမှ ပုဂ္ဂိုလ်များ ရှိ၊ မရှိ ဆိုသည့် သတင်းထောက်တစ်ဦး မေးမြန်းသော မေးခွန်းအပေါ် ဦးဉာဏ်ဝင်းက ပြန်လည်ဖြေကြားခဲ့ခြင်း ဖြစ်သည်။

ဦးဉာဏ်ဝင်းက “တိုင်ကြားတဲ့သူတွေကို ပြင်းပြင်းထန်ထန် အရေးယူဖို့ဆိုတာ သူတုိ့အကုန်လုံးက အရွေးချယ်ခံတွေပါ။ အရွေးချယ်ခံတွေဆိုရင် ဒေါက်တာမျိုးညွန့်နဲ့ ဆိုင်ပါတယ်။ သူ့ကော်မတီကကနေမှ CEC ကို တက်တာပါ။ လောလောဆယ် CEC မှာတော့ မရှိဘူး။ သူ့ဆီမှာတော့ ရှိနိုင်တယ်။ ကျွန်တော်ကြားထားတာတော့ တိုင်ကြားစာ ၄၀၀ လောက် ရှိတယ်။ တကယ်အရေးယူဖို့က တကယ်စုံစမ်းစစ်ဆေးဖို့ လိုအပ်တာက ၂၀၀ လောက်ရှိတယ်။ လောလောဆယ် အကြမ်းဖျင်းပြောရရင်တော့ ၂၀၀ လောက် ရှိပါတယ်” ဟု ပြောကြားသည်။

တိုင်းကြားစာများနှင့် ပတ်သက်၍ မည်ကဲ့သို့ ဆက်လက် ဆောင်ရွက်မည်ဆိုခြင်းကို အမှန်တကယ် စုံစမ်းစစ်ဆေးပြီးမှာသာ ဆုံးဖြတ်ချက်ချရမည်ဖြစ်ကြောင်း ၎င်းက ပြောကြားသည်။

နှစ်ရက်တာ ကျင်းပခဲ့သည့် NLD ပါတီ ပထမဗဟိုကော်မတီ အဋ္ဌမအကြိမ် အစည်းအဝေးတွင်လည်း ပါတီစည်းကမ်းထိန်းသိမ်းရေး အဖွဲ့အဆင့်ဆင့်ကို ပြန်လည်ဖွဲ့စည်းမည် ဆိုသည့်အချက် အပါအ၀င် အချက်ခြောက်ချက်ကို ဆုံးဖြတ်ခဲ့သည်။

အစည်းအဝေးတွင် ချမှတ်ခဲ့သည့် ဆုံး ဖြတ်ချက်များမှာ (၁) အဆင့်ဆင့်သော အလုပ်အမှုဆောင်အဖွဲ့များကို အစားထိုးဖြည့်ဆည်းမည်။ (၂) ပါတီစည်းရုံးရေး လုပ်ငန်းများကို တိုးမြှင့်ဆောင်ရွက်မည်။ (၃) ပါတီ၊ အစိုးရ၊ လွှတ်တော် ဟန်ချက်ညီညီ ဆောင်ရွက်မည်။ (၄) ပါတီ စည်းကမ်းထိန်းသိမ်းရေးအဖွဲ့ အဆင့်ဆင့်ကို ပြန်လည်ဖွဲ့စည်းမည်။ (၅) ဗဟိုက ဖွဲ့စည်းသော လုပ်ငန်းအဖွဲ့များကို ပြန်လည် သုံးသပ်ပြီး ဖြည်းဆည်းမည်။ (၆) စစ်ဘေးရှောင် ပြည်သူတွေကို တတ်နိုင်သမျှ ပံ့ပိုးကူညီပေးမည်ဆိုသည့် အချက်များဖြစ်သည်။

ချမ်းဝေစိုး၊ မောင်ထူး

အစိုးရ၀န်ထမ်းများ၊ လွှတ်တော် ကိုယ်စားလှယ်များသည် အစိုးရစီမံကိန်းများကို အဆင်ပြေသော နီးစပ်သူများအား လုပ်ပိုင်ခွင့်ပေးသည့် အလေ့အကျင့်ကိုဖျောက်ရန် NLD ပါတီ ဗဟိုကော်မတီ အဋ္ဌမအကြိမ် အစည်းအဝေး သဘာပတိ မွန်ပြည်နယ်ဝန်ကြီးချုပ် ပြောကြား

