အမေရိကန် ကျောထောက်နောက်ခံပြု တပ်များက ဆီးရီးယားရှိ IS နောက်ဆုံးခြေကုပ်ကို ထိုးစစ်ဆင်ရန် ပြင်ဆင်

စက်တင်ဘာ ၁၃ ရက်တွင် ဆီးရီးယားနယ်စပ်အနီး ဒီယာအက်ဇောပြည်နယ်၌ အမေရိကန် ကျောထောက်နာက်ခံပြု တပ်ဖွဲ့ဝင်များကို တွေ့ရစဉ် (Photo : AFP)

အမေရိကန် ကျောထောက်နောက်ခံပြု ကာ့ဒ်များ ဦးဆောင်သော ဆီးရီးယားဒီမိုကရက်တစ်တပ်များ (SDF) မှ တိုက်ခိုက်ရေးသမားများသည် ဆီးရီးယားအရှေ့ပိုင်းရှိ IS ဂျီဟတ်အဖွဲ့၏ နောက်ဆုံးခြေကုပ်ကို ထိုးစစ်ဆင်ရန် အသင့်ဖြစ်နေပြီဖြစ်သည်။ SDF နှင့် ၎င်းတို့၏ အမေရိကန် အကြံပေးများသည် ဒီယာအက်ဇောပြည်နယ်၊ ယူဖရေးတီးမြစ် အရှေ့ဘက်ကမ်းရှိ အက်စ်ဆူဆာရွာ အပြင်ဘက်တွင် စုဝေးနေကြသည်။

ကွေ့ကောက်နေသော လမ်းများတစ်လျှောက် မောင်းလာသည့် ပစ်ကပ်ထရပ်ကားများတွင် ကာ့ဒ်-အာရပ် တပ်ဖွဲ့မှ တိုက်ခိုက်ရေးသမားများ လိုက်ပါလာကြပြီး ညွန့်ပေါင်းတပ်ဖွဲ့များက ဂျီဟတ်များ၏ နေရာများကို မော်တာများနှင့် ရော့ကတ်များဖြင့် ပစ်ခတ်ခဲ့ကြကြောင်း သိရသည်။

Daesh များသည် ခံစစ်အားကောင်းကြောင်း၊ ၎င်းတို့၏ ခံစစ်များကို ချိုးဖောက်ပြီး ယူဖရေးတီး အရှေ့ဘက်ကမ်းတွင် ခြေကုပ်ယူထားမှုကို အဆုံးသတ်ပစ်ရန် ကြိုးပမ်းနေကြောင်း တပ်မှူးတစ်ဦးဖြစ်သူ အီဘရာဟင်အယ်ဒိုင်ရီက IS အဖွဲ့၏ အာရပ်အမည်အတို ကောက်ကိုရည်ညွှန်းလျက် ပြောကြားခဲ့သည်။

SDF တပ်ဖွဲ့များသည် ထိုနယ်မြေအနီးသို့ ရောက်ရှိနေသည်မှာ လနှင့်ချီ ကြာမြင့်နေပြီဖြစ်ပြီး ထိုးစစ်ဆင်မှုကို စက်တင်ဘာ ၁၀ ရက်တွင် တရားဝင် စတင်ခဲ့ခြင်းဖြစ်သည်။ ယင်းနောက်ပိုင်း တိုက်ပွဲများအတွင်း ဂျီဟတ် ၅၃ ဦးနှင့် SDF တိုက်ခိုက်ရေးသမား ၃၇ ဦးတို့ သေဆုံးခဲ့ကြောင်း ဆီးရီးယား လူ့အခွင့်အရေး စောင့်ကြည့်သည့် အဖွဲ့က ထုတ်ပြန်ခဲ့သည်။ စက်တင်ဘာ ၁၄ ရက်တွင် IS အဖွဲ့၏ ခြုံခိုတိုက်ခိုက်မှုကြောင့် SDF တိုက်ခိုက်ရေးသမား ၂၀ ထက်မနည်း သေဆုံးခဲ့သည်။ သဲမုန်တိုင်း တိုက်ခိုက်နေစဉ် ဂျီဟတ်များသည် ဖောက်ခွဲရေး ပစ္စည်းများကို ဖောက်ခွဲခြင်းနှင့် ပစ်ခတ်ခြင်းတို့ လုပ်ဆောင်ခဲ့ခြင်းဖြစ်ကြောင်း ဗြိတိန်အခြေစိုက် ထိုစောင့်ကြည့်သည့် အဖွဲ့က ထုတ်ပြန်ခဲ့သည်။

