ရုရှား၏ အကြီးဆုံးစစ်ရေးလေ့ကျင့်မှုကြီး စတင်

Photo – Reuters

ရုရှားသည် ၎င်းတို့သမိုင်းတွင် အကြီးဆုံးဟုဆိုထားသော စစ်ရေးလေ့ကျင့်မှုကြီး ကို စက်တင်ဘာ ၁၁ ရက်တွင် စတင်ကျင်းပပြီ ဖြစ်သည်။ အနောက်နိုင်ငံများထံမှ မကျေနပ်သံများကို ထွက်ပေါ်စေခဲ့သော ထိုစစ် ရေးလေ့ကျင့်မှုကြီးတွင် တရုတ်စစ်သားများနှင့်အတူ ရုရှားတပ်ဖွဲ့ဝင် ထောင်ပေါင်းများစွာ ပါဝင်သည်။

Vostok – 2018 (အရှေ့-၂၀၁၈)ဟု အမည်ပေးထားသော သီတင်းတစ်ပတ်ကြာမည့် ယခုစစ်ရေးလေ့ကျင့်မှုကြီးကို ရုရှားနိုင်ငံ အရှေ့ဘက်စွန်းနှင့် ပစိဖိတ်သမုဒ္ဒရာထဲတွင် စတင်လိုက်ပြီဟု ကာကွယ်ရေးဝန်ကြီးဌာနက ထုတ်ပြန်ခဲ့သည်။ စစ်ရေးလေ့ကျင့်မှု၏ ကနဦးအဆင့်တွင် စစ်တပ်ယာဉ်များ၊ လေယာဉ်များ၊ ရဟတ်ယာဉ်များ၊ သင်္ဘောများ နေရာယူနေကြသည်ကို ရိုက်ကူးထားသည့် ဗီဒီယိုကိုလည်း ၀န်ကြီးဌာနက ထုတ်ပြန်ခဲ့သည်။

စက်တင်ဘာ ၁၂ ရက်တွင်မူ လေယာဉ်ပစ်နည်းပညာပါဝင်မည့် ပင်လယ်ပြင်စစ်ရေး လေ့ကျင့်မှုများကို တွေ့ရမည်ဖြစ်သည်။  အဓိကလေ့ကျင့်မှုအစီအစဉ်များကိုမူ စက်တင်ဘာ ၁၃ ရက်မှ စတင်မည်ဟု ကာကွယ်ရေးဝန်ကြီးဌာနက သတင်းထောက်များကို ပြောကြားခဲ့သည်။

Vostok – 2018 စစ်ရေးလေ့ကျင့်မှုထဲတွင် ပါဝင်ရန် တရုတ်က တပ်ဖွဲ့ဝင် ၃၂၀၀ နှင့်အတူ တရုတ်သံချပ်ကာယာဉ်များ၊ လေယာဉ်များ စေလွှတ်ပေးထားပြီး မွန်ဂိုလီးယား စစ်တပ်ကလည်း တပ်ခွဲအချို့စေလွှတ်ခဲ့သည်။ စစ်ရေးလေ့ကျင့်မှုထဲ၌ ပါဝင်သည့် စုစုပေါင်းစစ်သားဦးရေမှာ ၃၀၀၀၀၀ ခန့် ရှိသည့်အပြင် စစ်တပ်ယာဉ် ၃၆၀၀၀ စီး၊ လေယာဉ်အစင်း ၁၀၀၀ ၊ စစ်သင်္ဘောအစင်း၈၀ ပါဝင်ကြမည်ဟု ရုရှားကာကွယ်ရေးဝန်ကြီး ဆာဂေးရွှိုင်ဂူက ပြောကြားခဲ့သည်။ ရုရှား စစ်တပ်သည် ၎င်း၏နောက်ဆုံးထုတ်စစ် လက်နက်ပစ္စည်းများကိုလည်း ယခုစစ်ရေး လေ့ကျင့်မှုကြီးအတွင်း ထုတ်ပြဦးမည်ဖြစ်သည်။

