Facebook က ဘင်္ဂါလီမွတ်စလင် အကြမ်းဖက်အဖွဲ့ ARSA နှင့် သက်ဆိုင်သော အကြောင်းအရာများအား ပိတ်ပင်

Guardian တွင် ဖော်ပြထားမှုအား တွေ့ရစဉ်

အမေရိကန် လူမှုမီဒီယာ ဖြစ်သည့် Facebook သည် ဘင်္ဂါလီ အကြမ်းဖက်အဖွဲ့ ARSA အား အန္တရာယ်ရှိသော အကြမ်းဖက် အဖွဲ့အစည်းအဖြစ် သတ်မှတ်ခဲ့ပြီး ယင်းအဖွဲ့မှတင်သော post များနှင့် ယင်းအဖွဲ့အား ထောက်ခံသူများ၏ ရေးသားတင်မှုများအားဖျက်ရန် ညွှန်ကြားထားသည်ဟု ဗြိတိန်မီဒီယာ Guardian က ဖော်ပြခဲ့သည်။

ရခိုင်ပြည်နယ်တွင် ဖြစ်ပွားနေသော လူအစုအပြုံလိုက် ထွက်ခွာမှုကို “လူမျိုးစုလိုက် သန့်စင်မှု” ဟု ဖော်ပြကြပြီး ယင်းနှင့်ဆက်နွယ်သော သတင်းအချက်အလက်များအား စိစစ်ကန့်သတ်သည့်အတွက် Facebook သည် မြန်မာအစိုးရအား ထောက်ခံနေခြင်းဖြစ်သည်ဟု ဝေဖန်သူများက ယုံကြည်ကြသည်။

Facebook သည် သဘောထား ကွဲလွဲသူများအား ဖိနှိပ်ခြင်းဖြင့် “မျိုးသုဉ်းသတ်ဖြတ်မှုများအား လိမ်လည်ရန် ပူးပေါင်းကြံစည်သည်” ဟု တက်ကြွလှုပ်ရှားသူနှင့် ဂျာနယ်မိုဟာမတ်အန်ဝါအား ကိုးကားဖော်ပြခဲ့သည်။

RohingyaBlogger.com အတွက် လုပ်ကိုင်နေသော ကွာလာလမ်ပူ အခြေစိုက် ဂျာနယ်လစ် အန်ဝါက လူမှုအသိုင်းအ၀ိုင်းစံနှုန်း ချိုးဖောက်သည့်အတွက် Facebook က ဖယ်ရှားခဲ့သော post များအား ဓာတ်ပုံလုပ်၍ မျှဝေခဲ့သည် ရခိုင်ရှိ စီတီဇင် ဂျာနယ်လစ်နှင့် သတင်းထောက် ၄၅ ဦး ကွန်ရက်မှ Facebook ၏ စိစစ်မှုသတင်းကို ရရှိခြင်းဖြစ်ကြောင်း အန်ဝါက ပြောကြားခဲ့သည်။

အကြမ်းဖက်အဖွဲ့ ARSA ကို အမည်ပျက်စာရင်း သွင်းထားကြောင်း နိုင်ငံတော် အတိုင်ပင်ခံရုံး ညွှန်ကြားရေးမှူးချုပ်နှင့် ပြောခွင့်ရပုဂ္ဂိုလ် ဦးဇော်ဌေးက အတည်ပြု အသိပေးထားသည်။ ဦးဇော်ဌေးက Facebook တွင် တင်ခဲ့သောပုံ၌ ပါဝင်သည့် Facebook ၏ ကြေညာချက်က “အကြမ်းဖက် အဖွဲ့အစည်းများအား ကျွန်ုပ်တို့၏ ၀န်ဆောင်မှုကို အသုံးပြုခွင့်မပေးကြောင်းနှင့် ယင်းကဲ့သို့ အကြမ်းဖက် အဖွဲ့များကို ချီးကျူးရေးသားမှု၊ ထောက်ခံမှု ပါဝင်သည့် အကြောင်းအရာ အားလုံးကို ဖယ်ရှားမည် ဖြစ်ကြောင်း” ဖော်ပြထားသည်။

Facebook ၏ လူမှုအသိုက်အ၀န်း စံနှုန်းများက အကြမ်းဖက်မှု၌ ပါဝင်ခဲ့သည့် အဖွဲ့များ စုစည်းအကြမ်းဖက်မှု၊ ရာဇ၀တ်မှု၊ အစုအပြုံလိုက်သတ်မှု၊ အုပ်စုဖွဲ့ အမုန်းတရား ဖြန့်မှုတို့ ဆောင်ရွက်သည့် အဖွဲ့များအား ထောက်ခံမှု၊ ယင်းအဖွဲ့များ၏ ရေးသားမှုတို့ကို ပိတ်ပင်သည်။ ရခိုင်ပြည်နယ်တွင် ရဲစခန်းများအား ပူးပေါင်းတိုက်ခိုက်မှု ဖြစ်ပွားခဲ့ပြီးနောက် မြန်မာအစိုးရသည် ARSA အား အကြမ်းဖက်အဖွဲ့ဟု သြဂုတ် ၂၅ ရက်တွင် ကြေညာခဲ့ပြီးဖြစ်သည်။

ARSA နှင့် သက်ဆိုင်သည့် အကြောင်းအရာများကို ပိတ်ပင်တားဆီးသည့် ဆုံးဖြတ်ချက်အား အစိုးရ၏ တောင်းဆိုချက်ဖြင့် ဆောင်ရွက်ခဲ့ခြင်းမဟုတ်ကြောင်း Facebook က ပြောကြားခဲ့သည်။ ARSA ၏ နိုင်ငံရေး ရည်မှန်းချက်ကြောင့် မဟုတ်ဘဲ အကြမ်းဖက်လုပ်ရပ်ကြောင့် ပိတ်ပင်သည့် ဆုံးဖြတ်ချက်ကို ဆောင်ရွက်ခဲ့ခြင်း ဖြစ်သည်ဟု Facebook က ဆိုခဲ့သည်။

ဘင်္ဂါလီ ဒုက္ခသည်များ၊ ဂျာနယ်လစ်များ၊ စောင့်ကြည့်လေ့လာသူများက Facebook သည် ဘင်္ဂါလီမွတ်စလင်တို့အား လူ့အခွင့်အရေး ချိုးဖောက်မှုအကြောင်း သတင်းများကို စိစစ်ကန့်သတ်နေသည်ဟု ဝေဖန်မှုများ ရှိနေချိန်၌ Facebook က ARSA ကို ပိတ်ပင်ကြောင်း ၀န်ခံခဲ့ခြင်းဖြစ်သည်။

