မလေးရှားဝန်ကြီးချုပ်ဟောင်းနာဂျစ် 1MDB အရှုပ်တော်ပုံအတွက် စွဲချက်သစ် ၂၅ ခု စွဲဆိုခံရ

စက်တင်ဘာ ၂၀ ရက်တွင် ကွာလာလမ်ပူရှိ တရားရုံးသို့ ၀န်ကြီးချုပ်ဟောင်း နာဂျစ် (လယ်) ကို စောင့်ကြပ်ခေါ်ဆောင်လာစဉ် (Photo: AFP)

ဒေါ်လာဘီလျံပေါင်းများစွာ ပါဝင်သော မလေးရှားအစိုးရ ရင်းနှီးမြှုပ်နှံမှုလုပ်ငန်း 1MDB အရှုပ်တော်ပုံအတွက် ဖမ်းဆီးခံခဲ့ရပြီးနောက် ၀န်ကြီးချုပ်ဟောင်း နာဂျစ် ရာဇက်သည် ၎င်း၏ဘဏ်စာရင်းထဲသို့ ဒေါ်လာ ၆၈၁ သန်း လွှဲပြောင်းထားမှုနှင့် ပတ်သက်၍ စက်တင်ဘာ ၂၀ ရက်တွင် ငွေကြေးခ၀ါချမှုဆိုင်ရာ စွဲချက်သစ် ၂၅ ခု စွဲဆိုခံခဲ့ရကြောင်း ရဲတပ်ဖွဲ့က ထုတ်ပြန်ခဲ့သည်။

အကျင့်ပျက်ခြစားမှု တိုက်ဖျက်ရေး စုံစမ်းစစ်ဆေးသူများက စက်တင်ဘာ ၁၉ ရက်တွင် ထိန်းသိမ်းခဲ့သော နာဂျစ်သည် စက်တင်ဘာ ၂၀ ရက်၌ ကွာလာလမ်ပူရှိ တရားရုံးတွင် ၎င်းအား စွဲဆိုခဲ့သော စွဲချက်များ၌ အပြစ်မရှိကြောင်း ငြင်းဆိုခဲ့သည်။ နာဂျစ်သည် အာမခံငွေ ရင်းဂစ် ၃.၅ သန်းပေးရန် သဘောတူခဲ့ပြီးနောက် ပြန်လွတ်လာခဲ့သည်။ ပြီးခဲ့သောမေ ရွေးကောက်ပွဲတွင် မမျှော်လင့်ဘဲ ရှုံးနိမ့်ခဲ့ပြီးနောက်ပိုင်း နာဂျစ်သည် 1MDB နှင့်ပတ်သက်၍ စွဲချက်ခုနစ်ခု စွဲဆိုခံထားရပြီးဖြစ်သည်။

ရဲတပ်ဖွဲ့က စက်တင်ဘာ ၂၀ ရက် နံနက်တွင် နာဂျစ်အား စစ်ဆေးမေးမြန်းခဲ့ပြီး ၎င်း၏ ဘဏ်စာရင်းထဲသို့ ဒေါ်လာ ၆၈၁ သန်း ရောက်ရှိနေမှုနှင့် ပတ်သက်၍ စွဲချက် ၂၁ ခုအထိ စွဲဆိုရန် ပြင်ဆင်ထားပြီးဖြစ်ကြောင်း ဒုတိယအမျိုးသားရဲချုပ် နိုအာရာ ရှစ်အီဘရာဟင်က အစောပိုင်းတွင် ထုတ်ပြန်ခဲ့သည်။ တရားမ၀င်ငွေကြေးများကို လက်ခံခြင်း၊ အသုံးပြုခြင်းနှင့် လွှဲပြောင်းခြင်းတို့နှင့် ဆက်နွှယ်၍ ငွေကြေးခ၀ါချမှုတိုက်ဖျက်ရေး ဥပဒေများအရ ထိုစွဲချက်များကို စွဲဆိုခြင်းဖြစ်ကြောင်း ၎င်းက ပြောကြားခဲ့သည်။

