နိုင်ငံရေးတည်ငြိမ်မှုနှင့် စီးပွားရေးကြီးထွားမှု

နိုင်ငံရေး မတည်ငြိမ်မှုသည် ပဋိပက္ခများ သို့မဟုတ် နိုင်ငံရေးပါတီအမျိုးမျိုးအကြား အလွန်အမင်း ပြိုင်ဆိုင်မှုကြောင့် ဖြစ်ပွားတတ်သည်။ စီးပွားရေးကြီးထွားမှုနှင့် နိုင်ငံရေး တည်ငြိမ်မှုတို့သည် အကြီးအကျယ် ဆက်စပ်ပတ်သက်လျက်ရှိသည်။ အခြားတစ်ဖက်တွင်လည်း မတည်ငြိမ်သော နိုင်ငံရေးဝန်းကျင်တစ်ရပ်နှင့် ယှဉ်တွဲနေသော မရေရာမှုသည် ရင်းနှီးမြှုပ်နှံမှုများနှင့် စီးပွားရေးဖွံ့ဖြိုးမှု အရှိန်အဟုန်ကို လျော့ကျစေသည်။ အခြားတစ်ဖက်၌ ညံ့ဖျင်းသော စီးပွားရေးစွမ်းဆောင်ရည်သည် အစိုးရပြိုကျသွားခြင်းနှင့် နိုင်ငံရေး မငြိမ်မသက်မှုများဆီသို့ ဦးတည်သွားစေနိုင်သည်။ သို့သော် နိုင်ငံရေးတည်ငြိမ်မှုကို ဖိနှိပ်ခြင်းဖြင့်လည်းကောင်း၊ ရွေးကောက်ပွဲ၌ ၎င်းအား ယှဉ်ပြိုင်အရွေးခံမည့် အားကောင်းသည့် ပြိုင်ဘက်မရှိသော နိုင်ငံရေးပါတီတစ်ရပ်ရှိခြင်းအားဖြင့်လည်းကောင်း ရယူနိုင်သည်။ ယင်းအနေအထား၌ နိုင်ငံရေးတည်ငြိမ်မှုဟူသည် အသွားနှစ်ဖက်ပါသော ဓားတစ်လက်သာဖြစ်သည်။ နိုင်ငံရေးတည်ငြိမ်မှုက လိုအပ်သော သို့မဟုတ် အလိုရှိသော အနေအထား တစ်ရပ်ကို ပေးနိုင်သည့် ငြိမ်းချမ်းသော ၀န်းကျင်တစ်ရပ်ဖြစ်သည့်တိုင် ယင်းအနေအထား ၌ ပြစ်မှုကျူးလွန်သော်လည်း အရေးယူမခံရခြင်းများနှင့် ခရိုနီဝါဒတို့ အလွယ်တကူ ပေါက်ဖွားလာနိုင်သည်။ ယင်းသည် နိုင်ငံများစွာတို့အနေဖြင့် ပျက်စီးလွယ်သော နိုင်ငံရေးအခင်းအကျင်းတစ်ရပ်ကို ရင်ဆိုင်နေရသည့် အကျပ်အတည်းတစ်ရပ်ဖြစ်သည်။

နိုင်ငံရေးတည်ငြိမ်မှုကို လူသားတို့၏သမိုင်းရှိ ပုံသေသတ်မှတ်ချက်တစ်ရပ်အဖြစ် မည်သည့်နည်းနှင့်မျှ ပြုလုပ်၍မရပါ။ ဒီမိုကရေစီအစိုးရများသည်လည်း အခြားနိုင်ငံရေး အစိုးရများ အားလုံးကဲ့သို့ပင် ပျက်စီးလွယ်သည်သာဖြစ်သည်။ နိုင်ငံရေးစနစ်များနှင့်မဆိုင်ဘဲ နိုင်ငံတစ်နိုင်ငံအနေဖြင့် ပဋိပက္ခများနှင့် အုပ်ချုပ်ရေးစနစ်များ လုံးဝဥဿုံ ပြောင်းလဲသွားမှုများအား စိုးရိမ်ရန်မလိုအပ်ပါက ပြည်သူများအနေဖြင့် အလုပ်လုပ်ခြင်း၊ ငွေကြေးစုဆောင်းခြင်းနှင့် ရင်းနှီးမြှုပ်နှံခြင်းတို့အပေါ်၌ အာရုံစိုက်နိုင်လိမ့်မည်ဖြစ်သည်။ မကြာသေးမီက ပြုလုပ်ခဲ့သည့် အဂတိလိုက်စားမှုနှင့်ပတ်သက်သော လက်တွေ့ကျသည့် စာတမ်းများတွင် အဂတိလိုက်စားမှုနှင့် အရေးပါစွာ ဆက်နွှယ်နေသည့် အကြောင်းအချက်ပေါင်း များစွာရှိသည်။ အဂတိလိုက်စားမှုကို လျှော့ချရန် တွေ့ရှိခဲ့သည့် အကြောင်းအချက်များထဲတွင် ဆယ်စုနှစ်ချီကြာ အစဉ်အလာရှိသည့် ဒီမိုကရေစီစနစ်နှင့် နိုင်ငံရေးတည်ငြိမ်မှုတို့ ပါဝင်သည်။ သို့သော် ယနေ့ခေတ်ကမ္ဘာကြီးတွင် နိုင်ငံများစွာတို့သည် ဖော်ပြပါ အချက်နှစ်ချက်ထဲမှ တစ်မျိုးမျိုးနှင့် ပတ်သက်လျက်ရှိသည်။ အချို့သည် နိုင်ငံရေးအရ တည်ငြိမ်သော အာဏာရှင်စနစ် နိုင်ငံများဖြစ်ပြီး အချို့သည် အသစ်ဖွဲ့စည်းဖြစ်ပေါ်လာ ပြီး တည်ငြိမ်မှုမရှိသေးသည့် ဒီမိုကရေစီနိုင်ငံများဖြစ်သည်။

နိုင်ငံရေးတည်ငြိမ်မှုသည် မည်သည့်အပြောင်းအလဲပုံစံကိုမဆို တားဆီးပိတ်ပင်ထားရုံသာမက ပြည်သူများကိုလည်း စိတ်ပျက်အားလျော့စေသည်ဟု အချို့က ရှုမြင်ကြသည်။ သို့သော် ဆန်းသစ်မွမ်းမံခြင်းနှင့် ဆင်ခြင်စဉ်းစားနိုင်သည့် ဦးနှောက်တို့သည် နောက်၌ အရန်သင့် ရှိသည်သာဖြစ်သည်။ ပိုမိုကောင်းမွန်သော အခွင့်အလမ်းများမှ တစ်ဆင့် ပို၍တောက်ပသောအနာဂတ်ကို ရရှိရန်အလို့ငှာ နိုင်ငံအများအပြားသည်  နိုင်ငံရေး၊ စီးပွားရေး၊ ယဉ်ကျေးမှု အစရှိသည့် ဘ၀၏ ကဏ္ဍအားလုံးတွင် အပြောင်းအလဲကို ရှာဖွေတတ်ကြသည်။ အမှန်တကယ်၌ မည်သည့်အပြောင်းအလဲမဆို စွန့်စားရသည်သာဖြစ်သည်။ ယင်းသည် လိုအပ်သည့်အရာလည်း ဖြစ်သည်။ နိုင်ငံရေးတည်ငြိမ်မှုသည်  ယှဉ်ပြိုင်မှုများကို ခွင့်မပြုသည့် မိမိဘာသာ အားရကျေနပ်နေမှုပုံစံနှင့် တိုးတက်မှုမရှိဘဲ ငြိမ်သက်နေသည့်ပုံစံမျိုးလည်း ဖြစ်နိုင်သည်။ ယှဉ်ပြိုင်ခြင်းဆိုင်ရာ သဘောတရားများကို စီးပွားရေးတစ်ခုတည်း၌သာ သုံးရသည်မဟုတ်ပေ။ နိုင်ငံရေးစနစ်၊ ပညာရေး၊ ဆန်းသစ်မွမ်းမံရေးနှင့် အနုပညာ အစရှိသည့် အရာရာ၌ သုံးနိုင်သည်။ ဤနေရာ၌ နိုင်ငံရေး တည်ငြိမ်မှုဟူသည် အုပ်စိုးသူ အီလစ်များအား အမှန်တကယ်ပြိုင်ဆိုင်မှုနည်းပါးသည့် အနေအထားကို ရည်ညွှန်းခြင်းဖြစ်သည်။

မည်သို့ပင်ဆိုစေကာမူ ဖိနှိပ်မှုများအားဖြင့် သို့မဟုတ် ပြိုင်ဘက်မရှိသော နိုင်ငံရေးအားဖြင့် ရယူထားသော နိုင်ငံရေးတည်ငြိမ်မှုသည် ပြည်သူတို့အား အခြေခံလူ့အခွင့်အရေး များစွာ ဆုံးရှုံးနိုင်စေသည့်အပြင် အာဏာအလွဲသုံးစားမှုများနှင့် အဂတိလိုက်စားမှုမျာိးု မွေးဖွားစေနိုင်ပါကြောင်း The Daily Eleven သတင်းစာက ရေးသားအပ်ပါသည်။

 

(သြဂုတ်လ ၁၁ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

ငွေကြေးအကျပ်အတည်းဟူသည် . . .

