ဘင်္ဂါလီမွတ်စလင်များအပေါ် ကျူးလွန်သည့် မြန်မာနိုင်ငံမှ ရာဇ၀တ်မှုများအား တရားစွဲဆိုမှုများပြုလုပ်ရန် ဥရောပသမဂ္ဂက တောင်းဆို

Photo : AFP

မြန်မာနိုင်ငံမှ ဘင်္ဂါလီမွတ်စလင်များ  (မူရင်းတွင် ရိုဟင်ဂျာဟု ဖော်ပြ) အပေါ် လူသားဆန်မှုကို ချိုးဖောက်သည့် ရာဇ၀တ်မှုများအတွက် တာဝန်ရှိသူများကို တရားစွဲဆိုရန် ကုလသမဂ္ဂလူ့အခွင့်အရေးကောင်စီ၌ ဆုံးဖြတ်ချက်တစ်ရပ် ချမှတ်ပေးရေးကို ဥရောပသမဂ္ဂ (EU) က တွန်းအားပေးထားသည့် ဆုံးဖြတ်ချက်မူကြမ်းတစ်စောင်ကို POLITICO သတင်းဌာနက ရရှိခဲ့သည်။

စက်တင်ဘာ ၂၈ ရက်တွင် ပြီးဆုံးမည့် သီတင်းနှစ်ပတ်ကြာ ဆွေးနွေးပွဲအတွင်း တင်သွင်းမည့် ယင်းတောင်းဆိုချက်မူကြမ်းသည် လွန်ခဲ့သည့်လက မြန်မာနိုင်ငံသို့ လွတ်လပ်သည့် အချက်အလက်ရှာဖွေရေးမစ်ရှင်အဖွဲ့အား စေလွှတ်ခဲ့ပြီးနောက် ထွက်ပေါ်လာခြင်းဖြစ်သည်။ အဆိုပါအဖွဲ့က ရခိုင်ပြည်နယ်ရှိ မွတ်စလင်လူနည်းစုအပေါ် လူမျိုးတုံးသတ်ဖြတ်ရန် ရည်ရွယ်မှုရှိကြောင်း အထောက် အထားများ တွေ့ရှိခဲ့ပြီး မြန်မာတပ်မတော် ကာကွယ်ရေးဦးစီးချုပ်နှင့် အခြားဗိုလ်ချုပ်များကို တရားစွဲဆိုသင့်ကြောင်း အကြံပြုခဲ့သည်။

EU က အဆိုပြုထားသည့် ဆုံးဖြတ်ချက်မူကြမ်းတွင် နိုင်ငံတကာလူ့အခွင့်အရေး ဆိုင်ရာဥပဒေကို ချိုးဖောက်မှုများ၊ အလွဲသုံးစားပြုမှုများနှင့် ဆက်နွှယ်နေသော ရာဇ၀တ် မှုများအတွက် တာဝန်ရှိသူအားလုံးကို ယုံကြည်ရပြီး လွတ်လပ်သော နိုင်ငံတွင်း သို့မဟုတ် နိုင်ငံတကာ ရာဇ၀တ်မှုဆိုင်ရာ တရားစီရင်ရေးလုပ်ငန်းစဉ်များမှတစ်ဆင့် တာဝန်ခံခိုင်းရေးအတွက် အာမခံရန်သည် အရေးပေါ် လိုအပ်ချက်ဖြစ်ကြောင်း အထူးပြုဖော်ပြထားသည်။

အဆိုပါဆုံးဖြတ်ချက်မူကြမ်းသည် ဟိတ်မြို့အခြေစိုက် အပြည်ပြည်ဆိုင်ရာ ရာဇ၀တ်ခုံရုံး (ICC) ၏ စီရင်ဆုံးဖြတ်မှုကို မြန်မာနိုင်ငံအနေဖြင့် လက်ခံသင့်ကြောင်းလည်း ပြောကြားထားသည်။ လွန်ခဲ့သည့် သီတင်း ပတ်အတွင်း ICC က မြန်မာနိုင်ငံသည် ဘင်္ဂါလီမွတ်စလင်များအား မြန်မာနိုင်ငံမှ ဘင်္ဂလားဒေ့ရ်ှနိုင်ငံသို့ အတင်းအကျပ် ရွှေ့ပြောင်း စေခဲ့ခြင်းဖြင့် လူသားဆန်မှုကို ချိုးဖောက်သော ရာဇ၀တ်မှုမြောက်နိုင်ကြောင်းနှင့် ၎င်း၌ တရားစီရင်ပိုင်ခွင့်ရှိကြောင်း ဆုံးဖြတ်ခဲ့သည်။ ယင်းကို မြန်မာအစိုးရက ချက်ချင်းပယ်ချခဲ့သည်။

မြန်မာတပ်မတော်အရာရှိများကို ICC ၌ ရုံးတင်စစ်ဆေးနိုင်ရန် ကုလသမဂ္ဂလုံခြုံရေးကောင်စီ၏ ဆုံးဖြတ်ချက်လိုအပ်မည် ဖြစ်ပြီး ဗီတိုအာဏာ သုံးပိုင်ခွင့်ရှိသော တရုတ်နှင့် ရုရှားနိုင်ငံတို့ကြောင့် ယင်းကိစ္စမှာ ဖြစ်နိုင်ဖွယ်မရှိကြောင်း သိရသည်။

