ARSA အဖွဲ့၏ အကြမ်းဖက်တိုက်ခိုက်မှုများကို စုံစမ်းစစ်ဆေးခြင်းအပြင် ရခိုင်ပြည်နယ် အေးချမ်းသာယာရေးနှင့်ဖွံ့ဖြိုးရေးအတွက် လုပ်ဆောင်ရန်လိုအပ်ဟုဆို

ARSA အဖွဲ့၏ အကြမ်းဖက်တိုက်ခိုက်မှုများကို စုံစမ်းစစ်ဆေးခြင်းအပြင် ရခိုင်ပြည်နယ် အေးချမ်းသာယာရေးနှင့် ဖွံ့ဖြိုးရေးအတွက် လုပ်ဆောင်ရန်လိုအပ်ကြောင်း လွတ်လပ်သော စုံစမ်းစစ်ဆေးရေးကော်မရှင်အဖွဲ့ဝင် ဒေါက်တာအောင်ထွန်းသက်က ပြောကြားသည်။

“ဘယ်က စလုပ်မလဲဆိုတာ ဖြစ်စဉ်ပေါ့နော်။ ဆရာတို့ ပြောထားတာနှစ်ခု။ ဒီ ARSA တိုက်ခိုက်မှုကနေ ဖြစ်ပေါ်လာတဲ့ အကြမ်းဖက်မှုတွေ။ ဒါတွေ စုံစမ်းစစ်ဆေးဖို့အပြင်ကို ပိုပြီးအရေးကြီးတာက ရေရှည်မှာ ရခိုင်ပြည်နယ် အေးချမ်းသာယာဖို့၊ ဖွံ့ဖြိုးဖို့ ဘာတွေလုပ်ရမလဲဆိုတာကို ဆရာတို့ စဉ်းစားဖို့လည်း လိုပါတယ်။ အဲဒီတော့ နှစ်ပိုင်းပဲပေါ့။ အဲဒီတော့ အပြစ်တင်တာ၊ အပြစ်ရှာတာမဟုတ်ဘဲနဲ့ အခြေအနေတစ်ခုကို ကိန်းဂဏန်းစုံစုံ လင်လင်နဲ့ သုံးသပ်နိုင်တဲ့အနေအထားရှိအောင် ကျွန်တော်တို့ ကြိုးစားကြည့်မှာပါ” ဟု ဒေါက်တာအောင်ထွန်းသက်က ပြောကြားသည်။

အသစ်ဖွဲ့စည်းထားသည့် လွတ်လပ်သော စုံစမ်းစစ်ဆေးရေး ကော်မရှင်၏ ကော်မရှင်အဖွဲ့ဝင်များ ပထမအကြိမ်တွေ့ဆုံပွဲကို သြဂုတ် ၁၆ ရက်က နေပြည်တော်ရှိ သင်္ဂဟဟိုတယ်တွင် ပြုလုပ်ခဲ့ပြီး ဒုတိယအကြိမ် တွေ့ဆုံပွဲကို စက်တင်ဘာလ ပထမပတ်တွင် ပြုလုပ်မည်ဖြစ်ကြောင်း သိရသည်။

ဒေါက်တာအောင်ထွန်းသက်က “ဒုတိယအကြိမ် ရှေ့အပတ်ထဲတွေ့မှာပေါ့။ ဆိုတော့ လုပ်စရာရှိတာတော့ လုပ်မှာပေါ့။ အဲဒီတော့ လုပ်စရာရှိတာကို လုပ်တဲ့အခါမှာ ဒီကိစ္စနဲ့ပတ်သက်လို့ သတင်းအချက်အလက်တွေ၊ အစီရင်ခံစာတွေ၊ လေ့လာထားတာတွေ အများကြီးရှိတာကို ဒါသုံးသပ်ဖို့ လိုတာပေါ့။ သုံးလည်း သုံးသပ်နေပါတယ်။ ဒုတိယအကြိမ်တွေ့မှာက ဆရာတို့ကော်မရှင်တွေနဲ့ပဲ တွေ့မှာပါ။ ကော်မရှင်တွေနဲ့ တွေ့မယ်။ ပြီးတော့မှ တာဝန်ရှိတဲ့သူတွေနဲ့ တွေ့ရမှာပါ” ဟု ပြောကြားသည်။

ထို့ပြင် ရခိုင်ပြည်နယ်အတွင်း ပြည်တွင်းပြည်ပမှ ကိုယ်စားလှယ်အဖွဲ့များ၏ သွားလာလုပ်ဆောင်ရာတွင် လွတ်လပ်မှုမရှိခြင်း၊ သွားလာခွင့်မပေးခြင်း စသည့် ဝေဖန်မှုများနှင့် ပတ်သက်၍ ဒေါက်တာအောင်ထွန်းသက်က “လွတ်လွတ်လပ်လပ် မသွားနိုင်ဘူးဆိုတဲ့ လူတွေကလည်း ခက်တယ်။ ဆရာတို့ကတော့ ခွင့်ပေးထားတာပဲ။ အဲဒီတော့ မသွားနိုင်တာဆိုတာ လက်တွေ့ကျကျပြောပါ။ ဘယ်အချိန်တုန်းက ဘာလျှောက်လို့ ဘယ်တုန်းက မသွားနိုင်ဘူးဆိုတာသိရင် ဆရာတို့လည်း လုပ်ပေးမှာပေါ့။ ဆရာတို့မှာ သွားခွင့်မပေးထားတာ မဟုတ်ဘူး။ သွားခွင့်ပေးဖို့ ကျွန်တော်တို့ကလည်း MoU တောင် ထိုးပြီးပြီပဲ။ ဟုတ်တယ် မဟုတ်လား။ ဆရာတို့အနေနဲ့ ဒါသွားစေချင်တယ်။ မီဒီယာကိုလည်း ရောက်စေချင်တယ်။ ဆရာတို့ ဆန္ဒကတော့ ဒါပွင့်လင်းမြင်သာမှုကို အားပေးတဲ့ အဖွဲ့အစည်း။ သူတို့ကို တကယ့် ပကတိအခြေအနေသိရင် ပိုကောင်းတာပေါ့။ ဒါတော့ ဆရာတို့အနေနဲ့ပြဿနာ မရှိပါဘူး” ဟု ပြောကြားသည်။

ရခိုင်ပြည်နယ်တွင် ဖြစ်ပွားခဲ့သည့် အကြမ်းဖက်တိုက်ခိုက်မှု ဖြစ်စဉ်များအား စုံစမ်းစစ်ဆေးရန်အတွက် စတင်ဆောင်ရွက်နိုင်ရန် အသင့်ဖြစ်နေပြီး လုံခြုံရေးပိုင်းဆိုင်ရာကို တာဝန်ရှိသူများက စီစဉ်ပေးမည်ဖြစ်ကြောင်း ဒေါက်တာအောင်ထွန်းသက်က ဆိုသည်။

 

ရခိုင်မြောက်ပိုင်း တိုက်ခိုက်ခံရမှု တစ်နှစ်ပြည့်ဒိုင်ယာရီ

မောင်တောမြို့နယ်အတွင်းရှိ လှဖိုးခေါင်စခန်းအနီးတွင် လုံခြုံရေးရယူထားသော လုံခြုံရေးတပ်ဖွဲ့ဝင်တစ်ဦး (Photo: AFP)

ရခိုင်ပြည်နယ်မြောက်ပိုင်းက မောင်တော၊ ဘူးသီးတောင်နဲ့ ရသေ့တောင်မြို့နယ်ထဲမှာရှိတဲ့ ရဲကင်းစခန်း ၃၀ ကို ၂၀၁၇ ခုနှစ် သြဂုတ် ၂၅ ရက်မှာ အစွန်းရောက် ဘင်္ဂါလီ အကြမ်းဖက်တွေက အင်အားအလုံးအရင်းနဲ့ တစ်ပြိုင်တည်း ၀င်ရောက် တိုက်ခိုက်ခဲ့တာ အခုဆိုရင် တစ်နှစ်ပြည့်ခဲ့ပြီ ဖြစ်ပါတယ်။

ဒီလို တိုက်ခိုက်ရာမှာ အစွန်း ရောက် ဘင်္ဂါလီအကြမ်းဖက်သမားတွေဘက်က လက်လုပ်မိုင်းတွေ ဖောက်ခွဲတဲ့အပြင် လက်နက်ကြီး၊ လက်နက်ငယ်တွေ၊ တုတ်၊ ဓားတွေ ကိုင်ဆောင်ပြီး လူအင်အား အများအပြားနဲ့ တိုက်ခိုက်ခြင်း၊ တံတားတွေကို မိုင်းနဲ့ဖောက်ခွဲဖျက်ဆီးခြင်း၊ တပ်မတော်စစ်ကြောင်းတွေကို မိုင်းဆွဲ တိုက်ခိုက်ခြင်းတွေ ပြုလုပ်ခဲ့တယ်လို့ သိရပါတယ်။

အစွန်းရောက် ဘင်္ဂါလီအကြမ်းဖက်သမားတွေက သြဂုတ် ၂၅ ရက် နံနက် ၁ နာရီကစလို့ မောင်တောမြို့နယ် ပဒင်းခေါင်းတကာကျေးရွာအနီး မိုင်းခုနစ်လုံးဖောက်ခွဲပြီး မောင်နီကျေးရွာအ၀င်တံတား၊ ပညောင်ပင်ကြီးကျေးရွာအနီးတံတား၊ စေတီပြင်ကျေးရွာအနီးတံတားနဲ့ ကျောက်ပန္တုကျေးရွာအနီးမှာရှိတဲ့ ကွန်ကရစ် တံတားစတဲ့ တံတားလေးစင်းကို မိုင်းထောင်ဖောက်ခွဲ ဖျက်ဆီးခဲ့ပါတယ်။

ဒါ့ပြင် မောင်တော၊ ဘူးသီးတောင်နဲ့ ရသေ့တောင်မြို့နယ်တွေထဲက တမန်းသား၊ နံ့သာတောင်၊ သင်္ဘောကွေ့၊ ကျီးကျွန်း၊ မီးတိုက်ချောင်းဝ၊ နတ်ချောင်း၊ ဇီးပင်ချောင်း၊ လောင်းဒုံ၊ မောင်းနီ၊ သီဟိုဠ်၊ ဇင်ပိုင်ညာ၊ ကျောက်ပြင်ဆိပ်၊ ပဒင်းခေါင်းတကာ၊ ပညောင်ပင်ကြီး၊ ရွှေရင်အေး၊ သရေကုန်းဘောင်၊ ချိန်ခါလီ၊ မြင်းလွတ်၊ အလယ်သံကျော်၊ ဥဒေါင်း၊ နှာခေါင်းတိုချောင်းဝ၊ သ၀န်ချောင်း၊ ကိုးတန်ကောက်၊ တောင်ဘဇာ၊ ဖောင်တော်ပြင်က ရဲကင်းစခန်းတွေ နဲ့ မောင်တောမြို့ပတ်ဝန်းကျင်မှာရှိတဲ့ ရဲကင်းစခန်းငါးခု၊ စုစုပေါင်း ရဲကင်းစခန်း ၃၀ ကို တစ်ချိန်တည်း၊ တစ်ပြိုင်တည်း အကြမ်းဖက်ဝင်ရောက် တိုက်ခိုက်ခဲ့တယ်လို့ အစိုးရက သတင်းထုတ်ပြန်ပါတယ်။

အဲဒီနေ့ နံနက်ပိုင်းမှာ ဘူးသီးတောင်မြို့နယ်၊ တောင်ဘဇာကျေးရွာမှာရှိတဲ့ ခမရ (၅၅၂) နယ်မြေခံ တပ်ဌာနချုပ်ကို အစွန်းရောက် ဘင်္ဂါလီအကြမ်းဖက် အင်အား ၁၅၀ လောက်က နှစ်ဖွဲ့ခွဲပြီး ၀င်ရောက် တိုက်ခိုက်ဖို့ ကြိုးစားပေမယ့် တပ်မတော်သားတွေက ပြန်လည်ပစ်ခတ်ခဲ့တာကြောင့် နံနက် ၅ နာရီလောက်မှာ အကြမ်းဖက်အဖွဲ့ကနေ အလောင်းခြောက်လောင်း ကျန်ရှိပြီး ထွက်ပြေးသွားခဲ့တယ်လို့ တပ်မတော်ကာကွယ်ရေး ဦးစီးချုပ်ရုံးကနေ သတင်းထုတ်ပြန်ပါတယ်။

ဒီလို အစွန်းရောက် ဘင်္ဂါလီအကြမ်းဖက်သမားတွေရဲ့ ၀င်ရောက်တိုက်ခိုက်မှုဖြစ်စဉ်တွေကြောင့် တပ်မတော်စစ်သည်တစ်ဦး၊ ရဲတပ်ဖွဲ့ဝင် ၁၀ ဦး၊ လူဝင်မှုကြီးကြပ်ရေးဦးစီးဌာနမှ ၀န်ထမ်းတစ်ဦး ကျဆုံးခဲ့တဲ့ အပြင် ဒဏ်ရာရ တပ်ဖွဲ့ဝင် ၁၁ ဦးရှိ ခဲ့ပြီး ရဲကင်းစခန်းတွေကနေ လက်နက်ငယ်ခြောက်လက် အစွန်းရောက် ဘင်္ဂါလီအကြမ်းဖက်သမားတွေဆီ ပါသွားတယ်လို့ သိရပါတယ်။

တပ်မတော်နဲ့ လုံခြုံရေးတပ်ဖွဲ့တွေက ပြန်လည်တိုက်ခိုက်ရာမှာ အစွန်းရောက် ဘင်္ဂါလီအကြမ်းဖက် သမားနှစ်ဦးကို အရှင်ဖမ်းမိခဲ့ပြီး အလောင်း ၇၇ လောင်း ရရှိခဲ့တယ်လို့ တပ်မတော်ကာကွယ်ရေးဦးစီးချုပ် ရုံးကနေ သြဂုတ် ၂၅ ရက်က သတင်း ထုတ်ပြန်ပါတယ်။

■ အကြမ်းဖက်အုပ်စုအဖြစ် ကြေညာ

မြန်မာနိုင်ငံ အကြမ်းဖက်တိုက်ဖျက်ရေးဗဟိုအဖွဲ့ကနေ ၂၀၁၇ ခုနှစ် သြဂုတ် ၂၅ ရက်က အမိန့်စာတစ် စောင်ကို ထုတ်ပြန်လိုက်ပါတယ်။

အကြမ်းဖက်မှုတိုက်ဖျက်ရေး ဥပဒေပုဒ်မ ၇၂၊ ပုဒ်မခွဲ(ခ)ပါ လုပ် ပိုင်ခွင့်ကို ကျင့်သုံးပြီး ပြည်ထောင်စု အစိုးရအဖွဲ့ရဲ့ သဘောတူညီချက်နဲ့ ဒီအမိန့်စာကို ထုတ်ပြန်တာဖြစ်တယ်လို့ ဖော်ပြထားပါတယ်။

အဲဒီအမိန့်စာထဲမှာ သြဂုတ် ၂၅ ရက်က အကြမ်းဖက်တိုက်ခိုက်မှု ဖြစ်စဉ်မှာပါဝင်တဲ့ အစွန်းရောက် ဘင်္ဂါလီအကြမ်းဖက်သမားတွေနဲ့ ဒီအကြမ်းဖက်သမားတွေအတွက် တာဝန်ရှိတဲ့ Arakan Rohingya Salvation Army (ARSA) တို့ကို အကြမ်းဖက်အုပ်စုဖြစ်တယ်လို့ အကြမ်းဖက်တိုက်ဖျက်ရေးဥပဒေ ပုဒ်မ ၆၊ ပုဒ်မခွဲ (င) ပါ လုပ်ပိုင်ခွင့်ကိုကျင့် သုံးပြီး ပြည်ထောင်စုအစိုးရအဖွဲ့ရဲ့ အတည်ပြုချက်နဲ့ ကြေညာလိုက်တယ်ဆိုတဲ့ အချက်အပါအ၀င် အချက်ခြောက်ချက် ပါဝင်ပါတယ်။

■ နိုင်ငံတော်၏အတိုင်ပင်ခံပုဂ္ဂိုလ် ထုတ်ပြန်ချက်

နိုင်ငံတော်၏အတိုင်ပင်ခံပုဂ္ဂိုလ်  ဒေါ်အောင်ဆန်းစုကြည်ကတော့ မောင်တော၊ ဘူးသီးတောင်နဲ့ ရသေ့ တောင်မှာ သြဂုတ် ၂၅ ရက်က အစွန်းရောက် ဘင်္ဂါလီအကြမ်းဖက်သမားတွေရဲ့ အကြမ်းဖက်တိုက်ခိုက်မှုနဲ့ ပတ်သက်ပြီး ရခိုင်ပြည်နယ် လုံခြုံရေးတပ်ဖွဲ့တွေအပေါ် အကြမ်းဖက်သမားတွေရဲ့ ကြမ်းတမ်းရက်စက်တဲ့ တိုက်ခိုက်မှုလုပ်ရပ်တွေကို ပြင်းထန်စွာ ရှုတ်ချတယ်လို့ ထုတ်ပြန်လိုက်ပါတယ်။

စိန်ခေါ်မှုအများအပြားကို ရင်ဆိုင်ရာမှာ သတ္တိရှိရှိ ရွပ်ရွပ်ချွံချွံ တာဝန်ထမ်းဆောင်လျက်ရှိတဲ့ ရဲဝန်ထမ်းတွေနဲ့ လုံခြုံရေးတပ်ဖွဲ့ဝင်တွေကိုလည်း ချီးကျူးဂုဏ်ပြုလိုက်ပြီး နိုင်ငံအတွက် အသက်ပေးလှူသွားတဲ့ ရဲတပ်ဖွဲ့ဝင်တွေ၊ လုံခြုံရေးတပ်ဖွဲ့ဝင်တွေနဲ့ သူတို့ရဲ့ မိသားစုဝင်တွေ၊ မိတ်ဆွေတွေ၊ လုပ်ဖော်ကိုင်ဖက်တွေ နဲ့လည်း တစ်သားတည်း ရပ်တည်လျက်ရှိပြီး ထပ်တူထပ်မျှဝမ်းနည်းရတယ်လို့  ဒေါ်အောင်ဆန်းစုကြည်က ဆိုပါတယ်။

ဒါ့အပြင် နိုင်ငံတော်အစိုးရအနေနဲ့ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အပြီးသတ် အစီရင်ခံစာ ထုတ်ပြန်မှုနဲ့ အချိန်ကိုက်ပြီး တိုက်ခိုက်မှုတွေ ဖြစ်လာနိုင်ဖွယ်ရာ ရှိတာကို အရင်ကတည်းက ကြိုတင်မှန်းဆထားတဲ့အတွက် သက်ဆိုင်ရာ ပြည်ထောင်စုဝန်ကြီးတွေကိုလည်း ညွှန်ကြားချက်များ ပေးထား ခဲ့တယ်လို့ ဖော်ပြထားပါတယ်။

ဒီလို တိုက်ခိုက်မှုဟာ ရခိုင်ပြည်နယ်အတွင်း တည်ငြိမ်အေးချမ်းမှုနဲ့ သဟဇာတဖြစ်မှုတို့အတွက် ကြိုး ပမ်းအားထုတ်နေမှုတွေကို ထိခိုက်ယုတ်လျော့သွားစေဖို့ ဦးတည်ချက်ရှိရှိ စနစ်တကျ စီမံဆောင်ရွက်နေတဲ့ လုပ်ရပ်တွေဖြစ်တာ ထင်ရှားနေပေမယ့် အစွန်းရောက် အကြမ်းဖက်သမားတွေရဲ့ ရက်စက်ပြင်းထန်တဲ့  လုပ်ရပ်တွေကြောင့် မိမိတို့လုပ်ငန်းတွေ ယိမ်းယိုင်သွားမှာ မဟုတ်ဘူးလို့ ထုတ်ပြန်ချက်မှာ ပါရှိပါတယ်။

