Myanmar Idol Season 3 တွင် ချမ်းမြေ့မောင်ချို ယှဉ်ပြိုင်နိုင်ခြင်းမရှိသဖြင့် ဖြိုးမြတ်အောင်က ဒိုင်ပွဲရပ်ဖြင့် Winner ဆု ဆွတ်ခူးရရှိ

Myanmar Idol Season 3 ပြိုင်ပွဲကို ရန်ကုန်မြို့၊ ရွှေထွဋ်တင်ကွင်း၌ သြဂုတ် ၁၁ ရက် ညပိုင်းကပြုလုပ်ခဲ့ရာ Grand Final သို့ တက်ရောက်ခဲ့သည့် ပြိုင်ပွဲဝင်နှစ်ဦးအနက် ကျန်းမာရေးအခြေအနေအရ ချမ်းမြေ့မောင် ချိုယှဉ်ပြိုင်နိုင်ခြင်းမရှိသဖြင့်  ဖြိုးမြတ်အောင်က ဒိုင်ပွဲရပ်ဖြင့် Winner ဆုကို ဆွတ်ခူးရရှိခဲ့သည်။

Myanmar Idol Season3 ပြိုင်ပွဲ၏ Grand Final ပြိုင်ပွဲမတိုင်မီ ရက်အနည်းခန့်တွင် Grand Final သို့ တက်ရောက်နိုင်ခဲ့သည့် ချမ်းမြေ့မောင်ချိုနှင့် ဖြိုးမြတ်အောင် တို့နှစ်ဦးစလုံး နေထိုင်မကောင်းဖြစ်ခဲ့ပြီး ချမ်းမြေ့မောင်ချိုမှာ သုခကမ္ဘာဆေးရုံသို့ တက်ရောက်ကုသရသည်အထိ ကျန်းမာရေး အခြေအနေဆိုးရွားခဲ့ကာ ပြိုင်ပွဲနေ့တွင် လာရောက်ယှဉ်ပြိုင်နိုင်ခြင်း မရှိခဲ့သော်လည်း ဆေးရုံမှတစ်ဆင့် ဆေးရုံကားဖြင့် လာရောက်ကာ တေးသီချင်းတစ်ပုဒ်ဖြင့် ပရိသတ်အား ဖျော်ဖြေခဲ့သည်။

“အခုလို Winner ဆုကို ဆွတ်ခူးရရှိတဲ့အတွက် အရမ်းဝမ်းသာမိပါတယ်။ ကျွန်တော့်ကို အားပေးကြတဲ့ ပရိသတ်တွေ၊ အထူးသဖြင့် ကျွန်တော့်ရဲ့မွေးရပ်ဇာတိဖြစ်တဲ့ ဧရာဝတီတိုင်းက ပရိသတ်တွေကို တစ် ယောက်မကျန် ကျေးဇူးတင်ပါတယ်။ အခုလို  Winner ဆုနဲ့ နောက်ပိုင်း အနုပညာအလုပ်တွေ ဆက်လုပ်ကိုင်သွားပါမယ်”  ဟု Myanmar Idol Season 3 Winner ဆုရှင်  ဖြိုးမြတ်အောင်က ပြောကြားသည်။

Myanmar Idol Season 3 Grand Final ပြိုင်ပွဲတွင် ယခင်နှစ်ပြိုင်ပွဲများကဲ့သို့ပင် Top Ten Final List သို့ တက်ရောက် နိုင်ခဲ့သည့် ပြိုင်ပွဲဝင်များ၏ ဖျော်ဖြေမှုများ၊ ဒိုင်လူကြီးများ၏ ဖျော်ဖြေမှုများပါဝင်ခဲ့သည်။

Myanmar Idol Season 3 ပြိုင်ပွဲ၏  Winner ဆုအား ဖြိုးမြတ်အောင်က ဒိုင်ပွဲရပ်ဖြင့် Winner ဆု ဆွတ်ခူးရရှိခဲ့ပြီး Myanmar Idol ပြိုင်ပွဲတွင် Season 1 Winner  စော်လားထော်ဝါးနှင့်  Season 2 Winner သားငယ်တို့အပြီး တတိယမြောက် Winner ဆုရှင် ဖြစ်လာခဲ့ပြီဖြစ်သည်။

 

ဆေးကုသမှုခံယူရလျက်ရှိသည့် ချမ်းမြေ့မောင်ချိုအား Grand Final ပြိုင်ပွဲစတင်ချိန်အထိ လာရောက်ယှဉ်ပြိုင်ရန် စောင့်ဆိုင်းမည်ဖြစ်ပြီး မယှဉ်ပြိုင်နိုင်ပါက ကျန်ရှိသူ ဖြိုးမြတ်အောင်အား Winner ဆုပေးအပ်မည်

Myanmar Idol တာဝန်ရှိသူများ သတင်းစာရှင်းလင်းစဉ်

ဆေးကုသမှုခံယူရလျက်ရှိသည့် Myanmar Idol Season 3 Top 2 Finalist ပြိုင်ပွဲဝင် ချမ်းမြေ့မောင်ချိုအား သြဂုတ်လ ၁၁ ရက်တွင် ကျင်းပမည့် Grand Final ပြိုင်ပွဲကျင်းပချိန်အထိ လာရောက်ယှဉ်ပြိုင်ရန် စောင့်ဆိုင်းသွားမည်ဖြစ်ကာ ကျန်းမာရေး အခြေအနေအရ လာရောက်ယှဉ်ပြိုင်နိုင်ခြင်း မရှိပါက ပြိုင်ပွဲအားရွှေ့ဆိုင်းမည်မဟုတ်ဘဲ ကျန်ရှိသူ ဖြိုးမြတ်အောင်ကို Winner ဆုပေးအပ်သွားမည်ဖြစ်ကြောင်းသိရသည်။ လက်ရှိတွင် ဆေးကုသမှုခံယူရလျက်ရှိသည့် ချမ်းမြေ့မောင်ချိုအနေဖြင့် ကျန်းမာရေး အခြေအနေမှာ အတန်ငယ်သက်သာလာပြီဖြစ်ကာ ပြိုင်ပွဲတွင်ဆက်လက်ယှဉ်ပြိုင်ရန် ဆန္ဒရှိကြောင်းနှင့် ပြိုင်ပွဲအတွက်လေ့ကျင့်မှုများအား ဆေးရုံတွင်တတ်အားသရွေ့ လုပ်ဆောင်လျက်ရှိကြောင်းလည်း Vocal Coach တစ်ဦးဖြစ်သူ ဥက္ကာဦးသာက ဖြည့်စွက်ပြောကြားခဲ့သည်။

