ရခိုင်ပြည်နယ် စီးပွားရေးဖွံ့ဖြိုးတိုးတက်ရေးအတွက် ဂျပန် ဆက်လက်ကူညီမည်

ဂျပန်အစိုးရ၊ ဂျပန်သံရုံး၊ JICA တို့ ပူးပေါင်းပြီး မြန်မာနိုင်ငံ ဆင်းရဲမှုပပျောက်ရေး စီမံကိန်း ရေးဆွဲအကောင်အထည်ဖော်လျက်ရှိရာတွင် ရခိုင်ပြည်နယ်စီးပွားရေး ဖွံ့ဖြိုးတိုးတက်ရေးအတွက် ဆက်လက်ကူညီသွားမည်ဟု မြန်မာနိုင်ငံဆိုင်ရာ ဂျပန်သံအမတ်ကြီးက ပြောကြားကြောင်း နိုင်ငံခြားရေး ၀န်ကြီးဌာနက ဇူလိုင် ၂၀ တွင် ထုတ်ပြန်သော ရခိုင်ပြည်နယ်ဆိုင်ရာ နေ့စဉ်သတင်းအကျဉ်းချုပ်တွင် ဖော်ပြထားသည်။

စစ်တွေမြို့ မင်းဂံရပ်ကွက်ရှိ အမှတ် (၉) အခြေခံပညာအထက်တန်းကျောင်း၌ ဂျပန်အစိုးရ အထောက်အပံ့ဖြင့် ဆောက်လုပ်ခဲ့သော ကျောင်းဆောင်သစ်များ လွှဲပြောင်းပေးအပ်ပွဲ အခမ်းအနားတွင် ဂျပန်သံအမတ်ကြီးက “ယခု ရခိုင်ပြည်နယ်မှာ ကြုံတွေ့နေရတဲ့ အခက်အခဲတွေထဲမှာ ဖွံ့ဖြိုးတိုးတက်မှု နောက်ကျနေရခြင်းဟာ အဓိက အကြောင်းအရင်း ဖြစ်ပါတယ်။ ဒါကြောင့်မို့ ကျွန်တော်တို့ ဂျပန်အစိုးရ၊ ဂျပန်သံရုံးနဲ့  JICA တို့ ပူးပေါင်းပြီး မြန်မာနိုင်ငံ ဆင်းရဲမှုပပျောက်ရေး စီမံကိန်း ရေးဆွဲအကောင်အထည်ဖော်ဆောင် ရွက်နေပါတယ်။ အဓိကကတော့ ရခိုင်ပြည်နယ် ဆင်းရဲမှုပပျောက်ရေး ဆောင်ရွက်သွားမှာ ဖြစ်ပါတယ်။ ရခိုင်ပြည်နယ်မှာ လျှပ်စစ်မီးပိုမိုရရှိဖို့၊ အခြေခံအဆောက်အအုံတွေ တိုးတက်ဖို့၊ လမ်းပန်းဆက်သွယ်ရေးတွေ တိုးတက်ကောင်းမွန်ဖို့ လိုအပ်မှာဖြစ်ပါတယ်။ ဒါကြောင့် ကျွန်တော်တို့ ဂျပန်အစိုးရနဲ့ ဂျိုက်ကာတို့ ပူးပေါင်းပြီး အထူးသဖြင့် ရခိုင်ပြည်နယ် စီးပွားရေး ဖွံ့ဖြိုးတိုးတက်ဖို့ အတွက်ဆက်ပြီးကြိုးစားသွားမှာ ဖြစ်ပါတယ်” ဟု ပြောကြားခဲ့သည်။