နိုင်ငံတစ်နိုင်ငံ၏ ငွေကြေး လဲလှယ်နှုန်းကို ပုံသေထိန်းသိမ်းထားရန် ယင်းနိုင်ငံ၏ ဗဟိုဘဏ်၌ နိုင်ငံခြားငွေကြေး အရန်ငွေ အလုံအလောက် ရှိပါ၏လောဟူ၍ ပြင်းထန်သော သံသယတည်ရှိနေသည့် အနေအထားတစ်ရပ်ကို ငွေကြေးအကျပ်အတည်းဟု ခေါ်သည်။ ယင်း အကျပ်အတည်းသည် နိုင်ငံခြားငွေလဲလှယ်မှု ဈေးကွက်၌ ဈေးကစားကာ တိုက်ခိုက်မှုနှင့် ယှဉ်တွဲဖြစ်ပေါ်တတ်သည်။ ငွေကြေး အကျပ်အတည်းတစ်ရပ်သည် ရေရှည်ပေးချေသည့်ငွေမျှခြေ ပျက်ယွင်းခြင်းမှ လာသောကြောင့် ပေးချေသည့်ငွေကြေးဆိုင်ရာ မျှခြေဟုလည်း ခေါ်ဆိုသည်။ ယင်းကဲ့သို့သော အကျပ်အတည်းတစ်ရပ်သည် ငွေကြေးတန်ဖိုး ကျဆင်းခြင်း ရလဒ်ဖြင့် အဆုံးသတ်သည်။

ငွေကြေး အကျပ်အတည်းတစ်ရပ်သည် ဘဏ္ဍာရေးဆိုင်ရာ အကျပ်အတည်း အမျိုးအစားတစ်ရပ်ဖြစ်ပြီး စီးပွားရေး အကျပ်အတည်းစစ်စစ်တစ်ရပ်နှင့်အတူ ပူးတွဲဖြစ်ပေါ်တတ်သည်။ ငွေကြေးအကျပ်အတည်းတစ်ရပ်သည် ဘဏ်လုပ်ငန်း အကျပ်အတည်း တစ်ရပ် သို့မဟုတ် အကြွေးအကျပ်အတည်းတစ်ရပ် ဖြစ်ပေါ်နိုင်ခြေကို မြင့်တက်စေသည်။ ငွေကြေးအကျပ်အတည်းတစ်ရပ်အတွင်း ပြည်တွင်းသုံးငွေကြေးတန်ဖိုး ကျဆင်းခြင်းနှင့် ဆက်နွှယ်လျက် နိုင်ငံခြားငွေကြေးဖြင့် သတ်မှတ်ထားသော အကြွေးတန်ဖိုး သိသိသာသာ မြင့်တက်လာလိမ့်မည်ဖြစ်သည်။ ဘဏ္ဍာရေးဆိုင်ရာ အင်စတီကျူးရှင်းများ နှင့် အစိုးရတို့သည် ပေးဆပ်ရန်ရှိသည့် အကြွေးများ ပြည့်မီစေရန် ရုန်းကန်ရမည်ဖြစ်ပြီး စီးပွားရေးအကျပ်အတည်း ဖြစ်ပေါ်လာနိုင်သည်။ အကျိုးတရားတစ်ရပ်သည်လည်း အခြားလမ်းကြောင်းတစ်ရပ်ကို ဖြစ်စေသည်။ နိုင်ငံတစ်နိုင်ငံအနေဖြင့် ဘဏ်လုပ်ငန်း အကျပ်အတည်း သို့မဟုတ် အကြွေးအကျပ်အတည်းတစ်ရပ် ကြုံတွေ့ရသည့်အခါ ငွေကြေး အကျပ်အတည်းတစ်ရပ် ဖြစ်နိုင်ခြေသည် မြင့်တက်၍လာသည်။ ဘဏ်လုပ်ငန်းအကျပ်အတည်း သို့မဟုတ် အကြွေးအကျပ်အတည်းကြောင့် ထိခိုက်ရမှုကို ကာမိစေရန် ဗဟိုဘဏ်သည် ငွေကြေးအာမခံထားမှုကို တိုးမြှင့်ရတတ်သည်။ ယင်းသည် ကန့်သတ်ငွေလဲ နှုန်းဖြစ်ပေါ်သည့် အဆင့်တစ်ဆင့်အထိ အရန်ငွေကြေးကို ကျဆင်းစေနိုင်သည်။ ငွေကြေး အကျပ်အတည်း၊ ဘဏ်လုပ်ငန်းအကျပ်အတည်းနှင့် အကြွေး အကျပ်အတည်းတို့ ပေါင်းဆုံသွားမှုက နှစ်မြွှာပူး အကျပ်အတည်း သို့မဟုတ် သုံးမြွှာပူးအကျပ်အတည်းတို့ ဖြစ်နိုင်ခြေကို မြင့်တက်စေပြီး လူတစ်ဦးချင်းတိုင်း၏ စီးပွားရေးကုန်ကျစရိတ် အကျပ်အတည်းကို ကြီးထွားစေနိုင်သည်။

အစိုးရအဖွဲ့များသည် မိမိနိုင်ငံ၏ ငွေကြေးအရန်ငွေ သို့မဟုတ် နိုင်ငံခြားငွေကြေး အရန်ငွေ (အမေရိကန်ဒေါ်လာ သို့မဟုတ် ယူရိုငွေ သို့မဟုတ် စတာလင်ပေါင်) တို့ကို အသုံးပြုလျက် သက်ဆိုင်ရာ ငွေကြေးတစ်ရပ်အတွက် အပိုဝယ်လိုအားကို ပြည့်မီအောင် ပြုလုပ်ခြင်းဖြင့် ငွေကြေးဈေးကစား တိုက်ခိုက်မှုများကို ကာကွယ်တားဆီးရေး အခန်းကဏ္ဍအား တာဝန်ယူရတတ်သည်။ ငွေကြေးအကျပ်အတည်းများသည် စီးပွားရေးစနစ်တစ်ရပ်အပေါ် ကြီးမားပြီး တိုင်းတာ၍ရသော ထိခိုက်မှုများ ဖြစ်စေနိုင်သော်လည်း အကျပ်အတည်းများ၏ အချိန်ကိုက်မှုနှင့် ပမာဏအား ကြိုတင်တွက်ချက်နိုင်စွမ်းသည် မက်ခရိုစီးပွားရေးအုတ်မြစ်များ၊ ရင်းနှီးမြှုပ်နှံသူတို့၏ မျှော်လင့်ချက်များနှင့် အစိုးရမူဝါဒတို့အကြား ရှုပ်ထွေးသည့် ဆက်နွှယ်ချက်များအား သဘောတရားဆိုင်ရာအရ နားလည်မှုအားဖြင့် အကန့်အသတ်ရှိသည်။ ငွေကြေးအကျပ်အတည်းတစ်ရပ်သည် လက်ရှိအာဏာရယူထားသူများအပေါ် နိုင်ငံရေးဆိုင်ရာ ဂယက်ရိုက်ခတ်မှုများ ရှိသည်။ ငွေကြေး အကျပ်အတည်းတစ်ရပ်၏နောက်၌ အစိုးရအဖွဲ့ ခေါင်းဆောင်အပြောင်းအလဲနှင့်   ဘဏ္ဍာရေး ၀န်ကြီး အပြောင်းအလဲများအပြင် ဗဟိုဘဏ်အုပ်ချုပ်ရေးမှူး အပြောင်းအလဲများ ဖြစ်ပေါ်နိုင်ခြေရှိသည်။

မည်သို့ပင်ဆိုစေကာမူ နိုင်ငံတစ်နိုင်ငံ၏ ငွေကြေးအကျပ်အတည်းတစ်ရပ်သည် အဆိုပါနိုင်ငံ၏ စီးပွားရေးအပေါ်တွင်သာမက နိုင်ငံရေးအပေါ်သို့ပါ ကြီးစွာသောဂယက်ရိုက်ခတ်မှုများ ဖြစ်ပေါ်စေနိုင်သည်ကို သတိပြုရန်လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

 

(သြဂုတ်လ ၅ ရက်နေ့ထုတ် The Daily Eleven သတင်းစာ၏ အယ်ဒီတာ့ အာဘော်)

မကျေနပ်ချက်နှင့် ပဋိပက္ခများကို ဖြေရှင်းခြင်း

ဝန်ထမ်းများအကြား ပဋိပက္ခများကို ဖြေရှင်းခြင်းနှင့် အငြင်းပွားမှုများ မဖြစ်ပေါ်ရန် ကာကွယ်ခြင်းတို့အား သိရှိခြင်းသည် စီမံခန့်ခွဲမှုလုပ်ငန်းတစ်ရပ်၌ လွန်စွာအရေးကြီးသည်။ ၀န်ထမ်းများနှင့် ပဋိပက္ခသည် မကျေမချမ်းဖြစ်မှုဆီသို့ ဦးတည်သွားစေနိုင်ပြီး ကျေနပ်မှုမရှိသည့် ၀န်ထမ်းများသည် ၎င်းတို့၏ အလုပ်များကို အကောင်းဆုံး ပြုလုပ်နိုင်လိမ့်မည် မဟုတ်ပါ။ ၀န်ထမ်းများနှင့် ပြဿနာဖြစ်ပွားနိုင်ခြေကို လျှော့ချရန်အတွက် အကြံပေးမှု ရှစ်ခုရှိသည်။

အစီအစဉ်တစ်ရပ် ဖွံ့ဖြိုးအောင်ပြုလုပ်ခြင်း – ၀န်ထမ်းများအား မိမိက ပြီးမြောက်အောင်ပြုလုပ်စေလိုသည့်  အရာများအား အစီအစဉ်တစ်ရပ်ရေးဆွဲပါ။ စီးပွားရေးစွမ်းဆောင်ရှင်တစ်ဦးသည် မိမိကုမ္ပဏီ၏ ဦးတည်ရာကို သိရှိရမည်ဖြစ်ပြီး ယင်းကို ချရေးနိုင်စွမ်းလည်း ရှိရမည်ဖြစ်သည်။ ထိရောက်သည့် လုပ်ငန်းအစီအစဉ်တစ်ရပ် ဖွံ့ဖြိုးအောင် ပြုလုပ်ခြင်းသည် အချိန်နှင့်ငွေ သက်သာစေသည်။ ယင်းကဲ့သို့ အစီအစဉ်ချထားခြင်းသည်  ကုမ္ပဏီတစ်ရပ်အောင်မြင်ရေးအတွက် အလွန်အရေးပါသည်။

