မြေယာသိမ်းခံရသူများ၏ စီးပွားရေး၊ ကျန်းမာရေး၊ ပညာရေးများစွာ ထိခိုက်နစ်နာသဖြင့် လျော်ကြေး သို့မဟုတ် မြေယာများ အမြန်ပြန်ပေးရန်နှင့် ဥပဒေဖြင့်ကာကွယ်ပေးရန် လူ့အခွင့်အရေး စောင့်ကြည့်ရေးအဖွဲ့ ပြောကြား

ဇူလိုင် ၁၇ ရက် ပြုလုပ်သည့် လူ့အခွင့်အရေး စောင့်ကြည့်ရေး အဖွဲ့၏ အစီရင်ခံစာ သတင်းစာ ရှင်းလင်းပွဲအား တွေ့ရစဉ်

မြန်မာနိုင်ငံတွင် မြေယာသိမ်းဆည်းခံရသူ မိသားစုများ၏ စီးပွားရေး၊ ကျန်းမာရေး၊ ပညာရေးတို့မှာ များစွာထိခိုက် နစ်နာသဖြင့် လျော်ကြေး သို့မဟုတ် မြေယာများ အမြန်ပြန်ပေးရန်နှင့် ဥပဒေဖြင့်ပါ ကာကွယ်ပေးရန် ဇူလိုင် ၁၇ ရက်က ဗိုလ်တတောင်မြို့နယ်ရှိ ပန်သူရိယ အနုပညာ ဆုံမှတ်တွင် ပြုလုပ်သည့် လူ့အခွင့်အရေး စောင့်ကြည့်ရေးအဖွဲ့ (HRW) ၏အစီရင်ခံစာ သတင်းစာရှင်းလင်းပွဲတွင် ပြောကြားသည်။

လွန်ခဲ့သော ကာလများက တရားမ၀င် မြေယာသိမ်းဆည်းမှုများအတွက် မြန်မာအစိုးရအနေဖြင့် နစ်နာကြေး၊ လျော်ကြေးများ ချက်ချင်းပေးသင့်ပြီး နောင်တွင် မြေယာသိမ်းဆည်းခံရမှုများ မဖြစ်ပွားရန် လယ်သမားများနှင့် အခြားအသေးစား မြေပိုင်ရှင်များ၏ ရပိုင်ခွင့်များကို ကာကွယ်သည့် ဥပဒေများကိုလည်း ပြဋ္ဌာန်းသင့်ကြောင်း၊ တပ်မတော်အနေဖြင့်လည်း သိမ်းဆည်းထားသည့် မြေယာများကို ပြန်ပေးရန် တိုက်တွန်းကြောင်း၊ မြေယာသိမ်းဆည်း ခံခဲ့ရသည့် လယ်သမားများမှာ အခြေခံဝန်ဆောင်မှုများ ရယူမှု နည်းပါးသွားကြောင်း၊ ၎င်းတို့ မြေယာသိမ်းဆည်းခံရမှုအတွက် ဆန့်ကျင်ကြောင်း ဆန္ဒထုတ်ဖော်ပါကလည်း လယ်သမား အမြောက်အများမှာ ရာဇ၀တ်ပြစ်မှုဆိုင်ရာ ပုဒ်မများဖြင့် တရားစွဲဆိုခံရကြောင်း HRW အဖွဲ့က ဆိုသည်။