ထိုထိုးစစ်သည် ဆီးရီးယား-အီရတ် နယ်စပ်သို့ ဦးတည်သော ယူဖရေးတီးမြစ်ဝှမ်း အလယ်ပိုင်းတစ်လျှောက် ဆီးရီးယား အရှေ့မြောက်ပိုင်းမှ IS လက်ကျန်များကို ချေမှုန်းသွားမည်ဖြစ်ကြောင်း ဂျီဟတ်အဖွဲ့ကို နှိမ်နင်းနေသည့် နိုင်ငံတကာ ညွန့်ပေါင်းက ထုတ်ပြန်ခဲ့သည်။ ထိုတိုက်ပွဲသည် ၎င်းတို့အတွက်သာမက Daesh တို့၏ ကံကြမ္မာအတွက်ပါ အရေးပါနေကြောင်း၊ ထိုလက်ကျန် ဂျီဟတ်များသည်  အသေအကျေ တိုက်ပွဲဝင်ကြမည်ဟု မျှော်လင့်ကြောင်း ဒိုင်ရီက ပြောကြားခဲ့သည်။

ထိုဝန်းရံခံထားရသော ဒေသတွင် ပြည်ပတိုက်ခိုက်ရေးသမား အများစု ပါဝင်သော IS ဂျီဟတ် ၃၀၀၀ ခန့် ရှိမည်ဟု SDF က ခန့် မှန်းထားသည်။

၂၀၁၄ ခုနှစ်တွင် ဆီးရီးယားနှင့် အီရတ်တို့ရှိ နယ်မြေအများအပြားအား သိမ်းယူပြီး မွတ်စလင်ပိုင်နက်အဖြစ် ကြေညာခဲ့ပြီးနောက်ပိုင်း IS ဂျီဟတ်အဖွဲ့သည် ထိုနှစ်နိုင်ငံ၌ စစ်ရေးဆိုင်ရာ ရှုံးနိမ့်မှုများ တစ်သီတစ်တန်း ကြုံတွေ့ခဲ့ရပြီးနောက် ယခုအခါ ဆီးရီးယား၏နယ်မြေ သုံးရာခိုင်နှုန်းအောက်ကိုသာ ထိန်းချုပ်ထားနိုင်တော့သည်။ IS အဖွဲ့သည် ဒီယာအက်ဇောကို ယခင်က တစ်ခုလုံးနီးပါး ထိန်းချုပ်ထား နိုင်ခဲ့သော်လည်း ပြီးခဲ့သောနှစ်တွင် SDF နှင့် ရုရှားကျောထောက်နောက်ခံပြု ဆီးရီးယားအစိုးရ တပ်များ၏ သီးခြားထိုးစစ်ဆင်မှုများကြောင့် အီရတ်နယ်စပ်အနီး နယ်မြေအနည်းငယ်ကိုသာ ထိန်းချုပ်ထားနိုင်သည်။ IS ခေါင်းဆောင် အဘူဘကာအယ် ဘဂ္ဂဒါဒီသည် မည်သည့်နေရာတွင် ရောက်နေကြောင်း အတိအကျ မသိရသော်လည်း ထိုဝန်းရံထားသော နယ်မြေတွင် IS ၏ အဓိက ခေါင်းဆောင်များ ပုန်းအောင်းနေသည်ဟု SDF က ယုံကြည်ထားသည်။

Ref : AFP

အမေရိကန် ကျောထောက်နောက်ခံပြု ကာ့ဒ်တပ်ဖွဲ့ဝင်များအား တိုက်ထုတ်ပစ်မည်ဟု ဆီးရီးယားသမ္မတအာဆတ် သတိပေး

မေ ၅ ရက်က ဆီးရီးယားနိုင်ငံ အာဖရင်မြို့ဝင်ပေါက်တွင် လက်နက်ကိုင် အမျိုးသားနှစ်ဦးကို တွေ့ရစဉ် (Photo: AFP)