ထိထိရောက်ရောက် ဆက်ဆံဆောင်ရွက်ခြင်း –  နောက်တစ်ဆင့်အနေဖြင့် ချမှတ်ထားသည့် အစီအစဉ်ကို မန်နေဂျာများ၊ အခြားဝန်ထမ်းများထံ မျှဝေရမည်ဖြစ်သည်။ ၎င်းတို့ လုပ်ဆောင်ရန် လိုအပ်သည့်အရာများကို လူတိုင်းအား အသိပေးရမည်ဖြစ်သည်။ စီမံကိန်းမန်နေဂျာများအား ချန်မထားဘဲ အကုန်အစင် ရှင်းပြရမည်ဖြစ်သည်။ အခြားဝန်ထမ်းများကိုလည်း အလားတူ ဆက်ဆံဆောင်ရွက်ရန် လိုသည်။

နားထောင်ခြင်း – ၀န်ထမ်းများက ပြောဆိုသည့်အရာများကို ဂရုစိုက် နားထောင်ရမည်ဖြစ်သည်။ မိမိထံ၌ အဖြေများအားလုံး ရှိသည်ဟု မှတ်ယူခြင်း မပြုပါနှင့်။ ၀န်ထမ်းများ အား မေးခွန်းများမေးရန် အားပေးပြီး ၎င်းတို့ ပြောကြားသည်များကို ဂရုတစိုက် နားထောင်ရမည်ဖြစ်သည်။ အချို့ကိစ္စများ၌ မိမိသည်လည်း မှားယွင်းနိုင်သည်ကို ၀န်ခံရန် ၀န်မလေးပါနှင့်။ မိမိနှင့် သဘောမတူသူများနှင့်  အပြင်းအထန် ငြင်းခုံခြင်းကို ရှောင်ကြဉ်ပါ။

မိမိ၏ အမှားများကို ၀န်ခံခြင်း – စီးပွားရေးစွမ်းဆောင်ရှင်အချို့သည် မိမိတို့သာ အရာရာကို သိရှိသည်ဟု ထင်တတ်ကြပြီး ၀န်ထမ်းများအနေဖြင့် ကုမ္ပဏီ၏ ရည်မှန်းချက်များကို အဓိပ္ပာယ်ရှိစွာ ပါဝင်ဆောင်ရွက်ရန် ကျွမ်းကျင်မှုမရှိဟု ထင်မှတ်တတ်ကြသည်။  မိမိအနေဖြင့် အမြဲတမ်းမမှန်နိုင်သည်ကို သတိပြုရန် လိုသည်။ ၀န်ထမ်းများက မျှတ၊ ရိုးသားပြီး မိမိ၏ အမှားကို ၀န်ခံရန် ဆန္ဒရှိသူများအတွက် အလုပ်လုပ်ပေးရခြင်းကို နှစ်သက်ကြသည်။

မျက်နှာလိုက်မှုကို ရှောင်ကြဉ်ခြင်း – မကျေနပ်ချက်များဖြစ်ပေါ်စေသည့် လမ်းကြောင်းတစ်ရပ်မှာ အချို့ဝန်ထမ်းများကို အခြားဝန်ထမ်းများထက် ပို၍ကောင်းမွန်စွာ ဆက်ဆံခြင်း ဖြစ်သည်။  လူတိုင်းသည် မိမိ၏ အဖွဲ့အစည်းဝင်များဖြစ်သောကြောင့် ၀န်ထမ်းတိုင်းကို မျှတစွာဆက်ဆံပြီး တူညီသည့်အခွင့်အရေးများ အာမခံပေးရန်လိုသည်။ ယင်းကဲ့သို့ ပြုလုပ်ခြင်းအားဖြင့် ၀န်ထမ်းများအကြား တစ်ဦးနှင့်တစ်ဦး မနာလိုမှုများ ဖြစ်ပေါ်ခြင်းကို ကာကွယ်နိုင်သည်။

ချီးကျူးမှုပြုလုပ်ခြင်း – အလုပ်ကို ကောင်းမွန်စွာ ပြုလုပ်သည့် ၀န်ထမ်းများကို ချီးကျူးမှု ပြုလုပ်ပါ။ ၀န်ထမ်းတိုင်းသည် ချီးကျူးအားပေးခြင်းကို မလိုလားဟု မှတ်ယူခြင်း မပြုပါနှင့်။ အနည်းဆုံး ကျေးဇူးတင်ကြောင်း ရိုးရှင်းစွာ ပြောပါလေ။ ၀န်ထမ်းများအား ကျေနပ်ရရှိစေပြီး ၎င်းတို့၏ လုပ်ဆောင်ချက်များကို အသိအမှတ်ပြုသည်ဟု ခံစားရပါစေ။

ပဋိပက္ခဖြစ်နိုင်ခြေများကို လျှော့ချခြင်း – အရာရာတိုင်းသည် အစဉ်အမြဲ ချောမွေ့တတ်သည် မဟုတ်ပေ။ မိမိဝန်ထမ်းများအကြား ပြဿနာဖြစ်ပွားနိုင်ခြေတစ်ရပ် ပေါ်ထွက်လာပါက ဖြေရှင်းရန် နည်းလမ်းတစ်ရပ်ကို ရှာဖွေရန် ချက်ချင်းကြိုးစားပါ။ ပဋိပက္ခဖြစ်ပွားနိုင်ခြေများအား သီတင်းတစ်ပတ်ပြီးတစ်ပတ်ကြာအောင် အချိန်ဆွဲမထားပါနှင့်။ အငြင်းပွားမှုများကို ကာကွယ်ရန် မိမိ၏ ပြဿနာဖြေရှင်းရေး ကျွမ်းကျင်မှုစွမ်းရည်ကို အသုံးပြုပါ။  စိတ်ကိုဖွင့်ထားလျက် အခြားသူတစ်ဦးထံမှ ပေါ်ထွက်လာနိုင်သည့်အရာကို မြင်တွေ့ရအောင် ကြိုးစားပါ။

ဆွဲဆောင်မှုပြုလုပ်ခြင်း – ကုမ္ပဏီတစ်ခု၌ အချို့သောအလုပ်များသည် ထပ်ကာထပ်ကာ လုပ်ရသည့် သဘောရှိသည်။ ထိုအခါ ၀န်ထမ်းများအား ပျင်းရိငြီးငွေ့သွားစေနိုင်သည်။ ပျင်းရိငြီးငွေ့မှု လျော့ကျစေရန် ၀န်ထမ်းများအား လုပ်ငန်းတာဝန်မျိုးစုံ ပြုလုပ်တတ်အောင်  လေ့ကျင့်ပေးပြီး အလုပ်ကြိုးစားမှုအတွက် အပိုဝင်ငွေရရှိသည့် မက်လုံးပေးသည့် အစီအ စဉ်များ ထားရှိရန် လိုသည်။ အပိုလုပ်ရသည့် အလုပ်များအတွက် အမြဲတမ်း တစ်စုံတစ်ရာ ချီးမြှင့်ရန် လိုသည်။

မည်သို့ပင်ဆိုစေကာမူ စီမံခန့်ခွဲရသည့် လုပ်ငန်းတစ်ရပ်တွင် ၀န်ထမ်းများအကြား ပဋိပက္ခများကို ဖြေရှင်းခြင်းနှင့် အငြင်းပွားမှုများ မဖြစ်ပေါ်ရန် ကာကွယ်ခြင်းတို့သည် လွန်စွာအရေးကြီးပါကြောင်း The Daily Eleven သတင်းစာက ရေးသားအပ်ပါသည်။

(ဇူလိုင် ၂၉ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

ဒီမိုကရေစီဆိုင်ရာ စံတန်ဖိုးများ

တာဝန်ယူမှု၊ သမာဓိတည်ကြည်မှု၊ မိမိကိုယ်ကိုယ် စည်းကမ်းသတ်မှတ်မှု၊ တရားမျှတမှု၊ လွတ်လပ်မှုနှင့် လူ့အခွင့်အရေးတို့အား လေးစားလိုက်နာခြင်းဟူသည့် ဒီမိုကရေစီဆိုင်ရာ စံတန်ဖိုးများသည် လူတို့အတွက် မွေးရာပါ စံတန်ဖိုးများ မဟုတ်ကြပါ။ ဒီမိုကရေစီဆိုင်ရာ အသိနှင့် ကျွမ်းကျင်မှုများအား သင်ကြားပေးရသကဲ့သို့ ဒီမိုကရေစီစံတန်ဖိုးများသည်လည်း လေ့လာသင်ယူရသည့်ကိစ္စ၊ သင်ကြားပေးရသည့်ကိစ္စဖြစ်သည်။ ဒီမိုကရေစီအတွက်  ပညာပေးမှုတွင် ပါဝင်သည့် အရာများသည် စီစဉ်ရန်နှင့် အကောင်အထည်ဖော်ရန် အခက်အခဲဆုံးနှင့် အငြင်းပွားဖွယ်အကောင်းဆုံး ဖြစ်နိုင်သည်။ အချို့ကလည်း ယင်းစံတန်ဖိုးများကို သင်ကြားပေးခြင်းသည် ကျောင်းသင်ရိုး၏ တစ်စိတ်တစ်ပိုင်း မဖြစ်သင့်ဘဲ မိသားစုအတွင်း လမ်းညွှန်သင်ကြား လေ့ကျင့်ပေးမှုများသာဖြစ်သင့်သည်ဟု ဆိုကြသည်။ သို့သော် ဒီမိုကရေစီဟူသည် သီးခြားစံတန်ဖိုးများအပေါ်၌ တည်ဆောက်ထားခြင်းဖြစ်ပြီး ယင်းတို့ကို မိသားစုအတွင်း၌သာ မဟုတ်ဘဲ အုပ်စုအလိုက် ပြည့်စုံရှင်းလင်းစွာ အမည်တပ်၊ သတ်မှတ်၊ လေ့ကျင့်၊ မြှင့်တင်ပေးရမည်ဖြစ်သည်။ ကလေးများအတွက် ယင်းစံတန်ဖိုးများသည် ကိုယ်ပိုင်တစ်သီးပုဂ္ဂလရွေးချယ်မှုများ သက်သက်သာမဟုတ်ဘဲ အများပြည်သူဆိုင်ရာနှင့် လူမှုရေးဆိုင်ရာ အကျိုးဆက်များရှိသည့် ရွေးချယ်မှုများလည်း ဖြစ်သည်။

