လာမည့် ၂၀၁၉ ခုနှစ်တွင် မြန်မာနိုင်ငံ၏ ဂျီဒီပီ ၇ ဒသမ၂ ရာခိုင်နှုန်းအထိ တိုးတက်လာမည်ဟု ADB သုံးသပ်

စိုက်ပျိုးရေး၊ စက်မှုလုပ်ငန်းနှင့် အခြားသောလုပ်ငန်း ကဏ္ဍရပ်များတွင် တိုးတက်မှု ရှိလာသဖြင့် လာမည့် ၂၀၁၉ ခုနှစ်တွင် မြန်မာနိုင်ငံ၏ ဂျီဒီပီ ၇ ဒသမ၂ ရာခိုင်နှုန်းအထိ တိုးတက်လာနိုင်ကြောင်း Asian Development Outlook 2018 အစီရင်ခံစာတွင် ဖော်ပြထားမှုအရ သိရသည်။

“စိုက်ပျိုးရေးနဲ့ စက်မှုလုပ်ငန်းတွေမှာ တိုးတက်လာပါတယ်။ ၀န်ဆောင်မှုလုပ်ငန်း၊ ခရီးသွားလုပ်ငန်း၊ ကုန်သွယ်မှုလုပ်ငန်းတွေမှာလည်း တိုးတက်မှုတွေ ရှိလာပါတယ်။ အခြေခံအဆောက်အအုံ ဖွံ့ဖြိုးတိုးတက်မှုတွေကို ဆောင်ရွက်နေတဲ့အတွက် မြန်မာနိုင်ငံရဲ့ ဂျီဒီပီက လာမယ့် ၂၀၁၉ ခုနှစ်မှာ ၇ ဒသမ ၂ ရာခိုင်နှုန်းအထိ တိုးတက်လာနိုင်မှာ ဖြစ်ပါတယ်” ဟု Myanmar Resident Mission မှ Yumiko Tamura က ပြောကြားသည်။

ADB ၏ ခန့်မှန်းချက်အရ ၂၀၁၈ ခုနှစ်တွင် မြန်မာနိုင်ငံ၏ ဂျီဒီပီသည် ၆ ဒသမ ၈ ရာခိုင်နှုန်းသာရှိကြောင်း အဆိုပါ အစီရင်ခံစာတွင် ဖော်ပြထားသည်။

၂၀၁၇-၂၀၁၈ ဘဏ္ဍာနှစ်ကုန်အထိ မြန်မာနိုင်ငံအတွင်းသို့ ၀င်ရောက်ခဲ့သည့် ရင်းနှီးမြှုပ်နှံမှုလုပ်ငန်းများကို လေ့လာကြည့်ပါက စက်မှုကဏ္ဍတွင် လုပ်ငန်းပေါင်း ၁၃၉ ခု၌ ဒေါ်လာ ၁၇၇၁ ဒသမ ၃၈၅ သန်းအထိ ၀င်ရောက်ထားပြီး စုစုပေါင်းရင်းနှီးမြှုပ်နှံမှု၏ ၃၀ ဒသမ ၉၈ ရာခိုင်နှုန်းအထိ ၀င်ရောက်ထားသည်။ အဆိုပါပမာဏသည် ယခုနှစ်အတွင်း ၀င်ရောက်ခဲ့သည့် ရင်းနှီးမြှုပ်နှံမှုကဏ္ဍများအနက် အများဆုံးဖြစ်ကြောင်း သိရသည်။ ထို့ပြင် အခြားဝန်ဆောင်မှုကဏ္ဍတွင် လုပ်ငန်း ၄၀ မှ ဒေါ်လာ ၁၀၀၅ ဒသမ ၂၅၉ သန်း အထိရှိကာ စုစုပေါင်း ရင်းနှီးမြှုပ်နှံမှု၏ ၁၇ ဒသမ ၅၈ ရာခိုင်နှုန်းအထိ ရှိနေသည်။

