MIC အနေဖြင့် ဒေါ်လာသန်း ၁၉၀ ကျော် တန်ဖိုးရှိ နိုင်ငံခြားရင်းနှီးမြှုပ်နှံမှုလုပ်ငန်း လေးခုကို ထပ်မံခွင့်ပြုခဲ့ပြီး စက်မှုလုပ်ငန်းကဏ္ဍတွင် နှစ်ခုအထိ ခွင့်ပြုထား

မြန်မာနိုင်ငံ ရင်းနှီးမြှုပ်နှံမှုကော်မရှင် MIC မှ ရင်းနှီးမြှုပ်နှံမှုပမာဏ ဒေါ်လာ သန်း ၁၉၀ ကျော် တန်ဖိုးရှိ နိုင်ငံခြားရင်းနှီး မြှုပ်နှံမှုလုပ်ငန်း အဆိုပြုလုပ်ငန်းနှစ်ခုနှင့် အတည်ပြုလုပ်ငန်း နှစ်ခု စုစုပေါင်း နိုင်ငံခြား ရင်းနှီးမြှုပ်နှံမှုလုပ်ငန်းပေါင်း လေးခုကို ထပ်မံ ခွင့်ပြုခဲ့ပြီး စက်မှုလုပ်ငန်းကဏ္ဍတွင် နှစ်ခုအထိ ခွင့်ပြုထားကြောင်း သြဂုတ် ၂၉ ရက်က ရန်ကုန်မြို့ရှိ မြန်မာနိုင်ငံရင်းနှီးမြှုပ်နှံမှု ကော်မရှင်ရုံးတွင် ပြုလုပ်သည့် သတင်းစာရှင်းလင်းပွဲ အခမ်းအနားမှ သိရသည်။

“နိုင်ငံခြား ရင်းနှီးမြှုပ်နှံမှု အဆိုပြု လုပ်ငန်း နှစ်ခု၊ အတည်ပြုလုပ်ငန်းနှစ်ခု စုစုပေါင်းလုပ်ငန်း လေးခု ခွင့်ပြုခဲ့ပါတယ်။ အဆိုပြုလုပ်ငန်း နှစ်ခုနဲ့ အတည်ပြုလုပ်ငန်းတစ်ခုကတော့

မြန်မာနိုင်ငံ ရင်းနှီးမြှုပ်နှံမှုကော်မရှင်က ခွင့်ပြုခဲ့တာဖြစ်ပါတယ်။ ဧရာဝတီတိုင်းဒေသကြီး ရင်းနှီးမြှုပ်နှံမှုကော်မတီကနေ အတည်ပြုလုပ်ငန်းတစ်ခုကို ခွင့်ပြုခဲ့ပါတယ်။ စုစုပေါင်း လုပ်ငန်းလေးခုက နိုင်ငံခြားရင်းနှီးမြှုပ်နှံမှု ပမာဏ အမေရိကန်ဒေါ်လာ ၁၉၂ ဒသမ ၄၄၁ သန်းကို ခွင့်ပြုပေးခဲ့ပါတယ်” ဟု ရင်းနှီးမြှုပ်နှံမှု နှင့် ကုမ္ပဏီများညွှန်ကြားမှုဦးစီးဌာနမှ ဒုတိယညွှန်ကြားရေးမှူးချုပ် ဦးသန်းအောင်ကျော်က ပြောကြားသည်။

အဆိုပါခွင့်ပြု၊ အတည်ပြုခဲ့သည့် လုပ်ငန်းလေးခုမှာ စက်မှုကဏ္ဍတွင် နှစ်ခု၊ အိမ်ယာ အဆောက်အအုံကဏ္ဍတွင်တစ်ခု၊ အခြားကဏ္ဍတွင် တစ်ခု ခွင့်ပြုပေးခဲ့ပြီး ယင်းကဲ့သို့ခွင့်ပြုပေးခဲ့သည့်အတွက် ပြည်တွင်းလုပ်သားပေါင်း ၂၉၀၀ ကျော်အတွက် အလုပ်အကိုင်အခွင့်အလမ်း ဖန်တီးပေးနိုင်ခဲ့ကြောင်း ဦးသန်းအောင်ကျော်က ဆိုသည်။

ယခုဘဏ္ဍာနှစ် ကြားကာလခြောက်လ အဖြစ် ၂၀၁၈ ခုနှစ် ဧပြီမှ စက်တင်ဘာအထိ သတ်မှတ်ထားသည်။

၂၀၁၈ ခုနှစ် ဧပြီမှ သြဂုတ်အထိ ငါးလအတွင်း မြန်မာနိုင်ငံရင်း နှီးမြှုပ်နှံမှု ဥပဒေအရ နိုင်ငံခြားရင်းနှီးမြှုပ်နှံမှု လုပ်ငန်းပေါင်း ၆၅ ခုအထိ ခွင့်ပြုအတည်ပြုပေးခဲ့ပြီး ရင်းနှီးမြှုပ်နှံမှု ပမာဏ ဒေါ်လာ သန်း ၇၇၀ ကျော်အထိ ရှိသည်။ ယခင်ခွင့်ပြုပေးထားသော လုပ်ငန်းအဟောင်းများမှ လုပ်ငန်းတိုးချဲ့လာသည့် ရင်းနှီးမြှုပ်နှံမှုပမာဏမှာ ဒေါ်လာသန်း ၅၄၀ ခန့်အထိ ရှိသည့်အတွက် လက်ရှိအချိန်အထိ စုစုပေါင်းရင်းနှီးမြှုပ်နှံမှုပမာဏမှာ ဒေါ်လာ သန်း ၁၃၀၀ ကျော်အထိ ရှိသည်။

ရင်းနှီးမြှုပ်နှံမှု မြှင့်တင်ရေး အစီအစဉ်အရ နှစ်စဉ် နိုင်ငံခြားရင်းနှီးမြှုပ်နှံမှု ယခင်က ဒေါ်လာခြောက်ဘီလျံ ၀င်ရောက်ရန် ခန့်မှန်းခဲ့သော်လည်း လက်ရှိတွင် ဒေါ်လာ ၅ ဒသမ ၈၅ ဘီလျံအထိသာ ခန့်မှန်းထား

မြန်မာနိုင်ငံ ရင်းနှီးမြှုပ်နှံမှု မြှင့်တင်ရေး အစီအစဉ်အရ မြန်မာနိုင်ငံအတွင်းသို့ နှစ်စဉ် နိုင်ငံခြား ရင်းနှီးမြှုပ်နှံမှု ပမာဏ ယခင်က ဒေါ်လာခြောက်ဘီလျံအထိ ၀င်ရောက်ရန် ခန့်မှန်းထားသော်လည်း လက်ရှိတွင် ဒေါ်လာ ၅ ဒသမ ၈ ဘီလျံအထိ ၀င်ရောက်ရန် ခန့်မှန်းထားကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ ဒုတိယညွှန်ကြားရေးမှူးချုပ် ဦးသန်းအောင်ကျော်က မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) ၏လုပ်ငန်းတာဝန်များနှင့် ရင်းနှီးမြှုပ်နှံမှု အခွင့်အလမ်းများ၊ စိန်ခေါ်မှုများ ခေါင်းစဉ်ဖြင့် ကျင်းပခဲ့သည့် စီးပွားရေး စကားဝိုင်းတွင် ဆွေးနွေးခဲ့ကြောင်း နိုင်ငံပိုင် သတင်းစာများတွင် ဖော်ပြထားသည်။

ယခင်က နိုင်ငံခြားနှင့် တိုက်ရိုက်ရင်းနှီးမြှုပ်နှံသည့် အစီအစဉ် (Foreign Direct Investment Promotion Plan – FDIPP) ရေးဆွဲခဲ့ကြောင်း၊ နောက်ပိုင်းတွင် ပြောင်းလဲလာသည့် ရင်းနှီးမြှုပ်နှံမှုမူဝါဒ၊ စီးပွားရေးမူဝါဒ၊ ပတ်ဝန်းကျင် အခြေအနေ၊ ကမ္ဘာ့အခြေ အနေများနှင့် လိုက်လျောညီထွေမှု ရှိစေရန်အတွက် လက်ရှိအချိန်တွင် မြန်မာနိုင်ငံ ရင်းနှီးမြှုပ်နှံမှုမြှင့်တင်ရေး အစီအစဉ် (Myanmar Investment Promotion Plan – MIPP) ကို ပြန်ဆွဲထားကြောင်း သိရသည်။