ဒါ့အပြင် မောင်တော၊ ဘူးသီးတောင်နဲ့ ရသေ့တောင်မြို့နယ်တွေမှာ လတ်တလောဖြစ်ပွားခဲ့တဲ့ အကြမ်းဖက်တိုက်ခိုက်မှု ဖြစ်စဉ်အပေါ် ပြင်းထန်စွာရှုတ်ချကြောင်း ရခိုင်ပြည်နယ်ဆိုင်ရာ အကြံပေးကော်မ ရှင်အပါအ၀င် နိုင်ငံတကာ အဖွဲ့အစည်းတွေနဲ့ သံရုံးတွေက ၂၀၁၇ ခု နှစ် သြဂုတ် ၂၅ ရက်က ကြေညာ ချက်အသီးသီး ထုတ်ပြန်ခဲ့ပါတယ်။

ရခိုင်ပြည်နယ်ဆိုင်ရာ အကြံပေးကော်မရှင်ဥက္ကဋ္ဌအဖြစ် ဆောင်ရွက်ခဲ့သူ ကိုဖီအာနန်ကတော့ အ ကြမ်းဖက်တိုက်ခိုက်မှု ဖြစ်စဉ်တွေဟာ စိုးရိမ်စရာအရှိန်မြင့်တက်မှုကို ဖော်ပြနေပြီး ရခိုင်ပြည်နယ်ရင်ဆိုင် နေရတဲ့ စိန်ခေါ်မှုတွေအတွက် အဖြေမဟုတ်ဘူးလို့ ထုတ်ပြန်ခဲ့ပါတယ်။

ဆက်လက်ပြီး အဖွဲ့အစည်းတွေနဲ့ အသိုင်းအ၀ိုင်းအားလုံးက အကြမ်းဖက်တိုက်ခိုက်မှုဖြစ်စဉ်ကို ငြင်းပယ်ကြဖို့ သူက အခိုင်အမာ တိုက်တွန်းလိုက်ပါတယ်။ လက်ရှိအချိန်မှာတော့ ကိုဖီအာနန်ဟာ ကွယ်လွန်ခဲ့ပြီဖြစ်ပါတယ်။

ဒီလို အကြမ်းဖက်တိုက်ခိုက်မှုတွေအပေါ် ရခိုင်ပြည်နယ်ဆိုင်ရာ  အကြံပေးကော်မရှင်ဥက္ကဋ္ဌ ဒေါက်တာကိုဖီအာနန်ကနေ ပြင်းထန်စွာရှုတ်ချတဲ့ ကြေညာချက်ကို ကြိုဆိုတယ်လို့ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ဆိုပါတယ်။

အမေရိကန်သံရုံးကလည်း လုံ ခြုံရေးစခန်းများ တိုက်ခိုက်ခံရခြင်းနဲ့ ပတ်သက်လို့ ရှုတ်ချကြောင်းနဲ့ အ သက်စွန့်လွှတ်ခဲ့ရသူတွေနဲ့ သူတို့မိသားစုဝင်တွေအတွက် ၀မ်းနည်းကြောင်းကို သြဂုတ် ၂၅ ရက်မှာပဲ ထုတ်ပြန်ခဲ့ပါတယ်။

အကြမ်းဖက်မှုလုပ်ရပ် ကျူးလွန်သူတွေကို လက်ရဖမ်းဆီးမိရေး၊ အကြမ်းဖက်မှုတွေ ထပ်မံမဖြစ်ပွားရေးအစိုးရနဲ့ လုံခြုံရေးတပ်ဖွဲ့တွေက အရေးယူဆောင်ရွက်ဖို့ တာဝန်ရှိကြောင်းနဲ့ နောက်ထပ်အကြမ်းဖက်မှု မဖြစ်ပွားရေးကို ဆောင်ရွက်ဖို့ အမေရိကန်သံရုံးက တိုက်တွန်းလိုက်ပါတယ်။

ဒီလိုပဲ ဗြိတိန်သံရုံးကလည်း သြဂုတ် ၂၅ ရက် နံနက်အစောပိုင်းက ဖြစ်ပွားခဲ့တဲ့ တိုက်ခိုက်မှုတွေကို ရှုတ် ချတဲ့အပြင် အရပ်သားတွေကို အကာအကွယ်ပေးဖို့နဲ့ လူသားချင်းစာနာထောက်ထားမှု အကူအညီရရှိ ရေးဆောင်ရွက်ပေးဖို့ ထုတ်ပြန်ခဲ့ပါတယ်။

ဒါ့အပြင် ကုလသမဂ္ဂကလည်း အကြမ်းဖက်သမားတွေက လုံခြုံရေးတပ်ဖွဲ့ဝင်တွေကို ပြင်းထန်စွာ တိုက် ခိုက်မှုတွေအပေါ် ရှုတ်ချလိုက်ပြီး အသက်ဆုံးရှုံးသူတွေနဲ့ သူတို့မိသားစုဝင်တွေအတွက် ၀မ်းနည်းကြောင်း မြန်မာနိုင်ငံ ဌာနေကိုယ်စားလှယ် မစ္စစ်ရီနာတာက ထုတ်ပြန်ခဲ့ပါတယ်။

ကုလသမဂ္ဂအနေနဲ့ ရခိုင်ပြည် နယ်ရဲ့ လုံခြုံရေးအခြေအနေအပေါ် စိုးရိမ်ပူပန်ပြီး အခြေအနေကို ဆက် လက်စောင့်ကြည့်သလို အာဏာပိုင်တွေနဲ့ အဆက်အသွယ်ရှိနေမှာ ဖြစ်တယ်လို့ ထုတ်ပြန်ချက်မှာ ဖော်ပြ ထားပါတယ်။

■ ပထမအကြိမ် အကြမ်းဖက်တိုက်ခိုက်မှု

၂၀၁၇ ခုနစ် သြဂုတ် ၂၅ ရက် က ဖြစ်ပွားခဲ့တဲ့ အစွန်းရောက် ဘင်္ဂါလီအကြမ်းဖက်သမားတွေရဲ့ အ ကြမ်းဖက်တိုက်ခိုက်မှုဟာ ဒုတိယအကြိမ် တိုက်ခိုက်မှု ဖြစ်ပါတယ်။

ပြီးခဲ့တဲ့ ၂၀၁၆ ခုနှစ် အောက်တိုဘာ ၉ ရက်မှာ ရခိုင်ပြည်နယ် မောင်တောမြို့နယ်ထဲက အမှတ် (၁) နယ်ခြားစောင့်ရဲ ကွပ်ကဲမှုဌာနချုပ် (ကျီးကန်းပြင်)၊ ကိုးတန်ကောက် ရဲကင်းစခန်းနဲ့ ငါးခူရနယ်မြေရုံးတွေကို အကြမ်းဖက်သမားတွေက အကြမ်းဖက် စီးနင်းတိုက်ခိုက်ခဲ့ပါတယ်။

ဒီတိုက်ခိုက်မှုကြောင့် မြန်မာနိုင်ငံရဲတပ်ဖွဲ့ဝင် စုစုပေါင်းကိုးဦး ကျဆုံးခဲ့ပြီး လက်နက်မျိုးစုံ ၄၈ လက်၊ ကျည်မျိုးစုံ ၆၆၂၄ တောင့်၊ လှံစွပ် ၄၇ ချောင်း၊ ကျည်အိမ် ၁၆၄ ခု ဆုံးရှုံးခဲ့ရတယ်လို့ အစိုးရက ထုတ်ပြန်ပါ တယ်။

ဒီဖြစ်စဉ်မှာပါဝင်တဲ့ အကြမ်းဖက်သမားရှစ်ဦးရဲ့ အလောင်းတွေ ကိုရရှိခဲ့ပြီး နှစ်ဦးကိုတော့ အရှင်ဖမ်း မိခဲ့ပါတယ်။ အကြမ်းဖက်သမားတွေဆီက လုပ်သေနတ်ပစ္စတိုတစ်လက်၊ ကျည်နှစ်တောင့်နဲ့ ကျည်အိမ်တစ်ခု သိမ်းဆည်းရမိခဲ့တယ်လို့ အစိုးရရဲ့ ထုတ်ပြန်ချက်ထဲမှာ ဖော်ပြထားပါတယ်။

အရှင်ဖမ်းဆီးရမိခဲ့တဲ့ အကြမ်းဖက်သမားနှစ်ဦးနဲ့ ဘင်္ဂလားဒေ့ရ်ှနိုင်ငံကနေ ပြန်လည်လွှဲပြောင်းပေးခဲ့တဲ့ အကြမ်းဖက်သမားနှစ်ဦးကို စစ်ဆေးဖော်ထုတ်ချက်တွေအရ မောင်တောဒေသမှာ ဖြစ်ပွားခဲ့တဲ့ အကြမ်း ဖက်တိုက်ခိုက်မှုဖြစ်စဉ်ဟာ ပြည်ပကနေ ငွေကြေးထောက်ပံ့မှု၊ ပြည်ပ အကြမ်းဖက်အဖွဲ့အစည်းဝင်တွေရဲ့ ပံ့ပိုးကူညီမှုတွေနဲ့ အချိန်ယူပြီး စနစ်တကျ ကြိုတင်ဆောင်ရွက်ခဲ့တဲ့ အကြမ်းဖက်တိုက်ခိုက်မှု ဖြစ်တယ်လို့ ၂၀၁၆ ခုနှစ် အောက်တိုဘာ ၁၄ ရက်က နိုင်ငံတော်သမ္မတရုံးကနေ သတင်းထုတ်ပြန်ခဲ့ပါတယ်။

မောင်တောဒေသကို ခြေကုပ်ယူပြီး အရှေ့အလယ်ပိုင်း နိုင်ငံအချို့က အစွန်းရောက်ပုဂ္ဂိုလ်တွေရဲ့ ငွေကြေးပံ့ပိုးမှု အလုံးအရင်းကို ရယူခဲ့တာဖြစ်ပြီး ငွေကြေးထောက်ပံ့ရာ မှာ အဖွဲ့အစည်းအလိုက် ဆောင်ရွက်တာမဟုတ်ဘဲ လူပုဂ္ဂိုလ်တစ်ဦးချင်း ဆက်သွယ်မှုနဲ့ လျှို့ဝှက်ခဲ့တာ ဖြစ်တယ်လို့ အစိုးရ သတင်းထုတ်ပြန်ချက်ထဲမှာ ပါရှိခဲ့ပါတယ်။

မောင်တော အကြမ်းဖက်ဖြစ်စဉ်ဟာ RSO အကြမ်းဖက်အဖွဲ့နဲ့ ဆက်နွှယ်တဲ့ မောင်တောဒေသမှာ လှုပ်ရှားတဲ့ Aqa Mul Mujahidin (အကာလ်မူလ်မူဂျာဟီဒင်န်) အဖွဲ့ ရဲ့ ဆောင်ရွက်ချက်ဖြစ်တယ်လို့ အစိုးရက ထုတ်ပြန်ပါတယ်။

ဒီအဖွဲ့ကို ဦးဆောင်သူဟာ မောင်တောမြို့နယ် ကျောက်ပြင်ဆိပ်ကျေးရွာနေ ဘာသာရေး၊ လူမျိုးရေး အစွန်းရောက်တစ်ဦးဖြစ်တဲ့ ဟာဗစ်တူဟာရ်ဖြစ်ပြီး ပါကစ္စတန်နိုင်ငံက တာလီဘန်တွေထံမှာ သင်တန်းခြောက်လ တက်ရောက်ခဲ့သူ ဖြစ်ပါတယ်။

ဟာဗစ်တူဟာရ်အနေနဲ့ ဘင်္ဂလားဒေ့ရ်ှနိုင်ငံ တက္ကနာ့ဖ်အနီးက ကျေးရွာတစ်ရွာမှာ သွားရောက်နေထိုင်လေ့ရှိပြီး ဒုက္ခသည်အမည်ခံကာ အရှေ့အလယ်ပိုင်းနိုင်ငံတွေက အဖွဲ့အစည်းတချို့ထံကနေ ငွေကြေးထောက်ပံ့မှု ရယူခဲ့ပါတယ်။ အကြမ်းဖက်သမားအင်အား ၄၀၀ နီးပါးနဲ့ နေရာခြောက်နေရာကို တစ်ချိန်တည်း၊ တစ်ပြိုင်တည်း အကြမ်းဖက် တိုက်ခိုက်ဖို့စီစဉ်ခဲ့ပေမယ့် ကျီးကန်းပြင်ဌာနချုပ်၊ ငါးခူရနယ်မြေစခန်းနဲ့ ကိုးတန်ကောက်ရဲကင်းစခန်း သုံးနေရာကိုသာ ၂၀၁၆ ခုနှစ် အောက်တိုဘာ ၉ ရက်က တိုက်ခိုက်နိုင်ခဲ့တာ ဖြစ်ပါတယ်။

စခန်းအားလုံး တိုက်ခိုက်ပြီးတဲ့အခါ လက်နက်တွေနဲ့ ပစ္စည်းတွေယူပြီး အနီးပတ်ဝန်းကျင်က တပ်မတော်နဲ့ ရဲတပ်ဖွဲ့စခန်းတွေကို ဆက်လက်တိုက်ခိုက်ဖို့ ဟာဗစ်တူဟာရ်က ညွှန်ကြားထားခဲ့ပြီး တိုက်ခိုက်မယ့် အစီအမံတွေကို စနစ်တကျ လုပ်ဆောင်ထားခဲ့တယ်လို့ သိရပါတယ်။

အစ္စလာမ်ဘာသာဝင် အများစုနေထိုင်ရာ ဘူးသီးတောင်၊ မောင်တောဒေသကို သိမ်းပိုက်ရယူပြီးတဲ့အခါ ပြည်ပထောက်ခံမှု၊ ငွေကြေးပံ့ပိုးမှုတွေ မြင့်တက်လာစေဖို့အပြင် ပြည်တွင်းပြည်ပက ဘာသာရေးအစွန်းရောက်တွေ ပူးပေါင်းပါဝင်လာစေဖို့အတွက် တာလီဘန်၊ အယ်လ်ကိုင်းဒါး၊ ISIS စတဲ့ အကြမ်းဖက်အဖွဲ့အစည်းတွေရဲ့ နည်းနာအတိုင်း အင်တာနက်နဲ့ လူမှုကွန်ရက်တွေမှာ ဗီဒီယိုဖိုင်တွေ လွှင့်တင်ပြီး ၀ါဒဖြန့်ချိ တာတွေလည်း အကွက်ကျကျလုပ်ခဲ့ပါတယ်။

ရခိုင်ပြည်နယ်မြောက်ပိုင်း မောင်တောဒေသမှာ၂၀၁၆ ခုနှစ် အောက်တိုဘာ ၉ ရက် နောက်ပိုင်း မှာ ဘင်္ဂါလီတွေဖြစ်ပေမယ့် အစိုးရ အုပ်ချုပ်ရေးယန္တရားနဲ့ နီးစပ်သူတွေ၊ အုပ်ချုပ်ရေးမှူးတွေ၊ ရာအိမ်မှူးတွေ၊ ဆယ်အိမ်မှူးတွေနဲ့ အပြစ်မဲ့ အရပ်သားတွေဟာ အသတ်ခံရမှု၊ ဖမ်းဆီးခေါ်ဆောင်ခံရမှုတွေကြောင့် ပျောက်ဆုံးမှုတွေ ရှိခဲ့ပါတယ်။

ဒီလိုအခြေအနေတွေမှာပဲ ထပ်ပြီး စိုးရိမ်စရာဖြစ်လာတာကတော့ ၂၀၁၇ ခုနှစ် ဇွန် ၂၀ ရက်က ဘူးသီးတောင်-မောင်တောဒေသ မေယုတောင်ကြောပေါ်မှာ အကြမ်းဖက်သမားတွေ ခိုအောင်းမှုရှိနေတယ်လို့ အစိုးရက အခိုင်အမာ သတင်းထုတ်ပြန်ခဲ့ပါတယ်။

လုံခြုံရေးတပ်ဖွဲ့ဝင်တွေ နယ်မြေရှင်းလင်းတဲ့အခါမှာ လိုဏ်ခေါင်းတစ်ခု၊ သေနတ်တွေ၊ လူနေတဲ့ ဂိုဒေါင်တွေ၊ စားနပ်ရိက္ခာတွေနဲ့ အသုံးအဆောင်ပစ္စည်းတွေကို သိမ်းဆည်းရမိပြီး ဓားနဲ့ရန်ပြုသူနှစ်ဦးနဲ့ ပြန်လည်တိုက်ခိုက်သူတစ်ဦး စုစုပေါင်း သုံးဦးကို အသေဖမ်းဆီးရမိခဲ့တယ်လို့ အစိုးရက သတင်းထုတ်ပြန် ပါတယ်။

ဒီကိစ္စနဲ့ပတ်သက်လို့ နေပြည်တော်က သမ္မတအိမ်တော်မှာ ဇွန် ၂၁ ရက်က သတင်းစာရှင်းလင်းပွဲ တစ်ရပ် ပြုလုပ်ခဲ့ပါတယ်။ ဒီရှင်းလင်းပွဲမှာ သမ္မတရုံးပြောရေးဆိုခွင့်ရှိသူ ဦးဇော်ဌေးက ပြောကြားရာမှာ တပ်မတော်က နယ်မြေရှင်းလင်းရေး ဆောင်ရွက်နေမှုတွေကို ၂၀၁၇ ဖေဖော်ဝါရီက စတင်ရပ်ဆိုင်းခဲ့ပြီး နယ်ခြားစောင့်တပ်နဲ့ နယ်မြေခံရဲတပ်ဖွဲ့က နယ်မြေတည်ငြိမ်ရေးထိန်းသိမ်း ဆောင်ရွက်နေချိန်မှာ အခုလို မေယုတောင်ကြောကို ခြေကုပ်ယူပြီး အကြမ်းဖက်လုပ်ငန်းတွေ လုပ်ဆောင် ဖို့ ကြိုးစားလာတာဖြစ်တယ်လို့ ဆိုပါတယ်။

မောင်တောဒေသမှာ အကြမ်းဖက်သင်တန်း တက်ရောက်သူတွေကို ဖမ်းမိခဲ့ပြီး နေအိမ်မှာ စစ်သင် တန်းပေးတာ၊ သိုင်းသင်တန်းပေးတာ၊ အကြမ်းဖက်သင်တန်းတွေကို တက်ဖို့စည်း​ရုံးတာ၊ လက်နက်နဲ့ လေ့ ကျင့်ပေးတာ၊ သင်တန်းသားတွေကို တစ်လကျပ်နှစ်သိန်းပေးပြီး ငါးလကြာ သင်တန်းပို့ချပေးတာ၊ ပြည်ပနိုင်ငံအချို့က သင်တန်းဆရာတွေကို ငွေပို့ပေးတာတွေကို စစ်ဆေးတွေ့ရှိခဲ့တယ်လို့ သိရပါတယ်။

ဒါ့အပြင် အကြမ်းဖက်အဖွဲ့ နှစ်ဖွဲ့ပေါင်းပြီး ARSA ဆိုပြီး ဖွဲ့ စည်းထားသလို အဲဒီအဖွဲ့ရဲ့ ဘဏ္ဍာ ရေး တာဝန်ခံကိုလည်း ဖမ်းမိထားတယ်လို့ ဦးဇော်ဌေးက အတည်ပြု ပြောကြားခဲ့ပါတယ်။

Arakan Rohingya Salvation Army (ARSA)  အဖွဲ့ရဲ့ ဘဏ္ဍာရေးတာဝန်ခံ မော်လ၀ီဂျီရာဘူရာမန်ကို ကျွန်းဂေါကျေးရွာနေအိမ်မှာ ဇွန် ၂၀ ရက်က လုံခြုံရေးတပ်ဖွဲ့ဝင်တွေ ဖမ်းမိခဲ့တယ်လို့ ဆိုပါတယ်။ ARSA အဖွဲ့ကို ၂၀၁၆ အောက်တိုဘာ အကြမ်းဖက်တိုက်ခိုက်မှုဖြစ်စဉ် ဆောင်ရွက်ခဲ့တဲ့ Aqua Mul Mujahidin – AMM အဖွဲ့နဲ့ Royigya National Security Committee RNSA အဖွဲ့တို့က ၂၀၁၇ မတ် ၁၅ ရက်က ပူးပေါင်းဖွဲ့စည်းခဲ့တာဖြစ်ပြီး စစ်ရေးတာဝန်ခံအနေနဲ့ AMM အဖွဲ့မှ  ဟာဗစ်ဒူဟာ တာဝန်ယူတယ်လို့ စစ်ဆေးပေါ်ပေါက်ခဲ့တယ်လို့ ပြောပါတယ်။