ဒီဇင်ဘာ ၃၀ ရက်က NLD ပါတီ ဗဟိုဌာနချုပ်ရုံးတွင် ပြုလုပ်သော အမျိုးသားဒီမိုကရေစီအဖွဲ့ချုပ် ပထမ-ဗဟိုကော်မတီ အဋ္ဌမအကြိမ် ပုံမှန်အစည်းအဝေး၌ သဘာပတိ မွန်ပြည်နယ်ဝန်ကြီးချုပ် ဒေါက်တာအေးဇံ အဖွင့်အမှာစကား ပြောကြားစဉ် (ဓာတ်ပုံ-ကျော်ဇင်ဖြိုး)

အစိုးရ၀န်ထမ်းများ၊ လွှတ်တော် ကိုယ်စားလှယ်များသည် အစိုးရစီမံကိန်းများကို အဆင်ပြေသော နီးစပ်သည့်သူများကို လုပ်ပိုင်ခွင့်ပေးသည့် အလေ့အကျင့်ကို ဖျောက်ရန် NLD ပါတီ ဗဟိုကော်မတီ အဋ္ဌမအကြိမ် အစည်းအဝေး သဘာပတိ ဗဟိုကော်မတီဝင်၊ မွန်ပြည်နယ်ဝန်ကြီးချုပ် ဒေါက်တာအေးဇံက ဒီဇင်ဘာ ၃၀ ရက်တွင် ပြောကြားသည်။

အမျိုးသားဒီမိုကရေစီအဖွဲ့ချုပ် ပထမ-ဗဟိုကော်မတီ အဋ္ဌမအကြိမ် ပုံမှန်အစည်းအဝေးကို ဒီဇင်ဘာ ၃၀ ရက်က အမျိုးသားဒီမိုကရေစီအဖွဲ့ချုပ် ဗဟိုဌာနချုပ်ရုံးတွင် ပြုလုပ်ရာ အစည်းအဝေး အဖွင့်အမှာစကား ပြောကြားရာ၌ အစည်းအဝေး သဘာပတိ ဒေါက်တာအေးဇံက ထိုသို့ထည့်သွင်းပြောကြားခြင်း ဖြစ်သည်။

“အမျိုးသားဒီမိုကရေစီအဖွဲ့ချုပ် ဦးဆောင်တဲ့ အစိုးရနဲ့အတူ ပူးပေါင်းပြီး စီးပွားရေးလုပ်ငန်းများ လုပ်ကိုင်ကြမယ့် လူငယ်များ၊ လူကြီးများအနေနဲ့ အစိုးရထံက နီးစပ်လို့ပဲ ဖြစ်ဖြစ်၊ အဆင်ပြေလို့ပဲ ဖြစ်ဖြစ်ရလာတဲ့ စီမံကိန်းတွေအပေါ် မှီခိုပြီး စီးပွားရှာဖွေကြတဲ့ အလေ့အထကို စွန့်လွှတ်ပြီး စွန့်ဦးတီထွင်သည့် လုပ်ငန်းရှင်များ ကျွမ်းကျင်ရာ နယ်ပယ်အလိုက် ပို့ကုန်လုပ်ငန်း လုပ်ကိုင်ကြသူများ ဖြစ်အောင် ကြိုးပမ်းကြဖို့ တိုက်တွန်းလိုပါတယ်။ နိုင်ငံတော်တာဝန်ကို ထမ်းဆောင်နေကြတဲ့ အစိုးရ၀န်ထမ်းများ၊ ပြည်သူ့တာဝန်ကို ထမ်းဆောင်နေကြတဲ့ လွှတ်တော်ကိုယ်စားလှယ်များကလည်း အစိုးရစီမံကိန်းများကို အဆင်ပြေတဲ့၊ နီးစပ်တဲ့သူများကို လုပ်ပိုင်ခွင့် ပေးတဲ့အလေ့အကျင့်ကို ဖျောက်ပြီး လူငယ်များ၊ စီးပွားရေး လုပ်ငန်းရှင်များ နည်းစနစ်တကျ စီးပွားရေးလုပ်ကိုင်နိုင်တဲ့ အခွင့်အလမ်းများကို ဖော်ကျူးကြဖို့ တိုက်တွန်းလိုပါတယ်။ ကျွန်တော်တို့ အဆင်ပြေဖို့ နာမည်ကောင်းရဖို့ထက် လူအများ စီးပွားကောင်းကောင်း ရှာနိုင်ဖို့က ပိုအရေးကြီးကြောင်း အသိပေး မေတ္တာရပ်ခံလိုပါတယ်”ဟု ၀န်ကြီးချုပ် ဒေါက်တာအေးဇံက ပြောကြားသည်။

