မြန်မာနိုင်ငံ အရှေ့တောင်ပိုင်းရှိ လူထုပါဝင်ခွင့် မရှိသော ဖွံ့ဖြိုးရေး စီမံကိန်းများကြောင့် မြေယာသိမ်းယူမှုများ၊ လူ့အခွင့်အရေးချိုးဖောက်မှုများနှင့် ပတ်သက်၍ အစီရင်ခံစာထုတ်ပြန်

ကရင်လူ့အခွင့်အရေးအဖွဲ့ (KHRG) ၏ အစီရင်ခံစာ မိတ်ဆက်ပွဲကို သြဂုတ် ၂၉ ရက် နံနက်က ရန်ကုန်မြို့ရှိ Orchid Hotel တွင် ပြုလုပ်စဉ်

မြန်မာနိုင်ငံအရှေ့တောင်ပိုင်းရှိ လူထုပါဝင်ခွင့်မရှိသော ဖွံ့ဖြိုးရေးစီမံကိန်းများကြောင့် မြေယာသိမ်းယူမှုများ၊ လူအခွင့်အရေး ချိုးဖောက်မှုများနှင့် ပတ်သက်၍ ကရင်လူ့အခွင့်အရေးအဖွဲ့ (KHRG) ၏ အစီရင်ခံစာ မိတ်ဆက်ပွဲကို သြဂုတ် ၂၉ ရက် နံနက်က ရန်ကုန်မြို့ရှိ Orchid Hotel တွင် ပြုလုပ်ခဲ့သည်။

အဆိုပါ အစီရင်ခံစာထုတ်ပြန်ရခြင်းမှာ မြန်မာနိုင်ငံအရှေ့တောင်ပိုင်းရှိ ကရင်ပြည်နယ်အတွင်း မြေယာသိမ်းဆည်းမှုပြဿနာများနှင့် ငြိမ်းချမ်းရေးရပြီးနောက် ကရင် ပြည်နယ်အတွင်း စီမံကိန်းလုပ်ငန်းများလုပ်ကိုင်ရန် ၀င်ရောက်လာသည့် ကုမ္ပဏီများက ဒေသခံပြည်သူများအား လူ့အခွင့်အရေးချိုးဖောက်မှုများကို သက်ဆိုင်ရာတာဝန်ရှိသူများသိရှိစေရန် အစီရင်ခံထုတ်ပြန်ရခြင်း ဖြစ်ကြောင်း သိရသည်။

“အုပ်ချုပ်ရေးယှက်နွှယ်နေတဲ့ Mix Control နေရာမှာဆိုရင် ဒေသခံတိုင်းရင်းသားတွေက သူတို့ ဘယ်အစိုးရဆီမှာ မှတ်ပုံတင်ရမယ်ဆိုတာ မသိဘူး။ မြေယာမှတ်ပုံတင်ဖို့အတွက် အစိုးရနှစ်ရပ်ရှိနေတဲ့ မြေယာဥပဒေတွေက အပြိုင်ရှိနေတယ်။ အဲဒီလို အပြိုင်ရှိနေတဲ့အတွက် ကျေးလက်ဒေသမှာရှိတဲ့ ဒေသခံတွေက သူတို့အတွက်ပိုပြီးတော့ အခက်အခဲရှိနေတာကို ကျွန်မတို့လေ့လာ တွေ့ရှိရတယ်။ နောက်တစ်ချက်က ငြိမ်းချမ်းရေး ရလာပြီးတဲ့ နောက်ပိုင်းမှာဆိုရင် ကုမ္ပဏီတွေ ပိုပြီးတော့ ၀င်လာတယ်။ အခြေခံအဆောက်အအုံတွေ ဖော်ဆောင်တဲ့စီမံကိန်းမှာတွေ၊ သတ္တုတူးဖော်တာတွေ၊ လမ်းဖောက်တာတွေ၊ စီးပွားဖြစ်စိုက်ပျိုးမွေးမြူရေးလုပ်ငန်းတွေ အများကြီး ၀င်လာတယ်။ အဲဒီအချိန်မှာဆိုရင် ကုမ္ပဏီတွေက ဒေသခံတွေရဲ့အခွင့်အရေးတွေကို လျစ်လျူရှုထားကြတယ်” ဟု ကရင်လူ့အခွင့်အရေးအဖွဲ့မှ Programme Director နော်ထူးထူးက ပြောကြားသည်။

မြန်မာနိုင်ငံအရှေ့တောင်ပိုင်းတွင် အဓိကလုပ်ကိုင်နေသည့် စီးပွားဖြစ်ဖွံ့ဖြိုးရေးလုပ်ငန်းများမှာ သတ္တုမိုင်းလုပ်ငန်း၊ ရေအားလျှပ်စစ်၊ လမ်းဖောက်လုပ်ခြင်းနှင့် စိုက်ပျိုးမွေးမြူရေး လုပ်ငန်းများဖြစ်ပြီး စီမံကိန်းများတွင် ပါဝင်ပတ်သက်လုပ်ဆောင်သူများအနေဖြင့် စီးပွားဖြစ် ဖွံ့ဖြိုးရေးလုပ်ငန်းကြီးများမှ အကျိုးအမြတ်ရရန်သာ ရည်ရွယ်သောကြောင့် ဒေသခံပြည်သူများ၏ အခွင့်အရေးများကို လျစ်လျူရှုထားကာ မြေယာနှင့်ပတ်သက်၍ အလွန်စိုးရိမ်ရသည့် အခြေအနေရှိကြောင်း အစီရင်ခံစာတွင် ပါရှိသည်။

“မယာ အသိမ်းခံရတဲ့အတွက် ဒေသခံ ပြည်သူတွေဆီမှာ မြေယာမရှိတော့အတွက် သူတို့ရဲ့ အသက်မွေးဝမ်းကျောင်းလုပ်ငန်းတွေကို ထိခိုက်တယ်။ နေရာအသစ်တွေကို အတင်း အဓမ္မရွှေ့ပြောင်းခံရတယ်။ အဲဒီလို အတင်းအဓမ္မရွှေ့ပြောင်းခံရတဲ့အချိန်မှာဆိုရင်  ဒေသခံတွေအတွက် ကြိုတင်ပြင်ဆင်မှုတွေ မရှိဘူး” ဟု နော်ထူးထူးက ဆက်လက် ပြောကြားသည်။

မြန်မာနိုင်ငံအရှေ့တောင်ပိုင်းတွင် မြေယာ စီမံအုပ်ချုပ်မှုနှင့်ပတ်သက်၍ အစိုးရက စီမံအုပ်ချုပ်သည့်နည်းစနစ်နှင့်ကရင် အမျိုးသား အစည်းအရုံး (KNU) က စီမံ အုပ်ချုပ်သည့် နည်းစနစ်တို့ရှိပြီး မြေယာမှတ်ပုံတင်စနစ် နှစ်ခုစလုံးသည် ဒေသခံများအတွက် မြေယာပိုင်ဆိုင်မှု (KNU စနစ်အောက်) သို့မဟုတ် မြေယာလုပ်ပိုင်ခွင့် (မြန်မာအစိုးရ နှင့်  KNU စနစ်နှစ်ခုလုံး၏အောက်) တွင် လိုအပ်သော တရားဝင် စာရွက်စာတမ်းများ ရနိုင်ရန် အခွင့်အလမ်းပေးထားကြောင်း၊ ထို့ ပြင် ၂၀၁၂ ခုနှစ်မှစ၍ မြေယာမှတ်ပုံတင်ခြင်း နှင့် မြေပုံရေးဆွဲခြင်းများသာမက မြေယာပို လုပ်ပိုင်ခွင့်လက်မှတ် ထုတ်ပေးခြင်းများ ကြိုတင်လုပ်ဆောင်ခဲ့ကြောင်း၊ ထို့နောက် မြန်မာနိုင်ငံ အရှေ့တောင်ပိုင်းတွင် စီးပွားရေးဆိုင်ရာ ဖွံ့ဖြိုးရေးများမြင့်တက်လာသောကြောင့် ရွာသားများသည် ၎င်းတို့မြေယာများကို ကုမ္ပဏီမှ သိမ်းယူမှုနှင့်ဆုံးရှုံးမှုများမှ ကာကွယ်ရန်အတွက် မြေယာလုပ်ပိုင်ခွင့် လက်မှတ်များရရှိရန် ပိုမိုကြိုးစားလာခဲ့ကြောင်း၊ လက်ရှိတွင် ရွာသားများမှ မြေယာလုပ်ပိုင်ခွင့် လက်မှတ်၏အရေးကြီးမှုများကို ပိုမိုသတိပြုမိလာသော်လည်း မြေယာလုပ်ပိုင်ခွင့်လက်မှတ်အား မည်သို့လျှောက်ထားရမည်၊ မည်သည့် လျှောက်ထားမှု လုပ်ငန်းစဉ်များနှင့် မည်မျှကြာမြင့်မည်စသည်တို့ကို နားလည်ရန် အခက်အခဲများရှိကြောင်း အစီရင်ခံ ဖော်ပြထားသည်။

 

 

တပ်ဖွဲ့ဝင် ၁၃ ဦး အလင်းဝင်ခဲ့သည်ဟူသော သတင်းထုတ်ပြန်ချက် မှန်ကန်ခြင်းမရှိသည့်အတွက် ကန့်ကွက်ကြောင်း KNU/KNLA (PC) ကြေညာ