အားယူကာစ ဒီမိုကရေစီနိုင်ငံများစွာတို့အနေဖြင့် ဒီမိုကရေစီစနစ်တစ်ရပ်အတွင်း  မည်သို့မည်ပုံ နေထိုင်ရမည်ကို ၎င်းတို့၏ နိုင်ငံသားများအား ပညာပေးရန်အတွက် လွန်ခဲ့သည့် ဆယ်စုနှစ်အတွင်း ရုန်းကန်ခဲ့ရပုံကို ကြည့်နိုင်သည်။ အဆိုပါ လူ့အဖွဲ့အစည်းများသည် ၎င်းတုိ့ကိုယ်တိုင်အား ပြန်လည်စုစည်းရရုံမျှမက ၎င်းတို့၏ အင်စတီကျူးရှင်းဆိုင်ရာ ဖွဲ့စည်းပုံများနှင့် အလုပ်ဖြစ်သော ဒီမိုကရေစီစနစ်များကို ထင်ဟပ်ပြသည့် လုပ်ငန်းစဉ်များကိုပါ ပြန်လည်စုစည်းခဲ့ရသည်။ မူလတန်းကျောင်းများမှ စတင်လျက် ဒီမိုကရေစီအတွက် အားကောင်းသည့် ပညာရေးသင်ရိုးများကိုလည်း ဖွံ့ဖြိုးလာအောင်ပြုလုပ်ကာ အကောင်အထည် ဖော်ခဲ့ကြရသည်။ ငယ်ရွယ်သောမျိုးဆက်များအား ဒီမိုကရေစီဟူသည့် အုပ်ချုပ်ရေးစနစ်သစ်တစ်ရပ်အတွင်း မည်သို့မည်ပုံနေထိုင်ရမည်ကို သင်ကြားပေးရန် လိုအပ်ကြောင်း အဆိုပါနိုင်ငံများအနေဖြင့် သိမြင်ခဲ့ကြသည်။

အမေရိကန်ပြည်ထောင်စုကဲ့သို့သော အစဉ်အလာအရ အားကောင်းသည့် ဒီမိုကရေစီ နိုင်ငံများရှိ လူ့အဖွဲ့အစည်းများအတွင်း၌ပင်လျှင် ၂၀၀၁ ခုနှစ် စက်တင်ဘာ ၁၁ ရက်၌ ဖြစ်ပွားသော ဖြစ်ရပ်များက ဒီမိုကရေစီကျင့်စဉ်များကို နားလည်သိမြင်လာရေးအတွက်  မြှင့်တင်ရန် ငယ်ရွယ်သော မျိုးဆက်များကို ပညာပေးရေးအား ထောက်ပံ့ရန်နှင့် မြှင့်တင်ရန် အရေးကြီးပုံကို ထောက်ပြခဲ့သည်။ အလိုအလျောက် သိမြင်ခြင်းဆိုင်ရာ၊ အပြုအမူဆိုင်ရာနှင့် စိတ်ခံစားမှုဆိုင်ရာ ရှုထောင့်မှ ချဉ်းကပ်သော၊ သင့်လျော်စွာဖွံ့ဖြိုးလာစေသည့် နည်းလမ်းများအတွင်း စီစဉ်အကောင်အထည်ဖော်သော အားကောင်းသည့် သင်ရိုးတစ်ရပ်သည် ဒီမိုကရေစီနိုင်ငံသားများနှင့် ခေါင်းဆောင်များ ဖြစ်လာအောင် လာမည့်မျိုးဆက်ကို ပြင်ဆင်ရာ၌ အထိရောက်ဆုံးနည်းလမ်းတစ်ရပ် ဖြစ်ဖွယ်ရှိသည်။ သင်ရိုး၌ပါဝင်သည့်အရာများကို ဒီမိုကရေစီကို နားလည်ရန် လိုအပ်သော သဘောတရားများနှင့် အချက်အလက်များ ပါဝင်အောင် အသေအချာ စမ်းသပ်စစ်ဆေးထားရမည်ဟု အကြံပြုမှုများရှိသည်။  ကလေးများနှင့် ဆယ်ကျော်သက်များအား သဘောတရားများနှင့် အခြားအချက်အလက် အပိုင်းအစများကို မှတ်မိနေအောင် ပြုလုပ်ရုံဖြင့် မလုံလောက်ပါ။ ဒီမိုကရေစီ သင်ရိုးတစ်ရပ်သည် ဒီမိုကရေစီဟူသည် အဘယ်နည်း၊ ယင်းကို မည်သို့ ဖွဲ့စည်းထားသနည်း၊ ယင်း၏ သမိုင်းကြောင်းနှင့် နိုင်ငံရေးတို့ကား အဘယ်နည်း အစရှိသည်တို့နှင့်ပတ်သက်၍ဘက်စုံ ပေါင်းစည်းထားပြီး အလွန် လက်တွေ့ကျသော ရှုထောင့်တစ်ရပ်အား တင်ပြရမည်ဖြစ်သည်။

မည်သို့ပင်ဆိုစေကာမူ ဒီမိုကရေစီနိုင်ငံတစ်ခု၌ နေထိုင်သော နိုင်ငံသားများအနေ ဖြင့် ဒီမိုကရေစီဆိုင်ရာ စံတန်ဖိုးများကို အမှန်တကယ် နားလည်သဘောပေါက်လျက် ကျင့်သုံးနိုင်ရန် လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

(ဇူလိုင် ၂၈ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

အစိုးရတစ်ရပ်နှင့် နိုင်ငံရေးဆိုင်ရာ အဂတိလိုက်စားမှု

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဇူလိုင် ၂၀ ရက်တွင် ရန်ကုန်တိုင်းဒေသကြီး ကော့မှူးမြို့နယ်ရှိ ကော့မှူးမြို့နယ် အထွေထွေအုပ်ချုပ်ရေးဦးစီးဌာနရုံး၌  အုပ်ချုပ်ရေးပိုင်းမှ တာဝန်ရှိသူများ၊ လွှတ်တော်ကိုယ်စားလှယ်များနှင့် တွေ့ဆုံရာတွင် အစိုးရတစ်ရပ်ဆိုသည်မှာ အဂတိလိုက်စားသည်ဟု စွပ်စွဲမှုကင်းရုံသာမက အဂတိလိုက်စားကြောင်း ပြည်သူများက သံသယပင်မရှိရန် နေထိုင်ရမည်ဟု ပြောကြားခဲ့သည်။ “နောက်တစ်ခုကတော့ ကျွန်မတို့ အစိုးရအနေနဲ့ အထူးအလေးပေးတာကတော့ သန့်ရှင်းတဲ့ သန့်ရှင်းတဲ့ အစိုးရ၊ တာဝန်သိတဲ့ အစိုးရ၊ တာဝန်ယူတဲ့ အစိုးရ။ သန့်ရှင်းတဲ့ အစိုးရဆိုတာ ပြည်သူက သံသယတောင်မရှိရတဲ့ အစိုးရ၊ ပြည်သူက အကြောင်းကြောင်းမို့လို့ အစိုးရ လူကြီးတွေက မသန့်ရှင်းဘူး၊ အဂတိလိုက်စားမှု မကင်းဘူးလို့ ထင်ရင်တောင်မှ ကျွန်မတို့ရဲ့ နိုင်ငံ နာပါတယ်”  ဟု နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က ပြောကြားသည်။

လက်ရှိတွင် မြန်မာနိုင်ငံ၏ဒီမိုကရေစီရေးနှင့် ဖွံ့ဖြိုးရေးအတွက် အကြီးမားဆုံးခြိမ်းခြောက်မှုမှာ နိုင်ငံရေးဆိုင်ရာ အဂတိလိုက်စားမှုဖြစ်သည်။ နိုင်ငံရေးဆိုင်ရာ အဂတိလိုက်စားမှုဟူသည် တရားမ၀င် ကိုယ်ပိုင်အကျိုးအမြတ်အတွက် အစိုးရအရာရှိများ လုပ်ပိုင်ခွင့် အာဏာကို အသုံးပြုခြင်းဖြစ်သည်။ သို့သော် ယင်းလုပ်ရပ်သည် အစိုးရအရာရှိတာဝန် နှင့် တိုက်ရိုက်ပတ်သက်မှုရှိမှသာ အစိုးရအာဏာရှိသူတစ်ဦး၏ တရားမ၀င်လုပ်ရပ်ကို နိုင်ငံရေးဆိုင်ရာ အဂတိလိုက်စားမှုဟု ခေါ်ဆိုနိုင်သည်။ အဂတိလိုက်စားမှုပုံစံအမျိုးမျိုး တွင် လာဘ်စားခြင်း၊အာဏာပြခြိမ်းခြောက်ငွေညှစ်ခြင်း၊ခရိုနီဝါဒ၊ဆွေမျိုးကောင်းစား  ရေးဝါဒ၊ သူကောင်းပြုခြင်း၊ အာဏာရှိသူနှင့် အကျိုးအမြတ်ရယူလိုသူတို့ကြား ပွဲစားလုပ်ခြင်း၊ အဂတိလိုက်စားခြင်းနှင့် အလွဲသုံးစားလုပ်ခြင်းတို့ ပါဝင်သည်။