စီးပွားရေး လုပ်ငန်းများအား ပြည်တွင်း၌ အပြိုင်အဆိုင် ဖြစ်လာရန် ဖန်တီးပေးရုံမက ပြည်ပနိုင်ငံများနှင့်လည်း ပူးပေါင်းရင်း ပြိုင်ဆိုင်၊ ပြိုင်ဆိုင်ရင်း ပူးပေါင်းဆောင်ရွက်သွားရမည် ဖြစ်ကြောင်း၊ လက်ရှိတွင် ဒေသတွင်း အင်အားကြီးနိုင်ငံတစ်ခု ဖြစ်သည့် တရုတ်ပြည်သူ့သမ္မတနိုင်ငံသည် One Belt One Road ဟုဆိုကာ အိန္ဒိယသမုဒ္ဒရာနှင့် ပစိဖိတ်သမုဒ္ဒရာတို့ ဆက်စပ်ပြီး စီးပွားရေးပူးပေါင်း ဆောင်ရွက်ရန် ကြိုးစားလာနေသည်ကို တွေ့ရှိရကြောင်း၊ One Belt One Road စီမံကိန်း တွင် ကုန်းမြေနှင့် ဆက်စပ်နေသည့် ပင်လယ်ပြင်များ ပိုင်ဆိုင်ထားသည့် နိုင်ငံတစ်ခုအနေဖြင့် အရေးပါလျက်ရှိကြောင်း၊ ထို့ပြင် ပိုးလမ်းမ စီမံကိန်းတွင်လည်း ပါဝင်လျက်ရှိသောကြောင့် နိုင်ငံတကာနှင့် ပြိုင်ဆိုင်မှုသည် မဖြစ်မနေ ပြင်းထန်မည် ဖြစ်ကြောင်း၊ ထို့ကြောင့် ပြည်ထောင်စုသမ္မတ မြန်မာနိုင်ငံတော်အနေဖြင့် နိုင်ငံတကာနှင့် အပြင်းအထန် ပြိုင်ဆိုင်နိုင်ရန် မျိုးဆက်သစ်လူငယ်များကို လက်တွဲခေါ်ယူရန် အထူးအရေးကြီးပြီး တာဝန်ယူ၊ တာဝန်ခံသူများ အနေဖြင့် ရဲရဲဆုံးဖြတ်၊ ရဲရဲလုပ်ကြရန် တိုက်တွန်းလိုကြောင်း ၎င်းကပြောကြားသည်။

“ကမ္ဘာ့စီးပွားရေး နှေးကွေးသွားတာကြောင့်အပြင် အခြားသော အကြောင်းခြင်းရာများကြောင့်ပါ ပြည်ထောင်စုသမ္မတ မြန်မာနိုင်ငံတော်ရဲ့စီးပွားရေးဟာ နှောင့်နှေးနေခဲ့ပါတယ်။ ဒီလိုအခြေအနေမျိုးမှာ ရခိုင်ပြည်နယ်ရဲ့ ပြဿနာထပ်ဖြစ်လိုက်တော့ အခြေအနေက ပိုမိုယိမ်းယိုင်ခဲ့ပါတယ်။ ပြည်ထောင်စုသမ္မတ မြန်မာနိုင်ငံတော်အတွင်းမှာ မှီတင်းနေထိုင်ကြတဲ့ တိုင်းရင်းသားပြည်သူ တစ်ဦးချင်းစီရဲ့ဘ၀များဟာ ရေရှည်တည်တံ့တဲ့ ငြိမ်းချမ်းရေးရရှိမှ ပိုမို ကောင်းမွန်လာမှာ ဖြစ်ပါတယ်။ သို့သော် ငြိမ်းချမ်းရေးကို တည်ဆောက်ဆဲမှာလည်း လူမှုစီးပွားများကို တတ်နိုင်သလောက် ကောင်းမွန်လာအောင် ကျွန်တော်တို့ အထူးကြိုးပမ်းရမှာ ဖြစ်ပါတယ်။ ဒါကြောင့် ကျွန်တော် မကြာခဏ ထည့်ပြောနေတဲ့ စကားက အခုလိုစိန်ခေါ်မှုများ အများအပြားကို ရင်ဆိုင်နေရတဲ့ အခြေအနေမျိုးပါပဲ။ ရဲရဲလုပ်ကြပါ။ မိမိအာဏာနေရာကို အရေးမထားဘဲ လူထုအတွက် ရဲရဲဆောင်ရွက်ပေးကြဖို့ တိုက်တွန်းနေရခြင်း ဖြစ်ပါတယ်။ အကန့်အသတ်တွေ ရှိနေပေမဲ့ မြန်မာနိုင်ငံသူ၊ နိုင်ငံသားများ ဘ၀ကောင်းမွန်လာစေရေးဟာ ကျွန်တော်တို့လို အစိုးရတာဝန် ယူထားသူတွေအတွက် အဓိကကျတယ်ဆိုတာ အားလုံးသိပြီးသား ဖြစ်ပါတယ်”ဟု ဒေါက်တာအေးဇံက ပြောကြားသည်။