NCA ရေးထိုးထားသည့် KNU/KNLA (PC) ဗဟိုဒေသဖွံ့ဖြိုးရေးဌာနမှ ဗိုလ်ကြီးအဆင့်ရှိသူ စောမျိုးကျော် ဦးဆောင်သော တပ်ဖွဲ့ဝင် ၁၃ ဦးသည် ၎င်းတို့ကိုယ်တိုင် သာမန်ပြည်သူဘ၀ဖြင့် နေထိုင်လိုခြင်းကြောင့် နယ်မြေခံ အစိုးရတပ်ရင်းထံ လက်နက်နှင့် ငြိမ်းချမ်းရေး လဲလှယ်ပြီး အလင်းဝင်ခဲ့ကြောင်း တပ်မတော်ကာကွယ်ရေးဦးစီးချုပ်ရုံး၏ သြဂုတ် ၁၀ ရက် သတင်းရေးသား ဖော်ပြချက်သည် မှန်ကန်ခြင်းမရှိကြောင်း KNU/KNLA ငြိမ်းချမ်းရေးကောင်စီ ဗဟိုဌာနချုပ်က ကြေညာသည်။

“သူတို့ဟာ နဂိုကတည်းက ကျွန်တော်တို့ တပ်ဖွဲ့ဝင်တွေမဟုတ်ဘူး။ သူတို့မှာ တံဆိပ် အမျိုးမျိုးရှိတယ်။ တပ်မတော်ကာကွယ်ရေး ဦးစီးချုပ်ရုံးရဲ့ ထုတ်ပြန်ချက် နောက်ဆုံးအပိုင်းမှာလည်း အလင်းဝင်လာတဲ့ တပ်ဖွဲ့ဝင်များအတွက် ထောက်ပံ့ကူညီမှုတွေ ဆောင်ရွက်ပေးဖို့ စီစဉ်ဆောင်ရွက်နေပါတယ် ဆိုပြီးတော့ပေါ့။ ဘာပဲပြောပြော သူတို့ဟာ ထောက်ပံ့ကူညီမှုတွေ၊ အခွင့်အရေးတွေ၊ လုပ်ပိုင်ခွင့်တွေကို မျှော်ကိုးပြီး လုပ်နေတာပါ” ဟု KNU/KNLA ငြိမ်းချမ်းရေးကောင်စီဗဟိုဌာနချုပ်မှ ဗိုလ်မှူးကြီးစောကျော်ညွန့်က ပြောကြားသည်။

တပ်မတော်တွင် လက်နက်နှင့် ငြိမ်းချမ်းရေး လဲလှယ်ကာ အလင်းဝင်ရောက်ခဲ့သည်ဆိုသော ၁၃ ဦးသည် ဇူလိုင် ၁၈ ရက်က အလင်းဝင်ခဲ့သော စောဒွေးအောင်အဖွဲ့နှင့် စီးပွားရေးအရ ပတ်သက် ဆက်နွှယ်နေသူများ ဖြစ်ကြောင်းလည်း ဗိုလ်မှူးကြီးစောကျော်ညွန့်က ပြောကြားသည်။

KNU/KNLA ငြိမ်းချမ်းရေးကောင်စီသည် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) တွင် ပါဝင် လက်မှတ်ရေးထိုးခဲ့ပြီး မတရားအသင်းမှ တရားဝင် ပယ်ဖျက်ထားပြီးဖြစ်သော တိုင်းရင်းသားလက်နက်ကိုင် အဖွဲ့အစည်းတစ်ခု ဖြစ်သည့်အတွက် အစိုးရက ကြိုးပမ်းလုပ်ဆောင်နေသည့် ပြည်ထောင်စုငြိမ်းချမ်းရေး တည်ဆောက်မှုဖြစ်စဉ်တွင် စိတ်ရင်းစေတနာဖြင့် တက်ကြွစွာ ပါဝင်ဆောင်ရွက်နေကြောင်း KNU/KNLA ငြိမ်းချမ်းရေးကောင်စီက ကြေညာသည်။

ထို့ကြောင့် တပ်ဖွဲ့ဝင် အစစ်အမှန်မဟုတ်သူများက KNU/KNLA ငြိမ်းချမ်းရေးကောင်စီ၏ တပ်ဖွဲ့ဝင်ယူနီဖောင်းဝတ်ဆင်ပြီး နယ်မြေခံအာဏာပိုင်များထံမှ ကူညီထောက်ပံ့မှုများ၊ လုပ်ပိုင်ခွင့်များ ရရှိစေရေး လက်နက်နှင့် ငြိမ်းချမ်းရေး လဲလှယ်ခြင်း ခေါင်းစဉ်ဖြင့် မဟုတ်မမှန် လုပ်ကြံဆောင်ရွက်ချက်များအပေါ် လက်ခံအသိအမှတ်ပြုကာ သတင်းထုတ်ပြန်ခဲ့သော တပ်မတော်ကာကွယ်ရေးဦးစီးချုပ်ရုံး၏ သတင်းဖော်ပြချက်သည် NCA စာချုပ် အခန်း (၃)၊ အပိုဒ် ၅ (စ) ပါ ‘အဖွဲ့အစည်းများအကြား ရန်လိုသော ဖြန့်ချိမှုများ၊ မမှန်မကန်သော (သို့မဟုတ်) ဂုဏ်သိက္ခာကို ညှိုးနွမ်းစေသော ပြောဆိုမှုများ၊ အသရေဖျက်သည့် ထုတ်ပြန်မှုများကို ပြည်တွင်း၌သော် လည်းကောင်း၊ ပြည်ပ၌သော်လည်းကောင်း မပြုလုပ်ဘဲ ရှောင်ကြဉ်ရန်’ ဟူသော အချက်ကို မသိကျိုးကျွန် မျက်ကွယ်ပြုရာရောက်သည်ဟု KNU/KNLA ငြိမ်းချမ်းရေးကောင်စီက ကြေညာသည်။

ထို့ပြင် ပြည်ထောင်စုငြိမ်းချမ်းရေး တည်ဆောက်နိုင်ရန်အတွက် အမှန်တကယ် လုပ်ဆောင်လျက်ရှိသည့် NCA လက်မှတ်ရေးထိုးပြီးဖြစ်သော တိုင်းရင်းသားလက်နက်ကိုင် အဖွဲ့အစည်းများအပေါ် ပြည်သူလူထု၏ အထင်အမြင် လွဲမှားမှုများ ဖြစ်စေနိုင်သဖြင့် KNU/KNLA ငြိမ်းချမ်းရေးကောင်စီက တပ်မတော်၏ သတင်းရေးသား ဖော်ပြခဲ့မှုအပေါ် ကန့်ကွက်ကြောင်း KNU/KNLA ငြိမ်းချမ်းရေးကောင်စီက ကြေညာသည်။

KNU/KNLA (PC) စစ်​ဗျူဟာ (၃) အမည်​အသုံးပြု၍ စုမဲ​ငွေ ကျပ်သိန်း​ ၄၀၀၀ ကျော်​ လိမ်​လည်​သွားသူများကို KNU/KNLA (PC) က မြ၀တီရဲစခန်းသို့ လာ​ရောက်​အပ်​နှံ အမှုဖွင့်

ကရင်​ပြည်​နယ်​ တိုင်းရင်းသားလက်​နက်​ကိုင်​အဖွဲ့တစ်ခုဖြစ်​သည့် KNU/KNLA (PC) စစ်​ဗျူဟာ (၃) အမည်​အသုံးပြုပြီး ​ဒေသဖွံ့ဖြိုး​ရေး ​ဆေးခန်းရန်ပုံ​ငွေအဖြစ်​ မဲလက်​မှတ်​များ​ ရောင်းချကာ ရက်​ချိန်းအတိုင်း ပြန်​လည်​ထုတ်​​ပေးခဲ့ခြင်းမရှိဘဲ ကျပ်သိန်း​ ၄၀၀၀ ကျော်​ဖိုး လိမ်​လည်ခဲ့သူများကို KNU/KNLA (PC) က မြ၀တီရဲစခန်းသို့ လာရောက်​အပ်​နှံပြီး အမှုဖွင့်​ စစ်​​ဆေးလျက်​ရှိ​ကြောင်း သိရသည်​။

KNU/KNLA (PC) အမှတ်​ (၃) စစ်​ဗျူဟာ၊ ကုန်​သွယ်​​ရေးဌာန တပ်​ရင်းမှူး တာဝန်​ထမ်း​ဆောင်​​နေ​သော ဦးကိုကိုနိုင်​သည်​ ထိပ်​တန်းအလှည့်​ကျ စုမဲထုတ်​ယူ​ရေးလုပ်​ငန်း လုပ်​ကိုင်​သူများအား စုံစမ်းစစ်​​ဆေးမှုများ ပြုလုပ်​ခဲ့​ကြောင်း၊ ယင်းသို့စုံစမ်းရာတွင်​ KNU/KNLA (PC) အမှတ်​ (၃) စစ်​ဗျူဟာမှ ​ဆေးမှူး​စောသိန်းဦး၊ ဦးမြင့်​နှင့်​ ၎င်း၏ဇနီး ​ဒေါ်သိန်း​အေး၊ ဦးမြင့်​၏တပည့်​များဖြစ်​​သော လင်းလင်းထိုက်​၊ မှိုးမင်းလတ်​၊ ရဲထက်​၊​ အောင်​ခန့်တို့ ခုနစ်ဦးသည်​ မတ်​ ၂၉ ရက်​​မှစ၍ မြ၀တီမြို့​ကျောက်​ဖျာဂိတ်​တွင်​ ထိပ်​တန်းအလှည့်​ကျ ​ငွေစုငွေထုတ်​လုပ်​ငန်းကို KNU/KNLA (PC) စစ်​ဗျူဟာအဖွဲ့အစည်းမှ ပြုလုပ်​သကဲ့သို့ ပြည်​သူများ ယုံကြည်​​အောင်​ ​ပြောဆိုလုပ်​​ဆောင်​ခဲ့​ကြောင်း သိရသည်​။