နေတိုးအဖွဲ့ကမူ Vostok – 2018 စစ် ရေးလေ့ကျင့်မှုကြီးသည် ၎င်းတို့ပုံဖော်ထားသည့် ပိုမိုရန်လိုပြီး ကာကွယ်ရေးဘတ်ဂျက်များနှင့် စစ်ရေးတည်ရှိမှုများကို သိသိသာသာ တိုးမြှင့်လာသော ရုရှား၏ပုံစံနှင့် ကိုက်ညီခဲ့ကြောင်း ဆိုသည်။

ရုရှားအပေါ် သက်ရောက်နေသော ရန်လိုမှုများ၊ မဖော်ရွေမှုများကြောင့် ယခုစစ်ရေးလေ့ကျင့်မှုကြီး ကျင်းပရခြင်းမှာ ကျိုးကြောင်းမျှတသည်ဟု ရုရှားအစိုးရပြောခွင့် ရပုဂ္ဂိုလ် ဒီမီထရီပက်စကော့က ပြောခဲ့သည်။ ထို့ပြင် နေတိုးသည် အနောက်ဘက်သို့ နယ်ချဲ့လာပြီး ရုရှား၏အမျိုးသားလုံခြုံရေးကို ခြိမ်းခြောက်နေသည်ဟုလည်း ရုရှားအစိုးရက စွပ်စွဲနေသည်။

သို့သော် ရုရှားက စစ်ရေးလေ့ကျင့်မှုများကို ဂျပန်နှင့် ပိုင်နက်အငြင်းပွားနေသော ကူရေးကျွန်းစုအနီးတွင် ပြုလုပ်မည်မဟုတ်ဟု ထုတ်ပြန်ထားသည်။

Vostok – 2018 ကဲ့သို့ အကြီးအကျယ် ရုရှားစစ်ရေးလေ့ကျင့်မှုကြီးကို ၁၉၈၁ ခုနှစ် စစ်အေးခေတ်ကာလအတွင်း နောက်ဆုံးပြုလုပ်ခဲ့သည်။ သို့သော် ပါဝင်သည့် စစ်သားအင်အားမှာ Vostok – 2018 ၏ ထက်ဝက်ခန့် သာရှိသည်။

ယခုစစ်ရေး လေ့ကျင့်မှုကြီးကျင်းပရသည့် အဓိကရည်ရွယ်ချက်တစ်ခုမှာ ရုရှားနိုင်ငံအနောက်ပိုင်းမှ ထောင်နှင့်ချီသော တပ်ဖွဲ့ဝင်များ၊ လေယာဉ်များ၊ စစ်တပ်ယာဉ်များကို မိုင်ပေါင်းများစွာဖြတ်ပြီး အရှေ့ပိုင်းဒေသများ၌ လျင်လျင်မြန်မြန် တပ်ဖြန့်နိုင်ရေးအတွက် ရည်ရွယ်သည်ဟု ရုရှားကာကွယ်ရေးဝန်ကြီးဌာန၏ ရုပ်သံလိုင်း Zvezda တွင် ဖော်ပြခဲ့သည်။

Ref ; AFP

ရုရှား၌ ဒေသဆိုင်ရာရွေးကောက်ပွဲများ ကျင်းပ

စက်တင်ဘာ ၉ ရက်က ဒေသဆိုင်ရာရွေးကောက်ပွဲအတွက် မဲထည့်နေသော ရုရှားဝန်ကြီးချုပ် ဒီမီထရီမက်ဗီဒက်အား တွေ့ရစဉ် (Photo – AFP)

ကရင်မလင်သစ္စာခံ ကိုယ်စားလှယ်လောင်းများသာ အများအားဖြင့် အနိုင်ရဖွယ်ရှိသည့် ရုရှားဒေသဆိုင်ရာ ရွေးကောက်ပွဲများကို စက်တင်ဘာ ၉ ရက်တွင် ကျင်းပခဲ့ သည်။ ထိုစဉ် ရဲများကမူ ပင်စင်စနစ်ပြုပြင်ပြောင်းလဲမှုအပေါ် ဆန္ဒပြကြရန်ဆော်သြထားသည့် ထောင်ကျနေသော အတိုက်အခံ ခေါင်းဆောင်အား ထောက်ခံသူ ဒါဇင်ပေါင်း များစွာကို ဖမ်းဆီးခဲ့ကြသည်။