မြန်မာနိုင်ငံသည် စိုက်ပျိုးရေးကဏ္ဍက နိုင်ငံဝင်ငွေ ဒုတိယအများဆုံး ရရှိသည့်နိုင်ငံ ဖြစ်ကြောင်း၊ အစိုးရအနေဖြင့် လယ်ယာမြေ အငြင်းပွားမှုများကို ဖြေရှင်းနိုင်ရန် အားကြိုးမာန်တက် ဆောင်ရွက်လျက်ရှိကြောင်း၊ နိုင်ငံတော်အစိုးရသည် စိုက်ပျိုးရေးကုန်စည်များ လျင်မြန်စွာ စီးဆင်းနိုင်ရေးအပြင် တောင်သူလယ်သမားများ၏ အခန်းကဏ္ဍ၊ ပို့ကုန်လုပ်ငန်းရှင်များ၏ အခန်းကဏ္ဍကိုပါ မြှင့်တင်နိုင်ရေးတို့ကို ဆောင်ရွက်ပေးရန် တိုက်တွန်းလိုကြောင်း၊ မြန်မာနိုင်ငံအနေဖြင့် အိမ်နီးချင်းနိုင်ငံများ ဖြစ်သည့် တရုတ်၊ အိန္ဒိယ အပါအ၀င် အခြားဝယ်လိုအားများသည့် နိုင်ငံကြီးများကိုပါ အဓိကထား တင်ပို့ရောင်းချနိုင်ရန် လိုအပ်လာကြောင်း ဒေါက်တာအေးဇံက ဆိုသည်။

မြန်မာနိုင်ငံအစိုးရသည် ငြိမ်းချမ်းရေး၊ စီးပွားဖွံ့ဖြိုးတိုးတက်ရေး ဆိုသည့် စိန်ခေါ်မှုများကို ရင်ဆိုင်နေရကြောင်း၊ ထိုကဲ့သို့ အခြေအနေမျိုးတွင် အမျိုးသားဒီမိုကရေစီအဖွဲ့ချုပ် အဖွဲ့ဝင်တိုင်းသည် အမျိုးသားဒီမိုကရေစီအဖွဲ့ချုပ်နှင့် နိုင်ငံတော်အစိုးရကို ပြတ်ပြတ်သားသား ၀န်းရံကြရမည် ဖြစ်ကြောင်း၊ အဖွဲ့ချုပ်အဖွဲ့ဝင်များ အနေဖြင့် အဖွဲ့ချုပ်မှ ချမှတ်ထားသည့် မူဝါဒများ၊ စည်းမျဉ်းစည်းကမ်းများကို တိတိကျကျ လိုက်နာပြီး အဖွဲ့ချုပ်၏ ဂုဏ်သိက္ခာကို တည့်မတ်မှန်ကန်သည့် ကိုယ်ကျင့်တရား၊ စူးရှထက်မြက်သည့် ဉာဏ်အမြော်အမြင်တို့ဖြင့် ၀ိုင်းဝန်းထိန်းသိမ်းကြရန် လိုကြောင်း ၎င်းက ဆက်လက်ပြောကြားသည်။

