အမျိုးသားဒီမိုကရေစီအဖွဲ့ချုပ် တောင်ကြီးမြို့နယ် အလုပ်အမှုဆောင်အဖွဲ့ကို ဗဟိုမှ ဦးဆောင်၍ အသစ်ပြန်လည် ရွေးချယ်ဖွဲ့စည်း

အမျိုးသားဒီမိုကရေစီအဖွဲ့ချုပ် တောင်ကြီးမြို့နယ် အလုပ်အမှုဆောင်အဖွဲ့သစ်ကို မေ ၁၉ ရက်တွင် ဗဟိုမှ ဦးဆောင်၍ အသစ်ပြန်လည် ရွေးချယ်တင်မြှောက်ပြီး ဖွဲ့စည်းခဲ့ကြောင်း သတင်းရရှိသည်။

တောင်ကြီးမြို့နယ် အလုပ်အမှုဆောင်အဖွဲ့ဟောင်းကို ပြန်လည် ဖျက်သိမ်းခဲ့ပြီး မေ ၁၉ ရက်တွင် ဒေါက်တာဇော်မြင့်မောင်၊ ဦးဟန်သာမြင့် ၊ ဦးတိုးလွင်တို့က ဦးဆောင်ရွေးချယ်ပေးခဲ့ပြီး တောင်ကြီးမြို့နယ်အတွင်းရှိ ကျေးရွာပေါင်း ၈၁ ရွာရှိ စာရင်းများအရ နှစ်ဦးစီကို ခေါ်ပြီး မဲပေးခြင်းဖြစ်ကြောင်း၊ အဆိုပါ ၁၆၂ ဦးထဲမှ မဲပေးပိုင်ခွင့်ရှိသူ ၂၉ ဦးတွင် တစ်ဦး ပျက်ကွက်သဖြင့် ၂၈ ဦးရှိရာ အဆိုပါ ၂၈ ဦးအနက် ၁၉ ဦးကို မြို့နယ်အမှုဆောင်အဖွဲ့ကို ပြန်လည် ရွေးချယ်ခြင်းဖြစ်ကြောင်း တောင်ကြီးမြို့နယ် လွှတ်တော်ကိုယ်စားလှယ် ဒေါ်သန်းငွေက ပြောကြားသည်။

တောင်ကြီးမြို့နယ် စည်းရုံးရေးအဖွဲ့ ပြန်လည်ဖွဲ့စည်းနိုင်ရန် ယခင်ရှိပြီး တောင်ကြီးမြို့နယ် အလုပ်အမှုဆောင်အဖွဲ့ဝင်များကို ဖျက်သိမ်းခဲ့ပြီး အဆိုပါ အဖွဲ့ဝင်ဟောင်းများမှ အလုပ်အမှုဆောင် ကိုးဦးကို မဲပေးပိုင်ခွင့် ဆက်လက်ထားရှိပြီး အဖွဲ့ဝင်သစ် ၂၀ ဖြင့် အစားထိုး ဖွဲ့စည်းခဲ့ခြင်းဖြစ်ကာ မေ ၁၉ ရက်တွင် တောင်ကြီးမြို့နယ် အမျိုးသားဒီမိုကရေစီအဖွဲ့ချုပ်ရုံးခန်းတွင် ပြုလုပ်ခြင်းဖြစ်ကြောင်း သိရသည်။

“အားလုံး မဲပေးနိုင်တာက ၇၀ ပေါ့။ ကိုယ်စားလှယ်က ၂၈ ဦး၊ လူဟောင်းက ရှစ်ဦးပေါ့။ အသစ်က ၂၀ ဦး၊ အားလုံးပေါင်း ၁၉ ဦး ရွေးချယ်ခဲ့တယ်။ ဒီနေ့ အဆင်ပြေပါတယ်။ ဗဟိုက လာကြီးကြပ်တဲ့အတွက် ဘာမှစောဒက တက်စရာမရှိပါဘူး” ဟု အမျိုးသားဒီမိုကရေစီအဖွဲ့ ချုပ် ရှမ်းပြည်နယ်ဥက္ကဋ္ဌ ဦးဇော်မင်းလတ်က ပြောကြားသည်။

အသစ်ပြန်လည် ဖွဲ့စည်းသော တောင်ကြီးမြို့နယ် စည်းရုံးရေးအဖွဲ့စာရင်းမှာ ဥက္ကဋ္ဌ ဦးကျော်မျိုးသိန်း၊ အတွင်းရေးမှူး ဦးစံလင်း၊ ဒုဥက္ကဋ္ဌ မငုဝါလှိုင်၊ တွဲဖက်အတွင်းရေးမှူး ဦးသက်လွင်၊ ဘဏ္ဍာရေးမှူး ဒေါ်ခင်သန်းဦး တို့ဖြစ်ကြောင်း သိရသည်။

“ဒီမှာ တောင်ကြီးမြို့နယ် စည်းရုံးရေးကော်မတီ အလုပ်အမှုဆောင် ရွေးတာပေါ့။ ညီလာခံပုံစံ ရွေးတာပေါ့။ ရပ်ကျေးတွေကနေ ကိုယ်စားလှယ်တွေ လွှတ်ပြီးတော့ ကိုယ်စားလှယ် ရွေးလိုက်တာပါ။ အောင်မြင်ပါတယ်။ ခုဟာက စည်းပျက်နေတာ ရှိတယ်။ ဖန်ရှင်နယ် မဖြစ်တာခေါ်တာပေါ့။ ညီလာခံ တက်နိုင်အောင်လို့ ကျွန်တော်တို့က စည်းရုံးရေးအဖွဲ့ဝင် မပြည့်တာတွေရော၊ လစ်လပ်နေရာတွေရော ဒီလိုပျက်နေတဲ့ နေရာတွေကိုရော အသစ်ပြန်လည်ဖွဲ့တာပေါ့” ဟု ကြီးကြပ်ရေးအဖွဲ့ ဦးဆောင်သူ မန္တလေးတိုင်းဝန်ကြီးချုပ် ဒေါက်တာ ဇော်မြင့်မောင်က ပြောကြားသည်။

“ဗဟိုကနေ အစအဆုံး မလစ်ဟင်းရအောင် အောက်ခြေကနေ စီစဉ်ပြီး ရွေးချယ်တဲ့အတွက် ရပ်ကျေးတွေ အကုန်လုံးကလည်း တက်တယ်။ ကျေနပ်တယ်။ အောင်မြင်တဲ့အတွက် ၀မ်းသာပါတယ်။ အရင်တစ်ခေါက်တုန်းက စစ်ဆေးခဲ့တာတွေကို ဗဟို CEC ရဲ့ ဆုံးဖြတ်ချက်နဲ့ ဒါတွေကို ပယ်ဖျက်တာ ဖြစ်ပါတယ်။ ခုတစ်ကြိမ်မှာ ပြန်ပြီး ဗဟိုအစည်းအဝေး ဆုံးဖြတ်ချက်နဲ့ ရွေးတာဖြစ်ပါတယ်။ ဗဟိုကနေ ကြေညာပါလိမ့်မယ်။ ဗဟိုက ကြေညာပြီးရင် တရားဝင် ဖြစ်သွားပြီပေါ့”ဟု တောင်ကြီးမြို့နယ် လွှတ်တော်ကိုယ်စားလှယ် ဒေါ်သန်းငွေက ပြောကြားသည်။

“တောင်ကြီးမြို့နယ် စည်းရုံးရေးအဖွဲ့ကို လာရောက် ဖွဲ့စည်းပေးတဲ့ မန္တလေးတိုင်းဝန်ကြီးချုပ် ဒေါက်တာဇော်မြင့်မောင်ကို ကျွန်တော် မေးချင်ပါတယ်။ (၁) တောင်ကြီးမြို့နယ် အလုပ်အမှုဆောင်ကို ဖျက်သိမ်းကြောင်း စာကို ဘာကြောင့် အလုပ်အမှုဆောင်များကို မပေးသလဲ။ (၂) တောင်ကြီးမြို့နယ် စည်းရုံးရေးအဖွဲ့ကို မေလ ၁၉ ရက် ဖွဲ့စည်းခြင်းကို ဘာကြောင့် အလုပ်အမှုဆောင်ဥက္ကဋ္ဌ ခွန်သန်းလွင်နဲ့ အတွင်းရေးမှူး ဇော်ဝင်းထူးတို့ကို အများနည်းတူ ဘာကြောင့် မဖိတ်ကြားသလဲ။ (၃) ပြည်နယ်နှင့်တိုင်း ၁၄ ခုမှာ တောင်ကြီးမြို့နယ်ကဲ့သို့ စွပ်စွဲတိုင်ကြားသူ၊ အတိုင်ကြားခံရသူများ ပြဿနာမျိုးရှိခဲ့ရင် အလုပ်အမှုဆောင် အားလုံး ဖျက်သိမ်းပြီး အသစ်ပြန်ရွေးခံဖို့ တစ်နိုင်ငံလုံး ပါတီရုံးသို့ ညွှန်ကြားရန် အစီအစဉ် ရှိ၊ မရှိ။ (၄) ညီလာခံမှာ ပေါ်ပေါက်လာသူများ ဖြစ်ကြတဲ့ အလုပ်အမှုဆောင်ဟောင်းများကို ဖျက်သိမ်းကြောင်းစာ ပေးပို့ရန် အစီအစဉ် ရှိ၊ မရှိ နှုတ်မိန့်ဖြစ်သာ ဖျက်သိမ်းကြောင်း ဟုတ်၊ မဟုတ် သိချင်ပါတယ်။ (၅) စွပ်စွဲတိုင်တန်းသူ လေးဦးနဲ့ စွပ်စွဲခံရသူ ၁၄ ဦးကို စုံစမ်းမှုခုံရုံးကို တောင်ကြီးမြို့နယ်မှာ တစ်ကြိမ်၊ နေပြည်တော်တွင် တစ်ကြိမ် စုံစမ်းစစ်ဆေးမှုအပေါ် မည်သည့်ဘက်မှ အပြစ်ရှိကြောင်း၊ မည်သည့်ဘက်မှ အပြစ်မရှိကြောင်း အမိန့်ချရန် အစီအစဉ် ရှိ၊ မရှိ သိချင်ပါတယ်။ (၆) ယခုလို နှုတ်မိန့်ဖြင့် တောင်ကြီးမြို့နယ်စည်းကို ဖျက်သိမ်းပြီး အသစ်ပြန်လည် ရွေးချယ်ခြင်းသည် ပြည်သူ့လွှတ်တော် ဒုဥက္ကဋ္ဌလည်းဖြစ်၊ ဗဟို CEC လည်း ဖြစ်၊ ရှမ်းပြည် တာဝန်ခံလည်း ဖြစ်၊ တောင်ကြီးကိစ္စကို CEC အားလုံးရဲ့ တာဝန်ပေးချက်အရ ခုံအဖွဲ့ခေါင်းဆောင်လည်း ဖြစ်သော ဦးထွန်းထွန်းဟိန်၏ အစီရင်ခံကို လျစ်လျူရှုရာလည်း ရောက်ပြီး အစွပ်စွဲခံရသူများရဲ့ နိုင်ငံရေး သိက္ခာ၊ လူ့သိက္ခာတို့ကို အလေးမထားရာလည်း ရောက်နေခြင်းအပေါ် ထည့်တွက် စဉ်းစားဆောင်ရွက်ခြင်း ရှိ၊ မရှိ တွေကို မဲဆန္ဒရှင်တွေကို တိုင်တည်ပြီး မေးခွန်းထုတ်ပါတယ်။ ဖြေကြားပေးစေလိုပါတယ်” ဟု တောင်ကြီးမြို့နယ် ဥက္ကဋ္ဌဟောင်းဖြစ်သူ ဦးခွန်သန်းလွင်က ပြောကြားသည်။