ပင်စင်ခံစားရမည့်အသက်အရွယ်ကို တိုးမြှင့်ရန် ရုရှားအစိုးရက စီစဉ်နေသောကြောင့် ရုရှားပြည်သူများကြားတွင် ရှားရှားပါးပါး ဒေါသပေါက်ကွဲမှုဖြစ်ပေါ်နေပြီး သမ္မတ ဗလာဒီမာပူတင်၏ လူထုထောက်ခံမှု ပမာဏမှာလည်း ကျဆင်းသွားခဲ့သည်။

သို့သော် ယင်းမကျေနပ်မှုများသည် ယခုရွေးကောက်ပွဲအပေါ် များများစားစား သက်ရောက်နိုင်ဖွယ်မရှိပေ။ အဓိကအရေးပါသော မော်စကိုမြို့တော်ဝန်ရာထူးအတွက် မဲပေးမှုတွင်လည်း စိုးရိမ်ရသော အတိုက်အခံကိုယ်စားလှယ်လောင်းများမှာ ၀င်ပြိုင်ခွင့် ပိတ်ခံထားရသည်။

အတိုက်အခံခေါင်းဆောင် အလက်ဇီနာဗာညီအား ထောက်ခံသူ ၅၀ ခန့်သည် ဆန္ဒပြစုဝေးမှုများ မပြုလုပ်မီမှာပင် ဖမ်းခံလိုက်ရသည်ဟု သိရသည်။  နာဗာညီကိုယ်တိုင်ကမူ တရားမ၀င် ဆန္ဒပြပွဲတစ်ခုကြောင့် ထောင်တစ်လကျနေသည်။ နိုင်ငံအရှေ့ပိုင်းနှင့် ဆိုက်ဘေးရီးယားတို့တွင် ဆန္ဒပြပွဲစတင်သည်နှင့် တစ်ပြိုင်နက် ရဲများက လူဒါဇင်ပေါင်းများစွာကို ဖမ်းဆီးခဲ့ကြပြီး  စိန့်ပီတာစဘတ်၊ မော်စကိုတို့၌လည်း ဆန္ဒပြပွဲများ ပြုလုပ်ရန် စီစဉ်ထားကြောင်း သိရသည်။

မတ်လက သမ္မတရွေးကောက်ပွဲမတိုင်မီ ပူတင်သည် ရွေးကောက်ပွဲစကားစစ်ထိုးမှု၌ ပါဝင်ခဲ့ခြင်းမရှိသလို ၎င်းင်း၏ မဟာမိတ်ဖြစ်သော မော်စကိုမြို့တော်ဝန် ဆာဂေးဆိုယာ နင်သည်လည်း ယခုရွေးကောက်ပွဲအတွက် စကားစစ်ထိုးပွဲများ၌ ပါဝင်ခဲ့ခြင်း မရှိပေ။ သို့သော် အမည်ခံမျှသာရှိသော အတိုက်အခံတစ်ဦးတည်းနှင့်သာ ရင်ဆိုင်ရမည့် ဆိုယာနင်သည် ရွေးကောက်ပွဲတွင် မဲအများစုဖြင့် အနိုင်ရဖွယ်ရှိသည်။

အာဏာပိုင်များက မဲလာပေးသူဦးရေ မြင့်တက်စေရန်အတွက် မဲရုံများတွင် အစားအသောက်ပွဲတော်များ၊ ပွဲလမ်းသဘင်များပင် စီစဉ်ပေးထားကြသည်။

“ရွေးကောက်ပွဲစနစ်မှာ မပြည့်စုံမှုတွေ ရှိနေပေမယ့် ဒါဟာ သင်ရဲ့သဘောထားကို ထုတ်ပြနိုင်ဖို့အတွက် တစ်ခုတည်းသော နည်းလမ်းဖြစ်နေဆဲပါပဲ” ဟု မော်စကိုမှ မဲဆန္ဒရှင် အသက် ၄၄ နှစ်အရွယ် သွားဆရာဝန်တစ်ဦးက ဆိုသည်။

