ဇူလိုင် ၁၁ ရက်တွင် ပြုလုပ်မည့် ၂၁ ရာစုပင်လုံ တတိယအစည်းဝေးသို့ “၀” အဖွဲ့ဦးဆောင်သော မြောက်ပိုင်းတိုင်းရင်းသား လက်နက်ကိုင်အဖွဲ့များ တက်ရောက်မည်

ခေတ္တတည်းခိုမည့် ဟိုတယ်သို့ ရောက်ရှိလာသည့် ကချင်လက်နက်ကိုင်အဖွဲ့ (KIO/KIA) မှ ဗိုလ်ချုပ်ဂွန်မော်အား ငြိမ်းချမ်းရေးကော်မရှင် ဒုတိယဥက္ကဋ္ဌ ဦးသိန်းဇော်က ကြိုဆိုနေစဉ်

ပြည်ထောင်စုငြိမ်းချမ်းရေး ညီလာခံ-၂၁ ရာစုပင်လုံ တတိယ အစည်းအဝေးကို ဇူလိုင် ၁၁ ရက်၌ နေပြည်တော်ရှိ MICC-2 တွင် စတင်ကျင်းပမည်ဖြစ်ပြီး ညီလာခံကို ဇူလိုင် ၁၆ ရက်အထိ ခြောက်ရက်ကြာ ကျင်းပမည်ဖြစ်သည်။

အဆိုပါ ညီလာခံသို့ တက်ရောက်ရန် မြောက်ပိုင်းတိုင်းရင်းသား လက်နက်ကိုင်အဖွဲ့ ခေါင်းဆောင်များ ယနေ့ (ဇူလိုင် ၁၀ ရက်) တွင် နေပြည်တော်သို့ ရောက်ရှိကြောင်း သိရသည်။

ညီလာခံသို့ တက်ရောက်ခြင်းနှင့် ပတ်သက်၍ ကချင်လက်နက်ကိုင်အဖွဲ့ (KIO/KIA) မှ ဗိုလ်ချုပ်ဂွန်မော်က “မျှော်လင့်ချက်တွေနဲ့ လာတာပါ။ အားလုံးကို မက်ဆေ့ခ်ျပေးချင်ပါတယ်။ (ညီလာခံသို့ ခေါင်းဆောင် အနည်းငယ်ပိုင်းများသာ တက်ရောက်ရန် သတင်းထွက်ပေါ်မှုအပေါ်) မဟုတ်ပါဘူး။ ကျွန်တော်တို့ FPNCC အစည်းအဝေးတွေ မလုပ်ရသေးတော့ ကိုယ်စားလှယ်တွေ မရွေးရသေးလို့ပါ။ အဲဒီနောက်ပိုင်း အစည်းအဝေးအပြီး ကိုယ်စားလှယ်ရွေးပြီးမှ လာခဲ့တာ ဖြစ်ပါတယ်” ဟု ခေတ္တတည်းခိုမည့် ဟိုတယ်တွင် မီဒီယာများနှင့် တွေ့ဆုံစဉ် ပြောကြားသည်။

ထို့ပြင် တရုတ်နိုင်ငံ၏ အခန်းကဏ္ဍနှင့် ပတ်သက်၍ ဗိုလ်ချုပ်ဂွန်မော်က တရုတ်နိုင်ငံအနေဖြင့် ၂၁ ရာစုပင်လုံ ဒုတိယအကြိမ် အစည်းဝေးမှ စတင်ကာ မြောက်ပိုင်း မဟာမိတ် အဖွဲ့များအား လုံခြုံရေး တာဝန်ယူကာ ခေါ်ဆောင်လာခြင်း ဖြစ်ကြောင်းနှင့် ညီလာခံသို့ တက်ရောက်ခြင်းမှာလည်း တရုတ်နိုင်ငံ၏ ဖိအားကြောင့် မဟုတ်ကြောင်း ပြောကြားသည်။

“ဘယ်လိုမျှော်လင့် ထားသလဲဆိုတော့ အဓိကတော့ ဒီပွဲမှာတော့ ဆွေးနွေးမှုအဓိက မဟုတ်ဘဲနဲ့ ကျွန်တော်တို့ အဆက်ပြတ်နေတဲ့ ကျွန်တော်တို့ ဆက်သွယ်ရေးတွေ ဘယ်လိုလုပ်မလဲ ဆိုတဲ့အပိုင်း ပိုအဓိက ကျမယ်လို့ မြင်ပါတယ်။ တိုက်ပွဲတွေ လျော့သွားမယ်လို့ မျှော်လင့်ပါတယ်။ (ဆွေးနွေးပွဲအပေါ် မျှော်လင့်ချက်) ဆွေးနွေးပွဲအပေါ်တော့ ဆွေးနွေးမှပဲ သိမှာပါ” ဟု ဗိုလ်ချုပ်ဂွန်မော်က ဆိုသည်။

ထို့အတူ အစိုးရနှင့် မြောက်ပိုင်းတိုင်းရင်းသား လက်နက်ကိုင် အဖွဲ့များကြား အဓိက ညှိနှိုင်းဆောင်ရွက် ပေးနေသည့် တရုတ်နိုင်ငံခြားရေး ၀န်ကြီးဌာန အာရှရေးရာ အထူးကိုယ်စားလှယ် မစ္စတာဆွန်းကော့ရှန်သည်လည်း ညီလာခံ တက်ရောက်ရန် ဇူလိုင် ၁၀ ရက်တွင် နေပြည်တော်သို့ ရောက်ရှိကြောင်း သိရသည်။

အစိုးရ (အစိုးရ၊ လွှတ်တော်၊ တပ်မတော်) အစုအဖွဲ့၊ နိုင်ငံရေးပါတီ အစုအဖွဲ့၊ တိုင်းရင်းသား လက်နက်ကိုင် အစုအဖွဲ့မှ ကိုယ်စားလှယ်များဖြင့် အချိုးကျ ပါဝင်ဖွဲ့စည်းထားသည့် ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) ၏ ဇူလိုင် ၉ ရက်က ကျင်းပသည့် အစည်းအဝေး၌ ပြည်ထောင်စု ငြိမ်းချမ်းရေးညီလာခံ-၂၁ ရာစုပင်လုံ တတိယ အစည်းအဝေးတွင် ဆွေးနွေးမည့် အချက် ၁၂ ချက်ကို သဘောတူညီမှု ရရှိခဲ့ကြောင်း သိရသည်။

“နိုင်ငံရေးကဏ္ဍမှာ ခုနစ်ချက်တင်တယ်။ နှစ်ချက်သဘောတူတယ်။ စီးပွားရေးကဏ္ဍမှာ ၁၁ ချက်တင်တယ်။ တစ်ချက် သဘောတူတယ်။ မြေယာကဏ္ဍမှာ ငါးချက်တင်တယ်။ နှစ်ချက်သဘောတူတယ်။ လူမှုရေးကဏ္ဍမှာ ကိုးချက်တင်တယ်။ ခုနစ်ချက် သဘောတူတယ်။ သို့သော် ဒီဟာကို အစုအဖွဲ့ တချို့ထဲမှာ ပြန်ဆွေးနွေးဖို့ရှိတယ်။ ဆွေးနွေးပြီးရင် အတွင်းရေးမှူးများ အဖွဲ့မှာ ပြန်ပြီးတော့ သဘောတူကြောင်း ပြန်လာနိုင်တာက စီးပွားရေးကဏ္ဍ နောက်ထပ် နှစ်ချက်သုံးချက်လောက် ပြန်လာနိုင်တယ်။ လူမှုရေးကဏ္ဍက တစ်ချက်လောက် ပြန်လာနိုင်တယ်။ နိုင်ငံရေးကဏ္ဍမှာ နှစ်ချက်လောက် ပြန်လာနိုင်တယ်။ နိုင်ငံရေးကဏ္ဍက နှစ်ချက်ရသော်လည်း ညီလာခံ မတိုင်ခင် ထပ်တိုးလာနိုင်တယ်” ဟု နိုင်ငံတော် အတိုင်ပင်ခံရုံး ၀န်ကြီးဌာန ညွှန်ကြားရေးမှူးချုပ် ဦးဇော်ဌေးက ဆိုသည်။

သို့ရာတွင် လုံခြုံရေးကဏ္ဍကို ယခုအစည်းအဝေးတွင် ဆွေးနွေးခြင်းမပြုရန် ယခင်ကြိုတင်ညှိနှိုင်း အစည်းအဝေးများတွင်ပင် သဘောတူညီချက် ရယူထားသည်။

ထို့ပြင် ညီလာခံတွင် တက်ရောက်မည့် ကိုယ်စားလှယ် ၇၀၀ ၏ သဘောတူဆုံးဖြတ်ချက် မူကြမ်းအား အစိုးရဘက်မှ UPDJC အစည်းအဝေးတွင် အဆိုပြုချက် တင်ပြခဲ့ရာ နိုင်ငံရေးပါတီ အစုအဖွဲ့ဘက်မှ ထောက်ခံချက် ရရှိခဲ့ကြောင်း သိရသည်။

“ညီလာခံမှာ တက်ရောက်တဲ့ ကိုယ်စားလှယ် ၇၀၀ ရဲ့ သဘောတူ ဆုံးဖြတ်ချက်မူကြမ်း ကျွန်တော်တို့ အစိုးရဘက်က အဆိုပြုထားတယ်။ အဲဒီအဆိုပြုချက်ကို တင်တယ်။ တင်တဲ့အပေါ်မှာ နိုင်ငံရေးပါတီဘက်က ထောက်ခံတယ်။ EAO ဘက်တော့က PPST ကိုခွင့်ပြုချက် လိုတဲ့အတွက် PPST ကို ပြန်သယ်သွားမယ်။ ပြန်သယ်သွားလို့ ခွင့်ပြုတယ်ဆိုရင် ညီလာခံရဲ့ ထုတ်ပြန်ကြေညာချက်အဖြစ် ညီလာခံ ကိုယ်စားလှယ်တွေရဲ့ သဘောတူဆုံးဖြတ်ချက် ကျွန်တော်တို့ထုတ်မယ်” ဟု ဦးဇော်ဌေးက ဆက်လက် ပြောကြားသည်။

လက်ရှိအစိုးရ လက်ထက်တွင် ၂၀၁၈ ခုနှစ် လက်ကျန်ကာလအတွင်း ညီလာခံတစ်ကြိမ်နှင့် ၂၀၁၉ ခုနှစ်အတွင်း ညီလာခံနှစ်ကြိမ် ပြုလုပ်နိုင်ရန် ကြိုးပမ်းဆောင်ရွက်မည် ဖြစ်ကြောင်း၊ ညီလာခံသုံးကြိမ် ကျင်းပပြီးပါက ဒီမိုကရေစီနှင့် ဖက်ဒရယ် အခြေခံမူများကို ဖောင်ဒေးရှင်း ချမှတ်နိုင်ရန် ဆောင်ရွက်သွား မည်ဟုလည်း ဦးဇော်ဌေးက ဆက်လက် ပြောကြားသည်။

၂၀၁၇ ခုနှစ် မေလတွင် ပြုလုပ်ခဲ့သည့် ပြည်ထောင်စုငြိမ်းချမ်းရေး ညီလာခံ – ၂၁ ရာစုပင်လုံ ဒုတိယအစည်း အဝေးတွင် ဆွေးနွေးရန် UPDJC မှ တင်သွင်းခဲ့သည့်အချက် ၄၅ ချက်ရှိခဲ့ပြီး အဆိုပါ ၄၅ ချက်အနက် အချက်ပေါင်း ၃၇ ချက်ကို ပြည်ထောင်စု သဘောတူစာချုပ် အစိတ်အပိုင်းတွင် ထည့်သွင်းချုပ်ဆို နိုင်ခဲ့သည်။

ပြည်ထောင်စု ငြိမ်းချမ်းရေးညီလာခံ – ၂၁ ရာစုပင်လုံ တတိယအစည်းအဝေးသို့ အစိုးရ၊ လွှတ်တော်၊ တပ်မတော်အစုအဖွဲ့မှ ခေါင်းဆောင်များ၊ နိုင်ငံရေးပါတီ အစုအဖွဲ့မှ ခေါင်းဆောင်များ၊ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) လက်မှတ် ရေးထိုးထားသော တိုင်းရင်းသား လက်နက်ကိုင် အစုအဖွဲ့မှ ခေါင်းဆောင်များ တက်ရောက်ကြမည် ဖြစ်သည်။

