AI အဖွဲ့သည် မြန်မာနိုင်ငံ၏အရေးကို ICC သို့တင်ရန် ကြိုးစားနေသည့်အတွက် သတိပြုရမည်ဖြစ်ပြီး နောက်တစ်ကြိမ် အကြမ်းဖက် တိုက်ခိုက်ရန် အာဆာအဖွဲ့ လူစုနေဟု သေနင်္ဂမဟာဗျူဟာ လေ့လာရေးအဖွဲ့ ပြောကြား

အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ (AI) သည် မြန်မာနိုင်ငံ၏ အရေးကို အပြည်ပြည်ဆိုင်ရာ ရာဇ၀တ်မှုခုံရုံး (ICC) သို့တင်ရန် ကြိုးစားနေသည့် အဖွဲ့အစည်းတစ်ခု ဖြစ်သည့်အတွက် သတိပြုရမည်ဖြစ်ပြီး အာဆာအကြမ်းဖက် အဖွဲ့ကလည်း ရခိုင်ပြည်နယ်တွင် နောက်တစ်ကြိမ် အကြမ်းဖက် တိုက်ခိုက်မှုများ ပြုလုပ်ရန် လူစုနေသည်ဟု သေနင်္ဂမဟာဗျူဟာ လေ့လာရေးအဖွဲ့၏ တည်ထောင်သူနှင့် အမှုဆောင်ဒါရိုက်တာ ဒေါက်တာနိုင်ဆွေဦးက ပြောကြားသည်။

သေနင်္ဂမဟာဗျူဟာ လေ့လာရေးအဖွဲ့က စီစဉ်သော “ရခိုင်ပြည်နယ်အရေး နိုင်ငံတကာ စံနှုန်းများနှင့် အမျိုးသား လုံခြုံရေးအမြင် ဆွေးနွေးပွဲ” ကို ဇွန် ၉ ရက်၌ ရန်ကုန်မြို့ မရမ်းကုန်းမြို့နယ် ရှစ်မိုင်လမ်းဆုံရှိ Hotel Yangon တွင် ပြုလုပ်ခဲ့ပြီး အဆိုပါ ဆွေးနွေးပွဲနှင့်ပတ်သက်၍ ရှင်းလင်းပြောကြားရာတွင် ဒေါက်တာနိုင်ဆွေးဦးက ထိုသို့ထည့်သွင်း ပြောကြားခဲ့ခြင်းဖြစ်သည်။

“နောက်တစ်ခုကတော့ AI အဖွဲ့ရဲ့ အစီရင်ခံစာပဲ ဖြစ်ပါတယ်။ သာမန်အားဖြင့် ကျွန်တော်တို့ ဒီအစီရင်ခံစာကို ကြိုဆိုရမှာ ဖြစ်ပါတယ်။ တပ်မတော်အနေနဲ့လည်း ဒါကို ကြိုဆိုတယ် ဆိုပြီးတော့ ထုတ်ပြန်ခဲ့တာ ရှိပါတယ်။ ဒါပေမဲ့ ဒီ AI အဖွဲ့ဟာ ကျွန်တော်တို့ တခြားမိတ်ဖက် အဖွဲ့တွေနဲ့ ပေါင်းပြီးတော့ မြန်မာနိုင်ငံရဲ့အရေးကို ICC ကိုတင်ဖို့ ကြိုးစားနေတဲ့ အဖွဲ့ဆိုတာ ကျွန်တော်တို့အနေနဲ့ သတိပြုမိဖို့ လိုအပ်ပါတယ်” ဟု ၎င်းကဆိုသည်။

တပ်မတော်က ဘင်္ဂါလီရွာများကို မီးရှို့ခဲ့သည်ဆိုသော ဂြိုဟ်တုဓာတ်ပုံများ၊ ဘင်္ဂါလီများ၏ မြေနေရာများပေါ်တွင် တပ်မတော်က တပ်စခန်းများ အခိုင်အမာ ဆောက်နေသည်ဆိုသော သတင်းဓာတ်ပုံ အစီရင်ခံစာများကို AI အဖွဲ့က ထုတ်ပြန်ခဲ့ခြင်းဖြစ်သည်ဟု ဒေါက်တာနိုင်ဆွေဦးက ပြောကြားသည်။

“ဘင်္ဂါလီတွေ အတင်းအကျပ် ရွှေ့ပြောင်းခံရခြင်း ခေါင်းစဉ်နဲ့ ဘင်္ဂလားဒေ့ရ်ှနိုင်ငံက ICC လမ်းကြောင်းပေါ်ကို တင်ဖို့ကြိုးစားနေတဲ့ ဒီအချိန်မှာ အာဆာအဖွဲ့က ဟိန္ဒူတွေကို သတ်တယ်ဆိုတဲ့ အစီရင်ခံစာ ထုတ်ပြန်ခဲ့ခြင်းဟာလည်း သံသယဖြစ်ဖွယ် ရှိပါတယ်။ ဘာဖြစ်လို့လဲဆိုတော့ AI အဖွဲ့အနေနဲ့ ဒီဖြစ်စဉ်ကို ယခင်ကတည်းက သိရှိပြီး ဖြစ်ပါတယ်။ အခုအချိန်မှ အချိန်ကိုက် ထုတ်ပြန်ခဲ့ခြင်း ဖြစ်တဲ့အတွက် ဒါသံသယ ဖြစ်စရာပါ” ဟု ၎င်းကရှင်းလင်း ပြောပြသည်။

