ရခိုင်အရေးနှင့် ပတ်သက်၍ မြန်မာနိုင်ငံအပေါ် ကျရောက်နေသော နိုင်ငံတကာဖိအားများ လျှော့ချနိုင်ရေးအတွက် နိုင်ငံတကာနှင့် ပူးပေါင်းဆောင်ရွက်ရန် လိုအပ်ကြောင်း DVB Debate တွင် ဆွေးနွေး

ပြည်တွင်းပြည်ပ သတင်းမီဒီယာများ ၂၀၁၈ ခုနှစ် ဧပြီလအတွင်းက တောင်ပြိုနယ်စပ်ခြံစည်းရိုး အပြင်ဘက်တွင် နေထိုင်နေသော ဘင်္ဂါလီများအား သွားရောက်တွေ့ဆုံစဉ်

အာဆာအဖွဲ့၏ အကြမ်းဖက် တိုက်ခိုက်မှုကြောင့် ရခိုင်ပြည်နယ် မြောက်ပိုင်းတွင် ဖြစ်ပွားခဲ့သော အရေးကိစ္စများနှင့် ပတ်သက်၍ မြန်မာနိုင်ငံအပေါ် ကျရောက်နေသော နိုင်ငံတကာ ဖိအားများအား လျှော့ချနိုင်ရေးအတွက် အစိုးရအဖွဲ့ အနေဖြင့် နိုင်ငံတကာနှင့် ပူးပေါင်းဆောင်ရွက်ရန် လိုအပ်သည်ဟု ဇွန် ၂ ရက်က ရန်ကုန်မြို့ အနော်ရထာလမ်းနှင့် ဗိုလ်တထောင်ဘုရား လမ်းထောင့်ရှိ Orchid ဟိုတယ်တွင် “နိုင်ငံတကာ ဖိအားကို ဘယ်လိုကျော်လွှားမလဲ” ဟူသော ခေါင်းစဉ်ဖြင့် ပြုလုပ်သည့် DVB Debate ဆွေးနွေးပွဲတွင် နိုင်ငံရေး လေ့လာသုံးသပ်သူများက အကြံပြုပြောကြားသည်။

ရခိုင်ပြည်နယ် အကြမ်းဖက်မှု ဖြစ်စဉ်နှင့်ပတ်သက်၍ မြန်မာ့လုံခြုံရေး တပ်ဖွဲ့ဝင်များက နယ်မြေရှင်းလင်းရေး ဆောင်ရွက်ရာတွင် အဓမ္မပြုကျင့်မှုများနှင့် လူအများအပြားကို  သတ်ဖြတ်ခဲ့သည်ဟု နိုင်ငံတကာ၏ စွပ်စွဲမှုများက ရှိနေပြီး အဆိုပါ စွပ်စွဲချက်များနှင့် ပတ်သက်၍ ကုလသမဂ္ဂ အချက်အလက်ရှာဖွေရေး အဖွဲ့ကို ရခိုင်ပြည်နယ်အတွင်းသို့ ၀င်ရောက်ခွင့် ပြုလိုက်ပါက ပြေလည်သွားနိုင်သော်လည်း နိုင်ငံတကာ၏ စွပ်စွဲချက်များအတိုင်း တကယ်ဖြစ်ခဲ့ခြင်း ရှိ၊ မရှိကိုမူ အစိုးရနှင့် တပ်မတော်တို့ အသေးစိတ် ညှိနှိုင်းဆွေးနွေးရန် လိုအပ်သည်ဟု နိုင်ငံရေးသုတေသီ ဒေါက်တာအောင်မျိုးက ပြောကြားသည်။

“စွပ်စွဲချက်တွေကို ဖြေရှင်းတဲ့နေရာမှာ အဓိကက ကျွန်တော်တို့က သူတို့ကို ၀င်ခွင့်မပေးတာပေါ့။ အဲဒီလို ၀င်ခွင့်မပေးတာဟာ ကျွန်တော်တို့က ကိုယ်မှားနေလို့လားပေါ့။ ကိုယ်မှားနေသလား။ မှန်နေသလား ဆိုတာကို အစိုးရနဲ့ တပ်မတော် ဒီနှစ်ခုက ပေါင်းကိုပေါင်းနေရမှာ။ တကယ်တော့ မောင်းနှင်တဲ့ ယန္တရားဟာ လူတစ်ယောက်ဆို အစိုးရက ခေါင်း၊ တပ်က လက်နဲ့ခြေထောက်။ အဲဒီ လက်နဲ့ခြေထောက်ဟာ လည်ပင်းက ပြတ်သွားပြီဆိုရင် ဘာမှလုပ်မရတော့ဘူး။ ဒီနှစ်ခုဟာ လက်က လုပ်နေတယ်။ ခေါင်းက တာဝန်ခံ။ ဒီနှစ်ခုက ညီပြီးတော့ အဖြေဖော်ရမှာ။ (ကုလသမဂ္ဂ အချက်အလက်ရှာဖွေရေး မစ်ရှင်ကို ၀င်ခွင့်ပေးလိုက်ရင် ဒီပြဿနာက) ပြေလည်သွားမှာ။ ဒါပေမဲ့ မလုပ်ခင်မှာတော့ ကျွန်တော်တို့က ဒီနှစ်ဖက်က ဒါတကယ် ဖြစ်ခဲ့သလားဆိုတာ နှစ်ဖက်မျက်နှာချင်းဆိုင်ပြီး အဖြေရှာဖို့လိုတယ်။ ဒီကိစ္စအတွက် ပေါင်းပြီးတော့ အဖြေရှာရမယ်” ဟု ဒေါက်တာအောင်မျိုးက ပြောကြားသည်။

မြန်မာနိုင်ငံအနေဖြင့် နိုင်ငံတကာ၏ ဖိအားကို ကျော်လွန်ရန် အလွန်အရေးကြီးပြီး ယခင်ကတည်းကပင် နိုင်ငံတကာ ဖိအားများ ရှိခဲ့ကာ ထိုသို့ နိုင်ငံတကာ ဖိအားများ ရှိနေခြင်းသည် မြန်မာနိုင်ငံ အနေဖြင့် မှားနေသောကြောင့်လား သို့မဟုတ် နိုင်ငံသားများ၏ တောင်းဆိုချက် ကြောင့်လားဟု ဖက်ဒရယ်ဒီမိုကရေ စီအင်အားစုမှ ၈၈ မျိုးဆက် ကျောင်းသားခေါင်းဆောင် တစ်ဦးဖြစ်သူ ကိုမြအေးက ပြောကြားသည်။

“ကျွန်တော်တို့ မှန်နေတယ်ဆိုရင် နိုင်ငံတကာကနေ စုံစမ်းစစ်ဆေးရေး အဖွဲ့တွေနဲ့ ကျွန်တော်တို့ ပူးပေါင်းဆောင်ရွက်နိုင်စွမ်း ရှိရမယ်လို့ ကျွန်တော်တော့ မြင်တယ်။ ကျွန်တော်တို့ မှန်တာပဲ။ ရဲရဲတင်းတင်းပဲ ပြောရမှာပဲ။ နိုင်ငံတကာရဲ့ ပူးပေါင်းဆောင်ရွက်မှုတွေ လုပ်ရမယ်လို့ ကျွန်တော်မြင်တယ်” ဟု ကိုမြအေးက ပြောကြားသည်။

ရခိုင်အရေးနှင့် ပတ်သက်၍ မြန်မာနိုင်ငံအပေါ် နိုင်ငံတကာ၏ သဘောထား အမြင်များ အရှိန်မြင့် တက်လာသော်လည်း အချုပ်အခြာ အာဏာပိုင်သည့် နိုင်ငံတစ်ခုကို ကုလသမဂ္ဂ၏ ငြိမ်းချမ်းရေး ထိန်းသိမ်းမှုတပ်များ ၀င်ရောက်သည်ဆိုသည့် ကိစ္စသည် ကုလသမဂ္ဂ လုံခြုံရေးကောင်စီ၏ လုပ်ပိုင်ခွင့်နှင့် ကုလလုံခြုံရေး ကောင်စီထဲတွင် အချိန်ယူ ဆွေးနွေးရသည့်အတွက် ချက်ချင်း ဖြစ်မလာ နိုင်သော်လည်း အဆိုပါ လမ်းကြောင်းပေါ်ကို ဦးတည်နေသည့် နိုင်ငံတကာ သဘောထား တည်ဆောက်မှုများမှာ မြင့်တက်လာသည်ဟု နိုင်ငံရေး လေ့လာသုံးသပ်သူ ဒေါက်တာသောင်းထွန်းက ပြောကြားသည်။

“လုံခြုံရေးကောင်စီမှာ တရုတ်နဲ့ ရုရှားက ငါတို့ကို ကာကွယ်ပေးမှာပေါ့လို့။ ဗီတိုဆိုတာဟာ ခဏခဏ သုံးလို့ရတဲ့အရာ မဟုတ်ဘူး။ အဲဒီနိုင်ငံတွေမှာ ဂုဏ်သိက္ခာရှိတယ်။ တစ်ခါသုံးမယ်။ နှစ်ခါသုံးမယ်။ သုံးခါသုံးမယ်။ အဲဒီနိုင်ငံတွေမှာ သူတို့ရဲ့အကျိုးစီးပွားရှိတယ်။ အဲဒီတော့ ဒီကိစ္စမှာ မြန်မာနိုင်ငံ အခုလက်ရှိ ဖြစ်နေတဲ့ကိစ္စမှာ အထူးသဖြင့် တရုတ်နဲ့ ရေနံအကျိုးစီးပွား အပေါ်မှာ အခြေခံပြီးတော့ ဆက်စပ်နေတဲ့ အိုအိုင်စီ နိုင်ငံတွေရှိတယ်။ ဒါကို လျှော့မတွက်နဲ့။ ဒီရေနံ အကျိုးစီးပွား အခြေခံပေါ်မှာ တရုတ်ဟာ မြန်မာပြည်ပေါ်မှာ အကာအကွယ်ပေးနေတဲ့ သဘောထားဟာ ကာလတစ်ခုမှာ ပြောင်းသွားနိုင်ခြေရှိတယ်” ဟု ဒေါက်တာသောင်းထွန်းက ပြောကြားသည်။

ရခိုင်ပြည်နယ် မြောက်ပိုင်းတွင် လူမျိုးသုဉ်း သတ်ဖြတ်ခဲ့မှု ရှိ၊ မရှိကို နိုင်ငံတကာက လွတ်လပ်စွာ စစ်ဆေးခြင်း၊ စစ်ဆေးတွေ့ရှိချက်အရ ကျူးလွန်သူများကို ထိရောက်သော အပြစ်ပေးခြင်းနှင့် လူခုနစ်သိန်းခန့် ဘင်္ဂလားဒေ့ရ်ှနိုင်ငံသို့ ထွက်ပြေးသွားမှုကြောင့် တစ်ဖက်နိုင်ငံ ၀န်ထုပ်ဝန်ပိုး ဖြစ်ခဲ့ရသည့်အပေါ် မြန်မာနိုင်ငံက မည်ကဲ့သို့ လုပ်ပေးနိုင်မည်ဟူသော အချက်သုံးချက်ကို မြန်မာနိုင်ငံက မည်မျှလုပ်ပေးနိုင်သည် ဆိုသည့်အပေါ် မူတည်ကာ နိုင်ငံတကာဖိအားများ အတိုးအလျော့ ဖြစ်လာနိုင်သည်ဟုလည်း မြန်မာ့ငြိမ်းချမ်းရေးနှင့် လုံခြုံရေးအဖွဲ့မှ ဒေါက်တာမင်းဇော်ဦးက သုံးသပ်ပြောကြားသည်။

ရခိုင်ပြည်နယ်အရေးသည် နိုင်ငံတကာ၏အရေး အခြေအနေ အဖြစ်သို့ ရောက်ရှိသွားခြင်းမှာ ရခိုင်ပြည်နယ်မြောက်ပိုင်း အရေးကိစ္စ တစ်ခုတည်းကြောင့် မဟုတ်ဘဲ အဆိုပါ ကိစ္စရပ်ပေါ်တွင် အခြေခံပြီး နိုင်ငံရေး အကျိုးစီးပွားအတွက် ကစားကြသူများကြောင့်လည်း ဖြစ်ကြောင်း၊ ထိုသို့ဖြစ်မှုသည် ဒီမိုကရေစီ အသွင်ကူးပြောင်းရေး ဖြစ်စဉ်တွင် ဖြစ်လေ့ ဖြစ်ထရှိကာ လူဟောင်းများ အနေဖြင့် လူထုကြားတွင် ထင်ပေါ်ကျော်ကြားခြင်း မရှိသောအခါ လူထုထောက်ခံမှု ရရှိရေးအတွက် ဘာသာရေး အယူအဆများနှင့် အစွန်းရောက် အမျိုးသားရေး ၀ါဒများကို အသုံးပြုကြကြောင်းလည်း ဒေါက်တာသောင်းထွန်းက သတိပေး ပြောကြားသည်။

 

ရခိုင်ပြည်နယ်တွင် ဘင်္ဂါလီအကြမ်းဖက်အုပ်စုက ဟိန္ဒူများကိုအစုလိုက် အပြုံလိုက် သတ်ဖြတ်ခဲ့သည်ဆိုသော အပြည်ပြည်ဆိုင်ရာ လွတ်ငြိမ်းချမ်းသာအဖွဲ့၏ အစီရင်ခံစာကို မယုံကြည်ဟု ဘင်္ဂလားဒေ့ရ်ှနိုင်ငံခြားရေးဝန်ကြီး ပြောကြား

မေ ၂၃ ရက်နေ့က ဘင်္ဂလားဒေ့ရှ် နိုင်ငံခြားရေးဝန်ကြီးဌာနတွင် ပြုလုပ်ခဲ့သော သတင်းစာရှင်းလင်းပွဲတွင် သတင်းထောက်များ၏ မေးမြန်းမှုကို ဖြေကြားနေသော နိုင်ငံခြားရေးဝန်ကြီး မာမွတ်အလီအား တွေ့ရစဉ် (Photo : Dhaka Tribune)

လွန်ခဲ့သောနှစ် သြဂုတ်လတွင် မြန်မာနိုင်ငံ ရခိုင်ပြည်နယ်၌ ဟိန္ဒူ အမျိုးသား၊ အမျိုးသမီးနှင့် ကလေး ၉၉ ဦးအထိ အစုလိုက် အပြုလိုက် သတ်ဖြတ်ခဲ့သည့်အတွက် ဘင်္ဂါလီလက်နက်ကိုင် အုပ်စုတွင် တာဝန်ရှိသည်ဟု အခိုင်အမာ ပြောဆိုထားသော အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ ၏ ရုတ်တရက် ထွက်ပေါ်လာသော အစီရင်ခံစာကို မယုံကြည်ကြောင်း ဘင်္ဂလားဒေ့ရှ် နိုင်ငံခြားရေးဝန်ကြီး အဘူဟာဆန် မာမွတ်အလီက ထုတ်ဖော်ပြောကြားခဲ့သည်။

မေ ၂၃ ရက်နေ့က နိုင်ငံခြားရေးဝန်ကြီးဌာနတွင် ပြုလုပ်ခဲ့သော သတင်းစာရှင်းလင်းပွဲ တစ်ခုတွင် မေးမြန်းချက်တစ်ခုကို ဖြေကြားရာ၌ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ အစီရင်ခံစာသည် အဘယ်ကြောင့် နောက်ကျလွန်းနေရသလဲဟု သူကမေးခွန်းထုတ်ခဲ့ပြီး အစီရင်ခံစာ ထုတ်ပြန်ရခြင်း နောက်ကွယ်တွင် ရည်ရွယ်ချက်တချို့ ရှိကောင်း ရှိနိုင်ကြောင်း မာမွတ်အလီက ပြောကြားခဲ့သည်။

ဘင်္ဂါလီတို့က မီးဖိုချောင်သုံးဓားများ၊ ဂေါ်ပြားများ၊ ကိုင်းညှပ်ကက်ကြေးရှည်များ ကဲ့သို့သော အခြားလက်နက်များဖြင့် တိုက်ခိုက်ခဲ့သည်ဟု ၂၀၁၇ ခုနှစ်တွင် မြန်မာတပ်မတော်၏ ထုတ်ပြန်ချက်ကို ကိုးကားလျက် ဘင်္ဂါလီများသည် ဤကဲ့သို့သော လက်နက်များဖြင့် စစ်အခြေစိုက်စခန်းများကို လက်နက်ကိုင် တိုက်ခိုက်ခြင်းအား မည်သို့လုပ်ဆောင်သလဲဟု သူကပြောကြားခဲ့သည်။

အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့၏ ယခုအစီရင်ခံစာကြောင့် ဘင်္ဂါလီများကို ပြန်လည်ပို့ဆောင်ရေးအတွက် မြန်မာနှင့် ဘင်္ဂလားဒေ့ရှ် နှစ်နိုင်ငံ ဆွေးနွေးမှုများအပေါ် အပျက်လက္ခဏာ ဆောင်သည့် အကျိုးသက်ရောက်မှုကို သူကပယ်ချခဲ့ပြီး ယနေ့အချိန်တွင် လူတို့က အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့၏ အစီရင်ခံစာကို မယုံကြည်ဟု နောက်ထပ်မေးခွန်း တစ်ခုကို သူကဖြေကြားခဲ့သည်။

ဒုက္ခသည်များ ပြန်လည်ပို့ဆောင်ရေးကို မြန်မာနှင့် ဆွေးနွေးရာတွင် အလွန်ခက်ခဲ နေသော်လည်း ဆွေးနွေးမှုမျာကို ဆက်လက် လုပ်ဆောင်လျက်ရှိပြီး ဘင်္ဂလားဒေ့ရ်ှက ပေးပို့ထားသော ဒုက္ခသည်စာရင်း ၈၀၃၂ ထဲက ၂၀၀၀ ကို မြန်မာဘက်က စစ်ဆေးအတည်ပြုပြီးပြီဟု မာမွတ်အလီက ဖြေကြားခဲ့သည်။

လွန်ခဲ့သော သြဂုတ်လတွင် ရဲကင်းများကို စီးနင်းတိုက်ခိုက်ချိန်နှင့် တစ်ပြိုင်တည်းမှာပင် ARSA က မောင်တာမြို့နယ်မြောက်ပိုင်းရှိ ကျေးရွာစုများတွင် လူအစုလိုက် အပြုံလိုက် သတ်ဖြတ်မှုများကို လုပ်ဆောင်ခဲ့ခြင်း ဖြစ်ကြောင်း ဘင်္ဂလားဒေ့ရ်ှနှင့် ရခိုင်ပြည်နယ်ရှိ ဒုက္ခသည်များကို တွေ့ ဆုံမေးမြန်းမှုများက အတည်ပြုခဲ့သည်ဟု အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့က ပြောကြားခဲ့သည်။

ARSA အနေဖြင့် အခြားသော နေရာများတွင်ပါ ပိုမိုသေးငယ်သော အတိုင်းအတာဖြင့် အရပ်သားများအပေါ် အကြမ်းဖက်မှု ကျုးလွန်ရာတွင် တာဝန်ရှိသည်ဟု ယခုတွေ့ရှိချက်များက ညွှန်ပြလျက်ရှိသည်။

 

ဘင်္ဂါလီ အကြမ်းဖက်သမားများက ဟိန္ဒူအရပ်သားများကို အစုလိုက် အပြုံလိုက် သတ်ဖြတ်ခဲ့သည်ဟု အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ ထုတ်ဖော်

ရခိုင်ပြည်နယ် မောင်တောမြို့နယ် ရဲဘော်ကျကျေးရွာတွင် သေဆုံးသွားသော မိသားစုဝင်များအနီး ငိုနေကြသော ဟိန္ဒူအမျိုးသမီးများအား ၂၀၁၇ စက်တင်ဘာ ၂၇ ရက်က ရိုက်ကူးထားသော ဓာတ်ပုံကို တွေ့ရစဉ် (Photo : AFP)

မြန်မာနိုင်ငံရှိ ဘင်္ဂါလီအကြမ်းဖက်သမားများက လွန်ခဲ့သော သြဂုတ်အတွင်းက တိုက်ခိုက်မှုများတွင် ဟိန္ဒူအရပ်သား ဒါဇင်ပေါင်းများစွာကို သတ်ဖြတ်ခဲ့ကြောင်း အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့၏ စုံစမ်းစစ်ဆေးမှု တစ်ရပ်က ထုတ်ဖော်ခဲ့သည်။

လူအစုလိုက်အပြုံလိုက် သတ်ဖြတ်မှုတစ်ခု သို့မဟုတ် နှစ်ခုတွင် ARSA ဟုခေါ်သော  ဘင်္ဂါလီ အကြမ်းဖက် သမားများက ဟိန္ဒူအရပ်သား ၉၉ ဦးကို သတ်ဖြတ်ခဲ့သည်ဟု လူ့အခွင့်အရေးအဖွဲ့က ပြောကြားခဲ့သည်။ အစုလိုက် အပြုံလိုက် သတ်ဖြတ်မှုတွင် ပက်သက်ခြင်းကို ARSA က ငြင်းဆန်ခဲ့သည်။

မြန်မာ့လုံခြုံရေး တပ်ဖွဲများကို ၀င်ရောက် တိုက်ခိုက်သည့် ပထမဦးဆုံးရက်တွင် ယင်းသတ်ဖြတ်မှုမျာကို ပြုလုပ်ခဲ့ခြင်းဖြစ်သည်ဟု ဆိုသည်။ ရက်စက်ကြမ်းကြုတ်သောလုပ်ရပ် ဖြစ်သည်ဟု မြန်မာအစိုးရက စွပ်စွဲထားသည်။ ပဋိပက္ခကြောင့် လွန်ခဲ့သော သြဂုတ်လမှစ၍ ဘင်္ဂါလီ မွတ်ဆလင် ၇၀၀၀၀၀ နီးပါးသည် ဘင်္ဂလားဒေ့ရ်ှဘက်သို့ ထွက်ပြေးခဲ့ကြသည်။

ရခိုင်ပဋိပက္ခသည် မြန်မာနိုင်ငံရှိ လူများစု ဗုဒ္ဓဘာသာဝင်များကိုသာမက လူနည်းစု ဟိန္ဒူတို့ကိုပါ အိုးအိမ်စွန့်ပြေး စေခဲ့ရသည်။

လွန်ခဲ့သော သြဂုတ်လတွင် ရဲကင်းများကို စီးနင်းတိုက်ခိုက်ချိန်နှင့် တစ်ပြိုင်တည်းမှာပင် ARSA က မောင်တာမြို့ နယ် မြောက်ပိုင်းရှိ ကျေးရွာစုများတွင် လူအစုလိုက် အပြုံလိုက် သတ်ဖြတ်မှုများကို လုပ်ဆောင်ခဲ့ခြင်း ဖြစ်ကြောင်း ဘင်္ဂလားဒေ့ရ်ှနှင့် ရခိုင်ပြည်နယ်ရှိ ဒုက္ခသည်များကို တွေ့ဆုံမေးမြန်းမှုများက အတည်ပြုခဲ့သည်ဟု အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့ က ပြောကြားခဲ့သည်။

ARSA အနေဖြင့် အခြားသော နေရာများတွင်ပါ ပိုမိုသေးငယ်သော အတိုင်းအတာဖြင့် အရပ်သားများအပေါ် အကြမ်းဖက်မှု ကျုးလွန်ရာတွင် တာဝန်ရှိသည်ဟု ယခုတွေ့ ရှိချက်များက ညွှန်းဆိုလျက်ရှိသည်။

ARSA အဖွဲ့ ဝင်များက သြဂုတ်၂၆ ရက်တွင် အနောက်ခမောင်းဆိတ် ဟိန္ဒူကျေးရွာကို တိုက်ခိုက်ခဲ့ပုံအား ယင်းအစီရင်ခံစာတွင် အသေးစိတ် ဖော်ပြထားသည်။

“ရက်စက်ပြီး အဓိပ္ပာယ်မဲ့တဲ့ အခုလုပ်ရပ်မှာ ARSA အဖွဲ့ဝင်တွေဟာ ဟိန္ဒူအမျိုးသမီးတွေ၊ အမျိုးသားတွေနဲ့ ကလေးတွေကို အစုလိုက် အပြုံလိုက် ဖမ်းဆီးခဲ့ပါတယ်။ သူတို့ကို သူတို့ရွာရဲ့ အပြင်ဘက်မှာ သတ်ဖြတ်ခြင်း မပြုခင် သူတို့ကို အကြမ်းဖက် ခြိမ်းခြောက်ခဲ့ကြပါတယ်” ဟု အစီရင်ခံစာက ဆိုသည်။

ဆွေမျိုးများ အသတ်ခံရသည်ကို မြင်တွေ့ခဲ့သူများ ရှိခဲ့ပြီး ၄င်းတို့၏ စူးစူးဝါးဝါး     အော်သံများကို ကြားရသများလည်း ရှိကြောင်း အသတ်မသေးဘဲ ကျန်ခဲ့သော ဟိန္ဒူများက အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ကို ပြောကြားခဲ့ကြသည်။

“သူတို့က အမျိုးသားတွေကို သတ်ဖြတ်ခဲ့ကြပါတယ်။ သူတို့ကို မကြည့်နဲ့လို့လည်း ကျွန်မတို့ကို ပြောခဲ့ပါတယ်။ သူတို့မှာ ဓားတွေပါကြတယ်။ ပုဆိန်တွေနဲ့ သံတုတ်တွေလည်းပါတယ်။ ကျွန်မတို့က အဲ့ဒီနားက ချုံပုတ်ထဲမှာ ပုန်းနေခဲ့ကြတာပါ။ နည်းနည်းတော့ လှမ်းမြင်ရပါတယ်။ ကျွန်မရဲ့ ဦးလေး၊ ကျွန်မရဲ့ အဖေနဲ့ ကျွန်မအစ်ကိုတို့ကို သူတို့က သတ်ခဲ့ကြတာပါ” ဟု အနောက်ခမောင်းဆိတ်ရွာမှ အမျိုးသမီး တစ်ဦးက ပြောကြားခဲ့သည်။

အမျိုးသား ၂၀ ဦး၊ အမျိုးသမီး ၁၀ ဦး၊ အသက်ရှစ်နှစ်အောက် ကလေး ၁၄ ဦး အပါအ၀င် ကလေး ၂၃ ဦးကို သတ်ဖြတ်ခဲ့သည်ဟု ဘင်္ဂါလီ အကြမ်းဖက်သမားများအား စွပ်စွဲထားသည်။

လွန်ခဲ့သော စက်တင်ဘာလတွင် အစုလိုက် အပြုံလိုက် မြှပ်ထားသော မြေကျင်းလေးခုထဲမှ ရွာသား ၄၅ ဦး၏ အလောင်းများကို တူးဖော်ခဲ့သည်ဟု အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ က ပြောကြားခဲ့သည်။ အနီးအနား ရဲဘော်ကျရွာမှ ၄၆ ဦး အပါအ၀င် အခြားနှိပ်စက် သတ်ဖြတ် ခံခဲ့ရသူများ၏ အလောင်းများကို ရှာတွေ့ ခြင်း မရှိသေးပေ။

ရဲဘော်ကျကျေးရွာရှိ ဟိန္ဒူအမျိုးသား၊ အမျိုးသမီးများနှင့် ကလေးများကို အစုလိုက် အပြုံလိုက် သတ်ဖြတ်မှုသည် တစ်နေ့တည်းတွင် ဖြစ်ပွားခဲ့ခြင်း ဖြစ်သောကြောင့် ခန့်မှန်းခြေ သေဆုံးသူ စုစုပေါင်း အရေအတွက်မှာ ၉၉ ဦးရှိသည်ဟု စုံစမ်းဖော်ထုတ်မှုတွင် ဖော်ပြထားသည်။

လွန်ခဲ့သော နိုဝင်ဘာတွင် ဘင်္ဂလားဒေ့ရ်ှသို့ ဘင်္ဂါလီမွတ်ဆလင်များ ထွက်ပြေးမှုနှင့် ပက်သက်၍ လည်းကောင်း မြန်မာလုံခြုံရေး တပ်ဖွဲ့ များ၏ ရက်စက်မှု သတင်းများနှင့် ပက်သက်၍လည်းကောင်း နိုင်ငံတကာက စိုးရိမ်းကြောင်း ပြောဆိုမှုများ မြင့်တက်လာချိန်တွင် လူအစုလိုက် အပြုံလိုက် မြှပ်ထားသော မြေကျင်းကို တွေ့ရှိခဲ့ကြောင်း မြန်မာအစိုးရက ကြေညာခဲ့သည်။ သို့ရာတွင် သေဆုံးသူများမှာ မွတ်ဆလင်များ မဟုတ်ကြဘဲ ARSA မှမွတ်ဆလင်များက ဟိန္ဒူများကို သတ်ခဲ့ခြင်း ဖြစ်သည်ဟု မြန်မာအစိုးရက ထုတ်ဖော်ပြောကြားခဲ့သည်။

မြေကျင်းနှင့် အလောင်းများရှိရာ နေရာသို့ သတင်းထောက်များကို ခေါ်ဆောင်ပြသ ခဲ့သော်လည်း မြန်မာအစိုးရက လွတ်လပ်သော လူ့အခွင့်အရေး သုတေသီများကို ရခိုင်ပြည်နယ်သို့ ၀င်ရောက်ခွင့်အား ဆက်လက်ငြင်းဆန် နေခဲ့သောကြောင့် အနောက်ခမောင်းဆိတ်နှင့် အနီးနားက ရဲဘော်ကျကျေးရွာတို့တွင် ဖြစ်ပွားခဲ့သည့် ကိစ္စကို တိတိကျကျ သိရှိရေးမှာ မရေမရာ ဖြစ်ခဲ့ရသည်။ တစ်ချိန်တည်းမှာပင် ARSA က အစုလိုက်အပြုံလိုက် သတ်ဖြတ်ခြင်းကို ငြင်းဆန်နေခဲ့ပြီး ၄င်းအဖွဲ့ က အများပြည်သူကို ထုတ်ပြန်ကြေညာချက် မပြုလုပ်ခဲ့သည်မှာ အချိန်လေးလ ကြာမြင့်ခဲ့သည်။

ရခိုင်ပဋိပက္ခနှင့် ပက်သက်၍ နိုင်ငံတကာ မီဒီယာများက သတင်းကို တစ်ဘက်စောင်းနင်း ဖော်ပြခဲ့နေသည်ဟု မြန်မာအစိုးရက မကျေမနပ် ပြောကြားခဲ့သော်လည်း လူများအစုလိုက် အပြုံလိုက် သတ်ဖြတ်ခံရသော သတင်းကို ထိုအချိန်တွင် နိုင်ငံတာကာ နာမည်ကြီး သတင်းမီဒီယာများက ဖော်ပြပေးခဲ့ကြသည်။

မြန်မာအစိုးရက မကျေမနပ် ပြောကြားခဲ့သော်လည်း လူများအစုလိုက် အပြုံလိုက် သတ်ဖြတ်ခံရသည့် သတင်းကို ထိုအချိန်က နိုင်ငံတကာ သတင်းမီဒီယာာက ဖော်ပြပေးခဲ့ကြသည်။

လူသတ်သမားများသည် ဘင်္ဂလားဒေ့ရ်ှသို့ ထွက်ပြေးသွားပြီး မျက်မြင်သက်သေ အမြောက်အများရှိကြောင်း၊ သို့သော်လည်း တရားမျှတမှုကို မရရှိကြောင်း ဟိန္ဒူရပ်ကျေးခေါင်းဆောင် နီမောက အေဖက်ပီကို ပြောကြားခဲ့သည်။

“လူတွေက ဟိန္ဒူတွေ သတ်ခံရတာကို သိပ်စိတ်မ၀င်စားကြပါဘူး” ဟု ဘင်္ဂါလီ မွတ်ဆလင်တို့အား ရက်စက်မှုများအကြောင်း ဖော်ပြသည့် သတင်းများနှင့် နှိုင်းယှဉ်ပြီး ၎င်းက ပြောကြားခဲ့သည်။

မြန်မာနိုင်ငံကို အပြည်ပြည်ဆိုင်ရာက ဖိအားပေးမှုများကြောင့် ARSA ၏ လုပ်ရပ်များအတွက် မျက်နှာစာပေးမှု ရှိလာမည် မဟုတ်ကြောင်း နိုင်ငံတော်အတိုင်ပင်ခံရုံး ပြောရေးဆိုခွင့်ရှိသူ ဦးဇော်ဌေးက Amnesty ၏ အစီရင်ခံစာနှင့် ပတ်သက်ပြီး မေးမြန်းမှုကို ဖြေကြားခဲ့သည်။

