ဘင်္ဂါလီ မွတ်စလင်အရေးနှင့်ပတ်သက်၍ လျှို့ဝှက်စွာသဘောတူညီထားသော ကုလသမဂ္ဂ-မြန်မာ နားလည်မှုစာချွန်လွှာ ပြင်ပသို့ပေါက်ကြားခဲ့ပြီး ရိုက်တာသတင်းဌာန ဖော်ပြ

 

ဘင်္ဂါလီမွတ်စလင်အရေးနှင့် ပတ်သက်၍ လျှို့ဝှက်စွာ သဘောတူညီထားသော ကုလသမဂ္ဂ-မြန်မာ နားလည်မှုစာချွန်လွှာ ပြင်ပ သို့ ပေါက်ကြားခဲ့ပြီး ရိုက်တာသတင်းဌာနက ဖော်ပြခဲ့ရာတွင် မြန်မာနိုင်ငံသို့ ပြန်လာမည့် ဘင်္ဂါလီမွတ်စလင် ဒုက္ခသည်များအတွက် နိုင်ငံသားဖြစ်ခွင့် သို့မဟုတ် နိုင်ငံတစ်လွှား၌ လွတ်လပ်စွာ သွားလာခွင့်တို့အား အာမခံထားခြင်းမရှိကြောင်း သိရသည်။

ဘင်္ဂလားဒေ့ရ်ှနိုင်ငံတွင် ခိုလှုံနေသည့် သိန်းနှင့်ချီသော ဘင်္ဂါလီမွတ်စလင်များ မိမိသဘောဆန္ဒအလျောက် ဘေးကင်းလုံခြုံစွာ ပြန်လာခွင့်ရရန် ရည်ရွယ်လျက် မေလအကုန်တွင် ကုလသမဂ္ဂသည် မြန်မာနိုင်ငံနှင့် အကြမ်း ဖျင်းသဘောတူညီချက်တစ်ရပ်ကို ရရှိခဲ့သော်လည်း အသေးစိတ်အချက်အလက်များကို လူသိရှင်ကြား ထုတ်ပြန်ခဲ့ခြင်းမရှိပေ။

ဇွန် ၂၉ ရက်တွင် ရိုက်တာသတင်းဌာနသည် ကုလသမဂ္ဂနှင့် မြန်မာအာဏာပိုင်များ အကြား သဘောတူညီထားသည့် နားလည်မှုစာချွန်လွှာ မိတ္တူတစ်စောင်ကို ရရှိခဲ့ခြင်းဖြစ် ပြီး ယင်းနားလည်မှုစာချွန်လွှာ မူကြမ်းသည် အွန်လိုင်းသို့လည်း ပေါက်ကြားခဲ့သည်။

မြန်မာနိုင်ငံသို့ပြန်လာမည့် ဒုက္ခသည် များ၏ နိုင်ငံသားဖြစ်ခွင့်နှင့် လူ့အခွင့်အရေးများသည် စေ့စပ်ညှိနှိုင်းမှုများ ပြုလုပ်စဉ်အတွင်း ပါဝင်ခဲ့သည့် အဓိက အချက်များဖြစ်သည်။

ယင်းနားလည်မှုစာချွန်လွှာတွင် “ပြန်လာသူများသည် တည်ဆဲဥပဒေများနှင့် စည်းမျဉ်းစည်းကမ်းများနှင့်အညီ ရခိုင်ပြည်နယ်ရှိ အခြားမြန်မာနိုင်ငံသားများအားလုံးကဲ့သို့ တူညီသည့် ခရီးသွားလွတ်လပ်ခွင့် ရရှိရမည်”  ဟု ဖော်ပြထားသည်။

သို့သော် ရခိုင်ပြည်နယ် နယ်နိမိတ်များကို ကျော်လွန်၍ လွတ်လပ်စွာ ခရီးသွားလာခွင့်ကို အာမခံခြင်း သို့မဟုတ် ဘင်္ဂါလီမွတ်စလင်များအား ယခုလက်ရှိ၌ လွတ်လပ်စွာ ခရီးသွားလာခွင့်ကို တားဆီးထားသည့် ဥပဒေများနှင့် စည်းမျဉ်းစည်းကမ်းများကို ကိုင်တွယ်ထားခြင်းတို့ မရှိကြောင်း ရိုက်တာက တွေ့ရှိခဲ့သည့် နားလည်မှုစာချွန်လွှာ စာသားများအရ သိရသည်။

သဘောတူညီချက်၌ ဘင်္ဂလားဒေ့ရ်ှနိုင်ငံသို့ ထွက်ပြေးသွားသည့် ဘင်္ဂါလီမွတ်စလင် ၇၀၀,၀၀၀ ခန့်အတွက် အခြေခံလူ့အခွင့်အရေးများကို အာမခံရန် ပျက်ကွက်သည်ဟု ဒုက္ခသည်ခေါင်းဆောင်များနှင့် လူ့အခွင့်အ ရေးအဖွဲ့များက ပြောကြားခဲ့ကြသည်။

“အဲဒီအတိုင်းဆိုရင် ရခိုင်ပြည်နယ်ကို ဘင်္ဂါလီမွတ်စလင် (မူရင်း၌ ရိုဟင်ဂျာဟု ဖော်ပြ) တွေ ပြန်လာတာ လူမျိုးရေးခွဲခြားတဲ့ ပြည်နယ်တစ်ခုကို ပြန်လာရတာပါပဲ။ အဲဒီမှာ သူတို့ လွတ်လွတ်လပ်လပ် သွားလာခွင့်မရှိဘူး၊ ကျောင်းတွေ၊ ဆေးရုံတွေနဲ့ သူတို့အလုပ်အကိုင်အတွက် မှီခိုနေရတဲ့နေရာတွေကို သွားနိုင်ဖို့ ကြိုးစားရုန်းကန်နေရတယ်” ဟု အပြည် ပြည်ဆိုင်ရာလွတ်ငြိမ်းချမ်းသာခွင့်အဖွဲ့ မြန်မာနိုင်ငံဆိုင်ရာ သုတေသနမှူး လော်ရာဟိုက်က ပြောကြားခဲ့သည်။