ဂျီနီဗာရှိ လူ့အခွင့်အရေးကောင်စီ၌ တင်သွင်းမည့် EU ၏ ဆုံးဖြတ်ချက်မူကြမ်းသည် မွတ်စလင်နိုင်ငံပေါင်း ၅၇ နိုင်ငံ ပါဝင်သည့် အစ္စလာမ္မစ်ပူးပေါင်းဆောင်ရွက်ရေး အဖွဲ့ (OIC) ၏ ခုခံမှုနှင့် ရင်ဆိုင်ရသည်။

POLITICO က ရရှိသော OIC ၏ ဆုံး ဖြတ်ချက်မူကြမ်းတွင် စစ်ရာဇ၀တ်မှုများအတွက် မြန်မာနိုင်ငံမှ လူများအား တရားစွဲဆိုရန် ရည်ညွှန်းပြောကြားထားခြင်းမရှိပေ။

စက်တင်ဘာ ၁၃ ရက်တွင် EU ၏ နိုင်ငံခြားရေးရာမူဝါဒအကြီးအကဲ ဖက်ဒါရီကာ မိုဂါရီနီက EU သည် မြန်မာနိုင်ငံအပေါ် ပိတ်ဆို့မှုများကို တိုးမြှင့်သွားမည်ဟု ပြောကြားခဲ့သည်။

“ကုလသမဂ္ဂအစီရင်ခံစာရဲ့ အလင်းပြမှုအရ ကျွန်မတို့လည်း ဒီကန့်သတ်မှုနည်းလမ်းတွေကို အားကောင်းအောင် ဆောင်ရွက်ဖို့ စဉ်းစားနေပါတယ်။ ကျွန်မတို့ရဲ့ မြန်မာနိုင်ငံအပေါ် ကုန်သွယ်ရေးဦးစားပေးမှု တွေဟာ လူ့အခွင့်အရေးနဲ့ ဒီမိုကရေစီဆိုင်ရာ ရှင်းလင်းတဲ့ အနေအထားတွေနဲ့ ဆက် နွှယ်နေကြောင်း၊ လက်ရှိကုန်သွယ်ရေးအနေအထားတွေကို ထိန်းသိမ်းဖို့က ကျွန်မတို့အနေနဲ့ အနေအထားတွေ တိုးတက်လာဖို့ ပြတ်သားတဲ့လုပ်ဆောင်ချက်တွေ မြင်ရဖို့ လိုအပ်နေကြောင်း မြန်မာအာဏာပိုင်တွေကို ရှင်းရှင်းလင်းလင်းလည်း အသိပေးထားပါတယ်”  ဟု မိုဂါရီနီက စထရက်ဘတ်ရှိ ဥရောပ ပါလီမန်၌ ဥပဒေပြုအမတ်များအား ပြောကြားခဲ့သည်။

EU ၏ ဆုံးဖြတ်ချက်မူကြမ်းသည် ရခိုင် ပြည်နယ်၌ ဘင်္ဂါလီမွတ်စလင်ရွာသားများအား သတ်ဖြတ်ခဲ့မှုကို စုံစမ်းထောက်လှမ်းခဲ့သည့် ရိုက်တာဂျာနယ်လစ်နှစ်ဦးအား ထောင်ဒဏ် ခုနစ်နှစ် ချမှတ်ခဲ့ခြင်းအပေါ် အလွန်အမင်း စိုးရိမ်မိကြောင်းလည်း ဖော်ပြခဲ့သည်။ အဆိုပါဂျာနယ်လစ်နှစ်ဦးအား ခြွင်းချက်မရှိ ချက်ချင်းလွှတ်ပေးရန်လည်း EU က တောင်းဆိုခဲ့သည်။

အီးယူက မြန်မာလုံခြုံရေး အရာရှိများအား ပိတ်ဆို့မှုချမှတ်ရန် ပြင်ဆင်နေပြီး ဇွန်၂၅ ရက်၌ ခုနစ်ဦး၏ အမည်စာရင်းကို ထုတ်ပြန်မည်

မေလက ဘင်္ဂလားဒေ့ရ်ှနှင့် နယ်စပ်ချင်း ထိစပ်နေသော ရခိုင်ပြည်နယ်ရှိ ကြိုဆိုရေးစခန်း တစ်ခုဖြစ်သည့် တောင်ပြိုလက်ဝဲအနီး လုံခြုံရေးယူထားသည့် မြန်မာနယ်ခြားစောင့် ရဲတပ်ဖွဲ့ဝင်တစ်ဦး (Photo : Reuters)

ဥရောပသမဂ္ဂ (အီးယူ) က မြန်မာတပ်မတော်နှင့် နယ်ခြားစောင့်ရဲတပ်ဖွဲ့မှ အရာရှိ ခုနစ်ဦးကို ဘင်္ဂါလီ မွတ်စလင်များ (မူရင်း၌ တိုင်းရင်းသား ရိုဟင်ဂျာဟု ဖော်ပြ) အား အစုလိုက်အပြုံလိုက် မောင်းထုတ်ခဲ့မှုနှင့် ပတ်သက်၍ ပိတ်ဆို့မှုများ ချမှတ်ရန် ပြင်ဆင်နေကြောင်း သံတမန်များက ဇွန် ၂၂ ရက်တွင် ပြောကြားခဲ့သည်။ ယင်းသည်  အလွဲသုံးစားမှုများ ပြုလုပ်ခဲ့သည်ဟု အစီရင်ခံခြင်း ခံရသော မြန်မာလုံခြုံရေး တပ်ဖွဲ့ဝင်များကို အပြစ်ပေးရန်အတွက် အီးယူခေါင်းဆောင်များက အပြောနှင့် မဟုတ်ဘဲ လက်တွေ့ပြလိုက်ခြင်း ဖြစ်သည်ဟု ဆိုသည်။