 

နှစ်ပေါင်း ၆၀ ကျော်ကြာ တိုက်ပွဲဖြစ်ပွားပြီးဖြစ်သည့်အတွက် ပြည်သူ့မျက်နှာထောက်၍ နိုင်ငံရေးနည်းလမ်းဖြင့် အဖြေရှာရန် KIO/KIA အား လီဆူအမျိုးသားဖွံ့ဖြိုးတိုးတက်ရေး ပါတီဥက္ကဋ္ဌ တိုက်တွန်း

နှစ်ပေါင်း ၆၀ ကျော်ကြာအောင် တိုက်ပွဲများ ဖြစ်ပွားခဲ့ပြီးပြီဖြစ်သည့်အတွက် ပြည်သူ့မျက်နှာထောက်၍ နိုင်ငံရေးပြဿနာများကို နိုင်ငံရေးနည်းလမ်းဖြင့် တွေ့ဆုံဆွေးနွေး အဖြေရှာရန် ကချင်လက်နက်ကိုင်အဖွဲ့ (KIO/KIA) အား လီဆူအမျိုးသားဖွံ့ဖြိုးတိုးတက်ရေးပါတီဥက္ကဋ္ဌ ဦးရွှေမင်း (ခ) ဆီဖာလာလူးက တိုက်တွန်း ပြောကြားသည်။

KIO/KIA အနေဖြင့် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) တွင် ပါဝင်လက်မှတ်ရေးထိုး၍ နိုင်ငံရေးတွေ့ဆုံ aဆွးနွေးမှုလမ်းကြောင်းပေါ် တက်ရောက်နိုင်မည်ဆိုပါက ဒေသတွင်း တိုင်းရင်းသားလူမျိုးစုများအပေါ် လက်နက်ကိုင် ခြိမ်းခြောက်မှုများလည်း လျော့ပါးသွားမည်ဟု ဦးရွှေမင်း(ခ)ဆီဖာလာလူးက ဆိုသည်။

“အဓိကကျွန်တော်တို့လိုချင်တာ အဲဒါပါပဲ။ နှစ်ဖက်တိုက်ပွဲဖြစ်နေတဲ့ အခါကျတော့ ဘယ်စစ်တပ်မဆိုတောထဲမှာတွေ့ရင် ဒါပြည်သူလူထုအတွက်ကတော့ အန္တရာယ်ပါပဲ။ နောက်ပြီးတော့ တိုက်ပွဲကာလမှာဆိုရင် ဆပ်ကြေးကောက်တာတို့၊ လူသစ်စုဆောင်းတာတို့၊ မိုင်းထောင်တာတို့ကတော့ ဆက်ရှိနေဦးမှာဖြစ်တဲ့အတွက် ပြည်သူလူထုတွေကတော့ နစ်နာနေဦးမှာပဲ။ အဲဒါကြောင့် နှစ်ပေါင်း ၅၀၊ ၆၀ ကျော်ကြာအောင် တိုက်ခိုက်လာခဲ့ပြီးကြပြီ။ စစ်ပွဲဆိုတာက လေးနှစ်တိုက်လို့မှ မအောင်မြင်ဘူးဆိုရင် ဒါလုပ်ပွဲပဲ။ ဒါဟာ နိုင်ငံရေး မဟုတ်တော့ဘူး။ အကျိုးစီးပွားအတွက် လုပ်ပွဲဖြစ်သွားပြီ။ အဲဒီတော့ ကိုယ်ကျိုးစီးပွားအတွက် လုပ်ပွဲတွေ မဖြစ်လာအောင် ကျွန်တော်တို့က ပြည်သူ့မျက်နှာထောက်ပါ။ ပြည်သူ့ကို ကိုယ်စားပြုတယ်။ ပြည်သူ့မျက်နှာထောက်မယ်ဆိုရင် ဒါနိုင်ငံရေးနည်းလမ်းနဲ့ ဖြေရှင်းနိုင်ဖို့ အဖြေရှာကြပါလို့ တိုက်တွန်းချင်တယ်။ ဒါက ကျွန်တော်တို့ ပြည်သူ့အတွက်ရော သူတို့အတွက်ရော အားလုံးကို ထောက်ထားပြီးတော့ တိုက်တွန်းခြင်း ဖြစ်ပါတယ်” ဟု ၎င်းက ပြောကြားသည်။

KIO/KIA သည် နိုင်ငံရေးနည်လမ်းဖြင့် ဆွေးနွေးအဖြေရှာရေးသို့ တက်လှမ်းလာခြင်း မရှိဘဲ လက်နက်ကိုင်လမ်းစဉ်ဖြင့် လက်နက်အားကိုးကာ ပြည်သူလူထုအား အကြောက်တရားဖြင့် လွှမ်းမိုးချုပ်ကိုင်လာနေခြင်းကို စိတ်မကောင်းစွာ တွေ့ရှိနေရသည်ဟု ဇွန် ၈ ရက်တွင် လီဆူအမျိုးသားဖွံ့ဖြိုးတိုးတက်ရေး ပါတီက ကြေညာချက် ထုတ်ပြန်ထားသည်။

မြစ်ကြီးနားမြို့ ဇီးလွန်ရပ်ကွက်တွင် နေထိုင်သော လီဆူအမျိုးသားရေး ဆောင်ရွက်နေသူ ကချင်ပြည်နယ် လီဆူခရစ်ယာန် အသင်းတော်များအဖွဲ့ချုပ်၏ နာယကလည်းဖြစ်သူ သိက္ခာတော်ရဆရာ ဦးငွါးဒါဝိဒ် (ခ) ဒေးဗစ်ဖစ်ရ်ှကို မေ ၂၈ ရက်တွင် KIO/KIA က သတိပေးစာ ပေးပို့ခဲ့ခြင်းနှင့် ပတ်သက်၍ လီဆူအမျိုးသားဖွံ့ဖြိုးတိုးတက်ရေးပါတီက ကြေညာချက် ထုတ်ပြန်ခဲ့ခြင်းလည်း ဖြစ်သည်။

KIO/KIA ၏ အဆိုပါ သတိပေးစာကို လီဆူအမျိုးသားဖွံ့ဖြိုးတိုးတက်ရေးပါတီက ကန့်ကွက်ရှုတ်ချခဲ့ပြီး နိုင်ငံတော်အစိုးရအနေဖြင့် အကြောက်တရားကင်းမဲ့သော လွတ်လပ်စွာ ပြောဆိုရေးသား ထုတ်ဝေခွင့်နှင့် လွတ်လပ်စွာ ဆန္ဒထုတ်ဖော်ခွင့်ကို ဥပဒေအရ ခွင့်ပြုပေးလျက်ရှိသည့်အပြင် နိုင်ငံရေးကိစ္စရပ်များကိုလည်း လက်နက်ကိုင်လမ်းစဉ်ဖြင့် မဖြေရှင်းဘဲ နိုင်ငံရေးနည်းလမ်းများဖြင့် ဆွေးနွေးတိုင်ပင် အဖြေရှာသွားနိုင်ရေးအတွက် ပြည်ထောင်စုငြိမ်းချမ်းရေးညီလာခံ-၂၁ ရာစု ပင်လုံ တတိယအစည်းအဝေးကို ခေါ်ယူကျင်းပနေသော အချိန်ကာလဖြစ်ကြောင်း လီဆူအမျိုးသားဖွံ့ဖြိုးတိုးတက်ရေးပါတီ၏ ကြေညာချက်တွင် ဖော်ပြခဲ့သည်။

သို့သော်လည်း KIA ၏ သတင်းနှင့် ပြန်ကြားရေးဌာနက KIO အနေဖြင့် နိုင်ငံရေးနည်းလမ်းဖြင့် ဆွေးနွေးညှိနှိုင်း အဖြေရှာမှသာလျှင် စစ်မှန်သည့် ငြိမ်းချမ်းရေးရမည်ဟု ယုံကြည်ရှုမြင်ကြသော်လည်း အစိုးရနှင့် တပ်မတော်ဘက်မှ စစ်မှန်သော နိုင်ငံရေးဆွေးနွေး ညှိနှိုင်းရေး တံခါးကို ဖွင့်ပေးထားခြင်းမရှိသည့်အတွက် ယခုကဲ့သို့ စစ်ချိန်ကာလ ကြာရှည်နေရခြင်းဖြစ်သည်ဟု ဇွန် ၉ ရက်တွင် သတင်းထုတ်ပြန်ခဲ့သည်။

၂၀၁၈ ခုနှစ် မေလအတွင်း မြန်မာနိုင်ငံ တစ်ဝန်းလုံးတွင် လက်နက်ကိုင် ထိတွေ့မှု ၉၂ ကြိမ်နှင့် ဒေသန္တရ လက်လုပ်မိုင်း အသုံးပြုတိုက်ခိုက်မှု ၁၇ ကြိမ်ဖြစ်ပွားပြီး ဧပြီလထက် အကြိမ်အရေအတွက်ပိုများဟု MIPS လစဉ်မှတ်တမ်း၌ ဖော်ပြ

ဧပြီ ၄ ရက်က International Business Center တွင် Norwegian People’s Aid မှ အဖွဲ့ဝင်တစ်ဦး မြေမြှုပ်မိုင်း ရှင်းလင်းရေး သရုပ်ပြနေစဉ်

၂၀၁၈ ခုနှစ် မေလအတွင်း မြန်မာနိုင်ငံ တစ်ဝန်းလုံးတွင် လက်နက်ကိုင်ထိတွေ့မှု (Armed Clash) ၉၂ ကြိမ်နှင့်  ဒေသန္တရ လက်လုပ်မိုင်း အသုံးပြုသည့် တိုက်ခိုက်မှု (Improvised Explosive Devices Attack) ၁၇ ကြိမ် ဖြစ်ပွားခဲ့ကြောင်း Myanmar Institute for Peace and Security (MIPS) ၏ မြို့နယ်အဆင့် ပဋိပက္ခ စောင့်ကြည့်ရေး အချက်အလက် ဒေတာဘေ့စ် (Township-based Conflict Monitoring System Data-base) တွင် မှတ်တမ်းတင်ထားသော အချက်အလက်များအရ သိရသည်။

MIPS ၏ မြို့နယ်အဆင့် ပဋိပက္ခစောင့်ကြည့်ရေး အချက်အလက် ဒေတာဘေ့စ် မှတ်တမ်းများအရ ၂၀၁၈ ခုနှစ် ဧပြီလတွင် လက်နက်ကိုင်ပဋိပက္ခ (Armed Incidents) (လက်နက်ကိုင်ထိတွေ့မှုနှင့် ဒေသန္တရ လက်လုပ်မိုင်း အသုံးပြုသည့် တိုက်ခိုက်မှု) ၇၃ ကြိမ်ဖြစ်ပွားခဲ့ရာမှ ၂၀၁၈ ခုနှစ် မေလတွင် လက်နက်ကိုင် ပဋိပက္ခဖြစ်ပွားမှု ၁၀၉ ကြိမ်အထိ မြင့်တက်လာခဲ့ကြောင်း သိရသည်။

ထို့အတူ ဧပြီလအတွင်း လက်နက်ကိုင်ပဋိပက္ခများ ဖြစ်ပွားမှုများမှာ မြို့နယ် ၂၁ မြို့နယ်တွင်သာ ဖြစ်ပွားခဲ့သော်လည်း မေလတွင်မူ မြို့နယ်ပေါင်း ၂၅ မြို့နယ်အထိ လက်နက်ကိုင်ပဋိပက္ခများ ဖြစ်ပွားခဲ့သည်ကို တွေ့ရကြောင်း သိရသည်။

သို့သော် မေလတွင် လက်နက်ကိုင်ထိတွေ့မှုတိုက်ပွဲ အကြိမ်အရေအတွက် ပိုများလာခဲ့သော်လည်း တိုက်ပွဲကြီး ဖြစ်ပွားမှုအကြိမ် အရေအတွက်မှာမူ ဧပြီလအောက် နည်းပါးနေသည်ကို တွေ့ရကြောင်း MIPS ၏ အမှုဆောင်ဒါရိုက်တာ ဒေါက်တာမင်းဇော်ဦးက ပြောကြားသည်။