ထို့ပြင်​ ငြိမ်းချမ်း​ရေး​ကောင်​စီ စစ်​ဗျူဟာ ၃ ​ဆေးခန်းရန်ပုံ​ငွေ အမည်​ဖြင့်​​ ဘောက်ချာများ ရိုက်​နှိပ်​ပြီး တစ်​​စောင်​လျှင် ထိုင်းဘတ်​​ငွေ ၁၇၀ နှင့်​ ညီမျှသော မြန်​မာ​ငွေ ၇၂၀၀ ဖြင့် စောင်​​ရေ တစ်​​သောင်းခန့်​ကိုလည်း​ကောင်း၊ တစ်​​စောင်လျှင် ​ထိုင်းဘတ်​​ငွေ ၃၅၀၊ ထိုင်းဘတ်​​ငွေ ၅၀၀ နှင့်​ညီမျှသော မြန်​မာကျပ်​ငွေများဖြင့်​ ​စောင်​​ရေ ​သောင်းနှင့်ချီ​ ရောင်းချခဲ့ပြီး ပြန်​လည်​ထုတ်​​ပေးခဲ့ခြင်းမရှိဘဲ လိမ်​လည်​ခဲ့​ကြောင်း သိရသည်​။

ငြိမ်းချမ်း​ရေး​ကော်​စီ၊ စစ်​ဗျူဟာ (၃) မှ​ ဦး​ဆောင်​​သောအဖွဲ့နှင့်​ စုမဲဝယ်​ယူထားသူ ပြည်​သူများ၊ မြ၀တီ လူမှုကွန်​ရက်​အဖွဲ့ တွေ့ဆုံညှိနှိုင်းခဲ့ရာ စုမဲဝယ်​ယူထားသည့်ငွေ ပြန်​လည်​ရရှိမည်​ဟု ​မျှော်လင့်​ချက်​ဖြင့်​ ဇွန်​ ၁၂ ရက်​​က ပြည်​သူများသည်​ မြို့နယ်​စု​ပေါင်းရုံးသို့ စုရုံး​ရောက်ရှိလာခဲ့ကြ​ကြောင်း သိရသည်။

မြ၀တီမြို့တွင်​ ထိပ်တန်း အလှည့်​ကျ စုမဲ​၀ယ်​ယူထားသူ ပြည်​သူတစ်​ရာ​ကျော်​ရှိပြီး တန်​ဖိုး ကျပ်​သိန်း ၄၀၀၀ ကျော်​ရှိ​​ကြောင်း၊ အများစုမှာ မိမိအရင်းထက်​ တိုးပွားလာမလား ဆိုသည့်​စိတ်​ဖြင့်​ ၀ယ်​ယူခဲ့ကြခြင်းဖြစ်​​ကြောင်း သိရသည်​။ အဆိုပါ ကိစ္စနှင့်​ပတ်​သက်​၍ မြ၀တီမြို့မှ ပြည်​သူတစ်​ရာ​ကျော်​က ဆန္ဒထုတ်​ဖော်ရန်​လည်း ပြင်​ဆင်​ခဲ့ကြသည်​။

ထိပ်​တန်း အလှည့်​ကျ​ငွေထုတ်ယူသည့် လုပ်​ငန်း၊​ ဒေသဖွံ့ဖြိုး​ရေး ငြိမ်းချမ်းရေးကောင်​စီ၊ စစ်​ဗျူဟာ (၃)၊​ ဆေးခန်းရန်ပုံ​ငွေဟုဆိုကာ စုမဲလိမ်​လည် ​​ရောင်းချသည့်​လုပ်​ငန်းကို ကရင်​ပြည်​နယ်​ ကမ​မောင်း၊ မြ၀တီနှင့်​ နဘူးကျေးရွာတို့တွင်​ လ​ပေါင်းများစွာပြုလုပ်​ခဲ့ပြီး ကျပ်သိန်း​ပေါင်း သောင်းနှင့်​ချီ၍​ လိမ်​လည်​ခဲ့ကြောင်း သိရသည်​။

သို့ဖြစ်​၍ မြ၀တီပြည်​သူ ကိုသန့်​ဇင်​၊ ကို​ကျော်​​မောင်​၊ ကိုမှိုးဝင်း၊ ကိုနိုင်​၀င်း (ခ) ကို​မောင်​၀င်းတို့က တရားလိုပြုလုပ်ြ​ပီး သတ်​မှတ်​ရက်​​ရောက်​​သော်​လည်း စုငွေပြန်​လည်​ထုတ်​​ပေးခြင်းမရှိဘဲ စု​ကြေး​ငွေများ ပူး​ပေါင်း လိမ်​လည်​ရယူခဲ့ကြ​သော ​စောသိန်းဦး၊ ဦးမြင့်​နှင့်​အ​ပေါင်းပါ ခုနစ်ဦးအား ​ဥပ​ဒေအရ အ​ရေးယူ​ပေးရန်​ တိုင်​ကြားခဲ့ခြင်းဖြစ်​သည်​။

သို့ဖြစ်​၍ ​စောသိန်းဦး (ဆေးမှူး) (၅၁ နှစ်​) (ဘ) ဦးဘဲဝါး၊ ထို့​ကော်​ကိုး၊​ ကော့ကရိတ်​မြို့နယ်​၊ ဦးမြင့်​ (၇၅ နှစ်​) (ဘ) ဦးကွီ၊ ဒဂုံမြို့သစ်​​တောင်​ပိုင်း ရန်​ကုန်​မြို့နှင့်​ လိပ်​စာတူ​၊​ ဒေါ်သိန်း​အေး (၅၁ နှစ်​) (ဘ) ဦးဘို၊ လင်းလင်းထိုက်​ (၃၃ နှစ်​)၊ (ဘ) ဦး​ကျော်​မြင့်​၊ အ​ပြောင်​ရွာ၊ ဖျာပုံမြို့ဧရာဝတီတိုင်း၊ မျိုးမင်းလတ်​ (၂၇ နှစ်​) (ဘ) ဦး​ဇော်​နိုင်​၊​ ရွှေဘိုစုရွာ ခရမ်းမြို့နယ်၊ ရဲထက်​ (၂၁ နှစ်​)၊ (ဘ) ဦးမင်းမင်း၊ လှိုင်သာယာ၊ ရန်​ကုန်​၊​ အောင်​ခန့်​ (၁၈ နှစ်​)၊ (ဘ) ဦးဝင်းနိုင်​၊ လှိုင်​သာယာ၊ ရန်​ကုန်​တိုင်း​နေသူတို့ ခုနစ်ဦးအား မြ၀တီမြို့မရဲစခန်းက (ပ) ၅၂၈/ ၂၀၁၈၊ ရာဇသတ်​ကြီးပုဒ်​မ ၄၀၈/၄၂၀/၁၁၄ ဖြင့်​ အမှုဖွင့်​ ​စစ်​​ဆေးလျက်​ရှိ​ကြောင်း သိရသည်​။

မြ၀တီကုန်သွယ်ရေးဇုန်အနီး ရွှေမြစန္ဒီမြို့သစ်​စီမံကိန်း အ​ကြောင်းပြု သိမ်းယူခဲ့​သော မြေ​နေရာများ ပြန်​လည်​ရရှိရေး မူလပိုင်​ရှင်ဟု ဆိုသူများ ဆန္ဒဖော်​ထုတ်​

ရွှေမြစန္ဒီမြို့သစ်​စီမံကိန်း အ​ကြောင်းပြု သိမ်းယူခဲ့​သော မြေ​နေရာ ပြန်​လည်​ရရှိ​ရေး မူလပိုင်​ရှင်ဟု ဆိုသူများက ဆန္ဒထုတ်ဖော်​စဉ်

ကရင်​ပြည်​နယ်​ မြ၀တီကုန်​သွယ်​ရေးဇုန်​ အနီးတွင်​ ​ရွှေမြစန္ဒီမြို့သစ်​စီမံကိန်းကို အ​ကြောင်းပြုပြီး သိမ်းယူခဲ့​သော အတွင်းမဲက နယ်​ရွာဟောင်း စိုက်​ပျိုးမြေနေရာအား ပြန်​လည်​ရရှိ​ရေးအတွက်​ မူလပိုင်​ရှင်ဟုဆိုသူ အတွင်းမဲကနယ်​ရွာသား ၃၀၀ ခန့်​က ​ဇွန်​ ၁၀ ရက်​​နံနက်​ ၉ နာရီခန့်​က ​တောင်းဆို ဆန္ဒထုတ်​ဖော်ခဲ့ကြသည်​။

မြ၀တီမြို့နှင့် ၅ မိုင်ခန့်အကွာ ကုန်သွယ်ရေးဇုန်တောင်ဘက်ရှိ အတွင်းမဲကနယ်ကျေး ရွာသားများ၏ ဘိုးဘွားပိုင်​ ယခင်​ရွာဟောင်း ​မြေ​ ၃၁၇ ဒသမ ၇၁ ဧကအား ဒီ​ကေဘီ​အေမှ ဗိုလ်​ကြီးညီညီဆိုသူက ၂၀၁၃ ခုနှစ်က လက်​နက်​အားကိုးဖြင့်​ သိမ်းယူကာ ​မြေကွက်​ရိုက်​​ ရောင်းစားခဲ့ကြောင်း ဆန္ဒပြ ရွာသူရွာသားများက ​ပြောကြားသည်။

ရွာဟောင်း လယ်​ယာ​မြေ ပြန်​လည်​ရရှိ​ရေး ဆန္ဒထုတ်ဖော်သူများသည်​ “မတရား သိမ်းဆည်းထားသော စိုက်ပျိုးမြေများ ပြန်လည်ရရှိရေး၊ မြစန္ဒီ မြို့သစ်​စီမံကိန်း အ​ကြောင်းပြု၍ ​မြေသိမ်းယူခဲ့​သော DKBA မှ ဗိုလ်ညီညီ အလိုမရှိ၊ သိမ်းဆည်းခံမြေများအား ပြန်လည်ရရှိအောင် သက်​ဆိုင်​ရာမှ အမြန်​ဆောင်ရွက်ပေးရေး စသည့်​ ​ကြွေးကြော်သံများဖြင့် ကြွေးကြော်ကြပြီး ရွှေမြစန္ဒီမြို့သစ်၊ သစ်လွင်လမ်းထိပ်မှ ဦးစောလားဘွယ်လမ်းအတိုင်း စီတန်းလှည့်လည်ကြကာ ‘သဗ္ဗသုခ’ တပ်ဦးစေတီ​တော်​အထိ ချီတက်ဆန္ဒပြခဲ့ကြ သည်။