“ဒီကိစ္စကို ပြန်ဆွဲတဲ့အခါမှာ စီးပွားရေးမူဝါဒလည်း ကိုက်ရမယ်။ အခုကျွန်တော်တို့ နောက်ဆုံးလုပ်တဲ့ ရေရှည်တည်တံ့သော ဖွံ့ဖြိုးတိုးတက်မှုဆိုင်ရာ အစီအစဉ် (Myanmar Substainable Development Plan – MSDP) နဲ့လည်း အံဝင်အောင်ဆိုပြီး ပြန်ဆွဲထားတယ်။ ကျွန်တော်တို့ မှန်းထားတာက ၂၀၁၆-၂၀၁၇  ကနေမှန်းပြီး  ဆွဲထားတာ။  ကာလတို ၂၀၂၀-၂၀၂၁ အထိ ငါးနှစ်မှာ အ ရင်က ခြောက်ဘီလျံအထိ မှန်းထားပေမဲ့ အခု ၅ ဒသမ ၈ ဘီလျံလောက်အထိ  မှန်း ထားတယ်။ အဲဒီကနေ နောက်ထပ်  ၂၀၂၅- ၂၀၂၆ ငါးနှစ်တာကာလမှာတော့ ၈ ဒသမ ၅ ဘီလျံ စလုပ်ပြီ။ အဲဒီကနေ နောက်ထပ် ငါးနှစ်မှာ ၁၂ ဘီလျံလောက် တိုးပြီးမှန်းထား တယ်။ အဲဒီကနေ ၂၀၃၅-၂၀၃၆ အထိကို ၁၇ ဘီလျံလောက်အထိ တိုးမှန်းထားတယ်။ နှစ်စဉ်အလိုက် တိုးတက်လာဖို့ပါ” ဟု ဦးသန်းအောင်ကျော်က ပြောကြားသည်။

လက်ရှိအချိန်အထိ မြန်မာနိုင်ငံသို့ နိုင်ငံခြားရင်းနှီးမြှုပ်နှံမှုပမာဏ ဒေါ်လာ ၁ ဒသမ ၁၃၇ ဘီလျံကျော်အထိ ၀င်ရောက်ထားသော်လည်း ယခင်နှစ်ကာလတူတွင် ၀င်ရောက်ခဲ့သည့် နိုင်ငံခြား ရင်းနှီးမြှုပ်နှံမှုထက် ဒေါ်လာ ၂ ဒသမ ၅ ဘီလျံကျော် လျော့နည်းနေကြောင်း MIC မှ သိရသည်။

ပိတ်သိမ်းမည်ဟု သတင်းထွက်နေသည့် စက်ရုံ ၁၄ ရုံတွင် ခုနစ်ရုံမှာ MIC ခွင့်ပြုလုပ်ငန်းဖြစ်ပြီး စက်ရုံနှစ်ရုံသာ အမှန်တကယ်ပိတ်သိမ်းခြင်းဖြစ်ကြောင်း DICA ဒုညွှန်ချုပ် ပြောကြား

သတင်းများ ထွက်ပေါ်နေသည့် ပိတ်သိမ်းမည်ဆိုသော စက်ရုံပေါင်း ၁၄ ခုတွင် ခုနစ်ခုသာ MIC ခွင့်ပြုလုပ်ငန်းဖြစ်ပြီး ယင်းစက်ရုံ ခုနစ်ခုအနက် နှစ်ခုသာ အမှန်တကယ် ပိတ်သိမ်းခြင်းဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန (DICA) မှ ဒုတိယညွှန်ကြာရေးမှူးချုပ် ဦးသန်းအောင်ကျော်က ပြောကြားသည်။

“ဒီ ၁၄ ခုကိစ္စပေါ့နော် ကျွန်တော်တို့လည်း အားလုံးမေးပြီး စိစစ်ထားတယ်။ ဒီ ၁၄ ခုမှာ ပိတ်သိမ်းတယ်ဆိုတာ စိစစ်တဲ့အခါမှာ အဲမှာ ကော်မရှင် (MIC) ခွင်ြ့ပုလုပ်ငန်းက ခုနစ်ခုပါတယ်။ လုံးဝဖျက်သိမ်းမယ်ဆိုပြီးတော့ မကိုက်လို့မလုပ်တော့ဘူးဆိုပြီးတော့ ကော်မရှင်ကို ပြန်အပ်တာ ဥပဒေနဲ့အညီ ပြန်အပ်နှံတာ နှစ်ခုရှိတယ်” ဟု ဦးသန်းအောင်ကျော်က ပြောကြားသည်။

လုံးဝပိတ်သိမ်းပြီး ဥပဒေနှင့်အညီ ပြန်လည်အပ်ထားသည့် ကုမ္ပဏီနှစ်ခုမှာ Chamzon Apparel Manufactyring Co.,Ltd နှင့်  Success Time International Co.,Ltd တို့ဖြစ်သည်။

မြေနေရာ အကျယ်အ၀န်းအခက်အခဲကြောင့် လက်ရှိလုပ်ကိုင်နေသည့် စက်မှုဇုန်အတွင်းကနေ ပြောင်းရွှေ့ကာ အခြားနေရာတွင် ဆက်လက်လုပ်ကိုင်နေသော ကုမ္ပဏီ ကုမ္ပဏီတစ်ခုရှိကြောင်း ယင်းကုမ္ပဏီမှာ United Beauty Palace Myanmar Co.,Ltd  ဖြစ်သည်။

“နောက်တစ်ခုကတော့ ဒီနေရာမှာ လုပ်ရတာ ကျပ်တယ်။ နေရာပေါင်းတာ။ စက်မှုဇုန်မှာကတော့ ပြောင်းသွားတော့ ပိတ်တာဖြစ်တာ။ ဒီကိုတင်တယ်။ ဒီကခွင့်ပြုချက်နဲ့ ပြောင်းသွားတာ” ဟု ဦးသန်းအောင်ကျော်က ပြောကြားသည်။

ယခင်ကပင် ကော်မရှင်၏ ခွင့်ပြုမိန့်ကို နှစ်ခုရယူထားပြီး အော်ဒါအမှာစာရရှိမှု အခက်အခဲကြောင့် ရန်ကုန်ခွင့်ပြုမိန့်အား အပ်နှံပြီး စက်ပစ္စည်းများအား ပုသိမ်စက်ရုံသို့ ရွှေ့ပြောင်း၍ ဆက်လက်ဆောင်ရွက်သွားမည့် ကုမ္ပဏီဖြစ်သည်။ ယင်းကုမ္ပဏီမှာ North Shore Group Co.,Ltd ဖြစ်သည်။

“နောက်နှစ်ခုကတော့ ကော်မရှင်ခွင့်ပြုမိန့် ရန်ကုန်ကနေ ပုသိမ်ကို ပြောင်းတာတစ်ခုရှိတယ်။ သူကနှစ်ခုယူထားတာ အရင်ကထဲက ရန်ကုန်တစ်ခု ပုသိမ်တစ်ခု ရန်ကုန်ကဟာက စက်ရုံကဟောင်းနေတယ် သူက နိုင်ငံတကာအော်ဒါကို ချုပ်တဲ့အခါမှာ စာရင်းစစ်ကိုလွှတ်တယ် အရည်အသွေး မှန် မမှန် စက်ရုံရဲ့ အခင်းအကျင်း အလုပ်သမား စက်ရုံရဲ့ သန့်ရှင်းမှု pass မဖြစ်ဘူး။ သုံးနှစ်လောက်ကြာတဲ့အခါမှာ အော်ဒါရဖို့ မသေချာတဲ့အတွက် ပုသိမ်ကိုပြောင်းတာ ပုသိမ်ကို pass ပေးတာ ဟိုဘက်က ပုသိမ်ဘက်ကို ပြောင်းတာ” ဟု ဦးသန်းအောင်ကျော်က ပြောကြားသည်။

ပိတ်သိမ်းခြင်းလုံးဝမရှိဘဲ လုပ်ငန်းလည်ပတ်နေသည့် ကုမ္ပဏီနှစ်ခုရှိပြီး ယင်းကုမ္ပဏီများမှာ Popular International Garment Manufacturing Co.,Ltd နှင့် United Knitting (Myanmar) C0.,Ltd တို့ဖြစ်သည်။