Ref ; AFP

မြောက်ကိုရီးယားခေါင်းဆောင် ကင်ဂျုံအွန်ကို သမ္မတပူတင်က ရုရှားသို့ ဖိတ်ကြား

Photo: AFP

ဒေါ်နယ်ထရန့် နှင့် ထိပ်သီးဆွေးနွေးပွဲ ရလဒ်များကို ချီးကျူးပြောကြားခဲ့ပြီးနောက် ရုရှားသမ္မတဗလာဒီမာပူတင်သည် ကင်ဂျုံအွန်ကို ရုရှားသို့ လာရောက်လည်ပတ်ရန် ဖိတ်ကြားချက်အား ဇွန် ၁၄ ရက်တွင် မြောက်ကိုရီးယား တာဝန်ရှိသူကို ပေးအပ်ခဲ့သည်။

အမေရိကန်သမ္မတနှင့် သမိုင်းဝင်ထိပ်သီးသည် လုံးလုံးလျားလျား ပြေလည်မှုဆီ ဦးတည်နေသော ပထမဦးဆုံး ခြေလှမ်း တစ်ရပ်ဖြစ်သည်ကို ယုံမှားစရာမလိုကြောင်း မြောက်ကိုရီးယား၏ နိုင်ငံတော်အကြီးအကဲ ကင်ယောင်နမ်ကို လက်ခံတွေ့ဆုံရာတွင် ပူတင်က ပြောကြားခဲ့သည်။

စင်ကာပူတွင် ထိပ်သီးဆွေးနွေးပွဲကို ကျင်းပခဲ့ခြင်းဖြင့် ထရန့်နှင့်ကင်တို့သည် ဇွန် ၁၂  ရက်တွင် သမိုင်းကို ဖန်တီးခဲ့ကြသည်။

ကင်နှင့် ထရန့်တို့၏ တွေ့ဆုံမှုသည် အဆံ ထက် ဟန်သာရှိသည်ဟု ဝေဖန်သူများက ပြောကြားခဲ့ကြပြီး ပြုံယန်း၏ အဏုမြူလက် နက်များနှင့် သက်ဆိုင်သော အဓိကပြဿနာရပ်အကြောင်းကို အသေးစိတ်ဖော်ပြမှု အနည်းအကျဉ်းသာ ပါသော စာရွက်စာတမ်းကို ထုတ်ပေးရုံမျှသာဖြစ်သည်ဟု ဝေဖန် ခဲ့ကြသည်။

 

နေတိုးက ပေါင်းစပ်စစ်ပွဲဗျူဟာအား အသုံးပြုသင့်ကြောင်း အထူးအစီရင်ခံစာ တင်သွင်းသူက တိုက်တွန်း

၂၀၁၅ ခုနှစ် မတ် ၂၁ ရက်က ပိုလန်တွင် ပူးတွဲစစ်ရေးလေ့ကျင့်မှု တစ်စိတ်တစ်ပိုင်းအဖြစ် အမေရိကန်၏ လေကြောင်းကာကွယ်ရေးနှင့် ဒုံးခွင်းစနစ်ပက်ထရိယော့ချထားမှုအား တွေ့ရစဉ် (Photo – AFP)

ပေါင်းစပ်စစ်ပွဲ တိုက်ခိုက်မှုများဟုဆိုသော ဖြစ်စဉ်များကို တုံ့ပြန်ရန်အတွက် နေတိုးအဖွဲ့ဝင်နိုင်ငံများသည် အဖွဲ့၏ပုဒ်မ ၅ ဖြစ်သော ဘုံကာကွယ်ရေး ပြဋ္ဌာန်းချက်ကို မွမ်းမံပြင်ဆင်သင့်ကြောင်း ကွန်ဆာဗေးတစ် ဥပဒေပြုအမတ်တစ်ဦးက မေ ၂၇ ရက်တွင် ထုတ်ပြန်ခဲ့သည့် အထူးအစီရင်ခံစာတစ်ခု၌ တိုက်တွန်းခဲ့သည်။

ရုရှားသည် နေတိုး၏ အပြည့်အ၀စစ် ဘက်တုံ့ပြန်မှုကို မဖြစ်စေဘဲ အနောက်တိုင်းအား အားနည်းစေရန်အတွက် ပူးသတ်ခြင်း၊ ၀ါဒဖြန့်ခြင်းနှင့် ဆိုက်ဘာစစ်ပွဲတို့အပါအ၀င် ပေါင်းစပ်စစ်ပွဲ ဗျူဟာများအား အသုံးချနေကြောင်း နေတိုးမဟာမိတ်များက စွပ်စွဲခဲ့ကြသည်။