စီမံ/ဘဏ္ဍာဝန်ကြီး ဦးကျော်ဝင်းအား စစ်ဆေးနေသည်ဆိုသည့်သတင်းနှင့် ပတ်သက်၍ တရားဝင်ထုတ်ပြန်ပေးမည်ဖြစ်ကြောင်း အဂတိလိုက်စားမှုတိုက်ဖျက်ရေးကော်မရှင် ပြန်ကြားရေးအဖွဲ့ခေါင်းဆောင် ပြောကြား

NLD အစိုးရ၏ စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းအား စုံစမ်းစစ်ဆေးနေသည်ဆိုသည့် သတင်းများထွက်ပေါ်နေမှုနှင့် ပတ်သက်၍ တရားဝင် သတင်းထုတ်ပြန်ပေးမည်ဖြစ်ကြောင်း အဂတိလိုက်စားမှု တိုက်ဖျက်ရေးကော်မရှင်၏ ပြန်ကြားရေးအဖွဲ့ခေါင်းဆောင် ဦးဟန်ညွန့်က မေ ၁၃ ရက်တွင် Weekly Eleven ဂျာနယ်သို့ တုံ့ပြန်ဖြေကြားသည်။

NLD အစိုးရ၏ ပြည်ထောင်စုဝန်ကြီး တစ်ဦးနှင့်ပတ်သက်၍ အဂတိလိုက်စားမှု တိုက်ဖျက်ရေးကော်မရှင်နှင့် အထူးစုံစမ်းစစ်ဆေးရေးဦးစီးဌာန (စစစ) တို့က စစ်ဆေးနေကြောင်း သတင်းများထွက်ပေါ်မှု မေ ၁၂ ရက်က ဖြစ်ပွားခဲ့သည်။

အဂတိလိုက်စားမှု တိုက်ဖျက်ရေးကော်မရှင်ထံသို့ တိုင်ကြားလာမှုအရ ကော်မရှင်နှင့် အထူးစုံစမ်းစစ်ဆေးရေးဦးစီးဌာနတို့က ခေါ်ယူစစ်ဆေးနေသော ပြည်ထောင်စုဝန်ကြီးမှာ စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းဖြစ်ပြီး ဦးကျော်ဝင်း၏ သားဖြစ်သူကိုပါ ဆက်စပ်စစ်ဆေးနေသည်ဟု ကနဦးသတင်းများ ထွက်ပေါ်ခဲ့သည်။

ထိုသို့သတင်းထွက်ပေါ်မှုများနှင့် ပတ်သက်၍ အထူးစုံစမ်းစစ်ဆေးရေးဦးစီးဌာနအနေဖြင့် လုပ်ဆောင်နေမှုမရှိကြောင်း ပြောရေးဆိုခွင့်ရှိသူ ညွှန်ကြားရေးမှူး ဦးအောင်မျိုးက မေ ၁၂ ရက်တွင် ပြောကြားထားသည်။

“ကျွန်တော်က အခု ဧရာဝတီတိုင်းကို ရောက်နေတယ်။ ဌာနချုပ်ကဟာတော့ သိပ်မသိဘူး။ ဧရာဝတီတိုင်းရောက်နေတော့ ရုံးနဲ့ကင်းကွာနေလို့ မှားသွားမှာစိုးလို့ သိပ်တော့မပြောရဲဘူး။ On duty နဲ့ဆိုတော့ ဘယ်နေ့မှ ပြန်ရောက်မယ်တော့ ပြောလို့မရသေးဘူး။ သို့သော် Officially ထုတ်ပြန်ပေးမှာပါ။ တရားဝင် Website ရှိပါတယ်။ အဲဒီမှာတင်မှာပါ။ သို့သော် ကျွန်တော်က ဘယ်နှရက်ကြာမယ်မသိသေးဘူး။ On duty နဲ့ အပြင်မှာရောက်နေတယ်။ တရားဝင်ထုတ်ပြန်ပေးမယ်။ အဲဒီလောက်တော့ ပြောလို့ရပါတယ်” ဟု အဂတိလိုက်စားမှု တိုက်ဖျက်ရေးကော်မရှင်၏ ပြန်ကြားရေးအဖွဲ့ခေါင်းဆောင် ဦးဟန်ညွန့်က Weekly Eleven ဂျာနယ်၏ မေးမြန်းမှုအပေါ် မေ ၁၃ ရက်တွင် တုံ့ပြန်ဖြေကြားသည်။

နိုင်ငံတော်သမ္မတ၏ မိသားစုပိုင်ဆိုင်မှုများကို ပြည်ထောင်စုလွှတ်တော်သို့ ပေးပို့ထားပြီး ပြည်ထောင်စုအဆင့်မှ ပုဂ္ဂိုလ်များ၏ ပိုင်ဆိုင်မှုများကို နိုင်ငံတော်သမ္မတထံသို့ ပေးပို့တင်ပြထားပြီးဖြစ်ကြောင်း နိုင်ငံတော်သမ္မတရုံးက မေ ၈ ရက်တွင် ထုတ်ပြန်ထားပြီး အစိုးရအဖွဲ့ အပြောင်းအလဲပြုလုပ်မည်ဖြစ်ကြောင်း NLD ပါတီမှ ဦးဥာဏ်ဝင်းက မီဒီယာများအား ဖြေကြားထားချိန်တွင် ဦးကျော်ဝင်းနှင့် သားဖြစ်သူအား အဂတိလိုက်စားမှု တိုက်ဖျက်ရေးကော်မရှင်နှင့် အထူးစုံစမ်းစစ်ဆေးရေးဦးစီးဌာန (စစစ) တို့က စစ်ဆေးနေကြောင်းသတင်းများ ထွက်ပေါ်လာခဲ့ခြင်းဖြစ်သည်။

ထို့ပြင် အဂတိလိုက်စားမှုတိုက်ဖျက်ရေးကော်မရှင်နှင့်လည်း တွေ့ဆုံကာ အဂတိလိုက်စားမှုများအပေါ် မျက်နှာကြီးငယ်မလိုက်၊ ဆူကြုံနိမ့်မြင့်မရွေး ဆောင်ရွက်ရန် ပြောဆိုပြီးနောက် ကော်မရှင်မှ ဧပြီ ၂၀ ရက်တွင် FDA မှ ညွှန်ကြားရေးမှူးချုပ် ဒေါက်တာသန်းထွဋ်ကို ကျပ်သိန်း ၁၅၀၀ ကျော် လာဘ်စားမှုဖြင့် တရားစွဲဆိုအရေးယူခဲ့ပြီးနောက် မေ ၁၃ ရက်တွင် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းကို ခေါ်ယူစစ်ဆေးနေကြောင်း သတင်းထွက်ပေါ်ခဲ့ခြင်းဖြစ်သည်။ NLD ပါတီ၏ စီးပွားရေးကော်မတီဝင်အဖြစ်မှ စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီးအဖြစ် ရွေးချယ်ခံခဲ့ရသူ ဦးကျော်ဝင်းသည် ဒဂုံမြို့သစ်ဆိပ်ကမ်းမြို့နယ်မှ ပြည်သူ့လွှတ်တော် ကိုယ်စားလှယ်အဖြစ် ရွေးကောက်ခံခဲ့ရသူဖြစ်ပြီး ယင်းတွင် သမီးတစ်ဦးနှင့် သားနှစ်ဦးရှိကြောင်း သိရသည်။

“အရေးယူမယ့်အဆင့်အထိလုပ်ဖို့ရှိလို့သာ ၀င်စစ်တာဖြစ်မယ်။ တော်ရုံဆိုခေါ်ပြီး သတိပေးတာလောက်ပဲဖြစ်မယ်” ဟု စီးပွားရေးပညာရှင်တစ်ဦးက လက်ရှိသတင်းများ ထွက်ပေါ်နေမှုအပေါ် သုံးသပ်ပြောကြားသည်။

လက်ရှိတွင် အဂတိလိုက်စားမှုတိုက်ဖျက်ရေး ကော်မရှင်အနေဖြင့် အဂတိလိုက်စားမှုနှင့်စပ်လျဉ်း၍ စုံစမ်းစစ်ဆေးရေးအဖွဲ့ ခြောက်ဖွဲ့ဖွဲ့စည်းကာ စုံစမ်းစစ်ဆေးရေးလုပ်ငန်းများကို ဆောင်ရွက်လျက်ရှိကြောင်း မေ ၁၃ ရက် မွန်းလွဲ ၃ နာရီခန့်တွင် ထုတ်ပြန်ထားသည်။ ထို့ပြင် တိုင်ကြားစာများနှင့်ပတ်သက်၍ သတင်းအချက်အလက်များ ပြည့်စုံစွာရရှိစေရန်အတွက် ကြိုတင်စုံစမ်းမှု ၁၈ မှုကိုလည်း ဆောင်ရွက်လျက်ရှိသည်ဟု ထုတ်ပြန်ချက်တွင် ဖော်ပြထားသည်။ ထိုသို့ စုံစမ်းစစ်ဆေးမှုများ ပြုလုပ်နေသော်လည်း အဂတိလိုက်စားမှုတိုက်ဖျက်ရေးဥပဒေ၊ နည်းဥပဒေပါပြဋ္ဌာန်းချက်များအရ ကော်မရှင်က စစ်ဆေးဆဲအမှုများကို လျှို့ဝှက်ထားရှိဆောင်ရွက်နေရသဖြင့် အမှုဖြစ်စဉ်များကို အသေးစိတ်မထုတ်ပြန်နိုင်သေးကြောင်း အသိပေးအပ်ပါသည်ဟု ထုတ်ပြန်ချက်တွင် ဖော်ပြထားမှုအရ သိရသည်။

NLD ပါတီတံဆိပ်ဖြင့် ကချင်စစ်ဘေးရှောင်များနှင့် ပတ်သက်၍ ကြေညာချက်အတုတစ်စောင် ထွက်ပေါ်ခဲ့ပြီး ထုတ်ပြန်ချက်အတုများနှင့် စပ်လျဉ်း၍ ဖြစ်စဉ်အပေါ်မူတည်ကာ ဥပဒေကြောင်းအရ ဆောင်ရွက်မည်ဖြစ်ကြောင်း ပါတီပြောရေးဆိုခွင့်ရှိသူ ပြောကြား

အမျိုးသားဒီမိုကရေစီအဖွဲ့ချုပ် (NLD) ၏ အမှတ်တံဆိပ်ဖြင့် ကချင်စစ်ဘေးရှောင်များနှင့် ပတ်သက်၍ ကြေညာချက်အတုတစ်စောင် ထွက်ပေါ်ခဲ့ပြီး ထုတ်ပြန်ချက်အတုများနှင့် စပ်လျဉ်း၍ ဖြစ်စဉ်အပေါ်မူတည်ကာ ဥပဒေကြောင်းအရ ဆောင်ရွက်မည်ဖြစ်ကြောင်း ပါတီပြောရေးဆိုခွင့်ရှိသူ ဒေါက်တာမျိုးညွန့်က မေ ၅ ရက်တွင် ပြောကြားသည်။

