ထိုင်းနိုင်ငံရှိ ရေလုပ်ငန်းများသို့ MoU စနစ်ဖြင့် မြန်မာရေလုပ်သားများ တရားဝင်စေလွှတ်နိုင်ရေး ၀န်ကြီးဌာနမှတာဝန်ရှိသူများနှင့် မြန်မာပြည်ပအလုပ်အကိုင် ၀န်ဆောင်မှုလုပ်ငန်းရှင်များအဖွဲ့ချုပ် ဆွေးနွေး

နေပြည်တော်ရှိအလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနတွင် စက်တင်ဘာ ၁၁ ရက်က ပြုလုပ်သော ဆွေးနွေးပွဲကို တွေ့ရစဉ်

ထိုင်းနိုင်ငံရှိ ရေလုပ်ငန်းများသို့ MoU စနစ်ဖြင့် မြန်မာရေလုပ်သားများ တရားဝင် စေလွှတ်နိုင်ရေး အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး၊ ၀န်ကြီးဌာနမှ တာဝန်ရှိသူများနှင့် မြန်မာပြည်ပ အလုပ်အကိုင် ၀န်ဆောင်မှုလုပ်ငန်းရှင်များအဖွဲ့ချုပ်တို့ ဆွေးနွေးခဲ့ကြောင်း သိရသည်။

နေပြည်တော်ရှိ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနတွင် စက်တင်ဘာ ၁၁ ရက်က အထက်ပါ ဆွေးနွေးပွဲပြုလုပ်ခဲ့ခြင်း ဖြစ်သည်။

“ရေလုပ်သားများရဲ့ အခွင့်အရေးနဲ့ ကာကွယ်စောင့်ရှောက်မှုများ အပြည့်အ၀ရရှိနိုင်ဖို့ ထိုင်းနိုင်ငံမှ အာမခံချက်များပေးမှုအပေါ် မိမိနိုင်ငံရှိ ရေလုပ်သားများရဲ့ အလုပ်အကိုင် အခွင့်အလမ်းများ ရှေးရှုပြီး MoU စနစ်နဲ့ ရေလုပ်သားစေလွှတ်ခြင်းကို အကောင်အထည်ဖော်ဆောင်ရွက်သွားမှာ ဖြစ်ပါတယ်။  ဒီလုပ်ငန်းအတွက် မြန်မာရေလုပ်သား အများဆုံးရှိတဲ့ ကော့သောင်းမြို့မှာ ရွှေ့ပြောင်းအလုပ်သမားရုံး ဖွင့်လှစ်ပေးပြီး One Stop Service အနေနဲ့ ဆောင်ရွက်သွားမှာ ဖြစ်ပါတယ်။ MoU လုပ်ငန်းစဉ်ဖြစ်ရန် မြန်မာဘက်မှ အေဂျင်စီများနဲ့ ဆက်သွယ်ဆောင်ရွက်ရမှာဖြစ်လို့ အခုလိုခေါ်ယူတွေ့ဆုံရခြင်း ဖြစ်ပါတယ်” ဟု အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ပြောကြားသည်။

လက်ရှိတွင် တနင်္သာရီတိုင်းဒေသကြီး၊ ဧရာဝတီတိုင်းဒေသကြီး၊ မွန်ပြည်နယ်နှင့် ရခိုင်ပြည်နယ်တို့မှ ထိုင်းနိုင်ငံသို့ရေလုပ်သားအဖြစ် သွားရောက်လုပ်ကိုင်သည့် မြန်မာရေလုပ်သား ၄၁၁၂၅ ဦး၊ ရေလုပ်ငန်းနှင့် ဆက်စပ်သည့်လုပ်ငန်းများတွင် အလုပ်သမား ၄၅၄၀၀၊ ရေထွက်ပစ္စည်းများ ထုတ်လုပ်သည့် စက်ရုံများတွင် အလုပ်သမား ၅၁၇၄၁ ဦး ရှိကြောင်း ပြည်ထောင်စုဝန်ကြီးက ဆိုသည်။

ထို့ပြင် ရေလုပ်သားများ၏ အခွင့်အရေးနှင့် ကာကွယ်စောင့်ရှောက်မှုများ အပြည့်အ၀ရရှိနိုင်ရန် ထိုင်းနိုင်ငံမှ အာမခံချက်များ ပေးမှုအပေါ်မူတည်၍ MoU စနစ်ဖြင့် ရေလုပ်သားများ စေလွှတ်ခြင်းကို အကောင်အထည်ဖော်ဆောင်ရွက်မည်ဖြစ်ကြောင်း သိရသည်။

ပြည်ထောင်စုဝန်ကြီးက “ရေလုပ်ငန်းနဲ့ ရေလုပ်သားတွေဟာ ထိခိုက်လွယ်တဲ့ အလုပ်အမျိုးအစားမှာ ပါဝင်လို့ အထူးဂရုပြုဆောင်ရွက်ရမှာဖြစ်ပြီး အလုပ်ခေါ်စာ စတင်လက်ခံ ရရှိကတည်းကတိကျသေချာတဲ့ အလုပ်ရှင်၊ စက်လှေပိုင်ရှင်၊ မှတ်ပုံတင်ထားတဲ့ စက်လှေများဖြစ်ဖို့ သတ်မှတ်ထားတဲ့ စာရွက်စာတမ်းတွေ ပြည့်စုံစွာတင်ပြဖို့လိုပါတယ်။ အလုပ်ခေါ်စာမှာပါတဲ့ အချက်တွေနဲ့ အလုပ်ရှင်၊ အလုပ်သမား အလုပ်ခန့်ထားမှုဆိုင်ရာ သဘောတူစာချုပ်မှာပါတဲ့ အချက်တွေ ကိုက်ညီရမှာ ဖြစ်ပါတယ်” ဟု ပြောကြားသည်။

ဆက်လက်၍ “၀န်ကြီးဌာနအနေဖြင့် အလုပ်သမားများ၏ မိသားစုလွှဲပို့ငွေဟာ နိုင်ငံတော်ရဲ့ အသားတင် ထုတ်လုပ်မှုတန်ဖိုး ကို တစ်စိတ်တစ်ဒေသ အထောက်အကူပြုနေတာကြောင့် အေဂျင်စီများအနေနဲ့ မိမိစေလွှတ်လိုက်တဲ့ အလုပ်သမားတိုင်း မိသားစုလွှဲ ပို့ငွေများ လွယ်ကူလျင်မြန်စွာ လွှဲပို့နိုင်ဖို့နဲ့ လွှဲပို့မှု အခြေအနေသိရှိနိုင်ဖို့ မိမိတို့အလုပ်သမားများနဲ့ အမြဲအပြတ် အဆက်အသွယ်ရှိဖို့ လိုအပ်ပါတယ်။ မလေးရှားနိုင်ငံသို့ အလုပ်သမားများစေလွှတ်နေတဲ့ အေဂျင်စီတွေကလည်း အလုပ်သမားအပေါ်မှာ တာဝန်ယူဖို့၊ ကာကွယ်စောင့်ရှောက်ပေးဖို့၊ မိသားစုလွှဲပို့ငွေတွေ တရားဝင် ပို့ဖို့ကိစ္စကို ကျွန်တော်တို့ ညှိနှိုင်းဆွေးနွေးထားတာ ရှိပါတယ်” ဟု ပြည်ထောင်စုဝန်ကြီးက ပြောကြားသည်။

 

မြန်မာရွှေ့ပြောင်း အလုပ်သမားများ၏ အထောက်အထား စာရွက်စာတမ်း သိမ်းဆည်းခံရခြင်းနှင့် သတ်မှတ် MoU ကုန်ကျစရိတ်ထက် ပိုကောက်ယူနေသည့် တိုင်ကြားမှု များလာကြောင်းသိရ

အထောက်အထား မစုံလင်သော ရွှေ့ပြောင်းလုပ်သားများ ဖမ်းဆီးရေး စီမံချက်တွင် ထိုင်းအာဏာပိုင်များက ရှောင်တခင် ၀င်ရောက်စစ်ဆေးစဉ်

ထိုင်းနိုင်ငံတွင် မြန်မာရွှေ့ပြောင်း အလုပ်သမားများ၏ အထောက်အထား စာရွက်စာတမ်း သိမ်းဆည်း ခံရခြင်းနှင့် သတ်မှတ်ထားသည့် MoU ကုန်ကျစာရိတ်ထက် ပိုကောက်ယူနေသည့် တိုင်ကြားမှု များပြားလာကြောင်း ရွှေ့ပြောင်းအလုပ်သမား အခွင့်အရေးကွန်ယက် (ဟတ်ယိုင်ရုံး) မှ ဦးသိန်းထွန်းက ပြောကြားသည်။

“အလုပ်ရုံတချို့က အလုပ်သမားတွေရဲ့ Work Permit တို့၊ Passport တို့၊ Visa တို့ကိုယူပြီး နောက်ထပ် MoU သက်တမ်း တိုးပေးမယ်ဆိုပြီး သိမ်းရော။ တကယ်တမ်းကျတော့ MoU သက်တမ်းတိုးပေးတာ မရှိဘူး။ အလုပ်သမားတွေ ပြန်တောင်းရင်လည်း မပေးဘူး။ အဲဒီတော့ ကျွန်တော်တို့ရုံးကိုလာပြီး တိုင်ကြားကြတယ်။ အဲဒီတော့ ကျွန်တော်တို့ MWRN ဟတ်ယိုင်ရုံး ၀န်ထမ်းတွေရယ်၊ သက်ဆိုင်ရာ အစိုးရဌာနက လူတွေရယ်၊ ကျွန်တော်တို့ကိုယ်တိုင် စက်ရုံနဲ့ ဆွေးနွေးပြီးတော့ ကျွန်တော်တို့ရှေ့မှာပဲ အလုပ်သမားတွေရဲ့ စာရွက်စာတမ်းတွေ ပေးခိုင်းတယ်” ဟု ဦးသိန်းထွန်းက ပြောကြားသည်။

ထို့ပြင် အေဂျင်စီအချို့သည် သတ်မှတ်ထားသည့် MoU ဈေးနှုန်း ၁၅၀၀၀၀ ကျပ်ထက် ပိုမိုများပြားသည့်ငွေ ငါးသိန်းကျပ်မှ ၁၀ သိန်းကျပ်အထိ ကောက်ခံနေသည့် တိုင်ကြားစာများလည်း ရှိနေကြောင်း သိရသည်။

