ရာသီတုပ်ကွေး H1N1 မှာ နှစ်စဉ်ဖြစ်ပွားတတ်သော ရောဂါဖြစ်သဖြင့် အခြားကူးစက်ရောဂါများ နည်းတူ ရောဂါစောင့်ကြပ် ကြည့်ရှုခြင်းကို ဆက်လက်လုပ်ဆောင်မည်

ရာသီတုပ်ကွေးရောဂါ ဖြစ်ပွားမှုရှိခဲ့သည့် ၂၀၁၇ ခုနှစ် စက်တင်ဘာလအတွင်းက  ရန်ကုန်မြို့တွင် နှာခေါင်းစည်း တပ်ဆင်၍ သွားလာနေသူ အချို့အား တွေ့ရစဉ် (ဓာတ်ပုံ-ကြည်နိုင်)

ရာသီတုပ်ကွေးရောဂါမှာ နှစ်စဉ်ဖြစ်ပွားတတ်သောရောဂါ ဖြစ်သဖြင့် သွေးလွန်တုပ်ကွေးရောဂါ၊ ငှက်ဖျားရောဂါ စသည့် ကူးစက်ရောဂါများနည်းတူ စောင့်ကြပ်ကြည့်ရှု၍ကာ ကွယ်ထိန်းချုပ်ခြင်း လုပ်ငန်းများကို လာမည့် နှစ်များတွင်လည်း စီမံချက်များချမှတ်ကာ ဆက်လက် လုပ်ဆောင်သွားမည်ဖြစ်ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ရာသီတုပ်ကွေးရောဂါသည် မိုးတွင်းကာလနှင့် ဆောင်းတွင်းကာလတွင် ပိုမိုဖြစ်ပွားကူးစက်တတ်ရာ ၀န်ကြီးဌာန အနေဖြင့် ရာသီတုပ်ကွေးရောဂါ ကြိုတင်ကာကွယ်ရေးနှင့် တုံ့ပြန်ရေးစီမံချက်ကို ရေးဆွဲ၍ ရောဂါ စောင့်ကြပ် ကြည့်ရှုရေးနှင့် တုံ့ပြန်ရေး လုပ်ငန်းများ ဆက်လက်ဆောင်ရွက် သွားမည်ဖြစ်ကြောင်း၊ တုပ်ကွေးဆန်သော ရောဂါလက္ခဏာများနှင့် လတ်တလော ပြင်းထန်အသက်ရှူလမ်းကြောင်းရောဂါ စောင့်ကြပ်ကြည့်ရှုခြင်းနှင့် တုံ့ပြန်ဆောင်ရွက်ခြင်း လုပ်ငန်းများကို Pandemic Influenza Preparedness (PIP) Framework နှင့် အပြည်ပြည်ဆိုင်ရာ ကျန်းမာရေး စည်းမျဉ်းများ ၂၀၀၅ နှင့်အညီ စဉ်ဆက်မပြတ် ဆောင်ရွက်နိုင်ရေးအတွက် Pandemic Influenza Preparedness Strategic Plan ကို ပြန်လည်သုံးသပ်ပြီး ကူးစက်ရောဂါ ကာကွယ်နှိမ်နင်းရေး ကွင်းဆင်းဆောင်ရွက်ခြင်းဆိုင်ရာ စွမ်းရည်မြှင့်သင်တန်းများ ဖွင့်လှစ်ပို့ချခြင်း၊ ရာသီတုပ်ကွေး ရောဂါဆိုင်ရာ ဇာတ်တိုက်လေ့ကျင့်ခြင်းများ ပြုလုပ်ခြင်း၊ ပြည်သူ့ကျန်းမာရေး အရေးပေါ် စီမံခန့်ခွဲရေးဗဟိုဌာန ဖွင့်လှစ်ဆောင်ရွက်ခြင်း၊ ဆေးရုံများတွင် လိုအပ်သောဆေးနှင့် ဆေးပစ္စည်းများ အဆင်သင့်ရှိစေရေး ဆောင်ရွက်ခြင်း၊ ပြည်သူလူထုအတွင်း ရာသီတုပ်ကွေးရောဂါနှင့် ပတ်သက်သော ကျန်းမာရေး အသိပညာပေး လုပ်ငန်းများ နှစ်စဉ်မိုးရာသီ မတိုင်မီ ကြိုတင်ဆောင်ရွက်ခြင်း၊ အမျိုးသား ကျန်းမာရေး ဓာတ်ခွဲမှုဆိုင်ရာဌာနကို အဆင့်မြှင့်တင်ခြင်း၊ ပဋိဇီဝဆေးဝါးများ ယဉ်ပါးမှု မဖြစ်စေရေးအတွက် အရေးကြီးလုပ်ငန်း တစ်ရပ်အဖြစ် သတ်မှတ်ဆောင်ရွက်ခြင်းနှင့် ရာသီတုပ်ကွေးရောဂါဆိုင်ရာ သုတေသန လုပ်ငန်းများကို ဦးစားပေး ဆောင်ရွက်သွားမည်ဖြစ်ကြောင်း သိရသည်။

၂၀၁၇ ခုနှစ် နှစ်ကုန်ပိုင်းမှစ၍ ရာသီတုပ်ကွေး H1N1 ဖြစ်ပွားသေဆုံးနှုန်း သိသာစွာ ကျဆင်းသွားပြီး ရာသီတုပ်ကွေး ရောဂါကြောင့် သေဆုံးမှုအဆင့်ကို လွန်စွာကျဆင်း လာသောအဆင့် (very low case fatality) အဖြစ် ကျန်းမာရေးနှင့် အားကစားဝန်ကြီးဌာနက သတ်မှတ်ခဲ့ပြီးဖြစ်သည်။

 

သေဆုံးသူ ၄၀ နီးပါးရှိခဲ့သည့် ရာသီတုပ်ကွေး H1N1 ဂယက်

ရန်ကုန်မြို့လယ်တွင် နှာခေါင်းစည်းတပ်လျက် သွားလာနေကြသူများအား တွေ့ရစဉ်

၂၀၁၇ ခုနှစ် ဇူလိုင်လ ဒုတိယပတ်မှစ၍ ရန်ကုန်တိုင်းဒေသကြီး အပါအ၀င် တိုင်းဒေသ ကြီးနှင့် ပြည်နယ်အများစုတွင် ရာသီတုပ်ကွေး ရောဂါ Seasonal Influenza A (H1N1) 2009 ဖြစ်ပွားခဲ့ပြီး လူသေဆုံးမှု ဖြစ်စဉ်များ ဆက်တိုက်ရှိခဲ့သည့်အတွက် ၂၀၁၇ ခုနှစ်၏ ထင်ရှားကျော်ကြား ဖြစ်ရပ်များတွင် တစ်ခုအပါအ၀င် ဖြစ်ခဲ့သည်။

ဇူလိုင်လ မတိုင်မီကတည်းက ရောဂါဖြစ်ပွားမှုများ ရှိခဲ့သော်လည်း ဖြစ်ပွားနှုန်း၊ ကူးစက်ပျံ့နှံနှုန်း သိသိသာသာ မြင့်တက်မှု မရှိခြင်းကြောင့် လူထုကြား သတိပြုမှု နည်းပါးခဲ့သည်။ သို့သော် ဇူလိုင်လ ဒုတိယပတ်အတွင်း  ရာသီတုပ်ကွေးရောဂါ Seasonal Influenza A (H1N1) 2009 ဓာတ်ခွဲအတည်ပြုလူနာ ဖြစ်ပွားသူ ရန်ကုန်မြို့တွင် သုံးဦး၊ ချင်းပြည်နယ်၊ မတူပီမြို့တွင် ၁၀ ဦးရှိပြီး တစ်ဦးသေဆုံးခဲ့ကြောင်း ကျန်းမာရေးနှင့် အားကစား ၀န်ကြီးဌာနက အတည်ပြု ထုတ်ပြန်ခဲ့သည်။

ထိုသို့ အတည်ပြုချက် ထွက်ပေါ်ခဲ့ပြီးနောက် ရန်ကုန်ပြည်သူ့ ဆေးရုံကြီးတွင် လူနာနှစ်ဦး၊ ရန်ကုန်မြို့ အထွေထွေရောဂါကု ဆေးရုံသစ်ကြီးတွင် လူနာတစ်ဦးသည် ရာသီတုပ်ကွေးရောဂါ Seasonal Influenza A (H1N1) 2009 ဖြင့် တက်ရောက်ကုသနေပြီး လိုအပ်သော ကျန်းမာရေး စောင့်ရှောက်မှုခံယူ လျက်ရှိသည် ဆိုသော သတင်းများ ထပ်မံထွက်ပေါ်ခဲ့ကြောင်း သိရသည်။

ရာသီတုပ်ကွေး Seasonal Influenza A (H1N1) 2009 ဖြစ်ပွားမှုနှင့် ပတ်သက်၍ ၂၀၁၇ ခုနှစ် ဇူလိုင် ၂၄ ရက်က ရန်ကုန်တိုင်းဒေသကြီး ပြည်သူ့ကျန်းမာရေး ဦးစီးဌာနတွင် ရှင်းလင်းပွဲတစ်ရပ် ပြုလုပ်ခဲ့သည်။ ထိုရှင်းလင်းပွဲတွင် ၀န်ကြီးဌာန အနေဖြင့် ကူးစက်ရောဂါများ၊ ကူးစက်မြန်ရောဂါများ စောင့်ကြပ်ကြည့်ရှုခြင်း၊ ကြိုတင်ကာကွယ်ခြင်းနှင့် ထိရောက်စွာ တုံ့ပြန်ဆောင်ရွက်ခြင်း လုပ်ငန်းများကို ဦးစားပေး လုပ်ဆောင်လျက်ရှိကြောင်း၊ ရန်ကုန်ပြည်သူ့ဆေးရုံကြီးနှင့် အထွေထွေရောဂါကု ဆေးရုံကြီးများတွင် တက်ရောက် ဆေးကုသမှု ခံယူနေသည့် လူနာသုံးဦး စလုံးမှာ စိုးရိမ်ရသည့် အနေအထားတွင် ရှိနေဆဲ ဖြစ်ကြောင်းနှင့် သေဆုံးလူနာမှာ ချင်းပြည်နယ် မတူပီမြို့မှ လူနာတစ်ဦးဖြစ်ပြီး တုပ်ကွေးရောဂါ၏ နောက်ဆက်တွဲ ပြင်းထန်အဆုတ်ရောင် ရောဂါဖြင့် သေဆုံးခြင်းဖြစ်ကြောင်း ရှင်းလင်းပြောကြားသည်။