ကချင်ပြည်နယ်အတွင်း တပ်မတော်နှင့် ကချင်လက်နက်ကိုင်အဖွဲ့ (KIA) တို့ကြား ဧပြီလအတွင်းက ဖြစ်ပွားသည့် တိုက်ပွဲများကြောင့် စစ်ဘေးရှောင်ပြည်သူများ နေရပ်မပြန်နိုင်သေးသည့် ကိစ္စနှင့်ပတ်သက်ပြီး NLD အမှတ်တံဆိပ်ပါသော ကြေညာချက်အတုတစ်စောင် မေ ၅ ရက်က Facebook လူမှုကွန်ရက်စာမျက်နှာတွင် ပျံ့နှံ့ခဲ့သည်။

ထိုကဲ့သို့ ကြေညာချက်အတု ထွက်ပေါ်ခြင်းနှင့်စပ်လျဉ်း၍ NLD ပါတီက သတင်းထုတ်ပြန်ရာတွင် အွန်လိုင်းတွင် တွေ့ရှိရသော မေ ၄ ရက်ပါရက်စွဲဖြင့် ထုတ်ပြန်ထားသည့် ကြေညာချက်သည် အမျိုးသားဒီမိုကရေစီအဖွဲ့ချုပ်၏ တရားဝင်ထုတ်ပြန်ချက် မဟုတ်ကြောင်း၊ အတုသာဖြစ်ကြောင်း၊ ယင်းသို့ ကြေညာချက်အတုထုတ်ခြင်း၊ ဖြန့်ဝေခြင်းများကို တားဆီးနိုင်ရေးအတွက် ဥပဒနှင့်အညီ ဆက်လက်ဆောင်ရွက်သွားမည်ဖြစ်ကြောင်း အသိပေးအပ်သည်ဟု ဖော်ပြထားသည်။

ယင်းကဲ့သို့ ကြေညာချက်အတုများ ထွက်ပေါ်ခြင်းနှင့်ပတ်သက်ပြီး ကြေညာချက်အတုများ၏ အကျိုးသက်ရောက်မှုအပေါ် မူတည်၍ ဥပဒေကြောင်းအရ ဆောင်ရွက်သွားမည်ဖြစ်ကြောင်း ဒေါက်တာမျိုးညွန့်က ပြောကြားသည်။

“ကျွန်တော်တို့က Issue (အကြောင်းအရာ) တစ်ခုချင်းအပေါ် စဉ်းစားပါတယ်ခင်ဗျား။ အဲဒီဟာက ကျွန်တော်တို့အဖွဲ့ချုပ်ကို ဘယ်လောက်ထိခိုက်လဲဆိုတဲ့ အချက်ကိုလည်း ကျွန်တော်တို့က အမြဲတမ်းစဉ်းစားပါတယ်။ ဟုတ်ကဲ့ အကယ်၍ ကျွန်တော်တို့အဖွဲ့ချုပ်ကို တမင်ရည်ရွယ်ချက်ရှိရှိနဲ့ တိုက်ခိုက်လာတယ်ဆိုရင်တော့ ကျွန်တော်တို့က တရားစွဲတာပေါ့လေ။ ဥပဒေကြောင်းအရ တရားစွဲဖို့ရှိပါတယ်။ ကျွန်တော်တို့က အဲလောက်ထိမဖြစ်ဘူးဆိုရင်တော့ မှားယွင်းကြောင်းပေါ့။ သတင်းပြန်လည်ထုတ်ပြန် ဖြေရှင်းတာလောက်ပဲ သဘောဖြစ်တော့။ ဖြစ်စဉ်အပေါ်မှာ မူတည်ပြီး ကျွန်တော်တို့ ဆုံးဖြတ်ချက်ချမှာပါ” ဟု ဒေါက်တာမျိုးညွန့်က ပြောကြားသည်။

သတင်းအမှားများ၊ ကြေညာချက်အတုများ ထွက်ပေါ်ခြင်းနှင့်ပတ်သက်၍ လူထုအနေဖြင့် သတင်အမှားထုတ်ပြန်ချက်များ၏ ရည်ရွက်ချက်ကို သတိထားပြီး သတင်းအမှားများ၏ ဆွဲဆောင်သည့်နောက်ကို ပါမသွားဘဲ သတိရှိကြရန် မိမိအနေဖြင့် တိုက်တွန်းပါကြောင်း ဒေါက်တာမျိုးညွန့်က ပြောကြားသည်။

ကြေညာချက်အတုတွင် မေ ၃ ရက်က ကချင်ပြည်နယ်ဝန်ကြီးချုပ် ဒေါက်တာခက်အောင် ဦးဆောင်သော ပြည်နယ်အစိုးရအဖွဲ့နှင့် သပိတ်စခန်း ဦးဆောင်ကော်မတီဝင်များ ဆွေးနွေးပွဲတွင် ရလဒ်မထွက်ဘဲ ပြီးဆုံးခဲ့ရသည်ဟု သိရှိရ၍ မိမိတို့ပါတီအနေဖြင့် များစွာစိတ်မကောင်းဖြစ်ရပါကြောင်း ဖော်ပြထားသည်။

သို့ဖြစ်၍ ပြည်နယ်အစိုးရအနေဖြင့် ငြိမ်းငြိမ်းချမ်းချမ်း ပြီးဆုံးချင်၍ ဆွေးနွေးပွဲတွင် နှစ်ဦးနှစ်ဖက် တိုင်တိုင်ပင်ပင် ညှိနှိုင်းဆွေးနွေးခဲ့သော်လည်း သပိတ်စခန်း ဦးဆောင်ကော်မတီဝင်များဘက်မှ သဘောမတူဘဲ သပိတ်စခန်း ဆက်ဖွင့်မည်ဆိုသည့်အပေါ် မိမိတို့ပါတီမှ ပြင်းထန်စွာကန့်ကွက်ကြောင်းနှင့် အဆိုပါသပိတ်စခန်းဖွင့်ခွင့် ဆက်လက်တောင်းဆိုနေမှုများအား ပြည်နယ်အစိုးရအနေဖြင့် ဥပဒေနှင့်အညီ အရေးယူပေးနိုင်ရန် တိုက်တွန်းထားရှိပြီးဖြစ်ကြောင်း ကြေညာအပ်သည်ဟု ကြေညာချက်အတုတွင် ပါရှိသည်။

ဖြစ်စဉ်အမှန်မှာ ကချင်ပြည်နယ်အစိုးရအဖွဲ့နှင့် ဆန္ဒပြလူငယ်ခေါင်းဆောင်များ၊ ကချင်နှစ်ခြင်းခရစ်ယာန်အဖွဲ့ချုပ် (KBC)၊ ငြိမ်းချမ်းရေးအကျိုးဆောင်အဖွဲ့ (PCG) အဖွဲ့တို့သည် တိုက်ပွဲအတွင်း ပိတ်မိနေသည့် ပြည်သူများ ကယ်ထုတ်ရေးနှင့်ပတ်သက်ပြီး အစိုးရအဖွဲ့ရုံးတွင် မေ ၃ ရက်က တွေ့ဆုံဆွေးနွေးခဲ့သည်။

ထိုသို့ဆွေးနွေးရာတွင် ဖားကန့်မြို့နယ် ကာမိုင်းမြို့ရှိ မန်ဝယ်ကျေးရွာတွင် တိုက်ပွဲကြောင့် ပိတ်မိနေသည့်ပြည်သူများကို ကယ်ထုတ်ရန် အစိုးရဘက်က သဘောတူခဲ့သဖြင့် အဆိုပါအဖွဲ့များက မေ ၄ ရက်တွင် သွားရောက်ကယ်ထုတ်ခဲ့သည်။

သို့ရာတွင် လီဒိုလမ်းမပေါ်ရှိ မရန်းက ထောင်းဂိတ်အရောက်တွင် ပိတ်မိပြည်သူများကို ခေါ်ဆောင်ခွင့်မပြုခဲ့သော်လည်း အဆိုပါပြည်သူများအား စားနပ်ရိက္ခာများပေးရန်အတွက်သာ ခွင့်ပြုခဲ့သည်ဟု မြောက်ပိုင်းတိုင်း စစ်ဌာနချုပ်တိုင်းမှူးက ဒုတိယစကခ (စစ်ဆင်ရေးကွပ်ကဲမှုဌာနချုပ်) မှူးမှတစ်ဆင့် သွားရောက်ကယ်ထုတ်သည့် အဖွဲ့များကို ပြောကြားခဲ့ကြောင်း သိရသည်။

လွှတ်တော်ကိုယ်စားလှယ်သုံးဦး ပါတီစည်းကမ်းဖောက်ဖျက်မှုဖြင့် NLD ပါတီ အရေးယူမည်

အမျိုးသားဒီမိုကရေစီအဖွဲ့ချုပ်ပါတီဝင် လွှတ်တော်ကိုယ်စားလှယ်သုံးဦးအား ပါတီစည်းကမ်းဖောက်ဖျက်မှုဖြင့် အရေးယူရန် ဧပြီ ၂၂ ရက် ကပြုလုပ်သည့် ပါတီဗဟိုအလုပ် အမှုဆောင်အဖွဲ့အစည်းအဝေးတွင် ဆုံးဖြတ်ခဲ့ကြောင်း လွှတ်တော်ကိုယ်စားလှယ်များ တိုင်ကြားစာဌာနတာဝန်ခံ ဒေါက်တာမျိုးညွန့်က ပြောကြားသည်။

အဆိုပါ အရေးယူမည့် လွှတ်တော်ကိုယ်စားလှယ်သုံးဦးတွင် တိုင်းဒေသကြီးအဆင့် လွှတ်တော်ကိုယ်စားလှယ် နှစ်ဦးပါဝင်ကြောင်း သိရသည်။

“ကျွန်တော်တို့ကတော့ ပုံမှန်လုပ်ငန်းပါပဲခင်ဗျ။ ကျွန်တော်တို့က လွှတ်တော်ကိုယ်စားလှယ် တိုင်ကြားစာဌာနကို တက်လာတဲ့ တိုင်စာတွေနဲ့ပတ်သက်ပြီးတော့ စိစစ်ပြီးတဲ့ အမှုတွေကို ဗဟိုအလုပ် အမှုဆောင်အဆုံးအဖြတ်ခံယူဖို့ ကျွန်တော်တို့က အစီရင်ခံစာ တင်ပြရပါတယ်။ သုံးဦးပေါ့။ ကျွန်တော်တို့က ပါတီစည်းကမ်းဖောက်ဖျက်ကြောင်း ပေါ်ပေါက်တယ်လို့ တင်ပြလိုက်တဲ့အခါမှာ ဗဟိုအလုပ်အမှုဆောင်အဖွဲ့က ဒါကိုလက်ခံပြီးတော့ အရေးယူဖို့ ဆုံးဖြတ်လိုက်တာပါ” ဟု ဒေါက်တာမျိုးညွန့်က ပြောကြားသည်။

လွှတ်တော်ကိုယ်စားလှယ်တစ်ဦး ပြုမူဆောင်ရွက်ရမည့် အပြုအမူများနှင့် မညီညွတ်ခြင်း၊ လုပ်ငန်းလုပ်ဆောင်ရာတွင် လုပ်ထုံးလုပ်နည်းနှင့် မလုပ်ဆောင်ခြင်း၊ ငွေစာရင်းရှင်းလင်းမှုများတွင် တိကျမှန်ကန်မှုများ မရှိခြင်းစသည့် အချက်များကြောင့် ပါတီဗဟို အလုပ်အမှုဆောင်အဖွဲ့သို့တင်ပြကာ အရေးယူရခြင်းဖြစ်ကြောင်း ၎င်းက ပြောကြားသည်။

