နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ရိုက်တာသတင်းထောက် နှစ်ယောက် နိုင်ငံတော် လျှို့ဝှက်ချက် ဖောက်ဖျက်သည်ဟု ပြောကြားခြင်းအပေါ် ၀မ်းနည်းစိတ်မကောင်း ဖြစ်ရကြောင်း ကိုဝလုံး၏ဇနီး ပြောကြား

ဓာတ်ပုံ – ကြည်နိုင်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ရိုက်တာသတင်းထောက် နှစ်ယောက် ကိုဝလုံးနှင့် ကိုကျော်စိုးဦး နိုင်ငံတော်လျှို့ဝှက်ချက် ဖောက်ဖျက်သည်ဟု ပြောကြားခြင်းအပေါ် ၀မ်းနည်းစိတ်မကောင်း ဖြစ်ရကြောင်း ကိုဝလုံး၏ ဇနီးဖြစ်သူ မပန်အိမွန်က ပြောကြားသည်။

ရိုက်တာသတင်းထောက် နှစ်ယောက်ကို ထောင်(၇)နှစ် ချမှတ်ပြီး နောက်တစ်နေ့တွင် သတင်းထောက်နှစ်ဦး၏ ဇနီးသည်နှစ်ဦး၊ ရှေ့နေနှစ်ဦးနှင့် မိသားစုဝင် တစ်ဦးတို့က ရန်ကုန်မြို့၊ Orchid Hotel ၌ ပြည်တွင်းပြည်ပ မီဒီယာများနှင့် ပြုလုပ်သည့် သတင်းစာရှင်းလင်းတွင်  မပန်အိမွန်က အထက်ပါအတိုင်း ပြောကြားခဲ့ခြင်း ဖြစ်သည်။

ရိုက်တာသတင်းထောက် ကိုဝလုံး၏ ဇနီးဖြစ်သူ မပန်အိမွန်က “လျှို့ဝှက်ချက်ကို ဖောက်ဖျက်တယ်ဆိုတဲ့ အခါကျတော့ ရင်ထဲမှာ တော်တော် စိတ်မကောင်း ဝမ်းနည်းတယ်။ ဘာလို့လဲဆိုတော့ ကိုယ့်ခေါင်းဆောင် တစ်ယောက်က သေချာသူတို့အကြောင်းကို မသိပါလား၊ မောင်ဝလုံးရော အစ်မတို့ မိသားစုဝင်တွေရော သူ့အပေါ်မှာ အရမ်းကို လေးစားအထင်ကြီးခဲ့မိတဲ့ အခါကျတော့ ကိုယ်အထင်ကြီး လေးစားရတဲ့သူက ကိုယ့်ပေါ်မှာ အမြင်လွဲနေတဲ့အတွက် အရမ်းဝမ်းနည်းပါတယ်” ဟု ရှင်းလင်းပွဲတွင် ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို NHK သတင်းဌာနက ဇွန်လအတွင်းက သီးသန့်တွေ့ဆုံ မေးမြန်းခြင်း ပြုလုပ်ခဲ့ပြီး ရိုက်တာသတင်းထောက် နှစ်ယောက်နှင့် ပတ်သက်၍ မေးမြန်းခဲ့ရာတွင် အတိုင်ပင်ခံပုဂ္ဂိုလ်က “ရခိုင်အရေးကို သတင်းယူလို့ ဖမ်းဆီးခံခဲ့ရတာ မဟုတ်ပါဘူး။ နိုင်ငံတော် လျှို့ဝှက်ချက်ဥပဒေကို ချိုးဖောက်တဲ့ အတွက်သာ သူတို့အဖမ်းခံရတာပါ။ တရားစီရင် စစ်ဆေးမှုနဲ့ ပတ်သက်လို့ ပြန်ကြားသိခွင့်ရှိနေတယ် ဆိုတာကို ရှင်သတိထားမိမယ် ထင်ပါတယ်။ ဒီဖြစ်စဉ်အတွင်း ကိစ္စတိုင်းက လုပ်ထုံးလုပ်နည်းတွေ အတိုင်းပဲ လုပ်ဆောင်နေတာပါ” ဟု ထည့်သွင်းဖြေကြားခဲ့သည်။

ဓာတ်ပုံ – ကြည်နိုင်

ရိုက်တာသတင်းထောက် နှစ်ဦးအတွက် ရက်ပေါင်း ၆၀ အတွင်း အမြန်ဆုံး အယူခံဝင်ရန် ဆောင်ရွက်သွားမည်ဖြစ်ပြီး တရားရုံးလမ်းကြောင်းအရ ဆောင်ရွက်စရာများ စီစဉ်နေပြီဖြစ်ကြောင်း သတင်းထောက်နှစ်ဦး၏ ရှေ့နေ တရားလွှတ်တော်ရှေ့နေ ဦးခင်မောင်ဇော်က ရှင်းလင်းပြောကြားသည်။

“ကျွန်တော်တို့ အယူခံအပါအ၀င်၊ အယူခံဆိုတာ တစ်ခုတည်းရှိတယ်။ လုပ်စရာရှိတာတွေ လုပ်သွားမယ်။ နောက်တစ်ခါ တရားရုံး လမ်းကြောင်းအရ လုပ်စရာ ရှိတာတွေကော တခြားလုပ်စရာ ရှိတာတွေ အကုန်လုံး ဥပဒေအရ စီစဉ်နေပါပြီ” တရားလွှတ်တော်ရှေ့နေ ဦးခင်မောင်ဇော်က မီဒီယာများ ဖြေကြားသည်။

ထောင်ဒဏ်ချမှတ် ခံထားရသည့် သတင်းထောက် ကိုဝလုံး၏ဇနီး မပန်အိမွန်၊ သတင်းထောက် ကိုကျော်စိုးဦး၏ ဇနီး မချစ်စုဝင်းတို့သည် သတင်းစာ ရှင်းလင်းပွဲတွင် မီဒီယာများ၏ မေးမြန်းမှုများစွာကို ဖြေကြားခဲ့သည်။

သတင်းထောက်နှစ်ဦး လွတ်မြောက်ရေးအတွက် နိုင်ငံတော်သမ္မထံ အသနားခံစာတင်ရန် ဆက်လက် လုပ်ဆောင်မည်ဖြစ်ကာ ဆောင်ရွက်စရာ ကိစ္စရပ်များအားလုံး လုပ်ဆောင်ရန် ဆုံးဖြတ်ထားကြောင်း ဇနီးသည် နှစ်ဦးက ပြောကြားသည်။

ထို့ပြင် ထောင်ဒဏ် ၇ နှစ် ချမှတ်ခံမည်ကို မမျှော်လင့်ထားကြောင်းနှင့် အမိန့်ချလိုက်သည်ဆိုသော သတင်းမှာ မျှော်လင့်ချက်များ ရိုက်ချိုးခံလိုက်ရသလို ခံစားရကြောင်း ဇနီးသည်များက ပြောကြားသည်။

ကိုကျော်စိုးဦးဇနီး မချစ်စုဝေက “မထင်မှတ်ဘဲ ထောင်ဒဏ် ၇ နှစ်ကျတာ လုံးဝမခံစားနိုင်ပါဘူး။ ကိုယ်က အိမ်ကိုအတူ ပြန်ရမယ်လို့ဘဲ ယုံကြည်ထားတယ်။ သူဆိုရင်လည်း အဲ့လိုပါပဲ။ မနက်ဖြန် လွှတ်မှာဘဲလို့ စိတ်ကူးလေးနဲ့။ ဒါပေမယ့် မဖြစ်လာခဲ့ပါဘူး။ တော်တော်ရူးမတတ် ခံစားရတယ်။ ကိုယ့်ကိုကိုယ် အရူးတစ်ယောက်လိုပဲ ခံစားရတယ်။ သူတို့မှာ လုံးဝအပြစ်မရှိပါဘူး။ သူတို့အလုပ်ကိုပဲ သူတို့လုပ်တာပါ” ဟု ၀မ်းနည်းစွာ ပြောကြားသည်။

ဓာတ်ပုံ – ကြည်နိုင်

ကိုဝလုံးဇနီး မပန်အိမွန်ကလည်း “မနေ့က မောင်ဝလုံးနဲ့ သွားတွေ့ပါတယ်။ မျှော်လင့်ထားတာကြတော့ ဒီလောက်ကြီး ပြစ်ဒဏ်ချလိမ့်မယ်လို့ တစ်ခါမှ မမျှော်လင့်ထားဘူး။ ဘာလို့လဲဆို သူတို့နှစ်ယောက်လုံးက အမှားမလုပ်ခဲ့ဘူးဆိုတာ အကုန်လုံးလည်းသိတယ်။ သူတို့ကိုယ်တိုင်လည်းသိတယ်။ သူတို့ကို အခုလို ဖမ်းဆီးခဲ့တဲ့သူတွေ ကိုယ်တိုင်လည်း သူတို့တကယ် အမှားလုပ်လား၊ မလုပ်လားဆိုတာ ကာယကံရှင်တွေ အသိဆုံးပါပဲ။ ဒီလောက်ကြီး ပြစ်ဒဏ်ချလိမ့်မယ်လို့ မမျှော်လင့်ထားဘူး။ ကြားကာစမှ တော်တော်ကြေကွဲ ခဲ့ရတယ်။ မောင်ဝလုံးနဲ့ သွားတွေ့တော့ သူကဘာပြောလည်း ဆိုတော့ သူတို့က ဘာအမှားမှ မလုပ်ထားဘူး။ မတရား ဖမ်းဆီးခံရပြီးတော့ ဒီလိုထောင်ချောက်ဆင် အဖမ်းခံလိုက်ရတယ်။ အခုထောင်ချခံလိုက်ရတဲ့ အတွက် တော်တော်ယူကြုံးမရ ဖြစ်မိတယ်လို့ သူကလည်း ပြောခဲ့တယ်။ မိသားစုတွေ အားလုံးက ကိုယ်ကလည်း စပြီးတော့ ကိုယ်ဝန်ရှိကတည်းက အားတင်ပြီး ထားတာပေါ့။ ကိုယ်ဝန်ဆောင်တဲ့ကာလ တစ်လျှောက်မှာလည်း မကြာခင်မှာ င့ါယောင်္ကျား ပြန်လွှတ်လာမယ် ဆိုပြီးတော့ အားတင်ပြီးတော့ ထားခဲ့လိုက်ရတာ။ နောက်ဆုံး ကလေးသာ မွေးသွားခဲ့ရတယ်။ မျှော်လင့်ချက်က ဖြစ်မလာခဲ့ဘူး။ အဲ့အခါ ကျတော့လည်း ငါ့ကလေးနဲ့ သူ့အဖေ မကြာခင် ပြန်တွေ့ရမှာပါလေဆိုပြီး မျှော်လင့်ချက်နဲ့ ဆက်ပြီးရပ်တည်ခဲ့တယ်။ ဒါပေမယ့် အမိန့်ချလိုက်တဲ့ အခါမှာ ကိုယ့်မျှော်လင်ချက်က ရိုက်ချိုးလိုက်သလို ခံစားရတယ်” ဟု ၀မ်းနည်းစွာဖြင့် မီဒီယာများအား ပြောကြားသည်။