အဆိုပါ ရှင်းလင်းပွဲ မပြုလုပ်မီ ရန်ကုန်တိုင်းဒေသကြီး ပြည်သူ့ကျန်းမာရေး ဦးစီးဌာနတွင် ကျန်းမာရေးနှင့် အားကစား ၀န်ကြီးဌာနမှ အမြဲတမ်းအတွင်းဝန် ဒေါက်တာသက်ခိုင်ဝင်း ဦးဆောင်ပြီး သမားတော်ကြီးများ၊ ဆေးရုံအုပ်ကြီးများ၊ ကမ္ဘာ့ကျန်းမာရေး အဖွဲ့မှ ကျွမ်းကျင်ပညာရှင်များနှင့် နှီးနွှယ်ဌာန အသီးသီးမှ တာဝန်ရှိသူများဖြင့် ညှိနှိုင်းအစည်းအဝေးကိုလည်း ပြုလုပ်ခဲ့သည်။

ရောဂါထိန်းချုပ်ရေး လုပ်ငန်းများ လျင်မြန်စွာ လုပ်ဆောင်နိုင်ရန် ကုသရေးဦးစီးဌာန အနေဖြင့်လည်း  ပြည်သူ့ဆေးရုံကြီးများနှင့် ပုဂ္ဂလိက ဆေးရုံများတွင် ရာသီတုပ်ကွေး ဖြစ်ပွားသည့် လူနာများကို ထိထိရောက်ရောက် ကုသရန်နှင့် ပြင်းထန်ရောဂါ လက္ခဏာရှိသည့် လူနာများတွင် ရာသီတုပ်ကွေး Seasonal Influenza A (H1N1) 2009 ဗိုင်းရပ်စ်ပိုးရှိမရှိ စစ်ဆေးရန် ညွှန်ကြားခဲ့သည်။ နယ်စပ်ဝင်ပေါက် ထွက်ပေါက်များ၊ လေဆိပ်၊ ရေဆိပ်များတွင်လည်း ရောဂါစောင့်ကြပ်ကြည့်ရှုခြင်း လုပ်ငန်းများကို လုပ်ဆောင်ခဲ့သည်။

မြန်မာနိုင်ငံ၌ ဖြစ်ပွားခဲ့သော ရာသီတုပ်ကွေးရောဂါပိုးကို ဂျပန်နိုင်ငံရှိ National Institute of Infections Disease ဓာတ်ခွဲခန်းသို့ ပို့ဆောင်၍ အသေးစိတ်စစ်ဆေးရာ (၁) ရောဂါပိုးမှာ တစ်ကမ္ဘာလုံး ပုံမှန်ပျံ့နှံ့သည့် ရာသီတုပ်ကွေးရောဂါပိုး အမျိုးအစားဖြစ်ကြောင်း၊ (၂) ပုံမှန်ကုသသည့် ဗိုင်းရပ်စ်ကြောင့်ဖြစ်သော ရောဂါကို ကုသသောဆေးများအား ၉၅ မှ ၉၈ ရာခိုင်နှုန်းအထိ တုံ့ပြန်မှုရှိကြောင်း၊ (၃) ကြက်ငှက်တုပ်ကွေး ရောဂါပိုးနှင့် မျိုးရိုးဗီဇ ပေါင်းစပ်မှု မရှိကြောင်း တွေ့ရှိခဲ့သည်ဟု သုံးသပ်ချက်တွင် ဖော်ပြခဲ့သည်။

ထိုအချိန်က မြန်မာနိုင်ငံရှိ တိုင်းဒေသကြီး၊ ပြည်နယ်များတွင်ရောဂါဖြစ်ပွားမှု၊ ပိုးတွေ့ရှိမှုနှင့် ပတ်သက်၍ ဆန်းစစ်ခဲ့ရာ ရန်ကုန်တိုင်းဒေသကြီးတွင် ပိုးတွေ့လူနာ အများဆုံး တွေ့ရှိရပြီး ဧရာဝတီတိုင်းဒေသကြီးနှင့် ပဲခူးတိုင်းဒေသကြီးတို့တွင် ပိုးတွေ့လူနာ ဒုတိယအများဆုံးရှိကြောင်း၊ သေဆုံးမှုနှုန်းအရ ရန်ကုန်တိုင်း ဒေသကြီးတွင် ၂ ဒသမ ၉ ရာခိုင်နှုန်း၊ ပဲခူးတိုင်းဒေသကြီးတွင် ၃ဒသမ ၈ ရာခိုင်နှုန်းနှင့် ဧရာဝတီတိုင်း ဒေသကြီးတွင် ၁၇ ရာခိုင်နှုန်းရှိခဲ့သည်။

ဗဟိုကူးစက်ရောဂါ တိုက်ဖျက်ရေးဌာနခွဲ အနေဖြင့် ကုသရေး ဦးစီးဌာနနှင့် ပူးပေါင်း၍ လတ်တလော ပြင်းထန်အသက်ရှူလမ်းကြောင်း ပိုးဝင်ရောဂါဖြင့် ဆေးရုံတက်ရောက် ကုသခံယူရသူများအနက် သေဆုံးသည့်နှုန်းကို နေ့စဉ်ဆန်းစစ်၍ လုပ်ငန်းများ ဆောင်ရွက်ခဲ့ကြောင်း၊ အထူးသဖြင့် ဆီးချိုရောဂါရှိသူများ၊ ကိုယ်ဝန်ဆောင်များ၊ နာတာရှည်ရောဂါအခံရှိသူများ၊ ကလေးများတွင် ပိုမိုသေဆုံးကြောင်း၊ သေဆုံးရသည့် အကြောင်းရင်းများအနက် ပြင်းထန်ရောဂါ လက္ခဏာများ ရှိသော်လည်း ဆေးရုံသို့နောက်ကျပြီး ရောက်လာခြင်း၊ နောက်ဆက်တွဲ ဖြစ်ပေါ်လာသော ဘက်တီးရီးယားပိုးကြောင့် အဆုတ်ရောင်ခြင်းအတွက် ဆေးယဉ်ပါးခြင်းတို့ကြောင့် သေဆုံးနှုန်း မြင့်မားခြင်း ဖြစ်ကြောင်း သိရသည်။

ကျန်းမာရေးနှင့် အားကစားဝန်ကြီးဌာန က စက်တင်ဘာ ၂၆ ရက်အထိ တစ်နိုင်ငံလုံး၌ H1N1 ပိုးတွေ့ရှိသူ ဦးရေ ၄၀၀၊ သေဆုံးသူဦး ရေ ၃၈ ဦးရှိကြောင်း တရားဝင် ထုတ်ပြန်ကြေညာခဲ့သည်။ ရောဂါဖြစ်ပွားမှု စတင်ခဲ့သည့် ဇူလိုင် ၂၁ ရက်မှ စက်တင်ဘာ ၂၆ ရက် အထိ လတ်တလော ပြင်းထန်အသက်ရှူလမ်းကြောင်း ရောဂါဖြင့် ဆေးရုံတက်ရောက် ကုသသူ စုစုပေါင်းလူနာ ၁၁၈၀ အနက် H1N1 ပိုးတွေ့လူနာ စုစုပေါင်း ၄၀၀ ရှိခဲ့ကြောင်း၊ စက်တင်ဘာ ၂၆ ရက်အထိ တစ်နိုင်ငံလုံး၌ သေဆုံးသူဦးရေမှာ ဧရာဝတီတိုင်းဒေသကြီးတွင် ၁၃ ဦး၊ ရန်ကုန်တိုင်းဒေသကြီးတွင် ရှစ်ဦး၊ ပဲခူးတိုင်းဒေသကြီးတွင် ခြောက်ဦးနှင့် အခြားတိုင်းဒေသကြီးနှင့် ပြည်နယ်များတွင် ၁၁ ဦး၊ စုစုပေါင်း ၃၈ ဦးရှိခဲ့ကြောင်းနှင့် H1N1 ပိုး တွေ့ရှိသော်လည်း ရာသီတုပ်ကွေး ရောဂါ၏ နောက်ဆက်တွဲ ဆိုးကျိုးကြောင့် သေဆုံးခြင်း မဟုတ်ဘဲ အခြားရောဂါအခံများကြောင့် သေဆုံးသူ စုစုပေါင်း ၂၂ ဦးအထိ ရှိခဲ့သည့် အတွက် ၂၀၁၇ ခုနှစ်၏ ထင်ရှားကျော်ကြား ကဏ္ဍတွင် ပြန်လည်ဖော်ပြ အပ်ပါသည်။

 

H1N1 ဖြစ်ပွားသေဆုံးနှုန်း သိသာစွာ ကျဆင်းသွားပြီး ရာသီတုပ်ကွေး ရောဂါကြောင့် သေဆုံးမှုအဆင့်အား လွန်စွာကျ ဆင်းလာသောအဆင့် (Very Low Case Fatality) အဖြစ် ကျန်းမာရေးဝန်ကြီးဌာန သတ်မှတ်