ထို့ပြင် ဗဟိုအလုပ်အမှုဆောင်အဖွဲ့ အစည်းအဝေးတွင် NLD ပါတီ ဒုတိယအကြိမ် နိုင်ငံလုံးဆိုင်ရာ ပါတီညီလာခံ ကျင်းပနိုင်ရေးအတွက် ညီလာခံသို့တက်ရောက်မည့် ကိုယ်စားလှယ်များ ရွေးချယ်စေလွှတ်ခြင်းဆိုင်ရာ ကိစ္စရပ်များကိုလည်း ဆွေးနွေးဆုံးဖြတ်ခဲ့ကြောင်း သိရသည်။

အမျိုးသားဒီမိုကရေစီအဖွဲ့ချုပ် ပါတီအနေဖြင့် အစိုးရတာဝန်ယူပြီးနောက်ပိုင်း တခြားတိုင်းရင်းသားပါတီများနှင့် နိုင်ငံရေးအရ ပူးပေါင်းဆောင်ရွက်မှုမရှိကြောင်း UNA အဖွဲ့ဝင် ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီ၏ အထွေထွေအတွင်းရေးမှူး ပြောကြား

အမျိုးသားဒီမိုကရေစီအဖွဲ့ချုပ်ပါတီ (NLD) အနေဖြင့် အစိုးရတာဝန်ယူပြီး နောက်ပိုင်းကာလများတွင် တခြားသော တိုင်းရင်းသားနိုင်ငံရေးပါတီများနှင့် နိုင်ငံရေးအရ ပူးပေါင်းဆောင်ရွက်မှုမရှိကြောင်း စည်းလုံးညီညွတ်သော တိုင်းရင်းသားလူမျိုးများမဟာမိတ် (UNA) အဖွဲ့ဝင်ဖြစ်သည့် ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီ (SNLD) ၏ အထွေထွေအတွင်းရေးမှူး ဦးစိုင်းညွန့်လွင်က ပြောကြားသည်။

၂၀၁၀ အရှေ့ပိုင်းကာလများက တိုင်းရင်းသားပါတီများနှင့် NLD ပါတီတို့ အတူတကွ ပူးပေါင်းလုပ်ဆောင်ခဲ့ခြင်းမျိုးရှိခဲ့ပြီး ၂၀၁၅ နောက်ပိုင်း အစိုးရတာဝန်ယူပြီး နောက်တွင်မူ NLD အနေဖြင့် တခြားသော တိုင်းရင်းသားပါတီများနှင့် ပူးပေါင်းလုပ်ဆောင်ခြင်းမျိုး မရှိတော့ကြောင်း ဦးစိုင်းညွန့်လွင်က Eleven Media နှင့် သီးသန့်တွေ့ဆုံခဲ့သည့် အင်တာဗျူးတွင် ဖြေကြားသည်။

ဦးစိုင်းညွန့်လွင်က “တိုင်းရင်းသားပါတီတွေနဲ့လည်း ပူးပေါင်းလုပ်ဆောင်တာမျိုးမရှိပါဘူး။ ၂၀၁၀ အရှေ့ပိုင်းမှာတုန်းကတော့ရှိခဲ့တယ်။ ဒေါ်အောင်ဆန်းစုကြည် လွှတ်တော်ထဲရောက်သွားတယ်။ နေပြည်တော်မှာ UNA အနေနဲ့တစ်ခါ ကျွန်တော်တို့ သွားတွေ့ပါတယ်။ ဒီနောက်ပိုင်း ၂၀၁၅ နောက်ပိုင်းတော့ ဒါမျိုးတွေမရှိတော့ပါဘူး။ ပွင့်ပွင့်လင်းလင်းပြောရရင် ၂၀၁၅ နောက်ပိုင်း ပါတီတစ်ခုချင်းစီ တွေ့ဆုံညှိနှိုင်းပြီးတော့ အလုပ်လုပ်တာတစ်ခုမှမရှိပါဘူး။ ပါတီနဲ့ ပါတီချင်း ဆက်ဆံတာမရှိတော့ပါဘူး။ ကျွန်တော်တို့ပြောချင်တာကတော့ နိုင်ငံရေးအရ ပါတီတစ်ခုနဲ့တစ်ခု ဆွေးနွေးညှိနှိုင်း လုပ်ဆောင်တာမျိုးမရှိတော့ပါဘူး။ ဥပမာ ၂၀၁၂ နောက်ပိုင်းမှာ CRPP ရှိတယ်။ CRPP က ဒီကနေ့မှာ ဘာဖြစ်သွားမှန်းမသိဘူး။ CRPP ကဖျက်တာလည်းမဟုတ်ဘူး။ ဆက်ရှိသလားဆိုတော့လည်း ဆက်မရှိတော့ဘူး။ ဒီကိစ္စကို ဆွေးနွေးဖို့ဆိုတာလည်း တစ်ခါမှမရှိခဲ့ဘူး။ ဒီအတိုင်းပဲ ရပ်လိုက်တယ်ပေါ့။ ဒါပေမဲ့ တိုင်းရင်းသားပါတီတွေဘက်က တော်တော်လေး သည်းခံပါတယ်။ ဒီဟာကို ပြဿနာကြီးအနေနဲ့ ဘယ်သူမှမလုပ်ကြပါဘူး။ ဒါကို သတင်းသမားတွေလည်း သိပ်မသိကြဘူးလေ။ ဆက်ဆံရေးကောင်းတယ်လို့ပဲ ထင်နေကြတယ်။ တကယ့် တကယ် ၂၀၁၅ နောက်ပိုင်းမှာ နိုင်ငံရေးအရ ပါတီတစ်ခုနဲ့တစ်ခု ဆွေးနွေးညှိနှိုင်းတာမျိုး ဘာမှမရှိပါဘူး” ဟုပြောကြားသည်။

ထိုကဲ့သို့ ပူးပေါင်းဆောင်ရွက်မှုမျိုး မရှိရခြင်းမှာလည်း ပါတီအချင်းချင်းအကြား ဆက်ဆံရေးကွဲပြားခြင်းမျိုး မဟုတ်ကြောင်း၊ တိုင်းရင်းသားပါတီများအနေဖြင့် အမျိုးသားဒီမိုကရေစီအဖွဲ့ချုပ်၏ အစိုးရလုပ်ငန်းများကို ထောက်ခံစရာရှိသည့် အနေအထားတွင် ထောက်ခံခဲ့ကြပြီး၊ ကန့်ကွက်စရာရှိသည့် အနေအထားမျိုးတွင် ကန့်ကွက်မှုများရှိခဲ့ကြောင်း၊ ယင်းကဲ့သို့ထောက်ခံ၊ ကန့်ကွက်မှုများသည်လည်း အမျိုးသားဒီမိုကရေစီအဖွဲ့ချုပ်နှင့် ဆွေးနွေးညှိနှိုင်းပြီးမှ လုပ်ဆောင်ခြင်းမျိုး မဟုတ်ကြောင်း ၎င်းက ဆိုသည်။

“ကျွန်တော်တို့ သမ္မတကိုမဲပေးတာတို့ ဘာတို့ကတော့ ကျွန်တော်တို့က ၀တ္တရားအရ ထောက်ခံရမှာပဲလေ။ ဒါကတော့ရှိပါတယ်။ ဒီကဆွေးနွေးညှိနှိုင်းတဲ့ အနေအထားမျိုးတွေနဲ့ လုပ်တာတော့မဟုတ်ပါဘူး။ ကျွန်တော်တို့ရဲ့ဆန္ဒနဲ့ ကျွန်တော်တို့ရဲ့ အသိဝတ္တရားအရ မဲပေးရတာဖြစ်တယ်။ ညှိညှိနှိုင်းနှိုင်းရယ်လို့တော့ မရှိပါဘူး။ ကျွန်တော်တို့ တိုင်းရင်းသားပါတီတွေဘက်ကတော့ တိုင်းပြည်အတွက် အကျိုးရှိတယ်ဆိုရင် ထောက်ခံတာပါပဲ။ တချို့မလိုလားအပ်တဲ့ ကိစ္စမျိုးဆိုရင်တော့ ကန့်ကွက်တာမျိုးတွေရှိပါတယ်။ ဒါက ကန့်ကွက်ရမှာပဲလေ။ ဥပမာ သံလွင်တံတားတို့ ဘာတို့ဆိုရင်ပေါ့။ ဒါက နာမည်ပေးတာတွေ ဘာတွေဆိုက အငြင်းပွားဖွယ်ရာ သေးသေးလေးကအစ အဲဒီလိုမျိုးတွေဖြစ်လာတဲ့ အခါကျတော့ ကျွန်တော်တို့ တိုင်းရင်းသားပါတီတွေ UNA ကကန့်ကွက်တာပေါ့။ ဒီတံတားနာမည်မပြောင်းဖို့တို့ ဘာတို့ပေါ့။ ဒါပေမဲ့ သမ္မတရွေးတဲ့နေရာတို့ ဘာတို့မှာတော့ ကျွန်တော်တို့ UNA ကကိုယ်စားလှယ်တွေလည်း ထောက်ခံတာပဲလေ။ ဆိုတော့ သူ့အပိုင်းနဲ့သူပေါ့ အားလုံးကိုထောက်ခံတယ်။ အားလုံးကို ဆန့်ကျင်တယ်လည်းမရှိပါဘူး။ အကြောင်းအရာအလိုက်အပ်ါမှာတော့ မူတည်သေးတာပေါ့။ ကျွန်တော်တို့ဘက်ကတော့ အချိန်မရွေးအဆင်သင့်ပါပဲ။ အခုကြွေးကြော်ထားတာ စုပေါင်းအင်အားလေ။ စုပေါင်းအင်အားဆိုတော့ ဘယ်လိုစုမလဲတော့ မသိသေးဘူး” ဟု ဦးစိုင်းညွန့်လွင်က ပြောကြားသည်။

ထို့ပြင် လက်ရှိတွင်ရွေးချယ်တင်မြောက်ခြင်း ခံထားရသည့် နိုင်ငံတော်သမ္မတသည်လည်း မိမိတို့နှင့်အတူ မိုးထဲရေထဲအချိန် ကာလများကတည်းက လက်တွဲလာခဲ့သည့် မိတ်ဆွေဖြစ်ကြောင်း၊ နိုင်ငံတော်သမ္မတအနေဖြင့် ရှေ့ဆက်လုပ်ဆောင်ရမည့် လုပ်ငန်းများတွင် များစွာရုန်းကန်ရန် လိုအပ်မည်ဖြစ်ပြီး တစ်ဦးတစ်ယောက်တည်း လုပ်ဆောင်သွားခြင်းထက် စုပေါင်းအင်အားဖြင့် လုပ်ဆောင်လိမ့်မည်ဟု ထင်မြင်မိကြောင်း၊ ထို့အတွက် ရှေ့ဆက်လုပ်ဆောင်မည့် လုပ်နည်းလုပ်ဟန်၊ စနစ်များပြောင်းလဲရန် လိုအပ်မည်ဖြစ်ကြောင်း ဦးစိုင်းညွန့်လွင်က သုံးသပ်ပြောကြားသည်။