မောင်တောဒေသ အကြမ်းဖက်သမားတွေရဲ့ နောက်ကွယ်မှာ ငွေကြေးထောက်ပံ့တဲ့ အဖွဲ့အစည်းတွေ၊ ပုဂ္ဂိုလ်တွေရှိပြီး ပြည်ပနိုင်ငံအ ချို့ကနေလာတဲ့ ငွေကြေးတွေကို အကြမ်းဖက်လုပ်ရပ်တွေမှာ အသုံးပြု နေတယ်လို့ ဦးဇော်ဌေးက ရှင်းလင်းခဲ့ပါတယ်။

၂၀၁၆ အောက်တိုဘာ အကြမ်းဖက်မှုဖြစ်စဉ်နဲ့ပတ်သက်လို့ မောင်တောဒေသမှာ တပ်မတော်နဲ့ ရဲတပ်ဖွဲ့တွေ နယ်မြေရှင်းလင်းခဲ့ရာမှာ လက်ရှိအချိန်အထိ အကြမ်းဖက်အဖွဲ့နဲ့ ဆက်စပ်သူလို့ ယူဆရသူ ၆၁၂ ဦးကို ဖမ်းဆီးစစ်ဆေးခဲ့တဲ့ အနက် ၁၂ ဦးကို ပြန်လွှတ်ခဲ့ပြီး ၅၃၉ ဦးကို တရားရုံးက စစ်ဆေးနေဆဲဖြစ်ကာ ပြစ်ဒဏ်ချမှတ်ပြီးသူ ၁၃ ဦးအထိ ရှိနေပါတယ်။

ရခိုင်ပြည်နယ် မောင်တောခရိုင်အတွင်းမှာ အစွန်းရောက် အကြမ်းဖက်သမားတွေက အကြမ်းဖက်သတ်ဖြတ်မှုတွေကို တိုးမြှင့်ဆောင်ရွက်လာတာကြောင့် ၂၀၁၇ ခုနှစ် သြဂုတ် ၉ ရက်အထိ သေဆုံးသူ ၅၉ ဦးနဲ့ ပျောက်ဆုံးသူ ၃၃ ဦးအထိ ရှိလာတယ်လို့ နိုင်ငံတော်အတိုင်ပင်ခံရုံး ၀န်ကြီးဌာနကနေ သြဂုတ် ၁၁ ရက်က သတင်းထုတ်ပြန်ခဲ့ပါတယ်။

■ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ရဲ့ ထုတ်ဖော်ချက်

၂၀၁၇ သြဂုတ်အတွင်း တိုက်ခိုက်မှုတွေမှာ ဘင်္ဂါလီအကြမ်းဖက်သမားတွေက ဟိန္ဒူအရပ်သား ဒါဇင် ပေါင်းများစွာကို သတ်ဖြတ်ခဲ့တယ်လို့ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ရဲ့ စုံစမ်းစစ်ဆေးမှု တစ်ရပ်က ထုတ်ဖော်ခဲ့ပါတယ်။

လူအစုလိုက်အပြုံလိုက် သတ်ဖြတ်မှုတစ်ခု ဒါမှမဟုတ် နှစ်ခုမှာ ARSA လို့ ခေါ်တဲ့ ဘင်္ဂါလီအကြမ်း ဖက်သမားတွေက ဟိန္ဒူအရပ်သား ၉၉ ဦးကို သတ်ဖြတ်ခဲ့တယ်လို့ လူ့ အခွင့်အရေးအဖွဲ့က ဆိုပါတယ်။

ပြီးခဲ့တဲ့  သြဂုတ်မှာ ရဲကင်းတွေကို စီးနင်းတိုက်ခိုက်ချိန် တစ်ပြိုင် တည်းမှာပဲ ARSA က မောင်တာမြို့ နယ် မြောက်ပိုင်းကျေးရွာစုတွေမှာ လူအစုလိုက် အပြုံလိုက် သတ်ဖြတ်မှုတွေ လုပ်ဆောင်ခဲ့တာကို ဘင်္ဂလားဒေ့ရ်ှနဲ့ ရခိုင်ပြည်နယ်က ဒုက္ခသည်တွေနဲ့ တွေ့ဆုံမေးမြန်းမှုတွေ ကနေ အတည်ပြုခဲ့တယ်လို့ အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့က ပြောပါတယ်။

ARSA အဖွဲ့ဝင်တွေက သြဂုတ် ၂၆ ရက်မှာ အနောက်ခမောင်းဆိတ် ဟိန္ဒူကျေးရွာကို တိုက်ခိုက်ခဲ့ပုံကို အစီရင်ခံစာမှာ အသေးစိတ် ဖော်ပြထားပါတယ်။

“ရက်စက်ပြီး အဓိပ္ပာယ်မဲ့တဲ့ အခုလုပ်ရပ်မှာ ARSA အဖွဲ့ဝင်တွေ ဟာ ဟိန္ဒူအမျိုးသမီးတွေ၊ အမျိုး သားတွေနဲ့ ကလေးတွေကို အစုလိုက် အပြုံလိုက် ဖမ်းဆီးခဲ့ပါတယ်။ သူတို့ကို သူတို့ရွာရဲ့ အပြင်ဘက်မှာ သတ်ဖြတ်ခြင်းမပြုခင် သူတို့ကို အကြမ်းဖက် ခြိမ်းခြောက်ခဲ့ကြပါတယ်” လို့ အစီရင်ခံစာက ဆိုပါတယ်။

ပြီးခဲ့တဲ့ စက်တင်ဘာမှာ အစုလိုက် အပြုံလိုက် မြှုပ်ထားတဲ့ မြေကျင်းလေးခုထဲကနေ ရွာသား ၄၅ ဦးရဲ့ အလောင်းတွေကို တူးဖော်ခဲ့တယ်လို့ အပြည်ပြည်ဆိုင်ရာ လွတ် ငြိမ်းချမ်းသာခွင့်အဖွဲ့က ပြောကြားခဲ့ပါတယ်။ အနီးအနား ရဲဘော်ကျရွာက ၄၆ ဦးအပါအ၀င် အခြားနှိပ်စက် သတ်ဖြတ်ခံခဲ့ရသူတွေရဲ့အလောင်းတွေကို ရှာတွေ့ခြင်း မရှိ သေးပါဘူး။

ရဲဘော်ကျကျေးရွာက ဟိန္ဒူအမျိုးသား၊ အမျိုးသမီးတွေနဲ့ ကလေးတွေကို အစုလိုက် အပြုံလိုက် သတ်ဖြတ်မှုက တစ်ရက်တည်းမှာ ဖြစ်ပွားခဲ့တာကြောင့် ခန့်မှန်းခြေ သေဆုံးသူ စုစုပေါင်း အရေအတွက်မှာ ၉၉ ဦး ရှိတယ်လို့ စုံစမ်းဖော်ထုတ်မှုမှာ ဖော် ပြထားပါတယ်။

■ ရခိုင်ကော်မရှင်နှစ်ခုရဲ့ အစီရင်ခံစာ

ဒုတိယသမ္မတဦးမြင့်ဆွေ ဦးဆောင်တဲ့ ရခိုင်ပြည်နယ်၊ မောင်တောဒေသ စုံစမ်းစစ်ဆေးရေးကော် မရှင်ရဲ့ အစီရင်ခံစာနဲ့ ကုလသမဂ္ဂအထွေထွေအတွင်းရေးမှူးဟောင်း နိုဗယ်ဆုရှင် မစ္စတာ ကိုဖီအာနန် ဦး ဆောင်တဲ့ ‘ရခိုင်ပြည်နယ်ဆိုင်ရာ အကြံပေးကော်ရှင်ရဲ့ အစီရင်ခံစာ’ နှစ်ခုစလုံးရဲ့ အပြီးသတ် အစီရင်ခံစာ အပြည့်အစုံဟာ သြဂုတ်လအတွင်းမှာ ထွက်ရှိလို့ လာပါတယ်။

ဒုတိယသမ္မတ ဦးမြင့်ဆွေ ဦးဆောင်တဲ့ မောင်တောဒေသ စုံစမ်းစစ်ဆေးရေးကော်မရှင်ရဲ့ သတင်းစာရှင်းလင်းပွဲကို သြဂုတ် ၆ ရက်က  ရန်ကုန်မြို့ စိမ်းလဲ့ကန်သာမှာ ပြုလုပ်ခဲ့ပါတယ်။

ကော်မရှင်ဖွဲ့ပြီး ရှစ်လအကြာမှာ ကော်မရှင်ရဲ့ အစီရင်ခံစာအပြည့်အစုံကို သမ္မတဆီ ပေးပို့ခဲ့တာ ဖြစ်ပါတယ်။ နိုင်ငံတော်သမ္မတဆီပေးပို့တဲ့ အစီရင်ခံစာ အပြည့်အစုံမှာတော့ စာမျက်နှာ ၇၇ မျက်နှာ၊ အပိုဒ် ၂၃၇ ပိုဒ်နဲ့ လိုအပ်တဲ့ နောက်ဆက်တွဲ ဖော်ပြချက်တွေနဲ့အတူ ရေးသားပြုစုထားတယ်လို့ ကော်မရှင်အတွင်းရေးမှူး ဦးဇော်မြင့်ဖေက ဆိုပါတယ်။

အစီရင်ခံစာအပြည့်အစုံမှာ ရခိုင်ပြည်နယ်ရဲ့အနေအထား၊ ရခိုင်ပြည်နယ် ပဋိပက္ခဖြစ်စဉ်များရဲ့ နောက်ခံအခြေအနေ၊ မောင်တောဒေသ အကြမ်းဖက်တိုက်ခိုက်မှုဖြစ်စဉ်များ၊ ၂၀၁၆ မောင်တောဒေသ အကြမ်းဖက်ဖြစ်စဉ်မှာ ဦးဆောင်ပါဝင်သူများ၊ မောင်တောဖြစ်စဉ်ရဲ့ ထူးခြားချက်၊ ဒေသတည်ငြိမ်အေး ချမ်းရေးနဲ့ လုံခြုံရေးအတွက် ဆောင်ရွက်နိုင်မှု အခြေအနေ၊ ပြည်သူများရဲ့ လုံခြုံရေးနဲ့ အခြေခံအခွင့်အရေး များ အာမခံချက်ပေးနိုင်မှုအခြေအနေ၊ ပဋိပက္ခ ကြိုတင်ကာကွယ်ရေးနဲ့ လူသားချင်းစာနာထောက်ထားမှု အကူအညီပေးရေး၊ ပြင်ပစွပ်စွဲပြောဆိုမှုများအပေါ် စိစစ်တွေ့ရှိချက်၊ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး (OHCHR) ရဲ့ အစီရင်ခံစာပါ ဖော်ပြချက်များအပေါ် ကော်မရှင်ရဲ့သုံးသပ်ချက်၊ ဘင်္ဂလား ဒေ့ရ်ှနိုင်ငံကို ကော်မရှင်အဖွဲ့ သွားရောက်စစ်ဆေးချက်၊ ကော်မရှင်ရဲ့ အကြံပြုချက်များ စတဲ့အခန်းများ ပါဝင်တယ်လို့ သိရပါတယ်။

ကော်မရှင်အနေနဲ့ မောင်တောဒေသကို ကွင်းဆင်းစစ်ဆေးမှု လေးကြိမ်၊ ဘင်္ဂလားဒေ့ရ်ှနိုင်ငံကို တစ်ကြိမ်၊ ကော်မရှင်အစည်းအဝေး ၁၁ ကြိမ်နဲ့ အခါအားလျော်စွာ သတင်းထုတ်ပြန်မှု ငါးကြိမ်ပြုလုပ်ခဲ့တယ်လို့ ဆိုပါတယ်။

နိုင်ငံတော်သမ္မတဆီပေးပို့တဲ့ ကော်မရှင်ရဲ့ အစီရင်ခံစာ အပြည့်အစုံမှာ လက်ငင်းဆောင်ရွက်ရမယ့် အချက်နဲ့ ရေရှည်မဟာဗျူဟာချမှတ် လုပ်ဆောင်ရမယ့် အချက်များဆိုပြီး အချက် ၄၈ ချက်ကို တင်ပြထားတယ် သိရပါတယ်။

အကြံပြုချက် ၄၈ ချက်မှာ အုပ်ချုပ်ရေးကဏ္ဍအတွက် ၁၃ ချက်၊ သတင်းမီဒီယာ ကဏ္ဍအတွက် သုံးချက်၊ UN နဲ့ INGO ကဏ္ဍအတွက် နှစ်ချက်၊ နိုင်ငံသားစိစစ်ရေးကိစ္စနဲ့ ပတ်သက်လို့ ငါးချက်၊ ဘာသာရေး၊ သာသနာရေးကဏ္ဍအတွက် သုံးချက်၊ စီးပွားရေးနဲ့ လူမှုရေးကဏ္ဍအတွက် ခြောက်ချက်၊ အမျိုးသားလုံခြုံရေးနဲ့ နယ်စပ်ဒေသ လုံခြုံရေးအတွက် ၁၂ ချက်၊ နိုင်ငံတကာ လုံခြုံရေး အဖွဲ့အစည်းများနဲ့ မြန်မာနိုင်ငံ ပူးပေါင်းဆောင်ရွက်ဖို့ တစ်ချက်၊ အထွေထွေ အကြံပြုချက်သုံးချက် ပါဝင်တယ်လို့  ဦးဇော်မြင့်ဖေက ရှင်းပြ ပါတယ်။

ဒုတိယသမ္မတ ဦးမြင့်ဆွေ ဦးဆောင်တဲ့ မောင်တောဒေသ စုံစမ်းစစ်ဆေးရေးကော်မရှင်ရဲ့ အစီရင်ခံစာ အပြည့်အစုံထွက်လာချိန်မှာ ဝေဖန်မှုတွေမရှိခဲ့ပေမယ့် ကိုဖီအာနန် ဦးဆောင်တဲ့ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အစီရင်ခံစာ အပြည့်အစုံထွက်ရှိလာချိန်မှာတော့ ဝေဖန်မှုတွေက မြင့်တက်လာခဲ့ပါ တယ်။ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အပြီးသတ်အစီရင်ခံစာကို နိုင်ငံတော်သမ္မတနဲ့ နိုင်ငံ တော်ရဲ့ အတိုင်ပင်ခံပုဂ္ဂိုလ်ထံ တင်သွင်းခဲ့ပြီး သြဂုတ် ၂၄ ရက်က သတင်းစာ ရှင်းလင်းပွဲ ပြုလုပ်ခဲ့ပါတယ်။

ကော်မရှင်ရဲ့ အပြီးသတ်အစီရင်ခံစာမှာ ရခိုင်ပြည်နယ်ရဲ့ စီးပွားရေးနဲ့ လူမှုရေးဖွံ့ဖြိုးမှု၊ နိုင်ငံသားဖြစ်မှု၊ လွတ်လပ်စွာ သွားလာခွင့်၊ IDP ကိစ္စရပ်များ၊ လူသားချင်းစာနာ ထောက်ထားတဲ့ အကူအညီများပေးနိုင်မှု၊ သတင်းယူခွင့်၊ ပညာရေး၊ ကျန်းမာရေး၊ မူးယစ်ဆေးဝါးများ စတဲ့ ကဏ္ဍတွေ ပါဝင်ပါတယ်။

ဒါ့အပြင် နိုင်ငံရေးကဏ္ဍနဲ့ လူ့ အဖွဲ့အစည်းများမှာ ကိုယ်တိုင်ပါဝင်မှုနဲ့ ကိုယ်စားပြုမှု၊ လူ့အဖွဲ့အစည်း များအကြား ပေါင်းစည်းရေး၊ လုံခြုံရေးကဏ္ဍ၊ တရားမျှတမှုရရှိရေး၊ ယဉ်ကျေးမှုဆိုင်ရာဖွံ့ဖြိုးမှု၊ နယ်စပ် ဆိုင်ရာကိစ္စရပ်များနဲ့ ဘင်္ဂလားဒေ့ရ်ှနိုင်ငံနဲ့ ဆက်ဆံရေး၊ ဒေသအတွင်းရှိ နိုင်ငံများနဲ့ဆက်ဆံရေး၊ ကော်မရှင်ရဲ့ အကြံပြုချက်များကို   အကောင်အထည်ဖော်ဆောင်ရွက်မှု စတဲ့ကဏ္ဍများ ထည့်သွင်းဖော်ပြထားပါတယ်။

နိုင်ငံသားဖြစ်မှုကဏ္ဍမှာတော့ နိုင်ငံသားစိစစ်ရေးလုပ်ငန်းစဉ်နဲ့ ၁၉၈၂ နိုင်ငံသားဥပဒေဆိုပြီး အပိုင်းနှစ်ပိုင်းခွဲခြားထားသလို အဓိကတွေ့ ရှိချက်များနဲ့ အကြံပြုချက်များကို ဖော်ပြထားပါတယ်။

လွတ်လပ်စွာသွားလာခွင့် ကဏ္ဍမှာတော့ ရခိုင်ပြည်နယ်မှာ နေထိုင်သူအားလုံး နိုင်ငံသားစိစစ် ခံရမယ့်သူရဲ့ သက်သေခံကတ်ပြား  (NVC) (ဒါမှမဟုတ်) အမျိုးသားမှတ်ပုံတင် (ဒါမှမဟုတ်) နိုင်ငံသား စိစစ်ရေး ကတ်ရှိမှုတို့အပေါ်မှာ အခြေမခံဘဲ လွတ်လပ်စွာ သွားလာခွင့်ပြုသင့်ပါတယ်လို့ ထည့်သွင်းရေး သားထားပါတယ်။

ကော်မရှင်ရဲ့ အလေးအနက် ဖော်ပြခဲ့တဲ့ ကဏ္ဍတွေကတော့ ရခိုင် ပြည်နယ်ရဲ့ စီးပွားရေးနဲ့ လူမှုရေးဖွံ့ ဖြိုးမှု၊ နိုင်ငံသားစိစစ်မှု၊ နိုင်ငံသား ကတ်ပြားထုတ်ပေးမှု၊ လွတ်လပ်စွာ သွားလာခွင့်၊ အခွင့်အရေးကိစ္စနဲ့ ဥပဒေရှေ့မှောက် တန်းတူညီမျှ ဖြစ်စေဖို့ စတာတွေဖြစ်ပြီး အကြံပြုချက်များအပေါ် ဦးစားပေးဆောင်ရွက်ဖို့ ဆုံးဖြတ်ချက်ကို နိုင်ငံတော်အစိုးရက အကဲဖြတ်မှာဖြစ်တယ်လို့ မစ္စတာကိုဖီအာနန်က ပြောကြားခဲ့ပါတယ်။

■ အကြံပေးအဖွဲ့ ဖွဲ့စည်း

ရခိုင်ပြည်နယ်ဆိုင်ရာ အကြံပြုချက်တွေအပေါ် အကောင်အထည်ဖော် ဆောင်ရွက်ရေးကော်မတီရဲ့ အကြံပေးအဖွဲ့ကို နိုင်ငံတော်သမ္မတက ဖွဲ့စည်းလိုက်တယ်လို့ ၂၀၁၇ ဒီ ဇင်ဘာ ၈ ရက်က နိုင်ငံတော်သမ္မတ ရုံးက ထုတ်ပြန်ပါတယ်။

ရခိုင်ပြည်နယ်ဆိုင်ရာ ကော်မရှင်တွေရဲ့ အကြံပြုချက်တွေအပေါ် အကောင်အထည်ဖော် ဆောင်ရွက်တဲ့အခါ မြေပြင်အခြေအနေအပေါ် မူတည်ပြီး အကျိုးရှိစွာထိထိရောက်ရောက် ဖော်ဆောင်နိုင်ရေးအတွက် လိုအပ်တဲ့ အကြံဥာဏ်များ ရယူနိုင်ဖို့ အကြံပေးအဖွဲ့ကို ပြည်တွင်းပြည်ပ ပညာရှင်များ၊ ဘာသာရပ်ဆိုင်ရာ ကျွမ်းကျင်သူများ၊ အတွေ့အကြုံရှိသူ များနဲ့ ဖွဲ့စည်းရမယ်လို့ ဖော်ပြထားတာကြောင့် ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ရေးကော်မတီရဲ့ အကြံ ပေးအဖွဲ့ကို ပြည်တွင်းပြည်ပ ပညာရှင်တွေနဲ့ ဖွဲ့စည်းလိုက်တယ်လို့ နိုင်ငံတော်သမ္မတရုံးရဲ့ ထုတ်ပြန်ချက်မှာ ဖော်ပြထားပါတယ်။