“အစိုးရ သတ်မှတ်ထားတဲ့ MoU ဈေးနှုန်းက တစ်သိန်းခွဲပဲ ရှိတယ်။ အစိုးရက တစ်နိုင်ငံလုံး အတိုင်းအတာအရ အကုန်လုံးကို သတ်မှတ်ထားတာ။ ဒီအေဂျင်စီတွေကိုလည်း သူတို့ပြောပြီးသားဖြစ်တယ်။ တရားဝင်လည်း ကြေညာထားပြီးသားဖြစ်တယ်။ ဒါပေမဲ့ မြန်မာဘက်အခြမ်းက အေဂျင်စီတွေမှာက နည်းနည်း ခြစားမှုတွေ ရှိတယ်။ နည်းနည်း မဟုတ်ဘူး။ များများကို ရာခိုင်နှုန်းများတယ်။ သူတို့ကို အရေးယူဖို့ကျတော့ နည်းနည်း ခက်ခဲတယ်လေ။ အလုပ်သမားတွေ ဘက်ကလည်း ဥပဒေရေးရာပိုင်း သိပ်မကျွမ်းကျင်ဘူး။ နောက်ပြီး အလုပ်သမားတွေဘက်က ဈေးနှုန်းမသိတာတွေကလည်း အားနည်းချက်တွေပေါ့” ဟု ဦးသိန်းထွန်းက ပြောကြားသည်။

အချို့စက်ရုံများတွင် အလုပ်ရှင်က အလုပ်သမားများ၏ အထောက်အထား စာရွက်စာတမ်းများ သိမ်းဆည်းထားပြီး ခြိမ်းခြောက်ခြင်းများ၊ ရဲများကို ဆက်သွယ်ကာ ဖမ်းဆီးခိုင်းခြင်းများ ရှိနေကြောင်း သိရသည်။

ရွှေ့ပြောင်းအလုပ်သမား အခွင့်အရေးကွန်ယက် (MWRN) သို့ လာရောက် တိုင်ကြားသည့်အမှုများ တစ်လလျှင် အမှုပေါင်း ၅၀ နီးပါးရှိပြီး ယခုနောက်ပိုင်း ပိုမိုများပြားလာကြောင်း သိရသည်။ ထိုအမှုများတွင် အဓိကအားဖြင့် MoU စာရွက်စာတမ်း သိမ်းသည့်အမှုများ၊ ပွဲစားများက အလုပ်သွင်းပေးမည်ဆိုကာ ပိုက်ဆံလိမ်လည်ယူသည့် အမှုများနှင့် အလုပ်များ စက်ရုံများတွင် ထိခိုက်ဒဏ်ရာ ရရှိသည့် အမှုများ ဖြစ်ကြောင်း သိရသည်။

ထိုင်းနိုင်ငံတွင် လုပ်ကိုင်သည့် တရားဝင် မြန်မာရွှေ့ပြောင်း အလုပ်သမား နှစ်သန်းကျော်ရှိနေပြီး ငါးစက်ရုံ၊ ပုစွန်စက်ရုံများ၊ ပန်းရံလုပ်ငန်းများနှင့် ထုတ်လုပ်ရေး လုပ်ငန်းများတွင် အများဆုံး လုပ်ကိုင်နေရကြောင်း သိရသည်။

တရုတ်နိုင်ငံ ယူနန်ပြည်နယ်မှ အစပြု၍ မန္တလေးမြို့သို့ ချဲ့ထွင်ပြီး ရန်ကုန်နှင့်ရခိုင်ရှိ အထူးစီးပွားရေးဇုန်များနှင့် ချိတ်ဆက်မည့် တရုတ်-မြန်မာ စီးပွားရေးစင်္ကြံ ထူထောင်နိုင်ရေးအတွက် လာမည့်နိုဝင်ဘာတွင် MoU ရေးထိုးနိုင်ရန် တရုတ်ကြိုးပမ်း

တရုတ်-မြန်မာနယ်စပ်ရှိ မူဆယ်နယ်စပ် ကုန်သွယ်ရေးစခန်း တစ်နေရာကို တွေ့ရစဉ် (ဓာတ်ပုံ-ထွန်းနေလှိုင်)

တရုတ်နိုင်ငံ ယူနန်ပြည်နယ်မှအစပြု ၍မန္တလေးမြို့သို့ ချဲ့ထွင်ကာ ရန်ကုန်နှင့် ရခိုင်ရှိ အထူးစီးပွားရေးဇုန်များနှင့် ချိတ်ဆက်မည့် တရုတ်-မြန်မာ စီးပွားရေးစင်္ကြံ ထူထောင်ရေးအတွက် လာမည့်နိုဝင်ဘာတွင် MoU နားလည်မှုစာချွန်လွှာ ရေးထိုးနိုင်ရန် တရုတ်အစိုးရ ကြိုတင်စီစဉ်နေကြောင်း မြန်မာဘာသာဖြင့် ထုတ်ဝေသည့် တရုတ်အခြေစိုက် သတင်းစာ ပေါက်ဖော် သတင်းဌာန၏ ဖော်ပြချက်အရ သိရသည်။

တရုတ်ခေါင်းဆောင်များမှ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သို့ တင်သွင်းထားသော တရုတ်-မြန်မာ စီးပွားရေးစင်္ကြံလမ်းနှင့် ပတ်သက်၍ နှစ်နိုင်ငံအစိုးရက သဘောတူညီပြီးဖြစ်ကာ အဆိုပါစီမံကိန်းဆိုင်ရာ ဆွေးနွေးပွဲတစ်ခုကို မေ ၂၈ ရက်က ရန်ကုန်မြို့ Lotte Hotel တွင် ပြုလုပ်ခဲ့ပြီးဖြစ်သည်။

ယင်းဆွေးနွေးပွဲတွင် စီးပွားရေး ဖွံ့ဖြိုးတိုးတက်မှု၊ ငြိမ်းချမ်းရေးနှင့် သဘာဝပတ်ဝန်းကျင် ထိန်းသိမ်းရေးတို့အပြင် ဆက်သွယ်ရေး၊ စွမ်းအင်နှင့် နှစ်ဖက်ပြည်သူလူထု ဆက်ဆံရေးဆိုင်ရာ ခေါင်းစဉ်များကို ဆွေးနွေးခဲ့ကြသည်။

“မြန်မာနိုင်ငံအနေနဲ့ ရင်ဆိုင်နေရတဲ့ ရေရှည်စိန်ခေါ်မှုကြီး နှစ်ခုက ရာသီဥတု ပြောင်းလဲလာခြင်းနဲ့ အိမ်နီးချင်း တရုတ်နိုင်ငံ အင်အားကြီးလာခြင်းတို့ ဖြစ်ပါတယ်။ ပထမတစ်ခုက မကောင်းပေမယ့် ကျန်တစ်ခုက အခွင့်အလမ်းတစ်ခု ဖြစ်ပါတယ်။ တရုတ်နိုင်ငံနဲ့ ဆက်ဆံရေးကို အလေးထား စီမံခန့်ခွဲတာဟာ အလွန်အရေးကြီးရုံသာမက မြန်မာနိုင်ငံအတွက် အလှည့်အပြောင်း ဖြစ်စေမယ့် ကစားကွက်တစ်ခု ဖြစ်လာနိုင်ပါတယ်။ စစ်တုရင်ကစားပွဲမှာ အနိုင်ရမယ့် အကွက်တစ်ခု ဖြစ်ပါတယ်။ တခြားပြဿနာတွေအတွက် ဖြေရှင်းချက်တွေ ရှာတွေ့နိုင်မယ့် အခွင့်အရေးတစ်ခု ဖြစ်ပါတယ်။ မြန်မာနိုင်ငံအနေနဲ့ နည်းမှန်လမ်းမှန် ဆောင်ရွက်ဖို့ပဲ လိုပါတယ်” ဟု ဦးသန့်မြင့်ဦးက အဆိုပါ ဆွေးနွေးပွဲတွင် ပြောကြားသည်။

၂၀၁၇ ခုနှစ်နှောင်းပိုင်းတွင် တရုတ်နိုင်ငံခြားရေးဝန်ကြီး ၀မ်ယီက နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံခြားရေးဝန်ကြီး ဒေါ်အောင်ဆန်းစုကြည်နှင့် တွေ့ဆုံစဉ်က တရုတ် -မြန်မာ စီးပွားရေးစင်္ကြံလမ်း အဆိုကို တင်သွင်းခဲ့ခြင်း ဖြစ်သည်။ ၎င်းစင်္ကြံလမ်းသည် တရုတ်နိုင်ငံ ယူနန်ပြည်နယ်တွင် အစပြု၍ မြန်မာနိုင်ငံ မန္တလေးမြို့ကို တိုးချဲ့ကာ ရန်ကုန်မြို့နှင့် ရခိုင်အထူးစီးပွားရေးဇုန်များသို့ ဆက်သွယ်ထားသည့် မဏ္ဍိုင်သုံးရပ်ပါ ပူးပေါင်းဆောင်ရွက်မှု စီမံကိန်းအဖြစ် ရည်ရွယ်ထားခြင်း ဖြစ်သည်။

၂၀၁၈ ခုနှစ် ဧပြီ ၂ ရက်တွင် ကုန်သည်စက်မှုအသင်းချုပ်၌ ပြုလုပ်သည့် ဒုတိယသမ္မတ (၁) ဦးမြင့်ဆွေ၊ ပြည်ထောင်စု ၀န်ကြီးများနှင့် ပုဂ္ဂလိကကဏ္ဍ ကိုယ်စားလှယ်များ ပုံမှန်တွေ့ဆုံပွဲတွင် တရုတ်-မြန်မာ စီးပွားရေးစင်္ကြံလမ်း စီမံကိန်းတွင် အတူတကွ ရင်းနှီးမြှုပ်နှံလိုသော လုပ်ငန်းရှင်များကို ဖိတ်ခေါ်ထားကြောင်း သိရသည်။

တရုတ်-မြန်မာ စီးပွားရေးစင်္ကြံလမ်းသည် တရုတ်အစိုးရက ချမှတ်ထားသော One Belt One Road စီမံကိန်း၏ မြန်မာနိုင်ငံဆိုင်ရာ အဓိကစီမံကိန်း တစ်ခုဖြစ်ပြီး မြို့ပြအိမ်ရာများ၊ စက်မှုဇုန်များ၊ စိုက်ပျိုးရေးဇုန်များ၊ ဆိပ်ကမ်းများ၊ ထောက်ပံ့ပို့ဆောင်ရေးဆိုင်ရာ အခြေခံ အဆောက်အအုံများ၊ အိုင်တီလုပ်ငန်းများ၊ ကုန်သွယ်ရေး အခြေခံကဏ္ဍများ၊ နယ်စပ်ကုန်သွယ်ရေး၊ ခရီးသွားကဏ္ဍ စသည့်ဘက်စုံ စီမံကိန်းများ ပါဝင်မည့် စီးပွားရေးစင်္ကြံလမ်း စီမံကိန်းဖြစ်သည်။