အီးယူသည် ဖေဖော်ဝါရီလ အတွင်းက မြန်မာနိုင်ငံအပေါ် လက်နက်တင်သွင်းမှု ပိတ်ပင်ခြင်းအား ဆက်လက် သက်တမ်းတိုးခဲ့ပြီးနောက် ယခုဆုံးဖြတ်ချက် ထွက်ပေါ်လာခြင်းဖြစ်သည်။ တစ်ချိန်တည်းမှာပင် အီးယူသည် မြန်မာတပ်မတော်နှင့် နယ်ခြားစောင့် ရဲတပ်ဖွဲ့တို့အား အချို့သော ကုန်ပစ္စည်းများ ရောင်းချမှုကို တားမြစ်ခဲ့ပြီး မြန်မာတပ်မတော်နှင့် စစ်ဘက်ဆိုင်ရာအရ ပူးပေါင်းဆောင်ရွက်မှုကို ရပ်ဆိုင်းခဲ့သည်။

အီးယူ၏ နိုင်ငံခြားရေး ၀န်ကြီးများ လူဇင်ဘတ်တွင် အစည်းအဝေး ပြုလုပ်မည့် ဇွန် ၂၅ ရက် နံနက်၌ ပိတ်ဆို့မှု ဆုံးဖြတ်ချက်ကို ထုတ်ပြန်ကြေညာမည်ဟု မျှော်လင့်ရသည်။ ယခုဆယ်စုနှစ် အစောပိုင်းက တပ်မတော် အစိုးရသည် ၂၀၁၅ ခုနှစ် ရွေးကောက်ပွဲကို ပြုလုပ်ပေးခဲ့ပြီး ၂၀၁၆ ခုနှစ်တွင် ငြိမ်းချမ်းရေး နိုဗယ်ဆုရှင် ဒေါ်အောင်ဆန်းစုကြည် ဦးဆောင်သော အရပ်သား အစိုးရအဖွဲ့အား အာဏာတစ်စိတ်တစ်ပိုင်း လွှဲပြောင်းပေးခဲ့သောကြောင့် အလျင်အမြန် ပြေလည်၍လာသည့် အနောက်တိုင်းနှင့် မြန်မာဆက်ဆံရေးသည် ယခုအခါ သိသိသာသာ ချိုးကွေ့သွားတော့မည်ဖြစ်သည်။

ဥရောပသည် ၂၀၁၃ ခုနှစ်တွင် မြန်မာနိုင်ငံအပေါ် ချမှတ်ထားသည့် ပိတ်ဆို့မှုအများစုကို ရုပ်သိမ်းပေးခဲ့ပြီး ၂၀၁၄-၂၀၂၀ ဘတ်ဂျက်၌ မြန်မာနိုင်ငံအား အကူအညီ ယူရို သန်း ၇၀၀ (အမေရိကန်ဒေါ်လာ သန်း ၈၁၀) ပေးရန် အတည်ပြုခဲ့သည်။

လွန်ခဲ့သည့် သြဂုတ်လမှစ၍ မြန်မာတပ်မတော်သည် ဘင်္ဂါလီမွတ်စလင် ၇၀၀,၀၀၀ ကို အိမ်နီးချင်း ဘင်္ဂလားဒေ့ရ်ှနိုင်ငံသို့ ထွက်ပြေးစေခဲ့ခြင်းက မြန်မာနိုင်ငံနှင့် ခိုင်မာအားကောင်းသော ဆက်ဆံရေး ထူထောင်နိုင်ခြေနှင့် ပတ်သက်သည့် အီးယူ၏ တွက်ချက်မှုများကို ပြောင်းလဲသွားစေခဲ့ခြင်းဖြစ်ပြီး ပြင်သစ်သမ္မတ အီမန်နျူယယ်မက်ခရွန်က ဘင်္ဂါလီ မွတ်စလင်များအပေါ် အကြမ်းဖက်မှုအား လူမျိုးတုံး သတ်ဖြတ်မှုဟု လွန်ခဲ့သည့်နှစ်က ပြစ်တင်ရှုတ်ချခဲ့သည်။

ဘင်္ဂါလီ မွတ်စလင်များသည် မြန်မာနိုင်ငံအတွင်း မျိုးဆက်များချီလျက် နေထိုင်ခဲ့သော်လည်း ဗုဒ္ဓဘာသာဝင် အများစုဖြစ်သော မြန်မာနိုင်ငံတွင် နိုင်ငံသားဖြစ်ခွင့် ငြင်းပယ်ခံရသည် ဟုဆိုသည်။

