BTS အဖွဲ့၏ အယ်လ်ဘမ် Billboard တွင် သီတင်းခုနစ်ပတ်အထိ ဆက်လက်ဖော်ပြခံရ

 

ကေပေါ့ပ်အမျိုးသားအဆိုတော်အဖွဲ့ BTS ၏ နောက်ဆုံးထွက်ရှိသည့် Love Your self: Tear အယ်လ်ဘမ်သည်  Billboard 200 စာရင်းတွင် သီတင်းပတ်ခုနစ်ပတ်အထိ ဆက်လက်ဖော်ပြခံနေရဆဲ ဖြစ်သည်။

မေ ၁၈ ရက်က ဖြန့်ချိခဲ့သည့် ယင်းအယ်လ်ဘမ်သည် ဇူလိုင် ၁၁ ရက်တွင် Billboard 200 စာရင်း၏ နံပါတ် ၄၇ နေရာ၌ ဖော်ပြခံခဲ့ရသည်။ ယင်းအယ်လ်ဘမ်တွင် ပါဝင်သည့်  Fake Love သီချင်းသည်လည်း Hot 100  စာရင်းတွင် သီတင်းခြောက်ပတ်ဆက်တိုက် ဖော်ပြခံနေရဆဲဖြစ်သည်။

အဖွဲ့ဝင် ခုနစ်ဦးပါဝင်သည့် BTS အဖွဲ့၏အယ်လ်ဘမ်သည် ၂၀၁၈ ခုနှစ် ပထမနှစ်ဝက်တွင် အမေရိကန်၌ရောင်းအားအကောင်းဆုံး အယ်လ်ဘမ်အဖြစ်လည်း စံချိန်တင်ခဲ့သည်။ Love Yourself: Tear အယ်လ်ဘမ်သည် ဇွန်လကုန်တွင် အမေရိကန်၌ချပ်ရေ ၁၃၂,၀၀၀ ရောင်းချနိုင်ခဲ့သည်ဟု Forbes မဂ္ဂဇင်း က ဖော်ပြခဲ့သည်။

“BTS အဖွဲ့ကို အောင်မြင်မှုရစေတဲ့ အချက်အလက်တွေ အများကြီးရှိတယ်။ သူတို့ရဲ့ဂီတအရည်အသွေးနဲ့ ပူးပေါင်းဆောင်ရွက်မှုအပြင် သူတို့ရဲ့ပရိသတ် ARMY အပေါ်မှာ အလေးအနက်ထားတာတွေက အယ်လ်ဘမ်ရောင်းအားမြင့်တက်မှုကို အထောက်အပံ့ဖြစ်စေခဲ့တယ်။ လူမှုမီဒီယာမှာ BTS အဖွဲ့ရဲ့ ကြီးမားတဲ့သြဇာလွှမ်းမိုးမှုဟာလည်း သူတို့အဖွဲ့ အမေရိကန်မှာ အောင်မြင်မှုရစေတဲ့ အဓိကအချက်လည်း ဖြစ်တယ်” ဟု  Forbes က ဖော်ပြခဲ့သည်။

ယင်းအဖွဲ့သည် ၂၀၁၈ ခုနှစ် ဇွန်တွင် တိုင်းမ်မဂ္ဂဇင်းက ထုတ်ပြန်ခဲ့သည့် အင်တာနက်တွင် သြဇာလွှမ်းမိုးမှုအရှိဆုံးပုဂ္ဂိုလ် ၂၅ ဦး စာရင်းတွင်လည်း ပါဝင်ခဲ့သည်။

BTS အဖွဲ့သည်  တတိယမြောက်စတူဒီယို အယ်လ်ဘမ် Love Yourself: Tear အတွက်ကမ္ဘာလှည့်ဖျော်ဖြေပွဲခရီးစဉ်ကို သြဂုတ် ၂၅ ရက်တွင် ဆိုးလ်တောင်ပိုင်းရှိ Jamsil အိုလံပစ်အားကစားရုံတွင် စတင်မည်ဖြစ်ပြီး အမေရိကန်၊ ကနေဒါ၊ ဗြိတိန်နှင့် နယ်သာလန်တို့တွင်လည်း ဖျော်ဖြေမည်ဖြစ်သည်။

တိုင်းမ်မဂ္ဂဇင်းကထုတ်ပြန်သည့် အွန်လိုင်း၌ သြဇာလွှမ်းမိုးမှုအရှိဆုံးပုဂ္ဂိုလ် ၂၅ ဦးစာရင်းတွင် BTS အဖွဲ့ပါဝင်

