ရွေးကောက်ပွဲ ၀င်ရောက်စွက်ဖက်မှုများကို ဖြေရှင်းရန် Facebook က သတင်းစစ်ပွဲခန်းမ တည်ထောင်မည်

Photo: AFP

Facebook သုံး၍ လာမည့်ရွေးကောက်ပွဲများ၌ ၀င်ရောက်စွက်ဖက်မှုများကို ဖြေရှင်းရေးအတွက် သတင်းစစ်ပွဲခန်းမတစ်ခုကို တည်ထောင်သွားမည်ဖြစ်ကြောင်း Facebook က စက်တင်ဘာ ၁၉ ရက်တွင် ပြောကြားခဲ့သည်။ ဘရာဇီးနှင့် အမေရိကန်ရွေးကောက်ပွဲများအတွက် ဆီလီကွန်ဗေးလီးတွင် သတင်းစစ်ပွဲခန်းမတစ်ခု တည်ထောင်နေကြောင်း အရပ်ဖက် ထိတွေ့ဆက်ဆံရေးဆိုင်ရာ ဒါရိုက်တာ ဆာမစ်ချာကရာဘာတီက ပြောကြားခဲ့သည်။

အချိန်နှင့်တစ်ပြေးညီ ဆုံးဖြတ်ချက်များ ဆောင်ရွက်ရန် လိုအပ်သည့်အခါ ယင်းခန်းမအား ကွပ်ကဲရေးစင်တာအဖြစ် အသုံးပြုသွားမည်ဖြစ်ကြောင်း ၎င်းက ပြောကြားခဲ့သည်။ သို့သော်လည်း သတင်းစစ်ပွဲခန်းမ စတင်လည်ပတ်မည့်အချိန်ကို ပြောကြားရန် ၎င်းက ငြင်းဆိုခဲ့သည်။

သတင်းတုများ အစုအပြုံလိုက် တက်လာခြင်း၊ စာတိုပေးပို့ခြင်းမှတစ်ဆင့် မဲပေးနိုင်သည်ဟု လူများကို မှားယွင်းမှတ်ထင်စေခြင်းတို့ ကဲ့သို့သော ဖြစ်နိုင်ခြေ အလားအလာများအား တုံ့ပြန်ရန်အတွက် Facebook က ဆောင်ရွက်နေကြောင်း အမှုဆောင်အရာရှိများက ဆိုသည်။ Facebook ကိုသုံး၍ ရွေးကောက်ပွဲ ၀င်ရောက်စွက်ဖက်မှုများကို ကာကွယ်ရေးအား ကုမ္ပဏီတွင်းမှ အဖွဲ့ပေါင်းစုံ ပူးပေါင်းကြိုးပမ်းမှုဖြင့် ဆောင်ရွက်နေကြောင်း ချာကရာဘာတီက ပြောကြားခဲ့သည်။ လူလုပ်အသိဥာဏ်တု၏ အကူအညီဖြင့် Facebook သည် ပြီးခဲ့သည့်နှစ် မတ်လမှ အောက်တိုဘာလအတွင်း အကောင့်တု ၁.၃ ဘီလျံနီးပါးကို ပိတ်ပင်ခဲ့ကြောင်း ၎င်းက ပြောကြားခဲ့သည်။

Ref: AFP

တပ်မတော်ကာကွယ်ရေးဦးစီးချုပ်၏ Page အပါအ၀င် တပ်မတော် Page အချို့ကို Facebook က ပိတ်သိမ်းမှုအပေါ် ပြည်ခိုင်ဖြိုးပါတီ လွှတ်တော်ကိုယ်စားလှယ် အရေးကြီးအဆိုတင်သွင်းရန် တင်ပြခဲ့သော်လည်း လွှတ်တော်ဥက္ကဋ္ဌ ခွင့်မပြု

တပ်မတော်ကာကွယ်ရေးဦးစီးချုပ်၏  Page အပါအ၀င် တပ်မတော် Page အချို့ကို Facebook  က ပိတ်သိမ်းမှုအပေါ် အဆိုတင်သွင်းရန်တင်ပြခဲ့သော်လည်း လွှတ်တော် ဥက္ကဋ္ဌခွင့်မပြုကြောင်း အဆိုတင်သွင်းရန် တင်ပြခဲ့သူ ပြည်ခိုင်ဖြိုးပါတီဝင် ပျော်ဘွယ်မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးသောင်းအေးက သြဂုတ် ၃၁ ရက်တွင် ပြုလုပ်သော ပြည်သူ့လွှတ်တော်အစည်းအဝေး ခေတ္တရပ်နားချိန်တွင် သတင်းထောက်များအား ပြောကြားသည်။

“ဖေ့စ်ဘွတ်က ဒီလိုလေးလုပ်တယ်ဆိုတာ သာမန်ပြည်သူတွေအနေနဲ့တော့ ဒီလိုပဲ မြင်ကောင်းမြင်လိမ့်မယ်။ သို့သော်လည်း ဒီအကြောင်းအရာတွေဟာ အခုမှ ၀ုန်းခနဲ ထပေါက်လာတာ မဟုတ်ဘူး။ တို့တိုင်းပြည်၊ တို့နိုင်ငံမှာ အရင်တုန်းကလည်း အနောက် အုပ်စုနဲ့ အရှေ့အုပ်စုနဲ့ အထူးသဖြင့် အမေရိကန်နဲ့ တရုတ်နဲ့ ပြဿနာတွေ အများကြီးရှိခဲ့တယ်။ အကြောင်းအရာတွေကို အကုန်လုံး ခြုံကြည့်လိုက်လို့ရှိရင် သာမန်ဖြစ်နေတဲ့ ဖြစ်စဉ်မဟုတ်ဘူး။ သာမန်ကို မထားနိုင်လို့ အရေးကြီးအဆိုကိုတင်တာ။ ဒီဟာကို နည်းဥပဒေနဲ့ မကိုက်ညီဘူး။ ဘယ်နည်းဥပဒေလဲလို့ပြောတော့ ပြည်သူ့လွှတ်တော် ဥပဒေ ၁၆၃ (က) (၂) အရ အဲဒီ (က)(၂) အရ အချက်သုံးချက်ရှိတယ်။ အဆိုတစ်ရပ်ဟာ လောလောဆယ်ဖြစ်ပေါ်နေတဲ့ ကိစ္စဖြစ်ရမယ်။  နောက်အများပြည်သူနဲ့ သက်ဆိုင်တဲ့ ကိစ္စဖြစ်ရမယ်။ လွှတ်တော်မှာ ဆုံးဖြတ်ချက် ရယူရမယ့် ကိစ္စဖြစ်ရမယ်။ ရောက်ရောက်ချင်းပဲ ပြည်သူ့လွှတ်တော်ဥက္ကဋ္ဌနဲ့ သွားတွေ့တယ်။ ကျွန်တော့်အဆိုက ဒီသုံးချက်လုံးနဲ့ မညီဘူးလို့ ဘယ်လိုလုပ်ပြောနိုင်မှာလဲလို့။ လတ်တလော ဖြစ်ပေါ်နေတဲ့ကိစ္စ၊ လောလောဆယ် ဖြစ်နေတဲ့ကိစ္စ၊ အများပြည်သူနဲ့ မသက်ဆိုင်ဘူးလို့ ပြောရအောင်လည်း တပ်မတော်က အများပြည်သူနဲ့ မသက်ဆိုင်ဘူးလား”  ဟု ဦးသောင်းအေးက ပြောကြားသည်။

တင်သွင်းခွင့်မရခဲ့သည့် အရေးကြီးအဆိုမှာ Facebook အဖွဲ့မှ မြန်မာ့တပ်မတော်၏ လူမှုကွန်ရက်များနှင့် မြ၀တီရုပ်မြင်သံကြား လူမှုကွန်ရက်စာမျက်နှာများကို UNHCR အချက်အလက် ရှာဖွေရေးအဖွဲ့၏ အစီရင်ခံစာပါ လူ့အခွင့်အရေးချိုးဖောက်မှုများနှင့် အမုန်းစကားပွားစေခြင်း၊ ၎င်းတို့၏စံနှုန်းများဖြင့် မကိုက်ညီခြင်းတို့ကို အကြောင်းပြ၍ ပိတ်ပင်ဖယ်ရှားလိုက်ခြင်းသည် မြန်မာ့တပ်မတော်က လူ့အခွင့်အရေးချိုးဖောက်မှု ပြုလုပ်ကြောင်း စွပ်စွဲအတည်ပြုလိုက်သည့်သဘော သက်ရောက်ပြီး နိုင်ငံတော်နှင့် တပ်မတော်တို့၏ ဂုဏ်သိက္ခာနှင့် နိုင်ငံတော်အချုပ်အခြာအာဏာကို ထိပါးစော်ကားရာ ရောက်ရှိနေသည့်အတွက် ယင်းလုပ်ဆောင်မှုကို တရားဝင် တုံ့ပြန်ကန့်ကွက်နိုင်ပါရန် နိုင်ငံတော်အစိုးရအား တိုက်တွန်းကြောင်းဖြစ်သည်။

Facebook က ဗီဒီယိုဝန်ဆောင်မှု Watch ကို ကမ္ဘာတစ်ဝန်းတွင် စတင်

Facebook က ၎င်း၏ ဗီဒီယိုဝန်ဆောင်မှု Watch ကို ကမ္ဘာတစ်ဝန်းထုတ်လွှင့်မည်ဟု သြဂုတ် ၂၉ ရက်တွင် ထုတ်ပြန်ခဲ့သည်။ ယင်းဝန်ဆောင်မှုကို အမေရိကန်တွင် အသုံးပြုနေသည်မှာ တစ်နှစ်ကျော်ပြီ ဖြစ်သည်။

“ဒီဝန်ဆောင်မှုကို အကြောင်းမဲ့အသုံးပြုတဲ့ ၀န်ဆောင်မှုတစ်ခုသာမက လူတွေအကြား ထိတွေ့ဖို့အတွက်လည်း ရည်ရွယ်ပါတယ်” ဟု Facebook ၏ ဗီဒီယိုဆိုင်ရာ ဒုတိယဥက္ကဋ္ဌ ဖစ်ဒ်ဂျီဆိုင်မိုက ပြောကြားခဲ့သည်။

ဗီဒီယိုကြည့်ရှုသည့် အလေ့အထသည် သမားရိုးကျ ရုပ်သံမှ Netflix  နှင့် Hulu ကဲ့သို့သော အွန်လိုင်းရုပ်သံများသို့ ပြောင်းလဲနေစဉ် Facebook က Watch ၀န်ဆောင်မှုကို စတင်ခဲ့ခြင်းဖြစ်သည်။

Facebook သည်   မူရင်း ရုပ်သံအစီအစဉ်များဖြင့် ဗီဒီယိုတင်ဆက်မှုများကို အရှိန်မြှင့်တင်ခဲ့ပြီး ယခုသီတင်းပတ်တွင် ဂိမ်းအစီအစဉ်၊ ဥာဏ်စမ်း ပဟေဠိပြိုင်ပွဲများနှင့် လူထုစစ်တမ်းကောက်ခံမှုများ ပါဝင်သည့် ပုံစံအသစ်များကို ထုတ်ပြန်ကြေညာခဲ့သည်။