“တိုက်ပွဲအရေအတွက်က မေလမှာတော့ ပိုများလာတယ်။ ဒါပေမဲ့ တိုက်ပွဲကြီးတွေ လျော့သွားတယ်ပေါ့။ မေလမှာတော့ တိုက်ပွဲထိတွေ့မှုတွေတော့ ပိုများလာတယ်။ တိုက်ပွဲကြီးတွေတော့ လျော့လာတယ်ဆိုတဲ့ သဘောပါ။ စစ်ရဲ့သဘောသဘာဝအရ Adjustment ပေါ့။ ဒီလိုလုပ်ကြတယ် လို့တော့မြင်တယ်။ တစ်ဖက်က စစ်နည်းဗျူဟာ ပြောင်းတဲ့အလားအလာ တွေ့ရတယ်။ အထူးသဖြင့် KIO ဘက်ကဆိုရင် သူတို့က အရင်တုန်းက စခန်းထိုင်တိုက်တဲ့ စစ်ပွဲသဏ္ဌာန်ကနေပြီးတော့ ပြောက်ကျား စစ်သဏ္ဌာန်ကို ပိုပြီးပြောင်းလာတာကို တွေ့ရတယ်။ အဲဒီအလားအလာကို တွေ့ရတယ်။ တပ်မတော်ဘက်ကလည်း ဒါနဲ့ပတ်သက်ပြီးတော့ အချို့တပ်မတွေကို ပြန်ရုပ်ပြီးတော့ သူတို့လည်း စစ်ပွဲပုံသဏ္ဌာန်တွေ ပြောင်းလာတာကို တွေ့ရတယ်။ အဲဒီတော့ ကျွန်တော်တို့ ကချင်ပြည်နယ် စစ်မြေပြင်ပေါ် တွေ့နေရတာကတော့ နှစ်ဖက်စလုံးကနေပြီးတော့ သူတို့ရဲ့ တိုက်နည်းတိုက်ဟန်တွေ ပြောင်းလာမယ့် အလားအလာတွေကို တွေ့ရပါတယ်” ဟု ဒေါက်တာ မင်းဇော်ဦးက ပြောကြားသည်။

မေလအတွင်း လက်နက်ကိုင်ပဋိပက္ခများ ဖြစ်ပွားမှုနှုန်း အမြင့်မားဆုံး ကြုံတွေ့ရသည့် မြို့နယ်များမှာ ကချင်ပြည်နယ်ရှိ ဖားကန့်မြို့ နယ်နှင့် တနိုင်းမြို့နယ်၊ ရှမ်းပြည်နယ်ရှိ မူဆယ်မြို့နယ်များဖြစ်ကြောင်း သိရသည်။

လက်နက်ကိုင် ပဋိပက္ခများ ဖြစ်ပွားရာ၌ တပ်မတော်နှင့် KIA အဖွဲ့တို့အကြား ဖြစ်ပွားခဲ့သည့် တိုက်ပွဲများမှာ ဧပြီတွင် ၃၈ ကြိမ်သာရှိခဲ့ရာမှ မေလတွင် ယင်းအဖွဲ့အစည်း နှစ်ဖွဲ့အကြား ထိတွေ့မှု ၅၅ ကြိမ်အထိ မြင့်တက်လာကြောင်း၊ ထိုကဲ့သို့ တိုက်ပွဲအရေအတွက် မြင့်မားလာသော်လည်း KIA အထိုင်စခန်းများကို သိမ်းပိုက်ရန် ရည်ရွယ်၍ လက်နက်ကြီးပစ်ကူ၊ လေကြောင်းပစ်ကူတို့နှင့် တိုက်ခိုက်မှု အရေအတွက်မှာ ဧပြီလနှင့် နှိုင်းယှဉ်လျှင် ကျဆင်းသွားကြောင်း MIPS က ဖော်ပြထားသော အချက်အလက်များအရ သိရသည်။

ထို့အတူ မြောက်ပိုင်းမဟာမိတ် တပ်ပေါင်းစု (Nothern Alliance) အဖွဲ့က တပ်မတော် စစ်ကြောင်းများကို နေရာဒေသ အများအပြားတွင် အကြိမ်များစွာ တန်ပြန်တိုက်ခိုက်ခဲ့ခြင်းကြောင့် မေလအတွင်း လက်နက်ကိုင် ထိတွေ့မှု အရေအတွက် ပိုမိုမြင့်မားလာခြင်းဖြစ်ကြောင်း၊ တပ်မတော်နှင့် တအန်းလက်နက်ကိုင်အဖွဲ့ (TNLA) တို့အကြားတွင်လည်း တိုက်ပွဲများ ဆက်လက်ဖြစ်ပွားခဲ့ပြီး တပ်မတော်နှင့် ရခိုင်လက်နက်ကိုင်အဖွဲ့ (AA) တို့အကြားတွင် ထိတွေ့မှု ရှစ်ကြိမ်ဖြစ်ပွားခဲ့ကြောင်း MIPS က ဖော်ပြထားသည်။

မေ ၁၇ ရက်တွင် တပ်မတော်နှင့် ကရင်အမျိုးသားအစည်းအရုံး (KNU) ခေါင်းဆောင်များ တွေ့ဆုံခဲ့ပြီး နောက်တွင်မူ တပ်မတော်နှင့် KNU လက်အောက်ခံ KNLA အဖွဲ့တို့အကြား တိုက်ခိုက်မှုများ ရပ်တန့်သွားကြောင်း သိရသည်။

အဆိုပါ လက်နက်ကိုင် ပဋိပက္ခများ ဖြစ်ပွားမှု အချက်အလက် ကောက်ယူခဲ့သည့် ပုံစံများနှင့် ပတ်သက်၍ ဒေါက်တာမင်းဇော်ဦးက “ကျွန်တော်တို့မှာ ဒေတာကောက်တဲ့စနစ်ရှိတယ်။ အဲဒီစနစ်မှာ မြေပြင်ကတာဝန်ရှိတဲ့ သူတွေက ကောက်တယ်။ နောက်ပြီးတော့ လုံခြုံရေး အဖွဲ့အစည်းတွေ၊ တိုင်းရင်းသား လက်နက်ကိုင် အဖွဲ့အစည်းတွေနဲ့ သူတို့ဆီက အတည်ပြုတာ မျိုးတွေရှိတယ်။ မြေပြင်ကနေ အတည်ပြုတာတွေရှိတယ်။ ဂျာနယ်တွေ၊ Report တွေကနေပြီးတော့ ကြည့်တာတွေရှိတယ်။ သတင်းထုတ်ပြန်တာတွေပြန်ပြီး အတည်ပြုတာမျိုး ပုံစံတွေနဲ့ စစ်တမ်းယူပါတယ်” ဟု ပြောကြားသည်။

လက်ရှိတွင် ကချင်ပြည်နယ်နှင့် ရှမ်းပြည်နယ် (မြောက်ပိုင်း) ၌ စစ်ရေးတင်းမာမှုများ မြင့်တက်နေဆဲဖြစ်ပြီး ဖားကန့်ဒေသတွင် တိုက်ပွဲများ ပြန်လည်ဖြစ်ပွားနိုင်သည့် အလားအလာကို တွေ့ရှိရကြောင်းနှင့် ၂၀၁၈ ခုနှစ် မေလအတွင်း စစ်ဘက်ပစ်မှတ် မဟုတ်သော အရပ်သားဆိုင်ရာ ပစ်မှတ်များကို ဖောက်ခွဲတိုက်ခိုက်မှု အရေအတွက် လျော့ကျသွားသော်လည်း ဖြစ်ပွားနိုင်ခြေ မြင့်မားနေဆဲဖြစ်ကြောင်း MIPS က သုံးသပ်ဖော်ပြ ထားသည်။

 

စစ်ဘေးရှောင် ခုနစ်နှစ်ပြည့် အခမ်းအနား မြစ်ကြီးနားမြို့ မနောကွင်းတွင် ကျင်းပ

စစ်ဘေးရှောင် ခုနစ်နှစ်ပြည့် အခမ်းအနား မြစ်ကြီးနားမြို့ စီတာပူရပ်ကွက် မနောကွင်းတွင် ဇွန် ၉ ရက်က ကျင်းပစဉ်

စစ်ဘေးရှောင် ခုနစ်နှစ်ပြည့် အခမ်းအနားကို မြစ်ကြီးနားမြို့ စီတာပူရပ်ကွက် မနောကွင်းတွင် ဇွန် ၉ ရက်က ကျင်းပခဲ့ကြောင်း သိရသည်။

အခမ်းအနားသို့ မြစ်ကြီးနားနှင့် ၀ိုင်းမော်မြို့များရှိ စစ်ရှောင်စခန်း ၃၀ ကျော်မှ လူပေါင်းထောင်နှင့်ချီ တက်ရောက်ခဲ့ကြသည်။ အခမ်းအနားတွင် စစ်ရှောင်ပြည်သူများက သဘောထား ကြေညာချက်တစ်စောင် ထုတ်ပြန်ခဲ့ပြီး စစ်ပြေးဒုက္ခသည် လူ့အခွင့်အရေး ကျူးလွန်မှုနှင့် လုံခြုံရေး ကင်းမဲ့နေကြောင်း၊ ၂၀၁၈ ခုနှစ် ဧပြီ ၁၁ ရက်မှစ၍ ဖားကန့်မြို့နယ်၊ တနိုင်းမြို့နယ်နှင့် အင်ဂျန်းယန်မြို့နယ်တို့တွင် ပိတ်မိပြည်သူ ၃၀၀ ခန့်သည် လူသားချင်း စာနာထောက်ထားမှု အကူအညီများ လိုအပ်လျက်ရှိကြောင်း၊ ပိတ်မိနေဆဲ ပြည်သူအချို့လည်း လွတ်မြောက်ရန် လိုအပ်နေကြောင်း၊ လူသားချင်း စာနာထောက်ထားမှု အကူအညီပေးရန် ကန့်သတ်ခြင်း၊ သတင်းအချက်အလက် ပိတ်ပင်ခြင်း မရှိဘဲ လွတ်လပ်စွာ သွားခွင့်ပြုရန် တောင်းဆိုခဲ့ကြောင်း သိရသည်။

ထို့ပြင် စစ်ရှောင်စခန်းများကို ပိတ်သိမ်းခြင်းမပြုဘဲ ထပ်မံရောက်ရှိလာသော စစ်ရှောင်များအတွက် စားဝတ်နေရေး၊ ပညာရေးပစ္စည်းများ ထောက်ပံ့ရန်၊ ပြည်သူများနေထိုင်ရာ ရပ်ရွာအနီးတွင် တပ်စခန်းများ ဆုတ်ပေးရန်၊ ငြိမ်းချမ်းရေးအတွက် လက်နက်ကိုင် အဖွဲ့အစည်းများ၊ အစိုးရ တပ်မတော်နှင့် အစိုးရအဖွဲ့တို့ စားပွဲပေါ်တွင် ဆွေးနွေးအဖြေရှာကြရန်၊ ၂၁ ရာစု ပင်လုံညီလာခံသည် တိုင်းရင်းသား ကိုယ်စားလှယ်များ၊ အမျိုးသား ခေါင်းဆောင်များ၊ အမျိုးသမီး ကိုယ်စားလှယ်များ ပြည့်စုံသည့် ညီလာခံ ဖြစ်ရမည်ဖြစ်ပြီး မူလပင်လုံစာချုပ် ကတိက၀တ်အရ တိုင်းရင်းသားများ၏ ကိုယ်ပိုင်ပြဋ္ဌာန်းပိုင်ခွင့်ရှိရန် တောင်းဆိုခဲ့ကြကြောင်း သိရသည်။