ရခိုင်ပြည်နယ်ဆိုင်ရာ အကြံပြု ချက်များအပေါ် အကောင်အထည်ဖော် ဆောင်ရွက်ရေးကော်မတီရဲ့ အကြံပေးအဖွဲ့ဝင် ပြည်ပပညာရှင် ငါးဦးအဖြစ် (က) Dr. Surakiart Sathirathai Chairman, Asia Peace and Reconciliation Council- APRC Former Deputy Prime Minister and Minister of Foreign Affairs of Thailand ၊ (ခ) Mr. Urban AhlinSpeaker, Chair of the Riksdag BoardMember of the Swedish Parliament  ၊ (ဂ) Governor Bill Richardson Chairman, Richardson Center For Global Engagement Former Governor of New Mexico and Former United States Secretary of Energy ၊ (ဃ) Professor Lord Derzi of Denham Former Parliamentary Under-Secretary of State of Health, Department of Health Member of Her Majesty’s Most Honourable Privy Council ၊ (င) Mr. Roel of Petrus (Roelf) Meyer Former Minister of Defence Former Minister of  Const tutional Affairs and Communi-cation Former Minister of Constitutional Development and Provincial Affairs South Africa တို့ဖြစ်ပါတယ်။

ဒါ့ပြင် အကြံပေးအဖွဲ့ဝင် ပြည်တွင်းပညာရှင်တွေအဖြစ် ဦးဝင်းမြ (ဥက္ကဋ္ဌ၊ မြန်မာနိုင်ငံ အမျိုးသားလူ့အခွင့်အရေးကော်မရှင်)၊ ဦးထွန်းမြတ် (အငြိမ်းစား၊ ကုလသမဂ္ဂ လက်ထောက်အတွင်းရေးမှူးချုပ်)၊ ဦး ခင်မောင်လေး (အဖွဲ့ဝင်၊ မြန်မာနိုင်ငံ အမျိုးသားလူ့အခွင့်အရေး ကော်မရှင်)၊ ဦးလှမြင့် (သံအမတ်ကြီး -ငြိမ်းအဖွဲ့ဝင်)၊ အာဆီယံအစိုးရ ချင်းဆိုင်ရာ လူ့အခွင့်အရေးကော်မရှင်)၊ ဒေါက်တာဒေါ်ခင်ညို (ကျန်းမာရေးနှင့် အားကစားဖွံ့ဖြိုးတိုးတက်ရေးကော်မတီ-ပြည်သူ့လွှတ်တော်) ခန့်အပ်ခဲ့ပါတယ်။

မောင်တောဒေသ စုံစမ်းစစ်ဆေးရေးကော်မရှင်ရဲ့ အစီရင်ခံစာ နဲ့ ရခိုင်ပြည်နယ်ဆိုင်ရာ အကြံပေး ကော်မရှင်တို့ရဲ့ အပြီးသတ်အစီရင်ခံစာပါ အကြံပြုချက်တွေကို အကောင်အထည်ဖော် ဆောင်ရွက်နိုင်ဖို့ ‘‘ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ’’ကို နိုင်ငံတော်သမ္မတက ၂၀၁၇ ခုနှစ် စက်တင်ဘာ ၁၂ ရက်က ဖွဲ့စည်းပေးခဲ့တာပါ။ ကော်မတီဥက္ကဋ္ဌကတော့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး ဖြစ်ပါတယ်။

ကော်မတီရဲ့ လုပ်ငန်းတာဝန်တွေကတော့ မောင်တောဒေသ စုံစမ်းစစ်ဆေးရေးကော်မရှင်နဲ့ ရခိုင် ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်တွေအပေါ် မြေပြင်အခြေအနေ အပေါ်မူတည်ပြီး အကျိုးရှိမယ့်ကိစ္စရပ်တွေကို ထိရောက်စွာ အကောင်အထည်ဖော်ဆောင်ရွက်ဖို့၊ တရားဥပဒေစိုးမိုးရေး၊ တည်ငြိမ်အေးချမ်းရေးနဲ့ မတူကွဲပြားတဲ့ လူမှုအသိုက်အ၀န်းများအကြား အတူတကွနေထိုင်နိုင်ရေးတို့အတွက် ဦးတည်ကြိုးပမ်းဆောင်ရွက်ဖို့၊ ရခိုင်ပြည်နယ်အတွင်း လုံခြုံရေး၊ စီးပွားရေး၊ လူမှုရေးဆိုင်ရာကိစ္စရပ်တွေ အလျင်အမြန် ဖွံ့ဖြိုးလာစေရေးအတွက် မဟာဗျူုဟာ စီမံချက်ရေးဆွဲချမှတ်ပြီး ဆောင်ရွက်ဖို့ ဖြစ်ပါတယ်။

ရခိုင်ပြည်နယ်ဆိုင်ရာ အကြံပြုချက်တွေအပေါ် အကောင်အထည်ဖော် ဆောင်ရွက်ရေး ကော်မတီရဲ့ အကြံပေးအဖွဲ့ကို နိုင်ငံတော် သမ္မတကဖွဲ့စည်းပြီး တစ်လကျော်အကြာမှာ အဖွဲ့ဝင်တစ်ဦးဖြစ်တဲ့ အမေရိကန်စွမ်းအင်ဝန်ကြီးဟောင်း ဘီလ်ရစ်ချတ်ဆင် (Governor Bill Richardson) ကို ထုတ်ပယ်လိုက် ပါတယ်။

ရခိုင်ပြည်နယ်ဆိုင်ရာ အကြံ ပြုချက်များအပေါ် အကောင်အထည်ဖော်ရေးကော်မတီမှ အကြံ ပေးအဖွဲ့ဝင်တစ်ဦးဖြစ်သည့် အမေရိကန်စွမ်းအင်ဝန်ကြီးဟောင်း ဘီလ်ရစ်ချတ်ဆင် (Governor Bill Richardson) ဟာ ပုဂ္ဂလိက အကျိုးကို ရှေးရှုပြီး ဆောင်ရွက်လိုတဲ့အတွက် အဖွဲ့ဝင်အဖြစ်ကနေ ထုတ်ပယ်လိုက်တယ်လို့ နိုင်ငံတော်အတိုင်ပင်ခံရုံးမှ ၂၀၁၈ ခုနစ် ဇန်န၀ါရီ ၂၅ ရက်က ထုတ်ပြန်ပါတယ်။

ထုတ်ပြန်ချက်ထဲမှာ ထိုင်းနိုင်ငံ ဒုတိယ၀န်ကြီးချုပ်နှင့် နိုင်ငံခြားရေးဝန်ကြီးဟောင်း ဒေါက်တာ ဆူရာ ခီရိတ်ဆတ်သီယာထိုင်း ဦးဆောင်တဲ့ ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည် ဖော်ရေးကော်မတီရဲ့ အကြံပေးအဖွဲ့ က နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ၂၀၁၈ ဇန်န၀ါရီ ၂၂ ရက်မှာ တွေ့ဆုံခဲ့ပါတယ်။

ဒီလို တွေ့ဆုံရာမှာ အကြံပေး အဖွဲ့ဝင်တစ်ဦးဖြစ်သူ အမေရိကန်စွမ်းအင်ဝန်ကြီးဟောင်း ဘီလ်ရစ်ချတ်ဆင် (Governor Bill Richardson) ရဲ့ အကြံပြုချက်တွေက ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်တွေအပေါ် အခြေခံပြီး အကြံပေးခြင်းမျိုးမဟုတ်ဘဲ သူ့ရဲ့ ပုဂ္ဂလိကအကျိုးကို ရှေးရှုပြီး ဆောင်ရွက်လိုတာ ထင်ရှားတဲ့အတွက် အကြံပေးအဖွဲ့မှာ ဘီလ်ရစ်ချတ်ဆင်ပါဝင်မှုကို ရပ်စဲဖို့ အစိုးရက ဆုံးဖြတ်ခဲ့တယ်လို့ ထုတ်ပြန်ခဲ့ပါတယ်။

ဒီကိစ္စနဲ့ ပတ်သက်လို့ နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ‘‘ဒုတိယသမ္မတဦးမြင့်ဆွေ ဦးဆောင်တဲ့ ကော်မရှင်နဲ့ မစ္စတာကိုဖီအာနန် ဦးဆောင်တဲ့ ကော်မရှင်ရှိတယ်။ အဲဒီကော်မရှင်နှစ်ခုရဲ့ အကြံပြုချက်တွေကို အကောင်အထည်ဖော်ဖို့ဆိုပြီး ဒေါက်တာဝင်းမြတ်အေး ဦးဆောင်တဲ့ ကော်မတီဖွဲ့ထားတယ်။ ဒေါက်တာဝင်းမြတ်အေး ကော်မတီကို အကြံပေးဖို့ ဒီရခိုင်ပြည်နယ် ဆိုင်ရာ အကြံပေးအဖွဲ့ကို ဖွဲ့စည်း တာ ဖြစ်တယ်။ ဒီအကြံပေးအဖွဲ့ ဘာတွေလုပ်ရမယ်ဆိုတာကို လုပ်ငန်း လမ်းညွှန်အဖွဲ့ရဲ့ လုပ်ဆောင်ရမယ့် တာဝန်တွေက ဘယ်လို၊ အကြံပေးရမယ့်ဟာက ဘာဆိုပြီး ရေးထား ပြီးတော့ သူတို့ကို ပေးထားပြီးသားပါ။ အကြံပေးဆိုရင် တစ်နိုင်ငံလုံးဆိုင်ရာ ကိစ္စတွေ အကြံပေးဖို့ မဟုတ်ဘူး။ ရခိုင်ပြည်နယ် Issue ကိုပဲ အကြံပေးဖို့။ Mandate ရှိတယ်ဆိုတာကို သူ ရှင်းရှင်းလင်းလင်း နားလည်ဖို့လိုတယ်။ ပြည်ထဲရေးဝန်ကြီးနဲ့ တွေ့ခွင့်တောင်းဆိုတယ်။ ဘာအတွက်လဲဆိုတော့ သတင်းထောက်တွေကိစ္စဆိုတော့ ခွင့်မပြုဘူး။ သူ့ကို ခေါ်တာက ဒီကိစ္စတွေ လုပ်ဖို့ မှ မဟုတ်ဘဲ။ အစည်းအဝေးမှာလည် Freedom of Expression တွေ၊ ဒီမိုကရေစီ တန်ဖိုးတွေ ထည့်သွင်းဆွေးနွေးလာတဲ့ အခါမှာ ဒီလိုမျိုး အဆင်မပြေ ဖြစ် ရတယ်။ ပြဿနာအကြောင်းရင်းက သူ့  Mandate ကို သူကျော်လွန်ပြီး ပြုမူပြောဆိုတာတွေကြောင့် ဖြစ်ရ တာပါပဲ။ သူတစ်ဦးတည်း သဘောကို ပြောတာဖြစ်ပေမဲ့ ကျန်တဲ့ အကြံပေးအဖွဲ့ဝင် ကိုးဦးရဲ့ ဂုဏ်သိက္ခာကို လေးစားဖို့လိုမယ်လို့ ပြောချင်တယ်။ ဘာမှတောင် မလုပ်ရသေးဘဲနဲ့ ပြည်ထဲရေးဝန်ကြီးနဲ့ တွေ့ မယ်။ သတင်းထောက်တွေ ပြန်လွှတ်ဖို့ပြောမယ်ဆိုတာတွေ။ အစည်းအဝေးမှာ ရခိုင်ကိစ္စနဲ့ မဆိုင်တာတွေ ဆွေးနွေးတယ်။ တားတော့ စကားအချေအတင်ဖြစ်တယ်။ ပြီးတော့ နိုင်ငံတော်အတိုင်ပင်ခံကို ပုဂ္ဂိုလ်ရေးတိုက်ခိုက်မှုတွေ လုပ်တော့  ဒီအခြေအနေကို သုံးသပ်ကြည့်ရင် ရှင်းရှင်းလင်းလင်း မြင်နိုင်သိနိုင်ပါတယ်။ အဲဒါကြောင့် ကျွန်တော်ပြောတာ။ Mandate ကို သတိပြုဖို့’’ လို့ ပြောကြားပါတယ်။

■ နားလည်မှုစာချွန်လွှာ

ရခိုင်ပြည်နယ်ကနေ နေရပ်စွန့်ခွာသွားသူတွေ  ပြန်လည်လက်ခံရေး လုပ်ငန်းစဉ်ကို အထောက်အပံ့ ပြုနိုင်ရေးအတွက် အစိုးရနဲ့ ကုလသမဂ္ဂအေဂျင်စီတွေရဲ့ နားလည်မှု စာချွန်လွှာကို ဇွန် ၆ ရက်က နေပြည်တော် အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနမှာ လက်မှတ်ရေးထိုးခဲ့ပါတယ်။

မြန်မာနဲ့ ဘင်္ဂလားဒေ့ရ်ှနိုင်ငံတို့ ၂၀၁၇ ခုနှစ် နိုဝင်ဘာ ၂၃ ရက်က လက်မှတ်ရေးထိုးခဲ့တဲ့ ‘‘ရခိုင်ပြည်နယ်မှ နေရပ်စွန့်ခွာသွားသူများအား ပြန်လည်လက်ခံရေး လုပ်ငန်းစဉ်’’အကောင်အထည်ဖော်ရာမှာ မြန်မာအစိုးရရဲ့ ဆောင်ရွက်ချက်တွေကို အထောက်အပံ့ပြုနိုင်ရေးအတွက် ကုလသမဂ္ဂဖွံ့ဖြိုးမှု အစီအစဉ် (UNDP) နဲ့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) တို့ကို ဖိတ်ခေါ်မှုအရ နားလည်မှုစာချွန်လွှာ လက်မှတ်ရေးထိုးခဲ့တာ ဖြစ်ပါတယ်။

နားလည်မှုစာချွန်လွှာအရ နေ ရပ်စွန့်ခွာသွားသူများ မိမိသဘော ဆန္ဒအလျောက် ပြန်လာရေးနဲ့ ပြန်လည်နေရာချထားရေး လုပ်ငန်းများ ဆောင်ရွက်ရေး၊ ရှေ့ပြေးစီမံကိန်းများ ဆောင်ရွက်နိုင်ရေး ဆန်းစစ် မှုများ ပြုလုပ်ရေး၊ အသိုင်းအ၀ိုင်းအားလုံးကို အကျိုးဖြစ်ထွန်းစေမယ့် အတူယှဉ်တွဲနေထိုင်ရေး ရှေ့ပြေးစီမံကိန်းနဲ့ အခြားစီမံကိန်းများကို အကောင်အထည်ဖော်ရေး၊ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံးက မြန်မာအစိုးရကို ထောက်ပံ့ပေးသွားမှာဖြစ်ပြီး အလားအလာရှိတဲ့ ဒေသတွေမှာ ပြန်လည်ထူထောင် တည်ဆောက်ရေးကို အခြေခံတဲ့ ဖွံ့ဖြိုးရေးလုပ်ငန်းတွေကို ကုလသမဂ္ဂ ဖွံ့ဖြိုးမှုအစီအစဉ်နဲ့ အတူတကွ ဆောင်ရွက်မယ်လို့ နိုင်ငံတော်အတိုင်ပင်ခံရုံး က သတင်းထုတ်ပြန်ပါတယ်။

ဒါ့ပြင် ပြန်လည်ထူထောင်တည်ဆောက်ရေးမှာ လိုအပ်တဲ့ ဆန်းစစ်မှုတွေ ပြုလုပ်ရာမှာ ပေါင်းစပ်ညှိနှိုင်းဖို့နဲ့ အကူအညီပေးရေး၊ လူ့အသိုင်းအ၀ိုင်းအားလုံးအကျိုး ဖြစ်ထွန်းစေမယ့် ပြန်လည်ထူထောင် တည်ဆောက်ရေးနဲ့ ဖွံ့ဖြိုးရေး လုပ်ငန်းစဉ်များအတွက် စီမံကိန်းများ ရေးဆွဲရေး၊ အသိုင်းအ၀ိုင်းတွေ အကြား လူမှုသဟဇာတဖြစ်မှုကိုမြှင့်တင်ရေး၊ အသက်မွေးဝမ်းကျောင်း လုပ်ငန်းများ ပြန်လည်လုပ်ကိုင် ဆောင်ရွက်နိုင်ရေးတို့အတွက် မြန်မာနိုင်ငံအစိုးရကို ကုလသမဂ္ဂ ဖွံ့ဖြိုးမှုအစီအစဉ်နဲ့ ထောက်ပံ့ပေးသွားမှာ ဖြစ်ပါတယ်။

နားလည်မှုစာချွန်လွှာ (MoU) ကို လက်တွေ့ အကောင်အထည်ဖော်ရေး အတွက် UNDP နှင့် UNHCR ၀န်ထမ်းတွေကို  ရခိုင်ပြည်အတွင်း ကွင်းဆင်း၊ အကဲဖြတ်မှုများ ဆောင်ရွက်နိုင်ဖို့ ခရီးသွားလာခွင့်ပြုပြီ ဖြစ်တယ်လို့ ၂၀၁၈ ခုနစ် သြဂုတ် ၉ ရက်က နိုင်ငံခြားရေးဝန်ကြီးဌာနက သတင်းထုတ်ပြန်ပါတယ်။

အစိုးရ၊ ကုလသမဂ္ဂဖွံ့ဖြိုးမှု အစီအစဉ် (UNDP) နဲ့ ကုလသမဂ္ဂ  ဒုက္ခသည်များဆိုင်ရာ မဟာမင်းကြီးရုံး (UNHCR) တို့အကြား ၂၀၁၈ ခုနှစ် ဇွန် ၆ ရက်က လက်မှတ်ရေးထိုးခဲ့တဲ့ နားလည်မှုစာချွန်လွှာကို လက် တွေ့ အကောင်အထည်ဖော်ရေး ပထမအဆင့်အဖြစ် ရခိုင်ပြည်နယ် မြောက်ပိုင်း၊ ဘူးသီးတောင်မြို့နယ် က ကျေးရွာအုပ်စု ငါးအုပ်စု (ကျေး ရွာ ၁၂  ရွာ)နဲ့ မောင်တောမြို့နယ်က ကျေးရွာအုပ်စု ရှစ်အုပ်စု (ကျေးရွာ ၁၁ ရွာ)၊ စုစုပေါင်း ကျေးရွာအုပ်စု ၁၃ အုပ်စု (ကျေးရွာ ၂၃ ရွာ)မှာ ကွင်းဆင်း၊ အကဲဖြတ်မှုတွေ စတင် ဆောင်ရွက်မယ်လို့ ထုတ်ပြန်ချက်မှာ ဖော်ပြထားပါတယ်။

■ တစ်နှစ်ပြည့်အခြေအနေ

မြောက်ကိုရီးယားနဲ့ အမေရိကန် ပဋိပက္ခ၊ ဆော်ဒီအာရေဗီးယား နှင့် အီရန်ပဋိပက္ခတို့ နောက်မှာ  ရခိုင်ပြည်နယ်က ဘင်္ဂါလီအရေးဟာ ၂၀၁၈ ခုနှစ်အတွင်း စောင့်ကြည့်ရမယ့် ကမ္ဘာ့ထိပ်တန်း အကျပ်အတည်း ၁၀ ခုအနက် တတိယ နေရာမှာ ရှိနေတယ်လို့ ICG (International Crisis Group) က ၂၀၁၇ နှစ်ကုန်ပိုင်းမှာ ထုတ်ပြန်ခဲ့တဲ့အတိုင်းပဲ လက်ရှိအချိန်ထိ ရခိုင်မြောက်ပိုင်းမှာ အကျပ်အတည်းတွေနဲ့ ရင်ဆိုင်နေရဆဲ ဖြစ်ပါတယ်။