နှစ်နိုင်ငံနယ်စပ်စည်းမျဉ်းအနီး ARSA အကြမ်းဖက်အဖွဲ့များ ရောနှောဝင်ရောက်နေခြင်း၊ နေထိုင်သူများ တရားမ၀င်တိုးပွားလာမှုကို သတင်းဖလှယ်မှုမရှိခြင်းသည် သတ်မှတ်ချက်များကို ချိုးဖောက်ရာရောက်ကြောင်း နှစ်နိုင်ငံတပ်ရင်းမှူးအဆင့် တွေ့ဆုံဆွေးနွေးပွဲတွင် မြန်မာကန့်ကွက်

နှစ်နိုင်ငံ တပ်ရင်းမှူးအဆင့် အလံတင်အစည်းအဝေး ကျင်းပပြုလုပ်မှုကို တွေ့ရစဉ် (ဓာတ်ပုံ – သတင်းထုတ်ပြန်ရေး ကော်မတီ)

နေထိုင်ခွင့်မရှိသည့် နှစ်နိုင်ငံနယ်စပ် စည်းမျဉ်းအနီး ARSA အကြမ်းဖက်အဖွဲ့များ ရောနှောဝင်ရောက်နေသည့် နေထိုင်သူများ တရားမ၀င်တိုးပွားလာမှုကို သတင်းဖလှယ်မှုမရှိခြင်းသည် နှစ်နိုင်ငံနယ်နိမိတ် စာချုပ်၏ သတ်မှတ်ချက်များကို ချိုးဖောက်ရာရောက်ကြောင်း နှစ်နိုင်ငံတပ်ရင်းမှူးအဆင့် တွေ့ဆုံဆွေးနွေးပွဲတွင် မြန်မာနိုင်ငံက ကန့်ကွက်ခဲ့ကြောင်း သတင်းထုတ်ပြန်ရေးကော်မတီက ထုတ်ပြန်သည်။

မေ ၁၆ ရက်က တောင်ပြိုလက်ဝဲ ၀င်ထွက်တံတားအနီးပြုလုပ်ခဲ့သည့် မြန်မာနိုင်ငံနှင့် ဘင်္ဂလားဒေ့ရ်ှနိုင်ငံတို့၏ နှစ်နိုင်ငံ တပ်ရင်းမှူးအဆင့် တွေ့ဆုံဆွေးနွေးပွဲတွင် မြန်မာဘက်က ယင်းကဲ့သို့ ကန့်ကွက်ခဲ့ခြင်း ဖြစ်သည်။

အဆိုပါ တွေ့ဆုံဆွေးနွေးပွဲတွင် ပြောကြားခဲ့သော မြန်မာနိုင်ငံနယ်ခြားစောင့် ရဲတပ်ဖွဲ့ခွဲမှူး၏ ပြောကြားမှုများအရ နှစ်နိုင်ငံ နယ်စပ်စည်းမျဉ်းအနီးတွင် မေ ၆ ရက် မှ မေ ၈ ရက်အတွင်း ယာယီတဲအသစ်ရှစ်လုံး ဆောက်လုပ်ထားသည်ကို တွေ့ရှိခဲ့ကြောင်း သတင်းထုတ်ပြန်ရေးကော်မတီက ဖော်ပြထားသည်။

မြန်မာနိုင်ငံနယ်ခြားစောင့် ရဲတပ်ဖွဲ့ခွဲမှူးက နှစ်နိုင်ငံနယ်စပ်စည်းမျဉ်းအနီး နေထိုင်ခွင့်မရှိသောနေရာတွင် လူဦးရေ၊ အိမ်ထောင်စုများ တရားမ၀င်တိုးပွားလာမှုကို သတင်းဖလှယ်မှုမရှိခြင်းသည် နှစ်နိုင်ငံအကြား ချုပ်ဆိုထားသော နယ်နိမိတ်စာချုပ်ပါ သတ်မှတ်ချက်များကို ချိုးဖောက်ရာ ရောက်သဖြင့် မြန်မာနိုင်ငံဘက်က တရားဝင်ကန့်ကွက်ကြောင်းနှင့် ARSA အကြမ်းဖက်အဖွဲ့များပါ ရောနှောဝင်ရောက်လာကြောင်း သိရသဖြင့် ကာကွယ်တားဆီးပေးရန် ပြောကြားခဲ့ကြောင်း သိရသည်။

မြန်မာနိုင်ငံ၏ တရားဝင်ကန့်ကွက်မှုအား ဘင်္ဂလားဒေ့ရှ် နယ်ခြားစောင့်ရဲတပ်ရင်းမှူးက နေရပ်စွန့်ခွာသူများသည် ကမ္ဘာ့အဖွဲ့အစည်းများ၏ ထောက်ပံ့ပေးမှုကြောင့် ရပ်တည်နေခြင်းဖြစ်ပြီး ၂၀၁၇ ခုနှစ်ဖြစ်စဉ်အပြီး ပြောင်းရွှေ့ဒုက္ခသည်များသည် ယခုအချိန်ထိ နယ်နိမိတ်စည်းမျဉ်းအတွင်း နေထိုင်လျက်ရှိကြောင်း၊ ဘင်္ဂလားဒေ့ရ်ှနိုင်ငံဘက်က ထောက်ပံ့ပေးခဲ့မှုမရှိကြောင်း၊ ကမ္ဘာ့အဖွဲ့အစည်းများအနေဖြင့် ထောက်ပံ့သည့် လူသားချင်းစာနာထောက်ထားမှုဆိုင်ရာ အကူအညီပေးမှုများဖြစ်သဖြင့် ဘင်္ဂလားဒေ့ရ်ှနိုင်ငံအနေဖြင့် ကန့်ကွက်၍မရကြောင်း စသည်ဖြင့် ပြန်လည်ဆွေးနွေးခဲ့သည်ဟု သတင်းထုတ်ပြန်ရေးကော်မတီ၏ ထုတ်ပြန်ချက်တွင် ဖော်ပြထားသည်။

လက်ရှိတွင် နှစ်နိုင်ငံနယ်စပ်၌ ဘင်္ဂါလီများ နေထိုင်လျက်ရှိပြီး မြန်မာအစိုးရအနေဖြင့် နယ်စပ်အား စောင့်ကြည့်ကာ လုံခြုံရေး လုပ်ငန်းများ ဆောင်ရွက်လျက်ရှိသည်။

ARSA ဘယ်ပျောက်နေသလဲ

၂၀၁၇ သြဂုတ် ၆ ရက်က ရန်ကုန်မြို့တွင်ပြုလုပ်သော မောင်တောဒေသ စုံစမ်းစစ်ဆေးရေးကော်မရှင်၏ သတင်းစာရှင်းလင်းပွဲတွင် ပြသထားသော ARSA နှင့် ပတ်သက်သည့် ဓာတ်ပုံမှတ်တမ်းအချို့ (ဓာတ်ပုံ-ကြည်နိုင်)

ကိုဖီအာနန်၏ ရခိုင်ပြည်နယ်ဆိုင်ရာ အကြံပေးကော်မရှင်၏ အပြီးသတ် အစီရင်ခံစာထွက်ပေါ်လာပြီး တစ်ရက်အကြာ ၂၀၁၇ ခုနှစ် သြဂုတ် ၂၅ ရက်တွင် ရခိုင်ပြည်နယ်ရှိ ရဲကင်း ၃၀ အား ARSA အဖွဲ့က အကြမ်းဖက်တိုက်ခိုက်ခဲ့သည်မှာ ၁၀ လကျော် ကြာမြင့်ခဲ့ပြီ ဖြစ်သည်။ ချိန်သားကိုက်လုပ်ဆောင်ခဲ့သည့် ယင်းဖြစ်စဉ်အပြီးတွင် အကြမ်းဖက်မှုများ စတင်လုပ်ဆောင်ခဲ့သည့် ARSA အဖွဲ့နှင့်ပတ်သက်သည့် သတင်းများ ပျောက်ခြင်းမလှပျောက်နေသည်။ ARSA အဖွဲ့၏ တိုက်ခိုက်မှုကြောင့် ကနဦးတွင် ရဲတပ်ဖွဲ့ဝင် ကိုးဦး၊ တပ်မတော်သားတစ်ဦးနှင့် ဒုလ၀ကမှူးတစ်ဦး ကျဆုံးခဲ့ပြီး နောက်ပိုင်းတွင် ဟိန္ဒူဘာသာဝင်များကို သတ်ဖြတ်ခဲ့ခြင်း၊ ဒေသခံဌာ နေတိုင်းရင်းသားများကို သတ်ဖြတ်ခဲ့ခြင်း စသည့် ဖြစ်စဉ်များ ဖြစ်ပွားခဲ့သည်။ ယင်းကြောင့် အကြမ်းဖက် တိုက်ခိုက်ခံရသည့် ဘူးသီးတောင်၊ မောင်တောဒေသမှ ဒေသခံဌာနေ တိုင်းရင်းသားများ စစ်တွေမြို့ပေါ်သို့ ထွက်ပြေးတိမ်းရှောင်ခဲ့ရသည်။

ယင်းကဲ့သို့ ဖြစ်စဉ်များအပြီးတွင် အကြမ်းဖက်တိုက်ခိုက်မှုများကို စတင်ပြုလုပ်ခဲ့သည့် ARSA ၏ လှုပ်ရှားမှုများမှာ ငြိမ်သက်လျက်ရှိပြီး လူမှုကွန်ရက်စာမျက်နှာတစ်ခုဖြစ်သည့် Twitter တွင်လည်း မည်သည့်ထုတ်ပြန်ချက်မျှ ထုတ်ပြန်ခြင်း မရှိသည်ကို တွေ့ရသည်။ ယင်းကဲ့သို့ ငြိမ်သက်နေခြင်းမှာ မြန်မာနိုင်ငံအပေါ် နိုင်ငံတကာမှ အာရုံစိုက်မှု များပြားနေသည့်အတွက်ကြောင့် ငြိမ်သက်ခြင်းဖြစ်နိုင်ကြောင်း နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောကြားသည်။

“နိုင်ငံတကာက မြန်မာနိုင်ငံအပေါ် အာရုံစိုက်မှုက ရှိနေတယ်လေ။ သူတို့က နိုင်ငံတကာနဲ့ အချိန်ကိုက်လှုပ်ရှားတာ။ နံပါတ်တစ်က နိုင်ငံတကာမှာ ကျွန်တော်တို့ ဘာဖိအားမှ မရှိသေးတဲ့အချိန်၊ ရခိုင်ကိစ္စကို အေးအေးဆေးဆေး စနစ်တကျ ကိုင်တွယ်ဖြေရှင်းဖို့ လုပ်နေတဲ့အချိန်မှာ အာဆာက စချတာပဲ။ ပြီးတော့ ကိုဖီအာနန်ကော်မရှင်ရဲ့ Report မှာ သူတို့လိုချင်တဲ့ မပါတဲ့ အနေအထားဖြစ်လာတဲ့အချိန်မှာ ဒီ Report ကို အကောင်အထည်ဖော်လို့မရအောင် စတာပဲ” ဟု ဦးဇော်ဌေးက ပြောကြားသည်။

အဆိုပါ အကြမ်းဖက်အဖွဲ့အစည်းအဖြစ် နိုင်ငံတကာကလည်း သတ်မှတ်ထားသည့် ARSA အဖွဲ့၏ လှုပ်ရှားမှုနှင့် ပတ်သက်၍ Asia Time သတင်းဌာနမှ သတင်းဆောင်းပါးတစ်ပုဒ်အား ဖော်ပြခဲ့သည်။

Asia Time ၏ သတင်းဆောင်းပါးတွင် ဖော်ပြချက်အရ အဆိုပါ ARSA အဖွဲ့မှာ အနောက်တိုင်းလူထုအတွင်း အသုံးအများဆုံးဖြစ်သည့် Twitter တွင် ၀ါဒဖြန့်မှု၊ ကြေညာချက်များ ထုတ်ပြန်ခြင်း စသည်တို့ကို ပြုလုပ်ခြင်းမရှိသည်မှာ သုံးလကျော်ကြာမြင့်ခဲ့ပြီဟု ရေးသားထားသည်။

အဆိုပါ ARSA ၏ တွစ်တာအကောင့်တွင် Follower ၁၂၆၀၀ ရှိပြီး ယင်းတို့အနက်တွင် အနောက်နိုင်ငံမှ ထင်ရှားသော တက်ကြွလှုပ်ရှားသူ ၂၉ ဦး၊ ရန်ကုန်အခြေစိုက် နိုင်ငံခြား သတင်းစာဆရာများနှင့် ကုလလူ့အခွင့်အရေး အထူးသံတမန်အဖြစ် တာဝန်ထမ်းဆောင်ခဲ့ သည့်မစ္စယန်ဟီလီးပါ ပါဝင်နေကြောင်း အဆိုပါ သတင်းဆောင်းပါးတွင် ဖော်ပြသည်။

ARSA အဖွဲ့က ရခိုင်ပြည်နယ် အကြမ်းဖက် တိုက်ခိုက်မခံရမီ ၂၀၁၇ ခုနှစ် မတ် ၂၉ ရက်မှ အကြမ်းဖက် တိုက်ခိုက်ခံရပြီးသည့်အချိန် ၂၀၁၈ ခုနှစ် ဇန်န၀ါရီ ၃၁ ရက်အထိ Twitter မှ ကြေညာချက်ပေါင်း ၂၇ ခု ထုတ်ပြန်ခဲ့ကြောင်း၊ မူလစတင်ရေးသားချိန်က ဂျီဟတ်ဆန်ဆန် ရေးသားခဲ့သော်လည်း ရခိုင်ပြည်နယ် အကြမ်းဖက်တိုက်ခိုက်ခံရပြီး နောက်ပိုင်းတွင် နိုင်ငံတကာ ထောက်ခံမှု ရရှိစေရန် ဘင်္ဂါလီများ၏ အခွင့်အရေး၊ ဌာနေတိုင်းရင်းသား အဆင့်ရရှိရေး၊ နိုင်ငံရေးပါတီအဖြစ် ထူထောင်နိုင်ရေး၊ အစိုးရ၀န်ထမ်းအဖြစ် တာဝန်ထမ်းဆောင်ခွင့်ရရေးစတဲ့ လူမျိုးစုတစ်ရပ်က တောင်းဆိုသည့် ရေးသားချက်များကို ဖော်ပြလာကြောင်း၊ အကြမ်းဖက်တိုက်ခိုက်မှုများအဖြစ် ကနဦး ရေးသားဖော်ပြခဲ့သော်လည်း နောက်ပိုင်းတွင် တော်လှန်ရေးသဘောမျိုးပေါ်လွင်အောင် ပြောင်းလဲရေးသားလာခဲ့ကြောင်း Asia Time က ဖော်ပြထားသည်။

ရခိုင်အကြမ်းဖက် တိုက်ခိုက်မခံရမီအချိန်ဖြစ်သည့် ဇွန် ၂၉ ရက်တွင် ARSA ၏ တပ်မှူး အဘူအမ်မာ Abu Ammar က ပေးပို့သည့် သတင်းတစ်ခုကို အဖွဲ့၏ Twitter အကောင့်တွင် တင်ခဲ့ပြီး “ဗဟိုဌာနချုပ်မှ သတင်းအချက်အလက်နှင့် ကြေညာချက်အားလုံးတို့ကို Twitter စာမျက်နှာမှ ထုတ်ပြန်လိမ့်မည် ဖြစ်ကြောင်း” ပြောကြားချက်နှင့်အတူ AK-47 ချေမှုန်းရေး ရိုင်ဖယ်တစ်လက်နှင့် ပစ္စတိုတစ်လက်ကိုင်ထားသော အမျိုးသားတစ်ဦး၏ ပုံတင်ခဲ့သည်။