ဆုတောင်းပွဲသို့ တက်ရောက်ခဲ့သည့် မိုင်းနား၊ မခေါယန်စစ်ရှောင် အေဂျီစခန်းတာဝန်ခံ ဒေါ်ငွားမတားက “ကျွန်မတို့ စစ်ရှောင် စခန်းမှာ အိမ်ထောင်စု ၃၀၀ ကျော်၊ လူဦးရေ ၂၀၀၀ ကျော်ပါတယ်။ အစိုးရစာရင်းနှင့် လည်း ကွဲနေတယ်။ အစိုးရစာရင်းမှာက အိမ် ထောင်စု ၅၀ ကျော်၊ လူဦးရေက ၃၀၀ ကျော် ပဲ ရှိပါတယ်။ လူငယ်တွေက ဖားကန့်၊ တနိုင်း မှော်ဘက်သွားကြတယ်။ တရုတ်နိုင်ငံဘက် ကိုသွားပြီး အလုပ်လုပ်တဲ့ သူတွေလည်း ရှိ နေပါတယ်။ ကလေးတွေအတွက် ရေရှည်မှာ စိုးရိမ်စရာကောင်းတယ်။ ပညာရေးမှာက အတန်းကြီးလာတာနဲ့အမျှ ကျောင်းထွက်လာတာတွေ  များလာတယ်။ မူးယစ်ဆေးဝါးလည်း ကြောက်စရာ ကောင်းနေတယ်။ သက်ဆိုင်ရာ တွေကလည်း ပြန်နိုင်ဖို့ လုပ်ဆောင်စေချင်တယ်။ ဟိုရောက်ရင်တော့ ကလေးတွေကို အလုပ်ပေးဖို့ရှိတယ်” ဟု ပြောကြားသည်။

ပြဇာတ်သရုပ်ဖော် တင်ဆက်မှုနှင့် ပတ်သက်၍ ရဲအင်အား ၃၀ ကျော် မနောကွင်း အပြင်ဘက်၌ စုရုံးရောက်ရှိလာစဉ်

စီတာပူရပ်ကွက်မှ အသက် ၆၀ ကျော် အရွယ်ရှိ အမျိုးသားတစ်ဦးက “ကျွန်တော်တို့ မိသားစုမှာက ခုနစ်နှစ် အတွင်းမှာ စစ်ကြောင့် သေတာမရှိဘူး။ ၀မ်းကွဲမိသားစု ထဲမှာတော့ ရှိတယ်။ သေရင်သူ့မိသားစုကို အမျိုးတွေက ၀ိုင်းထောက်ပံ့ရတာပေါ့။ အမျိုးမဝေးသူတွေလည်း စစ်ရှောင်စခန်းမှာ ရှိတယ်။ အိမ်မှာ အများကြီး လာနေတာ မတတ်နိုင်တော့ စစ်ရှောင်ပို့ရတာပေါ့။ ကိုယ်တိုင်တော့ မထိခိုက်ပေမယ့် အမျိုးတွေထိခိုက်တော့ အပူတွေ ကိုယ့်ဆီရောက်တာပေါ့။ ငြိမ်းချမ်းရေး အတွက်တော့ သေသေချာချာ ဆွေးနွေးအဖြေရှာသင့်ပါပြီ” ဟု ပြောကြားသည်။

အခမ်းအနားတွင် ဆုတောင်းပွဲအတွင်း ပြဇာတ်သရုပ်ဖော် တင်ဆက်မှုနှင့် ပတ်သက်၍ သက်ဆိုင်ရာ ရဲတပ်ဖွဲ့က တားမြစ်ခဲ့ကြောင်းနှင့် ယင်းသရုပ်ဖော် တင်ဆက်မှုကြောင့် ရဲအင်အား ၃၀ ကျော် မနောကွင်း အပြင်ဘက်သို့ ရောက်ရှိခဲ့ပြီး လက်နက်ပစ္စည်း အပြည့်အစုံဖြင့် စောင့်ကြည့်ခဲ့ကြောင်း သိရသည်။

ကချင်ပြည်နယ်အတွင်း ၂၀၁၁ ခုနှစ် ဇွန် ၉ ရက်မှ ၂၀၁၈ ခုနှစ် ဧပြီ ၃၀ ရက်အထိ တိုက်ပွဲပေါင်း ၃၈၀၀ ကျော်ဖြစ်ပွားခဲ့ရာ ပျမ်းမျှ တစ်လလျှင် ၄၆ ပွဲနှုန်း ဖြစ်ပွားခဲ့ကြောင်း၊ လူပေါင်း ၁၂၀၀၀၀ ကျော်သည် စစ်ရှောင်စခန်းများတွင် ခိုလှုံနေရကြောင်း သိရသည်။

၂၀၁၇ ခုနှစ် စာရင်းများအရ အစိုးရထိန်းချုပ်နယ်မြေတွင် စခန်းပေါင်း ၉၄ ခု၊ လူဦးရေ ၄၀၀၀၀ နီးပါး ခိုလှုံနေပြီး ကေအိုင်အို ထိန်းချုပ်နယ်မြေအတွင်း ဒုက္ခသည်စခန်းပေါင်း ၂၅ ခုရှိကာ လူဦးရေ ၄၆၀၀၀ ကျော် ခိုလှုံကြောင်း ကေအိုင်အို ဒုက္ခသည်များဆိုင်ရာ ကော်မတီ၏ စာရင်းအရ သိရသည်။

ကချင်ပြည်နယ်အတွင်း စစ်ရှောင်များ၏ အသုံးစရိတ် ငါးနှစ်အတွင်း ကုဋေပေါင်း ၁၉၀၀ ကျော် (၁၉၈၁၉၉၆၈၄၆၉ ကျပ်) သုံးခဲ့ကြောင်း ကချင်ပြည်နယ် အစိုးရအဖွဲ့ စာရင်းများအရ သိရသည်။

နိုင်ငံတော်သမ္မတ အပါအ၀င် လွှတ်တော်၊ ပါတီ၊ လူမှုအဖွဲ့အစည်း၊ NGOs၊ INGOs များ၏ အစိုးရထံ ရောက်သော စာရင်းသာဖြစ်ပြီး အမည်ပေါက် မရောက်သည့် စာရင်းများလည်း အများအပြား ကျန်နေကြောင်း သိရသည်။

ကချင်တိုင်းရင်းသား လက်နက်ကိုင်အဖွဲ့ KIO/KIA အဖွဲ့သည် ၁၉၆၂ ခုနှစ်တွင် စတင်တည်ထောင်ခဲ့ပြီး ၁၉၉၄ ခုနှစ်တွင် အပစ်အခတ် ရပ်စဲရေး ပြုလုပ်နိုင်ခဲ့သည်။ ယင်းနောက် ၁၇ နှစ်အကြာ ၂၀၁၁ ခုနှစ် ဇွန် ၉ ရက်တွင် ကချင်ပြည်နယ် မိုးမောက်မြို့နယ်တွင် တိုက်ပွဲများ ပြန်လည်ဖြစ်ပွားခဲ့ရာ ယခုနှစ် ဇွန် ၉ ရက်တွင် ခုနစ်နှစ် ပြည့်ပြီဖြစ်သည်။

၂၀၁၁ ခုနှစ်တွင် ဖြစ်ပွားခဲ့သော တပ်မတော်နှင့် ကေအိုင်အေတို့ ပစ်ခတ်တိုက်ခိုက်မှုများ ပျံ့နှံ့လာပြီး ရှမ်းပြည်နယ်မြောက်ပိုင်း၊ လိုင်ဇာ၊ မိုင်ဂျာယန်၊ ၀ိုင်းမော်၊ ကာမိုင်း၊ ဖားကန့်၊ မိုးညှင်း၊ မိုးကောင်း၊ တနိုင်း၊ ဆွမ်ပရာဘွမ် စသည့်ဒေသများတွင်ပါ ဖြစ်ပွားခဲ့ပြီး စစ်ရှောင်သူ တစ်သိန်းကျော်မှာ နီးစပ်ရာ ဘုရားကျောင်း၊ ဘုန်းကြီးကျောင်းများတွင် ခိုလှုံနေသည်မှာ ခုနစ်နှစ် ကြာမြင့်ပြီ ဖြစ်သည်။

 

KIO/KIA ဌာနချုပ် လိုင်ဇာဘက်သို့ တပ်မတော်က စစ်အင်အားတိုးချဲ့မှုများ ရှိနေဟု KIO ပြောရေးဆိုခွင့်ရှိသူ ပြောကြား

ကချင်ပြည်နယ်တွင် တပ်မတော်စစ်ကြောင်းများ သာမန်ထက်လွန်ကဲသော စစ်ရေးလှုပ်ရှားမှုများရှိနေပြီး ကချင်လက်နက်ကိုင်အဖွဲ့ (KIO/KIA) ဌာနချုပ်တည်ရှိရာ လိုင်ဇာဘက်သို့ တပ်မတော်က စစ်အင်အား တိုးချဲ့မှုများရှိနေသည်ဟု KIO ပြောရေးဆိုခွင့်ရှိသူ ဒုတိယဗိုလ်မှူးကြီး နော်ဘူက ပြောကြားသည်။

လက်ရှိအချိန်တွင် ကချင်ပြည်နယ်၌ တပ်မတော်နှင့် KIA တို့၏ တိုက်ပွဲများ ရပ်တန့်နေပြီး တပ်မတော်စစ်ကြောင်းများမှ မူလတပ်စွဲထားသော နေရာများမှ ပြန်ရုပ်သိမ်းသွားသော်လည်း ကချင်ပြည်နယ်အတွင်းမှ ထွက်ခွာသွားခြင်းမျိုးမရှိဘဲ စစ်ကြောင်းအချို့မှာ လိုင်ဇာဌာနချုပ်အနီးသို့ စစ်အင်အား လာရောက်ဖြည့်တင်းနေသည်ဟု အောက်ခြေက သတင်းပေးပို့ကြောင်း ဒုတိယဗိုလ်မှူးကြီး နော်ဘူက ပြောကြားသည်။

“အခုတစ်လောကတော့ ဒီတစ်ပတ် အတွင်းထဲမှာ ဒီလိုင်ဇာဌာနချုပ်ပတ်ဝန်းကျင်က တပ်တွေထဲမှာ စစ်အင်အားတွေ ပြန်ဖြည့်တင်းနေတယ်ဆိုတဲ့သတင်း ကျွန်တော်တို့ ကြားသိရပါတယ်။ ဒါပေမဲ့ ကျွန်တော်တို့ ခန့်မှန်းတာက သူတို့တပ်တွေ အချင်းချင်း အပြောင်းအလဲတွေများ ဖြစ်သလားလို့ ကျွန်တော်တို့ ခန့်မှန်းပါတယ်။ ကျွန်တော်တို့ ကြားသိရတာကတော့ မူလထိုးထားတဲ့ တခြားနေရာမှာ ထိုးထားတဲ့စစ်ကြောင်းတွေကို ပြန်ရုပ်ပြီးမှ ဒီ KIA ဌာနချုပ် ပတ်ဝန်းကျင်ကတပ်တွေ၊ နောက်ပြီးတော့ တပ်မဟာ (၃) မိုင်ဂျာယန် ပတ်ဝန်းကျင်ကတပ်တွေမှာ သူတို့က အင်အားတွေ ဖြည့်ထားတယ်လို့ အောက်ခြေက သတင်းပို့တာတွေ ကြားသိရပါတယ်” ဟု ဒုတိယဗိုလ်မှူးကြီးနော်ဘူက ပြောကြားသည်။

ပြီးခဲ့သည့် ဧပြီလ ဒုတိယပတ်မှ မေလ တတိယပတ်ခန့်အထိ တပ်မတော်နှင့် KIA တို့သည် ကချင်ပြည်နယ်၊ ဖားကန့်၊ တနိုင်း၊ အင်ဂျန်းယန်၊ မိုးကောင်း၊ နမ္မတီး စသည့် ဒေသများတွင် တိုက်ပွဲများ ပြင်းထန်စွာ ဖြစ်ပွားခဲ့ကြပြီး ယခုအခါ အဆိုပါဒေသများမှ စစ်ကြောင်းအချို့ ပြန်လည်ဆုတ်ခွာသွားပြီဖြစ်ကာ တိုက်ပွဲများလည်း ငြိမ်သက်နေကြောင်း သိရသည်။