“ဒီပြိုင်ပွဲက ရှစ်လတာမျှ ကျင်းပခဲ့တဲ့ ပြိုင်ပွဲဖြစ်သလို ပြိုင်ပွဲဝင်တစ်သောင်းကျော်ကနေ အဆင့်ဆင့်ရွေးချယ်ခဲ့တဲ့ပြိုင်ပွဲလည်း ဖြစ်ပါတယ်။ ဆန်ခါတင် ၁၁ ဦးလုံးကလည်း အရည်အချင်းကိုယ်စီရှိကြသလို သူတို့ရည်မှန်းတဲ့ပန်းတိုင်အတွက် အစွမ်းကုန်ကြိုးစားကြပြီး ဖိစီးမှုတွေရှိကြတာလည်းအမှန်ပါပဲ။ အခုလိုနောက်ဆုံးအဆင့်ပြိုင်ပွဲရောက်ခါမှ ချမ်းမြေ့မောင်ချိုအနေနဲ့ ကျန်းမာရေးထိ ခိုက်ခံစားရတာကိုလည်း တော်တော်လေး စိတ်မကောင်းဖြစ်မိပါတယ်။ ပြိုင်ပွဲမတိုင်ခင် နောက်ဆုံးအဆင့်ပြိုင်ပွဲဝင်နှစ်ယောက်လုံးကို ဇာတိနေရာတွေဆီခေတ္တပြန်စေခဲ့ရာမှာ camp ကိုပြန်ရောက်ချိန်မှာ နှစ်ယောက်လုံး ကျန်းမာရေးထိခိုက်ခဲ့တာလည်းဖြစ်ပါတယ်။ ဆေးကုသမှုခံယူရင်း ဖြိုးမြတ်အောင်က ပြန်လည်ကောင်းမွန်လာပေမယ့် မောင်ချိုကတော့ ပိုမိုဆိုးရွားလာပြီး ဆေးရုံတက်ခဲ့ရတာ ဖြစ်ပါတယ်။ ပြိုင်ပွဲဖြစ်တဲ့အတွက် Grand Final  ပြုလုပ်မယ့်ရက်ကိုလည်း ပွဲစတင်ကတည်းက သတ်မှတ်ထားပြီးဖြစ်ပါတယ်။ ပြိုင်ပွဲကိုတော့ပြိုင်ပွဲဝင်အနေနဲ့လာရောက် ယှဉ်ပြိုင်ရမှာလည်းဖြစ်ပါတယ်။ လာ ရောက်ယှဉ်ပြိုင်ဖို့ကိုလည်း Myanmar Idol တစ်ဖွဲ့လုံးကမျှော်လင့်နေသလို Grand Final ပြိုင်ပွဲ ကျင်းပတဲ့အချိန်ထိကို စောင့်ဆိုင်းသွားမှာလည်းဖြစ်ပါတယ်။ ချမ်းမြေ့ မောင်ချိုအနေနဲ့လည်း ပါဝင်ယှဉ်ပြိုင်လိုတဲ့ ဆန္ဒရှိတယ်ဆိုတာ သိထားရပါတယ်။ တကယ်လို့သာ ကျန်းမာရေးအရလာရောက် ယှဉ်ပြိုင်နိုင်ခြင်းမရှိရင်တော့ ပြိုင်ပွဲသတ်မှတ်ချက်အတိုင်းပဲ ဒိုင်ပွဲရပ်အနေနဲ့ ကျန်ရှိ တဲ့ဖြိုးမြတ်အောင်ကို Winner ဆုပေးရမှာပါ။ Voting စနစ်ကဘယ်လိုဖြစ် သွားမယ်ဆိုတာကိုတော့ Grand Final စတင်ချိန်မှာ ကြေညာ ပေးသွားမှာဖြစ်ပါတယ်” ဟု Myanmar Idol ၏ Project Director  ဒေါ်နန်းမောက်လောဝ်ဆိုင်မှ ပြောကြားခဲ့သည်။

ဆေးကုသမှုခံယူလျက်ရှိသည့် ချမ်းမြေ့မောင်ချိုအား တွေ့ရစဉ် (ဓာတ်ပုံ-သုခကမ္ဘာဆေးရုံ)

Myanmar Idol Season 3 Top 2 Finalist ချမ်းမြေ့မောင်ချိုသည် အာသီးရောင်ခြင်း၊ တုပ်ကွေးဖြစ်ခြင်း၊ လေးဘက်နာ ရောဂါ(ASO)တက်ခြင်းတို့ကြောင့် သြဂုတ် လ ၉ ရက်မှ စတင်ကာ သုခ ကမ္ဘာဆေးရုံ တွင် ဆေးကုသမှုခံယူနေရခြင်း ဖြစ်သည်။ လက်ရှိတွင် ချမ်းမြေ့မောင်ချို၏ကျန်းမာရေး အခြေအနေမှာ အတန်ငယ်သက်သာလာပြီ ဖြစ်ကာ ပိုမိုကောင်းမွန်လာပြီး Grand Final တွင် ပါဝင်ယှဉ်ပြိုင်နိုင်ရန်မျှော်လင့်လျက်ရှိကြောင်းလည်း Myanmar Idol ပြိုင်ပွဲမှ တာဝန်ရှိသူများက ပြောကြားခဲ့သည်။

Myanmar Idol Finalist ပြိုင်ပွဲဝင် ချမ်းမြေ့မောင်ချို ကျန်းမာရေး အခြေအနေကြောင့် ဆေးကုသမှု ခံယူရ

အွန်လိုင်းတွင် ပျံ့နှံ့နေသည့် ချမ်းမြေ့မောင်ချို ဆေးကုသမှုခံယူနေရပုံကို တွေ့ရစဉ်

Myanmar Idol သီချင်းဆိုပြိုင်ပွဲ၏ Top 2 Finalist တစ်ဦးဖြစ်သူ ပြိုင်ပွဲဝင် ချမ်းမြေ့မောင်ချိုသည် ကျန်းမာရေး အခြေအနေ ထိခိုက်ခံစားရမှုရှိသဖြင့် ဆေးကုသမှု ခံယူရလျက်ရှိကြောင်း ချမ်းမြေ့မောင်ချို၏ မိခင်ဖြစ်သူ တေးသံရှင် အိအိက သြဂုတ် ၈ ရက် ညပိုင်းတွင် အတည်ပြု ပြောကြားသည်။