Facebook က အိန္ဒိယတိုက်တွင် စပိန်လာလီဂါဘောလုံးပွဲများနှင့် လက်တင်အမေရိကတွင် ချန်ပီယံလိဂ်ဘောလုံးပွဲများကို အခမဲ့ထုတ်လွှင့်မည်ဟု ကြေညာခဲ့ပြီး သီတင်းနှစ်ပတ်အကြာတွင် ဗီဒီယိုဝန်ဆောင်မှုကို ကမ္ဘာတစ်ဝန်း ထုတ်လွှင့်မည့် အကြောင်းထုတ်ပြန်ခဲ့ခြင်းဖြစ်သည်။

Facebook က အသုံးပြုသူများကိုယ်တိုင် ထုတ်လုပ်သည့် ဗီဒီယိုများကို လူအများကြည့်ချင်သည့် ဗီဒီယိုများဖြင့် အစားထိုးရန် မျှော်လင့်ထားသည်။

Facebook သည် ဗီဒီယိုများဖန်တီးသူများ ကြော်ငြာကို ကိုယ်တိုင်ပေါင်းစပ်နိုင်မည့် ကိရိယာများဖန်တီးရန် အချိန်အများကြီး ယူခဲ့ရသည်ဟု ဆိုင်မိုက ပြောကြားခဲ့သည်။

ငွေကြေးအမြောက်အမြားက တီထွင်ဖန်တီးမှုကို ကူညီပေးနိုင်မည်ဟု ယုံကြည်နေဆဲဖြစ်ကြောင်း ၎င်းက ပြောကြားခဲ့သည်။

တပ်မတော် ကာကွယ်ရေးဦးစီးချုပ်၏ Facebook အကောင့်နှင့် Page များ ဖြုတ်ချခံရမှုတွင် အစိုးရ၏ သဘောထားနှင့် အစိုးရဖွဲ့စည်းထားသည့် (SMMT) မပါဝင်ကြောင်း သမ္မတရုံး ပြောရေးဆိုခွင့်ရှိသူ ပြောကြား

တပ်မတော် ကာကွယ်ရေးဦးစီးချုပ်၊ တပ်မတော် ကာကွယ်ရေးဦးစီးချုပ်ရုံး စသည်တို့၏ Facebook အကောင့်နှင့် Page များ ဖြုတ်ချခံရမှုတွင် အစိုးရ၏ သဘောထားနှင့် အစိုးရ ဖွဲ့စည်းထားသည့် (SMMT) မပါဝင်ကြောင်း သမ္မတရုံး ပြောရေးဆိုခွင့်ရှိသူ ဦးဇော်ဌေးက ပြောကြားသည်။

Facebook မှ သြဂုတ် ၂၇ ရက်က တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် မြန်မာ့တပ်မတော်၏ မြ၀တီရုပ်မြင်သံကြားကွန်ရက် အပါအ၀င် မြန်မာနိုင်ငံမှ လူပုဂ္ဂိုလ်နှင့် အဖွဲ့အစည်း ၂၀ တို့အား ပိတ်ပင်လိုက်ကြောင်း Facebook က ထုတ်ပြန်ခဲ့သည်။

“ Senior General Min Aung Hlaing ပေါ့။ တပ်မတော် ကာကွယ်ရေးဦးစီးချုပ် Page အပါအ၀င်ကျန်တဲ့ Page တွေ ဖြုတ်ချခံရခြင်းကိစ္စနဲ့ ပတ်သက်လို့ Facebook က ထုတ်ပြန်ထားတဲ့ အတိုင်းဖြစ်ပါတယ်။ ဒီပေါ်မှာအစိုးရရဲ့ Import (အတွေး အခေါ်) လုံးဝ တစ်စုံတစ်ရာ မပါပါဘူး။ အစိုးရ ဖွဲ့စည်းထားတဲ့ SMMT အဖွဲ့ အဲဒါလည်း မပါဘူး။ ဒါကိုတော့ အတိအလင်း ပြောချင်ပါတယ်”ဟု ဦးဇော်ဌေးက ပြောကြားသည်။

ယင်းဖြစ်စဉ်များနှင့် ပတ်သက်ပြီး အစိုးရအနေဖြင့် Facebook သို့ ဆက်သွယ် မေးမြန်းနေကြောင်း ဦးဇော်ဌေးက ဆိုသည်။

“ ဒီဖြစ်ရပ် အကြောင်းတွေပေါ့နော်။ Community Standard ကတော့ တန်းတူညီမျှတော့ ဖြစ်ရမယ်ပေါ့နော်။ သူတို့ Page တွေ အများကြီး ဖြစ်သွားတဲ့ အပေါ်မှာလည်း ဝေဖန်မှုတွေကလည်း အများကြီး မြင့်တက်နေတယ်။ မြင့်တက်တဲ့ အပေါ်မှာလည်း အစိုးရအနေနဲ့ Facebook ကို ပြန်ပြီးတော့ အကြောင်းအရင်း တိတိကျကျ သိချင်တယ်။ ဒါတွေကိုသူတို့ Page တွေ ပြန်ရအောင် ဘယ်လိုလုပ်မလဲ၊ သူတို့ Page အသစ်ဖွင့်ရင်ရော ဒီအတိုင်းပဲ ဖြုတ်ချမှာလား၊ ဒီအပေါ်မှာတော့ Facebook နဲ့ ဆက်ပြီးတော့ ဆွေးနွေးနေတယ်” ဟု ၎င်းက ဆက်လက် ပြောကြားသည်။

အစိုးရအနေဖြင့် Facebook နှင့် MoU ရေးထိုးနိုင်ရန် ညှိနှိုင်းခဲ့သော်လည်း သဘောတူညီမှု မရရှိခဲ့သည့်အတွက် အစိုးရနှင့် Facebook Team အကြား သဘောတူညီချက်ရရှိ နိုင်ရန် ဆွေးနွေးသွားရန် ရှိကြောင်း ဦးဇော်ဌေးက ဆိုသည်။

မြန်မာနိုင်ငံရှိ Facebook Account အသစ်များတွင် ဇော်ဂျီဖောင့် သုံးခွင့်မပြုတော့ဘဲ ယူနီကုတ်ကိုသာသုံးရမည်ဟု ထုတ်ပြန်

မြန်မာနိုင်ငံရှိ အသစ်ဖွင့်မည့် Facebook Account များတွင် ဇော်ဂျီဖောင့် (Zawgyi font) အား အသုံးပြုခွင့်မပေးတော့ဘဲ ယူနီကုတ်  (Unicode) တစ်မျိုးတည်းကိုသာ သုံးရမည်ဖြစ်ကြောင်း  Facebook ၏ သြဂုတ် ၁၅ ရက် ထုတ်ပြန်ချက်တွင် ဖော်ပြထားသည်။

ထိုကဲ့သို့ ယူနီကုတ် တစ်မျိုးတည်းသာ အသုံးပြုရန် ကန့်သတ်ရခြင်းမှာ မြန်မာနိုင်ငံတွင် Facebook အသုံးပြုသူများအနေဖြင့် Facebook Help Center မှ ယူနီကုတ်ဖြင့် ထုတ်ပြန်ထားသည့် လမ်းညွှန်ချက်များကို မဖတ်နိုင်ခြင်းနှင့် မြန်မာနိုင်ငံတွင် ဖောင့်တစ်သမတ်တည်း အသုံးပြုနိုင်ရန် လုပ်ဆောင်နေမှုကို တစ်ဖက်တစ်လမ်းမှ ကူညီနိုင်ရန် ရည်ရွယ်သည်ဟု ဖော်ပြထားသည်။

ထို့ပြင် မြန်မာနိုင်ငံတွင် Facebook မှ တစ်ဆင့်  အမုန်းစကား ပြန့်ပွားစေရန် လုပ်ဆောင်နေမှုများကို ထိန်းချုပ်ရာတွင် ရင်ဆိုင်နေရသည့် တိုင်ကြားခြင်းလုပ်ငန်းစဉ်  (Reporting Sysem) နှေးကွေးနေခြင်းနှင့် ၎င်းတို့၏ ပေါ်လစီများကို နားလည်မှု အားနည်းခြင်းစသည်တို့ ဖြေရှင်းရာတွင် အထောက်အကူပြုနိုင်ရန် ရည်ရွယ်ခြင်းဖြစ်ကြောင်း သိရသည်။

“အဓိကပြဿနာက မြန်မာနိုင်ငံမှာ အသုံးပြုနေတဲ့ ဖောင့်ပုံစံပဲ ဖြစ်တယ်။ နိုင်ငံတကာစံနှုန်းမှာက မြန်မာဘာသာစကား အပါအ၀င် ယူနီကုတ် (Unicode) ကိုပဲ သုံးတယ်။ ဒါပေမဲ့ မြန်မာနိုင်ငံမှာရှိတဲ့ ဖုန်းရာခိုင်နှုန်း ၉၀ ကျော်က ဇော်ဂျီ (Zawgyi) ဖောင့်ကို သုံးနေကြတယ်။  အဲဒီတော့ ဇော်ဂျီဖောင့်သုံးတဲ့ ဖုန်းတွေဟာ  Facebook Help Center မှ ယူနီကုတ်နဲ့ရေးသားထားတဲ့ လမ်းညွှန်ချက်တွေကို မဖတ်နိုင်တော့ဘူး။ အခု မြန်မာနိုင်ငံမှာလည်း ယူနီကုတ်ကို စံတစ်ခုအနေနဲ့ အသုံးပြုဖို့ ပြောင်းနေပါတယ်။ ကျွန်တော်တို့အနေနဲ့ လည်း Facebook သုံးစွဲသူ အသစ်တွေကို ဇော်ဂျီ သုံးခွင့်မပေးတော့ခြင်းဖြင့် တစ်ဖက် တစ်လမ်း ကူညီပါမယ်။ လက်ရှိသုံးစွဲနေသူတွေအတွက်လည်း ဖောင့်အပြောင်းအလဲ (Font Coverter) အဆင့်မြှင့်ပေးပါမယ်။ အဲဒီလိုလုပ်ခြင်းဟာ လူတွေတင်နေတဲ့ ဖော်ပြချက် (Post) တွေကို မသက်ရောက်နိုင်ပေမယ့် Facebook အက်ပလီကေးရှင်းမှာ မြင်ရမယ့် စာသား၊ အသုံးပြုပုံတွေကို တစ်သမတ်တည်း ဖြစ်စေမှာဖြစ်ပါတယ်”  ဟု ဖော်ပြထားသည်။

လက်ရှိအချိန်တွင် ၀ီရသူ၊ သုစိတ္တ၊ ပါ မောက္ခ၊ မဘသ၊ ဗုဒ္ဓဓမ္မ ပရဟိတဖောင်ဒေးရှင်းတို့အား  အမုန်းစကား ပြန့်ပွားစေသည်ဟုဆိုကာ  Facebook က တားမြစ်ပိတ်ပင်ထားသည်။