“ကျွန်မတို့ ရွာသားတွေအားလုံးရဲ့ မြေဧကပေါင်း ၃၁၇ ဒသမ ၇၁ ဧကကို DKBA တပ်ဖွဲ့က ဗိုလ်ညီညီက ၂၀၁၃ ခုနှစ်ကုန်ပိုင်းမှာ ရွှေမြ၀တီမြို့သစ် တည်ဆောက်ရေး စီမံကိန်းဆိုပြီး သိမ်းယူခဲ့ပါတယ်။ သူတို့လုပ်တဲ့ မြို့သစ်စီမံကိန်း ဆိုတာကိုလည်း ကရင်ပြည်နယ် အစိုးရအဖွဲ့ကလည်း ခွင့်မပြုခဲ့ပါဘူး။ သူတို့သိမ်းလိုက်တဲ့ စိုက်ပျိုးမြေတွေက အရင်တုန်းက၊ KNU တပ်မဟာ ၆ စစ်ကြောင်းမှူး ဗိုလ်မှူးလှမင်းတို့ လှုပ်ရှားစခန်းချပြီး အခြေစိုက်တဲ့ နယ်မြေတွေပေါ့။ ဗိုလ်မှူးလှမင်းက မရှိဆင်းရဲသားတွေကို စိုက်ပျိုးစားသောက်ဖို့ ၂၀၁၂ ခုနှစ်မှာ အသိအမှတ်​ ပြုပေးခဲ့ပြီး ပဲ၊ ပြောင်းနဲ့ ရော်ဘာပင်တွေ စိုက်ပျိုးစားသောက် ခဲ့ကြပါတယ်။ ဒါကို ၂၀၁၃ ခုနှစ်မှာ ဗိုလ်ညီညီက အနိုင်ကျင့် မတရားသိမ်းယူပြီး အကွက်တွေရိုက် ရောင်းစားခဲ့ပါတယ်” ဟု မဲကနယ်​ ရွာသူတစ်ဦးက ​ပြောကြားသည်​။

အဆိုပါ မဲကနယ်​ရွာဟောင်း စိုက်​ပျိုး​မြေသိမ်းယူခံရသည့်​ ကိစ္စအား ​ကျေးရွာသားများက ကရင်ပြည်နယ် ၀န်ကြီးချုပ်နှင့် သက်ဆိုင်ရာဌာန အသီးသီးထံသို့ တိုင်စာများ ​ပေးပို့ခဲ့​ကြောင်း သိရသည်​။

ကရင်​ပြည်​နယ်​၀န်​ကြီးချုပ်​နှင့် သက်​ဆိုင်​ရာ အစိုးရအဖွဲ့မှ ကွင်းဆင်းကြည့်​ရှုပြီး ပြည်​သူလူထုနှင့်​ တွေ့ဆုံစဉ်​ ပြည်​နယ်​၀န်​ကြီးချုပ်​ နန်းခင်​​ထွေးမြင့်​က “ပြည်နယ်​အစိုးရ ခွင့်​ပြုချက်​မရှိဘဲ ​ဆောက်​လုပ်​​နေသူ​တွေ များများရင်းနှီးထားရင်​ များများဆုံးရှုံးမယ်​” ဟု ​ ​ပြောကြားခဲ့​သော်​လည်း သက်ဆိုင်ရာမှ ယနေ့အချိန်အထိ ထိရောက်စွာ ဆောင်ရွက်ပေးခြင်း မရှိသည့်​အတွက် မတရားသိမ်းယူ ခံထားရ​သော စိုက်ပျိုးမြေများ ပြန်လည်ရရှိဖို့ ဆန္ဒထုတ်ဖော်ရခြင်း ဖြစ်သည်​ဟု အတွင်းမဲကနယ်ကျေးရွာ အုပ်ချုပ်ရေးမှူး ဒေါ်ထူးထူးက ပြောကြားသည်။

“ယခင်​က ​ဒေသတွင်းမှာ မငြိမ်းချမ်းဘူး၊ တို့​ပွဲ​တွေ ဖြစ်​​နေတယ်​။ ဒါ​ပေမဲ့ ရွာသား​တွေက ကိုယ့်​ဘိုးဘွားပိုင်​​မြေမှာ စိတ်​ချမ်းမြေ့စွာနဲ့ပဲ လုပ်​ကိုင်​စား​သောက်​လို့ရတယ်​။ ခု NCA ထိုးတယ်​။ ငြိမ်းချမ်း​ရေးရမှဘဲ တစ်​ရက်​မှ စိတ်​မချမ်းသာရဘူး” ဟု ၎င်းကဆိုသည်​။ ထို့အတူ ဆန္ဒထုတ်ဖော်​ထုတ်​ရာတွင်​ ​ခေါင်းဆောင်အဖြစ်​ ပါဝင်​ခဲ့သူ ဦးသောင်းလှိုင်က “ကျွန်တော်တို့ မရှိနွမ်းပါးသူတွေကို သက်သက်အနိုင်ကျင့်တာပါ။ DKBA တပ်ဖွဲ့က သိမ်းတာဖြစ်လို့ DKBA စစ်ဦးစီးချုပ်ထံ တင်ပြတိုင်ကြားခဲ့​ပေမဲ့ ဘာမှတာဝန်​ယူ ​ဖြေရှင်း​ပေးတာ မရှိပါဘူး။ သက်ဆိုင်ရာ တာဝန်ရှိသူတွေကလည်း ယခုအချိန်အထိ ဖြေရှင်းဆောင်ရွက်ပေးခြင်း မရှိတာကြောင့် အခုလို ဆန္ဒထုတ်ဖော်ရတာပါ” ဟု ပြောကြားသည်။

အဆိုပါ ဆန္ဒထုတ်ဖော်ပွဲသို့ မြ၀တီမြို့နယ် ရဲတပ်ဖွဲ့မှူးရဲမှူး ကျော်သူရည်နှင့် ရဲတပ်ဖွဲ့ဝင်များ၊ သင်္ဃန်ညီနောင်မှ စခန်းမှူး ရဲအုပ်နိုင်ဝင်းသိန်းနှင့် ရဲတပ်ဖွဲ့ဝင်များ၊ နယ်ခြားစောင့်တပ်ဖွဲ့ဝင်များက လိုက်ပါစောင့်ရှောက် ပေးခဲ့ကြ​ကြောင်း သိရသည်​။

 

နိုင်ငံရေးပြဿနာများကို တွေ့ဆုံဆွေးနွေးဖြေရှင်းမည်ဖြစ်ပြီး လက်နက်ကိုင်နည်းလမ်းဖြင့် မဖြေရှင်းရန် ဆုံးဖြတ်ထားကြောင်း KNU ဒုတိယဥက္ကဋ္ဌ ပဒိုစောကွယ်ထူးဝင်း ပြောကြား

ကရင်အမျိုးသားအစည်းအရုံး (KNU) အနေဖြင့် နိုင်ငံရေးပြဿနာများကို တွေ့ဆုံဆွေးနွေးအဖြေရှာခြင်းဖြင့် ဖြေရှင်းသွားမည်ဖြစ်ပြီး လက်နက်ကိုင်နည်းလမ်းဖြင့် ဖြေရှင်းခြင်းမပြုရန် ဆုံးဖြတ်ထားကြောင်း ကရင်အမျိုးသားအစည်းအရုံး (KNU) ၏ ဒုတိယဥက္ကဋ္ဌ ပဒိုစောကွယ်ထူးဝင်းက ပြောကြားသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သော တပ်မတော်ကိုယ်စားလှယ်အဖွဲ့နှင့် KNU ဥက္ကဋ္ဌဗိုလ်ချုပ်ကြီး စောမူတူးစေးဖိုး ဦးဆောင်သော KNU ကိုယ်စားလှယ်အဖွဲ့တို့ မေ ၁၇ ရက်တွင် ရန်ကုန်တိုင်းစစ်ဌာနချုပ်၌ အလွတ်သဘော တွေ့ဆုံဆွေးနွေးခဲ့ကြပြီး ထိုသို့တွေ့ဆုံရာတွင် တပ်မတော်နှင့် KNU လက်အောက်ခံ KNLA တပ်မဟာ (၅) အကြားဖြစ်ပွားနေသော ပဋိပက္ခများနှင့်ပတ်သက်၍ ပြေလည်အောင် ဖြေရှင်းဆောင်ရွက်နိုင်ခဲ့ကာ အဆိုပါဖြစ်စဉ်နှင့်ပတ်သက်၍ KNU ဒုတိယဥက္ကဋ္ဌ ပဒိုစောကွယ်ထူးဝင်းက အထက်ပါအတိုင်း မှတ်ချက်ပြုပြောကြားခဲ့ခြင်းဖြစ်သည်။

“ကျွန်တော်တို့ကတော့ ပြဿနာဖြစ်လို့ရှိရင် တွေ့ဆုံဆွေးနွေးမယ်ဆိုတာပဲရှိတယ်။ ပြဿနာကို လက်နက်ကိုင်နည်းလမ်းနဲ့ မရှင်းဘူးလို့ ကျွန်တော်တို့ အဲဒီလိုပဲဆုံးဖြတ်ထားတယ်” ဟု ပဒိုစောကွယ်ထူးဝင်းက ပြောကြားသည်။