ထို့ပြင် ရခိုင်ပြည်နယ်တွင် ရင်ဆိုင်နေရသော ပြဿနာနှင့်ပတ်သက်၍ နိုင်ငံတကာက တစ်ဖက်သတ် ဝေဖန်ပြောဆိုနေမှုများဖြစ်ကြောင်း ၊ ဂျပန်နိုင်ငံ၏ ရပ်တည်ချက်သည် ထိုသို့မဟုတ်ကြောင်း၊ သမိုင်းနှင့်ချီသော ကိစ္စဖြစ်၍ ချက်ချင်းဖြေရှင်းနိုင်သော ကိစ္စလည်းမဟုတ်ကြောင်း၊ နိုင်ငံတော်အစိုးရ၊ ရခိုင်ပြည်နယ်အစိုးရနှင့် ဒေသခံများ ပူးပေါင်းပြီး ကြိုးစားဆောင်ရွက်နေမှုကို အလေးအနက်ထားပါကြောင်း၊ ယင်းကဲ့သို့ ပူးပေါင်း ဆောင်ရွက်မှုကို ဂျပန်အစိုးရက အထောက်အကူပြုနိုင်အောင် ဆက်လက်ကြိုးပမ်းသွား မည်ဖြစ်ကြောင်း ဂျပန်သံအမတ်ကြီးက ပြောကြားသည်ဟု အဆိုပါ သတင်းထုတ်ပြန်ချက်တွင် ပါရှိသည်။

ဂျပန်နိုင်ငံအစိုးရအနေဖြင့် ၂၀၁၅ ခုနှစ် အတွင်း ရေကြီးမြေပြိုမှုများကြောင့် ပျက်စီးသွားသော အခြေခံပညာကျောင်းများကို ပြန်လည်ဆောက်လုပ် လှူဒါန်းပေးလျက်ရှိရာ ကျောင်းပေါင်း ၃၉ ကျောင်းကို ပြန်လည်

ဆောက်လုပ်ပေးရန် ကတိပြုထားသည့်အနက် ၃၃ ကျောင်းကို အသစ်ပြန်လည်ဆောက်လုပ်ပေးနိုင်ပြီဖြစ်ကြောင်း နိုင်ငံခြားရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

ဘူးသီးတောင်မြို့နယ်ဆေးရုံတွင် JICA အဖွဲ့အကူအညီဖြင့် သွေးလှူဘဏ်ငယ်အသစ် တည်ဆောက်နေပြီး လျှပ်စစ်မီးလိုအပ်ချက်အတွက် ဆိုလာစနစ်တပ်ဆင်အသုံးပြုမည်

ရခိုင်ပြည်နယ် ဘူးသီးတောင်မြို့နယ် ဆေးရုံတွင် သွေးလှူဘဏ်ငယ်အသစ် တည်ထောင်ရေးအတွက် JICA အဖွဲ့ အကူအညီဖြင့် ဆောင်ရွက်နေပြီး လျှပ်စစ်မီးလိုအပ်ချက်အတွက် ဆိုလာစနစ် တပ်ဆင်အသုံးပြုသွားမည်ဖြစ်ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

“ပြည်သူ့ကျန်းမာရေးဦးစီးဌာနအနေ နဲ့ ရခိုင်ဒေသမှာ ဆေးရုံဆေးခန်းများဟာ ကျန်းမာရေးစောင့်ရှောက်မှု ခံယူသူတိုင်းအတွက် အကာအကွယ်ပေးထားတဲ့နေရာတွေဖြစ်ကြောင်း အသိပေးကြေညာပြီး လူမျိုးဘာသာမခွဲခြားဘဲ ဆေးကုသမှုတွေ ပေးနေပါတယ်။ လက်ရှိ စစ်တွေ၊ သက္ကယ်ပြင်၊ မြောင်းဘွေ၊ ဘူးသီးတောင်၊ စေတီတောင်နဲ့ မောင်တောဆေးရုံတွေမှာ ဆေးကုသမှုတွေပေးနေပါတယ်။ လေးလအတွင်း ပြင်ပလူနာနဲ့ အတွင်း လူနာပေါင်း ၁၄၀၀၀ ကျော်ကို ဆေးကုသပေးပြီး ဖြစ်ပါတယ်။ ဆက်လက်ပြီး ကျွန်တော်တို့ဘူးသီးတောင်ဆေးရုံမှာ JICA အဖွဲ့ အကူအညီနဲ့ သွေးလှူဘဏ်ငယ်တစ်ခုလုပ်ဖို့ စီစဉ်နေပါတယ်” ဟု ရခိုင်ပြည်နယ်မြောက်ပိုင်း ရွေ့လျားဆေးကုသမှုအစီအစဉ်တွင် ပါဝင်သည့် ပြည်သူ့ကျန်းမာရေးဦးစီးဌာနမှ တာဝန်ရှိသူတစ်ဦးက ပြောကြားသည်။