မြန်မာတပ်မတော်က ဘင်္ဂါလီမွတ်စလင်များအပေါ် ၎င်းတို့၏ ဆောင်ရွက်ချက်များသည် ဘင်္ဂါလီမွတ်စလင် အကြမ်းဖက်သမားများ၏ တိုက်ခိုက်မှုများကို တုံ့ပြန်ခြင်းသာ ဖြစ်သည်ဟု ပြောကြားခဲ့သည်။ မြန်မာနိုင်ငံ၏ အရပ်သား အစိုးရ အဖွဲ့ခေါင်းဆောင် ဒေါ်အောင်ဆန်းစုကြည်က သူ၏ Facebook ပို့စ် တစ်ခုတွင် ပြည်ပမှ အမုန်းတရား ဇာတ်လမ်းများအား လူ့အသိုင်းအ၀ိုင်းများအကြား တင်းမာမှုများ ဖြစ်ပွားစေခြင်းအဖြစ် ယခုသီတင်းပတ် အတွင်း၌ ပြစ်တင်ပြောကြားခဲ့သည်။

အနောက်တိုင်း အစိုးရ အဖွဲ့များသည် မြန်မာတပ်မတော်အပေါ် ကြိမ်ဖန်များစွာ ပြစ်တင်ရှုတ်ချ ခဲ့သော်လည်း ယခုအထိ မြန်မာတပ်မတော် အရာရှိများကို အပြစ်ပေးရန် နိုင်ငံတကာ၏ လုပ်ဆောင်ချက်မှာ လွန်စွာနည်းပါးခဲ့သည်။

ဒီဇင်ဘာလတွင် အမေရိကန်၏ ထရန့်အစိုးရအဖွဲ့က မြန်မာတပ်မတော်အရာရှိ တစ်ဦးဖြစ်သော အနောက်ပိုင်းတိုင်း စစ်ဌာနချုပ် တိုင်းမှူးဟောင်း ဗိုလ်ချုပ်မောင်မောင်စိုးကိုသာ ပိတ်ဆို့မှုများ ချမှတ်ခဲ့သည်။ အမေရိကန် အစိုးရက ဗိုလ်ချုပ်မောင်မောင်စိုးသည် ဘင်္ဂါလီမွတ်စလင် (မူရင်း၌ ရိုဟင်ဂျာဟု ဖော်ပြ) တို့အား နှိမ်နင်းမှုကို ကြီးကြပ်ခဲ့သည်ဟု ပြောကြားခဲ့သည်။ သို့သော် မြန်မာနိုင်ငံအပေါ် ပိုမိုကျယ်ပြန့်သော ပိတ်ဆို့မှုများ ချမှတ်ရန် ကိစ္စကို ငြင်းဆိုခဲ့သည်။

နိုင်ငံတကာက မြန်မာနိုင်ငံအား တာဝန်ခံမှု ရှိစေရန် တွန်းအားပေးသည့် သီးခြားလုပ်ဆောင်ချက် တစ်ရပ်အဖြစ် အပြည်ပြည်ဆိုင်ရာ ရာဇ၀တ်ခုံရုံး (ICC) က ဘင်္ဂါလီမွတ်စလင် (မူရင်း၌ ရိုဟင်ဂျာဟု ဖော်ပြ) တို့အပေါ် ကျူးလွန်ခဲ့သည်ဟု စွပ်စွဲထားသော ပြစ်မှုများအတွက် မြန်မာအရာရှိများအား တရားစွဲဆိုခြင်း ပြုလုပ်ရန် သင့် မသင့်ကို လက်ရှိ၌ ဆုံးဖြတ်ရန် ရှိနေပြီး ယခုသီတင်းပတ်အတွင်း နယ်သာလန်နိုင်ငံသည် ဟိတ်မြို့တွင် ကြားနာစစ်ဆေးမှုများ ပြုလုပ်လျက်ရှိသည်။

ပိတ်ဆို့မှုချမှတ်မည့် မြန်မာလုံခြုံရေး အရာရှိ ခုနစ်ဦး၏ အမည်စာရင်းကို ဇွန် ၂၅ ရက်တွင် ထုတ်ပြန်မည် ဖြစ်ကြောင်း The Wall Street Journal က ဖော်ပြခဲ့သည်။

Ref : The Wall Street Journal

အွန်လိုင်းပေါ်တွင် ကျူးလွန်သည့် ဆိုက်ဘာပြစ်မှုများကို တိုက်ဖျက်ရန် အီးယူကျွမ်းကျင်ပညာရှင်များက မြန်မာနိုင်ငံရဲတပ်ဖွဲ့အား သင်ကြားပေးလျက်ရှိ

EU မှ သင်ကြားပေးသည့် ဆိုက်ဘာသင်တန်းကို တက်ရောက်နေသည့် မြန်မာနိုင်ငံ ရဲတပ်ဖွဲ့ဝင်များကို တွေ့ရစဉ် (Photo: EU)

အွန်လိုင်းပေါ်၌ ကျူးလွန်သည့် ဆိုက်ဘာပြစ်မှုများကို တိုက်ဖျက်ရန် မြန်မာနိုင်ငံရဲတပ်ဖွဲ့အား အီးယူကျွမ်းကျင်ပညာရှင်များမှ သင်ကြားမှုများ ပြုလုပ်ပေးနေကြောင်း မြန်မာနိုင်ငံဆိုင်ရာ အီးယူသံရုံး၏ သတင်းထုတ်ပြန်ချက်အရ သိရသည်။