ကရင်ပြည်နယ် ဖာပွန်ခရိုင် လူသောမြို့နယ် KNLA တပ်မဟာ (၅) နယ်မြေအတွင်း တပ်မတော်က ခေးပူ-လွယ်မူပလော လမ်းကြောင်းအား ဖောက်လုပ်ခဲ့သည့်အတွက် တပ်မတော်နှင့် KNLA တပ်မဟာ (၅) အကြား ပဋိပက္ခများဖြစ်ပွားခဲ့ပြီး အဆိုပါပဋိပက္ခများနှင့်ပတ်သက်၍ တပ်မတော်နှင့် KNU တို့၏ မေ ၁၇ ရက် အလွတ်သဘော တွေ့ဆုံဆွေးနွေးပွဲတွင် ပြေလည်အောင် ဖြေရှင်းဆောင်ရွက်နိုင်ခဲ့ကာ အလွတ်သဘောတွေ့ဆုံပွဲ၏ ရလဒ်အနေဖြင့် ခေးပူ-လွယ်မူပလော လမ်းကြောင်းအား ဆက်လက်ဖောက်လုပ်ခြင်းမပြုရန် တပ်မတော်က သဘောတူခဲ့ခြင်းဖြစ်ကြောင်း သိရသည်။

ထို့ပြင် လမ်းကြောင်းဖောက်လုပ်ရာတွင် လုံခြုံရေးတာဝန်ရယူထားသည့် တပ်မတော်စစ်ကြောင်းများကိုလည်း တပ်မတော်ဘက်က ပြန်လည်ရုပ်သိမ်းသွားမည်ဖြစ်ပြီး အဆိုပါကိစ္စနှင့်ပတ်သက်၍ မေ ၁၇ ရက် တပ်မတော်၏ သတင်းထုတ်ပြန်ချက်တွင်မူ လမ်းကြောင်းဖောက်လုပ်မှုကို ယာယီရပ်ဆိုင်းထားမည်ဟု ဖော်ပြခဲ့သည်။

“တပ်မတော်က ယာယီရပ်ဆိုင်းထားတယ်လို့ ပြောတယ်။ ဒါက ယာယီဆိုတာက အကန့်အသတ်တော့မရှိဘူးပေါ့။ ရပ်ဆိုင်းတာလည်း အဲဒီလိုပါပဲ။ ရပ်စဲတာမဟုတ်ဘူး။ ရပ်ဆိုင်းတယ်ဆိုတာက လတ်တလောမှာမလုပ်ဘူးပေါ့။ ဒါပေမဲ့ သင့်တော်တဲ့အချိန်၊ တကယ်လို့ ယုံကြည်မှုကလည်းပြည့်ဝပြီး ပြည်သူလူထုကလည်း ကြောက်ရွံ့မှုကင်းမဲ့တဲ့အချိန် သို့မဟုတ်ရင်လည်း ဘာမှစိုးရိမ်မှုမရှိတဲ့အချိန်မှာ သူတို့လည်း နားလည်သဘောပေါက် လက်ခံနိုင်တဲ့အချိန်မှာကျတော့ ဒါက ဖောက်ရမယ့် အနေအထားရှိတယ်ဆိုလည်း ဖောက်ရမှာပေါ့။ ဒါက ဘယ်အချိန်လဲဆိုတာတော့ ကျွန်တော်တို့အတိအကျတော့ ပြောလို့မရဘူး” ဟု ပဒိုစောကွယ်ထူးဝင်းက ပြောကြားသည်။

အဆိုပါ လမ်းဖောက်လုပ်မှုကြောင့် တပ်မတော်နှင့် KNLA တပ်မဟာ (၅) တို့တိုက်ပွဲများ၊ စစ်ရေးတင်းမာမှုများ ဖြစ်ပွားခဲ့ကြသည့်အတွက် ဒေသအတွင်းရှိ ကျေးရွာပေါင်း ၁၄ ရွာမှ လူဦးရေ ၂၀၀၀ ကျော်မှာ နေရပ်စွန့်ခွာ ထွက်ပြေးတိမ်းရှောင်သွားခဲ့ပြီး တပ်မတော်နှင့် KNU တို့၏ မေ ၁၇ ရက် အလွတ်သဘော တွေ့ဆုံဆွေးနွေးမှုရလဒ်အဖြစ် နေရပ်စွန့်ခွာ ထွက်ပြေးတိမ်းရှောင်သွားသူများကို တပ်မတော်က အနှောင့်အယှက်ပေးမည် မဟုတ်ဘဲ ၎င်းတို့၏ လုပ်ကိုင်စားသောက်ရာ နေရပ်ရင်းကျေးရွာများသို့ အေးချမ်းစွာ ပြန်လည်အခြေချနေထိုင် လုပ်ကိုင်သွားနိုင်ရေးတို့ကို တပ်မတော်နှင့် KNU တို့ သဘောတူခဲ့သည်ဟု KNU က မေ ၁၈ ရက်တွင် သတင်းထုတ်ပြန်ခဲ့သည်။

တပ်မတော်နှင့် KNLA တပ်မဟာ (၅) တို့၏ စစ်ရေးပဋိပက္ခကြောင့် နေရပ်စွန့်ခွာ ထွက်ပြေးတိမ်းရှောင်ခဲ့ရသော လူဦးရေ ၂၀၀၀ ကျော်အတွက် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA) လက်မှတ်ရေးထိုးရာတွင် အသိသက်သေအဖြစ် ပါဝင်ခဲ့ကြသော ပြည်ပနိုင်ငံများနှင့် အဖွဲ့အစည်းများက လူသားချင်းစာနာမှု အကူအညီများပေးအပ်ရန် မတ် ၁၆ ရက်တွင် KNU က ကြေညာချက်ထုတ်ပြန်ကာ တောင်းဆိုထားသော်လည်း တပ်မတော်နှင့် KNU တို့၏ ယခုအလွတ်သဘော တွေ့ဆုံဆွေးနွေးမှုတွင် အဆိုပါအချက်ကို ဆွေးနွေးခဲ့ခြင်းမရှိကြောင်း ပဒိုစောကွယ်ထူးဝင်းက ပြောကြားသည်။

KNU အနေဖြင့် နိုင်ငံရေးပြဿနာကို နိုင်ငံရေးနည်းဖြင့် ဆွေးနွေးအဖြေရှာသွားမည်ဟူသည့် မူရပ်တည်ချက်အတိုင်း ဒီမိုကရေစီနှင့် ဖက်ဒရယ်စနစ်တို့ကို အခြေခံသည့် ပြည်ထောင်စုကို နိုင်ငံရေးဆွေးနွေးပွဲ ရလဒ်များနှင့်အညီ တည်ဆောက်သွားမည်ဟု KNU က သတင်းထုတ်ပြန်ခဲ့သည်။

ဗိုလ်ချုပ်မှူးကြီးမင်းအောင်လှိုင်နှင့် KNU ဥက္ကဋ္ဌ ဦးဆောင်သည့်အဖွဲ့ တွေ့ဆုံပြီး တပ်မတော်က ခေးပူ-လွယ်မူပလော လမ်းကြောင်းပြုပြင်နေမှုအား ယာယီရပ်ဆိုင်းထားရန် သဘောတူ

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ကရင်အမျိုးသားအစည်းအရုံး (KNU) ဥက္ကဋ္ဌ စောမူတူးစေးဖိုး ဦးဆောင်သည့် ကိုယ်စားလှယ်အဖွဲ့နှင့် မေ ၁၇ ရက် ညနေပိုင်းတွင် ရန်ကုန်တိုင်းစစ်ဌာနချုပ်ရှိ ဇေယျာသီရိဗိမာန် ဧည့်ခန်းမ ဆောင်တွင် တွေ့ဆုံဆွေးနွေးခဲ့ကြောင်း တပ်မတော် ကာကွယ်ရေးဦးစီးချုပ်ရုံးက သတင်းထုတ်ပြန်သည်။

ထိုသို့တွေ့ဆုံစဉ် ငြိမ်းချမ်းရေးနှင့်ပတ်သက်၍ ရှေ့ဆက်ဆောင်ရွက်ရမည့် ကိစ္စရပ်များအား ညှိနှိုင်းဆွေးနွေးကြပြီး KNU ၏ စိုးရိမ်ပူပန်မှုများ ဖြစ်ပေါ်လျက်ရှိသည့် ခေးပူ-လွယ်မူပလော လမ်းကြောင်းပြုပြင်ဆောင်ရွက်နေမှုကို တပ်မတော်က နားလည်မှုရှိစွာဖြင့် ယာယီရပ်ဆိုင်းပေးထားမည်ဖြစ်ပြီး အဆိုပါဒေသတွင်နေထိုင်ကြသည့် ဒေသခံ တိုင်းရင်းသားပြည်သူများအနေဖြင့် အေးချမ်းစွာ နေထိုင်လုပ်ကိုင်နိုင်ပြီး လွတ်လပ်စွာ သွားလာ လှုပ်ရှားနိုင်ကြောင်း ဆွေးနွေး သဘောတူညီမှု ရရှိခဲ့ကြောင်း သတင်းထုတ်ပြန်ချက်အရ သိရသည်။

အဆိုပါတွေ့ဆုံပွဲသို့ တပ်မတော်ကာကွယ်ရေးဦးစီးချုပ်နှင့်အတူ ကာကွယ်ရေးဦးစီးချုပ် (ရေ) ဗိုလ်ချုပ်ကြီး တင်အောင်စန်း၊ ကာကွယ်ရေးဦးစီးချုပ် (လေ) ဗိုလ်ချုပ်ကြီး မောင်မောင်ကျော်၊ ကာကွယ်ရေးဦးစီးချုပ် ရုံး (ကြည်း) မှ တပ်မတော် အရာရှိကြီးများ၊ ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီအဖွဲ့ဝင် ဒုတိယဗိုလ်ချုပ်ကြီး ခင်ဇော်ဦး (ငြိမ်း) တို့တက်ရောက်ကြပြီး ကရင်အမျိုးသားအစည်းအရုံး (KNU) ဥက္ကဋ္ဌနှင့်အတူ ဒုတိယဥက္ကဋ္ဌ ပဒိုစောကွယ်ထူးဝင်းနှင့် အဖွဲ့ဝင်များ တက်ရောက်ကြသည်။