သို့သော်လည်း ကချင်ပြည်နယ်တွင် တပ်မတော်၏ စစ်ကြောင်းများသည် သာမန်ထက်လွန်ကဲသော စစ်ရေးလှုပ်ရှားမှုနှင့် ခရီးသွားလာမှုများ ရှိနေသည်ဟု မြစ်ကြီးနားအခြေစိုက် KIO နည်းပညာ အကြံပေးအဖွဲ့ရုံး ပြောရေးဆိုခွင့်ရှိသူ ဦးဒေါင်ခါးက မြေပြင်အခြေအနေကို ပြောကြားသည်။

လက်ရှိတွင် ကချင်ပြည်နယ်အတွင်း တိုက်ပွဲများ ငြိမ်သက်နေမှုကို အခွင့်အရေးကောင်းအဖြစ် ငြိမ်းချမ်းရေးဆွေးနွေးရေးလုပ်ငန်းစဉ် ဆောင်ရွက်ရန်မှာ KIO/KIA ထိပ်ပိုင်း ခေါင်းဆောင်များ၏ ဆုံးဖြတ်ချက်အပေါ် မူတည်သည့်အတွက် မှတ်ချက်မပေးလိုသော်လည်း အကယ်၍ လိုင်ဇာပတ်ဝန်းကျင်တွင် တိုက်ပွဲများ ပြင်းထန်စွာ ပြန်လည်ဖြစ်ပွားလာမည်ဆိုပါက လိုင်ဇာဒေသအနီးတစ်ဝိုက်မှ ဒေသခံများနှင့် စစ်ဘေးရှောင်ပြည်သူလူထုများ ပိုမိုဒုက္ခရောက်မည်ဟု ဒုတိယဗိုလ်မှူးကြီးနော်ဘူက ပြောကြားသည်။

KIO/KIA အား ဂုဏ်သိက္ခာမဲ့စေသော အပြုအမူများနှင့် ကြေညာချက်ထုတ်ပြန်ခြင်းများ ပြုလုပ်ပါက ထိရောက်စွာအရေးယူမည်ဟု လီဆူစာပေနှင့် ယဉ်ကျေးမှုအဖွဲ့ကို KIO/KIA သတိပေး

KIO/KIA  အား  ဂုဏ်သိက္ခာမဲ့စေသော အပြုအမူများနှင့် ကြေညာချက်များကို ထုတ်ပြန်ကြေညာခြင်းများ ပြုလုပ်ပါက ထိရောက်စွာအရေးယူသွားမည်ဟု မြစ်ကြီးနား အခြေစိုက် လီဆူစာပေနှင့်ယဉ်ကျေးမှုအဖွဲ့ကို ကချင်လက်နက်ကိုင်အဖွဲ့ (KIO/KIA ) က မေ ၂၉ ရက် ရက်စွဲဖြင့် သတိပေးစာပေးပို့ခဲ့ကြောင်း သိရသည်။

မြစ်ကြီးနားမြို့ ဇီးလွန်ရပ်ကွက်တွင် နေထိုင်သူ သိက္ခာတော်ရဆရာ ငွါးသားဝူ၏ မေ ၁၈ ရက် ရက်စွဲဖြင့် ထုတ်ပြန်ကြေညာခဲ့သော စာစောင်သည် KIO/KIA အား ပြစ်တင်ရှုတ်ချရုံသာမက ကချင်တိုင်းရင်းသားပေါင်းစုံအား စိတ်ဝမ်းကွဲစေသော ထုတ်ပြန်ကြေညာချက်ဖြစ်သဖြင့် ယခုကဲ့သို့ သတိပေးရခြင်းဖြစ်ကြောင်း KIO/KIA ၏ သတိပေးစာတွင် ဖော်ပြထားသည်။

KIO/KIA က ထုတ်ပြန်ခဲ့သည့် သတိပေးစာတွင် KIO/KIA အစိုးရဟု သုံးနှုန်းထားပြီး နောက်နောင်တွင် KIO/KIA နှင့် ကချင် (၀မ်ပေါင်) တိုင်းရင်းသားပေါင်းစုံ အားဣနြေ္ဒညှိုးနွမ်း၊ သိက္ခာမဲ့စေခြင်း၊ စိတ်ဝမ်းကွဲစေခြင်း စသည့်အပြုအမူဖြစ်စေ၊ ပြန်လည်ထုတ်ပြန်ကြေညာခြင်းများ ပြုလုပ်ခဲ့ပါက လီဆူစာပေနှင့်ယဉ်ကျေးမှု အဖွဲ့ကို ထိရောက်စွာအရေးယူသွားမည်ဟု KIO/KIA က သတိပေးခဲ့သည်။

မြစ်ကြီးနားအခြေစိုက် မြန်မာပြည်မြောက်ပိုင်း ရှမ်းမျိုးနွယ်စုရေးရာအဖွဲ့နှင့် လီဆူစာပေယဉ်ကျေးမှုအဖွဲ့တို့သည် မေ ၁၈ ရက်က ပူးတွဲသဘောထားကြေညာချက်တစ်စောင်ကို ထုတ်ပြန်ခဲ့ကြပြီး အဆိုပါကြေညာချက်တွင် KIO/KIA သောင်းကျန်းသူအကြမ်းဖက်သမား သူပုန်များသည် ယခုအခါ မြို့ပေါ်ကျေးလက်များသို့ ၀င်ရောက်၍ အကြမ်းဖက်လုပ်ရပ်များကို ပေါ်ပေါ်ထင်ထင် လုပ်ဆောင်နေသည့်အတွက် ရှမ်းနှင့်လီဆူတို့သည် စိုးရိမ်ထိတ်လန့် ကြောက်ရွံ့နေကြရ၍ ၎င်းတို့၏ အသက်အိုးအိမ်စည်းစိမ်ကို ကာကွယ်ပေးနိုင်မည့်အဖွဲ့အား အထူးပင်လိုလားတောင့်တနေကြောင်း ဖော်ပြခဲ့သည်။

ထို့ကြောင့် ရှမ်းနှင့်လီဆူတို့၏ လိုလားတောင့်တချက်အတိုင်း မြန်မာအစိုးရနှင့် တပ်မတော်က KIO/KIA အဖွဲ့အား ထိုးစစ်ဆင်အမြစ်ပြတ်တိုက်ခိုက်နေခြင်းကို ဒေသခံတိုင်းရင်းသားများဖြစ်သည့် ရှမ်းနှင့် လီဆူတို့၏ကိုယ်စား ၎င်းတို့နှစ်ဖွဲ့မှ ထောက်ခံကြောင်း ပူးတွဲသဘောထား ထုတ်ပြန်ကြေညာကြောင်း ၎င်းတို့၏ ကြေညာချက်တွင် ဖော်ပြခဲ့သည်။

တနိုင်းဒေသ လီဒိုလမ်းကြောင်းသည် တရုတ်နိုင်ငံ၏ One Belt One Road စီမံကိန်းနှင့်ပတ်သက်နိုင်သဖြင့် နယ်မြေစိုးမိုးမှုအတွက် တပ်မတော်အနေဖြင့် စစ်ဆင်ရေးဆောင်ရွက်နေခြင်း ဖြစ်နိုင်ကြောင်း KIO ပြောကြား

တနိုင်းဒေသ လီဒိုလမ်းကြောင်းသည် တရုတ်နိုင်ငံ၏ One Belt One Road စီမံကိန်းနှင့် ပတ်သက်နိုင်သဖြင့် နယ်မြေစိုးမိုးမှုအတွက် တပ်မတော်အနေဖြင့် စစ်ဆင်ရေး ဆောင်ရွက်နေခြင်းဖြစ်နိုင်ကြောင်း ကချင်လက်နက်ကိုင်အဖွဲ့ (KIO/KIA) ၏ ပြောရေးဆိုခွင့်ရှိသူ ဗိုလ်မှူးကြီးနော်ဘူက သုံးသပ်ပြောကြားသည်။

ဗိုလ်မှူးကြီးနော်ဘူက “အင်အားအပြည့်နဲ့ တပ်မတော်က ထိုးစစ်လုပ်တာနယ် မြေစိုးမိုးလိုမှုလို့ တွက်တယ်။ လီဒိုလမ်းကြောက တရုတ်နိုင်ငံရဲ့ One Belt One Road စီမံကိန်းနဲ့လည်း ပတ်သက်မယ်လို့ တွက်တယ်။ ဒါကို တပ်မတော်နဲ့ အစိုးရပေါင်းပြီး အကောင်အထည် ဖော်ရမှာဖြစ်ပါတယ်။ ကေအိုင်အေတွေရှိနေရင် မြန်မာအစိုးရနဲ့ တပ်မတော်အတွက် နယ်မြေစိုးမိုးရေး၊ နယ်မြေရှင်းလင်းရေးအတွက် လုပ်တယ်လို့ ခန့်မှန်းတယ်။ လီဒိုလမ်းက တရုတ်နဲ့ အိန္ဒိယလမ်းမကြီးကိုး” ဟု ပြောကြားသည်။

လတ်တလောတွင် တပ်မတော်ဘက်မှ  ဧရာဝတီအရှေ့ဘက်ခြမ်း ၀ိုင်းမော်ဘက်သို့ ဧပြီ ၂၃ ရက်တွင် စစ်အင်အားအများအပြား ရောက်ရှိလာပြီး မည်သည်ဘက်ကို ပစ်မှတ်ထားသည်ကို မသိရသေးကြောင်း၊ ထို့အတူ KIA တပ်မဟာ (၁) နယ်မြေ ရင်း (၄) အင်ဂျန်းယန်ဘက်သို့လည်း ဧပြီ ၂၄ ရက်တွင် တပ်မတော်ဘက်မှ စစ်အင်အားအများအပြား တက်လာကြောင်း ၎င်းက ဆက်လက်ပြောကြားသည်။

“အဲဒီလောက် စစ်အင်အားနဲ့ဆိုတော့ ပြင်းပြင်းထန်ထန် ထိုးစစ်လုပ်မယ့်သဘောပေါ့။ ချီဖွေ-လောခေါင်-ပန်ဝါလမ်းဘက်လည်း စစ်ကားအစီး ၆၀ လောက်တက်လာတယ်။ တြိဂံနယ်မြေ (မေခ၊ မေလိခမြစ်ကြား) ဘက်လား။ ဆုံးဘက်ကိုထိုးပြီး လိုင်ဇာဌာနချုပ်ဘက် ထိုးလုပ်လိုတာလားဆိုတာ လေ့လာတုန်းဖြစ်ပါတယ်။ ကချင်ပြည်နယ်ရဲ့ လောလောဆယ် စစ်ရေးအခြေအနေက စစ်ရေးအရ KIA ရော ပြည်သူရော စိုးရိမ်စရာ ဖြစ်ပါတယ်။ KIO/KIA အဖွဲ့ဟာ တော်လှန်ရေးဖြစ်တဲ့အတွက် ပန်းခင်းလမ်းမဟုတ်ဘူး။ စစ်မှန်တဲ့ ငြိမ်းချမ်းရေးမရမချင်း အခက်အခဲတွေကို ကျော်ဖြတ်ရမှာ။ ခုခံရမှာဖြစ်ပါတယ်။ အခုလို စစ်အင်အား၊ သေနတ်ပြောင်းဝနဲ့ချိန်ထားတဲ့ ငြိမ်းချမ်းရေးကိုတော့ မလိုလားပါဘူး” ဟု ဗိုလ်မှူးကြီးနော်ဘူက ပြောကြားသည်။

ထို့အတူ တနိုင်းဒေသ KIA တပ်မဟာ (၂) နယ်မြေ၊ ရင်း (၁၄) နယ်မြေ၊ ကဆုန့်ဒေသရင်း (၁၁) နယ်မြေ၊  ဖားကန့်ဒေသရင်း (၆) နယ်မြေများတွင် တပ်မတော်က ၀င်ရောက်နေရာယူထားသည့်အတွက် KIA အနေဖြင့် ရွှေ့ပြောင်းတပ်ရင်းအဖြစ်သာရှိနေကြောင်း ဗိုလ်မှူးကြီးနော်ဘူက ပြောကြားသည်။