ပုလဲအထည်ချုပ် ကုမ္ပလီမိတက်အနေဖြင့် ပိတ်သိမ်းရန် ခွင့်ပြုမိန့်ပြန်လည် အပ်နှံခွင့်တင်ပြမည်ဖြစ်ကြောင်း ရင်းနှီးမြှုပ်နှံမှု ကော်မရှင်သို့ အကြောင်းကြားထားခြင်းဖြစ်ကြောင်း သိရသည်။

“ကျွန်တော်ပြောချင်တာ ခုနစ်ခုမှာ နှစ်ခုက တကယ်ပဲပိတ်တယ် ပြန်အပ်တယ်။ နောက်တစ်ခုကတော့ ကျယ်တဲ့နေရာကို ရွှေ့တယ်။ နောက်တစ်ခုက စက်ရုံနှစ်ခုထောင်ပြီးတော့ တစ်ခုကို ပိတ်ပြီးတော့ ပုသိမ်ကို ရွှေ့သွားတာက တစ်ခုလုံးဝမပိတ်ဘဲလည်နေတာက နှစ်ခု၊ ပြန်လည်အမိန့်အပ်နှံမယ်ဆိုပြီးတော့ တင်ပြထားတာက တစ်ခုဖြစ်ပါတယ်” ဟု ဦးသန်းအောင်ကျော်က ပြောကြားသည်။

 

သြဂုတ် ၁ ရက်မှစတင်၍ ရန်ကုန်စတော့အိတ်ချိန်းတွင် နိုင်ငံခြားသားများ ရှယ်ယာဝယ်ယူနိုင်မည်ဟု MIC အတွင်းရေးမှူး ပြောကြား

မြန်မာနိုင်ငံကုမ္ပဏီများဥပဒေ ၂၀၁၇ နှင့် ကုမ္ပဏီဆိုင်ရာ လုပ်ထုံးလုပ်နည်းရှင်းလင်းပွဲကို တွေ့ရစဉ် (ဓာတ်ပုံ-ဇေယျာငြိမ်း)

လာမည့် သြဂုတ် ၁ ရက်မှ စတင်၍ ရန်ကုန်စတော့အိတ်ချိန်းတွင် နိုင်ငံခြားသားများ အစုရှယ်ယာများ ၀ယ်ယူနိုင်ပြီဖြစ်ကြောင်း ဇူလိုင် ၂၃ ရက်က UMFCCI တွင်ပြုလုပ်သည့် မြန်မာနိုင်ငံကုမ္ပဏီများ ဥပဒေ ၂၀၁၇ နှင့်ကုမ္ပဏီဆိုင်ရာ လုပ်ထုံးလုပ်နည်းရှင်းလင်းပွဲတွင် ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှူးဦးစီးဌာနမှ ညွှန်ကြားရေးမှူးချုပ်နှင့် မြန်မာနိုင်ငံရင်းနှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးက ပြောကြားသည်။

“ဥပဒေအသစ်ပြဋ္ဌာန်းခြင်းနဲ့အတူ အခုဘာဆက်လုပ်မလဲဆိုတော့ အရင်ဥပဒေမှာပါတဲ့ ကန့်သက်ချက်တွေကို ပယ်ဖျက်လိုက်ပါပြီ။ အခုတော့ စတော့အိတ်ချိန်းမှာလည်း နိုင်ငံခြားသားတွေ ရှယ်ယာဝယ်လို့ရပါမယ်”ဟု ဦးအောင်နိုင်ဦးက ပြောကြားသည်။

မြန်မာနိုင်ငံကုမ္ပဏီများ ဥပဒေအဟောင်းသည် ဗြိတိသျှလက်ထက် ၁၉၁၄ ခုနှစ်က ရေးဆွဲထားခဲ့ခြင်းဖြစ်ပြီး အဆိုပါ ဥပဒေအဟောင်း၌ နိုင်ငံခြားသား၏ အစုရှယ်ယာ တစ်ရာခိုင်နှုန်းပါသည့် ကုမ္ပဏီကို နိုင်ငံခြား သားကုမ္ပဏီအဖြစ် သတ်မှတ်ထားသည်။

လက်ရှိပြင်ဆင်ထားသည့် မြန်မာနိုင်ငံ ကုမ္ပဏီများ ဥပဒေအသစ်တွင်မူ ပြည်တွင်းကုမ္ပဏီများ၌ နိုင်ငံခြားသားပိုင်ဆိုင်မှုကို ၃၅ ရာခိုင်နှုန်းအထိ ပိုင်ဆိုင်ခွင့်ကို ခွင့်ပြုပေးထားကြောင်း ဦးအောင်နိုင်ဦးက ပြောကြားသည်။

အဆိုပါ မြန်မာနိုင်ငံကုမ္ပဏီများ ဥပဒေအသစ်သည် လာမည့် သြဂုတ် ၁ ရက်တွင် စတင်အသက်ဝင်မည်ဖြစ်ပြီး စတင်အသက် ၀င်သည့်အချိန်က စတင်ကာ နိုင်ငံခြားသား များအနေဖြင့် ရန်ကုန်စတော့ အိတ်ချိန်းရှိ ပြည်တွင်းကုမ္ပဏီများ၏ အစုရှယ်ယာများကို စတင်ဝယ်ယူနိုင်မည်ဖြစ်ကြောင်း ဦးအောင်နိုင်ဦးက ပြောကြားသည်။

သို့သော်လည်း နိုင်ငံခြားသားများအနေဖြင့် အစုရှယ်ယာဝယ်ယူရာတွင် မိမိဝယ်ယူမည့် ကုမ္ပဏီပိုင်ရှယ်ယာများ၏ ၃၅ ရာခိုင်နှုန်း အထိသာ ၀ယ်ယူနိုင်မည်ဖြစ်ကြောင်း သိရသည်။

ထို့ပြင် နိုင်ငံခြားသား ၃၅ ရာခိုင်နှုန်း ပိုင်ဆိုင်ထားသည့် ကုမ္ပဏီများအနေဖြင့် ကုန်သွယ်မှုလုပ်ငန်းများဆောင်ရွက်နိုင်ပြီး အာမခံလုပ်ငန်းများတွင်လည်း နိုင်ငံခြားသားများအနေဖြင့် ၃၅ ရာခိုင်နှုန်းအထိ ပါဝင်လုပ်ကိုင် နိုင်မည်ဖြစ်ကြောင်းနှင့် တိုက်ခန်းများ ရုံးခန်း များကိုလည်း ၀ယ်ယူနိုင်မည်ဖြစ်ကြောင်း ဦးအောင်နိုင်ဦးက ပြောကြားသည်။

ဝင်ရောက်လာသော နိုင်ငံခြားရင်းနှီးမြှုပ်နှံမှုကို လက်ခံရုံသာမက နာမည်ကောင်းဖြင့် ထင်ရှားသည့် နိုင်ငံတကာလုပ်ငန်းများလာရောက်ရန် ရွေးချယ်ခေါ်ယူမည်ဟု MIC ဥက္ကဋ္ဌ ဦးသောင်းထွန်း ပြောကြား

သီလ၀ါ အထူးစီးပွားရေးဇုန်စီမံကိန်းရှိ နိုင်ငံခြားရင်းနှီးမြှုပ်နှံမှု လုပ်ငန်းအချို့ကို တွေ့ရစဉ် (ဓာတ်ပုံ-စည်သူအောင်)

ဝင်ရောက်လာသော နိုင်ငံခြားရင်းနှီးမြှုပ်နှံမှုကို လက်ခံရုံသာမက နာမည်ကောင်းဖြင့် ထင်ရှားကျော်ကြားသည့် နိုင်ငံတကာလုပ်ငန်းများ မြန်မာနိုင်ငံတွင် ရင်းနှီးမြှုပ်နှံရန် ရွေးချယ်ခေါ်ယူသွားမည်ဟု မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) ဥက္ကဋ္ဌ ဦးသောင်းထွန်းက အစိုးရပိုင်သတင်းစာနှင့်ပြုလုပ်သော အင်တာဗျူးတွင် ထည့်သွင်းပြောကြားသည်။