ယင်းလမ်းကြောင်းပြုပြင်မှုနှင့် ပတ်သက်၍ တပ်မတော်လက်အောက်ခံ တောင်ပိုင်းတိုင်းစစ်ဌာနချုပ်နှင့် KNU လက်အောက်ခံ KNLA တပ်မဟာ (၅) တို့ နှစ်ဖက်အောက်ခြေ တပ်များ ပစ်ခတ်မှုများ ရှိခဲ့သည်။

ကရင်ပြည်နယ် ဖာပွန်ဒေသအတွင်း ပဋိပက္ခဖြစ်ပွားမှုများနှင့် ပတ်သက်၍ တပ်မတော်နှင့် KNU မေလတတိယပတ်တွင် တွေ့ဆုံဆွေးနွေးမည်

ကရင်ပြည်နယ် ဖာပွန်ဒေသအတွင်း ပဋိပက္ခဖြစ်ပွားမှုများနှင့်ပတ်သက်၍ တပ်မတော်နှင့် ကရင်အမျိုးသားအစည်းအရုံး  (KNU) တို့ မေလတတိယပတ် တွေ့ဆုံဆွေးနွေးမည် ဖြစ်ကြောင်း ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲ စောင့်ကြည့်ရေးကော်မတီ (JMC-U) အတွင်းရေးမှူး (၁) ဒေါက်တာရွှေခါးရ်က ပြောကြားသည်။

ရန်ကုန်မြို့ရှိ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန၌ မေ ၁၀ ရက်နှင့် ၁၁ ရက်တို့တွင် ပြုလုပ်ခဲ့သည့် JMC-U အစည်းအဝေးအပြီး သတင်းစာရှင်းလင်းပွဲ ပြုလုပ်ရာတွင် ဒေါက်တာရွှေခါးရ်က  ယင်းကဲ့သို့ ပြောကြားခြင်းဖြစ်သည်။

“ဒီတစ်ခေါက်မှာလည်း အချင်းချင်း ပြန်လည်ပြီးတော့ အစည်းအဝေးမှာပဲ ညှိနှိုင်းတာမဟုတ်ဘဲနဲ့ အစည်းအဝေးပြင်ပမှာလည်း ညှိနှိုင်းမှုတွေလုပ်ပြီးတော့ ဒီတစ်ခေါက်မှာလည်း ထပ်မံပြီတော့ တွေ့ဆုံနိုင်အောင် စီစဉ်နေတာပေါ့။ ဆိုတော့ အခုကတော့ မေလ တတိယအပတ်အတွင်း အမြန်ဆုံးတွေ့နိုင်ရေးအတွက် ကျွန်တော်တို့ စီစဉ်နေပါတယ်” ဟု ဒေါက်တာရွှေခါးရ်က ပြောကြားသည်။

မတ်လဆန်းပိုင်းမှစ၍ ဖာပွန်ခရိုင်၌ တပ်မတော်မှ ကားလမ်းဖောက်သည့်ကိစ္စနှင့် ပတ်သက်၍ တပ်မတော်နှင့် ကရင်အမျိုးသားအစည်းအရုံး (KNU) လက်အောက်ခံ KNLA တပ်မဟာ(၅)တို့  ထိတွေ့ပစ်ခတ်မှုများ ဖြစ်ပွားခဲ့သည်။

ဖာပွန်ဖြစ်စဉ်နှင့်ပတ်သက်၍ တပ်မတော်နှင့် KNU မှ ထိပ်ပိုင်းခေါင်းဆောင်များသည် မတ် ၂၉ ရက် ( သို့မဟုတ်) ၃၀ ရက်တွင် ပဲခူးတိုင်းဒေသကြီး ကျောက်ကြီးမြို့၌ တွေ့ဆုံ ညှိနှိုင်းရန် ၁၅ ကြိမ်မြောက် ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-U) အစည်းအဝေးက ဆုံးဖြတ်ချက်ချထားသည်။

သို့သော် ယင်းတွေ့ဆုံဆွေးနွေးပွဲတွင် အခင်းဖြစ်ပွားသည့် နယ်မြေမှ KNU လက်အောက်ခံ KNLA တပ်မဟာ(၅) တပ်မဟာမှူး မပါသဖြင့် ဆွေးနွေးပွဲမှာ  ပြုလုပ်နိုင်ခြင်း မရှိခဲ့ပေ။

“ဒီနေ့  JMC-U အစည်းအဝေးမှာလည်း သက်ဆိုင်ရာ မြေပြင်တပ်မှူးတွေအပါပေါ့။ ခုနကပြောတဲ့ တပ်မဟာ (၅) ဆိုလည်း တပ်မဟာ (၅) ဘက်က တပ်မဟာမှူးပါ ပါဝင်စေချင်တယ်ပေါ့။  ပါဝင်စေချင်ပြီးတော့ ဒီဟာနဲ့ ပတ်သက်ပြီးတော့ တို့လမ်းဖောက်လုပ်ရတဲ့ ပတ်သက်တဲ့ရည်ရွယ်ချက်ပေါ့။ ဒါလည်း ပြောပြီးဖြစ်ပါတယ်။ နံပါတ် (၁) ကတော့ တပ်တွေရဲ့ အုပ်ချုပ်မှုကိစ္စတွေ ဆောင်ရွက်ဖို့ နဲ့ နောက်တစ်ခုကတော့ လမ်းကြီးတစ်ခု ဖောက်လုပ်တဲ့အတွက်လည်း ဒေသဖွံ့ဖြိုးရေးအတွက် ဖြစ်တာပေါ့နော်။ ဒေသခံပြည်သူတွေ သုံးစွဲလို့ရမယ်ဆိုတဲ့ အနေအထားအပေါ်မှာ သူတို့လည်း ရည်ရွက်ချက်အမှန်ကိုလည်း ပြောပြီးဖြစ်ပါတယ်။ ဒါကြောင့်မို့ ဒီလမ်းကို ဖောက်လုပ်နိုင်ရေးအတွက်လည်း ဆက်လက် ဆွေးနွေးသွားမယ်လို့ ပြောလို့ပါတယ်” ဟု JMC-U အတွင်းရေးမှူး(၂) တပ်မတော်သား ကိုယ်စားလှယ် ဗိုလ်မှူးကြီးဝဏ္ဏအောင်က ပြောကြားသည်။

ယခုတစ်ကြိမ် တွေ့ဆုံမှုတွင် KNLA တပ်မဟာ (၅) တပ်မဟာမှူးပါ ပါဝင်ရန် အစိုးရဘက်က မေတ္တာရပ်ခံထားကြောင်း ဒေါက်တာရွှေခါးရ်က ပြောကြားသည်။

“KNU ဘက်ကလည်း သူတို့ MANT လို့ခေါ်တဲ့ (စစ်ဘက်ရေးရာဆွေးနွေးရေးအဖွဲ့)   Military Affairs Negotiation Team ကို ဖွဲ့စည်းထားပါပြီ။ ပြီးတော့ အစိုးရဘက်ကလည်း အထူးသဖြင့် တပ်မတော်ဘက်ကလည်း သူတို့နဲ့ သွားရောက်တွေ့ဆုံဖို့အတွက် အဖွဲ့ တွေ ဖွဲ့လာပါလိမ့်မယ်။ ဒါပေမဲ့ အစိုးရဘက်ကတော့ မေတ္တာရပ်ခံထားကတော့ နယ်မြေခံတပ်မှူးကိုယ်တိုင် ပါလာဖို့ကိုတော့ သူတို့က မေတ္တာရပ်ခံထားပါတယ်” ဟု ဒေါက်တာရွှေခါးရ်က ပြောကြားသည်။

တပ်မတော်နှင့် ကရင်အမျိုးသားအစည်းအရုံး (KNU) အကြား ကရင်ပြည်နယ် ဖာပွန်ဒေသအတွင်း စစ်ရေးတင်းမာမှုနှင့်ပတ်သက်၍ အမြန်ဆုံး နှစ်ဖက်ဆွေးနွေးညှိနှိုင်းရန် လိုအပ်ကြောင်း ကရင်အမျိုးသား အစည်းအရုံး (KNU) က မေ ၁၀ ရက်တွင် သဘောထား ထုတ်ပြန်ထားသည်။

တပ်မတော်နှင့် KNU အကြား ဖာပွန်ဒေသအတွင်း စစ်ရေးတင်းမာမှုနှင့် ပတ်သက်၍ အမြန်ဆုံး နှစ်ဖက် ဆွေးနွေးညှိနှိုင်းရန် လိုအပ်ကြောင်း KNU ထုတ်ပြန်

တပ်မတော်နှင့် ကရင်အမျိုးသားအစည်းအရုံး (KNU) တို့အကြား ကရင်ပြည်နယ် ဖာပွန်ဒေသအတွင်း စစ်ရေးတင်းမာမှုနှင့်ပတ်သက်၍ အမြန်ဆုံးနှစ်ဖက် ဆွေးနွေး ညှိနှိုင်းရန် လိုအပ်ကြောင်း ကရင်အမျိုးသားအစည်းအရုံး (KNU) က မေ ၁၀ ရက်တွင် သဘောထား ထုတ်ပြန်ခဲ့သည်။