ARSA အစွန်းရောက် ဘင်္ဂါလီအကြမ်းဖက်အဖွဲ့ရဲ့ အကြမ်းဖက်တိုက်ခိုက်မှု တစ်နှစ်ပြည့်ခါနီးအချိန်မှာတော့ နောက်ထပ်ဝင်ရောက် တိုက်ခိုက်နိုင်တယ်ဆိုတဲ့ သတင်းတွေကြောင့် ရခိုင်ပြည်နယ်က မြို့ကြီးအချို့ အပါဝင် ရခိုင်မြောက်ပိုင်းမှာ လုံခြုံရေးတိုးမြှင့်ဆောင်ရွက်နေရတဲ့ အခြေအနေတွေ ရှိပါတယ်။

‘‘တစ်နှစ်ပြည့်တဲ့ နှစ်ပတ်လည်အနေအထားတွေ ဖြစ်နေတယ်။ ဆိုတော့ လုံခြုံရေးသတိထားတဲ့ အနေအထားပါ။ အလွန်အမင်း စိုးရိမ်ရတဲ့ အနေအထားမျိုးတော့ မဟုတ်ပါဘူး။ လုံခြုံရေးတိုးမြှင့်ပြီး လှည့်ကင်းတို့၊ ရပ်ကင်းတို့၊ စောင့် ကြည့်ကင်းတို့နဲ့ ရခိုင်ပြည်နယ်အတွင်းက မြို့ကြီးတွေမှာ ဆောင်ရွက်နေတာရှိပါတယ်’’လို့ ရခိုင်ပြည်နယ် ရဲတပ်ဖွဲ့ရုံးမှ ပြောရေး ဆိုခွင့်ရှိသူတစ်ဦးက ဆိုပါတယ်။

ရခိုင်ပြည်နယ် မောင်တောမြို့ နယ်မှာ တရားဥပဒေစိုးမိုးဖို့ ဆက်လက်လိုအပ်နေသေးတဲ့အတွက် ညမထွက်ရ ပုဒ်မ ၁၄၄ အမိန့်ကို နှစ်လ ထပ်တိုးခဲ့တယ်လို့ သိရပါတယ်။

ပုဒ်မ ၁၄၄ အရ ဗလီ၊ ကျောင်း စတာတွေ အပါအ၀င် အများပြည်သူ နဲ့ ဆိုင်တဲ့ နေရာတွေမှာ ငါးဦး ဒါမှ မဟုတ် ငါးဦးထက်ပိုပြီး လူမစုဖို့ နဲ့ ည ၁၀ နာရီကနေ မနက် ၅ နာရီအတွင်း ညမထွက်ရဆိုပြီး ကန့်သတ်ထားတာ ဖြစ်ပါတယ်။

လက်ရှိ အခြေအနေမှာ မောင်တောသာမက ဘူးသီးတောင်ဘက်မှာလည်း နယ်မြေ အခြေအနေ တည်ငြိမ်နေပေမဲ့ ARSA အစွန်းရောက် ဘင်္ဂါလီအကြမ်းဖက်အဖွဲ့ ရဲ့တိုက်ခိုက်မှု နှစ်ပတ်လည်နီးလာပြီ ဖြစ်တဲ့အတွက် သတိထား စောင့်ကြည့်နေရတယ်လို့ ဒေသခံတွေက ဆိုပါတယ်။

ဒါ့ပြင် တိုက်ခိုက်ခံမှု တစ်နှစ်ပြည့်ပြီဖြစ်ပေမဲ့ ပြန်လည်ထူ ထောင်ရေး လုပ်ငန်းတွေမှာ လိုအပ်ချက်တွေ ရှိနေသေးတဲ့အပြင် လုံခြုံ ရေးအပိုင်းမှာလည်း အားနည်းမှုတွေ ရှိနေသေးတယ်လို့ ပြောဆိုမှုတွေ ရှိနေပါတယ်။

ဒီကိစ္စနဲ့ ပတ်သက်လို့ ရခိုင် အမျိုးသားပါတီမှ အတွင်းရေးမှူး ဦးထွန်းအောင်ကျော်က ‘‘လုံခြုံရေး အပိုင်းမှာ အမှန်တိုင်းပြောရရင် ကျွန်တော်တို့ ရခိုင်တိုင်းသားတွေနဲ့ တခြားတိုင်းရင်းသားတွေရဲ့ စိတ်ထဲမှာ ဒီနေ့အထိ လုံလုံခြုံခြုံနေရပြီလို့ မခံစားရသေးဘူး’’လို့ ဆိုပါတယ်။

 

ARSA အကြမ်းဖက်မှုကြောင့် ကွယ်လွန်ခဲ့သည့် ပုဂ္ဂိုလ်များအတွက် ၀မ်းနည်းခြင်းအထိမ်းအမှတ် တစ်နှစ်ပြည့်အခမ်းအနား ပြုလုပ်မည်

၂၀၁၇ ခုနှစ် သြဂုတ် ၂၅ ရက်က ဖြစ်ပွားခဲ့သော ARSA အကြမ်းဖက်မှုကြောင့် ကွယ်လွန်ခဲ့သည့် ပုဂ္ဂိုလ်များအတွက် ၀မ်းနည်းခြင်းအထိမ်းအမှတ်  တစ်နှစ်ပြည့်အခမ်းအနား ပြုလုပ်မည်ဖြစ်ကြောင်း ရခိုင်အမျိုးသားပါတီ (ANP) အထွေထွေအတွင်းရေးမှူး ဦးထွန်းအောင်ကျော်က သြဂုတ် ၂၁ ရက်တွင် ပြောကြားသည်။

အဆိုပါအခမ်းအနားကို ရခိုင်အမျိုးသားပါတီက ဦးဆောင်ကျင်းပမည်ဖြစ်ပြီး ရခိုင်ပြည်နယ် စစ်တွေမြို့ရှိ အတုလမာရဇိန် ပြည်လုံးချမ်းသားဘုရားကြီးသိမ်တော်၌ ပြုလုပ်မည်ဖြစ်ကြောင်း  ဦးထွန်းအောင်ကျော်က ဆိုသည်။

‘‘စစ်တွေမြို့နယ် အတုလမာရဇိန် ပြည်လုံးချမ်းသာဘုရားကြီးသိမ်တော်မှာ ထေရ်ကြီးဝါကြီးရဟန်းတွေ ပင့်ပြီးတော့ ကျွန်တော်တို့ အလှူဒါန ဆွမ်းကျွေးတွေ ကျွန်တော်တို့လုပ်မယ်။ အမျှအတန်းဝေမယ် သေဆုံးသွား တဲ့လူတွေအတွက်။ နောက်တစ်ခါ ဒီလိုအဖြစ်အပျက်တွေ မဖြစ်ဖို့အတွက် သက်ဆိုင်ရာတာဝန်ရှိတဲ့ ဌာနတွေနဲ့ အစိုးရပိုင်းကိုလည်း ကျွန်တော်တို့အနေနဲ့ ပြောဆိုမှုတွေနဲ့ တိုက်တွန်းမယ်။ အကြံပြုချက်တွေ ဟောပြောကြမယ်ဆိုပြီး ကျွန်တော်တို့ အစီအစဉ်လုပ်ထားပါတယ်။ ၂၅ ရက်နေ့ အတုလမာရဇိန်ဘုရားမှာပါ။ နောက်တစ်ခုက ရခိုင်အမျိုးသားပါတီအနေနဲ့ မြို့နယ်တိုင်းမှာလည်း ကျွန်တော်တို့က အတတ်နိုင်ဆုံး ကုသိုလ်ကောင်းမှုပြုပြီးတော့ အမျှအတန်းဝေကြဖို့အတွက် ကျွန်တော်တို့ အစီအစဉ်လုပ်ထားပါတယ်’’ဟု ဦးထွန်းအောင်ကျော်က ပြောကြားသည်။

မူလက မောင်တောခရိုင်တွင် ပြုလုပ်ရန် စီစဉ်ထားသော်လည်း လုံခြုံရေးအခြေအနေအရ မကျင်းပတော့ကြောင်း ဦးထွန်းအောင်ကျော်က ဆိုသည်။ လက်ရှိတွင်  ဘူးသီးတောင်၊  မောင်တောနှင့်စစ်တွေမြို့တို့တွင် ARSA အကြမ်းဖက်မှု တစ်ကျော့ပြန် ပြန်လာမည်ဆိုသည့် သတင်းများကြောင့် လုံခြုံရေးတပ်ဖွဲ့ဝင်များက ကင်းလှည့်နေရသည်။

‘‘လုပ်မယ့်နေရာကတော့ အစတုန်းကတော့ မောင်တောခရိုင်မှာလုပ်မယ်လို့ ကျွန်တော်တို့ ပါတီက ပထမတော့ စဉ်းစားကြတာပေါ့။ ဒါပေမဲ့ အခြေအနေက လုံခြုံရေး ကောလာဟလတွေလည်း အများကြီးပြန့်နေတယ်။ ဘယ်နေ့မှာဝင်ပြီးတော့ ဟိုဟာဖြစ်တော့ မလိုလို၊ တိုက်ခိုက်တော့မလိုလို၊ ဒီလိုပဲ ၀င်ပြီးတော့ သဘောတစ်ခုက အန္တရာယ်ပြုတော့မလိုလို ကျွန်တော်တို့ ရခိုင်နဲ့ရခိုင်မျိုးနွယ်စုတွေ ဟိုမှာက အဓိက,က လူဦးရေအားဖြင့် ဘင်္ဂါလီတွေက ၉၅ ရာခိုင်နှုန်းရှိနေတယ်။ ကျွန်တော်တို့ ရခိုင်နဲ့ ရခိုင်မျိုးနွယ်စုတွေ တခြားဝန်ထမ်းတွေအပါအ၀င် လူဦးရေက ငါးရာခိုင်နှုန်းပဲရှိနေတယ်။ သူတို့ကြောက်မယ်ဆိုလည်း ကြောက်စရာပဲပေါ့ဗျာ။ အပြစ်ဆိုလို့လည်း မရဘူး။ နေ့စဉ်နဲ့အမျှ သူတို့က စိုးရိမ်ပူပင်မှုတွေနဲ့ ကြောက်လန့်မှုတွေ ဖြစ်နေတယ်။ အခုလည်း အဲဒီဒေသမှာ လုံခြုံရေးတွေ အရမ်းတင်းကျပ်ထားတဲ့အတွက် ကျွန်တော်တို့က အဲဒီနေရာမှာ သွားပြီးတော့ လုပ်မယ်ဆိုရင် အန္တရာယ်တစ်ခုခု အမှားအယွင်း တွေဖြစ်နိုင်တယ်’’ဟု ဦးထွန်းအောင်ကျော်က ပြောကြားသည်။

ထို့အတူ အကြမ်းဖက်မှုတစ်နှစ်ပြည့်မြောက်သည့်ကာလတွင် နယ်စပ်ဖြတ်ကျော်ပြီး အကြမ်းဖက်တိုက်ခိုက်မှုထပ်မံမဖြစ်လာရေးအတွက် နယ်ခြားစောင့်ရဲတပ်ဖွဲ့ဝင်များက နယ်စပ်ခြံစည်းရိုးတစ်လျှောက်တွင် လုံခြုံရေးစခန်းပေါင်း ၁၆၀ ကျော်ဖြင့် ဖြန့်ကြက်နေရာယူထားကြောင်း ရခိုင်ပြည်နယ်ရဲတပ်ဖွဲ့မှူး ရဲမှူးကြီးအောင်မြတ်မိုးက ပြောကြားထားသည်။

ပြီးခဲ့သည့်နှစ် သြဂုတ် ၂၅ ရက်က ရခိုင်ပြည်နယ်အတွင်း ARSA အကြမ်းဖက်မှုဖြစ်စဉ်၌ မောင်တောမြို့နယ် ကျေးရွာအသီးသီးမှ အသက်သေဆုံးသွားကြသည့် ဟိန္ဒူဘာသာဝင် ၁၁၃ ဦးအတွက် ဘာသာရေး ထုံးတမ်းအ စဉ်အလာအရ နှစ်ပတ်လည်ဆုတောင်းပွဲကို သြဂုတ် ၁၅ ရက်တွင် မောင်တောမြို့ရှိ ဟိန္ဒူ ယာယီစခန်း၌  ပြုလုပ်ခဲ့သည်။

အကြမ်းဖက်တိုက်ခိုက်မှု တစ်နှစ်ပြည့်မြောက်သည့် ကာလတွင် အကြမ်းဖက်တိုက်ခိုက်မှု ထပ်မံမဖြစ်လာရေး နယ်စပ်ခြံစည်းရိုး တစ်လျှောက် လုံခြုံရေး ဖြန့်ကြက်နေရာယူထားပြီး မောင်တောခရိုင်အတွင်း စောင့်ကြည့်ကင်း၊ နေ့ည လှည့်ကင်းများ ဆောင်ရွက်ထားရှိ

အကြမ်းဖက်တိုက်ခိုက်မှု တစ်နှစ်ပြည့်မြောက်သည့် ကာလတွင် နယ်စပ်ဖြတ်ကျော် ၀င်ရောက်ပြီး အကြမ်းဖက် တိုက်ခိုက်မှု ထပ်မံမဖြစ်လာရေး နယ်စပ်ခြံစည်းရိုး တစ်လျှောက် နယ်ခြားစောင့်ရဲမှ လုံခြုံရေး ဖြန့်ကြက်နေရာယူထားပြီး မောင်တောခရိုင်အတွင်း မြို့များတွင် ရဲတပ်ဖွဲ့မှ စောင့်ကြည့်ကင်း၊ နေ့ည လှည့်ကင်းများ ဆောင်ရွက်ထားရှိကြောင်း ရခိုင်ပြည်နယ် ရဲတပ်ဖွဲ့မှူးက ပြောကြားသည်။

“မောင်တောမှာ မြန်မာနိုင်ငံ ရဲတပ်ဖွဲ့အနေနဲ့ ပြန်ကြည့်မယ်ဆိုရင် နယ်ခြားစောင့် ရဲတပ်ဖွဲ့ဆိုတာ ရှိပါတယ်။ နယ်စပ်တစ်လျှောက်၊ နယ်စပ်ခြံစည်းရိုး တစ်လျှောက်မှာ ဖြန့်ကြက်ပြီးတော့ လုံခြုံရေး စခန်းပေါင်း အားလုံး ၁၆၀ ကျော် ဖြန့်ကြက်ပြီး နေရာယူထားတာ ရှိပါတယ်။ အတွင်းပိုင်းမှာလည်း မောင်တောခရိုင် ရဲတပ်ဖွဲ့အနေဖြင့် မောင်တောမြို့နယ်ရဲတပ်ဖွဲ့၊ ဘူးသီးတောင်မြို့နယ်ရဲတပ်ဖွဲ့ ဖြန့်ခွဲပြီးတော့မှ လုံခြုံရေးအင်အား တစ်ထောင်နီးပါးနဲ့ ဆောင်ရွက်နေတာ ရှိပါတယ်။ အဲလိုဆောင်ရွက်တဲ့ အခါမှာ ရဲတပ်ဖွဲ့ရဲ့ လုံခြုံရေးလုပ်ငန်းစဉ်ဖြစ်တဲ့ စောင့်ကြည့်ကင်းတွေ ချထားပါတယ်။ နေ့ပိုင်းလှည့်ကင်းတွေ ဆောင်ရွက်ပါတယ်။ ညပိုင်းကိုလည်း လှည့်ကင်းဆောင်ရွက်ပါတယ်။ လုံခြုံရေးအရ မသင်္ကာတဲ့ ကျော်စောသတင်းတွေရှိတဲ့ လုံခြုံရေး ကျိုးပေါက်မှုရှိနိုင်တဲ့ ယခင်ပြစ်ချက်ဟောင်း ရှိတဲ့သူတွေကိုလည်း စောင့်ကြည့်ပြီးတော့ လိုအပ်ရင် လိုအပ်သလို အရေးယူ ဆောင်ရွက်နေတာ ရှိပါတယ်” ဟု ရခိုင်ပြည်နယ်ရဲတပ်ဖွဲ့မှူး ရဲမှူးကြီး အောင်မြတ်မိုးက မီဒီယာများသို့ ပြောကြားသည်။

မောင်တောနယ်စပ်တွင် အကြမ်းဖက် အဖွဲ့မှ လူသစ်စုဆောင်းခြင်း၊ သင်တန်းပေးခြင်း၊ လက်နက်ခဲယမ်းနှင့် ရိက္ခာစုဆောင်းခြင်း သတင်းများ ရရှိထားသဖြင့် နယ်စပ်ဖြတ်ကျော်ပြီး ၂၀၁၂ ခုနှစ်၊ ၂၀၁၆ ခုနှစ်၊ ၂၀၁၇ ခုနှစ်ကကဲ့သို့ အကြမ်းဖက်တိုက်ခိုက်မှု ဖြစ်စဉ်မဖြစ်ရအောင် ကြိုတင်ကာကွယ် တားဆီးမှု လုံခြုံရေးပိုင်းကို လုပ်နေခြင်းဖြစ်သည်။

“တစ်ဖက်နိုင်ငံက ဒုက္ခသည် စခန်းတွေမှာ ဒုက္ခသည်အသွင်ယူပြီးတော့ စိမ့်ဝင်ရောက်ရှိနေတာ ရှိပါတယ်။ တစ်ဖက်နိုင်ငံက ဖမ်းဆီးရမိမှု ဖြစ်စဉ်တွေကို ပြန်လေ့လာကြည့်တဲ့အခါ လုပ်သေနတ်တွေကို ဖမ်းဆီးရမိတယ်။ မူးယစ်ဆေးဝါးတွေ အမြောက်အမြား ဖမ်းဆီးရမိတယ်။ အကြမ်းဖက်နဲ့ ဆက်သွယ်ပတ်သက် သူတွေကိုလည်း အမြောက်အမြား ဖမ်းဆီးရမိတာ ရှိပါတယ်။ နောက်တစ်ခါ နယ်စပ်ဒေသမှာ လူသစ်တွေ စုဆောင်းနေတယ်။ သင်တန်းတွေ ပေးနေတယ်။ လက်နက်ခဲယမ်းတွေ စုဆောင်းနေတယ်။ ရိက္ခာတွေ စုဆောင်းနေတယ်ဆိုတဲ့ သတင်းတွေ ရရှိထားပါတယ်။ အဲဒီအတွက် နယ်စပ်ဖြတ်ကျော်ပြီးတော့မှ ၂၀၁၂ ခုနှစ်၊ ၂၀၁၆ခုနှစ်၊ ၂၀၁၇ ခုနှစ်ကလို ၀င်ရောက်ပြီးတော့ အကြမ်းဖက် တိုက်ခိုက်မှုဖြစ်စဉ် မဖြစ်ရအောင်လို့ အခုလို ကြိုတင်ကာကွယ် တားဆီးမှုတွေ လုံခြုံရေးပိုင်းကို လုပ်နေတာ ဖြစ်ပါတယ်” ဟု ရခိုင်ပြည်နယ် ရဲတပ်ဖွဲ့မှူး ရဲမှူးကြီး အောင်မြတ်မိုးက ပြောကြားသည်။

ထို့အပြင် အခြေအနေ လိုအပ်ချက်အရ တပ်မတော်ကို အကူအညီတောင်းခံပြီး လှည့်ကင်းများ ပူးပေါင်းဆောင်ရွက်နေပြီး သြဂုတ်လကုန်အထိ တောက်လျှောက် ဆောင်ရွက်သွားမည် ဖြစ်ကြောင်းနှင့် နောက်ထပ် လိုအပ်သလို ဆက်လက်ဆောင်ရွက်မည် ဖြစ်ကြောင်း၊ မြန်မာ-ဘင်္ဂလားဒေ့ရှ် နယ်စပ်ခြံစည်းရိုး တစ်လျှောက် နယ်မြေလုံခြုံရေးအတွက် နှစ်နိုင်ငံ ညှိနှိုင်း၍ မြန်မာနိုင်ငံ နယ်ခြားစောင့် ရဲတပ်ဖွဲ့ဝင်များနှင့် ဘင်္ဂလားဒေ့ရှ်  နယ်ခြားစောင့်တပ်မှ လုံခြုံရေး တပ်ဖွဲ့ဝင်များသည် မိမိတို့နိုင်ငံ အသီးသီး အတွင်းရှိ နယ်စပ်ခြံစည်းရိုး လမ်းအတိုင်း နှစ်နိုင်ငံ နှစ်ဘက်ညှိနှိုင်း၍ မြေပြင်လှည့်ကင်း ဆောင်ရွက်ခြင်းနှင့် နတ်မြစ်အတွင်း ရေကြောင်းကင်းလှည့်ခြင်းတို့ကို ဆောင်ရွက်နေခြင်းဖြစ်ကြောင်း သိရသည်။