ပိုမိုကောင်းမွန်သည့် ရင်းနှီးမြှုပ်နှံမှု ပတ်ဝန်းကျင်ရရှိရန် ဥပဒေစည်းမျဉ်းပိုင်းတွင် ပြုပြင်ပြောင်းလဲမှုများ ပြုလုပ်သကဲ့သို့ လိုအပ်သော လုပ်ထုံးလုပ်နည်း၊ အဖွဲ့အစည်းပိုင်း ပြု ပြင်ပြောင်းလဲမှုများ ဆက်လုပ်သွားမည်ဖြစ်သည်ဟု ၎င်းက ဆိုသည်။

“MIC ကိုလည်း စီမံခန့်ခွဲမှု ပုံစံသစ်နဲ့  ဆောင်ရွက်သွားပါမယ်။ MIC အနေနဲ့ ပိုပြီး အရည်အချင်းပြည့်ဝစွာနဲ့ ကြိုးပမ်းဆောင်ရွက်မှာဖြစ်သလို လုပ်ငန်းတွေကို ပွင့်လင်းမြင်သာမှုရှိစွာ ဆောင်ရွက်သွားပါမယ်။ ပွင့်လင်း မြင့်သာမှု (transparency) ကတော့ အခု ဒီမိုကရေစီအစိုးရလက်ထက်မှာ အရေးကြီးဆုံးပါပဲ။ ကိုယ့်ဆီလာတဲ့ရင်းနှီးမြှုပ်နှံမှုကို လက်ခံရုံတင်မက နိုင်ငံတကာမှာ နာမည်ကောင်းနဲ့ ထင်ရှားတဲ့ လုပ်ငန်းကြီးတွေ ကိုယ့် နိုင်ငံကို လာရောက်ရင်းနှီးမြှုပ်နှံဖို့ ရွေးချယ် ခေါ်ယူသွားမယ့် proactive approach နဲ့လည်း ဆောင်ရွက်သွားမှာဖြစ်ပါတယ်” ဟု ဦးသောင်းထွန်းက ပြောကြားသည်။

တစ်ဖက်တွင်လည်း မြန်မာနိုင်ငံ၏ ရင်းနှီးမြှုပ်နှံမှု အခွင့်အလမ်းများ၊ အားသာချက်များကို ပြည်ပရင်းနှီးမြှုပ်နှံသူများ ပိုမိုသိရှိနားလည်အောင် နိုင်ငံတကာတွင် ထိတွေ့ကြိုးပမ်းဆောင်ရွက်သွားမည်ဖြစ်ပြီး မြန်မာပြည်သူများနှင့် မြန်မာနိုင်ငံအတွက် ဘေးထွက်ဆိုးကျိုး နည်းစေမည့်၊ ဘေးထွက်ဆိုးကျိုးဖြစ်ပေါ်မှုများကို တာဝန်သိစွာဆောင်ရွက်သည့် ရင်းနှီးမြှုပ်နှံမှုမျိုး responsible investment ၀င်ရောက်လာစေရန် ကြိုးစားသွားမည်ဟု ၎င်းက ဆိုသည်။

“MIC အနေနဲ့ ရင်းနှီးမြှုပ်နှံမှုတွေ ဒီထက် စီးဝင်စေဖို့ ပြုပြင်ပြောင်းလဲမှုလုပ်ငန်းစဉ်ကို အရှိန်မြှင့်ဆောင်ရွက်သလို ဒီပြုပြင် ပြောင်းလဲမှုတွေအပေါ်မှာ ရင်းနှီးမြှုပ်နှံသူတွေရဲ့ ယုံကြည်မှု ဆတက်ထမ်းပိုး တိုးတက်အောင် ကြိုးစားသွားပါမယ်။ ရင်းနှီးမြှုပ်နှံသူတွေရဲ့ confidence နဲ့ trust မရှိဘဲ ရင်းနှီး  မြှုပ်နှံမှု တိုးတက်လာမှာ မဟုတ်ဘူး။ လက်ရှိ ကျင့်သုံးနေတဲ့လုပ်ထုံးလုပ်နည်းတွေမှာ မလိုအပ်ဘဲ နှောင့်နှေးကြန့်ကြာနေတဲ့ အဆင့်တွေကို  အမြန်ဆုံးရှာဖွေ ဖော်ထုတ်ပြုပြင်သွားမှာ ဖြစ်ပါတယ်။ လုပ်ငန်းတွေ ပိုမိုလျင်မြန်လွယ် ကူစွာဆောင်ရွက်နိုင်ဖို့ ပိုမိုညှိနှိုင်းဆောင်ရွက်သွားမယ်” ဟု  ဦးသောင်းထွန်းက ဆိုသည်။

MIC ဥက္ကဋ္ဌသစ်လက်ထက် စီးပွားရေးလုပ်ငန်းများအတွက် မလိုအပ်သည့်အဆင့်များလျှော့ချကာ ရင်းနှီးမြှုပ်နှံမှုများ ဆောင်ရွက်ခွင့်ပြုမည်

MIC ဥက္ကဋ္ဌသစ် လက်ထက်တွင် စီးပွားရေးလုပ်ငန်းများအား ကန့်သတ်ချက်အနည်းဆုံး ဖြစ်စေရေးနှင့် မလိုအပ်သည့်အဆင့်များ လျှော့ချကာ ရင်းနှီးမြှုပ်နှံမှုများ ဆောင်ရွက်ခွင့်ပြုမည်ဖြစ်ကြောင်း ဇွန်၂၅ ရက်က ရန်ကုန်မြို့ရှိ ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာနတွင် ကျင်းပသည့် သတင်းစာရှင်းလင်းပွဲမှ သိရသည်။

“ရှေ့လျှောက်မှာလည်း လုပ်ငန်းတွေကို မြန်သထက်မြန်အောင် မလိုလားအပ်တဲ့ အဆင့်တွေ လျှော့ချပြီး ပိုပြီးမြန်ဆန်သွက်လက်လာအောင် ဆောင်ရွက်သွားမှာ ဖြစ်ပါတယ်။ နောက်တစ်ခုက စီးပွားရေးလုပ်ငန်း တွေနဲ့ပတ်သက်ပြီး ကန့်သတ်ချက်များ နည်းနိုင်သမျှနည်းအောင် လုပ်ထုံးလုပ်နည်းတွေမှာလည်း လွယ်သထက်လွယ်အောင် ရှင်းသထက်ရှင်းအောင် ဆက်လက်ပြီး ဥပဒေအရ ခွင့်ပြုထားသည့်ဘောင်အတွင်းမှ ဆောင်ရွက်ပေးသွားမှာ ဖြစ်ပါတယ်” ဟု မြန်မာနိုင်ငံရင်း နှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးက ပြောကြားသည်။

မြန်မာနိုင်ငံ ရင်းနှီးမြှုပ်နှံမှုကော်မရှင်၊ဥက္ကဋ္ဌသစ်အဖြစ် ပြည်ထောင်စုအစိုးရအဖွဲ့ ရုံးဝန်ကြီးဌာန၊ ပြည်ထောင်စုဝန်ကြီး ဦးသောင်းထွန်းမှ ဆောင်ရွက်ပြီး  စီမံကိန်းနှင့် ဘဏ္ဍာရေးဝန်ကြီးဌာနမှ ဒုတိယ၀န်ကြီး ဦးဆက်အောင်ကို အဖွဲ့ဝင်အဖြစ် ထပ်မံဖြည့်စွက်ကာ ပြင်ဆင်ဖွဲ့စည်းခဲ့ခြင်း ဖြစ်သည်။

“ဥက္ကဋ္ဌသစ်အနေနဲ့ ပြီးခဲ့တဲ့သောကြာနေ့မှာ ရန်ကုန်မှာ Melia Hotel မှာ သြစတြေးလျကုန်သည်ကြီးများအသင်း၊ အမေရိကန် ကုန်သည်ကြီးများအသင်း၊ ဗြိတိသျှကုန်သည်ကြီးများအသင်း၊ ဥရောပကုန်သည်ကြီးများ အသင်းစသည့် အသင်းလေးခုမှ ခေါင်းဆောင်ပိုင်းတွေနဲ့ တွေ့ဆုံပြီး MIC ရှေ့ဆက်ဆောင်ရွက်မယ့် လုပ်ငန်းစဉ်များကိုလည်း အသေးစိတ် ရှင်းလင်းဆွေးနွေးပြီး ဖြစ်ပါတယ်” ဟု ဦးအောင်နိုင်ဦးက ဆိုသည်။