တိုင်းမ်မဂ္ဂဇင်းက ထုတ်ပြန်သည့် ၂၀၁၈ ခုနှစ်အတွက် အွန်လိုင်း၌ သြဇာလွှမ်းမိုးမှုအရှိဆုံးပုဂ္ဂိုလ် ၂၅ ဦးစာရင်း၌ ကိုရီးယားအမျိုးသား အဆိုတော်အဖွဲ့ BTS ပါဝင်ခဲ့သည်။

လူမှုမီဒီယာတွင် ကမ္ဘာတစ်ဝန်းအကျိုးသက်ရောက်မှုနှင့် သတင်းဖြစ်ပေါ်မှုအရည်အချင်းတို့ကို အခြေခံသည့် အဆိုပါစာရင်းကို တိုင်းမ်မဂ္ဂဇင်းက ဇွန် ၂၈ ရက်တွင် ထုတ်ပြန် ခဲ့ခြင်းဖြစ်သည်။

BTS အဖွဲ့သည် နောက်ဆုံးဖြန့်ချိထားသည့် Lvoe Yourself: Tear အယ်လ်ဘမ်ဖြင့် Billboard အယ်လ်ဘမ် ၂၀၀ စာရင်း၏ နံပါတ် ၁ နေရာ၌ ဖော်ပြခံရမှုနှင့်အတူ အောင်မြင်မှု အကြီးအကျယ်ရရှိခဲ့မှုအတွက်  အဆိုပါ စာရင်းတွင် ဖော်ပြခံခဲ့ရခြင်းဖြစ်သည်။  ယင်း အောင်မြင်မှုနောက်ကွယ်တွင် BTS အဖွဲ့၏  အားကောင်းသည့်အမာခံပရိသတ်လည်း ပါဝင်ခဲ့သည်။

BTS အဖွဲ့သည် Billboard ၏ Social ၅၀ စာရင်း၏ ထိပ်တန်းနေရာတွင် သီတင်းပတ် ၉၀ နီးပါးဖော်ပြခံခဲ့ရပြီး Billboard ဂီတ ဆုပေးပွဲတွင် Top Social Artist ဆုကို နှစ်နှစ်ဆက်တိုက် ဆွတ်ခူးခဲ့သည်။

တိုင်းမ်မဂ္ဂဇင်း၏ အဆိုပါစာရင်းတွင်  အမေရိကန်သမ္မတ ဒေါ်နယ်ထရန့်၊ ပေါ့ပ်အဆိုတော် ရီဟားနား၊ ရက်ပ်အဆိုတော် ကာနေးဝက်စ်၊ ဂျပန်ဟာသသရုပ်ဆောင် နာအိုမီတာတာနာဘီနှင့် စာသင်ကျောင်းတွင် ကြောက်မက်ဖွယ်ပစ်ခတ်မှုဖြစ်ပွားခဲ့ပြီးနောက် သေနတ်ကိုင်ဆောင်မှုပြုပြင်ပြောင်းလဲရေးအတွက် တွန်းအားပေးခဲ့သည့် ဖလော်ရီဒါပြည်နယ်၊  Parkland အထက်တန်းကျောင်းမှ ကျောင်းသား၊ ကျောင်းသူများလည်း ပါဝင်ခဲ့သည်။

ရက်ပ်အဆိုတော် PSY က YG Entertainment နှင့်လမ်းခွဲ

ကိုရီးယားရက်ပ်အဆိုတော် PSY သည် YG Entertainment နှင့် စာချုပ်သက်တမ်း ရှစ်နှစ်အကြာတွင် အေဂျင်စီနှင့် လမ်းခွဲခဲ့သည်ဟု မေ ၁၅ ရက်တွင် ထုတ်ပြန်ခဲ့သည်။

“စိန်ခေါ်မှုအသစ်တွေနဲ့ ရင်ဆိုင်ချင်တဲ့ PSY ရဲ့ စိတ်ကူးကိုလေးစားတဲ့အနေနဲ့ စာချုပ်ကို အဆုံးသတ်ဖို့ ဆုံးဖြတ်ခဲ့တယ်” ဟု  YG Entertainment က ထုတ်ပြန်ခဲ့သည်။

PSY သည် Big Bang၊ CL  နှင့် Black Pink စသည့် ကေပေါ့ပ်နာမည်ကြီး အဆိုaတ်ာများ၏ အနုပညာအလုပ်များကို စီမံခန့်ခွဲသည့် YG Entertainment နှင့် ၂၀၁၀ ပြည့်နှစ်တွင် စာချုပ်ချုပ်ဆိုခဲ့သည်။ YG နှင့် စာချုပ်ချုပ်ဆိုခဲ့သည့် ကာလအတွင်း ၂၀၁၂ ခုနှစ်က ဖြန့်ချိခဲ့သည့် Gangnam Style သီချင်းဖြင့် PSY သည် ကမ္ဘာတစ်ဝန်း ထိုးဖောက် အောင်မြင်ခဲ့သည်။