အာရှစီးပွားရေးတိုးတက်မှု ခြောက်ရာခိုင်နှုန်းရှိနိုင်သည်ဟု ADB ခန့်မှန်း

ဧပြီ ၉ ရက်က ရှန်ဟိုင်းရှိ ယန်ရှန်းရေနက်ဆိပ်ကမ်းအား ရိုက်ကူးထားသော ဓာတ်ပုံ (Photo: ADB)

ဖွံ့ဖြိုးဆဲအာရှတွင် ယခုနှစ်စီးပွားရေးတိုးတက်မှုသည် ခြောက်ရာခိုင်နှုန်းအထိ ရှိနိုင်ကြောင်း ကမ္ဘာလုံးဆိုင်ရာ ပို့ကုန်ဝယ်လိုအား မြင့်တက်မှုကြောင့် အာရှစီးပွားရေး အလားအလာ ကောင်းမွန်နေကြောင်း အာရှဖွံ့ဖြိုးရေးဘဏ် ADB က ဧပြီ ၁၁ ရက်တွင် ခန့်မှန်းခဲ့သည်။ သို့သော်လည်း အမေရိကန်၊ တရုတ် ကုန်သွယ်ရေးစစ်ပွဲအလားအလာကြောင့် စွန့်စားမှုဆိုင်ရာ အန္တရာယ်များရှိနိုင်ကြောင်း ADB က သတိပေးခဲ့သည်။

ထို့ပြင် နည်းပညာဆိုင်ရာ အဆင့်မြင့်တက်လာမှုကြောင့် ဒေသတွင်း၌ အလုပ်အကိုင်များအပေါ် သက်ရောက်မှုရှိလာနိုင်ပြီး ဆိုးရွားနေပြီဖြစ်သည့် မညီမျှမှုကို ပို၍ဆိုးစေနိုင်ကြောင်း ADB က သတိပေးခဲ့သည်။

ADB က အာရှစီးပွားရေးသည် ၅ ဒသမ ၇ ရာ ခိုင်နှုန်းတိုးတက်မည်ဟု ခန့်မှန်း ထားမှုကို ပြင်ဆင်ခဲ့ပြီး ယခုနှစ်တွင် ခြောက်ရာခိုင်နှုန်း တိုးတက်မည်ဟု ပြင်ဆင်ခန့်မှန်းခဲ့သည်။ ထို့ပြင် ၂၀၁၉ ခုနှစ်တွင် အာရှစီးပွားရေးသည် ၅ ဒသမ ၉ ရာခိုင်နှုန်း တိုးတက်မည်ဟု ADB က ခန့်မှန်းထားသည်။

ကမ္ဘာ့အကြီးဆုံး စီးပွားရေးများဖြစ်ပြီး ကမ္ဘာ့စီးပွားရေးတိုးတက်မှုအတွက် အဓိကတွန်းအားများဖြစ်သော အမေရိကန်နှင့် တရုတ်တို့အကြား ကုန်သွယ်ရေးတင်းမာမှုများ မြင့်တက်နေချိန်တွင် ADB ၏ ခန့်မှန်းချက် ထွက်ပေါ်ခဲ့ခြင်းဖြစ်သည်။

အမေရိကန်သမ္မတ ဒေါ်နယ်ထရန့်က သူ၏ ပထမမူဝါဒအတွက် သံမဏိနှင့် အလူမီနီယံသွင်းကုန်များကို စည်းကြပ်ခွန်များ ကောက်ခံရန် မတ်လတွင် ပြဋ္ဌာန်းခဲ့ပြီးနောက် တရုတ်နှင့် အမေရိကန်တို့သည် ဒေါ်လာဘီလျံနှင့်ချီသော ကုန်ပစ္စည်းများအား စည်း ကြပ်ခွန်ပြဋ္ဌာန်းမှုများအား အပြန်အလှန် ဆောင်ရွက်နေသည်။