ယခင်က ဖြစ်ပွားခဲ့သည့် အာဆာအဖွဲ့၏ အကြမ်းဖက်တိုက်ခိုက်မှု ဖြစ်စဉ်များတွင် အာဆာအဖွဲ့အနေဖြင့် အကြမ်းဖက် တိုက်ခိုက်မှုများ မပြုလုပ်မီ လူအင်အား ကြိုတင်စုဆောင်းမှုများ ပြုလုပ်လေ့ရှိပြီး ထိုသို့ လူအင်အား ကြိုတင်စုဆောင်းရာတွင် မော်လ၀ီဆရာများကို အသုံးချခဲ့ကာ ယခုအခါတွင်လည်း အာဆာအဖွဲ့အနေဖြင့် ကော့ဘဇားရှိ ဒုက္ခသည်စခန်း ၁၂ ခုသို့ စိမ့်ဝင်ကာ အဝေးရောက် အာဆာအဖွဲ့ ဖွဲ့စည်းရန် ကြံစည်နေသည်ဟု ဒေါက်တာနိုင်ဆွေဦးက ပြောကြားသည်။

“အခုလည်း သူတို့က အဝေးရောက် အာဆာကို ဖွဲ့စည်းမယ်ဆိုပြီး အဖွဲ့တစ်ဖွဲ့ကို လူငါးယောက်နှုန်း ပါဝင်ပြီးတော့မှ ဒုက္ခသည်စခန်း ၁၂ ခုမှာ နေထိုင်တဲ့ ရွာပေါင်းလေးဆယ်ကနေပြီးမှ တစ်ရွာကို လူအင်အား တစ်ရာကနေ နှစ်ရာအထိ စည်းရုံးလုပ်ဆောင်ထားပြီး ဖြစ်တယ်လို့ ကျွန်တော်တို့အနေနဲ့ သိရပါတယ်။ လက်ရှိမှာတော့ အကြမ်းဖက် တိုက်ခိုက်မှုတွေ ပြန်လည်လုပ်ဆောင်ဖို့အတွက် အချိန်စောင့်ဆိုင်းနေတယ်လို့ပဲ သုံးသပ်မိပါတယ်” ဟု ၎င်းကဆက်လက် ပြောကြားသည်။

မြန်မာနိုင်ငံအနေဖြင့် ကမ္ဘာ့အင်အားကြီးနိုင်ငံ တစ်နိုင်ငံနှင့် လူဦးရေ ပေါက်ဖွားမှုနှုန်း မြင့်မားသည့် နိုင်ငံတစ်ခု၏ အကြားတွင် ဖြစ်တည်နေပြီး တရုတ်နိုင်ငံ၏ Belt and Road အစီအစဉ် အောင်မြင်ပါက ရခိုင်ဒေသသည် အရေးပါသည့် ဒေသတစ်ခု ဖြစ်လာမည် ဖြစ်သည့်အတွက် ရခိုင်ပြည်နယ်၏ ဖြစ်စဉ်များကို ရှုမြင်ရာတွင် မဟာဗျူဟာ အမြင်များဖြင့် ရှုမြင်ကြရန် လိုအပ်ကြောင်း ဒေါက်တာနိုင်ဆွေဦးက ပြောကြားသည်။

ဘင်္ဂါလီအရေးနှင့်ပက်သက်၍ မြန်မာအစိုးရကို ICC သို့တင်ရန် ဗြိတိသျှလွှတ်တော်အမတ်များ ကြိုးပမ်း

ဘင်္ဂလားဒေ့ရ်ှနိုင်ငံရှိ ဘင်္ဂါလီဒုက္ခသည်စခန်း တစ်ခုကို ဧပြီလ အတွင်းက တွေ့ရစဉ် (Photo – AFP)

အစိုးရကသဘောတူသော ဘင်္ဂါလီများကို လူမျိုးသုဉ်းသတ်ဖြတ်မှု၊ လူ့အခွင့်အရေး ချိုးဖောက်မှုတို့နှင့်သက်ဆိုင်သော သက်သေအထောက်အထားနှင့် ပက်သက်၍ မြန်မာအစိုးရကို အပြည်ပြည်ဆိုင်ရာ ရာဇ၀တ်မှုခုံရုံး (ICC) သို့ လွှဲပြောင်းပေးရန် ကြိုပမ်းမှုများကို ဗြိတိန်က ထောက်ခံသွားမည်ဖြစ်ကြောင်း ဗြိတိသျှလွှတ်တော် နိုင်ငံတကာဖွံ့ဖြ်ိုးရေးကော်မတီက လွှတ်တော်အမတ်များက ထုတ်ဖော်ပြောကြားခဲ့ကြသည်။

မြန်မာနိုင်ငံသို့ ပေးအပ်သည့် ဗြိတိန်အထောက်အပံ့ကို အပြည့်အ၀ပြန်လည်သုံးသပ်သွားရန်လည်း ၄င်းတို့က တောင်းဆိုခဲ့ကြသည်။ ဗြိတိန်သည် ၂၀၁၈ ခုနှစ်တွင် မြန်မာနိုင်ငံသို့ ပေါင်သန်း ၁၀၀ ထောက်ပံ့ကူညီခဲ့ပြီး ထိုပမာဏမှာ ဒီမိုကရေစီသို့ အသွင်ကူးပြောင်းနေပုံရသောကြောင့် ထိုအချိန်တုန်းက ပေးအပ်ရန် သဘောတူခဲ့သော ပမာဏဖြစ်သည်ဟုဆိုသည်။