ဆီးရီးယားနိုင်ငံ၏ နယ်မြေသုံးပုံတစ်ပုံအား ထိန်းချုပ်ထားသော အမေရိကန် ကျောထောက်နောက်ခံပြု ကာ့ဒ်တပ်ဖွဲ့များအား အင်အားသုံး တိုက်ခိုက်ပြီး ထိုနယ်မြေများကို ပြန်လည်သိမ်းယူရန် တုံ့ဆိုင်းနေမည်မဟုတ်ကြောင်း ဆီးရီးယားသမ္မတ ဘာရှားအယ်အာဆတ်က မေ ၃၁ ရက်တွင် သတိပေးခဲ့သည်။ ဆီးရီးယားတွင် ကျန်ရှိသည့် တစ်ခုတည်းသော ပြဿနာမှာ SDF ဖြစ်ကြောင်း IS ဂျီဟတ်များအား တိုက်ထုတ်ရာတွင် ဦးဆောင်ခဲ့သည့် ကာ့ဒ်များ ဦးဆောင်သော ဆီးရီးယားဒီမိုကရက်တစ်တပ်ဖွဲ့များကို ရည်ညွှန်း၍ အာဆတ်က Russia Today နှင့် အင်တာဗျူးတွင် ပြောကြားခဲ့သည်။

၎င်းတို့တွင် ရွေးချယ်စရာနှစ်ခုရှိကြောင်း၊ တစ်ခုမှာ ညှိနှိုင်းဆွေးနွေးရန်အတွက် လမ်းဖွင့်ထားကြောင်း၊ အဘယ်ကြောင့်ဆိုသော် ၎င်းတို့အနက် အများစုသည် ဆီးရီးယားများဖြစ်ကြပြီး ဆီးရီးယားနိုင်ငံအား နှစ်သက်လိမ့်မည်ဟု ယူဆကြောင်း၊ ၎င်းတို့သည်မည်သည့် ပြည်ပနိုင်ငံအတွက်မဆို ရုပ်သေးရုပ်များအဖြစ် အဖြစ်ခံလိုမည် မဟုတ်ကြောင်း မေ ၃၁ ရက်တွင် ထုတ်လွှင့်ခဲ့သည့် အင်တာဗျူး၌ အာဆတ်က အင်္ဂလိပ်ဘာသာဖြင့် ပြောကြားခဲ့သည်။

၎င်းတို့သည် ဆီးရီးယားများအဖြစ် အတူယှဉ်တွဲနေထိုင်ရန် နည်းလမ်းရှိကြောင်း၊ ယင်းသို့မဟုတ်ပါက ထိုဒေသများ လွတ်မြောက်စေရန်အတွက် အင်အားသုံး၍ ပြန်လည်တုံ့ပြန်သွားမည်ဖြစ်ကြောင်း ၎င်းက ပြောကြားခဲ့သည်။

ဆီးရီးယား အရှေ့မြောက်ပိုင်းရှိ ရေနံကြွယ်ဝသောဒေသမှ ကာ့ဒ်များသည် ၎င်းတို့၏နယ်မြေအတွက် ကိုယ်ပိုင်အုပ်ချုပ်ခွင့် တိုးမြှင့်ရရှိနိုင်ရန် ကာလရှည်ကြာ တွန်းအားပေးလာခဲ့ကြသော်လည်း ဆီးရီးယားအစိုးရက တစ်နိုင်ငံလုံးတွင် ၎င်းတို့၏သြဇာအာဏာကို ပြန်လည်ပြသရန် ဆန္ဒရှိကြောင်း အခိုင်အမာ ထုတ်ပြန်ခဲ့သည်။ ကာ့ဒ်များ၏ ကိုယ်ပိုင်အုပ်ချုပ်ခွင့်ရအစိုးရဟု ကိုယ့်ကိုယ်ကိုယ် ဖွဲ့စည်းထားသော ပြည်သူ့စစ်များလွှမ်းမိုးထားသည့် SDF သည် IS ဂျီဟတ်အဖွဲ့အား တိုက်ခိုက်ရာတွင် အမေရိကန်ဦးဆောင်သော ညွန့်ပေါင်း၏ လေကြောင်းထောက်ပံ့မှု ရရှိထားပြီး မြေပြင်တွင်လည်း အမေရိကန်နှင့် ပြင်သစ်အထူးတပ်ဖွဲ့ဝင်များ၏ အကူအညီများကို ရရှိခဲ့သည်။