ရခိုင်ပြည်နယ်၏ အမှောင်မိုက်ဆုံးနေ့ရက်ဟု ခေါ်ဆိုနိုင်သည့် သြဂုတ် ၂၅ ရက်မတိုင်မီ သြဂုတ် ၂၄ ရက်တွင် ARSA ၏ ကိုယ်ပိုင်အကောင့်များက Twitter တွင် ရခိုင်ပြည်နယ်ရှိ နေရာ ၂၅ ခုကျော်ရှိ မြန်မာတပ်များကို ကာကွယ်တိုက်ခိုက်မှုများ ပြုလုပ်နေပြီး နောက်ပိုင်းတွင် ပိုမိုများပြားလာမည်ဟု ရေးသားခဲ့ပြီး သြဂုတ် ၂၅ ရက်ညပိုင်းတွင် ယင်းသို့ တိုက်ခိုက်ခြင်းမှာ အဖိနှိပ်ခံပြည်သူများကို ကာကွယ်ရန်နှင့် ဖိနှိပ်သူများ၏ လက်မှလွတ်မြောက်ရန်အတွက် ခြေလှမ်းတစ်ခုဖြစ်သည်ဟု ရေးသား ဖော်ပြခဲ့ကြောင်း Asia Time က ဖော်ပြထားသည်။

ARSA ၏ သတင်းထုတ်ပြန်ချက်များတွင် ဖော်ပြထားခြင်းမရှိသည်မှာ မီဒီယာများအတွက် အခြေခံ အစိတ်အပိုင်းတစ်ခုဖြစ်သော ဆက်သွယ်ရန် လိပ်စာ၊ ဆက်သွယ်ရမည့်သူ မပါဝင်ခြင်းဖြစ်ပြီး ၎င်းတို့၏ ကြေညာချက်အများစုမှာ အင်္ဂလိပ်ဘာသာနှင့်ဖြစ်ကာ မြန်မာဘာသာနှင့် တစ်ခုသာရှိခဲ့သည်ဟု Asia Time က ဆက်လက်ရေးသားထားသည်။

ARSA အဖွဲ့ လူမှုကွန်ရက်တွင် ယင်းကဲ့သို့ ငြိမ်သက်နေခြင်းမှာ ဘင်္ဂလားဒေ့ရ်ှနိုင်ငံတွင် ခြေကုပ်ယူပြီး နောက်တစ်ကြိမ် အကြမ်းဖက်လုပ်ငန်းများ လုပ်ဆောင်နိုင်ရန်နှင့် ၎င်းတို့၏ မူလရည်ရွယ်ချက်ဖြစ်သည့် ICC က ၀င်ရောက်စစ်ဆေးမည်ဆိုသည့် ယူဆချက်အား ကြေညာချက်၊ ရေးသားချက်များကြောင့် မထိခိုက်စေလိုခြင်းဖြစ်နိုင်ကြောင်း Asia Time က ရေးသားထားသည်။

ARSA ဆိုတာ ဘာလဲ

ရခိုင်ပြည်နယ်တွင် အကြမ်းဖက်မှုများ လုပ်ဆောင်ခဲ့သည့် ရိုဟင်ဂျာ ကယ်တင်ရေးတပ် ARSA (Arakan Royigya Salvation Army) ကို ၂၀၁၂ ခုနှစ်တွင် စတင်ဖွဲ့စည်းခဲ့ပြီး မောင်တောဒေသရှိ မေယုတောင်တန်းများတွင် ရခိုင်ပြည်နယ်သို့ ခိုးဝင်လာသည့် ဘင်္ဂါလီများကို အခြေခံတိုက်ခိုက်ရေး သင်တန်းများ သင်ကြားပေးခဲ့ကြောင်း အစိုးရက ထုတ်ပြန်ထားသည်။

ARSA အဖွဲ့ကို ဦးဆောင်သူမှာ အာတာအူလာဖြစ်ပြီး ၎င်းကို ပါကစ္စတန်နိုင်ငံ ကရာချိတွင် မွေးဖွားခဲ့ပြီး ဆော်ဒီအာရေဗျတွင် ကြီးပြင်းခဲ့ကာ ပြောက်ကျားသင်တန်းအချို့ တက်ရောက်ခဲ့ကြောင်း သိရသည်။

ထို့ပြင် ဖမ်းဆီးရမိသည့် ဘင်္ဂါလီအကြမ်းဖက်သမားများကို စစ်ဆေးချက်များအရ ARSA အဖွဲ့အား ပြည်ပက ထောက်ပံ့မှုများရှိကြောင်း မြန်မာအစိုးရက ထုတ်ပြန် ကြေညာခဲ့သည်။ ARSA (Arakan Royigya Salvation Army) အဖွဲ့၏ ဘဏ္ဍာရေးတာဝန်ခံ မော်လ၀ီဂျီရာဘူရာမန်အား ကျွန်းဂေါကျေးရွာနေအိမ်တွင် ဇွန် ၂၀ ရက်က လုံခြုံရေးတပ်ဖွဲ့ဝင်များက ဖမ်းမိခဲ့ပြီး ၎င်းအား စစ်ဆေးချက်များအရ ARSA အဖွဲ့၏ စစ်ရေးတာဝန်ခံအဖြစ် ဟာဗစ်ဒူဟာက တာဝန်ယူထားကြောင်း သိရသည်။

ထို့ပြင် ဖမ်းမိခဲ့သည့် မောင်တောဒေသတွင် အကြမ်းဖက်သင်တန်း တက်ရောက်သူများအား စစ်ဆေးချက်များအရ သင်တန်းသားများကို တစ်လကျပ်နှစ်သိန်း ထောက်ပံ့ကာ ငါးလကြာ အကြမ်းဖက်သင်တန်းများ ပို့ချခြင်း၊ ပြည်ပနိုင်ငံအချို့မှ သင်တန်းဆရာများကို ငွေပို့ခြင်းများ ဆောင်ရွက်ခဲ့ကြောင်း သိရသည်။

ARSA အဖွဲ့၏ ဘဏ္ဍာရေးအား အရှေ့အလယ်ပိုင်းနိုင်ငံများတွင် အလှူငွေကောက်ခံခြင်းကို အဓိကထားဆောင်ရွက်လျက်ရှိပြီး အရှေ့အလယ်ပိုင်းဒေသနှင့် ဖိလစ်ပိုင်တောင်ပိုင်းဒေသများတွင် အခြေအနေ မကောင်းခဲ့သည့် ISIS အဖွဲ့နှင့် ချိတ်ဆက်လှုပ်ရှားမှုများ ရှိနေကြောင်း အစိုးရက ထုတ်ပြန်ခဲ့သည်။

အိမ်နီးချင်း ဘင်္ဂလားဒေ့ရှ် နိုင်ငံရဲ့ အကြမ်းဖက်မှုအပေါ် မြန်မာနှင့် ဆောင်ရွက်မှု

၂၀၁၇ ခုနှစ် နိုဝင်ဘာ ၁၄ ရက်က နေပြည်တော်တွင် ပြုလုပ်ခဲ့သည့် စတုတ္ထအကြိမ် မြန်မာ-ဘင်္ဂလားဒေ့ရှ် နယ်ခြားစောင့်တပ်ဖွဲ့များ လုံခြုံရေးနှင့် တရားဥပဒေစိုးမိုးရေး ပူးပေါင်းဆောင်ရွက်မှုဆိုင်ရာ ဗဟိုအဆင့် အစည်းအဝေးတွင် ARSA အကြမ်းဖက်အဖွဲ့ဝင်များ၏ အမည်စာရင်းများကို ဘင်္ဂလားဒေ့ရ်ှသို့ ပေးပို့ထားကြောင်း သတင်းထုတ်ပြန်ရေးကော်မတီက ထုတ်ပြန်ခဲ့သော်လည်း လက်ရှိအချိန်အထိ ဘင်္ဂလားဒေ့ရ်ှဘက်မှ ပြန်လည်အကြောင်းကြားခြင်း မရှိသေးကြောင်း နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောကြားသည်။

“အာဆာနဲ့ ပတ်သက်တာတော့ ဘင်္ဂလားဒေ့ရ်ှကို ပေးထားတယ်။ အကြမ်းဖက်သမား ၃၀၀၀ ကျော်ပေးထားတယ်။ တစ်ယောက်မှ ပြန်မရဘူး။ စာလည်းမလာဘူး။ သတင်းလည်း မကြားဘူး” ဟု ဦးဇော်ဌေးက ဆိုသည်။

ထို့ပြင် သတင်းများအရ ဘင်္ဂလားဒေ့ရ်ှဘက်ခြမ်းတွင် ARSA အကြမ်းဖက်သမားများ ခိုလှုံလျက်ရှိသော်လည်း အခြားနိုင်ငံပိုင်နက်တွင် ရောက်ရှိနေခြင်းကြောင့် အခက်တွေ့ရကြောင်း ဦးဇော်ဌေးက ဆက်လက်ပြောကြားသည်။

“နယ်စပ်မှာ ARSA အဖွဲ့ အမြစ်မပြတ်သရွေ့ကတော့ ဘယ်တော့မှ လုံခြုံမှာမဟုတ်ဘူး။ ဒါက မြန်မာတစ်နိုင်ငံတည်း လုပ်လို့မရဘူး။ ဘင်္ဂလားဒေ့ရ်ှဘက်မှာ ခိုနေတာ။ ဘင်္ဂလားဒေ့ရှ် မပူးပေါင်းသရွေ့ အဆင်မပြေဘူး” ဟု ဦးဇော်ဌေးက ပြောကြားသည်။

ထိုသို့ ဖြစ်ပွားမှုအပြင် မြန်မာအစိုးရက မိမိပိုင်နက်နယ်မြေတွင် လုံခြုံရေးကင်းစခန်းများ ချထားခြင်းအပေါ် ဘင်္ဂလားဒေ့ရ်ှနိုင်ငံဘက်က ကန့်ကွက်ခဲ့ခြင်းများကိုလည်း ကြုံတွေ့ခဲ့ရသည်။

ဘင်္ဂါလီဒုက္ခသည်များ စခန်းချနေသည့် ဘင်္ဂလားဒေ့ရ်ှနှင့် နယ်စပ်ဇုန်တစ်ခုတွင် အကြမ်းဖက်သမားများ၏ ခြိမ်းခြောက်မှုနှင့်ပတ်သက်ပြီး မြန်မာအစိုးရဘက်မှ လုံခြုံရေးစခန်းများကို တည်ဆောက်ခဲ့ရာ ယင်းဖြစ်စဉ်အပေါ်ဘင်္ဂလားဒေ့ရ်ှက တင်းမာမှုများကို လျှော့ချရန် ချက်ချင်းနောက်ဆုတ်ပေးရန် တောင်းဆိုခဲ့ခြင်းဖြစ်သည်။

ယင်းကဲ့သို့ တည်ဆောက်ခဲ့ခြင်းမှာ လုံခြုံရေးသတင်းအသစ်များ ရရှိထားခြင်းကြောင့်ဖြစ်ကြောင်း မြန်မာအစိုးရက တုံ့ပြန်ခဲ့သည်။

“အကြမ်းဖက်မှု အထူးသဖြင့် ARSA လှုပ်ရှားမှုနဲ့ပတ်သက်ပြီး ကျွန်တော်တို့ ရထားတဲ့ သတင်းအပေါ်အခြေခံပြီး ကျွန်တော်တို့ ဒီနည်းအတိုင်း ပြုလုပ်ရတာ ဖြစ်ပါတယ်” ဟု ဦးဇော်ဌေးက အေအက်ဖ်ပီသတင်းဌာနသို့ ပြောကြားခဲ့သည်။

လက်ရှိတွင် နှစ်နိုင်ငံနယ်စပ်လုံခြုံရေးအတွက် ပူးပေါင်းကင်းလှည့်ခြင်းများကို လုပ်ဆောင်နေခြင်းများရှိပြီး အကြမ်းဖက်များ ခြေကုပ်မယူနိုင်ရန် ပြုလုပ်ရခြင်းဖြစ်ကြောင်း Weekly Eleven သို့ ဦးဇော်ဌေးက ပြောကြားသည်။

“သူတို့တွေ ခြေကုပ်မယူနိုင်အောင် နှစ်နိုင်ငံပူးပေါင်း ကင်းလှည့်တာတွေကို ဇွတ်အတင်းလုပ်နေရတဲ့သဘောဖြစ်တယ်။ ဒါပေမဲ့ တစ်ဖက်နိုင်ငံက ပူးပေါင်းဆောင်ရွက်မှ အမြစ်ပြတ်မှာ။ မပူးပေါင်းသရွေ့ ARSA က ပြဿနာတွေ ဖန်တီးနေမှာပဲ။ အရှေ့အလယ်ပိုင်းမှာ အခြေမလှတော့ တောင်အာရှနဲ့ အရှေ့တောင်အာရှဘက်ကို ခြေကုပ်ယူနေတာ အကြမ်းဖက်တွေက။ အဲဒါကို ခြေမကုပ်နိုင်ခင် ရှင်းဖို့လိုတယ်” ဟု ဦးဇော်ဌေးက ပြောကြားသည်။

နိုင်ငံတကာ စောင့်ကြည့်ခံနေရသည့် အခြေအနေထက် ပိုမြင့်လာသည့် မြန်မာ

မြောက်ကိုရီးယားနှင့် အမေရိကန် ပါဝင်သော ပြိုင်ဘက်တို့၏ ပဋိပက္ခ၊ ဆော်ဒီအာရေဗီးယားနှင့် အီရန်တို့၏ ပဋိပက္ခပြီးလျှင် မြန်မာနိုင်ငံ၏ ရခိုင်ပြည်နယ်ဖြစ်စဉ်က ဘင်္ဂါလီအရေးဟာ ၂၀၁၈ ခုနှစ်အတွင်း စောင့်ကြည့်ရမည့် ကမ္ဘာ့ထိပ်တန်းအကျပ်အတည်း ၁၀ ခုမှာ တတိယနေရာ၌ ရှိနေကြောင်း ICG (International Crisis Group) က ၂၀၁၇ ခုနှစ်အကုန်တွင် ထုတ်ပြန်ထားသည်။

လက်ရှိတွင် မြောက်ကိုရီးယားနှင့် အမေရိကန်ပါဝင်သည့် ပြိုင်ဘက်တို့၏ ပဋိပက္ခမှာ အတန်ငယ် ငြိမ်းချမ်းနေသည့် အနေအထားဖြစ်နေခြင်းကြောင့် မြန်မာနိုင်ငံ၏ ရခိုင်ပြည်နယ်ဖြစ်စဉ် ဘင်္ဂါလီအရေးမှာ ထိပ်တန်းသို့ ရောက်ရှိလာသည့် အခြေအနေဖြစ်သည်။

မြန်မာနိုင်ငံသို့ ကုလသမဂ္ဂ လုံခြုံရေးကောင်စီအဖွဲ့ဝင် နိုင်ငံများမှ ကိုယ်စားလှယ်များ ဧပြီ ၃၀ နှင့် မေ ၁ ရက်များတွင် လာရောက် လေ့လာခဲ့သည်။ ယင်းကဲ့သို့ လာရောက်လေ့လာခဲ့ရာတွင် ရခိုင်ပြည်နယ်ရှိ အခြေအနေများကို မြန်မာအစိုးရက ပြသခဲ့သည်။ သို့သော် လာရောက်လေ့လာသည့် ကိုယ်စားလှယ်များနှင့် မြန်မာအစိုးရတို့အကြား အတန်ငယ်တင်းမာမှုများ ရှိခဲ့ကြောင်း သိရသည်။

ယင်းခရီးစဉ်နှင့် ပတ်သက်ပြီး ကုလသမဂ္ဂလုံခြုံရေးကောင်စီ၌ မေ ၁၄ ရက် မွန်းလွဲ ၃ နာရီတွင် တံခါးဖွင့် ရှင်းလင်းပွဲပြုလုပ်ခဲ့ရာ လက်ရှိအလှည့်ကျ ဥက္ကဋ္ဌဖြစ်သည့် ပိုလန်နိုင်ငံက အစည်းအဝေးကို ဦးဆောင်ကျင်းပပြီး ခရီးစဉ်များ ဦးဆောင်စီစဉ်သည့် ကူဝိတ်၊ ပီရူးနှင့် ယူကေတို့က ဘင်္ဂလားဒေ့ရ်ှနှင့် မြန်မာနိုင်ငံခရီးစဉ်များနှင့် ပတ်သက်၍ ရှင်းလင်းပြောကြားခဲ့သည်။

