ရုရှား၏ ကြီးမားသော ခြိမ်းခြောက်မှုအား တန်ပြန်ရန် ဗြိတိန်က ရေဒါစနစ်သစ် တပ်ဆင်

ဇန်န၀ါရီ ၂၇ ရက်က Unst ကျွန်းစုတွင် တည်ဆောက်ဆဲ ရေဒါစခန်းသစ်အား တွေ့ရစဉ် (Photo: AFP)

မော်စကိုထံမှ ကြီးမားပြီး အမှန်တကယ်ဖြစ်သော ခြိမ်းခြောက်မှုအား တန်ပြန်ရန် စကော့တလန်၏ ရှက်လန်းကျွန်းစုအလွန်ရှိ ရေဒါစနစ်သစ်က ဖြေရှင်းနိုင်မည်ဖြစ်ကြောင်း ဗြိတိန်ကာကွယ်ရေးဝန်ကြီး ဂါဗင်ဝီလျံဆန်က ပြောကြားခဲ့သည်။

ရှက်လန်းကျွန်းစုတွင် အကြိုသတိပေးရေဒါစနစ်အား တပ်ဆင်ခဲ့ချိန်တွင် စစ်အေးခေတ်ကာလ နေ့ရက်များသို့ ပြန်ရောက်သွားခဲ့ပြီး တော်ဝင်လေတပ်၏ ယင်းစနစ်သစ်က အမျိုးအမည်မဖော်နိုင်သော စစ်ဘက် သို့မဟုတ် အရပ်ဘက်လေယာဉ်များအား ခြေရာခံနိုင်ရန် ရည်ရွယ်ကြောင်း သိရသည်။

ရုရှား၏ရန်မူမှုမှ ၎င်းတို့၏ ဝေဟင်များကို အမြဲတမ်း ကာကွယ်ရမည်ဖြစ်ကြောင်း ၀ီလျံဆန်က ဇန်န၀ါရီ ၂၆ ရက်တွင် ပြောကြားခဲ့ပြီး ယင်းရေဒါစနစ်သည် ဗြိတိန်ကာကွယ်ရေးအတွက် အလွန်အမင်း အရေးပါကြောင်း ပြောကြားခဲ့သည်။

ရုရှား၏လုပ်ရပ်များသည် အရှေ့ဥရောပနယ်စပ်များအထိ အကန့်အသတ်မရှိဘဲ ဗြိတိန်၏ အသက်အိုးအိမ်စည်းစိမ်များအား ခြိမ်းခြောက်မှုသည် ဆိုးရွားပြီး ဖြစ်နိုင်ခြေရှိကြောင်း ၀ီလျံဆန်က ပြောကြားခဲ့သည်။ ဗြိတိန်၏မြောက်ဘက်စွန်း အကျဆုံး လူနေကျွန်းစုဖြစ်သော Unst တွင် တပ်ဆင်ထားသည့်ပေါင် ၁၀ သန်း (ဒေါ်လာ ၁၄ ဒသမ ၁ သန်း) တန်ဖိုးရှိ ယင်းရေဒါစနစ်သည် မကြာမီ အပြည့်အ၀ အသုံးပြုနိုင်တော့မည်ဟု ကာကွယ်ရေးဝန်ကြီးဌာနက ထုတ်ပြန်ခဲ့သည်။

စတင်အသုံးပြုနိုင်သည်နှင့် တစ်ပြိုင်နက် ယင်းစနစ်သည် တပ်လှန့်မှုကို အလျင်အမြန် လုပ်ဆောင်နိုင်မည်ဖြစ်သည်။ ယခင်ကမူ ရုရှားလေယာဉ်များအား ကြားဖြတ်ဟန့်တားရန် ဗြိတိန်တိုက်လေယာဉ်များက လုပ်ဆောင်ခဲ့ရသည်။