ထိုအလားအလာများသည် စိုးရိမ်စရာ ဖြစ်ပြီး ကိုယ်ကျိုးစီးပွားကာကွယ်မှုများနှင့် လက်တုံ့ပြန်ဆောင်ရွက်မှုများက မကြာသေးမီတွင် ကုန်သွယ်ရေးဖွံ့ဖြိုးမှု ပြန်လည်တိုးတက်လာခြင်းကို ထိခိုက်စေနိုင်ကြောင်း ADB ၏ စီးပွားရေးပညာရှင် ယာဆူယူကီဆာဝါဒါ က ပြောကြားခဲ့သည်။

အမေရိကန်က ယခုအချိန်အထိ အကောင်အထည်ဖော်နေသော အရေးယူ ဆောင်ရွက်မှုများသည် ဖွံ့ဖြိုးဆဲအာရှနိုင်ငံများမှ ကုန်သွယ်မှုများကို သိသိသာသာ မထိခိုက်သေးသော်လည်း ထပ်မံအရေးယူဆောင်ရွက်မှုများနှင့် လက်တုံ့ပြန်မှုများကြောင့် ထိ ခိုက်မှုရှိလာနိုင်ကြောင်း ADB ၏ အစီရင်ခံစာက သတိပေးခဲ့သည်။

တရုတ်စီးပွားရေးသည် ယခုနှစ်တွင် ၆ ဒသမ ၆ ရာခိုင်နှုန်း တိုးတက်ပြီး တိုးတက်မှု နှေးကွေးသွားနိုင်ကြောင်း ဘဏ္ဍာရေးတည်ငြိမ်မှုကို ရှေးရှုနေသောကြောင့် ၂၀၁၉ ခုနှစ် တွင် ၆ ဒသမ ၄ ရာခိုင်နှုန်းသို့ ထပ်မံနှေးကွေးသွားနိုင်ကြောင်း ADB က ခန့်မှန်းခဲ့သည်။

ကြွေးမြီအလွန်အမင်းများပြားနေပြီး လေထုညစ်ညမ်းမှု ဆိုးရွားလွန်းခြင်းတို့ကို ရင်ဆိုင်ခဲ့ရသော်လည်း တရုတ်စီးပွားရေးသည် ယမန်နှစ်က ၆ ဒသမ ၉ ရာခိုင်နှုန်း တိုးတက်ခဲ့သည်။ အာရှစီးပွားရေးအင်အားကြီး တစ်နိုင်ငံဖြစ်သော အိန္ဒိယသည် ဘဏ်လုပ် ငန်းစနစ်ပြုပြင်ပြောင်းလဲမှုနှင့် အခွန်စနစ်သစ်ကြောင့် ထုတ်လုပ်မှုတိုးတက်လာခြင်းတို့မှ အကျိုးကျေးဇူးခံစားခဲ့ရပြီး ၇ ဒသမ ၃ ရာခိုင်နှုန်း စီးပွားရေးတိုးတက်မည်ဟု ADB က ဆို သည်။ အရှေ့တောင်အာရှနိုင်ငံအများစုသည် ယမန်နှစ်က ၅ ဒသမ ၂ ရာခိုင်နှုန်းတိုးတက်မှုကို ဆက်လက်ထိန်းသိမ်းနိုင်ဖွယ်ရှိကြောင်း၊ ထိုထက်ကျော်လွန်မှုလည်း ရှိနိုင်ကြောင်း   ADB က ပြောကြားခဲ့သည်။

 

လက်ရှိတွင် မြန်မာနိုင်ငံ၏ ငွေကြေးဖောင်းပွမှုနှုန်း ခြောက်ရာခိုင်နှုန်းကျော်ရှိနေပြီး လာမည့်နှစ်နှစ်တာအထိ ခြောက်ရာခိုင်နှုန်းခန့်သာ ဆက်လက်ရှိနေနိုင်ကြောင်း ADB သုံးသပ်

Asian Development Outlook 2018 အစီရင်ခံစာနှင့်ပတ်သက်ပြီး သတင်းစာရှင်းလင်းပွဲ ပြုလုပ်နေစဉ် (ဓာတ်ပုံ-ဇေယျာငြိမ်း)