“MIC  အနေနဲ့ ခေါင်းပိုင်းအပြောင်းအလဲလုပ်ပြီးတော့ ပြင်ဆင်ဖွဲ့စည်းထားတာ ဖြစ်ပါတယ်။ အဲဒီတော့ ကျွန်တော်တို့ ဆက်လုပ်သွားမယ့် လုပ်ငန်းစဉ်တွေထဲမှာ ပထမဆုံး တစ်ချက်က လုပ်ငန်းစဉ်တွေ ပိုပြီးမြန်မြန်ဆန်ဆန်ဖြစ်အောင် ဆောင်ရွက်သွားမှာ ဖြစ်ပါတယ်” ဟု ဦးအောင်နိုင်ဦးက ပြောကြားသည်။

ဥပဒေအရ အဆိုပြုလွှာတစ်ခုကို နိုင်ငံခြားသားဖြစ်စေ၊ နိုင်ငံသားဖြစ်စေ MIC  သို့ တင်ပြလာပါက အဆိုပြုလွှာစတင်လက်ခံသည့် ရက်မှစတင်ပြီး ရက်ပေါင်း ၆၀ အတွင်း အစည်းအဝေးတင်ကာ အဆုံးအဖြတ်ပေးရခြင်းဖြစ်ကြောင်း၊ အဆိုပါအစည်းအဝေးမှ သဘောတူကြောင်းဆုံးဖြတ်ပါက ယင်းရက်မှ ၁၀ ရက်အတွင်း ခွင့်ပြုမိန့်များအား လုပ်ငန်းရှင်များသို့ ထုတ်ပေးရကြောင်း သိရသည်။

အတည်ပြုလွှာများနှင့်ပတ်သက်၍မူ အတည်ပြုလွှာတင်ပြပြီး ရက်ပေါင်း ၃၀ အတွင်း အပြီးစိစစ်ပေးရကြောင်း၊ သဘောတူကြောင်း ဆုံးဖြတ်ပြီးပါက ဆုံးဖြတ်သည့်ရက်မှ ၁၀ ရက်အတွင်း အတည်ပြုမိန့်များ ထုတ်ပေးလေ့ရှိကြောင်း သိရသည်။

လက်ရှိတွင်မူ MIC ဥက္ကဋ္ဌသစ်၏ လမ်းညွှန်ချက်အရ အဆိုပြုလွှာများကို ရက်ပေါင်း ၆၀ သတ်မှတ်ထားသော်လည်း ရက် ၆၀ ထက် ပိုမြန်အောင် ဆောင်ရွက်သွားမည်ဖြစ်ကြောင်း၊ အလားတူ အတည်ပြုလွှာထုတ်ပေးသည့် လုပ်ငန်းများကိုလည်း ရက်ပေါင်း ၃၀ သတ်မှတ်ထားသော်လည်း ရက် ၃၀ ထက် စောလျင်စွာထုတ်ပေးနိုင်ရေး ဆောင်ရွက်သွားမည်ဖြစ်ကြောင်း မြန်မာနိုင်ငံရင်းနှီးမြှုပ်နှံမှု ကော်မရှင်အတွင်းရေးမှူး ဦးအောင်နိုင်ဦးက ပြောကြားသည်။

ယင်းကဲ့သို့ လုပ်ဆောင်ပေးနိုင်ရန်အတွက် မြန်မာနိုင်ငံရင်းနှီးမြှုပ်နှံမှု ကော်မရှင် အစည်းအဝေးများကို တစ်လတစ်ကြိမ်သာ ကျင်းပနေရာမှ လာမည့်ဇူလိုင်လမှစတင်ပြီး တစ်လလျှင် နှစ်ကြိမ်စီကျင်းပကာ တင်ပြလာမည့် အဆိုပြုလွှာ၊အတည်ပြုလွှာများကို လျင်မြန်စွာစိစစ်ပြီး ထုတ်ပေးမည်ဖြစ်ကြောင်း၊ ခွင့်ပြုမိန့်၊ အတည်ပြုမိန့်ထုတ်ပေးရန် သဘောတူညီပြီးနောက်တွင်လည်း ၁၀ ရက် အချိန်မယူတော့ဘဲ အမြန်ဆုံး ထုတ်ပေးသွားမည်ဖြစ်ကြောင်း ၎င်းက ဆိုသည်။

မြန်မာနိုင်ငံရင်းနှီးမြှုပ်နှံမှုကော်မရှင် ဥက္ကဋ္ဌ ရွေးချယ်ခန့်အပ်ရာတွင်  ဥပဒေအရ စီမံကိန်းနှင့်ဘဏ္ဍာရေးဝန်ကြီးသာ ခန့်အပ်ရမည်ဟု ပြဋ္ဌာန်းထားခြင်းမရှိကြောင်းနှင့် နိုင်ငံတော်သမ္မတမှ တိုက်ရိုက်ရွေးချယ်ခန့်အပ်၍ရကြောင်း သိရသည်။

MIC ဥက္ကဋ္ဌသစ် ဦးသောင်းထွန်း တာဝန်ယူပြီးနောက် ပြည်တွင်းပြည်ပ ရင်းနှီးမြှုပ်နှံမှုများ စတင်ခွင့်ပြုခဲ့ပြီး ခုတင် ၅၀၀ ဆံ့ ပုဂ္ဂလိကဆေးရုံ ၀န်ဆောင်မှု လုပ်ငန်းများနှင့် မြေသြဇာအမျိုးမျိုး ထုတ်လုပ်ရောင်းချခြင်း အပါအ၀င် ခွင့်ပြုမိန့်၊ အတည်ပြုမိန့်ရှစ်ခု ခွင့်ပြု

မြန်မာနိုင်ငံ ရင်းနှီးမြှုပ်နှံမှုကော်မရှင် ဥက္ကဋ္ဌသစ်အဖြစ် ပြည်ထောင်စု အစိုးရအဖွဲ့ရုံး ၀န်ကြီးဌာန ပြည်ထောင်စုဝန်ကြီး ဦးသောင်းထွန်း တာဝန်ယူပြီးနောက် ပြည်တွင်းပြည်ပ ရင်းနှီးမြှုပ်နှံမှုများ စတင်ခွင့်ပြုခဲ့ရာ ခုတင် ၅၀၀ ဆံ့ ပုဂ္ဂလိကဆေးရုံ ၀န်ဆောင်မှု လုပ်ငန်းများနှင့် မြေသြဇာအမျိုးမျိုး ထုတ်လုပ်ရောင်းချခြင်း အပါအ၀င် ခွင့်ပြုမိန့်၊ အတည်ပြုမိန့် ရှစ်ခုအား ခွင့်ပြုပေးခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ သိရသည်။

မြန်မာနိုင်ငံ ရင်းနှီးမြှုပ်နှံမှုဥပဒေနှင့်အညီ တင်ပြလာသည့် အဆိုပြုချက်များအပေါ် ဆွေးနွေးစိစစ်မှုပြုရန်အတွက် မြန်မာနိုင်ငံ ရင်းနှီးမြှုပ်နှံမှု ကော်မရှင်၏ (၈/၂၀၁၈)ကြိမ်မြောက် အစည်းအဝေးကို ဇွန် ၂၂ ရက်တွင် ရန်ကုန်မြို့၌ ကျင်းပခဲ့သည်။

အဆိုပါ အစည်းအဝေးတွင် ရင်းနှီးမြှုပ်နှံသူက တင်ပြလာသော ခွင့်ပြုမိန့်နှင့် အတည်ပြုမိန့် လျှောက်ထားလွှာများအား စိစစ်ခြင်း၊ မြန်မာနိုင်ငံ ရင်းနှီးမြှုပ်နှံမှုကော်မရှင် ခွင့်ပြုမိန့် ရရှိပြီးသော ကုမ္ပဏီများမှ တင်ပြလာသည့် အထွေထွေ ကိစ္စရပ်များနှင့် စပ်လျဉ်း၍ ဆွေးနွေးခြင်းတို့ကို ဆောင်ရွက်ခဲ့ကြသည်။