ဇန်န၀ါရီ ၁၅ ရက်တွင် လေကြောင်းထိန်းချုပ်ရေး တာဝန်ရှိသူများအား တုံ့ပြန်ခဲ့ခြင်းမရှိဟုဆိုသော ရုရှားစစ်ဘက်လေယာဉ်နှစ်စင်းအား စောင့်ကြည့်ရန် ဗြိတိန်တိုက်လေယာဉ်နှစ်စင်းက ပျံတက်ခဲ့ရသည်ဟု ကာကွယ်ရေးဝန်ကြီးဌာနက ထုတ်ပြန်ခဲ့သည်။ ပြီးခဲ့သော ငါးနှစ်အတွင်း ဗြိတိန်တိုက်လေယာဉ်များက ယင်းကဲ့သို့ ကြားဖြတ်ဟန့်တားရမှု အကြိမ်စုစုပေါင်း ၆၉ ကြိမ် ရှိခဲ့ကြောင်း ယင်းဌာနက ထုတ်ပြန်ခဲ့သော်လည်း ရုရှားလေယာဉ်များ ပါဝင်ပတ်သက်သည့် အကြိမ်အရေအတွက်ကိုမူ မဖော်ပြခဲ့ပေ။

ဗြိတိန်တွင် အလုံးစုံ ဖရိုဖရဲ အခြေအနေဖန်တီးရန် ဖြစ်နိုင်ခြေရှိသော အစီအစဉ်၏ တစ်စိတ်တစ်ပိုင်းအဖြစ် ရုရှားသည် ဗြိတိန်၏အရေးကြီးသော အခြေခံအဆောက်အအုံများအား ထောက်လှမ်းမှု လုပ်ဆောင်နေကြောင်း ၀ီလျံဆန်က ဇန်န၀ါရီ ၂၅ ရက်တွင် စွပ်စွဲပြောကြားခဲ့မှုကို Daily Telegraph သတင်းစာက ဖော်ပြခဲ့သည်။ စစ်အေးခေတ်လွန်တွင် ရုရှားသည် အဆင့်မြင့်ဆုံးနှင့် စွမ်းရည်အရှိဆုံး လုံခြုံရေး ခြိမ်းခြောက်မှုပြုနေကြောင်း၊ ဗြိတိန်သည် ရုရှားစစ်ရေးစွမ်းရည်များအား လိုက်မီနိုင်ရန် ခက်ခက်ခဲခဲ ရုန်းကန်နေရကြောင်း ဗြိတိန်စစ်ဦးစီးချုပ် နစ်ကာတာကလည်း ဇန်န၀ါရီ ၂၂ ရက်တွင် သတိပေးခဲ့သည်။

Ref: AFP

ရုရှားငြိမ်းချမ်းရေး ဆွေးနွေးပွဲကို ဆီးရီးယားအတိုက်အခံတို့က သပိတ်မှောက်မည်

ဇန်န၀ါရီ ၂၆ ရက်က ဆီးရီးယားနိုင်ငံ အေဇက်မြို့ရှိ ဒုက္ခသည် စခန်းတစ်ခုအနီး တွေ့ရသော တူရကီကျောထောက်နောက်ခံပြု ဆီးရီးယားသူပုန်များ (Photo – AFP)

လာမည့်သီတင်းပတ်တွင် ကျင်းပမည့် ရုရှား၏ ငြိမ်းချမ်းရေးဆွေးနွေးပွဲကို သပိတ်မှောက်မည်ဖြစ်ကြောင်း ဆီးရီးယားအဓိက အတိုက်အခံအုပ်စုက ဇန်န၀ါရီ ၂၆ရက်တွင် ပြောကြားခဲ့သည်။ ထို့ကြောင့် ရက်စက်ကြမ်းကြုတ်သော ခုနစ်နှစ်ကြာ ဆီးရီးယားစစ်ပွဲကို အဆုံးသတ်ရန် ရုရှား၏ သံတမန်ရေး ကြိုးပမ်းအားထုတ်မှုများအတွက် ကြီးမားသည့် ထိုးနှက်ချက်ကြီးလည်း ဖြစ်သွားခဲ့သည်။

“ရုရှားဟာ သူရဲ့ညီလာခံကြီးကိုကြော်ငြာမှုဟာ မအောင်မြင်ခဲ့ပါဘူး” ဟု ဆီးရီးယား အတိုက်အခံစေ့စပ်ညှိနှိုင်းရေး ကော်မရှင်  (SNC) က Twitter ပေါ်တွင်ရေးသားခဲ့သည်။ ထို့နောက် ဆိုချီဆွေးနွေးပွဲတွင် မပါဝင်ရန် SNC က ဆုံးဖြတ်လိုက်ကြောင်းလည်း ရေးသားထားခဲ့သည်။