အဂတိလိုက်စားခြင်းသည် မူးယစ်ဆေးမှောင်ခိုလုပ်ငန်း၊ ငွေကြေးခ၀ါချခြင်းနှင့် လူကုန်ကူးမှုတို့ကဲ့သို့သော ပြစ်မှုကျူးလွန်မှုများကို ကြီးထွားစေသည်။ နိုင်ငံရေးအတိုက်အခံများကို ဖိနှိပ်ခြင်းနှင့် ရဲတပ်ဖွဲ့၏ ရက်စက်ကြမ်းကြုတ်မှုများကဲ့သို့သော အခြားရည်ရွယ် ချက်အတွက် အစိုးရအာဏာကို တလွဲအသုံးပြုခြင်းများကိုလည်း နိုင်ငံရေးဆိုင်ရာ အဂတိ လိုက်စားမှုအဖြစ် ထည့်သွင်းလာကြသည်။ အင်စတီကျူးရှင်းတစ်ခုတွင် ယင်း၏ ပင်မရည် ရွယ်ချက်နှင့် ဆန့်ကျင်သော အကျိုးအမြတ်ရှိနေသူများထံမှ ဘဏ္ဍာရေးဆိုင်ရာ အထောက် အပံ့ပေါ်တွင် မှီခိုနေခြင်းသည်လည်း အဂတိလိုက်စားမှုပင်ဖြစ်သည်။

နိုင်ငံရေးတွင် အဂတိလိုက်စားမှုသည် ပုံမှန်လုပ်ငန်းစဉ်များကို ပျက်ပြားစေခြင်းဖြင့် ဒီမိုကရေစီနှင့် ကောင်းသောအုပ်ချုပ်ရေးကို ဖျက်ဆီးပစ်သည်။ ရွေးကောက်ပွဲများနှင့် ဥပဒေပြုမှုတို့၌ အဂတိလိုက်စားခြင်းသည် တာဝန်ခံမှုကို လျော့ကျစေပြီး မူဝါဒချမှတ်ရာ တွင် ကိုယ်စားပြုမှုကို အချိုးပျက်စေသည်။ တရားရေးစနစ်၌ အဂတိလိုက်စားမှုသည် အပေးအယူလုပ်ခြင်းဖြင့် တရားဥပဒေစိုးမိုးမှုကို ပျက်ပြားစေသည်။ အုပ်ချုပ်ရေး၌ အဂတိလိုက်စားခြင်းသည် လုပ်ငန်းဌာနများ၏ လျာထားချက်များ မပြည့်မီခြင်း ရလဒ်များကို ထွက် ပေါ်လာစေသည်။ လုပ်ငန်းစဉ်များ အဆင်ပြေညီညွတ်မှု မရှိတော့ခြင်း၊ အရင်းအမြစ်များ လမ်းလွဲရောက်ရှိသွားခြင်းနှင့် အများပြည်သူနှင့်ဆိုင်သော ရုံးများ အရောင်းအ၀ယ်လုပ် နေခြင်းတို့ကြောင့် အဂတိလိုက်စားမှုသည် အစိုးရ၏ အင်စတီကျူးရှင်းဆိုင်ရာ စွမ်းဆောင် ရည်ကို ပျက်စီးသွားစေသည်။ အဂတိလိုက်စားမှုသည် အစိုးရအဖွဲ့၏ တရားဝင်မှု၊ ယုံကြည်မှုနှင့် လက်သင့်ခံနိုင်မှုကဲ့သို့သော ဒီမိုကရေစီစံတန်ဖိုးများကို ပျက်ပြားစေသည်။ အဂတိလိုက်စားမှုကြောင့် အင်စတီကျူးရှင်းများအပေါ် လူထု၏ ယုံကြည်မှု ပျက်ယွင်းသွားသည်။

အများပြည်သူနှင့်ဆိုင်သောကဏ္ဍတွင် ပြည်သူ့ရင်းနှီးမြှုပ်နှံမှုများသည် လာဘ်ငွေ နှင့် ဗုန်းငွေများ များပြားလှသော စီမံကိန်းကြီးများအဖြစ် လမ်းလွဲသွားခြင်းအားဖြင့် နိုင်ငံ၏ စီးပွားရေးကို အချိုးပျက်သွားစေသည်။ အပေးအယူများ ပြုလုပ်ရန်နှင့် ရင်းနှီးမြှုပ်နှံမှု များကို တလွဲအသုံးပြုရန်အတွက် သက်ဆိုင်ရာအာဏာပိုင်တို့က စီမံကိန်းများကို ဖန်တီးကြသည်။ အဂတိလိုက်စားမှုသည် ဆောက်လုပ်ရေး၊ ပတ်ဝန်းကျင်ထိန်းသိမ်းရေးနှင့် အခြား ထိန်းချုပ်ကွပ်ကဲရေးတို့အား လျော့ရဲသွားစေပြီး အစိုးရ၀န်ဆောင်မှုလုပ်ငန်းများနှင့် အခြေခံအဆောက်အအုံများ၏အရည်အသွေးကို လျော့ကျသွားစေသည်။ အစိုးရအပေါ် သို့ ဘတ်ဂျက်ငွေဆိုင်ရာဖိအား ပိုမိုလာစေသည်။

မည်သို့ပင်ဆိုစေကာမူ အစိုးရတစ်ရပ်ဟူသည် နိုင်ငံတော်၏အတိုင်ပင်ခံပုဂ္ဂိုလ် ပြောကြားခဲ့သည့်အတိုင်း အဂတိလိုက်စားသည်ဟု စွပ်စွဲခံရမှု ကင်းရုံမျှမက အဂတိလိုက် စားကြောင်း ပြည်သူများက သံသယပင်မရှိအောင် နေထိုင်ရမည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

 

(ဇူလိုင် ၂၂ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်)

ရာဇ၀တ်မှုများနှင့် လူ့အဖွဲ့အစည်း

ရာဇ၀တ်မှုသတင်းများကို မဖတ်ရဘဲ ကုန်လွန်ခဲ့ရသည့်နေ့ဟူ၍ တစ်ရက်မျှပင် ရှိမည်မထင်ပါ။ မီဒီယာများက မဖော်ပြသည့် ရာဇ၀တ်မှု အများအပြားပင် ရှိနိုင်သေးသည်ဟုလည်း တွေးမိကြပေလိမ့်မည်။ ကြီးမားသော မေးခွန်းတစ်ရပ်မှာ လူတစ်ဦးသည်  ရာဇ၀တ်မှုကျူးလွန်တတ်သော ဗီဇဖြင့် မွေးလာ၍လား သို့မဟုတ် လေ့လာသင်ယူမိသည့်  အပြုအမူနှင့် ပတ်သက်နေသလား ဟူ၍ဖြစ်သည်။ ၁၉ ရာစုကတည်းက ရှိခဲ့သည့် ဒဿနိ ကဗေဒဆိုင်ရာ အဆိုပါမေးခွန်းသည် လူသားတို့၏ ဦးနှောက်ဖွံ့ဖြိုးလာခြင်း ဆင့်ကဲဖြစ်စဉ်အပေါ် ပို၍အာရုံစိုက်၍လာခဲ့သည်။ ၂၀ ရာစုတွင် ဇီဝဗေဒပညာရှင်များ၊ ဇီဝကမ္မဗေဒပညာရှင်များနှင့် ဆေးသိပ္ပံပညာရှင်များသည် ယင်းမေးခွန်းအပေါ် စိတ်ဝင်စား၍လာခဲ့သည်။ ထောင်စုနှစ်အသစ်တွင် လူသား၏စိတ်ကို နောက်ထပ်စူးစမ်းရှာဖွေမှုများက ရာဇ၀တ်မှု သက်သက်ကို ကျော်လွန်၍ ကြည့်ရန်နှင့် လူသားတို့၏ အတွေးလုပ်ငန်းစဉ်ကို ဖွင့်ဆိုရန်   တွန်းအားပေးခဲ့သည်။ ရာဇ၀တ်မှုဗေဒနှင့် ခွဲထုတ်၍မရနိုင်အောင် ဆက်စပ်နေသော လူမှုဗေဒက လူတို့၏အပြုအမူကို ပုံသွင်းရာ၌ လူ့အဖွဲ့အစည်းအခန်းကဏ္ဍကို ဆန်းစစ်မှုများ ပြုလုပ်လာသည်။

လူမှုရေးဆိုင်ရာ လေ့လာမှုများအရ တစ်ဦးချင်းသာမက ပိုမိုကြီးမားကျယ်ပြန့်သော လူ့အဖွဲ့အစည်းအတွက်ပါ လူမှုရေးဆိုင်ရာ ထိန်းချုပ်မှုက အချက်အချာကျကြောင်း သိရသည်။ တစ်ဦးချင်းအဆင့်တွင် အခြေခံတန်ဖိုးထားမှုစနစ်တစ်ရပ်၌ မိသားစုဆက်နွှယ်ချက်များနှင့် ယုံကြည်မှုများသည်။ ကိုယ်ရည်ကိုယ်သွေးညီမျှအောင် ထိန်းသိမ်းရာ၌ အထောက်အကူပြုသည်။ ယင်းကို လူ့အဖွဲ့အစည်းက မျှဝေလိုက်သော စံတန်ဖိုးများက အထူးပြုသည်။ ယင်းစံတန်ဖိုးများကို ကျောင်းများ၊ ဘာသာရေးဆိုင်ရာလုပ်ဆောင်ချက်များ၊ လူမှုရေးဆိုင်ရာစုဝေးမှုများနှင့် မီဒီယာတို့မှတစ်ဆင့် ပျံ့နှံ့စေခြင်းဖြစ်သည်။ လူမှုရေးဆိုင်ရာ သဘောတရားများက လူ့အဖွဲ့အစည်းသည် ရာဇ၀တ်မှုကျူးလွန်နိုင်ခြေကို တည်ဆောက်ပေးကြောင်း ညွှန်ပြနေသည်။ ထို့ကြောင့် လူသားတို့၏ လုပ်ဆောင်ချက်အမျိုးအစားအချို့ကို လူ့အဖွဲ့အစည်းကို အန္တရာယ်ပြုနိုင်သည်ဟု စဉ်းစားနိုင်သည်။ မူးယစ်ဆေး သုံးစွဲခြင်းနှင့် လောင်းကစားမှုပြုလုပ်ခြင်းကဲ့သို့ လူပုဂ္ဂိုလ်တစ်ဦးကို ထိခိုက်စေသည့်  ရာဇ၀တ်မှုဖြစ်နိုင်စေသော လုပ်ဆောင်ချက်များကို တွေ့နိုင်သည်။ ယင်းတို့သည် ကျူးလွန်ခံရသူမရှိသော်လည်း လူတစ်ဦး၏ မိမိကိုယ်မိမိ ထိန်းချုပ်နိုင်စွမ်းကို ပျောက်ဆုံးစေသည်။