လက်ရှိအချိန်တွင် မြန်မာနိုင်ငံ၏ ငွေကြေးဖောင်းပွမှုနှုန်းသည် ခြောက်ရာခိုင်နှုန်း ကျော်တွင်ရှိနေပြီး လာမည့်နှစ်နှစ်တာကာလအထိ  အဆိုပါခြောက်ရာခိုင်နှုန်းဝန်းကျင်ခန့်တွင် ဆက်လက်ရှိနေနိုင်ကြောင်း ဧပြီ ၁၁ ရက်က ရန်ကုန်မြို့ရှိ Pan Pacific Hotel  တွင် ကျင်းပသည့် Asian Development Outlook 2018 အစီရင်ခံစာ သတင်းစာရှင်းလင်းပွဲမှ သိရသည်။

“၂၀၁၈ မှာ ငွေကြေးဖောင်းပွမှုနှုန်းက  ၆ဒသမ၂ရာခိုင်နှုန်းရှိနေပြီး ၂၀၁၉ ခုနှစ်မှာ ခြောက်ရာခိုင်နှုန်းအထိ ရှိနိုင်တယ်။ ကုန်ဈေးနှုန်းကိုရောကြည့်မယ်ဆိုရင် နောက်ထပ် နှစ်နှစ်မှာ ခြောက်ရာခိုင်နှုန်းဝန်းကျင်မှာ ရှိနေမယ်” ဟု Myanmar Resident Mission မှ Yumiko Tamura က ဆိုသည်။

မြန်မာနိုင်ငံ၏ ငွေကြေးဖောင်းပွမှုကို တည်ငြိမ်အောင် ထိန်းသိမ်းနိုင်ရန်အတွက် လာမည့် ၂၀၂၀ ပြည့်နှစ်ရောက်ရှိပါက အစိုးရ၏ ဘတ်ဂျက်လိုငွေကို ဗဟိုဘဏ်မှထုတ်ပေး ခြင်းမပြုလုပ်ဘဲ ငွေတိုက်စာချုပ်၊ ငွေချေး စာချုပ်များရောင်းချပြီး ဖြည့်ဆည်းပေးမည်ဖြစ်ကြောင်း မြန်မာနိုင်ငံတော်ဗဟိုဘဏ်ဒုတိယ ဥက္ကဋ္ဌဦးစိုးသိန်းက ပြီးခဲ့သည့် ဇန်န၀ါရီလ အတွင်းက ပြောကြားထားသည်။

“ကျွန်တော်တို့ရဲ့ စီမံကိန်းနှင့်ဘဏ္ဍာ ရေးဝန်ကြီးနဲ့ ဒီ Central Bank နဲ့ ပူးပေါင်းပြီးတော့ Target ထားတဲ့တစ်ခုက ဒီ Central Bank Volune ကြီးကို တစ်နှစ်ထက်တစ် နှစ်လျှော့ချနေတယ်။ ဒီနှစ်ဆိုရင်တော်တော်ကို သိသိသာသာ လျှော့ချလာတယ်။ အဲဒီဟာကို ကျွန်တော်တို့  Target က ဘယ်အချိန်မှာ ပြီးမြောက်သွားမလဲဆိုရင် ၂၀၂၀ ရောက်လို့ရှိရင် အစိုးရကဘတ်ဂျက်က လိုအပ်လာမယ့် လိုငွေကိုဖြည့်ဆည်းတဲ့ နေရာမှာ ပြည်သူပြည်သားတွေကို ခုနက Bond တွေ Bill တွေ ရောင်းချပြီးတော့ပဲ ဖြည့်ဆည်းတော့မယ်။ Central Bank က ချေးစရာမလိုတော့ဘူးဆိုတဲ့ အနေအထား ကျွန်တော်တို့ Target ထားဆောင်ရွက်နေတယ်။ အဲ့ဒီအခြေအနေကို ရောက်သွားပြီဆိုရင် နှစ်ပေါင်းများစွာ ကျွန်တော်တို့ကို ဒုက္ခပေးလာတဲ့ ဒီစီးပွားရေးကိုဒုက္ခပေးလာတဲ့ ဒီတိုင်းပြည်ကိုဒုက္ခပေးလာတဲ့ Inflation ကို ကျွန်တော်တို့က Control လုပ်ထားလို့ ရပြီ” ဟု မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဦးစိုးသိန်းက ပြောကြားသည်။