ရန်ကုန်မြို့တွင် နှာခေါင်းစည်းတပ် သွားလာနေသူများကို တွေ့ရစဉ် (ဓာတ်ပုံ-ကျော်ဇင်ဖြိုး )

ရာသီတုပ်ကွေးရောဂါ ဖြစ်စဉ်နှင့်ပတ်သက်၍ ကျန်းမာရေးနှင့် အားကစားဝန်ကြီးဌာန အနေဖြင့် ကနဦး သုံးသပ်ချက်အား ရာသီတုပ်ကွေးရောဂါ ကူးစက်ဖြစ်ပွားနှုန်း များပြားသည့် ကာလဖြစ်သည့် ၂၀၁၇ ခုနှစ် သြဂုတ် ဒုတိယပတ်အတွင်း ဖြစ်စဉ်နှင့် ပတ်သက်၍ ဖြစ်ပွားမှုအခြေအနေ နှိုင်းယှဉ်ချက် သုံးသပ်ချက်များ၊ နည်းဗျူဟာများ၊ လုပ်ငန်းစဉ်များ၊ ရှေ့လုပ်ငန်းစဉ်များ စသည်ဖြင့် အသေးစိတ် သုံးသပ်ချက်အား သိရှိနိုင်ရန် သြဂုတ် ၁၃ ရက်က သတင်းထုတ်ပြန်ခဲ့သည်။

ယခုအခါ ရောဂါဖြစ်ပွား ကူးစက်သေဆုံးမှုမှာ သိသာစွာ ကျဆင်းလာပြီး သေဆုံးမှု အနေဖြင့်လည်း စက်တင်ဘာ ၁ ရက်မှ စက်တင်ဘာ ၁၃ ရက်အထိ တစ်ဦးသာ ရှိတော့ကြောင်း တွေ့ရှိရာ ရာသီတုပ်ကွေး ရောဂါကြောင့် သေဆုံးမှု အဆင့်အား လွန်စွာကျဆင်းလာသောအဆင့် (Very Low Case Fatality) အဖြစ် သတ်မှတ်နိုင်သဖြင့် ရောဂါကူးစက်ပြန့်ပွားမှု အခြေအနေကို ထိန်းချူပ်နိုင်သည့် အခြေအနေအဖြစ် သတ်မှတ်ထားကြောင်း စက်တင်ဘာ ၁၂ ရက်က ကျန်းမာရေးနှင့် အားကစားဝန်ကြီးဌာန၏ ဒုတိယအကြိမ် သုံးသပ်ချက်တွင် ဖော်ပြချက်အရ သိရသည်။

ကျန်းမာရေးနှင့် အားကစားဝန်ကြီးဌာန အနေဖြင့် ဖြစ်စဉ်စတင်ဖြစ်ပွားခဲ့သည့် ဇူလိုင် ၂၁ ရက်မှစတင်၍ ရာသီတုပ်ကွေးရောဂါ ‘Seasonal Influenza A (H1N1) pdm 09’စောင့်ကြပ်ကြည့်ရှုခြင်းနှင့် တုံ့ပြန်ဆောင်ရွက် ခြင်းလုပ်ငန်းများကို ကျန်းမာရေးဌာန အခြေပြုနှင့် ပြည်သူလူထုအခြေပြု ရောဂါစောင့်ကြပ် ကြည့်ရှုခြင်း လုပ်ငန်းများကို ဆောင်ရွက်ခဲ့ရာ ဇူလိုင်နောက်ဆုံးရက်သတ္တပတ်မှ သြဂုတ်ဒုတိယ ရက်သတ္တပတ်အထိ လတ်တလော ပြင်းထန်အသက်ရှူလမ်းကြောင်း ရောဂါဖြင့် ဆေးရုံတက်ရောက်ကုသမှု၊ Seasonal Influenza A (H1N1) pdm 09 ပိုးတွေ့ရှိမှု၊ သေဆုံးမှုတို့မှာ ရောဂါကူးစက်မှု အခြေအနေ သုံးသပ်ချက်အရ Ascending Limb နှင့် Peak Period ရောဂါဖြစ်ပွားမှု အများဆုံးကာလအဖြစ် သုံးသပ်နိုင်ပြီး ရောဂါဖြစ်ပွားမှု အခြေအနေ၊ သေဆုံးမှု အခြေအနေမှာ သြဂုတ် ၁၅ ရက်မှစ၍ သိသိသာသာ ကျဆင်းလာကြောင်း၊ စာသင်ကျောင်း၊ လုပ်ငန်းခွင်၊ ဟိုတယ်၊ လူမှုရေးရိပ်သာနှင့် ဂေဟာများ၊ အခြားလူစုလူဝေးရှိသော နေရာများတွင် တုပ်ကွေးဆန်သော ရောဂါလက္ခဏာများ၊ Seasonal Influenza A (H1N1) pdm 09 ရောဂါ၏ ရောဂါပြင်းထန်မှု အခြေအနေ၊ ရောဂါကြောင့် ဆေးရုံတက်လူနာများ သေဆုံးမှုအခြေအနေ (Case Fatality Rate Among SARI Cases) များဖြင့် သုံးသပ်ခဲ့ရာ စက်တင်ဘာ ပထမ ရက်သတ္တပတ်မှစ၍ Seasonal Influenza A (H1N1) pdm 09 ကြောင့် ရောဂါသေဆုံးမှု လွန်စွာလျော့နည်းလာခြင်း၊ ရောဂါစောင့်ကြပ် ကြည့်ရှုမှုအရ Seasonal Influenza A (H1N1) pdm 09 ရောဂါကြောင့် သေဆုံးမှုမရှိခြင်း၊ ဝေဘာဂီဆေးရုံကြီး၊ ရန်ကုန်ပြည်သူ့ဆေးရုံကြီး အပါအ၀င် ဆေးရုံကြီးများတွင် ဆေးရုံတက်ရောက် ကုသသည့် လူနာအရေအတွက် ကျဆင်းလာခြင်းတို့ကြောင့် ရောဂါပြင်းထန်မှုအဆင့် အနိမ့်ဆုံးအခြေအနေ (Low Severity) အဆင့်သို့ ရောက်ရှိသွားပြီ ဖြစ်ကြောင်း သိရသည်။

ဆေးရုံတက်ရောက် ကုသနေသော ပြင်းထန်လူနာများ ထံမှတစ်ဆင့် ဆေးကုသပေးနေသော ဆရာဝန်၊ ဆရာမများ၊ ကျန်းမာရေး ၀န်ထမ်းများသို့ ရောဂါကူးစက်မှု နည်းပါးခြင်း၊ လူနာများ၏ မိသားစုများသို့လည်း ဆင့်ပွားရောဂါကူးစက်မှု မရှိသလောက် နည်းပါးခြင်း၊ ကျောင်းများ၊ အလုပ်ရုံများ၊ သက်ကြီးရွယ်အို ဂေဟာများတွင် ရောဂါကူးစက်ဖြစ်ပွားမှု မရှိသလောက် နည်းပါးခြင်းတို့ကြောင့် ရောဂါကူးစက်ပြန့်ပွားမှု အခြေအနေကို အနိမ့်ဆုံးအဆင့် ကူးစက်ပျံ့နှံ့မှု (Very Low Transmission) အဖြစ် သတ်မှတ်နိုင်ကြောင်း သိရသည်။

ရောဂါကူးစက် ပြန့်ပွားမှုနှင့် ရောဂါပြင်းထန်မှု အနိမ့်ဆုံးအဆင့်တို့သည် တစ်နှစ်လုံး ဖြစ်ပွားသည့် ရာသီတုပ်ကွေးရောဂါ ကူးစက်ပြန့်ပွားမှု အခြေအနေများ ဖြစ်သဖြင့် လက်ရှိ ဖြစ်ပွားနေမှုအား သာမန်ရာသီ တုပ်ကွေးရောဂါ (Seasonal Influenza) ပြန့်ပွားကူးစက်မှု အခြေအနေအဖြစ် သတ်မှတ်နိုင်ပြီဖြစ်ကြောင်း သိရသည်။

သို့သော် သာမန်ရာသီတုပ်ကွေးရောဂါ ဖြစ်ပွားမှုတွင်လည်း အသက်အရွယ် ငယ်လွန်းသူများ၊ အသက်အရွယ် ကြီးရင့်သူများ၊ နာတာရှည်ရောဂါရှိသူများ (ဆီးချို၊ နှလုံးရောဂါ၊ ပန်းနာရင်ကျပ်ရောဂါ) အနေဖြင့် ရောဂါကူးစက်ခံရပါက ပြင်းထန်ပြီး အသက်အန္တရာယ်ရှိသဖြင့် ရာသီတုပ်ကွေးရောဂါကို ကျန်းမာရေးနှင့် အားကစား ၀န်ကြီးဌာနမှ ရောဂါစောင့်ကြပ်ခြင်း၊ ကာကွယ်နှိမ်နင်းခြင်း လုပ်ငန်းများ စဉ်ဆက်မပြတ် ဆက်လက် ဆောင်ရွက်သွားမည်ဖြစ်ကြောင်း ဖော်ပြထားသည်။

စက်တင်ဘာ ၁၁ ရက် မွန်းလွဲ ၂ နာရီ အထိ လတ်တလော ပြင်းထန်အသက်ရှူလမ်းကြောင်း ရောဂါဖြင့် ဆေးရုံတက်ရောက်သူ လူနာ ၁၁၃၁ ဦးအနက် Seasonal Influenza A (H1N1) pdm 09 ပိုးတွေ့လူနာ ၃၉၈ ဦး၊ H3N2 ပိုးတွေ့လူနာ ၄၆ ဦး တွေ့ရှိရကြောင်းနှင့် ဖြစ်ပွားမှုအနေဖြင့် ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ပဲခူးတိုင်းဒေသကြီးတို့တွင် ဖြစ်ပွားမှုနှုန်း အများဆုံးဖြစ်ကြောင်း သိရသည်။

