တပ်မတော်နှင့် KNU ကြား လမ်းဖောက်လုပ်မှုနှင့်ပတ်သက်၍ ပစ်ခတ်မှုကြောင့် တိမ်းရှောင်နေသည့် ဒေသခံ ၂၀၀၀ ကျော် တောထဲတွင်သာ တိမ်းရှောင်နေရဆဲဟု MEAT အဖွဲ့ပြောကြား

ဖာပွန်ဒေသတိုက်ပွဲများကြောင့် တိမ်းရှောင်လျက်ရှိသူများအား မတ်လတတိယပတ်က ရိုက်ကူးထားသည့် ဓာတ်ပုံအား တွေ့ရစဉ် (Photo: KPSN)

တပ်မတော်နှင့် NCA ရေးထိုးထားသည့် ကရင်အမျိုးသားအစည်းအရုံး (KNU) လက်အောက်ခံ KNLA တပ်မဟာ (၅) ကြား လမ်းဖောက်လုပ်မှုနှင့်ပတ်သက်၍ ပစ်ခတ်မှုကြောင့် တိမ်းရှောင်နေသည့် ဒေသခံ ၂၀၀၀ ကျော်သည် တောထဲတွင်သာ တိမ်းရှောင်နေရဆဲဖြစ်ကြောင်း မူတြော် (ဖာပွန်) ခရိုင်အရေးပေါ် ကူညီထောက်ပံ့ရေးအဖွဲ့ (MEAT) မှ စောစိုးဒိုက ပြောကြားသည်။

ကရင်ပြည်နယ် ဖာပွန်မြို့နယ် ခေးပူ-လွယ်မူပလော လမ်းဟောင်းအား တပ်မတော်ဘက်မှ ပြုပြင်ဖောက်လုပ်မှုနှင့်ပတ်သက်၍ အဆိုပါဒေသတွင်လှုပ်ရှားနေသည့် KNLA တပ်မဟာ (၅) နှင့် တပ်မတော်တို့ မတ်လဆန်းကစတင်ကာ ထိတွေ့ပစ်ခတ်မှုဖြစ်ပွားခဲ့ပြီး ယင်းဒေသရှိ ကျေးရွာများမှ ရွာခံ ၂၀၀၀ ကျော်သည် ထွက်ပြေးတိမ်းရှောင်နေခြင်းဖြစ်သည်။

အဆိုပါတိမ်းရှောင်နေသူများထဲမှ လူဦးရေ ၁၆ ဦးပါဝင်သော အိမ်ထောင်စုသုံးစုသည် ထိုင်းနိုင်ငံဘက်ရှိ ဒုက္ခသည်စခန်းများသို့ သွားရောက်ခိုလှုံခဲ့သော်လည်း ထိုင်းအာဏာပိုင်များက လက်မခံဘဲ ဧပြီ ၂၆ ရက်က မြန်မာဘက်သို့ ပြန်လည်ပို့ဆောင်ခဲ့ကြောင်း သိရသည်။

“လက်ရှိကတော့ တောထဲမှာပဲရှိပါသေးတယ်။ ရွာပြန်လို့မရသေးဘူး။ မိသားစုသုံးစု၊ ထိုင်းနိုင်ငံက ဒုက္ခသည်စခန်းမှာ နေမလားဆိုပြီးလာတာ ဒီကလက်မခံဘဲ ပြန်ပို့လိုက်တယ်” ဟု စောစိုးဒိုက ပြောကြားသည်။

ထိုသို့ တိမ်းရှောင်နေသူများအနက် အချို့သည် ယခင်ကတည်းက ဖာပွန်ခရိုင်တွင် ဖွင့်လှစ်ထားသည့် ပြည်တွင်းနေရပ်စွန့်ခွာ ရွှေ့ပြောင်းနေထိုင်သူ ၂၀၀၀ ကျော်ခိုလှုံလျက်ရှိသော အီးတူထာဒုက္ခသည်စခန်းတွင် သွားရောက်ခိုလှုံသူများလည်းရှိကြောင်း သိရသည်။

အီးတူထာစခန်းသည် ၂၀၀၆ ခုနှစ်က တပ်မတော်နှင့် ကရင်အမျိုးသားအစည်းအရုံး (KNU) တို့ကြားတိုက်ပွဲများကြောင့် နေရပ်စွန့်ခွာကာ စစ်ဘေးရှောင်လာသူများ ခိုလှုံနေထိုင်နေသည့်စခန်းဖြစ်သည်။

“သူတို့ အဲဒီ (အီးတူထာ) မှာ ပြန်နေဖို့များတယ်။ လောလောဆယ်ကတော့ အဲဒီမှာပဲပြန်နေရမယ့်ပုံစံ။ အီးတူထာမှာလည်း စားနပ်ရိက္ခာ တအားနည်းသွားပြီးဆိုတော့ သူတို့ပြန်ဖို့ကျတော့လည်း နည်းနည်းခက်ခဲမှာပေါ့။ အဲဒါကြောင့် သူတို့ ဒီဘက် (ထိုင်း) ကိုဝင်လာတာထင်တယ်။ ဒီဘက်မှာပိုပြီး အဆင်ပြေမလားဆိုပြီးတော့ ကျွန်တော်ထင်တာပေါ့။ ဒီဘက် ထိုင်းက လက်မခံဘဲပြန်ပို့တယ်ဆိုတော့ အီးတူထာဘက်ပြန်ဖို့ အလားလာများတယ်” ဟု စောစိုးဒိုက ပြောကြားသည်။

ထို့ပြင် တပ်မတော်ဘက်မှ စစ်ကြောင်းများ လှုပ်ရှားဝင်ရောက်လာသည်မှာ လယ်မူပလောခွင်တွင် ကျယ်ပြန့်သွားပြီဖြစ်သည့်အပြင် ၎င်းတို့ စားသောက်လုပ်ကိုင်နေသည့်နေရာများတွင် တိုက်ပွဲများရှိနေသောကြောင့် နေရပ်ပြန်ရန် စိုးရိမ်နေကြကာ ဒုက္ခသည်များ နေရပ်ပြန်နိုင်ရန်အတွက် တပ်မတော်၏လမ်းဖောက်လုပ်မှုကို ရပ်တန့်ထားရန်လိုကြောင်း စောစိုးဒိုက ဆက်လက်ပြောကြားသည်။

“ဒုက္ခသည်တွေ နေရပ်ပြန်နိုင်ဖို့ကတော့ တပ်မတော်ရဲ့လုပ်ဆောင်နေတဲ့ လမ်းဖောက်လုပ်မှုကို ရပ်ထားဖို့လိုမယ်။ ဒီအချိန်မှာ တစ်ဖက်နဲ့တစ်ဖက် ယုံကြည်မှုတည်ဆောက်နိုင်အောင် လုပ်ဆောင်ကြမယ်ဆိုပြီးတော့ တစ်ဖက်နဲ့တစ်ဖက် သံသယစရာဖြစ်စရာ လုပ်ဆောင်ချက်တွေ မလုပ်သင့်တော့ဘူး။ NCA အရလည်း ရှိပါတယ်။ နှစ်ဖက်တပ်တွေ သူ့သတ်မှတ်တဲ့နေရာမှာ ရှိဖို့လိုတယ်။ ပြီးတော့ တစ်ဖက်က ဆုံးဖြတ်တဲ့နေရာမှာ လက်မခံဘူးဆိုရင် ခွင့်ပြုချက်မရသေးဘူး။ သဘောတူညီချက်မရသေးဘူးဆိုရင် မလုပ်ရမယ့်ဟာတွေပါတယ်။ သူတို့လုပ်လာတဲ့အတွက် အခက်အခဲဖြစ်လာတဲ့အချိန် ပြည်သူတွေက ကြောက်ကြတယ်။ အရင့်အရင်က ခါးသီးတဲ့အတွေ့အကြုံတွေကြောင့် မနေရဲတော့ဘူး။ ထွက်ပြေးကြတယ်။ တပ်မတော်က ဒါတွေမလုပ်ရင်မဖြစ်ဘူး။ အဲဒီလမ်းကိုလုပ်တာလည်း ရွာသူရွာသားတွေက မလိုလားဘူး။ သူတို့ဘာသာသူတို့ ဒီလမ်းကိုဖောက်တာကြောင့် အရှင်းဆုံး ပြဿာနာကတော့ တပ်မတော်ဘက်က ဒီကိစ္စကိုရပ်ပြီးတော့မှ ပြည်သူတွေနေတဲ့နေရာကနေ ထွက်ခွာပေးဖို့ ပြန်ဆုတ်ပေးဖို့ ဒါမှလည်း သူတို့ပြန်ရဲမှာ” ဟု စောစိုးဒိုက ပြောကြားသည်။

သို့ရာတွင် လူဦးရေ ၂၀၀၀ ကျော် ထွက်ပြေးတိမ်းရှောင်နေရသည် ဆိုသည်မှာမဟုတ်ကြောင်း၊ ကျေးရွာနှစ်ရွာမှ လူဦးရေ ၅၀၀ ခန့်သာရှိနိုင်ကြောင်း၊ မိမိတို့အနေဖြင့် တပ်မဟာ (၅) ကို ရန်သူဟု သဘောမထားကြောင်း မတ် ၃၀ ရက်က ပြုလုပ်သည့် (၁၃) ကြိမ်မြောက် ပဲခူးတိုင်းဒေသကြီး ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-S) အစည်းအဝေးတွင် JMC-S (ပဲခူး)ဥက္ကဋ္ဌ တောင်ပိုင်းတိုင်းစစ်ဌာနချုပ်တိုင်းမှူးက ပြောကြားထားသည်။