Facebook တွင် အမုန်းစကားများကို စောင့်ကြည့်ဖယ်ရှားရန်အတွက် ၂၀၁၈ ဇူလိုင်အထိ မြန်မာဘာသာကျွမ်းကျင်သူ ၀န်ထမ်း ၆၀ ကျော် ခန့်ထားပြီး နှစ်ကုန်တွင် အနည်းဆုံးဦးရေ တစ်ရာရှိမည်ဖြစ်ကြောင်း နှင့် အမုန်းစကားပြန့်ပွားမှု ပြဿနာတွင် ၎င်းတို့ချည်း မဖြေရှင်းနိုင်ဘဲ အရပ်ဘက် အဖွဲ့အစည်း၊ အစိုးရ၊ ကျောင်း၊ ဂျာနယ်လစ်များ၊ နည်းပညာကုမ္ပဏီများ၏ အကူအညီ လိုအပ်ကြောင်းလည်း ဖော်ပြထားသည်။

မြန်မာနိုင်ငံ၌ အမုန်းစကားများကို တိုက်ဖျက်ရန် နှေးကွေးလွန်းနေကြောင်း Facebook က ၀န်ခံ

Facebook သည် မြန်မာနိုင်ငံ၌ အမုန်းစကားများကို တိုက်ဖျက်ရာ၌ နှေးကွေးလွန်းနေကြောင်းနှင့် ပြဿနာဖြစ်စေသော အကြောင်းအရာများကို ဖော်ထုတ်ရန် နည်းပညာ၌ ရင်းနှီးမြှုပ်နှံခြင်းနှင့် မြန်မာစကားပြော ၀န်ထမ်းများကို ပို၍ငှားရမ်းခြင်းတို့အားဖြင့် ပြဿနာကို ကုစားရန် ဆောင်ရွက်နေကြောင်း Facebook ကုမ္ပဏီက သြဂုတ် ၁၆ ရက်တွင် ထုတ်ပြန်သော ကြေညာချက်တစ်ရပ်၌ ပြောကြားထားသည်။

ဘင်္ဂါလီမွတ်စလင်များနှင့် ပတ်သက်သည့် ခါးသီးသော ပို့စ်တစ်လှေကြီးအား ကိုင်တွယ်ရန် Facebook အနေဖြင့် အဘယ့်ကြောင့် ပျက်ကွက်ရသနည်းဟူသည့် အချက်ကို ဖော်ပြသော ရိုက်တာသတင်းဌာန၏ ဆန်းစစ်ချက်တစ်ရပ် ထွက်ပေါ်လာပြီးနောက် တစ်ရက်အကြာတွင် ယခုကဲ့သို့ Facebook က ၀န်ခံခဲ့ခြင်းဖြစ်သည်။

လွန်ခဲ့သည့်နှစ်အတွင်း အမေရိကန်က လူမျိုးစုလိုက် သုတ်သင်မှုဟု ခေါ်ဆိုသော မြန်မာတပ်မတော်၏ စစ်ဆင်ရေးတစ်ရပ်ပြီးနောက် ဘင်္ဂါလီမွတ်စလင် ၇၀၀,၀၀၀ ခန့် သည် နေအိမ်များကို စွန့်ခွာထွက်ပြေးသွားကြပြီး ယခုအခါ ဘင်္ဂလားဒေ့ရ်ှနိုင်ငံရှိ ဒုက္ခသည်စခန်းများတွင် နေထိုင်လျက်ရှိသည်။

“မြန်မာနိုင်ငံက လူမျိုးရေးအကြမ်းဖက်မှုဟာ ကြောက်မက်ဖွယ်ကောင်းပြီး Facebook ပေါ်မှာ သတင်းမှားတွေနဲ့ အမုန်းစကား ဖြန့်ချိမှုတွေကို ကာကွယ်ဖို့ရာ ကျွန်တော်တို့ နှေးကွေးလွန်းခဲ့ပါတယ်” ဟု Facebook က ပြောကြားခဲ့သည်။

လူမှုမီဒီယာကုမ္ပဏီကြီးဖြစ်သော Facebook သည် မြန်မာနိုင်ငံတွင် အမုန်းစကား ဖြန့်ချိမှုကို တိုက်ဖျက်ရန် ယင်းမြစ်ထောက်ပံ့ထားမှု နှစ်အတန်အကြာထိအောင် နည်းပါးခဲ့ကြောင်းနှင့် မြန်မာနိုင်ငံသည် Facebook က လွှမ်းမိုးထားသော ဈေးကွက်ကြီးတစ်ခုနှင့် လူမျိုးစု အကြမ်းဖက်မှုများ ထပ်ကာထပ်ကာ ဖြစ်ပွားသည့်နိုင်ငံတစ်ခုဖြစ်ကြောင်း ရိုက်တာသတင်းဌာက ဖော်ပြခဲ့သည်။

ဥပမာအားဖြင့် ၂၀၁၅ ခုနှစ် အစောပိုင်းက Facebook တွင် ပြဿနာဖြစ်စေနိုင်သည့် ပို့စ်များကို ထိန်းချုပ်စောင့်ကြည့်သည့် ၀န်ထမ်းသည် နှစ်ဦးသာ ရှိသည်ဟု ဆိုသည်။

သြဂုတ် ၁၆ ရက်က အွန်လိုင်းသို့တင်သည့် ထုတ်ပြန်ချက်တွင် Facebook က ၎င်းတို့သည် တည်ထောင်သူ မက်ဇက္ကာဘတ်က ဧပြီလအတွင်း အမေရိကန်အထက်လွှတ်တော်တွင် ကတိပြုခဲ့ပြီးနောက် အမုန်းစကားများကို အလိုအလျောက် စုံစမ်းတွေ့ရှိနိုင်သည့် လက်နက်ကိရိယာများကို အသုံးပြုကြောင်းနှင့် မြန်မာစကားပြော ၀န်ထမ်းများကို ပိုမိုငှားရမ်းထားကြောင်း ပြောကြားခဲ့သည်။

Facebook ကုမ္ပဏီက ၎င်းတုိ့သည် ဇွန်လအတွင်း မြန်မာဘာသာစကားကျွမ်းကျင်သူ ၆၀ ကျော် ခန့်ထားခဲ့ပြီး ယခုနှစ်ကုန်သို့အရောက်တွင် အနည်းဆုံး ၁၀၀ ပြည့်အောင် ခန့်ထားရန် စီစဉ်ထားကြောင်း ပြောကြားခဲ့သည်။

ဘင်္ဂါလီများနှင့် အခြားမွတ်စလင်များကို လူမှုမီဒီယာပလက်ဖောင်းပေါ်တွင် လွန်ခဲ့သည့် သီတင်းပတ်အတွင်း အပုပ်ချပြီး တိုက်ခိုက်သည့် ပို့စ်များ၊ ရုပ်ပုံများနှင့် ဗီဒီယိုများအား နမူနာအားဖြင့် ၁၀၀၀ ကျော် တွေ့ရှိရမှုကို ရိုက်တာက တင်ပြခဲ့သည်။

မွတ်စလင်ဆန့်ကျင်ရေး ညစ်ညမ်းပုံများ ပါဝင်သည့် အရာအချို့ကို Facebook ပေါ်တွင် ခြောက်နှစ်ခန့် ကြာသည်အထိ တွေ့ရှိနေရသေးသည်ဟု ရိုက်တာက ဆိုသည်။

ဘင်္ဂါလီ (မူရင်း၌ ရိုဟင်ဂျာဟုဖော်ပြ) နှင့် အခြားမွတ်စလင်များကို ခွေးများနှင့် မုဒိမ်းကောင်များဟု ခေါ်ဆိုကာ ၎င်းတို့အား မျိုးဖြုတ်ပစ်ရန် တောင်းဆိုသည့် ပို့စ်ပေါင်းများစွာ ရှိသည်ဟုလည်း ဆိုသည်။

Facebook သည် ယခုလက်ရှိ၌ မြန်မာနိုင်ငံတွင် ၀န်ထမ်းတစ်ဦးမျှ ရှိမနေကြောင်းနှင့် အမုန်းစကားများနှင့် အခြားပြဿနာဖြစ်စေသော ပို့စ်များကို ထိန်းချုပ်ကြီးကြပ်ရန် Honey Badger စီမံချက်ဟုခေါ်သော ကွာလာလမ်ပူရှိ လျှို့ဝှက်စီမံချက်တစ်ခုအပေါ်၌သာ အားကိုးနေကြောင်း ရိုက်တာ၏ ဆန်းစစ်ချက်က ဖော်ပြခဲ့သည်။

Facebook ၏ စနစ်များသည် မြန်မာစာလုံးများကို ဖွင့်ဆိုရန် ရုန်းကန်နေရသောကြောင့် မြန်မာနိုင်ငံမှ အသုံးပြုသူများက အမုန်းစကားဖြစ်ကြောင်း သတင်းပို့မှုအပေါ်၌သာ အကြီးအကျယ် မှီခိုနေရသည်ဟုဆိုသည်။

Facebook ပလက်ဖောင်းအား မြန်မာနိုင်ငံရှိ ဘင်္ဂါလီများနှင့် အခြားမွတ်စလင်များအပေါ် အမုန်းစကားများ ဖြန့်ချိရန်အတွက် အသုံးပြုနေပုံနှင့်ပတ်သက်၍ ၎င်းတို့သည် နှစ်အတန်ကြာကတည်းက Facebook အား သတိပေးခဲ့ကြောင်း သုတေသနပြုသူများနှင့် လူ့အခွင့်အရေး တက်ကြွလှုပ်ရှားသူများက ပြောကြားခဲ့သည်။

သြဂုတ် ၁၆ ရက်က ထုတ်ပြန်သည့် ကြေညာချက်တွင် Facebook က ၎င်းတို့သည် အမုန်းစကား ဖြန့်ချိသည့် လူပုဂ္ဂိုလ်နှင့် အဖွဲ့အစည်းများစွာတို့ကို ပလက်ဖောင်းမှ ဖယ်ရှားခဲ့ပြီးဖြစ်ကြောင်း ပြောကြားခဲ့သည်။

Ref: Reuters

Facebook က အိန္ဒိယတိုက်ငယ်တွင် စပိန်လာလီဂါဘောလုံးပွဲများအား အခမဲ့ ထုတ်လွှင့်ပေးမည်

၂၀၁၅ ခုနှစ် စက်တင်ဘာ ၂၇ ရက်တွင် ကယ်လီဖိုးနီးယားရှိ Facebook ရုံးချုပ်၌ အိန္ဒိယ၀န်ကြီးချုပ် မိုဒီ (၀ဲ) နှင့် Facebook အမှုဆောင်အရာရှိချုပ် ဇက်ကာဘတ် (ယာ) ကို တွေ့ရစဉ် (Photo – AFP)