ရုရှား၏ ပေါင်းစပ်ခြိမ်းခြောက်မှုများအား တန်ပြန်သည့် အထူးအစီရင်ခံစာတွင်  ဗြိတိန်သူကောင်းအမတ် ဂျိုပလင်းကနေ တိုးမဟာမိတ်များသည် ဘုံကာကွယ်ရေး စနစ် ပုဒ်မ ၅ (ခ) ရေးဆွဲရန်အတွက် စဉ်းစားသင့်ကြောင်း တိုက်တွန်းခဲ့သည်။ ထိုပုဒ်မအရ ပေါင်းစပ်တိုက်ခိုက်မှုများကြုံပါက နေတိုးမဟာမိတ်များသည် ဘုံတုံ့ပြန်မှုကို ပြုလုပ်စေနိုင်မည်ဖြစ်ကြောင်း ၎င်းက ၀ါဆောရှိ နေတိုးပါလီမန်အစည်းအဝေးတွင် ပြောကြားခဲ့သည်။

ပေါင်းစပ်ခြိမ်းခြောက်မှုများ မြင့်တက်လာမှုအပါအ၀င် ကမ္ဘာလုံးဆိုင်ရာလုံခြုံရေး အခြေအနေသစ်များအား ထင်ဟပ်မည့် နေတိုး၏ မဟာဗျူဟာမြောက်အယူအဆသစ်ကို မဟာမိတ်ခေါင်းဆောင်များက လာမည့်ဇူလိုင်တွင် ကျင်းပမည့် ထိပ်သီး၌ မူကြမ်းရေးဆွဲသင့်ကြောင်း ၎င်းက တိုက်တွန်းပြောကြားခဲ့သည်။

၎င်း၏ အကြံပြုချက်များအား လက်ခံ၊ မခံကို နေတိုးဥပဒေပြုအမတ်များက မတ် ၂၈ ရက်တွင် ပါလီမန်အပိတ် အစည်းအဝေး၌ မဲခွဲဆုံးဖြတ်ရမည် ဖြစ်သည်။

ဆိုက်ဘာတိုက်ခိုက်မှုကြောင့် နေတိုးမဟာမိတ်အဖွဲ့က ပုဒ်မ ၅ ဖြစ်သည့် ဘုံကာကွယ်ရေးပြဋ္ဌာန်းချက်အား အသုံးပြုသင့်၊ မသင့်ကို ဆုံးဖြတ်ရန် အဖွဲ့ဝင်နိုင်ငံများက လုပ်ဆောင်နေကြကြောင်း ဥရောပရှိ နေတိုးတပ်ဖွဲ့ာတပ်မှူးဖြစ်သော အမေရိကန်ဗိုလ်ချုပ် ကာတစ်စကာပရောတီက ပြီးခဲ့သောမတ်တွင် ပြောကြားခဲ့ဖူးသည်။ အဖွဲ့ဝင်နိုင်ငံတစ်နိုင်ငံအား ဆိုက်ဘာတိုက်ခိုက်ခံရပါက အဖွဲ့၏ ပုဒ်မ ၅ ကို အသုံးပြုရန် ဖြစ်စေနိုင်ကြောင်း နေတိုးခေါင်းဆောင်များက သဘောတူထားခဲ့ကြသည်။ ထို့ပြင် ထိုကိစ္စအတွက် အထူးပြု နားလည်မှုသည် မည်သို့တုံ့ပြန်ရန်အတွက် ဆုံးဖြတ်ရာတွင် ပိုမိုကောင်းမွန်သောလှုပ်ရှားမှုနှင့် ပြုလွယ်ပြင်လွယ်ဖြစ်မှုတို့ကို ပြုလုပ်နိုင်ကြောင်း ၎င်းက အမေရိကန်အထက်လွှတ်တော်ကော်မတီသို့ ပြောကြားခဲ့သည်။

ရုရှားက ကျင့်သုံးနေသော သွယ်ဝိုက် သို့မဟုတ် အချိုးမကျသည့် လုပ်ဆောင်မှုများ၊ ပဋိပက္ခအဆင့်အထိ မရောက်သည့် လှုပ်ရှားမှုများကြောင့် တုံ့ပြန်ရာတွင် ခက်ခဲမှုရှိကြောင်းကို နေတိုးမဟာမိတ်အဖွဲ့က လက်ခံထားကြောင်း စကာပရောတီက ပြောကြားခဲ့သည်။