ဖာပွန်မြို့နယ်အတွင်း ၁၅ မိုင်အရှည်ရှိ ခေးပူရွာနှင့် လွယ်မူပလောရွာ ဆက်သွယ်ထားသော ယခင်လမ်းကြောင်းဟောင်းအား ဒေသဖွံ့ဖြိုးရေးနှင့် ဒေသခံပြည်သူများ အသုံးပြုနိုင်ရန် အတွက်လည်းကောင်း၊ တပ်ပိုင်းဆိုင်ရာ အုပ်ချုပ်မှုကိစ္စရပ်များ ဆက်သွယ်ဆောင်ရွက်မှု လွယ်ကူစေရန်လည်းကောင်း၊ ပြန်လည်ပြုပြင် မွမ်းမံရန်ရှိသဖြင့် အဆိုပါကိစ္စအား တောင်ပိုင်းတိုင်းစစ်ဌာနချုပ်မှ နယ်မြေခံ KNLA တိုင်းရင်းသားလက်နက်ကိုင် အဖွဲ့အစည်းထံသို့ ကြိုတင်အကြောင်းကြား ညှိနှိုင်းခြင်း (၁၁) ကြိမ်ပြုလုပ်ခဲ့ပြီး လမ်းဖောက်လုပ်ရေး လုပ်ငန်းများအား စတင်ဆောင်ရွက်ခဲ့ကြောင်း၊ ထိုသို့ လမ်းဖောက်လုပ်ရေးလုပ်ငန်းများအား စက်ယန္တရားများနှင့် ဆောင်ရွက်ရာတွင် နယ်မြေအတွင်းရှိ တိုင်းရင်းသားလက်နက်ကိုင် အဖွဲ့အချို့မှာ တပ်ပိုင်းဆိုင်ရာ စစ်ဆင်ရေးများတွင် အသုံးပြုရန် ဖောက်လုပ်ခြင်းဟု စိုးရိမ်စိတ်များပြားပြီး လမ်းဖောက်လုပ်ရေးလုပ်ငန်းများ ဆောင်ရွက်လျက်ရှိသော တပ်မတော်စစ်ကြောင်းများအား မိုင်းထောင်ခြင်း၊ နှောင့်ယှက်ပစ်ခတ် တိုက်ခိုက်မှုများပြုလုပ်ခြင်းတို့ကို ဆောင်ရွက်ခဲ့ရာ စတင်ဖောက်လုပ်ချိန်မှ ယနေ့ထိ စစ်သည်မိုင်းနင်းမှု သုံးကြိမ်၊ နှောင့်ယှက်ပစ်ခတ်မှု ၂၆ ကြိမ်၊ မိုင်းဖော်ထုတ်ရရှိမှု ရှစ်ကြိမ် (မိုင်း ၂၁ လုံး) ရရှိခဲ့ပြီး တပ်မတော်ဘက်မှ စစ်သည်တချို့ ထိခိုက်ကျဆုံး ဒဏ်ရာရရှိမှုများရှိခဲ့ကြောင်းနှင့် လမ်းဟောင်းပြုပြင်ခြင်းအား ဆက်လက်ဆောင်ရွက်မည်ဖြစ်ပြီး တစ်ဖက်တွင်လည်း စေ့စပ်ညှိနှိုင်းခြင်းဖြင့် စိုးရိမ်စိတ်နှင့် ယုံကြည်မှုလျော့နည်းမှုမဖြစ်စေရေး ဆွေးနွေးမည်ဖြစ်ကြောင်း တပ်မတော်သတင်းမှ ပြန်ကြားရေးအဖွဲ့က ဧပြီ ၁၀ ရက်က ထုတ်ပြန်ထားသည်။

အဆိုပါဖြစ်စဉ်အပါအ၀င် တပ်မတော်နှင့် KNLA တပ်မဟာ (၅) ကြားထိတွေ့မှုများ နှင့်ပတ်သက်၍ တပ်မတော်နှင့် KNU တို့ ပဲခူးတိုင်းဒေသကြီး ကျောက်ကြီးမြို့တွင် တွေ့ဆုံရန် စီစဉ်ခဲ့သော်လည်း တွေ့ဆုံမှုတွင် KNU ကိုယ်စားလှယ်အဖွဲ့တွင် KNLA တပ်မဟာ (၅) တပ်မဟာမှူးမပါဝင်သည့် အကြောင်းပြချက်ဖြင့် တွေ့ဆုံမှုအား ရွှေ့ဆိုင်းထားသည်။

ထို့အတူ လမ်းဖောက်လုပ်မှုနှင့်ပတ်သက်၍ တိမ်းရှောင်လျက်ရှိသည့် ဒေသခံရွာသားများ၏ရိက္ခာများ ပြန်လည်ယူဆောင်ရေး ကိစ္စရပ်များအား JMC အရပ်သားကိုယ်စားလှယ်များက တင်ပြမှုအပေါ် အစိုးရကိုယ်စားလှယ်က လက်ခံကူညီရန် ဧပြီ ၂၃ ရက်တွင်ပြုလုပ်သည့် ပဲခူးတိုင်းဒေသကြီး ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-S) တွင် ဆွေးနွေးဆုံးဖြတ်ခဲ့ကြောင်း JMC-U က သတင်းထုတ်ပြန်ထားသည်။

ငြိမ်းချမ်းရေးကော်မရှင်နှင့် NCA ရေးထိုးထားသည့် တိုင်းရင်းသားလက်နက်ကိုင် အဖွဲ့များအကြား တွေ့ဆုံဆွေးနွေးသည့် လုံခြုံရေးကဏ္ဍဆိုင်ရာ အလွတ်သဘော ဆွေးနွေးရေးအစည်းအဝေး အခြေအနေ ကောင်းဟုဆို

လုံခြုံရေးကဏ္ဍဆိုင်ရာ အလွတ်သဘော ဆွေးနွေးရေး အစည်းအဝေးကို နေပြည်တော်ရှိ NRPC တွင် ဧပြီ ၂၁ ရက် ပြုလုပ်နေစဉ်

အစိုးရ၏ ငြိမ်းချမ်းရေးကော်မရှင် (PC) နှင့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားသည့် တိုင်းရင်းသားလက်နက်ကိုင် အဖွဲ့များအကြား တွေ့ဆုံဆွေးနွေးသည့် လုံခြုံရေးကဏ္ဍဆိုင်ရာ အလွတ်သဘောဆွေးနွေးရေး အစည်းအဝေးမှာ အခြေအနေကောင်းသည်ဟု ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) နာယက ဗိုလ်မှူးကြီး ခွန်ဥက္ကာက ဧပြီ ၂၂ ရက်တွင် ပြောကြားသည်။

အဆိုပါ လုံခြုံရေးကဏ္ဍဆိုင်ရာ အလွတ်သဘော ဆွေးနွေးရေး အစည်းအဝေးကို နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် ဧပြီ ၂၁ ရက်က ပြုလုပ်ပြီး ငြိမ်းချမ်းရေးကော်မရှင်ဥက္ကဋ္ဌ ဒေါက်တာတင်မျိုဝင်းအပါအ၀င် အခြားသောတာဝန်ရှိသူများ တက်ရောက်ပြီး တိုင်းရင်းသားလက်နက်ကိုင်များ ဘက်မှလည်း ကရင်အမျိုးသားအစည်းအရုံး (KNU) ကာကွယ်ရေးတာဝန်ခံ ပဒိုစောရော်ဂျာခင် ဦးဆောင်သော ကိုယ်စားလှယ်အဖွဲ့ တက်ရောက်ခဲ့ကြသည်။

“လုံခြုံရေးကဏ္ဍ ဆွေးနွေးချက်တွေကို ထုတ်မပြောရတော့ဘူးတဲ့။ မပြောရဘူးဆိုတော့ ကျွန်တော်တို့ ဘာမှပြောစရာမရှိဘူးဗျ။ ယေဘုယျပြောရင်တော့ အခြေအနေကောင်းတယ်လို့ ပြောလို့ရတယ်” ဟု PNLO နာယက ဗိုလ်မှူးကြီး ခွန်ဥက္ကာက ဆိုသည်။

အလွတ်သဘော တွေ့ဆုံဆွေးနွေးပွဲကို နှစ်ရက်တာပြုလုပ်ခဲ့၍ ဧပြီ ၂၀ ရက်တွင် နိုင်ငံရေးကဏ္ဍဆိုင်ရာ အလွတ်သဘော ဆွေးနွေးရေး အစည်းအဝေးပြုလုပ်ပြီး ဧပြီ ၂၁ ရက်တွင် လုံခြုံရေးကဏ္ဍဆိုင်ရာ အလွတ်သဘောဆွေးနွေးရေး အစည်းအဝေးပြုလုပ်ခဲ့သည်။

လုံခြုံရေးကဏ္ဍဆွေးနွေးချက်များနှင့် ပတ်သက်၍ KNU ကာကွယ်ရေးတာဝန်ခံ ပဒိုစောရော်ဂျာခင်က “ကျွန်တော်တို့ နှစ်ဖက်သဘောတူထားတာက ဘာမှမပြောရဘူးလို့ အဲဒီလိုသဘောထားရှိတယ်” ဟုပြောကြားသည်။

တတိယပင်လုံအစည်းအဝေး မတိုင်ခင် ငြိမ်းချမ်းရေးကော်မရှင်နှင့် တိုင်းရင်းသားလက်နက်ကိုင် အဖွဲ့များအကြား နိုင်ငံရေးကဏ္ဍနှင့် လုံခြုံရေးကဏ္ဍတို့နှင့် ပတ်သက်သည့် အလွတ်သဘောတွေ့ဆုံပွဲများကို ဆက်လက်ပြုလုပ်သွားမည်ဖြစ်ပြီး တရားဝင်ဆွေးနွေးပွဲကိုလည်း ပြုလုပ်သွားမည်ဖြစ်ကြောင်း ဗိုလ်မှူးကြီး ခွန်ဥက္ကာက ပြောကြားသည်။

“ပင်လုံမလာခင်မှာလည်း ဆွေးနွေးရဦးမှာ။ မေလဆန်းမှာလည်း ကျွန်တော်တို့တွေ့ဦးမယ်။ အလွတ်သဘော။ အလွတ်သဘောကို ခပ်စိပ်စိပ်တွေ့သွားမယ်။ အလွတ်သဘော ခပ်စိပ်စိပ်တွေ့ပြီးတော့ တရားဝင်ကို ဆက်သွားရမှာပေါ့။ တရားဝင်ဆက်သွားရင်းနဲ့ တစ်ခါတည်း ပင်လုံကိုလည်း ဆက်သွားမှာပေါ့။ ပင်လုံမတိုင်ခင်ကတော့ တရားဝင်တော့ တွေ့ရမှာပေါ့။ တရားဝင်မှာ ချောချောမွေ့မွေ့ဖြစ်အောင် ဆိုပြီးတော့ ကျွန်တော်တို့က အလွတ်သဘောကို နည်းနည်းအရင်းအနှီး စုထားတာပေါ့ဗျာ” ဟု ဗိုလ်မှူးကြီး ခွန်ဥက္ကာက ပြောကြားသည်။

မူလက ဧပြီ ၉ ရက်နှင့် ၁၀ ရက်တို့တွင် တွေ့ဆုံရန် တိုင်းရင်းသားလက်နက်ကိုင် အဖွဲ့များဘက်မှ အဆိုပြုထားသော်လည်း အစိုးရဘက်က အချိန်မရကြောင်း အကြောင်းပြန်လာသည့်အတွက် သင်္ကြန်ကာလနောက်ပိုင်း ဧပြီ ၂၀ ရက်နှင့် ၂၁ ရက်တို့တွင် ရွှေ့ဆိုင်းတွေ့ဆုံလိုက်ခြင်းဖြစ်သည်။

အလွတ်သဘောတွေ့ဆုံပွဲများသည် ငြိမ်းချမ်းရေးဖြစ်စဉ်အတွက် များစွာအထောက်အကူပြုကြောင်း၊ ငြိမ်းချမ်းရေးလုပ်ငန်းစဉ် အောင်မြင်ချောမွေ့ရန်အတွက် အလားအလာကောင်းသည်ဟု ပြောနိုင်ကြောင်း ဗိုလ်မှူးကြီး ခွန်ဥက္ကာက ပြောကြားထားသည်။

NCA စာချုပ်တွင် လက်မှတ်ရေးထိုးခဲ့သည့် တိုင်းရင်းသားလက်နက်ကိုင် အဖွဲ့အစည်း ၁၀ ဖွဲ့မှာ ကရင်အမျိုးသားအစည်းအရုံး (KNU)၊ ရှမ်းပြည်ပြန်လည်ထူထောင်ရေးကောင်စီ (RCSS)၊ ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO)၊ ချင်းအမျိုးသားတပ်ဦး (CNF)၊ ရခိုင်ပြည်လွတ်မြောက်ရေးပါတီ (ALP)၊ KNU/KNLA (PC) အဖွဲ့၊ DKBA အဖွဲ့၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF)၊ မွန်ပြည်သစ်ပါတီ (NMSP) နှင့် လားဟူဒီမိုကရက်တစ်အစည်းအရုံး (LDU) တို့ဖြစ်ကြသည်။