ဆင်းရဲမွဲတေမှုနှင့် တန်းတူညီမျှမှု မရှိခြင်းတို့သည် ရာဇ၀တ်မှုမြောက်သော လုပ်ဆောင်ချက်များဖြစ်အောင် လှုံ့ဆော်ပေးပြီး ဒုစရိုက်မှုများ မွေးဖွားစေသည့် အကြောင်းခြင်းရာများဖြစ်လာသည်။ တရားဥပဒေနှင့်မညီသော၊ ကျင့်ဝတ်နှင့် မညီသော သက်ဆိုင်ရာ အာဏာပိုင်တို့၏ ဆုံးဖြတ်ချက်များသည်လည်း ရာဇ၀တ်မှုများဖြစ်ပေါ်ရန် တွန်းပို့လျက်ရှိသည်။ သုတေသနများအရ ပညာရေးနိမ့်ကျခြင်းသည် သည်းမခံနိုင်မှုကို ဖြစ်စေခြင်းနှင့် များစွာပတ်သက်နေပြီး ရာဇ၀တ်မှုဖြစ်စေသော အမူအကျင့်တစ်ရပ် ကြိုတင်ရှိနေသကဲ့သို့ဖြစ်သည်။ သို့သော် ပညာပို၍တတ်ခြင်းသည် ဥပဒေကို ပို၍လေးစားလိုက်နာလိုစိတ်  ဖြစ်ပေါ်စေသည်ဟုလည်း ဆိုနိုင်သည်။ အသက်အရွယ်နှင့် ကျား/မ ကွဲပြားမှုသည်လည်း  ရာဇ၀တ်မှု ကျူးလွန်မှုနှုန်းနှင့် ပတ်သက်နေသည်။ လူငယ်များသည် ရာဇ၀တ်မှုကျူးလွန် နိုင်ခြေနှင့် မိမိကိုယ်မိမိ သတ်သေနိုင်ခြေ ပို၍မြင့်မားသည်။ မြို့ကြီးများတွင် လေ့လာချက်များအရ လူနေထူထပ်သော နေရာများတွင် ရာဇ၀တ်မှုကျူးလွန်နိုင်ရန် အခွင့်အလမ်း ပို၍ရှိကြောင်းလည်း တွေ့ရှိရသည်။ ထို့ကြောင့် လူမှုရေးဆိုင်ရာအစီအစဉ်ပျက်ယွင်းခြင်းသည် ရာဇ၀တ်မှုကျူးလွန်မှုများနှင့်အတူ ဆိုးသွမ်း သံသရာလည်စေခြင်း၏ တစ်စိတ်တစ်ပိုင်းဖြစ်လာခဲ့သည်။

မည်သို့ပင်ဆိုစေကာမူ ရာဇ၀တ်မှုဖြစ်ပွားခြင်းကို လျှော့ချနိုင်ရန်အတွက် နည်းလမ်းများ ရှာဖွေရာ၌ လူ့အဖွဲ့အစည်းအား စနစ်တကျ လေ့လာသုတေသနပြုရန် လိုအပ်မည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

 

(ဇူလိုင် ၁၅ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

ခေါင်းဆောင်မှုပုံစံအမျိုးမျိုး

ခေါင်းဆောင်မှု ပုံစံဟူသည် လူတစ်ဦးက အခြားသူများကို ဦးဆောင်ရန် ပါဝါကို အသုံးပြုပုံပြုနည်းဖြစ်သည်။ နောက်လိုက်အရေအတွက်အပေါ် အခြေခံလျက် ခေါင်းဆောင်မှုပုံစံအမျိုးမျိုးရှိသည်။ အသင့်တော်ဆုံးခေါင်းဆောင်မှုပုံစံသည် ခေါင်းဆောင်၏ လုပ်ငန်းတာဝန်၊ နောက်လိုက်များနှင့် အနေအထားတို့အပေါ်၌ မူတည်နေသည်။ အချို့ခေါင်းဆောင်များသည် ဆုံးဖြတ်ချက်ချရာတွင် နောက်လိုက်များပါဝင်မှု အတိုင်းအတာမြင့်မားခြင်းကို အဆင်ပြေအောင် ဆောင်ရွက်နိုင်ခြင်း မရှိပေ။ အချို့သည် တာဝန်ယူမှု ခွဲဝေပေးရန် ဆန္ဒမရှိခြင်း သို့မဟုတ် အရည်အချင်းမရှိခြင်း ဖြစ်တတ်သည်။ တစ်ခါတစ်ရံတွင်လည်း ပြဿနာများကို ကိုင်တွယ်ရာတွင် နောက်လိုက်များနှင့် တိုင်ပင်ခြင်းမပြုဘဲ ချက်ချင်း ဆုံးဖြတ်ရန် လိုအပ်သည့်အခါများလည်း ရှိသည်။ ခေါင်းဆောင်မှုပုံစံအချို့ကို  ဖော်ပြအပ်ပါသည်။

တစ်ဦးတည်း ခေါင်းဆောင်မှု – ယင်းခေါင်းဆောင်မှုတွင် ခေါင်းဆောင်သည် လုပ်ပိုင်ခွင့်အားလုံးနှင့် တာဝန်ယူမှုအားလုံးကို တစ်ဦးတည်း ဆုပ်ကိုင်ထားသည်။ ခေါင်းဆောင်များသည် ဆုံးဖြတ်ချက်ချရာ၌ လက်အောက်ငယ်သားများနှင့် တိုင်ပင်ခြင်းမပြုဘဲ မိမိဘာသာ ပြုလုပ်လေ့ရှိသည်။

ဒီမိုကရေစီကျသော ခေါင်းဆောင်မှု – ယင်းပုံစံ၌ လက်အောက်ငယ်သားများသည် ဆုံးဖြတ်ချခြင်း လုပ်ငန်းစဉ်၌ ပါဝင်သည်။ တစ်ဦးတည်းခေါင်းဆောင်မှုနှင့် မတူဘဲ လက်အောက်ငယ်သားများ ပါဝင်မှုအပေါ်၌ ဗဟိုပြုထားသည်။ ဒီမိုကရေစီကျသော ခေါင်းဆောင်များသည် နောက်ဆုံးတာဝန်ယူမှုကို ဆုပ်ကိုင်ထားသော်လည်း အခြားသူများကို လုပ်ပိုင်ခွင့်များ ခွဲဝေပေးသည်။ ယင်းသည် လူကြိုက်များသော ခေါင်းဆောင်မှုပုံစံတစ်ရပ်ဖြစ်ပြီး မျှတမှု၊ ကျွမ်းကျင်မှု၊ ဖန်တီးမှု၊ သတ္တိ၊ အသိဥာဏ်ရှိမှုနှင့် ရိုးသားမှုတို့ ကပ်လျက်ပါလာသည်။

မဟာဗျူဟာမြောက် ခေါင်းဆောင်မှု – အဖွဲ့အစည်းတစ်ရပ်၏ အကြီးအကဲအဖြစ် ခေါင်းဆောင်တစ်ဦး မဖြစ်မနေလိုအပ်သော ပုံစံဖြစ်သည်။ မဟာဗျူဟာမြောက်ခေါင်းဆောင်ကို အဖွဲ့အစည်း ထိပ်ဆုံး၌သာ ကန့်သတ်၍ မထားပေ။ အဖွဲ့အစည်း သို့မဟုတ် အသင်းတစ်သင်း၏ စွမ်းဆောင်ရည်မြင့်မားသောဘ၀ကို ဖန်တီးလိုသည့် မည်သည့်အဆင့်၌မဆို မဟာဗျူဟာမြောက်ခေါင်းဆောင် ပေါ်ထွက်လာသည်။

အသွင်ကူးပြောင်းရေး ခေါင်းဆောင်မှု – အခြားခေါင်းဆောင်မှုပုံစံများနှင့်မတူဘဲ  အသွင်ကူးပြောင်းရေး ခေါင်းဆောင်မှုသည် အဖွဲ့အစည်းများ၊ အုပ်စုများ၊ မိမိကိုယ်တိုင်နှင့်  အခြားသူများ၌ ပြောင်းလဲလာအောင် လှုံ့ဆော်မှုနှင့်ပတ်သက်သော ခေါင်းဆောင်မှုဖြစ်သည်။ အသွင်ကူးပြောင်းရေးခေါင်းဆောင်မှုသည် အခြားသူများအား ၎င်းတို့ မူလက ရည်ရွယ်ထားသည်ထက် ပို၍လုပ်ဆောင်အောင် သူတို့ တွေးနိုင်ဖွယ်ရှိသည်ထက် ပိုမိုစဉ်းစားလာအောင် စေ့ဆော်နိုင်သည်။