တရုတ်-မြန်မာ စီးပွားစင်္ကြံလမ်း၏ မြန်မာဘက်ခြမ်း စီမံကိန်းများတွင် စက်မှုဥယျာဉ်ဇုန်များ တည်ထောင်ခြင်း၊ ကားလမ်း၊ ရထားလမ်း၊ လေကြောင်း၊ ပိုက်လိုင်းနှင့် အင်တာနက် အခြေခံ အဆောက်အအုံ ကွန်ရက်များ တည်ဆောက်ခြင်း၊ တရုတ်ရွှေလီ၊ ကျန်းဖုန်းမှ မြန်မာဗန်းမော်ဆိပ်ကမ်း ချိတ်ဆက်နိုင်မည့် တရုတ်-မြန်မာ ဧရာဝတီမြစ် ကုန်းကြောင်း  ရေကြောင်း ပူးတွဲပို့ဆောင်ရေး ကားလမ်းမ စီမံကိန်း၊ ရွှေလီ-မန္တလေးကားလမ်း အဆင့်မြှင့်တင်မှု စီမံကိန်း၊ တရုတ်-မြန်မာ စီးပွားရေးစင်္ကြံ၏ ရထားလမ်း၊ အမြန်လမ်း တည်ဆောက်မှုစီမံကိန်း၊ စွမ်းအင်နှင့် ဆက်သွယ်ရေး အခြေခံ အဆောက်အအုံ စီမံကိန်းများ ပါဝင်ကြောင်း ပေါက်ဖော်သတင်းစာ၏ ဖော်ပြချက်အရ သိရသည်။

တရုတ်-မြန်မာ စီးပွားရေး စင်္ကြံလမ်း၏ စီမံကိန်းများကို တရုတ်နိုင်ငံ တစ်နိုင်ငံတည်းက ရင်းနှီးမြှုပ်နှံမှု ပြုလုပ်မည် မဟုတ်ဘဲ မြန်မာနိုင်ငံသားများ၊ နိုင်ငံခြား ရင်းနှီးမြှုပ်နှံမှုများလည်း ပါဝင်နိုင်ကြောင်း မြန်မာအစိုးရ ၀န်ကြီးဌာနမှ အကြီးတန်း တာဝန်ရှိသူများက ပြောကြားထားသည်။

ဘန်ကောက်မြို့ အနီးရှိ ကွန်ပျူတာပစ္စည်း ပြန်လည်သန့်စင်သည့်စက်ရုံ ပိတ်​လိုက်​ခြင်း​ကြောင့်​ မြန်​မာ MoU လုပ်​သား ၇၀၀ ​ကျော်​ အလုပ်​လက်​မဲ့ဖြစ်

ကွန်ပျူတာပစ္စည်း ပြန်လည်သန့်စင်သည့် စက်ရုံတစ်ရုံမှ အလုပ်လက်မဲ့ ဖြစ်သွားသည့် မြန်မာရွှေ့ပြောင်း လုပ်သားများအား တွေ့ရစဉ်

ထိုင်းနိုင်ငံ ဘန်ကောက်မြို့အနီးရှိ ကွန်ပျူတာပစ္စည်း ပြန်လည်သန့်စင်သည့်စက်ရုံ တစ်ရုံအား ဓာတုဗေဒ အဆိပ်သင့်မှုနှင့် သဘာဝပတ်ဝန်းကျင် ညစ်ညမ်းမှုများ ဖြစ်စေသည့်အတွက် ယာယီပိတ်လိုက်ရခြင်းကြောင့် မြန်မာအပါအ၀င် ရွှေ့ပြောင်းလုပ်သား ၇၀၀ ကျော် အလုပ်လက်မဲ့ ဖြစ်သွားခဲ့ရကြောင်း သိရသည်။

ဘန်ကောက်မြို့နှင့် ၈၇ ကီလိုမီတာ ကွာဝေးသော ချာချင်ဆောင်ခရိုင် ပင်(န်)ယောင်မြို့နယ် ဝေါစံမလွန် ရပ်ကွက်ရှိ ကွန်ပျူတာပစ္စည်း ပြန်လည်သန့်စင်သည့် စက်ရုံအား ထိုင်းအာဏာပိုင်များက မေ ၂၂ ရက်တွင် ၀င်ရောက်စစ်ဆေးခဲ့ရာ ဓာတုဗေဒ အဆိပ်သင့်မှုနှင့် သဘာဝပတ်ဝန်းကျင်အား ညစ်ညမ်းမှုများ ဖြစ်စေသည့်အတွက် ယာယီချိပ်ပိတ်လိုက်ကြောင်း သိရသည်။

အဆိုပါ စက်ရုံတွင် မြန်မာအလုပ်သမား အများစု ၀င်ရောက်လုပ်ကိုင်လျက်ရှိပြီး  ကမ္ဘောဒီးယား အလုပ်သမားများလည်း လုပ်ကိုင်လျက်ရှိရာ လုပ်သားစုစုပေါင်း ၇၅၀ ခန့်ရှိကြောင်း သိရသည်။ စက်ရုံလုပ်ငန်းခွင် ရပ်ဆိုင်းလိုက်ရသည့်အတွက် ယင်းအလုပ်သမားများမှာ အလုပ်လက်မဲ့ဖြစ်ကာ နေထိုင်စားသောက်ရေး အခက်အခဲဖြစ်လျက် ရှိသည်ဟု ဆိုသည်။

အလုပ်သမားတစ်ဦးက “အလုပ်ရပ်နားနေတာ ၁၀ ရက်ရှိပြီ။ တချို့ဆို စားစရာ မရှိတော့ဘူး။ စတက်​လာတုန်းက ကားမှောက်​လို့ ဒဏ်ရာရတဲ့သူတွေဆိုလည်း ​နေ့တွက်လည်းမရဘူး။ အတော်အခက်အခဲ ဖြစ်နေတယ်။ တစ်​ခါတစ်​ရံ အချိန်​ပိုဆင်းလည်း OT ​ကြေး မရပါဘူး ခု​တော့” ဟုဆိုသည်။

၎င်းစက်ရုံ၌ လုပ်ကိုင်နေသည့် ကွန်ပျူတာပစ္စည်း အပါအ၀င် အီလက်ထရွန်နစ် ပစ္စည်းများသည် ပြည်ပနိုင်ငံသုံးခုမှ ထိုင်းနိုင်ငံသို့ ၀င်ရောက်ခြင်းဖြစ်ပြီး အဆိုပါလုပ်ငန်းသည် ပတ်ဝန်းကျင်ညစ်ညမ်းမှုနှင့် ဓာတုဗေဒ အဆိပ်သင့်မှု ဖြစ်စေသည့် လုပ်ငန်းဖြစ်၍ ၎င်းလုပ်ငန်းတွင် ၀င်ရောက်လုပ်ကိုင်နေသည့် အလုပ်သမားများ အနေဖြင့် ကာလကြာရှည်စွာ လုပ်ကိုင်ပါက ကင်ဆာရောဂါများ ဖြစ်ပေါ်စေသည်အထိ ဘေးအန္တရာယ်ရှိကြောင်း ထိုင်းအာဏာပိုင်များ၏ ပြောကြားချက်အရ သိရသည်။

စက်​ရုံ ပိတ်​သိမ်းမှု​ကြောင့်​ အလုပ်​လက်​မဲ့ ဖြစ်​သွား​သော အလုပ်သမားများ၏ ရသင့်ရထိုက်သည့် အခွင့်ရေးများ အပါအ၀င် ဥပဒေအရ ခံစားခွင့်အ၀၀တို့ ရရှိခံစားနိုင်စေရန် အလုပ်သမား သံအရာရှိ ဦးစန်းမောင်ဦး၊ ပြည်ပအလုပ်အကိုင် ရှာဖွေရေး အေဂျင်စီများ အဖွဲ့ချုပ် (MOEAF)၊ ဂိုးလ်ဒင်းရွိင်ရယ်မန်တလေး အေဂျင်စီနှင့် ထက်မာန်အေဂျင်စီမှ ဒါရိုက်တာများ ထိုင်းအလုပ်သမား ၀န်ကြီးဌာန လူမှုဖူလုံရေးဌာန အလုပ်ရှင်၊ အလုပ်သမားတို့ တွေ့ဆုံ၍ အလုပ်သမားများ ကျန်ရှိသည့် လုပ်အားခငွေများ ရရှိရန် ညှိနှိုင်း​ဆောင်​ရွက်​လျက်​ရှိကြောင်း သိရသည်​။

ယင်းအလုပ်​သမာများ အလုပ်ကိုင်သစ် ပြန်လည်ပြောင်းရွှေ့နိုင်ရေး အပါအ၀င် အလုပ်သမားများ နစ်နာမှုများအတွက် ဥပဒေအတိုင်း ရသင့်ရထိုက်သည့် ခံစားခွင့်များ ရရှိစေရေးတို့ကို သံအရာရှိနှင့်​ အဖွဲ့ သက်ဆိုင်ရာ တာဝန်​ရှိသူများနှင့်​ ​ဆွေးနွေးကြကြောင်း သိရသည်။

အဆိုပါ ကွန်ပျူတာပစ္စည်း ပြန်လည်သန့်စင်သည့် စက်ရုံတွင်​ ဂိုလ်ဒင်ရွိင်ရယ်မန်တလေးအေဂျင်စီနှင့် ထက်မာန်အေဂျင်စီတို့မှ MoU စနစ်ဖြင့် ပို့ဆောင်ထားသည့် မြန်မာအလုပ်သမားများ အပါဝင် အလုပ်သမား စုစုပေါင်း ၇၅၀ ခန့် ၀င်​​ရောက်​လုပ်​ကိုင်​ခဲ့ကြောင်း သိရသည်။

ထိုင်း​တောင်​ပိုင်း၌ MoU မြန်​မာလုပ်​သားတစ်​ဦး လုပ်​ငန်းခွင်​ပြင်​ပတွင် သေနတ်ဖြင့် ပစ်​သတ်​ခံရ

ထိုင်းနိုင်ငံတောင်ပိုင်း ကဘီမြို့ (Krabi) ဆောက်လုပ်ရေးလုပ်ငန်းခွင်တစ်ခု၏ အလုပ်ချိန်ပြင်ပတွင် လောင်းကစားလုပ်ကြရာမှ စကားများရန်ဖြစ်ပြီး သေနတ်နှင့် ပစ်ခတ်မှုဖြစ်ပွား၍ MoU လုပ်သားတစ်ဦး သေဆုံးသည့်​ဖြစ်စဉ် ​မေ ၂၆ ရက်​​ညက ဖြစ်​ပွားခဲ့​ကြောင်း သိရသည်။