အဆိုပါ အစည်းအဝေးတွင် မကွေးတိုင်းဒေသကြီး မကွေးမြို့နယ်အတွင်း Boe Myanmar Co.,Ltd က ဖက်စပ်နိုင်ငံခြား ရင်းနှီးမြှုပ်နှံမှုဖြင့် ခုတင် ၅၀၀ ဆံ့ ပုဂ္ဂလိကဆေးရုံ ၀န်ဆောင်မှုလုပ်ငန်း၊ မန္တလေးတိုင်းဒေသကြီး၊ ချမ်းအေးသာစံမြို့နယ်အတွင်း ဂရန်းမန္တလေး ကုမ္ပဏီလီမိတက်မှ နိုင်ငံသား ရင်းနှီးမြှုပ်နှံမှုဖြင့် ပုဂ္ဂလိကဆေးရုံ ၀န်ဆောင်မှုလုပ်ငန်းကို လည်းကောင်း၊ ရန်ကုန်တိုင်းဒေသကြီး သာကေတမြို့နယ်အတွင်း FLP Tharkayta Co.,Ltd က ရုံးခန်းနှင့် ကုန်သိုလှောင်ရုံ တည်ဆောက်ပြုပြင်ခြင်း၊ ငှားရမ်းခြင်းနှင့် စီမံခန့်ခွဲခြင်း လုပ်ငန်းကို ရာနှုန်းပြည့် နိုင်ငံခြားရင်းနှီးမြှုပ်နှံမှုဖြင့် လည်းကောင်း၊ မြောင်းတကာ သံမဏိ စက်မှုဇုန်တွင် ကြေးအိုးကြီးပက်ထရို လီယမ်ပရိုဒိတ် ကုမ္ပဏီလီမိတက်က မြန်မာနိုင်ငံသား ရင်းနှီးမြှုပ်နှံမှုဖြင့် အင်ဂျင်ဝိုင် ရောစပ်ထုတ်လုပ်၍ ဖြန့်ဖြူးရောင်းချခြင်း လုပ်ငန်းကိုလည်းကောင်း အတည်ပြုပေးခဲ့သည်။

ရန်ကုန်တိုင်းဒေသကြီး လှည်းကူးမြို့နယ်အတွင်း Summit SPA Motors Limitd က Container Boxes တပ်ဆင်ထုတ်လုပ် ရောင်းချခြင်း လုပ်ငန်းကို ဖက်စပ်နိုင်ငံခြား ရင်းနှီးမြှုပ်နှံမှုဖြင့် လည်းကောင်း၊ စစ်ကိုင်းတိုင်းဒေသကြီး စစ်ကိုင်းမြို့နယ်အတွင်း Great Wall-Zhong Neng Company Limited က ဖက်စပ် နိုင်ငံခြား ရင်းနှီးမြှုပ်နှံမှုဖြင့် သြဂဲနစ်မြေသြဇာနှင့် မြေသြဇာအမျိုးမျိုး ထုတ်လုပ်ရောင်းချခြင်း လုပ်ငန်းကို လည်းကောင်း၊ ရန်ကုန်တိုင်းဒေသကြီး မှော်ဘီမြို့နယ်အတွင်း Khin Maung Nyunt Steel Products & Galvanizing Company Limited က ဖက်စပ် နိုင်ငံခြားရင်းနှီးမြှုပ်နှံမှုဖြင့် သွပ်ရည်စိမ်ထုတ်ကုန်များ ထုတ်လုပ်ရောင်းချခြင်း နှင့် ဖြန့်ဖြူးရောင်းချခြင်း လုပ်ငန်းကို လည်းကောင်း၊ မကွေးတိုင်းဒေသကြီးအတွင်း Myanmar Electrical Business Group Public Company Limited က နိုင်ငံသား ရင်းနှီးမြှုပ်နှံမှုဖြင့် လျှပ်စစ်သွယ်တန်းရာတွင် အသုံးပြုသော ကြွေသီး၊ ပိုလီမာ လျှပ်စစ်ကာ ပစ္စည်းများ၊ ဗို့အားမြှင့်လိုင်း ကာကွယ်ခြင်းနှင့် ထိန်းချုပ်ခြင်းဆိုင်ရာ မိန်းခလုတ်များ ထုတ်လုပ်ဖြန့်ဖြူး ရောင်းချခြင်း လုပ်ငန်းကိုလည်း အသီးသီး လုပ်ကိုင်ရန် ခွင့်ပြုပေးခဲ့သည်။

ပြည်ထောင်စု အစိုးရအဖွဲ့သည် ၂၀၁၈ ခုနှစ် ဇွန် ၅ ရက်စွဲပါ အမိန့်ကြော်ငြာစာအမှတ် ၅၉/၂၀၁၈ ဖြင့် မြန်မာနိုင်ငံ ရင်းနှီးမြှုပ်နှံမှုကော်မရှင်ကို ပြည်ထောင်စု အစိုးရအဖွဲ့ရုံး ၀န်ကြီးဌာန ပြည်ထောင်စုဝန်ကြီး ဦးသောင်းထွန်းအား ဥက္ကဋ္ဌအဖြစ် ပြင်ဆင်ဖွဲ့စည်းလိုက်သည်။

MIC ခွင့်ပြုလုပ်ငန်းများမှ နှစ်စဉ် ပို့ကုန်တန်ဖိုး ၅၅ ရာခိုင်နှုန်းကျော် ပါဝင်သော်လည်း ၂၀၁၇-၂၀၁၈ ဘဏ္ဍာနှစ်က ရေနံနှင့် သဘာဝဓာတ်ငွေ့တင်ပို့မှု ကျဆင်းခြင်းကြောင့် ၃၃ ရာခိုင်နှုန်းကျော်အထိ လျော့နည်းခဲ့

ရန်ကုန်မြို့ရှိ ဆိပ်ကမ်းတစ်ခုကို တွေ့ရစဉ် (ဓာတ်ပုံ-ကြည်နိုင်)

ပြည်ပပို့ကုန်ကဏ္ဍတွင် မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) က ခွင့်ပြုခဲ့သည့် ပြည်တွင်းပြည်ပ ရင်းနှီးမြှုပ်နှံမှု လုပ်ငန်းများမှ နှစ်စဉ် ပို့ကုန်တန်ဖိုး ၅၅ ရာခိုင်နှုန်းကျော် ပါဝင်သော်လည်း ၂၀၁၇-၂၀၁၈ ဘဏ္ဍာနှစ်က ရေနံနှင့် သဘာဝဓာတ်ငွေ့တင်ပို့မှု ကျဆင်းခဲ့ခြင်းကြောင့် ၃၃ ရာခိုင်နှုန်းကျော်အထိ လျော့နည်းသွားကြောင်း စီမံကိန်းနှင့် ဘဏ္ဍာရေး ၀န်ကြီးဌာနမှ သိရသည်။

ပြည်တွင်းပြည်ပ ရင်းနှီးမြှုပ်နှံမှု လုပ်ငန်းများ ဆောင်ရွက်ရာ၌ ကုန်စည်ထုတ်လုပ်မှုနှင့် ၀န်ဆောင်မှု လုပ်ငန်းများအား အဓိက ဆောင်ရွက်ပြီး ၎င်းလုပ်ငန်းများမှ ထွက်ရှိသော ကုန်စည်များအား ပြည်ပသို့ နှစ်စဉ် တင်ပို့လျက်ရှိပြီး ပြည်ပပို့ကုန် တင်ပို့မှုအပေါ် အထောက်အကူပြု လျက်ရှိကြောင်း သိရသည်။

စုစုပေါင်းပို့ကုန်တန်ဖိုး ရာခိုင်နှုန်း ၈၀ ကျော်တင်ပို့သည့် ပင်လယ်ရေကြောင်းပို့ကုန် တင်ပို့မှုအပေါ် မြန်မာနိုင်ငံ ရင်းနှီးမြှုပ်နှံမှုကော်မရှင်က ခွင့်ပြုသော လုပ်ငန်းများမှ တင်ပို့မှုတန်ဖိုးသည် ၂၀၁၁-၂၀၁၂ ဘဏ္ဍာနှစ်တွင် ၅၄ ဒသမ ၂၈ ရာခိုင် နှုန်း၊ ၂၀၁၂- ၂၀၁၃ ဘဏ္ဍာနှစ်တွင် ၅၉ ဒသမ ၉၇ ရာခိုင်နှုန်း၊ ၂၀၁၃-၂၀၁၄ ဘဏ္ဍာနှစ်တွင် ၆၂ ဒသမ ၇၄ ရာခိုင်နှုန်း၊၂၀၁၄-၂၀၁၅ ဘဏ္ဍာနှစ်တွင် ၆၆ ဒသမ ၅၅ ရာခိုင်နှုန်း၊ ၂၀၁၅-၂၀၁၆ ဘဏ္ဍာနှစ်တွင် ၄၆ ဒသမ ၀၂  ရာခိုင်နှုန်း၊၂၀၁၆- ၂၀၁၇ ဘဏ္ဍာနှစ်တွင် ၆၃ ဒသမ ၇၈ ရာခိုင် နှုန်း၊ ၂၀၁၇-၂၀၁၈ ဘဏ္ဍာနှစ်တွင် ၃၃ ဒသမ ၄၉ ရာခိုင်နှုန်း အသီးသီး ပါဝင်ပြီး ပျမ်းမျှ ၅၅ ရာခိုင်နှုန်း ပါဝင်ကြောင်း စီမံကိန်းနှင့် ဘဏ္ဍာရေး ၀န်ကြီးဌာနမှ သိရသည်။