ထုတ်ပြန်ချက်တွင် ကွန်ပျူတာအချက်အလက်များအား နှောင့်ယှက်တိုက်ခိုက်ခြင်း၊ အချက်အလက်များပေါက်ကြားခြင်း၊ အွန်လိုင်းလိမ်လည်မှု၊ အမျိုးအမည်ခိုးယူမှု၊ လူမျိုးရေးမုန်းတီးစေရန် လှုံ့ဆော်ခြင်း (သို့) အကြမ်းဖက်တိုက်ခိုက်မှု စသည့်အွန်လိုင်းပေါ်တွင် ကျူးလွန်သည့် ဆိုက်ဘာပြစ်မှုများမှာ ကမ္ဘာတစ်ဝန်း မြင့်တက်လျက်ရှိကြောင်း၊ ၎င်းဆိုက်ဘာပြစ်မှုများမှာ အသုံးပြုသူသာမက၊ ပုဂ္ဂလိကလုပ်ငန်းများနှင့် အစိုးရများကိုပါ ပြင်းပြင်းထန်ထန် ထိခိုက်နစ်နာစေကြောင်း၊ ကွန်ရက်ပေါ်ရှိ ရာဇ၀တ်လုပ်ငန်းများမှာ နိုင်ငံနယ်ခြားမရှိ ကျူးလွန်သည့်အတွက် တရားဥပဒေစိုးမိုးရေးအဖွဲ့အစည်းများအနေဖြင့် ၎င်းဆိုက်ဘာပြစ်မှုများကို ထိထိရောက်ရောက်တိုက်ဖျက်ရာ၌ နယ်ခြားဖြတ်ကျော်၍ ကမ္ဘာတစ်ဝန်း ပူးပေါင်းဆောင်ရွက်မှုမှာ အဓိကကျလျက်ရှိကြောင်း ဖော်ပြထားသည်။

ထို့ကြောင့် မြန်မာနိုင်ငံရဲတပ်ဖွဲ့ ပြုပြင်ပြောင်းလဲရေးနှင့် ရဲတပ်ဖွဲ့ဝင်များအား စွမ်းဆောင်ရည်မြှင့်တင်ပေးခြင်းကို ပံ့ပိုးပေးလျက်ရှိသည့် MYPOL စီမံကိန်းသည့် ရဲတပ်ဖွဲ့ဝင်များအနေဖြင့် ဆိုက်ဘာကွန်ရက်လုံခြုံရေးဆိုင်ရာ နောက်ဆုံးပေါ် ခြိမ်းခြောက်မှုများအကြောင်း စတင်သိရှိနိုင်စေရန်၊ လက်ရှိအချိန်တွင် ဆိုက်ဘာလုံခြုံရေးသင်တန်းဖြင့် လေ့ကျင့်သင်ကြားပေးလျက်ရှိကြောင်း၊ ၎င်း MYPOL သင်တန်းသည် ပါဝင်တက်ရောက်သူများအနေဖြင့် အခြေခံခြိမ်းခြောက်မှုများ ဖော်ထုတ်ကာ အခြေခံဆိုက်ဘာ ခြိမ်းခြောက်မှုနှင့်စပ်လျဉ်း၍ စီမံခန့်ခွဲမှုအပေါ်လေ့လာခြင်းဖြင့် အမှောင်ကွန်ရက်အကြောင်း ပိုမိုနားလည်သဘောပေါက်လာစေမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

ယင်းအပြင် ဒီမိုကရေစီလူ့ဘောင်အဖွဲ့ အစည်းသို့ မြန်မာနိုင်ငံအနေဖြင့် အသွင်ကူးပြောင်းရာတွင် ရဲတပ်ဖွဲ့ပြုပြင်ပြောင်းလဲရေးမှာ လွန်စွာအရေးပါသည့် ခြေလှမ်းတစ်ရပ်ဖြစ်ကြောင်း၊ MYPOL စီမံကိန်းသည် ဥရောပသမဂ္ဂမှ ရန်ပုံငွေပံ့ပိုးကာ၊ နိုင်ငံတကာ အကောင်းဆုံးအလေ့အထများနှင့် လူ့အခွင့်အရေး လေးစားလိုက်နာမှုပေါ် အခြေခံ၍ ပြည်သူလူထုအပေါ် ကာကွယ်စောင့်ရှောက်ခြင်းရှိသည့် မြန်ဆန်ထိရောက်မှုကာ တာဝန်ခံမှုရှိသည့် ရဲတပ်ဖွဲ့ဝန်ဆောင်မှုမျိုး ဖြစ်ပေါ်လာစေရန် ပံ့ပိုးပေးထားသည့် ငါးနှစ်တာစီမံကိန်းတစ်ခုဖြစ်ကြောင်း၊ ရပ်ရွာအခြေပြု ရဲလုပ်ငန်းနှင့် ရာဇ၀တ်မှုစုံစမ်းစစ်ဆေးခြင်းတို့တွင် ရဲတပ်ဖွဲ့ဝင်များအား သင်တန်းများပိုမိုပေးခြင်းဖြင့် မတူညီသော လူ့အသိုင်းအ၀ိုင်းများအကြား ယုံကြည်မှုတည်ဆောက်ပေးခြင်းများ စီမံကိန်းတွင်ပါဝင်ကြောင်း သိရသည်။