“ဒါ ကျွန်တော်တို့နယ်မြေပါ။ အဲဒီ နယ်မြေတွေ လွတ်လပ်စေဖို့ ကျွန်တော်တို့ရဲ့ လုပ်ပိုင်ခွင့်နဲ့ ၀တ္တရားရှိပါတယ်” ဟု အာဆတ်က ပြောကြားခဲ့သည်။ “အမေရိကန်တွေ ထွက်သွားသင့်တယ်။ ဘယ်နည်းနဲ့ဖြစ်ဖြစ် သူတို့တွေ ထွက်သွားရမှာပါ” ဟု ၎င်းက ပြောကြားခဲ့သည်။

ဆီးရီးယားအရှေ့ပိုင်းတွင် SDF နှင့် ရုရှားကျောထောက်နောက်ခံပြု ဆီးရီးယားတပ်ဖွဲ့ဝင်များက IS နှိမ်နင်းသည့် စစ်ဆင်ရေးများကို သီးခြား ဆင်နွှဲခဲ့ကြသည်။ ဆီးရီးယားတွင် အမေရိကန်နှင့် ရုရှားတပ်ဖွဲ့ဝင်များအကြား ထိပ်တိုက်တွေ့ပြီး ပဋိပက္ခဖြစ်ပွားရန် နီးစပ်ခဲ့ကြောင်း၊ သို့သော် ထိုအခြေအနေကို ရှောင်လွှဲနိုင်ခဲ့ကြောင်း အာဆတ်က ပြောကြားခဲ့သည်။ ထို့ပြင် ဆီးရီးယား၌ အီရန်၏ အမြဲတမ်းတပ်ဖွဲ့ဝင်များ မရှိကြောင်း အာဆတ်က ငြင်းဆန်ခဲ့ပြီး ဆီးရီးယားစစ်မြေပြင်တွင် အီရန်၏စစ်ဘက် အကြံပေးများသာရှိကြောင်း ၀န်ခံပြောကြားခဲ့သည်။

Ref: AFP

အီရတ်အာဏာရှင်ဟောင်း ဆက်ဒမ်ဟူစိန် ပြုတ်ကျပြီးနောက် ၁၅ နှစ်အကြာ၌ အီရတ်စစ်တပ် ရင်ဆိုင်နေရသော ပြဿနာ

ဧပြီ ၆ ရက်က အီရတ်မြို့တော် ဘဂ္ဂဒက်ရှိ တဟီရာရင်ပြင်ကို ရိုက်ကူးထားစဉ် (Photo: AFP)

အီရတ်တပ်များက IS ဂျီဟတ်များအား နှိမ်နင်းနေရစဉ် ဗိုလ်ချုပ်ဟောင်း အဗ္ဗဒယ်ကာရင်ခါလစ်သည် ရဲဘော်ရဲဘက်ဟောင်းအချို့ကို တိုက်ခိုက်နေရသည့် ၀မ်းနည်းဖွယ် အခြေအနေကို ကြုံနေရသည်။ ဥမင်များတူးမှုမှသည် အကာအကွယ်များ တည်ဆောက်မှုအထိ IS ဂျီဟတ်များက အသုံးချခဲ့သည့် နည်းဗျူဟာများသည် အာဏာရှင်ဆက်ဒမ်ဟူစိန် လက်ထက်က အီရတ်စစ်တပ်ဟောင်း၏ လက်စွဲစာစောင်မှ နည်းစနစ်များကို ခိုးချထားခြင်းဖြစ်သည်။

“သူတို့က စစ်တပ်ကနေ ကျွမ်းကျင်မှုတွေနဲ့ နည်းစနစ်တွေကို အမွေဆက်ခံရရှိခဲ့တယ်။ သူတို့က ကျွန်တော်တို့ကို သိထားတယ်” ဟု အငြိမ်းစားတပ်မှူးခါလစ်က ပြောကြားခဲ့သည်။

အမေရိကန်ဦးဆောင်သော တပ်များက ပြီးခဲ့သည့် ၁၅ နှစ်ခန့်က ၂၀၁၃ ခုနှစ်တွင် အီရတ်ကို ကျူးကျော်ဝင်ရောက်ပြီး ဆက်ဒမ်ကို ဖြုတ်ချခဲ့ချိန်၌ အီရတ်လူမှုပတ်ဝန်းကျင်အား အပိုင်းပိုင်းအစစ ခွဲထုတ်ခဲ့ပြီး အီရတ်လက်နက်ကိုင်တပ်ဖွဲ့အောက်၌ ထမ်းဆောင်နေသူများအကြား သစ္စာခံမှုကို ချိုးဖျက်ပစ်ခဲ့သည်။ ယင်းအချိန်က တိုက်ခိုက်သိမ်းပိုက်မှုဆိုင်ရာ အမေရိကန်အာဏာပိုင်အဖွဲ့ခေါင်းဆောင် ပေါဘရမ်မာက ပထမဆုံးချမှတ်ခဲ့သည့် ဆုံးဖြတ်ချက်မှာ နိုင်ငံတွင်းရှိ လုံခြုံရေးတပ်ဖွဲ့ အားလုံးကို ဖျက်သိမ်းရန်ဖြစ်သည်။