“မြေသိမ်းတာဟာ လယ်သမားတွေအတွက် ဘေးဒုက္ခကြီးကြီးမားမား ဖြစ်ပေါ်စေပါတယ်။ အခြေခံလူနေမှုနဲ့ တိုင်းတာမယ်ဆိုရင် လယ်စိုက်ခွင့် မရတာဟာ အစားအစာ မလုံလောက်မှု ဖြစ်စေတယ်။ မြေယာဆုံးရှုံးမှုကြောင့် လူငယ်တွေ ပညာသင်ကြားခွင့် ဆုံးရှုံးပြီး အပြင်ထွက် အလုပ်တွေ လုပ်နေရတယ်။ နောက် သူတို့ဟာ သူတို့ရဲ့ ကျန်းမာရေးကိုလည်း ဂရုစိုက်မှုမရှိဘဲ လျစ်လျူရှုပြီး နေလာရတယ်။ ရွှေ့ပြောင်းလုပ်သားတွေ ပေါများလာတယ်။ အရင်က ကိုယ်ပိုင်မြေယာတွေစိုက်လို့ အဆင်ပြေကြတယ်။ မြေယာသိမ်းခံရတော့ အလုပ်အကိုင် အခွင့်အလမ်းတွေ အဆင်မပြေ၊ နေ့စဉ်ရရှိတဲ့ ၀င်ငွေဟာလည်း မလုံလောက်မှုတွေ ဖြစ်လာတယ်” ဟု HRW ၏ အာရှရေးရာ ဒုတိယညွန်ကြားရေးမှူး ဖီးလ်ရောဘတ်စင်က ပြောကြားသည်။

စစ်အစိုးရအဖြစ်မှ အရပ်သားတစ်ပိုင်း ဦးဆောင်သော အစိုးရအဖြစ်သို့ ၂၀၁၁ ခုနှစ်တွင် ကူးပြောင်းသည့် ဦးသိန်းစိန်အစိုးရ လက်ထက်ကတည်းက မြေယာပြဿနာများကို ဖြေရှင်းခဲ့သော်လည်း ယခုအချိန်ထိ လယ်ယာမြေအရေး အရေးဆိုမှုများမှာ မပြေလည်သေးကြောင်း၊ NLD ၏ ကြေညာစာတမ်းတွင်လည်း မြေယာသိမ်းဆည်းခံရမှုများအရေး အဆုံးသတ်ရန်၊ မြေယာနှင့် ပတ်သက်၍ NLD အစိုးရသည် စုံစမ်းစစ်ဆေးရေးအဖွဲ့ ဖွဲ့စည်း၍ ဥပဒေများကို ပြုပြင်ပြောင်းလဲကာ ဆောင်ရွက်ခဲ့သော်လည်း အောင်မြင်မှု အနည်းငယ်သာရှိပြီး လယ်သမားများမှာ မည်သည့်ရလဒ်မျှ မတွေ့ရသေးကြောင်း HRW ကဆိုသည်။

“ဥပဒေပြင်ဆင်ချက်တွေ အများကြီး တွေ့ရပါတယ်။ ပြင်ဆင်မှုမူဝါဒတွေက လယ်သမားတွေအပေါ်မှာ သိပ်ပြောင်းလဲမှုမရှိတာ ကျွန်တော်တို့ ကြားနေရတယ်။ ဒါတွေဟာလည်း မူဝါဒ ဖော်ဆောင်မှုတွေကို စောင့်ကြည့်သူ မရှိလို့လည်း ကြားနေရတယ်။ မှန်ကန်တဲ့ မူဝါဒတွေကို ပြည်ထောင်စု အဆင့်သာမက အောက်ခြေအဆင့်ထိပါ မူဝါဒတွေချပေးနိုင်ရင် ကောင်းတယ်လို့ မြင်မိပါတယ်” ဟု HRW မှ ရစ်ချတ်ဝီးယားက ပြောကြားသည်။

သတင်းစာ ရှင်းလင်းပွဲအတွက် ရှမ်းပြည်နယ်တောင်ပိုင်း၊ ဧရာဝတီတိုင်း၊ ရန်ကုန်တိုင်းမှ လယ်သမားများနှင့် တွေ့ဆုံခဲ့သည့်အပြင် မြေယာနှင့်ပတ်သက်၍ ကျွမ်းကျင်သူများနှင့် အရပ်ဘက်လူမှု အဖွဲ့အစည်း များနှင့်လည်း တွေ့ဆုံခဲ့ရကြောင်း သိရသည်။

 