KIO ဥက္ကဋ္ဌသစ် ဗိုလ်ချုပ်ကြီးအင်ဘန်လနှင့် တပ်မတော်ဘက်မှ အမှတ် (၁) စစ်ဆင်ရေးအထူးအဖွဲ့ (ကစထ) မှူး ဒုတိယဗိုလ်ချုပ်ကြီး ထွန်းထွန်းနောင်တို့ ရှမ်းပြည်မြောက်ပိုင်း KIA တပ်မဟာ ( ၆) နှင့်နီးစပ်သည့် တရုတ်နိုင်ငံ ယူနန်ပြည်နယ် Dali (ဒါးလီး) မြို့တွင် ၂၀၁၈ ခုနှစ် ဖေဖော်ဝါရီ ၁ ရက်က တွေ့ဆုံခဲ့သည်။

အဆိုပါ တွေ့ဆုံမှုနှင့်ပတ်သက်၍ ဖေဖော်ဝါရီ ၈ ရက်တွင် KIO ဗဟိုကော်မတီက ကြေညာချက်ထုတ်ပြန်ရာတွင် KIO ဥက္ကဋ္ဌသစ်နှင့် တပ်မတော်အကြီးအကဲတို့ တရုတ်နိုင်ငံ၌ တွေ့ဆုံခဲ့မှုတွင် KIA တပ်ရင်းအချို့ကို ဆုတ်ခွာပေးရန် တောင်းဆိုခဲ့ကြောင်း ဖော်ပြထားသည်။

ယင်းထုတ်ပြန်ချက်တွင် KIO ဗဟိုနှင့် မြန်မာ့တပ်မတော်တို့ ပထမဆုံး သီးခြားတွေ့ဆုံခြင်းဖြစ်ကြောင်း၊  အဖွဲ့က လက်ရှိဖြစ်ပွားနေသော တိုက်ပွဲများအပါအ၀င် ဒေသတည်ငြိမ်ရေး၊ တိုက်ပွဲများလျှော့ချရေး၊ ငြိမ်းချမ်းရေး တည်ဆောက်ရာတွင် အားလုံးပါဝင်ရေးနှင့် ပင်လုံကတိက၀တ်နှင့်အညီ ဖက်ဒရယ်ပြည်ထောင်စု တည်ဆောက်ရေးကို အလေးထားဆွေးနွေးခဲ့ကြောင်း၊ မြန်မာ့တပ်မတော်က ဆွေးနွေးရာတွင် KIA တပ်ရင်း (၁၄) ဌာနချုပ်အပါအ၀င် KIA ရှေ့တန်းစခန်းများကို ဖယ်ရှားပေးရန်၊ အချို့သော KIA တပ် မဟာများ တည်ရှိမှုကို အသိအမှတ်မပြုနိုင်ကြောင်း ဖိအားပေးဆွေးနွေးခဲ့ကြောင်း၊ တွေ့ဆုံဆွေးနွေးမှုတွင် ကတိက၀တ်ပြုသည့် တစ်စုံတစ်ရာ မရရှိခဲ့သော်လည်း ထပ်မံတွေ့ဆုံရန် နှစ်ဖက်စလုံးက သဘောဆန္ဒရှိကြောင်း ဖော်ပြပါရှိသည်။

တပ်မတော်နှင့် KIA တို့ တနိုင်းဒေသတွင် တရားမ၀င်ရွှေမှော်၊ ပယင်းမှော်များကို အကြောင်းပြု၍ ပစ်ခတ်မှုများ ဆက်တိုက်ဖြစ်ပွားခဲ့သည်မှာ ၂၀၁၇ ခုနှစ် ဇွန်လဆန်းပိုင်းမှ ၂၀၁၈ ခုနှစ် ဧပြီလအထိ ၁၀ လနီးပါး ကြာမြင့်ခဲ့ပြီ ဖြစ်သည်။

နှစ်ဖက်ပစ်ခတ်မှုများကြားတွင် အရပ်သားများ ထိခိုက်သေဆုံးခြင်း၊ လူပေါင်းအများအပြား ရွှေ့ပြောင်းရခြင်း၊ ပစ်ခတ်မှုများကြားတွင် ဒဏ်ရာရခြင်း၊ မိုင်းနင်းဒဏ်ရာရခြင်း၊ မသင်္ကာသူများဖမ်းဆီးခံရခြင်း၊ ကျေးရွာလုံး ကျွတ်ထွက်ပြေးလာရခြင်းများရှိခဲ့ကြောင်း သိရသည်။

တနိုင်းဒေသတွင် ၂၀၁၇ ခုနှစ် ဇွန်လမှ စတင်ခဲ့သည့် တိုက်ပွဲများကြောင့် လူပေါင်းသိန်းနှင့်ချီ စစ်၏အကျိုးသက်ရောက်မှုကိုခံရပြီး ဒေသခံများအတွက် ပြန်လည်ထူထောင်ရေးမှာ ကြီးမားသောစိန်ခေါ်မှုဖြစ်နေကြောင်းလည်း ဒေသခံအချို့က သုံးသပ်ကြသည်။

၂၀၁၈ ခုနှစ် ဧပြီလအတွင်း တနိုင်းဒေသ တပ်မဟာ (၂) အခြေစိုက်ရာ အောင်လောဒ်ရွာတွင် ကျေးရွာသား ၂၀၀၀ ခန့် တောတောင်ထဲတွင်ရှိနေပြီး နမ္မတီးမြို့မြောက်ဘက်ရှိ KIA ရင်း (၁၁) အခြေစိုက်ရာ ကဆုန့်နှင့် ဇွတ်မိုင်ကျေးရွာမှ လူပေါင်း ၁၀၀၀ ကျော် နမ္မတီးမြို့ရှိ ဘုရားရှိခိုးကျောင်းများတွင် လာရောက်ခိုလှုံနေရသည်။

ကချင်ပြည်နယ် တနိုင်းဒေသတွင် တိုက်ပွဲရှောင်နေသူများကို ကြက်ခြေနီအဖွဲ့များ သွားရောက်ကူညီ

ကချင်ပြည်နယ် တနိုင်းဒေသတွင် တိုက်ပွဲရှောင်နေသူများကို ကြက်ခြေနီအဖွဲ့များက ဧပြီ ၂၀ရက်က သွားရောက်ကူညီခဲ့ကြောင်း သတင်းရရှိသည်။

ကချင်လက်နက်ကိုင်အဖွဲ့ (KIA) တပ်မဟာ (၂)အခြေစိုက်ရာ အောင်လောဒ်ကျေး ရွာ၊ ဆွတ်ရိန်ယန်ကျေးရွာ၊ ဆွတ်ရာကျေးရွာများတွင် ဧပြီ ဒုတိယအပတ်အတွင်း  တပ်မတော်နှင့် KIA တို့ပြင်းထန်သော ပစ်ခတ်မှုများကြောင့် လူပေါင်း ၂၀၀၀ ခန့် ပိတ်မိနေခဲ့ ခြင်းဖြစ်သည်။

တနိုင်းဒေသတွင် တိုက်ပွဲများကြောင့် ရှောင်တိမ်းနေသူ အောင်လောဒ်ရွာသားများ ပြန်လာရေး တပ်မတော်က တနိုင်းမြို့အတွင်း ဧပြီ ၁၈ ရက်က လှည့်လည်ကြေညာခဲ့ကြောင်း သိရသည်။

တနိုင်းမြို့နယ် NDF ပါတီဥက္ကဋ္ဌ ဦးရဲဝင်းက “ကြက်ခြေနီအဖွဲ့တွေ ဘာသာရေးအဖွဲ့တွေကတော့ ဒီနေ့ (ဧပြီ ၂၀) မနက် ၁၀ နာရီမှာ ထွက်သွားကြပြီ။ သိရတာက ရွာသားတွေက ရွာမှာမရှိကြဘူး။ တောတောင်ထဲ ပြေးနေကြတာ။ နှစ်ဖက်တပ်တွေကြားမှာ ဘယ်ကိုမှ မသွားရဲတဲ့အခြေအနေဆိုတော့ ရွာကိုကူညီရေးအဖွဲ့တွေ ရောက်တာတောင်မှ အကူအညီတွေ ချက်ချင်းရောက်ဖို့ မလွယ်ဘူး။ ကျွန်တော်တို့ မိတ်ဆွေတွေလည်း ကူညီရေးအတွက်လိုက်သွားကြတယ်။ ပြန်မရောက်သေးဘူး။ သေချာတာတော့ လူနာတွေ၊ ဗိုက်ကြီးသည်တွေ၊ ကလေးတွေ၊ သက်ကြီးရွယ်အိုတွေကတော့ ဒုက္ခရောက်ကြမှာပဲ”ဟု ပြော ကြားသည်။

KIO ဗဟိုဌာနပြောဆိုခွင့်ရှိသူ ဗိုလ်မှူးကြီးနော်ဘူက “တပ်မဟာ(၂)ဌာနချုပ်ကို တပ်မတော်က ရောက်လာတာက ဧပြီ ၁၇ ရက်လောက်ကပါ။ အဲဒီမတိုင်ခင်ကတည်းက KIA အဖွဲ့တွေက နေရာပြောင်းပြီးဖြစ်ပါ တယ်။ ဌာနချုပ်တည်ခဲ့တာလည်း နှစ်ပေါင်းဆယ်ချီနေပါပြီ။ အခုလိုဖြစ်တာကတော့ တပ်မတော်ဘက်က ငြိမ်းချမ်းရေးထက် စစ်ရေးကိုအလေးပေးနေတဲ့သဘောကို တွေ့နေ ရပါတယ်။ ထိပ်ပိုင်းခေါင်းဆောင်တွေ တွေ့ဖို့ KIO မှာ မူ အမြဲတမ်းရှိနေပေမဲ့ ဘယ်တော့ တွေ့မယ်ဆိုတဲ့ သတ်မှတ်ချက်တော့မရှိသေးပါဘူး။ ဒီနေ့မှာလည်း ပစ်ခတ်မှု ဖြစ်နေတယ်ဆိုတဲ့သတင်းတော့ ရထားပါတယ်။ အပြင်သတင်းပါ။ စစ်ရှောင်တွေကလည်း တောတောင်ထဲမှာပဲလို့ သိရတယ်။ တပ်ကပြန်ခေါ်ပေမဲ့ အဲဒီလိုနေရာက ပြည်သူတွေ တပ်နဲ့နီးနဲ့ နေရာမျိုးမှာ ဘယ်သူမှနေချင်မှာ မဟုတ်ပါ ဘူး”ဟု ပြောကြားသည်။

မြန်မာနိုင်ငံဆိုင်ရာ ကုလသမဂ္ဂဌာနေ ကိုယ်စားလှယ်နှင့် လူသားချင်းစာနာမှုဆိုင်ရာ ညှိနှိုင်းရေးမှူး ခနွတ်အော့ဒ်စဘီက ဧပြီ ၂၀ ရက် ရက်စွဲဖြင့် ကြေညာချက်ထုတ်ပြန်ရာတွင် ကချင်ပြည်နယ်တွင်း လက်နက်ကိုင်ပဋိ ပက္ခများနှင့်ပတ်သက်၍ လွန်စွာ စိုးရိမ်မိကြောင်း၊ ဖားကန့်နှင့် တနိုင်းမြို့နယ်များတွင် တိုက်ပွဲများကြောင့် အရပ်သားများ ထိခိုက်သေဆုံးခြင်း၊ ပြည်သူလူထုများ ထိခိုက်ခံစားရ ခြင်းနှင့် အခြားနေရာများတွင်လည်း ထိခိုက်မှုများစွာရှိနေကြောင်း၊ တနိုင်းမြို့နယ်တွင် ကျေးရွာသုံးရွာမှ လူပေါင်း ၂၀၀၀ ခန့် သွားလာရန်ခက်ခဲသော တောတောင်များတွင် နေထိုင်လျက်ရှိပြီး ထိခိုက်မှုဖြစ်နေသော ဒေသမှ ထွက်ခွာနိုင်ခြင်း မရှိသေးကြောင်း၊ အဆိုပါ အရပ်သားများတွင် အမျိုးသမီးများ၊ ကလေးငယ်များ၊ သက်ကြီးရွယ်အိုများ၊ ဖျား နာနေသူများ၊ ဒဏ်ရာရထားသူများ ပါဝင်ကာ လူသားခြင်း စာနာမှုဆိုင်ရာအကူအညီများနှင့် ကာကွယ်စောင့်ရှောက်မှု အပူတပြင်း လိုအပ်ရှိသည်ဟုသိရကြောင်း၊ ဖားကန့်မြို့နယ် လိုင်နောင်းခူးကျေးရွာတွင်လည်း အရပ်သားများ လုံခြုံဘေးကင်းသော နေရာများသို့ ထွက်ခွာနိုင်ခြင်း မရှိသေးကြောင်း ဖော်ပြထားသည်။