ကရင်ပြည်နယ် ဖာပွန်ခရိုင်အတွင်း လမ်းဖောက်လုပ်ခြင်းနှင့် ပတ်သက်၍ ပစ်ခတ်မှုဖြစ်ပွားခဲ့ခြင်းအပေါ် တောင်ပိုင်းတိုင်းစစ်ဌာနချုပ်နှင့် KNU တပ်မဟာ (၅) အကြား အပြန်အလှန်ကန့်ကွက်

ကရင်ပြည်နယ်ဖာပွန်ခရိုင်အတွင်း လမ်းဖောက်လုပ်ခြင်းနှင့်ပတ်သက်၍ ပစ်ခတ်မှုဖြစ်ပွားခဲ့ခြင်းအပေါ် တပ်မတော်လက်အောက်ခံ တောင်ပိုင်းတိုင်းစစ်ဌာချုပ်နှင့် NCA ရေးထိုးထားသည့် ကရင်အမျိုးသားအစည်းအရုံး (KNU) လက်အောက်ခံ KNLA တပ်မဟာ (၅) အကြား အပြန်အလှန် ကန့်ကွက်စာများ ပေးပို့ထားကြောင်း သတင်းရရှိသည်။

တောင်ပိုင်းတိုင်းစစ်ဌာချုပ်တိုင်းမှူး၏ ကန့်ကွက်စာအား ဧပြီ ၁၆ ရက်တွင် လက်ခံရရှိကြောင်း၊ ၎င်းကန့်ကွက်စာအရ စစ်သည်များအုပ်ချုပ်မှုကိစ္စ ဆောင်ရွက်ရန် ကားလမ်းအား ဖောက်လုပ်နေစဉ် တောင်ပိုင်းတိုင်း စစ်ဌာနချုပ်နယ်မြေအတွင်း နှောင့်ယှက်ပစ်ခတ်မှုများ ပြုလုပ်နေခြင်းဟု ဆက်ကာဆက်ကာ စွပ်စွဲကန့်ကွက်စာပေးပို့သည့်အပေါ် မိမိတို့ တပ်မဟာ (၅) သည် အပစ်အခတ်ရပ်စဲရေး အဓွန့်ရှည်တည်တံ့ခိုင်မာစေရန် KNU ၏ နိုင်ငံရေးဦးဆောင်မှုကိုခံယူကာ နှစ်ဖက်လေးစားလိုက်နာရမည့် ပစ်ခတ်တိုက်ခိုက်မှုရပ်စဲရေးဆိုင်ရာ စည်းမျဉ်းစည်းကမ်းများနှင့် စစ်ဘက်ဆိုင်ရာကျင့်ဝတ်များပါ ရည်ရွယ်ချက်အတိုင်း တစ်သဝေမတိမ်း ထိန်းသိမ်းဆုပ်ကိုင်ကာ အကောင်အထည်ဖော်လျက်ရှိကြောင်း KNLA တပ်မဟာ (၅) ၏ တပ်မဟာမှူး ဗိုလ်မှူးချုပ်စောမူဟဲက ဧပြီ ၁၉ ရက်တွင် တောင်ပိုင်းတိုင်းစစ်ဌာချုပ်တိုင်းမှူးထံ လိပ်မူ၍ ပြန်လည်ပေးပို့သည့် စာတွင်ဖော်ပြထားသည်။

ထို့ပြင် မြန်မာ့တပ်မတော်အနေဖြင့် NCA စာချုပ်ပါ အပစ်ရပ်နယ်မြေများတွင် တပ်ပိုင်းဆိုင်ရာ အုပ်ချုပ်မှုကိစ္စရပ်များကို ညှိနှိုင်းဆောင်ရွက်ရန်အချက်အား တစ်ဖက်သတ်ဆုံးဖြတ်ခြင်း၊ ကြိုတင်ညှိနှိုင်းသဘောတူညီမှုမရှိဘဲ အသိပေးရုံမျှဖြင့် ချက်ချင်းအကောင်အထည်ဖော်ကာ တစ်ဖက်သတ်ဆန္ဒအတိုင်း ထိပ်တိုက်ရင်ဆိုင်မှုအပြုအမူများကို သွယ်ဝိုက်နည်း၊ တိုက်ရိုက်နည်းစသည်ဖြင့် ချိုးဖောက်လျက်ရှိကြောင်း၊ ထို့သို့ ပြောဆိုရခြင်းအကြောင်းမှာ စာချုပ်ပါ ထိပ်တိုက်ရင်ဆိုင်မှုများကို ရှောင်ရှားနိုင်ရန် လက်နက်ကိုင်အဖွဲ့များ နေရာချထားခြင်းအရ တပ်ဖွဲ့ဝင်များ သတ်မှတ်နေရာတွင်သာထားရှိရန်နှင့် တပ်စခန်းအရေအတွက် ညှိနှိုင်းအကောင်အထည်ဖော်ဆောင်ရွက်ရန် အစရှိသည်တို့ကို ကနဦးကတည်းကပင် မိမိတို့ဘက်မှ တင်ပြထားသော်လည်း ယခုထိညှိနှိုင်းအကောင်အထည်ဖော်မှု မရှိသေးခြင်းကြောင့်ဖြစ်ကြောင်း တပ်မဟာ (၅) ၏ ကန့်ကွက်စာတွင် ပါရှိသည်။

ထို့အတူ မိမိအနေဖြင့် ယခုနှစ်အစောပိုင်းက ထိပ်တိုက်ရင်ဆိုင်မှု၏ နောက်ပိုင်း စစ်ရေးပဋိပက္ခများကို မြေပြင်စစ်ရေးအရ မဖြေရှင်းစေလိုဘဲ စားပွဲဝိုင်းနိုင်ငံရေးနည်းဖြင့်သာ ညှိနှိုင်းဖြေရှင်းရန် ညွှန်ကြားထားကြောင်း NCA စာချုပ်ပါ ကတိက၀တ်အတိုင်း ထိပ်တိုက်ရင်ဆိုင်မှုများမရှိစေရန်အတွက် အခါအားလျော်စွာ ကိုယ်စားလှယ်များစေလွှတ်ခဲ့ကြောင်း၊ ယခုနောက်ဆုံး မတ် ၂၈ ရက်တွင် ထိပ်တိုက်ရင်ဆိုင်မှုဖြစ်စဉ်အား ဆွေးနွေးညှိနှိုင်းဖြေရှင်းရန်အတွက် တပ်မဟာ (၅) ကိုယ်စားလှယ် ဗိုလ်မှူးစောကလယ်ဒိုနှင့် KNLA တာဝန်ရှိတပ်မှူးကြီးများ ပါဝင်ဖွဲ့စည်းထားသည့် စစ်ဘက်ဆိုင်ရာညှိနှိုင်းဆွေးနွေးရေးအဖွဲ့ (MANT-Military Affair Negotiation Team) အား စေလွှတ်ခဲ့သော်လည်း ပြဿနာများ ညှိနှိုင်းဖြေရှင်းနိုင်မှု တစ်စုံတစ်ရာမျှမရှိဘဲ တွေ့ဆုံဆွေးနွေးဖြေရှင်းမှုတွင် မိမိမပါ၍ရွှေ့ဆိုင်းလိုက်ရသည်ဟု တပ်မတော်ဘက်မှ အချိန်ဆွဲဆိုင်းငံ့ခြင်းဖြင့်သာ ပြန်လှည့်လာခဲ့ရကြောင်း၊ အခြားတစ်ဖက်တွင် တပ်မတော်၏ စစ်ရေးပြင်ဆင်မှုများကို တွေ့မြင်လာရကြောင်း အမှတ် (၅) တပ်မဟာမှူးက ပြန်ကြားစာတွင် ရေးသားထားသည်။

တပ်မဟာ (၅) အနေဖြင့် NCA စာချုပ်ပါမူအတိုင်း ငြိမ်းချမ်းရေးလုပ်ငန်းစဉ်နှင့် ရေရှည်တည်တံ့ခိုင်မြဲမည့် အပစ်အခတ်ရပ်စဲရေးအား ဆက်လက်အကောင်အထည် ဖော်ဆောင်သွားမည်ဖြစ်သကဲ့သို့ အခြားတစ်ဖက်တွင်လည်း အပစ်အခတ်ရပ်စဲရေး ကြားကာလအတွင်း တပ်မတော်၏ လိုအင်ဆန္ဒများကို ရပ်တန့်ပေးရန်နှင့် ညှိနှိုင်းအဖြေရှာ ဖြေရှင်းရန် တရားဝင်ရွေးချယ်ထားသည့် MANT အဖွဲ့နှင့် တွေ့ဆုံညှိနှိုင်းအဖြေရှာ မပြုလုပ်နိုင်ဘဲ ယခုကဲ့သို့ စွပ်စွဲကန့်ကွက်စာ တင်ပြလာသည့် ကိစ္စအပေါ် တပ်မတော် (၅) အနေဖြင့် ကန့်ကွက်ကြောင်း တောင်ပိုင်းတိုင်းစစ်ဌာနချုပ်သို့ ပြန်လည်ပေးပို့သည့် အကြောင်းကြားစာတွင် ဖော်ပြပါရှိသည်။

ဖာပွန်မြို့နယ်အတွင်း ၁၅ မိုင်အရှည်ရှိ ခေးပူရွာနှင့် လွယ်မူပလောရွာ ဆက်သွယ်ထားသော ယခင်လမ်းကြောင်းဟောင်းအား ဒေသဖွံ့ဖြိုးရေးနှင့် ဒေသခံပြည်သူများ အသုံးပြုနိုင်ရန်အတွက်လည်းကောင်း၊ တပ်ပိုင်းဆိုင်ရာ အုပ်ချုပ်မှုကိစ္စရပ်များ ဆက်သွယ်ဆောင်ရွက်မှု လွယ်ကူစေရန်လည်းကောင်း၊ ပြန်လည်ပြုပြင်မွမ်းမံရန်ရှိသဖြင့် အဆိုပါကိစ္စအား တောင်ပိုင်းတိုင်းစစ်ဌာနချုပ်မှ နယ်မြေခံ KNLA တိုင်းရင်းသားလက်နက်ကိုင် အဖွဲ့အစည်းထံသို့ ကြိုတင်အကြောင်းကြား ညှိနှိုင်းခြင်း ၁၁ ကြိမ်ပြုလုပ်ခဲ့ပြီး လမ်းဖောက်လုပ်ရေး လုပ်ငန်းများအား ၂၀၁၈ ခုနှစ် မတ် ၄ ရက်မှစတင်၍ ဆောင်ရွက်ခဲ့ကြောင်း၊ လမ်းဖောက်လုပ်ရေးလုပ်ငန်းများအား ဆောင်ရွက်ရာတွင် နယ်မြေအတွင်းရှိ တိုင်းရင်းသားလက်နက်ကိုင်အဖွဲ့အချို့က တက်မတော်အနေဖြင့် စစ်ဆင်ရေးများတွင် အသုံးပြုရန်ဖောက်လုပ်ခြင်းဟု စိုးရိမ်စိတ်များပြားပြီး လမ်းဖောက်လုပ်ရေး ဆောင်ရွက်လျက်ရှိသော တပ်မတော်စစ်ကြောင်းများအား မိုင်းထောင်ခြင်း၊ နှောင့်ယှက်ပစ်ခတ်တိုက်ခိုက်မှုများ ပြုလုပ်ခြင်းတို့ကို ဆောင်ရွက်ခဲ့ရာ စတင်ဖောက်လုပ်ချိန်မှ ယနေ့ထိ စစ်သည်မိုင်းနင်းမှု သုံးကြိမ်၊ နှောင့်ယှက်ပစ်ခတ်မှု ၂၆ ကြိမ်၊ မိုင်းဖော်ထုတ်ရရှိမှုရှစ်ကြိမ် (မိုင်း၂၁ လုံး) ရရှိခဲ့ပြီး တပ်မတော်ဘက်မှ စစ်သည်တချို့ ထိခိုက်ကျဆုံး ဒဏ်ရာရရှိမှုများရှိခဲ့ကြောင်း တပ်မတော်သတင်းမှန်ပြန်ကြားရေးအဖွဲ့က ဧပြီ ၁၀ ရက်တွင် သတင်းထုတ်ပြန်ထားသည်။