သတင်းထောက် နှစ်ဦးစလုံးတွင် သမီးတစ်ယောက်စီ ကိုယ်စီရှိကြပြီး ကိုဝလုံး၏ သမီးမှာ လသားအရွယ်သာ ရှိသေးပြီး ကိုကျော်စိုးဦး သမီးမှာ သုံးနှစ်အရွယ်ခန့်သာ ရှိသေးသည်။

“သမီလေးကိုတော့ စိတ်ဒဏ်ရာရမှာ ကြောက်တယ်။ သူ့သမီးလေးနဲ့ သူအမြန်ဆုံး တွေ့စေချင်တယ်။ အမြန်ဆုံးသူ့ကို လွတ်မြောက်စေချင်တယ်။ မိသားစု အရင်လို ပျော်ပျော်ရွှင်ရွှင်ပဲ နေချင်တယ်” ဟု မချစ်စုဝေက ပြောကြားသည်။

မပန်အိမွန်အနေဖြင့် ကိုယ်ဝန်ဆောင်နေရချိန်နှင့် ကလေးမီးဖွားသည့် အချိန်တွင် ကိုဝလုံးမှာ အချုပ်ထဲတွင် ဖမ်းဆီးခံရပြီး အမှုရင်ဆိုင် နေရချိန်လည်းဖြစ်သည်။

မပန်အိမွန်က “ကိုယ့်သမီးလေးက ဘာမှမသိသေးတဲ့ အချိန်မှာ သူတဖြေးဖြေး သိလာမယ်ဆိုတဲ့ ဒီ ၇ နှစ်ဆိုတဲ့ အတိုင်းအတာ အဖေဘယ်မှာလဲ၊ အဖေဘယ်ရောက်နေလဲ ဆိုတဲ့ဟာ သူသိမှာက အမေတစ်ယောက်ထဲကိုပဲ သိမှာ။ သူက စမွေးလာကတည်းက အဖေဆိုတာကို မတွေ့ခဲ့ရတဲ့ အခါကျတော့ စိတ်ထဲမှာတော့ တော်တော်မကောင်းဘူး။ အမြန်ဆုံးတော့ လွတ်စေချင်ပါပြီ” ဟု ပြောကြားသည်။

 

ရိုက်တာသတင်းထောက် နှစ်ဦးအား ထောင်ဒဏ်ချမှတ်ခဲ့မှုနှင့် ပတ်သက်၍ ဒေါ်အောင်ဆန်းစုကြည်၏ တိတ်ဆိတ်နေမှုကို ရိုက်တာဂျာနယ်လစ်ဟောင်း တစ်ဦးဖြစ်သူ ပြန်ကြားရေးဝန်ကြီးဌာန ဒုတိယ၀န်ကြီးက ကာကွယ်ပြောကြား

ပြန်ကြားရေးဝန်ကြီးဌာန ဒုတိယ၀န်ကြီး ဦးအောင်လှထွန်းအား တွေ့ရစဉ် (ဓာတ်ပုံ – စည်သူ)

ရိုက်တာသတင်းထောက် နှစ်ဦးအား ထောင်ဒဏ်ချမှတ်မှုနှင့် ပတ်သက်၍ နိုင်ငံတကာက ပြင်းထန်စွာ ဝေဖန်မှုများ ပြုလုပ်သော်လည်း မြန်မာနိုင်ငံ၏ အရပ်သား အစိုးရအဖွဲ့ခေါင်းဆောင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တစ်စုံတစ်ရာ ပြောကြားခြင်း မပြုဘဲ တိတ်ဆိတ်နေမှုကို မြန်မာနိုင်ငံဘက်က စက်တင်ဘာ ၄ ရက်တွင် ကာကွယ်ပြောကြားမှုများ ပြုလုပ်ခဲ့ကြောင်း သိရသည်။

ဝလုံး (၃၂ နှစ်) နှင့် ကျော်စိုးဦး (၂၈ နှစ်) တို့သည် လွန်ခဲ့သည့်နှစ်က ဘင်္ဂါလီမွတ်စလင် ၇၀၀,၀၀၀ ခန့်အား တပ်မတော်က မောင်းထုတ်ခဲ့မှုအတွင်း ရက်စက်ကြမ်းကြုတ်မှုများ ကျူးလွန်ခဲ့သည့်အကြောင်း သတင်းရယူရန် ကြိုးပမ်းစဉ်အတွင်း ဖမ်းဆီးထိန်းသိမ်း ခံခဲ့ရခြင်းဖြစ်သည်။

စက်တင်ဘာ ၃ ရက်တွင် ရန်ကုန်မြို့ရှိ တရားရုံးတစ်ခုက ၎င်းတို့သည် အစိုးရလျှို့ဝှက်ချက် အက်ဥပဒေအောက်၌ အပြစ်ရှိကြောင်း တွေ့ရှိသည် ဟုဆိုကာ ထောင်ဒဏ် ၇ နှစ် ချမှတ်ခဲ့သောကြောင့် ကုလသမဂ္ဂ၊ ဥရောပသမဂ္ဂနှင့် အမေရိကန်တို့အပြင် မီဒီယာများနှင့် လူ့အခွင့်အရေး အဖွဲ့များက ဒေါသထွက်ခဲ့ကြသည်။

ဒေါ်အောင်ဆန်းစုကြည် ကိုယ်တိုင်သည် ၁၅ နှစ်ခန့် နေအိမ်အကျယ်ချုပ် ကျခံခဲ့ရပြီး သူ၏ဒုက္ခများကို အထူးပြုဖော်ပြရန် ပြည်ပမီဒီယာများကို အားကိုးခဲ့ရသည်။

လွန်ခဲ့သည့် သီတင်းပတ်အတွင်းက ထုတ်ပြန်ခဲ့သည့် ကုလသမဂ္ဂ အစီရင်ခံစာ တစ်ရပ်တွင် ဒေါ်အောင်ဆန်းစုကြည်သည် လွန်ခဲ့သည့်နှစ်က အကြမ်းဖက်မှုများကို တားဆီးရေးအတွက် သူ၏ကိုယ်ကျင့်တရားဆိုင်ရာ အာဏာကို အသုံးပြုရန် ပျက်ကွက်ခဲ့သည်ဟု စွပ်စွဲခဲ့ပြီး မြန်မာဗိုလ်ချုပ်များအား လူမျိုးတုံး သတ်ဖြတ်မှုအတွက် တရားစွဲဆိုရန် တောင်းဆိုခဲ့သည်။

မြန်မာနိုင်ငံတွင် မကြာသေးမီနှစ်များအတွင်း လွတ်လပ်စွာပြောဆိုခွင့်နှင့် ပတ်သက်၍ အပြင်းထန်ဆုံး စမ်းသပ်မှု ဖြစ်သည့် ရိုက်တာသတင်းထောက် နှစ်ဦး၏ အမှုနှင့် စီရင်ချက်တို့အပေါ် ဒေါ်အောင်ဆန်းစုကြည်၏ တိတ်ဆိတ်နေမှုသည် သူ၏ဂုဏ်သတင်း ကျော်စောမှုကို ထပ်မံ၍ပင် ပျက်စီးစေသည် ဟုဆိုသည်။

ရိုက်တာသတင်းဌာနမှ ဂျာနယ်လစ်ဟောင်း တစ်ဦးဖြစ်ပြီး ယခုအခါ အစိုးရအဖွဲ့၌ ပြန်ကြားရေး ၀န်ကြီးဌာန ဒုတိယ၀န်ကြီးအဖြစ် ထမ်းဆောင်နေသော ဦးအောင်လှထွန်းက ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည်၏ နှုတ်ဆိတ်နေမှုနှင့် ပတ်သက်၍ ကာကွယ်ပြောကြားခဲ့သည်။

“တရားစီရင်ရေးစနစ်ကို ဝေဖန်တာဟာ တရားရုံး မထီမဲ့မြင်မှု မြောက်ပါတယ်။ ဒါမျိုး သူလုပ်လိမ့်မယ်လို့ ကျွန်တော် မထင်ပါဘူး” ဟု ဦးအောင်လှထွန်းက ဒေါ်အောင်ဆန်းစုကြည်အား ကာကွယ်ပြောကြားခဲ့သည်။

ဖွင့်ချပြောဆိုသော ရဲအရာရှိတစ်ဦးက သတင်းထောက်များသည် ရဲအဖွဲ့၏ ထောင်ချောက်ဆင်ခြင်း ခံရကြောင်းနှင့် ၎င်းတို့ဖမ်းဆီးမခံရမီ ညစာစားစဉ် စာရွက်စာတမ်းများ ပေးအပ်ခဲ့ခြင်းဖြစ်ကြောင်း တရားခံများဘက်မှ ချေပချက်ကို ထောက်ခံပြောကြားခဲ့သည်။ သို့သော် တရားသူကြီးက အဆိုပါရဲအရာရှိ၏ ထွက်ဆိုချက်ကို လျစ်လျူပြုခဲ့သည်။

အမှုစစ်ဆေးမှု လုပ်ငန်းစဉ်သည် ရှည်လျားပြီး နှစ်ချီ၍ မဟုတ်ဘဲ လနှင့်ချီလျက် ကြာနိုင်သော်ငြားလည်း သတင်းထောက်နှစ်ဦး၏ ရှေ့နေများက ယခုစီရင်ချက်ကို အယူခံဝင်မည်ဖြစ်ကြောင်း ပြောကြားခဲ့သည်။

ဒေါ်အောင်ဆန်းစုကြည်၏ အနီးကပ် မဟာမိတ်ဖြစ်သော နိုင်ငံတော်သမ္မတ ဦးဝင်းမြင့်သည် သတင်းထောက် နှစ်ဦးအား လွတ်ငြိမ်းချမ်းသာခွင့် ပေးနိုင်သော်လည်း လတ်တလော ၀င်ရောက်စွက်ဖက်မှု ပြုလုပ်ဖွယ် မရှိဟု ကျွမ်းကျင်သူများက ပြောကြားခဲ့သည်။

ဧပြီလအတွင်းက နိုင်ငံရေးအကျဉ်းသားဟု သတ်မှတ်၍ရသော လူပေါင်း ၃၆ ဦး အပါအ၀င် စုစုပေါင်း လူပေါင်း ၈၅၀၀ ကို လွတ်ငြိမ်းချမ်းသာခွင့်ဖြင့် လွှတ်ပေးခဲ့သော်လည်း ယခု ရိုက်တာသတင်းထောက်နှစ်ဦး အပါအ၀င် လူပေါင်း ၂၀၀ ခန့်သည် နိုင်ငံရေး လှုပ်ရှားမှုများနှင့် ဆက်နွှယ်သော ရုံးတင်စစ်ဆေးမှုများနှင့် ရင်ဆိုင်နေရဆဲ ဖြစ်သည်။

တစ်ချိန်က ပြည်ပမှ ဒေါ်အောင်ဆန်းစုကြည်ကို အားပေးထောက်ခံ ခဲ့သူများသည် ယခုအထိ ရိုက်တာသတင်းထောက်များ၏ ဒုက္ခအပေါ် ထားရှိသည့် ဒေါ်အောင်ဆန်းစုကြည်၏ သဘောထားနှင့် ပတ်သက်၍ အံ့သြတုန်လှုပ်ခဲ့ရသည်ဟု ဆိုသည်။