အိန္ဒိယတိုက်ငယ်ရှိ Facebook သုံးစွဲသူများသည် စပိန်လာလီဂါဘောလုံးပွဲစဉ်များကို အခမဲ့ ကြည့်ရှုနိုင်တော့မည်ဖြစ်ကြောင်း စပိန်အဆင့်မြင့်တန်း ဘောလုံးပြိုင်ပွဲအဖွဲ့က သြဂုတ် ၁၄ ရက်တွင် ပြောကြားခဲ့သည်။ လာလီဂါနှင့် သမိုင်းဝင်သဘောတူ ညီချက်ရရှိခဲ့ပြီးနောက် ၂၀၁၈-၂၀၁၉ ဘောလုံးရာသီတွင် ဘောလုံးပွဲပေါင်း ၃၈၀ ကို သြဂုတ် ၁၇ ရက်မှစ၍ Facebook က အခမဲ့ ပြသသွားမည်ဟု လာလီဂါ၏ ထုတ်ပြန်ကြေညာချက်တွင် ဖော်ပြထားခဲ့သည်။

အာဖဂန်နစ္စတန်၊ ဘင်္ဂလားဒေ့ရှ်၊ ဘူတန်၊ အိန္ဒိယ၊ မော်ဒိုက်၊ နီပေါ၊ ပါကစ္စတန်နှင့် သီရိလင်္ကာတို့တွင် Facebook မှတစ်ဆင့် လာလီဂါဘောလုံးပွဲများကို အခမဲ့ထုတ်လွှင့်မည် ဖြစ်သည်။ Facebook သည် လာလီဂါ ပွဲစဉ်တိုင်းကို သုံးရာသီ ပြသခွင့်ရရှိရန် အထူးသဘောတူညီချက် လက်မှတ်ရေးထိုးခဲ့ခြင်း ဖြစ်သည်။ ယခင်က လာလီဂါဘောလုံးပွဲစဉ်များကို Sony Pictures Network က  ရရှိထားခဲ့သည်။ Facebook နှင့် လာလီဂါတို့၏ သဘောတူညီချက်သစ်အတွက် အသေးစိတ်ကို မသိရသော်လည်း ယင်းသဘောတူညီချက်သည် ဒေါ်လာ ၁၀၅ ဒသမ ၅ သန်း တန်ဖိုးရှိသည်ဟု စပိန်အားကစား သတင်းစာ Marca က ဖော်ပြခဲ့သည်။

၂၀၁၉-၂၀၂၄ အတွင်း ဘောလုံးရာသီ ငါးခုအတွက် ရုပ်သံထုတ်လွှင့်ခွင့် သဘောတူညီချက်အား ဒေါ်လာ၅ ဒသမ ၁၁ ဘီလျံဖြင့် သက်တမ်းတိုးခဲ့ကြောင်း ဇွန်လတွင် လာလီဂါက ကြေညာခဲ့သည်။ ယခင်သဘောတူညီချက်ထက် ၃၀ ရာခိုင်နှုန်း တိုးလာခဲ့သော  လာလီဂါ၏ ရုပ်သံထုတ်လွှင့်ခွင့်သည် တစ်ရာသီတွင် ဒေါ်လာ ၁ ဒသမ ၀၂ ဘီလျံ အထိရှိမည် ဖြစ်သည်။

လောလောဆယ်တွင် အိန္ဒိယ၌ Facebook သုံးစွဲသူ သန်း ၂၇၀ ရှိပြီး အိန္ဒိယတိုက်ငယ်တစ်ခုလုံးတွင် Facebook  သုံးစွဲသူ ၃၄၈ သန်းရှိသည်။ Facebook  သည် အမေရိကန် ပရိသတ်များအတွက် တစ်ပွဲလျှင် ဒေါ်လာတစ်သန်း အကုန်ကျခံ၍ မေဂျာလိဂ်ဘေ့စ် ဘောပွဲများကိုလည်း ပြသခဲ့သည်။ အိန္ဒိယတိုက်ငယ်တွင် လာလီဂါ ဘောလုံးပွဲများပြသမှုသည် ကနဦးတွင် ကြော်ငြာပါဝင်မည် မဟုတ်ကြောင်း၊ သို့သော်လည်း အနာဂတ်တွင် အကောင်းဆုံး အကောင်အထည်ဖော်သွားရန် စဉ်းစားနေကြောင်း Facebook ၏ ကမ္ဘာလုံးဆိုင်ရာ အားကစားပွဲများ တိုက်ရိုက်ထုတ်လွှင့်မှု အစီအစဉ်၏ ဒါရိုက်တာ ပီတာဟက်တန်က ရိုက်တာကို ပြောကြားခဲ့သည်။

Facebook နှင့် လာလီဂါတို့၏ ပူးပေါင်းဆောင်ရွက်မှုသည် ကမ္ဘာတွင် ခေတ်စားလာနေသော ရေစီးကြောင်းတစ်ခု၏ တစ်စိတ်တစ်ပိုင်းဖြစ်သည်။ ဗြိတိန်တွင် လက်ရှိ ပရီးမီးယားလိဂ်ပွဲများကို ရုပ်သံများတွင် တိုက်ရိုက်ထုတ်လွှင့်မှုသည် နောက်ဆုံးရာသီဖြစ်မည် ဖြစ်သည်။ လာမည့်ရာသီတွင် ပရီးမီးယားလိဂ်ပွဲ ၂၀ ကို Amazon မှတစ်ဆင့် အွန်လိုင်းသီးသန့်သာ ကြည့်ရှုနိုင်မည်ဖြစ်သည်။ Amazon သည် သူ၏ Prime အဖွဲ့ ၀င်များအတွက် ပရီးမီးယားလိဂ်ဘောလုံးပွဲများကို ပြသပေးမည် ဖြစ်သည်။

Ref ; AFP

Cyber Security နဲ့ ဘဏ်တွေရဲ့ အွန်လိုင်းလုံခြုံရေး

ရန်ကုန်မြို့တွင် လူမှုကွန်ရက် အသုံးပြုနေသူ အချို့အား တွေ့ရစဉ် (ဓာတ်ပုံ-ကြည်နိုင်)

လွန်ခဲ့သည့် ဆယ်စုနှစ်များက မြန်မာနိုင်ငံဟာ စီးပွားရေးပိတ်ဆို့ ခံရမှုတွေနဲ့အတူ စစ်အာဏာရှင် လက်အောက်မှာ နေထိုင်ခဲ့ရတဲ့ အတွက် ပြည်သူတွေဟာ ကမ္ဘာကြီးနဲ့ အတော်ကို အလှမ်းဝေးနေခဲ့ဖူးပါတယ်။ အဲဒီခေတ်အခါတုန်းက ပြည်သူတွေအတွက် ကြိုးဖုန်းတွေ၊ ကျပ်သိန်း ၅၀ နီးပါး တန်ကြေးရှိတဲ့ မိုဘိုင်းဖုန်းတွေကသာ တစ်ဦးနဲ့တစ်ဦး ဆက်သွယ်ဖို့ အဓိက အရာတွေ ဖြစ်ခဲ့ပါတယ်။

ဒါပေမဲ့ ၂၀၁၀ ပြည့်နှစ် နောက်ပိုင်းမှာတော့ ကျပ် ၁၅၀၀ တန် ဆင်းမ်ကတ်တွေ ပေါ်ပေါက်ခဲ့ခြင်းနှင့်အတူ တစ်ချိန်က ခက်ခဲစွာဖွင့်ပြီး အသုံးပြုခဲ့ရတဲ့ G-Talk အကောင့်တွေထက် များစွာအသုံးပြုရ အဆင်ပြေတဲ့ လူမှုကွန်ရက် Facebook အသုံးပြုမှုဟာ မြန်မာပြည်သူတွေကြားမှာ အမြစ်တွယ်လာခဲ့ပါတယ်။ အမြစ်တွယ်လာတဲ့ အဲဒီယဉ်ကျေးမှု တစ်ရပ်ကို အသုံးပြုပြီး ၀ါဒဖြန့်၊ သွေးထိုးတဲ့ ဖြစ်စဉ်တွေကြောင့် ပြဿနာများစွာလည်း ဖြစ်ပေါ်ခဲ့ရပါတယ်။

လက်ရှိမျက်မှောက်ခေတ်ကတော့ မြန်မာပြည်သူတွေအတွက် လူသားသမိုင်းတစ်လျှောက် အတိုးတက်ဆုံး နည်းပညာတွေနဲ့ ကမ္ဘာ့ရွာကြီးထဲက မိသားစုဝင်တွေ ဖြစ်လာခဲ့ပါပြီ။ ဒီခေတ်က G-Talk သုံးနိုင်ရင် အကောင် မဟုတ်တော့သလို Facebook ဆိုတာကလည်း လူတိုင်းရဲ့ ဘ၀အတုသဖွယ်တောင် ဖြစ်လာနေပါပြီ။ ဒါ့အပြင် အခြားအခြားသော လူမှုကွန်ရက်တွေဆိုတာလည်း ပြည်သူတွေအတွက် မစိမ်းတဲ့အရာတွေ ဖြစ်လာပါတယ်။

ဒါပေမဲ့ မြန်မာနိုင်ငံက ပြည်သူတွေကြားမှာ ဗိုလ်စွဲနေတာကတော့ Facebook ပါ။ ကိုယ်စားပြုအကောင့်တွေ လူတိုင်းလိုလိုမှာ ရှိနေပြီး အကောင့်အများစုမှာလည်း အသုံးပြုသူတွေက ပြင်ပလောကမှာတောင် လျှို့ဝှက်ထားတတ်တဲ့ ကိုယ်ရေးကိုယ်တာ အချက်အလက်တွေကို လွယ်လင့်တကူပဲ ပြောဆိုအသုံးပြု နေတတ်ကြပါတယ်။

အဲဒါတွေအပြင် မြန်မာပြည်သူတွေက သူတို့ရဲ့ စမတ်ဖုန်းတွေထဲမှာ သူတို့ရဲ့ ကိုယ်ရေးအချက်အလက်တွေ၊ လျှို့ဝှက်ချက်တွေ အကုန်လုံးနီးပါးကို သိမ်းဆည်းထားတတ် ကြပါတယ်။ ဒါက တိုးတက်မှုတစ်ခု အနေနဲ့ ရှုမြင်နိုင်ပေမယ့် အသုံးချမှု မမှန်ကန်ရင် ပြဿနာအဖြစ် ပြောင်းလဲသွားနိုင်ပါတယ်။

Analog ခေတ်ကတော့ Personal Data တွေကို ခိုးယူချင်ရင် ခါးပိုက်နှိုက်တာတို့ အိမ်ထဲဝင်ခိုးတာတို့ ဒါမှမဟုတ်လည်း ဓားပြတိုက်မှပဲ ရနိုင်တဲ့ အခြေအနေ ဖြစ်ပေမယ့် ဒီဂျစ်တယ်ခေတ်မှာတော့ ကျွမ်းကျင်တဲ့ Hacker တွေရဲ့ ကျော့ကွင်းတွေထဲ ၀င်ရောက်သွားတာနဲ့ ကိုယ့်ရဲ့ Personal Data တွေအတွက် မတွေးဝံ့စရာ အခြေအနေတွေ ဖြစ်လာနိုင်ပါတယ်။