ဆက်လက်၍ “ကျွန်တော်တို့ အကြံပြုချင်တာကတော့ မိတ်ဆွေပါတီတွေရှိတယ်။ မိတ်ဆွေနိုင်ငံရေးသမားတွေရှိတယ်။ ဒီနေ့အထိ ၀န်းရံနေတုန်းပဲ။ ဒီနေ့အထိ အားပေးနေတုန်းပဲ အစိုးရအပေါ်ကို ဒီဟာတွေကို အလဟသမဖြစ်စေချင်ဘူး။ မဖြုန်းတီးပစ်လိုက်စေချင်ဘူး။ ဒီလောက်ပဲပြောချင်ပါတယ်” ဟု ဦးစိုင်းညွန့်လွင်က ဆိုသည်။

အမျိုးသားဒီမိုကရေစီအဖွဲ့ချုပ် ဒုတိယအကြိမ် နိုင်ငံလုံးဆိုင်ရာလူငယ်ညီလာခံ (ဗဟို) နေပြည်တော်၌ ကျင်းပ

နေပြည်တော်၌ ဧပြီ ၇ ရက်က NLD ပါတီ ဒုတိယအကြိမ်နိုင်ငံလုံးဆိုင်ရာ လူငယ်ညီလာခံ (ဗဟို) ကျင်းပနေသည်ကို တွေ့ရစဉ် (ဓာတ်ပုံ-စိုးမင်းထိုက်)

အမျိုးသားဒီမိုကရေစီအဖွဲ့ချုပ် (NLD) ပါတီ ဒုတိယအကြိမ် နိုင်ငံလုံးဆိုင်ရာလူငယ် ညီလာခံ (ဗဟို) ကို ဧပြီ ၇ ရက်က နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန (၂) တွင် ကျင်းပခဲ့သည်။

အဆိုပါ အမျိုးသားဒီမိုကရေစီအဖွဲ့ချုပ် ဒုတိယအကြိမ် နိုင်ငံလုံးဆိုင်ရာ လူငယ်ညီလာခံ (ဗဟို) အခမ်းအနားတွင် ဦးဝင်းထိန်က သဘာပတိအဖြစ်ဆောင်ရွက်ခဲ့ပြီး တက်ရောက်လာသည့်လူငယ်များအား အမှာစကားပြောကြားခြင်း၊ အမျိုးသားဒီမိုကရေစီအဖွဲ့ချုပ် ဒုတိယဥက္ကဋ္ဌ (၂) ဒေါက်တာဇော်မြင့်မောင်က အမှာစကားပြောကြားခြင်းများ ပြုလုပ်ခဲ့သည်။

သဘာပတိဦးဝင်းထိန်က “အခုတက်ရောက်လာတဲ့ လူငယ်တွေထဲမှာ ပညာတတ်တွေ တော်တော်ပါလာတယ်။ အတွေ့အကြုံရှိသူတွေဖြစ်နေတာ တွေ့ရတယ်။ ကြိုးစားကြပါ။ နောင်တစ်ချိန်မှာ ပါတီကိုဦးဆောင်နိုင်အောင်၊ နိုင်ငံကိုဦးဆောင်နိုင်အောင် ကြိုးစားစေချင်ပါတယ်။ အသက်ငယ်သော်လည်း ထက်မြက်တဲ့သူတွေပါတယ်ဆိုတာ ကြားရတော့ ၀မ်းသာမိပါတယ်။ ဒီလိုပုဂ္ဂိုလ်တွေ ပါလာတော့ NLD ပါတီရဲ့ အလားအလာ ကောင်းလိမ့်မယ်လို့ မျှော်လင့်ပါတယ်။ ပါတီရဲ့ အလားအလာကောင်းလာအောင် သားတို့သမီးတို့ အရည်အချင်းတိုးတက်အောင် ကြိုးစားကြရမယ်။ နှိမ့်ချတတ်အောင် ကြိုးစားကြရမယ်။ နေရာဆိုတာ လုပ်ယူလို့ရတာရှိသလို၊ လုပ်မယူဘဲ ရလာတာလည်းရှိတယ်။ အခုသမ္မတဖြစ်လာတဲ့ ဦးဝင်းမြင့်ဆိုရင် သမ္မတဖြစ်မယ်ဆိုပြီး လုပ်လာခဲ့တာမဟုတ်ဘူး။ အခြေအနေ အချိန်အခါအရ ဖြစ်လာတာပါ။ သမ္မတအနေနဲ့ ပြည်တွင်းငြိမ်းချမ်းရေးနဲ့ ပြည်သူပြည်သားတွေရဲ့ ဘ၀ဖွံ့ဖြိုးတိုးတက်အောင်လုပ်နိုင်မယ်လို့ ကျွန်တော်ယုံကြည်တယ်” ဟုပြောကြားသည်။

အဆိုပါလူငယ်ညီလာခံသို့ တိုင်းဒေသကြီးနှင့် ပြည်နယ် ၁၄ ခုမှ လူငယ်ကိုယ်စားလှယ် ၂၆၀ ကျော် တက်ရောက်ခဲ့သည်။

“လူငယ်ကဏ္ဍက အရေးကြီးပါတယ်။ အရင်က ပါတီလူငယ်အနေနဲ့ ၀င်လုပ်ခဲ့တဲ့သူတွေက အခုဆိုရင် လူကြီးနေရာရောက်နေပါပြီ။ နေရာကို လုပ်ယူခဲ့တာမဟုတ်ပါဘူး။ စွမ်းဆောင်ရည်ပေါ်မူတည်ပြီး တာဝန်ပေးအပ်ခြင်းခံခဲ့ရတဲ့သူတွေပါ။ အဲ့ဒီတော့ သူတို့လည်း ကျရာကဏ္ဍကနေ တာဝန်ထမ်းဆောင်ရင်း အခုထိလုပ်နေကြတာပါ။ လူငယ်တွေအနေနဲ့ နေရာရရေးကိုဦးတည်ပြီး အကောင်အထည်မဖော်စေချင်ပါဘူး။ ကျွန်တော်တို့တွေ နောက်လိုက်ကောင်းဖြစ်ဖို့လိုပါတယ်။ နောက်လိုက်ကောင်းဖြစ်မှ ခေါင်းဆောင်နေရာရောက်လာရင် ခေါင်းဆောင်ကောင်းဖြစ်လာမှာပါ။ ရိုးသားမှုနဲ့ လုပ်ရပါမယ်။ ရဲဘော် ရဲဘက်ကို ခုတုံးမလုပ်ရဘူး။ အပြန်အလှန် ယုံကြည်ရမယ်။ လေးစားရမယ်။ ပါတီအပေါ်မှာ ရိုးသားရမယ်” ဟု ပါတီဒုတိယဥက္ကဋ္ဌ (၂) ဒေါက်တာဇော်မြင့်မောင်က ပြောကြားသည်။

ထို့ပြင် ခေါင်းဆောင်က ချမှတ်ထားသည့် လမ်းစဉ်အတိုင်း လုပ်ဆောင်သင့်ကြောင်း၊ ပါတီအတွက် ဒေါင်ဒေါင်မြည်သည့် ခေါင်းဆောင်များဖြစ်အောင် ကြိုးစားကြရန်လိုကြောင်း၊ မြန်မာနိုင်ငံကို ဖက်ဒရယ်ပြည်ထောင်စုနိုင်ငံဖြစ်အောင် တည်ဆောက်ရေးတွင် အင်အားများစွာလိုကြောင်း ဦးဝင်းထိန်က ပြောကြားသည်။

“အခု ၂၀၀၈ ခုနှစ် ဖွဲ့စည်းပုံအခြေခံဥပဒေအရ ဆောင်ရွက်နေရတဲ့အခါမှာ ကျွန်တော်ပြည်ပရောက်တဲ့ နှစ်လတာကာလမှာ ဒီကိစ္စက ခေါင်းထဲမှာ အမြဲတမ်းဖြစ်နေတယ်။ ဒေါ်အောင်ဆန်းစုကြည်က တိုင်းပြည်အပေါ်မှာ စေတနာရှိတယ်။ လုပ်တဲ့လုပ်ငန်းတွေက မှန်တယ်။ ပြည်သူလူထုကလည်း ထောက်ခံတယ်။ ဒါပေမဲ့ ပြည်ပဖိအားတွေ ပိုပိုပြီးများလာတယ်။ ပြည်တွင်းမှာလည်း လုပ်ငန်းတချို့မှာ အခက်အခဲတွေ အများကြီးရှိတယ်။ အနီးကပ်နေတဲ့ ကျွန်တော်တို့၊ ၀န်ကြီးချုပ်တွေ အားလုံးသိတယ်။ ဘာကြောင့်လဲဆိုရင် ၂၀၀၈ ဖွဲ့စည်းပုံအခြေခံဥပဒေရဲ့ ကန့်သတ်ချက်တွေကြောင့်ပဲ။ ကျွန်တော်ဆိုရင် ဟိုမှာစဉ်းစားရင်းနဲ့ တစ်ချက်တစ်ချက်မှာ စိတ်တိုမိတယ်။ ဒေါ်အောင်ဆန်းစုကြည်က တိုင်းပြည်အတွက် ကောင်းအောင်လုပ်နိုင်ရဲ့သားနဲ့ ဒီကန့်သတ်ချက်တွေကြောင့် ရှေ့ကိုတိုးတိုင်းတိုးတိုင်း နောက်ကိုပြန်ပြန်ရောက်နေတာ” ဟု ဦးဝင်းထိန်က ပြောကြားသည်။

ထို့ပြင် မိမိတို့၏ အဓိကရည်မှန်းချက်သည် များစွာရှိပြီး ငြိမ်းချမ်းရေး၊ နိုင်ငံတော်ဖွံ့ဖြိုးတိုးတက်ရေး လုပ်ဆောင်နိုင်ရန်အတွက် ဖွဲ့စည်းပုံအခြေခံဥပဒေ ပြင်ဆင်နိုင်ရေးသည် အင်မတန်အရေးပါကြောင်း၊ ဖွဲ့စည်းပုံအခြေခံဥပဒေပြင်ဆင်ရေး အရေးပါသည့်အတွက် လူငယ်များက ၂၀၀၈ ဖွဲ့စည်းပုံအခြေခံဥပဒေတွင် မည်သည့်အချက်များက အနှောင့်အယှက်ပေးနေသည်၊ မည်သည့်အချက်များက ပြင်ရန်လိုသည်ကို လေ့လာရမည်ဖြစ်ကြောင်း၊ ပထမအကြိမ် လွှတ်တော်သက်တမ်းတွင် ဖွဲ့စည်းပုံအခြေခံဥပဒေပြင်ဆင်နိုင်ရေး ကြိုးစားခဲ့သော်လည်း မအောင်မြင်ခဲ့ကြောင်း၊ လွှတ်တော်ပြင်ပမှ ပုဒ်မ ၄၃၆ ပြင်ဆင်ရေး လုပ်ဆောင်ခဲ့ကြကြောင်း၊ ဖွဲ့စည်းပုံအခြေခံဥပဒေ ပြင်ဆင်ရေးအတွက် ပုဒ်မ ၄၃၆ ၏ အဓိကကန့်သတ်ချက်သည် လွှတ်တော်ကိုယ်စားလှယ်များ၏ ၇၅ ရာခိုင်နှုန်းကျော်ထောက်ခံမှသာ ပြင်၍ရမည်ဆိုသည့်အချက်ဖြစ်ကြောင်း ဦးဝင်းထိန်က ပြောကြားသည်။