ရိုက်တာသတင်းထောက် နှစ်ဦးအား ရုံးတင်စစ်ဆေးမှု ပြုလုပ်စဉ်အတွင်း ဒေါ်အောင်ဆန်းစုကြည်က ၎င်းတို့နှစ်ဦးသည် အစိုးရလျှို့ဝှက်ချက် အက်ဥပဒေကို ချိုးဖောက်ခဲ့ကြောင်း ဂျပန်အသံလွှင့်ဌာနဖြစ်သော NHK ကို ပြောကြားခဲ့မှုနှင့် ပတ်သက်၍ လူ့အခွင့်အရေးအဖွဲ့များက စီရင်ချက်အပေါ် ကြိုတင်သက်ရောက်နိုင်ခြေ ရှိသည်ဟုဆိုကာ  ဝေဖန်ခဲ့ကြသည်။

ရခိုင်အရေးနှင့် ပတ်သက်၍ ဒေါ်အောင်ဆန်းစုကြည်၏ အကြံပေး ဘုတ်အဖွဲ့ကို ယုံကြည်မှုရှိခဲ့ပြီး အဖွဲ့ဝင်တစ်ဦးလည်း ဖြစ်ခဲ့သည့် အမေရိကန်သံတမန် ဘီရစ်ချက်ဆင်က ယခုနှစ်အစောပိုင်းတွင် ဒေါ်အောင်ဆန်းစုကြည်နှင့် စကားများခဲ့စဉ်အတွင်း ဒေါ်အောင်ဆန်းစုကြည်သည် သတင်းထောက် နှစ်ဦးအား သစ္စာဖောက်များအဖြစ် ရှုတ်ချခဲ့သည်ဟု စွပ်စွဲခဲ့သည်။

ယခုအမှုသည် အနောက်တိုင်းအား တုန်လှုပ်စေခဲ့သော်လည်း စာနယ်ဇင်း လွတ်လပ်ခွင့်အတွက် အရေးကြီးသည့်တိုင် ပြည်တွင်း၌ လူအများ အာရုံစိုက်မှု နည်းပါးသည်ဟု အေအက်ဖ်ပီ သတင်းဌာနက ဖော်ပြသည်။

သတင်းထောက်များအား ထောင်ဒဏ်ချမှတ်ခြင်းနှင့် ပတ်သက်၍ ပြည်တွင်း၌ တုံ့ပြန်မှုများသည် ရောထွေးလျက် ရှိသည်ဟု ဆိုသည်။

ပြည်တွင်းရှိ အစိုးရက ကျောထောက်နောက်ခံ ပြုပေးထားသော မီဒီယာများက စီရင်ချက် အကြောင်းမျှလောက်ကိုသာ ဖော်ပြခဲ့သော်လည်း အခြားသတင်းစာများက သတင်းထောက်များဘက်မှ တညီတညွတ်တည်း ရပ်တည်ခဲ့ကြသည် ဟုဆိုသည်။

မကြာသေးမီကမှ အွန်လိုင်းသုံးစွဲခွင့် ရခဲ့သော မြန်မာနိုင်ငံတွင် လူများစွာတို့အတွက် အဓိက သတင်းရင်းမြစ် ဖြစ်နေသည့် Facebook တွင် မှတ်ချက်များသည် သတင်းထောက်များကို ဆန့်ကျင်မှုက လွှမ်းမိုးနေပြီး သတင်းထောက်များအား ဘက်လိုက်သည်ဟု စွပ်စွဲလျက် အချို့ဆိုလျှင် ပို၍ပြင်းထန်သည့် ပြစ်ဒဏ်ပေးရန်ပင် တောင်းဆိုနေကြသည်။

ရန်ကုန်မြို့လယ်ရှိ အွန်လိုင်းမဟုတ်သော လက်တွေ့ဘ၀ ပြင်ပ၌မူ သတင်းထောက်များအပေါ် စာနာမှုကို အွန်လိုင်းမှာထက်ပို၍ အလွယ်တကူ တွေ့ရှိနိုင်သည် ဟုဆိုသည်။

“ဂျာနယ်လစ်တွေအတွက် ကျွန်တော် စိတ်မကောင်းပါဘူး။ သမ္မတက သူတို့ကို လွတ်ငြိမ်းချမ်းသာခွင့်ပေးဖို့ ကျွန်တော် မျှော်လင့်ပါတယ်” ဟု လုပ်ငန်းရှင် တစ်ဦးဖြစ်သူ ဦးသက်အောင်ထိုက်က အေအက်ဖ်ပီ သတင်းဌာနသို့ ပြောကြားခဲ့သည်။

Ref : AFP

ရိုက်တာသတင်းထောက် ကိုဝလုံးနှင့် ကိုကျော်စိုးဦးကို ထောင် ၇ နှစ် ချမှတ်ခြင်းသည် အစိုးရက မီဒီယာ လွတ်လပ်ခွင့်ကို ဖိနှိပ်သည့် လုပ်ရပ်ဟု နိုင်ငံအနှံ့ရှိ မီဒီယာကွန်ရက်များ ထုတ်ပြန်

ရိုက်တာသတင်းထောက်နှစ်ဦးကို ထောင်ဒဏ် ၇ နှစ်ချမှတ်ခဲ့မှုအ​ပေါ် မန္တ​လေးအ​ခြေစိုက်​ သတင်း​ထောက်​များက စက်တင်ဘာ ၃ ရက်က မန္တလေး မဟာမုနိဘုရားတွင် ဆုတောင်းပွဲပြုလုပ်စဉ်

ရိုက်တာသတင်းထောက် ကိုဝလုံးနှင့် ကိုကျော်စိုးဦးကို ထောင်ဒဏ် ၇ နှစ် ချမှတ်ခြင်းသည် မြန်မာအစိုးရက သတင်းမီဒီယာ လွတ်လပ်ခွင့်ကို ဖိနှိပ်သည့် လုပ်ရပ်ဟု နိုင်ငံအနှံ့ရှိ မီဒီယာကွန်ရက်များမှ စက်တင်ဘာ ၄ ရက်တွင် ထုတ်ပြန်သည်။

ပြည်သူလူထု၏ သတင်းသိပိုင်ခွင့်အတွက် လူ့အခွင့်အရေး ချိုးဖောက်မှု၊ လူသားမဆန်သည့် ရာဇ၀တ်မှု ကျူးလွန်သည့် ကိစ္စရပ်များကို သတင်းဖော်ထုတ်ရေးသားရန် တာဝန်ရှိသည့်အလျှောက် ၄င်းသတင်းထောက် နှစ်ဦးက ဖော်ထုတ်ရေးသားခြင်းသည် အမျိုးသားရေးနှင့် နိုင်ငံတော်ကို သစ္စာဖောက်ခြင်း မဟုတ်ဘဲ စတုတ္ထမဏ္ဍိုင်၏ တာဝန်ရှိသည့်အလျောက် ဖော်ထုတ်ရေးသားခြင်းသာ ဖြစ်ကြောင်း နိုင်ငံအနှံ့ရှိ မီဒီယာကွန်ရက်များ၏ ထုတ်ပြန်ချက်တွင် ဖော်ပြထားသည်။

သတင်းထောက်နှစ်ဦးကို ရဲတပ်ဖွဲ့ဝင်တစ်ချို့က ထောင်ချောက်ဆင်ကာ လျှို့ဝှက်စာရွက်စာတမ်း ဆိုသည့်အရာ သတင်းထောက်နှစ်ဦး၏ လက်ဝယ်ရောက်စေရန် ကြိုတင်ကြံစည် အမှုဆင် ဖမ်းဆီးခဲ့သည်ကို တရားရုံးတော်၌ စစ်ဆေးကြားနာ ချက်များအရ ထင်ရှားပြီးဖြစ်ကြောင်း၊ နိုင်ငံတော်အစိုးရ လျှို့ဝှက်ချက် အက်ဥပဒေဖြင့် ဖမ်းဆီးပြစ်ဒဏ် ချခဲ့ခြင်းသည် ပြည်သူတို့၏ သတင်းအမှန် သိပိုင်ခွင့်၊ လွတ်လပ်စွာ ထုတ်ဖော်ပြောဆိုခွင့်နှင့် မီဒီယာများ အနေဖြင့် လွတ်လပ်စွာ ဖော်ထုတ်ရေးသားခွင့်ကို ပြင်းထန်စွာ ဟန့်တာခြိမ်းခြောက်ခြင်း ဖြစ်သည့်အတွက် ပြင်းထန်စွာ ကန့်ကွက်ကြောင်း ထုတ်ပြန်ချက်တွင် ပါရှိသည်။

မြန်မာနိုင်ငံကို အုပ်ချုပ်သူအစိုးရ မနှစ်သက်သော လုပ်ဆောင်မှုများ သတင်းရေးသားမှုများ လုပ်ဆောင်လျှင် ထောင်ကျနိုင်သည့်နိုင်ငံ၊ သတင်းထောက်များအတွက် အန္တရာယ်ရှိနေသည့်နိုင်ငံ၊ သတင်းစာ လွတ်လပ်ခွင့် တဖြည်းဖြည်း ဆိတ်သုဉ်းလာသည့် နိုင်ငံအဖြစ် နိုင်ငံတကာ အသိုင်းအ၀ိုင်းက ရှုမြင်နေပြီး ယင်းအခြေအနေမှာ မြန်မာနိုင်ငံ၏ ဒီမိုကရေစီ အသွင်ကူးပြောင်းရေး လုပ်ငန်းစဉ်အား ကြီးမားသည့် အဟန့်အတား ဖြစ်စေသည်ကို အစိုးရအနေဖြင့် သတိမူသင့်ပါကြောင်း ထုတ်ပြန်ချက်က ဆိုသည်။

ထို့ကြောင့် NLD အစိုးရအနေဖြင့် ကျဆင်းနေသည့် သတင်းစာ လွတ်လပ်ခွင့် ပြန်လည်မြှင့်တင်ပေးရန်၊ စိုးရိမ်ကြောက်ရွံ့မှု ကင်းဝေးစွာဖြင့် မိမိတို့ စတုတ္ထမဏ္ဍိုင်တာဝန်ကို ထမ်းဆောင်နိုင်ရေး ဖော်ဆောင်ပေးရန်၊ သတင်းမီဒီယာဥပဒေ၊ တည်ဆဲဥပဒေများနှင့်အညီ သတင်းသမားများကို ကာကွယ်ပေးရန်နှင့် တရားစီရင်ရေးမဏ္ဍိုင် အနေဖြင့် ရိုက်တာသတင်းထောက်နှစ်ဦးကို ဥပဒေလမ်းကြောင်းအရ အခြားသော လုပ်ဆောင်နိုင်သည့် နည်းလမ်းများဖြင့် ဆောင်ရွက်ပေးရန် တောင်းဆိုကြောင်း နိုင်ငံအနှံ့ရှိ သတင်းမီဒီယာ ကွန်ရက်များ၏ ထုတ်ပြန်ချက်တွင် ပါရှိသည်။

ထုတ်ပြန်ချက်ကို မြန်မာဂျာနယ်လစ်ကွန်ရက်၊ မြေလတ်ဂျာနယ်လစ်ကွန်ရက်၊ မကွေးဂျာနယ်လစ်ကွန်ရက်၊ တောင်ကြီးမြို့ သတင်းထောက်များအသင်း၊ ချင်းမီဒီယာကွန်ရက်၊ မြန်မာပြည်တောင်ပိုင်း ဂျာနယ်လစ်ကွန်ရက်၊ မြန်မာဂျာနယ်လစ်ကွန်ရက် (ဧရာဝတီတိုင်းဒေသကြီး)၊ မြန်မာအမျိုးသမီး သတင်းသမားများအဖွဲ့၊ မုံရွာဂျာနယ်လစ် ကွန်ရက်တို့က ပူးပေါင်းထုတ်ပြန်ခြင်းဖြစ်သည်။