MYPOL စီမံကိန်းအား ယူရိုငွေ သန်း ၃၀ (မြန်မာကျပ်ငွေ ၄၉.၆ဘီလီယံ) ဖြင့် ၂၀၁၆ ခုနှစ် ဒီဇင်ဘာလတွင် စတင်အကောင်အထည်ဖော်ခဲ့ခြင်းဖြစ်ကြောင်း၊ ၎င်းစီမံကိန်းမှာ မြန်မာ့ရဲတပ်ဖွဲ့၊ ပြည်ထဲရေးဝန်ကြီးဌာန၊ လွှတ်တော်၊ ရှေ့နေချုပ်ရုံး၊ အရပ်ဘက်လူမှုအဖွဲ့အစည်းများ၊ မီဒီယာစသည်တို့နှင့် နီးကပ်စွာပူးပေါင်းကာ အကောင်အထည်ဖော်လျက်ရှိကြောင်း၊ MYPOL စီမံကိန်းမှအဆုံးတွင် အကျိုးခံစားရမည့်သူများမှာ တုံ့ပြန်မှုပိုမိုပေး၍ လေးစားဖွယ်ကောင်းကာ လုပ်ငန်းပိုမိုကျွမ်းကျင်မှုရှိသည့် ရဲဝန်ဆောင်မှုမှ အကျိုးခံစားရမည့် မြန်မာ့ပြည်သူလူထုပင်ဖြစ်ကြောင်း၊ ရဲတပ်ဖွဲ့ပြုပြင်ပြောင်းလဲရေးအောင်မြင်ရန် အချိန်ယူရမည်ဖြစ်ပြီး နေ့ချင်းညချင်း အောင်မြင်မှုမရနိုင်ကြောင်း၊ မြန်မာနိုင်ငံအတွက် အင်အားအသုံးပြုသည့် ရဲအင်အားဆိုသည်ထက် ပြည်သူလူထုအတွက် ၀န်ဆောင်မှုပေးသည့် ရဲပုံစံမျိုး တည်ဆောက်ပေးနိုင်ရန် MYPOL စီမံကိန်းမှ မြန်မာအစိုးရအား တစ်ဆင့်ချင်း ပံ့ပိုးကူညီပေးသွားရန် ရည်ရွယ်ထားကြောင်း ထုတ်ပြန်ချက်တွင် ဖော်ပြထားသည်။

တရားမ၀င် ငါးဖမ်းခြင်းအတွက် ဗီယက်နမ်ကို ဥရောပသမဂ္ဂက သတိပေး

စက်တင်ဘာ  ၁၄ ရက်က ဗီယက်နမ်အလယ်ပိုင်း ကမ်းရိုးတန်းသို့ မုန်တိုင်းမ၀င်ရောက်မီ ငါးဖမ်းဆိပ်ကမ်း တစ်ခု၌ ငါးဖမ်းလှေများအား ဆိုက်ကပ်ထားစဉ် (Photo : AFP)

တရားမ၀င် ငါးဖမ်းခြင်းကို ဗီယက်နမ်က ထိရောက်စွာ မကိုင်တွယ်လျှင် ဗီယက်နမ်၏ ပင်လယ်စာ ပို့ကုန်လုပ်ငန်းအား ပိတ်ပင်အရေးယူနိုင်ကြောင်း ဥရောပသမဂ္ဂက အောက်တိုဘာ ၂၃ ရက်တွင် ပြောကြားခဲ့ပြီး ဗီယက်နမ်ကို အ၀ါကတ်ပြ သတိပေးခဲ့သည်။

အဖွဲ့ဝင် ၂၈ နိုင်ငံရှိသော ဥရောပသမဂ္ဂ၏ အုပ်ချုပ်ရေးအဖွဲ့ဖြစ်သော ဥရောပကော်မရှင်က ဗီယက်နမ်သည် တရားမ၀င် ငါးဖမ်းခြင်းအား သင့်တော်သော အချိန်ကာလ တစ်ခုအတွင်း ဖြေရှင်းသင့်ကြောင်း ပြောကြားခဲ့သော်လည်း နောက်ဆုံးအချိန် သတ်မှတ်ပေးမှုကို မဆောင်ရွက်ခဲ့ပေ။

“ဗီယက်နမ် ငါးဖမ်းသင်္ဘောတွေက တရားမ၀င် ငါးဖမ်းမှုတွေကြောင့် ပစိဖိတ်သမုဒ္ဒရာတွေထဲမှာ အဏ္ဏ၀ါဟေဂဗေဒ စနစ်ကို သက်ရောက်မှုကို ကျွန်တော်တို့ မျက်ကွယ် မပြုထားနိုင်ပါဘူး” ဟု ဥရောပ ငါးလုပ်ငန်းရေးရာ ကော်မရှင်နာမင်းကြီး သာမိနူဗေလာက ပြောကြားခဲ့သည်။ ဗီယက်နမ် အာဏာပိုင်များအား တရားမ၀င် ငါးဖမ်းမှုတိုက်ဖျက်ရေးကို အရှိန်မြှင့်ဆောင်ရွက်ရန် တိုက်တွန်းထားပြီး ထိရောက်စွာ မဆောင်ရွက်လျှင် အရေးယူဆောင်ရွက်ရန် ဆုံးဖြတ်နိုင်ကြောင်း ဗေလာက ထပ်မံပြောကြားခဲ့သည်။