တပ်မတော်နှင့် KNU တွေ့ဆုံရန်စီစဉ်ထားရာတွင် KNU တပ်မဟာ (၅) တပ်မဟာမှူးမပါသဖြင့် ရွှေ့ဆိုင်းလိုက်ခြင်းအပေါ် စေ့စပ်ညှိနှိုင်းရေးအဖွဲ့တွင် တပ်မဟာ (၅) မှူးသည် မူလကတည်းက မပါဝင်ခြင်းဖြစ်ပြီး နားလည်မှုလွဲခြင်းဖြစ်နိုင်ကြောင်း KNU ဒုတိယဥက္ကဋ္ဌ ပြောကြား

KNU အရပ်သားကိုယ်စားလှယ်အဖွဲ့ မတ်လအတွင်း တပ်မဟာ (၅) ဌာနချုပ် ဖာပွန်ခရိုင် ဒေ့ဘိုနို့ရွာသို့ သွားရောက်ခဲ့စဉ် (ဓာတ်ပုံ-JMC-U)

တပ်မတော်နှင့် ကရင်အမျိုးသားအစည်းအရုံး (KNU) တို့တွေ့ဆုံရန် စီစဉ်ထားရာတွင် KNU တပ်မဟာ (၅) တပ်မဟာမှူးမပါသဖြင့် ရွှေ့ဆိုင်းလိုက်ခြင်းအပေါ် စေ့စပ်ညှိနှိုင်းရေးအဖွဲ့တွင် တပ်မဟာ (၅) မှူးသည် မူလကတည်းက မပါဝင်ခြင်းဖြစ်ပြီး နားလည်မှုလွဲခြင်းဖြစ်နိုင်ကြောင်း KNU ဒုတိယဥက္ကဋ္ဌ ပဒိုစောကွယ်ထူးဝင်းက မတ် ၃၁ ရက်တွင် ပြောကြားသည်။

ကရင်ပြည်နယ် ဖာပွန်ခရိုင်တွင် ဖြစ်ပွားခဲ့သည့် ထိတွေ့မှုနှင့်ပတ်သက်၍ တပ်မတော်နှင့် KNU မှ ထိပ်ပိုင်းခေါင်းဆောင်များသည် မတ် ၂၉ ရက် (သို့မဟုတ်) ၃၀ ရက်တွင် ပဲခူးတိုင်းဒေသကြီး ကျောက်ကြီးမြို့၌ တွေ့ဆုံညှိနှိုင်းရန် (၁၅) ကြိမ်မြောက် JMC-U အစည်းအဝေးတွင် ဆုံးဖြတ်ချက်ချထားသည်။

သို့ရာတွင် KNU တပ်မဟာ (၅) မှူး ကျန်းမာရေးမကောင်းသည့်အတွက် တွေ့ဆုံပွဲအား ရွှေ့ဆိုင်းထားကြောင်း ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-U) အတွင်းရေးမှူး (၂) တပ်မတော်သား ကိုယ်စားလှယ် ဗိုလ်မှူးကြီးဝဏ္ဏအောင်က ပြောကြားသည်။

“တပ်မဟာ (၅) တပ်မဟာမှူးပေါ့နော်။ ကျော်မူဟဲကတော့ သူကမျက်လုံးခွဲတာနဲ့ ကြုံနေလို့ဆိုပြီးတော့ ကျန်းမာရေးမကောင်းလို့ဆိုပြီးတော့ သူတို့ဘက်ကနေပြီး ဒီလိုပြောလာတာတော့ ရှိပါတယ်။ တွေ့ဆုံဖို့အတွက် ဆက်လက်ညှိနှိုင်းနေပါတယ်။ ကိုယ်တို့ တပ်မတော်ဘက်က တွေ့ဖို့အဆင်သင့်ရှိပါတယ်။ ကိုယ်တို့ပြောထားပါတယ်။ မျက်လုံးခွဲပြီးကောင်းတာနဲ့ ပြန်လည်တွေ့ကြဖို့ဆိုပြီးတော့ သူတို့ကိုလည်း ပြောထားပါတယ်” ဟု ဗိုလ်မှူးကြီးဝဏ္ဏအောင်က ပြောကြားသည်။

အလားတူ JMC-U အတွင်းရေးမှူး (၁) ဒေါက်တာရွှေခါးရ်ကလည်း KNU ၏ တပ်မဟာ (၅) တပ်မဟာမှူး ကျန်းမာရေးကောင်းလာသည့်အချိန်တွင် ပြန်လည်တွေ့ဆုံညှိနှိုင်းမည်ဖြစ်ကြောင်း ပြောကြားသည်။

KNU ဒုတိယဥက္ကဋ္ဌ ပဒိုစောကွယ်ထူးဝင်းက “သူတို့ဆီက Report လည်းမရဘူးဆိုတော့ ကျွန်တော် ရှင်းရှင်းလင်းလင်းပြောဖို့ခက်တယ်။ ဒါပေမဲ့ သိရသလောက်ကတော့ အဲဒီအခင်းဖြစ်တဲ့ဒေသရဲ့ သက်ဆိုင်ရာတပ်မဟာမှူး မပါတဲ့အတွက်ကြောင့် သူတို့ရွှေ့ဆိုင်းထားတဲ့သဘောဖြစ်တယ်။ ဖျက်သိမ်းတဲ့သဘောတော့ မဟုတ်ဘူးပေါ့နော်။ ဒါက ကျွန်တော်တို့ ပြန်ညှိရမှာပေါ့။ ကျွန်တော်တို့ရဲ့ စေ့စပ်ညှိနှိုင်းရေးရာအဖွဲ့မှာ တပ်မဟာ (၅) မှူးကမပါဘူး။ အဲဒီအဖွဲ့မှာ။ မူလကတည်းက မပါတဲ့အတွက်ကြောင့် အဲဒီညှိနှိုင်းရေးအဖွဲ့မှာ သူပါမသွားတာဖြစ်တယ်။ တစ်ဖက်က နားလည်မှုလွဲသလားတော့ မသိဘူးပေါ့နော်။ ကျွန်တော်တို့ဘက်က အဖွဲ့အစည်းနဲ့ သူတို့ဘက်က သက်ဆိုင်ရာတပ်မတော်ဘက်က ခေါင်းဆောင်တွေနဲ့ တွေ့ဆုံညှိနှိုင်းဖို့အတွက် တာဝန်ပေးတာဖြစ်တယ်။ ဒါပေမဲ့ အဲဒီမှာပါမယ့်အဖွဲ့တွေရဲ့ အစီရင်ခံမှုမရတော့ ကျွန်တော်လည်း တိတိကျကျ သူတို့နောက်ဆုံးအခြေအနေတော့ မသိဘူးပေါ့” ဟုပြောကြားသည်။

တပ်မတော်နှင့် KNU တို့တွေ့ဆုံရာတွင် တပ်မတော်ဘက်မှ အကြီးအကဲများ၊ KNU ဘက်မှ ဗဟိုအဆင့်ခေါင်းဆောင်များ၊ တပ်မဟာ (၅) ခေါင်းဆောင်များပါဝင်မည်ဖြစ်ကြောင်း သဘောတူညီမှုရရှိခဲ့သည်ဟု မတ် ၂၂ ရက်တွင်ပြုလုပ်သည့် JMC-U သတင်းစာရှင်းလင်းပွဲတွင် JMC-U အတွင်းရေးမှူးများက ပြောကြားထားသည်။

“JMC မှာ ညှိနှိုင်းတုန်းက ကျွန်တော်တို့နားလည်တာက သက်ဆိုင်ရာတာဝန်ရှိတဲ့ ခေါင်းဆောင်များပါဝင်ဖို့ပဲဖြစ်တယ်။ ဒါမှမဟုတ် သက်ဆိုင်ရာဒေသမှာရှိတဲ့ တာဝန်ရှိတဲ့ပုဂ္ဂိုလ်က အဖွဲ့အစည်းကတာဝန်ပေးတဲ့ ပုဂ္ဂိုလ်တော့ပါတာပေါ့။ သို့သော်လည်းပဲ အဲဒီလို တပ်မဟာမှူးပါရမယ်ဆိုတဲ့ သဘောတော့ တိတိကျကျ သဘောတူထားတာမရှိဘူး။ ရေးသားထားတာလည်း မရှိဘူး။ နားလည်မှု တစ်ခုခုလွဲတာလည်း ဖြစ်နိုင်တယ်လေ” ဟု KNU ဒုတိယဥက္ကဋ္ဌ ပဒိုစောကွယ်ထူးဝင်းက ပြောကြားသည်။

တောင်ပိုင်းတိုင်းစစ်ဌာနချုပ်နှင့် KNU တပ်မဟာ (၅) တို့အကြား ဖာပွန်ခရိုင်တွင် ထိတွေ့မှုဖြစ်စဉ်နှင့်ပတ်သက်၍ ဖြစ်စဉ်အခြေအနေများနှင့် အမြင်သဘောထားများကို သိရှိနိုင်စေရန်အတွက် JMC-U ၏ တာဝန်ပေးချက်အရ JMC အရပ်သားကိုယ်စားလှယ်အဖွဲ့သည် မတ် ၁၉ ရက်မှ ၂၁ ရက်အထိ တပ်မဟာ (၅) ဌာနချုပ်ရှိရာ ဖာပွန်ခရိုင်ဒေ့ဘိုနို့ရွာသို့ သွားရောက်ခဲ့ကြောင်း JMC-U က သတင်းထုတ်ပြန်ထားသည်။

KNU တပ်မဟာ (၄) ထိန်းချုပ်နယ်မြေ ဘန်းချောင်းဒေသတွင် ကျေးရွာပိုင် ဘုံသစ်တောအဖြစ် ဧက ၆၀၀၀၀ ကျော်ကို KNU (ဗဟို) က အသိအမှတ်ပြု