ဆီးရီးယားအစိုးရ၏ အင်အားကြီး မဟာမိတ် ရုရှားက စီစဉ်သည့် ဇန်န၀ါရီ ၂၉၊ ၃၀ ရက်တွင် ပင်လယ်နက်အပန်းဖြေစခန်း ဆိုချီ၌ ကျင်းပမည့် ဆွေးနွေးပွဲတွင် ပါဝင်ရန် ဒါဇင်နှင့်ချီသော ဆီးရီးယားသူပုန်အုပ်စုများသည် ယခင်ကတည်းက ငြင်းဆန်ထားခဲ့ပြီး ဖြစ်သည်။ သူပုန်အုပ်စုများ ဆိုချီသို့ သွား၊ မသွား ကိစ္စသည် ဗီယင်နာတွင် သီးခြားကျင်းပနေသော ကုလသမဂ္ဂဦးစီးသည့်နှစ်ရက်ကြာ ဆီးရီးယား ဆွေးနွေးပွဲအပေါ်တွင်လည်း အရိပ်မိုးနေခဲ့သည်။

ထိုဗီယင်နာဆွေးနွေးပွဲတွင်မူ ဆီးရီးယားအစိုးရအရာရှိများနှင့် SNC တို့သည် ကုလသမဂ္ဂ ဆီးရီးယားသံတမန်စတီဖင်မစ် စတူရာနှင့် သီးခြားစီဆွေးနွေးခဲ့ကြကြောင်း သိရသည်။ ကုလသမဂ္ဂ ကျောထောက်နောက်ခံပြုပေးသည့် ဆီးရီးယား ငြိမ်းချမ်းရေးဆွေးနွေးပွဲကျင်းပသည်မှာ ရှစ်ကျော့ရှိပြီဖြစ်သော်လည်း အစိုးရနှင့် သူပုန်တို့သည် စစ်ပြီးအခြေခံဥပဒေအား အုတ်မြစ်ချရေးအတွက် မျက်နှာချင်းဆိုင် ဆွေးနွေးကြမည့် အရိပ်အယောင်မရှိသေးပေ။

ဇန်န၀ါရီ ၂၇ ရက် နံနက်ပိုင်းတွင်မူ ဒီမစ်စတူရာက ဆွေးနွေးပွဲမှာ လက်ရှိအချိန်အထိ တိုးတက်မှုမရှိသေးကြောင်းကို ၀န်ခံပြောကြားခဲ့သည်။

ဆိုချီဆွေးနွေးပွဲသို့ တက်ရောက်ရန် လူ ၁၆၀၀ ကျော် ဖိတ်ကြားခံထားရသည်။ သို့သော် ကုလသမဂ္ဂကိုယ်တိုင် ထိုဆွေးနွေးပွဲသို့ တက်မတက် မဆုံးဖြတ်ရသေးကြောင်း ဒီမစ်စတူရာက ပြောကြားခဲ့သည်။ ထို့ပြင်  ဒီမစ်စတူရာက ကုလသမဂ္ဂဦးဆောင်သော ဆီးရီးယားဆွေးနွေးပွဲများသည် ရုရှားက အပြိုင်လိုက်၍ ကြိုးပမ်းနေသည့် ငြိမ်းချမ်းရေး လှုပ်ရှားမှုများထက်ပို၍ တရားဝင်ဖြစ်ကြောင်းကိုလည်း အလေးပေးပြောသွားခဲ့သည်။

“ဆိုချီမှာ ကျင်းပမယ့် ဆီးရီးယား အမျိုးသားဆွေးနွေးပွဲကွန်ဂရက်ဟာ ဂျီနီဗာမှာ ကုလသမဂ္ဂရဲ့ ဦးဆောင်မှုနဲ့ ပြုလုပ်နေပြီး ယုံကြည်စိတ်ချစရာကောင်းတဲ့ ဆီးရီးယားလုပ်ငန်းစဉ် ပြန်လည်အသက်ဝင်လာနိုင်ဖို့ ကူညီနိုင်လိမ့်မယ်လို့ မျှော်လင့်ပါတယ်” ဟု ၎င်းက ပြောကြားသွားခဲ့သည်။