ယင်းသို့အသွင်ကူးပြောင်းမှုကိုလည်း မတွေ့ ရသကဲ့သို့ စစ်မှန်သည့် ငြိမ်းချမ်းရေးလုပ်ငန်းစဉ် မှန်သမျှကိုလည်း မတွေ့ရကြောင်း ကော်မတီက ကောက်ချက်ချကာ မြန်မာအာဏာပိုင်တို့က နောက်ဆုံးအချိန်ရောက်မှ ဗီဇာငြင်းပယ်လိုက်သောကြောင့် ဗြိတိန်အထောက်အပံ့ စီမံကိန်းများကို လာရောက်ကြည့်ရှုကြရန် မြန်မာနိုင်ငံသို့ လာရောက်လည်ပတ်ခွင့်လည်း တားမြစ်ခံခဲ့ရသည်ဟု လွှတ်တော်ဖွံ့ ဖြိုးရေးကော်မတီက ဖြည့်စွက်ပြောကြားခဲ့သည်။

လုံခြုံရေးကောင်စီတွင် ဗီတိုအာဏာရှိသောအဖွဲ့ဝင် တရုတ်နိုင်ငံက အတိုက်အခံလုပ်ခဲ့သောကြောင့် ကုလသမဂ္ဂတွင် မြန်မာနိုင်ငံကို စုပေါင်းအရေးယူရေးမည့် စိတ်ကူးသည် ရပ်တန့်နေခဲ့ရသည်။

လုံခြုံရေးကောင်စီက မြန်မာနိုင်ငံကို ICC သို့ လွှဲပြောင်းပေးရေးနှင့် ထိပ်တန်းပုဂ္ဂိုလ်အားလုံးကို ပစ်မှတ်ထားသည့် ဘဏ္ဍာရေးပိတ်ဆို့မှုကို ပြုလုပ်နိုင်ရန် ဗြိတိန်နှင့် မဟာမိတ်နိုင်ငံများက ထောက်ခံမှုနည်းလမ်းကို ရှာဖွေနေကြောင်း ကော်မတီက ပြောကြားသည်။ မြန်မာနိုင်ငံသည် ICC တွင် ပါဝင်ရန် လက်မှတ်ရေးထိုးထားသော နိုင်ငံမဟုတ်ပေ။

ဘင်္ဂါလီများ ဘင်္ဂလားဒေ့ရ်ှနိုင်ငံသို့ ရောက်ရှိလာပုံကို ၄င်းအနေဖြင့် စုံစမ်းစစ်ဆေး၍ ရနိုင်၊ မရနိုင်ဆိုသည့် စီရင်ထုံးတစ်ရပ်ကို ရှာဖွေမည့် ICC ၏တရားစွဲဆိုရေးဆိုင်ရာ အကြီးအကဲ ဖာတူးဘင်ဆူးဒါး၏ လုပ်ဆောင်မှုကိုလည်း ကော်မတီက ကြိုဆိုသည်။

လွန်ခဲ့သောလက လုံခြုံရေးကောင်စီမှ သံတမန်များ မြန်မာနိုင်ငံကို လာရောက်လည်ပတ်ခဲ့ပြီးနောက် ဘင်္ဂါလီဒုက္ခသည်များ ဘေးကင်းစွာပြန်လာနိုင်ရေးကို ၄င်းတို့က တောင်းဆိုခဲ့သည်သာမက မြန်မာ့အချုပ်အခြာအာဏာကိုလည်း အသိအမှတ်ပြုကြောင်း ပြောဆိုခဲ့ကြသည်။ ၂၀၁၇ ခုနှစ် သြဂုတ်လတွင် ပဋိပက္ခဖြစ်ပွားခဲ့ပြီးနောက် ဘင်္ဂါလီ ၆၈၀၀၀၀ ကျော်သည် ရခိုင်ပြည်နယ်မှ ဘင်္ဂလားဒေ့ရ်ှနိုင်ငံသို့ ထွက်ပြေးခဲ့ကြသည်။

အပြည်ပြည်ဆိုင်ရာ ရာဇ၀တ်ခုံရုံး (ICC) က မြန်မာနိုင်ငံမှ ဘင်္ဂါလီမွတ်စလင်အရေးနှင့် ပတ်သက်၍ စုံစမ်းစစ်ဆေးမှုတစ်ရပ် စတင်ရန် ခွင့်ပြုမပြုကိစ္စဆုံးဖြတ်ရန် လာမည့်လတွင် တံခါးပိတ်ဆွေးနွေးပွဲ ပြုလုပ်မည်

မြန်မာနိုင်ငံမှနေ၍ ဘင်္ဂါလီမွတ်စလင် အစုလိုက်အပြုံလိုက်အား အတင်းအကျပ် မောင်းထုတ်ခဲ့သည်ဟူသော ကိစ္စအား စုံစမ်းစစ်ဆေးမှုတစ်ရပ်စတင်ရန် ခွင့်ပြုမပြုကိစ္စကို ဆုံးဖြတ်ရန် အပြည်ပြည်ဆိုင်ရာ ရာဇ၀တ်ခုံရုံး (ICC) က လာမည့်လတွင် တံခါးပိတ်ဆွေးနွေးပွဲ ပြုလုပ်မည်ဖြစ်ကြောင်း သိရသည်။

တစ်ဦးတည်းသော တရားစွဲဆိုရေး အကြီးအကဲ ဖာတူးဘင်ဆူဒါသည် ဇွန် ၂၀ ရက် ကြားနာမှုတွင် အပြည်ပြည်ဆိုင်ရာ ရာဇ၀တ်ခုံရုံး (ICC) ၌ တရားသူကြီး သုံးဦး၏ ရှေ့မှောက်၌ ထွက်ဆိုမည် ဖြစ်သည်။ အဆိုပါ တရားသူကြီးသုံးဦးထဲ၌ ဦးဆောင်သူဖြစ်သည့် ပီတာကိုဗက်က မေ ၁၁ ရက်တွင် အမိန့်ထုတ် ပြန်ထားရာ ယင်းအမိန့်စာကို အေအက်ဖ်ပီ သတင်းဌာနက မေ ၁၄ ရက်၌ တွေ့ရှိခဲ့ခြင်း ဖြစ်သည်။