ဘန်းချောင်းဒေသတစ်နေရာကို တွေ့ရစဉ်

တနင်္သာရီတိုင်းဒေသကြီး ထားဝယ်ခရိုင်ရှိ KNU တပ်မဟာ (၄) ထိန်းချုပ်နယ်မြေဖြစ်သော ဘန်းချောင်းဒေသတွင် ကျေးရွာပိုင် ဘုံသစ်တောအဖြစ် ဧက ၆၀၀၀၀ ကျော်ကို KNU (ဗဟို)က အသိအမှတ်ပြုလက်မှတ် ထုတ်ပေးထားခဲ့ပြီးဖြစ်ကြောင်း သိရသည်။

ထားဝယ်မြို့ အရှေ့ဘက်ရှိ ယင်းဘန်းချောင်းဒေသတွင် ကျေးရွာကိုးရွာရှိပြီး ပြီးခဲ့သည့်နှစ်ကုန်ပိုင်းက ကျေးရွာခြောက်ရွာတွင် ကျေးရွာပိုင်ဘုံသစ်တောအဖြစ် ဧက ၅၀၀၀၀ ကျော်ကို စတင်သတ်မှတ်ပေးခဲ့ပြီးနောက် ပြီးခဲ့သည့် ဖေဖော်ဝါရီလကုန်ပိုင်းက ကျန်ရှိသည့်ရွာသုံးရွာ၌ ဧက ၁၀၀၀၀ ကျော်ကို ကျေးရွာပိုင်ဘုံသစ်တောအဖြစ် ထပ်မံသတ်မှတ်ပေးခဲ့ခြင်းဖြစ်သည်။

“သူတို့သတ်မှတ်ပေးထားတဲ့ သစ်တောထဲမှာ တရားမ၀င်သစ်ထုတ်တာ၊ သတ္တုတူးဖော်တာလုပ်ရင် KNU ရဲ့ သစ်တောဥပဒေအရ အရေးယူတာရှိတယ်။ ဒီအသိအမှတ်ပြု လက်မှတ်ကိုရပြီဆိုရင် ရွာသားတွေအနေနဲ့ စည်းကမ်းချက်တွေထုတ်ပြီး သူတို့ဘာသာစီမံခန့်ခွဲတယ်။ လုပ်လို့ရတဲ့ဟာနဲ့ လုပ်လို့မရတဲ့ဟာတွေကို သေချာသတ်မှတ်တယ်။ ဒီတော့ ဒီတောထဲမှာ စည်းမဲ့ကမ်းမဲ့လုပ်တာတွေကို စောင့်ကြည့်ပြီး အရေးယူတိုင်ကြားတာတွေ လုပ်လာနိုင်တယ်” ဟု ဒေသခံ ကရင်တိုင်းရင်းသားများ အရေးကူညီဆောင်ရွက်ပေးနေသည့် တာကပေါလူငယ်အဖွဲ့မှ အယ်ထီးဝါးက ပြောကြားသည်။

ကရင်အမျိုးသားအစည်းအရုံး KNU တပ်မဟာ (၄) ၏ ထိန်းချုပ်နယ်မြေအတွင်းရှိ ထားဝယ်ခရိုင်အတွင်းမှ ယင်းဘန်းချောင်းဒေသတွင် ကျေးရွာကိုးရွာရှိပြီး ၂၀၁၇ ခုနှစ် စက်တင်ဘာ ၂၀ ရက်က KNU (ဗဟို)မှနေ၍ ဘန်းချောင်းဒေသ ခြောက်ရွာဖြစ်သော သဗြုချောင်းရွာတွင် ၈၁၂၀ ဧက၊ ကျောက်ထူးရွာတွင် ၂၉၁၄၀ ဧက၊ ကွမ်းချောင်းကြီးရွာတွင် ၈၇၀၀ ဧက၊ ကထောင်းနီရွာတွင် ၅၅၀၀ ဧက၊ ဆင်စွယ်ချောင်းရွာတွင် ၇၃၀ ဧကနှင့် မောင်မထူးရွာတွင် ၄၀၁၉ ဧက စုစုပေါင်း ၅၆၂၀၉ ဧကကို ကျေးရွာပိုင် ဘုံသစ်တောအဖြစ် ပထမဆုံးအကြိမ် သတ်မှတ် အသိအမှတ်ပြုလက်မှတ်ပေးခဲ့ကြောင်း၊ ရေလမ်းကိုသာ အဓိကအသုံးပြုရသည့် ဘန်းချောင်းဒေသမှာ ထားဝယ်မြို့၏ အရှေ့ဘက်တွင်တည်ရှိပြီး တနင်္သာရီမြစ်၏ မြစ်လက်တက်တစ်ခုဖြစ်သော ဘန်းချောင်းမကြီး မြစ်ဖျားခံစီးဆင်းရာဒေသဖြစ်ကြောင်း၊ ယင်းဒေသမှာ သဘာဝသစ်တောကြီးများဖြင့် မပျက်စီးသေးသည့်အပြင် သယံဇာတကြွယ်ဝပြီး တရားမ၀င်ရွှေတူးဖော်မှုများ၊ သစ်ထုတ်လုပ်မှုများ၊ ကျောက်မီးသွေးနှင့် သတ္တုတူးဖော်မှုများကြောင့် ဒေသခံများ ထိခိုက်မှုရှိနေသဖြင့် ယင်းလုပ်ငန်းများကို ဒေသခံများမှ တားဆီးနေသည့်အပြင် တိုင်းဒေသကြီးအစိုးရအဖွဲ့နှင့် KNU တို့ထံ မကြာခဏ တိုင်ကြားမှုများလည်းရှိခဲ့သည်ဟု သိရသည်။

တနင်္သာရီတိုင်းဒေသကြီး ရေဖြူမြို့နယ် အလယ်စခန်းကျေးရွာအရှေ့ဘက် ဘုရားတောင်အနီးတစ်ဝိုက်တွင် မွန်ပြည်သစ်ပါတီတပ်ဖွဲ့ဝင်များနှင့် KNU အောက်ခြေတပ်ဖွဲ့ ပစ်ခတ်မှုဖြစ်ပွား

မွန်ပြည်သစ်ပါတီ ထိန်းချုပ်နယ်မြေဖြစ်သည့် တနင်္သာရီတိုင်းဒေသကြီး ရေဖြူမြို့နယ် အလယ်စခန်းကျေးရွာ အရှေ့ ဘက် ဘုရားတောင်အနီးတစ်ဝိုက်၌ မွန်ပြည်သစ် ပါတီတပ်ဖွဲ့ဝင်နှင့် KNU အောက်ခြေအဖွဲ့ကြား မတ် ၄ ရက် နံနက် ၈ နာရီခွဲခန့်က ပစ်ခတ်မှုများဖြစ်ပွားခဲ့ကြောင်း သိရသည်။

မတ် ၃ ရက် ညနေပိုင်းက အလယ်စခန်း ကျေးရွာမှ ခြံသမားရွာသား ၄၀ ခန့်အား အင်အား ၂၀ ခန့်ရှိ KNU တပ်ဖွဲ့မှ ဖမ်းဆီးခေါ်ဆောင်သွားခြင်းကြောင့် မွန်ပြည်သစ်ပါတီတပ်ဖွဲ့ဝင်များ ၀င်ရောက်ရှင်းလင်းပစ်ခတ်ခြင်း ဖြစ်သည်ဟု မွန်ပြည်သစ်ပါတီ ထားဝယ်ခရိုင်မှ တာဝန်ရှိသူတစ်ဦးက ပြောကြားသည်။

“ဒီနေ့မနက်ပိုင်းမှာ ကျွန်တော်တို့နဲ့ KNU အောက်ခြေကတပ်တွေနဲ့ ထိတွေ့မှု ဖြစ်တယ်ဆိုတာ မှန်ပါတယ်။ မနေ့က (မတ် ၃ ရက်) ညနေ ၅ နာရီလောက်မှာ အလယ်ကျေးရွာက ရွာသား ၄၀ ၀န်းကျင်လောက်ကို ဖမ်းထားပြီးတော့ အလယ်စခန်းရွာ အရှေ့ဘက်ခြမ်းက ကျွန်တော်တို့စခန်းနဲ့ ကပ်ကပ်ပဲလေ။ ကိုက် ၃၀၀ လောက်ပဲဝေးတယ်။ အဲဒီမှာ ရောက်နေတယ်။ ဒီနေ့မနက် ကျွန်တော်တို့က သတင်းကြားပြီး အခြေအနေသွားကြည့်ပြီးတော့ ခဏပစ်ကြတယ်။ အခုရွာသားတွေရွာကို ပြန်ရောက်လာကြပြီ” ဟု အဆိုပါ မွန်ပြည်သစ်ပါတီတာဝန်ရှိသူက ပြောကြားသည်။

၎င်းက ဆက်လက်ပြီး “ရွာသား ၄၀ ၀န်း ကျင်လောက်ရှိမယ်။ အလယ်စခန်းရွာကပါ။ အခုရွာကိုပြန်ရောက်နေကြပါပြီ။ အခုလည်းရွာကို ရဲတွေရောက်နေကြပြီးတော့ မေးမြန်းနေတယ်လို့ သိရပါတယ်။ တိုက်ပွဲကတော့ ခဏလေးပဲဖြစ်တာပါ။ ပစ်နေတုန်းမှာ ရွာသားတွေ ထွက်ပြေးလွတ်မြောက်သွားကြတာပါ။ နှစ်ဖက်စလုံးလည်း ဘာမှမဖြစ်ကြဘူး။ ရွာသားတွေလည်း ဘာမှမဖြစ်ကြဘူး။ အခုတော့ အားလုံးပြီးကုန်ပြီ။ အေးဆေးပဲ။ ဘာမှမဖြစ်တော့ဘူး။ ကိစ္စကြီးကြီးမားမားတော့ မဟုတ်ပါဘူး။ ပြဿနာလည်း မဟုတ်ဘူး။ တပ်အောက်ခြေအဆင့်တွေက ဒီလိုပဲ။ နယ်မြေဆက်စပ်တဲ့နေရာတွေမှာတော့ တစ်ခါတလေ ဖြစ်လေ့ရှိပါတယ်။ ဒါကလည်း လူကြီးတွေ တွေ့ဆုံဆွေးနွေးမှုတွေ လုပ်ကြမှာပေါ့” ဟု ပြောကြားသည်။

“အဲဒါကို ကျွန်တော်တို့လည်း သေချာမသိရသေးဘူး။ ကျွန်တော်က အခု လောခီး လာကိုတက်ဖို့ ဘားအံရောက်နေတာ။ အဲဒါကို အတိအကျမသိသေးလို့ လှမ်းနားထောင်နေတယ်။ အခုတောင် တိုက်ပွဲဖြစ်နေတယ်လို့ ကြားတာ။ အဲဒါလည်း ဟုတ် မဟုတ်ဆိုတာ ပြန်ပြီးသေချာအောင် လုပ်နေတာ။ ဖြစ်တဲ့နေရာကတော့ အရင်ကဖြစ်ခဲ့တဲ့နေရာမှာပဲ” ဟု KNU တပ်မဟာ-၄ (မြိတ်-ထားဝယ်ခရိုင်) ဆက်ဆံရေးရုံးတာဝန်ခံ ဖဒိုစောဝင်းခိုင်က ပြောကြားသည်။