ထို့ပြင် ပဋိပက္ခတွင် ပါဝင်နေသူများအနေဖြင့် အရပ်သားများကို ၎င်းတို့ဆန္ဒအတိုင်း ပိုမိုလုံခြုံသောနေရာသို့သွားခွင့်ပေးပါရန်နှင့် လူသားချင်းစာနာမှုဆိုင်ရာအကူအ ညီများပေးအပ်နိုင်ရေးအတွက် ခွင့်ပြုပေးနိုင်ရန်၊ ပဋိပက္ခတွင် ပါဝင်နေသူများအားလုံး အရပ်သားများကို ကာကွယ်စောင့်ရှောက်မှု သေချာစွာ ဆောင်ရွက်ပေးပါရန်နှင့်  အပြည်ပြည်ဆိုင်ရာလူသားချင်း စာနာမှုဆိုင်ရာဥပဒေများကို လိုက်နာရန် တာဝန်ရှိကြောင်းလည်း ထုတ်ပြန်ချက်တွင်ပါရှိသည်။

ကချင်ပြည်နယ်တွင် တပ်မတော်နှင့် KIA တို့ နှစ်သစ်ကူးကာလ (၂၀၁၈ ခုနှစ် ဧပြီ ဒုတိယအပတ်အတွင်း)တွင် ပြင်းထန်သော ပစ်ခတ်မှုများရှိခဲ့ပြီး အရပ်သားသုံးဦးထက် မနည်းသေဆုံးခဲ့ကြောင်း အရပ်ဘက်အဖွဲ့အစည်းများနှင့် KIO/KIA ပြန်ကြားရေးဌာန ကပြောကြားထားသည်။

တပ်မတော်နှင့် KIA တို့ တနိုင်းဒေသတွင် တရားမ၀င် ရွှေမှော်၊ ပယင်းမှော်များကို အကြောင်းပြု၍ ပစ်ခတ်မှုများဆက်တိုက် ဖြစ်ပွားခဲ့သည့်မှာ၂၀၁၇ ခုနှစ် ဇွန်လဆန်းပိုင်းမှ ၂၀၁၈ ဧပြီအထိ ၁၀ လနီးပါးကြာမြင့် ခဲ့ပြီဖြစ်ကာ နှစ်ဖက်ပစ်ခတ်မှုများကြားတွင် ဒေသအသီးသီးမှ ရွှေ့ပြောင်းလုပ်သားများ ထောင်ချီကာ ထွက်ပြေးရခြင်း၊ ရိက္ခာပြတ်လပ်ခြင်း၊ အရပ်သားများ ထိခိုက်သေဆုံးခြင်း၊ ဒဏ်ရာရခြင်း၊ မိုင်းနင်းဒဏ်ရာရခြင်း၊ မသင်္ကာသူများ ဖမ်းဆီးခံရခြင်းများ ရှိနေသည်။

ဟူးကောင်းဒေသအတွင်း ပြောက်ကျားစစ်ဆင်ရေးနှင့် မိုင်းစစ်ဆင်ရေးများ ပြုလုပ်မည်ဖြစ်သောကြောင့် အဆိုပါဒေသရှိ ရွှေနှင့် ပယင်းတူးဖော်နေကြသူများ ဧပြီ ၁၀ ရက်မှစ၍ အမြန်ဆုံး ထွက်ခွာကြရန် KIA သတိပေး

ဟူးကောင်းဒေသအတွင်း ပျောက်ကျားစစ်ဆင်ရေးနှင့် မိုင်းစစ်ဆင်ရေးများ ပြုလုပ်မည်ဖြစ်သောကြောင့် အဆိုပါဒေသရှိ ရွှေနှင့် ပယင်းတူးဖော်နေကြသော လုပ်ငန်းရှင်များနှင့် မိဘပြည်သူများအနေဖြင့် အမြန်ဆုံး ထွက်ခွာပေးကြရန် ကချင်လက်နက်ကိုင်အဖွဲ့ (KIA) ၏ အမှတ် (၁၄) တပ်ရင်းရုံးက ဧပြီ ၅ ရက်တွင် သတိပေးကြေညာချက် ထုတ်ပြန်သည်။

ဟူးကောင်းခရိုင် နယ်မြေဒေသအတွင်းရှိ ရှဒူးဂျာဝမ်၊ နန်ဗျူ၊ နန်ကွမ်း၊ တုံမဏီ၊ ဒဂွမ်ချောင်းနှင့် ဒဘာချောင်းဖျားရှိ ရွှေမှော်များနှင့် ပယင်းမှော်များတွင် (ရွှေနှင့်ပယင်း) ခိုးတူး လုပ်ကိုင်နေကြသော လုပ်ငန်းရှင်များ၊ လက်လုပ်လက်စား မိဘပြည်သူများထံသို့ အသိပေး ကြေညာလိုက်ကြောင်း၊ ဟူးကောင်းခရိုင်အတွင်း ဧပြီ ၁၀ ရက်က စတင်ပြီး ပြောက်ကျားစစ်ဆင်ရေးနှင့် မိုင်းစစ်ဆင်ရေးများကို ပြုလုပ်သွားမည်ဖြစ်၍ ရွှေမှော်၊ ပယင်းမှော်များတွင် (ရွှေနှင့်ပယင်း) ခိုးတူးလုပ်ကိုင်နေကြသော မိဘပြည်သူများ မိမိရပ်ရွာသို့ အမြန်ဆုံး ထွက်ခွာသွားကြပါရန် သတိပေးကြောင်း ကြေညာချက်တွင် ပါရှိသည်။

သတိပေးကြေညာချက်အား တွေ့မြင်သိရှိပြီးနောက် လိုက်နာခြင်းမရှိဘဲ ဆက်လက်ခိုးတူးလုပ်ကိုင်နေသော မိဘပြည်သူများသည် ဖြစ်ပေါ်လာသော ပြဿနာအလုံးစုံနှင့် ပတ်သက်၍ မိမိ၏ ကံကြမ္မာနှင့် မိမိသာဖြစ်ကြောင်း ကြေညာချက်တွင် ဖော်ပြထားသည်။

သို့ဖြစ်၍ သတိပေးကြေညာစာအား တွေ့မြင်သိရှိသော မိဘပြည်သူများအားလုံး မိမိနှင့်သက်ဆိုင်သော ဆွေမျိုးသားချင်း၊ လုပ်ဖော်ကိုင်ဖက် အပေါင်းအသင်းများအားလည်း ဆက်လက်အသိပေးသွားကြရန် နှိုးဆော်လိုက်ကြောင်း ကြေညာချက်တွင် ပါရှိသည်။

အဆိုပါ ထုတ်ပြန်ချက်နှင့် ပတ်သက်၍ KIO/KIA ဌာနချုပ် လိုင်ဇာဗဟိုရုံးသို့ မေးမြန်းသော်လည်း ဖြေကြားခဲ့ခြင်းမရှိချေ။

အမည်မဖော်လိုသူ တနိုင်းဒေသခံတစ်ဦးက “စာထုတ်တယ်ကြားလို့ လိုက်ရှာနေတာ။ မတွေ့သေးဘူး။ ရွှေမှော်မှာကလူလေး၊ ငါး၊ ခြောက်ရာ၊ ပယင်းမှော်မှာက လူတစ်ရာလောက် ရှိသေးတယ်။ ရွှေတွေက ထွက်တယ်ဗျ။ ဓာတ်ခဲမှော်ဆိုတာ အရင် ရွှေကိုဓာတ်ခဲနဲ့ ချိန်ပြီး အရောင်းအ၀ယ်လုပ်တဲ့နေရာပဲ။ လူတွေက လောဘသမားကြီးပဲဆိုတော့ တားရင်လည်း မရဘူးဖြစ်နေတာ။ ရွှေက ပယင်းနဲ့တွဲပြီးထွက်တယ်။ ရွှေတစ်မျိုးတည်း ထွက်တဲ့နေရာလည်းရှိတယ်။ လူတွေထွက်လာတာ မတွေ့သေးဘူး။ မိုင်းနင်းတဲ့သူတွေပဲ ထွက်လာကြတာ။ အခုက တနိုင်းမှာ လူမရှိတော့ဘူး။ ခြောက်ကပ်နေတာ။ စိုက်ပျိုးရေးသမားတွေလည်း ၀ယ်သူမရှိဘူး။ ငါးတစ်ပိဿာ ကျပ် ၆၀၀၀ ကနေ ကျပ် ၃၀၀၀ ပဲ ရှိတော့တယ်။ တိုက်ပွဲတွေ ပြင်းထန်လာရင်တော့ ဒီဒေသခံတွေက ဒုက္ခရောက်ဦးမယ်။ လမ်းပေါ်မှာငွေကောက်၊ လမ်းပိတ်ပေါ့ဗျာ။ ဘာမှလည်းမတတ်နိုင်ပါဘူး” ဟု ပြောကြားသည်။

တနိုင်းဟူးကောင်းချိုင့်ဝှမ်းဒေသ ပြဿနာများနှင့် ပတ်သက်၍ အစပိုင်းတွင် တပ်မတော်နှင့် KIA တို့ နှစ်ဖက်အပြန်အလှန် စကားကမ်းလှမ်းပြောဆိုမှုများ ရှိခဲ့သော်လည်း ပြင်းထန်သော တိုက်ပွဲများဖြစ်ပွားပြီးနောက်ပိုင်း ဆက်ဆံရေးပြောဆိုမှု မရှိတော့ကြောင်း၊ ယင်းဒေသတွင် စစ်ဆင်ရေးလုပ်မည့် အခြေအနေများကြောင့် ရွှေမှော်၊ ပယင်းမှော်များတွင် ရောက်ရှိနေသူများကို ထိခိုက်မှုများရှိနိုင်သည့်အတွက် ထွက်ခွာစေခြင်းဖြစ်ကြောင်း၊ ပစ်ခတ်မှုများ ပိုမိုဖြစ်ပွားလာနိုင်ကြောင်း ကချင်ပြည်နယ် အခြေစိုက် ငြိမ်းချမ်းရေးအကျိုးဆောင်အဖွဲ့က ပြောကြားသည်။

မြစ်ကြီးနားအခြေစိုက် KIO နည်းပညာ အကြံပေးအဖွဲ့ရုံးပြောဆိုခွင့်ရှိသူ ဦးဒေါင်ခါးက “စာထုတ်တာက အမှန်ဖြစ်ပါတယ်။ အဲဒီဒေသတွေမှာက လွန်ခဲတဲ့နှစ် မိုးဝင်စကာလကတည်းက တပ်မတော်ကလည်း စာတွေဖြန့်ဝေပြီး မှောင်းထုတ်ခဲ့တယ်။ ကျေးရွာဒေသခံတွေက တနိုင်းမြို့ပေါ်ကို ရောက်နေကြပါပြီ။ အခုက ဒေသခံနည်းနည်း၊ တစ်ခြားအောက်ပြည်အောက်ရွာကလာတဲ့ သူတွေအများစုက ရွှေ၊ ပယင်းဝင်လုပ်နေတဲ့သူတွေကို သတိပေးတဲ့ သဘောပါ။ KIA ကပြောက်ကျားစစ်ထိုးရင် မဆိုင်သူတွေ အထိနာမှာကြောင့်လို့ သိရတယ်။ တပ်မဟာ ၂ လက်အောက်ခံ KIA ရင်း ၁၄ က လွန်ခဲ့တဲ့လပိုင်းကတည်းက တပ်မတော်က ၀င်သိမ်းလိုက်တော့ ရင်း ၁၄ ရယ်၊ ဖားကန့်ဘက်က ရင်း ၆ ရယ်က နေရာအမှန်မရှိတော့ဘဲ လှုပ်ရှားတပ်အသွင် နေကြရတာ ဖြစ်ပါတယ်။ စစ်ရေးအနေနဲ့က ကျွန်တော်တို့ အပိုင်းမဟုတ်တော့ သိလည်းမသိသလို ပြောပိုင်ခွင့်လည်း မရှိပါဘူး” ဟု ပြောကြားသည်။