 

 

ရိုက်တာသတင်းထောက် နှစ်ဦးအား ကိုလိုနီခေတ်ဥပဒေ တစ်ခုဖြင့် ထောင်ဒဏ် ၇ နှစ်ချမှတ်ခြင်းသည် ၂၀၀၈ ဖွဲ့စည်းပုံ အခြေခံဥပဒေနှင့် သတင်းမီဒီယာဥပဒေကို မျက်ကွယ်ပြုရာရောက်ကြောင်း မြန်မာနိုင်ငံ သတင်းမီဒီယာကောင်စီ ထုတ်ပြန်

ဓာတ်ပုံ – ကြည်နိုင်

ရိုက်တာသတင်းထောက် နှစ်ဦးအား ကိုလိုနီခေတ် ဥပဒေတစ်ခုဖြင့် ထောင်ဒဏ် ၇ နှစ်ချမှတ်ခြင်းသည် ၂၀၀၈ ဖွဲ့စည်းပုံ အခြေခံဥပဒေနှင့် သတင်းမီဒီယာ ဥပဒေကို မျက်ကွယ်ပြုရာ ရောက်ကြောင်း မြန်မာနိုင်ငံ သတင်းမီဒီယာ ကောင်စီက စက်တင်ဘာ ၄ ရက်တွင် ထုတ်ပြန်ခဲ့သည်။

ရိုက်တာသတင်းထောက် နှစ်ဦးဖြစ်သည့် ကိုသက်ဦးမောင် (ခ) ၀လုံးနှင့် ကိုကျော်စိုး ဦး(ခ)မိုးအောင်တို့အား ဖမ်းဆီးခံရချိန်တွင် ထိုကိစ္စကို သတင်းမီဒီယာ ဥပဒေအရ လည်းကောင်း၊ တရားရုံးတင် စစ်ဆေးမည်ဆိုပါက လိုအပ်လျှင် Expert Witness ကျွမ်းကျင်သူ အသိသက်သေအဖြစ် သတင်းမီဒီယာကောင်စီမှ ဆောင်ရွက်လိုပါကြောင်း၊ တရားမျှတသည့် ဆုံးဖြတ်ချက်ဖြစ်စေရန် Legal Assistace ဥပဒေရေးရာ အထောက်အကူ လိုအပ်ပါက သတင်းမီဒီယာ ကောင်စီအား ဆောင်ရွက်ခွင့်ပေးရန် ထုတ်ပြန်ပြီးဖြစ်ကြောင်း ဖော်ပြထားသည်။

ယခုကဲ့သို့ သတင်းမီဒီယာသမားများကို အပြင်းထန်ဆုံး ဖိနှိပ်ချုပ်ချယ်လေ့ရှိသည့် ကိုလိုနီခေတ် ဥပဒေ တစ်ခုဖြစ်သည့် ၁၉၂၃ ခုနှစ် မြန်မာနိုင်ငံ အစိုးရလျှို့ဝှက်အက်ဥပဒေဖြင့် အရေးယူအပြစ်ပေး စီရင်ခြင်းသည် ၂၀၀၈ ဖွဲ့စည်းပုံ အခြေခံဥပဒေကို လည်းကောင်း၊ သတင်းမီဒီယာဥပဒေကို လည်းကောင်း မျက်ကွယ်ပြုရာ ရောက်ကြောင်း ထုတ်ပြန်ချက်တွင် ပါရှိသည်။

ယင်းသို့ လုပ်ဆောင်လိုက်ခြင်းသည် သတင်းသမားများ လွတ်လပ်စွာ သတင်းရယူဖော်ထုတ် ရေးသားပိုင်ခွင့်ကို ထိခိုက်စေရုံသာမက ပြည်သူများထံ သတင်းလွတ်လပ်ခွင့် စီးဆင်းမှုကိုလည်း ဒီမိုကရေစီနိုင်ငံတော်၏ ပုံရိပ်ကို လည်းကောင်း များစွာထိခိုက်စေကြောင်း ပါရှိသည်။

သတင်းမီဒီယာဥပဒေ အခန်း(၆)၊ ပုဒ်မ ၁၂ အရ “ကောင်စီသည် စာနယ်ဇင်းသမားများနှင့် စပ်လျဉ်း၍ ဤဥပဒေပါ ပြဋ္ဌာန်းချက်များနှင့်အညီ လွတ်လပ်စွာ ဆောင်ရွက်နိုင်သည့် တစ်ခုတည်းသော အဖွဲ့အစည်း ဖြစ်သည့်အပြင်၊ ပုဒ်မ ၁၇(စ)အရ ကောင်စီသည် လိုအပ်သည့် အချိန်တိုင်း သတင်းထုတ်ပြန်ခြင်းတို့ကို ဆောင်ရွက်ရန် မြန်မာနိုင်ငံ သတင်းမီဒီယာကောင်စီအား အခွင့်အာဏာ အပ်နှင်းထားကြောင်း ပါရှိသည်။

ထို့အတူ ပြည်ထောင်စု လွှတ်တော်က အတည်ပြုပြဋ္ဌာန်းသော သတင်းမီဒီယာဥပဒေ အခန်း(၂)၊ ပုဒ်မ၃(ဂ)တွင် သတင်းမီဒီယာသမားများ၏ ရပိုင်ခွင့်နှင့် လွတ်လပ်ခွင့်များ အပြည့်အ၀ ရရှိစေရန် မြန်မာနိုင်ငံ သတင်းမီဒီယာ ကောင်စီက ဆောင်ရွက်ရမည်ဟု ဆိုထားကြောင်း၊ အခန်း (၃) ပုဒ်မ (၄)(၅)(၆)(၇)(ဂ)တို့အရ သတင်းမီဒီယာ  သမားများသည် လွတ်လပ်စွာ သတင်းအချက်အလက် တောင်းယူပိုင်ခွင့်နှင့် ဖော်ထုတ် ရေးပိုင်ခွင့် ရှိကြောင်း၊၂၀၀၈ ဖွဲ့စည်းပုံ အခြေခံဥပဒေ ပုဒ်မ ၃၅၄(က) တွင်လည်း မိမိ၏ ယုံကြည်ချက် ထင်မြင်ယူဆချက်များကို လွတ်လပ်စွာ ထုတ်ဖော်ပြောဆိုခွင့် ရေးသားဖြန့်ဝေခွင့်ရှိကြောင်း ထုတ်ပြန်ချက်တွင် ပါရှိသည်။

ထုိ့ကြောင့် ရိုက်တာသတင်းထောက် နှစ်ဦးဖြစ်သည့် ကိုသက်ဦးမောင်(ခ)၀လုံးနှင့် ကိုကျော်စိုးဦး(ခ) မိုးအောင်တို့အား မြန်မာနိုင်ငံ အစိုးရလျှို့ဝှက် အက်ဥပဒေဖြင့် ရန်ကုန်တိုင်းဒေသကြီး၊ မြောက်ပိုင်းခရိုင် တရားရုံးမှ စက်တင်ဘာ ၃ ရက်တွင် ထောင်ဒဏ် ၇ နှစ်ချမှတ်လိုက်သည့်အပေါ် မြန်မာနိုင်ငံ သတင်းမီဒီယာ ကောင်စီမှ များစွာဝမ်းနည်းရပါကြောင်း ထုတ်ပြန်ခဲ့သည်။

 

 

 

ရိုက်တာသတင်းထောက် နှစ်ဦးကိစ္စ ပြည်တွင်း ပြည်ပမှ ပြင်းထန်စွာ ဝေဖန်ကန့်ကွက်နေပြီး နိုင်ငံတော်အတွက် ရှုထောင့်ပေါင်းစုံမှ အလေးထား စဉ်စားပေးပါရန် အမျိုးသား လူ့အခွင့်အရေးကော်မရှင် ထုတ်ပြန်

ရိုက်တာသတင်းထောက် နှစ်ဦးကိစ္စ ပြည်တွင်း ပြည်ပမှ ပြင်းထန်စွာ ဝေဖန်ကန့်ကွက်နေပြီး နိုင်ငံတော်အတွက် ရှုထောင့်ပေါင်းစုံမှ အလေးထား စဉ်စားပေးပါရန် အမျိုးသား လူ့အခွင့်အရေး ကော်မရှင်က စက်တင်ဘာ ၄ ရက်တွင် ထုတ်ပြန်ခဲ့သည်။

သတင်းထောက်နှစ်ဦးအား ရန်ကုန်မြောက်ပိုင်းခရိုင် တရားရုံးမှ ထောင်ဒဏ် ၇ နှစ် ချမှတ်ခဲ့ပြီး ထိုကဲ့သို့ ပြစ်ဒဏ်ချမှတ်ခဲ့ခြင်းနှင့် စပ်လျဉ်း၍ ကော်မရှင်အနေဖြင့် မြန်မာနိုင်ငံ အမျိုးသား လူ့အခွင့်အရေး ကော်မရှင်ဥပဒေအရ တစ်စုံတစ်ရာ မှတ်ချက်ပြုရန် မရှိကြောင်း ဖော်ပြထားသည်။

သို့သော် အဆိုပါကိစ္စနှင့် ပတ်သက်၍ ပြည်တွင်း ပြည်ပမှ ပြင်းထန်စွာ ဝေဖန်ကန့်ကွက်မှုများ ဖြစ်ပေါ်လျက်ရှိကြောင်း၊ ထို့ကြောင့် အဆိုပါကိစ္စကို နိုင်ငံတော်အတွက် ရှုထောင့်ပေါင်းစုံမှ အလေးထား စဉ်းစားပေးပါရန်နှင့် အယူခံတက်ခွင့်၊ ရှေ့နေနှင့်တွေ့ဆုံခွင့် အပါအဝင် ၄င်းတို့၏ လူ့အခွင့်အရေးများကို ရရှိခံစားနိုင်ရေးအတွက် အလေးထား ဆောင်ရွက်ပေးပါရန် တိုက်တွန်းကြောင်း ထုတ်ပြန်ချက်ခဲ့သည်။

အမှုကို ရန်ကုန်မြောက်ပိုင်းခရိုင် တရားရုံးတွင် အများပြည်သူရှေ့မှောက်၌ အမှုစစ်ဆေးနေစဉ်အတွင်း မြန်မာနိုင်ငံ အမျိုးသား လူ့အခွင့်အရေးကော်မရှင်က အခြေအနေကို မျက်ခြည်မပြတ် စောင့်ကြည့်ခဲ့သည့်အပြင် ကော်မရှင်ရုံး အရာရှိများကိုလည်း တရားရုံးသို့စေလွှတ်၍ သွားရောက် လေ့လာစေခဲ့ကြောင်း၊ ကိုသက်ဦးမောင် (ခ) ကိုဝလုံးနှင့် ကိုကျော်စိုးဦး (ခ) ကိုမိုးအောင်တို့ နှစ်ဦးသည် မိသားစုနှင့် တွေ့ဆုံခွင့်၊ ရှေ့နေနှင့် တွေ့ဆုံခွင့်တို့ ရရှိခဲ့ပြီး ခုခံဖြေရှင်းခွင့်လည်း ရရှိခဲ့သည်ကို တွေ့ရှိကြောင်း ထုတ်ပြန်ချက်တွင် ပါရှိသည်။