ပြီးခဲ့တဲ့ ရက်ပိုင်းကပဲ ပုဂ္ဂလိကဘဏ်တစ်ခုမှာ အကောင့်တစ်ခုကို Hack ပြီး ငွေထုတ်ယူမှု ဖြစ်ပွားခဲ့ပါတယ်။ အဲဒီဖြစ်စဉ်မှာ နိုင်ဂျီးရီးယား နိုင်ငံသားတစ်ဦးက ကျူးလွန်ခဲ့တယ်လို့ ရဲတပ်ဖွဲ့က ထုတ်ပြန်ထားခဲ့ပေမယ့် အခုချိန်ထိ ဖမ်းဆီးနိုင်ခြင်း မရှိသေးပါဘူး။

ဒီဂျစ်တယ်ခေတ်မှာ တစ်ကိုယ်ရေ လုံခြုံရေးအတွက် ဂရုစိုက်ရမှာ  ဖြစ်ပေမယ့် သုံးစွဲသူ သတိမမူမိတဲ့ အခြေအနေကနေ ကိုယ့်ရဲ့ကိုယ်ရေး အချက်အလက်တွေ၊ အရေးကြီး Data တွေဟာ ခိုးယူခံနေရဆဲ ဖြစ်ပါတယ်။ မြန်မာနိုင်ငံကို ၂၀၁၅ ခုနှစ် ရွေးကောက်ပွဲမှာ နိုင်ငံတကာက သိရှိလာပြီးနောက်ပိုင်းမှာ စိတ်ဝင်စားခံရတဲ့ နိုင်ငံတစ်ခုကို ရောက်ရှိလာခဲ့ပါတယ်။

အခုလက်ရှိမှာတော့ ရခိုင်အရေးနဲ့ ပတ်သက်ပြီး နိုင်ငံတကာက မြန်မာနိုင်ငံကို စိတ်ဝင်စားမှု မြင့်တက်နေတဲ့ အချိန်ပဲ ဖြစ်ပါတယ်။

“ဒီအချိန်က မြန်မာနိုင်ငံက မီးနီဖြစ်နေတဲ့အချိန်။ အကုန်လုံးက လက်တည့်စမ်းချင်တဲ့အချိန်။ အခု နည်းပညာ ဘက်မှာဆိုရင် အဆင့်မြင့်မြင့်နဲ့ ဘဏ်အကောင့်တွေကို ဟက်ချင်တာတွေ ရှိလာတယ်” လို့ ပြည်တွင်းက နာမည်ကြီး ဘဏ်တွေရဲ့ နည်းပညာလုံခြုံရေးကို တာဝန်ယူ ဆောင်ရွက်ပေးနေတဲ့ Zorro RITZ Public ကုမ္ပဏီမှ မန်နေးဂျင်း ဒါရိုက်တာ ကိုလင်းရဲထွန်းက ဆိုပါတယ်။

အဲဒါကြောင့် ဘဏ်တွေအနေနဲ့ မိမိတို့ရဲ့ နည်းပညာလုံခြုံရေးကို ဂရုစိုက်ရတော့မယ့်အချိန် ရောက်လာပြီ ဖြစ်ပါတယ်။

အဲဒါအပြင် အွန်လိုင်းဘဏ်အကောင့် သုံးစွဲတဲ့သူတွေအနေနဲ့လည်း မိမိရဲ့ ကိုယ်ရေးအချက်အလက်တွေ ပေါက်ကြားမှု မရှိစေဖို့ အွန်လိုင်းသုံးစွဲရာမှာ သတိထား သုံးစွဲရမယ်လို့ နည်းပညာ ကျွမ်းကျင်သူတွေက ဆိုပါတယ်။

Password Sharing လုပ်ခြင်း

ချစ်သူစုံတွဲတွေဟာ တစ်ဦးသုံးတဲ့ လူမှုကွန်ရက် အကောင့်တွေ Facebook ဖြစ်ဖြစ် Gmail ပဲဖြစ်ဖြစ် အဲဒီလိုအကောင့်တွေမှာ တစ်ဦးရဲ့ Password ကို တစ်ဦးက သိလိုကြပါတယ်။

ဒါကို ချစ်ခြင်းမေတ္တာရဲ့ အမှတ်တံဆိပ်လို့ သတ်မှတ်လို့ မရပါဘူး။ ဒါက လူသားတစ်ယောက်ရဲ့ လူသားအခွင့်အရေး တစ်ရပ်ကို ချိုးဖောက်ခံရတယ်ဆိုတာ မသိကြတာပါ။ လူသားတွေမှာ တစ်ပါးသူကို မပြောလိုတဲ့ မပြောချင်တဲ့ အကြောင်းအရာ၊ ဒါမှမဟုတ် သက်ဆိုင်တဲ့သူတွေပဲ သိစေရမယ့် လျှို့ဝှက်အချက်အလက်တွေ ရှိနိုင်ပါတယ်။

ဒီအတွက် မိမိကို ကိုယ်စားပြုတဲ့ လူမှုကွန်ရက် အကောင့်တွေကို သုံးစွဲတဲ့အခါမှာ Password ကို ကိုယ်တိုင်ကလွဲပြီး အခြားသူသိဖို့ မလိုအပ်သလို တောင်းဆိုလာရင်လည်း ပေးဖို့မလိုအပ်ပါဘူး။ Password ပေးလိုက်တာနဲ့ ပထမဆုံး ခံစားကြုံတွေ့ရမှာက မိမိကိုယ်ကိုမိမိ မလုံခြုံတော့သလို ခံစားချက်မျိုးပါ။

ဒီအခြေအနေတွေကမှတစ်ဆင့် မမျှော်လင့်ဘဲ မိမိရဲ့ အရေးကြီး သိမ်းဆည်းထားသင့်တဲ့ လျှို့ဝှက်အချက်အလက် ပေါက်ကြားမှုတွေ ဖြစ်လာစေနိုင်ပါတယ်။

Password ဆိုတာ မြန်မာလို ဘာသာပြန်ရင် စကားဝှက်ပါ။ ဆိုလိုတာ လျှို့ဝှက်ထားရမယ့် အရာပါ။ စစ်မြေပြင်တွေမှာတောင် ကိုယ့်တပ် သူ့တပ်သာ သိနိုင်မယ့် စကားဝှက်တွေကို အသုံးချပြီး တိုက်ပွဲဆင်နွှဲ နေကြတာ အခုအချိန်ထိပါ။ စစ်မြေပြင်က စစ်သားတွေအတွက်  စကားဝှက်တွေကို အသက်တစ်မျှ အရေးတကြီး နှုတ်လုံစွာ သိမ်းထားကြပါတယ်။ ဒီလိုပါပဲ လူသားတွေအတွက် ကိုယ့်ရဲ့ဘ၀ဟာ ကိုယ်တိုင်ဆင်နွှဲနေရတဲ့ တိုက်ပွဲပါ။ ဒါ့အပြင် နည်းပညာခေတ်ထဲမှာ Password ဆိုတာ Cyber Security အတွက် အရေးကြီးဆုံး အရာတွေထဲမှာ ပါပါတယ်။

“ပြဿနာတွေ အတော်များလာတာက လူတွေက Cyber Security အကြောင်းကို နားမလည်ဘူး။ ကိုယ့်ကိုယ်ကိုယ် လုံခြုံအောင် ဘယ်လို နေရမယ်ဆိုတာ နားမလည်ဘူး။ ဥပမာ Basic Principle တွေပေါ့။ Password ဆိုတာ သူများနဲ့ Share မလုပ်ရဘူး။ Share လုပ်လိုက်တာနဲ့ မလိုလားအပ်တဲ့ ပြဿနာတွေ အများကြီး ဖြစ်လာစေနိုင်တယ်လေ” လို့  ကိုလင်းရဲထွန်းက ဆိုပါတယ်။

Facebook ပေါ်က တွေ့ကရာ Apps တွေကို အသုံးမပြုပါနဲ့

သင့်အသက် ၅၀ မှာ ဘယ်လိုရုပ်ဖြစ်နိုင်မလဲ။ သင်က ဘယ် Celebrity နဲ့ တူလဲဆိုတာမျိုးတွေက Facebook  ပေါ်မှာ မကြာခဏ တွေ့မြင်နိုင်ပြီး အသုံးပြုသူတွေက ခပ်လွယ်လွယ် Click နှိပ်ပြီး စမ်းသပ်ကြည့်တတ် ကြပါတယ်။ ဖျော်ဖြေမှု အသွင်ဆောင် နေပေမယ့်အဲဒီ Apps တွေကို ၀င်တဲ့အခါ  Facebook နဲ့ဝင်မလား ဒါမှမဟုတ် အကောင့်သစ်ဖွင့်မလားဆိုတဲ့ မေးခွန်းတွေကို တွေ့ရမှာပါ။

နည်းပညာ ကျွမ်းကျင်သူတွေရဲ့ အဆိုအရ ဒီလိုမျိုးတွေကို Click နှိပ်မိတဲ့အခါ Login လုပ်ရမယ်ဆိုရင် အကောင့်အသစ် လုပ်လိုက်တာ အကောင်းဆုံးလို့ ပြောကြားကြပါတယ်။ မိမိတို့ရဲ့ ကိုယ်ပိုင်အကောင့်တွေကို အသုံးပြု ၀င်မယ်ဆိုရင် မမျှော်လင့်ဘဲ Hacker တွေရဲ့ ကျော့ကွင်းတွေထဲ ၀င်ရောက်သွားနိုင်ပါတယ်။

ဒါ့အပြင် Facebook ပေါ်မှာ တွေ့ရတတ်တဲ့ သင်ဘယ်လို အိမ်မွေးတိရစ္ဆာန်မျိုးကို မွေးချင်လဲ ဆိုတာမျိုးကအစ ကိုယ့်ရဲ့ကိုယ်ရေး အချက်အလက် အတော်များများကို ဖော်ပြစေချင်အောင် ပြုလုပ်ထားတဲ့ Post တွေကို Sharing လုပ်တဲ့သူတွေ အများကြီး ရှိတာကို တွေ့နိုင်ပါတယ်။

ဒီ Post တွေမှာ ကိုယ်ရဲ့ ကိုယ်ရေးအချက်အလက် အမှန်တွေကို အပျော်သဘောပဲဖြစ်ဖြစ် ဖြည့်လိုက်တာနဲ့ မိမိတို့ရဲ့ ကိုယ်ပိုင်အကောင့်တွေကို Hacking လုပ်ဖို့အတွက် လမ်းစပေါ်သွားပါပြီ။ ဒီအချက်အလက်တွေက တစ်ဆင့် Gmail ရဲ့ Password ကို Hacking လုပ်လို့ရနိုင်ပြီး ဒီကမှတစ်ဆင့် Gmail နဲ့ ချိတ်ဆက်ထားတဲ့ Facebook အကောင့်ကို လွယ်လင့်တကူ Hacking လုပ်လို့ရသွားနိုင်ပါတယ်။