ထို့အတူ မိမိအနေဖြင့် အဖွဲ့ချုပ် အဖွဲ့ဝင်သစ်၊ အဟောင်းဟု ခွဲခြားထားမည် မဟုတ်ဘဲ အဖွဲ့ချုပ်၏ မူဝါဒနှင့် စည်းကမ်းကို လိုက်နာသည့် အဖွဲ့ဝင်နှင့် မကိုက်ညီသည့်အဖွဲ့ဝင်ဟု ခွဲခြား သတ်မှတ်ထားကြောင်း၊ အဖွဲ့ချုပ်၏ မူဝါဒစည်းကမ်းများအတိုင်း လိုက်နာဆောင်ရွက်ခြင်း မရှိသည့်အဖွဲ့ဝင်များအား မည်သည့်တာဝန်မျိုး ထမ်းဆောင်နေသည်ဖြစ်စေ မိမိတို့အနေဖြင့် ကန့်ကွက်ရှုတ်ချ တိုက်ဖျက်သွားကြမည် ဖြစ်ကြောင်းနှင့် မိမိတို့၏ ဂုဏ်သိက္ခာ၊ နေရာထက် ပြည်သူလူထု တစ်ရပ်လုံး၏ အပြုံးမျက်နှာများက ပိုမိုအရေးကြီးပြီး အဖွဲ့ချုပ်အဖွဲ့ဝင်များ စည်းကမ်းတကျ ပြုမူဆောင်ရွက်ကြရန်၊ သဘောထားကြီးကြရန်၊ ပူးပေါင်း ဆောင်ရွက်တတ်သော အခြားသူများကို လေးစားတတ်သည့် ယဉ်ကျေးမှု ထွန်းကားလာရန် ၀ိုင်းဝန်းဆောင်ရွက်ကြရန် ဒေါက်တာအေးဇံက ပြောကြားသည်။

အစည်းအဝေးကို နှစ်ရက်တာ ကျင်းပမည်ဖြစ်ရာ ဒီဇင်ဘာ ၃၁ ရက်တွင်လည်း တိုင်းဒေသကြီးနှင့် ပြည်နယ်အသီးသီးမှ ဗဟိုကော်မတီဝင်များက တင်သွင်းလာသော အစီရင်ခံစာများကို ပြန်လည်ဆွေးနွေးခြင်း၊ ကိုယ်ပိုင်အုပ်ချုပ်ခွင့်ရ ဒေသများမှ ဗဟိုကော်မတီဝင်များက တင်သွင်းသော အစီရင်ခံစာများကို ပြန်လည်ဆွေးနွေးခြင်း၊ ဗဟိုကော်မတီဝင်များ၏ တင်ပြချက်များအပေါ် ဗဟိုအလုပ်အမှုဆောင်အဖွဲ့က ပြန်လည်ရှင်းလင်း တင်ပြခြင်း၊ ဆုံးဖြတ်ချက်များ ချမှတ်ခြင်း၊ ရှေ့လုပ်ငန်းစဉ်များ ချမှတ်ခြင်း စသည့်အစီအစဉ်များဖြင့် ကျင်းပသွားမည် ဖြစ်သည်။

NLD ပါတီ ဗဟိုကော်မတီအစည်းအဝေးကို ခြောက်လတစ်ကြိမ် ကျင်းပခြင်းဖြစ်သည်။

NLD ဦးဆောင်သည့် ဒီမိုကရက်တစ် ဖက်ဒရယ်ပြည်ထောင်စု ထူထောင်ရေးလုပ်ငန်းစဉ်၌ ထိပ်တန်း ရာထူးတာဝန် ယူထားကြသူများ အပါအ၀င် ပါဝင်ဆောင်ရွက်နေကြသူ အားလုံး မိမိ၏ ရာထူး၊ ဂုဏ်သိက္ခာ၊ ထင်ပေါ်ကျော်ကြားမှုကို အလေးမထားဘဲ ပြည်သူလူထု ၀မ်း၀၀နှင့် ဘ၀လှလှတွင် နေနိုင်ကြဖို့ အဓိကထားကြရန် NLD ပါတီ ဗဟိုကော်မတီ အဋ္ဌမအကြိမ် အစည်းအဝေး သဘာပတိ ပြောကြား