လွန်ခဲ့သည့်လက မမျှော်လင့်သော ဆောင်ရွက်ချက်တစ်ရပ်အဖြစ် ဘင်ဆူဒါသည် လူသားဆန်မှုကို ချိုးဖောက်သည့် ရာဇ၀တ်မှုတစ်ရပ်အဖြစ် ဘင်္ဂါလီမွတ်စလင်များအား အတင်းအကျပ် မောင်းထုတ်ခဲ့ခြင်းကို စုံစမ်းစစ်ဆေးမှု ပြုလုပ်နိုင်ခြင်း ရှိ မရှိ ဆုံးဖြတ်ပေးရန် စစ်ပွဲဆိုင်ရာ ရာဇ၀တ်မှုများနှင့်ပတ်သက်၍ တစ်ခုတည်းသော ကမ္ဘာ့အမြဲတမ်းခုံရုံးဖြစ်သည့် ICC မှ တရားသူကြီးများအား မေးမြန်းခဲ့ခြင်း ဖြစ်သည်။

မြန်မာနိုင်ငံသည် ICC ၏ မဏ္ဍိုင်ဖြစ်သော Rome Statute ဟုခေါ်ဆိုသည့် သဘောတူညီချက်ကို လက်မှတ်ရေးထိုးထားသည့် နိုင်ငံမဟုတ်သကဲ့သို့ ICC အဖွဲ့ဝင် နိုင်ငံလည်း မဟုတ်သောကြောင့် ဘင်ဆူဒါ၏ တောင်းဆိုချက်မှာ ဥပဒေအရ ရှုပ်ထွေးမှုများရှိနေသည်။

သို့သော် ဘင်္ဂလားဒေ့ရ်ှနိုင်ငံသည် ICC အဖွဲ့ဝင်နိုင်ငံဖြစ်သောကြောင့် ဘင်ဆူဒါက ဘင်္ဂါလီမွတ်စလင်ကိစ္စအား ICC အနေဖြင့် စီရင်ဆုံးဖြတ်သင့်ကြောင်း အခိုင်အမာ ပြောကြားထားသည်။

ဘင်ဆူဒါက အတင်းအဓမ္မမောင်းထုတ်မှုကို နယ်ခြားဖြတ်ကျော်လျက် ကျူးလွန်ခြင်းသည် (နိုင်ငံတစ်နိုင်ငံအတွင်း ပစ်လိုက်သော)  ကျည်ဆန်သည် (အခြားနိုင်ငံ တစ်နိုင်ငံ၌ ရပ်နေသော) လူတစ်ဦးကို ထိမှန်ပြီး သေဆုံးစေခဲ့သည့်အခါ ပြစ်မှုသည် နိုင်ငံတစ်နိုင်ငံအတွင်း၌သာ ပြီးပြတ်မှုမရှိကြောင်း ဥပမာပေး ပြောကြားထားသည်။

“၂၀၁၈ ခုနှစ် ဇွန် ၂၀ ရက်မှာ ခုံရုံးအဖွဲ့က အစည်းအဝေးတစ်ရပ်ကို တံခါးပိတ်ကျင်းပမှာ ဖြစ်ပါတယ်။ တရားစွဲဆိုသူရဲ့ ရှေ့မှောက်မှာသာ ဖြစ်ပါတယ်” ဟု ကိုဗက်က အမိန့်ထုတ်ပြန်ခဲ့သည်။

ကိုဗက်က သူ၏ အမိန့်ကို လျှို့ဝှက်အဆင့် ပူးတွဲဖော်ပြချက်တစ်ရပ်ဖြင့် ထုတ်ပြန်ခဲ့ပြီး ယင်းပူးတွဲဖော်ပြချက်တွင် ဘင်ဆူဒါအနေဖြင့် ဇွန်လကြားနာမှု၌ ထွက်ဆိုရမည့် ကန့်သတ်ထားသော အကြောင်းအရာများ ပါဝင်သည်ဟု ဆိုသည်။

“ICC ပဋိညာဉ်က ဘယ်နေရာမှာမှ ICC ရဲ့ စီရင်ဆုံးဖြတ်မှုကို လက်မခံတဲ့ နိုင်ငံတွေအပေါ် ခုံရုံးက စီရင်ဆုံးဖြတ်လို့ရတယ်လို့ ရေးမထားပါဘူး” ဟု မြန်မာနိုင်ငံက ထုတ်ပြန်ချက်တစ်ရပ်၌ ပြောကြားထားသည်။

ဘင်ဆူဒါ၏ တောင်းဆိုချက်ကို စစ်ဆေးမည့် အထူးခုံရုံးသည် ယခုကိစ္စနှင့်ပတ်သက်၍ ရေးသားထားသည့် လေ့လာချက်များရှိပါက ဇွန် ၁၁ ရက်မတိုင်မီတင်သွင်းရန် ဘင်္ဂလားဒေ့ရ်ှနိုင်ငံကိုလည်း တောင်းဆိုထားသည်။

Ref ; AFP

ဘင်္ဂါလီတို့ကို ဖိနှိပ်မှုစွပ်စွဲချက်များနှင့်ပတ်သက်၍ မြန်မာနိုင်ငံက မှန်မှန်ကန်ကန်စုံစမ်းစစ်ဆေးပေးရမည်ဟု ကုလသမဂ္ဂလုံခြုံရေးကောင်စီကိုယ်စားလှယ်အဖွဲ့ ပြောကြား