မောင်တောဒေသ၌ ARSA ဘင်္ဂါလီအစွန်းရောက် အကြမ်းဖက်သမားများ၏ တိုက်ခိုက်မှုများ ရှိနေသော်လည်း စက်တင်ဘာလကုန်ပိုင်းတွင် ကညင်ချောင်း စီးပွားရေးဇုန် အကောင်အထည်ဖော်ရန် အစိုးရနှင့် အကောင်အထည်ဖော်ရေး ကုမ္ပဏီ MoU ရေးထိုးမည်

မောင်တောမြို့ ကညင်ချောင်းစီးပွားရေးဇုန် စီမံကိန်းကို ၂၀၁၆ ခုနှစ် နိုဝင်ဘာလအတွင်းက တွေ့ရစဉ်

မောင်တောဒေသတွင် ARSA ဘင်္ဂါလီ အစွန်းရောက် အကြမ်းဖက်သမားများ၏ တိုက်ခိုက်မှုများ ရှိနေသော်လည်း စက်တင်ဘာလကုန်ပိုင်းတွင် မောင်တော ကညင်ချောင်းစီးပွားရေးဇုန်ကို အကောင်အထည်ဖော်ရန် အစိုးရနှင့် အကောင်အထည်ဖော်ရေး ကုမ္ပဏီ MoU လက်မှတ် ရေးထိုးမည် ဖြစ်ကြောင်း သိရသည်။

အဆိုပါ မောင်တောစီးပွားရေးဇုန်သည် မောင်တောမြို့မှ နှစ်မိုင်ခန့်အကွာ ကညင်ချောင်း ကျေးရွာအနီး ရေနက်ဆိပ်ကမ်းတွင် တည်ဆောက်နေခြင်းဖြစ်ကာ စီးပွားရေးဇုန် အကောင်အထည်ဖော်လာပါက မြန်မာ-ဘင်္ဂ လားဒေ့ရှ် နှစ်နိုင်ငံကုန်သွယ်မှု တိုးတက်မြင့်မားလာမည့်အပြင် ဒေသခံတိုင်းရင်းသားများလည်း ၀င်ငွေရရှိလာမည် ဖြစ်ကြောင်း ရခိုင်ပြည်နယ် အစိုးရအဖွဲ့ ဘဏ္ဍာရေး၊ အခွန်၊ စီမံကိန်းနှင့် စီးပွားရေးဝန်ကြီး ဦးကျော်အေးသိန်းက ပြောကြားသည်။

“မောင်တောစီးပွားရေးဇုန်ကို မောင်တောမြို့ ကညင်ချောင်းကျေးရွာနားမှာ ဧက ၁၀၀ နဲ့ အကောင်အထည်ဖော်ဖို့ ဆောင်ရွက်လျက် ရှိပါတယ်။ အဓိက,ကတော့ မောင်တောအခြေစိုက်တဲ့ ကုမ္ပဏီတွေနဲ့ သူတို့နဲ့ အဆက်အသွယ်ရှိတဲ့ ရန်ကုန်ဘက်က ကုမ္ပဏီတွေ ပေါင်းပြီးတော့ Consortium ကုမ္ပဏီတစ်ခု ဖွဲ့ထားတာရှိပါတယ်။ အဲဒီကုမ္ပဏီနဲ့ အစိုးရပေါင်းပြီးတော့ ဒီကုန်သွယ်ရေးဇုန်ကို အကောင်အထည်ဖော် ဆောင်ရွက်သွားဖို့ ရည်မှန်းထားပါတယ်။ ပထမကတော့ ဘင်္ဂလားဒေ့ရ်ှနဲ့ မြန်မာနဲ့ ကုန်သွယ်မှုက တိုးမြင့်လာမယ့် အနေအထား ရှိပါတယ်။ ဒုတိယတစ်ချက်က အဲဒီဒေသမှာ အလုပ်အကိုင် အခွင့်အလမ်းတွေ ပိုမိုရရှိလာပြီးတော့ ဒေသခံတိုင်းရင်းသားတွေ ၀င်ငွေပိုမိုရရှိပြီးတော့မှ ဒေသတည်ငြိမ်အေးချမ်းမှုကို ပိုမိုအကျိုးရှိမှာ ဖြစ်ပါတယ်။ အဲဒီကုမ္ပဏီနဲ့ကတော့ စက်တင်ဘာ လကုန်ပိုင်းလောက်မှာ ကျွန်တော်တို့ MoU ထိုးဖို့ရှိပါတယ်။ ဆိုတော့ ရင်းနှီးမြှုပ်နှံမှုအပိုင်းကိုရော၊ စီးပွားရေးဇုန်ကြီး လည်ပတ်မှုအပိုင်းကိုရော ကုမ္ပဏီနဲ့ အစိုးရပေါင်းပြီးတော့ အကောင်အထည်ဖော် ဆောင်ရွက်သွားမှာ ဖြစ်ပါတယ်” ဟု ရခိုင်ပြည်နယ် အစိုးရအဖွဲ့ ဘဏ္ဍာရေး၊ အခွန်၊ စီမံကိန်းနှင့် စီးပွားရေးဝန်ကြီး ဦးကျော်အေးသိန်းက ပြောကြားသည်။

အဆိုပါ ကညင်ချောင်း ကုန်သွယ်ရေးဇုန်ကို ယခင်အစိုးရ လက်ထက်ကတည်းက ကျပ်သန်း ၁၀၀၀ ရင်းနှီးမြှုပ်နှံကာ အဆောက်အအုံများ၊ ဆိပ်ခံတံတားများ တည်ဆောက်ခဲ့ခြင်းဖြစ်ကြောင်း၊ ယခုအစိုးရ လက်ထက်တွင် ဆက်လက် အကောင်အထည်ဖော်ရန် ဆောင်ရွက်နေခြင်းဖြစ်သည်။