 

ကယားပြည်နယ်တွင် ပထမဦးဆုံးအဖြစ် နှစ်နှစ်အရွယ်ကလေးငယ်တစ်ဦးတွင် ကနဦးသံသယ H1N1 ရောဂါဖြစ်ကြောင်း အတည်ပြုပြောကြား

ကယားပြည်နယ်တွင် ပထမဦးဆုံးအဖြစ် လွိုင်ကော်ပြည်သူ့ဆေးရုံကြီးတွင် တက်ရောက်ကုသမှုခံယူနေသော အသက်နှစ်နှစ်အရွယ် ကလေးငယ်တစ်ဦး၌ ကနဦးသံသယ H1N1 ရောဂါဖြစ်ကြောင်း ဆေးရုံအုပ် ဒေါက်တာရန်နိုင်မောင်က စက်တင်ဘာ ၇ ရက် ညပိုင်းတွင် အတည်ပြုပြောကြားသည်။

ကလေးငယ်မှာ အသက်နှစ်နှစ်အရွယ် ယောက်ျားလေးတစ်ဦးဖြစ်ပြီး ရှမ်းပြည်နယ် ဖယ်ခုံမြို့နယ် မိုးဗြဲတိုက်နယ် လွယ်ယင်းကျေးရွာမှ လာရောက်ကုသမှုခံယူသူဖြစ်ကြောင်း သိရသည်။ စက်တင်ဘာ ၂ ရက်တွင် ဆေးရုံသို့ လာရောက်ကုသမှုခံယူပြီး ရန်ကုန်မြို့ ဗဟိုဓာတ်ခွဲဌာနသို့ နှာခေါင်းတို့ဖတ်အား ပေးပို့စစ်ဆေးခဲ့ရာ စက်တင်ဘာ ၇ ရက် ညနေ ၅ နာရီတွင် ဓာတ်ခွဲစစ်ဆေးချက်အဖြေအရ H1N1 pdm 09 ဖြစ်ကြောင်း အတည်ပြုခဲ့သည်ဟု သိရသည်။

“လက်ရှိကတော့ ကလေးကကောင်းတယ်။ စိုးရိမ်စရာမရှိတော့ဘူး။ ကျွန်တော်တို့ရောက်ကတည်းက အထူးကုကြီးတွေနဲ့ တိုင်ပင်ပြီးတော့ ကလေးအထူးကုကြီးတွေကိုယ်တိုင် သေချာလေးတော့ကုပေးနေတယ်။ အခုတော့ ကောင်းနေပါပြီဗျ။ မိဘတွေကိုလည်း ကူးစက်မှုမရှိအောင် ပညာပေးထားတယ်။ သံသယရှိတဲ့အခါမှာလည်း သွားတွေ့ထားတယ်။ ရောဂါ Confirm ဖြစ်တော့လည်း သူ့မိဘနှစ်ယောက်စလုံးကို သွားတွေ့ပြီးတော့ ကျွန်တော်တို့ရှင်းလင်းပြီး ပြောစရာရှိတာ အကုန်ပြောပြထားတယ်။ ကုသမှုအပိုင်းက အကုန်အဆင်ပြေပါတယ်” ဟု ဆေးရုံအုပ်ကြီး ဒေါက်တာရန်နိုင်မောင်က ပြောကြားသည်။

လူနာအခြေအနေမှာ တည်ငြိမ်လျက်ရှိသဖြင့် စိုးရိမ်စရာမရှိကြောင်း၊ လိုအပ်သော ကျန်းမာရေးစောင့်ရှောက်မှုနှင့် ကူးစက်မှုမပြန့်ပွားစေရန်အတွက် တားဆီးကာကွယ်ရေးလုပ်ငန်းများကို ရှမ်းပြည်နယ် ကျန်းမာရေးဦးစီးဌာနနှင့် လိုအပ်သလို ပူးပေါင်းဆောင်ရွက်လျက်ရှိကြောင်း၊ ကယားပြည်နယ် ကျန်းမာရေးဦးစီးဌာနမှလည်း သတင်းထုတ်ပြန်ထားကြောင်း သိရသည်။

လွိုင်ကော်ပြည်သူ့ဆေးရုံကြီးတွင် H1N1 ရောဂါသံသယရှိလူနာများ တွေ့ရှိပါက သီးခြားစမ်းသပ်စစ်ဆေးရန် အဆောင်နှင့် အရေးပေါ်ကုသရန်အတွက် Isolation Ward အား ကြိုတင်ပြင်ဆင်ထားခဲ့ကြောင်းလည်း သိရသည်။ လွိုင်ကော်ပြည်သူ့ဆေးရုံကြီးတွင် ကယားပြည်နယ်သာမက ရှမ်းပြည်နယ် မိုးဗြဲ၊ ဖယ်ခုံ၊ ပင်လောင်း စသည့်မြို့နယ်များမှ လူနာများ လာရောက်ကုသသည့် ဆေးရုံကြီးဖြစ်ကြောင်း သိရသည်။

H1N1 ဖြင့် စက်တင်ဘာ ၆ ရက်တွင် လူနာတစ်ဦး ထပ်မံသေဆုံးပြီး တစ်နိုင်ငံလုံး၌ သေဆုံးသူ စုစုပေါင်း ၃၇ ဦး ရှိပြီဖြစ်

ရန်ကုန်မြို့လယ်တွင် နှာခေါင်းစည်းတပ်လျက် သွားလာနေကြသူများအား တွေ့ရစဉ်

စက်တင်ဘာ ၆ ရက်က H1N1 ဖြင့် လူနာတစ်ဦး ထပ်မံသေဆုံးပြီး တစ်နိုင်ငံလုံး၌ သေဆုံးသူ စုစုပေါင်း ၃၇ ဦးအထိရှိကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

စက်တင်ဘာ ၅ ရက်မှ ၆ ရက်အထိ သံသယလူနာ ၁၀ ဦးအား ဓာတ်ခွဲစစ်ဆေးရာ H1N1 ပိုးတွေ့လူနာနှစ်ဦး ထပ်မံတွေ့ရှိပြီး စက်တင်ဘာ ၆ ရက်က H1N1 ဖြင့် လူနာတစ်ဦး ထပ်မံသေဆုံးခဲ့ကြောင်းနှင့် စက်တင်ဘာ ၆ ရက်အထိ H1N1 ပိုးတွေ့ လူနာအဖြစ် တိုင်းဒေသကြီး/ပြည်နယ် ဆေးရုံကြီးများတွင် အတွင်းလူနာစုစုပေါင်း ၁၈ ဦး ဆက်လက် ဆေးကုသမှု ခံယူလျက်ရှိကြောင်း သိရသည်။

ချင်းပြည်နယ်၊ တနင်္သာရီတိုင်းဒေသကြီး၊ နေပြည်တော်၊ ရှမ်းပြည်နယ် (တောင်ပိုင်း)၊ ရှမ်းပြည်နယ် (အရှေ့ပိုင်း)၊ ရခိုင်ပြည်နယ်နှင့် ကချင်ပြည်နယ်တို့တွင် H1N1 ဖြင့် ဆေးရုံတက်ရောက် ကုသသူများရှိသော်လည်း သေဆုံးသူ မတွေ့ရှိရကြောင်းနှင့် ကယားပြည်နယ်တွင် ရောဂါဖြစ်ပွားမှု မရှိကြောင်း သိရသည်။

Seasonal Influence A (H1N1) pdm 2009 ပိုးတွေ့ရှိသော်လည်း ရာသီတုပ်ကွေးရောဂါ၏ နောက်ဆက်တွဲဆိုးကျိုးကြောင့် သေဆုံးခြင်းမဟုတ်ဘဲ အခြားရောဂါအခံများကြောင့် သေဆုံးသူ စက်တင်ဘာ ၂ ရက်အထိ စုစုပေါင်း ၂၂ ဦးရှိကြောင်း၊ လက်ရှိအချိန်တွင် အခြားတိုင်းဒေသကြီး/ ပြည်နယ်ဆေးရုံကြီးများ၌ အတွင်းလူနာစုစုပေါင်း ၂၃ ဦး ဆေးကုသလျက်ရှိပြီး ဆေးရုံတက်ရောက်သူဦးရေ သိသိသာသာ ကျဆင်းလာပြီဖြစ်ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

စာသင်ကျောင်း၊ လုပ်ငန်းခွင်၊ ဟိုတယ်၊ လူမှုရေးရိပ်သာနှင့် ဂေဟာများ၊ အခြားလူစု လူဝေးရှိသောနေရာများတွင် တုပ်ကွေးဆန်သော ရောဂါလက္ခဏာများ ထပ်ပေါင်းဖြစ်ပွားမှု အခြေအနေ လျော့နည်းသွားသဖြင့် ကူးစက်မှုနှုန်း ကျဆင်းလာကြောင်းနှင့် ကျန်းမာရေးနှင့် အားကစားဝန်ကြီးဌာန အနေဖြင့် ရာသီတုပ်ကွေးရောဂါ ကာကွယ်ဆေးကို မဖြစ်မနေ ထိုးရမည်ဟု သတ်မှတ်ထားခြင်း မရှိသော်လည်း လူနာနှင့်ထိတွေ့ရသည့် ကျန်းမာရေးဝန်ထမ်းများအား ကာကွယ်ဆေးထိုးပေးလျက်ရှိပြီး ကမ္ဘာ့နိုင်ငံအများစုတွင်လည်း ရာသီတုပ်ကွေးရောဂါ ကာကွယ်ဆေးကို ပုံမှန်ကာကွယ်ဆေးထိုးလုပ်ငန်း အစီအစဉ်တွင် ထိုးနှံပေးခြင်းမရှိကြောင်း သိရသည်။

