MPT က လူမှုကွန်ရက်စာမျက်နှာအတုဖြင့် မဟုတ်မမှန် သတင်းထုတ်လွှင့်နေသူများအား တရားစွဲဆိုရန် စီစဉ်နေဟုသိရ

MPT က လူမှုကွန်ရက်စာမျက်နှာအတုဖြင့် မဟုတ်မမှန်သတင်း ထုတ်လွှင့်နေသူများအား တရားစွဲဆိုရန် စီစဉ်နေကြောင်း အင်းစိန်မြို့နယ်၊ အမှတ်(၂) တိုင်းဒေသကြီး လွှတ်တော်ကိုယ်စားလှယ် ဦးဝေဖြိုးဟန်၏ ပြောကြားချက်အရ သိရသည်။

“၀န်ကြီးဒေါ်နီလာကျော်ကို ကျွန်တော်လှမ်းပြီးတော့ ပြောလိုက်တာပါ။ မနေ့က ဒီဇင်ဘာ ၂၀ ရက်က တက်လာတဲ့ MPT Myanmar Offical ဆိုတဲ့ အကောင့်ကနေ သတင်းတွေလွှင့်ပြီးတော့ အင်တာနက်တွေ အခမဲ့သုံးရမယ်ဆိုပြီးတော့ လုပ်နေတယ်။ လူတော်တော်များများက တကယ်ယုံနေကြတာပေါ့။ တချို့ကျတော့လည်း ကလိမ်ကကျစ် လုပ်နေတာတို့ အော်ကြတာပေါ့။ ဟုတ်ပါ့မလားလို့ လျှောက်ပြောတော့ လူတွေက ယုံထင်ကြောင်ထင်တွေ ဖြစ်ကုန်တာပေါ့။ အဲဒီလို အနေအထား ဒီအတိုင်း ကြည့်နေလို့ မရဘူး။ MPT ပေါ်မှာ နားလည်မှု လွဲသွားနိုင်တယ်” ဟု အင်းစိန်မြို့နယ် အမှတ်(၂) တိုင်းဒေသကြီး လွှတ်တော်ကိုယ်စားလှယ် ဦးဝေဖြိုးဟန်က ပြောကြားသည်။

ဒီဇင်ဘာ ၂၁ ရက် နံနက်က ရန်ကုန်တိုင်းဒေသကြီး လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီးထံသို့ အကြောင်းကြားခဲ့ကြောင်း၊ ၀န်ကြီးမှတစ်ဆင့် သက်ဆိုင်ရာ MPT သို့ အကြောင်းကြားမှုများ ပြုလုပ်ခဲ့ကြောင်း၊ ယင်းကုမ္ပဏီမှတစ်ဆင့်  Facebook သို့ ထပ်ဆင့်အကြောင်းကြားမှုများ ပြုလုပ်ခဲ့ကြောင်း သိရသည်။

“လိုအပ်လို့ရှိရင် အတုနဲ့ ဒီလိုလုပ်ဆောင်တာကို တရားစွဲဖို့ကိစ္စအထိ စီစဉ်လိမ့်မယ်” ဟု တိုင်းဒေသကြီး လွှတ်တော်ကိုယ်စားလှယ် ဦးဝေဖြိုးဟန်က ပြောကြားသည်။

MPT Myanmar Official ဆိုသည့် လူမှုကွန်ရက်စာမျက်နှာတွင် “မြန်မာနိုင်ငံတွင် ကိုယ်ပိုင်ဂြိုဟ်တု စတင်လွှတ်တင်ပြီးနောက် စမ်းသပ်ကာလအဖြစ် ယနေ့ ဒီဇင်ဘာ ၁၉ ရက်နေ့မှ Happy New Year အထိ အင်တာနက်များကို အခမဲ့သုံးနိုင်ပါပြီ။ မိမိတို့ သုံးစွဲမည့် ပမာဏကို ဖြတ်တောက်မည်မဟုတ်ကြောင်း၊ စမ်းသပ်ကာလတွင် အောင်မြင်ခဲ့သည်ဆိုပါက မြန်မာတစ်နိုင်ငံလုံးကို ၂၀၁၈  ခုနှစ် ဖေဖော်ဝါရီလမှစ၍ အင်တာနက် အခမဲ့ သုံးစွဲနိုင်တော့မည် ဖြစ်ပါသည်။ ယခုစမ်း သပ်ကာလတွင် အခမဲ့သုံးစွဲလိုက  #124* 5 ဟု Comment တွင် ရိုက်နှိပ်ပြီး Share မှ မှတ်ပုံတင်နိုင်မည် ဖြစ်ပါသည်” ဟု ရေးသားဖော်ပြထားသည်။