လက်ရှိအချိန်အတွင် မြန်မာနိုင်ငံ၏ ငွေကြေးဖောင်းပွမှုနှုန်းထားသည် တစ်လချင်းတွက်ချက်မှုအရ ၄ ဒသမ ၅ ရာခိုင်နှုန်းဝန်းကျင်တွင်ရှိနေပြီး နှစ်အလိုက်တွက်ချက်မှုတွင်  ငါးရာခိုင်နှုန်းအထိကျဆင်းမှု ရှိကြောင်း၊ လာမည့်နှစ်တွင် ငွေကြေးဖောင်းပွမှုနှုန်းထားကို ၅ ဒသမ ၅ ၀န်းကျင်၌ ထိန်းသိမ်းထားနိုင်အောင် ဆောင်ရွက်နေကြောင်း သိရသည်။

“ဒီ Inflation ကို Totally Control လုပ်နိုင်အောင် ဒါပေမဲ့  Inflationate က ကျလာတာက ခြောက်လ၊ ရှစ်လလောက်ပဲ ရှိသေးတယ်။ နောက်ထပ် ၁၀ လလောက် ခြောက်လလောက်ထက်ပြီးတော့ ဒီအတိုင်း ဆက်ပြီးတော့ ထိန်းသိမ်းထားနိုင်ရင်ဒါ Option တစ်ခုဖြစ်လာမှာပေါ့” ဟု မြန်မာနိုင်ငံတော် ဗဟိုဘဏ်မှ ဒုတိယဥက္ကဋ္ဌ ဦးစိုးသိန်းက ပြီးခဲ့သည့်ဇန်န၀ါရီလအတွင်းက ပြောကြားထားသည်။

မဟာမဲခေါင်ဒေသအတွင်းရှိ လမ်းမကြီးများ ဖွံ့ဖြိုးတိုးတက်ရေး စီမံကိန်းအတွက် ဒေါ်လာ သန်း ၃၆၀ ချေးယူရန် ပြည်ထောင်စုလွှတ်တော် အတည်ပြု

မဟာမဲခေါင်ဒေသအတွင်းရှိ လမ်းမကြီးများ ဖွံ့ဖြိုးတိုးတက်ရေးစီမံကိန်းအတွက်  ဒေါ်လာ သန်း ၃၆၀ ချေးယူရန် မတ် ၂၆ ရက် ကပြုလုပ်သည့် ပြည်ထောင်စုလွှတ်တော် အစည်းအဝေးတွင် အတည်ပြုခဲ့သည်။

မဟာမဲခေါင်ဒေသအတွင်းရှိ လမ်းမကြီးများဖွံ့ဖြိုးတိုးတက်ရေး စီမံကိန်းအတွက် အာရှဖွံ့ဖြိုးရေးဘဏ်နှင့် အာဆီယံအခြေခံ အဆောက်အအုံရန်ပုံငွေတို့ထံမှ ဒေါ်လာ သန်း ၃၆၀ ချေးယူရန်ကိစ္စနှင့်စပ်လျဉ်းပြီး သက်ဆိုင်ရာ ပြည်ထောင်စုအဆင့် အဖွဲ့အစည်းဝင်များက ရှင်းလင်းတင်ပြခြင်းများ ပြုလုပ်ခဲ့သည်။

