Miss America ပြိုင်ပွဲတွင် ရေကူးဝတ်စုံဖြင့် ယှဉ်ပြိုင်မှုကို ရပ်ဆိုင်းခဲ့ပြီးနောက် ကြည့်ရှုမှုနှုန်း ကျဆင်း

Miss America ပြိုင်ပွဲကျင်းပသည့် နှစ် ၉၀ ကျော်အတွင်း ရေကူးဝတ်စုံဖြင့် ယှဉ်ပြိုင်မှုကဏ္ဍကို ပထမဆုံးအကြိမ် ရပ်ဆိုင်းခဲ့ပြီးနောက် ပရိသတ်ကြည့်ရှုမှုနှုန်း တစ်သန်းခန့် ကျဆင်းခဲ့သည်ဟု Nielsen ကုမ္ပဏီက ထုတ်ပြန်ခဲ့သည်။

စက်တင်ဘာ ၉ ရက်က ကျင်းပခဲ့သည့် (၉၂) ကြိမ်မြောက် Miss America ပြိုင်ပွဲကို အေဘီစီရုပ်သံမှ ထုတ်လွှင့်ခဲ့ရာ ပရိသတ်ကြည့်ရှုမှုနှုန်း ၄ ဒသမ ၃၄ သန်း ရရှိခဲ့ပြီး ယခင်နှစ်ကထက် ၁၉ ရာခိုင်နှုန်း ကျဆင်းခဲ့သည်ဟု သိရသည်။

ပြီးခဲ့သည့်နှစ်များအတွင်း Miss America ပြိုင်ပွဲ၏ ပရိသတ် ကြည့်ရှုမှုနှုန်းများသည် တဖြည်းဖြည်း ကျဆင်းခဲ့သော်လည်း ယခုနှစ်သည် ၂၀၀၉ ခုနှစ်နောက်ပိုင်းတွင် ကြည့်ရှုမှုနှုန်း အဆိုးရွားဆုံး ကျဆင်းမှုဖြစ်သည်။

နှစ် ၉၀ ကျော် သက်တမ်းရှိပြီဖြစ်သည့် Miss America ပြိုင်ပွဲ၏ လူသိများသည့် ရေကူးဝတ်စုံဖြင့် ယှဉ်ပြိုင်မှုကဏ္ဍကို ယခုနှစ်တွင် ရပ်ဆိုင်းမည်ဖြစ်ပြီး ပြိုင်ပွဲဝင်များ၏ ကိုယ်ခန္ဓာသွင်ပြင်ကို အခြေခံပြီး အကဲဖြတ်တော့မည်မဟုတ်ဟု Miss America ဘုတ် အဖွဲ့၏ဥက္ကဋ္ဌ Gretchen Carlson က ဇွန်တွင် ထုတ်ပြန်ခဲ့သည်။ Carlson သည် ၁၉၈၉ ခုနှစ်တွင် Miss America သရဖူကို ဆွတ်ခူးခဲ့သူဖြစ်သည်။

ရေကူးဝတ်စုံ ယှဉ်ပြိုင်မှုနေရာတွင် ပြိုင်ပွဲဝင်များကို အကဲဖြတ်ဒိုင်အဖွဲ့၏ မေးခွန်းမေးမြန်းမှုကဏ္ဍဖြင့် အစားထိုးခဲ့သည်။

စက်တင်ဘာ ၉ ရက်တွင် နယူးဂျာစီပြည်နယ်၌ ကျင်းပခဲ့သည့် Miss America ပြိုင်ပွဲတွင် နယူးယောက်မှ အသက် ၂၅ နှစ်အရွယ်ရှိ နီယာဖရန်ကလင်က သရဖူကို ဆွတ်ခူးခဲ့သည်။

အော်ပရာ အဆိုတော်တစ်ဦးဖြစ်သည့် ဖရန်ကလင်သည် နော့သ်ကာရိုလိုင်းနားဒေသခံတစ်ဦးဖြစ်ပြီး UNC အနုပညာတက္ကသိုလ်မှ ဂီတဆိုင်ရာ မာစတာဘွဲ့ရရှိခဲ့သူဖြစ်သည်။ လူမည်းတစ်ဦးဖြစ်သည့် ဖရန်ကလင်က မိမိ၏ကိုယ်ပိုင်လက္ခဏာကို ရှာဖွေရန် ဂီတက အထောက်အကူပြုခဲ့ကြောင်းကို ပြိုင်ပွဲတွင် ထုတ်ဖော် ပြောကြားခဲ့သည်။