“မနေ့က ရွာသားတွေကို ကရင်ကခေါ်သွားပြီးတော့ ထားဝယ်ချောင်းဖျားက ဘုရားတောင်ဘက်မှာ ထားထားတာမှာ ဒီနေ့မနက်က ပစ်ကြတယ်ပေါ့။ ရွာသားတွေကို ကရင်က ထိန်းထားတယ်။ မွန်စစ်သားတွေကို အဲဒီမှာ ၀င်လာတော့ ပစ်ခတ်မှုတွေဖြစ်တယ်လို့ကြားပါတယ်။ အခုတော့ ရွာသားတွေ ရွာကိုပြန်ရောက်လာပြီ။ KNU က ရွာသားတွေကို သုံးရက်အတွင်းမှာ ကိုယ့်ခြံကိုမထွက်ကြဖို့မှာ ထားပါတယ်” ဟု အလယ်စခန်းကျေးရွာ ဒေသခံတစ်ဦးက ပြောကြားသည်။

ထို့ပြင် ဖေဖော်ဝါရီ ၂၄ ရက် မွန်းလွဲပိုင်းကလည်း မွန်ပြည်သစ်ပါတီနှင့် KNU/KNLA တပ်ဖွဲ့တို့ မွန်ပြည်နယ် ခေါဇာမြို့မာန်အောင် ကျေးရွာအနီးတွင် ပစ်ခတ်မှုများဖြစ်ပွားခဲ့ကြောင်း၊ ဇန်န၀ါရီလအတွင်း မာန်အောင်ကျေးရွာ အရှေ့ဘက်တွင် သစ်ခုတ်သမား ၃၂ ဦးကို မွန်ပြည်သစ်ပါတီမှ ဖမ်းဆီးမိခဲ့ပြီးနောက် KNU ၀င်း ရေးမြို့နယ်သို့ ပြန်လည် လွှဲပြောင်းပေးခဲ့ပြီးနောက်ပိုင်း သစ်ထုတ်လုပ်မှုနှင့်ပတ်သက်၍ ပစ်ခတ်မှုအချို့ဖြစ်ပွားခဲ့ကြောင်း ဒေသခံများ၏ ပြောကြားချက်အရ သိရသည်။

ထားဝယ်အထူးစီးပွားရေးဇုန်နှင့် ထိုင်းနယ်စပ် ချိတ်ဆက်ပေးထားသော နှစ်လမ်းသွားလမ်းမကြီး တည်ဆောက်သည့် စီမံကိန်း ဆက်လက် အကောင်အထည်ဖော်မည့်အပေါ် ကရင်အမျိုးသား အစည်းအရုံး သဘောထားထုတ်ပြန်

ထားဝယ်အထူးစီးပွားရေးဇုန်နှင့် ထိုင်းနယ်စပ်ကို ချိတ်ဆက်ပေးထားသော နှစ်လမ်းသွားလမ်းမကြီး စီမံကိန်း ဆက်လက် အကောင်အထည် ဖော်မည့်အပေါ် ကရင်အမျိုးသား အစည်းအရုံးက ဖေဖော်ဝါရီ ၁ ရက်တွင် သဘောထား ထုတ်ပြန်သည်။

ထုတ်ပြန်ချက်တွင် စီမံကိန်းကို ပြန်လည် စတင်မည်ဆိုပါက ကရင်အမျိုးသား အစည်းအရုံး၏ ထိန်းချုပ်နယ်မြေရှိ မပျက်မစီးဘဲ ထိန်းသိမ်းထားသော သဘာဝသစ်တော ဧရိယာကို ဖြတ်သန်းသွားရမည် ဖြစ်ကြောင်း၊ ထိုစီမံကိန်းသည် မြန်မာနိုင်ငံအတွက် လူမှုစီးပွား ဖွံ့ဖြိုးရေး စီမံကိန်းများ အကောင်အထည် ဖော်ရာတွင် ဒေသခံတိုင်းရင်းသားများ၏ လုံခြုံရေး၊ ရိုးရာဓလေ့များနှင့် သဘာဝပတ်ဝန်းကျင်ကို ကာကွယ်ကာ ၎င်းတို့အတွက် သိသာထင်ရှားပြီး အကျိုးကျေးဇူးများ ဖြစ်ပေါ်စေနိုင်သည့် အခွင့်အလမ်းတစ်ခုဖြစ်ကြောင်း ဖော်ပြထားသည်။

သို့သော် နိုင်ငံတော် အစိုးရအနေဖြင့် ကရင်အမျိုးသား အစည်းအရုံးနှင့် အောက်တိုဘာ ၁၅ ရက် ၂၀၁၅ ခုနှစ်တွင် လက်မှတ်ရေး ထိုးချုပ်ဆိုထားသည့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်ပါ ပြဋ္ဌာန်းချက်များအရ ထိုကဲ့သို့သော လူမှုရေးနှင့် စီးပွားရေးဆိုင်ရာ အခြေခံ ဖွံ့ဖြိုးတိုးတက်ရေး လုပ်ငန်းများအား ကရင်အမျိုးသား အစည်းအရုံးကို တိုင်ပင်ဆွေးနွေးညှိနှိုင်းခြင်းများ လုပ်ဆောင်ရမည်ဖြစ်ပြီး ကရင်အမျိုးသား အစည်းအရုံး အနေဖြင့် မြန်မာအစိုးရ၊ ထိုင်းအစိုးရ၊ ဂျပန်အစိုးရ၊ စီမံကိန်း အကောင်အထည်ဖော်သူနှင့် ငွေကြေးထောက်ပံ့မည့် သူများအား စီမံကိန်းအကောင်အထည် ဖော်နိုင်ရေးအတွက် ပြည့်စုံလုံလောက်သော သဘာဝပတ်ဝန်းကျင်နှင့် လူမှုဘ၀ဆိုင်ရာ ထိခိုက်ပျက်စီးမှု ဆန်းစစ်လွှာ (EIA) ကို မြန်မာနိုင်ငံ၏ ဥပဒေ၊ ကရင်အမျိုးသား အစည်းအရုံး၏ မြေယာ မူဝါဒ၊ သစ်တောမူဝါဒများနှင့် နိုင်ငံတကာစံနှုန်းများအတိုင်း လုပ်ဆောင်ရန် လိုအပ်ကြောင်း ထုတ်ပြန်ချက်တွင် ဖော်ပြထားသည်။

ထို့ပြင်စီမံကိန်း အကောင်အထည် ဖော်ရာတွင် နိုင်ငံတကာ စံချိန်စံညွှန်းများနှင့်အညီ လွတ်လပ်စွာ ကြိုတင်အသိပေး တိုင်ပင်မှုနှင့် လူထုသဘောတူညီချက် ရယူခြင်းကို လုပ်ဆောင်ရမည်ဖြစ်ပြီး ၎င်းတို့ဆုံးရှုံးသွားမည့် မြေယာများနှင့် အသက်မွေးဝမ်းကျောင်းများ အတွက်လည်း မျှတသော လျော်ကြေးပေးခြင်း၊ မြေယာအစား ပြန်လည်ချထားပေးခြင်းများအား အပြီးသတ် ဖြေရှင်းခြင်းများ ပြုလုပ်ပေးရမည့်အပြင် ယင်းဒေသခံများအတွက် ဈေးကွက်များ ပေါ်ထွန်းရေး သဘာဝပတ်ဝန်းကျင် ထိန်းသိမ်းရေး အစီအစဉ်များအတွက် ထောက်ပံ့ပေးခြင်းများ ပြုလုပ်ရန်၊ တည်ဆောက်မည့်လမ်းမကြီး၏ ဖွဲ့စည်းတည်ဆောက်ပုံနှင့် ဒီဇိုင်းရေးဆွဲရာတွင် သဘာဝပတ်ဝန်းကျင်ကို ထိခိုက်ပျက်စီးစေနိုင်မည့် သစ်တောမြေ နေရာများ၊ မြစ်ချောင်းနှင့် ဇီဝမျိုးကွဲများအပြင် ကရင်လူမျိုးနှင့် အခြားတိုင်းရင်းသား လူမျိုးများ နေထိုင်သော မြေနေရာများကို ရှောင်ရှားခြင်း သို့မဟုတ် ထိခိုက်ပျက်စီးမှု နည်းပါးအောင်ပြုလုပ်ခြင်း အစီအစဉ်များ ပါဝင်ရမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

 

အမျိုးသားအဆင့် နိုင်ငံရေးဆွေးနွေးပွဲများ အောင်မြင်စွာ ကျင်းပနိုင်ရေး ကရင်ပြည်သူလူထုနှင့်အတူ အခြားသော တိုင်းရင်းသားလက်နက်ကိုင် အဖွဲ့အစည်းများ၊ နိုင်ငံရေးပါတီများ၊ နိုင်ငံရေးအင်အားစုများ၊ လူမှုအဖွဲ့အစည်းများ အားလုံးနှင့် ပူးပေါင်း ဆောင်ရွက်မည်ဖြစ်ကြောင်း KNU (ကရင်အမျိုးသားအစည်းအရုံး) ထုတ်ပြန်

ဇန်န၀ါရီ ၂၃ ရက်မှ ၂၇ ရက်အထိ ပြုလုပ်ခဲ့သည့် KNU ကရင်အမျိုးသားအစည်းအရုံး၏ ဒုတိယအကြိမ် ဗဟိုအမြဲတမ်းကော်မတီ အရေးပေါ် အစည်းအဝေးကို တွေ့ရစဉ် (Photo- Karen National Union HQ Facebook)

အမျိုးသားအဆင့် နိုင်ငံရေး ဆွေးနွေးပွဲများ အောင်မြင်စွာ ကျင်းပနိုင်ရေးအတွက် ကရင်ပြည်သူလူထုနှင့်အတူ အခြားသောတိုင်းရင်းသား လက်နက်ကိုင်အဖွဲ့အစည်းများ၊ နိုင်ငံရေးပါတီများ၊ နိုင်ငံရေးအင်အားစုများ၊ လူမှုအဖွဲ့အစည်းများ အားလုံးနှင့် ပူးပေါင်း ဆောင်ရွက်သွားမည်ဖြစ်ကြောင်း ဇန်န၀ါရီ ၂၇ ရက်တွင် ထုတ်ပြန်သည့် KNU (ကရင်အမျိုးသားအစည်းအရုံး) (၁၆) ကြိမ်မြောက် ကွန်ဂရက်အပြီး ဒုတိယအကြိမ် ဗဟိုအမြဲတမ်းကော်မတီ အရေးပေါ်အစည်းအဝေး၏ ထုတ်ပြန်ချက်တွင် ဖော်ပြထားသည်။