၂၀၁၇-၂၀၁၈ ဘဏ္ဍာနှစ်တွင် ရေနံနှင့် သဘာဝဓာတ်ငွေ့တင်ပို့မှု ကျဆင်းခဲ့ခြင်းကြောင့် လျော့နည်းသွားခြင်း ဖြစ်ကြောင်း သိရသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ရရှိသော စာရင်းများအရ ၂၀၁၇- ၂၀၁၈ ဘဏ္ဍာနှစ်အတွင်း ပြည်ပသို့ သဘာဝဓာတ်ငွေ့ တင်ပို့မှုမှ ဒေါ်လာ ၃ ဒသမ ၃၇ ဘီလျံ ရရှိခဲ့ကြောင်း သိရသည်။

MIC ခွင့်ပြုခဲ့သည့် လုပ်ငန်းများမှ နှစ်အလိုက် ပင်လယ်ရေကြောင်း ပို့ကုန်တင်ပို့မှုတန်ဖိုး အခြေအနေသည် ၂၀၁၁-၂၀၁၂ ဘဏ္ဍာနှစ်တွင် ဒေါ်လာ ၇၂၀၇ ဒသမ ၁၁ သန်း၊ ၂၀၁၂-၂၀၁၃ ဘဏ္ဍာနှစ်တွင် ဒေါ်လာ ၆၈၄၃ ဒသမ ၀၄ သန်း၊ ၂၀၁၃-၂၀၁၄ ဘဏ္ဍာနှစ်တွင် ဒေါ် လာ ၈၄၄၂ ဒသမ ၇၆ သန်း၊ ၂၀၁၄-၂၀၁၅ ဘဏ္ဍာနှစ်တွင် ၇၂၂၄ ဒ သမ ၁၂ သန်း၊ ၂၀၁၅-၂၀၁၆ ဘဏ္ဍာနှစ် တွင် ၆၅၅၉ ဒသမ ၆၉ သန်း၊ ၂၀၁၆-၂၀၁၇ ဘဏ္ဍာနှစ်တွင် ၃၄၂၈ ဒသမ ၃၉ သန်း၊ ၂၀၁၇-၂၀၁၈ ဘဏ္ဍာနှစ် တွင် ၆၉၄၇ ဒသမ ၅၁ သန်း ပါဝင်ကြောင်း စီမံကိန်းနှင့် ဘဏ္ဍာရေး ၀န်ကြီးဌာနမှ ရရှိသော စာရင်းများအရ သိရသည်။

၂၀၁၈-၂၀၁၉ ဘဏ္ဍာနှစ်ကို လာမည့် အောက်တိုဘာမှ စတင်မည်ဖြစ်ရာ လက်ရှိ ကြားကာလ ခြောက်လအတွင်း မြန်မာနိုင်ငံ၏ ပြည်ပကုန်သွယ်မှု ပမာဏကို ဒေါ်လာ ၁၃ ဘီလျံခွဲရရှိရန် မျှော်မှန်းထားကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန ကုန်သွယ်ရေး ဦးစီးဌာနမှ ညွှန်ကြားရေးမှူးချုပ် ဦးရန်နိုင်ထွန်းက ပြောကြားသည်။

၂၀၁၇-၂၀၁၈ ဘဏ္ဍာနှစ်အတွင်း MIC က ခွင့်ပြုခဲ့သည့် ရင်းနှီးမြှုပ်နှံမှုပမာဏ ဒေါ်လာ ၆ ဒသမ ၁၁ ဘီလျံရှိပြီး အမှန်ဝင်ရောက်မှုမှာ ၄ ဒသမ ၃၄ ဘီလျံသာရှိကြောင်း ထုတ်ပြန်

၂၀၁၇-၂၀၁၈ ဘဏ္ဍာနှစ်အတွင်း မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) က ခွင့်ပြုခဲ့သည့် ရင်းနှီးမြှုပ်နှံမှုပမာဏ ဒေါ်လာ ၆ ဒသမ ၁၁ ဘီလျံရှိပြီး အမှန်ဝင်ရောက်မှုမှာ ၄ ဒသမ ၃၄ ဘီလျံဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ ထုတ်ပြန်လိုက်သည်။

၂၀၁၇-၂၀၁၈ ဘဏ္ဍာနှစ်၏ ၂၀၁၈ ခုနှစ် ဖေဖော်ဝါရီလအတွင်း ရင်းနှီးမြှုပ်နှံမှု တိုးမြှင့်ခြင်းအပါအ၀င် နိုင်ငံခြားရင်းနှီးမြှုပ်နှံမှု စုစုပေါင်းတန်ဖိုး ဒေါ်လာ ၃၄၇ ဒသမ ၆၁၆ သန်းနှင့် ၂၀၁၇-၂၀၁၈ ဘဏ္ဍာနှစ်၏ ၂၀၁၈ ခုနှစ် မတ်လအတွင်း ရင်းနှီးမြှုပ်နှံမှုတိုးမြှင့်ခြင်း အပါအ၀င် နိုင်ငံခြားရင်းနှီးမြှုပ်နှံမှု စုစုပေါင်းတန်ဖိုး ဒေါ်လာ ၄၀၉ ဒသမ ၁၄၆ သန်း ခွင့်ပြုဆောင်ရွက်ပေးနိုင်ခဲ့သည်။

၂၀၁၇-၂၀၁၈ ဘဏ္ဍာနှစ်၏ ၂၀၁၈ ခုနှစ် ဖေဖော်ဝါရီလအတွင်း မြန်မာနိုင်ငံသား ရင်းနှီးမြှုပ်နှံမှု စုစုပေါင်းတန်ဖိုး ကျပ် ၃၄၁၇၄၇ ဒသမ ၅၇၁ သန်းနှင့် ၂၀၁၇-၂၀၁၈ ဘဏ္ဍာနှစ်၏ ၂၀၁၈ ခုနှစ် မတ်လအတွင်း မြန်မာနိုင်ငံသား ရင်းနှီးမြှုပ်နှံမှု စုစုပေါင်း တန်ဖိုးကျပ် ၃၄၅၃၅၃ ဒသမ ၅၂၀ သန်း ခွင့်ပြုဆောင်ရွက်ပေးနိုင်ခဲ့ကြောင်း သိရသည်။

၂၀၁၇-၂၀၁၈ ဘဏ္ဍာနှစ်အတွင်း နိုင်ငံခြားရင်းနှီးမြှုပ်နှံမှုကဏ္ဍ ၁၂ ခုတွင် ရင်းနှီးမြှုပ်နှံမှုလုပ်ငန်း ၂၃၄ ခု အတွက် ရင်းနှီးမြှုပ်နှံမှု တိုးမြှင့်ခြင်းနှင့် သီလ၀ါအထူးစီးပွားရေးဇုန်တွင် ခွင့်ပြုခဲ့သော ရင်းနှီးမြှုပ်နှံမှုလုပ်ငန်းများ အပါအ၀င် စုစုပေါင်းပမာဏ ဒေါ်လာ ၆၁၁၉ ဒသမ ၉၉၆ သန်း ခွင့်ပြုခဲ့ကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်က ထုတ်ပြန်ထားသည်။