Miss America ပြိုင်ပွဲတွင် ရေကူးဝတ်စုံဖြင့် ယှဉ်ပြိုင်မှုကို ရပ်ဆိုင်းမည်

Photo: Reuters

နှစ် ၉၀ ကျော် သက်တမ်းရှိပြီဖြစ်သည့် Miss America ပြိုင်ပွဲ၏ လူသိများသည့် ရေကူးဝတ်စုံဖြင့် ယှဉ်ပြိုင်မှုကဏ္ဍကို ရပ်ဆိုင်းမည်ဖြစ်ကြောင်းနှင့် ပြိုင်ပွဲဝင်များ၏ ကိုယ်ခန္ဓာသွင်ပြင်ကို အခြေခံပြီး အကဲဖြတ်တော့မည် မဟုတ်ကြောင်း Miss America အဖွဲ့၏ ထိပ်တန်း တာဝန်ရှိသူတစ်ဦးက ဇွန် ၅ ရက်တွင် ထုတ်ပြန်ခဲ့သည်။

“Miss America က အလှပြပွဲတစ်ခု မဟုတ်တော့ပါဘူး။ ပြိုင်ပွဲတစ်ခုဖြစ်လာပါပြီ။ ပြိုင်ပွဲဝင်တွေရဲ့ ကိုယ်ခန္ဓာသွင်ပြင်ကိုပဲ အကဲဖြတ်တော့မှာ မဟုတ်ပါဘူး” ဟု ၁၉၈၀ ပြည့်နှစ် Miss America သရဖူဆွတ်ခူးခဲ့ပြီး ယခုအခါ Miss America ဘုတ်အဖွဲ့၏ ဥက္ကဋ္ဌဖြစ်သူ Gretchen Carlson က ၂၀၁၉ ခုနှစ် ပြိုင်ပွဲအတွက် ပြုလုပ်မည့်အပြောင်းအလဲများကို Good Morning America အစီအစဉ်သို့ ပြောကြားခဲ့သည်။

အကဲဖြတ်ဒိုင်များသည် ပြိုင်ပွဲဝင်များ၏ ပညာနှင့်အရည်အသွေး၊ ပင်ကိုစွမ်းရည် နှင့် လူမှုရေးအကျိုးပြုမှုများကို အဓိကထား ရွေးချယ်သွားမည်ဟု ၎င်းက ပြောကြားခဲ့သည်။ ရေကူးဝတ်စုံယှဉ်ပြိုင်မှုနေရာတွင် ပြိုင်ပွဲဝင်များကို အကဲဖြတ်ဒိုင်အဖွဲ့၏ မေးမြန်းမှု ကဏ္ဍဖြင့် အစားထိုးသွားမည်ဟု Miss America အဖွဲ့က ထုတ်ပြန်ခဲ့သည်။

ရေကူးဝတ်စုံအပြင် ညနေခင်းဝတ်စုံ ယှဉ်ပြိုင်မှုကဏ္ဍကိုလည်း ရပ်ဆိုင်းမည်ဟု Carlson က ဆိုသည်။ ပြိုင်ပွဲဝင်များသည် ညနေခင်းဝတ်စုံအစား ၎င်းတို့၏ ကိုယ်ပိုင်ဟန်ပန်ကို ဖော်ပြနိုင်မည့် စိတ်ကြိုက်ဝတ်စုံများ ရွေးချယ်ဝတ်ဆင်နိုင်မည်ဖြစ်သည်။

‘Miss America အစီအစဉ်မှာ ပါဝင်တာကို သဘောကျပေမယ့် ဒေါက်မြင့် ဖိနပ်တွေ၊ ရေကူးဝတ်စုံတွေနဲ့ ယှဉ်ပြိုင်တာမျိုး မလုပ်ချင်ဘူးလို့ လူငယ်အမျိုးသမီးတွေ ပြောတာကို ကြားခဲ့ရတယ်” ဟု Carlson က ပြောကြားခဲ့သည်။

Carlson သည် စီးပွားရေး၊ အနုပညာ နှင့် မီဒီယာနယ်ပယ်တို့မှ သြဇာလွှမ်းမိုးမှုရှိသော အမျိုးသားများ၏ လိင်ပိုင်းဆိုင်ရာစော်ကားမှုနှင့် နှောင့်ယှက်မှုတို့ကို ဆန့်ကျင်သည့် #Me Too လှုပ်ရှားမှုကို ရပ်တည် ကာကွယ်သူတစ်ဦးဖြစ်သည်။ လိင်ပိုင်းဆိုင်ရာ နှောင့်ယှက်မှုဖြင့် Fox News ၏ အမှုဆောင်အရာရှိချုပ်ဟောင်းကို Carlson က ပြီးခဲ့သည့် နှစ်နှစ်တွင် တရားစွဲခဲ့ဖူးသည်။

ယခုနှစ် Miss America ပြိုင်ပွဲကို  စက်တင်ဘာ ၉ ရက်တွင် နယူးဂျာစီပြည်နယ်၌ ကျင်းပမည်ဖြစ်ပြီး ဝေါဒစ္စနေက ပိုင်ဆိုင်သည့် ABC ရုပ်သံက ထုတ်လွှင့်မည် ဖြစ်သည်။