ပြိုင်ပွဲဝင် ချမ်းမြေ့မောင်ချိုသည် ကျန်းမာရေးအရ အားနည်းထိခိုက်နေသဖြင့် ဆေးကုသမှုခံယူပြီးနောက် သြဂုတ် ၁၁ ရက်တွင် ကျင်းပမည့် နောက်ဆုံးအဆင့်ပြိုင်ပွဲအတွက် သီချင်းတိုက်လေ့ကျင့်မှု သွားရောက်ပြုလုပ်ရာတွင် တေးသီချင်း သီဆိုနိုင်ခြင်းမရှိဘဲ ကျန်းမာရေး အခြေအနေ ဆိုးရွားခဲ့သဖြင့် ဆေးကုမှု ထပ်မံခံယူနေရခြင်းဖြစ်ကြောင်း သိရသည်။

“သူက ကျန်းမာရေးမကောင်းလို့ ဒရစ်နှစ်လုံးချိတ်ပြီး Final အတွက် သီချင်းတိုက်ဖို့ သွားတာပါ။ သီချင်းမဆိုနိုင်ဘဲ ကျန်းမာရေး ပိုဆိုးလာတော့ ကိုဥက္ကာတို့က ဆေးခန်းတစ်ခု လိုက်ပြတယ်လို့ သိရပါတယ်။ သူက Camp သွင်းတဲ့အထဲမှာပဲ ရှိနေတာဆိုတော့ အန်တီလည်း သူ့အခြေအနေသိရဖို့ ဖုန်းစောင့်နေပါတယ်” ဟု ချမ်းမြေ့မောင်ချို၏မိခင် တေးသံရှင် အိအိက ဆိုသည်။

ပြိုင်ပွဲဝင် ချမ်းမြေ့မောင်ချိုသည် Myanmar Idol သီချင်းဆိုပြိုင်ပွဲတွင် အသက်အငယ်ဆုံး ပြိုင်ပွဲဝင်တစ်ဦးအဖြစ် ဆန်ခါတင်ပြိုင်ပွဲဝင် ၁၁ ဦးစာရင်းတွင် ပါဝင်ခွင့်ရခဲ့သူဖြစ်သည်။ ချမ်းမြေ့မောင်ချိုသည် အပတ်စဉ်မတူ ကွဲပြားသည့် Theme များဖြင့် ယှဉ်ပြိုင်ရာတွင် ပရိသတ်ပေးသည့် Voting ဖြင့် အဆင့်ဆင့် တက်လှမ်းခွင့်ရရှိကာ Top 2 Finalist တစ်ဦး အဆင့်အထိ တက်ရောက်လာခဲ့သူဖြစ်သည်။ ချမ်းမြေ့မောင်ချိုသည် ကိုယ်ပိုင်ဟန်ဖြင့် တေးသီချင်းများအား သီဆိုတတ်သူတစ်ဦးအဖြစ် ပရိသတ်အားပေးမှု အခိုင်အမာ ရရှိထားကာ အကဲဖြတ်ဒိုင်များအနက် တေးသံရှင်မျိုးကျော့မြိုင်၊ တင်ဇာမော်နှင့် ရန်အောင်တို့၏ ချီးကျူးသည့် မှတ်ချက်စကားများ မကြာခဏ ရရှိထားသူလည်းဖြစ်သည်။ Top 3 Finalist ပွဲစဉ်တွင် ချမ်းမြေ့မောင်ချို သီဆိုသည့် တေးသီချင်း စာသားအနည်းငယ် ကျန်ရှိခဲ့မှုကြောင့် ပရိသတ်အချို့၏ ဝေဖန်မှုကိုလည်း ခံနေရသူဖြစ်သည်။

ချမ်းမြေ့မောင်ချိုသည် သြဂုတ် ၁၁ ရက်တွင် ပြုလုပ်မည့် Grand Final ပြိုင်ပွဲတွင် ဖြိုးမြတ်အောင်နှင့် ယှဉ်ပြိုင်ရမည်ဖြစ်ကာ ယခုပြိုင်ပွဲအတွက် လေ့ကျင့်မှုများ ပြုလုပ်နေစဉ်တွင် ကျန်းမာရေးဆိုးရွားမှုကြောင့် ဆေးကုသမှု ခံယူနေရခြင်းဖြစ်သည်။

Myanmar Idol သီချင်းဆိုပြိုင်ပွဲ နောက်ဆုံးအဆင့်သို့ တက်ရောက်နိုင်ခဲ့သည့် ဖြိုးမြတ်အောင်၏ ဟင်္သာတခရီးစဉ်နှင့် ဖျော်ဖြေပွဲ၌ ကြိုဆိုအားပေးသူ များပြားခဲ့

Myanmar Idol သီချင်းဆိုပြိုင်ပွဲ Season(3) နောက်ဆုံးအဆင့် Grand Final သို့ တက်ရောက်နိုင်ခဲ့သည့် ဖြိုးမြတ်အောင်၏ ဟင်္သာတခရီးစဉ်နှင့် ဖျော်ဖြေပွဲ၌ ကြိုဆိုအားပေးသူ များပြားခဲ့သည်။

နောက်ဆုံးအဆင့်ပြိုင်ပွဲမ၀င်ခင် ရန်ကုန်မှ ဟင်္သာတသို့ ခေတ္တပြန်လာသည့် ဖြိုးမြတ်အောင် အား လမ်းတစ်လျှောက် ဧရာဝတီတိုင်းဒေသကြီး၊ မြို့နယ်အသီးသီးမှ ပရိသတ် အများအပြားက ကြိုဆိုခဲ့ကြပြီး သြဂုတ်လ ၆ ရက်နေ့၊ ဟင်္သာတမြို့တော်ခန်းမ၌ ဖျော်ဖြေပွဲ ကျင်းပချိန်တွင်လည်း လာရောက်အားပေးသူ အများအပြားရှိခဲ့သည်။

“အများကြီးအားပေးတော့ ထင်တောင်မထားဘူး။ အရမ်းပျော်တယ်။ ကျွန်တော် အသံဝင် နေတာ။ ဒါပေမယ့် ကျွန်တော့်မိသားစုတွေတွေ့တော့ အသံပြန်ထွက်လာတယ်။ ဒီလိုအားပေး ကြတဲ့အတွက် ကျွန်တော်အခု ယှဉ်ပြိုင်ရမယ့် Grand Final မှာ ကျွန်တော့်အသံဝင်ချင်ဝင်နေပါစေ၊ လည်ချောင်းကွဲချင်ကွဲသွားပါစေ ကျွန်တော်ဆိုမှာ။ အားမငယ်တော့ဘူး”ဟု ဖြိုးမြတ်အောင်က ဖျော်ဖြေပွဲ၌ ပြောကြားခဲ့သည်။