ထုတ်ပြန်ချက်တွင် KNU (ကရင်အမျိုးသားအစည်းအရုံး)(၁၆) ကြိမ်မြောက်ကွန်ဂရက်အပြီး ဒုတိယအကြိမ် အမြဲတမ်းကော်မတီ အရေးပေါ် အစည်းအဝေးကို ၂၀၁၈ ခုနှစ် ဇန်န၀ါရီ ၂၃ ရက်မှ ၂၇ ရက်အထိ အောင်မြင်စွာ ပြုလုပ်ခဲ့ကြောင်း၊ ထိုအစည်းအဝေးသို့ ဗဟိုအမြဲတမ်း ကော်မတီဝင် ၅၅ ဦးရှိသည့်အနက် ကော်မတီဝင် ၄၈ ဦးနှင့်အတူ ဖိတ်ကြားခံရသည့် ခေါင်းဆောင်သုံးဦး တက်ရောက်ခဲ့ကြကြောင်း သိရသည်။

အရေးပေါ်အစည်းအဝေးတွင် KNU ကရင်အမျိုးသား အစည်းအရုံးအနေဖြင့် လက်ရှိနိုင်ငံရေး အခြေအနေများ၊ တစ်နိုင်ငံလုံး အပစ်အခတ်ရပ်စဲရေးဆိုင်ရာ အကောင်အထည်ဖော်ခြင်းနှင့် ငြိမ်းချမ်းရေးလုပ်ငန်းစဉ်ဆိုင်ရာ ကိစ္စရပ်များ၊ ပြည်ထောင်စုငြိမ်းချမ်းရေးညီလာခံ ၂၁ ရာစု ပင်လုံတတိယအစည်းအဝေးနှင့် အမျိုးသားအဆင့် နိုင်ငံရေးဆွေးနွေးပွဲဆိုင်ရာ လူမျိုးအလိုက်ကျင်းပမည့် အဆင့်ဆင့် နိုင်ငံရေးဆွေးနွေးပွဲကျင်းပခြင်း ကိစ္စရပ်များ၊ JMC ဆိုင်ရာ ကိစ္စရပ်များ၊ ကြားကာလဆိုင်ရာ ကိစ္စရပ်များနှင့် လက်ရှိမြန်မာနိုင်ငံ၏ နိုင်ငံရေး အခြေအနေတို့ကို ဆွေးနွေးခဲ့ကြောင်း၊ ဗဟိုအမြဲတမ်းကော်မတီအရေးပေါ် အစည်းအဝေးမှ လက်ရှိဖြစ်ပေါ်လာနိုင်သော နိုင်ငံရေးအခြေအနေများအရ ရှေ့ဆက်အကောင်အထည်ဖော် ဆောင်ရွက်သွားရမည့် ငြိမ်းချမ်းရေး အကောင်အထည် ဖော်ဆောင်မှုဖြစ်စဉ်များနှင့် ပတ်သက်ပြီး ပိုမိုကောင်းမွန်သည့် နိုင်ငံရေး ချဉ်းကပ်မှုများဖြင့် ဆောင်ရွက်သွားမည်ဖြစ်ပြီး ပြည်ထောင်စုငြိမ်းချမ်းရေး ညီလာခံနှင့်ပတ်သက်ပြီး နိုင်ငံရေးဆွေးနွေးပွဲဆိုင်ရာ အဆင့်ဆင့် ကျင်းပနိုင်ရေးအတွက် PPST အစည်းအဝေးမှ ဆုံးဖြတ်ထားသော သဘောထား ဆုံးဖြတ်ချက်များအတိုင်း ဆောင်ရွက်လုပ်ဆောင်သွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

ထို့ပြင် နိုင်ငံရေးဆွေးနွေးပွဲဆိုင်ရာနှင့် ပတ်သက်၍ နိုင်ငံရေးနှင့် လုံခြုံရေးကဏ္ဍများအတွက် နားလည်မှုပိုမိုရရှိရန် အလွတ်သဘော ဆွေးနွေးပွဲများမှတစ်ဆင့် သက်ဆိုင်သည့် အစုအဖွဲ့များနှင့် ဆွေးနွေးသွားမည်ဖြစ်ကြောင်း၊ ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC) ၏ လုပ်ငန်းစဉ်များကို ပြန်လည်သုံးသပ်ခဲ့ကြပြီး ပိုမိုကောင်းမွန်သည့် ပူးတွဲအကောင်အထည်ဖော် ဆောင်ရွက်သည့်လုပ်ငန်းများ ဖြစ်ပေါ်လာစေရေးအတွက် သက်ဆိုင်ရာ JMC ဆိုင်ရာ KNU ကိုယ်စားလှယ်များအကြား JMC အကောင်အထည်ဖော်မှုဆိုင်ရာ မျက်နှာစုံညီ အစည်းအဝေးတစ်ရပ်ကို ကျင်းပသွားမည်ဖြစ်ကြောင်း၊ လက်ရှိတွင် အနာဂတ် ဒီမိုကရေစီဖက်ဒရယ်ပြည်ထောင်စု တည်ဆောက်ရေးအတွက် နိုင်ငံရေး ဆွေးနွေးပွဲကျင်းပ ပြုလုပ်နေစဉ်ကာလအတွင်း တိုးတက်ကောင်းမွန်သည့် နိုင်ငံရေးဆွေးနွေးပွဲရလဒ်များ မရရှိမီစပ်ကြား မိမိတို့အဖွဲ့အစည်း၏ ချမှတ်ထားသော နိုင်ငံရေး၊ စစ်ရေး၊ အုပ်ချုပ်ရေးနှင့် စည်းရုံးရေးဆိုင်ရာ လုပ်ငန်းများကို ဆက်လက်လုပ်ကိုင်သွားမည်ဖြစ်ပြီး NCA ကို အခြေခံသည့် ကြားကာလဆိုင်ရာ ဆောင်ရွက်ရမည့် လုပ်ငန်းစဉ်များကို ညှိနှိုင်း ဆောင်ရွက်မှုများနှင့်အတူ အကောင်အထည်ဖော် ဆောင်ရွက်သွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

ဆက်လက်ပြီး KNU-ကရင် အမျိုးသားအစည်းအရုံးအနေဖြင့် ၁၆ ကြိမ်မြောက်ကွန်ဂရက်မှ ချမှတ်ထားသော ပြည်တွင်းငြိမ်းချမ်းရေးအပေါ် ထားရှိသော သဘောထားများ၊ ရှေ့လုပ်ငန်းစဉ်များနှင့်အညီ စစ်မှန်သောငြိမ်းချမ်းရေးလုပ်ငန်းစဉ် အကောင်အထည်ဖော်မှုတွင် သက်ဆိုင်သူ အင်အားစုများ အကြား တွေ့ဆုံညှိနှိုင်း ဆွေးနွေးအဖြေရှာသွားမည်ဖြစ်ကြောင်း၊ ပြည်တွင်းငြိမ်းချမ်းရေးနှင့် အမျိုးသားပြန်လည်သင့်မြတ်ရေး၊ ပစ်ခတ်တိုက်ခိုက်မှုရပ်စဲရေး သဘောတူစာချုပ် အကောင်အထည်ဖော်မှုဆိုင်ရာ လုပ်ငန်းစဉ်တို့အား အကောင်အထည်ဖော်ခြင်းနှင့် ဆက်လက်ပြုလုပ်မည့် အမျိုးသားအဆင့်နိုင်ငံရေး ဆွေးနွေးပွဲများ အောင်မြင်ချောမောစွာ ကျင်းပနိုင်ရေးအတွက် ကရင်ပြည်သူလူထုနှင့်အတူ အခြားသော တိုင်းရင်းသားလက်နက်ကိုင် အဖွဲ့အစည်းများ၊ နိုင်ငံရေးပါတီများ၊ နိုင်ငံရေးအင်အားစုများ၊ လူမှုအဖွဲ့အစည်းများအားလုံးနှင့် ပူးပေါင်း ဆောင်ရွက်သွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

ထားဝယ်ခရိုင် မြန်မာ-ထိုင်းနယ်စပ် ထီးခီးဒေသတွင် KNU နှင့် တရုတ်ကုမ္ပဏီ ဖက်စပ်လုပ်ကိုင်မည့် ဧက ၆၀၀၀ ကျော်ရှိ မယ့်သမီးခီး စက်မှုဇုန်စီမံကိန်းအတွက် လေ့လာသုံးသပ်ရေးကော်မရှင် စတင်ဖွဲ့စည်း

မြန်မာ-ထိုင်းနယ်စပ်ရှိ ထီးခီးနယ်စပ်စခန်းကိုတွေ့ရစဉ်

တနင်္သာရီတိုင်းဒေသကြီး ထားဝယ်ခရိုင်အတွင်းရှိ မြန်မာ-ထိုင်းနယ်စပ် ထီးခီးဒေသတွင် KNU နှင့် တရုတ်ကုမ္ပဏီတို့ ဖက်စပ်လုပ်ကိုင်မည့် ဧက ၆၀၀၀ ကျော်ရှိ ‘မယ့်သမီးခီး’ စက်မှုဇုန်စီမံကိန်းအတွက် လေ့လာသုံးသပ်ရေးကော်မရှင်ကို ဇန်န၀ါရီ ၂၄ ရက် က တိုင်းဒေသကြီးလွှတ်တော်က ဖွဲ့စည်းတာ ၀န်ပေးအပ်ခဲ့ကြောင်း သိရသည်။

ဇန်န၀ါရီ ၂၄ ရက်က ကျင်းပသည့် ဒုတိယအကြိမ် တနင်္သာရီတိုင်းဒေသကြီး လွှတ်တော် သတ္တမပုံမှန်အစည်းအဝေး (တတိယနေ့) တွင် လွှတ်တော်က သဘောတူ ညီချက်အရ အဖွဲ့ ဝင်  ၁၄ ဦးပါဝင်သည့် ‘မယ့်သမီးခီး’စက်မှုဇုန်စီမံကိန်းလေ့လာသုံးသပ်ရေး ကော်မရှင်အဖွဲ့ကို ဖွဲ့စည်းခဲ့ခြင်းဖြစ်ပြီး ဥက္ကဋ္ဌအဖြစ် ကျွန်းစုမဲဆန္ဒနယ်အမှတ်(၁)မှ တိုင်းဒေသကြီးလွှတ်တော်ကိုယ်စားလှယ် ဦးတိုးလွင်အား တာဝန်ပေးအပ်ကာ တိုင်းဒေသကြီးလွှတ်တော်ကိုယ်စားလှယ် ကိုးဦး၊ တရားဥပဒေစိုးမိုးရေးနှင့်တရားမျှတမှုဆိုင်ရာ အဖွဲ့ခွဲ၊ SME ၊ DDA နှင့် မြို့မိမြို့ဖတို့မှ တစ်ဦးစီဖြင့် ပါဝင်ဖွဲ့စည်းထားကြောင်း၊ ယင်းကော်မရှင်အဖွဲ့သက်တမ်းမှာ စတင်ဖွဲ့စည်းသည့်နေ့ မှစ၍ လွှတ်တော်အတည်ပြုရန်(သို့ မဟုတ်)အတည်မပြုရန် တင်သွင်းပြီးသည်အထိဖြစ်ကြောင်း သိရသည်။