နာဂျစ်သည် ၎င်းထူထောင်ခဲ့သော 1MDB ၏ ကုမ္ပဏီခွဲဟောင်းတစ်ခုထံမှ ဒေါ်လာ ၁၀ သန်းခန့်ကို ကဲ့ယူခဲ့ကြောင်း စွပ်စွဲချက်များအတွက် ငွေကြေးခ၀ါချမှု၊ ယုံကြည်မှု အလွဲသုံးစားပြုမူနှင့် အာဏာအလွဲသုံးစားပြုမှု စသည့် စွဲချက်များ စွဲဆိုခံထားရ ပြီးဖြစ်သည်။ နာဂျစ်ကမူ မည်သည့်အမှား အယွင်းမျှ မလုပ်ဆောင်ခဲ့ကြောင်း ငြင်းဆိုထားသည်။

သို့သော် ၂၀၁၃ ခုနှစ်တွင် အငြင်းပွားဖွယ် ရွေးကောက်ပွဲများ မကျင်းပမီ နာဂျစ်၏ ဘဏ်စာရင်းများထဲသို့ ငွေအမြောက်အမြား ရောက်ရှိနေသည့် ကြာမြင့်နေပြီဖြစ်သော ထိုအရှုပ်တော်ပုံနှင့်ဆက်နွှယ်၍ ယခုကဲ့သို့ ဖမ်းဆီးခံခဲ့ရခြင်းဖြစ်သည်။ ဘဏ်စာရင်းများထဲသို့ ငွေများ လွှဲပြောင်းပေးထားကြောင်း သတင်းများသည် ၂၀၁၅ ခုနှစ်တွင် ထွက်ပေါ်လာခဲ့ပြီး 1MDB အရှုပ်တော်ပုံတွင် အလှည့်အပြောင်းဖြစ်ခဲ့ကာ နာဂျစ်နှင့် ၎င်း၏ အတွင်းစည်းကို ဖိအားအလွန်အမင်း မြင့်တက်ခဲ့သည်။ နာဂျစ်သည် မည်သည့်အမှားအယွင်းမျှ မလုပ်ခဲ့ကြောင်း ယင်းအချိန်က ရှေ့နေချုပ်က ဆုံးဖြတ်ခဲ့ပြီး ထိုငွေကြေးများသည် ဆော်ဒီဘုရင်မိသားစုက သီးသန့် လှူဒါန်းထားခြင်းဖြစ်ကြောင်းဆိုလျက် ပြည်တွင်း၌ စုံစမ်းစစ်ဆေးမှုများကို ပိတ်ပစ်ခဲ့သည်။

သို့သော် အသက် ၉၃ နှစ်ရှိပြီဖြစ်သော ၀န်ကြီးချုပ်ဟောင်း မဟာသီယာမိုဟာမက်က တစ်ကျော့ပြန် အာဏာရရှိလာခဲ့ချိန်တွင် ထိုအရှုပ်တော်ပုံအား စုံစမ်းစစ်ဆေးမှုကို ပြန်လည်စတင်ခဲ့ပြီး နာဂျစ်အား တရားခွင်တင်နိုင်ရန် ကြိုးပမ်းမည်ဟု ကတိပြုခဲ့သည်။ ၂၀၀၉ ခုနှစ်တွင် ထူထောင်ခဲ့သော 1MDB ထံမှ နာဂျစ်နှင့် ၎င်း၏ခရိုနီများသည် ဒေါ်လာဘီလျံများစွာ ခိုးယူခဲ့သည်ဟု စွပ်စွဲခံထားရသည်။

Ref: AFP

1MDB အရှုပ်တော်ပုံနှင့် ဆက်စပ်နေသော ဇိမ်ခံသင်္ဘောကို အင်ဒိုနီးရှားက မလေးရှားသို့ ပြန်ပေးလိုက်ပြီဟု မဟာသီယာ ပြောကြား

ဖေဖော်ဝါရီ ၂၈ ရက်တွင် ဘာလီရှိ ဘင်နိုအာဆိပ်ကမ်း၌ Equanimity ဇိမ်ခံသင်္ဘောအား တွေ့ရစဉ် (Photo: AP)

အင်ဒိုနီးရှားသည် ဒေါ်လာဘီလျံနှင့်ချီသော ဘဏ္ဍာရေး အရှုပ်တော်ပုံကြီးတစ်ခုနှင့် ဆက်စပ်သည့် ဇိမ်ခံသင်္ဘောတစ်စင်းကို မလေးရှားသို့ ပြန်ပေးလိုက်ပြီဖြစ်သည်ဟု မလေးရှားဝန်ကြီးချုပ် မဟာသီယာမိုဟာမက်က သြဂုတ် ၆ ရက်တွင် ပြောကြားခဲ့သည်။ ယင်းဖြစ်စဉ်သည် မလေးရှားဝန်ကြီးချုပ်ဟောင်း နာဂျစ်ရာဇက် ပါဝင်နေသော ခြစားမှုအရှုပ်တော်ပုံကို စုံစမ်းစစ်ဆေးနေမှုများအား တိုးမြှင့်လုပ်ဆောင်နေသည့်လုပ်ရပ်ဟု ရှုမြင်ခံရသည်။