တစ်နေ့လျှင် ပျမ်းမျှ H1N1 သံသယလူနာ ၂၀ ၀န်းကျင် တွေ့ရှိနေဆဲဖြစ်ပြီး စက်တင်ဘာ ၃ ရက်မှ ၄ ရက်အထိ တစ်ရက်အတွင်း H1N1 ပိုးတွေ့လူနာကိုးဦး ထပ်မံတွေ့ရှိ

ရန်ကုန်မြို့အတွင်း နှာခေါင်းစည်းတပ်ဆင်၍ သွားလာနေသူအား တွေ့ရစဉ် (ဓာတ်ပုံ-ကြည်နိုင်)

တစ်နေ့လျှင်ပျမ်းမျှ H1N1 သံသယ လူနာဦးရေ ၂၀ ၀န်းကျင်ခန့် တွေ့ရှိနေဆဲဖြစ်ပြီး စက်တင်ဘာ ၃ ရက်မှ ၄ ရက်အထိ တစ်ရက်အတွင်း တစ်နိုင်ငံလုံး၌ H1N1 ပိုးတွေ့ လူနာကိုးဦး ထပ်မံတွေ့ရှိကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

စက်တင်ဘာ ၃ ရက်မှ ၄ ရက်အထိ  သံသယလူနာ၂၀ အား ဓာတ်ခွဲစမ်းသပ် စစ်ဆေးမှုတွင် H1N1 ပိုးတွေ့ လူနာကိုးဦး တွေ့ ရှိခဲ့ကြောင်း၊ စက်တင်ဘာ ၄ ရက်အထိ H1N1 ပိုးတွေ့လူနာအဖြစ် တိုင်းဒေသကြီး/ပြည် နယ်ဆေးရုံကြီးများတွင် အတွင်းလူနာ စုစုပေါင်း ၂၇ ဦး ဆက်လက် ဆေးကုသမှု ခံယူနေဆဲ ဖြစ်ကြောင်းနှင့်  တစ်နိုင်ငံလုံး၌ သေဆုံးသူ စုစုပေါင်း ၃၆ ဦးအထိရှိကြောင်း သိရသည်။

ရာသီတုပ်ကွေးရောဂါ Seasonal Influenza A (H1N1) pdm 2009 ဗိုင်းရပ်စ်ပိုးနှင့် ပတ်သက်၍ တစ်ကမ္ဘာလုံးနှင့် မြန်မာနိုင်ငံမှ အချက်အလက်များအား လေ့လာချက်အရ လူထုအတွင်း ရောဂါဖြစ်ပွား၊ သေဆုံးနှုန်း မမြင့်မားသော်လည်း နာတာရှည်ရောဂါအခံရှိသူများ၊ ကိုယ်ဝန်ဆောင်များ၊ ကလေးများတွင် ရောဂါပြင်းထန်ပြီး သေဆုံးမှုနှုန်း မြင့်မားနေကြောင်းနှင့် အထူးသဖြင့် ပိုးတွေ့လူနာများအနက်  အသက်ခုနစ်နှစ်အောက် ကလေးများတွင် စုစုပေါင်း ဖြစ်ပွားမှုနှုန်း ရာခိုင်နှုန်း ၃၀ နှင့် သေဆုံးမှုနှုန်း ရာခိုင်နှုန်း   ၄၀ ခန့်ရှိနေကြောင်း ကျန်းမာရေးနှင့် အားကစားဝန်ကြီးဌာန၏ H1N1 ဖြစ်စဉ်နှင့်ပတ်သက်၍ သုံးသပ်ချက်တွင် ဖော်ပြချက်အရ သိရသည်။

ကမ္ဘာ့ကျန်းမာရေးအဖွဲ့၏ စာရင်းများအရ Influenza A (H3N2), (H1N1), A (H1N1) pdm 2009, Influenza B ရာသီတုပ်ကွေးရောဂါပိုး အမျိုးအစားများသည် မြန်မာနိုင်ငံ အပါအ၀င် တစ်ကမ္ဘာလုံး အတိုင်းအတာဖြင့် ဖြစ်ပွားလျက်ရှိကြောင်း၊ တစ်ကမ္ဘာလုံး အတိုင်းအတာဖြင့် နှစ်စဉ်ရာသီတုပ်ကွေးရောဂါ ပြင်းထန်စွာခံစားရသူ သုံးသန်းမှ ငါးသန်းအထိရှိပြီး သေဆုံးသူနှစ် သိန်းခွဲမှ ငါးသိန်းရှိသဖြင့် ရောဂါပြင်းထန် သူများတွင် သေဆုံးမှုနှုန်း ၁၀ ရာခိုင်နှုန်းခန့် ရှိကြောင်း၊ ရာသီတုပ်ကွေး ရောဂါသည် အထူးသဖြင့် ငါးနှစ်အောက် ကလေးများ၊ အသက် ၆၅ နှစ်အထက် သက်ကြီးရွယ်အိုများ၊ ကိုယ်ဝန်ဆောင်များ၊ ဆီးချိုရောဂါ အစရှိသည့် နာတာရှည်ရောဂါ ရှိသူများ၊ ကိုယ်ခံအား ကျဆင်းသူများတွင် ရောဂါပိုမို ပြင်းထန်တတ်ပြီး အသက်သေဆုံး တတ်ကြောင်း ကျန်းမာရေးနှင့် အားကစား ၀န်ကြီးဌာနမှ သိရသည်။

ဗဟိုကူးစက်ရောဂါ တိုက်ဖျက်ရေးဌာနနှင့် အမျိုးသားကျန်းမာရေး ဓာတ်ခွဲမှုဆိုင်ရာ ဌာနတို့ပူးပေါင်း၍ တုပ်ကွေးရောဂါပိုးများအား ဓာတ်ခွဲစမ်းသပ် စောင့်ကြပ်ကြည့်ရှုခြင်း လုပ်ငန်းအား ၂၀၀၅ ခုနှစ်တွင် စတင်ဆောင်ရွက်ခဲ့ကြောင်း၊ ကမ္ဘာ့ကျန်းမာရေးအဖွဲ့ အသိအမှတ်ပြု အမျိုးသားအဆင့် တုပ်ကွေးရောဂါလုပ်ငန်း ဗဟိုဌာန (National Influenza Centre) အဖြစ်၂၀၀၈ ခုနှစ်တွင် အကောင်အထည်ဖော် ဆောင်ရွက်ခဲ့ပြီး မြန်မာနိုင်ငံအတွင်း တုပ်ကွေးရောဂါ ဖြစ်ပွားမှု အခြေအနေ၊ ပျံ့နှံ့လျက်ရှိသည့် ရောဂါပိုး အမျိုးအစား၊ ရောဂါပိုးများ၏ ကူးစက်နိုင်စွမ်း သတ္တိ၊ ရာသီအလိုက် တုပ်ကွေးရောဂါ ဖြစ်ပွားမှုအခြေအနေ၊ ကပ်ရောဂါအသွင် ဖြစ်ပွားမှု အခြေအနေနှင့် ကမ္ဘာတစ်ဝန်းရှိ ဓာတ်ခွဲခန်းများနှင့် ပူးပေါင်းဆောင်ရွက်မှု လုပ်ငန်းများအား လုပ်ဆောင်ခဲ့ကြောင်း သိရသည်။

Influenza A (H1N1) pdm 2009 တုပ်ကွေးရောဂါပိုးသည် ဗိုင်းရပ်စ်ရောဂါပိုးအသစ် (Novel Virus) အနေဖြင့် မြောက်အမေရိကတိုက်၌ ၂၀၀၉ ခုနှစ်၊ ဧပြီလမှစတင်ပြီး တစ်ကမ္ဘာလုံးသို့ ပျံ့နှံ့ခဲ့ရာ ကမ္ဘာ့ကျန်းမာရေးအဖွဲ့က ကမ္ဘာ့ကပ်ရောဂါ (Pandemic) အဖြစ်သတ်မှတ်၍ တုံ့ပြန်ရေးလုပ်ငန်းများ ဆောင်ရွက်ခဲ့ကြောင်း၊ အဆိုပါ Influenza A (H1N1) pdm 2009 ဗိုင်းရပ်စ် ရောဂါပိုး၏ ဖြစ်ပွားသေဆုံးမှုနှင့် ပျံ့နှံ့မှုလက္ခဏာများအား ကမ္ဘာ့ကျန်းမာရေးအဖွဲ့က သုံးသပ်ပြီး ၂၀၁၀ ခုနှစ် သြဂုတ် ၁၀ ရက်တွင် ကမ္ဘာ့ကပ်ရောဂါအသွင်မှ ရာသီတုပ်ကွေးရောဂါ (Seasonal Influenza) ဖြစ်ပွားကူး စက်မှုအဖြစ်သို့ ပြောင်းလဲသတ်မှတ်ခဲ့ကြောင်းနှင့် မြန်မာနိုင်ငံအနေဖြင့် ရာသီတုပ်ကွေး ရောဂါပိုး တွေ့ရှိမှု အခြေအနေအရ ၂၀၁၀  ခုနှစ်နှင့် ၂၀၁၄ ခုနှစ်တို့တွင် Seasonal Influenza A (H1N1) pdm 2009 ပိုး ကူးစက်မှု အဓိကဖြစ်ပွားခဲ့သော နှစ်များအဖြစ်  တွေ့ရှိရကြောင်း သိရသည်။

 