နည်းပေးလမ်းပြ ခေါင်းဆောင်မှု – ယင်းခေါင်းဆောင်မှု၌ နောက်လိုက်များအား သင်ကြားပေးခြင်းနှင့် အကြံဥာဏ်ပေးခြင်း ပါဝင်သည်။ နည်းပေးလမ်းပြခေါင်းဆောင်တစ်ဦးသည် ရလဒ် သို့မဟုတ် စွမ်းဆောင်ရည် တိုးတက်ရန်လိုအပ်နေသော အနေအထားတစ်ရပ်၌ မဖြစ်မနေလိုအပ်သည်။

သြဇာတိက္ကမနှင့် ပြည့်စုံသော ခေါင်းဆောင်မှု – ယင်းတွင် သြဇာရှိသော ခေါင်းဆောင်က တော်လှန်ပြောင်းလဲမှုဆန်သော ပါဝါကို ထုတ်ပြနိုင်သည်။ သြဇာဟူသည် အမူအကျင့်ဆိုင်ရာ ပြောင်းလဲမှု ဖြစ်ပေါ်စေခြင်းကို မဆိုလိုပေ။ နောက်လိုက်များ၏ တန်ဖိုးထားမှုများနှင့် ယုံကြည်ချက်များကို အသွင်ပြောင်းပေးခြင်းသာ ပါဝင်သည်။ ထို့ကြောင့် သြဇာရှိသော  ခေါင်းဆောင်ဟူသည် အထူးရည်မှန်းချက်တစ်ရပ်ဆီသို့ ဦးတည်သည့် သဘောထားများအပေါ် သက်ရောက်နိုင်သည့် အများကြိုက် ခေါင်းဆောင်တစ်ဦးဖြစ်သည်။

အဖွဲ့အစည်းတစ်ရပ်သည် ကြီးသည်ဖြစ်စေ၊ ငယ်သည်ဖြစ်စေ အမှန်တကယ်တည်ရှိ ဖြစ်ပေါ်နေသည့် အနေအထားတစ်ရပ်နှင့် ကိုက်ညီမည့် ခေါင်းဆောင်မှုပုံစံတစ်ရပ်ရပ်က မဖြစ်မနေ လိုအပ်နေမည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

(ဇူလိုင် ၈ ရက်နေ့ထုတ် The Daily Eleven သတင်းစာ၏ အယ်ဒီတာ့ အာဘော်)

ဆဲဗင်းဂျူလိုင်နှင့် ကျောင်းသားသမဂ္ဂများ

၁၉၆၂ ခုနှစ် ဇူလိုင် ၇ ရက်တွင် “ဆဲဗင်းဂျူလိုင်”ဟု ခေါ်တွင်သော ရန်ကုန်တက္ကသိုလ် ကျောင်းသားများ ဆန္ဒပြမှု ဖြစ်ပွားခဲ့ခြင်းအား အကြမ်းဖက်နှိမ်နင်းမှု ပြုလုပ်ခဲ့သောကြောင့် ကျောင်းသားအများအပြား သေဆုံးခဲ့ရသည်။ ၎င်းအပြင် ဇူလိုင် ၈ ရက် နံနက် ၃ နာရီခွဲ၊ ၄ နာရီခန့်တွင် တကသ အဆောက်အအုံဟုခေါ်သည့် တက္ကသိုလ်ကျောင်းသားများသမဂ္ဂ အဆောက်အအုံအား ဒိုင်းနမိုက်များဖြင့် ဖောက်ခွဲဖျက်ဆီးခဲ့သည်။ ယင်းဖြစ်ရပ်သည် နောင်မျိုးဆက်အဆက်ဆက် ကျောင်းသားများအပေါ် သက်ရောက်မှုကြီးမားခဲ့ပြီး ကျောင်းသားများ၏ အနာမကျက်သော ဒဏ်ရာကြီးတစ်ခု သို့မဟုတ် မည်သူမျှ နှစ်သိမ့်မပေးခဲ့သည့် နာကြည်းချက်ကြီးတစ်ရပ်အဖြစ် သမိုင်းတွင်ကျန်ရစ်ခဲ့သည်။

ယင်းနှင့်ပတ်သက်၍ ၁၉၈၈ ခုနှစ်က အာဏာမသိမ်းမီ စက်တင်ဘာ ၁၂ ရက်တွင် ထိုစဉ်က နိုင်ငံတော် သမ္မတဖြစ်သော ဒေါက်တာမောင်မောင်က ရေဒီယိုနှင့် ရုပ်မြင်သံကြား မှတစ်ဆင့် မိန့်ခွန်းပြောကြားခဲ့သည်။ ဒေါက်တာမောင်မောင်က အဆိုပါနာကြည်းချက်ကို ဖြေသိမ့်နိုင်ရန် ကြိုးပမ်းသည့်အနေဖြင့်”ကျောင်းသားလူငယ်များက ကျောင်းသားသမဂ္ဂ ဖွဲ့စည်းရေးကို တောင်းဆိုနေကြပါတယ်။ ကျောင်းသားသမဂ္ဂ စည်းကမ်းတကျ ဖွဲ့စည်းဖို့ ကျွန်တော်တို့ သဘောတူပါတယ်။ ၁၉၆၂ ခုနှစ်က ဖြိုခွဲခြင်းခံခဲ့ရတဲ့ တက္ကသိုလ်ကျောင်းသားသမဂ္ဂ အဆောက်အအုံကို ကျွန်တော်တို့ ပြန်လည်တည်ဆောက်ပေးပါမယ်။ အေးချမ်းတည်ငြိမ် စိုးရိမ်ဒေါသကင်းတဲ့ မကြာသော တစ်နေ့မှာ ကျွန်တော်တို့ ပျော်ပျော်ပါးပါး အဆောက် အအုံ အုတ်မြစ်ချပွဲ ကျင်းပကြရအောင်” ဟု သူ၏ မိန့်ခွန်း၌ ထည့်သွင်းပြောကြားခဲ့သည်။

ဆဲဗင်း အရေးအခင်းပြီးနောက် ၁၉၆၃ ခုနှစ် ဇူလိုင်လတွင် ကျောင်းများ ပြန်လည် ဖွင့်လှစ်ခဲ့ရာ၌ သမဂ္ဂအဆောက်အအုံနေရာတွင် ယာယီတဲဖြင့် ကျောင်းသားများက သမဂ္ဂကို ပြန်လည်ထူထောင်ခဲ့ကြသည်။ ဗိုလ်အောင်ကျော်ကျောက်တိုင်နှင့်အတူ ကျောက်တိုင်တစ်ခု ပြုလုပ်၍ ဆဲဗင်းဂျူလိုင်တွင် ကျဆုံးခဲ့သော ကျောင်းသားရာကျော်အတွက် ရည်စူးကာ “ရာကျော်ကျောက်တိုင်” ဟု အမည်တွင်စေခဲ့သည်။ ထိုရာကျော်ကျောက်တိုင်ဖွင့်ပွဲတွင် ဆရာကြီးသခင်ကိုယ်တော်မှိုင်းက “ ဒီ အဆောက်အအုံကိုသာ ဖြိုလို့ရမယ်၊ အမောင်တို့ ရင်ထဲက သမဂ္ဂစိတ်ဓာတ်ကိုတော့ ဘယ်သူမှ ဖြိုလို့မရပါဘူး” ဟု မိန့်ကြားခဲ့သည်။

လွတ်လပ်ရေးဗိသုကာ အမျိုးသားခေါင်းဆောင်ကြီး ဗိုလ်ချုပ်အောင်ဆန်း ကျောင်းသားဘ၀က ရေးသားခဲ့သော ဆောင်းပါးတွင်လည်း “ထိုသို့ဖြစ်ရာ လူတိုင်းလူတိုင်း တစ်ဦးနှင့်တစ်ဦး အပေါင်းအသင်း သမဂ္ဂရှိမှသာ အမျိုးမျိုးသော အယူအဆ အမှတ်အသားတို့ ကို တွေ့မြင်သိရှိရ၍ ပိုမိုအမြင်ကျယ်လာနိုင်သည်။ သို့အမြင်ကျယ်မှ တစ်ဦးကိုတစ်ဦး အနာခံတတ်ခြင်း၊ စောင်မကူညီခြင်း၊ အပြောအဆိုအနေအထိုင် ပြုပြင်လာခြင်း စသည်ဖြင့် လောက၌ လူလုပ်တတ်သည့် အရည်အချင်းများရနိုင်လေသည်။ ထို့ကြောင့် ထိုကူးလူး ဆက်ဆံရေး အမြင်သန်အောင် ကျောင်းများ၊ တက္ကသိုလ်များတွင် ကျောင်းအိပ်၊ ကျောင်းစားထားခြင်း၊ အသင်းအပင်းများ ထောင်ခြင်း စသည်တို့ ပြုလုပ်ကြရလေသည်။ သို့ရာတွင် အပေါင်းအသင်းသမဂ္ဂအတွက် ပြုလုပ်ရာတွင် လွတ်လပ်စွာ မပြောရ၊ မဆိုရ၊ မလုပ်ရ၊ မဆွေးနွေးရလျှင် မျက်စိပိတ်ထားသည်နှင့်တူပြန်သည်။ သို့ဖြစ်ရာ နှစ်ဖက်နှစ်ချက်စုံမှ ပညာရေးအစစ် မည်လေသည်။ တစ်ဖန် ယနေ့ဖြစ်သော ကျောင်းသားများသည် နက်ဖြန် ပြည်ကြီးသားများဖြစ်ကြ၏ဟု ဆိုရိုးစကားရှိ၏။သို့ဖြစ်ရာ ပြည်ကြီးသားတို့၏ အင်္ဂါလက္ခဏာတို့နှင့်ညီအောင် အုပ်ချုပ်နည်း၊ မိမိအခွင့်အရေးအတွက် တိုက်ခိုက်နည်း၊ စကားပြောနည်း၊ စည်းကမ်းသေ၀ပ်နည်း၊ ကိုယ်လက်ကျန်းမာရေး စသည်ဖြင့် နည်းမျိုးစုံအောင် အသင်းအပင်းများ၊ ကစားနည်းများကိုထွင်ကြ၏” ဟု ပါရှိသည်။