မေ ၁ ရက်တွင် နေပြည်တော်၌ ပြုလုပ်သော ကုလသမဂ္ဂ လုံခြုံရေးကောင်စီ ကိုယ်စားလှယ်အဖွဲ့၏ သတင်းစာ ရှင်းလင်းပွဲကို တွေ့ရစဉ် (ဓာတ်ပုံ-စိုးမင်းထိုက်)

ဘင်္ဂါလီတို့ကို ဖိနှိပ်မှုစွပ်စွဲချက်များနှင့် ပတ်သက်၍ မြန်မာနိုင်ငံက မှန်မှန်ကန်ကန် စုံစမ်းစစ်ဆေးပေးရမည်ဟု ကုလသမဂ္ဂလုံခြုံရေးကောင်စီ ကိုယ်စားလှယ်အဖွဲ့က မေ ၁ ရက်တွင် နေပြည်တော်၌ပြုလုပ်သော သတင်းစာ ရှင်းလင်းပွဲတွင် ပြောကြားခဲ့သည်။

ရခိုင်ပြည်နယ်တွင် နယ်မြေရှင်းလင်းမှု စစ်ဆေးရေးများအတွင်း မြန်မာ့တပ်မတော်သည် ဘင်္ဂါလီတို့ကို ပစ်မှတ်ထားသော စနစ်တကျ မုဒိမ်းကျင့်မှုများ၊ လူသတ်မှုများ၊ ရွာမီးရှို့မှုများ ဆောင်ရွက်ခဲ့သည်ဟု ဒုက္ခသည်များ နှင့် လူ့အခွင့်အရေးအဖွဲ့များက ပြောကြားထားသည်။

ယမန်နှစ် သြဂုတ်က ဖြစ်ပွားခဲ့သော ယင်းပဋိပက္ခကြောင့် ဘင်္ဂါလီအမြောက်အမြားသည် ဘင်္ဂလားဒေ့ရ်ှသို့ အစုအပြုံလိုက် ထွက်ပြေးခဲ့ကြသည်။

မြန်မာနိုင်ငံသို့ နှစ်ရက်ကြာခရီးစဉ်တွင် ကုလသမဂ္ဂကိုယ်စားလှယ်များသည် ရခိုင် ပြည်နယ်သို့ သွားရောက်ခဲ့သည်။ ထို့ပြင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နှင့်လည်း တွေ့ဆုံခဲ့သည်။

“တာဝန်ခံမှုရှိဖို့ဆိုရင် မှန်မှန်ကန်ကန် စုံစမ်းစစ်ဆေးမှုရှိရပါမယ်” ဟု ဗြိတိန်၏ ကုလသမဂ္ဂဆိုင်ရာသံအမတ်ကြီး ကာရင်ပီယာ့စ်က သတင်းထောက်များကို ပြောကြားခဲ့သည်။

အပြည့်အ၀ စုံစမ်းစစ်ဆေးမှု ဆောင်ရွက်နိုင်ရန် နည်းလမ်းနှစ်ခုရှိကြောင်း၊ တစ်ခုသည် အပြည်ပြည်ဆိုင်ရာ ရာဇ၀တ်မှုခုံရုံးသို့ လွှဲပြောင်းပေးမှုဖြစ်ပြီး အခြားနည်းလမ်းတစ်ခုမှာ မြန်မာအစိုးရက ကိုယ်တိုင် ပြည့်ပြည့်စုံစုံ ကျယ်ကျယ်ပြန့်ပြန့်ဆောင်ရွက်ပေးရန်ဖြစ်ကြောင်း ပီယာ့စ်က ပြောကြားခဲ့သည်။

မြန်မာနိုင်ငံသည် အပြည်ပြည်ဆိုင်ရာ ရာဇ၀တ်မှုခုံရုံး (ICC) ၏ အဖွဲ့ဝင် မဟုတ်ပေ။ ICC ၏ ရှေ့နေချုပ်က ခုံရုံး၏ တရားစီရင်ရေးကို မြန်မာနိုင်ငံအတွက် ချဲ့ထွင်နိုင်ခြင်း ရှိ မရှိ စဉ်းစားရန် ICC တရားသူကြီးများအား ပြီးခဲ့သည့်လတွင် တောင်းဆိုခဲ့သည်။

မှန်မှန်ကန်ကန်စုံစမ်းစစ်ဆေးပေးမည်ဟု ဒေါ်အောင်ဆန်းစုကြည်က ကတိပေးခဲ့ကြောင်း ပီယာ့စ်က ပြောကြားခဲ့သည်။

“ပြည်တွင်းကပဲဖြစ်ဖြစ်၊ အပြည်ပြည်ဆိုင်ရာကပဲဖြစ်ဖြစ် ဘယ်လိုစုံစမ်းစစ်ဆေးမှုဖြစ်ဖြစ် ယုံကြည်စိတ်ချရမှုရှိဖို့ပဲ အရေးကြီးပါတယ်”ဟု ပီယာ့စ်က ထပ်မံပြောကြားခဲ့သည်။

ဘင်္ဂါလီအရေးနှင့်ပတ်သက်၍ စုံစမ်းစစ်ဆေးမှုစတင်ရန် အပြည်ပြည်ဆိုင်ရာ ရာဇ၀တ်ခုံရုံး (ICC) က ကြိုးပမ်း