“အရင်အစိုးရ လက်ထက်တုန်းကတော့ ကျပ်သန်း ၁၀၀၀ ဖိုးလောက်ရှိတဲ့ အဆောက်အအုံတွေ သူတို့ဆောက်ခဲ့တာ ရှိပါတယ်။ အခုလည်း အဲဒီနေရာကို ဆက်ပြီးဆောင်ရွက်မှာ ဖြစ်ပါတယ်။ အခုနောက်ပိုင်းမှာ လမ်းတွေ၊ ကုန်ချဖို့ကိစ္စတွေ၊ ရေရရှိရေး၊ မီးရရှိရေးကိစ္စ တွေ၊ နောက်ခြံစည်းရိုးတွေ အဲဒါတွေပါ MoU ထိုးပြီးရင် အဲဒါတွေကို အကောင်အထည်ဖော်သွားမှာပါ” ဟု ၎င်းကဆက်လက် ပြောကြားသည်။

လက်ရှိတွင် အကြမ်းဖက် တိုက်ခိုက်မှုများကြောင့် ဒေသခံများ နေရပ်စွန့်ခွာ ထွက်ပြေးလျက်ရှိပြီး လုံခြုံရေး အနေအထားအရ မြန်မာ-ဘင်္ဂလားဒေ့ရှ် နယ်စပ်ကုန်သွယ်မှုမှာလည်း ရပ်ဆိုင်းလျက်ရှိကြောင်း သိရသည်။

မကြာမီတွင် မောင်တောဒေသ တည်ငြိမ်အေးချမ်းလာလျှင် ကုန်သွယ်ရေးလုပ်ငန်းများ ပြန်လည် အသက်ဝင်လာမည်ဖြစ်ကြောင်း ရခိုင်ပြည်နယ် အစိုးရအဖွဲ့ ဘဏ္ဍာရေး၊ အခွန်၊ စီမံကိန်းနှင့် စီးပွားရေးဝန်ကြီး ဦးကျော်အေးသိန်းက ပြောကြားသည်။

“လက်ရှိကတော့ လုံခြုံရေးအရရော၊ အကြမ်းဖက် တိုက်ခိုက်မှုတွေရှိတော့ ကုန်သွယ်ရေးလည်း ရပ်ဆိုင်းနေတဲ့ အနေအထားမှာ ရှိပါတယ်။ ကုန်သည်တွေ အနေနဲ့လည်း လုံခြုံရေး အနေအထားအရ ကုန်သွယ်မှု မပြုနိုင်တဲ့ အနေအထား ရှိပါတယ်။ ဒါပေမဲ့ မောင်တောကို လက်ရှိအနေအထားအရ လုံခြုံရေးအရ ထိန်းသိမ်းနိုင်တဲ့ အနေအထား ဖြစ်ပါတယ်။ နယ်တွေကိုလည်း လုံခြုံရေးဖြန့်ကြက်ပြီးတော့မှ ထိန်းသိမ်းထားနိုင်တဲ့ အနေအထား ရှိပါတယ်။ ဆိုလိုတာကတော့ မကြာခင်မှာ မောင်တောဒေသ တည်ငြိမ်အေးချမ်းမှုတွေ ရလာမှာဖြစ်တဲ့အတွက် ဒီကုန်သွယ်ရေး လုပ်ငန်းတွေကလည်း ပြန်လည်ပြီးတော့ အသက်ဝင်လာမှာ ဖြစ်ပါတယ်” ဟု ၎င်းက ပြောကြားသည်။

ကညင်ချောင်းဆိပ်ကမ်းသည် တန်ချိန် ၃၀၀၊ ၄၀၀ ကျော် သင်္ဘောများ အချိန်မရွေး ၀င်ထွက်နိုင်ပြီး စီးပွားရေးဇုန်မှာ မောင်တောမြို့၏ မြောက်ဘက် နှစ်မိုင်ခန့်အကွာရှိ ကညင်ချောင်း ရေနက်ဆိပ်ကမ်းအနီးရှိ မြေဧက ၄၉ ဒသမ ၈၆ တွင် ယခင်အစိုးရ လက်ထက်က  ပြည်နယ်အစိုးရအဖွဲ့နှင့် ရင်းနှီးမြှုပ်နှံမည့် ကုမ္ပဏီများမှ မတည်ငွေ စုစုပေါင်း ကျပ်သိန်း ၁၀၀၀၀ ဖြင့် ဆောင်ရွက်ခဲ့ခြင်းဖြစ်သည်။

မောင်တောနယ်စပ် ကညင်ချောင်းကုန် သွယ်ရေးဇုန် တည်ဆောက်ရေးလုပ်ငန်းကို ၂၀၁၅ ခုနှစ် နိုဝင်ဘာ ၁ ရက်မှ စတင်တည် ဆောက်ခဲ့ခြင်းဖြစ်ပြီး ၀ယ်ယူသူဈေးကွက်မှ  ရောင်းသူဈေးကွက်ဖြစ်ပေါ်လာရေးအတွက် ဆောင်ရွက်ခြင်းဖြစ်သည်ဟု မောင်တော နယ်စပ်ကုန်သည်များအသင်း ဥက္ကဋ္ဌဦးအောင်မြင့်သိန်းက ပြောကြားသည်။

မြန်မာ- ဘင်္ဂလားဒေ့ရှ် နယ်စပ်ကုန်သွယ်ရေး လုပ်ငန်းအား ဆောင်ရွက်နိုင်ရန် နှစ်နိုင်ငံ သဘောတူညီချက် (MoU) ကို ၁၉၉၄ ခုနှစ် မေ ၁၈ ရက်တွင် လက်မှတ်ရေးထိုးနိုင်ခဲ့ပြီး နယ်စပ်ကုန်သွယ်ရေးကို ၁၉၉၅ ခုနှစ် စက်တင်ဘာ ၅ ရက်တွင် ဖွင့်လှစ်နိုင်ခဲ့ကြောင်း သိရသည်။

 

“တိုင်းရင်းသားတွေ ၂၀၁၂ ကနေ အခု ၂၀၁၇ အထိ တဖြည်းဖြည်းနဲ့ လျော့လာတယ်။ အရေအတွက် ရာခိုင်နှုန်းအားဖြင့် အများကြီး လျော့လာတယ်” မောင်တောခရိုင် အုပ်ချုပ်ရေးမှူး ဦးရဲထွဋ်နှင့် တွေ့ဆုံခြင်း