“လွှတ်တော်ထဲမှာက ၂၅ ရာခိုင်နှုန်းက တပ်မတော်သားတွေ။ ကျန်တာက ပါတီပေါင်းစုံက ကိုယ်စားလှယ်တွေ။ အဲဒီတော့ ကျွန်တော်တို့ပါတီက ၇၅ ရာခိုင်နှုန်းတောင် မပြည့်ဘူး။ အဲဒီတော့ ဒီဖွဲ့စည်းပုံဟာ လုံးဝပြင်လို့မရအောင်လုပ်ထားတဲ့ ဖွဲ့စည်းပုံလို့ တဖြည်းဖြည်းနဲ့ သဘောပေါက်လာတယ်။ သားတို့သမီးတို့ကလည်း ၂၀၀၈ ဖွဲ့စည်းပုံအခြေခံဥပဒေကို လေ့လာကြပါ။ ကိုယ့်ဒေသမှာ ဆွေးနွေးပြီးတော့ အဖြေရှာကြပါ။ ခေါင်းဆောင်တွေရဲ့နောက်က တက်တက်ကြွကြွပါကြပါ။ အသက်လေးဖုတ်လှိုက်ဖုတ်လှိုက် အခြေအနေကနေ ပါတီကိုဆွဲတင်လာတာ ဒေါ်အောင်ဆန်းစုကြည်ရဲ့အစွမ်းပဲ။ အဲဒီလို အခြေအနေကနေ အခုလိုတိုင်းပြည်ကိုတာ ၀န်ယူရတဲ့အခြေအနေရောက်လာတာ။ လေ့လာကြပါ” ဟု ဦးဝင်းထိန်က လူငယ်များအား ပြောကြားသည်။

အမျိုးသားဒီမိုကရေစီအဖွဲ့ချုပ် ဒုတိယအကြိမ် နိုင်ငံလုံးဆိုင်ရာလူငယ်ညီလာခံ (ဗဟို) အခမ်းအနားတွင် ဗဟိုလူငယ်ဦးဆောင်အဖွဲ့ရွေးချယ်ခြင်း၊ ဗဟိုလူငယ်ဦးဆောင်အဖွဲ့ ပထမအကြိမ်အစည်းအဝေးကျင်းပ၍ ဗဟိုလူငယ်လုပ်ငန်းအဖွဲ့ ရွေးချယ်တင်မြှောက်ခြင်းနှင့် တာဝန်ခွဲဝေခြင်းများ ပြုလုပ်ခဲ့သည်။

အမျိုးသားဒီမိုကရေစီအဖွဲ့ချုပ်၏ ဒုတိယအကြိမ်လူငယ်ညီလာခံ နေပြည်တော်၌ ယနေ့ ကျင်းပမည်

အမျိုးသားဒီမိုကရေစီအဖွဲ့ချုပ်၏ ဒုတိယအကြိမ် လူငယ်ညီလာခံကို နေပြည်တော်ရှိ MICC-2 ခန်းမတွင် ဧပြီလ  ၇ ရက် (ယနေ့) တွင် ကျင်းပမည်ဖြစ်သည်။

အဆိုပါညီလာခံတွင် တိုင်းနှင့်ပြည်နယ်အသီးသီးမှ ရွေးချယ်စေလွှတ်သည့်လူငယ်ကိုယ်စားလှယ် ၂၆၀ ကျော်မှ လူငယ် ဦးဆောင်အဖွဲ့၊ ဗဟိုလူငယ်လုပ်ငန်းအဖွဲ့၊ တာဝန်ခံ၊ တွဲဖက်တာဝန်ခံများ ရွေးချယ်ခြင်းတို့ ကို မဲပေးရွေးချယ်သည့် စနစ်ဖြင့်ရွေးချယ်သွားမည်ဖြစ်ကြောင်း သိရသည်။

“၂၆၀ ကျော်ကနေ ဒီမိုကရေစီနည်းကျကျ မဲပေးရွေးချယ်မှာဖြစ်ပါတယ်။ ပထမအဆင့် လူငယ်ဦးဆောင်အဖွဲ့ရွေးပါမယ်။ ၂၆၀ ကျော်ထဲကနေ ၆၀ ကျော်ဖြစ်မယ်။ ၆၀ ကျော်ထဲကမှ ဗဟိုလူငယ်လုပ်ငန်းအဖွဲ့ပြန်ရွေးမယ်။ အဲဒါလည်း လျှို့ဝှက်မဲပေးတဲ့စနစ်နဲ့ မဲခွဲရွေးမှာပဲ။ ပြီးရင် တာဝန်ခံ၊ တွဲဖက်တာဝန်ခံ ပြန်လည်တာဝန်ခွဲဝေတဲ့အခါမှာလည်း ပထမအဆင့်နဲ့ ညှိနှိုင်းဆောင်ရွက်မှာဖြစ်ပါ တယ်။ ညှိနှိုင်းဆောင်ရွက်လို့မရရင် မဲခွဲဆုံးဖြတ်မှာ ဖြစ်ပါတယ်။ အားလုံးကတော့ ဒီမိုကရေစီနည်းကျကျ လျှို့ဝှက်မဲပေးတဲ့စနစ်နဲ့ ရွေးချယ်မှာဖြစ်ပါတယ်”ဟု ဒုတိယအကြိမ် လူငယ်ညီလာခံကျင်းပရေးဗဟိုကော်မရှင် ဥက္ကဋ္ဌ ဦးမောင်မောင်ဦးက ပြောကြားသည်။

အဆိုပါညီလာခံမှ ပါတီအတွက် လူငယ်မျိုးဆက်သစ်ခေါင်းဆောင်များ ထွက်ပေါ်ရန်  မျှော်မှန်းထားကြောင်း ၎င်းကဆိုသည်။

လက်ရှိစာရင်းများအရအမျိုးသားဒီမိုကရေစီအဖွဲ့ချုပ်တွင် လူငယ်အဖွဲ့ဝင် အင်အား ခုနစ်သောင်းကျော်ရှိပြီး မြို့နယ်၊ ခရိုင်၊ တိုင်းဒေသကြီးနှင့် ပြည်နယ်အဆင့် လူငယ်ခေါင်းဆောင် ၅၅၀၀ ကျော်ရှိကြောင်း၊ ကော် မရှင်အဖွဲ့ဝင် ၆၆၀၀ ကျော်ရှိကြောင်း သိရသည်။

အိမ်မဲမြို့နယ် ညောင်ကုန်းချောင်းဖျားကျေးရွာ မီးလင်းရေးအတွက် မြို့နယ်နှင့်တိုင်းအဆင့် ဌာနဆိုင်ရာများကို ငွေကြေးပေးရမည်ဆိုပြီး တိုင်းဒေသကြီး လွှတ်တော်ကိုယ်စားလှယ်က ငွေကြေးတောင်းခံခြင်းများ ပြုလုပ်ခဲ့သည်ဟုဆိုကာ အဂတိလိုက်စားမှု တိုက်ဖျက်ရေးကော်မရှင်ထံ တိုင်ကြား

အိမ်မဲမြို့နယ် ညောင်ကုန်းချောင်းဖျား ကျေးရွာတွင် ကျေးရွာမီးလင်းရေးအတွက် မြို့နယ်နှင့်တိုင်းအဆင့် ဌာနဆိုင်ရာများကို ငွေကြေးပေးရမည်ဟုဆိုကာ အိမ်မဲမြို့နယ် မဲဆန္ဒနယ်အမှတ် (၂) မှ ဦးအောင်ကျော်မြိုင်က ငွေကြေးတောင်းခံခြင်းများ ပြုလုပ်ခဲ့သည်ဟုဆိုကာ အဂတိလိုက်စားမှုတိုက်ဖျက်ရေး ကော်မရှင်ထံ တိုင်ကြားခဲ့ကြောင်း သိရသည်။

ဖြစ်စဉ်မှာ အိမ်မဲမြို့နယ် တကောကျေးရွာ မီးလင်းရေးအတွက် ဘတ်ဂျက်ကျလာခဲ့သည့် ထရန်စဖော်မာမှာ တကောကျေးရွာတွင် လိုအပ်ခြင်းမရှိသဖြင့် ညောင်ကုန်းချောင်းဖျားကျေးရွာသို့ ဘတ်ဂျက်ခေါင်းစဉ် ပြောင်းလဲချထားခဲ့ကြောင်း၊ ယင်းကဲ့သို့ချထားပြီးနောက် လွှတ်တော်ကိုယ်စားလှယ် ဦးအောင်ကျော်မြိုင်က ကျေးရွာသို့သွားရောက်ကာ ‘ကျေးရွာမီးလင်းရေးအတွက် လုပ်ဆောင်ပေးမည်၊ ဘတ်ဂျက်ခေါင်းစဉ် အပြောင်းအလဲကြောင့် လိုအပ်သည့် ကြိုးဖိုးများအား ကျေးရွာမှ ထည့်သွင်းပေးရမည်ဆိုကာ သိန်းသုံးရာခန့်ကုန်ကျမည်’ ဟုပြောဆိုခဲ့ကြောင်း၊ အဆိုပါ ပြောကြားချက်များကို ကျေးရွာဒေသခံများက အသံဖမ်းမှတ်တမ်းတင်ထားခဲ့ကြောင်း၊ ထို့နောက် ကျေးရွာမှ ကနဦးစုဆောင်းရရှိငွေ ကျပ်သိန်းတစ်ရာအား လာရောက်ယူဆောင်သွားခဲ့ကြောင်း၊ ကျေးရွာဒေသခံများက မီးလင်းရေးနှင့်ပတ်သက်၍ လိုက်လံစုံစမ်းရာတွင် ကျေးရွာသို့ချထားပေးသည့် ထရန်စဖော်နှင့် ကြိုးများမှာ နိုင်ငံတော်ဘတ်ဂျက်မှ အကုန်ကျခံ လုပ်ဆောင်ပေးခြင်းဖြစ်သည်ကို သိရှိရသောကြောင့် မြို့နယ် NLD ရုံးသို့ သွားရောက်တိုင်ကြားခဲ့ပြီး မကြာမီတွင် ဦးအောင်ကျော်မြိုင်က ကျေးရွာသို့လာရောက်၍ ၎င်းယူဆောင်သွားသည့် ကျပ်သိန်းတစ်ရာအနက် ကျပ်သိန်းကိုးဆယ်အား ပြန်လည်ပေးအပ်ခဲ့ပြီး ကျန်ရှိနေသည့် ကျပ် ၁၀ သိန်းအား လစာထုတ်မှယူရန်ပြောဆိုခဲ့ကြောင်း၊ အိမ်မဲမြို့ခံသတင်းထောက် ဦးသူရစိုးအား ဦးအောင်ကျော်မြိုင်က သတင်းမရေးရန်အတွက် ခေါ်ယူပြောဆိုခဲ့ပြီး ငွေကြေးပေးအပ်ရန် ညှိနှိုင်းမှုများကြောင့် ဦးသူရစိုးက အထက်ပါဖြစ်စဉ်နှင့်ပတ်သက်၍ အဂတိလိုက်စားမှုတိုက်ဖျက်ရေးကော်မရှင်ထံ တိုင်ကြားခဲ့ခြင်းဖြစ်ကြောင်း သိရသည်။

“ကျွန်တော်ကလည်း အလွတ်တန်း သတင်းထောက်အဖြစ် ရပ်တည်နေတော့ သတင်းတွေ ကြိုးကြားကြိုးကြားရေးတယ်ပေါ့။ ဒီလိုမျိုးညှိနှိုင်းမှုတွေဖြစ်လာတဲ့အခါ သတင်းသမားကို ပိုက်ဆံပေးပြီးတော့ လုပ်တယ်ဆိုမျိုးကို မခံချင်ဘူးပေါ့။ မခံချင်တော့ သတင်းတွေလည်းရေးတယ်၊ အဂတိလိုက်စားမှုကော်မရှင်ကို ကျွန်တော့်မှတ်ပုံတင်နံပါတ်နဲ့ပါပို့ပြီးတော့ ဒီကိစ္စကိုတိုင်ကြားတဲ့အဆင့်ထိ ပြုလုပ်ခဲ့တယ်ပေါ့” ဟု အိမ်မဲမြို့ခံသတင်းထောက် ဦးသူရစိုးက ပြောကြားသည်။