“ရုရှားဟာ ဆီးရီးယားနိုင်ငံအတွက်သာမကဘဲ အရှေ့အလယ်ပိုင်းဒေသထဲမှာပါ ငြိမ်းချမ်းရေးစေ့စပ်ညှိနှိုင်းသူအဖြစ် သူတို့ကို သူတို့ ပုံဖော်ချင်နေတာပါ။ ရှေးအစဉ်အဆက်ကတည်းက အမေရိကန်တွေ လုပ်ခဲ့သလိုမျိုးပေါ့” ဟု Chatham House အတိုင်ပင်ခံအဖွဲ့မှ သုတေသီတစ်ဦးဖြစ်သည့် ဟေ့ဒ်ဟေ့ဒ်က ပြောကြားခဲ့သည်။

“ရုရှားတွေအနေနဲ့ ဒီနေရာကို ယူချင်ရင် ဆီးရီးယားပြဿနာ အဖြေရှာရေးမှာ အမေရိကန်တွေ ၀င်လို့မရအောင် သူတို့အနေနဲ့ လုပ်ဖို့လိုအပ်ပါတယ်” ဟု ၎င်းက ဆက်လက်ပြောကြားခဲ့သည်။

Ref ; AFP

ယူကရိန်းတွင် ကုလသမဂ္ဂ လက်နက်ကိုင်ငြိမ်းချမ်းရေး ထိန်းသိမ်းမှုမစ်ရှင် စတင်နိုင်ရန်အတွက် ဂျာမနီ ကြိုးပမ်း

ဇန်န၀ါရီ ၃ ရက်က ကိဗ်မြို့တွင် ဂျာမနီနိုင်ငံခြားရေးဝန်ကြီး (၀ဲ)အား နှုတ်ဆက်နေသော ယူကရိန်းနိုင်ငံခြားရေးဝန်ကြီး (Photo: AFP)

ရုရှားတွင် ၂၀၁၈ ခုနှစ် မတ်၌ သမ္မတ ရွေးကောက်ပွဲမကျင်းပမီ ယူကရိန်းအရှေ့ပိုင်းတွင် ကုလသမဂ္ဂ လက်နက်ကိုင်ငြိမ်းချမ်းရေး ထိန်းသိမ်းမှုမစ်ရှင် ချထားနိုင်ရန်အတွက် လိုလားကြောင်း ဂျာမနီနိုင်ငံခြားရေးဝန်ကြီး ဆစ်ဂ်မာဂါဘရီရယ်က ဇန်န၀ါရီ ၃ ရက်တွင် ပြောကြားခဲ့သည်။

စစ်ပွဲဒဏ်ခံစားနေရသော ဆိုဗီယက်ယူနီယံမှ ခွဲထွက်နိုင်ငံဟောင်း ယူကရိန်းတွင် ပိုင်နက်တည်တံ့ခိုင်မြဲရေးအတွက် ယင်းကဲ့သို့ တပ်ဖွဲ့ဝင်များသည် အလွန်အမင်းအရေးပါကြောင်း ယူကရိန်းနိုင်ငံခြားရေးဝန်ကြီး ပက်ဗ်လိုကလင်ကင်နှင့် ကိဗ်မြို့တွင် တွေ့ဆုံ ဆွေးနွေးခဲ့ပြီးနောက် ဂါဘရီရယ်က ပြောကြားခဲ့သည်။ ယင်းတပ်ဖွဲ့သည် ပဋိပက္ခဇုန် နယ်မြေတစ်ခုလုံးတွင် ချထားရမည့် အားကောင်းသော လက်နက်ကိုင်မစ်ရှင် ဖြစ်ရမည်ဖြစ်ကြောင်း ၎င်းက ပြောကြားခဲ့သည်။