၂၀၁၇ ခုနှစ် ဇွန်လအတွင်းက တပ်မတော်က ရဟတ်ယာဉ်ဖြင့် အဆိုပါဒေသတွင် စာများဖြန့်ဝေခဲ့ပြီး တပ်မတော်က နယ်မြေရှင်းလင်းရေး ဆောင်ရွက်မည်ဖြစ်သဖြင့် တရားမ၀င်မှော်များတွင် လုပ်ကိုင်နေသူများ ထွက်ခွာရန် သတိပေးခဲ့ပြီးနောက် တပ်မတော်နှင့် KIA တို့ တနိုင်းမြို့အနီးတွင် တိုက်ပွဲများ ဖြစ်ပွားခဲ့သည်။

တပ်မတော်နှင့် ကချင်လက်နက်ကိုင်အဖွဲ့ (KIO/KIA) တို့အကြား စစ်ရေးတင်းမာမှုကြောင့် ဒေသတွင်း ကုန်ဈေးနှုန်းတက်နေသည့်အတွက် နှစ်ဖက်အပြန်အလှန် အမြန်ဆုံးတွေ့ဆုံဆွေးနွေးရန်လိုအပ်ကြောင်း ကချင်နိုင်ငံရေးပါတီများ တောင်းဆို

တပ်မတော်နှင့် ကချင်လက်နက်ကိုင် အဖွဲ့ (KIO/KIA) တို့အကြား စစ်ရေးတင်းမာမှုကြောင့် ဒေသတွင်းကုန်ဈေးနှုန်းများ ဈေးတက်နေသည့်အတွက် နှစ်ဖက်အပြန်အလှန် အမြန်ဆုံးတွေ့ဆုံဆွေးနွေးရန် လိုအပ်ကြောင်း ကချင်နိုင်ငံရေးပါတီများက တောင်းဆိုလိုက်သည်။

ပြီးခဲ့သည့် တစ်လခန့်မှစတင်၍ တပ်မတော်နှင့် ကချင်လက်နက်ကိုင်အဖွဲ့ (KIO/KIA) တို့အကြား စစ်ရေးတင်းမာမှုများကြောင့် လမ်းတံတားများပျက်စီးခဲ့ရပြီး ဒေသတွင်းကုန်ဈေးနှုန်းများ အဆမတန် မြင့်တက်နေကြောင်း သိရသည်။

“တစ်လလောက်တော့ရှိပြီ။ ဆွမ်ပရာဘွမ်အရှေ့ဘက်မှာ တိုက်ပွဲဖြစ်တော့ တံတားတွေ၊ လမ်းတွေ ပျက်သွားတယ်။ အဲဒါ ကနေစပြီးတော့မှ ပြန်ပြင်လို့လည်းမရဘူး။ နှစ်ဖက်တပ်တွေက တင်းမာမှုအခြေအနေတွေ ရှိနေတယ်။ ဒီတော့ ကားတွေက မသွားရဲဘူး။ ကားကြီး၊ ကားငယ် ဘယ်ကားမှ မသွားရဲဘူး။ အဲဒီတော့ ဆွမ်ပရာဘွမ်နဲ့ ပူတာအိုဘက်မှာတော့ ကုန်ပစ္စည်းတွေ တင်ပို့လို့ မရခဲ့ဘူး။ တင်ပို့လို့မရခဲ့တဲ့ အတွက်ကြောင့် ကုန်ဈေးနှုန်းတွေ တက်တယ်။ တက်ရုံတင်မကဘူး။ ပြတ်လပ်နေတဲ့ အနေအထားတွေပါ ဆိုက်ရောက်လာတယ်လို့ သတင်းတွေ ကြားရတယ်။ အဓိက,ကတော့ တိုက်ပွဲဖြစ်လို့ပေါ့။ အခုချိန်ထိ တံတားတွေ၊ လမ်းတွေ ပြန်မပြင်နိုင်သေးဘူး။ အဲဒါ ဘယ်လောက်ထိ ကြာမလဲတော့ မသိဘူး။ နှစ်ဖက်ပြေလည်အောင် ညှိနှိုင်းဖို့တော့ လိုမယ်” ဟု ကချင်ပြည်နယ် ဒီမိုကရေစီပါတီ (KSDP ) ဥက္ကဋ္ဌ ဒေါက်တာမနန်တူးဂျာက ဆိုသည်။

အဆိုပါဖြစ်စဉ်များနှင့်ပတ်သက်၍ “ကျွန်တော်တို့ကတော့ ပြည်သူလူထုက အရမ်းကို ဒုက္ခရောက်နေတယ်။ ဒီဟာကို အချိန်ဆွဲမနေတော့ဘဲနဲ့ နှစ်ဖက်တာဝန်ရှိ ပုဂ္ဂိုလ်များ တွေ့ဆုံပြီးတော့မှ ပြေလည်အောင် ဖြေရှင်းစေချင်တယ်။ အမြန်ဆုံးပြေလည်အောင် နှစ်ဖက်တပ်တွေ တွေ့ဆုံဆွေးနွေးပြီးတော့ ဒီကိစ္စတွေကိုဖြေရှင်းပေးပါလို့ မေတ္တာရပ်ခံချင်ပါတယ်” ဟု ဒေါက်တာ မနန်တူးဂျာက ပြောကြားသည်။

ယခင်က ပူတာအိုမြို့၌ ဓာတ်ဆီဈေးမှာ တစ်ပုလင်းကို ကျပ် ၈၀၀ နှင့် ၁၀၀၀ ကြားတွင်ရှိ၍ ယခုလက်ရှိတွင် တစ်ပုလင်းကို တစ်သောင်းခန့်အထိ ရှစ်ဆခန့်ဈေးတက်နေပြီး အခြားစားသောက်ကုန်များဖြစ်သော ဆန်၊ ကြက်သွန်နီ၊ ကြက်သွန်ဖြူနှင့်စသည့် ကုန်စည်များမှာ နှစ်ဆ၊ သုံးဆခန့် ဈေးတက်နေကြောင်း ပူတာအိုမြို့နယ် ပြည်သူ့လွှတ်တော်ကိုယ်စားလှယ် ဦးမိုးရွှေထံမှ သိရသည်။

ကချင်အမျိုးသား ကွန်ဂရက်ပါတီ (KNC ) ဥက္ကဋ္ဌ ဒေါက်တာအမ်ကောန်လက “KIO အနေနဲ့လည်း NCA ရေးထိုးဖို့ ပြင်ဆင်နေတယ် ကျွန်တော်တို့ သိရသလောက်။ PC (ငြိမ်းချမ်းရေးကော်မရှင်) နဲ့ တိုက်ရိုက် စကားပြောဖို့ တောင်းဆိုထားတာရှိတယ်။ အဲဒီတော့ ဒီကိစ္စက ကျွန်တော်တို့အမြင်ကတော့ လူထုပဲ ကြားက နစ်နာတယ်။ KIO ဘက်ကလည်း ပြင်ဆင်သလို တပ်မတော်ဘက်ကလည်း ဒီဖက်မှာ အင်အားကြီးတဲ့အနေနဲ့ အထိုက်အလျောက် ဒီဟာကို ဖြေလျှော့ဖို့လိုမယ်။ ဆိုတော့ သယံဇာတ ထိန်းသိမ်းကာကွယ်ရေး တစ်ခုတည်းမဟုတ်ဘူး ကျွန်တော့်အမြင်ကတော့။ ကျွန်တော်တို့ ဒေသခံတိုင်းရင်းသား ပြည်သူတွေရဲ့ အနေအထားကိုပါ ရှုမြင်ဖို့လိုမယ်။ စစ်ရေးတစ်ခုတည်း ရှုမြင်တာထက်စာရင်လေ။ အဲဒီနှစ်ချက်ကို Balance လုပ်နိုင်မှ ငြိမ်းချမ်းရေးကလည်း ပိုပြေလည်လိမ့်မယ်။ ဒီလိုမှ မဟုတ်ဘူးဆိုရင်တော့ လူထုကြားမှာ မုန်းတီးရေး နှစ်ဖက်ဝင်တယ်ပေ့ါ။ ဘာမှအကျိုးမရှိဘူး။ မုန်းတီးရေးနှစ်ဖက်ဝင်တယ်ဆိုတာက တချို့လည်း KIO ကြောင့်ဖြစ်တယ်ဆိုပြီးတော့ KIO ကို ပိုပြီးမုန်းတီးလာတယ် ကချင်လူမျိုးစုတွေ ကြားထဲမှာ။ နောက်တစ်ခါ KIO ကို မမုန်းတဲ့အုပ်စုကလည်း ဒါတပ်ကြောင့်။ ငါတို့နယ်မြေထဲ ငါတို့သယံဇာတကို ဒီလိုစစ်ကြောင်းတွေထိုးတယ်။ ဒုက္ခပေးတာလည်း ကြာပြီဆိုတဲ့ အမြင်တွေကလည်း ပိုပြီးကြီးလာတာပေါ့။ အကျိုးကျေးဇူးကတော့ နှစ်ဖက်စလုံးအတွက် မကောင်းဘူး။ မုန်းလာတဲ့အခါမှာ လူမျိုးရေးမုန်းတီးမှုတွေ အခြေခံလာတဲ့အခါကျတော့ မဖြစ်စေချင်ဘူးပေါ့။ အဲဒီတော့ တပ်မတော်အနေနဲ့သော်လည်း ကောင်းအခုက သယံဇာတထိန်းသိမ်းရေးက အရေးကြီးတာ မှန်တယ်သော်ငြားလည်းပဲ ငြိမ်းချမ်းရေးဖြစ်စဉ်ကို ပိုပြီး ရှေးရှုစေချင်တယ်။ ဒီလိုပဲ KIO ဘက်ကလည်း တပ်မတော်နဲ့ ကျွန်တော်တို့ ပြည်ထောင်စုငြိမ်းချမ်းရေး ညီလာခံ -၂၁ ရာစုအတွက် သွားမယ်ဆိုလည်း ဒီထက် မြန်ဆန်သော ငြိမ်းချမ်းသော နည်းလမ်းတွေကို ရှာစေချင်တယ်။ ဒါ ကျွန်တော့် ဆန္ဒပေါ့နော်။ အဲလိုပဲဖြစ်မှ လူထုက သက်သာမယ်။ မဟုတ်လို့ဆိုရင်တော့ လူထုက မြေစာပင်လုံးလုံးဖြစ်နေမှာပဲ” ဟု တိုက်တွန်းပြောကြားသည်။

တပ်မတော်မှ ဒုတိယဗိုလ်ချုပ်ကြီး ထွန်းထွန်းနောင်နှင့် KIO ဥက္ကဋ္ဌ ဗိုလ်ချုပ်ကြီး အင်ဘန်လဦးဆောင်သည့် အဖွဲ့တို့သည် တရုတ်နိုင်ငံ အာရှရေးရာ အထူးသံတမန်ကြားဝင်စေ့စပ် ကူညီဆောင်ရွက်ပေးမှုကြောင့် တရုတ်နိုင်ငံ တာလီမြို့၌ ဖေဖော်ဝါ ရီ ၁ ရက်က တွေ့ဆုံခဲ့ရာတွင် လက်ရှိဖြစ်ပွားနေသော တိုက်ပွဲကိစ္စများအပါအ၀င် ဒေသတည်ငြိမ်ရေး၊ တိုက်ပွဲများလျှော့ချရေး၊ ငြိမ်းချမ်းရေးဆောင်ရွက်ရာတွင် အားလုံးပါဝင်ရေးနှင့် ပင်လုံစာချုပ်၊ ပင်လုံကတိက၀တ်နှင့်အညီ ဖက်ဒရယ်ပြည်ထောင်စု တည်ဆောက်ရေးတို့ကို ဆွေးနွေးခဲ့သော်လည်း နှစ်ဦးနှစ်ဖက် ကတိက၀တ်ပြုသည့် သဘောတူညီမှု တစ်စုံတစ်ရာမရရှိခဲ့ကြောင်း KIO က ထုတ်ပြန်ထားသည်။