မောင်တောဒေသတွင် ဖြစ်ပေါ်နေသည့် ARSA ဘင်္ဂါလီအစွန်းရောက် အကြမ်းဖက်သမားများ၏ အကြမ်းဖက် တိုက်ခိုက်မှုကြောင့် ဒေသခံ ဌာနေတိုင်းရင်းသားများမှာ နေရပ်စွန့်ခွာ ထွက်ပြေးရလျက်ရှိသည်။ သြဂုတ် ၂၅ ရက်က စတင်ဖြစ်ပွားခဲ့သည့် အကြမ်းဖက်မှု ဖြစ်စဉ်များမှာ လက်ရှိတွင် အနည်းငယ် လျော့ကျလာခဲ့ပြီဖြစ်သည်။ အဆိုပါ အခြေအနေများနှင့် ပတ်သက်ပြီး မောင်တောခရိုင် အုပ်ချုပ်ရေးမှူး ဦးရဲထွဋ်အား The Daily Eleven သတင်းစာက တွေ့ဆုံမေးမြန်းခဲ့ပါသည်။

မေး။    ။လက်ရှိ မောင်တောဒေသ အနေအထားကို ပြောပြပေးပါခင်ဗျ။

ဖြေ။     ။အောက်တိုဘာ ၉ ရက် ဖြစ်စဉ်ပြီးတဲ့ နောက်မှာ ပြန်လည်ထူထောင်ရေးလုပ်နေတာ မပြီးပြတ်သေးဘူး။ ဒီကာလ အတွင်းမှာပဲ သြဂုတ် ၂၅ ရက်က အောက်တိုဘာ ၉ ရက် ဖြစ်စဉ်ထက် အသက်ပေါင်းများစွာ  အန္တရာယ်ကြီးတဲ့ လှုပ်ရှားမှုတစ်ခုကို အကြမ်းဖက်အဖွဲ့ တွေ လုပ်သွားတယ်။ အဲဒါကြောင့်လည်း ဒေသရဲ့ အခြေအနေဟာလည်း အောက်တိုဘာ ၉ ရက်ဖြစ်စဉ်ရဲ့ ပုံမှန်အခြေအနေကို ရာနှုန်းပြည့်နီးပါး ရောက်အောင်လုပ်လာနိုင်ပြီလို့ သုံးသပ်ရတော့မယ့် အခြေအနေမှာ နဂိုထက်ကြီးတဲ့ အခြေအနေမျိုး ဖြစ်သွားတာ။ လက်ရှိအခြေအနေမှာတော့ လုံခြုံရေး အဖွဲ့အစည်းတွေဟာ အခုအချိန်မှာ ဒေသရဲ့ လုံခြုံမှုအခြေအနေကို ထိန်းချုပ်နိုင်ပြီ။ အကြမ်းဖက်အဖွဲ့နဲ့ ပတ်သက်တဲ့ လှုပ်ရှားမှု အခြေအနေကို ထိန်းချုပ်နိုင်ပြီလို့ ပြောလို့ရတယ်။ လုံခြုံရေးအဖွဲ့အစည်းတွေ သင့်လျော်တဲ့အင်အားနဲ့ နေရာတိုင်းမှာ ဖြန့်ကြက်ထားပြီးဖြစ်တယ်။ အဲဒီအတွက် လုံခြုံမှုနဲ့ပတ်သက်လို့ သိပ်စိုးရိမ်စရာ အခြေအနေ မရှိတော့ဘူးလို့တော့ အကြမ်းဖျင်း သုံးသပ်လို့ရတယ်။ သို့သော် တချို့နေရာတွေမှာတော့ ရှိနိုင်ပါသေးတယ်။ ဒါကိုလည်း လုံခြုံရေး အဖွဲ့အစည်းတွေက ကွက်ပြည့်လုံခြုံမှုပေးနိုင်အောင် ဆက်ပြီးတော့မှ ဆောင်ရွက်နေတယ်။ ဒီလိုဆောင်ရွက်ပေးတဲ့ အတွက်ပဲ  ကျေးရွာတွေမှာ ဒီဖြစ်စဉ်ကြောင့် ထိခိုက်မှုရှိတဲ့ တိုင်းရင်းသား ကျေးရွာတွေမှာရော၊ အစ္စလာမ်ဘာသာဝင် ကျေးရွာတွေမှာရော၊ ဖြစ်စဉ်တစ်ခုဖြစ်ပြီဆို အထိုက်အလျောက်တော့ ထိခိုက်မှုတွေ ရှိကြတယ်။

မေး။    ။ မောင်တောမြို့ ပတ်ဝန်းကျင် ကျေးရွာတွေအတွက်က စားနပ်ရိက္ခာ ထောက်ပံ့မှု အနေအထားနဲ့ ပတ်သက်ပြီးတော့လည်း ပြောပြပေးပါ။

ဖြေ။     ။ စားနပ်ရိက္ခာနဲ့ ပတ်သက်လို့လည်း ကျေးရွာတွေအားလုံးမှာ စုရပ်တွေ၊ စုရပ်ရှစ်ခု သတ်မှတ်ပြီးတော့မှ ကားနဲ့ပို့လို့ရတာ ပို့ပေးတယ်။ လက်ဆင့်ကမ်းပို့ပေးတယ်။ လုံခြုံရေးအဖွဲ့တွေနဲ့ ပေါင်းစပ်ပြီးတော့မှ ပို့လို့ရအောင်ပို့ ပေးနေတယ်။ အခုလည်း တချို့လမ်းပန်းဆက်သွယ်ရေး မကောင်းတဲ့နေရာတွေမှာ ရာသီဥတု အခြေအနေအပေါ် မူတည်ပြီးတော့မှ ပြည်နယ်ဝန်ကြီးချုပ်ကိုယ်တိုင် ဦးစီးပြီးတော့မှ ရဟတ်ယာဉ်နဲ့ ချပေးတယ်။ လောလောဆယ်မှာ ကျေးရွာတော်တော်များများကို ရာနှုန်းပြည့်နီးပါး ရောက်သွားပြီ ဖြစ်တဲ့အတွက် စားနပ်ရိက္ခာနဲ့ ပတ်သက်ပြီးတော့မှ ပိုလျှံတယ်၊ လုံလောက်တယ်လို့ ပြောလို့မရပေမယ့် အခက်အခဲ မရှိတော့ဘူးလို့ ပြောလို့ရပါတယ်။ အလားတူပဲ ခမောင်းဆိပ်၊ တောင်ပြိုဘက် ဆိုရင်လည်း နောက်ထပ်တစ်ရက် နှစ်ရက် ဆိုလို့ရှိရင် လမ်းကြောင်းအားလုံး ပွင့်လာနိုင်ပြီး   ပျက်စီးသွားတဲ့ တံတားတွေ ပြင်ဆင်နိုင်ပြီး ရာသီဥတုကြောင့် ဖြစ်သွားတဲ့ လမ်းတွေကိုလည်း ဒေသတွင်းမှာရှိတဲ့ ဌာနဆိုင်ရာ အကုန်လုံး ပြည်နယ်အဆင့် ဌာနဆိုင်ရာတွေနဲ့ ပူးပေါင်းပြီးတော့မှ ပြင်ဆင်တာတွေ ဆက်တိုက်လုပ်နေပါတယ်။