အာရှနိုင်ငံများအနက် မြန်မာနိုင်ငံက H1N1 ရောဂါဖြစ်ပွားမှု အဆင့် (၅) တွင် ရှိနေ

လက်ရှိ မြန်မာနိုင်ငံ အပါအ၀င် အာရှဒေသတွင်း နိုင်ငံအများစုတွင် အမျိုးအစားတူ ရာသီတုပ်ကွေးရောဂါ Seasonal Influenza A (H1N1) pdm 2009 ကူးစက်ဖြစ်ပွားမှု ရှိနေပြီး ရောဂါဖြစ်ပွားနေသော နိုင်ငံများအနက် မြန်မာနိုင်ငံမှာ ရောဂါဓာတ်ခွဲ အတည်ပြုဖြစ်ပွားသူ ဦးရေ ၃၀၀ နီးပါးဖြင့် အဆင့် (၅) နေရာတွင် ရှိနေကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ကမ္ဘာ့ကျန်းမာရေးအဖွဲ့၏ Flu Net Website တွင် ဖော်ပြချက်အရ ၂၀၁၇ ခုနှစ် ဇန်န၀ါရီမှ သြဂုတ် ၂၀ ရက်အထိ ခုနစ်လကျော် ကာလအတွင်း အရှေ့တောင်အာရှဒေသ နိုင်ငံများနှင့် မြန်မာနိုင်ငံ၏ အိမ်နီးချင်း နိုင်ငံများ၏ သတင်းပေးပို့ အတည်ပြု ရာသီတုပ်ကွေးရောဂါ ဖြစ်ပွားမှု အခြေအနေမှာ တရုတ်နိုင်ငံတွင် ဓာတ်ခွဲစမ်းသပ် စစ်ဆေးသူ ၃၉၇၆၀၉ ဦးအနက် ရောဂါဖြစ်ပွားသူ ၁၂၁၀၃ ဦး ရှိကြောင်း၊ အိန္ဒိယနိုင်ငံတွင် ၈၈၄၅ ဦးအနက် ရောဂါဖြစ်ပွားသူ ၁၄၁၂ ဦး၊ နီပေါနိုင်ငံတွင် ၁၈၂၆ ဦးအနက် ရောဂါဖြစ်ပွားသူ ၄၈၀၊ သီရိလင်္ကာနိုင်ငံတွင် ၅၈၅၄ ဦးအနက် ရောဂါဖြစ်ပွားသူ ၃၇၃ ဦး၊ မြန်မာနိုင်ငံတွင် ၇၉၇ ဦးအနက် ရောဂါဖြစ်ပွားသူ ၂၉၇ ဦး၊ မော်လ်ဒိုက်နိုင်ငံတွင် ၉၄၆ ဦးအနက် ရောဂါဖြစ်ပွားသူ ၂၈၉ ဦး၊ ဘင်္ဂလားဒေ့ရ်ှနိုင်ငံတွင် ၃၄၅၅ ဦးအနက် ရောဂါဖြစ်ပွားသူ ၂၇၄ ဦး၊ ထိုင်းနိုင်ငံတွင် ၁၉၂၈ ဦးအနက် ရောဂါဖြစ်ပွားသူ ၁၃၂ ဦး၊ မလေးရှားနိုင်ငံတွင် ၁၈၄၈ ဦးအနက် ရောဂါဖြစ်ပွားသူ ၅၉ ဦး၊ ဘူတန်နိုင်ငံတွင် ၁၀၄၃ ဦးအနက် ရောဂါဖြစ်ပွားသူ ၄၈ ဦး၊ အင်ဒိုနီးရှားနိုင်ငံတွင် ၁၀၉ ဦးအနက် ရောဂါဖြစ်ပွားသူ နှစ်ဦးရှိကြောင်း သိရသည်။

H1N1 ရောဂါ ရိုက်ခတ်မှုကြောင့် သုံးလအတွင်း ကြက်မွေးမြူရေးကဏ္ဍမှ ဒေါ်လာ ၁၆၅ သန်းဝန်းကျင် ဆုံးရှုံးခဲ့ဟုဆို

H1N1 ရောဂါ ရိုက်ခတ်မှုကြောင့် သုံးလအတွင်း ကြက်မွေးမြူရေးကဏ္ဍမှ အမေရိကန်ဒေါ်လာ ၁၆၅ သန်းဝန်းကျင် ဆုံးရှုံးခဲ့ကြောင်း မြန်မာနိုင်ငံ မွေးမြူရေးလုပ်ငန်းအဖွဲ့ချုပ် ဒုတိယဥက္ကဋ္ဌ ဦးမြဟန်က ပြောကြားသည်။

တောင်သူလယ်သမားများနှင့် သားငါးလုပ်ငန်းရှင်များအတွက် အာမခံဝန်ဆောင်မှု ပေးစွမ်းနိုင်ရေးဆိုင်ရာ ဆွေးနွေးပွဲကို သြဂုတ် ၁၉ ရက်က စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဒေါက်တာအောင်သူနှင့် လုပ်ငန်းရှင်များ ဆွေးနွေးခဲ့ကြကြောင်း ကုန်သည်စက်မှုအသင်းချုပ် မှ သိရသည်။

အာမခံစနစ်ကို စိုက်ပျိုးရေးကဏ္ဍတွင်သာမကဘဲ မွေးမြူရေးလုပ်ငန်းအတွက်ပါ ၀န်ဆောင်မှုပေးနိုင်ရေး မြန်မာနိုင်ငံ မွေးမြူရေးလုပ်ငန်းအဖွဲ့ချုပ်က ဆွေးနွေးခဲ့ကြောင်း ကုန်သည်စက်မှုအသင်းချုပ်မှ ထုတ်ပြန်ထားသည်။

မြန်မာနိုင်ငံအတွင်း H1N1 ရောဂါနှင့် H5N1 ရောဂါဖြစ်ပွားနေမှု သတင်းများကြောင့် ပြည်သူများ ကြက်ဥ၊ ကြက်သားများ စားသုံးမှု လျှော့နည်းသွားခဲ့ရပြီး ကြက်ဥ၊ ကြက်သားဈေးနှုန်းများ ဆက်တိုက် ကျဆင်းနေမှုများကြောင့် မွေးမြူရေးလုပ်ငန်းရှင်များ အနေဖြင့် လုပ်ငန်းများ ဆက်လက် ရပ်တည်ရန် ခက်ခဲလာနေကြောင်း သြဂုတ် ၁၉ ရက်တွင် မြောင်းမြမြို့တွင် ပြုလုပ်ခဲ့သည့် ဧရာဝတီတိုင်းဒေသကြီး မွေးမြူရေးလုပ်ငန်းရှင်များအဖွဲ့၏ သတင်းစာ ရှင်းလင်းပွဲမှ သိရသည်။

လူများတွင် ဖြစ်ပွားတတ်သည့် H1N1 ရောဂါနှင့် ကြက်များတွင် ဖြစ်ပွားတတ်သည့် H5N1 ရောဂါများအား ပြည်သူများမှ ရောထွေးစွာ သိရှိနေကြခြင်းကြောင့် ပြည်သူများအကြားတွင် ကြက်ဥ၊ ကြက်သား စားသုံးမှုများ အလွန်ကျဆင်းသွားခဲ့ရကြောင်း၊ H5N1 ရောဂါမှာ ထားဝယ်မြို့တွင်သာ ဖြစ်ပွားခဲ့သော်လည်း မြန်မာတစ်နိုင်ငံလုံးတွင် ကြက်ဥ၊ ကြက်သား စားသုံးရန်ကို ပြည်သူများ စိုးရိမ်နေသည်ကို အစိုးရအဖွဲ့မှ တိကျသော သတင်းထုတ်ပြန် အသိပေးမှုများ ပြုလုပ်၍ ပြည်သူများ စိုးရိမ်မကြီးစေရန် ပြုလုပ်ပေးရန် လိုအပ်ကြောင်း၊ လက်ရှိအချိန်တွင် ကြက်ဥ၊ ကြက်သားဈေးနှုန်းများမှာ ထုတ်လုပ်မှု ကုန်ကျစရိတ်အောက်ကို ရောက်ရှိနေပြီး မွေးမြူရေးသမား အနေဖြင့် ကြက်များကို အစာများ ကျွေးမွေးရန်အတွက်ပါ ရင်းနှီးငွေများ လိုအပ်မှုများရှိလာကြကြောင်း၊ ယခုကဲ့သို့ ဈေးနှုန်းများ ဆက်လက် ကျဆင်းနေပါက မွေးမြူရေးလုပ်ငန်းရှင်များအနေဖြင့် လုပ်ငန်းများ ဆက်လက် ရပ်တည်နိုင်ရန်မှာ ခက်ခဲမှုများရှိနေသောကြောင့် အစိုးရအဖွဲ့အနေဖြင့် ပြည်သူလူထုအား ကြက်ဥ၊ ကြက်သားများ စားသုံးမှုမှာ မြန်မာနိုင်ငံအနှံ့တွင် ဖြစ်ပွားနေသည့် H1N1 ရောဂါနှင့် ဆက်စပ်မှုများ မရှိကြောင်း သတင်းစာရှင်းလင်းပွဲများ နိုင်ငံပိုင်မီဒီယာများမှ သတင်းထုတ်ပြန်ပေးမှုများ ပြုလုပ်ပေးရန် လိုအပ်ကြောင်း ဧရာဝတီတိုင်းဒေသကြီး မွေးမြူရေးလုပ်ငန်းရှင်များ အဖွဲ့မှ အဆိုပါ သတင်းစာရှင်းလင်းပွဲတွင် ပြောကြားသည်။