 

 

ရိုက်တာသတင်းထောက်နှစ်ဦးကို ထောင်ချခြင်းသည် လွတ်လပ်စွာ ထုတ်ဖော်ပြောကြားခြင်းနှင့် တရားစီရင်ရေးကို မှေးမှိန်စေကြောင်း အမေရိကန်နှင့် အီးယူအပါအ၀င် သံရုံးများ ထုတ်ပြန်

ရိုက်တာသတင်းထောက်နှစ်ဦးကို အမြန်ဆုံး ပြန်လွှတ်ပေးရန်နှင့် ၎င်းတို့နှစ်ဦးကို ထောင်ချခြင်းသည် လွတ်လပ်စွာ ထုတ်ဖော်ပြောကြားခြင်းနှင့် တရားစီရင်ရေးကို မှေးမှိန်စေကြောင်း အမေရိကန်နှင့် အီးယူ အပါအ၀င် သံရုံးများက ထုတ်ပြန်သည်။

ရိုက်တာသတင်းထောက်နှစ်ဦးကို အမြန်ဆုံးလွတ်ပေးရန် အမေရိကန်သံရုံးက တိုက်တွန်းထားပြီး သတင်းထောက်များသည် ၎င်းတို့အလုပ် ၎င်းတို့လုပ်နေကြသည်ကို တရားစွဲဆိုခြင်းအား ရပ်တန့်ပါရန် မြန်မာအစိုးရကို တိုက်တွန်းထားသည်။
ယခုအမှု၏ သိသာထင်ရှားသော ချွတ်ယွင်းချက်များက မြန်မာနိုင်ငံအတွင်း တရားဥပဒေစိုးမိုးရေး၊ လွတ်လပ်စွာတရားစီရင်ရေးနှင့် ပတ်သက်၍ အလွန်အမင်း စိုးရိမ်ဖွယ်ရာဖြစ်ကြောင်း ထုတ်ပြန်ထားသည်။

ထို့ပြင်သတင်းထောက်များအား ပြစ်ဒဏ်ချမှတ်လိုက်ခြင်းသည် ဒီမိုကရေစီနည်းကျ လွတ်လပ်မှုကို ရှေ့တိုးဆောင်ရွက်ရန် ချမှတ်ထားသည့် မြန်မာအစိုးရ၏ ရည်မှန်းချက်ကို နှောင့်နှေးကြန့်ကြာစေသည့် အဓိကအချက်ဖြစ်သည်ဟု အမေရိကန်သံရုံးက ထုတ်ပြန်သည်။

ထို့ပြင် ရိုက်တာသတင်းထောက်နှစ်ဦးကို ထောင်ဒဏ်ချမှတ်ခြင်းသည် သတင်းမီဒီယာ လွတ်လပ်ခွင့်၊ အများပြည်သူ သတင်းအချက်အလက် သိရှိပိုင်ခွင့်နှင့် မြန်မာနိုင်ငံအတွင်း တရားဥပေဒစိုးမိုးရေး ဖွံ့ဖြိုးတိုးတက်မှုတို့ကို လျော့ကျစေခဲ့သည်ဟု မြန်မာနိုင်ငံဆိုင်ရာ ဥရောပသမဂ္ဂက ထုတ်ပြန်သည်။

သတင်းမီဒီယာ လွတ်လပ်ခွင့်နှင့် ပွင့်လင်းမြင်သာသည့် သတင်းစာပညာတို့သည် ဒီမိုကရေစီ၏ မရှိမဖြစ်မဏ္ဍိုင်များဖြစ်ပြီး လွတ်လပ်သည့် မီဒီယာသည် ပွင့်လင်းမြင်သာမှုကို မြှင့်တင်ပေးပြီး ဒီမိုကရက်တစ်အစိုးရကို တာဝန်ယူမှု၊ တာဝန်ခံမှုကို ရှိစေသည့် အဓိကသော့ချက်ဖြစ်သည်ဟု ထုတ်ပြန်ချက်တွင် ဖော်ပြထားသည်။ ၎င်းတို့နှစ်ဦး၏ ပြစ်ဒဏ်ကို ပြန်လည်သုံးသပ်သင့်ပြီး ချက်ချင်းခြွင်းချက်မရှိ လွတ်မြောက်စေသင့်သည်ဟု ဆိုသည်။

“မည်သည့် ဒီမိုကရေစီစနစ်တွင်မဆို သတင်းသမားများသည် မိမိတို့၏ တာဝန်ကို စိုးရိမ်ကြောင့်ကြစရာမလိုအပ်ဘဲ တာဝန်ထမ်းဆောင်ကြရမည် ဖြစ်ပါသည်။ ယခုဆုံးဖြတ်ချက်သည် မြန်မာနိုင်ငံအတွင်း သတင်းလွတ်လပ်ခွင့်ကို မှေးမှိန်စေခဲ့ပါသည်” ဟု ဗြိတိသျှသံအမတ်ကြီးက ပြောကြားသည်။

ထို့ပြင် နယ်သာလန်သံရုံးမှလည်း သတင်းလွတ်လပ်ခွင့်သည် ဒီမိုကရေစီနိုင်ငံအတွက် အခြေခံအုတ်မြစ်ဖြစ်ကြောင်း၊ သတင်းများကို မှန်မှန်ကန်ကန် လွတ်လပ်စွာ ဖော်ထုတ်နိုင်ရန် အလွန်အရေးကြီးကြောင်း၊ သတင်းထောက်များအပေါ် ဥပဒေလမ်းကြောင်းအရ အကာအကွယ် ပေးထားသင့်ကြောင်း၊ ဥပဒေဆိုသည်မှာ လုပ်ပိုင်ခွင့် အာဏာရှိသူများအတွက် အကာအကွယ် မဖြစ်သင့်ကြောင်း ရေးသားထားသည်။

ဒိန်းမတ်သံရုံးကလည်း အစိုးရ၏ ဆုံးဖြတ်ချက်အပေါ်တွင် တရားမျှတမှုနှင့် တရားဥပဒေစိုးမိုးမှုအတွက် မေးခွန်းထုတ်စရာ ရှိလာကြောင်းနှင့် ယခုအမိန့်ချမှတ်မှုသည် တရားမမျှတမှုဖြစ်ကြောင်း ထုတ်ပြန်သည်။

ဘရာဇီးသံရုံးကလည်း ယခုလုပ်ဆောင်မှုသည် မြန်မာနိုင်ငံ သတင်းမီဒီယာ လွတ်လပ်ခွင့်၊ သတင်းအချက်အလက်ပေါ်တွင် လူထုလွတ်လပ်ခွင့်နှင့် တရားဥပဒေစိုးမိုး ဖွံ့ဖြိုးတိုးတက်ရေးတို့ကို အတားအဆီးဖြစ်စေပြီး အခြားသော သတင်းထောက်များအား ကြောက်ရွံ့စိတ်ဖြစ်လာစေရန် အစိုးရအနေဖြင့် ဖမ်းဆီးခြင်း သို့မဟုတ် စွဲချက်တင်ခြင်းတို့သည် ခြောက်လှန့်သည့် အလုပ်သာဖြစ်ကြောင်း ထုတ်ပြန်ထားသည်။

မြန်မာပြည်ထောင်စုဝန်ကြီးနှင့် တွေ့ဆုံစဉ် အမေရိကန် နိုင်ငံခြားရေးဝန်ကြီးက ရိုက်တာသတင်းထောက် နှစ်ဦးအား လွှတ်ပေးရန် တောင်းဆို

သြဂုတ် ၄ ရက်က စင်ကာပူ၌ ပြုလုပ်သော အာဆီယံ နိုင်ငံခြားရေးဝန်ကြီးများ အစည်းအဝေး ဘေးဆွယ်ဆွေးနွေးပွဲ၌ မိုက်ပွန်ပီယိုနှင့် ဦးကျော်တင်တို့ လက်ဆွဲနှုတ်ဆက်နေစဉ် (Photo : AFP)

သြဂုတ် ၄ ရက်က စင်ကာပူ၌ ပြုလုပ်သော အာဆီယံဝန်ကြီးများ အစည်းအဝေး၏ ဘေးဆွယ် ဆွေးနွေးပွဲတွင် အမေရိကန်နိုင်ငံခြားရေးဝန်ကြီး မိုက်ပွန်ပီယိုက မြန်မာနိုင်ငံတကာ ပူးပေါင်းဆက်ဆံရေး ၀န်ကြီးဌာန ပြည်ထောင်စုဝန်ကြီး ဦးကျော်တင်နှင့် တွေ့ဆုံရာ၌ မြန်မာနိုင်ငံ၌ ဖမ်းဆီးထိန်းသိမ်းထားသော ရိုက်တာသတင်းထောက် နှစ်ဦးကို ချက်ချင်းလွှတ်ပေးရန် တောင်းဆိုခဲ့ကြောင်း အမေရိကန် နိုင်ငံခြားရေး ဌာနက ပြောကြားခဲ့သည်။

“နိုင်ငံခြားရေးဝန်ကြီး ပွန်ပီယိုဟာ ဖမ်းဆီးထိန်းသိမ်း ခံထားရတဲ့ ရိုက်တာသတင်းထောက်နှစ်ယောက် ကိစ္စကို မြန်မာဝန်ကြီးနဲ့ ဆွေးနွေးခဲ့ပါတယ်။ သူက သူတို့ကိုချက်ချင်း လွှတ်ပေးသင့်ကြောင်း ပြောကြားခဲ့ပြီး သူတို့ကိုဆက်ပြီး ဖမ်းဆီးထိန်းသိမ်း ထားတာနဲ့ ပတ်သက်လို့ ကျွန်မတို့ရဲ့ စိုးရိမ်မှုကို ဖော်ပြခဲ့ပါတယ်” ဟု အမေရိကန် နိုင်ငံခြားရေးဌာနမှ ပြောရေးဆိုခွင့်ရှိသူ ဟီသာနျူအက်က ပြောကြားခဲ့သည်။

ကိုကျော်စိုးဦး(၂၈ နှစ်) နှင့် သူ၏ လုပ်ဖော်ကိုင်ဖက် ကိုဝလုံး (၃၂ နှစ်) တို့သည် မြန်မာနိုင်ငံ၏ ကိုလိုနီခေတ် ဥပဒေဖြစ်သော အစိုးရလျှို့ဝှက်ချက် အက်ဥပဒေအား ချိုးဖောက်ခဲ့မှုအတွက် ထောင်ဒဏ် ၁၄ နှစ်အထိ ကျခံရနိုင်သည့် အန္တရာယ်နှင့် ရင်ဆိုင်နေရသည်။ ၎င်းတို့နှစ်ဦးစလုံးက စွဲချက်များနှင့် ပတ်သက်၍ အပြစ်မရှိကြောင်း ထွက်ဆိုထားပြီး သက်သေအထောက်အထားများကို ၎င်းတို့၏ လက်ထဲသို့ ထည့်ခဲ့သည့် ရဲအရာရှိများက ထောင်ဖမ်းခြင်းသာ ဖြစ်ကြောင်း တရားရုံးသို့ ပြောကြားခဲ့သည်။