မေး။    ။ ဂေါ်ဒူသာရ မီးလောင်မှုဖြစ်စဉ်မှာ သတင်းမီဒီယာတွေက ကိုယ်တိုင်ကြုံတွေ့ခဲ့ရတယ်။ အဲဒီဖြစ်စဉ် အပေါ်မှာရော ဘယ်လိုတွေ စီမံဆောင်ရွက်ထားပါသလဲ။ ဆိုလိုချင်တာက မီးရှို့တဲ့ တရားခံကိုရော မိပြီလားခင်ဗျ။

ဖြေ။     ။ သြဂုတ် ၂၅ ရက်ဖြစ်စဉ်နဲ့ ပတ်သက်ပြီးတော့မှ သတင်းမီဒီယာ အဖွဲ့တွေလည်း ၇ ရက်နေ့ကလာတဲ့ ခရီးစဉ်နဲ့ဆိုရင် ဒုတိယခရီးစဉ်ဖြစ်ပြီး ပထမအကြိမ်ကလည်း အောက်ခြေမှာ အမှန်တကယ် ဖြစ်ပျက်သွားတဲ့ အခြေအနေတွေကို သတင်းရယူခွင့်ကို ပြည်ထောင်စုအစိုးရရဲ့ ခွင့်ပြုချက်နဲ့ ကျွန်တော်တို့ ခွင့်ပြုပေးခဲ့တယ်။ နောက်လာတဲ့ သတင်းမီဒီယာ အဖွဲ့တွေအနေနဲ့လည်း မြေပြင်ရဲ့ သတင်းအမှန်တွေကို ရရှိသွားမယ်လို့လည်း ကျွန်တော်တို့ ယုံကြည်ပါတယ်။ ယူဆပါတယ်။ ဂေါ်ဒူသာရ မီးလောင်မှုဖြစ်စဉ်မှာ ပြည်ပသတင်းမီဒီယာ တစ်ခုကနေပြီးတော့မှ ဒါနဲ့ပတ်သက်ပြီး တော့မှ တိုင်းရင်းသား တချို့ကနေပြီးတော့  မီးရှို့တယ်လို့ သုံးသပ်ပြီးတော့မှ တစ်ဖက်သတ် ရေးသွားတာ ရှိပါတယ်။ ဒီဟာနဲ့ပတ်သက်ပြီး ကျွန်တော်တို့ပြောလိုတာက မီးရှို့တယ်ဆိုတဲ့ Document ပြဖို့လိုမယ်။ မီးရှို့ရာမှာ အသုံးပြုတဲ့ပစ္စည်း ကိုင်ဆောင်ထားဖို့ လိုတယ်။ နောက်တစ်ခုက ဒီဧရိယာ အ၀န်းအ၀ိုင်းထဲမှာ ဒီမီဒီယာအဖွဲ့ ဒီမီးရှို့ဖြစ်စဉ်နေရာကို မရောက်ခင်မှာ အလယ်သံကျော် ကျေးရွာကို ရောက်တဲ့အချိန်မှာ ကျွန်တော့်ရဲ့ မြေပြင်မှာရှိတဲ့ သက်ဆိုင်ရာ အုပ်ချုပ်ရေးအဖွဲ့ဆီက သတင်းပေးပို့လာတာမှာ သေနတ်သံ ခြောက်ချက် ကြားတယ်လို့ ပြောသွားတာရှိတယ်။ အဲဒီအချိန်နဲ့ ဒီမီဒီယာအဖွဲ့ ရောက်တဲ့အချိန်နဲ့  အချိန်နှစ်နာရီကြားထဲမှာ ကွာဟချက်ရှိတယ်။ ဒီနှစ်နာရီ အတွင်းမှာ သူတို့မီးရှို့ပါတယ်ဆိုတဲ့ လူတွေဒီရွာကို လုပ်နိုင်စရာ အကြောင်းမရှိဘူး။ ဖြတ်သွားဖြတ်လာ မီးလောင်နေတာကို ၀င်ကြည့်ကောင်းကြည့်တာ ဖြစ်ပါလိမ့်မယ်။ မီးရှို့တယ် ဆိုတာကို ဘယ်သူဘယ်ဝါဆိုတာ ကို Document ခိုင်ခိုင်လုံလုံပေးဖို့ လိုလိမ့် မယ်။ မှန်ကန်မှုရှိတယ်ဆိုရင် ကျွန်တော်တို့ကတော့ ထိရောက်စွာ အရေးယူပေးမယ်။ ဒါသည် ဥပဒေအရ လုပ်နေတာဖြစ်တယ်။ ဥပဒေစိုးမိုးရေးရှိအောင် လုံခြုံမှုမရှိတဲ့ နေရာမှာ လုံခြုံမှုရှိအောင်လုပ်ပြီးပြီ။ အုပ်ချုပ်ရေးယန္တရား ပြန်လည်ထူထောင်နေပြီ။ အဲဒီအတွက် တရားဥပဒေစိုးမိုးရေး အတွက်ကို ထိထိရောက်ရောက် ကိုင်တွယ်ဖို့ လိုအပ်တဲ့အတွက် ဥပဒေမဲ့ ဆောင်ရွက်ချက် မည်သည့်လုပ်ရပ်မျိုးမဆို ကျွန်တော်တို့ လက်ခံမှာ မဟုတ်ဘူး။ မည်သူမဆို အစ္စလာမ်ဘာသာဝင်ရှိတယ်။ ဟိန္ဒူဘာသာဝင်ရှိတယ်။ ရခိုင်တိုင်းရင်းသား တွေရှိတယ်။ အခြားအခြား တိုင်းရင်းသားတွေ ရှိတယ်။ ကျူးလွန်တယ်ဆိုရင် မည်သူကိုမဆို ဥပဒေနဲ့အညီ အရေးယူမယ်။