ဒါကြောင့် တွေ့ကရာတွေကို Share မလုပ်မိဖို့လည်း အရေးကြီးပါတယ်။

“ကိုယ့်ရဲ့ Personal Data တွေ သူများသိသွားနိုင်တဲ့ Post မျိုးတွေ၊ အဲဒီလို Post တွေမှာ ကိုယ့်ရဲ့ Profile ကို အမှန်အတိုင်း ချပြလိုက်တာနဲ့ နောက်ထပ် Hacking လုပ်ဖို့ လမ်းစထပ်ရသွားပြီ။ ပထမ Gmail ရဲ့ Password ကို Reset လုပ်ဖို့ အဲဒီ Personal Data တွေ လိုတာကို။ အဲဒီတော့ အကြံပေးချင်တာက မနှိပ်နဲ့ မပြောဘူး။ နှိပ်မယ်ဆိုရင်တော့ Login ကို Create New Account လုပ်ပြီးသာဝင်၊ ပြီးရင် ကိုယ်ရဲ့ Personal Data တွေကို တန်ဖိုးထားပါ။ ဒါသိပ်ကို အရေးကြီးတဲ့အရာပါ။ သူများတွေကို လွယ်လင့်တကူ မမြင်ပါစေနဲ့” လို့ ကိုလင်းရဲထွန်းက ပြောပါတယ်။

Personal Data တွေ ချိုးဖောက်ခံရရင် ဘာတွေ ထပ်ဖြစ်လာနိုင်လဲ

အခုနောက်ပိုင်းမှာ တယ်လီဖုန်း အော်ပရေတာတွေကို အသုံးပြုပြီး ငွေလွှဲတဲ့ စနစ်တွေ အတော်တွင်ကျယ် လာခဲ့ပါပြီ။ ပြည်တွင်းဘဏ်တွေရဲ့ ခေတ်နဲ့အညီ တိုးတက်ပြောင်းလဲမှုတွေကနေ ပြည်သူတွေကြားမှာ Online Banking စနစ်တွေဟာလည်း အတန်အသင့် အသုံးပြုလာခဲ့ပြီလည်း ဖြစ်ပါတယ်။

ဒီနေရာမှာ Online Banking တွေ၊ တယ်လီဖုန်း အော်ပရေတာတွေကို အသုံးပြုပြီး ငွေလွှဲတဲ့ စနစ်တွေကို ပြည်သူတွေ အသုံးပြုတဲ့ နေရာမှာ ကိုယ့်ရဲ့ ငွေကြေးစီးဆင်းမှု စနစ်အတွက် အသုံးပြုတဲ့ အကောင့် တွေမှာလည်း Password တွေကို ကိုယ်တစ်ဦး တစ်ယောက်တည်းပဲ ထိန်းသိမ်းထားနိုင်ဖို့ လိုအပ်ပါတယ်။ အသုံးပြုသူဘက်က ယုံကြည်လို့ Password မျှဝေခြင်းကနေ ဖြစ်ပေါ်လာတဲ့ ပြဿနာတွေကို ဘဏ်တွေဘက်က တာဝန်ယူ ဖြေရှင်းပေးမှာ မဟုတ်ပါဘူး။

ဘာဖြစ်လို့လဲဆိုရင် User နဲ့ Password မှန်ကန်ရင် ဘဏ်ရဲ့စနစ်တွေက ငွေကို ထုတ်ပေးရတော့မှာပါ။ ဒါက ဘဏ်တွေဘက်က လုပ်ကိုင်ဝန်ဆောင်မှု ပေးရတဲ့ အပိုင်းပဲ ဖြစ်ပါတယ်။

“ATM ကတ်တွေကနေ ငွေထုတ်တဲ့အခါ Customer ရဲ့ Password ကို သိနေရင်စက်က ထုတ်ပေးမှာပဲ။ ပြီးတော့ Online Banking စနစ်တွေမှာလည်း ဒီလိုပဲလေ။ Customer တွေက သူတို့ Password ကို အခြားသူကို ပေးထားခဲ့တယ်။ နောက်ပိုင်းကျတော့ အဲဒီလူက အကောင့်ထဲကနေ ငွေတွေထုတ်သွားမယ်။ ဘဏ်တွေဘက်ကို အပြစ်လာတင်ကြတယ်။ ဒါပေမဲ့ ဘဏ်တွေဘက်က ဒါတွေကို ဘာမှလုပ်ပေးလို့မရဘူး။ ကျွန်တော်တို့ ကျင့်ဝတ်တွေအရလည်း Customer ရဲ့ Personal ပိုင်းကို ၀င်စွက်ဖက်ခွင့်မရှိဘူး။ ဖြစ်တော့မှ ဘဏ်ကို Complain တက်ကြတာတွေက အတော်ကိုခက်တယ်” လို့ ဧရာဝတီဘဏ်တွင် အလုပ်လုပ်ကိုင်နေသူ ၀န်ထမ်းတစ်ဦးက ပြောပါတယ်။

လွန်ခဲ့တဲ့ ရက်သတ္တပတ် အတွင်းကလည်း ကမ္ဘောဇဘဏ်ရဲ့ Online Banking စနစ် အသုံးပြုသူတစ်ဦးရဲ့ အကောင့်ကို နိုင်ငံခြားသားနှစ်ယောက်က Hack ပြီး ငွေတွေထုတ်ယူသွားတဲ့ ဖြစ်စဉ်တစ်ခု ဖြစ်ပွားခဲ့ပါတယ်။

ဒီဖြစ်စဉ်နဲ့ ပတ်သက်ပြီးတော့ ကမ္ဘောဇဘဏ်ရဲ့ Cyber Security System ကိုတာဝန်ယူပေးနေတဲ့ Zorro RITZ Public ကုမ္ပဏီမှ မန်နေဂျင်းဒါရိုက်တာ ကိုလင်းရဲထွန်းရဲ့ ပြောကြားမှုတွေအရ အသုံးပြုသူရဲ့ Email ကတစ်ဆင့် Hack ပြီး ငွေထုတ်သွားတာလို့ သိရပါတယ်။

ဒါ့အပြင် ဒီလိုဖြစ်စဉ်တွေက ယခုနှစ်ပိုင်းတွေမှာ အတော်ကို အဖြစ်များလာခဲ့တာပါ။ အလားတူဖြစ်စဉ်တွေ ဖြစ်ပွားရတာကလည်း အသုံးပြုသူတွေရဲ့ သတိမထားမိမှုတွေကို Hacker တွေက အသုံးချခဲ့တာဖြစ်ပြီး နောက်ပိုင်းမှာ အပျော်တမ်း မဟုတ်တော့တဲ့ အဆင့်မြင့် Hacker တွေပါ ၀င်ရောက်လာနိုင်ဖွယ် ရှိနေတာလည်း ဖြစ်ပါတယ်။

မြန်မာနိုင်ငံရှိ ဖုန်းသုံးစွဲသူအများအတွက် အသိပညာပေးလုပ်ငန်းများ လုပ်ဆောင်သင့်တယ်လို့ ကိုလင်းရဲထွန်းက ပြောပါတယ်။

“ဘဏ်တွေကို ပညာပေးလေးတွေ Facebook ကဖြစ်ဖြစ် လုပ်ပေးဖို့ ကျွန်တော်တို့တွေ အကြံပေးတာပဲ။ ဒါမျိုးကို အစိုးရဘက်လည်း ကျယ်ကျယ်ပြန့်ပြန့် ပညာပေး အစီအစဉ်တွေ လုပ်ပေးသင့်တယ်။ နွေရာသီ မီးဘေးကာကွယ်ရေး အစီအစဉ်တွေ ပညာပေးသလိုပေါ့။ ရုပ်သံလိုင်းတွေက ဖြစ်ဖြစ်ပေါ့။ ဒါမှလည်း တစ်နိုင်ငံလုံး အနေနဲ့ အကျွမ်းတ၀င် ဖြစ်လာမယ်လေ။ ဘာလို့ဆို မြန်မာနိုင်ငံမှာက Computer ကို ကျွမ်းကျင်တာ အတော်ရှားသေးတယ်လေ။ များသောအားဖြင့်က ဖုန်းသာကိုင်နေကြတာ။ ကွန်ပျူတာနဲ့  ပတ်သက်ပြီးတော့ စိတ်ချရအောင်နေဖို့ကို နားလည်ဖို့ လိုနေသေးတာပေါ့” လို့ ကိုလင်းရဲထွန်းက သုံးသပ်ပြောကြားပါတယ်။

ဘဏ်တွေမှာ ထိန်းသိမ်းထားတဲ့ ငွေကြေးတွေကို လုံခြုံအောင် ဘယ်လိုလုပ်မလဲ

အခုနောက်ပိုင်းမှာတော့ ပြည်သူတွေအနေနဲ့ အွန်လိုင်းငွေကြေးစနစ်ကို စတင်သုံးစွဲလာကြပြီ ဖြစ်ပါတယ်။ မြန်မာ့လူဦးရေနဲ့ ယှဉ်ရင်တော့ ရာခိုင်နှုန်း အနည်းငယ်သာ အသုံးပြုနေကြတယ် ဆိုပေမဲ့ နောက်ပိုင်းမှာ တွင်ကျယ်လာမှာပဲ ဖြစ်ပါတယ်။

အဲဒီအတွက်ကြောင့် ဘဏ်တွေအနေနဲ့ အပ်ငွေတွေကို လုံခြုံအောင် ထိန်းသိမ်းရမယ့် အခြေအနေပဲ ဖြစ်ပါတယ်။ အထက်မှာ ဆိုခဲ့သလို ရခိုင်အရေးနဲ့ ပတ်သက်ပြီး မြန်မာနိုင်ငံကို လူသိများလာတဲ့အချိန်မှာ လက်တည့် စမ်းချင်ကြတဲ့ နိုင်ငံတကာက လူတွေအများကြီးပဲ ရှိပါတယ်။

အရင်တုန်းကတော့  ဘဏ်နဲ့ပတ်သက်ပြီး ကောလာဟလတစ်ခုဖြစ်တယ် ဆိုတာနဲ့ အများပြည်သူအကြားမှာ စိုးရိမ်စိတ်နဲ့ ငွေထုတ်ကြပေမဲ့ ဗဟိုဘဏ်ရဲ့ ထိန်းသိမ်းထားတဲ့ အခြေအနေတွေကြောင့် လူတွေအနေနဲ့ စိုးရိမ်မှု မရှိတော့ပါဘူး။

ဒါပေမဲ့ အွန်လိုင်းအသုံးပြုပြီး လုပ်ကိုင်လာတဲ့အချိန်မှာ ဘဏ်တွေက သူတို့ရဲ့ ငွေကြေးတွေကို ထိန်းသိမ်းရမယ့် အပိုင်းမှာ သတိတစ်ချက်လစ်လို့ မရပါဘူး။