တရားမ၀င် ငါးဖမ်းမှုကို တိုက်ဖျက်ရန် နည်းပညာဆိုင်ရာ ပံ့ပိုးမှုပေးမည်ဟု ဥရောပသမဂ္ဂက ဗီယက်နမ်ကို ကမ်းလှမ်းထားခဲ့ကြောင်း ဗေလာက ပြောကြားခဲ့သည်။

ဗီယက်နမ်သည် တရားမ၀င်ငါးဖမ်းမှုကို အပြစ်ပေးရန် ထိရောက်သည့်စနစ် မရှိကြောင်း ထို့ပြင် အိမ်နီးချင်း ကျွန်းနိုင်ငံငယ်များ၏ ရေပိုင်နက်တွင် ဗီယက်နမ်ငါးဖမ်း သင်္ဘောများ၏ ငါးဖမ်းခြင်းကို ဗီယက်နမ်က  ဟန့်တားမှု မရှိသလောက်ဖြစ်ကြောင်း ဥရောပကော်မရှင်က ပြောကြားခဲ့သည်။

ဗီယက်နမ်သည် ပင်လယ်စာထုတ်ကုန်များ တင်ပို့မှုတွင် ကမ္ဘာ့ထိပ်တန်း ၁၀ နိုင်ငံစာရင်းဝင် ဖြစ်ကြောင်း ကုလသမဂ္ဂစားနပ် ရိက္ခာနှင့် စိုက်ပျိုးရေးအဖွဲ့ FAO က ပြောကြားခဲ့သည်။ တရားမ၀င်ငါးဖမ်းမှုကို ဟန့်တားရန် ပျက်ကွက်မှုအတွက် ယင်းနိုင်ငံမှ ငါးလုပ်ငန်း ထုတ်ကုန်များကို ဥရောပသမဂ္ဂက ပိတ်ဆို့အရေးယူနိုင်သည်။ ကမ္ဘာတွင် ငါးအများဆုံး တင်သွင်းသူဖြစ်သော ဥရောပသမဂ္ဂသည် တရားမ၀င် ငါးဖမ်းမှုကို တိုက်ဖျက်ရန်နှင့် အဏ္ဏ၀ါသယံဇာတအား ရေရှည်အသုံးပြုနိုင်ရေး အားပေးရန်အတွက် ပိတ်ဆို့အရေးယူမှု ဆောင်ရွက်နိုင်သည့် ကွပ်ကဲမှု စည်းမျဉ်းကို ၂၀၁၀ ပြည့်နှစ်တွင် စတင်ကျင့်သုံးခဲ့သည်။ ကမ္ဘာတွင် နှစ်စဉ်ဖမ်းဆီးရမိသော ငါးများ၏ ၁၅ ရာခိုင်နှုန်းထက်မနည်း တန် ၁၁ သန်းမှ ၂၆ သန်းကြားသည် တရားမ၀င် ဖမ်းဆီးမှုဖြစ်ပြီး ယူရို ၈ ဘီလျံမှ ၁၉ ဘီလျံကြား တန်ဖိုးရှိသည်။

Ref : AFP

ရခိုင်အရေးကြောင့် ဥရောပသမဂ္ဂက မြန်မာစစ်ဘက်နှင့် ဆက်ဆံရေးကို ပြန်လည်ဖြတ်တောက်

အောက်တိုဘာ ၁၆ ရက်က ဘရပ်ဆဲလ်ရှိ ဥရောပကော်မရှင်ရုံးအား ရိုက်ကူးထားသော ဓာတ်ပုံ (Photo : AFP)

မြန်မာနိုင်ငံရှိ ဘင်္ဂါလီမွတ်စလင်တို့၏ ဒေသများတွင် လုံခြုံရေးတပ်ဖွဲ့များက ရက်စက်ကြမ်းကြုတ်စွာ နှိမ်နင်းခဲ့သည် ဟုဆိုကာ ဥရောပသမဂ္ဂက မြန်မာစစ်ဘက်နှင့် ဆက်ဆံရေးကို ပြန်လည်ဖြတ်တောက်မည် ဖြစ်ကြောင်း သိရသည်။

အောက်တိုဘာ ၁၆ ရက်တွင် ဥရောပနိုင်ငံခြားရေး ၀န်ကြီးများက တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် အပါအ၀င် မြန်မာထိပ်တန်း တပ်မတော် ခေါင်းဆောင်များကို လာရောက်ရန် ဖိတ်ကြားခြင်းများအား ဆိုင်းငံ့ထားရန် သဘောတူခဲ့ကြသည်။ ဗိုလ်ချုပ်မှူးကြီး မင်းအောင်လှိုင်သည် လွန်ခဲ့သည့်နှစ်က ဥရောပနိုင်ငံ များစွာသို့ သွားရောက်ခဲ့ပြီး ဥရောပသမဂ္ဂမှ ထိပ်တန်းစစ်ဘက်ဆိုင်ရာ ခေါင်းဆောင် တစ်ဦးကိုလည်း အိမ်ရှင်အဖြစ် လက်ခံတွေ့ဆုံခဲ့သည်။ ယခုဆုံးဖြတ်ချက်သည် မြန်မာအရပ်သား အစိုးရအဖွဲ့ခေါင်းဆောင် ဒေါ်အောင်ဆန်းစုကြည်နှင့် နိုင်ငံအတွင်း၌ သြဇာကြီးမားနေဆဲဖြစ်သော မြန်မာတပ်မတော်တို့နှင့် ဆက်ဆံရေးများ၌ အကြီးအကျယ် မြှုပ်နှံထားသော ကမ္ဘာ့အင်အားကြီးနိုင်ငံများကို ရင်ဆိုင်ရာ၌ အခက်အခဲများရှိကြောင်း ထင်ဟပ်ပြနေသည်။