အဆိုပါ အကြောင်းအရာနှင့် ပတ်သက်ပြီး MPT ဘက်မှ ဒီဇင်ဘာ ၂၂ ရက်တွင် သက်ဆိုင်ရာ တာဝန်ရှိသူများနှင့် မီဒီယာများအား တွေ့ဆုံရှင်းလင်းသွားမည်ဖြစ်ကြောင်း သတင်းရရှိသည်။

မြို့နယ် ၈၂ ခုတွင် 4G ကွန်ရက်ဖြန့်ကြက်ထားနိုင်ပြီး အသံအရည်အသွေးကိုပါ 4G ဖြင့် သုံးစွဲနိုင်ရန် လုပ်ဆောင်နေကြောင်း MPT ဆို

MPT က Carrier Aggregation နည်းပညာသစ်နှင့် ပတ်သက်၍ ဒီဇင်ဘာ ၂၁ ရက်က သတင်းစာရှင်းလင်းပွဲ ပြုလုပ်စဉ်

MPT အနေဖြင့် ၂၀၁၇ ဒီဇင်ဘာလအထိ မြန်မာနိုင်ငံတစ်ဝန်းရှိ မြို့နယ်ပေါင်း ၈၂ ခုတွင် 4G/ LTE ကွန်ရက်ဖြန့်ကြက်ထားနိုင်ပြီး ဒေတာမြန်နှုန်းသာမက အသံအရည်အသွေးကို မြှင့်တင်နိုင်ရန် ရည်ရွယ်ကာ အသံဝန်ဆောင်မှုကိုပါ 4G ကွန်ရက်ဖြင့် သုံးစွဲနိုင်ရန် လုပ်ဆောင်လျက်ရှိကြောင်း ဒီဇင်ဘာ ၂၁ ရက်က Park Royalဟိုတယ်တွင် ကျင်းပခဲ့သည့် သတင်းစာရှင်းလင်းပွဲ၌ MPT က ပြောကြားခဲ့သည်။

ယင်းအခမ်းအနားတွင် အနာဂတ်၌ ပြောင်းလဲလာမည့် တယ်လီဖုန်းခေါ်ဆိုမှု အရည်အသွေးများကို လက်တွေ့သရုပ်ပြခဲ့ပြီး Voice Over LTE (VoLTE) ဟု ခေါ်သော နည်းပညာမှာ ပိုမိုကြည်လင်ပြတ်သားသည့် အသံခေါ်ဆိုမှုများနှင့် နောက်ခံဆူညံသံနည်းပါးသော ဖုန်းခေါ်ဆိုမှုများကို ပြုလုပ်နိုင်စေမည်ဖြစ်ကြောင်း သိရသည်။

MPT က Carrier Aggregation ဟုခေါ်သည့် နည်းပညာသစ်ကို အသုံးပြုမှုမှတစ်ဆင့် ရန်ကုန်မြို့ပေါ်ရှိ သုံးစွဲသူများအတွက် အွန်လိုင်းသုံးစွဲမှု အတွေ့အကြုံများကို  တိုးမြှင့်ဆောင်ရွက်ပေးသွားမည်ဖြစ်ကြောင်း သိရသည်။ ယခု အဆင့်မြှင့်တင်ထားမှုကို ၂၀၁၈ ခုနှစ် ဇန်န၀ါရီလအတွင်း ရန်ကုန်မြို့ရှိ Junction Mawtin၊ Junction Square နှင့် တော်ဝင်စင်တာ စသည့်ဈေးဝယ်စင်တာများတွင် ကနဦးစတင်သွားမည်ဖြစ်ကြောင်း သိရသည်။

MPT အနေဖြင့် 4G/ LTE ကွန်ရက်ကို ဆက်လက်ချဲ့ထွင်သွားမည်ဖြစ်ပြီး ၂၀၁၈ ခုနှစ် ဇွန်လတွင် မြို့နယ်ပေါင်း ၁၃၀ ကျော်၊ ၂၀၁၈ ခုနှစ် ဒီဇင်ဘာလတွင် မြို့နယ်ပေါင်း ၂၈၀ အထိ 4G ကွန်ရက်လွှမ်းခြုံနိုင်ရန် ဦးတည်ဆောင်ရွက်လျက်ရှိကြောင်း သိရသည်။