ယင်းသီချင်းသည် Billboard Hot 100 စာရင်းတွင်လည်း နံပါတ်နှစ်နေရာ၌ ဖော်ပြခံခဲ့ရသည့် ပထမဆုံး ကိုရီးယား သီချင်းဖြစ်သည်။ Gangnam Style သီချင်းဗီဒီယိုသည် Youtube တွင် ကြည့်ရှုမှုနှုန်း ၃ ဒသမ  ၁ ဘီလျံအထိ ရှိလာသည်။ PSY သည် ၂၀၁၂ ခုနှစ် အတွင်း ဖျော်ဖြေပွဲများ၊ ရုပ်သံကြော်ငြာများ မှ ၀င်ငွေဒေါ်လာ သန်း ၄၀ ကျော် ရရှိခဲ့သည်ဟု Korea Times ကဖော်ပြခဲ့သည်။

“စာချုပ် မချုပ်တော့ပေမဲ့လည်း PSY နဲ့ ကျွန်တော်တို့က ရင်းနှီးတဲ့ ဆက်ဆံရေးအဖြစ်နဲ့ ရှိနေဦးမှာပါ။ သူ့ရဲ့ အသစ်စတင်မှု အတွက် YG က အားပေးသွားမှာပါ” ဟု YG Entertainment က ထုတ်ပြန်ခဲ့သည်။

အသက် ၄၀ အရွယ်ရှိ PSY သည် ကိုယ်ပိုင် အနုပညာအေဂျင်စီတစ်ခု ထူထောင်နိုင်ခြေ ရှိသည်ဟု ယွန်ဟပ်သတင်းအေဂျင်စီက ထုတ်ပြန်ခဲ့သည်။ PSY သည် Big Bang အဖွဲ့ ၀င် G-Dragon နှင့် တေရန်းအပါအ၀င် ကေပေါ့ပ်အဆိုတော်များစွာ ပါဝင်သီဆိုထားသည့် ၎င်း၏ အဋ္ဌမမြောက် စတူဒီယိုအယ်လ်ဘမ် 4×2=8 ကို ၂၀၁၇ ခုနှစ်တွင် ဖြန့်ချိခဲ့သည်။

TVXQ အဖွဲ့က အယ်လ်ဘမ်သစ်ဖြင့် ဂီတလောကသို့ တစ်ကျော့ပြန်ဝင်ရောက်မည်

 

စစ်မှုထမ်းပြီးနောက် ကိုရီးယားပေါ့ပ်အဖွဲ့ TVXQ က အယ်လ်ဘမ်သစ်ဖြင့် ဂီတ လောကသို့ တစ်ကျော့ပြန်ဝင်ရောက်မည်ဟု ယင်းအဖွဲ့၏ အေဂျင်စီ S.M Entertainment က မတ် ၁၆ ရက်တွင် ထုတ်ပြန်ခဲ့သည်။

ယင်းအဖွဲ့၏ အဋ္ဌမမြောက်အယ်လ်ဘမ်ကို မတ် ၂၈ ရက်တွင် ဖြန့်ချိမည်ဖြစ်သည်။ ယင်းအယ်လ်ဘမ်သည်  Rise as God  ဖြန့်ချိခဲ့ပြီး သုံးနှစ်အကြာတွင် ပထမဆုံးဖြန့်ချိမည့် အယ်လ်ဘမ်လည်းဖြစ်သည်။

TVXQ အဖွဲ့ဝင်နှစ်ဦးဖြစ်သည့် U Know Yunho  နှင့် Max Changmin သည် ၂၀၁၇ ခုနှစ် ဧပြီနှင့် သြဂုတ်တွင် စစ်မှုထမ်းခဲ့ပြီးနောက် ယင်းနှစ် စက်တင်ဘာတွင် SM Station မှတစ်ဆင့် တစ်ကိုယ်တော်သီချင်းများကို ဖြန့်ချိခဲ့သည်။

ယင်းအဖွဲ့သည် ဇွန်တွင် ဂျပန်နိုင်ငံ ယိုကိုဟားမားရှိ လူ ၇၅,၀၀၀ ဆံ့ Nissan အားကစားကွင်း၌ သုံးရက်ကြာဖျော်ဖြေရန် စီစဉ်ထားသည်။

၂၀၀၃ ခုနှစ်တွင် U Know Yunho ၊ Max Changmin၊ Hero Jaejoong၊ Micky Yoochun နှင့် Xiah Junsu တို့ဖြင့် ဖွဲ့စည်းခဲ့သည့် TVXQ အဖွဲ့သည် ၂၀၀၆ ခုနှစ်က ဖြန့်ချိခဲ့သည့် “O” Jung.Ban.Hap အယ်လ်ဘမ်ဖြင့် နိုင်ငံတကာ၌ပါ အောင်မြင်မှုရရှိခဲ့သည်။