Photo:AFP

အပြည်ပြည်ဆိုင်ရာ ရာဇ၀တ်ခုံရုံး (ICC) ၏ တရားစွဲဆိုရေးအဖွဲ့ အကြီးအကဲက မြန်မာနိုင်ငံမှနေ၍ ဘင်္ဂါလီမွတ်စလင်များကို အစုလိုက်အပြုံလိုက် မောင်းထုတ်ခဲ့ခြင်းနှင့် ပတ်သက်၍ ၎င်းအနေဖြင့် စုံစမ်းစစ်ဆေးမှုတစ်ရပ် စတင်နိုင်ပါမည်လားဟူသည်ကို  ဆုံးဖြတ်ပေးရန် တရားသူကြီးများအား တောင်းဆိုခဲ့ကြောင်း သိရသည်။

သိန်းနှင့်ချီသော နိုင်ငံမဲ့ မွတ်စလင်များသည် မကြာသေးမီလများအတွင်း မြန်မာတပ်မတော်၏ စစ်ဆင်ရေးတစ်ရပ်ကြောင့် မြန်မာနိုင်ငံ ရခိုင်ပြည်နယ်မြောက်ပိုင်းမှနေ၍ ထွက်ပြေးလာခဲ့ကြသည်။

အကြမ်းဖက်မှုများကြောင့် ရွာများမီးရှို့ ဖျက်ဆီးခံခဲ့ရပြီး တပ်မတော်သားများနှင့်  စေတနာ့ဝန်ထမ်းတပ်ဖွဲ့ဝင်များက လူသတ်မှုများနှင့် မုဒိမ်းမှုများကို ကျူးလွန်ခဲ့ကြောင်း စွပ်စွဲမှုများလည်း ရှိသည်။

ဧပြီ ၉ ရက်အနှောင်းပိုင်းတွင် မမျှော်လင့်သော အဆိုပြုချက်တစ်ရပ်အဖြစ် ICC ၏ တရားစွဲဆိုရေးအဖွဲ့ အကြီးအကဲ ဖာတူးဘင်ဆူဒါက “အဆက်မပြတ်ရရှိတဲ့ ယုံကြည်ရတဲ့ သတင်းတွေအရ မြန်မာနိုင်ငံမှာ ဥပဒေနဲ့အညီရှိနေတဲ့ ဘင်္ဂါလီမွတ်စလင် (မူရင်း၌ ရိုဟင်ဂျာဟု ဖော်ပြ) ၆၇၀,၀၀၀ ကျော်ဟာ ၂၀၁၇ ခုနှစ် သြဂုတ်လကစပြီး ရည်ရွယ်ချက် ရှိရှိနဲ့ နိုင်ငံတကာနယ်စပ်ကို ဖြတ်ကျော်ပြီး ဘင်္ဂလားဒေ့ရ်ှနိုင်ငံကို မောင်းထုတ်ခံရကြောင်း တွေ့ရှိရပါတယ်” ဟု ပြောကြားခဲ့သည်။

အဆိုပါအမျိုးသမီးက စွပ်စွဲထားသည့်  မောင်းထုတ်မှုနှင့်ပတ်သက်၍ တရားရုံးက တရားစီရင်ခွင့် ရှိနိုင်သလားဟူသည်ကို တရားသူကြီးများက ဆုံးဖြတ်ပေးရန် တောင်းဆိုခဲ့သည်။

ဘင်္ဂါလီမွတ်စလင်များ၏ အတိဒုက္ခများကို အကြိုစုံစမ်းစစ်ဆေးမှုပြုလုပ်ခဲ့ရာ၌ ဘင်္ဂလားဒေ့ရ်ှသည် ICC အဖွဲ့ဝင်ဖြစ်သော်လည်း  မြန်မာနိုင်ငံသည် ICC အဖွဲ့ဝင်နိုင်ငံမဟုတ်သောကြောင့် အမှုစစ်ဆေးရန်အတွက် ဥပဒေအရ ရှုပ်ထွေးမှုများရှိကြောင်း သိရသည်။

“ဒါဟာ အကောင်အထည်မဲ့ မေးခွန်းမဟုတ်ပါဘူး။ ခိုင်မာတဲ့ မေးခွန်းတစ်ခုပါ” ဟုလည်း ဘင်ဆူဒါက ဧပြီ ၉ ရက်အနှောင်းပိုင်း၌ သူ၏ အဆိုပြုချက်ကို တရားသူကြီးများထံ တင်သွင်းရာ၌ ပြောကြားခဲ့သည်။

၂၀၀၂ ခုနှစ်က သည်ဟိဂ်မြို့၌ ထူထောင်ထားသည့် ICC သည် စစ်ရာဇ၀တ်မှုများကို စစ်ဆေးရန် ကမ္ဘာပေါ်ရှိ တစ်ခုတည်းသော အမြဲတမ်းတရားရုံးတစ်ခုဖြစ်ပြီး သက်ဆိုင်ရာ နိုင်ငံများ၏ တရားရုံးများက စစ်ဆေးရန် မလိုလားသော သို့မဟုတ် လုပ်ဆောင်နိုင်စွမ်းမရှိသော အမှုများကို စစ်ဆေးခဲ့ရာ လူမျိုးတုံး သတ်ဖြတ်မှုများအပါအ၀င် အဆိုးရွားဆုံး အမှုများကို တရားစွဲဆိုခဲ့သည်။

ဘင်ဆူဒါက သူ၏ ရုံးအနေဖြင့် ယခုအခြေအနေရပ်များကို စုံစမ်းစစ်ဆေးရန် လုပ်ပိုင်ခွင့်ရှိကြောင်းနှင့် ယင်းကဲ့သို့ လုပ်ရပ်မျိုးသည် ရောမသဘောတူညီချက်၏ ဥပဒေဆိုင်ရာ မူဘောင်များနှင့်လည်း ကိုက်ညီလိမ့်မည်ဖြစ်ကြောင်း ပြောကြားခဲ့သည်။ ရောမသဘောတူညီချက်သည် ရာဇ၀တ်မှုဆိုင်ရာ တရားစီရင်ရေး၏ စည်းမျဉ်းစည်းကမ်းများ ချမှတ်ထားသည့်အပြင် တရားရုံးလုပ်ငန်းကိုလည်း ကျောထောက်နောက်ခံ ပြုပေးထားသည်။