ဖျက်သိမ်းခဲ့သော အီရတ်စစ်တပ်၊ ရဲနှင့် ထောက်လှမ်းရေးအေဂျင်စီများမှ အဖွဲ့ဝင်အများအပြားက ၎င်းတို့အား ပြန်လည်တိုက်ခိုက်သည့် လှုပ်ရှားမှုများ၌ ပူးပေါင်းခဲ့ချိန်တွင် ထိုအငြင်းပွားဖွယ် ဆုံးဖြတ်ချက်က အမေရိကန်ဦးဆောင်သော တပ်များကို ပြန်လည်ခြောက်လှန့်နေမည်ဖြစ်သည်။

IS ထိပ်တန်းခေါင်းဆောင်များ

ဆက်ဒမ်လက်ထက် စစ်တပ်မှ ဆက်ခံရရှိသည့် ကျွမ်းကျင်မှုများသည် ပုန်ကန်တိုက်ခိုက်မှုများအတွက် အလွန်အမင်း အရေးပါခဲ့ကြောင်း အရှေ့အလယ်ပိုင်းရေးရာ အင်စတီကျုမှ အီရတ်ကျွမ်းကျင်ပညာရှင် ဖန်နာဟက်ဒတ်က ပြောကြားခဲ့သည်။ IS ဂျီဟတ်အဖွဲ့က ၂၀၁၄ ခုနှစ်တွင် အီရတ်တစ်ဝန်းနှင့် ဆီးရီးယားမြောက်ပိုင်းတို့ကို စီးနင်းတိုက်ခိုက်ချိန်၌ အီရတ်လုံခြုံရေး တပ်ဖွဲ့ဟောင်းများထံမှ ရရှိခဲ့သော ယင်းဗဟုသုတများက တွန်းလှန် တိုက်ခိုက်မှုများထံ ရောက်ရှိခဲ့ချိန်တွင် ကြီးစွာသော အပျက်အစီးများကို ဖြစ်စေခဲ့သည်။

IS အဖွဲ့၏ခေါင်းဆောင်များ ထဲတွင် နယ်မြေများအား တိုက်ခိုက်သိမ်းယူရန်နှင့် ကိုယ့်ကိုယ်ကိုယ် မွတ်စလင်ပိုင်နက်အဖြစ် ကြေညာထားသည့်ဒေသများကို အုပ်ချုပ်နိုင်ရန် လေ့ကျင့်ပေးခဲ့ကြသည့် ဆက်ဒမ်စစ်တပ်မှ ၀ါရင့်များ ပါဝင်သည်။ ၂၀၁၅ ခုနှစ် အောက်တိုဘာတွင် အီရတ်မြောက်ပိုင်းရှိ မိုဆူးမြို့အနီး လေကြောင်းတိုက်ခိုက်မှု၌ သေဆုံးခဲ့ရသည့် IS ခေါင်းဆောင် အဘူဘကာအယ်ဘဂ္ဂဒါဒီ၏ ဒုတိယတပ်မှူးဖြစ်သူသည် အီရတ်ရီပက် ဘလီကင်အစောင့်တပ်၏ အဖွဲ့ဝင်ဟောင်း ဖာဒယ်အာမက်အယ်ဟာ ယာလီဖြစ်ကြောင်း အမေရိကန်က ထုတ်ပြန်ခဲ့သည်။ ဘဂ္ဂဒါဒီ၏လက်ထောက်ဖြစ်သူ ဖာဒယ်အာမက်အယ် ဟာယာလီသည် အီရတ်နှင့် ဆီးရီးယားတို့အကြား လက်နက်များ၊ ဖောက်ခွဲရေးပစ္စည်းများ၊ ယာဉ်များနှင့် လူများကို ပေးပို့၊ လွှဲပြောင်းရာတွင် တာဝန်ရှိသည်။