အမှုစစ်ဆေးမှုကို သြဂုတ် ၆ ရက်အထိ ရွှေ့ဆိုင်းထားပြီး ယင်းနေ့တွင် အကျင့်စာရိတ္တနှင့် ပတ်သက်၍ သက်သေ ထွက်ဆိုပေးမည့် သူများအား စစ်ဆေးလိမ့်မည်ဟု မျှော်လင့်ရကြောင်း သိရသည်။

နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးအား ပွန်ပီယို၏ ပြောကြားချက်နှင့် ပတ်သက်၍ ရိုက်တာသတင်းဌာနက မှတ်ချက်တောင်းခံရာတွင် ယင်းအမှုသည် တရားရုံးရှေ့မှောက်သို့ ရောက်ရှိပြီးဖြစ်ကြောင်း ဖြေကြားခဲ့သည်။

“ဖွဲ့စည်းပုံ အခြေခံဥပဒေအရ ကျွန်တော်တို့ရဲ့ တရားစီရင်ရေးဟာ လွတ်လပ်ပါတယ်။ တရားရုံး ဆုံးဖြတ်ချက်ကိုပဲ ကျွန်တော်တို့ စောင့်ကြည့်ရပါမယ်” ဟု ဦးဇော်ဌေးက ရိုက်တာသတင်းဌာနသို့ ဖုန်းမှတစ်ဆင့် ပြောကြားခဲ့သည်။

“ရိုက်တာသတင်းဌာနနဲ့ သတင်းထောက်တွေရဲ့ မိသားစုတွေကို လုပ်ငန်းစဉ်အားလုံးကို လေးစားမှုနဲ့အတူ ဥပဒေရဲ့အောက်မှာ အညီအမျှပဲ ဆက်ဆံပါတယ်။ ဥပမာအနေနဲ့ သူတို့ကြိုက်တဲ့ရှေ့နေကို ငှားနိုင်ပါတယ်” ဟုလည်း ဦးဇော်ဌေးက ပြောကြားခဲ့သည်။

ဒီဇင်ဘာလအတွင်း ၎င်းတို့ ဖမ်းဆီးခံရသည့်အချိန်၌ အဆိုပါ သတင်းထောက် နှစ်ဦးသည် မြန်မာနိုင်ငံ အနောက်ပိုင်း ရခိုင်ပြည်နယ်ရှိ ရွာတစ်ရွာတွင် ဘင်္ဂါလီမွတ်စလင် အမျိုးသားနှင့် ယောက်ျားကလေး ၁၀ ဦး သတ်ဖြတ်ခံရသည့်ကိစ္စကို စုံစမ်းနေခဲ့ခြင်းဖြစ်သည်။ ဘင်္ဂါလီမွတ်စလင် ၇၀၀ç၀၀၀ ခန့် ဘင်္ဂလားဒေ့ရ်ှနိုင်ငံသို့ ထွက်ပြေးစေခဲ့သည့် တပ်မတော် စစ်ဆင်ရေး တစ်ရပ်အတွင်း အဆိုပါ သတ်ဖြတ်မှု ဖြစ်ပွားခဲ့ခြင်းဖြစ်သည်။

ပွန်ပီယိုနှင့် ဦးကျော်တင်တို့အား တွေ့ဆုံဆွေးနွေးမှု မစတင်မီ သတင်းထောက်တစ်ဦးက “စာနယ်ဇင်း လွတ်လပ်ခွင့်အကြောင်း ဆွေးနွေးမည်လား” နှင့် “ယင်းသည် ရခိုင်ပြဿနာကို ဖြေရှင်းရာ၌ အရေးကြီးပါသလား” ဟူသည့် မေးခွန်းများကို မေးမြန်းခဲ့ရာ ပြန်လည် ဖြေကြားခဲ့ကြခြင်း မရှိပေ။

အာဆီယံနိုင်ငံခြားရေး ၀န်ကြီးများ အစည်းအဝေးအတွင်း ပြုလုပ်သည့် သတင်းစာရှင်းလင်းပွဲ တစ်ရပ်တွင် ပွန်ပီယိုက အမေရိကန်ပြည်ထောင်စုသည် မြန်မာနိုင်ငံ၏ ဒီမိုကရေစီ အသွင်ကူးပြောင်းမှုကို ထောက်ခံရုံသာမက ရခိုင်ပြည်နယ်၌ လူသားချင်း စာနာထောက်ထားမှုဆိုင်ရာ အကျပ်အတည်း ဆက်လက် ဖြစ်ပေါ်နေခြင်းကို ဖြေရှင်းရန် လိုအပ်သည့် အရေးကြီးသည့် အဆင့်များကိုလည်း ကိုင်တွယ်ခဲ့ကြောင်းကို ထပ်လောင်း အတည်ပြုသည်ဟု ပြောကြားခဲ့သည်။

“ဒီကိစ္စတွေနဲ့ တခြားအရေးကြီးတဲ့ လုံခြုံရေး အကြောင်းအရာတွေနဲ့ ပတ်သက်ပြီး တိုးတက်မှုတွေဟာ လွတ်လပ်ပြီး ပွင့်လင်းတဲ့ အင်ဒို-ပစိဖိတ် ဒေသအတွက် မရှိမဖြစ် အရေးကြီးပါတယ်” ဟု ပွန်ပီယိုက ပြောကြားခဲ့သည်။

အမေရိကန် ပြည်ထောင်စုသည် ရခိုင်ပြည်နယ် စစ်ဆင်ရေးကို တာဝန်ယူခဲ့သူ တစ်ဦးဖြစ်သည့် ဗိုလ်ချုပ်မောင်မောင်စိုးကို ပိတ်ဆို့မှုများ ချမှတ်ခဲ့ပြီး ဥရောပသမဂ္ဂနှင့် ကနေဒါနိုင်ငံတို့က နောက်ထပ် တပ်မတော် အရာရှိများကို ပိတ်ဆို့မှုများ ချမှတ်ခဲ့သည်။

ရိုက်တာသတင်းထောက်များ ကိစ္စနှင့် ပတ်သက်၍ လည်းကောင်း၊ ပို၍ကျယ်ပြန့်သော ရခိုင်ပဋိပက္ခနှင့် ပတ်သက်၍ လည်းကောင်း မြန်မာနိုင်ငံအပေါ် နောက်ထပ်အရေးယူ ဆောင်ရွက်မှုများကို အမေရိကန် အနေဖြင့် ပြုလုပ်မည်လားဟု သြဂုတ် ၄ ရက်တွင် မေးမြန်းခဲ့ရာ၌ အမေရိကန် နိုင်ငံခြားရေးဌာနက တုံ့ပြန်ဖြေကြားခဲ့ခြင်း မရှိပေ။

Ref : Reuters

ရိုက်တာသတင်းဌာနမှ အင်းဒင်သတင်း ထုတ်ပြီးနောက် ရဲမှူးချုပ်တင်ကိုကို၊ ရဲမှူးကြီးမျိုးသူစိုး ပါဝင်သည့်အဖွဲ့က သတင်းမှန်ကန်မှုရှိကြောင်း အင်းစိန်ထောင်အတွင်း အတည်ပြုချက် လက်မှတ်ရေးထိုးခိုင်းဟု ရိုက်တာသတင်းထောက် ကိုဝလုံး ထွက်ဆို

ဇူလိုင် ၁၇ ရက်က ရုံးထုတ်လာသည် ရိုက်တာသတင်းထောက် တစ်ဦးအား တွေ့ရစဉ်

ရိုက်တာသတင်းဌာနမှ အင်းဒင်သတင်း ထုတ်ပြီးနောက် ရဲမှူးချုပ်တင်ကိုကို၊ ရဲမှူးကြီးမျိုးသူစိုး ပါဝင်သည့်အဖွဲ့က သတင်းမှန်ကန်မှုရှိကြောင်း အင်းစိန်ထောင်အတွင်း အတည်ပြုချက် လက်မှတ်ရေးထိုးခိုင်းဟု ရိုက်တာသတင်းထောက် ကိုဝလုံး ထွက်ဆိုခဲ့ကြောင်း ၎င်း၏ရှေ့နေ တရားလွှတ်တော်ရှေ့နေ ဦးသန်းဇော်အောင်က ဇူလိုင် ၁၇ ရက်တွင် မီဒီယာများအား ဖြေကြားသည်။

မြန်မာနိုင်ငံ အစိုးရလျှို့ဝှက်ချက်များ အက်ဥပဒေ ပုဒ်မ ၃ (၁) (ဂ) ဖြင့် တရားစွဲဆိုခံရသော  ရိုက်တာသတင်းဌာနမှ မြန်မာသတင်းထောက် ကိုသက်ဦးမောင် (ခ) ကိုဝလုံးနှင့် ကိုကျော်စိုးဦး (ခ) ကိုမိုးအောင်တို့ကို မြောက်ပိုင်းခရိုင် တရားရုံးတွင် ၃၁ ကြိမ်မြောက်ရုံး ထုတ်ခဲ့ပြီး စွပ်စွဲခံရသူများဘက်မှ တင်သွင်းသော သက်သေများကို စစ်ဆေးမှုစတင်နေရာ ကိုဝလုံးအား ဦးစွာစစ်ဆေးနေခြင်း ဖြစ်ကြောင်း သိရသည်။

တရားလွှတ်တော်ရှေ့နေ ဦးသန်းဇော်အောင်က “သူရဲ့ထွက်ဆိုချက်အရ ဖေဖော်ဝါရီ ၁၀ ရက်နဲ့ ၁၁ ရက်မှာ ရိုက်တာသတင်းဌာနက အင်းဒင်သတင်းကို ထုတ်ပြီးတဲ့ နောက်ပိုင်းမှာ ထောင်ထဲကိုလာတယ်။ ရဲမှူးချုပ်တင်ကိုကို၊ ရဲမှူးကြီးမျိုးသူစိုးပါတဲ့ အဖွဲ့က လာပြီးတော့ ဒီသတင်းက မှန်ကန်မှုရှိတယ်ဆိုတဲ့ အကြောင်းကို အတည်ပြုချက် ရယူပြီးတော့ လက်မှတ်ထိုးခိုင်းသွားတယ်” ဟု မီဒီယာများအား ဖြေကြားသည်။

ထို့ပြင် အဆိုပါ သတင်းများနှင့် ပတ်သက်၍ ရေးသားမှု ရာခိုင်နှုန်း ၈၀ ရှိချိန်တွင် အစိုးရသက်ဆိုင်ရာက အတည်ပြုချက် တောင်းခံရန် ဆောင်ရွက်နေချိန် ဖမ်းဆီးခံရခြင်းဖြစ်ကြောင်း သတင်းထောက် ကိုဝလုံးက ထွက်ဆိုခဲ့ဟု ဦးသန်းဇော်အောင်က ပြောကြားသည်။