ဘင်ဆူဒါက အတင်းအဓမ္မမောင်းထုတ်ခြင်းကို နယ်စပ်ဖြတ်ကျော်ပစ်ခတ်ခြင်းတစ်ရပ်နှင့် ခိုင်းနှိုင်းခဲ့ပြီး (နိုင်ငံတစ်နိုင်ငံက ပစ်ခတ်လိုက်သော) ကျည်ဆန်က (အခြားနိုင်ငံ တစ်နိုင်ငံ၌ မတ်တတ်ရပ်နေသော လူတစ်ဦးကို ထိမှန်ပြီး မသေစေမချင်း ပြစ်မှုက ပြီးပြည့်စုံမှုမရှိဟု ပြောကြားခဲ့သည်။

ဘင်ဆူဒါက သူ၏ တောင်းဆိုချက်နှင့် ပတ်သက်၍ စစ်ဆေးဆုံးဖြတ်မှုပြုလုပ်ရန် အထူးအဖွဲ့တစ်ရပ် ဖွဲ့စည်းရန် ICC ကို တောင်းဆိုခဲ့ပြီး ယင်းသည် မြန်ဆန်ထိရောက်သော ပုံစံမျိုးဖြစ်ရမည်ဟုလည်း ဆိုသည်။

ဗုဒ္ဓဘာသာဝင်အများစု နေထိုင်သော  မြန်မာနိုင်ငံမှ တပ်မတော်က စွပ်စွဲချက်များကို ငြင်းဆိုခဲ့ပြီး ၎င်းတို့၏ စစ်ဆင်ရေးသည် နယ်ခြားစောင့်ရဲတပ်ဖွဲ့ဝင် တစ်ဒါဇင်ခန့်ကို သေဆုံးစေခဲ့သည့် သြဂုတ် ၂၅ ရက်က ဘင်္ဂါလီ မွတ်စလင်အကြမ်းဖက်သမားများ၏ တိုက်ခိုက်မှုများကို တုံ့ပြန်သည့်အနေဖြင့် ဥပဒေ အရသာ ဆောင်ရွက်ခဲ့ခြင်းဖြစ်သည်ဟု ဆိုသည်။

နိုဝင်ဘာလက မြန်မာနှင့် ဘင်္ဂလားဒေ့ရှ် နိုင်ငံတို့သည် ဒုက္ခသည်များကို ပြန်လည်လက်ခံရေး သဘောတူညီချက်တစ်ရပ်ကို လက်မှတ်ရေးထိုးခဲ့သော်လည်း ယခုအထိ ဒုက္ခသည်တစ်ဦးမျှ ပြန်လာခြင်း မရှိသေးကြောင်း သိရသည်။

Refး AFP

ဒူတာတေးအား ICC တွင် စုံစမ်းစစ်ဆေးရန် ဆောင်ရွက်ခဲ့သည့် ဖိလစ်ပိုင်ရှေ့နေက အသက်အန္တရာယ်ကို စိုးရိမ်နေကြောင်း ပြောကြား

မနီလာတွင် ဖေဖော်ဝါရီ ၁၆ ရက်က တွေ့ဆုံမေးမြန်းမှု၌ ရိုက်ကူးခဲ့သည့် ဓာတ်ပုံတွင်တွေ့ရသော ရှေ့နေ ဆာဘီယို (Photo – AFP)

ဖိလစ်ပိုင်သမ္မတ ရိုဒရီဂိုဒူတာတေး၏ မူးယစ်ဆေးဝါးနှိမ်နင်းရေး စစ်ပွဲအား အပြည်ပြည်ဆိုင်ရာ စစ်ရာဇ၀တ်မှုခုံရုံးတွင် စုံစမ်းစစ်ဆေးရန် ဆောင်ရွက်ခဲ့သည့် ဖိလစ်ပိုင်ရှေ့ နေဂျူဒေဆာဘီယိုက ၎င်း၏ အသက်အန္တရာယ်ကို စိုးရိမ်နေကြောင်း ပြောကြားခဲ့သည်။

ဒူတာတေးအား ထောက်ခံသူများက လူမှုမီဒီယာတွင် ၎င်းအား အသက်အန္တရာယ်ကို ခြိမ်းခြောက်ခဲ့ကြကြောင်း အသက် ၅၁ နှစ်အရွယ် ဆာဘီယိုက ပြောကြားခဲ့သည်။ ဒူတာတေးအား စစ်ရာဇ၀တ်မှုအတွက် စုံစမ်းစစ်ဆေးရန် ICC သို့  ယမန်နှစ် ဧပြီလက တိုင်ကြားခဲ့ပြီးနောက် ဆာဗီယိုသည် တိမ်းရှောင်နေခဲ့သည်။

ဆာဘီယို၏ လျှောက်ထားမှုကို လက်ခံရရှိခဲ့ပြီးနောက် ICC ၏ ရှေ့နေ ဖာတိုအူဗင်ဆိုဒါသည် အကြိုစုံစမ်းစစ်ဆေးမှုများ ဆောင်ရွက်ခဲ့ပြီး ICC က အပြည့်အ၀ စုံစမ်းစစ်ဆေးမှု ရှိလာနိုင်သည်။