၂၀၁၄ ခုနှစ် ဧပြီတွင် စတင်ဖြစ်ပွားခဲ့ပြီးနောက်ပိုင်း သေဆုံးသူ ၁၀၀၀၀ ကျော်ရှိလာခဲ့ပြီး မော်စကိုနှင့် အနောက်တိုင်းတို့အကြား စစ်အေးခေတ်နောက်ပိုင်း ဆက်ဆံရေး အဆိုးရွားဆုံး ကျဆင်းခဲ့ရသည့် ယူကရိန်း လက်နက်ကိုင်ပဋိပက္ခ၌ မည်သည့်ပါဝင်ပတ်သက်မှုမျှမရှိဟု ရုရှားက ငြင်းဆိုခဲ့သည်။ သို့သော် ၎င်း၏အနောက်ဘက်အိမ်နီးချင်း ယူကရိန်းတွင် ပြည်ပလက်နက်ကိုင်တပ်များ ချထားမည့်အရေးကို မော်စကိုက ပြင်းပြင်းထန်ထန် ဆန့်ကျင်ခဲ့သည်။

မတ် ၁၈ ရက်တွင်ကျင်းပမည့် သမ္မတ ရွေးကောက်ပွဲ၌ စတုတ္ထမြောက်သက်တမ်း အတွက် အနိုင်ရရန် အခြေအနေကောင်းနေသော ပူတင်က ခွဲထွက်ရေးလိုလားသည့် ယူကရိန်းသူပုန်များ ထိန်းချုပ်ထားသည့်နေရာများနှင့် ယူကရိန်း၏ ကျန်ရှိဒေသများအား ခွဲခြားထားသည့် ရှေ့တန်းနေရာတစ်လျှောက် လက်နက်ကိုင် ငြိမ်းချမ်းရေးထိန်းသိမ်းမှု မစ်ရှင်ကို ဆောင်ရွက်ရန်သာ ထောက်ခံခဲ့သည်။ ထို့ပြင် ကိဗ်၏ထိန်းချုပ်မှုအောက်မရှိသော ယူကရိန်းနှင့် ထိစပ်နေသည့်နယ်စပ်၏ အခြားအစိတ်အပိုင်းများတစ်လျှောက် ကုလသမဂ္ဂ လက်နက်ကိုင်ငြိမ်းချမ်းရေး တပ်ဖွဲ့ဝင်များအား ချထားမှုကိုမူ ပူတင်က ပြတ်ပြတ်သားသား ပယ်ချခဲ့သည်။

သို့သော် ဥရောပတွင် စစ်ပွဲဖြစ်နေသည့် တစ်ခုတည်းသောနိုင်ငံဖြစ်သည့် ယူကရိန်းအတွက် ကာလရှည်ကြာ စွန့်ပစ်ခံထားရသော ၂၀၁၅ ခုနှစ် ငြိမ်းချမ်းရေးအစီအစဉ်ကို စေ့စပ်ညှိနှိုင်းရာတွင် ပြင်သစ်နှင့်အတူ ကူညီနေသည့် ဂါဘရီရယ်က ရုရှားသမ္မတ ရွေးကောက်ပွဲများသည် ယူကရိန်းတွင် ငြိမ်းချမ်းရေးထိန်းသိမ်းမှု မစ်ရှင်ချထားမည့်ကိစ္စ ဆွေးနွေးရာ၌ အကြောင်းအရာတစ်ခု မဖြစ်သင့်ကြောင်း ပြောကြားခဲ့သည်။

ယူကရိန်းထံ ပထမဆုံးအကြိမ်အဖြစ် စွမ်းရည်မြင့် တင့်ကားဖျက်ဒုံးများ ပေးပို့ရန် အမေရိကန်က ဆုံးဖြတ်ချက်ချခဲ့မှုကြောင့် မော်စကို၏ ဒေါသမြင့်တက်နေချိန်တွင် ဂါဘရီရယ်က ယူကရိန်းသို့ သွားခဲ့ခြင်းဖြစ်သည်။ ယင်းလက်နက်များအား ကာကွယ်ရေး အတွက်သာ အသုံးပြုမည်ဖြစ်ပြီး စစ်ပွဲအရှိန် မြင့်တက်စေရန် အသုံးပြုမည်မဟုတ်ကြောင်း ယူကရိန်းက ကတိပြုခဲ့သည်။

Ref: AFP