ပစ်​ခတ်​မှုဖြစ်​ပွား၍ မြန်​မာအလုပ်​သမားတစ်​ဦး​ သေဆုံးကြောင်း သတင်းရလျှင်ရချင်း သက်ဆိုင်ရာ မြန်မာအေဂျင်စီနှင့် မြန်မာပြည်ပ အလုပ်အကိုင်ဝန်ဆောင်မှု လုပ်ငန်းရှင်များအဖွဲ့ချုပ် MOEAF Call Centre မှ တာဝန်မှူးတို့သည် အလုပ်သမားသံအရာရှိထံ သတင်းပို့ပြီးနောက်​ ကဘီမြို့သို့ ညတွင်းချင်း သွား​ရောက်​ပြီး အမှုဖွင့်တိုင်ကြားခြင်း၊ တရားခံဖမ်းမိနိုင်ရေးအတွက် ကဘီရဲဌာန၊ ကဘီမြို့ပရဟိတအသင်းမှ ဦးမှတ်ကြီး၊ ကိုမျိုးချစ်တို့နှင့်အတူ ပူးပေါင်း​ဆောင်ရွက်ခဲ့​ကြောင်း သိရသည်။

သေဆုံးသူ မောင်ကျော်လင်းသည် ကုမ္ပဏီတူ၊ လုပ်​ငန်းတူ မြန်မာအလုပ်သမားများ၊ ထိုင်းအလုပ်ကြပ် အပါအ၀င် ထိုင်းလူမျိုးလေးဦးတို့နှင့်အတူ တောက်ကွန်းပါးခေါ် ထိုင်းခြောက်ကောင်ဂျင်ပုံစံ လောင်းကစားစုပြီး ကစားခဲ့ကြကြောင်း၊ ကစားရာမှ အလျော်အစားကိစ္စနှင့် ဒိုင်ဖြစ်သူ ထိုင်းအလုပ်ကြပ်နှင့် စကားများရန်ဖြစ်ကြကြောင်း၊ မြန်မာလုပ်သားများက ၀ိုင်းဝန်းဖျန်ဖြေစဉ် ထိုင်းအလုပ်ကြပ်ဖြစ်သူ ဖိကွန်းဆိုသူက အခန်းထဲမှ ၎င်းပိုင်ဆိုင်သော သေနတ်ကိုယူ၍ မောင်ကျော်လင်းအား လိုက်လံရှာဖွေ၍ ပစ်ခတ်ပြီး ကားမောင်း ထွက်ပြေးသွားကြောင်း သိရသည်။

ပစ်ခတ်မှုကြောင့် မန္တလေးတိုင်းဒေသကြီး ပြင်ဦးလွင်ခရိုင် မိုးကုတ်မြို့မှ အလုပ်လာရောက် လုပ်ကိုင်သော မောင်ကျော်လင်း MB 31125 ၏ ကျောဘတ်မှကျည်ဝင်၍ ရင်ညွန့်အထက် နှလုံးကိုဖောက်သည့်ဒဏ်ရာနှင့် ည ၉ နာရီမိနစ် ၂၀ တွင် ပွဲချင်းပြီး သေဆုံးခဲ့သည်။

ပစ်​ခတ်​ထွက်ပြေးသူအား ဖမ်းမိနိုင်ရေးအတွက် ကဘီရဲစခန်းက အပူတပြင်းကြိုးစား ဆောင်ရွက်နေကြောင်းနှင့် သက်ဆိုင်ရာအေဂျင်စီနှင့် MOEAF အနေဖြင့် ကျန်ရှိသော လုပ်သားများ၏ လုံခြုံရေး၊ အခွင့်အရေးများ အပြည့်အ၀ရရှိရေး၊ အမှုမှန်ဖော်ထုတ်နိုင်ရေး၊ အသုဘကိစ္စ ဆောင်ရွက်နိုင်ရေးတို့အတွက် အစစ တာဝန်ယူ ဆောင်ရွက်နေကြကြောင်း MOEAF ပြန်​ကြား​ရေး​ကော်​မတီထံမှ သတင်းရရှိသည်။

မြန်မာ-ထိုင်းနယ်စပ် ဒေါနတောင်ကျော်လမ်းတွင် MoU လုပ်သားများ တင်ဆောင်လာသည့် ခရီးသည်ကား မီးလောင်မှုဖြစ်ပွားပြီး ကိုယ်လွတ်ရုန်း ထွက်ပြေးခဲ့၍ အသက်ဆုံးရှုံးမှုမရှိဟုဆို

မီးလောင်ကျွမ်း ပျက်စီးသွားသည့်ယာဉ်အား မေ ၂၁ ရက်က တွေ့ရစဉ်

MoU လုပ်သားများ တင်ဆောင်လာသည့် ခရီးသည်ကားသည် ဒေါနတောင်ကျော်လမ်း ကော့ကရိတ်ရဲစခန်းမှ ခုနစ်မိုင်ခန့် အကွာတွင် မေ၂၁ ရက် နံနက် ၃ နာရီခန့်က မီးလောင်မှုဖြစ်ပွားပြီး မည်သည့်ပစ္စည်းမှ မယူခင်ဘဲ ကိုယ်လွတ်ထွက်ပြေးရသော်လည်း တစ်စုံတစ်ဦး အသက်ဆုံးရှုံးမှု မရှိခဲ့ကြောင်း သိရသည်။

မြန်မာ-ထိုင်း နယ်စပ် မြ၀တီ ကော့ကရိတ် ဒေါနတောင်ကျော်လမ်း မိုင်တိုင်အမှတ် ၁၅၄-၁၅၅ ကီလိုမီတာကြား နတ်စင်ကွေ့တွင် မော်တော်ယာဉ်တစ်စီး မီးလောင်မှုဖြစ်ပွားကြောင်း သတင်းအရ ကော့ကရိတ် မီးသတ်တပ်ဖွဲ့မှမြို့နယ် မီးသတ်ဦးစီးမှူး ဦးမျိုးဇော်နှင့် အဖွဲ့သည် ယာဉ်ထိန်းရဲတပ်စု (၇၁) ရဲအုပ် သန်းနိုင်ရွှေ ဦးစီးသည့် ရဲတပ်ဖွဲ့ဝင်များနှင့်အတူ သွားရောက်စစ်ဆေးခဲ့ကြောင်း သိရသည်။

ယင်းသို့ သက်ဆိုင်ရာမှ စစ်ဆေးရာ မေ၂၁ ရက် နံနက် ၃ နာရီအချိန် ကော့ကရိတ်ဘက်မှ မြ၀တီဘက်သို့ ယာဉ်မောင်းသိန်းအေး မေတ္တာလင်မြိုင် မြ၀တီမြို့နယ်နေသူ မောင်းနှင်လာသည့် ယာဉ်အမှတ် BB/5714 ဟိုက်အေ့စ်ယာဉ်သည် အခင်းဖြစ်နေရာ အရောက်တွင် ညာဦးခေါင်း၌ ၀ိုင်ယာရှော့ဖြစ်ကာ မီးစတင် လောင်ကျွမ်းခဲ့ကြောင်း သိရသည်။

မော်တော်ယာဉ်ပေါ်တွင် ထိုင်းနိုင်ငံသို့ အလုပ်သွားလုပ်ရန် မြန်မာအိပ်စပတတ်စ်အေဂျင်စီဖြင့် MoU လုပ်သားအဖြစ် တရားဝင် အလုပ်သွား လုပ်ကြမည့်သူများ ဖြစ်ကြောင်း သိရသည်။

ယာဉ်ပေါ်ပါလာသူ ခရီးသည် (MoU လုပ်သား) များက ၀ိုင်းဝန်းငြှိမ်းသတ် ကြသော်လည်း မရ၍ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များက မီးသတ်ယာဉ် တစ်စီးဖြင့် ငြှိမ်းသတ်ခဲ့ရသည်။

ယာဉ်ပေါ်ပါသူ ယာဉ်မောင်းနှင့် ခရီးသည်များမှာ တစ်ဦးတစ်ယောက်မှာ ဒဏ်ရာရရှိခြင်း မရှိခဲ့သော်လည်း မီးလောင်ကျွမ်းမှုကြောင့် ယာဉ်တစ်စီးလုံး မီးလောင်ပျက်စီး သွားခဲ့သလို MoU လုပ်သား ခရီးသွားများ၏ ခရီးဆောင်အိတ်များမှာ ယူချိန်မရလိုက်ဘဲ ဆုံးရှုံးသွားခဲ့ရသည် ဟုဆိုသည်။

ယာဉ်ပေါ်ပါခဲ့သူ တစ်ဦးက “ကားညှော်နံ့ရပြီး မီးခိုးတွေ ထွက်လာတော့ ကားဆရာက လမ်းဘေး ချရပ်လိုက်တယ်။ ကားပေါ်ကဆင်းကြတယ်။သိပ်မကြာလိုက်ဘူး။ ၀ုန်းဆိုထလောင်တာပါပဲ။ အထုပ်တွေကို ခေါင်မိုးပေါ် ကြိုးချည်ထားတော့ ယူချိန်မရလိုက်ပါဘူး။ အားလုံးပါသွားတယ်။ အ၀တ်အစား၊ ပိုက်ဆံကအစ ပါသွားတာပါပဲ” ဟုပြောကြားသည်။

သို့ဖြစ်၍ ပေါ့ဆစွာမောင်းနှင်၍ မီးလောင်ကျွမ်းစေသူ သိန်းအေး ၄၃ နှစ်အား ကော့ကရိတ် မြို့မရဲစခန်းမှ (ပ) ၂၂၂/ ၂၀၁၈ ရာဇသတ်ကြီးပုဒ်မ ၂၈၅ အရ အမှုဖွင့် အရေးယူ စစ်ဆေးလျက်ရှိကြောင်း သိရသည်။

ထို့အတူ ပြီးခဲ့သည့် ဧပြီလကလည်း ထိုင်းနိုင်ငံ မဲဆောက်- ဘန်ကောက် အဝေးပြေးလမ်းမ ကီလိုမီတာ ၆၀ အနီးတွင် ခရီးသည်ကားတစ်စီး မီးလောင်ကျွမ်းမှုကြောင့် မြန်မာ MoU လုပ်သား ၂၀ ဦး သေဆုံးသွားခဲ့ကြောင်း သိရသည်။