ကုလသမဂ္ဂ လုံခြုံရေးကောင်စီ၏ တောင်းဆိုမှုများကို မြန်မာအစိုးရက ပိတ်ပင် တားဆီးမည်ဆိုပါက လက်နက်တင်သွင်းခွင့် ပိတ်ပင်ခြင်းနှင့် တပ်မတော် အရာရှိများကို စီးပွားရေး ပိတ်ဆို့ခြင်းများ ပြုလုပ်မည်ဟု HRW ၏ အမှုဆောင်ဒါရိုက်တာ ပြောကြား

ကုလသမဂ္ဂ လုံခြုံရေးကောင်စီ၏ တောင်းဆိုမှုများကို မြန်မာအစိုးရက ပိတ်ပင် တားဆီးမည်ဆိုပါက လက်နက်တင်သွင်းခွင့် ပိတ်ပင်ခြင်းနှင့် တပ်မတော်အရာရှိများကို စီးပွားရေး ပိတ်ဆို့ခြင်းများ ပြုလုပ်မည်ဟု Human Rights Watch (HRW) ၏ အမှုဆောင် ဒါရိုက်တာ Mr. Kenneth Roth က ဧပြီ ၂၇ ရက် ညနေပိုင်းတွင် မြန်မာဂျာနယ်လစ်ကွန်ရက်ရုံး၌ ပြုလုပ်သည့် သတင်းစာရှင်းလင်းပွဲတွင် ပြောကြားသည်။

သတင်းစာရှင်းလင်းပွဲတွင် HRW ၏ အမှုဆောင်ဒါရိုက်တာက လုံခြုံရေးကောင်စီက မြန်မာအစိုးရကို အချက်အလက် ရှာဖွေရေးအဖွဲ့ အထူးကိုယ်စားလှယ်တို့နှင့် ပူးပေါင်းရန်၊ လွတ်လပ်သော လေ့လာစောင့်ကြည့်သူများကို ခွင့်ပြုရန်နှင့် လုပ်ခဲ့သည်များကို ၀န်ခံရန် ဖိအားပေးသွားမည် ဖြစ်ကြောင်း၊ ယင်းအပြင် လုံခြုံရေးကောင်စီဘက်က နိုင်ငံသားဖြစ်ခွင့်အား တိုတောင်းသော နည်းလမ်းနှင့် လုပ်ပေးရန်နှင့် မလိုအပ်ဘဲ ရှည်လျားသော နည်းလမ်းများမလုပ်ရန် ဖိအားပေးသွားမည် ဖြစ်ကြောင်း ပြောကြားသည်။

“ကုလသမဂ္ဂ လုံခြုံရေးကောင်စီက တင်ပြတောင်းဆိုတဲ့ဟာကို မြန်မာအစိုးရအနေနဲ့ အပြုသဘောဆောင်တဲ့ တုံ့ပြန်မှုမျိုးနဲ့ တုံ့ပြန်မယ်လို့ မျှော်လင့်ပါတယ်။ အကယ်၍ အစိုးရဘက်က ဒါမျိုးတွေကို ဆက်လက်ပြီး ပိတ်ပင် တားဆီးနေဦးမယ်ဆိုရင် လုံခြုံရေးကောင်စီဘက်က ပိုမို ဖိအားပေးရပါလိမ့်မယ်။ လုံခြုံရေးကောင်စီဘက်က လူသားထုအပေါ် ကျူးလွန်တဲ့ ပြစ်မှုတွေအပေါ် တာဝန်ရှိတဲ့ တပ်မတော် အကြီးပိုင်းအရာရှိတွေကို စီးပွားရေးအရ ပိတ်ဆို့မှုတွေ သူတို့ဘက်က စဉ်းစားလာပါလိမ့်မယ်။ တပ်မတော်ဘက်က လက်နက် တင်သွင်းမှုတွေကိုလည်း ပိတ်ပင်ပါ့မယ်”ဟု HRW ၏ အမှုဆောင်ဒါရိုက်တာက သတင်းစာရှင်းလင်းပွဲတွင် ပြောကြားသည်။