လတ်တလော ဖာပွန်ဒေသအတွင်း ဖြစ်ပွားနေသော တပ်မတော်မှ လမ်းဖောက်လုပ်ရေးအတွက် တပ်ရင်းသစ်များ ထပ်မံစေလွှတ်ခြင်းကြောင့် စစ်ရေးတင်းမာမှုနှင့် ပစ်ခတ်တိုက်ခိုက်မှု ဖြစ်ပေါ်လာခြင်းများကို အမြန်ဆုံး နှစ်ဖက်ဆွေးနွေး ညှိနှိုင်းရန် လိုအပ်ကြောင်း သဘောထားထုတ်ပြန်ချက်တွင် ဖော်ပြထားသည်။

“(တွေ့ဆုံဆွေးနွေးရန်) တောင်းဆိုထားတာ ပြဿနာဖြစ်ကတည်းက။ နောက်ပြီးတော့ JMC ကနေပြီးတော့ တပ်မတော်ဘက်က အရာရှိတွေနဲ့ ကျွန်တော်တို့ဘက်က တပ်ပိုင်းဆိုင်ရာ ခေါင်းဆောင်တွေနဲ့ တွေ့ဆုံဖို့ဆိုပြီးတော့ JMC ကနေပြီးတော့ ဆုံးဖြတ် ချက်ချပြီးတော့ Facilitate လုပ်ပေးတာ ရှိတယ်။ အဲဒီတော့ ကျွန်တော်တို့ဘက်က သွားတယ်။ ကျွန်တော်တို့ဘက်က သွားတဲ့အခါမှာ လွန်ခဲ့တဲ့ မတ် ၂၉၊ ၃၀ မှာ အဲကို သွားတော့ ကျွန်တော်တို့ တပ်မဟာ (၅) မှူး မပါလို့ ဆိုပြီးတော့ အစည်းအဝေးကို ရွှေ့ လိုက်တယ်။ ရွှေ့ပေမဲ့ ကျွန်တော်တို့ဘက် ပြန်ပြီးတော့ အစည်းအဝေးကို ဆက်ပြီးလုပ်နိုင်ဖို့အတွက် အခုထက်ထိ သူတို့ဘက်က Confirm ပြန်မပေးသေးတော့။ ဒီကြားထဲမှာ အခုလိုမြေပြင်မှာ အင်အား တိုးချဲ့တဲ့ကိစ္စတွေ ဖြစ်လာတဲ့အခါကျတော့ ကျွန်တော်တို့ စိုး ရိမ်တာပေါ့နော်။ တပ်မတော်အနေနဲ့ တပ်တွေ ပြန်ရုပ်သိမ်းဖို့ လိုအပ်တယ်။ ဒီလိုကာလမှာ တစ်ဖက်နဲ့တစ်ဖက်ကြားမှာ ဒီလိုမျိုး လူထုတွေ စွန့်ခွာ တိမ်းရှောင်ရတဲ့ အဖြစ်မျိုး ကျွန်တော်တို့ မလုပ်အပ်ဘူး” ဟု  ကရင်အမျိုးသား အစည်းအရုံး (KNU) အထွေထွေအ တွင်းရေးမှူး ပဒိုစောတာဒိုမူးက ပြောကြားသည်။

တစ်ဖက်နှင့်တစ်ဖက်အကြား ယုံကြည်မှု တည်ဆောက်နေသည့် ကာလနှင့် ငြိမ်းချမ်းရေးလုပ်ငန်းစဉ် ဖော်ဆောင်နေသည့်ကာလဖြစ်သည့်အတွက် တပ်များကို ပြန်ရုပ်သိမ်းပေးရန် တောင်းဆိုခြင်းဖြစ်ကြောင်း ပဒိုစောတာဒိုမူးက ပြောကြားသည်။

KNU သည် ပြဿနာများကို ငြိမ်းချမ်းစွာ ဆွေးနွေးညှိနှိုင်း အဖြေရှာခြင်းနည်းဖြင့်သာ ရေရှည်တည်တံ့ခိုင်မြဲသော နားလည်မှု၊ ယုံကြည်မှုကို တည်ဆောက်နိုင်မည်ဟု လေးလေးနက်နက် ယုံကြည်ကြောင်း ထုတ်ပြန်ချက်တွင် ဖော်ပြထားသည်။ မတ်လဆန်းပိုင်းမှစ၍  ဖာပွန်ခရိုင်၌ တပ်မတော်မှ ကားလမ်းဖောက်သည့်ကိစ္စနှင့် ပတ်သက်၍ တပ်မတော်နှင့် ကရင်အမျိုးသားအစည်းအရုံး (KNU) လက်အောက်ခံ KNLA တပ်မဟာ (၅) တို့  ထိတွေ့ပစ်ခတ်မှုများ ဖြစ်ပွားခဲ့သည်။ ဒေသဖွံ့ဖြိုးရေးနှင့် ဒေသခံပြည်သူများ အသုံးပြုနိုင်ရန်နှင့် တပ်ပိုင်းဆိုင်ရာ အုပ်ချုပ်မှုကိစ္စရပ်များ ဆက်သွယ်ဆောင်ရွက်မှု လွယ်ကူစေရန်တို့အတွက် ရည်ရွယ်၍ လမ်းဖောက် လုပ်ရခြင်းဖြစ်ကြောင်း တပ်မတော်သတင်းမှန် ပြန်ကြားရေးအဖွဲ့က ဧပြီ ၁၀ ရက်က သတင်း ထုတ်ပြန်ထားသည်။

လက်ရှိအချိန်တွင် မတ်လဆန်းပိုင်းမှ စတင်ခဲ့သော တပ်မတော်နှင့် KNLA တပ်မဟာ (၅) တို့၏ ပဋိပက္ခများကြောင့် ဖာပွန်ခရိုင်အတွင်းရှိ ဒေသခံများ တောထဲသို့ ထွက်ပြေး တိမ်းရှောင်ရမှုမှာ လူဦးရေ ၂၀၀၀ ကျော်ခန့်ရှိနေပြီ ဖြစ်ကြောင်း  KNU အထွေထွေ အတွင်းရေးမှူး ပဒိုစောတာဒိုမူးက ပြောကြားသည်။

ဖာပွန်ဖြစ်စဉ်နှင့်ပတ်သက်၍ တပ်မတော်နှင့် KNU မှ ထိပ်ပိုင်းခေါင်းဆောင်များသည် မတ် ၂၉ ရက် ( သို့မဟုတ်) ၃၀ ရက်တွင် ပဲခူးတိုင်းဒေသကြီး ကျောက်ကြီးမြို့၌ တွေ့ဆုံညှိနှိုင်းရန် ၁၅ ကြိမ်မြောက် ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-U) အစည်းအဝေးက ဆုံးဖြတ်ချက်ချထားသည်။ သို့သော် ယင်းတွေ့ဆုံဆွေးနွေးပွဲတွင် အခင်းဖြစ်ပွားသည့် နယ်မြေမှ KNU လက်အောက်ခံ KNLA တပ်မဟာ (၅) တပ်မဟာမှူး မပါသဖြင့် ဆွေးနွေးပွဲမှာ ယခုထိ ပြုလုပ်နိုင်ခြင်း မရှိသေးပေ။ ဖာပွန်ခရိုင်အတွင်း လမ်းဖောက်လုပ်ခြင်းနှင့် ပတ်သက်၍ ပစ်ခတ်မှုဖြစ်ပွားခဲ့ခြင်းအပေါ် တပ်မတော်လက်အောက်ခံ တောင်ပိုင်းတိုင်းစစ်ဌာနချုပ်နှင့် NCA ရေးထိုးထားသည့် KNU လက်အောက်ခံ KNLA တပ်မဟာ (၅) တို့အကြား အပြန်အလှန် ကန့်ကွက်စာများ ပေးပို့ထားသည်။

ပဋိပက္ခဖြစ်စဉ်များတွင် နှစ်ဖက်တပ်များ ပြန်လည်ရုပ်သိမ်းရေးနှင့် နောင်အလား တူဖြစ်စဉ်များ မဖြစ်ပေါ်စေရေး အလျင်အမြန် ညှိနှိုင်းဆွေးနွေးရန် ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေး ပူးတွဲစောင့်ကြည့်ရေးကော်မတီ ဒုဥက္ကဋ္ဌ (၁) တိုက်တွန်း

ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ JMC-U အစည်းအဝေးကို ရန်ကုန်မြို့တွင် ပြုလုပ်စဉ် (ဓာတ်ပုံ-ချမ်းဝေစိုး)

ပဋိပက္ခဖြစ်စဉ်များတွင် ထွက်ပြေး တိမ်းရှောင်နေရသည့် ပြည်သူများ၏ အကျိုးစီးပွားကို ထောက်ထားခြင်းအားဖြင့် ၎င်းတို့၏ အသက်မွေးဝမ်းကျောင်း ပြုရာဒေသများသို့ ပြန်လည်အခြေပြုနိုင်ရန် နှစ်ဖက်တပ်များ ပြန်လည်ရုပ်သိမ်းခြင်းနှင့် နောင်အလား တူဖြစ်စဉ်များမဖြစ်ပေါ်စေရန် ညှိနှိုင်းဆွေးနွေးမှုများ အလျင်အမြန် ပြုလုပ်သွားရန် လိုအပ်ကြောင်း ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေး ပူးတွဲစောင့်ကြည့်ရေးကော်မတီ JMC-U ဒုတိယဥက္ကဋ္ဌ (၁) တိုင်းရင်းသား လက်နက်ကိုင်အဖွဲ့များ ကိုယ်စားလှယ် ကရင်အမျိုးသားအစည်းအရုံး (KNU) မှ ဗိုလ်ချုပ်စောအိုင်းဇက်ဖိုးက တိုက်တွန်း ပြောကြားသည်။

ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေး ပူးတွဲစောင့်ကြည့်ရေးကော်မတီ JMC-U ၏ ၁၆ ကြိမ်မြောက် တွေ့ဆုံဆွေးနွေးပွဲကို မေ ၁၀ ရက်မှ စတင်ကာ ရန်ကုန်မြို့ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် ပြုလုပ် လျက်ရှိပြီး ယင်းအစည်းအဝေးတွင် အဖွင့်အမှာစကားပြောကြားရာ၌ ဗိုလ်ချုပ်စောအိုင်းဇက်ဖိုးက အထက်ပါအတိုင်း တိုက်တွန်းပြောကြားခဲ့ခြင်း ဖြစ်သည်။

ဗိုလ်ချုပ်စောအိုင်းဇက်ဖိုးက“NCA မှ တစ်ဆင့် နိုင်ငံရေးဆွေးနွေးပွဲများမှသည် ပြည်ထောင်စု ငြိမ်းချမ်းရေးဆီသို့ဆိုတဲ့ ဆောင်ပုဒ်ကို အကောင်အထည်ဖော်တဲ့နေရာမှာ အဟန့်အတားဖြစ်စေမယ့် မည်သည့်အပြုအမူမျိုးကိုမှ မပြုလုပ်ကြရန် အထူးသတိထားရမှာဖြစ်ပါတယ်။ ယုံကြည်မှုပျက်ပြားစေမည့် အပြုအမူများကို မလုပ်ဘဲ ယုံကြည်မှုမြင့်မား စေမည့် မည်သည့်အပြုအမူမျိုးကိုမဆို နှစ်ဖက် လက်နက်ကိုင်များမှ အပစ်အခတ်ရပ်စဲရေး ခိုင်မာစေရန်အတွက် ဖန်တီးယူဖို့ လိုအပ်ပါတယ်။ Rectove ဆိုတဲ့ တုံ့ပြန်ပြုမူခြင်း အဆင့်ထက် Proactive ဆိုတဲ့ ဖန်တီးယူခြင်းဖြင့် ယုံကြည်မှု တည်ဆောက်ခြင်းကို အ ထောက်အကူဖြစ်စေမှာဖြစ်ပါတယ်။ လက်နက်ကိုင် ထိတွေ့မှုများကိုလည်း ကာကွယ်နိုင်မှာ ဖြစ်ပါတယ်။ ကျွန်တော်တို့ လက်နက်ကိုင် နှစ်ဖက်စလုံးမှာ ကိုယ့်ယုံကြည်ချက်ဖြင့်ကို ပြည်သူလူထုအကျိုးစီးပွားကို စောင့်ရှောက်နေကြတာဖြစ်သလို ယခုပစ်ခတ်မှု ဖြစ်စဉ်များကြောင့် ထွက်ပြေးတိမ်းရှောင်နေရတဲ့ ပြည်သူလူထု၏ အကျိုးစီးပွားကိုထောက်ထားခြင်းအားဖြင့် ၎င်းတို့၏ မူရင်းအသက်မွေးဝမ်းကျောင်းပြုရာ ဒေသများတွင် ပြန်လည်အခြေပြုနိုင်ရန်အတွက် တပ်များပြန်လည်ရုပ်သိမ်းခြင်းနှင့် နှစ်ဖက်တပ်များအကြား ယခုဖြစ်စဉ်နှင့်အတူ နောင်အလားတူဖြစ်စဉ်များ မဖြစ်ပေါ်စေရန် ညှိနှိုင်းဆွေးနွေးမှုများ အလျင်အမြန် လုပ်သွားရန်တိုက်တွန်းလိုပါတယ်။ ဒါကြောင့်  JMC ရဲ့ အခြေခံမူများအတိုင်း ပဋိပက္ခများကို အင်အားသုံး ဖြေရှင်းခြင်းမပြုဘဲ ဘက်လိုက်မှုကင်းခြင်း၊ ပွင့်လင်းမြင်သာမှုရှိခြင်း၊ တရားမျှတမှုရှိခြင်း၊ ဂုဏ်သိက္ခာရှိခြင်းတို့နှင့်အတူ ညှိနှိုင်းအဖြေရှာသွားရန် တိုက်တွန်းလိုပါတယ်” ဟု ပြောကြားသည်။

ထို့ပြင် လက်ရှိအချိန်တွင် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးဆိုင်ရာ သဘောတူစာချုပ် (NCA) လက်မှတ်ရေးထိုးလာခဲ့သည်မှာ နှစ်နှစ်ခွဲကျော်ကြာမြင့်လာပြီဖြစ်သော်လည်း နှစ်ဖက်တပ်များအကြား သံသယစိတ်နှင့် စိုးရိမ်စိတ်များ ရှိနေသေးသည်ကို အားလုံးလက်ခံကြရမည်ဖြစ်ကြောင်း၊ JMC အစည်းအဝေးများတွင် တစ်ဖက်နှင့်တစ်ဖက် ယုံကြည်မှုတည်ဆောက်ရန် တိုက်တွန်းနေကြောင်း၊ ထို့ကြောင့် NCA  နှင့် JMC အကောင်အထည်ဖော်မှုများကို သဘောပေါက် နားလည်ရန်အတွက် အလုပ်ရုံဆွေးနွေးပွဲများ နှင့် ရင်းနှီးမှု၊ ယုံကြည်မှုများတည်ဆောက်ရန်အတွက် အောက်ခြေနှစ်ဖက်တပ်မှူးများ တွေ့ဆုံသွားရန်ရှိကြောင်းကိုလည်း ၎င်းက ဆက်လက်ပြောကြားသည်။

သို့သော် ဗိုလ်ချုပ်စောအိုင်းဇက်ဖိုးက “ယုံကြည်မှုအဆင့်ဆိုသည်မှာ ဒေသတစ်ခု နှင့် တစ်ခုအကြား တူညီမှု မရှိသည်ကို အသိအမှတ်ပြုရမှာဖြစ်ပါတယ်။ ဒါကြောင့် အခြေအနေအမျိုးမျိုးကြောင့် ယုံကြည်မှုနည်းပါးနေသေးတဲ့ ဒေသတွေမှာ ဘာပဲလုပ်လုပ် အထူးသတိထားရမှာဖြစ်ပါတယ်။ ကြိုတင်ညှိနှိုင်းမှုများကို အချိန်ယူညှိနှိုင်းဖို့လိုအပ်ပါတယ်။ ဘာမဟုတ်တဲ့ အသေးအဖွဲအပြုအမူများသည်ပင် ရှိပြီးသား ယုံကြည်မှုတွေကိုပျက်ပြားစေနိုင်ပြီး လက်နက်ကိုင်ပဋိပက္ခအခြေအနေကို ပြန်လည်တွန်းပို့နိုင်ပါတယ်။ ဒါက လည်း လက်ရှိဖြစ်ပေါ်နေတဲ့ အခြေအနေများကို အခြေခံပြောကြားခြင်းဖြစ်ပါတယ်” ဟု ဆက်လက်ထည့်သွင်းပြောကြားသည်။

ထို့အတူ JMC-U ဥက္ကဋ္ဌ တပ်မတော်သားကိုယ်စားလှယ် ဒုတိယဗိုလ်ချုပ်ကြီး ရာပြည့်က လက်ရှိအနေအထားတွင်  JMC လက်မှတ်ရေးထိုးထားသည့် အဖွဲ့အစည်းများအကြား ပဋိပက္ခဖြစ်စဉ်များ အနည်းငယ်ရှိနေသည်ကို တွေ့ရသော်လည်း ကြီးမားသည့် ဖြစ်စဉ်များမဟုတ်ကြောင်း၊ ထိုကဲ့သို့ ပေါ်ပေါက်ရသည့် အကြောင်းရင်းများကို ပြန်လည်ဆန်းစစ်ရာတွင် ကော်မတီဝင်အချင်းချင်းများအကြား တွေ့ဆုံညှိနှိုင်းအဖြေရှာမှု အားနည်းနေသည်ကိုတွေ့ရကြောင်း၊ နောက်ကြောင်းပြန် စိုးရိမ်ပူပန်မှုများလည်း ရှိသည်ကို တွေ့ရကြောင်း၊ ထို့အတွက် ပွင့်လင်းမြင်သာမှု၊ တာဝန်ခံမှု၊ တာဝန်ယူမှုများနှင့် ရင်းနှီးစွာ ယုံကြည်မှု တည်ဆောက်သွားရန်လိုအပ်ကြောင်း၊ သို့မှသာ အေးချမ်းတည်ငြိမ်သည့် ဒေသဖွံ့ဖြိုးရေးလုပ်ငန်းများကို အပြန်အလှန် ယုံကြည်ကိုးစားမှုများနှင့်အတူ ရေရှည်ငြိမ်း ချမ်းရေးကို ဆက်လက်အကောင်အထည် ဖော်သွားနိုင်မည်ဟု ယုံကြည်ကြောင်း အဖွင့်အမှာစကားတွင် ထည့်သွင်း ပြောကြားခဲ့သည်။

JMC-U ၏ ၁၆ ကြိမ်မြောက်တွေ့ဆုံ ဆွေးနွေးပွဲကို မေ ၁၁ ရက်အထိ ပြုလုပ်သွားမည်ဖြစ်ပြီး အဆိုပါအစည်းအဝေးတွင် ကရင်ပြည်နယ်၊ ဖာပွန်ခရိုင်၊ လယ်မူပလော ဒေသတွင် ဖြစ်ပွားခဲ့သော တပ်မတော်နှင့် KNU လက်အောက်ခံ KNLA တပ်မဟာ (၅) တို့အကြား ထိတွေ့မှုများနှင့် ပတ်သက်၍ ထည့်သွင်းဆွေးနွေးသွားမည်ဖြစ်ကြောင်း JMC-U အတွင်းရေးမှူး (၂) တပ်မတော်သားကိုယ်စားလှယ် ဗိုလ်မှူးကြီး ၀ဏ္ဏအောင်က ပြောကြားထားသည်။