နောက်ထပ်ဝါရင့်တစ်ဦးမှာ IS အဖွဲ့၏ အရေးပါဆုံး မဟာဗျူဟာချမှတ်သူဟု ဂျာမန်အပတ်စဉ် နိုင်ငံရေးမဂ္ဂဇင်း Der Spiegel က သတ်မှတ်သည့် ဆမီယာအက်မူဟာ မက်အယ်ခါလီဖာဝီဖြစ်သည်။ အမည်ပြောင်ဟာဂျီဘကာဟုလည်း ခေါ်သည့် လေတပ်ထောက်လှမ်းရေး တာဝန်ရှိသူဟောင်းသည် ဆီးရီးယား မြောက်ပိုင်းအား IS အဖွဲ့က ထိန်းချုပ်နိုင်ရန် အစီအစဉ်များအတွက် ကူညီပေးခဲ့ပြီး ၂၀၁၄ ခုနှစ်တွင် ဆီးရီးယားသူပုန်များ၏ လက်ချက်ဖြင့် သေဆုံးခဲ့သည်။

IS အဖွဲ့က ၎င်းတို့၏စစ်ရေးနှင့် လုံခြုံရေးဆိုင်ရာအဖွဲ့များအား ဆက်ဒမ်ခေတ် လူဟောင်းများနှင့် ဖြည့်ဆည်းနေချိန်တွင် အထက်ပါ ၀ါရင့်များသည် သီးခြားကင်းလွတ်မနေခဲ့ကြောင်း ဂျီဟတ်များ၏ လှုပ်ရှားမှုများဆိုင်ရာ ကျွမ်းကျင်ပညာရှင်တစ်ဦးဖြစ်သူ ဟီရှမ်အယ်ဟာ ရှီမီက သုံးသပ်ခဲ့သည်။

၎င်းတို့၏လှုပ်ရှားမှုများအား ကြိုတင်မျှော်မှန်းမှု

အီရတ်အစိုးရက IS အဖွဲ့အား နှိမ်နင်းသည့် အလွန်ခက်ခဲသော စစ်ဆင်ရေးကို ဆင်နွှဲခဲ့ချိန်တွင် ယခင်အစိုးရမှ တာဝန်ရှိသူများကိုသာ အလွန်အမင်း အားထားခဲ့ရသည်။ အီရတ်၏ အကြမ်းဖက်မှုတိုက်ဖျက်ရေး အထူးတပ်ဖွဲ့များ၏ခေါင်းဆောင်များ အပါအ၀င် အဓိကတပ်မှူးများသည် ၂၀၀၃ ခုနှစ်က အမေရိကန်၏ ကျူးကျော်မှုအပြီး ဖွဲ့စည်းခဲ့သော အဖွဲ့များ၌ ပြန်လည်ထည့်သွင်းခံခဲ့ရသည့် စစ်သားဟောင်းများ ဖြစ်သည်။

အမေရိကန်ဦးဆောင်သော နိုင်ငံတကာညွန့်ပေါင်း၏ လေကြောင်း ထောက်ကူပေးမှုဖြင့် အီရတ်တပ်များသည် ဆယ်စုနှစ်များအတွင်း ကမ္ဘာ့အပြင်းထန်ဆုံး မြို့ပြစစ်ပွဲအချို့ကို တိုက်ခိုက်အပြီးတွင် ဂျီဟတ်များအား ပြန်လည်တိုက်ထုတ်နိုင်ခဲ့သည်။ ဘက်နှစ်ဖက်အကြား အခြေခံတူညီမှုများက ဘဂ္ဂဒက်အတွက် အဓိကအားသာချက်ဖြစ်ခဲ့ပြီး ပြီးခဲ့သောနှစ်ကုန်ပိုင်းတွင် IS အဖွဲ့ကို အနိုင်ရခဲ့ပြီဟု ကြေညာနိုင်ခဲ့သည်။ “ဆက်ဒမ်ဟူစိန်ရဲ့ အထူးတပ်ဖွဲ့တွေရဲ့ နည်းစနစ်တွေကို IS တွေက သုံးထားတာကိုသိပြီး ကြိုတင်ပြင်ဆင်ထားနိုင်လို့ အီရတ်စစ်တပ်က အနိုင်ရခဲ့တာပါ” ဟု ဟာရှီမီက ပြောကြားခဲ့သည်။