“ပြည်သူတွေက H1N1 ရောဂါနဲ့ ကြက်ငှက်တုပ်ကွေးရောဂါကို ရောထွေးပြီးတော့ မြင်နေကြတယ်။ အခု ကြက်ဥ၊ ကြက်သား စားတာဟာ H1N1 ရောဂါဖြစ်ပွားမှုနဲ့ မသက်ဆိုင်ဘူး ဆိုတာကို ပြည်သူတွေ သိစေဖို့ အစိုးရအနေနဲ့ မီဒီယာတွေ ရုပ်သံတွေကနေ ခပ်စိပ်စိပ်လေး ဖြန့်ဝေပေးဖို့လိုတယ်။ ကြက်ငှက်တုပ်ကွေး ရောဂါဟာအခု ဦးတို့ဒေသတွေမှာ မဖြစ်ပါဘူး။ ကြက်ငှက်တုပ်ကွေး ရောဂါနဲ့ပတ်သက်ပြီးတော့ အမြဲတမ်း ဦးတို့က စစ်ဆေး ဆောင်ရွက်နေပါတယ်။ အခုဆိုရင် ပြည်သူတွေက ကြောက်ပြီးတော့ ကြက်ဥ၊ ကြက်သား စားသုံးမှုက အလွန်ကို လျော့ကျသွားပါတယ်။ အခုဆို ကျဆင်းနေတဲ့ ဈေးနှုန်းများအရ မွေးမြူရေးသမားတွေဟာ ဆက်ပြီးတော့ ရပ်တည်ဖို့ဆိုတာ ခက်ခဲကုန်ပါပြီ” ဟု ဧရာဝတီတိုင်းဒေသကြီး မွေးမြူရေးလုပ်ငန်းရှင်များအဖွဲ့ချုပ် ဥက္ကဋ္ဌ ဦးအောင်မြင့်က ပြောကြားသည်။

ကြက်သား တစ်ပိသာလျှင် ပျှမ်းမျှ ထုတ်လုပ်မှု ကုန်ကျစရိတ်မှာ ကျပ် ၂၈၀၀ ခန့်ရှိပြီး ယနေ့ ဈေးကွက်တွင် ကြက်သား တစ်ပိသာ ကျပ် ၁၅၀၀ ခန့်သာ ရောင်းချနေရကြောင်း၊ ကြက်ဥ တစ်လုံးဈေးနှုန်းများမှာလည်း ယခင်က ကျပ် ၉၀ ခန့် ဈေးနှုန်း ရှိသော်လည်း ယနေ့ဈေးကွက်တွင် ကြက်ဥ တစ်လုံး ၄၅ ကျပ်ခန့်သာ ရောင်းချနေရကြောင်း မွေးမြူရေးလုပ်ငန်းရှင်များထံမှ သိရသည်။

H1N1 ရောဂါဖြင့် လူသေဆုံးမှု ဖြစ်ပွားခဲ့သော်လည်း ပေါင်းတည်မြို့၌ မြတ်စွယ်တော် လှည့်လည်ပူဇော်ခံ ပွဲတော် ကျင်းပမည်

 ယခုနှစ် မြတ်စွယ်တော်ပွဲတော်သို့ လာရောက်ကြသည့် ဈေးဆိုင်ခန်းများကို သြဂုတ် ၂၀ ရက်က တွေ့ရစဉ် (ဓာတ်ပုံ-ဝေလင်း)

ရာသီတုပ်ကွေး H1N1 ရောဂါဖြင့် လူသေဆုံးမှု ဖြစ်ပွားခဲ့သည့် ပဲခူးတိုင်းဒေသကြီး အနောက်ပိုင်း ပြည်ခရိုင် ပေါင်းတည်မြို့တွင် မြတ်စွယ်တော် လှည့်လည်ပူဇော်ခံပွဲတော်အား နှစ်စဉ်ကျင်းပသကဲ့သို့ ကျင်းပမည်ဖြစ်ကြောင်း သိရသည်။

ပေါင်းတည် မြတ်စွယ်တော် လှည့်လည်ပူဇော်ပွဲမှာ မြန်မာနိုင်ငံတွင် အထင်ကရပွဲတော် တစ်ခုဖြစ်ပြီး ဆင်များဖြင့် လှည့်လည်သည့် ပွဲတော်ဖြစ်ကာ သြဂုတ် ၁၂ ရက်က ပေါင်းတည်မြို့နယ် ကျွဲတဲကျေးရွာတွင်နေ ထိုင်သူ အသက်(၄၃ )နှစ်အရွယ် အမျိုးသမီးတစ်ဦးမှာ ပြည်မြို့ပြည်သူ့ဆေးရုံကြီးတွင် ဆေးကုသမှုခံယူရင်း သေဆုံးခဲ့ပြီး H1N1 ဖြင့် သေဆုံးသူဖြစ်ကြောင်း ကျန်းမာရေးဌာနက အတည်ပြုထားခြင်းကြောင့် မကြာမီ ပွဲတော်ကျင်းပမည့်အပေါ် ကျန်းမာရေး ကာကွယ်စောင့်ရှောက်မှုများ ပေးနိုင်ရန် စည်းဝေးနေသော်လည်း ဒေသခံအချို့မှာ စိုးရိမ်မှုများ ဖြစ်ပေါ်နေကြောင်း မြို့ခံများက ပြောကြားသည်။

“ဘုရားပွဲကတော့ နှစ်တိုင်းလုပ်နေကျဆိုတော့ ဒေသခံတွေအနေနဲ့ ဖြစ်စေချင်တာပေါ့။ အရေးကြီးတာက H1N1 ဖြစ်နေတဲ့ အခါကျတော့ လုံခြုံရေး စီမံချက်ကတော့ အများကြီးလုပ်ဖို့ လိုအပ်မယ်လေ။ ကျန်းမာရေးဌာန တွေအနေနဲ့ မလုံလောက်ဘူးဆိုရင် အရပ်ဘက် အဖွဲ့အစည်းတွေနဲ့ ဘယ်လိုပူးပေါင်း ဆောင်ရွက်မလဲ။ လုံခြုံရေးစီမံချက်ကို တိတိကျကျလုပ်ဖို့ လိုမယ်လို့မြင်တယ်” ဟု မြို့ခံကိုမိုးလှိုင်က ပြောကြားသည်။

ဘုရားဂေါပကအဖွဲ့များ အနေဖြင့်လည်း ကျန်းမာရေး အဖွဲ့များနှင့် တိုင်ပင်ကာ အသိပညာပေး ဆိုင်းဘုတ်များ ထောင်ခြင်း၊ နှာခေါင်းစည်းများ ဝေငှခြင်း၊ တစ်ရှူးများ ဝေငှခြင်းတို့ ပြုလုပ်ရန်ရှိပြီး အများစိုးရိမ်သလို ဆိုးဆိုးရွားရွားဖြစ်မည် မဟုတ်သလို နှစ်စဉ်နှစ်တိုင်း ကျင်းပမြဲဖြစ်၍ ဆက်လက်ကျင်းပမည် ဖြစ်ကြောင်း ဂေါပကအဖွဲ့မှ သိရသည်။

“နိုင်ငံတော် သတင်းစာတွေမှာပါတဲ့ အတိုင်းပဲလေ။ တစ်နိုင်ငံလုံး မစိုးရိမ်ရတဲ့အပိုင်း။ ကပ်ရောဂါမဟုတ်ဘူး။ များသောအားဖြင့် ကိုယ်ခံအားနည်းတဲ့သူတွေ၊ နဂိုရောဂါအခံရှိတဲ့သူတွေ အဖြစ်များတယ်။ ကျွန်တော်တို့က လည်း ဒါနဲ့ပတ်သက်ပြီး စီစဉ်ပြီးဆောင်ရွက် ထားတဲ့အတွက် စိုးရိမ်စရာမလိုဘူး။ ဒီနှစ် ကတော့ကျင်းပခွင့်က ထစ်ငေါ့ထစ်ငေါ့ ဖြစ်တယ်ဆိုတဲ့အပိုင်းမှာ တရားဝင်စာကို စောင့်ရတယ်။ ဟိုတုန်းကတော့ တရားဝင်စာကို လမ်းကြောင်းက သွားတာကသွားတာပဲ။ လုပ်နေကျလုပ်ငန်းက ပုံမှန်လုပ်နေတာပဲ။ တစ်ခါမှလည်း အထစ်အငေါ့ မရှိခဲ့ဘူး။ တစ်နိုင်ငံလုံးနဲ့ ပတ်သက်တော့ သတိထားလုပ်တဲ့ သဘောပဲ။ အခုခေတ်ကတော့ သဘောကျတဲ့ လူလည်းရှိတယ်။ သဘောမကျတဲ့လူလည်း ရှိတယ်။ ထောက်ခံတဲ့သူလည်းရှိတယ်။ မထောက်ခံတဲ့သူလည်းရှိတယ်။ ကျွန်တော်တို့ကတော့ ထောက်ခံသူများလို့ ကျင်းပတာပါ” ဟု သကျမုနိ မိုဃ်းကောင်းဘုရားကြီး မြတ်စွယ်တော် အခမ်းအနားစီစဉ်မှုအဖွဲ့ ဒုဥက္ကဋ္ဌဦးကျော်ဦးက ပြောကြားသည်။

မြတ်စွယ်တော် လှည့်လည်ပူဇော်ပွဲအား တော်သလင်းလဆန်း ၁၂  ရက်မှ လပြည့်နေ့အထိ (စက်တာဘာ၂ ရက်မှ ၅ ရက်) ကျင်းပလေ့ရှိပြီး မြတ်စွယ်တော် လှည့်လည်ရာတွင် ဆင်များ၊ ဒေ၀ါဝင်းရာဇာဝင်း၊ ဘုရားနိပါတ်တော် ဇာတ်သရုပ်ဖော်ထားသည့် နွားလှည်းယာဉ်များ၊ ယိမ်းကားများဖြင့် စည်ကားစွာ ကျင်းပလေ့ရှိကြောင်း သိရသည်။

 