အမျိုးသားဒီမိုကရေစီအဖွဲ့ချုပ် (NLD ) ဦးဆောင်သည့် ဒီမိုကရက်တစ် ဖက်ဒရယ်ပြည်ထောင်စု ထူထောင်ရေး လုပ်ငန်းစဉ်တွင် ထိပ်တန်း ရာထူးတာဝန် ယူထားကြသူများ အပါအ၀င် ကျရာကဏ္ဍတွင် ပါဝင်ဆောင်ရွက်နေကြသူ အားလုံး မိမိ၏ ရာထူး၊ ဂုဏ်သိက္ခာ၊ ထင်ပေါ်ကျော်ကြားမှုကို အလေးမထားဘဲ ပြည်သူလူထု ၀မ်း၀၀နှင့် ဘ၀လှလှတွင် နေနိုင်ကြဖို့ အဓိကထားကြရန် NLD ပါတီ ပထမ ဗဟိုကော်မတီ၊ အဋ္ဌမအကြိမ် အစည်းအဝေး သဘာပတိ ဗဟိုကော်မတီဝင် မွန်ပြည်နယ် ၀န်ကြီးချုပ် ဒေါက်တာအေးဇံက ပြောကြားသည်။

အမျိုးသားဒီမိုကရေစီအဖွဲ့ချုပ်၏ သဘာပတိအဖွဲ့ နာယက သူရဦးတင်ဦး အပါအ၀င် ဗဟိုအလုပ်အမှုဆောင်များ၊ ဗဟိုကော်မတီဝင်များ၊ အရန်ဗဟိုကော်မတီဝင်များ၊ တိုင်းဒေသကြီးနှင့် ပြည်နယ်အသီးသီးမှ ၀န်ကြီးချုပ်များနှင့် လွှတ်တော်ဥက္ကဋ္ဌများ တက်ရောက်သည့် NLD ပါတီ ပထမ ဗဟိုကော်မတီ၊ အဋ္ဌမအကြိမ် အစည်းအဝေးကို အမျိုးသားဒီမိုကရေစီအဖွဲ့ချုပ် ဗဟိုရုံးချုပ်တွင် ဒီဇင်ဘာ ၃၀ ရက်က စတင်ပြုလုပ်ခဲ့ရာ ဒေါက်တာအေးဇံက သဘာပတိအဖြစ် ဆောင်ရွက်ပြီး ၎င်း၏ အဖွင့်အမှာစကားတွင် ယင်းကဲ့သို့ ထည့်သွင်း ပြောကြားခဲ့ခြင်း ဖြစ်သည်။

အမျိုးသားဒီမိုကရေစီအဖွဲ့ချုပ် ဗဟိုကော်မတီဝင်၊ မွန်ပြည်နယ်ဝန်ကြီးချုပ် ဒေါက်တာအေးဇံက “အမျိုးသားဒီမိုကရေစီအဖွဲ့ချုပ်က ဦးဆောင်တဲ့ ဒီမိုကရက်တစ် ဖက်ဒရယ်ပြည်ထောင်စု ထူထောင်ရေး လုပ်ငန်းစဉ်တွေမှာ ထိပ်တန်း ရာထူးတာဝန် ယူထားကြသူများ အပါအ၀င် မိမိတို့ ကျရာကဏ္ဍကနေ ပါဝင်ဆောင်ရွက်နေကြသူ အားလုံး မိမိရဲ့ရာထူး မိမိရဲ့ဂုဏ်သိက္ခာ မိမိထင်ပေါ်ကျော်ကြားမှုကို အလေးမထားဘဲ ပြည်သူလူထု တစ်ဦးချင်းစီတိုင်းက ၀မ်း၀၀နဲ့ ဘ၀လှလှမှာ နေနိုင်ကြဖို့ အဓိကထားကြပါလို့ ပြောကြားလိုခြင်း ဖြစ်ပါတယ်”ဟု ပြောကြားသည်။