ထို့ပြင်၂၀၁၈-၂၀၁၉ ဘဏ္ဍာနှစ်အတွင်း ရခိုင်ပြည်နယ်ရှိ ဘူးသီးတောင်မြို့နယ် ဆေးရုံ၌ အချုပ်သားလူနာဆောင် (Guard Ward)  တစ်ခု ထူထောင်နိုင်ရန်လည်း စီစဉ်ထားပြီး အကျဉ်းထောင်မှ လူနာများ ဆေးကုသရန် လိုအပ်ပါက လွှဲပြောင်းကုသနိုင်ရန် ဆောင်ရွက်ပေးသွားမည် ဖြစ်သည်။

လက်ရှိ စစ်တွေအထွေထွေရောဂါကု ဆေးရုံကြီး၌ အချုပ်သားလူနာ ဆေးကုသမှု လုပ်ငန်းအတွက် အချုပ်သားလူနာဆောင်အား ကျား၊ မ ခွဲခြား၍ စီစဉ်ထားရှိပြီးဖြစ်ကြောင်း၊ စစ်တွေအကျဉ်းထောင်မှ လူနာများ အရေးပေါ်ကုသရန်နှင့် ဆေးရုံတက်ရောက်ရန် လိုအပ်ပါက စစ်တွေအထွေထွေရောဂါကု ဆေးရုံကြီးမှ လူနာတင်ယာဉ်ဖြင့် သွားရောက်ခေါ်ဆောင်ကာ ဆေးကုသပေးလျက်ရှိကြောင်းနှင့် ဘူးသီးတောင်မြို့နယ် ဆေးရုံ၌ အချုပ်သားလူနာဆောင်တစ်ခုကိုလည်း ထူထောင်နိုင်ရန်အတွက် စီစဉ်လျက်ရှိကြောင်းလည်း သိရသည်။

ပြည်ထောင်စုအစိုးရနှင့် ရခိုင်ပြည်နယ် အစိုးရတို့အနေဖြင့် ရခိုင်ပြည်နယ်အတွင်း နေထိုင်လျက်ရှိသော လူ့အဖွဲ့အစည်းများအား ဘာသာရေး၊ လူမျိုးရေး၊ ကျား /မဆိုင်ရာ သို့မဟုတ် နိုင်ငံသားဖြစ်တည်မှုတို့အပေါ် အခြေခံသည့် ခွဲခြားမှုများကို မပြုလုပ်ဘဲ ထိုအဖွဲ့အစည်းများအားလုံး တူညီသော ကျန်းမာရေးဆိုင်ရာ ဆေးကုသခွင့်များ တစ်ပြေးညီရရှိရန် လုပ်ဆောင်ပေးသွားမည်ဖြစ်ကြောင်း သိရသည်။

ဝန်ကြီးဌာနအနေဖြင့် ဆေးရုံများအားလုံး၌ မည်သည့်လူမျိုးဖြစ်စေ၊ မည်သည့်ဘာသာ ကိုးကွယ်သည်ဖြစ်စေ၊ ကျား /မ ဖြစ်စေ၊ မည်သည့်နိုင်ငံသားဖြစ်စေ ဆေးကုသခွင့် ရရှိရေးအတွက် ဆောင်ရွက်လျက်ရှိပြီး ထိုသို့ ဆက်လက်ဆောင်ရွက်နိုင်ရေးအတွက် ဆေးရုံများနှင့် ကျန်းမာရေးဌာနများအားလုံးသို့ ညွှန်ကြားချက်များ ထပ်မံထုတ်ပြန်သွား ရန်ရှိကြောင်းနှင့် ရွေ့လျားဆေးအဖွဲ့များဖြင့် ဆေးကုသပေးခြင်းနှင့် ပြည်သူ့ကျန်းမာရေး စောင့်ရှောက်မှုလုပ်ငန်းများ ဆောင်ရွက်ရာ၌လည်း ခွဲခြားမှုမျိုးမရှိစေရေးအတွက် ဆက်လက်ဆောင်ရွက်သွားမည်ဖြစ်ရာ ပြည်နယ်၊ ခရိုင်၊မြို့နယ်နှင့် အောက်ခြေအဆင့်များ အားလုံးသို့ ညွှန်ကြားချက်များ ထပ်မံထုတ်ပြန်သွားမည်ဖြစ်ကြောင်းလည်း သိရသည်။