၂၀၁၇ ခုနှစ် သြဂုတ် ၂၅ ရက်က မောင်တောခရိုင်အတွင်း ရဲကင်းစခန်း ၃၀ နှင့် တပ်စခန်းတစ်ခုကို ARSA အစွန်းရောက် ဘင်္ဂါလီ အကြမ်းဖက်အဖွဲ့က ၀င်ရောက်စီးနင်း တိုက်ခဲ့သဖြင့် တပ်ဖွဲ့ဝင် ၁၁ ဦး၊ ဒုလ၀ကမှူး တစ်ဦးကျဆုံးခဲ့ပြီး ဒဏ်ရာရ တပ်ဖွဲ့ဝင်ပေါင်း ၁၁ ဦး ရှိခဲ့ကြောင်း သိရသည်။

 

ARSA အကြမ်းဖက်သမားများ ၀င်ရောက်တိုက်ခိုက်နိုင်သည်ဆိုသော သတင်းကြောင့် သြဂုတ်မှစ၍ ရခိုင်ပြည်နယ်မြောက်ပိုင်းတွင် လုံခြုံရေးတိုးမြှင့်

မောင်တောမြောက်ပိုင်း နယ်စပ်ခြံစည်းရိုးအနီးတွင် လုံခြုံရေးဆောင်ရွက်နေစဉ်

ARSA အကြမ်းဖက်သမားများ ၀င်ရောက်တိုက်ခိုက်နိုင်သည့် သတင်းများကြောင့် ရခိုင်ပြည်နယ်အတွင်းမှ မြို့ကြီးအချို့အပါအ၀င် ရခိုင်ပြည်နယ်မြောက်ပိုင်းဒေသအတွင်း သြဂုတ်မှစ၍ လုံခြုံရေးတိုးမြှင့် ဆောင်ရွက်ထားကြောင်း သိရသည်။

“နယ်စပ်ဒေသမှာ ဖြစ်နေတဲ့ အခြေအနေလေးတွေ၊ သတင်းတွေကို စုပေါင်းသုံးသပ်တော့ သိတဲ့အတိုင်းပဲလေ။ တစ်နှစ်ပြည့်တဲ့ နှစ်ပတ်လည်အနေအထားတွေ ဖြစ်နေတယ်။ ဆိုတော့ လုံခြုံရေးသတိထားတဲ့ အနေအထားပါ။ အလွန်အမင်းစိုးရိမ်ရတဲ့ အနေအထားမျိုးတော့ မဟုတ်ပါဘူး။ လုံခြုံရေးတိုး မြှင့်ပြီးလှည့်ကင်းတို့၊ ရပ်ကင်းတို့၊ စောင့်ကြည့် ကင်းတို့နဲ့ ရခိုင်ပြည်နယ်အတွင်းက မြို့ကြီးတွေမှာ ဆောင်ရွက်နေတာရှိပါတယ်” ဟု ရခိုင်ပြည်နယ်ရဲတပ်ဖွဲ့ရုံးမှ ပြောရေးဆိုခွင့်ရှိသူတစ်ဦးက ပြောကြားသည်။

ရခိုင်ပြည်နယ်အား ARSA အကြမ်းဖက်သမားများက လွန်ခဲ့သည့် ၂၀၁၇ ခုနှစ် သြဂုတ် ၂၅ ရက်တွင် ကင်းစခန်း ၃၀ ကို တစ်ချိန်တည်း တစ်ပြိုင်တည်းတိုက်ခိုက်မှု ဖြစ်ပွားခဲ့ပြီး ဒေသခံတိုင်းရင်းသားများစွာ အိုးမဲ့အိမ်မဲ့ဖြစ်ပေါ်ခြင်း၊ ကျေးရွာပေါင်းများစွာကို နေရပ်စွန့်ခွာထွက်ပြေးရခြင်းများ ဖြစ်ပေါ်ခဲ့ကြောင်း သိရသည်။

လက်ရှိတွင် မောင်တောနှင့်ဘူးသီးတောင်မြို့များတွင် ညမထွက်ရအမိန့် ထုတ်ပြန်ထားဆဲဖြစ်ပြီး ဒေသခံများ စိုးရိမ်မှုများရှိနေသည့် သတင်းများ ထွက်ပေါ်နေကြောင်းနှင့် လူမှုကွန်ရက်များတွင်လည်း ထိုသို့ပြန်လည်တိုက်ခိုက်မည်ဆိုသည့် သုံးသပ်ပြောဆိုမှုများကို တွေ့ရှိလာရသည်ဟု သတင်းများ ထွက်ပေါ်လျက်ရှိသည်။

 

ARSA အကြမ်းဖက်တိုက်ခိုက်မှုများ ဖြစ်ပွားပြီးနောက် လူ့အခွင့်အရေးချိုးဖောက်ကြောင်း စွပ်စွဲချက်များ၊ ယင်းနှင့်ဆက်နွှယ်သည့် ကိစ္စရပ်များကို စုံစမ်းစစ်ဆေးမည့် လွတ်လပ်သော စုံစမ်းစစ်ဆေးရေးကော်မရှင် ဖွဲ့စည်း

ARSA အကြမ်းဖက်တိုက်ခိုက်မှုများ ဖြစ်ပွားပြီးနောက် လူ့အခွင့်အရေး ချိုးဖောက်ကြောင်း စွပ်စွဲချက်များ၊ ယင်းနှင့်ဆက်နွှယ်သည့် ကိစ္စရပ်များကို စုံစမ်းစစ်ဆေးမည့် လွတ်လပ်သော စုံစမ်းစစ်ဆေးရေးကော်မရှင် ဖွဲ့စည်းကြောင်း ဇူလိုင် ၃၀ ရက်က နိုင်ငံတော် သမ္မတရုံးမှ ကြေငြာချက်ထုတ်ပြန်ခဲ့သည်။

လွပ်လပ်သော စုံစမ်းစစ်ဆေးရေးကော်မရှင်တွင် ဥက္ကဋ္ဌအဖြစ် ကုလသမဂ္ဂ CEDAW ကော်မတီ၏ ဥက္ကဋ္ဌဟောင်းနှင့် လက်ရှိအဖွဲ့ဝင်ဖြစ်သော ဖိလစ်ပိုင်နိုင်ငံ ဒုတိယနိုင်ငံခြားရေးဝန်ကြီးဟောင်း သံအမတ်ကြီး ရိုဆာရီယိုမယ်နာလိုဖြစ်ပြီး အဖွဲ့ဝင်များမှာ နိုင်ငံတော် ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌဟောင်း ဦးမြသိန်း၊ လူသားချင်းစာနာထောက်ထားမှု ကိစ္စရပ်များဆိုင်ရာ ကုလသမဂ္ဂ ဒုတိယအတွင်းရေးမှူးချုပ်နှင့် အရေးပေါ်ကယ်ဆယ်ရေး ညှိနှိုင်းရေးမှူးဟောင်း၊ ကုလသဂ္ဂဆိုင်ရာ ဂျပန်အမြဲတမ်း ကိုယ်စားလှယ်ဟောင်း သံအမတ်ကြီး ကင်ဇိုအိုရှီးမား နှင့် ယူနီဆက်အဆင့်မြင့် အရာရှိကြီးဟောင်း နှင့် ကုလသမဂ္ဂ၀န်ထမ်း ကောလိပ်ကျောင်းအုပ်ကြီးဟောင်း ပါမောက္ခဒေါက်တာ အောင်ထွန်းသက်တို့ ပါဝင်ကြောင်း ထုတ်ပြန်ချက်တွင် ဖော်ပြထားကြောင်း သိရသည်။

နိုင်ငံတော်သမ္မတရုံး၏ ကြေညာချက်တွင် ပြည်ထောင်စုသမ္မတ မြန်မာနိုင်ငံတော် အစိုးရသည် ရခိုင်ပြည်နယ်တွင် ပြန်လည်သင့်မြတ်ရေး၊ တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးတို့ကို ဆောင်ရွက်နိုင်ရန် အမျိုးသား အစီအစဉ်တစ်ရပ်အနေဖြင့် လွတ်လပ်သော စုံစမ်းစစ်ဆေးရေးကော်မရှင်ကို ဖွဲ့စည်းလိုက်ခြင်းဖြစ်ကြောင်း၊ ကော်မရှင်အား ပြည်တွင်းနှင့် နိုင်ငံတကာမှ ဥပဒေနှင့် နည်းပညာ ကျွမ်းကျင်သူများက ပံ့ပိုးဆောင်ရွက်ပေးမည် ဖြစ်သည်ဟုလည်း ကြေညာချက်တွင် ဖော်ပြထားသည်ကို တွေ့ရသည်။

 

ဘင်္ဂါလီအကြမ်းဖက်သမားများ၏ မီးရှို့ဖျက်ဆီးခြင်းခံခဲ့ရသည့် နံ့သာတောင်ကျေးရွာနှင့် နံ့သာတောင်ပရဟိတကျောင်းမှ ကလေးငယ်များ မောင်တောမြို့၌ ဆက်လက်ခိုလှုံနေရ

ARSA အစွန်းရောက် ဘင်္ဂါလီအကြမ်းဖက်သမားများ၏ မီးရှို့ဖျက်ဆီးခြင်းခံခဲ့ရသည့် နံ့သာတောင် ကျေးရွာနှင့် နံ့သာတောင် ပရဟိတကျောင်းကို ဘုန်းတော်ကြီးကျောင်း ပြန်လည်တည်ဆောက်မှု နှောင့်နှေးနေသည့်အတွက် နံ့သာတောင် ပရဟိတပညာဒါနကျောင်းမှ ကလေးငယ်များ နေရပ်မပြန်နိုင်သေးဘဲမောင်တောမြို့တွင် ဆက်လက်ခိုလှုံနေရဆဲဖြစ်ကြောင်း သိရသည်။

နံ့သာတောင် ပရဟိတပညာဒါနကျောင်း ဆရာတော် ဦးစာရာဏက “နံ့သာတောင်မှာ ဆောက်လုပ်ရေးကဏ္ဍတွေ မပြီးနိုင်တာက တစ်ကြောင်း၊ နောက်ပြန်လည်ထူထောင်ရေး ကာလမှာလည်း ကျေးရွာပြန်လည်ထူထောင် ရေးလုပ်ငန်းတွေမှာလည်း အစိုးရအနေနဲ့ အကောင်အထည် ဘာမှမဖော်နိုင်တဲ့အတွက်တာကြောင့် မောင်တောမြို့မဘုန်းတော်ကြီး ကျောင်းမှာပဲ ကလေးတွေ ပညာသင်နေရတယ်” ဟု မိန့်ကြားသည်။

၂၀၁၈-၁၉ ပညာသင်နှစ်တွင် ကျောင်းသားဦးရေမှာ ယခင်နှစ်ကထက် တိုးလာပြီး ကျောင်းသား၊ ကျောင်းသူဦးရေ ၄၀၀ နီးပါးအထိ ရှိလာကာ နေရေး၊ စားရေးသောက်ရေး အခက်အခဲဖြင့် ရင်ဆိုင်နေရကြောင်းလည်း သိရသည်။

“အခု ၂၀၁၈-၂၀၁၉ ပညာသင်နှစ်မှာဆိုရင် ကျောင်းသားဦးရေလည်း တိုးလာတယ်။ ကျောင်းသားဦးရေ ၄၀၀ နီးပါးအထိဖြစ်နေပြီ။ ဒါကြောင့် နံပါတ် (၁) နေရေး၊ နံပါတ်(၂) စားသောက်ရေး အခက်အခဲတွေနဲ့ ရင်ဆိုင်နေရပါတယ်။ ကုန်ခဲ့တဲ့နှစ်ကဆိုရင်တော့ အလှူရှင်တွေလည်း အမြဲတမ်းရှိခဲ့တော့ ကောင်းကောင်းမွန်မွန် ရပ်တည်နိုင်ခဲ့ပါတယ်။ ဒါပေမဲ့ ဒီနှစ်ကျောင်းဖွင့်ရာသီမှာကျတော့ အလှူရှင်တွေ နည်းသွားတဲ့အပေါ်မှာလည်း လိုအပ်ချက်တွေ ရှိနေတာဖြစ်ပါတယ်။ အဓိက,ကတော့ စားရေးသောက်ရေး အခက်အခဲ ဖြစ်နေပါတယ်။ အခုဆိုရင် တည်ဆောက်ရေးကာ လမှာလုပ်ဆောင်ချက်တွေ နှောင့်နှေးနေတဲ့ အခါကျောင်းသားမိဘတွေလည်း နေရပ်ကို နွေးနွေးထွေးထွေး မပြန်နိုင်ကြဘဲ ဆွေမျိုးတွေဆီမှာ ကပ်ခိုပြီးနေရတဲ့အခါ သားသမီးတွေရဲ့ပညာရေးအတွက် မိဘတွေအတွက် အခက်အခဲရှိပါတယ်။ ဒါကြောင့် ပရဟိတကျောင်းကို ဆင်းရဲနွမ်းပါးမိဘတွေက ကလေးတွေကိုလာပြီး အပ်လာခဲ့တာဖြစ်ပါတယ်” ဟု နံ့သာတောင် ပရဟိတပညာဒါနကျောင်း ဆရာတော်က မိန့်ကြားသည်။

၂၀၁၇ ခုနှစ် သြဂုတ် ၂၈ ရက်တွင် ARSA အစွန်းရောက် ဘင်္ဂါလီအကြမ်းဖက်သမားများက နံ့သာတောင်ကျေးရွာရှိ တိုင်းရင်းသား နေအိမ် ၃၇ လုံး မီးရှို့ခဲ့ကာ နံ့သာတောင် ပရဟိတစာသင်ကျောင်း ဂြိုဟ်နံဘုရားရှိ ဘုရားဆင်းတုတော်များ ဖျက်ဆီးခံရပြီး ဘုန်းကြီးကျောင်းအတွင်း ကျောင်းသားအဆောင်များအားလုံး မီးရှို့ဖျက်ဆီးခဲ့သည်။ မီးရှို့ဖျက်ဆီးခြင်းခံခဲ့ရသော နံ့သာတောင်ပရဟိတ ဘုန်းတော်ကြီးကျောင်းကို ပြန်လည်တည်ဆောက်ရန် ပန္နက်ရိုက်မင်္ဂလာအခမ်း အနားကို ၂၀၁၇ ခုနှစ် နိုဝင်ဘာ ၁၂ ရက်က ပြုလုပ်ခဲ့ကြောင်းနှင့် ဒီဇင်ဘာ ၃ ရက်တွင် ကျောင်းတိုင်ထူပွဲ အခမ်းအနားကို ကျင်းပခဲ့သည်။ ထို့ပြင် ကျေးရွာတွင်လည်း နေအိမ်အလုံး ၅၀ တည်ဆောက်ရန် မြေနေရာများအား ရှင်းလင်းပြီးဖြစ်သော်လည်း နေအိမ်ဆောက်လုပ်မှု မရှိသေးသည့်အတွက် ကျေးရွာသားများ နေရပ်မပြန်နိုင်သေးခြင်းဖြစ်ကြောင်း သိရသည်။

ပို၍ … ပို၍ စိုးရိမ်စရာကောင်းလာသော မြန်မာ့အခြေအနေ

 

၂၀၁၇ ခုနှစ် စက်တင်ဘာ ၁၁ ရက်က နယူးယောက်မြို့၌ ကုလသမဂ္ဂလုံခြုံရေးကောင်စီအဖွဲ့ဝင်များ ရခိုင်အရေးနှင့်ပတ်သက်၍ တံခါးပိတ်ဆွေးနွေးပွဲကျင်းပစဉ်

ယခုရက်ပိုင်းဖတ်ရသော သတင်းများက ဆက်တိုက်ဆိုသလို မြန်မာ့အနာဂတ်စိုးရိမ်စရာအခြေအနေကို ထင်ဟပ်စေပြီး စိုးရိမ်မှုကို ညွှန်ပြနေသောညွှန်းကိန်း၊ နိမိတ်များအဖြစ် တွေ့ရပါလိမ့်မည်။

အထူးသဖြင့် နိုင်ငံငယ်များသည် လွယ်ကူစွာပင်ကျဆုံးနိုင်ငံ Failed State အဖြစ် ပြောင်းလဲသွားနိုင်သည်။ ထိုသို့ မဖြစ်စေရန် အစိုးရများက ကြိုးစားကြရ၏။ သို့သော်လည်း အစိုးရတိုင်းသည် အသိဆိုင်ရာ အနိမ့်အမြင့်ပေါ်မူတည်၍ ကိုယ့်နိုင်ငံကိုယ့်အကျိုးစီးပွားပေါ် ကာကွယ်နိုင်ပုံချင်း မတူညီကြချေ။ အင်အား အင်မတန်ကြီးမားခဲ့ပါသည်ဟုဆိုသော ဆိုဗီယက်ယူနီယံခေတ် ကွန်မြူနစ်ပါတီ အထွေထွေအတွင်းရေးမှူး မီခေးလ်ဂိုဘာချော့ဗ် လက်ထက်တွင် နိုဘယ်ဆုပေးပြီး ဆိုဗီယက် ပြည်ထောင်စုကြီးကို စုံးစုံးကျသွား စေခဲ့သည်မှာ ကျန်နိုင်ငံများသင်ခန်းစာယူရဖို့ ကောင်းခဲ့၏။

G – 7 တွင် ဟာစီနာ “ရို” အရေးတင်ပြခဲ့

မြန်မာ့အနာဂတ် စိုးရိမ်ရေ မှတ်ဖြစ်စေသည့် အကြောင်းအရာ အချို့တွင် ဘင်္ဂါလီအရေးသည် အကြောင်းရင်းကြီးတစ်ခု ဖြစ်သည်။ မောင်တောကို ဦးစွာအရင်အကြမ်းဖက်၍ ရက်စက်စွာသတ်ဖြတ်ခဲ့သည်။ ဘင်္ဂလားဒေ့ရ်ှအခြေစိုက် ARSA အကြမ်းဖက်အဖွဲ့၊ သို့သော်လည်း ယနေ့ကမ္ဘာ့မီဒီယာတွင် ARSA အကြမ်းဖက်က ပျောက်ကွယ်ခဲ့ပြီး ဘင်္ဂါလီများ ဘင်္ဂလားဒေ့ရ်ှဘက်ထွက် ပြေးခဲ့သည့် သတင်းကသာ ဖုံးလွှမ်းခဲ့သည်။

အစိုးရအနေဖြင့် ချက်ချင်း ARSA ကို အကြမ်းဖက်သတ်မှတ်ပြီး တုံ့ပြန်လျှင် လက်ဦးမှုရနိုင်ပါသော်လည်း များစွာနောက်ကျခဲ့သည်။ မြန်မာသည် ယခုအခါ နိုင်ငံတကာဖိအားကို ကြီးမားစွာရရှိခဲ့၏။ မလိုအပ်ဘဲ “အာနန်ကော်မရှင်” ကို ဖွဲ့စည်းခဲ့ရာ တတ်သိနားလည်သူများက ကန့်ကွက်ခဲ့ပါသော်လည်း ရှေ့ဆက်တိုးမှုကြောင့် အာနန်ကော်မရှင် အစီရင်ခံစာကို အခြေခံ၍ ကမ္ဘာက တောင်းဆိုမှုများ ပြုလုပ်မှုနှင့် ရင်ဆိုင်နေရပြန်သည်။