စီးပွားရေး ပိတ်ဆို့သည့် နေရာတွင် ရွေးကောက်ပွဲ မတိုင်မီကကဲ့သို့ အားလုံးကို ပိတ်ပင်ခြင်းမျိုး မဟုတ်ဘဲ တာဝန်ရှိသော တပ်မတော်အရာရှိများကို ရည်ရွယ်၍ ပိတ်ပင်ခြင်းဖြစ်ကြောင်း၊ တပ်မတော်အရာရှိများ၏ ပိုင်ဆိုင်မှုများကို ထိန်းသိမ်းကာ ခရီးသွားလာခွင့် ပိတ်ပင် သွားမည်ဖြစ်ကြောင်းနှင့် လုံခြုံရေးကောင်စီက ရခိုင်ပြည်နယ်တွင် ဖြစ်နေသော ကိစ္စများကို အပြည်ပြည်ဆိုင်ရာ ရာဇ၀တ်ခုံရုံး (ICC) သို့ လွှဲပေးမှာဖြစ်ကြောင်း Mr. Kenneth Roth က ဆက်လက် ပြောကြားသည်။

ဒုက္ခသည်ဆိုင်ရာ သဘောတူညီချက် ပြုလုပ်ထားသော်လည်း မြန်မာတပ်မတော်က ဘင်္ဂါလီရွာများကို မီးရှို့ခဲ့သည်ဟု HRW ပြောကြား

ရခိုင်ပြည်နယ်မြောက်ပိုင်း မောင်တောအနီးရှိ မီးလောင်ခံထားရသော ကျေးရွာများအား အောက်တိုဘာ ၁၀ ရက်က တွေ့ရစဉ် (Photo: AFP)

မြန်မာနိုင်ငံသည် ဒုက္ခသည်များ ပြန်လည်လက်ခံရေးနှင့်ပတ်သက်၍ ဘင်္ဂလားဒေ့ရ်ှနှင့် သဘောတူညီချက်တစ်ရပ် လက်မှတ်ရေးထိုးပြီးနောက် ရက်ပိုင်းအတွင်း၌ပင် မြန်မာတပ်မတော်က ဘင်္ဂါလီမွတ်စလင်တို့၏အိမ်များကို ဒါဇင်နှင့်ချီလျက် မီးရှို့ပစ်ခဲ့သောကြောင့် ယင်းသဘောတူညီချက်သည် ပြည်သူ့ဆက်ဆံရေး စတန့်တစ်ရပ်မျှသာဖြစ်သည်ကို ပြနေသည်ဟု လူ့အခွင့်အရေးဆိုင်ရာ စောင့်ကြည့်ရေးအဖွဲ့ (HRW) က ဒီဇင်ဘာ ၁၈ ရက်တွင် ပြောကြားခဲ့သည်။

HRW က ဂြိုဟ်တုဓာတ်ပုံများ သုံးသပ်မှုများကိုကိုးကားလျက် အောက်တိုဘာနှင့် နိုဝင်ဘာလများတွင် ရွာပေါင်း ၄၀ မှ နေအိမ်များမီးရှို့ခံခဲ့ရပြီး သြဂုတ်လနောက်ပိုင်း တစ်စိတ်တစ်ပိုင်း သို့မဟုတ် အပြည့်အ၀ဖျက်ဆီးခံခဲ့ရသည့် ရွာပေါင်းသည် စုစုပေါင်း ၃၅၄ ရွာရှိလာသည်ဟု ပြောကြားခဲ့သည်။

ဘင်္ဂလားဒေ့ရ်ှသို့ ရောက်ရှိနေသည့် ဒုက္ခသည်များကို နှစ်လအတွင်း ပြန်လည်လက်ခံရန် နိုဝင်ဘာ ၂၃ ရက်က မြန်မာနှင့် ဘင်္ဂလားဒေ့ရ်ှတို့ နားလည်မှုစာချွန်လွှာ လက်မှတ်ရေးထိုးခဲ့သည့် သီတင်းပတ်မှာပင် ဒါဇင်နှင့်ချီသောအိမ်များ မီးရှို့ခံခဲ့ရကြောင်း HRW က အစီရင်ခံစာတစ်စောင်၌ ပြောကြားခဲ့သည်။