မြန်မာနိုင်ငံတွင် H1N1 ဖြစ်ပွားမှုအရ ကူးစက်ပျံ့နှံ့မှု အသင့်အတင့်၊ ရောဂါပြင်းထန်မှုမှာ ပြင်းထန်မဟုတ်သော အဆင့်၌သာရှိပြီး ကပ်ရောဂါအဖြစ်သို့ ကူးပြောင်းနိုင်ခြေ နည်းပါးဟုဆို

ရန်ကုန်ပြည်သူ့ဆေးရုံကြီးရှိ ကျန်းမာရေး ၀န်ထမ်းများ နှာခေါင်းစည်း တပ်ဆင်ထားသည်ကို တွေ့ရစဉ် (ဓာတ်ပုံ-ကြည်နိုင်)

မြန်မာနိုင်ငံ၏ ရာသီတုပ်ကွေး H1N1 ဖြစ်ပွားမှု အခြေအနေအရ ကူးစက်ပျံ့နှံ့မှု အသင့်အတင့် (Moderate Transmission) ရောဂါပြင်းထန်မှုမှာ ပြင်းထန်မဟုတ်သော (Low Severity) အဆင့်တွင်သာရှိပြီး ကပ်ရောဂါ အဖြစ်သို့ ကူးပြောင်းနိုင်ခြေ နည်းပါးသွားပြီဖြစ်ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

လက်ရှိပြည်တွင်း၌ ဖြစ်ပေါ်နေသော ရာသီတုပ်ကွေးရောဂါ ဖြစ်ပွားမှုသည် ဖြစ်ရိုးဖြစ်စဉ်ထက် ပိုမိုလာသည်ကို တွေ့ရကြောင်း၊ ရောဂါ၏ ဖြစ်ပွားတတ်သော သဘာဝအရ လာမည့်ရက်သတ္တပတ်များတွင် ဖြစ်ပွား၊ သေဆုံးမှု လုံးဝပပျောက်ရန် သေချာပေါက် ခန့်မှန်းတွက်ချက်၍ မရနိုင်သေးကြောင်းနှင့် လက်ရှိရောဂါဖြစ်ပွား၊ သေဆုံးမှု အခြေအနေနှင့် ပတ်သက်၍ ကာကွယ်ထိန်းချုပ်ရေး လုပ်ငန်းများ ဆောင်ရွက်မှုကြောင့် ထိန်းသိမ်းနိုင်သော အခြေအနေတွင်ရှိကြောင်း သိရသည်။

ရောဂါကူးစက်မှု အခြေအနေနှင့်ပတ်သက်၍ သုံးသပ်မှုအရ လူထုအတွင်း တုပ်ကွေးဆန်သော ရောဂါလက္ခဏာများ ထပ်ဆင့်စုစုပေါင်း ဖြစ်ပွားမှု အခြေအနေ၊ လုပ်ငန်းခွင်များတွင် တုပ်ကွေးဆန်သော ရောဂါလက္ခဏာများ ထပ်ဆင့်စုစုပေါင်း ဖြစ်ပွားမှု အခြေအနေ၊ အိမ်ရှိလူများတွင် တုပ်ကွေးဆန်သော ရောဂါလက္ခဏာများ ထပ်ဆင့်စုစုပေါင်း ဖြစ်ပွားမှု အခြေအနေနှင့် လူနာနှင့် အနီးကပ်ထိတွေ့ ကိုင်တွယ်သူများတွင် တုပ်ကွေးဆန်သော ရောဂါလက္ခဏာများ ဖြစ်ပွားမှုအခြေအနေ တွေ့ရှိချက်များအရ မြန်မာနိုင်ငံတွင် ဖြစ်ပွားနေသော Seasonal Influenza A (H1N1) pdm 2009 သည် ကူးစက်ပျံ့နှံ့မှု အသင့်အတင့် (Moderate Transmission) ရှိကြောင်း သုံးသပ်ထားသည်။

ရောဂါပြင်းထန်မှု အခြေအနေနှင့် ပတ်သက်၍ သုံးသပ်မှုအရ လတ်တလောပြင်းထန် အသက်ရှူလမ်းကြောင်း ရောဂါလူနာများတွင် သေဆုံးမှုနှုန်း၊ ရက်အလိုက် လတ်တလောပြင်းထန် အသက်ရှူလမ်းကြောင်း ရောဂါဖြင့် ဆေးရုံတက်ရောက်မှုနှုန်း၊ ယခုမြန်မာနိုင်ငံ၌ ဖြစ်ပွားလျက်ရှိသော ရာသီတုပ်ကွေး ရောဂါပိုးအား ဂျပန်နိုင်ငံရှိ National Institute of Infectious ဓာတ်ခွဲခန်းသို့ ပို့ဆောင်၍ အသေးစိတ်စစ်ဆေးရာ (၁) ရောဂါပိုးမှာ တစ်ကမ္ဘာလုံး ပုံမှန်ပျံ့နှံ့သည့် ရာသီတုပ်ကွေးရောဂါပိုး အမျိုးအစားဖြစ်ခြင်း၊ (၂) ပုံမှန်ကုသသည့် ဗိုင်းရပ်စ်ကြောင့်ဖြစ်သော ရောဂါကို ကုသသောဆေးများအား ၉၅ မှ ၉၈ ရာခိုင်နှုန်းအထိ တုံ့ပြန်မှုရှိခြင်း၊ (၃) ကြက်ငှက်တုပ်ကွေး ရောဂါပိုးနှင့် မျိုးရိုးဗီဇပေါင်းစပ်မှု မရှိခြင်းတို့ကြောင့် ရောဂါပြင်းထန်မှု အခြေအ နေသည် ပြင်းထန်အဆင့် မဟုတ်သော (Low Severity) အဆင့်တွင်သာရှိကြောင်း သုံးသပ်ထားသည်။

ထို့ပြင် ရောဂါကူးစက် ပျံ့နှံ့မှုနှင့် ပြင်းထန်မှုများအရလည်းကောင်း၊ Cluster of IlI cases လေ့လာမှုအရ လည်းကောင်း လက်ရှိဖြစ်ပွားနေသော A (H1N1) pdm 2009 သည် Early Warning အဆင့်ဖြစ်ပြီး ကပ်ဖြစ်ပွားမှုအခြေအနေ၏ Ascending Limb ဖြစ်ပွားနိုင်ခြေ အဆင့်သာ သတ်မှတ်နိုင်ကြောင်းနှင့် ကျန်းမာရေးနှင့် အားကစား ၀န်ကြီးဌာနနှင့် သက်ဆိုင်ရာ အစိုးရ၊ ဌာနဆိုင်ရာများ ပူးပေါင်း ဆောင်ရွက်မှုကြောင့် ကပ်ရောဂါ အဖြစ်သို့ ကူးပြောင်းနိုင်ခြေ နည်းပါးသွားပြီဖြစ်ကြောင်း ကျန်းမာရေးနှင့် အားကစား ၀န်ကြီးဌာနမှ သိရသည်။

လက်ရှိ မြန်မာနိုင်ငံ အပါအ၀င် အရှေ့တောင်အာရှ ဒေသတွင်း နိုင်ငံအများစုတွင် အမျိုးအစားတူ  ရာသီတုပ်ကွေးရောဂါ Seasonal Influenza A (H1N1) pdm 2009 ကူးစက်ဖြစ်ပွားမှုရှိနေပြီး အိမ်နီးချင်း နိုင်ငံဖြစ်သည့် တရုတ်နိုင်ငံတွင် လူဦးရေ ၁၂၀၀၀ ကျော်အထိ  ဖြစ်ပွားမှုရှိနေကြောင်း ကမ္ဘာ့ကျန်းမာရေးအဖွဲ့မှ သိရသည်။

ကမ္ဘာ့ကျန်းမာရေးအဖွဲ့၏ Flu Net Website တွင် ဖော်ပြချက်အရ ၂၀၁၇ ခုနှစ် ဇန်န၀ါရီမှ သြဂုတ်လ ပထမပတ်အထိ ခုနစ်လတာကာလ အတွင်း အရှေ့တောင်အာရှဒေသ နိုင်ငံများနှင့် မြန်မာနိုင်ငံ၏ အိမ်နီးချင်းနိုင်ငံ၏ သတင်းပေးပို့ချက်အရ ရာသီတုပ်ကွေးရောဂါ ဖြစ်ပွားမှု အခြေအနေမှာ တရုတ်နိုင်ငံတွင် ၁၂၀၆၀၊ အိန္ဒိယနိုင်ငံတွင် ၁၃၁၈ ဦး၊ နီပေါနိုင်ငံတွင် ၄၈၀၊ သီရိလင်္ကာ နိုင်ငံတွင် ၃၇၃ ဦး၊ မော်ဒိုက်နိုင်ငံ တွင် ၂၈၉ ဦး၊ ဘင်္ဂလားဒေ့ရ်ှနိုင်ငံ တွင် ၂၇၄ ဦး၊ မြန်မာတွင် ၁၃၆ ဦး၊ ထိုင်းနိုင်ငံတွင် ၁၀၉ ဦး၊ မလေးရှား နိုင်ငံတွင် ၅၉ ဦး၊ ဘူတန်နိုင်ငံတွင် ၄၈ ဦးနှင့် အင်ဒိုနီးရှားနိုင်ငံတွင် နှစ်ဦး ဖြစ်ပွားခဲ့ကြောင်းနှင့် ရာသီတုပ်ကွေး ရောဂါကူးစက်ဖြစ်ပွားမှု အခြေအနေမှာ မြန်မာနိုင်ငံတွင် သာမက နယ်နိမိတ်ချင်း ထိစပ်နေသော နိုင်ငံများနှင့် အရှေ့တောင် အာရှဒေသတွင်း နိုင်ငံများအနက် အများစုတွင် အမျိုးအစားတူ ရာသီတုပ်ကွေးရောဂါ ကူးစက်ဖြစ်ပွားနေသည့် ကာလဖြစ်ကြောင်း သိရ သည်။