အဆိုပါ အစည်းအဝေးတွင် မြန်မာအမြဲတမ်းကိုယ်စားလှယ်သံ အမတ်ကြီး ဦးဟောက်ဒိုဆွမ်းကလည်း ရခိုင်ပြည်နယ်အရေးနှင့် ပတ်သက်ပြီး ရှင်းလင်းပြောကြားခဲ့သည်။

မြန်မာအစိုးရအနေဖြင့် မြေပြင်ဖြစ်ပေါ်မှု အခြေအနေများကို ပိုမိုနားလည်စေနိုင်ရန် လုံခြုံရေးကောင်စီ အဖွဲ့ဝင်များ၏ ခရီးစဉ်ကို လက်ခံစီစဉ်ပေးခဲ့ခြင်းဖြစ်ကြောင်း၊ နေရပ်စွန့်ခွာသူများ ဘေးကင်းပြီး ဂုဏ်သိက္ခာရှိစွာ နေရပ်သို့ ပြန်နိုင်ရေးကုလသမဂ္ဂနှင့် ပူးပေါင်းဆောင်ရွက်မှုများ မြင့်တင်နိုင်ရန် ရည်ရွယ်ကြောင်း၊ ကုလသမဂ္ဂနှင့် မိတ်ဖက် ပြုပူးပေါင်းဆောင်ရွက်မှုများမှ တစ်ဆင့်ကြီးမားသည့် စိန်ခေါ်မှုများကို ရင်ဆိုင်ဖြေရှင်းနိုင်မည်ဟု ယုံကြည်ကြောင်း၊ တိကျမှန်ကန်မှု၊ အပြန်အလှန် လေးစားမှုနှင့် နားလည်မှု မူများပေါ်တွင် အခြေခံသည့် အပြုသဘောဆောင်သည့် ထိတွေ့ပူးပေါင်းဆောင်ရွက်မှုများကို မိမိတို့အနေဖြင့် ယုံကြည်ကြောင်း၊ လုံခြုံရေးကောင်စီ၏ ခရီးစဉ်ကို အချိန်အကန့်အသတ်ကြားမှ အတတ်နိုင်ဆုံး စီစဉ် ဆောင်ရွက်ပေးခဲ့ကြောင်း၊ နိုင်ငံတော်၏ အတိုင်ပင်ခံပုဂ္ဂိုလ်က ခရီးစဉ်ကို အရေးပါသည့် မှတ်တိုင်တစ်ရပ်အဖြစ် မှတ်ချက်ပြုခဲ့ကြောင်း၊ ရခိုင်ပြည်နယ် ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးတိုးတက်မှုရှိစေရေးအတွက် မြန်မာအစိုးရ၏ သန္နိဋ္ဌာန်ချထားမှုကိုလည်း ထပ်လောင်း အတည်ပြုခဲ့ကြောင်း မြန်မာအမြဲတမ်းကိုယ်စားလှယ် သံအမတ်ကြီးက ပြောကြားခဲ့သည်။

ထိုသို့ ရှင်းလင်းတင်ပြမှုများကြောင့် မည်သည့်အခြေအနေများ ဖြစ်ပေါ်လာနိုင်သည်ကို စောင့်ကြည့်ရမည်ဖြစ်ပြီး လက်ရှိတွင်လည်း နိုင်ငံတကာမီဒီယာများတွင် နေရာယူထားသည့် ဘင်္ဂါလီများအား အကြမ်းဖက်နှိမ်နင်းသည်ဟု ဆိုသည့် သတင်းများကြောင့် နိုင်ငံတကာမှ ၀င်ရောက်စစ်ဆေးခြင်းများကို ခံနေရပြီဖြစ်သည်။

“အာဆာရဲ့ ထောင်ချောက်ထဲကို ဘင်္ဂလားဒေ့ရ်ှလည်း ၀င်နေတယ်။ နိုင်ငံတကာလည်း ၀င်နေတယ်။ အခုလုပ်နေတာတွေက ARSA ရဲ့ ရည်မှန်းချက်ကို ပိုပီပြင်အောင် လုပ်ပေးနေသလိုပဲ” ဟု ဦးဇော်ဌေးက မှတ်ချက်ပြုသည်။

ပျောက်နေတဲ့ ARSA ဘယ်အချိန် ပြန်ပေါ်လာမလဲ

ရခိုင်ပြည်နယ်တွင် အကြမ်းဖက်တိုက်ခိုက်မှုများ ပြုလုပ်ခဲ့သည့် ARSA အဖွဲ့မှာ လက်ရှိတွင် လှုပ်ရှားမှုများမရှိဘဲ ဖြစ်နေသည်ကို တွေ့ရသည်။ သို့သော် ပြန်လည်လွှဲပြောင်းရေးလုပ်ငန်းစဉ် လုပ်ဆောင်သည့် အချိန်တွင်လည်း တိုက်ခိုက်မှုများ ပြုလုပ်လာနိုင်ကြောင်း၊ ထိုသို့ မဟုတ်ဘဲ ပြန်လည်လက်ခံရေးလုပ်ငန်းစဉ်များ ပြီးမြောက်အောင်မြင်ပြီ ဆိုပါကလည်း ပြန်လည်တိုက်ခိုက်နိုင်သည့် အနေအထားများ ရှိနိုင်ကြောင်း ဦးဇော်ဌေးက ဆိုသည်။

“အခုချိန်ထိ ပြန်လည်လွှဲပြောင်းလက်ခံတဲ့ အစီအစဉ် လုပ်ငန်းတွေ မစနိုင်သေးဘူး။ အဲဒီလုပ်ငန်းစဉ်တွေစရင် သူတို့လှုပ်ရှားမှုတွေ ပြန်လာနိုင်တယ်။ အခြေအနေအကြောင်းကြောင့် နိုင်ငံတကာဖိအား လျော့ကျလာပြီဆိုရင် စမယ်။ နောက်တစ်ချက်က ဘင်္ဂလားဒေ့ရ်ှနဲ့ လုပ်မယ့်ဟာ စရင်လည်းချမှာပဲ။ အဲဒီလိုမှ မဟုတ်ရင် အေးအေးချမ်းချမ်း ဖြစ်သွားပြီဆိုရင်လည်း ချမှာပဲ။ သူတို့က နိုင်ငံတကာ Pressure နဲ့ ချိတ်ဆက်လှုပ်ရှားနေတယ်” ဟု ဦးဇော်ဌေးက ပြောကြားသည်။

သို့သော် ARSA အဖွဲ့၏ လုပ်ဆောင်ချက်များကို မသိကျိုးကျွန်ပြုထားသည့် နိုင်ငံတကာ၏ ပြုမူ ဆောင်ရွက်ချက်များမှာ မေးခွန်းထုတ်စရာပင်ဖြစ်သည်။ လတ်တလော ငြိမ်သက်လျက်ရှိသည့် ယင်းအဖွဲ့မှာ နိုင်ငံတကာ၏ အာရုံစိုက်စရာမြင်ကွင်းမှ လွတ်မြောက်လျက်ရှိသည်။ သို့သော် ၎င်းတို့၏ လှုပ်ရှားမှုမှန်သမျှမှာ နိုင်ငံတကာနှင့် ဆက်စပ်လျက်ရှိသည်ကို တွေ့ရမည်ဖြစ်ကြောင်း ဦးဇော်ဌေးက ပြောကြားသည်။

“မူလစဖြစ်ကတည်းက နိုင်ငံတကာနဲ့ ဆက်စပ်မှုရှိတယ်ဆိုတာ နိုင်ငံတကာသတင်းမီဒီယာတွေမှာလည်းပါတယ်။ ICG Report မှာလည်း ပါတယ်။ အလားတူ အိန္ဒိယ ထောက်လှမ်းရေးဘက်က သတင်းတွေမှာလည်းပါတယ်။ အဲဒီတော့ နိုင်ငံတကာနဲ့ ချိတ်ဆက်လှုပ်ရှားတာ။ အခု ICC ကိစ္စနဲ့ ဘာနဲ့ဖြစ်နေတဲ့အချိန်မှာ သူတို့ကအခြေအနေ aစာင့်ကြည့်နေတာ။ နိုင်ငံတကာကတော့ ARSA က အကြမ်းဖက် သတ်ဖြတ်ခဲ့တယ်ဆိုတာကို မေ့နေပြီ” ဟု ဦးဇော်ဌေးက ပြောကြားသည်။

မီဒီယာများတွင် ပျံ့နှံ့မှုအား ကောင်းခဲ့ပြီး နိုင်ငံတကာက အာရုံစိုက်နေသည့် ရခိုင်အရေးတွင် အဓိက ဇာတ်ကောင်ဖြစ်သည့် ARSA အဖွဲ့ မည်သည့်အချိန်တွင် လှုပ်ရှားလာမည်လဲဆိုသည်မှာ စောင့်ကြည့်ရမည်ဖြစ်သည်။ ထို့ပြင် လွတ်မြောက်နေသည့် အကြမ်းဖက်သမားများကိုလည်း အိမ်နီးချင်းဘင်္ဂလားဒေ့ရ်ှနိုင်ငံက မည်သည့်အချိန်တွင် ပေးအပ်မည်ဆိုသည်မှာ မေးခွန်းထုတ်ရမည့် အခြေအနေဖြစ်ပေသည်။

ARSA အနေဖြင့် ဒုက္ခသည်စခန်းများ၌ ခြေကုပ်ယူလျက်ရှိပြီး အကြမ်းဖက်မှုနှင့် အစွန်းရောက်တို့၏ အမာခံနယ်မြေတစ်ခု မကြာမီဖြစ်လာလိမ့်မည် ဖြစ်ကြောင်း သတင်းထုတ်ပြန်ရေးကော်မတီ ထုတ်ပြန်

ARSA အနေဖြင့် ဒုက္ခသည်စခန်းများ၌ ခြေကုပ်ယူလျက်ရှိနေပြီး အကြမ်းဖက်မှုနှင့် အစွန်းရောက်တို့၏ အမာခံ နယ်မြေတစ်ခု မကြာမီ ဖြစ်လာလိမ့်မည် ဖြစ်ကြောင်း သတင်းထုတ်ပြန်ရေးကော်မတီက မေ ၁၆ ရက်က ထုတ်ပြန်သည့် ထုတ်ပြန်ချက်တွင် ပါရှိသည်။

အလားတူ ဘင်္ဂလားဒေ့ရ်ှဘက်မှ ဒေသတွင်း၌ အစွန်းရောက်များ ပေါ်ပေါက်လာစေရန် အမှတ်တမဲ့ ခွင့်ပြုနေခြင်းအပေါ် မိမိတို့အနေဖြင့် လွန်စွာ စိုးရိမ်ပူပန်ပါကြောင်း ထုတ်ပြန်ချက်တွင် ပါရှိသည်။

မေ ၉ ရက်က လေးဦးမှ ခြောက်ဦးအထိ ပါဝင်သည့် အကြမ်းဖက်အုပ်စုသည် ဘူလူကာလီ ဒုက္ခသည်စခန်းသို့ ၀င်ရောက်ခဲ့ပြီး အသက် ၄၆ နှစ်အရွယ် Mohamed Faisal Ulhaq ဆိုသူအား ခေါ်ထုတ်ပြီး ဓားဖြင့် ထိုးသတ်မှု ဖြစ်ပွားခဲ့ကြောင်း၊ ၎င်းသည် နေရပ်တိမ်းရှောင်နေသူများ ရခိုင်ပြည်နယ်သို့ ပြန်ရန် လှုံ့ဆော်စည်းရုံးနေသူ တစ်ဦးဖြစ်သည်ဟု သိရကြောင်း သတင်းထုတ်ပြန်ချက်တွင် ပါဝင်သည်။

မြန်မာဘက်ခြမ်းရှိ အပြည်ပြည်ဆိုင်ရာ နယ်နိမိတ်မျဉ်းအတွင်း တရားမ၀င် နေထိုင်သူများကို အဆောက်အအုံများ ဆောက်လုပ်နိုင်ရန် ဘင်္ဂလားဒေ့ရ်ှက အကူအညီပေးလျက် ရှိသည်ကို တွေ့ရှိရကြောင်း၊ ယင်းမှာ မြန်မာနိုင်ငံ၏ ပိုင်နက်နယ်မြေ တည်တံ့မှုနှင့် အချုပ်အခြာအာဏာကို ပေါ်ပေါ်တင်တင် ချိုးဖောက်နေခြင်းပင် ဖြစ်ကြောင်း၊ ယင်းလုပ်ရပ်ကို ချက်ချင်းရပ်တန့်ရန် လိုအပ်ကြောင်း သတင်းထုတ်ပြန်ချက်တွင် ပါဝင်သည်။

မောင်တောဒေသရှိ တိုင်းရင်းသားများသည် အကြမ်းဖက်များ၏ ဆိုးရွားသည့် လုပ်ရပ်များကြောင့် စိတ်ဒဏ်ရာများ ခံစားနေကြရကြောင်း၊ ARSA များကြောင့် စိုးရိမ်ကြောက်ရွံ့မှုများ ကြီးမားလာပြီး မိမိတို့ပိုင်သည့် မြေပေါ်တွင်ပင် လူနည်းစု မလုံခြုံမှုများ ခံစားနေကြရကြောင်း သိရသည်။

 

ရခိုင်ပြည်နယ်ရှိ အရပ်သားပြည်သူများအပေါ် ရက်စက်ကြမ်းကြုတ်မှုများ ကျူးလွန်ခဲ့သည့် ARSA ကိုလည်း အရေးယူရန်လိုအပ်ပြီး အကြမ်းဖက်မှုများကို စုံစမ်းစစ်ဆေးရာတွင် ARSA အကြမ်းဖက်သမားများ၏ ရက်စက်မှုများလည်း ပါဝင်ရမည်ဖြစ်ကြောင်း ကုလသမဂ္ဂလုံခြုံရေးကောင်စီ၌ မြန်မာသံအမတ်ကြီး တုံ့ပြန်

ကုလသမဂ္ဂလုံခြုံရေး ကောင်စီ၌ မေ ၁၄ ရက်တွင် ကျင်းပခဲ့သည့် တံခါးဖွင့်ရှင်းလင်းပွဲအား တွေ့ရစဉ် (Photoး Myanmar State Counsellor Office)

ရခိုင်ပြည်နယ်ရှိ အရပ်သားပြည်သူများအပေါ် ရက်စက်ကြမ်းကြုတ်မှုများ ကျူးလွန်ခဲ့သည့် ARSA ကိုလည်း အရေးယူရန်လိုအပ်ပြီး အကြမ်းဖက်မှုများကို စုံစမ်းစစ်ဆေးရာတွင် ARSA အကြမ်းဖက်သမားများ၏ ရက်စက်မှုများလည်း ပါဝင်ရမည်ဖြစ်ကြောင်း ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးဟောက်ဒိုဆွမ်းက တုံ့ပြန်ပြောကြားခဲ့သည်ဟု နိုင်ငံခြားရေးဝန်ကြီးဌာနက မေ ၁၅ ရက်တွင် သတင်းထုတ်ပြန်သည်။

ကုလသမဂ္ဂ လုံခြုံရေးကောင်စီအဖွဲ့ဝင် နိုင်ငံများ၏ ဘင်္ဂလားဒေ့ရ်ှနိုင်ငံနှင့် မြန်မာနိုင်ငံသို့ သွားရောက်ခဲ့သည့် ခရီးစဉ်များနှင့် ပတ်သက်၍ ကုလသမဂ္ဂလုံခြုံရေးကောင်စီ၌ မေ ၁၄ ရက်တွင် ကျင်းပခဲ့သည့် တံခါးဖွင့် ရှင်းလင်းပွဲတွင် အထက်ပါအတိုင်း သံအမတ်ကြီး ဦးဟောက်ဒိုဆွမ်းက ထည့်သွင်းပြောကြားခဲ့ကြောင်း သိရသည်။

အဆိုပါရှင်းလင်းပွဲတွင် မြန်မာအမြဲတမ်း ကိုယ်စားလှယ် သံအမတ်ကြီး ဦးဟောက်ဒိုဆွမ်းက မည်သည့်လူ့အခွင့်အရေး ချိုးဖောက်မှုများကိုမျှ အကာအကွယ်ပေးမည် မဟုတ်ကြောင်းကို မြန်မာအစိုးရအနေဖြင့် ထပ်တလဲလဲ ပြောကြားခဲ့ပြီးဖြစ်ကြောင်း၊ အထောက်အထားတင်ပြနိုင်သည့် စွပ်စွဲချက်များကို တရားဥပဒေအရ စစ်ဆေးအရေးယူမှုများ ပြုလုပ်သွားမည်ဖြစ်ကြောင်း ရှင်းလင်းပြောကြားသည်။