၂၀၁၆ ခုနှစ် ရွေးကောက်ပွဲတွင် အပြတ်အသတ်အနိုင်ရရှိခဲ့သော ဒူတာတေးသည် မူးယစ်ဆေးဝါးကို အမြစ်ပြတ်နှိမ်နင်းမည်ဟု ကတိပေးထားခဲ့သည်။ ဒူတာတေး၏ မူးယစ်ဆေး နှိမ်နင်းရေးစစ်ပွဲတွင် လူ ၈၀၀၀  ကျော်သည် တရားလက်လွန် သတ်ဖြတ်ခံခဲ့ရသည်ဟု ဆာဗီယိုက တိုင်ကြားခဲ့ခြင်း ဖြစ်သည်။

မူးယစ်ဆေးနှင့် မသင်္ကာသူ ၄၀၂၁ ဦးသည် ကိုယ့်ကိုယ်ကိုယ် ခုခံကာကွယ်စဉ် သေဆုံးခဲ့သည်ဟု ရဲတပ်ဖွဲ့က ပြောကြားထားသော်လည်း ရဲတပ်ဖွဲ့နှင့် လျှို့ဝှက်လက်မရွံ့ အဖွဲ့များသည် လူ ၁၂၀၀၀ ကျော်ကို သတ်ဖြတ်ခဲ့ကြောင်း လူ့အခွင့်အရေး အဖွဲ့များက စွပ်စွဲထားသည်။

ဒူတာတေးက ICC ၏ စစ်ဆေးမှုသည် ၎င်းအတွက် အကျုံးမ၀င်ဟု ပြောကြားထားပြီး ICC မှ တရားဝင် စုံစမ်းစစ်ဆေးမှု စတင်ခဲ့လျှင် ဖိလစ်ပိုင်သည် ICC မှ နုတ်ထွက်မည်ဟု ခြိမ်းခြောက်ထားသည်။

အစိုးရ ကျောင်းဆရာမိဘများ၏ သားဖြစ်သော ရှေ့နေဆာဘီယိုသည် ၂၀၁၀ ပြည့်နှစ်က တောင်ပိုင်း မြို့တစ်မြို့တွင် ရွေးကောက်ပွဲကို ၀င်ရောက်ယှဉ်ပြိုင်ခဲ့ပြီး အရေးနိမ့်ခဲ့သည်။ ထို့ပြင် ၂၀၁၆ တွင် အထက် လွှတ်တော်အမတ်ဖြင့် ရွေးချယ်ခံရန် ကြိုးပမ်းခဲ့ရာ ရွေးကောက်ပွဲမဲဆွယ်မှုအတွက် ရန်ပုံငွေအလုံအလောက် မရှိဟုဆိုကာ ရွေးကောက်ပွဲ ကော်မရှင်က အရည်အချင်းမပြည့်မီသူအဖြစ် ပယ်ချခံခဲ့ရသည်။

သို့သော်လည်း ၂၀၁၆ ခုနှစ် အောက်တိုဘာတွင် ကြေးစားလူသတ်သမားတစ်ဦးဖြစ်သူ အဂ္ဂါမာတိုဘာတိုအား ရှေ့နေအဖြစ် အကျိုးဆောင်ပေးရန် ဆာဘီယိုက သဘောတူညီခဲ့ပြီးနောက် သူ၏ ဘ၀လမ်းကြောင်း ပြောင်းလဲသွားခဲ့သည်။

ဒူတာတေးသည်တောင်ပိုင်း ဒါဗာအိုမြို့တော်ဝန်အဖြစ် ထမ်းဆောင်စဉ်က ဒူတာတေး၏ အမိန့်ဖြင့် လူ ၂၀၀၀ ထက်မနည်းကို သတ်ဖြတ်ခဲ့သော ‘ဒါဗာအိုလက်မရွံ့ လူသတ်အဖွဲ့’ တွင် သူကပါဝင်ခဲ့ကြောင်း အထက်လွှတ်တော် ကြားနာမှုတွင် မာတိုဘာတိုက ၀န်ခံခဲ့သည်။

ဒူတာတေး၏ မူးယစ်ဆေးနှိမ် နင်းရေးစစ်ပွဲသည် ဒါဗာအိုလူသတ် အဖွဲ့ကို တစ်နိုင်ငံလုံးအတိုင်းအတာဖြင့် ဆောင်ရွက်ခဲ့ခြင်းဖြစ်ကြောင်း ရှေ့နေဆာဘီယိုက စွပ်စွဲခဲ့သည်။ ဒူတာတေးက ယင်းစွပ်စွဲချက်ကို ပယ်ချထားသည်။

“ဒီသတ်ဖြတ်မှုတွေကို ရပ်တန့်ဖို့ တစ်ခုတည်းသော နည်းလမ်းက ဖမ်းဝရမ်းထုတ်ဖို့ပါပဲ။ သမ္မတဒူတာတေးကို ဖမ်းပြီးသည်ဟိဂ်မှာ တရားစွဲဆိုရပါမယ်” ဟု ဆာဘီယိုက ပြောကြားခဲ့သည်။

ဆာဘီယိုကို အသက်အန္တရာယ် ခြိမ်းခြောက်မှုများနှင့်ပတ်သက်ပြီး မှတ်ချက်မေးမြန်းခဲ့ရာ သမ္မတသည် ဆာဘီယိုနှင့်ပတ်သက်၍ စိတ်ဆိုးခြင်းမရှိကြောင်း ဒူတာတေး၏ ပြောခွင့်ရပုဂ္ဂိုလ် ဟာရီရော့က ပြောကြားခဲ့သည်။

Ref ; AFP