မဟာမဲခေါင်ဒေသတွင်း နိုင်ငံများဖြစ်သည့် ကမ္ဘောဒီးယား၊ လာအို၊ မြန်မာ၊ ထိုင်း၊ ဗီယက်နမ်၊ တရုတ်စသည့် နိုင်ငံခြောက်နိုင်ငံအနက် ကျန်သည့်ငါးနိုင်ငံသည် တစ်နိုင်ငံနှင့် တစ်နိုင်ငံ ကုန်စည် ကူးသန်းရောင်းဝယ်မှုများကို ဆောင်ရွက်လျက်ရှိနေပြီး မြန်မာနိုင်ငံအနေဖြင့် စတင်ဆောင်ရွက်နိုင်ခြင်း မရှိသေးကြောင်း၊ သို့ရာတွင် စာချုပ်ပါ သဘောတူညီချက်များအရ ၂၀၁၉ ခုနှစ်တွင် မြန်မာနိုင်ငံအနေဖြင့် ပထမဦးစွာ ထိုင်းနိုင်ငံနှင့် ဆောင်ရွက်ရတော့မည်ဖြစ်ကြောင်း၊ ယင်းသို့ဆောင်ရွက်ခြင်းဖြင့် မြန်မာနိုင်ငံမှ ကားများ၊ ခရီးသွားပြည်သူများ၊ ကုန်စည်များ ထိုင်းနိုင်ငံအတွင်း ၀င်ရောက်နိုင်မည်ဖြစ်သကဲ့သို့ ထိုင်းနိုင်ငံမှလည်း မြန်မာနိုင်ငံအတွင်းသို့ ၀င်ရောက်လာနိုင်မည်ဖြစ်ကြောင်း၊ ခရီးသွား ပြည်သူများ၊ ကားများ၊ ကုန်စည်များကို မြန်မာနိုင်ငံအတွင်း မြ၀တီအထိ ပထမအဆင့် ၀င်ခွင့်ပေးရမည်ဖြစ်ကြောင်း၊ ထို့နောက် ဘားအံ၊ ရန်ကုန်၊ ပုသိမ်အထိ ၀င်ခွင့်ပေးရမည်ဖြစ်ကြောင်း၊ မြန်မာနိုင်ငံအနေဖြင့်လည်း ထိုင်းနိုင်ငံမှတစ်ဆင့် မဟာမဲခေါင်ဒေသတွင်းနိုင်ငံများကို လွတ်လပ်စွာသွားလာနိုင်မည်ဖြစ်ကြောင်း ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်းက ပြောကြားသည်။

Cross Border Transport Agreement အရ တစ်နိုင်ငံနှင့်တစ်နိုင်ငံ ဖြတ်သန်းသွားလာခွင့်ပြုသည့်အခါတွင် ကိုယ့်နိုင်ငံတွင် ရှိသည့်လမ်းများသည် နိုင်ငံတကာအဆင့်မီ လမ်းများဖြစ်ရန် လိုအပ်မည်ဖြစ်ကြောင်း၊ မဟာမဲခေါင်ဒေသတွင်း အရှေ့အနောက်စီး ပွားရေးစင်္ကြံလမ်းမကြီးများသည် ပစိဖိတ်သမုဒ္ဒရာ ကမ်းခြေရှိ ဒါနန်းမြို့မှ အိန္ဒိယသမုဒ္ဒရာအထိ ဆက်သွယ်ထားပြီး ၎င်းလမ်းကြောင်းတစ်လျှောက်ရှိ ဒေသဖွံ့ဖြိုးတိုးတက်ရေးအတွက် သက်ဆိုင်ရာနိုင်ငံများမှ ကဏ္ဍအလိုက် ဖွံ့ဖြိုးရေးစီမံကိန်းများကိုလည်း ကြိုတင်ဆောင်ရွက်ထားရှိပြီး လိုအပ်သည့်အစီအမံများကိုလည်း ချမှတ်ထားကြကြောင်း ဒုတိယ၀န်ကြီး ဦးကျော်လင်းက ပြောကြားသည်။