အကောင့်ဟက်ခံရပြီး ငွေကြေးတွေကို နည်းနည်းချင်း ထုတ်ယူသုံးစွဲနေတာက သိပ်မသိသာပေမဲ့ တစ်လုံးတစ်ခဲတည်း ထုတ်ယူသွားမယ် ဆိုရင်တော့ ပြဿနာတွေ ဖြစ်လာနိုင်ပါတယ်။

အဲဒါကြောင့် ဘဏ်တွေအနေနဲ့ ဘဏ်ရဲ့ အွန်လိုင်းစနစ်ကို လုံခြုံအောင် ထိန်းသိမ်းရမှာ ဖြစ်သလို အွန်လိုင်းဘဏ်စနစ်ကို အသုံးပြုသူတွေ အနေနဲ့ကလည်း မိမိရဲ့ Password ကို ထိန်းသိမ်းရမှာပဲ ဖြစ်ပါတယ်။

အစိုးရအနေနဲ့ ဘယ်လိုလုပ်သင့်လဲ

မြန်မာနိုင်ငံမှာ လက်ရှိအနေအထားအရကတော့ Cyber Police ရှိပေမဲ့ အငြင်းပွားဖွယ် ပြဿနာတွေ၊ နစ်နာမှုတွေ ဖြစ်ပေါ်စေတတ်တဲ့ ၆၆ (ဃ) ကဲ့သို့သော ဆက်သွယ်ရေး ဥပဒေတချို့သာရှိပြီး ခိုင်မာတဲ့ Cyber Law တစ်ရပ်တော့ ထွက်ပေါ်လာခြင်း မရှိသေးဘူး။ ဒီအခြေအနေကလည်း Online အသုံးပြုသူတွေရဲ့ နစ်နာမှုတွေကို တိုင်ကြားရာမှာ အရေးယူဖို့ အခက်အခဲတွေ ဖြစ်နေရတယ်လို့ ကိုလင်းရဲထွန်းက သုံးသပ်ပြောကြားပါတယ်။

“လက်ရှိက မြန်မာပြည်မှာ Cyber Police တော့ရှိတယ်။ ဒါပေမဲ့ အရေးယူဖို့ ခိုင်မာတဲ့ Cyber Law မရှိသေးဘူး။ အဲဒီတော့ အကောင့်တွေကို Hack ပြီး ငွေညှစ်တာတွေ  အများကြီးပဲ။ တိုင်ကြားတဲ့ အခါကျတော့ ၆၆ (ဃ) တို့ ၆၆ (ဂ) တို့လို ထိထိရောက်ရောက် ကိုင်တွယ်လို့မရတဲ့ ဥပဒေတွေပဲ ရှိသေးတယ်။ အဲဒီတော့ အင်တာနက်ကို အသုံးပြုပြီး အလွဲသုံးစားလုပ်တဲ့ ဖြစ်စဉ်တွေအတွက် ခိုင်မာတဲ့ Cyber Law တစ်ရပ်ရှိဖို့လိုတယ်” လို့ ကိုလင်းရဲထွန်းက ဆိုပါတယ်။

အနုပညာရှင်တွေရဲ့ အကောင့်တွေကို Hack ပြီး ငွေတောင်းခံတာမျိုးတွေ၊ ဒါမှမဟုတ် အကောင့်ဖျက် ပစ်လိုက်တာမျိုးတွေက မကြာခဏ မြင်တွေ့ရတဲ့ ဖြစ်စဉ်တွေပါ။ ဒါတွေနဲ့ ပတ်သက်ပြီး ထိထိရောက်ရောက် အရေးယူဖို့ လုပ်တာတွေ မတွေ့ရသေးပါဘူး။

များသောအားဖြင့် အွန်လိုင်းနဲ့ ပတ်သက်ရင် ၆၆ (ဃ) ကိုပဲ အဓိက ထားမြင်နေကြတာက ပြဿနာကို ဖြေရှင်းနိုင်မယ့် နည်းလမ်းမဟုတ်ပါဘူး။ ဒီလိုဖြစ်စဉ်တွေက ပြည်သူတွေကြားမှာလည်း ရှိနေတာကို တွေ့ရပါတယ်။

“ကျွန်မအကောင့်ကို Hacker တစ်ဖွဲ့က Hack လိုက်ပြီ။ အကောင့်ပြန်ပေးစေချင်ရင် ဘာလုပ်ပေးပါဆိုပြီး လာပြောတယ်။ အဲဒီအတွက် ဘယ်ကိုတိုင်ကြားရမှန်း မသိဘူး။ အဲဒီအတွက် ဥပဒေတစ်ခုခုတော့ ရှိသင့်တယ်” လို့ ဒဂုံမြို့နယ်မှာ နေထိုင်တဲ့ ဥပဒေပညာရပ်ကို သင်ကြားနေတဲ့ မငြိမ်းချမ်းက ပြောပါတယ်။

ဇူလိုင် ၁၄ ရက်က ပြုလုပ်ခဲ့တဲ့ Cyber Security နဲ့ပတ်သက်တဲ့ ဖိုရမ်တစ်ခုမှာ ဆက်သွယ်ရေးနဲ့ သယ်ယူပို့ဆောင်ရေး ၀န်ကြီးဌာန Cyber Security ဌာနရဲ့ ဒါရိုက်တာ ဦးရဲနိုင်မိုးက မြန်မာနိုင်ငံမှာ Cyber Law တစ်ခု ၂၀၁၉ နှစ်လယ် လောက်မှာ ထွက်ပေါ်နိုင်တယ်လို့ ပြောခဲ့ပါတယ်။

“Cyber Security ပိုင်းဆိုင်ရာမှာ လိုအပ်တဲ့ ဥပဒေတွေ ရေးဆွဲဖို့ ဆောင်ရွက်နေပါတယ်။ ၂၀၁၉ နှစ်လယ်လောက်မှာ Cyber Law နဲ့ ပတ်သက်တဲ့ e – Goverement Cyber Law ရယ် commerce ရယ် ဒါတွေကို လွှမ်းခြုံပေးနိုင်မယ့် Cyber Law တစ်ရပ်ထွက်နိုင်လိမ့်မယ်” လို့ ဦးရဲနိုင်မိုးက ပြောကြားခဲ့ပါတယ်။

မိုက်ခရိုဆော့ဖ်က ထုတ်ပြန်ထားတဲ့ သတင်းတစ်ခုမှာ Cyber လုံခြုံရေး နှောင့်ယှက်ခံရမှုကြောင့် အာရှ-ပစိဖိတ် ဒေသတွင်းက အကြီးစား အဖွဲ့အစည်းတွေမှာ အမေရိကန် ဒေါ်လာ သန်း ၃၀ ကျော်လောက်ထိ ဆုံးရှုံးခဲ့ရတယ်လို့ သိရပါတယ်။

လက်ရှိမှာကတော့ မြန်မာနိုင်ငံမှာကတော့ အင်တာနက် အလွဲသုံးစား ပြုလုပ်ပြီး အမြတ်ထုတ်မှုတွေကို ဖြေရှင်းဖို့အတွက် ထိရောက်တဲ့ ဥပဒေတစ်ရပ် မရှိသေးပါဘူး။

အစိုးရအနေနဲ့ ခိုင်မာတဲ့ Cyber Law တစ်ရပ်ကို အမြန်ဆုံး ရေးဆွဲအတည်ပြုဖို့ လိုအပ်နေပါပြီ။ ဒီလိုမှမဟုတ်ရင် ပြည်သူတွေအနေနဲ့ အင်တာနက် အလွဲသုံးစားခံရမှုကြောင့် နစ်နာမှုတွေအတွက် ကူရာကယ်ရာမဲ့ ဖြစ်နေဦးမှာလည်း ဖြစ်ပါတယ်။

နိုင်ငံတကာမှာ မြန်မာနိုင်ငံကို အထောက်အကူပြုမယ့် လူမျိုးတွေ ရှိနေသလို ဒုက္ခပေးမယ့် သူတွေကလည်း ဒုနဲ့ဒေးပါပဲ။ ပြည်တွင်းမှာ Cyber Criminal ကို ကျူးလွန်တဲ့ သူတွေအတွက် Cyber Law ကိုရေး ဆွဲထားရမှာ ဖြစ်သလို ပြည်ပကနေ ကျူးလွန်မယ့် သူတွေကိုလည်း အရေးယူနိုင်မယ့် လုပ်ငန်းစဉ်တွေကိုလည်း တစ်ချိန်တည်းမှာ လုပ်ဆောင်ရမှာပဲ ဖြစ်ပါတယ်။

e-Government ကို လှမ်းမယ့် အစိုးရအနေနဲ့ ပြုပြင်ပြောင်းလဲမှုတွေကို လုပ်ဆောင်ရသလို အဲဒီကနေ ဖြစ်လာမယ့် ရာဇ၀တ်မှုတွေ အတွက်လည်း ကြိုတင်ပြင်ဆင် ထားရတော့မှာပဲ ဖြစ်ပါတယ်။ ဒီလိုမဟုတ်ဘဲ e-Government ကို လှမ်းဖို့သာ အာရုံစိုက်နေပေမဲ့ အွန်လိုင်းရာဇ၀တ်မှုတွေအတွက် လျစ်လျူရှုထားမယ် ဆိုရင်တော့ ငွေကြေးဆုံးရှုံးမှု၊ အရှက်သိက္ခာ ဆုံးရှုံးမှုတွေ ဖြစ်နေဦးမှာပဲ ဖြစ်ပါတယ်။

 

ရုပ်ရှင်ဇာတ်ကားအချို့ Facebook ပေါ် ပျံ့နှံ့နေခြင်းမှာ အွန်လိုင်းဥပဒေအားနည်းချက်များကြောင့်ဟု ရုပ်ရှင်အစည်းအရုံးဥက္ကဋ္ဌဟောင်း အကယ်ဒမီလူမင်း ပြောကြား

ရုပ်ရှင်ဇာတ်ကားအချို့ Facebook ပေါ်မှတစ်ဆင့်ပျံ့နှံ့နေခြင်းမှာ အွန်လိုင်းဥပဒေ အားနည်းချက်များကြောင့်ဖြစ်ကြောင်း သြဂုတ် ၅ ရက်တွင် ရန်ကုန်မြို့ရှိ  Orchid Hotel ၌ပြုလုပ်သည့် Facebook အကြောင်း အကျိုး၊ အကောင်းအဆိုးစကားဝိုင်းတွင် ရုပ်ရှင်အစည်းအရုံးဥက္ကဋ္ဌဟောင်း အကယ်ဒမီ လူမင်းက ပြောကြားသည်။