ကျေးရွာမီးလင်းရေးအတွက် ငွေကြေးတောင်းခံခဲ့မှုများနှင့် ပတ်သက်၍ မီးလင်းရေးကော်မတီ၏အတိုင်ပင်ခံ ဦးအောင်သိန်းဝင်းက လွှတ်တော်ကိုယ်စားလှယ် ဦးအောင်ကျော်မြိုင်က ငွေကြေးတောင်းခံခဲ့မှုများနှင့်ပတ်သက်၍ ယခုကဲ့သို့ပြောကြားသည်။

“မီးလင်းရေးကို သိန်းသုံးရာကုန်မယ်ဆိုပြီး သိသွားတဲ့အချိန်ကျတော့ ကိုအောင်ကျော်မြိုင်နဲ့အတူ NLD ရုံးက တစ်ယောက်ပါလာတယ်။ မီးယူမယ့်သူတွေကို ခေါ်ပြီးတော့ ဓမ္မာရုံမှာ အစည်းအဝေးလုပ်ကြတယ်။ ဦးအောင်ကျော်မြိုင်က အဲဒီမှာ မီးလင်းရေးအတွက်ကို ကျွန်တော်တို့ဆောင်ရွက်လာတဲ့အခါ တကောကျေးရွာကိုကျတဲ့ ထရန်စဖော်မာကို ခေါင်းပြောင်းပြီးတော့ ယူရမယ့်အတွက် ကုန်ကျမှုတွေရှိတယ်၊ ပေးရမယ်။ မီးကြိုးသွယ်ဖို့ရော ခေါင်းပြောင်းခရော သိန်း ၃၀၀ ခန့်ကုန်ကျမှာပဲဆိုတော့ အိမ်ခြေတစ်ရာရှိရင် တစ်အိမ်ထောင်ကို သုံးသိန်းပေါ့။ အဲဒီလိုမျိုး ပြောဆိုပြီးတော့ နောက်သုံးလေးရက်မှာ ကျွန်တော်တို့ ၂၁ ရက်နေ့ ၂ လပိုင်းမှာ ငွေကောက်ခံတယ်။ ကောက်ခံနေရင်းနဲ့ သူ့ကို သိန်းတစ်ရာပေးမယ့်အချိန်မှာ အားလုံးပေါင်း သိန်းတစ်ရာကျော်လောက် ကောက်ခံရရှိထားတယ်။ သူဘယ်ဌာနကို ဘယ်လိုငွေပေးရမယ်လို့ ပြောကြားထားတဲ့အသံကို ကျွန်တော် အသံဖမ်းသိမ်းဆည်းထားတာရှိပါတယ်။ သူက သိန်းတစ်ရာကို အဖော်တစ်ယောက်နဲ့ ကားနဲ့လာယူသွားတယ်။ သူက အခုလိုမီးရဖို့အတွက် မြို့နယ်ကိုရော တိုင်းကိုရော ပိုက်ဆံပေးရမယ်ဆိုပြီး တောင်းသွားတာ။ ဒီကိစ္စကို လိုက်စုံစမ်းတော့ အခုထရန်စဖော်မာကျတာက အစိုးရက သိန်း ၅၀၀ ဘတ်ဂျက်ကျထား ပေးပြီးသား။ ရွာက အကုန်ကျခံစရာမရှိဘူး ဆိုတာသိရတော့ ရွာထဲမှာက မကျေနပ်ကြဘဲ ပြဿနာတက်ကြရော။ ပြဿနာတက်တော့ ကျွန်တော်တို့က NLD ရုံးသွားပြောတာပေါ့။ နောက်ရက်ကျတော့ သူက ပိုက်ဆံသိန်းကိုးဆယ် ပြန်လာပေးတယ်။ ကျန်တဲ့ ၁၀ သိန်းကို လစာထုတ်မှယူပါဆိုပြီးပြောတယ်” ဟု ဦးအောင်သိန်းဝင်းက ပြောကြားသည်။

အထက်ပါဖြစ်စဉ်နှင့်ပတ်သက်၍ လွှတ်တော်ကိုယ်စားလှယ် ဦးအောင်ကျော်မြိုင်အား တွေ့ဆုံမေးမြန်းရာ “ငွေကြေးကောက်ခံမှုဆိုတာ လိုတာပဲလေ။ ကျလာတဲ့ဘတ်ဂျက်က အဲလဗင်းက ထောင့်တစ်ရာလေးရာ၊ ဗို့လိုင်းက ဒသမကိုးမိုင်။ အဲဒီအပေါ်မှာ ရွာထဲကို သူတို့ဆင်ချင်တဲ့အတိုင်းအတာကို ဆာဗေးဆင်းပြီးတိုင်းတာမှာ။ လေးရာဗို့လိုင်းက လိုတယ်၊ လိုတဲ့အပေါ်မှာ ပြည်သူက ထည့်ဝင်ရမှာပဲလေ။ မြို့နယ် EPC ကနေပြီးတော့ လိုအပ်ချက်ရှိတဲ့အပေါ် တွက်ချက်မှုအတိုင်းအတာ မသိရသေးပါဘူး။ ကျွန်တော်တို့ ပြည်သူကို ချထားစဉ်ကတည်းက ခန့်မှန်းခြေ သုံးရာလောက်ကုန်မယ် ပေးထားဖို့လိုမယ်ပေါ့။ မြို့နယ် EPC ကလည်း မတောင်းသေးဘူး။ သူတို့ကော်မတီပိုင်းကလည်း တက်ကြွနေတယ်။ ပထမသူတို့ရသရွေ့တော့စုတယ်။ ကျွန်တော့်ကို မြို့နယ်ကိုပေးဖို့ဆိုပြီးတော့ လှမ်းခေါ်တော့ သိန်းတစ်ရာသွားယူတယ်။ ယူပြီး မြို့နယ် EPC နဲ့ဆက်တော့ မြို့နယ် EPC ကမရှိဘူး ခရီးသွားနေတယ်။ နောက်ရက်ကျတော့ လွှတ်တော်ပြန်တက်ရမှာမို့ ပိုက်ဆံကို ကျွန်တော့်အိမ်မှာပဲထားခဲ့တယ်။ ပြန်သွားတော့လည်း မြို့နယ် EPC ကမရှိဘူး။ နေပြည်တော်သွားတယ်လို့ ကြားတယ်။ သူတို့ပေးထားတဲ့ သိန်းတစ်ရာကို ပြန်ပေးဖို့ ကော်မတီထဲမှာလည်း မကျေလည်သူတွေရှိလို့ အဲဒီရွာကို ပြန်ပေးလိုက်တယ်။ ပြန်ပေးတဲ့အချိန်မှာ ကိုးဆယ်ပဲလားဆိုတော့မဟုတ်ဘူး၊ တစ်ရာပေးခဲ့တယ်။ ပြန်ပေးခဲ့တာမှာ တစ်ပြိုင်တည်းပါသွားပေမယ့်လည်း ဆိုင်ကယ်ပုံးထဲမှာရော အိတ်ထဲမှာရော ဆွဲသွားတဲ့အတွက် ၁၀ သိန်းက ကျန်ရစ်ခဲ့တယ်။ ကျွန်တော်တောင် ၁၀ သိန်းက ဘယ်လိုကွာဟနေလဲလို့တွေးမိမှ ဆိုင်ကယ်ထဲမှာတွေ့ရတယ်” ဟု ပြန်လည်ဖြေကြားခဲ့သည်။

အထက်ပါဖြစ်စဉ်နှင့်ပတ်သက်၍ ဧရာဝတီတိုင်းဒေသကြီး လျှပ်စစ်ဓာတ်အားဖြန့်ဖြူးရေးလုပ်ငန်းနှင့် အိမ်မဲမြို့နယ် အထွေထွေအုပ်ချုပ်ဦးစီးဌာနများအား မေးမြန်းစုံစမ်းခဲ့ရာတွင် လွှတ်တော်ကိုယ်စားလှယ် ပြောကြားခဲ့သကဲ့သို့ ငွေကြောင်းတောင်းခံခြင်းများ မရှိခဲ့ကြောင်း ဖြေကြားထားသည်။

 

NLD ပါတီဝင် မြင်းခြံမြို့နယ် ပြည်သူ့လွှတ်တော်ကိုယ်စားလှယ် ဦးပေါခင် ကွယ်လွန်

အမျိုးသားဒီမိုကရေစီအဖွဲ့ချုပ်ပါတီဝင် မြင်းခြံမြို့နယ် ပြည်သူ့လွှတ်တော်ကိုယ်စားလှယ် ဦးသက်လွင် (ခ) ဦးပေါခင်သည် မတ် ၃၁ ရက်တွင် မန္တလေးပြည်သူ့ဆေးရုံကြီးတွင် ကွယ်လွန်သွားကြောင်း သတင်းရရှိသည်။

ဦးပေါခင်သည် နှလုံးမကောင်းသဖြင့် နှလုံးအတွင်း Stent ထည့်ထားရသောကြောင့် နှလုံးရောဂါအခံရှိကာ ရုတ်တရက်လဲကျသဖြင့် ဆေးရုံတက်ရောက်ကုသစဉ် ကွယ်လွန်သွားခြင်းဖြစ်ကြောင်း ပုလဲမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က ပြောကြားသည်။

“သူက အင်ဂျင်နီယာတစ်ယောက်ပါ။ အန်တီတို့နဲ့တော့ ၁၉၉၀ ရွေးကောက်ပွဲတုန်းကတည်းက ဆောင်ရွက်လာတာ။ သူက သူ့ရဲ့တာဝန်ကျတဲ့ မြို့နယ်တွေမှာပဲ အားလုံးတက်တက်ကြွကြွဆောင်ရွက်ခဲ့တယ်။ ပါတီအကျပ်အတည်းကာလ၊ အန်တီတို့ပါတီ ဒုက္ခရောက်နေတဲ့အချိန်တွေမှာလည်း ဒီပါတီနဲ့ပဲ လက်တွဲပြီးတော့မှ ဆောင်ရွက်ခဲ့တယ်” ဟု ဒေါ်ခင်စန်းလှိုင်က ပြောကြားသည်။

ဦးပေါခင်သည် ၁၉၉၀ အထွေထွေရွေးကောက်ပွဲတွင် မြင်းခြံပြည်သူ့လွှတ်တော်ကိုယ်စားလှယ်အဖြစ် ရွေးကောက်ခံခဲ့ရပြီး ၂၀၁၂ ခုနှစ် ကြားဖြတ်ရွေးကောက်ပွဲတွင် နွားထိုးကြီးမဲဆန္ဒနယ် ပြည်သူ့ကိုယ်စားလှယ်အဖြစ် ရွေးချယ်ခံရကာ ၂၀၁၅ ခုနှစ် အထွေထွေရွေးကောက်ပွဲတွင်လည်း မြင်းခြံမြို့နယ် ပြည်သူ့လွှတ်တော် ကိုယ်စားလှယ်အဖြစ် ထပ်မံရွေးချယ်ခံခဲ့ရပြီး ပြည်သူ့လွှတ်တော်ရင်းနှီးမြှုပ်နှံမှုနှင့် စက်မှုလက်မှုဖွံ့ဖြိုးတိုးတက်ရေး ကော်မတီအတွင်းရေးမှူး တာဝန်ထမ်းဆောင်ခဲ့သည်။