ယင်းအဖွဲ့သည် စီးပွားရေးအရ အောင်မြင်မှု ရရှိခဲ့သော်လည်း Jaejoong၊ Yoochun နှင့် Junsu တို့က ၂၀၁၀ ပြည့်နှစ်တွင် အဖွဲ့မှ နုတ်ထွက်ခဲ့သည်။ ယင်းနောက် TVXQ အဖွဲ့၏ ဂီတအလုပ်များကို တစ်နှစ်ကြာရပ်နားခဲ့ပြီးနောက် ကျန်ရှိသည့် အဖွဲ့ဝင်နှစ်ဦးဖြစ်သည့် Yunhoo နှင့် Changmin တို့ဖြင့် ဂီတအလုပ်များဆက်လက်လုပ်ကိုင်ခဲ့ပြီး ၂၀၁၁ ခုနှစ်တွင် ပဉ္ဇမ မြောက်အယ်လ်ဘမ် Keep Your Head Down ကို ဖြန့်ချိခဲ့သည်။ ယင်းအယ်လ်ဘမ်သည် အာရှအယ်လ်ဘမ် ရောင်းချမှုစာရင်း၏ ထိပ်တန်းနေရာများတွင် ဦးဆောင်ခဲ့သည်။

TVXQ အဖွဲ့သည် ဂီတသက်တမ်း ၁၅ နှစ်အတွင်း အယ်လ်ဘမ်ချပ်ရေ ၁၄ သန်းကျော် ရောင်းချနိုင်ခဲ့ပြီး ခေတ်ပြိုင်အာရှဂီတလောကတွင် အောင်မြင်မှုအရှိဆုံး အဖွဲ့တစ်ဖွဲ့နှင့် ကေ့ပေါ့ပ်ဘုရင်များဟု တင်စားခံခဲ့ရသည်။

G-Dragon ၏ USB ဖြင့် ဖြန့်ချိမှုပုံစံကို အယ်လ်ဘမ်အဖြစ် လက်ခံ

ကိုရီးယားသီချင်းရောင်းချမှုစာရင်းများကို ထုတ်ပြန်သည့် Gaon Music Chart က USB ဖြင့် သီချင်းဖြန့်ချိမှုကို အယ်လ်ဘမ် နှင့် EP အဖြစ် လက်ခံရန်ဆုံးဖြတ်ကြောင်း ဒီဇင်ဘာ ၂၆ ရက်တွင် ထုတ်ပြန်ခဲ့ပြီး မူလရပ်တည်ချက်ကို ပြင်ဆင်ခဲ့သည်။

ယင်းဆုံးဖြတ်ချက်ကြောင့် USB ဖြင့် ဖြန့်ချိခဲ့သည့် အဆိုတော် G-Dragon ၏ EP သည်လည်း Gaon ၏ အယ်လ်ဘမ်ရောင်းချမှုစာရင်းတွင် ပါဝင်လာတော့မည်ဖြစ်သည်။

တောင်ကိုရီးယားအမျိုးသားအဆိုတော်အဖွဲ့ Big Bang မှ ရက်ပ်အဆိုတော် G-Dragon က ၎င်း၏ ဒုတိယမြောက်တစ်ကိုယ်တော် EP Kwon Ji Yong ကို စီဒီအစား USB ဖြင့်  ၂၀၁၇ ခုနှစ် ဇွန် ၈ ရက်က ဖြန့်ချိခဲ့သည်။ ယင်း USB တွင် သီချင်းများမပါဝင်ဘဲ သီချင်းကို Download လုပ်မည့် ၀က်ဘ်ဆိုက်၏  Link သာ ပါဝင်ခဲ့သည်။

သမားရိုးကျပုံစံ မဟုတ်သော ယင်း EP ကို အယ်လ်ဘမ်ရောင်းချမှုစာရင်းတွင် ထည့်သွင်းစဉ်းစားမည်မဟုတ်ဟု Gaon က ယင်းအချိန်တွင် ထုတ်ပြန်ခဲ့သည်။ ယင်း EP သည် တရုတ်ပြည်မကြီးတွင် စီးပွားရေးအရ အောင်မြင်ခဲ့ပြီး ဖြန့်ချိပြီး တစ်ပတ်မပြည့်မီ တစ်သန်းခန့်ရောင်းချနိုင်ခဲ့ပြီး ဒီဂျစ်တယ်ရောင်းအား အကောင်းဆုံး ကိုရီးယား အဆိုတော်ဖြစ်လာခဲ့သည်။