လုံခြုံရေးတပ်ဖွဲ့များ ပြန်လည် ရှင်သန်မှာလား

IS အဖွဲ့အား နှိမ်နင်းခဲ့မှုသည် ၂၀၁၄ ခုနှစ်တွင် ဂျီဟတ်များက ပထမဆုံးအကြိမ် ထိုးစစ်ဆင်ခဲ့သည့် အချိန်၌ ကစဥ့်ကလျားဖြစ်ခဲ့သော အီရတ်တပ်ဖွဲ့ဝင်များအတွက် အလှည့်အပြောင်းတစ်ခုအဖြစ် ရှုမြင်ခံခဲ့ရသည်။ ရက်စက်ကြမ်းကြုတ်သော ထိုတိုက်ခိုက်မှုများသည် ဆက်ဒမ်ဖြုတ်ချခံခဲ့ရပြီးနောက် ၁၅ နှစ် အကြာတွင် စွမ်းဆောင်ရည်များ ထက်မြက်စေရန်အတွက် နောက်ဆုံး စမ်းသပ်ခံနေရာဖြစ်လာသည်။

“အီရတ်တပ်တွေက တိုက်ပွဲရဲ့ သဘောသဘာဝနဲ့ နယ်မြေအနေအထားကို ကောင်းကောင်းသိထားတယ်။ ရန်သူတွေက ဘယ်လိုတိုက်ခိုက်တာကို ကျွန်တော်တို့က နားလည်ထားတယ်။ အဲဒါတွေ အကုန်လုံးက စစ်တပ်ကနေ ဆည်းပူးထားတဲ့ အလိုအလျောက် တုံ့ပြန်မှုကနေလာတယ်” ဟု ဗိုလ်ချုပ်ဟောင်းခါလစ်က ပြောကြားခဲ့သည်။

Ref: AFP

ကမ္ဘာတစ်ဝန်းမှ မွတ်စလင်များ အာဖဂန်သို့ လာရောက်အခြေချရန် IS အဖွဲ့ ဖိတ်ခေါ်

မတ် ၇ ရက်က ဂျလာလာဘတ်တွင် အသေခံတိုက်ခိုက်မှုဖြစ်ပွားသည့်နေရာအား အာဖဂန်လုံခြုံရေးတပ်ဖွဲ့များက စစ်ဆေးနေစဉ် (Photo: AFP)

ကမ္ဘာတစ်ဝန်းရှိ မွတ်စလင်များသည် ဆီးရီးယား သို့မဟုတ် အီရတ်တို့သို့ သွားရောက်၍ မရနိုင်ဖြစ်နေချိန်တွင် စစ်ဒဏ်ကြုံနေရသော အာဖဂန်နစ္စတန်သို့ လာရောက် အခြေချကြရန် အာဖဂန်ရှိ IS အဖွဲ့က ဖိတ်ခေါ်ခဲ့သည်။ ၎င်း၏ခြေကုပ်ကို ချဲ့ထွင်ရန် ကြိုးပမ်းနေသည့် Islamic State – Khorasan Province (IS-K) အဖွဲ့က မတ် ၄ ရက်တွင် ထုတ်လွှင့်ခဲ့သည့် ၂၅ မိနစ်ကြာမြင့်သော ၀ါဒဖြန့်ဗီဒီယို၌ အာဖဂန်၏မြောက်ပိုင်းနှင့် အရှေ့ပိုင်းသည် ရွှေ့ပြောင်းအခြေချများအတွက် ရွေးချယ်စရာတစ်ခုအဖြစ် IS အဖွဲ့ က ကြော်ငြာထားကြောင်း SITE ထောက်လှမ်းရေးအဖွဲ့က မတ် ၆ ရက်တွင်ထုတ်ပြန်ခဲ့သည်။

ကမ္ဘာတစ်ဝန်းရှိ မွတ်စလင်များသည် အီရတ်နှင့် ရှမ် (ဆီးရီးယား) တို့သို့ ပြောင်းရွှေ့အခြေချရန် အဆင်မပြေပါက ခိုရာဆန်သို့ လာရောက်အခြေချရန် ဖိတ်ခေါ်ကြောင်း ယင်းဗီဒီယို၌ တိုက်ခိုက်ရေးသမားတစ်ဦးက ပြောကြားခဲ့သည်။ ခိုရာဆန်ဟူသော အမည်သည် ခေတ်သစ် အာဖဂန်၊ ပါကစ္စတန်နှင့် အိမ်နီးချင်းနိုင်ငံများ၏ အစိတ်အပိုင်းများပါဝင်သော သမိုင်းဝင်ဒေသတစ်ခုကို ရည်ညွှန်းခြင်းဖြစ်သည်။