ရန်ကုန်မြို့ပတ်လမ်းပိုင်းရှိ ကားနှင့်ရထား ဖြတ်ကူးသည့် နေရာများတွင် မြန်ဆန်စွာ ဖြတ်ကူးနိုင်မည့် Level Crossing များ ပြုလုပ်မည်ဟုဆို

ရန်ကုန်မြို့တွင်း မီးရထားလမ်းပိုင်းများကို JICA မှ အဆင့်မြှင့်တင်နေစဉ်

ရန်ကုန်မြို့ပတ်ရှိ ကားနှင့်ရထား ဖြတ်ကူးသည့်နေရာ ရှစ်ခုတွင် ပိုမိုမြန်ဆန်စွာ ဖြတ်ကူးနိုင်မည့် Level Crossing များကို ယခုနှစ်အတွင်း ပြုလုပ်သွားမည်ဖြစ်ကြောင်း မြန်မာ့မီးရထားမှ သိရသည်။

“ရထားလမ်းပေါ်ကို ကားလမ်းတွေ ဖြတ်သွားတဲ့အခါ မြန်မြန်ဖြတ်နိုင်ဖို့ လိုပါတယ်။ မြန်မြန်ဖြတ်နိုင်ဖို့ အတွက်ဆိုရင် လမ်းချောမွေ့ဖို့ လိုပါတယ်။ ဒါကြောင့် လမ်းပိုင်းအဆင်ပြေဖို့ လုပ်တဲ့အခါ နည်းပညာမြင့်မြင့်နဲ့ သွားပါတယ်။ ကားလမ်းပေါ် ရထားလမ်း ဖြတ်တဲ့နေရာတွေ၊ ရထားလမ်းနဲ့ ကားလမ်း ဆုံနဲ့နေရာတွေမှာ ကားတွေ အမြန်ဆုံးဖြတ်နိုင်ဖို့၊ ကားတွေကို ရထားဖြတ်သန်းခါနီးမှာ အလိုအလျောက်ဂိတ်တွေ တပ်ခြင်းအားဖြင့် အကြာကြီး ရပ်စောင့်စရာ မလိုတော့ဘဲ ကြာမြင့်ချိန် လျှော့ချနိုင်မယ်။ အထူးသဖြင့် ကားလမ်းကူးနေရာကြီး ရှစ်ခုမှာရှိတဲ့ Level Crossing တွေကို ပြုလုပ်ဖို့ စတင်နေပြီ” ဟု မြန်မာ့မီးရထား (အောက်မြန်မာပြည်) အထွေထွေမန်နေဂျာ ဦးထွန်းအောင်သင်းက ပြောကြားသည်။

အဆိုပါ ပြုလုပ်မည့် Level Crossing များကို JICA ၏အကူအညီဖြင့် ပြုလုပ်မည်ဖြစ်ပြီး ရန်ကုန်မြို့တော် စည်ပင်သာယာရေး ကော်မတီမှ အင်ဂျင်နီယာများ၊ မြန်မာ့မီးရထားမှ အင်ဂျင်နီယာများ ပူးပေါင်းကာ ဆောင်ရွက်သွားမည်ဖြစ်ကြောင်း အထွေထွေမန်နေဂျာ ဦးထွန်းအောင်သင်း၏ ပြောကြားချက်အရ သိရသည်။

Level Crossing ပြုလုပ်သွားမည့် နေရာများမှာ အင်းစိန်၊ အောင်ဆန်း၊ ကြို့ကုန်း၊ အုတ်ကျင်း၊ သမိုင်းမြို့သစ်၊ ပါရမီ၊ ကမာရွတ်နှင့် ရွာမကျောင်းလမ်း စသည့်နေရာ ရှစ်ခုတွင် ကနဦး ပြုလုပ်မည် ဖြစ်ကြောင်း သိရသည်။