လူ့အခွင့်အရေး ချိုးဖောက်ကျူးလွန်မှုများနှင့်ပတ်သက်၍ လက်ရှိကြုံတွေ့နေရသည့် လူသားချင်းစာနာမှု ပြဿနာသည် ARSA အကြမ်းဖက်သမားများက ရခိုင်ပြည်နယ်မြောက်ပိုင်းရှိ နယ်စပ်လုံခြုံရေးစခန်း ၃၀ ကို တိုက်ခိုက်ခဲ့ခြင်းကြောင့် ဖြစ်ပေါ်ခဲ့သည်ကို မမေ့သင့်ကြောင်း၊ ပဋိပက္ခ၏ အရင်းအမြစ်နှင့် အပြစ်မဲ့ ဟိန္ဒူ၊ ရခိုင်ဗုဒ္ဓဘာသာနှင့် အခြားတိုင်းရင်းသား မျိုးနွယ်စုများကို အကြမ်းဖက်သမားများက ရက်စက်ကြမ်းကြုတ်စွာ သတ်ဖြတ်မှုများကို အနောက်မီဒီယာများက မသိကျိုးကျွန်ပြုနေကြကြောင်း၊ မွတ်စလင်များ နှိပ်စက်ခံသားကောင်ဖြစ်နေရကြောင်း ဇာတ်နာအောင် ဖန်တီးမှုများကို တရစပ်ဖော်ပြမှုများအောက်တွင် အမှန်တရားသည် ဖုံးကွယ်ခံနေရကြောင်း၊ အလွန်ရှုပ်ထွေးပြီး နိုင်ငံရေးအရ ထိခိုက်လွယ်သည့် ရခိုင်ပြဿနာကို မျှတမှုရှိပြီး အပြုသဘောဆောင်သည့် နည်းလမ်းဖြင့်သာ မှန်ကန်စွာ ဖြေရှင်းနိုင်မည်ဖြစ်ကြောင်း သံအမတ်ကြီး ဦးဟောက်ဒိုဆွမ်းက တုံ့ပြန်ပြောကြားခဲ့သည်ဟု နိုင်ငံခြားရေးဝန်ကြီးဌာနက ထုတ်ပြန်ထားသည်။

ထို့ပြင် မေ ၁ ရက်တွင် မောင်တောမြို့သို့ သွားရောက်ခဲ့သည့် လုံခြုံရေးကောင်စီ၏ ခရီးစဉ်အတွင်း ရခိုင်၊ မြို၊မရမာကြီးနှင့် ဟိန္ဒူ ၂၀ ခန့်က ARSA အကြမ်းဖက်များ၏ ရက်စက်ကြမ်းကြုတ်မှုများနှင့် ရင်ဆိုင်ရသည့် ၎င်းတို့၏ အတွေ့အကြုံများကို လုံခြုံရေးကောင်စီအဖွဲ့ဝင်များထံ ထွက်ဆိုပြောကြားနိုင်ရန် မြို့နယ်အုပ်ချုပ်ရေးမှူးရုံး၌ စောင့်ဆိုင်းနေခဲ့ကြကြောင်း၊ သို့သော်လည်း အချိန်အကန့်အသတ်ကြောင့် ရခိုင်အမျိုးသမီးတစ်ဦးနှင့် ဟိန္ဒူအမျိုးသမီးတစ်ဦးသာ ARSA အကြမ်းဖက်များက ကျူးလွန်သည့် လူ့အခွင့်အရေး ချိုးဖောက်မှုနှင့် ရက်စက်ကြမ်းကြုတ်မှုများကို ပြောကြားခွင့်ရခဲ့ကြကြောင်း၊ ရခိုင်လူမျိုးများ၏ ၀မ်းနည်းဖွယ် အဖြစ်အပျက်များသည် အသိုက်အ၀န်းတစ်ခု၏ ပြောကြားချက်များကိုသာ တစ်ဖက်သတ် နားထောင်လိုသူ အချို့၏ မသိကျိုးကျွန်ပြုမှုခံခဲ့ရကြောင်း ဦးဟောက်ဒိုဆွမ်းက တုံ့ပြန်ပြောကြားခဲ့သည်ဟု ထုတ်ပြန်ထားသည်။

ဆက်လက်ပြီး ဦးဟောက်ဒိုဆွမ်းက ၎င်းတို့သည် ၂၀၁၇ ခုနှစ် သြဂုတ် ၂၈ ရက်က မောင်တောမြို့နယ် ကုန်တိုင်ကျေးရွာ၌ ARSA အကြမ်းဖက်သမားများက မြိုတိုင်းရင်းသား ခုနစ်ဦးအား သတ်ဖြတ်ခဲ့မှု၊ အိမ်ခြေ ၂၆၂၅ လုံး မီးရှို့ခံခဲ့ရမှု စသည့်ရက်စက်ကြမ်းကြုတ်သော အဖြစ်အပျက်များကို မျက်မြင်ကြုံတွေ့ခဲ့ကြရသူများဖြစ်ကြောင်း၊ ထို့ပြင် ၂၀၁၇ ခုနှစ် စက်တင်ဘာ ၂၈ ရက်က ရဲဘော်ကျကျေးရွာ အနောက်မြောက်ဘက်၌ ARSA အကြမ်းဖက်များ ပြန်ပေးဆွဲခံခဲ့ရသူ ၁၀၀ အနက် အသတ်ခံခဲ့ရသည့် ဟိန္ဒူရုပ်အလောင်း ၄၅ လောင်းကို တူးဖော်တွေ့ရှိမှုတွင်လည်း မျက်မြင်ကြုံတွေ့ခဲ့ကြသူများဖြစ်ကြောင်း ရှင်းလင်းပြောကြားသည်။

ARSA အနေဖြင့် ဒုက္ခသည်စခန်းများ၌ ခြေကုပ်ယူလျက်ရှိနေပြီး အကြမ်းဖက်မှုနှင့် အစွန်းရောက်မှုတို့ အမာခံနယ်မြေတစ်ခု မကြာမီဖြစ်လာလိမ့်မည်ဖြစ်ကြောင်း၊ မေ ၉ ရက်တွင် လေးဦးမှ ခြောက်ဦးအထိပါဝင်သည့် အကြမ်းဖက်အုပ်စုသည် ဘူလူကာလီ ဒုက္ခသည်စခန်းသို့ ၀င်ရောက်ခဲ့ပြီး အသက် (၄၆)နှစ်အရွယ် Mohamed Faisal Ulhag ဆိုသူအား ခေါ်ထုတ်ကာ ဓားဖြင့်ထိုးသတ်မှု ဖြစ်ပွားခဲ့ကြောင်း၊ ၎င်းင်းသည် နေရပ်တိမ်းရှောင်နေသူများ ရခိုင်ပြည်နယ်သို့ပြန်ရန် လှုံ့ဆော်စည်းရုံးနေသူတစ်ဦးဖြစ်သည်ဟု သိရှိရကြောင်း သံအမတ်ကြီးဦးဟောက်ဒိုဆွမ်းက ရှင်းလင်းပြောကြားသည်။

ဆက်လက်ပြီး ဦးဟောက်ဒိုဆွမ်းက မြန်မာနိုင်ငံအနေဖြင့် နေရပ်စွန့်ခွာသူများ ပြန်လည်လာရောက်ရေးအတွက် သင့်လျော်သည့် ပတ်ဝန်းကျင်များကို ပြင်ဆင်ထားကြောင်း၊ နေရပ်စွန့်ခွာသူများ ဘေးကင်းပြီး ဂုဏ်သိက္ခာရှိသည့် ဆန္ဒအလျောက် နေရပ်သို့ ပြန်လည်လာရောက်ရေးအတွက် ကုလသမဂ္ဂအေဂျင်စီများနှင့် ထိတွေ့ဆောင်ရွက်လျက်ရှိပြီး၊ ကုလသမဂ္ဂဖွံ့ဖြိုးမှု အစီအစဉ် (UNDP) နှင့် ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) တို့နှင့် နားလည်မှုစာချွန်လွှာ (MoU) တစ်ရပ်ချုပ်ဆိုနိုင်ရန် တက်ကြွစွာ ဆွေးနွေးလျက်ရှိကြောင်း ရှင်းလင်းပြောကြားသည်။

ရခိုင်ပြည်နယ်၌ ကြုံတွေ့နေရသည့် ပြဿနာရပ်များကို ဖြေရှင်းရာတွင် လက်ရှိအရေးအကြီးဆုံး လုပ်ဆောင်ရန်မှာ နေရပ်စွန့်ခွာသူများအား နှစ်နိုင်ငံသဘောတူညီချက်များအရ ပြန်လည်လက်ခံရေးကို စတင်ရန်ဖြစ်ကြောင်း၊ မိမိတို့အနေဖြင့် လက်ခံရန် အဆင်သင့်ဖြစ်နေသည့်အလျောက် ပြန်လည်လက်ခံရေး လုပ်ငန်းစဉ်ကို ဆောလျင်စွာ စတင်ရန် ထပ်တလဲလဲပြောကြားခဲ့ကြောင်း သံအမတ်ကြီး ဦးဟောက်ဒိုဆွမ်းက ဆိုသည်။

ထို့ပြင် ဘင်္ဂလားဒေ့ရ်ှဘက်မှ ပေးပို့လာသည့် ပုံစံများမှာ နှစ်နိုင်ငံသဘောတူထားသည့် အစီအမံပါပုံစံများမဟုတ်ဘဲ စိစစ်မှုများ ပြုလုပ်နိုင်ရန် လိုအပ်သည့် လက်မှတ်၊ လက်ဗွေရာများနှင့် ဓာတ်ပုံများ ပါဝင်လာခြင်း မရှိကြောင်း၊ နေရပ်စွန့်ခွာသူများ ဆန္ဒအလျောက် လုံခြုံစွာနှင့် ဂုဏ်သိက္ခာရှိစွာ ပြန်လာနိုင်ရေးအတွက် မှန်ကန်စွာ ဖြည့်စွက်ထားသည့် ပုံစံများကို သံတမန်လမ်းကြောင်းမှ ပြန်လည်ပေးပို့ပေးပါရန် ဘင်္ဂလားဒေ့ရ်ှဘက်သို့ သုံးကြိမ်တိုင်တိုင် မေတ္တာရပ်ခံခဲ့ကြောင်း ဦးဟောက်ဒိုဆွမ်းက ရှင်းလင်းပြောကြားသည်။

ဘင်္ဂလားဒေ့ရ်ှအနေဖြင့် အခြေအနေမှန်ကို ဖုံးကွယ်ကာ မြန်မာနိုင်ငံအနေဖြင့် နေရပ်စွန့်ခွာသူများအား ပြန်လည်လက်ခံရန် ဆန္ဒမရှိကြောင်းဖြင့် တစ်ကမ္ဘာလုံးသို့ ပြောကြားလျက်ရှိကြောင်း၊ မြန်မာနိုင်ငံအား နိုင်ငံတကာမှ ပြစ်တင်ရှုတ်ချစေရန်နှင့် နိုင်ငံရေးအရ ဖိအားပေးမှုများ မြင့်မားလာစေရန်အတွက် ဘင်္ဂလားဒေ့ရ်ှအနေဖြင့် မဟုတ်မမှန် ပြောကြားကာ မြန်မာအစိုးရနှင့် ပြည်သူများအား ပုတ်ခတ်ဝေဖန်လျက်ရှိကြောင်း၊ ပြန်လည်လက်ခံရေးလုပ်ငန်းစဉ် အောင်မြင်စေရေးအတွက် ဘင်္ဂလားဒေ့ရ်ှအစိုးရ၏ စစ်မှန်သည့် ပူးပေါင်းဆောင်ရွက်မှုများ လိုအပ်ကြောင်းလည်း ဦးဟောက်ဒိုဆွမ်းက ရှင်းလင်းပြောကြားခဲ့သည်ဟု ထုတ်ပြန်ထားသည်။

အဆိုပါအစည်းအဝေးကို လက်ရှိအလှည့်ကျ ဥက္ကဋ္ဌဖြစ်သည့် ပိုလန်နိုင်ငံက ဦးဆောင်ကျင်းပပြီး ခရီးစဉ်များ ဦးဆောင်စီစဉ်သည့် ကူဝိတ်၊ ပီရူးနှင့် ယူကေတို့က ဘင်္ဂလားဒေ့ရ်ှနှင့် မြန်မာနိုင်ငံ ခရီးစဉ်များနှင့် ပတ်သက်၍ ရှင်းလင်းပြောကြားခဲ့ကြောင်း၊ ထို့နောက် တက်ရောက်သည့် လုံခြုံရေးကောင် စီဝင်နိုင်ငံများ ဖြစ်ကြသော တရုတ်၊ အမေရိကန်၊ ဆွီဒင်၊ ပြင်သစ်၊ ကာဇက်စတန်၊ အီကွေတိုရီးယားဂီနီ၊ ရုရှား၊နယ်သာလန်၊ ပိုလန်နိုင်ငံ တို့က ဆွေးနွေးခဲ့ကြကြောင်း နိုင်ငံခြားရေး ၀န်ကြီးဌာနက ထုတ်ပြန်ထားသည်။

“ARSA သာ ဒီတိုက်ခိုက်မှုတွေ မလုပ်ဘူး။ ဒီပြဿနာတွေသာ မဖန်တီးဘူးဆိုရင် အခုချိန်မှာ ရခိုင်ပြည်နယ်အခြေအနေဟာ တော်တော်လေး တိုးတက်နေပြီ။ အဲဒီအခြေအနေနဲ့ ဆက်စပ်ပြီးတော့လည်း ကျွန်တော်တို့ ပြည်တွင်းမှာပေါ့ တခြားကိစ္စရပ်တွေမှာလည်း တိုးတက်မှုတွေ အများကြီးဖြစ်နေပြီ။ နိုင်ငံတကာနဲ့ဆက်ဆံတဲ့ အနေအထားပေါ့နော်။ နောက်ရင်းနှီးမြှုပ်နှံသူတွေရဲ့ ယုံကြည်မှုပေါ့နော်။ အစစအရာရာက ဒီဖြစ်စဉ်တွေနဲ့ အများကြီးကွာနေမယ်လို့ ကျွန်တော်တို့ မြင်တယ်။ ဒီပြဿနာတွေစပြီး ဖန်တီးခဲ့တာက တကယ့်ဇာစ်မြစ်က အစွန်းရောက်အကြမ်းဖက် ARSA ဆိုတဲ့အဖွဲ့အစည်းနဲ့ သူ့ရဲ့ အကြမ်းဖက်လုပ်ရပ်တွေကြောင့် ဖြစ်တယ်လို့ ရှင်းရှင်းလင်းလင်း ပြောချင်တယ်” ဟု နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောကြားသည်။

မြန်မာအစိုးရသည် ARSA အဖွဲ့အစည်းအား အကြမ်းဖက်အဖွဲ့အစည်းအဖြစ် ကြေညာထားသည်။

မြန်မာနိုင်ငံ၌ လူမျိုးသုဉ်းသတ်ဖြတ်နေသည်ဟု နိုင်ငံတကာတွင်ဆိုခြင်းမှာ တစ်ဖက်သတ်လုပ်ကြံ ဇာတ်လမ်းဖြစ်ပြီး အမှန်တကယ်သက်သေပြစရာ အထောက်အထားမရှိကြောင်း ရခိုင်ပြည်နယ်အစိုးရအဖွဲ့ အတွင်းရေးမှူး ပြောကြား

ARSA အကြမ်းဖက်သမားများ၏ သတ်ဖြတ်ခြင်းခံခဲ့ရသူများ၏ ပုံများကိုကြည့်၍ ငိုကြွေးနေကြသည့် ကျန်ရစ်သူမိသားစုဝင် ဟိန္ဒူအမျိုးသမီးများအား တွေ့ရစဉ်

မြန်မာနိုင်ငံ$ လူမျိုးသုဉ်းသတ်ဖြတ်နေသည်ဟု နိုင်ငံတကာတွင် ဆိုနေခြင်းမှာ တစ်ဖက်သတ်လုပ်ကြံ ဇာတ်လမ်း ဆောင်ရွက်ခြင်းဖြစ်ပြီး အမှန်တကယ်သက်သေပြစရာ အထောက်အထားမရှိကြောင်း ရခိုင်ပြည်နယ်အစိုးရအဖွဲ့ အတွင်းရေးမှူး ဦးတင်မောင်ဆွေက ပြောကြားသည်။