“အခုဆိုရင် MPT ရဲ့ နည်းပညာသစ်အရ ဈေးဝယ်စင်တာတချို့မှာ တစ်စက္ကန့်ကို ၄၅၀ Mbps မြန်နှုန်းအထိ အမြင့်ဆုံးရရှိနိုင်အောင် ဆောင်ရွက်နေပါတယ်။ တစ်စက္ကန့်ကို ၈၀၀ Mbps အထိ ရရှိနိုင်အောင်လည်း စမ်းသပ်အောင်မြင်ထားပြီး ဖြစ်ပါတယ်။ MPT သုံးစွဲသူ စုစုပေါင်းထဲမှာ ၃ ဒသမ ၅ သန်းကတော့ 4G/ LTE သုံးစွဲသူတွေဖြစ်ပါတယ်” ဟု MPT မှတာဝန်ရှိသူတစ်ဦးက ဒီဇင်ဘာ ၂၁ ရက်တွင် ပြောကြားသည်။

လက်ရှိတွင် MPT ၏ 4D/ LTE တွင် သုံးစွဲထားသည့် 4×4 MIMO နည်းပညာအရ အမြင့်ဆုံးမြန်နှုန်း ၃၀၀ Mbps အထိရရှိနိုင်ကြောင်း သိရသည်။

3G ကွန်ရက်မှ 4G ကွန်ရက်သို့ ပြောင်းလဲပြီးနောက်ပိုင်းတွင် ဒေတာသုံးစွဲမှုများမှာ သုံးဆခွဲမြင့်တက်ခဲ့ကြောင်း MPT က ပြောကြားသည်။ ပြီးခဲ့သောနှစ်နှင့် ယခုနှစ် နှိုင်းယှဉ်ပါကလည်း တစ်နှစ်အတွင်း ဒေတာသုံး စွဲမှုပမာဏမှာ နှစ်ဆခွဲ မြင့်တက်ခဲ့ကြောင်း MPT ၏ အချက်အလက်များအရ သိရသည်။

MPT အနေဖြင့် ၂၀၁၄ ခုနှစ်တွင် 2G၊ 3G များဖြင့် ၀န်ဆောင်မှုပေးခဲ့ရာမှ ၂၀၁၇ ခုနှစ်တွင် 4×4 MIMO နည်းပညာသစ်ကို စတင်မိတ်ဆက်ခဲ့သည်။

ဖုန်းခေါ်ဆိုခ အသက်သာဆုံး အော်ပရေတာကို တွက်ချက် အဖြေရှာကြည့်ရအောင်

ဆက်သွယ်ရေးကဏ္ဍ လျင်မြန်စွာ တိုးတက်ပြောင်းလဲလာသည့် ယခုနှစ်များအတွင်း ကျွန်ုပ်တို့သည် ဆက်သွယ်ရေး အော်ပရေတာများကို လွတ်လပ်စွာ ရွေးချယ် အသုံးပြုလာခဲ့ကြပြီး မိုဘိုင်းဖုန်း အသုံးပြုမှုများသည်လည်း တစ်နေ့ထက်တစ်နေ့ ပိုမို များပြားလာလျက် ရှိသည်။

လတ်တလောတွင် MPT အစရှိသော ဆက်သွယ်ရေး အော်ပရေတာ သုံးခု ရှိနေပြီး ၄င်းတို့က ဆင်းမ်ကတ်များကို ဈေးကွက်အတွင်း ကျယ်ပြန့်စွာ ဖြန့်ချိခဲ့သည့်အတွက် မိုဘိုင်းဖုန်း (လက်ဝယ်ရှိ) အသုံးပြုနိုင်သော နိုင်ငံသားဦးရေမှာ လျင်မြန်စွာ တိုးတက်လာခဲ့ခြင်း ဖြစ်သည်။

တစ်ဆက်တည်းမှာပင် ဆက်သွယ်ရေး အော်ပရေတာများက ၀န်ဆောင်မှုပုံစံ အမျိုးမျိုး၊ နှုန်းထားအမျိုးမျိုး၊ Package အမျိုးမျိုးကို မိတ်ဆက်ပေးလျက် ရှိသည့်အတွက် သုံးစွဲသူများအနေဖြင့် ရွေးချယ်စရာ များပြားလာသော်လည်း ပြောင်းလဲနေသော ၀န်ဆောင်မှုနှင့် ဈေးနှုန်းများကြောင့် ၄င်းတို့နှင့် သင့်လျော်သည့် ၀န်ဆောင်မှု အမျိုးအစားကိုပင် မရွေးချယ်နိုင်အောင် ဖြစ်နေတတ်သည်။

အခြေခံအကျဆုံးဖြစ်သည့် “တစ်မိနစ် ဖုန်းပြောလျှင် ဖုန်းပြောဆိုခ ဘယ်လောက်ကျသင့်ပါသလဲ” ဟူသည့် မေးခွန်းကိုပင်လျှင် သုံးစွဲသူများ တိကျစွာ အဖြေပေးနိုင်မည် မဟုတ်ပါ။ အဘယ်ကြောင့်ဆိုသော် မိမိအသုံးပြုသော အစီအစဉ်နှင့် မိမိခေါ်ဆိုမှု အများဆုံး အော်ပရေတာအပေါ် မူတည်ကာ အချက်အလက်များစွာကို စဉ်းစားရသောကြောင့် ဖြစ်သည်။