“အဓိကကတော့ ရှစ်လေးလုံးပွဲတက်ရင်းနဲ့ ဖြိုးမြတ်အောင်ကို အားပေးချင်လို့လာတာ။ ဒီကျတော့ ချွေးသံတလုံးလုံးနဲ့ အားပေးခဲ့တယ်။ ဖြိုးမြတ်အောင်ကို ပြောချင်တဲ့စကားက ကိုယ် အတတ်နိုင်ဆုံးပဲဆို။ ကိုယ့်မှာ Talent ရှိတယ်။ ဘာမှကြောက်စရာမလိုဘူး။ ကိုယ်က အများကြီး သာတယ်ဆိုတာ ကိုယ့်ဘာသာကိုယ်လည်းသိတယ်။ အဲတော့ ပြိုင်ပါ။ အောင်မြင်သွားရင် အရင် အတိုင်းပဲနေ။ ဘ၀င်မမြင့်နဲ့။ ဒီအတိုင်းပဲ ရိုးရိုးသားသားကြိုးကြိုးစားစား အမြဲလုပ်၊ ပညာဆိုတာ သင်လို့မကုန်ဘူး။ ပိုက်ဆံဆိုတာ သူ့အလိုလိုဝင်လာလိမ့်မယ်။ ပိုက်ဆံ နောက်ကိုလည်း မလိုက် နဲ့။ ရိုးသားစွာကျင့်ကြံပါလို့ ပြောချင်တယ်”ဟု အမေရိကန်နိုင်ငံမှ မြန်မာနိုင်ငံသို့ ပြန်လည် ရောက်ရှိနေချိန် ဖြိုးမြတ်အောင်အား လာရောက်အားပေးခဲ့သည့် ဒေါက်တာမန်းမြင့်ဆိုင်က ပြောကြားသည်။

“ဦးက ဟင်္သာတသားပါ။ ကချင်ပြည်နယ်၊ ဖားကန့်ကနေ အာဇာနည်နေ့နဲ့ ရှစ်လေးလုံး ကိစ္စအတွက်လာခဲ့တာ။ ဒီကိုရောက်နေတုန်း သားလေးဖြိုးမြတ်အောင်ရဲ့အောင်မြင်မှုကို လေးစားတဲ့ အတွက် လာရောက်အားပေးခြင်းဖြစ်ပါတယ်”ဟု ပရိသတ်တစ်ဦးဖြစ်သူ စောအံ့မောင်က ပြောကြားသည်။

အဆိုပါဖျော်ဖြေပွဲ၌ ဖြိုးမြတ်အောင်က တေးသီချင်းများဖြင့် ဖျော်ဖြေခဲ့ပြီး Black Star Music Band က တီးခတ်ပေးခဲ့ကာ ဒေသခံတေးသံရှင်များမှ လည်း ပါဝင်သီဆိုဖျော်ဖြေခဲ့ကြသည်။

Myanmar Idol သီချင်းဆိုပြိုင်ပွဲ Season(3) နောက်ဆုံးအဆင့် Grand Final ပွဲကို သြဂုတ်လ ၁၁ ရက်နေ့တွင် ကျင်းပပြုလုပ်သွားရန်ရှိပြီး ဖြိုးမြတ်အောင်နှင့် ချမ်းမြေ့မောင်ချို တို့နှစ်ဦးယှဉ်ပြိုင်ရမည်ဖြစ်သည်။

Myanmar Idol သီချင်းဆိုပြိုင်ပွဲတွင် နောက်ဆုံးအဆင့် Grand Final သို့ တက်ရောက်နိုင်ခဲ့သည့် ပြိုင်ပွဲဝင် ချမ်းမြေ့မောင်ချိုနှင့် သူမ၏ အမာခံပရိတ်သတ်များ တွေ့ဆုံပွဲပြုလုပ်

ဓါတ်ပုံ – ကျော်ဇင်ဖြိုး

Myanmar Idol သီချင်းဆိုပြိုင်ပွဲ Season (3) တွင် နောက်ဆုံးအဆင့် Grand Final သို့တက်ရောက်နိုင်ခဲ့သည် ပြိုင်ပွဲဝင်ချမ်းမြေ့မောင်ချိုနှင့် သူမ၏ အမာခံပရိတ်သတ်များ တွေ့ဆုံပွဲကို (ယနေ့) သြဂုတ်လ ၅ ရက်၊ ည ၇ နာရီခန့်က ရန်ကုန်မြို့ Gandamar Grand Balloom ခန်းမတွင် ကျင်းပပြုလုပ်ခဲ့ပြီး ချမ်းမြေ့မောင်ချို၏ ပရိသတ် အများအပြား တက်ရောက်ခဲ့ကြကြောင်း သိရသည်။

အဆိုပါ ပရိသတ်များနှင့် တွေ့ဆုံပွဲအခမ်းအနားကို We Love Chan Myae Maung Cho fan group မှ ဦးဆောင်၍ ချမ်းမြေ့မောင်ချိုအား ဂုဏ်ပြုခြင်းနှင့် ပြိုင်ပွဲတွင် Grand Final အဆင့်ထိရောက်အောင် ချစ်ခင်စွာ မဲပေးခဲ့ကြသည့် ပရိသတ်များကို ကျေးဇူးတင်ရှိသည့်အနေဖြင့် ပြုလုပ်ခဲ့ခြင်းဖြစ်ပြီး ပရိသတ် အများအပြား လာရောက်ခဲ့ကြောင်း သိရသည်။

” မောင်ချိုကို ပြိုင်ပွဲ စကတည်းကအားပေးလာတာ။ နောက်ဆုံး Final အထိလည်း ပါစေချင်တယ်။ အခု Final လည်း ရောက်သွားပြီဆိုတော့ winner ဖြစ်စေချင်တယ်။ သူငယ်ချင်းတွေကိုလည်း မောင်ချိုလေး နောက်ဆုံးအဆင့်ထိပါလာအောင် မဲတွေပေးခိုင်းခဲ့တယ်။ သူက ဒီ ပြိုင်ပွဲမှာ အသက်အငယ်ဆုံးလည်းဖြစ်တော့ ကလေးလေးလိုဘဲ။ အများကြီး ကြိုးစားပြီး winner ဖြစ်ပါစေလို့ ဆုတောင်းပေးလိုက်ပါတယ် ” ဟု တွေ့ဆုံပွဲကိုတက်ရောက်ခဲ့သည့် ပရိသတ်တစ်ဦးမှပြောသည်။

ချမ်းမြေ့မောင်ချိုမှလည်း ” ဒီနေ့ပရိသတ်တွေနဲ့တွေ့ရတာ အရမ်းပျော်ပါတယ်။ အားတွေလည်း အများကြီး ပိုရှိလာပါတယ်။ အခုလို မောင်ချို့ကို ချစ်တဲ့ ပရိသတ်အများကြီးနဲ့တွေ့ရလို့ အရမ်းလည်း စိတ်လှုပ်ရှားပါတယ် ” ဟုပြောသည်။