ထို့ပြင် Genocide လုပ်သည်ဟု စွပ်စွဲပြောဆိုချက်များသည် စိတ်ကူးယဉ်ဆန်ဆန် ပြောဆိုနေခြင်းဖြစ်ပြီး လုပ်ခဲ့သည်ဟု ပြောဆိုခြင်းနှင့်ပတ်သက်၍ တိကျသေချာစွာ သက်သေပြရန် ပြောဆိုခဲ့သည်။

“Genocide ဆိုတာ ရည်ရွယ်ချက်တစ်ခုနဲ့ လူမျိုးစုတစ်စုကိုသော်လည်းကောင်း၊ တစ်ယောက်ချင်းစီကိုသော်လည်းကောင်း သတ်ဖြတ်တာရှိရမယ်။ နောက်ပြီး သူ့ရဲ့  Charateristics  တွေရှိတာပေါ့။  ဒီဥစ္စာတွေက ကျွန်တော်တို့ဆီမှာ သက်သေပြစရာ ဘာမှမရှိပါဘူး။ Genocide လုပ်တယ်ဆိုတာ ဘယ်နေရာမှာလုပ်တာလဲ ကျွန်တော်တို့ကို ပြပါ။ ဒါပေမဲ့ အခုနကပြောသလို မရေရာ မသေချာဘဲနဲ့ စိတ်ကူးယဉ်ဆန်ဆန်တွေနဲ့ ပြောဆိုစွပ်စွဲနေတာတွေပဲ ရှိတယ်။ ကျွန်တော်တို့ မြန်မာနိုင်ငံ Genocide လုပ်တယ် ဆိုရင်ပြပါ။ ဘယ်နေရာမှာလုပ်တာလဲ။ သူတို့စွပ်စွဲခဲ့တဲ့အင်းဒင်၊  အင်းဒင်ဆိုတာလည်း Genocide မဟုတ်ဘူး။ ကျွန်တော်တို့မှာရှိတဲ့ တိုင်းရင်းသားလူနည်းစုတွေကို အကြမ်းဖက် အဖွဲ့တွေက လာရောက်တိုက်ခိုက်တဲ့အချိန်မှာ လုံခြုံရေးတပ်ဖွဲ့ဝင်တွေအနေနဲ့  ၀င်ရောက်ထိန်းသိမ်းတဲ့အခါမှာ ပစ်ခတ်မှုတွေဖြစ်ခဲ့ပြီးတော့ သေဆုံးခဲ့တာရှိတယ်။ ဒီသေဆုံးတဲ့ အရေအတွက်တွေအားလုံးကိုလည်း တိတိကျကျ မှတ်တမ်းတင်ပြီးတော့ ကြေညာထားတယ်။ ရဲစခန်းတွေမှာလည်း သေမှုသေခင်းတွေ ဖွင့်တယ်။ အကြမ်းဖက်တဲ့အချိန်မှာ လုံခြုံရေးတပ်ဖွဲ့ဝင်တွေ မိမိရဲ့ကျေးရွာတွေကို ကာကွယ်ရင်းနဲ့ မိမိကိုယ်ကိုယ် ခုခံကာကွယ်ရင်းနဲ့ လုပ်ခဲ့တာပဲရှိတယ်။ ပြောချင်တာက Genocide နဲ့ပတ်သက်လို့ သက်သေပြပါ။ ဘယ်မှာလုပ်ခဲ့တာရှိလဲ” ဟု ရခိုင်ပြည်နယ် အစိုးရအဖွဲ့အတွင်းရေးမှူး ဦးတင်မောင်ဆွေက မေ ၁ ရက်က UNSC အဖွဲ့နှင့်တွေ့ဆုံအပြီး သတင်းမီဒီယာများသို့ ပြောကြားသည်။

အမှန်တကယ် သတ်ဖြတ်ခံရသူများမှာ လူနည်းစုတိုင်းရင်းသားများဖြစ်ပြီး တိုင်းရင်းသားများ မိမိကျေးရွာတွင် မနေနိုင်အောင် အကြမ်းဖက်သတ်ဖြတ်ခြင်း၊ ဟိန္ဒူဘာသာဝင်များ တစ်ရွာလုံး သတ်ဖြတ်ခံရခြင်းများကို အကြမ်းဖက်သမားများက ပြုလုပ်ခဲ့ခြင်းသာဖြစ်ပြီး သက်သေအထောက်အထားများလည်း ရရှိထားကြောင်း ရခိုင်ပြည်နယ်အစိုးရအဖွဲ့ အတွင်းရေးမှူး ဦးတင်မောင်ဆွေက ပြောကြားသည်။

“တကယ်တော့ သူတို့လုပ်ခဲ့တာ။ မြိုတွေ၊ ဒိုင်းနက်တွေ ဒီတိုင်းရင်းသားတွေကို မူလနေရာမှာနေလို့မရအောင် လုပ်တယ်။ နေလို့မရအောင် သတ်ဖြတ်တယ်။ ကျေးရွာအုပ်ချုပ်ရေးမှူးတွေကို သတ်ဖြတ်တယ်။ နောက်တစ်ခါ ရဲဘောက်ကျာဆိုရင် ဟိန္ဒူလူမျိုးတွေကို ရွာလုံးကျွတ်ကို သတ်တယ်။ ဒီဥစ္စာတွေ အားလုံးကို ကျွန်တော်တို့ဆီမှာ သက်သေအထောက်အထားတွေရှိတယ်။ အသတ်ခံရတဲ့ လက်ကျန်မိသားစုတွေ ရှိတယ်။ နောက်အကြမ်းဖက်လုပ်ရပ်နဲ့ ပါဝင်ပတ်သက်ခဲ့သူ၊ ဖမ်းဆီးရမိတဲ့သူတွေရှိတယ်။ သူတို့ရဲ့ စစ်ဆေးထွက်ဆိုချက်တွေ ကျွန်တော်တို့ဆီမှာ ရှိတယ်။ ဒါတွေကို ကျွန်တော်တို့ ထိန်းသိမ်းထားတယ်။ ဒီလူတွေဆီက ဖမ်းဆီးရမိတဲ့ ကင်မရာတွေ၊ တယ်လီဖုန်းတွေ၊ တယ်လီဖုန်းတွေထဲမှာ အခုနကပြောတဲ့ သက်သေအထောက်အထားတွေ အများကြီးရှိပါတယ်။ ဒီဥစ္စာက နိုင်ငံတကာမှာ မြန်မာနိုင်ငံကနေပြီးတော့ လူမျိုးသုဉ်း သတ်ဖြတ်နေတယ်ဆိုတဲ့ဥစ္စာ တစ်ဖက်သတ်ဖြစ်အောင် လုပ်ကြံဇာတ်လမ်း ဆောင်ရွက်တာပဲ ဖြစ်ပါတယ်” ဟု ဦးတင်မောင်ဆွေက ပြောကြားသည်။

ထို့ပြင်  လုပ်ကိုင်ဆောင်ရွက်သည့်အခါ ဥပဒေနှင့်အညီ လုပ်ဆောင်ခြင်းဖြစ်ပြီး ဥပဒေကို ကျော်လွန်လုပ်ဆောင်သူများကို အရေးယူထားကြောင်း သိရသည်။

“ကျွန်တော်တို့ဘက်က အခုနကပြောသလို လုပ်ရင်းကိုင်ရင်းနဲ့ မှားယွင်းသွားတာရှိတဲ့ ရဲတပ်ဖွဲ့ဝင်တွေဆိုလည်း ရဲစည်းကမ်း၊ တပ်မတော်သားတွေဆိုလည်း တပ်မတော်ရဲ့စည်းကမ်း ရာဇသတ်ကြီးပုဒ်မ ဒါတွေနဲ့ အရေးယူတာ ဖြစ်ပါတယ်။ လုပ်တဲ့ကိုင်တဲ့အခါမှာလည်း ဥပဒေနဲ့အညီပဲ လုပ်ကိုင်ဆောင်ရွက်သွားရတယ်။ ဥပဒေကိုကျော်လွန်ပြီးတော့ လုပ်တယ်၊ ဆောင်ရွက်တယ်ဆိုလို့ရှိရင် ဘယ်သူ့ကိုမှ ဥပဒေအရ သက်ညှာခွင့် မပေးပါဘူး။ အကုန်လုံးအရေးယူ ဆောင်ရွက်ထားပါတယ်။ ဒါတွေကိုလည်း နိုင်ငံတကာကိုလည်း အသိပေးထားပြီး ဖြစ်ပါတယ်” ဟု ရခိုင်ပြည်နယ်အစိုးရအဖွဲ့ အတွင်းရေးမှူး ဦးတင်မောင်ဆွေက ဆိုသည်။

ဘင်္ဂါလီတို့ကို ဖိနှိပ်မှုစွပ်စွဲချက်များနှင့် ပတ်သက်ပြီး မြန်မာနိုင်ငံက မှန်မှန်ကန်ကန် စုံစမ်းစစ်ဆေးပေးရမည်ဟု ရခိုင်ပြည်နယ်မြောက်ပိုင်း မောင်တောဒေသသို့ ကွင်းဆင်းလေ့လာခဲ့ပြီးနောက် ကုလသမဂ္ဂ လုံခြုံရေးကောင်စီကိုယ်စားလှယ်အဖွဲ့က မေ ၁ ရက် တွင် နေပြည်တော်၌ပြုလုပ်သော သတင်းစာရှင်းလင်းပွဲတွင် ပြောကြားသည်။

ရခိုင်ပြည်နယ်တွင် နယ်မြေရှင်းလင်းမှု စစ်ဆင်ရေးများအတွင်း မြန်မာ့တပ်မတော်သည် ဘင်္ဂါလီတို့ကို ပစ်မှတ်ထားသော စနစ်တကျ မုဒိမ်းကျင့်မှုများ၊ လူသတ်မှုများ၊ ရွာမီးရှို့မှုများ ဆောင်ရွက်ခဲ့သည်ဟု  ဒုက္ခသည်များနှင့် လူ့အခွင့်အရေးအဖွဲ့များက ပြောကြားထားသည်။

ရခိုင်ပြည်နယ်၌ အကြမ်းဖက်မှုများ လုပ်ဆောင်ခဲ့သည့် ARSA အဖွဲ့ဝင်အဖြစ် သံသယရှိသူ ဘင်္ဂါလီအချို့အား ဘင်္ဂလားဒေ့ရ်ှဘက်က ဖမ်းဆီးရမိထားကြောင်း မလေးရှားအခြေစိုက် Benar News သတင်းဌာနက ဖော်ပြ

ရခိုင်ပြည်နယ်၌ အကြမ်းဖက်မှုများ လုပ်ဆောင်ခဲ့သည့် ARSA အဖွဲ့ဝင်အဖြစ် သံသယရှိသော ဘင်္ဂါလီ (မူရင်းသတင်းတွင် ရိုဟင်ဂျာဟုသုံးနှုန်း) အချို့အား ဖမ်းဆီးရမိထားကြောင်း ဘင်္ဂလားဒေ့ရ်ှအစိုးရ အကြီးအကဲတစ်ဦး၏ ပြောကြားချက်အား ကိုးကားကာ မလေးရှားအခြေစိုက် Benar News သတင်းဌာနက ဧပြီ ၁၉ ရက်တွင် ဖော်ပြခဲ့သည်။

Benar News သတင်းဌာန၏ ဖော်ပြချက်တွင် ဘင်္ဂလားဒေ့ရ်ှအစိုးရ အကြီးအကဲ၏ အမည်အား ဖော်ပြထားခြင်းမရှိပေ။

ထို့ပြင် အဆိုပါ အစိုးရသတင်းအရင်းအမြစ်၏ ပြောကြားချက်တွင် ARSA အဖွဲ့ဝင်ဟု သံသယရှိသူ အရေအတွက် မည်မျှဖမ်းဆီး ထိန်းသိမ်းထားကြောင်း မပါဝင်သော်လည်း ဖမ်းဆီးရမိသူများသည် ဘင်္ဂလားဒေ့ရ်ှနိုင်ငံ ကော့စ်ဘဇားမြို့တွင်ရှိသော ဒုက္ခသည်စခန်းများ၌ နေထိုင်နေကြသော ဘင်္ဂါလီ (မူရင်းတွင် ရိုဟင်ဂျာဟုသုံးနှုန်း) ဒုက္ခသည်များကြားတွင် ပုန်းအောင်းပြီး လှုပ်ရှားနေသောသူများဖြစ်ကြောင်း သိရသည်။

ဘင်္ဂလားဒေ့ရ်ှနိုင်ငံ အစိုးရအနေဖြင့် ARSA အဖွဲ့ဝင်များအား စဉ်ဆက်မပြတ် ရှာဖွေဖမ်းဆီးမှုနှင့် ပတ်သက်ပြီး တရားဝင် ကြေညာချက် ထုတ်ပြန်ထားမှုများ မရှိသော်လည်း ကော့စ်ဘဇားမြို့ရှိ အကြီးဆုံးဒုက္ခသည် စခန်းတစ်ခုမှ လူစုခေါင်းဆောင် ဘင်္ဂါလီတစ်ဦးက ဦးဆောင်ကာ ARSA အဖွဲ့ဝင် အကြမ်းဖက်သမားဖြစ်နိုင်ခြေရှိသော လူပေါင်း ၁၅ ဦးအား ဖမ်းဆီးခဲ့ပြီး ဘင်္ဂလားဒေ့ရှ် ရဲတပ်ဖွဲ့သို့ အပ်နှံခဲ့ကြောင်း Benar News သတင်းဌာန၏ ဖော်ပြချက်အရ သိရသည်။

ထို့အတူ ဘင်္ဂလားဒေ့ရ်ှနိုင်ငံ ကူတူပါလောင်ဒုက္ခသည်စခန်းရှိ ဘင်္ဂါလီများကလည်း ဧပြီ ၉ ရက်တွင် စက်သေနတ်တစ်လက်၊ ကျည်ဆန်တောင့်များနှင့်အတူ အသက် ၂၆ နှစ်ရှိသော ARSA အကြမ်းဖက်သမား မိုဟာမက်ရှာဒက်အား ဖမ်းဆီးရာတွင် ဘင်္ဂလားဒေ့ရ်ှရဲတပ်ဖွဲ့အား ကူညီပေးခဲ့ကြောင်း၊ အဆိုပါ အကြမ်းဖက်သမားကို ဖမ်းဆီးရခြင်းမှာ ARSA အဖွဲ့က YouTube တွင် တင်ထားသော ဗီဒီယိုများတွင် ARSA အဖွဲ့ခေါင်းဆောင် အက်တူလာအဆူအမ်မာ ဂျန်နုနီ၏ဘေးတွင် ပါဝင်ခဲ့သောကြောင့် ဖြစ်ကြောင်းလည်း သတင်းတွင် ဖြော်ပသည်။

ဘင်္ဂါလီဒုက္ခသည်စခန်းများတွင် ARSA အကြမ်းဖက်အဖွဲ့ လှုပ်ရှားမှုများ၊ အခြားဖမ်းဆီးမှုများနှင့် ပတ်သက်ပြီး ဘင်္ဂါလီဒုက္ခသည်များကိုယ်တိုင် အကြမ်းဖက်သမားများအား ဖမ်းဆီးပေးခဲ့သည်ဟု ပြောဆိုမှုများ ရှိသော်လည်း ဘင်္ဂလားဒေ့ရ်ှရဲတပ်ဖွဲ့ထံမှ အတည်ပြုချက်မရှိသကဲ့သို့ အချို့ဖမ်းဆီးမှုများမှာ မဟုတ်မှန်ကြောင်း ဘင်္ဂလားဒေ့ရှ် ရဲတပ်ဖွဲ့က ငြင်းဆိုမှုများရှိသည်ဟု Benar News သတင်းတွင် ဖော်ပြထားသည်။