“သူသတင်းမီဒီယာ ကျင့်ဝတ်နဲ့အညီ ရေးသားခဲ့တယ်။ ရေးသားရင်းနဲ့ ဒီလို ဖမ်းဆီးခံရတယ်။ အဲဒီလိုမျိုး သူရေးတဲ့သတင်းက Complete ရာခိုင်နှုန်း ၈၀ ပြည့်စုံနေပြီ။ အစိုးရ အဖွဲ့တွေကို အတည်ပြုချက် တောင်းခံမလို့ လုပ်နေတဲ့ အချိန်မှာပဲ သူအဖမ်းခံရတယ်ဆိုတဲ့ အကြောင်းကို ထွက်ဆိုသွားတယ်။ သူတို့ကို အောင်သပြေ စစ်ကြောရေးမှာ စစ်ကြောမေးမြန်းတယ်။ အဲဒီအချိန်မှာပဲ သူတို့ကို စစ်ကြောတဲ့လူကလည်း မြေပြင်မောင်တောမှာ သွားပြီးတော့ စုံစမ်းတယ်။ စုံစမ်းလို့ရတဲ့ အချက်အလက်တွေနဲ့ အစိုးရက အရင်ဦးဆုံး သတင်းထုတ်ပြန်ခဲ့တာပေါ့။ ဒါကလည်း သက်သေခံတွေအရ ထင်ရှားပြီးဖြစ်တယ်” ဟု တရားလွှတ်တော်ရှေ့နေ ဦးသန်းဇော်အောင်က ပြောကြားသည်။

ဆက်လက်၍ ယနေ့ထွက်ဆိုချက်၏ ထူးခြားချက် တစ်ခုအနေဖြင့် သတင်းထောက် ကိုဝလုံးနှင့် ကိုကျော်စိုးဦးတို့ကို အောင်သပြေ စစ်ကြောရေးတွင် စစ်ကြောနေစဉ် ကာလအတွင်း အင်းဒင်သတင်း မထုတ်ခဲ့လျှင် ညှိနှိုင်းမည့်အကြောင်း ကိုဝလုံးက ထွက်ဆိုခဲ့ကြောင်းနှင့် မည်သူများ စစ်ဆေးခဲ့သည်ဆိုခြင်း အတိအကျ မပေါ်ခဲ့ကြောင်း ဦးသန်းဇော်အောင်က ပြောကြားသည်။

ကိုဝလုံးနှင့် ကိုကျော်စိုးဦးသည် မင်္ဂလာဒုံမြို့နယ်ရှိ စားသောက်ဆိုင် တစ်ဆိုင်တွင် ရဲဒုတပ်ကြပ်နှင့် တွေ့ဆုံပြီး စာရွက်စာတမ်း အပေးခံရပြီးနောက် ဆိုင်အပြင် အရောက်တွင် ဖမ်းဆီးခံခဲ့ရကြောင်း ကိုဝလုံးက ထွက်ဆိုခဲ့ကြောင်း သိရသည်။

“သေချာတာတစ်ခုက သူ့ရဲ့ထွက်ဆိုချက်ကပဲ ဒုတပ်ကြပ်နိုင်လင်းက ဆောင်းရိပ်မွန် စားသောက်ဆိုင်မှာ ဒီစာရွက်စာတမ်းတွေကို ပေးတယ်။ စာရွက်စာတမ်းတွေ ပေးတဲ့ဟာနဲ့ ပတ်သက်ပြီး ဘယ်သူ့ကိုမှ ဖမ်းဆီးခံထားရတာ မရှိဘူး။ ဒီစာရွက်စာတမ်းတွေက ဘာမှန်း မသိလိုက်ခင်မှာပဲ လက်ထဲကရတယ်။ ရပြီးတော့ စားသောက်ဆိုင်အပြင် အထွက်မှာပဲ အဖမ်းခံလိုက်ရတယ်ဆိုတဲ့ အနေအထားမျိုး ပေါ်ပေါက်တယ်” ဟု ဦးသန်းဇော်အောင်က ပြောကြားသည်။

ရိုက်တာသတင်းထောက် ကိုဝလုံးက တရားရုံးချိန်းပြီးနောက် မီဒီယာများအား ပြောကြားရာတွင် “ကျွန်တော် အခုလို တရားရုံးတော်မှာ အမှန်အတိုင်း ထွက်ဆိုခွင့်ရလို့ အရမ်းကျေနပ် အားရပါတယ်။ ဘာဖြစ်လို့လဲဆို ဒီကိစ္စက ခုနစ်လ၊ ရှစ်လလောက်ရှိပြီ။ ကျွန်တော်တို့ မတရားခံခဲ့ရတာကို မျိုသိပ်ခဲ့ရပါတယ်။ ဒီကိစ္စတွေကို ပြောပြပေးမယ်လို့ ဘယ်သူမှ ကျွန်တော်တို့ကို အာဏာပိုင် အဖွဲ့အစည်းက အရေးယူ ဆောင်ရွက်တာမျိုး နားထောင်တာမျိုး မလုပ်ခဲ့တာကြ အခုလိုမျိုး တရားရုံးတော်မှ အမှန်အတိုင်း ပြောခွင့်ရတာ အရမ်းကျေနပ် အားရပါတယ်။ ကျွန်တော်တို့ မတရားခံခဲ့ရတာတွေ ဒီနေ့ ပြောခွင့်ရပါတယ်” ဟု ပြောကြားသည်။

တရားရုံးချိန်းကို ဇူလိုင် ၂၃၊ ၂၄ ရက်သို့ ပြန်လည်ချိန်းဆိုခဲ့ပြီး ရိုက်တာသတင်းထောက် ကိုကျော်စိုးဦးကို စစ်ဆေးသွားမည် ဖြစ်သည်။ ရိုက်တာသတင်းဌာနမှ ကိုဝလုံးနှင့် ကိုကျော်စိုးဦးတို့ကို မြန်မာနိုင်ငံအစိုးရ လျှို့ဝှက်များ အက်ဥပဒေ ပုဒ်မ ၃ (၁) (ဂ) ဖြင့် စွဲချက်တင်ကြောင်း မြောက်ပိုင်းခရိုင် တရားရုံးက ဇူလိုင် ၉ ရက်တွင် အမိန့်ချမှတ်ခဲ့ကြောင်း သိရသည်။

 

ရိုက်တာသတင်းဌာနမှ မြန်မာသတင်းထောက် နှစ်ဦးအား အစိုးရ လျှို့ဝှက်ချက်များ အက်ဥပဒေပုဒ်မဖြင့် စွဲချက်တင်ကြောင်း မြောက်ပိုင်းခရိုင်တရားရုံး အမိန့်ချ

စွဲချက်တင်အမိန့် ချမှတ်ကြောင်း တရားရုံးချိန်း အပြီးတွင် မီဒီယာများ၏ မေးမြန်းမှုကို ရိုက်တာသတင်းဌာနမှ မြန်မာသတင်းထောက် ကိုဝလုံး ဖြေကြားနေစဉ် (ဓာတ်ပုံ-ကြည်နိုင်)

ရိုက်တာသတင်းဌာနမှ မြန်မာသတင်းထောက် နှစ်ဦးဖြစ်သော ကိုဝလုံးနှင့် ကိုကျော်စိုးဦးကို မြန်မာနိုင်ငံ အစိုးရ လျှို့ဝှက်ချက်များ အက်ဥပဒေဖြင့် စွဲချက်တင်ကြောင်း မြောက်ပိုင်းခရိုင် တရားရုံးက ဇူလိုင် ၉ ရက်တွင် အမိန့်ချမှတ်ခဲ့သည်။

ယင်းကဲ့သို့ စွဲချက်တင် အမိန့်ချမှတ်ရသော အကြောင်းပြချက်မှာ အစိုးရလျှို့ဝှက်ချက် စာရွက်စာတမ်းများ၊ အစိုးရ အကျိုးစီးပွားကို ဆန့်ကျင်စေသော ရည်ရွယ်ချက်ဖြင့် စုဆောင်းခြင်း၊ ရယူရေးမှတ်ဖြန့်ဝေခြင်း ပေါ်ပေါက်သည် ဟုဆိုသော အကြောင်းပြချက်ဖြင့် အမှုကို စစ်ဆေးသည့် တရားသူကြီးက စွဲချက်တင်မိန့် ချမှတ်ခြင်း ဖြစ်ကြောင်း သတင်းထောက်နှစ်ဦး၏ ရှေ့နေက ပြောကြားသည်။

တရားစွဲခံရသည့် သတင်းထောက်နှစ်ဦး၏ရှေ့နေ တရားလွှတ်တော်ရှေ့နေ ဦးခင်မောင်ဇော်က   “စွပ်စွဲချက်တင်သင့် မတင်သင့်ကို တရားသူကြီးက အမိန့်ချတယ်။ အမိန့်ချတော့ ကိုဝလုံးရော ကိုကျော်စိုးဦးရော နှစ်ယောက်လုံးကို စွဲချက်တင်လိုက်ပါတယ်။ တင်တဲ့အကြောင်းပြချက်ကတော့ ကိုဝလုံးတို့ကို ဘယ်နေရာ ဘယ်အချိန်မှာ အစိုးရလျှို့ဝှက်ချက် စာရွက်စာတမ်းများ အစိုးရ အကျိုးစီးပွား ဆန့်ကျင်စေတဲ့ ရည်ရွယ်ချက်ဖြင့် ရန်သူနဲ့ ဆက်စပ်ရာ သဘောဖြင့် စုဆောင်းခြင်း ရယူခြင်း ရေးမှတ်ခြင်း ဖြန့်ဝေခြင်း အစရှိသည်ကို ပြုတယ်လို့ ပေါ်ပေါက်တဲ့ အတွက်ကြောင့် အစိုးရလျှို့ဝှက်ချက်များ အက်ဥပဒေ ပုဒ်မ ၃ (၁) (ဂ) ဖြင့် စွဲချက်တင်လိုက်သည်၊ မည်သည့်အတွက်ကြောင့် အပြစ်မပေးထိုက်ကြောင်း ထုချေပါလို့ တရားသူကြီးက အမိန့်ချမှတ်ကြောင်း ပြောပါတယ်။ နှစ်ယောက်စလုံးကို ထုချေခိုင်းတာပေါ့” ဟု မီဒီယာများအား ဖြေကြားသည်။

ထို့ကြောင့် ကိုဝလုံးနှင့် ကိုကျော်စိုးဦးသည် နိုင်ငံတော်ကို ဆန့်ကျင်တဲ့ နိုင်ငံတော်ကို အကျိုးစီးပွား လုံးဝပျက်စီး စေလိုသော ရည်ရွယ်ချက် မရှိသည့်အကြောင်း၊ စာရွက်စာတမ်းများကိုလည်း စုဆောင်းခြင်း ဖြန့်ဝေခြင်း ရေးမှတ်ခြင်း မပြုခဲ့သည့်အကြောင်း၊ ဂျာနယ်လစ် တစ်ယောက်၏ ကျင့်ဝတ်နှင့်အညီ လုပ်ကိုင်ခဲ့ခြင်းကြောင့် အပြစ်မရှိကြောင်း တရားရုံးတွင် ထုချေခဲ့ကြောင်း တရားလွှတ်တော်ရှေ့နေ ဦးခင်မောင်ဇော်က ဆက်လက် ပြောကြားသည်။

ရိုက်တာသတင်းထောက်နှစ်ဦး အနေဖြင့် ၎င်းတို့နှစ်ဦးကို တရားစွဲဆိုထားသော မြန်မာနိုင်ငံအစိုးရ လျှို့ဝှက်ချက်များ အက်ဥပဒေပုဒ်မ ၃ (၁) (ဂ) အမှုကို ဆက်လက် ရင်ဆိုင်ရမည်ဖြစ်ကြောင်း သိရသည်။