မဟာမဲခေါင်ဒေသခွဲအတွင်းရှိ လမ်းမကြီးများဖွံ့ဖြိုးတိုးတက်ရေးအတွက် ရန်ကုန်  – ပုသိမ်လမ်း၊ ပဲခူး -သန်လျင်လမ်းနှင့် ရန်ကုန် – မန္တလေးလမ်းတို့အား လမ်းအဆင့်မြှင့်တင်ခြင်း ဆောင်ရွက်နိုင်ရန်အတွက် အာရှဖွံ့ဖြိုးရေးဘဏ် (ADB) မှ ဒေါ်လာ သန်း ၃၄၀၊ အာဆီယံ အခြေခံအဆောက်အအုံ ရန်ပုံငွေ (AIF) မှ ဒေါ်လာ သန်း ၂၀ ချေးယူခွင့်ပြုရန် ဖေဖော်ဝါရီ ၂၂ ရက်ကပြုလုပ်သည့် ပြည်ထောင်စုလွှတ်တော် အစည်းအဝေးတွင် ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်းက တင်ပြခဲ့သည်။

ပထမ စီမံကိန်းဖြစ်သည့် ရန်ကုန်-ပုသိမ်လမ်းသည် BOT စနစ်ဖြင့် ဆောင်ရွက်နေသောလမ်းဖြစ်ပြီး လက်ရှိ BOT ကုမ္ပဏီနှင့် ADB မှ ပညာရှင်များမှ Operation & Maintainance အတွက် အသစ်ပြန်လည် ပြင်ဆင် စာချုပ် ချုပ်ဆို ဆောင်ရွက်မည်ဖြစ်ကြောင်း၊ ADB ၏ အစီအစဉ်ဖြင့် လမ်းအဆင့်မြှင့်တင် ဆောင်ရွက်ခြင်းဖြင့် ရန်ကုန်-ပုသိမ်လမ်းကို အခြေခံ၍ ပုသိမ်မှ ငွေဆောင်၊ ပုသိမ်မှ ငရုတ်ကောင်း၊ ပုသိမ်မှ မော်တင်စွန်း၊ ပုသိမ်မှ ချောင်း သာ၊ ပုသိမ်မှ ဂွ-ငါးသိုင်းချောင်း၊ သံတွဲ-ငပလီ နှင့် ဂွ-ကမ်းသာယာ လမ်းကြောင်းတစ်လျှောက် လုံးကို အချိန်တိုအတွင်း သွားလာနိုင်ပြီး ဒေသ ဖွံ့ဖြိုးရေးအား များစွာအထောက်အကူပြုမည်ဖြစ်ကြောင်း၊ ဒုတိယစီမံကိန်းဖြစ်သည့် သီလ၀ါမှ ပဲခူး၊ ကမာစဲမှ ကျိုက်ထိုသို့ ADB နှင့် JICA တို့မှ အကူအညီဖြင့် ဖြတ်လမ်းဖောက်လုပ်ခြင်းဖြင့် ဘုရားကြီးနှင့် ဝေါမြို့တို့ကို ပတ်၍သွားနေရသည့်ခရီးထက် အချိန်ကုန်သက်သာစေမည်ဖြစ်ကြောင်း ဒုတိယ၀န်ကြီးက ဖေဖော်ဝါရီ ၂၂ ရက်တွင် လွှတ်တော်သို့ တင်ပြခဲ့သည်။

ထို့ပြင် တတိယစီမံကိန်းသည် ရန်ကုန်-မန္တလေး အမြန်လမ်း ရန်ကုန်မှ ဘောနတ်ကြီး အထိ မိုင် ၄၀ အပိုင်းကို ADB အကူအညီဖြင့် Pilot Project အနေဖြင့် နိုင်ငံတကာအဆင့်မီ  Expressway အဖြစ် အကောင်အထည်ဖော် ဆောင်ရွက်ရန်ဖြစ်ကြောင်း ဒုတိယ၀န်ကြီး ဦးကျော်လင်းက လွှတ်တော်သို့ တင်ပြခဲ့သည်။