ပင်လယ်ထွက်ပေါက် ရှိနေသည့်နေရာတိုင်း OBOR အောက်တွင် Corridor အဖြစ် ပါဝင်လာမည်ဖြစ်ပြီး တရုတ်-မြန်မာ စီးပွားရေးပူးပေါင်းဆောင်ရွက်မှုစင်္ကြံ MoU အတွက် အပြီးသတ်ညှိနှိုင်းမှု ယနေ့ဆွေးနွေးမည်

ရခိုင်ပြည်နယ် မဒေးကျွန်း ရေနက်ဆိပ်ကမ်းစီမံကိန်းအား ၂၀၁၇ ခုနှစ်အတွင်းက တွေ့ရစဉ်

မြန်မာနိုင်ငံ၌ ပင်လယ်ထွက်ပေါက် ရှိနေသည့်နေရာတိုင်းမှာ တရုတ်နိုင်ငံ၏ OBOR (Belt & Road Initiative) စီမံကိန်းအောက်တွင် Corridor အဖြစ် ပါဝင်လာမည်ဖြစ်ပြီး တရုတ်-မြန်မာ စီးပွားရေးပူးပေါင်းဆောင်ရွက်မှုစင်္ကြံ နားလည်မှုစာချွန်လွှာအတွက် MoU ကို နောက်ဆုံးအကြိမ် အပြီးသတ်ညှိနှိုင်းမှုအား မေ ၁၄ ရက်တွင် ဆွေးနွေးမည်ဖြစ်ကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးက ပြောကြားသည်။

နှစ်နိုင်ငံခေါင်းဆောင်များအကြား သဘောတူညီထားပြီးဖြစ်သည့် တရုတ်-မြန်မာ စီးပွားရေးစင်္ကြံတွင် ဆောင်ရွက်မည့်လုပ်ငန်းများမှာ ကြီးမားသည့်လုပ်ငန်းများဖြစ်ပြီး လေဆိပ်များ အဆင့်မြှင့်တင်ခြင်း လုပ်ငန်းများလည်း ပါဝင်လာမည်ဖြစ်ကာ နှစ်နိုင်ငံအကြား MoU ရေးထိုးပြီး၍ လုပ်ငန်းများ ဆောင်ရွက်ချိန်တွင် မြန်မာနိုင်ငံဘက်မှ လုပ်ဆောင်မည့် စီမံကိန်းများကို ပြည်သူများသိရှိစေရန် ထုတ်ပြန်သွားမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ပြောကြားထားသည်။

“တရုတ်-မြန်မာ စီးပွားရေးစင်္ကြံကို အကောင်အထည်ဖော်ဖို့ သဘောတူညီထားပြီးသား ဖြစ်ပါတယ်။ ဒါကိုကျွန်တော်တို့က ဆက်ပြီး အကောင်အထည်ဖော်မယ့်အချိန်ကျရင် တရုတ်-မြန်မာ စီးပွားရေးစင်္ကြံ ခေါင်းစဉ်အောက်က လုပ်ငန်းတွေဟာ ကြီးမားတဲ့ စီမံကိန်းတွေဖြစ်လာမှာပါ။ နှစ်နိုင်ငံ ဆက်လက်လုပ်ဆောင်ရမယ့် စီမံကိန်းတွေဖြစ်ပြီး ကြီးမားတဲ့လုပ်ငန်းစီမံကိန်းတွေနဲ့ ပတ်သက်ပြီး MoU ရေးထိုးပြီးချိန်မှာ ကျွန်တော်တို့ ပြည်သူတွေသိရှိအောင် ကျွန်တော်တို့နိုင်ငံက ဆောင်ရွက်မယ့်လုပ်ငန်းစဉ်တွေကို ကျွန်တော်တို့ အတိအကျတင်ပြပေးသွားမှာ ဖြစ်ပါတယ်” ဟု ဦးကျော်ဝင်းက ဆိုသည်။

တရုတ်နိုင်ငံအနေဖြင့် ကမ္ဘာ့စီးပွားရေး အင်အားကြီးနိုင်ငံဖြစ်လာချိန်တွင် တရုတ်နိုင်ငံသားများ၏ လူနေမှုအဆင့်မြင့်မားလာခြင်း၊ ၀င်ငွေကောင်းမွန်လာခြင်းကြောင့် ကမ္ဘာအနှံ့သို့ ခရီးသွားသန်းနှင့်ချီ ထွက်ခွာခြင်းများ ရှိနေချိန်တွင် နေ့ချင်းပြန်သွားလာနိုင်သည့် မြန်မာနိုင်ငံသို့ တရုတ်ခရီးသွားငါးသိန်းပင် ၀င်ရောက်ခြင်းမရှိခြင်းနှင့် ထိုသို့ခရီးသွားများ ၀င်ရောက်ရန် လေဆိပ်များ ကောင်းမွန်မှုမရှိခြင်းကြောင့် ရှိနှင့်ပြီးဖြစ်သည့် ဟဲဟိုး၊ မကွေး၊ ပခုက္ကူလေဆိပ်ကဲ့သို့ လေဆိပ်များအား အဆင့်မြှင့်တင်ခြင်းမှာ တရုတ်-မြန်မာ စီးပွားရေးစင်္ကြံစီမံကိန်းအောက်တွင် စီမံကိန်းအသေးစားများအဖြစ် ပါဝင်လာမည်ဖြစ်ကြောင်း ဦးကျော်ဝင်းက ပြောကြားသည်။

“ဒီလိုလုပ်ငန်းတွေမှာ ပါဝင်ချင်တဲ့လုပ်ငန်းရှင်တွေက ကျွန်တော်တို့ ဘယ်လိုလုပ်ငန်းတွေမှာ ပူးပေါင်းချင်တယ်ဆိုတာကို တင်ပြလို့ရတယ်။ အားလုံးကို ကျွန်တော်တို့ဖိတ်တယ်။ လုပ်ချင်တဲ့ပုဂ္ဂိုလ်ကို လုပ်ခွင့်ပေးထားတယ်။ လုပ်ချင်ကိုင်ချင်တဲ့ပုဂ္ဂိုလ်တွေ လုပ်နိုင်ကိုင်နိုင်သမျှ အားလုံးကို ပါဝင်ခွင့်ပေးထားတယ်။ ကျွန်တော်တို့ကတော့ ခင်ဗျားက ဒီမှာလုပ်၊ ခင်ဗျားက ဟိုမှာလုပ် ၀င်ပြီးတော့ မစီမံ၊ မခန့်ခွဲဘူး။ ကိုယ့်ရဲ့စွမ်းရည်၊ စွမ်းအားနဲ့ လုပ်ဆောင်နိုင်တဲ့ လုပ်ငန်းမှန်သမျှကို ကိုယ်တစ်ဦးတည်း ရာနှုန်းပြည့်မြှုပ်နှံတာပဲဖြစ်ဖြစ်၊ သို့တည်းမဟုတ် တရုတ်ပြည်က လုပ်ငန်းရှင်နဲ့ပေါင်းပြီးတော့ JV လုပ်လို့ရပါတယ်” ဟု ဦးကျော်ဝင်းက ပြောကြားသည်။

မြန်မာနိုင်ငံအစိုးရနှင့် တရုတ်ပြည်သူ့သမ္မတနိုင်ငံ အစိုးရတို့အကြား စီးပွားရေးစင်္ကြံလမ်း တည်ထောင်ရေးဆိုင်ရာ နားလည်မှုစာချွှန်လွှာ (မူကြမ်း) အတွက် အပြီးသတ်ညှိနှိုင်းမှု ပြုလုပ်ခဲ့ပြီဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာနက ဖေဖော်ဝါရီလအတွင်း သတင်းထုတ်ပြန်ထားပြီး ပေကျင်းမြို့ရှိ တရုတ်ပြည်သူ့သမ္မတနိုင်ငံ၊ နိုင်ငံတော်ဧည့်ဂေဟာ၌ ကျင်းပသည့် တရုတ်-မြန်မာ စီးပွားရေးစင်္ကြံလမ်း တည်ထောင်ရေးနှင့် စပ်လျဉ်းသည့် ၀န်ကြီးအဆင့်အစည်းအဝေးသို့ တရုတ်ပြည်သူ့သမ္မတနိုင်ငံ ဖွံ့ဖြိုးတိုးတက်ရေးနှင့် ပြုပြင်ပြောင်းလဲမှုကော်မရှင် ဒုတိယဥက္ကဋ္ဌ Mr. Ningzizhe (Ministeral Level) နှင့်အတူ တက်ရောက်၍ စီးပွားရေးစင်္ကြံ တည်ထောင်ရေးအပေါ် သဘောထားအမြင်များ ဖလှယ်ကြပြီး ရှေ့ဆက်လက်ဆောင်ရွက်မည့် လုပ်ငန်းစဉ်များ၊ စီးပွားရေးစင်္ကြံလမ်း တည်ထောင်ရေးလုပ်ငန်းများအတွက် ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်အဆင့်ရှိ ပုဂ္ဂိုလ်များနှင့် လုပ်ငန်းကော်မတီ ဖွဲ့စည်း၍ ထိရောက်စွာ ဆောင်ရွက်သွားနိုင်ရေး ကိစ္စရပ်များနှင့် ပြည်ထောင်စုသမ္မတမြန်မာနိုင်ငံအစိုးရနှင့် တရုတ်ပြည်သူ့သမ္မတနိုင်ငံ အစိုးရတို့အကြား စီးပွားရေးစင်္ကြံလမ်း တည်ထောင်ရေးဆိုင်ရာ နားလည်မှုစာချွန်လွှာ (မူကြမ်း) အား အပြီးသတ်ညှိနှိုင်းမှုပြုခဲ့ကြောင်း သိရသည်။