အမှန်တကယ်၌ ပညာရေးစနစ်တစ်ရပ်သည် စာမေးပွဲများ၌ အမှတ်ကောင်းကောင်းဖြင့် အောင်မြင်ရေးအား ရှေးရှုခြင်းထက် အစုအဖွဲ့နှင့် ညီညီညွတ်ညွတ် ပူးပေါင်းလုပ်ဆောင်တတ်စေရေးအတွက် အထောက်အကူပြုရေးကို ပို၍ပင် ဦးစားပေးသင့်သည်။ ကျောင်းသားဘ၀က ပူးပေါင်းလုပ်ဆောင်တတ်သော အလေ့အကျင့်များ ရရှိခဲ့ခြင်းမရှိပါက ယင်းကျောင်းသားများ နိုင်ငံတည်ဆောက်ရေးလုပ်ငန်းများ၌ ပါဝင်လုပ်ဆောင်ကြရာတွင် များစွာ အခက်တွေ့စေမည်ဖြစ်သည်။ ကျောင်းသားဘ၀၌ ပူးပေါင်းလုပ်ဆောင်တတ်သော အလေ့အထရရှိအောင် လေ့ကျင့်ရာတွင် လွတ်လပ်သော ကျောင်းသားသမဂ္ဂများ ဖွဲ့စည်း တည်ထောင်ကာ လှုပ်ရှားမှုများ ဆောင်ရွက်ခြင်းက များစွာအရေးပါသည်။

ထို့ကြောင့် အစုအဖွဲ့နှင့် ပူးပေါင်းလုပ်ဆောင်တတ်သော အလေ့အထကို မွေးမြူနိုင်ရန်အတွက် ကျောင်းသားများ မိမိတို့ဘာသာ လွတ်လပ်စွာလှုပ်ရှားမှုများ ဆောင်ရွက်နိုင်သည့် ကျောင်းသားသမဂ္ဂများ မရှိမဖြစ် လိုအပ်ပါကြောင်း ဆဲဗင်းဂျူလိုင်အထိမ်းအမှတ်နေ့၌   The Daily Eleven သတင်းစာက တိုက်တွန်းရေးသားအပ်ပါသည်။

(ဇူလိုင် ၇ ရက်နေ့ထုတ် The Daily Eleven သတင်းစာ၏ အယ်ဒီတာ့ အာဘော်)

ရိုးသားမှုရှိခြင်းနှင့် ပွင့်လင်းမြင်သာမှုရှိခြင်း

လောကတွင် ပြီးပြည့်စုံသူဟူ၍မရှိပေ။ သို့သော် ပြီးပြည့်စုံမှုကို လိုလားသည့် ယနေ့ ခေတ်ယဉ်ကျေးမှုသည် ပြီးပြည့်စုံသော ခေါင်းဆောင်များကို တောင်းဆို၍နေသည်။ အကျိုးတရားအနေဖြင့် အမှန်တကယ် ပိုမို ကောင်းမွန်လာစေရန် ခေါင်းဆောင်များအတွက်ရော နောက်လိုက်များအတွက်ပါ ပိုမို ခက်ခဲ၍သွားစေသည်။ ထို့ကြောင့် လူတစ်ဦးချင်းအနေဖြင့် ဖွံ့ဖြိုးရေးအစီအစဉ်တစ်ရပ် ထားရှိရန်လိုသည်။ ယင်းအစီအစဉ်၌ မိမိကိုယ်မိမိ လေးနက်စွာ ပြန်၍ဝေဖန်ခြင်း၊ အခြားသူများထံမှ မိမိအပေါ် အမြင်အား သဘောထားများ တောင်းခံခြင်းနှင့် တစ်ခါတစ်ရံ ပုံမှန်သုံးသပ်မှုများပြုလုပ်ခြင်းတို့ ပါဝင်သည်။ ယင်းအစီအစဉ်အား အချိန်နှင့်အမျှ ချမှတ်ထားရမည်ဖြစ်ပြီး ချရေးလျက် သိမ်းဆည်းထားရမည် လည်းဖြစ်သည်။ လူတို့သည် မိမိ၏ အမှားများကို ၀န်ခံရမည်အား ကြောက်ရွံ့နေတတ်သည်။ ငယ်စဉ် အခါကတည်းက ကလေးများအား မိမိကိုယ်မိမိ ဝေဖန်တတ်အောင် သင်ကြားပေးရမည်ဖြစ်သည်။ ကလေးများအနေဖြင့် တတ်နိုင်သမျှ အကောင်းဆုံးလုပ်ရန် နှင့် အမှားလုပ်မိမည်ကို စိုးရိမ်ခြင်းနှင့် အမှားကို ၀န်ခံရမည်ကို ကြောက်ရွံ့ခြင်းတို့ မရှိအောင် လေ့ကျင့်ပေးရမည်ဖြစ်သည်။ ယင်းသည် ရိုးသားမှုနှင့်  ပွင့်လင်းမြင်သာမှုရှိရေးအတွက် သင်ယူခြင်းလုပ်ငန်းစဉ်ဖြစ်သည်။

သို့သော် ပွင့်လင်းမြင်သာမှုရှိရန်ထက် ရိုးသားမှုရှိရန် များစွာ ပို၍ ခက်ခဲသည်။ သမာဓိရှိရန်မှာမူ အခက်ခဲဆုံးဖြစ်သည်။ သို့သော် မာသာထရီဆာက “ရိုးသားမှုနှင့် ပွင့်လင်းမြင်သာမှုသည် သင့်အား အားနည်းချက်ရှိအောင် လုပ်နိုင်သည်။ သို့သော် မည်သို့ပင်ဖြစ်စေ ရိုးသား၍ ပွင့်လင်းမြင်သာမှုရှိပါ” ဟု ဆိုခဲ့သည်။ ဒလိုင်းလားမားကမူ “သင်သည် ရိုးသား၊ မှန်ကန်ပြီး၊ ပွင့်လင်းမြင်သာမှုရှိပါက သင့်အား လူအများက ယုံကြည်လာလိမ့်မည်။ လူအများက သင့်အား ယုံကြည်ပါက ကြောက်ရွံ့ရန်၊ မယုံသင်္ကာဖြစ်ရန်နှင့် မနာလိုဝန် တိုမှုဖြစ်ရန် သင့်၌ နေရာမရှိတော့” ဟု ဆိုသည်။  အခြားသူများ သိစေရန်လိုအပ်သည်ဟု ခံစားရသော အမှန်တရားများကို ထုတ်ဖော်ပြောဆိုခြင်းသည် ရိုးသားမှုဖြစ်သည်။ အခြား သူများက ၎င်းတို့သိရန် လိုအပ်သည်ဟု ခံစားရသော အမှန်တရားများကို ထုတ်ဖော်ပြောဆိုခြင်းသည် ပွင့်လင်းမြင်သာမှုဖြစ်သည်။ ပွင့်လင်းမြင်သာမှုသည် အခြားသူများအား အမှန်တကယ်ဖြစ်သည့်အရာကား အဘယ်နည်းဟူသည်ကို တွေ့မြင်သွားစေရန် ခွင့်ပြုသည်။

ရိုးသားမှုဟူသည် လူမျိုးများစွာနှင့် ဘာသာများစွာတို့၏ ယဉ်ကျေးမှုတို့၌ တန်ဖိုးထားသည့်အရာဖြစ်သည်။ ဘင်ဂျမင်ဖရန်ကလင်က “ရိုးသားခြင်းသည် အကောင်းဆုံး မူဝါဒ” ဟု ဆိုပြီး သောမတ်ဂျက်ဖာဆင်က “ရိုးသားမှုသည် ဥာဏ်ပညာစာအုပ်၌ ပထမဆုံးအခန်းဖြစ်သည်” ဟု ဆိုသည်။ ၀ီလျံရှိတ်စပီးယားကမူ “ရိုးသားမှုလောက် မည်သည့်အမွေ ကမှ ပို၍ ကြွယ်ဝခြင်း မရှိ” ဟု ရေးသားခဲ့သည်။ ပွင့်လင်းမြင်သာမှုဟူသည်ကို သိပ္ပံပညာ၊ အင်ဂျင်နီယာပညာ၊ စီးပွားရေးလုပ်ငန်းဆိုင်ရာနှင့် အခြားလူမှုရေးအကြောင်းအရာများတွင် အသုံးပြုပြီး မည်သည့်လုပ်ဆောင်ချက်များ ပြုလုပ်သည်ကို အခြားသူများ မြင်သာစေရန် ကျင့်သုံးသည့်နည်းလမ်းဖြစ်သည်။ ပွင့်လင်းမြင်သာမှုဟူသည် ပွင့်ပွင့်လင်းလင်း ရှိမှု၊ ဆက်သွယ်ဆောင်ရွက်မှုနှင့် တာဝန်ခံမှုရှိခြင်းတို့ကို ရည်ညွှန်းခြင်းဖြစ်သည်။ ကုမ္ပဏီများ၊ အဖွဲ့အစည်းများ၊ အုပ်ချုပ်ရေးများနှင့် လူ့အသိုင်းအ၀ိုင်းများ၌ ပွင့်လင်းမြင်သာမှုကို ကျင့်သုံးကြသည်။

မည်သို့ပင်ဆိုစေကာမူ ရိုးသားမှုရှိခြင်းနှင့် ပွင့်လင်းမြင်သာမှုရှိခြင်းသည် လူသား တစ်ဦး၏ ကောင်းသော ဂုဏ်အင်္ဂါတစ်ရပ်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

(ဇူလိုင် ၁ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)