မေး။    ။ အကြမ်းဖက်မှုတွေကြောင့် နေရပ်စွန့်ခွာတဲ့ ရခိုင်တိုင်းရင်းသားတွေနဲ့ ဘင်္ဂလားဒေ့ရ်ှကို ထွက်သွားသူတွေကို ဘယ်လိုဆောင်ရွက်မလဲ။

ဖြေ။     ။ ဘင်္ဂလားဒေ့ရ်ှဘက်ကို အစ္စလာမ်ဘာသာဝင်တွေ သွားနေတယ်ဆိုတာ သတင်းမှန်တယ်။ အလားတူ ကျွန်တော်တို့ တိုင်းရင်းသားတွေလည်း သွားနေရတာပဲ။ စိုးရိမ်ကြောက်လန့်မှုဆိုတာ နှစ်ဖက်စလုံးမှာ ရှိတယ်။ သူတို့တင်မဟုတ်ဘူး။ ရခိုင်တိုင်းရင်းသားတွေလည်း စိုးရိမ်လို့ပြေးတာ စစ်တွေထိ ရောက်တယ်။ လိုအပ်ချက်တွေ ဖြည့်ဆည်းပေးထားပေမယ့် သူတို့ရဲ့ ကြောက်စိတ်ကို ဖြေဖျောက်ဖို့ဆိုတာ ဒီလိုအခြေအနေမျိုးမှာ အလွယ်တကူ ဖြေဖျောက်ဖို့ဆိုတာ မဖြစ်နိုင်သေးဘူး။ သို့သော် ဒီနိုင်ငံ ဒီနယ်မြေ ဧရိယာထဲမှာ ရှိတယ်ဆိုလို့ရှိရင်တော့ ပြန်လည်ထူထောင်ရေးကာလ ကိစ္စရပ်ရောက်တဲ့အခါမှာ သူတို့ကျေးရွာတွေမှာ နေခဲ့တဲ့ဟာတွေ သူတို့ရဲ့ ပုဂ္ဂိုလ်ရေးဆိုင်ရာ အချက်အလက်တွေကို ကောက်ခံပြီးတော့မှ လိုအပ်တာ ကျွန်တော်တို့ လုပ်ပေးမယ်။ ဒါပေမဲ့ တစ်ဖက်နိုင်ငံကို ကျွန်တော်တို့ ပယောဂမပါဘဲနဲ့ သူ့ဆန္ဒနဲ့သူ သွားတဲ့ဟာဆိုရင် ကျွန်တော်တို့က နိုင်ငံတော်ရဲ့ အမျိုးသားလုံခြုံရေး အကြံပေးပုဂ္ဂိုလ်လည်း ပြောခဲ့ပြီးဖြစ်တယ်။ ကျွန်တော်တို့စိစစ်ပြီး ပြန်လက်ခံမယ်။ ကျွန်တော်တို့နိုင်ငံလည်း အချုပ်အခြာ အာဏာပိုင်နိုင်ငံ ဖြစ်တယ်။ ၀င်ချင်သလိုဝင် ထွက်ချင်သလို ထွက်လို့ရတဲ့ နိုင်ငံမှ မဟုတ်တာ။ သူ့သဘောနဲ့သူ ထွက်သွားပြီးတဲ့သူတွေကို အလွယ်တကူ လက်ခံပေးရမယ် ဆိုတာတော့ လုံးလုံးမဖြစ်နိုင်ဘူး။

မေး။    ။ မောင်တောကျေးရွာနဲ့ မြို့ပေါ်မှာဖြစ်ခဲ့တဲ့ မီးရှို့မှု ကို ဘယ်သူတွေက လုပ်သလဲ။ အဲဒါတွေနဲ့ ပတ်သက်ပြီး ပြောကြားပေးပါခင်ဗျ။