“ဘင်္ဂလားဒေ့ရ်ှနဲ့ ဒုက္ခသည်ပြန်လည်လက်ခံရေး သဘောတူညီချက် လက်မှတ်ရေးထိုးပြီး ရက်ပိုင်းအတွင်း ရိုဟင်ဂျာရွာတွေကို မြန်မာတပ်မတော်က ဖျက်ဆီးခဲ့တာဟာ ဘေးကင်းလုံခြုံစွာပြန်နိုင်ရေး ကတိတွေက ပြည်သူဆက်ဆံရေးစတန့်တစ်ရပ်သာဖြစ်ကြောင်း ပြသနေပါတယ်” ဟု HRW ၏ အာရှဆိုင်ရာညွှန်ကြားရေးမှူး ဘရက်အဒမ်က အစီရင်ခံစာတစ်စောင်၌ ပြောကြားထားသည်။ သူက နေရပ်ပြန်မည့်သူများအတွက် ဘေးကင်းလုံခြုံရေးကတိများအား အလေးအနက်မထားနိုင်ကြောင်းလည်း ပြောကြားခဲ့သည်။

သြဂုတ် ၂၅ ရက်က ဘင်္ဂါလီမွတ်စလင် အကြမ်းဖက်သမားများ၏ လူသေဆုံးမှုများဖြစ်ပေါ်စေသော တိုက်ခိုက်မှုများက မြန်မာနိုင်ငံ ရခိုင်ပြည်နယ်မြောက်ပိုင်းတွင် နေထိုင်သော မွတ်စလင်လူနည်းစုအပေါ် မြန်မာတပ်မတော်၏ ရက်စက်ကြမ်းကြုတ်သည့် စစ်ဆင်ရေးတစ်ရပ်ကိုဖြစ်ပေါ်စေပြီး လူပေါင်း ၆၅၅,၀၀၀ ကျော်သည် ဘင်္ဂလားဒေ့ရ်ှသို့ ထွက်ပြေးခဲ့ရသည်။

HRW နှင့် အခြားအစိုးရမဟုတ်သော အဖွဲ့အစည်း ၈၀ တို့က မြန်မာနိုင်ငံမှ ဘင်္ဂါလီမွတ်စလင်အရေးနှင့် ပတ်သက်၍ ထိရောက်စွာ ဆောင်ရွက်ရန် လုံခြုံရေးကောင်စီကို တောင်းဆို

အောက်တိုဘာ ၂၄ ရက်က ဘင်္ဂလားဒေ့ရ်ှရှိ ကူတူပါလောင် ဒုက္ခသည်စခန်း၌ တွေ့ရသော ဘင်္ဂါလီ မွတ်စလင်များ (Photo : AFP)

ကုလသမဂ္ဂလုံခြုံရေးကောင်စီ အနေဖြင့် မြန်မာနိုင်ငံ၏ ဘင်္ဂါလီမွတ်စလင်အရေးကို တုံ့ပြန်ရန် နှောင့်နှေးမှု မရှိသော၊ ပူးပေါင်းဆောင်ရွက်မှုရှိသော၊ ထိရောက်သော နိုင်ငံတကာ ဆောင်ရွက်မှု ပြုလုပ်သင့်ကြောင်း လူ့အခွင့်အရေးဆိုင်ရာ စောင့်ကြည့်ရေးအဖွဲ့ (HRW) နှင့် အခြားအစိုးရ မဟုတ်သော အဖွဲ့အစည်းပေါင်း ၈၀ တို့က ဒီဇင်ဘာ ၁၂ ရက်တွင် ပူးတွဲမေတ္တာရပ်ခံချက်တစ်ရပ် ထုတ်ပြန်ကာ လုံခြုံရေးကောင်စီသို့ ပေးပို့ခဲ့သည်။