လက်ရှိတွင် မြန်မာ့မီးရထား အနေဖြင့် တရားမ၀င် ရထားလမ်းနှင့် ကားလမ်းကူးနေရာများကို ပိတ်သိမ်းရန် အတွက်လည်း သက်ဆိုင်ရာ ပြည်နယ်နှင့် တိုင်းဒေသကြီး အစိုးရအဖွဲ့များနှင့် ညှိနှိုင်းဆောင်ရွက်နေကြောင်း သိရသည်။

တစ်နိုင်ငံလုံးတွင် ရထားလမ်းနှင့် ကားလမ်းကူးနေရာ တရားဝင်ဂိတ် စုစုပေါင်း ၁ç၆၆၇ ခုရှိပြီး တရားမ၀င်ဂိတ် စုစုပေါင်း ၄ç၁၅၂ ခုရှိကြောင်း မြန်မာ့မီးရထားမှ သိရသည်။

ရန်ကုန်မြို့ပတ် ရထားလမ်းအား နေ့စဉ်ရထားတွဲဆိုင်းကြီး ၂၅ ဆိုင်း၊ နေ့စဉ် ခေါက်ရေ ၂၂၀ ပြေးဆွဲပေးနေပြီး ခရီးသည်အားဖြင့်နေ့စဉ် ကိုးသောင်းအထက် လိုက်ပါစီးနင်း လျက်ရှိကြောင်း သိရသည်။

လက်ရှိတွင် ရန်ကုန်မြို့တွင်း ပြေးဆွဲနေသည့် မီးရထားလမ်းများကို အဆင့်မြှင့်တင်မှုများ ဆောင်ရွက်လျက်ရှိကြောင်း သိရသည်။

ထို့ပြင် မီးရထား ပြေးဆွဲမှုများကို ရန်ကုန်မီးရထားရုံးချုပ်မှ ထိန်းချုပ်နိုင်သည့် စနစ်ကိုလည်း ယခုလ အတွင်းက စတင်အကောင်အထည် ဖော်ခဲ့ပြီး ပုဇွန်တောင်ဘူတာ အပါအ၀င် ဘူတာနှစ်ခုတွင် စမ်းသပ်လုပ်ကိုင် လျက်ရှိသည်။

 

ဘူးသီးတောင်မြို့နယ်ဆေးရုံတွင် JICA အကူအညီဖြင့် သွေးလှူဘဏ်ငယ်အသစ် တည်ထောင်ရန်စီစဉ်နေပြီး လျှပ်စစ်မီးလိုအပ်ချက်အတွက် ဆိုလာစနစ်တပ်ဆင်အသုံးပြုမည်

ရခိုင်ပြည်နယ်အတွင်း ကျန်းမာရေးစောင့်ရှောက်မှုပေးနေသည့် ကျန်းမာရေးဝန်ထမ်းများကို တွေ့ရစဉ်

ရခိုင်ပြည်နယ် ဘူးသီးတောင်မြို့နယ် ဆေးရုံတွင် သွေးလှူဘဏ်ငယ်အသစ် တည်ထောင်ရေးအတွက် JICA အဖွဲ့ အကူအညီဖြင့် ဆောင်ရွက်နေပြီး လျှပ်စစ်မီးလိုအပ်ချက်အတွက်  ဆိုလာစနစ် တပ်ဆင်အသုံးပြုမည်ဖြစ်ကြောင်း သိရသည်။

“ပြည်သူ့ကျန်းမာရေးဦးစီးဌာနအနေနဲ့ ရခိုင်ဒေသမှာ ဆေးရုံဆေးခန်းများသည် ကျန်းမာရေးစောင့်ရှောက်မှု ခံယူသူတိုင်းအတွက် အကာအကွယ်ပေးထားတဲ့ နေရာတွေဖြစ်ကြောင်း အသိပေးကြေညာပြီး လူမျိုးဘာသာ မခွဲခြားဘဲ ဆေးကုသမှုတွေ ပေးနေပါတယ်။ လက်ရှိ စစ်တွေ၊သက္ကယ်ပြင်၊ မြောင်းဘွေ၊ ဘူး သီးတောင်၊ စေတီတောင်နဲ့ မောင်တောဆေးရုံတွေမှာ ဆေးကုသမှုတွေ ပေးနေပါတယ်။   လေးလအတွင်း ပြင်ပလူနာနဲ့အတွင်း  လူနာပေါင်း ၁၄၀၀၀ ကျော်ကို ဆေးကုသပေးပြီးဖြစ်ပါတယ်။ ဆက်လက်ပြီး ကျွန်တော်တို့ ဘူးသီးတောင်ဆေးရုံမှာ JICA အဖွဲ့ အကူအညီနဲ့ သွေးလှူဘဏ်ငယ်တစ်ခု လုပ်ဖို့ စီစဉ်နေပါတယ်” ဟု ရခိုင်ပြည်နယ်မြောက်ပိုင်း ရွေ့လျား ဆေးကုသမှု အစီအစဉ်တွင် ပါဝင်သည့် ပြည်သူ့ကျန်းမာရေးဦးစီးဌာနမှ တာဝန်ရှိသူတစ်ဦးက ပြောကြားသည်။