ဖြေ။     ။ မီးရှို့တဲ့အပိုင်းမှာလည်း ၂၀၁၂ ခုနှစ် အတွင်းမှာ သူတို့တိုင်းရင်းသား ကျေးရွာတွေကို မီးရှို့ခဲ့တယ်။ ဒီနယ်မြေသည် ၂၀၁၂ ခုနှစ် ဖြစ်စဉ်၊ ရဲတပ်ကြပ်ကြီး သတ်ဖြတ်မှုဖြစ်စဉ်၊ ၂၀၁၆ ဖြစ်စဉ်၊ အခု ၂၀၁၇ ဖြစ်စဉ်။ ဖြစ်စဉ် ဖြစ်တိုင်းမှာ ၂၀၁၂ တုန်းကလည်း ကျွန်တော်တို့ တိုင်းရင်းသားတွေ ထွက်ပြေးတယ်။ ၂၀၁၄ မှာလည်း ထပ်ပြေးရတယ်။ ၂၀၁၆ မှာလည်းပြေးရတယ်။ အခု ၂၀၁၇ မှာလည်း ပြေးတယ်။ ပြေးပြေးရင်းနဲ့ ဒီကိုပြန်ဝင်လာ တဲ့အင်အားသည် ၂၀၁၂ တုန်းကရှိတဲ့ အင်အားလောက် ပြန်မလာဘူး။ ဒီလိုမျိုး တစ်စတစ်စ ဒီလိုဖြစ်စဉ်မျိုး ဖန်တီးရင်း ဖန်တီးရင်းနဲ့ ဒီမှာရှိတဲ့ ဌာနေတိုင်းရင်းသား တစ်ယောက်မှ မကျန်တော့ဘူး။ ဒီဖြစ်စဉ်မျိုးထိ သွားနေတဲ့ အနေအထားမျိုးရှိတယ်။ နောက်တစ်ခုက ဒီလိုဖြစ်စဉ်မျိုးဖြစ်ရင် နှစ်ဖက်လုံးမှာတော့ သက်ရောက်မှုရှိတယ်။ ထိခိုက်မှုရှိတယ်။ ထိ ခိုက်မှုရှိတယ်ဆိုတဲ့ အပိုင်းပြောရရင် ၉၈ နဲ့ နှစ်ရာခိုင်နှုန်း။ ၉၈ ယောက်က အစာရေစာ ပြတ်လတ်တယ်ဆိုရင် ဒီဖက်က နှစ်ယောက် ကလည်း အစာရေစာပြတ်လပ်တယ်။ ဒီဖက် က နှစ်ယောက်က စားဖို့အတွက်ရရင် ၉၈ ယောက်ကလည်း သူစားဖို့ရမှာပဲ။ သို့သော် လောက်ငမှုတော့ နှစ်ယောက်ကတော့ လောက်ရင်လောက်မယ်။ ၉၈ ယောက်က တော့အပြည့်အ၀ ရချင်မှရမယ်။ အဲဒီတော့ သူတို့တွေသည် လက်ရှိ အင်အားအရ သူတို့ သည် ၉၈ ရာခိုင်နှုန်းက ဖြစ်နေတယ်။ ဖြစ်နေ တာဖြစ်တဲ့အတွက် နိုင်ငံတကာရဲ့ Image ကလည်း ပြောတာရှိတယ်။ လူနည်းစုလို့ ပြောနေတာရှိတယ်။ လူနည်းစုက စောစောက ၉၈ ရာခိုင်နှုန်းနဲ့ နှစ်ရာခိုင်နှုန်းမှာ မည်သူမဆို ဒါကိုသဘောပေါက်တယ်။ ဒေသတွင်းအနေနဲ့ ကျွန်တော်တို့ ပြောတယ်။ ဒီဒေသတွင်းမှာ မှီတင်းနေထိုင်ကြတဲ့ လူပုဂ္ဂိုလ်တွေအားလုံး ဘူးသီးတောင်ဆို ၉၅ ရာခိုင်နှုန်းနဲ့ ငါးရာခိုင်နှုန်း၊ မောင်တောဆို ၉၈ ရာခိုင်နှုန်းနဲ့ နှစ်ရာခိုင်နှုန်း၊ ဒီနှစ်ရာခိုင်နှုန်းကို လူနည်းစုလို့ မပြောဘဲ ၉၈ ရာခိုင်နှုန်းကို လူနည်းစုလို့ ဘာကြောင့်ပြောတာလဲ။ ဒါတစ်ပိုင်း၊ နှစ်ရာခိုင်နှုန်းကလည်း ထွက်ပြေးနေတယ်။ ၉၈ ရာခိုင်နှုန်းကလည်း ထွက်ပြေးနေတယ်။ ပြေးနေတဲ့အပိုင်းမှာမှ နှစ်ရာခိုင်နှုန်းကို လူနည်းစုလို့ မမြင်ဘဲ ၉၈ ရာခိုင်နှုန်းကိုမှ မြင်လာအောင်လို့ သေချာတာက ၉၈ သည် အများကိန်း ဖြစ်နေတယ်။ ၉၈ သည် ဘယ်လိုနဲ့မှ လူနည်းစုလို့ မြင်စရာ အကြောင်းမရှိဘူး။ ဒုက္ခမဖြစ်ဖြစ်အောင် လုပ်တယ်လို့ပဲ ကျွန်တော်ယူဆတယ်။ ဒီ ၉၈ ရာခိုင်နှုန်းသည် နိုင်ငံတကာရဲ့ အဖိအနှိပ်ခံ လူတန်းစားတစ်ရပ် အနေနဲ့ ရှုမြင်လာအောင် လုပ်တယ်လို့ပဲ ကျွန်တော် ယူဆတယ်။ ဒါပဲ ကျွန်တော်ဒီလိုပဲမြင်တယ်။ ဘာကြောင့်လဲဆိုတော့ ဒီ ၉၈ ရာခိုင်နှုန်းသော လူများသည် NGO အဖွဲ့အစည်းတွေက တောက်လျှောက် ထောက်ပံ့ပေးခဲ့တာတွေပဲ။ UNHCR ဆိုရင် ၁၉၉၂ ကတည်းက ၀င်လာတာ။ နှစ်ပေါင်းကို မနည်းတော့ဘူး။ အဲဒီတုန်းက ၀င်လာတာနဲ့ အခုအခြေအနေကိုကြည့် ဘာထူးခြားမှုရှိလဲ။ ဘာမှထူးခြားမှုမရှိဘူး။ ဒီအတိုင်းပဲ။ အတူတူပဲ။ ထောက်ပံ့နေတုန်းပဲ။ လူဦးရေ တိုးလာတာသာ အဖတ်တင်တယ်။ ဒေသရဲ့ ဖွံ့ဖြိုးတိုးတက်ရေး မထူးခြားဘူး။ ထူးခြားတာတစ်ခုက ကျွန်တော်တို့ တိုင်းရင်းသားတွေ ၂၀၁၂ ကနေ အခု၂၀၁၇ အထိ တဖြည်းဖြည်းနဲ့လျော့လာတယ်။ အရေအတွက် ရာခိုင်နှုန်းအားဖြင့် အများကြီးလျော့လာတယ်။ လျော့လာတဲ့အတွက် ရှိပြီးသား လူဦးရေ အင်အားကနေပြီးတော့မှ လူနည်းစုအသွင်ဖြစ်တဲ့ ဖိနှိပ်ခံရပါတယ်ဖြစ်အောင် ပျက်စီးမှု၊ ထိခိုက်မှု၊ နစ်နာမှု၊ သေကျေမှု၊ ဒဏ်ရာရမှု ပိုများအောင်လုပ်တယ်။ ဒီအတွက် ဒီမှာရှိတဲ့ သူတို့ကျေးရွာသည် ဒေသန္တရနှုန်းနဲ့ တွက်ရင် အလွန်ဆုံး ဒီအိမ်တစ်အိမ်သည် တစ်သိန်း မတန်ဘူး။ ဒါပေမဲ့ ပြန်လည်ထူထောင်ရေးကာလမှာ ပြန်လည်ပေးဆပ်ရတာက သူတို့မျှော်လင့်ထားတာထက် ၂၀၁၂ ကနေ အခုထိ ငါးနှစ်တာ ကာလအတွင်းမှာ ဒီလိုအိမ်ကြီးအိမ်ကောင်း ဖြစ်စရာ အကြောင်းမရှိဘူး။ ကျွန်တော်တို့ ဖိနှိပ်ခံရပါတယ်။ ကျွန်တော်တို့ နှိပ်ကွပ်ခံရပါတယ်။ ကျွန်တော်တို့ အိမ်ကိုမီးရှို့ပါတယ်ဆိုတဲ့ အသွင်သဏ္ဌာန်ရအောင်ယူတာပဲ။ ဒါပဲ ဒီသဘောပဲ။

 