“ကျွန်တော် ရုပ်ရှင်အစည်းအရုံးဥက္ကဋ္ဌ တာဝန်ယူခဲ့တုန်းကလည်း ဒီကိစ္စတွေကိုဖြေ ရှင်းခဲ့ရပါတယ်။ ကျွန်တော့်အနေနဲ့လုပ်ပိုင်ခွင့်ရှိသလောက် ဒီလိုကိစ္စမျိုးနောင်မဖြစ်အောင် စံပြအမှုတစ်ခုအနေနဲ့ စီရင်ချက် ထွက်အောင်ကြိုးစားခဲ့ပါတယ်။ သို့သော် နည်းပညာတွေရဲ့တိုးတက်မှု၊ အွန်လိုင်းဥပဒေရဲ့အားနည်းမှု၊ ဥပဒေကို ကိုင်တွယ်တဲ့ ရဲစခန်းတွေ ဘာတွေကအစ ဒီလိုကိစ္စမျိုးကို ကျွမ်းကျင်ပိုင်နိုင်မှုမရှိတဲ့အားနည်းချက်တွေကြောင့် အွန်လိုင်းဇာတ်ကားပျံ့နှံ့မှုတွေကိုထိရောက်စွာ မဖြေရှင်းနိုင်ခဲ့ပါဘူး” ဟု အကယ်ဒမီလူမင်းက ပြောကြားသည်။

ထို့ပြင် Facebook ပေါ်တွင် ရုပ်ရှင် ဇာတ်ကားအချို့အား Share ခြင်း၊ တင်ခြင်းတို့မှာ ဥပဒေအရပြစ်မှုမြောက်ကြောင်း၊ တချို့မှာ အမှန်တကယ်မသိရှိ၍ လုပ်ခြင်းဖြစ်ကြောင်း၊ အဆိုပါအချက်များကိုလည်း သိရှိနိုင်အောင် လုပ်ဖို့လိုအပ်ကြောင်း အကယ်ဒမီလူမင်းက ဆိုသည်။

“ဒီလိုအမှုတစ်ခုကိုလိုက်မယ်ဆိုရင် သက်ဆိုင်ရာပိုင်ရှင်ဖြစ်တဲ့ ထုတ်လုပ်သူကလည်းဇွဲရှိရှိနဲ့လုပ်နိုင်ရမယ်။ သက်ဆိုင်ရာ ဥပဒေကို ဆောင်ရွက်တဲ့အဖွဲ့အစည်းအသီးသီးကလည်း ကျွမ်းကျင်ပိုင်နိုင်မှု ရှိဖို့လိုအပ်ပါတယ်။ အွန်လိုင်းပေါ်က ဥပဒေတွေဟာ ဘယ်လိုကိုင်တွယ်ဖြေရှင်းပြီး ထိထိရောက်ရောက် ကာကွယ်နိုင်တယ်ဆိုတာ ဒီနေ့အထိ ဘယ်သူမှမပြောနိုင်သေးဘူး။  အွန်လိုင်းက ဥပဒေကင်းမဲ့ဇုန်လား။လုပ်ချင်ရာလုပ်လို့ရတဲ့ နေရာတစ်ခုလားလို့ ကျွန်တော်အရင်ကလည်း မေးခွန်းထုတ်ခဲ့ဖူးပါတယ်” ဟု အကယ်ဒမီလူမင်းက ဆက်လက်ပြောကြားသည်။

မြန်မာနိုင်ငံတွင် Facebook သည် စတုတ္ထမဏ္ဍိုင်သဖွယ် ဖြစ်နေပြီး လူမှုကွန်ရက်များပေါ်တွင် လွတ်လပ်စွာ ထုတ်ဖော်ပြောဆိုခွင့် ရှိနေခြင်းအပေါ် လက်ရှိအစိုးရ ကြောက်နေဟု ၀ိုင်းဝန်းဆွေးနွေး

သြဂုတ် ၅ ရက်တွင် Orchid ဟိုတယ်၌ ပြုလုပ်သည့် “Facebook အကြောင်းအကျိုး၊ အကောင်းအဆိုး” စကားဝိုင်းကို တွေ့ရစဉ်

မြန်မာနိုင်ငံတွင် Facebook သည် စတုတ္ထမဏ္ဍိုင်သဖွယ် ဖြစ်နေပြီး ယင်းကဲ့သို့ လူမှုကွန်ရက် ပလက်ဖောင်းများပေါ်တွင် လွတ်လပ်စွာ ထုတ်ဖော်ပြောဆိုခွင့်   (Freedom of Expression) ရှိနေခြင်းအပေါ် လက်ရှိအစိုးရ ကြောက်နေသည်ဟု ယူဆကြောင်း သြဂုတ် ၅ ရက်တွင်  Orchid ဟိုတယ်၌ ပြုလုပ်သည့် “Facebook အကြောင်း အကျိုး၊ အကောင်းအဆိုး”  စကားဝိုင်းတွင် ၀ိုင်းဝန်း ဆွေးနွေးခဲ့ကြသည်။

“ကျွန်တော်က အစိုးရမဟုတ်တော့ သူတို့ဘယ်လိုကြောက်တယ်ဆိုတာ ကျွန်တော်လည်း မသိဘူး၊ ဒါပေမဲ့ အဲ့အချက်ကတော့ အမှန်ပါပဲ၊ ၂၀၁၅ မှာ ပိုများတယ်။ တရားစွဲခံရတာ ၆၁ဦး ရှိပြီ။ အဲ့တော့ နှိုင်းယှဉ်ချက် အရပြောရမယ်ဆိုရင် Freedom of Expression မှာတော့ လက်ရှိအခြေအနေဟာ ဦးသိန်းစိန်အစိုးရထက် နောက်ပြန်ဆုတ်သွားပြီ၊ အရင်တုန်းက ကျွန်တော်ပြောတာ ကျွန်တော့်ကို ဘာမှမလုပ်ဘူး၊ ဘာမှမလုပ် ဘူးဆိုတာ ခွေးလေးခုန်လို့ ဖုန်မထဘူးဆိုတာလည်း ဖြစ်ရင်ဖြစ်မှာပေါ့၊ အခုချိန်တော့ ကျွန်တော် မပြောဝံ့တော့ဘူး၊ ၆၆ ဃ ကြောက်လို့၊ သူတို့က လွတ်လပ်မှုနဲ့ ပတ်သက်လို့ ကိုယ်က အပေါ်ရောက်လာတဲ့အခါ တစ်မျိုးဖြစ်လာတယ်”   ဟု ပရိသတ်တစ်ဦး၏ မေးမြန်းမှုကို တရားလွှတ်တော်ရှေ့နေဦးသိန်းသန်းဦးက ပြန်လည်ဖြေကြားသည်။

Facebook သည် မြန်မာနိုင်ငံတွင် အသုံးပြုသူအများအပြားရှိနေပြီး သတင်းဌာနကြီးတစ်ခုကဲ့သို့ သတင်းများ အလျင်အမြန် ဖြန့်ဝေနိုင်ခြင်း၊ အရေးပေါ်ကိစ္စများဖြစ်သည့် သဘာဝဘေးအန္တရာယ်များအတွက် အကူအညီများ တောင်းခြင်းများအပြင် မကြာမီက ဖြစ်ပွားခဲ့သည့် သရုပ်ဆောင်အောင်ရဲထွေးအမှုတွင် တရားခံများအား လွှတ်ပေးခြင်းအပေါ် တရားရေးမဏ္ဍိုင်ကိုပါ တစ်စုံတစ်ရာထိန်းကျောင်းသည်အထိ တွင်ကျယ်လာခဲ့ကြောင်း စတုတ္ထမဏ္ဍိုင်သဖွယ်ဖြစ်လာကြောင်း ဆွေးနွေးကြသည်။

“ကျွန်တော့်အနေနဲ့ ဒီသတင်းမီဒီယာက စတုတ္ထမဏ္ဍိုင်လို့ ကင်ပွန်းတပ်ကတည်းက ထောက်ခံခြင်း သဘောတူခြင်းပြောဖို့ ကျွန်တော်ဥာဏ်မမီပါဘူး။ ဒါပေမဲ့လည်း ဒီ Facebook ကြီးက မဏ္ဍိုင်တစ်ခုဖြစ်နေတာ တော့ သေချာပါတယ်။ တကယ်ကိုလည်း တည့်မတ်ပေးနိုင်တာဖြစ်သလို Facebook မှာတက်လာတဲ့ သတင်းမှာပဲ ဥပမာ လမ်းပျက်တာ ပြင်တာကအစပေါ့ လူအများကို သိအောင် အများရဲ့ဆန္ဒတွေကို အချိန်တို အတွင်းမှာ သိနိုင်တဲ့အတွက် သဘောထားကို (အကြမ်းဖျင်းအားဖြင့်) ကောက်ယူနိုင်တဲ့ မဏ္ဍိုင်ဖြစ်နေတာတော့ အသေအချာပါပဲ”  ဟု သရုပ်ဆောင်လူမင်းက ပြောသည်။

ထုတ်ဖော်ဝေဖန်ခြင်းများကို တရားစွဲရာတွင် အဓိက အသုံးပြုလေ့ရှိသော ဆက်သွယ်ရေးဥပဒေကို ကြံ့ခိုင်ရေးပါတီ ဦးဆောင်သော အစိုးရလက်ထက်တွင် စတင်အတည်ပြု ပြဋ္ဌာန်းခဲ့ခြင်းဖြစ်ပြီး ယင်းလက်ထက်တွင် ဆက်သွယ်ရေးဥပဒေဖြင့် တရားစွဲဆိုမှု ၁၁မှု ရှိခဲ့သည်။ လက်ရှိ အမျိုးသားဒီမိုကရေစီ အဖွဲ့ချုပ်ဦးဆောင်သော အစိုးရလက်ထက်တွင် ဇူလိုင် ၄ ရက်အထိ လွတ်လပ်စွာထုတ် ဖော်ပြောဆိုခွင့်ကို ထိန်းချုပ်ထားသည့် ဆက်သွယ်ရေးဥပဒေဖြင့် တရားစွဲမှုမှာ အမှုပေါင်း ၁၃၄ မှု ရှိပြီဖြစ်သည်။

ဆက်သွယ်ရေးဥပဒေကို ၂၀၁၇ခုနှစ် သြဂုတ်လအတွင်း ပြင်ဆင်ခဲ့သော်လည်း နိုင်ငံရေးအရ ထုတ်ဖော်ဝေဖန်ခြင်းများကို တရားစွဲရာတွင် အဓိကအသုံးပြုလေ့ရှိသော ပုဒ်မ ၆၆(ဃ)ကို မပယ်ဖျက်ဘဲ ပြစ်ဒဏ် နှစ်နှစ်သို့ လျှော့ချခြင်းနှင့် ကိုယ်စားလှယ်လွှဲစာမပါဘဲ ကြားလူက တရားစွဲ၍မရအောင် ပြင်ဆင်ခြင်း တို့သာ ပြုလုပ်ခဲ့သည်။ထို့ကြောင့် ကြားလူက ၀င်ရောက် တရားစွဲလေ့ရှိသော နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နှင့် ပတ်သက်သော အမှုများသာ လျော့နည်းပပျောက်သွားပြီး အချို့သော အမှုများတွင် ကိုယ်စားလှယ်လွှဲစာအား အသုံးပြုလာကြောင်း လွတ်လပ်စွာထုတ်ဖော် ပြောဆိုခွင့် လှုပ်ရှားမှုအဖွဲ့ အသံ (Athan)”  ထံမှ သိရသည်။