ကုလသမဂ္ဂ အတွင်းရေးမှူးချုပ်၏ နိုင်ငံရေးဆိုင်ရာ လက်ထောက်ဂျက်ဖရီဖယ်တမန်နှင့် အတွင်းရေးမှူးချုပ်၏ ပဋိပက္ခအတွင်း လိင်အကြမ်းဖက်မှုဆိုင်ရာ အထူးကိုယ်စားလှယ် ပရာမီလာပက်တင်တို့က ဒီဇင်ဘာ ၁၂ ရက်၌ ၁၅ နိုင်ငံပါဝင်သော လုံခြုံရေးကောင်စီ အစည်းအဝေးတွင် စကားပြောကြားရန် စီစဉ်ထားသည်။ သို့သော် လုံခြုံရေးကောင်စီ၌ ဆွေးနွေးမှုမှနေ၍ ရလဒ်ထွက်ပေါ်လိမ့်မည်ဟု မျှော်လင့်မထားပေ။

လူသားချင်း စာနာထောက်ထားမှုဆိုင်ရာ၊ ယုံကြည်ချက်အခြေပြုနှင့် လူ့အခွင့်အရေးဆိုင်ရာ အဖွဲ့အစည်းပေါင်း ၈၁ ခုက “ပြစ်တင်ရှုတ်ချခြင်းတွေက မြန်မာအစိုးရအနေနဲ့ ဒီမတရားမှုတွေကို အဆုံးသတ်ဖို့ ဒါမှမဟုတ် ဒီတာဝန်ယူရမယ့် ဟာတွေကို တာဝန်ခံဖို့ဆိုတဲ့ ရလဒ်ကို ထွက်ပေါ်စေမှာ မဟုတ်ပါဘူး” ၎င်းတို့၏ ပူးတွဲမေတ္တာရပ်ခံချက် တစ်စောင်၌ ဖော်ပြထားသည်။

မြန်မာလုံခြုံရေးတပ်များ၏ ဘင်္ဂါလီမွတ်စလင်များ (မူရင်းတွင် တိုင်းရင်းသား ရိုဟင်ဂျာလူအုပ်စုဟုဖော်ပြ) အပေါ် ရက်စက်ကြမ်းကြုတ်မှုများကို ဖော်ပြရန် လူသားဆန်မှုအပေါ် ချိုးဖောက်သော ရာဇ၀တ်မှုများအဖြစ် သတ်မှတ်လျက် ညွန့်ပေါင်းအုပ်စုက လုံခြုံရေးကောင်စီအား အပြည်ပြည်ဆိုင်ရာ တရားရုံးများမှတစ်ဆင့် အပါအ၀င် တရားမျှတမှုနှင့် တာဝန်ခံမှုအတွက် နေရာအားလုံး၌ စုံစမ်းစစ်ဆေး လုပ်ဆောင်သင့်ကြောင်း လုံခြုံရေးကောင်စီကို တောင်းဆိုခဲ့သည်။

ယင်းညွန့်ပေါင်းအုပ်စုသည် မြန်မာတပ်မတော်ကို လက်နက်တင်သွင်းခြင်း ပိတ်ပင်ရန်နှင့် လူသားဆန်မှုကို ချိုးဖောက်သော ရာဇ၀တ်မှုများနှင့် အခြားပြင်းထန်သည့် လူ့အခွင့်အရေး ချိုးဖောက်မှုများအတွက် တာဝန်ရှိသော မြန်မာစစ်ဘက်အရာရှိများကို ပစ်မှတ်ထားပိတ်ဆို့မှုများ ပြုလုပ်ရန်လည်း လုံခြုံရေးကောင်စီအား တောင်းဆိုခဲ့သည်။

“နောက်မဖြစ်စေရပါဘူးဆိုတဲ့ ကတိက ရက်စက်ကြမ်းကြုတ်မှုတွေကို ခွင့်ပြုတာမျိုးက ဘာမှအဓိပ္ပာယ် မရှိဘူးဆိုရင် လုံခြုံရေးကောင်စီအနေနဲ့ အရေးတယူ ဆောင်ရွက်ဖို့ကို နောက်ထပ်ကြန့်ကြာနိုင်တော့မှာ မဟုတ်ပါဘူး” ဟုလည်း ညွန့်ပေါင်းအုပ်စုက ပြောကြားခဲ့သည်။

Ref : AFP