ဆက်သွယ်ရေး အော်ပရေတာအချို့ အနေဖြင့် အစီအစဉ်အချို့ကို ရပ်နားမှုများ ရှိခဲ့ပြီးနောက် အော်ပရေတာတစ်ခု၏ အခြေခံနှုန်းထားမှာ တစ်မိနစ် ၂၇ ကျပ်နှင့် အင်တာနက် အသုံးပြုခမှာ 1 MB လျှင် ၈ ကျပ်ကျသင့်သည်။ အခြားအော်ပရေတာ တစ်ခုမှာ တစ်မိနစ်လျှင် ၂၃ ကျပ်နှင့် အင်တာနက်အသုံးပြုခမှာ 1 MB လျှင် ၆ ကျပ် ကျသင့်လျက် ရှိသည်။

MPT ကလည်း ၄င်း၏ Unlimited Voice Package ကို ၆၅ မိနစ် Voice Package အဖြစ် ပြင်ဆင်လိုက်သော်လည်း အခြားဖုန်းအသုံးပြုခ ဈေးနှုန်းများကို ပြင်ဆင်ခြင်း မရှိသည့်အတွက် MPT ဖုန်းအချင်းချင်း ခေါ်ဆိုပါက တစ်မိနစ်လျှင် ၁၅ ကျပ်၊ အခြားအော်ပရေတာများသို့

ဖုန်းခေါ်ဆိုတိုင်း တစ်မိနစ်လျှင် ၂၅ ကျပ်နှင့် အင်တာနက် အသုံးပြုခ 1 MB လျှင် ၈ ကျပ် (ရှယ်ပြောအစီအစဉ်) သို့မဟုတ် 1 MB လျှင် ၆ ကျပ် (ဆွေသဟာ အစီအစဉ်) စသော ရွေးချယ်စရာ အစီအစဉ်နှစ်ခုဖြင့် ဆက်လက် ဦးဆောင်လျက် ရှိသည်။

အော်ပရေတာအလိုက် ဖုန်းခေါ်ဆိုခ နှုန်းထားများကို mobilecharges.compare.com.mm တွင် ၀င်ရောက်တွက်ချက် လေ့လာကြည့်ရှုနိုင်သည်။

သုံးစွဲသူ ၂၅ သန်းကျော် ရှိနေသည့် MPT ၏ ရှယ်ပြော အစီအစဉ်သည် တစ်မိနစ်လျှင် ၁၅ ကျပ်ဖြင့် ၂၅ သန်းသော သုံးစွဲသူများနှင့် အချိန်တိုင်း ဆက်သွယ်နိုင်ခြင်းကြောင့် လက်ရှိတွင် အော်ပရေတာများအနက် ဖုန်းပြောဆိုခ အသက်သာဆုံး အစီအစဉ်တစ်ခု ဖြစ်သည်။

အင်တာနက် အသုံးပြုသူများအကြားတွင်လည်း Facebook ၊ Viber ၊ Line ၊ COC ၊ Clash Royale တို့ကို 1MB လျှင် တစ်ကျပ်ဖြင့် အသုံးပြုနိုင်သည့် MPT ၏ Social package မှာ အထူးရေပန်းစားလျက် ရှိသည်။

အော်ပရေတာများက အခမဲ့ အစီအစဉ်များကို ရပ်နားခြင်း၊ သုံးစွဲခနှုန်းထားများကို ပြင်ဆင်တိုးမြှင့် သတ်မှတ်ခြင်းတို့ကို သုံးစွဲသူများအနေဖြင့် အပြည့်အ၀ သဘောပေါက် နားလည်ခြင်း မရှိသည့်အတွက် ဖုန်းပြောဆိုခ၊ အင်တာနက် အသုံးပြုခများမှာ ပုံမှန်ထက် ပိုမိုကုန်ကျနေသည်ဟု ခံစားရလျက် ရှိသည်။

ထို့ကြောင့် သုံးစွဲသူများသည် မိမိတို့ လက်ရှိ အသုံးပြုလျက်ရှိသော အော်ပရေတာများ၏ သတ်မှတ်နှုန်းထားများကို သေချာစွာ စိစစ်ကြည့်သင့်ပြီး မိမိ၏ သုံးစွဲမှုပုံစံနှင့် အသင့်လျော်ဆုံး ၀န်ဆောင်မှုပုံစံကို ရယူအသုံးပြုကြရန် အကြံပြုလိုက်ရပါသည်။