အဆိုပါ ပရိသတ်များနှင့်တွေ့ဆုံခဲ့သည့် ပွဲတွင် ချမ်းမြေ့မောင်ချိုမှ တေးသီချင်းများဖြင့်သီဆိုဖျော်ဖြေခြင်း၊ Fan များမှ အမှတ်တရစကားများပြောခြင်းနှင့် လက်ဆောင်များပေးခြင်းများအပြင် ပရိသတ်များစုပေါင်း၍ ကိတ်မုန့်ခွဲခြင်းနှင့် အမှတ်တရဓာတ်ပုံရိုက်ခြင်းတို့ပြုလုပ်ခဲ့ကြကြောင်း သိရသည်။

Myanmar Idol မှ ထွက်ခွာခဲ့ပြီးသူနှစ်ဦးထဲမှ Pantene Wild Card Winner တစ်ဦး ပြန်လည်ပါဝင်ယှဉ်ပြိုင်စေမည်

Myanmar Idol သီချင်းဆို ပြိုင်ပွဲမှ ယခုတစ်ပတ်တွင် ပြိုင်ပွဲဝင်နှစ်ဦး ထွက်ခွာသွားခဲ့ရပြီး ဆန်ခါတင် ၁၁ ဦး ရွေးချယ်ခဲ့သည့်အနက် ပြိုင်ပွဲမှ နှုတ်ဆက်ထွက်ခွာသွားခဲ့သူများထဲမှ Pantene Wild Card Winner အဖြစ်တစ်ဦး ပြန်လည်ရွေးချယ်ကာ ပြိုင်ပွဲတွင် ပြန်လည်ထည့်သွင်း ယှဉ်ပြိုင်စေမည်ဖြစ်ကြောင်း သိရသည်။ Pantene Wild Card Winner  အဖြစ်ရွေးချယ်ရန်အတွက် ဇူလိုင် ၂၀ ရက်ညပြိုင်ပွဲ ရလဒ်ကြေညာမှုများအပြီးမှ စတင်၍ ဇူလိုင် ၂၁ ရက် ညနေ ၆ နာရီအထိ ပရိသတ်များအား မဲပေး ရွေးချယ်စေခဲ့ခြင်း ဖြစ်သည်။ မဲအများဆုံးရရှိသည့် ပြိုင်ပွဲဝင်တစ်ဦးကို ဇူလိုင် ၂၆ ရက်တွင် ပြုလုပ်မည့် Myanmar Idol ပြိုင်ပွဲတွင် ထည့်သွင်းယှဉ်ပြိုင်စေမည် ဖြစ်သည်။

ပြီးဆုံးခဲ့သည့်ပြိုင်ပွဲတွင် ပြိုင်ပွဲဝင် ခြောက်ဦးအား ရော့ခ်တေးသီချင်းများဖြင့် ယှဉ်ပြိုင်စေခဲ့ပြီးနောက် ရရှိလာသည့် မဲရလဒ်အား ဇူလိုင် ၂၀ ရက်က ကြေညာခဲ့ရာတွင် ပြိုင်ပွဲဝင်နီလန်း၊ နေခန့်မင်းသစ်နှင့်ဇော်ကြီးတို့က Bottom 3  တွင်ထိုင်ခဲ့ရပြီး မဲအနည်းဆုံးပြိုင်ပွဲဝင်နှစ်ဦးဖြစ်သည့် ပြိုင်ပွဲဝင် ဇော်ကြီးနှင့်နီလန်းတို့မှာ ပြိုင်ပွဲမှနုတ်ထွက်ခဲ့ရကာ ပြိုင်ပွဲဝင် နေခန့်မင်းသစ်မှာ မဲရလဒ်များအရ save  ဖြစ်သွားခဲ့သည်။

ပြိုင်ပွဲမှနုတ်ထွက်ခဲ့ရသည့် ပြိုင်ပွဲဝင်နီလန်းက “နီလန်းအခုလို အဆင့်ထိပါဝင်ခွင့်ရခဲ့တယ်ဆိုတာကလည်း ပရိသတ်တွေရဲ့ အားပေးမှုကြောင့်ပါပဲ။ ဒီနေ့မှာပြိုင်ပွဲမှ နုတ်ထွက်ခဲ့ရတော့လည်း နီလန်းကျေနပ်ပါတယ်။ ကိုယ့်သူငယ်ချင်း ပြိုင်ပွဲဝင် တွေအားလုံးကလည်း တော်ကြတယ်လေ။ ဘာပဲဖြစ်ဖြစ် ဒီပြိုင်ပွဲ တစ်လျှောက်လုံးမှာ နီလန်းအတွက် ဆုံးရှုံးမှုတွေအများကြီး ကြုံတွေ့ခဲ့ရပေမဲ့ ပရိသတ်တွေရဲ့ အားပေးမှုတွေ၊ အကဲဖြတ်ဒိုင်တွေရဲ့ အကြံပေးစကားတွေ အများကြီးရခဲ့တာကြောင့် ကျေနပ်ပါတယ်။ တကယ်လို့သာ Pantene Wild Card Winner ဖြစ်ခဲ့မယ်ဆိုရင်တော့ နီလန်းအခု ထက်ပိုပြီးအဆပေါင်းများစွာ ကြိုးစားမှာပါ” ဟု ဆိုသည်။

Myanmar Idol ပြိုင်ပွဲတွင် ဆန်ခါ တင်ပြိုင်ပွဲဝင် ၁၁ ဦးရွေးချယ်ကာ အပတ်စဉ် မတူကွဲပြားသည့် Challenge များဖြင့် ယှဉ်ပြိုင်စေခဲ့ခြင်း ဖြစ်သည်။

 

တေးသံရှင်ပိုးမီနှင့်တွေ့ဆုံခြင်း

‘အသစ်တစ်ယောက်ရဲ့ဖန်တီးမှုကိုလက်ခံကြိုဆိုပေးတဲ့အတွက် ကျေးဇူးတင်ပါတယ်။ ဒီအခြေအနေမှာတင် ကျေနပ်နေမှာမဟုတ်ဘဲ ဆက်ပြီး အများကြီးကြိုးစားသွားမှာပါ’

 