နေတိုးသည် ဇူလိုင် ၁၁ ရက်နှင့် ၁၂ ရက် တို့တွင် ဘရပ်ဆဲ၌ ထိပ်သီးကျင်းပမည်ဖြစ်ပြီး ပေါင်းစပ်နှင့် ဆိုက်ဘာစစ်ဆင်ရေး နယ်ပယ်များတွင် ရုရှား၏ ခြိမ်းခြောက်မှု မြင့်တက်လာခြင်းနှင့် အကြမ်းဖက်မှုတိုက်ဖျက်ရေး ကိစ္စများက ဆွေးနွေးရန် အဓိကအကြောင်းအရာများ ဖြစ်လာမည် ဖြစ်သည်။

Ref ; AFP

ရုရှား၏ ခြိမ်းခြောက်မှုအား စိုးရိမ်မှုရှိနေစဉ် ဆွီဒင်က စစ်ပွဲဆိုင်ရာ အရေးပေါ်လက်ကမ်းစာစောင်များ ဖြန့်ဝေ

မေ ၂၁ ရက်က စတော့ဟုမ်းတွင် ဆွီဒင်အရေးပေါ်အခြေအနေ တုံ့ပြန်ရေးအေဂျင်စီက ဖြန့်ချိသော လက်ကမ်းစာစောင်အား တွေ့ရစဉ် (Photo – AFP)

ရုရှားနှင့် အနောက်တိုင်းမဟာမိတ်များအကြား တင်းမာမှုများ မြင့်တက်လာနေစဉ် ဆွီဒင်အစိုးရက သန်းနှင့်ချီသောပြည်သူများအား စစ်ပွဲ၊ သဘာဝဘေးအန္တရာယ် သို့မဟုတ် ဆိုက်ဘာတိုက်ခိုက်မှုဖြစ်ပွားသည့် အခြေအနေများအတွက် ကြိုတင်ပြင်ဆင်ရန် အရေးပေါ်အခြေအနေဆိုင်ရာ လက်ကမ်းစာစောင်များကို မေ ၂၁ ရက်တွင် ဖြန့်ဝေခဲ့ကြောင်း သိရသည်။ “ပဋိပက္ခ သို့မဟုတ် စစ်ပွဲဖြစ်ပွားလျှင်” ဟု ခေါင်းစဉ်တပ်ထားသည့် ထိုလက်ကမ်းစာစောင်အား အစိုးရ၏ မေတ္တာရပ်ခံမှုဖြင့် ဘာသာစကား ၁၃ မျိုးဖြင့် ထုတ်ဝေခဲ့ခြင်းဖြစ်ပြီး ခိုလှုံစရာများအား မည်သို့ရှာဖွေရန်၊ မည်သည့်စားစရာများအား သိုလှောင်ထားရန်နှင့် မည်သည့်အချက်အလက်များအား ယုံကြည်ရန် စသည်တို့ကို အကြံပြုထားခြင်း ဖြစ်သည်။

ထိုလက်ကမ်းစာစောင်များအား ပြည်သူ ၄ ဒသမ ၈ သန်းထံသို့ မေ ၂၈ ရက်မှ ဇွန် ၃ ရက်အကြား ဖြန့်ဝေပေးသွားမည် ဖြစ်သည်။ စာမျက်နှာ ၂၀ ပါသော ထိုလက်ကမ်းစာစောင်တွင် ဆွီဒင်က ရင်ဆိုင်နေရသည့် စစ်ရေးပဋိပက္ခ၊ သဘာဝဘေးများ၊ ဆိုက်ဘာနှင့် အကြမ်းဖက်တိုက်ခိုက်မှုများကဲ့သို့ ခြိမ်းခြောက်မှုများအား သရုပ်ဖော်ပုံများဖြင့် အသေးစိတ်ဖော်ပြခဲ့သည်။ ယင်းကဲ့သို့ လက်ကမ်းစာစောင်အား ဆွီဒင်က စစ်အေးခေတ်ကာလအတွင်း ၁၉၆၁ ခုနှစ်၌  နောက်ဆုံးအကြိမ် ဖြန့်ဝေပေးခဲ့သည်။ ယခုလက်ကမ်းစာစောင်တွင်မူ မည်သည့်နိုင်ငံဟု ရည်ညွှန်းမပြောခဲ့သော်လည်း နေတိုးနှင့် ရုရှားတို့အကြား ပဋိပက္ခဖြစ်ပွားမည်ကို စိုးရိမ်မှုမြင့်တက်နေချိန်၌ ထုတ်ပြန်ခဲ့ခြင်း ဖြစ်သည်။