Cayman Islands ၌ မှတ်ပုံတင်ထားပြီး Equanimity အမည်ရ ထိုသင်္ဘောသည် ဒေါ်လာ သန်း ၂၅၀ ခန့် တန်ဖိုးရှိလိမ့်မည်ဟု ယူဆရသည်။ ယင်းသင်္ဘောကို ဖေဖော်ဝါရီလက အင်ဒိုနီးရှားနိုင်ငံရှိ ဘာလီကျွန်း၏ ကမ်းလွန်ပင်လယ်ပြင်တွင် ဖမ်းမိခဲ့သည်။ အမေရိကန်တရားရေးဌာန၏ တောင်းဆိုချက်ကြောင့် အင်ဒိုနီးရှားအာဏာပိုင်များက ထိုသင်္ဘောကြီးကို ဖမ်းဆီးခဲ့ခြင်းဖြစ်သည်။ အမေရိကန် တရားရေးဌာနကလည်း 1MDB အစိုးရရင်းနှီးမြှုပ်နှံမှု လုပ်ငန်း၏ ရန်ပုံငွေများ ပါဝင်နေသော ကြီးမားလှသည့် ငွေကြေးအလွဲသုံးစားပြုမှုကြီးကို စုံစမ်းစစ်ဆေးနေသည်။

“အင်ဒိုနီးရှားက Equanimity အပျော်စီးသင်္ဘောကို ကျွန်တော်တို့ထံကို လွှဲပြောင်းပေးလိုက်ပြီဖြစ်တဲ့အတွက် ကျွန်တော်တို့ ပျော်နေကြပါတယ်” ဟု ၀န်ကြီးချုပ်မဟာသီယာက ၎င်း၏ဂျပန်ခရီးစဉ်အတွင်း Facebook ပေါ်တွင် ရေးသားခဲ့သည်။

ယင်းအပျော်စီးသင်္ဘောသည် ကွာလာလမ်ပူမြို့တော်၏ အနောက်ဘက်တွင် တည်ရှိသော ကလန်ဆိပ်ကမ်းသို့ လာမည့် ၄၈ နာရီအတွင်း ရောက်ရှိလိမ့်မည်ဟု မလေးရှားဝန်ကြီးချုပ်ရုံးမှ ပြောခွင့်ရပုဂ္ဂိုလ်တစ်ဦးကဆိုသည်။ မဟာသီယာသည် ၎င်းတို့နှင့်ပူးပေါင်း ဆောင်ရွက်မှုအတွက် အင်ဒိုနီးရှားသမ္မတ ဂျိုကိုဝီဒိုဒိုကိုလည်း ကျေးဇူးတင်ကြောင်း ပြောကြားခဲ့သည်။

ဇွန်လက မြို့တော်ဂျကာတာသို့ မဟာသီယာ သွားရောက်ခဲ့ပြီးနောက်ပိုင်း မလေးရှားနှင့် အင်ဒိုနီးရှားကြားမှ အပြန်အလှန် ဆက်သွယ်ရေးမှာ ပိုမိုနီးစပ်လာခဲ့သည်။ ယင်းအင်ဒိုနီးရှားခရီးစဉ်သည် မေလက ရွေးကောက်ပွဲတွင် မဟာသီယာ အံ့အားသင့်ဖွယ် အနိုင်ရခဲ့ပြီးနောက်ပိုင်း ၎င်း၏ ပထမဆုံး ပြည်ပခရီးစဉ်လည်း ဖြစ်သည်။