၇.၅.၁၈ နေ့ သတင်းအရ ဘင်္ဂလားဒေ့ရ်ှဝန်ကြီးချုပ် ရှိတ်ဟာစီနာသည် ရိုဟင်ဂျာအရေးကို G -7 တွင် တင်ပြခဲ့သည်။ OIC နိုင်ငံများကို စည်းရုံးပြီး မြန်မာကိုဖိအားပေးခဲ့၏။ အစိုးရ၏ ကြီးမားသော အမှားပေါ်အခြေခံပြီး ဟာစီနာသည် OIC ကို များစွာ မစည်းရုံးလိုက်ရ။ “ရခိုင်ပြည်နယ်ရှိ ဘင်္ဂါလီအသိုင်းအ၀ိုင်း” ဟူသော အစိုးရအသုံးအနှုန်းက ဘာသာရေးအပေါ်အခြေခံထားရာ OIC က ဖိအားပေးတော့သည်။ “ရခိုင်ပြည်နယ်ရှိ ဘင်္ဂါလီအသိုင်းအ၀ိုင်းဟုဆိုလျှင် ဘင်္ဂါလီနှင့်သာသက်ဆိုင်သော်လည်း “မွတ်စလင်အသိုင်းအ၀ိုင်း” ဟု အဘယ်ကြောင့် အစိုးရက အဆင်အခြင်မဲ့စွာ သုံးစွဲခဲ့ပါသနည်း။

ကနေဒါနိုင်ငံ ကီးဘတ် (Quebec) တွင် ၈.၆.၁၈ နှင့် ၉.၆. ၁၈ နှစ်ရက် ပြုလုပ်သည့် စက်မှုအင်အားကြီး ခုနစ်နိုင်ငံ G -7 တွင် ဟာစီနာက ဘင်္ဂါလီအရေးတင်ပြခဲ့ရာ မြန်မာ့အရေးပို၍ ရင်လေးဖွယ်ရာ ဖြစ်လာ၏။ ထိုအစည်းအဝေးတွင် မြန်မာ့အရေးကို ကမ္ဘာ့အသိုင်းအ၀ိုင်းအထိ တိုးချဲ့နိုင်စေရန် ကုလသမဂ္ဂ အတွင်းရေးမှူးချုပ် Antonio Guterres, IMF ဥက္ကဋ္ဌဖြစ်သူ Christine Lagarde စသော သြဇာကြီးမားသော ခေါင်းဆောင်များနှင့်အတူ ခေါင်းဆောင် ၁၂ ဦး ပါဝင်ခဲ့သည်။ ဘင်္ဂါလီအရေးတွင် ကနေဒါ၏ပါဝင်မှုကို ဟာစီနာက မြှင့်တင်သည့်သဘောဖြစ်ပြီး ကမ္ဘာ့အသိုင်းအ၀ိုင်းပါဝင်လာရန် ကြိုးစားမှုတစ်ရပ် ဖြစ်သည်။

မြန်မာနိုင်ငံခြားရေးဝန်ကြီး၏ ကြိုတင်တုံ့ပြန်မှု ဘာမျှမတွေ့ရချေ။ ဤသည်ကပင် မြန်မာသည် ခံစစ်ကို ပြင်ဆင်ထားခြင်းမရှိဟု ယူဆဖွယ်ရာ ရှိရာများစွာအံ့သြဖို့ ကောင်းလှပါ၏။

တောင်းဆိုချက် ရက် ၃၀ ပြန်ကြားပါ

ဘင်္ဂါလီအရေးသည် မြန်မာနိုင်ငံကို ရေတိမ်နစ်စေရန်အကြောင်း တစ်ခုဖြစ်သည်။ ဘင်္ဂါလီအရေးနှင့် ပတ်သက်၍ ကုလသမဂ္ဂလုံခြုံရေး ကောင်စီက ရက် ၃၀ အတွင်း ပြန်ကြားရန် တောင်းဆိုရာဇသံပေး လိုက်သည်ကို တွေ့ရသည်။  အချုပ်အခြာအာဏာပိုင်သည့် လွတ်လပ်သော နိုင်ငံတစ်ခုအနေဖြင့် များစွာခံပြင်းစရာ ဖြစ်သည်။ ရို (ဘင်္ဂါလီ) အရေးကိစ္စနှင့်ပတ်သက်၍ ကုလသမဂ္ဂလုံခြုံရေးကောင်စီ၏ တောင်းဆိုမှုကို လေ့လာခွင့်ရခဲ့သော AFP က သတင်းထုတ်ပြန်ခဲ့ပါသည်။

ARSA အကြမ်းဖက်မှုကို ဖျောက်ဖျက်၍ မြန်မာဘက်က လူမျိုးစုရှင်းလင်းရေး (Ethnic Cleansing) အဖြစ် စွပ်စွဲထားသည်။ ဘင်္ဂါလီကို ရိုဟင်ဂျာဟု အတင်းအဓမ္မ အမည်ပြောင်းထားပြီး ဘင်္ဂါလီအနည်းဆုံး ၇၀၀၀၀၀ ခန့် ထွက်ပြေးခဲ့သည်ဟု ဖော်ပြထား၏။ (ဟာစီနာ က ၁၃၀၀၀၀၀) ဟု လေသံပစ်ထားသည်။ တပ်မတော်က လုံခြုံရေးတာ ၀န်ယူထားသည့်အချိန်တွင် ဘင်္ဂါလီများ ထွက်ပြေးခဲ့သည်မှာ မှန်ပါသည်။ ရွာများတွင် အကြမ်းဖက်မှုများရှိနေသောကြောင့် သူတို့အကြောင်း သူတို့သိ၍ ထွက်ပြေးကြခြင်း ဖြစ်ပါ၏။ သို့သော်လည်း တပ်က ဆုတ်ခွာပြီးချိန်တွင်လည်း အုပ်စုလိုက် ဘင်္ဂလားဒေ့ရ်ှဘက်ထွက်ပြေးသွားရခြင်းမှာ တစ်ဖက်ကမ်းတွင် UN အေဂျင်စီများက စားသောက်ဖွယ်ရာများ အလကားမျှဝေနေရာ “လာပါ-လာပါ” ဟု ခေါ်နေသောကြောင့် ဖြစ်ပါသည်။ တမင်ရည်ရွယ်ချက်ရှိရှိဖြင့် ဆောင်ရွက်ခဲ့ခြင်းဖြစ်ပြီး ပစ္စည်းအလကား ပေးခေါ်ယူခဲ့ခြင်းကို ထွက်ပြေးသူများအဖြစ် ပုံဖော်ခံခဲ့ရပြန်ပါသည်။

ကုလသမဂ္ဂတွင် ဗြိတိန်ကဦးဆောင်ပြီး အမေရိကန်၊ ပြင်သစ်နှင့်အတူ လူမျိုးစုရှင်းလင်းခဲ့သောကြောင့် ဘင်္ဂါလီများ ထွက်ပြေးရခြင်းဖြစ်ကြောင်း၊ ထို့ကြောင့် မြန်မာကို အရေးယူရန် ကြိုးစားခဲ့သည်ကို တွေ့ရသည်။ ထိုစွပ်စွဲချက်များကို စုံစမ်းစစ်ဆေးရန် ကုလသမဂ္ဂ၏ တောင်းဆိုမှုကို မြန်မာအစိုးရက သဘောတူခဲ့သည်။ (တပ်မတော်က စုံစမ်းစစ်ဆေးပြီး၊ ထိပ်တန်းအရာရှိကြီးများ အပါအ၀င်အများအပြားကို ပြစ်ဒဏ်ပေး ခဲ့ပြီးဖြစ်ရာ နိုင်ငံတစ်နိုင်ငံ၏ ဆောင်ရွက်မှုကိုမည်မျှပစ်ပယ်ပြီး အချုပ်အခြာကို မည်မျှစော်ကားရာရောက်ကြောင်း ဆင်ခြင်နိုင်ပါလိမ့်မည်။)

အခြေအနေအရပ်ရပ်သည် အလွန်စိုးရိမ်စရာကောင်းသည်ဟု စာတွင် ဖော်ပြထားပြီး ကုသသမဂ္ဂ၏ တောင်းဆိုချက်ကို ရက်ပေါင်း ၃၀ အတွင်း ပြန်ကြားရန် ရာဇသံ ပေးခြင်းခံနေရပါသည်။ မြန်မာနိုင်ငံဆိုင်ရာ ကုလသမဂ္ဂသံအမတ်ဖြစ်သော ခရစ္စတင်းရှရိန်နာဘာဂျင်နာ အနေဖြင့် ရက်သတ္တပတ်အတွင်း မြန်မာနိုင်ငံသို့ ရောက်ရှိလာပါဦးမည်။

ကုလသမဂ္ဂအနေဖြင့် ARSA အဖွဲ့၏ အကြမ်းဖက်မှုကို အဘယ်ကြောင့် ထိမ်ချန်ထားပါသနည်း။

မြန်မာအစိုးရအနေဖြင့်လည်း အကြမ်းဖက်ခံရမှုကြောင့် ဖြစ်လာသော နောက်ဆက်တွဲပြဿနာများဖြစ်ကြောင်း အဘယ်ကြောင့် ထိထိမိမိ မတုံ့ပြန်ရပါသနည်း။

မြန်မာကို အမိန့်ပေးနေသည်လား

အမေရိကန်သံရုံးက အစိုးရ၏ ဆောင်ရွက်နေမှုနှင့်ပတ်သက်၍ ထောက်ခံကြောင်း ထုတ်ပြန်ခဲ့သည်။ ကြေညာချက်သည် ထောက်ခံမှုထက် “အမိန့်ပေး” နေသည်နှင့်မခြားကြောင်း တွေ့ရသည်။

“စုံစမ်းစစ်ဆေးရာတွင် ပွင့်လင်းမြင်သာမှုနှင့် ဓမ္မဓိဋ္ဌာန်ကျမှု၏ အမြင့်ဆုံးစံချိန်စံညွှန်းများကို စွဲကိုင်သွားရန်နှင့် စုံစမ်းစစ်ဆေးမှု၏ ရလဒ်တစ်ခုအနေဖြင့် သင့်လျော်သောအရေး ယူမှုများတွင် အစိုးရက ဆောင်ရွက်ရန်အတွက်လည်း အရေးကြီးမည် ဖြစ်ပါသည်” ဟု ထုတ်ပြန်ကြေညာထားသည်ကို တွေ့ရ၏။

ထိုစာပိုဒ်ကို အသေအချာဖတ်လျှင် အစိုးရကို အမိန့်ပေးထားသည့် ပုံစံ၊ လမ်းညွှန်ထားသည့်ပုံစံ ဖြစ်နေသည်ကို တွေ့နိုင်ပါသည်။

အချုပ်အခြာပိုင်သော နိုင်ငံတစ်ခုကို အခြားမည်သည့်နိုင်ငံကမှ အမိန့်ပေး၍မရ၊ လမ်းညွှန်၍မရပါ။ “ဖြစ်သင့်သည်ဟု ယူဆပါသည်”  “ထိုသို့ဆောင်ရွက်မှုအတွက် အမြင်သဘောထား တူညီပါသည်” စသည့်အရေးအသားမျိုးသာ ဖြစ်ရပါလိမ့်မည်။

ပြီးခဲ့သောရက်ပိုင်းအတွင်းက ရုရှားမှ သတင်းတစ်ခု ထုတ်ပြန်ခဲ့သည်။ အမေရိကန်အနေဖြင့်  အနည်းဆုံး နိုင်ငံပေါင်း ၆၀ ၏ ရွေးကောက်ပွဲ ပေါင်း ၁၂၀ ထက်မနည်းတွင် ပါဝင်ခြေရှုပ်ခဲ့သည်ဟူသော သတင်းဖြစ်သည်။ လေ့လာအားကောင်းသူများ အတွက်မူ ဆန့်ကြယ်လှသည့်သတင်းတော့ မဟုတ်ပါ။ နိုင်ငံများစွာ၌ ပါဝါနိုင်ငံများ၏ မည်သို့ပါဝင်ပတ်သက်ခဲ့သည်၊ မည်သို့သြဇာသက်ရောက် စေထားသည်ဟူသော အခြေအနေတစ်ရပ်အဖြစ် ရှုမြင်နိုင်ပါသည်။

သဘောတူလက်မှတ်များ ရေးထိုး

အတိုင်ပင်ခံရုံးမှထုတ်ပြန်သော သတင်းထုတ်ပြန်ချက်အချို့က  စိုးရိမ်စရာကို မြင့်တက်စေပြန်ပါသည်။ ယခင်ကလည်း “အာနန်ကော်မရှင်” ကို အများစုတားဆီးနေသည့်ကြားက ဖွဲ့စည်းခဲ့၏။ “အကြံပြုမှုသာဖြစ်ပြီး လိုက်ပါလုပ်ဆောင်ရန် မဟုတ်ပါ” ဟူသော အကြောင်းပြချက် ပေးခဲ့၏။ သို့သော်လည်း ယခုအခါ ထိုအကြံပြုချက်ကိုပင် “အတိအကျ လိုက်နာ၍ အမြန်ဆုံးအကောင်အထည်ဖော်ပါ” ဟု နိုင်ငံတကာက အာနန်အကြံပြုချက်ကို အခြေခံပြီး ဖိအားပေးလာခဲ့ပါသည်။

ယခုအခါတွင်လည်း UNDP ၊ UNHCR စသော ကုလသမဂ္ဂ လက်အောက်ခံ အဖွဲ့အစည်းအတော်များများနှင့် သဘောတူ လက်မှတ်ထိုးခဲ့သည်ကို တွေ့ရသည်။ လွတ်လပ်သော ကော်မရှင်တစ်ရပ်ကို “ကမ္ဘာ့ထင်ရှားသော ပုဂ္ဂိုလ်တစ်ဦးက ဦးဆောင်၍”ဟူကာ အတိုင်ပင်ခံရုံး ကြေညာချက်တွင် တွေ့လိုက်ရပြန်သည်။ “အာနန်ကော်မရှင်” ဖွဲ့စည်းစဉ်က ပြည်တွင်းအရေးကို နိုင်ငံတကာ ဇာတ်ခုံပေါ် ရောက်နိုင်ကြောင်း တတ်သိသူများ၊ နိုင်ငံရေးပါတီများ၊ အစုအဖွဲ့များ၏ သတိပေးမှုကြားက ဆောင်ရွက်ခဲ့ရာ ထိုအကျိုးဆက်ကို ခံစားနေရဆဲ ထပ်မံ၍ “နိုင်ငံခြားသား” ဦးဆောင်အဖွဲ့ကို ထပ်မံဖွဲ့စည်းခြင်းသည် သင့်လျော်၊ မသင့်လျော် ဆင်ခြင်စဉ်းစားနိုင်ဖို့ ကောင်းပါ၏။ ပို၍ ဆိုးဝါးသည်က ကြေညာချက်ဟူသည့်  အဆင့်ထုတ်ပြန်ရာတွင် အမည်နာမ နောက်ခံကိုဖော်ပြထားခြင်း မရှိဘဲ “ကမ္ဘာ့ထင်ရှားနိုင်ငံခြားသား တစ်ဦး”ဆိုသည့် အသုံးမှာ နိုင်ငံတကာရုံး လုပ်ထုံးလုပ်နည်းများနှင့် များစွာ ဆန့်ကျင်နေသည်ကို တွေ့ရပါ၏။

■ ရင်လောက်တင်မှ ဒူးလောက်ကျသော လုံခြုံရေး

နိုင်ငံတစ်ခု၏ လုံခြုံရေးသည် များစွာ အရေးကြီးလှပါ၏။ ယနေ့ Fail State ဖြစ်ခဲ့ရသော နိုင်ငံများ၏အဖြစ်က သက်သေခံပြီး ဖြစ်ပါသည်။ နိုင်ငံတစ်ခု၏ လုံခြုံရေးအစီအမံ ဆိုသည်မှာ ရင်လောက်တင်ထားမှ ဒူးလောက်ရသည့် အခြေအနေ ဖြစ်ပါ၏။ တစ်ဖက်ကလည်း သူ့နည်းသူ့ဟန်ဖြင့် ပုံစံအမျိုးမျိုးသုံးကာ ထိုးဖောက်တတ်သောကြောင့် ဖြစ်သည်။

ယနေ့ UN အဖွဲ့အစည်း အများအပြားကို ၀င်ခွင့်ပေးခဲ့၏။ မည်သည့် အတိုင်းအတာမျိုးဖြင့် ခွင့်ပြုထားပါမည်နည်း။ အစိုးရတစ်ရပ် အနေဖြင့် မည်မျှ ပြင်ဆင်ထားပါသလဲ။ နဂိုကပင် သဘောတူညီချက် ရယူထားရပါလိမ့်မည်။ အကြမ်းဖက် ARSA တို့ ခိုအောင်းရာတွင် ကုလသမဂ္ဂ အကူအညီပေးခဲ့သော စားသောက်ဖွယ်ရာ၊ ဆေးဝါးများကို ရှာဖွေတွေ့ရှိခဲ့ပါသည်။ ဆက်လက် စဉ်းစားနိုင်ပါလိမ့်မည်။

ယနေ့ UN အဖွဲ့အစည်းများမှာပင် Economic Hit Man ဟူသော သူလျှိုများစွာ ပါဝင်နေသည်ကို ကျယ်ကျယ်ပြန့်ပြန့် သိရှိကြပြီး ဖြစ်ပါသည်။ ကိုယ်တိုင် EHM ဖြစ်ခဲ့ သော John Perkins ၏ စာအုပ်တွင် ကုလသမဂ္ဂ၏ မည်သည့် အဖွဲ့အစည်းများတွင် မည်သို့ပါဝင်ခဲ့ကြောင်း ထုတ်ဖော် ရေးသားခဲ့ရာ ငြင်းပယ်၍ရသော အရာမဟုတ်တော့ပါ။

ကုလသမဂ္ဂ လက်အောက်ခံ အဖွဲ့အစည်းများ၏ ၀င်ရောက်မှုကြောင့် ပြဿနာပို၍ လျော့ပါးသွားသောနိုင်ငံများနှင့် ပြဿနာပို၍ ကြီးထွားလာသော နိုင်ငံအရေအတွက်ကို သုတေသနပြု၍ လေ့လာလျှင် ပို၍ ထင်ရှားစွာ တွေ့ရပါလိမ့်မည်။ ထိုသို့ သုံးသပ်ရေးသားထားသော အကြောင်းအရာများလည်း များစွာရှိနေပါ၏။

ခြုံငုံ၍ဆိုရလျှင် မြန်မာ့ပစ္စက္ခ အခြေအနေသည် များစွာ စိုးရိမ်ဖွယ်ရာကောင်းသော အခြေအနေတစ်ရပ်နှင့် ရင်ဆိုင်နေရပြီး အနာဂတ် အလားအလာမှာလည်း နွံနစ်နေသူ တစ်ဦးကဲ့သို့ “လှုပ်လေ မြုပ်လေ” အခြေအနေမျိုးဖြစ်သဖြင့် ဆိုးသထက်သာ ပို၍ဆိုးလာစရာ ရှိသည်ဟု သုံးသပ်ရပါ၏။

မြန်မာတို့အနေဖြင့် ရွေးချယ်ရန် လမ်းခွဆုံတစ်ခုသို့ ရောက်နေသည်ဟု မြင်ပါသည်။ ခေါင်းပုံခံ၍ တအိအိနွံနစ်ခံမည်လား။

ယခုမျိုးဆက်များ၏ ဆောင်ရွက်မှုသည် မိမိတို့၏ သားမြေးတို့၏ အနာဂတ်ဖြစ်သည်ကို မမေ့မလျော့ ရန်ဖြစ်သည်။

မြန်မာတို့ ညံ့ကြပြီလားဟူ၍လည်း ကိုယ့် ကိုယ်ကိုယ်မှန်ကြည့်၍ မေးရန် အခြေအနေသို့ ရောက်လာခဲ့ပြီဟုလည်း မြင်ပါသည်။

ARSA အကြမ်းဖက်သောင်းကျန်းသူအဖွဲ့က ကျူးလွန်ခဲ့သည့် အကြမ်းဖက်ဖြစ်စဉ်များအပေါ် အကြမ်းဖက်မှု တိုက်ဖျက်ရေးဥပဒေနှင့်အညီ နိုင်ငံတကာ အဖွဲ့အစည်းများနှင့်ပူးပေါင်း၍ ထိရောက်စွာ ပူးပေါင်းဖော်ထုတ်တိုက်ဖျက်ပြီး လုံလောက်သည့်ကာကွယ်မှုပြုလုပ်ပေးရန် အဆိုအား ပြည်သူ့လွှတ်တော်အတည်ပြု