ဆွီဒင်သည် နေတိုးအဖွဲ့ဝင်နိုင်ငံမဟုတ်ဘဲ ရုရှားနှင့်လည်း နယ်နိမိတ် မထိစပ်ပေ။ သို့သော် ယင်းနှစ်နိုင်ငံသည် ဘော်လ်တစ် ပင်လယ်တစ်လျှောက် ချိတ်ဆက်နေပြီး စတော့ဟုမ်းအရှေ့ဘက်ကမ်းရိုးတန်းရှိ ကာလီနင်ဂရက်တွင် တည်ရှိသော Baltiysk ၌ မော်စကိုက ရေတပ်စခန်းတစ်ခုကို တပ်စွဲထားသည်။

Ref ; AFP

အမေရိကန်အား တုံ့ပြန်သည့်အနေဖြင့် ရုရှားကလည်း သံတမန်များကို နှင်ထုတ်ပြီး ကောင်စစ်ဝန်ရုံးအား ပိတ်ပစ်

၂၀၁၇ ခုနှစ် ဇူလိုင် ၃၁ ရက်က စိန့်ပီတာစဘတ်ရှိ အမေရိကန်ကောင်စစ်ဝန်ရုံးကို တွေ့ရစဉ် (Photo: AFP)

ဗြိတိန်တွင် ရုရှားနှစ်ဖက်ချွန် သူလျှိုဟောင်း အဆိပ်ဖြင့်တိုက်ခိုက်ခံခဲ့ရမှုဖြစ်ခဲ့ပြီးနောက် အနောက်နိုင်ငံများက မော်စကိုအား အထီးကျန်စေရန် ပူးပေါင်းလုပ်ဆောင်ခဲ့မှုကို တုံ့ပြန်သည့်အနေဖြင့် ရုရှားကလည်း မတ် ၂၉ ရက်တွင် အမေရိကန်သံတမန်များအား အစုလိုက်အပြုံလိုက် နှင်ထုတ်ခဲ့ပြီး စိန့်ပီတာစဘတ်ရှိ အမေရိကန်ကောင်စစ်ဝန်ရုံးကို ပိတ်ပစ်ကြောင်း ကြေညာခဲ့သည်။ တိုက်ကြီး သုံးတိုက်တစ်ဝန်းမှ ရုရှားသံတမန်များ နှင်ထုတ်ခံခဲ့ရမှုအား တုံ့ပြန်ရန် မော်စကိုက အမေရိကန်သံတမန် ၆၀ အား နှင်ထုတ်ပြီး စိန့်ပီတာစဘတ်ရှိ အမေရိကန်ကောင်စစ်ဝန်ရုံးအား ပိတ်ပစ်မည်ဟု ရုရှားနိုင်ငံခြားရေးဝန်ကြီး ဆာဂေးလက်ရော့ဗ်က ဆိုခဲ့သည်။

အမေရိကန်သံတမန်များအား ရုရှား၏ နှင်ထုတ်မှုသည် နှစ်နိုင်ငံအကြား ဆက်ဆံရေးကို ပိုမိုဆိုးရွားစေသည့်သင်္ကေတဖြစ်ကြောင်း အိမ်ဖြူတော်ပြန်ကြားရေးအတွင်းဝန် ဆာရာဆန်ဒါးစ်က ပြောကြားခဲ့သော် လည်း ၀ါရှင်တန်နှင့် ၎င်း၏မဟာမိတ်များ၏ အလားတူလုပ်ရပ်များမှာမူ တရားမျှတ ကြောင်း ကာကွယ်ပြောကြားခဲ့သည်။