မလေးရှားအစိုးရ ရင်းနှီးမြှုပ်နှံမှုလုပ်ငန်း 1MDB မှ ခိုးယူသွားသော ငွေကြေးအမြောက်အမြားဖြင့် ဒေါ်လာ ၁ ဒသမ ၄ဘီလျံ တန်ဖိုးရှိသော ပိုင်ဆိုင်မှုများကို ၀ယ်ယူထားကြသည်ဟု အမေရိကန်တရားရေးဌာနက စွပ်စွဲထားသည်။ ထိုရန်ပုံငွေများနှင့် ၀ယ်ယူထားသော ပိုင်ဆိုင်မှုများထဲတွင် ပေ ၃၀၀ (မီတာ ၉၀) ရှည်သော Equanimity သင်္ဘောကြီးလည်း ပါဝင်သည်။ ယင်းသင်္ဘောကြီးကို 1MDB ၏ တရားဝင် မဟုတ်သော အကြံပေးတစ်ဦးဖြစ်ခဲ့ဖူးသည့် ဂျိုလိုဟုခေါ်သော ပုဂ္ဂိုလ်က ၀ယ်ယူထားခြင်းဖြစ်သည်။

အမည်ရင်းမှာ လိုတက်ဂျိုဖြစ်သော ဂျိုလိုသည် လက်ရှိတွင် မည်သည့်နေရာ ရောက်နေသည်ကိုမသိရဘဲ သင်္ဘောကိုသိမ်းရန် မလေးရှားအစိုးရ၏ လုပ်ရပ်သည် နိုင်ငံရေးကြောင့်ဟု ၎င်းက အပြစ်တင်ထားသည်။

Ref: AFP

1MDB အရှုပ်တော်ပုံတွင် အခရာကျနေသည့် နာဂျစ်၏ အနီးကပ်မိတ်ဆွေ တရုတ်သို့ ထွက်ပြေး

ဧပြီ ၄ ရက်တွင် ကွာလာလမ်ပူ၌ ဆန္ဒပြမှုတစ်ခုတွင် ဂျိုလိုးအား ပင်လယ်ဓားပြတစ်ဦးအဖြစ် သရုပ်ဖော်ထားသော ပုံများကို ကိုင်ဆောင်ထားစဉ် (Photo: AP)

အကျင့်ပျက်ခြစားမှု အရှုပ်တော်ပုံ ရင်ဆိုင်နေရသော မလေးရှားဝန်ကြီးချုပ်ဟောင်း နာဂျစ်ရာဇက်၏အစိုးရကို ဖြုတ်ချရန် အဓိက အကြောင်းရင်းတစ်ရပ် ဖြစ်စေခဲ့သည့် ဧရာမဘဏ္ဍာရေး အရှုပ်တော်ပုံတွင် အခရာကျသော နာဂျစ်၏ အနီးကပ်မိတ်ဆွေ ဂျိုလိုးသည် တရုတ်သို့ ထွက်ပြေးလာဖွယ်ရှိသည်ဟု South China Morning Post သတင်းစာက ဇူလိုင် ၁၁ ရက်တွင် ဖော်ပြခဲ့သည်။

မလေးရှားအစိုးရ ရင်းနှီးမြှုပ်နှံမှုလုပ်ငန်း 1MDB အား လွှမ်းခြုံနေသော အရှုပ်တော်ပုံတွင် အဓိကပုဂ္ဂိုလ်ဖြစ်သည့် ဂျိုလိုးသည် တရုတ်၏ တစ်စိတ်တစ်ပိုင်း ကိုယ်ပိုင်အုပ်ချုပ်ခွင့်ရ အထူးဒေသများဖြစ်သည့် ဟောင်ကောင်နှင့် မကာအိုတို့မှတစ်ဆင့် ပြည်မကြီး တရုတ်သို့ သွားရောက်ခဲ့သည်ဟု ယူဆထားကြသည်။ ရွေးကောက်ပွဲတွင် ရှုံးနိမ့်ခဲ့သော နာဂျစ်၏ အနီးကပ်လက်ထောက်ဖြစ်သူ ဂျိုလိုးသည် 1MDB မှ ငွေများကို ခိုးယူရန် နာဂျစ်နှင့် ပူးပေါင်းကြံစည်ခဲ့သည်ဟု စွပ်စွဲခံထားရသည်။

ဂျိုလိုးသည် ယခုအခါ ပြည်မကြီးတရုတ်တွင် ရောက်ရှိနေကြောင်း သံသယ၀င်စရာ မလိုကြောင်း မကာအိုမှ လုံခြုံရေး သတင်းရင်းမြစ်တစ်ဦးက ပြောကြားခဲ့ကြောင်း South China Morning Post က ကိုးကားဖော်ပြခဲ့သည်။ ယင်းအတွက်ကြောင့် ဂျိုလိုးသည် မကာအိုသို့ ဦးစွာသွားရောက်ခဲ့ရသည့် အကြောင်းရင်းတစ်ခု ဖြစ်နိုင်ကြောင်း ယူဆထားကြသည်။