ဒေါ်အောင်ဆန်းစုကြည်သည် ရခိုင်အရေးကိစ္စနှင့် ပတ်သက်၍ နိုင်ငံတကာ၏ ပြင်းထန်စွာ ဝေဖန်မှုများခံခဲ့ရပြီး လူ့အခွင့်အရေးအဖွဲ့များက မြန်မာလက်နက်ကိုင် တပ်မတော်ကို ပိုမိုပြင်းထန်သော အရေးယူဆောင်ရွက်မှုများ ပြုလုပ်ရန် တောင်းဆိုခဲ့ကြသည်။

Burma Capaign UK အဖွဲ့က ဥရောပသမဂ္ဂ၏ တုံ့ပြန်မှုသည် လုံလောက်ခြင်းမရှိဟု ပြစ်တင်ရှုတ်ချခဲ့သည်။ “မြန်မာ တပ်မတော်အရာရှိ တချို့ကို ဥရောပလာဖို့ ဖိတ်ကြားမှု ဆိုင်းငံ့ထားရုံလောက်က ရိုဟင်ဂျာတွေကို လူမျိုးစုလိုက် သုတ်သင်မှုကို တုံ့ပြန်ရာမှာ လုံးဝပျော့ညံ့တဲ့ ဆုံးဖြတ်ချက်ပါပဲ” ဟု အဆိုပါအဖွဲ့၏ ညွှန်ကြားရေးမှူး မက်ဖာမနာက ပြောကြားခဲ့သည်။ “ဒီအားနည်းတဲ့ တုံ့ပြန်မှုကို မြန်မာတပ်မတော်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကတော့ မတော်မတရားမှုတွေ ဆက်လုပ်ဖို့ မီးစိမ်းပြတာလို့ မှတ်ယူမှာပဲ” ဟုလည်း ၎င်းက ပြောကြားခဲ့သည်။

လူဇင်ဘတ်တွင် ပြုလုပ်သော ဥရောပသမဂ္ဂ၀န်ကြီးများ အစည်းအဝေး၏ ဆုံးဖြတ်ချက်သည် ဗုဒ္ဓဘာသာဝင်များ လွှမ်းမိုးသော မြန်မာနိုင်ငံ အနောက်ပိုင်း ရခိုင်ပြည်နယ်ရှိ မွတ်စလင်ဒေသများတွင် လုံခြုံရေးတပ်များ၏ လုပ်ဆောင်ခဲ့မှုနှင့် အချိုးမျှတခြင်းမရှိဟု ဝေဖန်ခံခဲ့ရသည်။ မြန်မာလုံခြုံရေးတပ်များ၏ စစ်ဆင်ရေးကို ကုလသမဂ္ဂ လူ့အခွင့်အရေးအဖွဲ့ အကြီးအကဲက “လူမျိုးစုလိုက် သုတ်သင်မှု၏ ပြဋ္ဌာန်းစာအုပ်နမူနာ” ဟုပင် ခေါ်ဆိုခဲ့သည်။ ဥရောပသမဂ္ဂ အဖွဲ့ဝင်နိုင်ငံများသည် အကြီးတန်း မြန်မာတပ်မတော် အရာရှိများကို ဧည့်ခံခြင်းအား ရပ်ဆိုင်းလိုက်သကဲ့သို့ လက်တွေ့လုပ်ဆောင်နေသည့် ကာကွယ်ရေးဆိုင်ရာ ပူးပေါင်းဆောင်ရွက်မှု အားလုံးကိုလည်း ပြန်လည်သုံးသပ်မည်ဖြစ်သည်။

အပြုသဘောဆောင်သော ဖွံ့ဖြိုးမှုများနှင့်အညီ တုံ့ပြန်ရန် အသင့်ရှိသည်ဟူသည့် ရပ်တည်ချက်ရှိကြောင်း ပြောကြားခဲ့သော်လည်း ရခိုင်ပြည်နယ်၌ အခြေအနေရပ်များ တိုးတက်ခြင်း မရှိပါက ဥရောပသမဂ္ဂ အဖွဲ့ဝင်နိုင်ငံများ အနေဖြင့် နောက်ထပ်အရေးယူမှု နည်းလမ်းများကို စဉ်းစားမည် ဖြစ်ကြောင်းလည်း ၀န်ကြီးများက ပြောခဲ့သည်။ ဥရောပသမဂ္ဂက လက်နက်များသာမက ပြည်တွင်း၌ ဖိနှိပ်မှုများ ပြုလုပ်ရာတွင် အသုံးပြုနိုင်သည့် ကိရိယာ တန်ဆာပလာများကိုလည်း မြန်မာနိုင်ငံသို့ ရောင်းချခြင်း ဆက်လက်ပိတ်ပင် သွားမည်ဟု ဆိုသည်။

Ref : AFP