“ဦးပေါခင်က အင်မတန် စိတ်သဘောထားကောင်းတယ်။ စိတ်သဘောကောင်းတယ်ဆိုပေမဲ့ စိတ်ပျော့ပျောင်းတာမဟုတ်ဘူး။ သူက ပါတီနဲ့ပတ်သက်လာရင်၊ နိုင်ငံရေးနဲ့ပတ်သက်လာရင်၊ သူရဲ့ယုံကြည်ချက်နဲ့ ပတ်သက်လာရင်၊ ခံယူချက်နဲ့ ပတ်သက်လာရင် အင်မတန်မှကို စိတ်ဓာတ်ခိုင်မာတဲ့သူဖြစ်တယ်။ အခုလည်း နှလုံးမှာ Stent ထည့်ထားပြီးတော့မှ အဲဒီအချိန်တုန်းက ကျန်းမာရေးတော်တော်ကို ဆိုးဆိုးရွားရွားဖြစ်တဲ့ အချိန်တုန်းကတောင်မှ စိတ်လည်းမလျှော့ဘူး။ နေကောင်းတာနဲ့တစ်ပြိုင်နက် လွှတ်တော်ပြန်တက်တယ်။ တက်ခဲ့ပြီးတဲ့နောက်မှာ အန်တီတို့နဲ့ တောက်လျှောက်လက်တွဲပြီး ဆောင်ရွက်နေတာပေါ့။ ဒီနှစ်နှစ်ကျော်ကာလအတွင်းမှာပေါ့။ ပြောမယ်ဆိုရင် ရောဂါရဲ့အခြေအနေအရ ဒီလိုဖြစ်သွားတာပေါ့။ အန်တီတို့ပါတီအတွက်တော့ ၀ါရင့်နိုင်ငံရေးသမားတစ်ယောက်၊ ပါတီပေါ်မှာ သစ္စာရှိပြီး ရိုးသားဖြူစင်တဲ့တစ်ယောက် ဆုံးရှုံးရတဲ့အတွက် ၀မ်းနည်းပါတယ်။ စိတ်မကောင်းဖြစ်ရပါတယ်” ဟု ဒေါ်ခင်စန်းလှိုင်က ပြောကြားသည်။

ဦးပေါခင်ကို ၁၉၄၇ ခုနှစ်တွင် မြင်းခြံမြို့နယ် ဂေါင်းကွဲကျေးရွာတွင် မွေးဖွားခဲ့ခြင်းဖြစ်ပြီး ဇနီးသည်မှာ ကုန်သည်တစ်ဦးဖြစ်ကာ သားသမီးသုံးဦးထွန်းကားခဲ့ပြီး ကွယ်လွန်ချိန်တွင် အသက် (၇၂) နှစ် အရွယ်ရှိပြီဖြစ်သည်။

တပ်မတော်နှင့် နိုင်ငံရေးပါတီများ ပူးပေါင်းဆောင်ရွက်မှုတွင် အမျိုးသားရင်ကြားစေ့ရေးကို အပြည့်အ၀မဖော်ဆောင်နိုင်သေးကြောင်း NLD ပါတီ ပြောရေးဆိုခွင့်ရှိသူ ပြောကြား

မတ် ၂၇ ရက်တွင် ဖက်ဆစ်တော်လှန်ရေးနေ့ အခမ်းအနား ရန်ကုန်မြို့ NLD ပါတီရုံးချုပ်၌ ပြုလုပ်စဉ်

တပ်မတော်နှင့် နိုင်ငံရေးပါတီများ ပူးပေါင်းဆောင်ရွက်မှုတွင် အမျိုးသားရင်ကြားစေ့ရေးကို အပြည့်အ၀ မဖော်ဆောင်နိုင်သေးဘဲ တပ်မတော်၏ အကျိုးစီးပွားနှင့် နိုင်ငံသူနိုင်ငံသားများ၏ အကျိုးစီးပွား တစ်ထပ်တည်းကျရန်လိုနေကြောင်း အမျိုးသားဒီမိုကရေစီအဖွဲ့ချုပ်ပါတီ (NLD) ၏ ပြောရေးဆိုခွင့်ရှိသူ ဒေါက်တာမျိုးညွန့်က ပြောကြားသည်။

ရန်ကုန်မြို့ရှိ အမျိုးသားဒီမိုကရေစီအဖွဲ့ချုပ်ပါတီ ဗဟိုရုံးချုပ်၌ မတ် ၂၇ ရက်က ပြုလုပ်သည့် (၇၃) နှစ်မြောက် ဖက်ဆစ်တော်လှန်ရေးနေ့ (တပ်မတော်နေ့) အခမ်းအနားအပြီး မီဒီယာများနှင့်တွေ့ဆုံစဉ် ထိုကဲ့သို့ ပြောကြားခဲ့ခြင်းဖြစ်သည်။

ဒေါက်တာမျိုးညွန့်က “မြန်မာ့နိုင်ငံရေးမှာ တပ်မတော်နဲ့ နိုင်ငံရေးပါတီများ ပူးပေါင်းဆောင်ရွက်မှုမှာ အမျိုးသားရင်ကြားစေ့ရေးကို အပြည့်အ၀မဖော်ဆောင်နိုင်သေးတာ ကျွန်တော်တို့တွေ့ရမှာပါ။ တပ်မတော်ရဲ့ အကျိုးစီးပွားနဲ့ နိုင်ငံသူနိုင်ငံသားတွေရဲ့ အကျိုးစီးပွား တစ်ထပ်တည်းဖြစ်အောင်လုပ်ဖို့ လိုပါသေးတယ်လို့ ပြောချင်ပါတယ်” ဟုပြောကြားသည်။

လက်ရှိတွင် မတ် ၂၇ ရက်ကို တပ်မတော်နေ့ဟု ခေါ်ဝေါ်သုံးနှုန်းနေသော်လည်း အမျိုးသားဒီမိုကရေစီအဖွဲ့ချုပ်ပါတီအနေဖြင့် ဖက်ဆစ်တော်လှန်ရေးနေ့အဖြစ် အမည်တပ်၍ အခမ်းအနားပြုလုပ်ခြင်းဖြစ်သဖြင့် အမည်နာမအသုံးအနှုန်း ကွဲပြားမှုရှိနေသည့်အပေါ် “ဒါကတော့ အမျိုးသားရင်ကြားစေ့ရေးအရ လုပ်သွားရမှာပါ။ ဒါပေမဲ့ ကျွန်တော်တို့က စကားလုံးအသုံးအနှုန်းတစ်ခုတည်းထက် ကျွန်တော်တို့ရဲ့အနှစ်သာရအရ လုပ်ဆောင်မှုတွေမှာ ပိုပြီးတော့ ပူးပေါင်းဆောင်ရွက်မှုရှိစေချင်တဲ့ သဘောရှိပါတယ်” ဟု ဒေါက်တာမျိုးညွန့်က ပြောကြားသည်။

“ကျင်းပတာက သာမန်လုပ်ရိုးလုပ်စဉ်ပဲလို့ မြင်ပါလိမ့်မယ်။ အဲဒီတော့ ကျွန်တော်မေးမယ်။ ဒီကနေ့ ကျွန်တော်တို့မကျင်းပရင်ရော ဘယ်လိုဖြစ်မလဲ။ အဲဒါဆိုရင် ဒီနေ့ဘာကြောင့် ကျင်းပရသလဲဆိုတာ ပေါ်လွင်လာပါလိမ့်မယ်။ ကျွန်တော်တို့ဟာ ကျွန်တော်တို့ရဲ့ရည်မှန်းချက်ကို တစိုက်မတ်မတ် လုပ်နေတယ်ဆိုတာကို ပြနိုင်တာဖြစ်ပါတယ်။ နောက်တစ်ခုက ဒါကို ဖက်ဆစ်တော်လှန်ရေးနေ့လို့ သတ်မှတ်ထားတယ်။ ဘာကြောင့်လဲ။ ဖက်ဆစ်တော်လှန်ရေးဟာ တပ်မတော်တစ်ခုတည်း မဟုတ်ပါဘူး။ ပြည်သူ့ရင်က ပေါက်ဖွားလာတဲ့ တပ်မတော်သားတွေရော၊ ပြည်သူတွေအားလုံးရော ပြည်သူဆိုတာမှာ ဘာသာယုံကြည်မှုပေါင်းစုံက ပြည်သူတွေ ဗမာတွေတင်မက တိုင်းရင်းသားပေါင်းစုံပါတဲ့ အားလုံးကို အားလုံးပါဝင်နိုင်မှုရှိတဲ့ အမည်နာမဖြစ်တဲ့အတွက် ဖက်ဆစ်တော်လှန်ရေးဆိုတာ ကျွန်တော်တို့ ခိုင်ခိုင်မြဲမြဲ ကိုင်ထားတာဖြစ်ပါတယ်။ ဒီကနေ့ကျင်းပခြင်းအားဖြင့် မြန်မာနိုင်ငံမှာ ဖြစ်ပေါ်နေတဲ့ နိုင်ငံရေးအကျပ်အတည်းဟာ ပိုပြီးတော့ မီးမောင်းထိုးပြသလိုဖြစ်ပါတယ်။ ဘာဖြစ်လို့တုံး။ ကျွန်တော်တို့ ပြည်သူအားလုံး ပြည်သူတွေကနေပြီးတော့ ပြည်သူရဲ့ဆန္ဒကို ဖော်ဆောင်ရမယ့်နိုင်ငံရေးပါတီများ ပြည်သူရဲ့ရင်ကပေါက်ဖွားပြီး ပြည်သူကို လုံခြုံရေးပေးရမယ့် တပ်မတော်များ ဒါတွေဟာ ပေါင်းစည်းဖို့လိုပြီ” ဟု ဒေါက်တာမျိုးညွန့်က (၇၃) နှစ်မြောက် ဖက်ဆစ်တော်လှန်ရေးနေ့ အခမ်းအနားပြုလုပ်ရခြင်းနှင့် ပတ်သက်၍ ပြောကြားသည်။

ဆက်လက်၍ အမျိုးသားဒီမိုကရေစီအဖွဲ့ချုပ်ပါတီ၏ လုပ်ဆောင်ချက်များကိုလည်း ပြည်သူများအနေဖြင့် အကဲဖြတ်ကြရန်လိုကြောင်း၊ အဖွဲ့ချုပ်အနေဖြင့် မိမိတို့အဖွဲ့ချုပ်ကသာ အမြဲတမ်းအသာစီးရရမည်၊ မိမိတို့အဖွဲ့ချုပ်ကသာ အုပ်စီးရမည်ဟူသည့် မူဝါဒများမရှိကြောင်း၊ မိမိတို့ပါတီအဖွဲ့ဝင်များသည် လူသားများဖြစ်သည့်အတွက် တချို့သောပြောဆိုမှုများ၌ ချွတ်ချော်မှုများ ရှိကောင်းရှိနိုင်ကြောင်း၊ သို့သော် အမျိုးသားဒီမိုကရေစီအဖွဲ့ချုပ်၏ မူဝါဒဖြစ်သည့် အမျိုးသားရင်ကြားစေ့ရေးကသာ မယိမ်းမယိုင် တစ်သမတ်တည်းဖြစ်ကြောင်း ၎င်းက ပြောကြားသည်။