ကာစီနိုဗဟိုချက် မကာအိုမှ အာဏာပိုင်များက အမည်အပြည့်အစုံ Low Taek Jho ဟု အမည်ရသူသည် အတိအကျ မသိရသော နေရာတစ်ခုသို့ ထွက်ခွာသွားကြောင်း မလေးရှားအစိုးရထံ အီးမေးလ်မှတစ်ဆင့် အကြောင်းကြားလာသည်ဟု မလေးရှားရဲတပ်ဖွဲ့ စုံစမ်းစစ်ဆေးရေးမှူး တန်ဆရီမိုဟာမက်ဖူဇီဟာရန်က ဇူလိုင် ၁၁ ရက်တွင် ပြောကြားခဲ့သည်ဟု မလေးရှားအစိုးရသတင်းအေဂျင်စီ Bernama က ဖော်ပြခဲ့သည်။ အသက် ၃၆ နှစ်ရှိ ဂျိုလိုးအား ဖမ်းဆီးနိုင်ရန် မလေးရှားအစိုးရက ကြိုးပမ်းနေကြောင်း ၀န်ကြီးချုပ်သစ် မဟာသီယာမိုဟာမက်က ပြီးခဲ့သောလတွင် ပြောကြားခဲ့သည်။

နာဂျစ်နှင့် ၎င်း၏ခရိုနီများသည် 1MDB မှ ဒေါ်လာဘီလျံများစွာအား ခိုးယူခဲ့ကြောင်း စွပ်စွဲမှုများထွက်ပေါ်ခဲ့ပြီး ပြည်သူများ၏ ဒေါသထွက်မှုသည် ကာလရှည်ကြာ အာဏာချုပ်ကိုင်ခဲ့သော နာဂျစ်၏အာဏာရမဟာမိတ်ပါတီက ပြီးခဲ့သောရွေးကောက်ပွဲတွင် အံ့အားသင့်ဖွယ် ရှုံးနိမ့်ခဲ့ရသည့် အဓိက အကြောင်းရင်းတစ်ရပ် ဖြစ်ခဲ့သည်။ ဂျိုလိုးသည် 1MDB အား ထူထောင်နိုင်ရန် ကူညီပေးခဲ့ဖွယ်ရှိပြီး ဒေါ်လာဘီလျံများစွာ ခိုးယူမှုအစီအစဉ်တွင်လည်း ပါဝင်ခဲ့သည်ဟု စွပ်စွဲခံထားရသည်။

ဂျိုလိုးသည် 1MDB တွင် မည်သည့် ရာထူးမှ မယူထားသော်လည်း သြဇာလွှမ်းမိုးခဲ့သည်ဟု ယူဆရသည်။ 1MDB မှ ထိပ်တန်းတာဝန်ရှိသူများနှင့် ၎င်းတို့၏လုပ်ဖော်ကိုင်ဖက်များသည် ၂၀၀၉ ခုနှစ်မှ ၂၀၁၅ ခုနှစ်အကြား ဒေါ်လာ ၄ ဒသမ ၅ ဘီလျံကျော်ကို ခိုးယူခဲ့သည်ဟု အမေရိကန်က စွပ်စွဲထားသည်။ 1MDB မှ ခိုးယူထားသောငွေများဖြင့် အနုပညာလက်ရာများ၊ ပေ ၃၀၀ ရှည်သော ဇိမ်ခံရွက်လှေကဲ့သို့ တန်ဖိုးကြီးပစ္စည်းများကို ၀ယ်ယူခဲ့သည်ဟု စွပ်စွဲခံထားရသည့် ဂျိုလိုးသည် ပါရီဟီလ်တန်၊ လီယိုနာဒိုဒီကာပရီယိုကဲ့သို့ ဟောလိဝုဒ်မှ ထင်ရှားသူများနှင့်အတူ ပါတီပွဲအတူနွှဲခဲ့ဖူးပြီး နယူးယောက်တွင် ပါတီပွဲများ၌ ငွေအမြောက်အမြား သုံးစွဲခဲ့သူလည်း ဖြစ်သည်။

Ref: AFP