“ခြုံပြောရရင် တရုတ်နိုင်ငံက မြန်မာနယ်နိမိတ်ကစပြီး ရန်ကုန်အထိ စင်္ကြံတွေဆောက်ဖို့ရှိတယ်။ အဲဒီအထဲမှာ ကဏ္ဍတွေအများကြီးပါတယ်။ စီးပွားရေးစင်္ကြံလို့ ပြောတဲ့အတွက်ကြောင့် သူက လမ်းသက်သက် အခြေခံအဆောက်အအုံသက်သက် မဟုတ်ဘူး။ အဲဒီမှာ စင်္ကြံနဲ့ဆက်စပ်ပြီး မြို့ပြတွေပေါ်လာတာရှိမယ်။ စိုက်ပျိုးရေးဇုန်တွေ ပေါ်လာတာရှိမယ်၊ စက်မှုဇုန်တွေ ပေါ်လာတာရှိမယ်၊ နောက်ပြီး အိုင်တီနဲ့ပတ်သက်တဲ့ လုပ်ငန်းတွေပေါ်လာတာရှိမယ်။ ကုန်သွယ်မှုနဲ့ ဆက်စပ်ပြီး Logistics ပေါ့၊ ထောက်ပံ့ပို့ ဆောင်ရေးဆိုင်ရာ အခြေခံအဆောက်အအုံတွေ ပေါ်လာတာရှိမယ်။ နယ်စပ်ကုန်သွယ်ရေးနဲ့ ပတ်သက်တာတွေ ခရီးသွားကဏ္ဍနဲ့ ပတ်သက်တာတွေ ပါလာတာရှိမယ်။ ခြုံပြောရရင်တော့ OBOR ရဲ့ခေါင်းစဉ်အောက်ထဲမှာ တရုတ်-မြန်မာ စီးပွားရေးစင်္ကြံ တည်ဆောက်သွားဖို့ရှိတယ်။ အဲဒီကို ပြီးခဲ့တဲ့လမှာ ပြည်ထောင်စုဝန်ကြီး ဦးဆောင်ပြီးသွားပါတယ်။ နှစ်နိုင်ငံ နှစ်ဖက်ညှိနှိုင်းတာအားလုံး ပြီးပြတ်တဲ့အဆင့်ပေါ့။ လက်မှတ်ထိုးတဲ့အဆင့်ကိုတော့ မရောက်သေးဘူး။ နှစ်နိုင်ငံအကြီးအကဲတွေ ဆက်လက်ညှိနှိုင်းပြီးတော့မှ အကောင်အထည်ဖော်သွားမှာ ဖြစ်ပါတယ်” ဟု ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူးချုပ် ဦးအောင်နိုင်ဦးက ပြောကြားသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အိန္ဒိယနိုင်ငံ ပြည်ပရေးရာဝန်ကြီး နေပြည်တော်၌ တွေ့ဆုံဆွေးနွေးပြီးနှစ်နိုင်ငံအကြား နယ်စပ်ဖြတ်သန်းသွားလာရေးဆိုင်ရာ သဘောတူစာချုပ်နှင့် နားလည်မှုစာချွန်လွှာခြောက်ခု လက်မှတ်ရေးထိုး

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အိန္ဒိယနိုင်ငံပြည်ပရေးရာဝန်ကြီး နေပြည်တော်၌ တွေ့ဆုံပြီး နှစ်နိုင်ငံနယ်စပ် ဖြတ်သန်းသွားလာရေးဆိုင်ရာ သဘောတူစာချုပ်နှင့် နားလည်မှု စာချွန်လွှာများ လက်မှတ်ရေးထိုးစဉ် (Photo:mofamyanmarfacebook)

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အိန္ဒိယနိုင်ငံ ပြည်ပရေးရာ ၀န်ကြီးဌာန၀န်ကြီး  Smt. Sushma Swaraj  တို့ နေပြည်တော်၌ တွေ့ဆုံဆွေးနွေးပြီးနောက် နှစ်နိုင်ငံအကြား နယ်စပ်ဖြတ်သန်းသွားလာရေးဆိုင်ရာ သဘောတူစာချုပ် နှင့် နားလည်မှုစာချွန်လွှာ (MoU) ခြောက်ခု လက်မှတ်ရေးထိုးခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်ခဲ့သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်အိန္ဒိယနိုင်ငံ ပြည်ပရေးရာဝန်ကြီး  Smt. Sushma Swaraj  တို့သည် မေ ၁၁ ရက် နံနက်ပိုင်းတွင် နေပြည်တော်ရှိ နိုင်ငံခြားရေးဝန်ကြီးဌာန ဧည့်ခန်းမ၌ နှစ်နိုင်ငံဆွေးနွေးပွဲ ပြုလုပ်ခဲ့ကြောင်း သတင်းထုတ်ပြန်ခဲ့သည်။

မြန်မာ-အိန္ဒိယ နှစ်နိုင်ငံ ဆက်ဆံရေးနှင့် ပူးပေါင်းဆောင်ရွက်မှု တိုးမြှင့်ရေး၊ ရခိုင်ပြည်နယ်ဖွံ့ဖြိုးတိုးတက်ရေးနှင့် ရခိုင်ပြည်နယ်မှ နေရပ်စွန့်ခွာသူများ ပြန်လည်လက်ခံရေးလုပ်ငန်းစဉ်နှင့်ပတ်သက်၍ မြန်မာနိုင်ငံ၏ ကြိုးပမ်းဆောင်ရွက်မှု လုပ်ငန်းစဉ်များတွင် အိန္ဒိယနိုင်ငံမှ ပါဝင်ကူညီပံ့ပိုးရေး၊ ဒေသတွင်းနှင့် နိုင်ငံတကာမျက်နှာစာတွင် နှစ်နိုင်ငံ ပိုမိုနီးကပ်စွာ ပူးပေါင်းဆောင်ရွက်သွားရေး ကိစ္စရပ်များကို ဆွေးနွေးခဲ့ကြောင်း နိုင်ငံခြားရေးဝန်ကြီးဌာနက ထုတ်ပြန်ထားသည်။

တွေ့ဆုံပွဲသို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေ၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်၊ နိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးမြင့်သူနှင့် ဌာနဆိုင်ရာ တာဝန်ရှိသူများ၊ မြန်မာနိုင်ငံဆိုင်ရာ အိန္ဒိယသံအမတ်ကြီး   Shri Mr. Bikram Misri နှင့် အိန္ဒိယ ကိုယ်စားလှယ်အဖွဲ့ဝင်များ တက်ရောက်ခဲ့သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အိန္ဒိယနိုင်ငံ ပြည်ပရေးရာဝန်ကြီး Smt. Sushma Swaraj တို့သည် နိုင်ငံခြားရေးဝန်ကြီးဌာန ဧည့်ခန်းမ၌ နှစ်နိုင်ငံဆွေးနွေးပွဲပြုလုပ်နေစဉ်

ထိုသို့တွေ့ဆုံဆွေးနွေးပြီးနောက် မြန်မာ-အိန္ဒိယ နှစ်နိုင်ငံအကြား ပူးပေါင်းဆောင်ရွက်ရေးဆိုင်ရာစာချုပ်နှင့် နားလည်မှု စာချွန်လွှာများ လက်မှတ်ရေးထိုးပွဲ အခမ်းအနား ဆက်လက်ကျင်းပခဲ့ပြီး အခမ်းအနားသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်  အိန္ဒိယပြည်ပရေးရာဝန်ကြီးတို့ တက်ရောက်ခဲ့ကြောင်း သိရသည်။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဦးသိန်းဆွေနှင့် အိန္ဒိယပြည်ပရေးရာဝန်ကြီး Smt. Sushma Swaraj တို့သည် မြန်မာနိုင်ငံအစိုးရနှင့် အိန္ဒိယသမ္မတနိုင်ငံအစိုးရတို့၏ နှစ်နိုင်ငံအကြား နယ်စပ် ဖြတ်သန်း သွားလာရေးဆိုင်ရာ သဘောတူစာချုပ်ကို လက်မှတ်ရေးထိုးခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်ထားသည်။

အဆိုပါ နယ်စပ်ဖြတ်သန်းသွားလာရေးဆိုင်ရာ သဘောတူစာချုပ်အရ သက်တမ်းရှိ ဗီဇာ၊ အီလက်ထရွန်နစ်ဗီဇာ ကိုင်ဆောင်ထားသော မြန်မာနိုင်ငံသား၊ အိန္ဒိယနိုင်ငံသားများ နှင့် တတိယနိုင်ငံသားများသည် သတ်မှတ်ထားသည့် တမူး (မြန်မာ)-မိုရေး (အိန္ဒိယ) နှင့် ရိခေါဒါရ် (မြန်မာ)- ဇိုခေါသာ (အိန္ဒိယ) နယ်စပ် ၀င်၊ ထွက်ပေါက်များမှ  ၀င်ထွက်သွားလာနိုင်မည်ဖြစ်ပြီး ဗီဇာသတ်မှတ်ရက်အတိုင်း နေထိုင်ခွင့်ရမည်ဖြစ်ကြောင်းနှင့် နှစ်နိုင်ငံ နယ်စပ်ဒေသနေ ပြည်သူများသည် တစ်နှစ်သက်တမ်းရှိ နယ်စပ်ဖြတ်သန်းခွင့်လက်မှတ် လျှောက်ထား၍ တစ်ဖက်နိုင်ငံသို့ ၀င်ထွက်သွားလာနိုင်မည်ဖြစ်သည်။

ထို့အတူ သာသနာရေးနှင့် ယဉ်ကျေးမှုဝန်ကြီးဌာနမှ အမြဲတမ်းအတွင်းဝန် ဦးထွန်းအုံနှင့် အိန္ဒိယသံအမတ်ကြီး  Shri Mr. Bikram Misri  တို့သည်  မြန်မာနိုင်ငံအစိုးရနှင့် အိန္ဒိယသမ္မတနိုင်ငံအစိုးရတို့အကြား ပုဂံ ဒေသရှိ ငလျင်ဒဏ်ကြောင့် ပြိုကျပျက်စီးခဲ့သော စေတီပုထိုးများအား ထိန်းသိမ်းကာကွယ်စောင့်ရှောက်ခြင်းဆိုင်ရာ နားလည်မှု စာချွန်လွှာကိုလည်း လက်မှတ်ရေးထိုးခဲ့ကြောင်း သတင်းထုတ်ပြန်ထားသည်။

ယင်းနားလည်မှုစာချွန်လွှာအရ အဆိုပါဘုရားများအား မြန်မာနိုင်ငံ၊ သာသနာနှင့်ယဉ်ကျေးမှုဝန်ကြီးဌာန၊ ရှေးဟောင်းသုတေသနနှင့် အမျိုးသားပြတိုက်ဦးစီးဌာနတို့နှင့် အိန္ဒိယနိုင်ငံ Archaeological Survey of India (ASI) တို့ ပူးတွဲလျက် ထိန်းသိမ်းစောင့် ရှောက်ရေးလုပ်ငန်းစီမံကိန်းများကို အကောင်အထည်ဖော် ဆောင်ရွက်ကြမည်ဖြစ်ကြောင်း သိရသည်။