ရိုက်တာသတင်းထောက် ကိုဝလုံးက တရားရုံးမှ စွဲချက်တင်ကြောင်း အမိန့်ချခြင်းသည် မိမိတို့ကို အပြစ်ရှိသည်ဟု ဆုံးဖြတ်ခြင်း မဟုတ်ကြောင်း၊ စွဲချက်တင်တာနှင့် ပတ်သက်၍ လုံးဝတုန်လှုပ်သွားမည် မဟုတ်ဘဲ အပြစ်မရှိကြောင်း ရင်ဆိုင်ချေပ သွားမည်ဖြစ်ကြောင်း တရားရုံးချိန်း အပြီးတွင် ပြောကြားသည်။

“ဒီနေ့ စွဲချက်တင်တဲ့ကိစ္စနဲ့ ပတ်သက်ပြီးတော့ ကျွန်တော်တို့ လက်လျှော့မှာ မဟုတ်ပါဘူး။ ရုံးတော်က ဆုံးဖြတ်လိုက်တာလည်း ကျွန်တော်တို့ကို အပြစ်ရှိတယ်လို့ ဆုံးဖြတ်လိုက်တာ မဟုတ်ပါဘူး။ ကျွန်တော်တို့မှာ ခုခံချပြခွင့် ရှိပါတယ်။ ကျွန်တော်တို့မှာ အပြစ်မရှိဘူး ဆိုတာကို လာမယ့်ရုံးချိန်းမှာ ထွက်ဆိုသွားပါမယ်။ စွဲချက်တင်တာနဲ့ ပတ်သက်ပြီး လုံးဝတုန်လှုပ်သွားမှာ မဟုတ်ပါဘူး။ ကျွန်တော်တို့ ဆောင်ရွက်ခဲ့တဲ့ ကိစ္စသည် သတင်းသမား ကျင့်ဝတ်နဲ့အညီ ရခိုင်ပြည်မှာ ဖြစ်ပွားခဲ့တဲ့ လူ့အခွင့်အရေး ချိုးဖောက်မှုတွေနဲ့ ပတ်သက်ပြီးတော့ စုံစမ်းဖော်ထုတ်ခဲ့တာ အားလုံးသိပြီးသား ဖြစ်ပါတယ်။ ဒါတွေကို ဆက်လက်ပြီး တရားရုံးတော်မှာ ရင်ဆိုင်သွားမှာ ဖြစ်ပါတယ်။ မတရားအမှုဟာ ဘယ်တော့မှ အနိုင်ရမှာ မဟုတ်ဘူးလို့ ပြောချင်ပါတယ်” ဟု ရိုက်တာသတင်းထောက် ကိုဝလုံးက ပြောကြားသည်။

လာမည့်တရားရုံးချိန်းတွင် စွပ်စွဲခံရသူများဘက်မှ တင်သွင်းသော သက်သေများကို စစ်ဆေးမည်ဖြစ်ပြီး ကိုဝလုံးနှင့် ကိုကျော်စိုး ဦးတို့ကလည်း သက်သေအဖြစ် အစစ်ဆေးခံမည်ဖြစ်ကြောင်း၊ ရုံးချိန်းကို ဇူလိုင် ၁၆၊ ၁၇ ရက်သို့ ပြန်လည်ချိန်းဆိုခဲ့ကြောင်း သိရ သည်။

 

ရိုက်တာသတင်းဌာနမှ သတင်းထောက်နှစ်ဦးကို စွဲချက်တင်သည့် တရားရုံး၏ ဆုံးဖြတ်ချက်ကို စိတ်ပျက်ကြောင်း အမေရိကန်သံရုံး ထုတ်ပြန်

ရိုက်တာသတင်းဌာနမှ သတင်းထောက်နှစ်ဦးကို စွဲချက်တင်သည့် တရားရုံး၏ ဆုံးဖြတ်ချက်ကို စိတ်ပျက်မိကြောင်း ရန်ကုန်မြို့ရှိ အမေရိကန်သံရုံးက ဇူလိုင် ၉ ရက်တွင် ထုတ်ပြန်သည်။

ရိုက်တာသတင်းထောက် နှစ်ဦးဖြစ်သည့် ကိုဝလုံးနှင့် ကိုကျော်စိုးဦးတို့အား နိုင်ငံတော် လျှို့ဝှက်ချက် အက်ဥပဒေ ချိုးဖောက်မှု စွပ်စွဲချက်ဖြင့် ဆက်လက်တရားစွဲဆိုရန် တရားရုံးက ဇူလိုင် ၉ ရက်တွင် ဆုံးဖြတ်ချက် ချခြင်းအပေါ် ထုတ်ပြန်ခြင်းဖြစ်သည်။

တရားစွဲခံရသော ရိုက်တာသတင်းထောက်နှစ်ဦး အလုပ်ပြန်လည် လုပ်ဆောင်နိုင်ရန်နှင့် မိသားစုဝင်များနှင့် ပြန်လည်ဆုံစည်းနိုင်ရန် မြန်မာအာဏာပိုင်များ အနေဖြင့် ခွင့်ပြုပေးသင့်ကြောင်း ထုတ်ပြန်ချက်တွင် ပါရှိသည်။

ယခုကဲ့သို့ ဆုံးဖြတ်ချက်သည် (ရိုက်တာသတင်းထောက် နှစ်ဦးကို မြန်မာနိုင်ငံအစိုးရ လျှို့ဝှက်ချက်များ အက်ဥပဒေဖြင့် စွဲချက်တင် အမိန့်ချ) မြန်မာနိုင်ငံအတွင်း သတင်းမီဒီယာ လွတ်လပ်ခွင့်နှင့် တရားဥပဒေ စိုးမိုးရေးအတွက် အနှောင့်အယှက် တစ်ရပ်ဖြစ်ကြောင်း အမေရိကန်သံရုံး၏ ထုတ်ပြန်ချက်တွင် ဆက်လက် ဖော်ပြထားသည်။

ထို့ပြင် ရိုက်တာသင်းဌာနမှ အယ်ဒီတာချုပ် Stephen J.Adler ကလည်း ထုတ်ပြန်ချက်တစ်ခု ကြေညာခဲ့ပြီး ၎င်းထုတ်ပြန်ချက်တွင် သတင်းထောက်နှစ်ဦးအား အခြေအမြစ်မရှိဘဲ စွဲထားသောအမှုကို တရားရုံးက ဖြေရှင်းပေးရန် ငြင်းပယ်လိုက်မှုအပေါ် ၎င်းအနေဖြင့် အလွန်စိတ်ပျက်မိကြောင်း၊ မြန်မာနိုင်ငံ၏ သတင်းလွတ်လပ်ခွင့်နှင့် တရားဥဒေစိုးမိုးရေးအပေါ် သံသယရှိလာကြောင်း ပါရှိသည်။

ရိုက်တာသင်းဌာနမှ အယ်ဒီတာချုပ် Stephen J.Adler က “ကိုဝလုံးနဲ့ ကိုကျော်စိုးဦးတို့ကို စွပ်စွဲထားတဲ့ အခြေအမြစ် မရှိဘဲ အချိန်စွဲထားတဲ့ အမှုကို တရားရုံးက ဖြေရှင်းပေးဖို့ ငြင်းပယ်လိုက်တဲ့အပေါ် ကျွန်တော်တို့ အနေနဲ့ အလွန်အမင်း စိတ်ပျက်မိပါတယ်။ ဒီသတင်းထောက်တွေကို လွှတ်ပေးဖို့ အချိန်တန်နေပါပြီ။ သူတို့အနေနဲ့ လျှို့ဝှက်အက်ဥပဒေ အပါအ၀င် အခြားဘယ်ဥပဒေကို ချိုးဖောက်ခဲ့တာ ဒါမှမဟုတ် အမှားတစ်ခုခု လုပ်ခဲ့တာကို ထောက်ပြနိုင်တဲ့ သက်သေအချက်အလက် တစ်ခုမှ မရှိပါဘူး။ သူတို့ရဲ့ မိသားစုတွေ မိတ်ဆွေတွေနဲ့ လုပ်ဖော်ကိုင်ဖက်တွေနဲ့ တွေ့ဆုံဖို့ သူတို့ကို လွှတ်ပေးသင့်ပါပြီ။ ဒါ့အပြင် ဒီနေ့ချလိုက်တဲ့ ဆုံးဖြတ်ချက်ကြောင့် မြန်မာနိုင်ငံရဲ့ သတင်းလွတ်လပ်ခွင့်နဲ့ မြန်မာနိုင်ငံ အနေနဲ့ ကတိက၀တ် ပြုထားတဲ့ တရားဥပဒေ စိုးမိုးရေးအပေါ် သံသယရှိစရာ ဖြစ်လာပါတယ်” ဟု ပြောကြားသည်။

ထို့ပြင် နိုင်ငံခြားရေးနှင့် လုံခြုံရေးမူဝါဒဆိုင်ရာ အီးယူအဆင့်မြင့် ကိုယ်စားလှယ် ဖဒယ်ရီကာမိုဂါရီနီ၏ ပြောရေးဆိုခွင့်ရှိသူကလည်း ထုတ်ပြန်ချက်တစ်စောင် ထုတ်ပြန်ခဲ့ပြီး တရားရုံးမှ ရိုက်တာသတင်းထောက် နှစ်ဦးဖြစ်သော ၀လုံးနှင့် ကျော်စိုးဦးတို့အား ၁၉၂၃ နိုင်ငံတော် လျှို့ဝှက်အက်ဥပဒေဖြင့် တရားစွဲဆိုရန် ဆုံးဖြတ်လိုက်ခြင်းသည် မြန်မာနိုင်ငံတွင် အခြေခံလွတ်လပ်ခွင့်၊ လွတ်လပ်သည့် မီဒီယာနှင့် အများပြည်သူ သတင်းရပိုင်ခွင့်တို့အတွက် အင်မတန်စိုးရိမ် ပူပန်ဖွယ်ရာ ဖြစ်ရကြောင်း ဖော်ပြထားသည်။

ဥရောပသမဂ္ဂ အနေဖြင့် လွတ်လပ်စွာ ထုတ်ဖော်ပြောဆိုခွင့်ကို ကျင့်သုံးကာ ၎င်းတို့ အလုပ် ၎င်းတို့လုပ်ကိုင်ခြင်းကြောင့် တရားစွဲဆိုခံရသည့် သတင်းထောက်နှစ်ဦးတို့အပေါ် တင်ထားသည့် စွဲချက်များကို ရုပ်သိမ်းပြီး မိသားစုနှင့် ပြန်လည်ဆုံစည်းကာ အရေးပါလှသည့် လုပ်ငန်းများ ပြန်လည် လုပ်ဆောင်နိုင်ရန်အတွက် အလျင်မြန်ဆုံး ပြန်လည်လွတ်မြောက်လာရန် မျှော်လင့်လျက်ရှိကြောင်း ဖော်ပြထားသည်။

ရိုက်တာသတင်းဌာနမှ မြန်မာသတင်းထောက် နှစ်ဦးအား ဖမ်းဆီးစစ်ဆေးနေသည်မှာ ရှစ်လကျော် ကြာမြင့်ပြီဖြစ်ပြီး ဇူလိုင် ၉ ရက်တွင် စွဲချက်တင်အမိန့် ချမှတ်ခဲ့သည်။