ဆီးရီးယားနှင့် အီရတ်တို့ရှိ စစ်မြေပြင်များမှ ထွက်ပြေးလာသော IS တိုက်ခိုက်ရေးသမားများသည် ၎င်းတို့၏ အဖွဲ့ဝင်အရေအတွက် နည်းပါးစွာရှိသော်လည်း ခိုင်ခိုင်မာမာ ရပ်တည်နိုင်သော အဖွဲ့ရှိသည့် အာဖဂန်သို့ သွားရောက်ရန် ကြိုးပမ်းနေမှုအတွက် စိုးရိမ် မှုများထွက်ပေါ်နေစဉ် ယင်းဗီဒီယိုထွက်ပေါ်လာခဲ့ခြင်းဖြစ်သည်။ ဆီးရီးယားမှ ရောက်ရှိလာသူအချို့ အပါအ၀င် ပြင်သစ်နှင့် အယ်ဂျီးရီးယား တိုက်ခိုက်ရေးသမားများသည် အာဖဂန်မြောက်ပိုင်း Jowzjan  ပြည်နယ်ရှိ IS များနှင့် ပူးပေါင်းခဲ့ကြကြောင်း အေအက်ဖ် ပီ၏မကြာသေးမီက သတင်းများတွင် ဖော်ပြခဲ့သည်။

အာရပ်ဘာသာစကားဖြင့် ထုတ်လွှင့်ခဲ့ခြင်းဖြစ်သော ယင်းဗီဒီယို၌ တိုက်ခိုက်ရေးသမားအချို့က ပက်ရ်ှတို၊ ပါရှန်နှင့် ဥဇဘက်ဘာသာစကားများဖြင့်လည်း ပြောဆိုခဲ့ကြသည်။ အာဖဂန်ရှိ IS အဖွဲ့အား ချေမှုန်းပစ်မည်ဟု ကြွေးကြော်ထားသည့် အမေရိကန် သမ္မတဒေါ်နယ်ထရန့်ကို ထိုဗီဒီယိုအဖွင့်တွင် လှောင်ပြောင်ထားပြီး အကျဉ်းသားများအား ကွပ်မျက်မှုနှင့် ကလေးစစ်သားများအား လေ့ကျင့်ပေးမှုတို့ကိုလည်း ပြသခဲ့သည်။

IS-K အဖွဲ့သည် ဆီးရီးယားမှ အာဖဂန်သို့ ပြည်ပတိုက်ခိုက်ရေးသမားများ ရွှေ့ပြောင်းနေကြောင်း ကောလာဟလများကို လက်တွေ့ အခြေအနေသို့ ပြောင်းလဲရန် ကြိုးပမ်းနေခဲ့ကြောင်း International Crisis Group မှ ထိပ်တန်းသုတေသီ ဘော်ဟန်အော်စမန်က ပြောကြားခဲ့သည်။

သို့သော် တိုက်ခိုက်ရေးသမားများအား အာဖဂန်ကဲ့သို့ ဝေးလံလှသည့် နိုင်ငံသို့ လာရောက်ရန်အတွက် ဆွဲဆောင်နိုင်ရန်မှာမူ ယင်းအဖွဲ့က ခက်ခက်ခဲခဲကြိုးပမ်းရမည် ဖြစ်ကြောင်း ဗြိတိန်အခြေစိုက် Royal United Services Institute for Defense and Security Studies မှ ထိပ်တန်း သုတေသနအဖွဲ့ဝင် အမ်မလီဝင်းတာဘိုတမ်က ပြောကြားခဲ့သည်။ နေတိုးတပ်ဖွဲ့များကို အာဖဂန်မှ ရုပ်သိမ်းသွားခဲ့ပြီး လုံခြုံရေးတာဝန်များကို အာဖဂန်တပ်များထံ လွှဲပေးခဲ့သည့် ၂၀၁၄ ခုနှစ် တွင် IS အဖွဲ့က အာဖဂန်၌ ပထမဆုံး စတင် ထွက်ပေါ်လာခဲ့ခြင်းဖြစ်သည်။