ထို့ပြင် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် အသုံးပြုရန်အတွက် အိန္ဒိယနိုင်ငံမှ မော်တော်ယာဉ် ၁၀ စီး ထောက်ပံ့ပေးအပ်ရေးဆိုင်ရာ နားလည်မှုစာချွန်လွှာ၊ အိန္ဒိယနိုင်ငံ အကူအညီဖြင့် သထုံမြို့တွင် ဖွင့်လှစ်သွားမည့်  Indo -Myanmar Industrial Training Centre တည်ထောင်ရေးဆိုင်ရာ နားလည်မှု စာချွန်လွှာ၊ အိန္ဒိယနိုင်ငံ အကူအညီဖြင့် မုံရွာမြို့တွင် ဖွင့်လှစ်သွားမည့် Indo-Myanmar Industrial Training Centre တည်ထောင်ရေးဆိုင်ရာ နားလည်မှုစာချွန်လွှာ၊ မြန်မာနိုင်ငံ၊  နိုင်ငံခြားရေးဝန်ကြီးဌာန၊ မဟာဗျူဟာ လေ့လာရေးနှင့် လေ့ကျင့်ရေးဦးစီးဌာနနှင့် အိန္ဒိယနိုင်ငံ၊ ပြည်ပရေးရာဝန်ကြီးဌာန၊ India Foreign Service Institute တို့အကြား မြန်မာသံတမန်များအတွက် စွမ်းရည်မြှင့်တင်ရေး ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာနှင့် အိန္ဒိယနိုင်ငံ အကူအညီဖြင့် မြင်းခြံမြို့တွင် ဖွင့်လှစ်ထားသည့် Indo-Myanmar Industrial Training Centre  မွမ်းမံ ပြင်ဆင်ရန် ငါးနှစ်စီမံကိန်း အကောင်အထည်ဖော်ရေးဆိုင်ရာ နားလည်မှုစာချွန်လွှာတို့ကို လက်မှတ်ရေးထိုးခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်ခဲ့သည်။

မြစ်ကြီးနား စီးပွားဖွံ့ဖြိုးရေးဇုန် စီမံကိန်းအတွက် ကချင်ပြည်နယ်အစိုးရအဖွဲ့နှင့် တရုတ်ပြည်သူ့သမ္မတနိုင်ငံ အစိုးရအဖွဲ့ MoU ရေးထိုး

ကချင်ပြည်နယ်အစိုးရအဖွဲ့နှင့် တရုတ်ပြည်သူ့သမ္မတနိုင်ငံ ယူနန်ထိန်ချုံးဟိန်ရုန် ရင်းနှီးမြှုပ်နှံမှု ကုမ္ပဏီလီမိတက်တို့ မြစ်ကြီးနား စီးပွားဖွံ့ဖြိုးရေးဇုန်စီမံကိန်း နားလည်မှုစာချွန်လွှာ လက်မှတ်ရေးထိုးပွဲ အခမ်းအနားတွင် အမှတ်တရ စုပေါင်းဓာတ်ပုံရိုက်ကူးစဉ်

မြစ်ကြီးနား စီးပွားဖွံ့ဖြိုးရေးဇုန်စီမံကိန်းအတွက် ကချင်ပြည်နယ်အစိုးရအဖွဲ့နှင့် တရုတ်ပြည်သူ့သမ္မတနိုင်ငံ ပေါင်စန်းပြည်နယ်ခွဲမှ ဒုတိယအုပ်ချုပ်ရေးမှူးအဖွဲ့သည် မေ ၈ ရက် နံနက်က နားလည်မှုစာချွန်လွှာ MoU ကို ကချင်ပြည်နယ်အစိုးရအဖွဲ့ရုံးတွင် လက်မှတ်ရေးထိုးခဲ့ကြောင်း သတင်းရရှိသည်။

ယင်းနားလည်မှုစာချွန်လွှာကို ကချင်ပြည်နယ်အစိုးရအဖွဲ့ ဘဏ္ဍာ၊ အခွန်၊ စီမံကိန်းနှင့် စီးပွားရေးဝန်ကြီး ဦးဝေလင်းနှင့် ပေါက်စန်းပြည်နယ်ခွဲ ဒုတိယမြို့တော်ဝန် ဒူးချွမ်ချန်နှင့် ကချင်ပြည်နယ်အစိုးရအဖွဲ့ ညွှန်ကြားရေးမှူး ဦးဇော်မျိုးညွန့်၊ ဟိန်ရုန် ရင်းနှီးမြှုပ်နှံမှု ကုမ္ပဏီလီမိတက်မှ မန်နေဂျင်းဒါရိုက်တာ တွမ်ကြည်ဂွေ့တို့က လက်မှတ်ရေးထိုးခဲ့ကြခြင်း ဖြစ်သည်။

ပြည်နယ်အစိုးရအဖွဲ့ ဘဏ္ဍာ၊ အခွန်၊ စီမံကိန်းနှင့် စီးပွားရေးဝန်ကြီး ဦးဝေလင်းက “ကချင်ပြည်နယ်အစိုးရအဖွဲ့အနေဖြင့် တရုတ်ပြည်သူ့သမ္မတနိုင်ငံ ပေါက်စန်းပြည်နယ်ခွဲ အစိုးရကို ကြိုဆိုပါတယ်။ MoU လက်မှတ်ရေးထိုးနိုင်အောင် ကြိုးစားကြတဲ့ နှစ်ဖက်သောအဖွဲ့များကိုလည်း ကျေးဇူးတင်ပါတယ်။ နှစ် ဖက်နှစ်နိုင်ငံအတွက် နှစ်ဖက်သော ပြည်သူတွေအတွက် အကျိုးရှိမယ်လို့ ယုံကြည်ပါတယ်။ MoA ၊ JVA ရေးထိုးနိုင်ရေးအတွက်လည်း ဆက်လက်အကောင်အထည်ဖော် ဆောင်ရွက်သွားမှာ ဖြစ်ပါတယ်။ အသေးစိတ်တော့ ညှိနှိုင်းရဦးမှာပါ။ တည်ဆောက်ရေးကာလက JVA စာချုပ်ချုပ်ပြီးမှပါ။ အဲဒီမတိုင်ခင် ပြည်သူလူထုတွေကိုလည်း ချပြမယ်။ လွှတ်တော်မှာလည်း ဆွေးနွေးအတည်ပြုချက်ရယူရမှာ ဖြစ်ပါတယ်။ အခုလာမယ့် လွှတ်တော်မှာ တင်ပြမှာပါ။ အကျိုးအမြတ်ရာနှုန်းကတော့ ဆက်ပြီးညှိနှိုင်းရဦးမှာပါ။ အကောင်းဆုံးဖြစ်အောင်တော့ ပူးပေါင်းလုပ်ဆောင်သွားကြမှာပါ” ဟု ပြောကြားသည်။

ပေါက်စန်းပြည်နယ်ခွဲ ဒုတိယအုပ်ချုပ်ရေးမှူး ဒူချွမ်းချန်က “လက်မှတ်ရေးထိုးနိုင်တာကို ကြိုဆိုပါတယ်။ ပေါက်စန်းပြည်နယ်နဲ့ ကချင်ပြည်နယ်ဟာ နယ်မြေချင်းထိစပ်နေပြီး ယဉ်ကျေးမှုကအစ ကူးလူးဆက်ဆံမှုက အထူးအရေးကြီးခဲ့ပါတယ်။ တရုတ်နိုင်ငံရဲ့ တစ်ဇုန်တစ်လမ်း ဦးဆောင်မှုဗျူဟာရဲ့အောက်မှာ နှစ်ဦးနှစ်ဖက်က တည်ဆောက်ကဏ္ဍတွေမှာ ပူးပေါင်းဆောင်ရွက်မှုတွေ အများကြီး ရှိခဲ့ကြပါတယ်။ ထိန်ချုန်း-မြစ်ကြီးနားလမ်း တည်ဆောက်ရေး၊ လယ်ယာစိုက်ပျိုးကဏ္ဍမှာ အင်တိုက်အားတိုက်လုပ်ဆောင်နေပါတယ်။ နိုင်ငံတကာ လုပ်ဆောင်ချက်များအတိုင်း လုပ်ဆောင်ရမှာဖြစ်ပြီး မြန်မာနိုင်ငံရဲ့ ဥပဒေသတ်မှတ်ချက်ကို လိုက်နာရမယ်။ စာချုပ်ပါအချက်များကို လိုက်နာကျင့်သုံးပြီး ကုန်ထုတ်လုပ်မှု၊လုပ်ထုံးလုပ်နည်းများကိုလည်း လိုက်နာရမှာ ဖြစ်ပါတယ်။ ဒေသခံတို့ရဲ့ ဓလေ့ထုံးစံများကိုလည်း လိုက်နာကြရပါမယ်။ ရင်းနှီးစွာဆက်ဆံရမှာလည်း ဖြစ်ပါတယ်။ အပြုသဘောဆောင်တဲ့ ဆွေးနွေးညှိနှိုင်းမှုတွေလည်း အချိန်နှင့်တစ်ပြေးညီ ပြုလုပ်ရမှာ ဖြစ်ပါတယ်။ ဒီစီမံကိန်းကတစ်ဆင့် နှစ်ဦးနှစ်ဖက်ဆက်ဆံရေးတွေလည်း မြှင့်တင်အောင် ကြိုးစားသွားပါမယ်။ ငွေကြေးဆက်သွယ်ရေး၊ စီးပွားကူးသန်းမှု မြင့်မားရေးတွေလည်း ဒီဇုန်ကိုအခြေခံပြီးမြင့်တက်လာမယ်လို့ မျှော်လင့်ပါကြောင်း” ဟု ဆိုသည်။

မြစ်ကြီးနား စီးပွားဖွံ့ဖြိုးရေးဇုန်စီမံကိန်းသည် မြစ်ကြီးနားမြို့နယ် နန်ကျင်ကျေးရွာအုပ်စု ပလနကျေးရွာအုပ်စုများတွင် တည်ရှိပြီး ၄၇၅၁ ဧကကျော်ရှိကြောင်း၊ ခန့်မှန်းကုန်ကျ တန်ဖိုးတရုတ်ယွမ်ငွေ ကျပ်သိန်းပေါင်း ၁၈၀၀၀ (မြန်မာကျပ် ၃၇၂ ဘီလျံ) အမေရိကန် ဒေါ်လာ ၂၇၃ ဒသမ ၄၄ သန်းခန့် ကုန်ကျနိုင်ကြောင်း ခန့်မှန်းတွက်ချက်ထားသည်။