Myanmar Idol Season 2 ပြိုင်ပွဲတွင် ရော့ခ်အသံ အားကောင်းကောင်းဖြင့် တေးသီချင်းများအား ခံစားမှုအပြည့်သီဆိုယှဉ်ပြိုင်တတ်သူ ပြိုင်ပွဲဝင်ပိုးမီအား ပရိသတ်များက အသိအမှတ်ပြုအားပေးခဲ့ကြသည်။ ပြိုင်ပွဲတွင် Top 3 Finalist ထိ ပါဝင်ခွင့်ရခဲ့သော်လည်း Winner ဆုနှင့် လွဲချော်ခဲ့ရသူ တေးသံ ရှင်ပိုးမီသည် ပြိုင်ပွဲကာလပြီးဆုံးချိန်တွင်လည်း ဂီတခရီးလမ်း၌ ဆက်လက်လျှောက်လှမ်းနေခဲ့ပြီး တစ်ကိုယ်တော် တေးစီးရီးတစ်ခွေအား ထွက်ရှိနိုင်ခဲ့ပါသည်။ ပြီးခဲ့သည့်ရက်ပိုင်းအတွင်းက Global Idol မှ ရွေးချယ်သည့် Idol Winners of 2017 အမည်စာရင်းများအား ထုတ်ပြန်ခဲ့ရာတွင် မြန်မာနိုင်ငံမှတေးသံရှင် ပိုးမီ၏ Top 3 Finalist တွင်ယှဉ်ပြိုင်ခဲ့သည့် “ယုံကြည်ရာ” တေးသီချင်းကိုရွေးချယ်ဖော်ပြခဲ့သဖြင့် ပိုးမီ၏ပရိသတ်များစွာက ၀မ်းမြောက်ဂုဏ်ယူခဲ့ကြသည်။ ကမ္ဘာ့အဆင့်သတ်မှတ်ချက်တစ်ခုအဖြစ် ရွေးချယ်ဖော်ပြခြင်းခံခဲ့ရသည့် တေးသီချင်းနှင့်ပတ်သက်၍ ပိုးမီ၏ခံစားချက်၊ အဆိုပါ တေးသီချင်းယှဉ်ပြိုင်ခဲ့စဉ်တွင် ဝေဖန်မှုများနှင့်ကြုံတွေ့ခဲ့ရချိန်၌ ထားရှိခဲ့သည့်စိတ်ဓာတ်ခွန်အား၊ ရှေ့ဆက်လျှောက်လှမ်းသွားမည့် အနုပညာခရီးလမ်းအပေါ် ရည်မှန်းထားသည်များကို မေးမြန်းဖြစ်ခဲ့ပါသည်။

 

မေး – ပရိသတ်တွေကလတ်တလောမှာ ပိုးမီအတွက် ဂုဏ်ယူနေရတယ်ပေါ့နော်။ Global Idol စာရင်းမှာ မြန်မာ ကိုယ်စားပြုပါဝင်ခဲ့တယ်ဆိုတော့ အဲဒီအတွက်ခံစားချက်ကိုလည်း သိချင်ပါတယ်။

ဖြေ – အဲဒါက သူငယ်ချင်းတစ်ယောက်က အဲဒီ Link လေးတွေ့တော့ ကိုယ့်ကိုလာပြောတယ်။ ဒီအခါ global idol စာရင်းမှာ Global Idol Winners of 2017 စာရင်းမှာ တကယ် ဖော်ပြထားတာလည်း တွေ့ရတယ်။ အဲဒီအတွက် ကိုယ့်ကိုယ်ကိုယ် မယုံနိုင်သလိုလည်း ခံစားရတယ်။ ကိုယ်က winner မဟုတ်တော့လေ။ မှားများ မှားနေသလားပေါ့။ တကယ်တမ်းလည်း သူတို့က တင်ထားတယ်။ သူတို့ရဲ့ စည်းမျဉ်းစည်းကမ်းတစ်ခုနဲ့ ကိုက်ညီတဲ့အတွက် ရွေးချယ်တယ်လို့လည်း ထင်ပါတယ်။ စပြီးဝင်ကြည့်တုန်းကတော့ စူးစမ်းချင်စိတ်နဲ့ ကြည့်ခဲ့တာပါ။ တကယ်လည်းတွေ့ရတော့ အဲဒီညကို ပြန်ရောက်သွားသလိုခံစားရတယ်။ အဲဒါက နောက်ဆုံးပြုတ်သွားခဲ့တဲ့ညပေါ့။ ဒီသီချင်းလေးကို အကောင်းဆုံးတော့ဖျော်ဖြေခဲ့တယ်။ ဆရာ ကိုဥက္ကာဦးသာကလည်း အကောင်းဆုံး arrangement တွေ လုပ်ပေးခဲ့သလို အန်တီထရေစီရဲ့ ပံ့ပိုးပေးမှုတွေကြောင့်လည်း ပါပါတယ်။ အားလုံးကို ကျေးဇူးအများကြီး တင်ပါတယ်။

 

မေး – ယုံကြည်ရာသီချင်းနဲ့ပတ်သက်တဲ့ ခံစားချက်ဆိုရင်ရော။

ဖြေ – အမှန်ပြောရရင်တော့ ယုံကြည်ရာ သီချင်းကို ဆိုရတာ ကြောက်တယ်။ ကိုလေးဖြူ ရဲ့ပရိသတ်တွေကအများကြီးရှိတယ်။ သီချင်းကလည်း ရော့ခ်ပုံစံမဟုတ်ဘဲ ခွန်အားပေးတဲ့ သီချင်းကိုမှ ကိုယ်က လေပြေလေးနဲ့ ပြောတဲ့ပုံစံမျိုးပေါ့။ နူးနူးညံ့ညံ့ဆိုရတာဖြစ်တယ်ပေါ့။ ဒီသီချင်းကိုဆိုမယ်ဆိုတဲ့အခါ ဝေဖန်ခံရမှာ ကိုကြောက်ခဲ့တယ်။ တကယ်လည်း ဝေဖန်ခံခဲ့ရသလို အားပေးခဲ့သူတွေလည်း ရှိခဲ့ပါတယ်။ ဒီသီချင်းကိုဆိုခဲ့တဲ့အတွက် နောင်တတော့ မရပါဘူး။

 

မေး – ဂီတခရီးလမ်းမှာ ဖြတ်သန်းတဲ့အခါ ဘယ်လို စိတ်ခံယူမှုနဲ့ ဖြတ်သန်းဖြစ်လဲ။

ဖြေ – ကိုယ်ယုံကြည်ထားပြီးတဲ့ကိစ္စတိုင်းမှာတော့ ကိုယ့်ခံယူချက်အတိုင်း ကိုယ်သွားလေ့ရှိတယ်။ အစွန်းရောက်တဲ့ ခံယူချက်မျိုးတော့ ထားလေ့မရှိဘူး။ Myanmar Idol ကို ၀င်ပြိုင်ခဲ့တုန်းကလည်း အခက်အခဲတွေရှိပေမယ့် ပရိသတ်အားပေးမှုရခဲ့သလို အခုလို နိုင်ငံတကာက အသိအမှတ်ပြုမှုတစ်ခုရလာ တဲ့အတွက် မှန်ကန်တဲ့ခံယူချက်ဖြစ်တယ်လို့ ထင်ပါတယ်။ ဂီတခရီးလမ်းကိုလည်း မှန်ကန်တဲ့ခံယူချက်အတိုင်း ဆက်ပြီးလျှောက်လှမ်းသွားမှာပါ။