ဝါရှင်တန်က အစောပိုင်းတွင် ရုရှားသံတမန် ၆၀ အား နိုင်ငံမှထွက်ခွာရန် ညွှန်ကြားခဲ့ပြီး ဆီယက်တယ်ရှိ ရုရှားကောင်စစ်ဝန်ရုံးကိုလည်း ပိတ်ပစ်ခဲ့သည်။ အမေရိကန်၊ ဥရောပသမဂ္ဂနှင့် နေတိုးအဖွဲ့ဝင်နိုင်ငံများ နှင့် အခြားနိုင်ငံများက ရုရှားအား ချိတ်ဆက်တုံ့ပြန်မှုအဖြစ် ရုရှားသံတမန်စုစုပေါင်း ၁၅၀ ကျော်ကို နှင်ထုတ်ခဲ့ပြီးဖြစ်သည်။

မတ် ၄ ရက်က ဗြိတိန်ရှိ Salisbury မြို့တွင် ဆိုဗီယက်ယူနီယံခေတ်က ထုတ်လုပ်ခဲ့သည့် Novichok ဟုခေါ်သောအဆိပ်ဖြင့် တိုက်ခိုက်ခံခဲ့ရပြီး ကုသမှုခံယူနေသည့် အသက် ၆၆ နှစ်ရှိ သူလျှိုဟောင်းဆာဂေး ဆက်ကရီပါသည် အခြေအနေစိုးရိမ်ရသော် လည်း တည်ငြိမ်နေကြောင်း၊ ၎င်း၏သမီးဖြစ်သူ အသက် ၃၃ နှစ်ရှိ ယူလီယာမှာမူ မတ် ၂၉ ရက်တွင် ဆေးရုံ၌ အခြေအနေ အလျင်အမြန် တိုးတက်လာကြောင်း သိရသည်။

ရုရှားက မော်စကိုရှိ အမေရိကန်သံရုံးမှ သံတမန် ၅၈ ဦးနှင့် ယီကာတာရင်ဘတ်မြို့ရှိ ကောင်စစ်ဝန်ရုံးမှ နှစ်ဦးတို့အား ဧပြီ ၇ ရက်မတိုင်မီ ထွက်ခွာကြရန် ညွှန်ကြားထားကြောင်း ရုရှားနိုင်ငံခြားရေးဝန်ကြီးဌာနက ထုတ်ပြန်ခဲ့သည်။

အမေရိကန်က ရုရှားအစိုးရပိုင်ပစ္စည်းများအား သိမ်းယူနိုင်ကြောင်း ရုရှားဆိုင်ရာ အမေရိကန်သံအမတ်ကြီး ဂျွန်ဟန့်စ်မန်း၏ မှတ်ချက်များသည် နှစ်နိုင်ငံဆက်ဆံရေးကို ထပ်မံ၍ ပိုမိုဆိုးရွားစေနိုင်ကြောင်း၊ ၀ါရှင်တန်က ရုရှားသံရုံးနှင့် ကောင်စစ်ဝန်ရုံးများအား ရန်လိုသောလုပ်ရပ်များ ဆက်လက်လုပ်ဆောင်နေပါက နောက်ထပ်အရေးယူ ဆောင်ရွက်မှုများ ဖြစ်လာနိုင်ကြောင်း ရုရှားက သတိပေးခဲ့သည်။ ရုရှားသံတမန်များအား နှင်ထုတ်ခဲ့ကြသည့် အခြားနိုင်ငံများကိုလည်း ထပ်တူတုံ့ပြန်သွားရန်လည်း ရုရှားက စဉ်းစားနေကြောင်း လက်ရော့ဗ်က သတိပေးခဲ့သည်။

အဆိပ်ဖြင့်တိုက်ခိုက်မှုတွင် ရုရှားက တာဝန်ရှိကြောင်း စွပ်စွဲခဲ့ပြီးနောက် ဗြိတိန်က ရုရှားသံတမန် ၂၃ ဦးအား နှင်ထုတ်ခဲ့ပြီး အဆင့်မြင့်တာဝန်ရှိသူများအကြား ဆက်သွယ်မှုကို ဆိုင်းငံ့ခဲ့ကာ ၂၀၁၈ ကမ္ဘာ့ဖလားပြိုင်ပွဲသို့ တော်ဝင်မိသားစုများ တက်ရောက်မည်မဟုတ်ကြောင်း ထုတ်ပြန်ခဲ့သည်။