စီမံကိန်းကို တရုတ်နိုင်ငံဘက်မှ ဟိန်ယုံ ရင်းနှီးမြှုပ်နှံမှုကုမ္ပဏီလီမိတက်နှင့် ကချင်ပြည်နယ် စီးပွားဖွံ့ဖြိုးတိုးတက်ရေး ပြည်သူ့ကုမ္ပဏီလီမိတက်တို့ ပူးပေါင်း၍ စုပေါင်းရင်းနှီးမြှုပ်နှံရေးကုမ္ပဏီ (Joint Venture Company) ဖြင့် အကောင်အထည်ဖော် ဆောင်ရွက်သွားရန် ရည်ရွယ်ကြောင်း သိရသည်။

ကုမ္ပဏီရင်းနှီးမြှုပ်နှံမှုကို ရှယ်ယာကို မြန်မာနိုင်ငံဘက်မှ အနည်းဆုံး ၅၁ ရာခိုင်နှုန်း ယူထားပြီး ၁၀ နှစ်ကြာတည်ဆောက်ရန် လျာထားကြောင်း သိရသည်။

စီမံကိန်းကို ၂၀၁၈ ခုနှစ် ဇွန်တွင်အကောင်အထည်ဖော်ဆောင်ရန် ရည်ရွယ်ထားပြီး လုပ်ငန်းစဉ်အဆင့်ဆင့် ဆောင်ရွက်ဆဲဖြစ်ကြောင်း သိရသည်။

ကျပ် ၃၇၂ ဘီလျံ (ဒေါ်လာ ၂၇၃ သန်း) တန်ဖိုးရှိ မြစ်ကြီးနား စီးပွားဖွံ့ဖြိုးရေးဇုန် စီမံကိန်းအတွက် ပြည်ထောင်စုစီမံကိန်းနှင့် ဘဏ္ဍာရေးဝန်ကြီးက ကချင်ပြည်နယ်အစိုးရအဖွဲ့၊ စီးပွားရေးလုပ်ငန်းရှင်များနှင့် ၂၀၁၈ ခုနှစ် ဇန်န၀ါရီ ၂၃ ရက်က တွေ့ဆုံဆွေးနွေးခဲ့သည်။

စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက အကြံပြုရာတွင် တစ်ဖက်နိုင်ငံကုမ္ပဏီ၏ နောက်ခံ၊ ငွေကြေးခိုင်မာမှု၊ နိုင်ငံအပေါ် တာဝန်ကျေပွန်စေသည့် အချက်အလက်များကို သံရုံးများမှ တစ်ဆင့်တောင်းယူ မှတ်တမ်းတင်ရန်၊ သီလ၀ါ စက်မှုဇုန်အပြင် မင်္ဂလာဒုံစက်မှုဇုန်ကို လေ့လာရန်၊ ပတ်ဝန်းကျင်မှ ချဉ်းကပ်ဖော်ဆောင်နိုင်မည့် လုပ်ငန်းငယ်များကိုပါ ထည့်သွင်းစဉ်းစားရန်၊ ထိုင်းနှင့် ဗီယက်နမ်တို့ရှိ စက်မှုဇုန်များမှာ အတုယူစရာများရှိနေပြီး လုပ်ငန်းသဘောအရ အရှုံးအမြတ်ရှိနိုင်သဖြင့် ရှယ်ယာအများ ဆုံးယူထားသူက တာဝန်အရ အရှုံးအမြတ်ကို ထည့်သွင်းတွက်ချက်ရန်၊ သီလ၀ါစက်မှုဇုန် အောင်မြင်ခြင်းမှာ နိုင်ငံရေးအရလည်း ပါဝင်နေကြောင်း စသည့် အကြံပြုချက်များ ပြောကြားသည်။

ကချင်ပြည်နယ်သည် တရုတ်နိုင်ငံနှင့် အိန္ဒိယနိုင်ငံတို့နှင့် ဆက်သွယ်ထားသည့် လီဒိုလမ်းမကြီးက ပြည်နယ်အလယ်ပိုင်းမှ ဖြတ်သန်းထားကြောင်း လက်ရှိတွင် တရုတ်နိုင်ငံနှင့် ကချင်ပြည်နယ်တို့ တရားဝင်အဓိက ဆက်သွယ်သည့်ဝင်ပေါက်မှာ ကန်ပိုင်တည် ၀င်ပေါက်နှင့် လွယ်ဂျွယ်ဝင်ပေါက်၊ ပန်ဝါ၀င် ပေါက်တို့ကို အဓိက အသုံးပြုနေကြောင်း ထို့ပြင် လိုင်ဇာ၊ မန်ဝိန်းကြီး  ၀င်ပေါက်များကိုလည်း အသုံးပြုနေကြကြောင်း သိရသည်။

ထိုင်းနိုင်ငံသို့အလုပ်လုပ်ရန် MoU စာချုပ်ဖြင့် ရောက်ရှိလာသော်လည်း စာချုပ်ပါအချက်များနှင့် ကွဲလွဲခြင်း၊ အလုပ်မရရှိသေးခြင်းကြောင့် အလုပ်သမားတစ်ရာကျော် အခက်အခဲဖြစ်နေ

ထိုင်းသို့အလုပ်သွားရောက်မည့် မြန်မာလုပ်သားများကို တာဝန်ရှိသူများက နယ်စပ်ဂိတ်တွင် စစ်ဆေးနေစဉ်

ထိုင်းနိုင်ငံသို့ တရားဝင်အကျိုးဆောင် အေဂျင်စီများမှတစ်ဆင့် MoU စာချုပ်ဖြင့် အလုပ်လုပ်ရန် ရောက်ရှိလာသည့် အလုပ်သမား တစ်ရာကျော်မှာ စာချုပ်ပါအချက်များနှင့် ကွဲလွဲအလုပ်လုပ်နေရခြင်း၊ အလုပ်မရရှိခြင်း စသည့်အခက်အခဲများ ကြုံတွေ့နေရကြောင်း ကာယကံရှင်အလုပ်သမားများက ပြောကြားသည်။

ထိုင်းနိုင်ငံသို့ တရားဝင် MoU စနစ်ဖြင့် လာရောက်ခဲ့ကြသော်လည်း အလုပ်မရရှိသေးသူများ၊ စာချုပ်ပါ အချက်အလက်များဖြင့် ကွဲလွဲပြီး လုပ်အားခ မတန်တဆဈေးနှုန်းများဖြင့် ခေါင်းပုံဖြတ်ခံနေရသည့်သူများနှင့် အလုပ်နေရာမတူသူများ စုစုပေါင်းလုပ်သား ၁၀၀ ကျော် AAC ဂေဟာသို့ လာရောက်အကူအညီတောင်း ခံခိုလှုံနေကြောင်း AAC အဖွဲ့မှ ကိုရဲမင်းက ပြောကြားသည်။

“ထိုင်းကို ရောက်လာပြီးတော့ အလုပ်မရှိတဲ့သူတွေ၊ အလုပ်မရှိဘဲ ဒီကိုခေါ်လာတယ်။ ပြီးတော့ နောက်တစ်မျိုးက အလုပ်တော့ရှိတယ်။ စာချုပ်ချုပ်လာတာနေ့စား။ ဒါပေမဲ့ ပုတ်ပြတ်တွေနဲ့လုပ်နေရတယ် မတန်မဆဈေးနှုန်းတွေနဲ့။ အဲဒီလိုပုံစံမျိုးတွေပေါ့။ သတ်မှတ်ထားတဲ့ လုပ်အားခမရရှိတာတွေ နောက်ပြီး အလုပ်နေရာမတူတာတွေ စသည်ဖြင့်ပေါ့။ အခုကျွန်တော်တို့ဂေဟာမှာ MoU ငါးဖွဲ့ရောက်လာပြီး အကူအညီတောင်းတယ်။ စုစုပေါင်း လူတစ်ရာကျော်တယ်” ဟု ကိုရဲမင်းက ပြောကြားသည်။

ထိုသို့ အလုပ်မရရှိသေးသည့်အတွက် စားဝတ်နေရေး အခက်အခဲဖြစ်ကြောင်း ကာယကံရှင် အလုပ်သမားများက ပြောကြားသည်။

“ကျွန်တော်က စွမ်းတော်ဝင်ကုမ္ပဏီနဲ့ MoU စနစ် စာချုပ်ချုပ်ပြီးတော့မှ ထိုင်းနိုင်ငံကို ရောက်လာတာဖြစ်ပါတယ်။ အခုထိုင်းကို ရောက်လာတာ နှစ်လကျော်ကြာနေပြီ။ အလုပ်က မရသေးပါဘူး။ အလုပ်မရှိတဲ့အတွက် ကျွန်တော်တို့မှာ စားဝတ်နေရေး အခက်အခဲတွေဖြစ်တဲ့အတွက် AAC ဂေဟာကို လာရောက် အကူအညီတောင်းခံရတာပါ” ဟု အလုပ်မရရှိသေးသူ ကိုအောင်စိုးထိုက်က ပြောကြားသည်။

“ကျွန်မက စတားပိုင်အိုးနီးယားနဲ့ တက်လာတဲ့အလုပ်သမားတစ်ဦးပါ။ ကျွန်မနာမည်က သဉ္ဇာဦးပါ။ ကျွန်မတို့ကို စာချုပ်တဲ့အတိုင်းမဟုတ်ဘဲ ပုတ်ပြတ်သဘောနဲ့ အလုပ်လုပ်နေရတဲ့အတွက် အကူအညီ လာတောင်းတာပါ။ မတန်တဆဈေးနဲ့ အလုပ်လုပ်နေရတာပါ” ဟုပြောကြားသည်။

လက်ရှိတွင် ထိုင်းနိုင်ငံသို့ MoU စနစ်ဖြင့် သွားရောက်အလုပ်လုပ်ကိုင်နေကြသည့် အလုပ်သမားများအနက် အချို့အလုပ်သမားများမှာ မသမာသည့်အေဂျင်စီများကြောင့် စာချုပ်ပါအချက်များအတိုင်း အလုပ်မရရှိမှု၊ လစာမရရှိမှုအပါဝင် အခြားအကြောင်းရင်းများကြောင့် အခက်အခဲများဖြစ်ပေါ်နေကြောင်း သိရသည်။

ပြည်ပနိုင်ငံများသို့ အလုပ်သမား စေလွှတ်သည့် အေဂျင်စီများအနက် သတ်မှတ်ထားသည့် စည်းကမ်းများ ချိုးဖောက်သဖြင့် အရေးယူခြင်းနှင့် လိုင်စင်ယာယီရုပ်သိမ်းထားသည့် အေဂျင်စီ ၂၃ ခုရှိကြောင်း မြန်မာပြည်ပအလုပ်အကိုင် ၀န်ဆောင်မှုလုပ်ငန်းရှင်များအဖွဲ့ချုပ် (MOEAF) မှ စုံစမ်းသိရသည်။