ရခိုင်ပြည်နယ် မြောက်ပိုင်းဒေသတွင် ၂၀၁၆ ခုနှစ်နှင့် ၂၀၁၇ ခုနှစ်အတွင်း ARSA အကြမ်းဖက်သောင်းကျန်းသူအဖွဲ့က ကျူးလွန်ခဲ့သည့် အကြမ်းဖက်ဖြစ်စဉ်များအပေါ် အကြမ်းဖက်မှု တိုက်ဖျက်ရေး ဥပဒေနှင့်အညီ နိုင်ငံတကာ အဖွဲ့အစည်းများနှင့် ပူးပေါင်း၍ ထိရောက်စွာ ပူးပေါင်းဖော်ထုတ်တိုက်ဖျက်ပြီး လုံလောက်သည့် ကာကွယ်မှုပြုလုပ်ပေးရန် အဆိုအား ပြည်သူ့လွှတ်တော်တွင် အတည်ပြုခဲ့သည်။

ပြည်ခိုင်ဖြိုးပါတီဝင် ပျော်ဘွယ်မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးသောင်းအေး တင်သွင်းသော  နိုင်ငံတော်တည်ငြိမ်အေးချမ်းရေး၊ တရားဥပဒေစိုးမိုးရေးနှင့် အချုပ်အခြာအာဏာ တည်တံ့ခိုင်မြဲရေးအတွက် နိုင်ငံတော်တွင် အကြမ်းဖက်တိုက်ခိုက်မှုများ ထပ်မံမဖြစ်ပေါ်စေရန် အထူးသဖြင့် ရခိုင်ပြည်နယ်တွင် ထပ်မံမဖြစ်စေရန် ရခိုင်ပြည်နယ်မြောက်ပိုင်းဒေသတွင် ၂၀၁၆ ခုနှစ် နှင့် ၂၀၁၇ ခုနှစ်အတွင်း ARSA အကြမ်းဖက် သောင်းကျန်းသူအဖွဲ့က ကျူးလွန်ခဲ့သည့် အကြမ်းဖက် ဖြစ်စဉ်များအပေါ် အကြမ်းဖက်မှု တိုက်ဖျက်ရေး ဥပဒေနှင့်အညီ နိုင်ငံတကာ အဖွဲ့အစည်းများနှင့် ပူးပေါင်း၍ ထိရောက်စွာ ပူးပေါင်းဖော်ထုတ်တိုက်ဖျက်ပြီး လုံလောက်သည့် ကာကွယ်မှု ပြုလုပ်ပေးပါရန်အဆိုအား  ဇွန် ၁၅ ရက်က နေပြည်တော်၌ ပြုလုပ်သည့် ပြည်သူ့လွှတ်တော်အစည်းအဝေးတွင် လွှတ်တော်ကိုယ်စားလှယ်များက ဆွေးနွေးပြီး လွှတ်တော်အဆုံးအဖြတ်ရယူကာ အတည်ပြုခဲ့ခြင်း ဖြစ်သည်။

ရခိုင်ပြည်နယ်မြောက်ပိုင်းဒေသတွင် ဘင်္ဂါလီအစွန်းရောက် အကြမ်းဖက်သမားများ နှင့် ARSA အကြမ်းဖက်အဖွဲ့များက ၂၀၁၆ ခုနှစ် အောက်တိုဘာ ၉ ရက်တွင် ကျီးကန်းပြင်ရှိ အမှတ် (၁) နယ်ခြားစောင့် ရဲကွပ်ကဲမှုအဖွဲ့ ဌာနချုပ်၊ နယ်ခြားစောင့်ရဲတပ်ဖွဲ့စခန်း ငါးခူရနှင့် ကိုးတန်ကောက်စခန်းသုံးခုကို ၀င်ရောက်အကြမ်းဖက် တိုက်ခိုက်သတ်ဖြတ်မှုများကြောင့် လုံခြုံရေးတပ်ဖွဲ့ဝင်ခြောက်ဦး သေဆုံး၊ နှစ်ဦး ဒဏ်ရာရရှိပြီး လက်နက်မျိုးစုံ ၆၃ လက်၊ ကျည် ၁၀၁၃၀ တောင့် ဆုံးရှုံးခဲ့ကာ ၎င်းဖြစ်စဉ်ဖြစ်ပွားပြီးနောက် လုံခြုံရေး ရဲတပ်ဖွဲ့ခွဲများ အင်အားဖြည့်တင်း၍ ရဲကင်းစခန်း  ၃၄  ခု ထပ်မံတိုးချဲ့ခဲ့ပါသော်လည်း အစွန်းရောက်ဘင်္ဂါလီအကြမ်းဖက်သမားများနှင့် ARSA အဖွဲ့သည် ရပ်တန့်မသွားဘဲ ဆက်လက်အကြမ်းဖက်မှုကြောင့် ၂၀၁၆ ခုနှစ် အောက်တိုဘာလမှ ၂၀၁၇ ဇွန် ၃၀ ရက်အထိ အသတ်ခံရသူ  ၄၁ ဦး၊ ပျောက်ဆုံး ၂၃ ဦးရှိခဲ့ကြောင်း ဦးသောင်း အေး၏အဆိုတွင် ပါရှိသည်။

ထို့ပြင် ၂၀၁၇ ခုနှစ် သြဂုတ် ၂၅ ရက်တွင် တပ်မတော်တပ်ရင်း ဂိတ်ကင်းစခန်းတစ်ခုနှင့် နယ်ခြားစောင့်ရဲကင်း စခန်းပေါင်း ၃၀ ကို အကြမ်းဖက်အဖွဲ့များက အင်အားသုံး တိုက်ခိုက်မှု ထပ်မံဖြစ်ပေါ်ခဲ့ပြီးဖြစ်စဉ်တွင် ရဲတပ်ဖွဲ့ ၀င် ၁၀ ဦး၊ တပ်မတော်သားတစ်ဦး၊ လုံခြုံရေး တစ်ဦး၊ ၀န်ထမ်းတစ်ဦး အသက်ဆုံးရှုံးခဲ့ရပြီး လုံခြုံရေးတပ်ဖွဲ့ဝင်ကိုးဦး ဒဏ်ရာရရှိခဲ့ကြောင်း၊  အကြမ်းဖက်သမားများက ဆက်တိုက်သတ် ဖြတ်မီးရှို့အကြမ်းဖက် တိုက်ခိုက်ခဲ့သည့် အတွက် လုံခြုံရေးတပ်ဖွဲ့များက ခုခံကာကွယ်နေသည့်ကြားမှ ၂၀၁၇ ခုနှစ် သြဂုတ် ၂၅ ရက်မှ စက်တင်ဘာ ၂၆ ရက်ထိ တစ်လအတွင်း နိုင်ငံဝန်ထမ်းနှစ်ဦး၊ ဟိန္ဒူ၊ မြို၊ ရခိုင်၊ ဒိုင်းနက်တိုင်း ရင်းသားများ၊ လုံခြုံရေးတပ်ဖွဲ့ဝင် ၁၃ ဦး အပါအ၀င် စုစုပေါင်း ၈၄ ဦး သတ်ဖြတ်ခံရပြီး ၅၄ ဦး ပျောက်ဆုံးနေခဲ့ကြောင်း၊ မှတ်တမ်းများအရ ၂၀၁၆ ခုနှစ် အောက်တိုဘာလမှ ၂၀၁၇ ခုနှစ် စက်တင်ဘာ ၂၆ ရက်အထိ အကြမ်းဖက် တိုက်ခိုက်သတ်ဖြတ်မှုကြောင့် ၁၆၃ ဦး သေဆုံးပြီး ကိုးဦးပျောက်ဆုံးနေကြောင်းနှင့် အဆို ပါ အကြမ်းဖက်တိုက်ခိုက်မှုများသည် မစ္စတာ ကိုဖီအာနန် အကြံပေးကော်မရှင်၏ လုပ်ငန်းစတင်ဆောင်ရွက်သည့် ကာလနှင့် လုပ်ငန်းပြီးဆုံး၍ အပြီးသတ်အစီရင်ခံစာ တင်သွင်းသည့် နေ့များတွင် တိုက်ဆိုင်စွာ ဖြစ်ပေါ်လာသည့်အပြင် ဘူးသီးတောင်မောင်တောဒေသရှိ မေယုတောင်ကြော၌ အကြမ်းဖက်စခန်းလိုဏ် ခေါင်းတစ်ခုကို ရိက္ခာများ၊ တဲများ၊ အသုံးအဆောင်များနှင့် တွေ့ရှိခဲ့သည့်အတွက် အစီအစဉ်ရှိရှိလုပ်သည့် အကြမ်းဖက်မှုများဖြစ်ကြောင်း အဆိုရှင်က ပြောကြားထားသည်။

ဆက်လက်ပြီးအဆိုတွင် အစွန်းရောက် ဘင်္ဂါလီအကြမ်းဖက်အဖွဲ့များသည် ၁၉၄၂၊ ၁၉၅၁၊ ၁၉၆၆ နှစ်များသကဲ့သို့ ရခိုင်ပြည်နယ် မြောက်ပိုင်းတွင် နယ်မြေတစ်ခုရရှိရေး၊ ရိုဟင်ဂျာလူမျိုးအဖြစ် အသိအမှတ်ပြုရေး ဦးတည်လျက် OIC နိုင်ငံများ၊ ပြည်ပအဖွဲ့အစည်းများ နှင့် လုပ်ကြံမူဝါဒဖြန့်မှုများကို နည်းမျိုးစုံဖြင့် ပြုလုပ်လျက်ရှိကြောင်း ပြောကြားထားသည်။

အခန်း ၉ ခန်းပါရှိသော အကြမ်းဖက်မှု တိုက်ဖျက်ရေးဥပဒေကို ၂၀၁၄ ခုနှစ်တွင် ပြဋ္ဌာန်းခဲ့ပြီး ရခိုင်ပြည်နယ်မြောက်ပိုင်းဒေသတွင် ၂၀၁၆၊ ၂၀၁၇ ခုနှစ်များအတွင်း ဖြစ်ပွားခဲ့သည့် ဖြစ်စဉ်များကို ကြည့်ပါက တပ်မတော်အပါအ၀င် နယ်ခြားစောင့် ရဲတပ်ဖွဲ့လုံခြုံရေး စခန်းများကို အင်အားသုံးတိုက်ခိုက် ဖျက်ဆီးခြင်း၊ လုံခြုံရေးတပ်ဖွဲ့များကို လူသားတံတိုင်းသုံး၍ ဟန့်တားတိုက်ခိုက်ခြင်း၊ မိုင်းထောင် တိုက်ခိုက်ခြင်း၊ လူနေအိမ်အဆောက်အအုံများကို မီးရှို့ဖျက်ဆီးခြင်း၊ အုပ်ချုပ်ရေးတာဝန်ရှိသူများ၊ လုံခြုံရေးဆိုင်ရာ သတင်းပေးသူများ၊ လူနည်းစု တိုင်းရင်းသားတို့ကို ရက်စက်စွာ သတ်ဖြတ်ခြင်း၊ ဌာနေပြည်သူများကို နေရပ်စွန့်ခွာထွက်ပြေးစေရန် ခြိမ်းခြောက်ခြင်း စသည့်လုပ်ဆောင်မှုများကို ထင်ရှားစွာ တွေ့မြင်နေရသဖြင့် အကြမ်းဖက်မှုဥပဒေပြဋ္ဌာန်းချက်ပါ အကြမ်းဖက်မှုများနှင့် အကျုံးဝင်နေကြောင်း ဦးသောင်းအေးက အဆိုတင်သွင်းစဉ်က ပြောကြားထားသည်။

AI အဖွဲ့သည် မြန်မာနိုင်ငံ၏အရေးကို ICC သို့တင်ရန် ကြိုးစားနေသည့်အတွက် သတိပြုရမည်ဖြစ်ပြီး နောက်တစ်ကြိမ် အကြမ်းဖက် တိုက်ခိုက်ရန် အာဆာအဖွဲ့ လူစုနေဟု သေနင်္ဂမဟာဗျူဟာ လေ့လာရေးအဖွဲ့ ပြောကြား

အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ (AI) သည် မြန်မာနိုင်ငံ၏ အရေးကို အပြည်ပြည်ဆိုင်ရာ ရာဇ၀တ်မှုခုံရုံး (ICC) သို့တင်ရန် ကြိုးစားနေသည့် အဖွဲ့အစည်းတစ်ခု ဖြစ်သည့်အတွက် သတိပြုရမည်ဖြစ်ပြီး အာဆာအကြမ်းဖက် အဖွဲ့ကလည်း ရခိုင်ပြည်နယ်တွင် နောက်တစ်ကြိမ် အကြမ်းဖက် တိုက်ခိုက်မှုများ ပြုလုပ်ရန် လူစုနေသည်ဟု သေနင်္ဂမဟာဗျူဟာ လေ့လာရေးအဖွဲ့၏ တည်ထောင်သူနှင့် အမှုဆောင်ဒါရိုက်တာ ဒေါက်တာနိုင်ဆွေဦးက ပြောကြားသည်။

သေနင်္ဂမဟာဗျူဟာ လေ့လာရေးအဖွဲ့က စီစဉ်သော “ရခိုင်ပြည်နယ်အရေး နိုင်ငံတကာ စံနှုန်းများနှင့် အမျိုးသား လုံခြုံရေးအမြင် ဆွေးနွေးပွဲ” ကို ဇွန် ၉ ရက်၌ ရန်ကုန်မြို့ မရမ်းကုန်းမြို့နယ် ရှစ်မိုင်လမ်းဆုံရှိ Hotel Yangon တွင် ပြုလုပ်ခဲ့ပြီး အဆိုပါ ဆွေးနွေးပွဲနှင့်ပတ်သက်၍ ရှင်းလင်းပြောကြားရာတွင် ဒေါက်တာနိုင်ဆွေးဦးက ထိုသို့ထည့်သွင်း ပြောကြားခဲ့ခြင်းဖြစ်သည်။

“နောက်တစ်ခုကတော့ AI အဖွဲ့ရဲ့ အစီရင်ခံစာပဲ ဖြစ်ပါတယ်။ သာမန်အားဖြင့် ကျွန်တော်တို့ ဒီအစီရင်ခံစာကို ကြိုဆိုရမှာ ဖြစ်ပါတယ်။ တပ်မတော်အနေနဲ့လည်း ဒါကို ကြိုဆိုတယ် ဆိုပြီးတော့ ထုတ်ပြန်ခဲ့တာ ရှိပါတယ်။ ဒါပေမဲ့ ဒီ AI အဖွဲ့ဟာ ကျွန်တော်တို့ တခြားမိတ်ဖက် အဖွဲ့တွေနဲ့ ပေါင်းပြီးတော့ မြန်မာနိုင်ငံရဲ့အရေးကို ICC ကိုတင်ဖို့ ကြိုးစားနေတဲ့ အဖွဲ့ဆိုတာ ကျွန်တော်တို့အနေနဲ့ သတိပြုမိဖို့ လိုအပ်ပါတယ်” ဟု ၎င်းကဆိုသည်။

တပ်မတော်က ဘင်္ဂါလီရွာများကို မီးရှို့ခဲ့သည်ဆိုသော ဂြိုဟ်တုဓာတ်ပုံများ၊ ဘင်္ဂါလီများ၏ မြေနေရာများပေါ်တွင် တပ်မတော်က တပ်စခန်းများ အခိုင်အမာ ဆောက်နေသည်ဆိုသော သတင်းဓာတ်ပုံ အစီရင်ခံစာများကို AI အဖွဲ့က ထုတ်ပြန်ခဲ့ခြင်းဖြစ်သည်ဟု ဒေါက်တာနိုင်ဆွေဦးက ပြောကြားသည်။

“ဘင်္ဂါလီတွေ အတင်းအကျပ် ရွှေ့ပြောင်းခံရခြင်း ခေါင်းစဉ်နဲ့ ဘင်္ဂလားဒေ့ရ်ှနိုင်ငံက ICC လမ်းကြောင်းပေါ်ကို တင်ဖို့ကြိုးစားနေတဲ့ ဒီအချိန်မှာ အာဆာအဖွဲ့က ဟိန္ဒူတွေကို သတ်တယ်ဆိုတဲ့ အစီရင်ခံစာ ထုတ်ပြန်ခဲ့ခြင်းဟာလည်း သံသယဖြစ်ဖွယ် ရှိပါတယ်။ ဘာဖြစ်လို့လဲဆိုတော့ AI အဖွဲ့အနေနဲ့ ဒီဖြစ်စဉ်ကို ယခင်ကတည်းက သိရှိပြီး ဖြစ်ပါတယ်။ အခုအချိန်မှ အချိန်ကိုက် ထုတ်ပြန်ခဲ့ခြင်း ဖြစ်တဲ့အတွက် ဒါသံသယ ဖြစ်စရာပါ” ဟု ၎င်းကရှင်းလင်း ပြောပြသည်။

ယခင်က ဖြစ်ပွားခဲ့သည့် အာဆာအဖွဲ့၏ အကြမ်းဖက်တိုက်ခိုက်မှု ဖြစ်စဉ်များတွင် အာဆာအဖွဲ့အနေဖြင့် အကြမ်းဖက် တိုက်ခိုက်မှုများ မပြုလုပ်မီ လူအင်အား ကြိုတင်စုဆောင်းမှုများ ပြုလုပ်လေ့ရှိပြီး ထိုသို့ လူအင်အား ကြိုတင်စုဆောင်းရာတွင် မော်လ၀ီဆရာများကို အသုံးချခဲ့ကာ ယခုအခါတွင်လည်း အာဆာအဖွဲ့အနေဖြင့် ကော့ဘဇားရှိ ဒုက္ခသည်စခန်း ၁၂ ခုသို့ စိမ့်ဝင်ကာ အဝေးရောက် အာဆာအဖွဲ့ ဖွဲ့စည်းရန် ကြံစည်နေသည်ဟု ဒေါက်တာနိုင်ဆွေဦးက ပြောကြားသည်။

“အခုလည်း သူတို့က အဝေးရောက် အာဆာကို ဖွဲ့စည်းမယ်ဆိုပြီး အဖွဲ့တစ်ဖွဲ့ကို လူငါးယောက်နှုန်း ပါဝင်ပြီးတော့မှ ဒုက္ခသည်စခန်း ၁၂ ခုမှာ နေထိုင်တဲ့ ရွာပေါင်းလေးဆယ်ကနေပြီးမှ တစ်ရွာကို လူအင်အား တစ်ရာကနေ နှစ်ရာအထိ စည်းရုံးလုပ်ဆောင်ထားပြီး ဖြစ်တယ်လို့ ကျွန်တော်တို့အနေနဲ့ သိရပါတယ်။ လက်ရှိမှာတော့ အကြမ်းဖက် တိုက်ခိုက်မှုတွေ ပြန်လည်လုပ်ဆောင်ဖို့အတွက် အချိန်စောင့်ဆိုင်းနေတယ်လို့ပဲ သုံးသပ်မိပါတယ်” ဟု ၎င်းကဆက်လက် ပြောကြားသည်။

မြန်မာနိုင်ငံအနေဖြင့် ကမ္ဘာ့အင်အားကြီးနိုင်ငံ တစ်နိုင်ငံနှင့် လူဦးရေ ပေါက်ဖွားမှုနှုန်း မြင့်မားသည့် နိုင်ငံတစ်ခု၏ အကြားတွင် ဖြစ်တည်နေပြီး တရုတ်နိုင်ငံ၏ Belt and Road အစီအစဉ် အောင်မြင်ပါက ရခိုင်ဒေသသည် အရေးပါသည့် ဒေသတစ်ခု ဖြစ်လာမည် ဖြစ်သည့်အတွက် ရခိုင်ပြည်နယ်၏ ဖြစ်စဉ်များကို ရှုမြင်ရာတွင် မဟာဗျူဟာ အမြင်များဖြင့် ရှုမြင်ကြရန် လိုအပ်ကြောင်း ဒေါက်တာနိုင်ဆွေဦးက ပြောကြားသည်။