ထို့ပြင်၂၀၁၈-၂၀၁၉ ဘဏ္ဍာနှစ်အတွင်း ရခိုင်ပြည်နယ်ရှိ ဘူးသီးတောင်မြို့နယ်ဆေးရုံ၌ အချုပ်သားလူနာဆောင် (Guard Ward) တစ်ခု ထူထောင်နိုင်ရန်လည်း စီစဉ်ထားပြီး အကျဉ်းထောင်မှ လူနာများဆေးကုသရန် လိုအပ်ပါက လွှဲပြောင်းကုသနိုင်ရန် ဆောင်ရွက်မည်ဖြစ်ကြောင်း သိရသည်။

လက်ရှိ စစ်တွေအထွေထွေရောဂါကုဆေးရုံကြီး၌ အချုပ်သားလူနာဆေးကုသမှု လုပ်ငန်းအတွက် အချုပ်သားလူနာဆောင်အား ကျား-မ ခွဲခြား၍ စီစဉ်ထားရှိပြီးဖြစ် ကြောင်း၊ စစ်တွေအကျဉ်းထောင်မှ လူနာများ အရေးပေါ်ကုသရန်နှင့် ဆေးရုံတက်ရောက်ရန် လိုအပ်ပါက စစ်တွေအထွေထွေရောဂါကု ဆေးရုံကြီးမှ လူနာတင်ယာဉ်ဖြင့်သွား ရောက်ခေါ်ဆောင်ပြီး ဆေးကုသပေးလျက်ရှိကြောင်းနှင့် ဘူးသီးတောင်မြို့နယ်ဆေးရုံ၌ အချုပ်သားလူနာဆောင်တစ်ခု ထူထောင်နိုင်ရန်အတွက် စီစဉ်လျက်ရှိကြောင်း သိရသည်။

ပြည်ထောင်စုအစိုးရနှင့် ရခိုင်ပြည်နယ်အစိုးရတို့အနေဖြင့် ရခိုင်ပြည်နယ်အတွင်း နေထိုင်လျက်ရှိသော လူ့အဖွဲ့အစည်းများအား ဘာသာရေး၊ လူမျိုးရေး၊ ကျား-မဆိုင်ရာ သို့မဟုတ် နိုင်ငံသားဖြစ်တည်မှုတို့အပေါ် အခြေခံသည့် ခွဲခြားမှုများ မပြုလုပ်ဘဲ ထိုအဖွဲ့အစည်းများအားလုံး တူညီသော ကျန်းမာရေးဆိုင်ရာ ဆေးကုသခွင့်များ တစ်ပြေးညီရရှိရန် လုပ်ဆောင်မည်ဖြစ်ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ဝန်ကြီးဌာနအနေဖြင့် ဆေးရုံများအားလုံး၌ မည်သည့်လူမျိုးဖြစ်စေ၊ မည်သည့်ဘာသာ ကိုးကွယ်သည်ဖြစ်စေ၊ ကျား-မ ဖြစ်စေ၊ မည်သည့် နိုင်ငံသားဖြစ်စေ ဆေးကုသခွင့်ရရှိ ရေးအတွက်ဆောင်ရွက်လျက်ရှိပြီး ထိုသို့ ဆက်လက်ဆောင်ရွက်နိုင်ရေးအတွက် ဆေးရုံများနှင့် ကျန်းမာရေးဌာနများအားလုံးသို့ ညွှန်ကြားချက်များ ထပ်မံ ထုတ်ပြန်ရန်ရှိကြောင်း သိရသည်။