အလုပ်အကိုင် အခွင့်အလမ်းများစွာ ဖန်တီးပေးနိုင်သည့် စက်မှုကဏ္ဍတွင် လုပ်ငန်း ၁၄၉ ခုအတွက် ရင်းနှီးမြှုပ်နှံမှုပမာဏ ဒေါ်လာ ၂၁၀၀ ဒသမ ၃၉၅ သန်းအား အရေအတွက်အားဖြင့် အများဆုံးဝင်ရောက်ခဲ့ပြီး အိမ်ရာကဏ္ဍတွင် လုပ်ငန်းပေါင်း ၁၀ ခု၊ ရင်းနှီးမြှုပ်နှံမှုပမာဏ ဒေါ်လာသန်း ၁၂၆၉ ဒသမ ၉၇၇ ဖြင့် ဒုတိယအများဆုံး ၀င်ရောက်ခဲ့သည်။

မြန်မာနိုင်ငံ ရင်းနှီးမြှုပ်နှံမှုကော်မရှင်အနေဖြင့် ရင်းနှီးမြှုပ်နှံမှုလုပ်ငန်းများကို ခွင့်ပြုပေးရာတွင် လုပ်ငန်း၏ စီးပွားရေးတွက်ခြေကိုက်မှု၊ အလုပ်အကိုင်သစ်များ ဖန်တီးပေးနိုင်မှု၊ အမျိုးသားဝင်ငွေနှင့် အခွန်တိုးတက်ရရှိနိုင်မှု၊ ပြည်တွင်းပြည်ပ ဈေးကွက်အခြေအနေ၊ ပြည်တွင်းစားသုံးရန်လိုအပ်ချက်၊ နည်းပညာဆီလျော်မှု၊ တီထွင်ဆန်းသစ်မှု၊ နည်းပညာလွှဲပြောင်းရရှိမှု၊ ပတ်ဝန်းကျင်ထိခိုက်မှုနှင့် လူမှုရေးထိခိုက်မှု ထိန်းသိမ်းကာကွယ်ရေး ဆောင်ရွက်မှုအစီအမံများ၊ တာဝန်ယူမှုရှိသော ရင်းနှီးမြှုပ်နှံမှုဖြစ်ခြင်းနှင့် တည်ဆဲဥပဒေများကို လိုက်နာခြင်း စသည့်အချက်များကို အခြေခံ၍ စိစစ်ခြင်းဖြစ်ကြောင်း သိရသည်။

၂၀၁၇-၂၀၁၈ ဘဏ္ဍာနှစ်ကုန်အထိ မြန်မာနိုင်ငံအတွင်းသို့ နိုင်ငံခြားရင်းနှီးမြှုပ်နှံမှု စုစုပေါင်းဒေါ်လာ ၆ ဒသမ ၁၁၅ ဘီလျံကျော် ၀င်ရောက်ထားပြီး ယခုဘဏ္ဍာနှစ်၏ လျာထားချက်ထက် ဒေါ်လာ ၁၁၅ သန်းကျော်အထိ ပိုမိုဝင်ရောက်ထားကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်မှ သိရသည်။

MIC အသင်း ၀င်ရောက်ယှဉ်ပြိုင်မည့် အာဆီယံ ဖူဆယ်ကလပ်ပြိုင်ပွဲ အုပ်စုပွဲစဉ်များထွက်ပေါ်

၂၀၁၈ MFF Open Cup ဖူဆယ်ပြိုင်ပွဲတွင် ဗိုလ်စွဲခဲ့သည့် MIC အသင်း (ဓာတ်ပုံ-ညီညီစိုးညွန့်)

မြန်မာကလပ် MIC အသင်း ၀င်ရောက်ယှဉ်ပြိုင်မည့် ၂၀၁၈ အာဆီယံ ဖူဆယ်ကလပ် ချန်ပီယံရှစ်ပြိုင်ပွဲ အုပ်စုပွဲစဉ်များ ထွက်ပေါ်လာပြီဖြစ်ကြောင်း သိရသည်။ အာဆီယံဘောလုံးအဖွဲ့ချုပ် (AFF) သည် လေးသင်း နှစ်အုပ်စုခွဲ၍ ကျင်းပမည်ဖြစ်ပြီး အင်ဒိုနီးရှားနိုင်ငံက အိမ်ရှင်အဖြစ် လက်ခံကျင်းပမည်ဖြစ်သည်။

AFF သည် ယခုနှစ်တွင် အမျိုးသားပြိုင်ပွဲသာ ကျင်းပမည်ဖြစ်ပြီး သုံးကြိမ်ဆက်တိုက် ဗိုလ်စွဲထားသည့် နာမည်ကြီးကလပ် ထိုင်းဆိပ်ကမ်းအသင်း ပါဝင်ယှဉ်ပြိုင်မည်မဟုတ်ကြောင်း သိရသည်။ အုပ်စုခွဲဝေထားမှုအရ MIC အသင်းသည် အုပ်စု (က) တွင် အာဘီဆာရမ် (ဘရူနိုင်း)၊ ကွန်ချေမီရာ (ကမ္ဘောဒီးယား)၊ East Coast Heat (သြစတြေးလျ) တို့နှင့် ကျရောက်နေပြီး အုပ်စု (ခ) တွင် ထိုင်းကလပ် ဘန်ကောက် BTS၊ မလေးရှားကလပ် မီလီကာယူနိုက်တက်၊ ဗီယက်နမ်ကလပ် ဆန်နာတက်နှင့် အင်ဒိုနီးရှားလိဂ်ပြိုင်ပွဲတွင် ဒုတိယဆုရအသင်းတို့ ပါဝင်နေသည်။ ပြိုင်ပွဲကို ဇူလိုင် ၁၅ ရက်မှ ၂၁ ရက်အထိ အင်ဒိုနီးရှားနိုင်ငံ ဂျကာတာမြို့၌ ကျင်းပမည်ဖြစ်ပြီး မြန်မာကလပ် MIC အသင်းသည် သုံးကြိမ်မြောက် ၀င်ရောက်ယှဉ်ပြိုင်ခြင်းဖြစ်သည်။ AFF သည် ယင်းပြိုင်ပွဲကို ၂၀၁၅ ခုနှစ်တွင် စတင်ကျင်းပခဲ့ပြီး MIC အသင်းသည် ၂၀၁၅၊ ၂၀၁၆ နှစ်နှစ်ဆက်တိုက် ၀င်ရောက်ယှဉ်ပြိုင်ရာ တတိယနေရာရရှိခဲ့သည်။ ပြီးခဲ့သည့်နှစ်တွင် PU အသင်း ၀င်ရောက်ယှဉ်ပြိုင်ခွင့်ရသော်လည်း အုပ်စုအဆင့်မှ ထွက်ခဲ့ရကြောင်း သိရသည်။ MIC အသင်းသည် အုပ်စုပွဲများအဖြစ် ဇူလိုင် ၁၅ ရက်တွင် အာဘီဆာရမ် (ဘရူနိုင်း)၊ ဇူလိုင် ၁၆ ရက်တွင် ကွန်ချေမီရာ (ကမ္ဘောဒီးယား)၊ ဇူလိုင် ၁၇ ရက်တွင် East Coast Heat (သြစတြေးလျ) တို့နှင့် ယှဉ်ပြိုင်ကစားရမည်ဖြစ်သည်။ အုပ်စုပွဲစဉ်များကို ဇူလိုင် ၁၅ ရက်မှ ၁၇ ရက်အထိ ကျင်းပမည်ဖြစ်ပြီး ဆီမီးဖိုင်နယ်ပွဲစဉ်များကို ဇူလိုင် ၁၉ ရက်၊ တတိယနေရာလုပွဲနှင့် ဗိုလ်လုပွဲကို ဇူလိုင် ၂၁ ရက်တွင် ကျင်းပမည်ဖြစ်ကြောင်း သိရသည်။

MIC အသင်းသည် ပြီးခဲ့သည့် ၂၀၁၇ ခုနှစ် ဖူဆယ်လိဂ်ပြိုင်ပွဲ၌ ချန်ပီယံဆု လွဲချော်ခဲ့ပြီး ယခုနှစ်တွင် ပထမဆုံးကျင်းပသည့် MFF Open Cup ဖူဆယ်ပြိုင်ပွဲတွင်မူ အနိုင်ရဗိုလ်စွဲထားသည်။ MIC အသင်းသည် အာဆီယံ ဖူဆယ်ကလပ်ပြိုင်ပွဲတွင် အောင်မြင်မှုရရန် ပစ်မှတ်ထားနေသည်။