ပြည်ထောင်စု တိုင်းရင်းသားအချင်းချင်း လက်တွဲခေါ်ယူလိုစိတ် အပြည့်ရှိသော်လည်း လုပ်ပိုင်ခွင့်အာဏာ ရရှိထားသူ အချင်းချင်းအနေဖြင့် တစ်ဦးနှင့်တစ်ဦး ဖေးဖေးမမ မရှိကြပါက သို့မဟုတ် လုပ်ပိုင်ခွင့်အာဏာ ရရှိထားသူများ အနေဖြင့် ပြည်သူလူထု သို့မဟုတ် မျိုးဆက်သစ် လူငယ်များ၊ အမျိုးသမီးများကို လက်တွဲခေါ်ယူလိုစိတ် မရှိလျှင် မိမိတို့ ပြည်သူလူထု တစ်ရပ်လုံး လိုလားတောင့်တသည့် ငြိမ်းချမ်းရေးမှာ အလှမ်းဝေးနေဦးမှာ ဖြစ်ကြောင်း၊ ထို့ကြောင့် မိမိတို့ ပြည်ထောင်စုသမ္မတ မြန်မာနိုင်ငံတော်အတွင်းမှာ နိုင်ငံရေးအရ အရေးကြီးသော ရာထူးတာဝန်ကို ထမ်းဆောင်နေကြသူများ အချင်းချင်း သတ္တိရှိရှိ ယုံယုံကြည်ကြည် လက်တွဲကြရန် တိုက်တွန်းကြောင်း ဒေါက်တာအေးဇံက ပြောကြားသည်။

မိမိတို့ ရာထူး၊ မိမိတို့ ဂုဏ်သိက္ခာ နာမည်ကျော်ကြားရန်ထက် ပြည်သူလူထု၏ မျက်ဝန်းအိမ်များက မျက်ရည်များအား သုတ်ပေးရန်ကို အဓိက စေတနာထားပေးကြပါရန် ပြောကြားလိုကြောင်း၊ ပြည်ထောင်စုဖွား တိုင်းရင်းသား အချင်းချင်း လက်တွဲဆောင်ရွက်ကြရင်း၊ တစ်ဦးနှင့်တစ်ဦး သည်းခံစိတ် မွေးကြရင်း ရိုင်းပင်းကူညီကြရင်းဖြင့် အောင်မြင်သော ဒီမိုကရက်တစ် ဖက်ဒရယ်နိုင်ငံတော် ထူထောင်နိုင်ရေးတွင် ပြည်သူလူထုကြီးနှင့်အတူ မိမိတို့ အမျိုးသားဒီမိုကရေစီအဖွဲ့ချုပ် အဖွဲ့ဝင်ထုကြီးကလည်း ပါဝင်ရမှာဖြစ်ကြောင်း ဒေါက်တာအေးဇံက ဆိုသည်။

ဒေါက်တာအေးဇံက “အမျိုးသားဒီမိုကရေစီအဖွဲ့ချုပ်အတွင်းမှာ ငါနဲ့ ငါ့အုပ်စု နေရာရရေး၊ နာမည်ရရေး၊ ထင်ပေါ်ရေး စတာတွေကို ဦးတည်တဲ့ မည်သည့်လုပ်ရပ်မဆို ဆန့်ကျင်ကန့်ကွက် တိုက်ဖျက်ပစ်ရမှာ ဖြစ်ပါတယ်။ ကျွန်တော်တို့ဟာ ငါနဲ့ င့ါအုပ်စုကလွဲလို့ ဆိုတဲ့ရှိနေတဲ့ စိတ်ထားမျိုး ရှိနေသရွေ့ အခြားသူတွေကို ပြည်ထောင်စုစိတ်ဓာတ် မွေးဖို့ တိုက်တွန်းရာမှာ အောင်မြင်မှာ မဟုတ်ဘူးဆိုတာ သတိချပ်စေလိုပါတယ်။ ငါနဲ့ငါ့အုပ်စု နေရာရရေး၊ နာမည်ရရေး၊ ထင်ပေါ်ကျော်ကြားရေးကို သွားမလား။ ပြည်သူလူထုရဲ့ နေ့စဉ်ဘ၀ ကျကျနနရှိရေးကို အဓိကထားမလား ဆိုတာ အမျိုးသားဒီမိုကရေစီအဖွဲ့ချုပ် အောက်ခြေအဖွဲ့ဝင်များကနေ ဦးဆောင်တဲ့နေရာမှာရှိတဲ့ အဖွဲ့ဝင်များပါ မိမိ ကိုယ်ကိုယ် ပြန်လည်မေးရမယ့် မေးခွန်းဖြစ်ပါတယ်။ မိမိကိုယ်ကိုယ် ပြန်လည်ဆန်းစစ်ရာမှာ အသုံးပြုရမယ့်အချက်လည်း ဖြစ်ပါတယ်”ဟု ပြောကြားသည်။

NLD ပါတီ ဗဟိုကော်မတီ အစည်းအဝေးကို ခြောက်လတစ်ကြိမ် ကျင်းပခြင်းဖြစ်သည်။