 

မေး – Myanmar Idol မှာ Winner မဖြစ်ခဲ့ပေမယ့် ပရိသတ် အခိုင်အမာတော့ ရခဲ့တယ်နော်။ အဲဒီအတွက် ဘယ်လိုခံစားရလဲ။

ဖြေ – အဲဒီအတွက် ပရိသတ်အားလုံးကို ကျေးဇူးတင်ရသလို ဂီတအလုပ်တွေ ရှေ့ဆက်လုပ်ဖို့အတွက်လည်း ခွန်အားတွေ အများကြီးရပါတယ်။ ရှေ့ဆက်ပြီးတော့လည်း အမြဲတမ်း ကြိုးစားသွားမှာပါ။ အားပေးတဲ့ပရိသတ်ရှိ နေသရွေ့ မဆုတ်မနစ်ဇွဲနဲ့ ပိုးမီဆက်ပြီးကြိုး စားသွားမှာပါ။ ပိုးမီရဲ့ဒုတိယခြေလှမ်းဖြစ်တဲ့ ဒုတိယအယ်လ်ဘမ်အတွက် အားပေးပါဦး လို့ပြောချင်ပါတယ်။

 

မေး – ဒုတိယအယ်လ်ဘမ်အတွက်က စပြီး ပြင်ဆင်နေပြီလား။

ဖြေ – ဒုတိယအယ်လ်ဘမ်အတွက်က စပြီး ပြင်ဆင်နေပါပြီ။ ဖြည်းဖြည်းချင်း အချိန်ယူပြင် ဆင်သွားမှာပါ။ ပထမခွေနဲ့မတူညီတဲ့ ဖန်တီးမှုတွေလည်း ပါဝင်ပါမယ်။ စိတ်ကူးထဲကအိမ်လေးကစပြီး ဆောက်နေပြီပေါ့။ အကောင် အထည်ပေါ်ဖို့ပဲ လိုပါတော့တယ်။

 

မေး – ဒုတိယခွေမှာ ဘယ်လိုပုံစံတွေပြောင်းလဲသွားဖို့ရှိမလဲ။

ဖြေ – music မှာ ပိုးမီကြိုက်တဲ့ ပုံစံတွေရှိတယ်။ အထူးသဖြင့် ရော့ခ်ဂီတပေါ့။ ရော့ခ်သီးသန့် ကြိုက်တဲ့ပရိသတ်တွေအတွက် လုပ်ဖြစ်မယ့် သီချင်းလေးတွေပေါ့။ နောက်ထပ် ပရိသတ်တွေ နားဆင်ချင်မယ့် တခြားဂီတပုံစံတွေလည်း ပါဝင်ပါမယ်။ ပထမခွေမှာလည်း ဘယ်လိုသီချင်းလေးတွေပရိသတ်က ပိုကြိုက်လဲ စဉ်းစားပြီး နောက်တစ်ခွေမှာ ပရိသတ်ကြိုက်တာနဲ့ ကိုယ်ဆိုချင်တာမျှပြီး ဆိုဖြစ်သွားပါမယ်။

 

မေး – ကိုယ်တိုင်လည်း သီချင်းတွေ ရေးဖြစ်နေတယ်ဆိုတော့ ပရိသတ်အကြိုက်ဖြစ်မယ့် သီချင်းနဲ့ ကိုယ့်ခံ စားချက်အတိုင်း ဖန်တီးချင်တဲ့သီချင်းကို ဘယ်လိုမျှပြီး ဖန်တီးဖြစ်လဲ။

ဖြေ – အဓိကတော့ကိုယ်ကြိုက်တာတွေချည်းပဲ အမြဲလုပ်လို့လည်း မရဘူးလေ။ အနုပညာ ရှင်တစ်ယောက်အတွက် အရေးပါဆုံးက ပရိသတ်ပါ။ ပရိသတ်က ကိုယ့်ကိုမြင်တဲ့ပုံစံလည်း ပါဖို့လိုသလောက် ကိုယ်ကမြင်စေချင်တဲ့ပုံစံကိုလည်း ကိုယ်ဖန်တီးတဲ့အနုပညာမှာ ထည့်ရတာပေါ့။ မျှမျှတတရှိဖို့ လိုအပ်ပါတယ်။

 

မေး – ထွက်ခဲ့ပြီးတဲ့ပထမခွေကိုရော အားရကျေနပ်မှု အပြည့်အ၀ရှိခဲ့လား။

ဖြေ – လုပ်တုန်းကတော့ အကောင်းဆုံးပြင်ဆင်ခဲ့ပေမယ့် တကယ်တမ်း ထွက်သွားပြီးတဲ့ အခါကျတော့ ဒီနားမှာ ဒီလိုလေး ဆိုလိုက်ရကောင်းသားဆိုတဲ့ စိတ်တော့ အမြဲဖြစ်တယ်။ ဒါလေးကို ဒီလိုလေး လုပ်လိုက်ရမှာဆိုတာ လေးပေါ့။ နောက်တစ်ပိုင်းကကျတော့ အခွေလေး ထွက်နိုင်တဲ့အပေါ် ကျေနပ်တာလည်း ရှိတယ်။ ပရိသတ်တွေကလည်း အတိုင်းအတာတစ်ခုအထိ လက်ခံပေးတဲ့အပေါ်မှာပျော်ရွှင်ရပါတယ်။ ပိုးမီက ပြိုင်ပွဲကတက်လာတဲ့ မျက်နှာသစ်တစ်ဦးပါ။ ဒီလိုအသစ်တစ်ယောက်ရဲ့ဖန်တီးမှုကို လက်ခံကြိုဆိုပေးတဲ့ အတွက် ကျေးဇူးတင်ပါတယ်။ ဒီအခြေအနေမှာတင် ကျေနပ်နေမှာမဟုတ်ဘဲ ဆက်ပြီး အများကြီးကြိုးစားသွားမှာပါ။

 