Benar News သတင်းဌာန၏ ဖော်ပြချက်အရ ARSA အကြမ်းဖက်သမားများသည် ဘင်္ဂါလီဒုက္ခသည်စခန်းများအတွင်း လှုပ်ရှားမှုများရှိနေပြီး ဘာလူခါလီ ဒုက္ခသည်စခန်းတွင် ARSA အဖွဲ့ဝင်များဆုံး ရှိနေကြောင်း၊ ARSA အကြမ်းဖက်အဖွဲ့သည် လက်ရှိတွင် နှစ်ဖွဲ့ခွဲကာ လှုပ်ရှားနေပြီး တစ်ဖွဲ့က အက်တူလာ လက်အောက်တွင်ဖြစ်ပြီး ကျန်တစ်ဖွဲ့ကို ဘင်္ဂလားဒေ့်ရ်ှနိုင်ငံ ကော့စ်ဘဇားမြို့ တက်ကနက်ခရိုင်ခွဲတွင် နေထိုင်သော အဗ္ဗဒူဟာကင် အမည်ရှိသူတစ်ဦးက ဦးဆောင်နေသည်ဟု အမည်မဖော်လိုသော ဘင်္ဂါလီဒုက္ခသည်တစ်ဦးက ပြောကြားခဲ့ကြောင်း သိရသည်။

ထို့ပြင် ဘင်္ဂလားဒေ့ရ်ှရဲတပ်ဖွဲ့က ဖမ်းဆီးထိန်းသိမ်းထားသူများကို မြန်မာအစိုးရထံ လွှဲပြောင်းပေးခြင်း မလုပ်ခဲ့ကြောင်း၊ လုပ်ခဲ့ပါကလည်း အခြားဒုက္ခသည်များကြားထဲ၌ စိုးရိမ်ပူပန်မှုများ လွန်ကဲစွာ မြင့်တက်လာပြီး မြန်မာ-ဘင်္ဂလားဒေ့်ရှ် နှစ်နိုင်ငံကြား ဒုက္ခသည် ပြန်လည်လက်ခံမှု အစီအစဉ်များကို ထိခိုက်စေမည်ကို စိုးရိမ်ရသည်ဟု အမည်မဖော်လိုသော ဘင်္ဂလားဒေ့ရ်ှအစိုးရ အာဏာပိုင်တစ်ဦးက ပြောကြားခဲ့ကြောင်း သတင်းဖော်ပြချက်တွင် ပါရှိသည်။

ဘူးသီးတောင်မြို့နယ်ရှိ ကျေးရွာအချို့အား ARSA အဖွဲ့က နည်းမျိုးစုံဖြင့် နေ့စဉ်ခြိမ်းခြောက်မှုများ ပြုလုပ်လာကြောင်း သိရ

လွှတ်တော်ကိုယ်စားလှယ်နှင့် ရွာသားများ တွေ့ဆုံစဉ်

ရခိုင်ပြည်နယ် ဘူးသီးတောင်မြို့နယ်ရှိ ကျေးရွာအချို့အား ARSA အဖွဲ့က နည်းမျိုးစုံဖြင့် ခြိမ်းခြောက်မှုများ နေ့စဉ်ပြုလုပ်လာကြောင်း သိရသည်။

ဘူးသီးတောင်မြို့နယ် လက်ဝဲဒက်ပြင်ရှည် ကျေးရွာအုပ်စု၊ သပြေတော၊ အင်းဖောက်ကျေးရွာတို့တွင် နေထိုင်နေသည့် ဒေသခံ တိုင်းရင်းသားများကို ဧပြီ ၁၅ ရက်က ARSA အကြမ်းဖက်အဖွဲ့က တယ်လီဖုန်းဖြင့် အကြိမ်ကြိမ် ခြိမ်းခြောက်ခြင်း၊ ရွာအနီး တံတားပေါ်တွင် ခြိမ်းခြောက်စာကပ်ခြင်းများ ပြုလုပ်ခဲ့ပြီး ခြိမ်းခြောက်ခံရသူများတွင် တိုင်းရင်းသားငါးဦးနှင့် ဘင်္ဂါလီနှစ်ဦး ပါဝင်ကြောင်း သိရသည်။

ထိုသို့ ခြိမ်းခြောက်မှုများကို သပြေတောကျေးရွာနှင့် အနီးဝန်းကျင်ကျေးရွာတွင် နေထိုင်သူများထံ ဖုန်းခေါ်ဆို၍ ခြိမ်းခြောက်ခြင်း၊ မက်ဆေ့ပို့၍ ခြိမ်းခြောက်ခြင်းများ ပြုလုပ်ကြခြင်း ဖြစ်သည်။

ဘူးသီးတောင်မြို့နယ်မှ ပြည်သူ့လွှတ်တော်ကိုယ်စားလှယ် ဦးအောင်သောင်းရွှေက “ဘူးသီးတောင်၊ မောင်တောဒေသမှာ တိုင်းရင်းသားတွေက လူနည်းစုတွေသာဖြစ်တယ်။ အခုတော့ ARSA အဖွဲ့က ကျေးရွာအချို့ကို နည်းအမျိုးမျိုးနဲ့ နေ့စဉ် ခြိမ်းခြောက်မှုတွေ ရှိလာတယ်။ ဖုန်းဆက်ပြီး ခြိမ်းခြောက်တယ်၊ မက်ဆေ့ပို့ပြီး ခြိမ်းခြောက်တယ်။ ရွာနဲ့မလှမ်းမကမ်းမှာ စာတွေလာကပ်ထားတယ်။ အဲဒီအပေါ် လက်နက်ကိုင်အဖွဲ့တွေကလည်း လုံခြုံရေး မပေးနိုင်ဘူး။ ဒါဟာ တရားဥပဒေစိုးမိုးမှုမရှိတာကို ဖော်ပြနေပါတယ်။ ဘင်္ဂါလီတွေကို ပြန်ခေါ်ဖို့ အရေးကိုသာ အဓိကပြောဆို နေကြတာတွေကို တွေ့နေရတယ်။ မနေ့က အထွေထွေအုပ်ချုပ်ရေးဦးစီးဌာနက တာဝန်ရှိသူတချို့နဲ့ သပြောတောရွာနဲ့ အင်းဖောက်ရွာကို ရောက်ခဲ့တယ်။ ရွာသားတွေက စိုးရိမ်ကြောက်ရွံ့နေခဲ့တာကို တွေ့ရတယ်။ အခုလိုမျိုး တိုင်းရင်းသားတွေကို ပြန်လည်ခြိမ်းခြောက်လာတာဟာ ပထမဆုံးအကြိမ်ဖြစ်တယ်။ အရင်ကဆို ဘင်္ဂါလီတွေကို ခြိမ်းခြောက်ပြီး သတ်ဖြတ်ခဲ့တာတွေ ရှိနေတော့ အခုလို ခြိမ်းခြောက်တဲ့ကိစ္စအပေါ်မှာ အရေးမယူနိုင်သေးဘူးဆိုတာဟာ အံ့သြစရာကောင်းပါတယ်။ လုံခြုံရေးတပ်ရင်းနဲ့ တစ်မိုင်ကျောက်လောက်သာဝေးတဲ့ရွာတွေကို အခုလိုမျိုး ခြိမ်းခြောက်တာဟာ တရားဥပဒေစိုးမိုးရေးကို စိန်ခေါ်လိုက်တဲ့သဘောလည်း ဖြစ်တယ်” ဟု ပြောကြားသည်။

ခြိမ်းခြောက်စာများ

ပြည်သူ့လွှတ်တော်ကိုယ်စားလှယ် ဦးအောင်သောင်းရွှေကပင် “ခြိမ်းခြောက်တာက အဲဒီရွာက ဦးသန်းဝင်းဆီကို ဖုန်းဆက်ပြီး ခြိမ်းခြောက်တယ်။ ဖုန်းမက်ဆေ့တွေပို့တယ်။ စာကပ်တယ်။ အဲဒီလို ခြိမ်းခြောက်တာတွေ ဖြစ်နေတာပါ။ အဲဒီရွာနားတောင်ကြောမှာ ရှိတယ်လို့တော့ ရွာသားတွေ ပြောကြတယ်။ ခြိမ်းခြောက်တာကတော့ မင်းတို့ဒီမှာမနေနဲ့။ မင်းတို့ကို သတ်ဖို့ရှိတယ်။ အဲဒီလို ရခိုင်ရွာတွေကို ခြိမ်းခြောက်တာ အရင်တုန်းကလည်း ရှိတယ်။ အဲဒီအနားမှာ တိုင်းရင်းသားရွာက နှစ်ရွာပဲရှိတယ်။ အားလုံးက ဘင်္ဂါလီရွာကြီးတွေပဲ။ ခြိမ်းခြောက်ခံစာထဲမှာပါတာက စုစုပေါင်း ခုနစ်ယောက်ဖြစ်ပြီး ဘင်္ဂါလီနှစ်ဦးလည်း ပါတယ်လို့ သူတို့ပြောတယ်။ အရင်တုန်းကတော့ ဘင်္ဂါလီတွေကိုပဲ ခြိမ်းခြောက်တာရှိတယ်။ အခုတော့ တိုင်းရင်းသားတွေပါ ပါလာတာဖြစ်ပါတယ်” ဟု ပြောကြားသည်။

ခြိမ်းခြောက်ခံရသူများတွင် သပြေတောင်ကျေးရွာမှ ကျေးရွာအုပ်ချုပ်ရေးမှူး ဦးအောင်သန်းထွေးပါ တိုင်းရင်းသားသုံးဦး၊ အင်းဖောက်ကျေးရွာမှ တိုင်းရင်းသားတစ်ဦး၊ ထင်ရှားပြင် (ဘင်္ဂါလီ )ကျေးရွာမှ ကျေးရွာ ဒုတာဝန်ခံ၊ ရာအိမ်မှူးတို့ပါဝင်ကြောင်းနှင့် လက်ရှိတွင် သက်ဆိုင်ရာက ခြိမ်းခြောက်သူများကို ဖော်ထုတ်အရေးယူ ဆောင်ရွက်မှုမရှိသေးကြောင်းနှင့် မိသားစုဝင်များ၊ ဒေသခံများမှာ အထူးစိုးရိမ်နေကြကြောင်း ဦးအောင်သောင်းရွှေက ပြောကြားသည်။

“ကျွန်တော် မနေ့က မြို့နယ်အထွေထွေ အုပ်ချုပ်ရေးဦးစီးဌာနက တာဝန်ရှိတဲ့သူတွေကို ခေါ်ပြီးတော့ ဘူးသီးတောင်မြို့နယ် လက်ဝဲဒက်ပြင်ရှည်အုပ်စု၊ အင်းဖောက် တိုင်းရင်းသားကျေးရွာကို သွားပြီးတော့ ဒေသခံပြည်သူတွေ ရွာသားတွေနဲ့ တွေ့ခဲ့ပါတယ်။ ရွာသားတွေက သူတို့ကို ဖုန်းနဲ့ ARSA အဖွဲ့ကနေ ခြိမ်းခြောက်တာရှိတယ်။ ဖုန်းမက်ဆေ့ပို့တာ ရှိတယ်။ နောက်ပြီးတော့ ရွာနားက တံတားပေါ်မှာ စာကပ်တာရှိတယ်။ ဒါကြောင့် သူတို့ အလွန်တစ်ရာ စိုးရိမ်နေရတယ်ဆိုတဲ့ အကြောင်းကို ပြောပါတယ်။ အဲဒီဟာတွေကို ကျွန်တော်တို့က မေးမြန်းစုံစမ်းပြီးတော့ ဘာလုပ်သင့်တယ်ဆိုတာကို ဆွေးနွေးဖြစ်ပါတယ်။ အဓိကကတော့ အဲဒီလိုဖြစ်တာဟာ ဒေသရဲ့ တရားဥပဒေစိုးမိုးမှု အားနည်းနေတဲ့ သဘောကို ဖော်ပြနေတဲ့သဘောဖြစ်တယ်။ အဲဒီကနေ တစ်မိုင်ခွဲလောက်ဝေးတဲ့ နယ်ခြားစောင့် ရဲစခန်းမှာ ၀င်ပြီးတော့ တာဝန်ရှိသူတွေကိုပြောတယ်။ နယ်ခြားစောင့်ရဲစခန်းနဲ့ နီးတဲ့နေရာမှာ အခုလိုဖြစ်နေတာဟာ တိုင်းရင်းသားတွေကို လုံခြုံမှုမပေးနိုင်သလို ဖြစ်နေတယ်။ အခုဖြစ်တာနဲ့ ချက်ချင်းအရေးယူပေးရမယ့် တာဝန်ရှိတယ်။ အခုက အခုထိ ဘာမှဆောင်ရွက်တာ မရှိသေးဘူး။ တိုင်းရင်းသားတွေကို သတ်သွားရင် ခင်ဗျားတို့မှာ တာဝန်ရှိတယ်ဆိုပြီး တာဝန်ရှိသူတွေကို ပြောခဲ့တယ်။ နောက်ဗျူဟာမှူးကိုလည်း ဖုန်းနဲ့ သတင်းပေးခဲ့တယ်။ ခြိမ်းခြောက်ခံရသူ မိသားစုတွေကို အားပေးစကားပြောပြီးတော့ ရွာမှာ နိုးနိုးကြားကြားနဲ့ ကင်းစောင့်ဖို့ ပြောခဲ့တယ်။ တစ်ခုခုဖြစ်ရင်လည်း ဖုန်းဆက်သွယ်ပြီး ပြောပါ။ လုံခြုံရေးပေးဖို့ကိုလည်း နယ်ခြားစောင့်နဲ့ ထွေအုပ်ကိုလည်း ပြောထားပါတယ်” ဟု ပြောကြားသည်။

အဆိုပါ ခြိမ်းခြောက်ခံနေရသော ကျေးရွာများအနီးတစ်ဝိုက်တွင် ဘင်္ဂါလီကျေးရွာကြီးများ ပတ်လည်ဝိုင်းနေပြီး သွားလာရေးအတွက်လည်း လွန်စွာစိုးရိမ်နေရကြောင်းနှင့် တခြားကျေးရွာအချို့ကိုလည်း ခြိမ်းခြောက်မှုများ ရှိလာသည်မှာ ရက်အနည်းငယ် ရှိနေခဲ့ပြီဖြစ်ကြောင်း သိရသည်။

“ခြိမ်းခြောက်လာတာ ရက်အနည်းငယ်ရှိပြီ။ ဖုန်းဆက်ပြီး ခြိမ်းခြောက်တယ်။ မက်ဆေ့ပို့ပြီး ခြိမ်းခြောက်တယ်။ ရွာပြင်က တံတားမှာလည်းလာပြီး စာကပ်ထားတယ်။ ရွာလူကြီးတွေ အကုန်လုံးကို သတ်ပစ်ပြီး တစ်ရွာလုံးကို မီးလောင်တိုက်သွင်းမယ်ဆိုတဲ့ စာသားတွေကို ပို့တယ်။ မနေ့က မြို့နယ်အဆင့် တာဝန်ရှိသူတွေလာတော့ ကင်းတွေစောင့်ကြလို့ပြောတယ်။ ဒါပေမဲ့ ကျွန်တော်တို့မှာ ဘာလက်နက်မှမရှိဘဲ ဘယ်လိုပုံစံမျိုး ကင်းစောင့်မလဲဆိုတာ စဉ်းစားလို့မရဘူး။ အစိုးရအနေနဲ့ လုံခြုံရေး အပြည့်အ၀ ချထားပေးဖို့ တောင်းဆိုချင်ပါတယ်။ ဒါမှမဟုတ်ရင် ကျေးရွာမတည်မငြိမ် ဖြစ်လာမယ်လို့ ထင်ပါတယ်။ ကျွန်တော်တို့ ရွာပတ်လည်မှာလည်း ဘင်္ဂါလီရွာကြီးတွေက အများကြီးရှိနေတော့ ဘယ်လိုလုပ်ရမှန်းမသိတော့ဘူး” ဟု သပြေတောကျေးရွာမှ ဦးသန်းဝင်းက ပြောကြားသည်။

ယင်းသို့ ခြိမ်းခြောက်မက်ဆေ့ပို့စာရင်းတွင် ကျေးရွာသားခုနစ်ဦး၏ အမည်စာရင်းများကိုလည်း ဖော်ပြထားသဖြင့် လုံခြုံရေး ဆောင်ရွက်ထားရှိရေးသည် အရေးပါသော ကိစ္စတစ်ရပ်ဖြစ်ကြောင်း ကျေးရွာသားများက ပြောဆိုကြသည်။