ရခိုင်အရေးဖြစ်ပြီးနောက် အသက်အန္တရာယ် စိုးရိမ်သဖြင့် မလေးရှားမှ မြန်မာရွှေ့ပြောင်း လုပ်သားများ ထိုင်းနိုင်ငံမှတစ်ဆင့် မြ၀တီသို့ စတုတ္ထအကြိမ် ရောက်ရှိလာ

မြ၀တီမြို့ ကျောက်လုံးကြီး ပြန်လည်ကြိုဆိုရေးစခန်းသို့ ရောက်ရှိလာသော မြန်မာလုပ်သားများအား တွေ့ရစဉ်

ရခိုင်အရေးဖြစ်ပြီးနောက် အသက်အန္တရာယ် စိုးရိမ်မှုမြင့်တက်ကာ မလေးရှားနိုင်ငံမှ ပြန်လာသော မြန်မာရွှေ့ပြောင်းလုပ်သားများ စတုတ္ထအကြိမ်အဖြစ် ထိုင်းနိုင်ငံမှ ပြန်လာသူများနှင့်အတူ စက်တင်ဘာ ၁၁ ရက် ညနေပိုင်းက မြ၀တီမြို့ ကျောက်လုံးကြီး ပြန်လည်ကြိုဆိုရေးစခန်းသို့ ရောက်ရှိလာခဲ့ကြောင်း သိရသည်။

စက်တင်ဘာ ၁၁ ရက်က ရောက်ရှိလာသော မြန်မာရွှေ့ပြောင်းလုပ်သားများမှာ အထောက်အထားမပြည့်စုံ၍ ထိုင်းနိုင်ငံမှ ပြန်လာသူများပါရှိသလို လုံခြုံမှုမရှိသဖြင့် မလေးရှားနိုင်ငံမှ ပြန်လာသူ အများအပြားပါဝင်ပြီး အမျိုးသား ၂၃၆ ဦး၊ အမျိုးသမီး ၂၈ ဦး ဖြစ်ကြောင်း သိရသည်။

ထို့အတူ စက်တင်ဘာ ၉ ရက်ကလည်း မလေးပြန်နှင့် ထိုင်းပြန် အမျိုးသား အမျိုးသမီး ၃၁၉ ဦး ပြန်လည် ရောက်ရှိခဲ့ကြောင်း သိရ သည်။

မလေးရှားနိုင်ငံရှိ စားသောက်ဆိုင် တစ်ဆိုင်တွင် အလုပ်လုပ်ကိုင်သူ ရခိုင်တိုင်းရင်း သား ဖြူထွန်းချေက “မလေးရှားမှာ ပြဿနာတွေ ကြီးထွားလာနေတယ်။ အသက်အန္တရာယ် စိုးရိမ်လာရလို့ မနေချင်တော့တဲ့အတွက် ပြန်လာခဲ့တာပါ။ အဖမ်းအဆီးတွေလည်း အရမ်းများပါတယ်။ တရားဝင် အလုပ်သွားလုပ်တာ ဆိုပေမယ့် လမ်းထွက်ရင် စိုးရိမ်နေရပြီ။ ဘ၀မလုံခြုံတော့ပါဘူးဟု ပြောကြားသည်။

ထို့အတူ ထိုင်းနိုင်ငံမှ နေရပ်ပြန်သူအချို့ ပါဝင်ပြီး အထောက်အထား မပြည့်စုံသလို အလုပ်နေရာ အတည်တကျ မလုပ်ခြင်းကြောင့် အလုပ်ရှင်၏ ထောက်ခံချက် မရသည့်အတွက် မည်သူမည်ဝါဖြစ်ကြောင်း အသိအမှတ်ပြု CI ပြုလုပ်ခွင့်လည်း မရရှိဘဲ ပြန်လာခဲ့ရခြင်း ဖြစ်ကြောင်း သိရသည်။

“အလုပ်ရှင် ထောက်ခံချက်ရရုံနဲ့ CI လက်မှတ်ပြုလုပ်ပေးပေမယ့် အလုပ်ရှင်ထောက်ခံချက်ရဖို့ ခက်ခဲပါတယ်။ တကယ့် လူရင်းတွေလောက်ပဲ လုပ်ပေးပါတယ်။ နောက်ပြီး အလုပ်ကလည်း ကြမ်းတမ်းတယ်။ နေပူထဲမှာ တစ်နေ့လုံး မြေတူးရတဲ့ အလုပ်လုပ်နေရတော့ ငြီးငွေ့လာတယ်။ အထောက်အထားမရှိတော့ အဖမ်းအဆီး ရှိလာမယ်။ ဒါ့ကြောင့် သတ်မှတ်ရက်မပြည့်မီ ပြန်လာခဲ့တာပါ” ဟု ထိုင်းနိုင်ငံအတွင်း ဆောက်လုပ်ရေး လုပ်ငန်းခွင်တွင် လုပ်ကိုင်ခဲ့သူ တစ်ဦးက ပြောကြားသည်။

နေရပ်ပြန် မြန်မာနိုင်ငံသားများအား မြ၀တီခရိုင်အုပ်ချုပ်ရေးမှူးရုံးမှ တာဝန်ရှိသူများ၊ တပ်မတော်ရှေ့တန်းရုံး၊ အလုပ်သမား ဦးစီးဌာန၊ အလုပ်သမား လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနတို့မှ တာဝန်ရှိသူများက နွေးထွေးစွာ ကြိုဆိုခဲ့ကြပြီး စားသောက်ဖွယ်ရာနှင့် လိုအပ်သည်များ ကူညီပံ့ပိုးပေးခဲ့သည်။

ရခိုင်ပြည်နယ်အတွင်း ARSA ဘင်္ဂါလီ အကြမ်းဖက်သမားများ တိုက်ခိုက်မှုဖြစ်ပြီးနောက် မလေးရှားနိုင်ငံအတွင်း အလုပ်လုပ်ကိုင်နေသူများမှာ နီးစပ်ရာ ပွဲစားများ၏ အကူအညီဖြင့် စက်တင်ဘာ ၅ ရက်မှ စတင်ကာ ၇ ရက်၊ ၉ ရက်၊ ၁၁ ရက်နေ့တို့တွင် ထိုင်းနိုင်ငံမှတစ်ဆင့် မြန်မာနိုင်ငံသို့ ပြန်ရောက်ရှိလာခဲ့ခြင်း ဖြစ်သည်။