မေး – နောက်အခွေမှာလည်း ကိုယ်တိုင်ရေးဖြစ်မှာတွေ ပါမလား။

ဖြေ – ပါပါမယ်။ ကိုယ်တိုင်ရေးဖြစ်တာတွေက  pop slow တွေများတော့ ပိုးမီဆိုချင်တဲ့ ရော့ခ်ပုံစံလေးတွေကိုတော့ တခြားတေးရေး ဆရာတွေဆီကနေ ယူသွားဖို့တော့ရှိတယ်။ သီချင်း လေးတွေကိုတော့ အကောင်းဆုံးပြင်ဆင်သွားမှာပါ။ ကိုယ်တိုင်ရေးတာတော့ အများကြီး မထည့်တော့ဘူးလို့ စဉ်းစားတယ်။ ပထမခွေမှာလည်း ကိုယ်တိုင်ရေးတာ ငါးပုဒ်လောက်ထည့် ထားတော့လေ။

 

မေး – သီချင်းရေးတာနဲ့ဆိုရတာဆိုရင်ရော ဘယ်ဘက်ကို ပိုအားသန်လဲ။

ဖြေ – ဆိုရတာကိုပိုကြိုက်တယ်။ သီချင်းရေးတယ်ဆိုတာကတော့ ငယ်ငယ်ကတည်းကလည်း ကဗျာတွေစာတွေ ရေးဖြစ်တော့ သီချင်းလည်းရေးဖြစ်တာ။ အဲဒီကတည်းက ပါခဲ့တဲ့ပိုးက ဂစ်တာတီးတတ်လာတော့ သီချင်းရေးဖြစ်လာတာပါ။ ရေးဖြစ်တဲ့ သီချင်းတွေက အဆွေး mood များတော့ အဆွေးသီချင်း ရေးဖြစ်တာ ပိုများပါတယ်။

 

မေး – လတ်တလော အနုပညာ လှုပ်ရှားမှုဆိုရင်ရော။

ဖြေ – လတ်တလောကတော့ ပွဲတွေလည်းဆိုဖြစ်ပါတယ်။ မိုးတွင်းဆိုတော့ပွဲတော့နည်း နည်းပါးတယ်ပေါ့နော်။ ဒီကြားထဲမှာတော့ ဒုတိယခွေအတွက် အသံသွင်းတာတွေ လုပ်ဖြစ်ပါမယ်။

 

မေး – Myanmar Idol Season 3 ပြိုင်ပွဲလည်း စပြီဆိုတော့ ပြိုင်ပွဲဝင်တွေအတွက် အကြံပေး စကားလည်း ပြောပေးပါဦး။

ဖြေ – ပြိုင်ပွဲမှာ ဆန်ခါတင်အဆင့်ကို ပါဝင်ခွင့်ရပြီဆိုရင် ကိုယ့်ပန်းတိုင်တစ်ဝက်ကို ရောက်နေပြီပေါ့နော်။ ဒီအတွက် အားတင်းထားပါ။ ဒီအဆင့်ကိုရောက်ခဲ့ပြီဆိုရင်တော့ စိတ်ဖိစီးမှုတွေ များမယ်။ အခက်အခဲတွေရှိမယ်။ အိပ်ရေးပျက်တာတွေရှိမယ်။ စိတ်ပင်ပန်းမှုတွေရှိနိုင်သလို ဝေဖန်တာတွေလည်း ခံရနိုင်တယ်။ ဘာပဲဖြစ်ဖြစ်ကိုယ်လိုချင်တဲ့ ပန်းတိုင်ကို ရောက်ဖို့ကြိုးစားပါ။ ဇွဲမလျှော့ပါနဲ့လို့ ပြောချင်ပါတယ်။ ကြိုးစားမှုတိုင်းအတွက် ရလဒ်ကောင်းဆိုတာက အမြဲတမ်းရလာမှာပါ။ ပိုးမီအတွက် ရလဒ်ကောင်းရခဲ့တဲ့အတွက် အမြဲတမ်း ခွန်အားတွေရတယ်။ Season 3 မှာလည်း တော်တဲ့ပြိုင်ပွဲဝင်တွေ အများကြီးပါမယ်ဆိုတာ ယုံကြည်ပါတယ်။

Myanmar Idol Season 3 သီချင်းဆို ပြိုင်ပွဲအစီအစဉ်အား မြန်မာနှစ်ဆန်းတစ်ရက် (ယနေ့) တွင် စတင်ထုတ်လွှင့်ပြသမည်

Photo: Myanmar Idol Facebook

Myanmar Idol Season 3 သီချင်းဆို ပြိုင်ပွဲအစီအစဉ်အား မြန်မာနှစ်ဆန်းတစ်ရက် (ယနေ့) တွင် စတင်ထုတ်လွှင့်ပြသမည် ဖြစ်ကြောင်း သိရသည်။ Myanmar Idol Season 3 ထုတ်လွှင့်မှုအား MNTV ရုပ်သံလိုင်းတွင် ည ၉ နာရီအချိန်၌ ထုတ်လွှင့်ပြသမည်ဖြစ်ပြီး လူရွေးချယ်မှု အဆင့်ဆင့်အား စတင်ပြသမည်ဖြစ်ကြောင်း သိရသည်။ ယခုနှစ်တွင် အကဲဖြတ်ဒိုင်လူကြီးများအဖြစ် တေးသံရှင်အကယ်ဒမီရန်အောင်၊ မြန်မာပြည်သိန်းတန်၊ မျိုးကျော့မြိုင်နှင့် တင်ဇာမော်တို့ ပါဝင်တင်ဆက်ရန် စီစဉ်ထားခြင်းဖြစ်သည်။

“Myanmar Idol Season 3 ထုတ်လွှင့်တင်ဆက်မှုကို မြန်မာနှစ်ဆန်းတစ်ရက်မှာ စတင်သွားမှာဖြစ်ပါတယ်။ အခုနှစ်မှာ လူရွေးချယ်မှုအတွက် အချိန်ပိုပေးခဲ့သလို ရွေးချယ်တဲ့စနစ်လည်း ပိုများသွားတဲ့အတွက် ထုတ်လွှင့်ပြသမှုကို ရက်နည်းနည်းနောက်ကျပြီး ထုတ်လွှင့်တာဖြစ်ပါတယ်။ အားလုံးပါဝင်ယှဉ်ပြိုင်နိုင်ဖို့ စီစဉ်ပေးထားပါတယ်။ လူရွေးပွဲ အဆင့်ဆင့်ကနေ စတင်ထုတ်လွှင့်သွားမှာဖြစ်ပြီး အရည်အချင်းရှိတဲ့ မျိုးဆက်သစ်တွေကို ဘယ်လိုရွေးချယ်သွားမလဲဆိုတာ စောင့်ကြည့်အားပေးဖို့လည်း ဖိတ်ခေါ်ချင်ပါတယ်” ဟု Myanmar Idol မှ တာဝန်ရှိသူတစ်ဦးက ဆိုသည်။