” KNU ကရင်အမျိုးသားအစည်းအရုံးနဲ့  Nobel Prince ကုမ္ပဏီလီမိတက်ကနေပြီးတော့ ‘မယ့်သမီးခီး’ ဒေသမှာစက်မှုလက်မှုလုပ်ငန်းနယ်မြေ တည်ထောင်လုပ်ကိုင်ခွင့်ဆိုပြီးတော့ လွှတ်တော်ကိုလာတင်ပြတယ်။သူတို့ကတော့ ကျကျနနပဲလာတင်ပြတာ။ ဒါနဲ့ ပတ်သက်လို့ သူတို့ကပြည်ထောင်စုအဆင့်မှာသွားမယ့် လုပ်ငန်းကြီးပေါ့နော်။ သို့ သော်လည်းပဲ တိုင်းဒေသကြီးလွှတ်တော်ရဲ့ သဘောထားကိုလိုတဲ့အတွက် လွှတ်တော်မှာ လာရှင်းပြတယ်။ ရှင်းပြတဲ့စာနဲ့ အချက်အလက်တွေ အစုံအလင်ရှိတယ်။ ‘မယ့်သမီးခီး’ စက်မှုဇုန်စီမံကိန်းနဲ့ ပတ်သက်လို့သေ သေချာချာ လေ့လာသုံးသပ်ပြီးမှသဘောထားမှတ်ချက် ပေးစေလိုတယ်လို့ စာလာတင်ထားတာလည်းရှိတော့ လေ့လာသုံးသပ်ရေးကော်မရှင်အဖွဲ့ကနေသွားပြီးတော့ အဲဒီဒေသကို သွားရောက်သုံးသပ်လေ့လာမယ်။ နယ်စပ်ကိစ္စတွေပါရောပေါ့။ နယ်စပ်မျဉ်းကလည်း မသေချာသေးဘူး။ကုမ္ပဏီဘက်ကစီမံကိန်းနဲ့ ပတ်သက်လို့ လွှတ်တော်ကိုလာတင်ပြတော့ သေချာလေ့လာသုံးသပ်လို့ရအောင် ဒီကော် မရှင်ကိုဖွဲ့လိုက်တာ”ဟု တိုင်းဒေသကြီးလွှတ်တော်ဥက္ကဋ္ဌ ဦးခင်မောင်အေးကပြောကြားသည်။

‘မယ့်သမီးခီး’ စက်မှုဇုန် စီမံကိန်းလေ့လာသုံးသပ်ရေးကော်မရှင်အဖွဲ့က ဇန်န၀ါရီလကုန်ပိုင်းမှ ဖေဖော်ဝါရီလအတွင်း စီမံကိန်းဆောင်ရွက်မည့်ဒေသသို့ သွားရောက်၍ ဒေသခံများနှင့်အဖွဲ့အစည်းများကို တွေ့ဆုံကာ ဒေသခံများ၏သဘောထား၊ နယ်စပ်မျဉ်းနယ်မြေအပိုင်းအခြား သေချာမှု ရှိမရှိ၊ စီမံကိန်းမှ ကရင်ပြည်သူအားလုံးကို အကျိုးပြုမှု ရှိ မရှိ၊ အဆိုပြုထားသည့် စက်မှုဇုန်မြေ ကောင်း မကောင်းနှင့် KNU  အဖွဲ့အား အကျိုးစီးပွား ဖြစ် မဖြစ်ဆိုသည်ကို လေ့လာသွားမည်ဖြစ်ပြီး လေ့လာသုံးသပ်တွေ့ရှိချက်များကို လာမည့် မတ်လအစောပိုင်းတွင် ပြုလုပ်မည့် တိုင်းဒေသကြီးလွှတ်တော် အဋ္ဌမပုံမှန်အစည်းအဝေး၌ အစီအရင်ခံစာ ဖတ်ကြား အတည်ပြုသွားရန်ရှိကြောင်း၊ ယင်းအစီအရင်ခံစာကို ပြည်ထောင်စုလွှတ်တော်နှင့် တိုင်းဒေသကြီးအစိုးရသို့ ပေးပို့သွားမည်ဖြစ်ကြောင်း သိရသည်။

မြန်မာ-ထိုင်းနယ်စပ် ထီးခီးဒေသတွင်တည်ဆောက်မည့်  ၆၆၇၆ ဧကရှိ ‘မယ့်သမီးခီး’စက်မှုဇုန်နှင့် စက်မှုမြို့စီမံကိန်းနှင့်  Taninthayi Renewable Energy Power Project ၊ ထီးခီး-ကနက်သီရိ (ထားဝယ်မြစ်ဝ) လမ်းသစ်နှင့် အသေးစားဆိပ်ကမ်းတည်ဆောက်ရေးတို့အတွက် Nobel Prince Company Limited၊  Sun & Rainbow Company Limited နှင့် တရုတ်ကုမ္ပဏီဖြစ်သော Power China International Group Limited တို့ အကြားပြီးခဲ့သည့် ၂၀၁၆ ခုနှစ် ဒီဇင်ဘာ ၁၃ ရက်က ထားဝယ်မြို့၌ MoU  လက်မှတ်ရေးထိုးခဲ့ပြီး ၎င်းလက်မှတ်ရေးထိုးပွဲသို့ ကရင်အမျိုးသားအစည်းအရုံး (KNU) ဥက္ကဋ္ဌ ဗိုလ် ချုပ်ကြီး စောမူတူးစေးဖိုးနှင့် အဖွဲ့ဝင်များတက်ရောက်ခဲ့ကြောင်း သိရသည်။

‘မယ့်သမီးခီး’ စက်မှုဇုန်စီမံကိန်းအား လုပ်ကိုင်ခွင့်ရရှိထားသည့် Nobel Prince ကုမ္ပဏီမှာ ကရင်အမျိုးသားအစည်းအရုံး (KNU တပ်မဟာ ၄ မြိတ်-ထားဝယ်ခရိုင်)မှ စီးပွားရေးဆောင်ရွက်ရန် တည်ထောင်ထားသည့်ကုမ္ပဏီဖြစ်ကြောင်း၊ Sun & Rainbow ကုမ္ပဏီမှာ Nobel Prince ကုမ္ပဏီ ကိုယ်စား နိုင်ငံခြားရင်းနှီးမြှုပ်နှံသူ ကျွမ်းကျင်သူ၊ ဒေသတွင်ပါဝင်နိုင်သူများကို ရှာဖွေပေးရန်အတွက် တာဝန်ခံပေးထားကြောင်း၊ စီမံကိန်းအားရင်း နှီးမြှုပ်နှံမည့်ပမာဏမှာ ယခုအချိန်တွင်ပြောရန်ခက်ခဲပြီး အကြမ်းဖျင်းအားဖြင့် အမေရိကန် ဒေါ်လာသန်းပေါင်းများစွာလိုအပ်ကာ ၎င်းတို့နှင့်လက်တွဲမည့် Power China  ကုမ္ပဏီအနေဖြင့် နိုင်ငံတကာနှင့်အလုပ်လုပ်နိုင်သည့် ကုမ္ပဏီဖြစ်သည့်အပြင် ကမ္ဘာ့ထိပ်တန်း အဆင့်ကုမ္ပဏီ  ၅၀၀ အတွင်း ပါဝင်ကာ တရုတ်နိုင်ငံတစ်ဝန်းတွင် စီမံကိန်းပေါင်း ၁၈၀၀ ကျော်ခန့် တစ်ပြိုင်တည်းဆောင်ရွက်နေသည့်  တရုတ်နိုင်ငံပိုင် ကုမ္ပဏီဖြစ်ကြောင်ုး KNU မြိတ်-ထားဝယ်ခရိုင်ကိုယ်စားဆောင်ရွက်မည့်ှSun & Rainbow ကုမ္ပဏီ၏ မန်နေးဂျင်း ဒါရိုက်တာ ဦးငွေစိုးကပြောကြားခဲ့သည်။

ပြီးခဲ့သည့် ၂၀၁၇ ခုနှစ် နိုဝင်ဘာ ၁၅ ရက်က ထားဝယ်မြို့ရှိ တိုင်းဒေသကြီးအစိုးရအဖွဲ့ရုံး၌ စီမံကိန်းအကောင်အထည်ဖော်မည့် ကုမ္ပဏီများနှင့် တိုင်းဒေသကြီးအစိုးရအဖွဲ့တွေ့ဆုံရာတွင် ၀န်ကြီးချုပ် ဒေါက်တာလဲ့လဲ့မော်က ထီးခီးဒေသတွင်  ၆၆၇၆ ဧကရှိ စက်မှုဇုန် စီမံကိန်းနှင့်တနင်္သာရီမြစ်အတွင်း မဂ္ဂါဝပ် ၆၀၀ အထိ ထုတ်လုပ်မည့်ရေအားလျှပ်စစ်စီမံကိန်းအပြင် ထီးခီးနယ်စပ်မှ ထားဝယ်မြစ်ဝအထိ မိုင် ၇၀ အရှည်လမ်းနှင့် ဆိပ်ကမ်းတို့ တည်ဆောက်ရန် တရုတ်နိုင်ငံပိုင် Power China ကုမ္ပဏီက ရင်းနှီးမြှုပ်နှံမည့် ယင်းစီမံကိန်းအကောင်အထည်ဖော်မည့်ကိစ္စကို ၎င်းတို့  အစိုးရအဖွဲ့က ကန့်ကွက်ရန်မရှိဘဲ သဘောတူခွင့်ပြုကြောင်းပြောကြားသည်။ ထားဝယ်ဒေသတွင် ထိုင်းနိုင်ငံအခြေစိုက် အီတာလျံ-ထိုင်းကုမ္ပဏီ (TTD) က အကောင်အထည် ဖော်ဆောင်ရွက်ခဲ့ပြီး၂၀၁၃ ခုနှစ်က ယာယီ ရပ်နားထားခဲ့ပြီးနောက် လက်ရှိအစိုးရလက်ထက်တွင်ပြန်လည် စတင်ရန်စီစဉ်နေသည့် ထားဝယ် အထူးစီးပွားရေးဇုန်စီမံကိန်းနှင့် မြန်မာ-ထိုင်းနယ်စပ် ထီးခီးနယ်စပ်စခန်းအနီးတွင် အကောင်အထည်ဖော်မည့် ၎င်း’မယ့်သမီးခီး’ စက်မှုဇုန်မှာ မိုင် ၁၀၀ နီးပါးသာကွာဝေးသော်လည်း ထားဝယ်စီမံကိန်းမှာ အကြီးစား စက်မှုစီမံကိန်းဖြစ်၍’မယ့်သမီးခီး’ စက်မှုဇုန်မှာ ဒေသခံတိုင်းရင်းသားများ အလုပ်အကိုင်ရရှိစေရေး အဓိကဦးတည်ထားသည့် နယ်စပ်စက်မှုဇုန်တစ်ခုသာဖြစ်သောကြောင့်  စက်မှုဇုန်နှစ်ခုနီးကပ်စွာတည်ရှိနေခြင်းက အထောက်အပံ့အနေဖြင့်သာရှိနိုင်ပြီး သက်ရောက်မှုကြီးမားစွာ ရှိလိမ့်မည်မဟုတ်ဟု တိုင်းဒေသကြီးအစိုးရအဖွဲ့ စီမံ/ဘဏ္ဍာ ၀န်ကြီး ဦးဖြိုးဝင်းထွန်းက ပြောကြားသည်။