သူက “ဒါကို အပြောင်းအလဲဖြစ်စေမယ့် အာမခံချက်တွေ ပေးထားတာ ဒီစာချွန်လွှာ မှာ ဘာမှ မတွေ့ရပါဘူး” ဟုလည်း ပြောကြားခဲ့သည်။

ကုလသမဂ္ဂဒုက္ခသည်များဆိုင်ရာ အေဂျင်စီဖြစ်သော UNHCR က အစိုးရနှင့် ပူး ပေါင်းဆောင်ရွက်ရေးအတွက် မူဘောင်တစ် ရပ်ထူထောင်ရန် ပထမဆုံးနှင့် လိုအပ်သော ခြေလှမ်းဟု ယခင်က ခေါ်ဆိုခဲ့သည်။

ရိုက်တာသတင်းဌာနသည် ၎င်းတို့ရရှိခဲ့သည့် နားလည်မှုစာချွန်လွှာပါ အချက်အလက်များကို အပြည်ပြည်ဆိုင်ရာ အစိုးရ မဟုတ်သော အဖွဲ့နှစ်ဖွဲ့က ရင်းမြစ်များဖြင့် အတည်ပြုနိုင်ခဲ့သည်ဟု ဆိုသည်။

ရိုက်တာသတင်းဌာနမှ တွေ့ရှိခဲ့သည့် မေ ၃၀ နားလည်မှုစာချွန်လွှာမူကြမ်းသည် ယင်းကို လက်မှတ်မရေးထိုးမီ တစ်ရက်အလို က ရေးသားထားခြင်းဖြစ်သည်။ သို့သော် အဓိကကဏ္ဍများကို ဖော်ပြထားမှုများသည် ရိုက်တာသတင်းဌာနက တွေ့ရှိခဲ့သည့် သံတမန်များနှင့် NGO တို့အတွက် UNHCR က အကျဉ်းချုပ်ပြောကြားခဲ့သော နောက်ခံတစ်ရပ်နှင့်လည်းကောင်း ဘင်္ဂလားဒေ့ရ်ှနိုင်ငံရှိ ဒုက္ခသည်များထံသို့ ဖြန့်ချိခဲ့သည့် သဘောတူညီချက်အပေါ် ရှင်းပြထားသော UNHCR မှ စာတစ်စောင်နှင့်လည်းကောင်း ကိုက်ညီနေသည်ဟု ဆိုသည်။

နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးနှင့် လူမှုဝန် ထမ်း၊ ကယ်ဆယ်ရေးနှင့် ပြန်လည်နေရာချ ထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးတို့အား ယခုကိစ္စ နှင့်ပတ်သက်၍ မှတ်ချက်တောင်းခံရန် ရိုက်တာသတင်းဌာနက ဖုန်းအကြိမ်ကြိမ်ခေါ်ဆိုခဲ့သော်လည်း ပြန်လည်ဖြေကြားခြင်းမရှိကြောင်း သိရသည်။ ၎င်းအပြင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ညွှန်ကြားရေးမှူးအား ရိုက်တာသတင်းဌာနက ဆက်သွယ်မေးမြန်းခဲ့ရာ ၎င်းအနေဖြင့် မှတ်ချက်ပေးပိုင်ခွင့်မရှိကြောင်းနှင့် အမြဲတမ်းအတွင်းဝန်ထံသို့သာ ဆက်သွယ်မေးမြန်းရန် ပြောကြားခဲ့သည်။ အဆိုပါ အမြဲတမ်းအတွင်းဝန်ထံသို့ ရိုက်တာသတင်းဌာနက ဖုန်းခေါ်ဆိုခဲ့ရာ ပြန်လည်ဖြေကြားခြင်း မရှိကြောင်း သိရသည်။

ရိုက်တာသတင်းဌာနမှ မြန်မာသတင်းထောက်အမှုတွင် ရဲမှုခင်းတပ်ဖွဲ့ နည်းပညာမှုခင်းဌာနမှ ရဲမှူးက သတင်းထောက်နှစ်ဦး၏ ဖုန်းအတွင်းမှ တွေ့ရှိချက်များကို စာရွက်စာတမ်း ၂၁ စောင်ဖြင့် သက်သေခံတင်သွင်းမှု တရားရုံးလက်ခံ

ရုံးတော်သို့ သက်သေလာရောက်ထွက်ဆိုသည့် နည်းပညာမှုခင်းဌာနမှ ရဲမှူးအောင်ကျော်ဆန်းအား တွေ့ရစဉ် (ဓာတ်ပုံ – ကြည်နိုင်)

ရိုက်တာသတင်းဌာနမှ မြန်မာသတင်းထောက်နှစ်ဦး၏  အကြိမ် (၂၀)  မြောက် ရုံးချိန်းအဖြစ် မေ ၂၂ ရက်က မြောက်ပိုင်းခရိုင် တရားရုံးတွင် ရုံးထုတ်ခဲ့ပြီး နေပြည်တော်ရှိ ရဲမှုခင်းတပ်ဖွဲ့  နည်းပညာမှုခင်းဌာနမှ ရဲမှူး အောင်ကျော်ဆန်းအား တရားလိုပြသက်သေအဖြစ် ဒုတိယနေ့ ဆက်လက်စစ်ဆေးခဲ့ကြောင်း သိရသည်။

အဆိုပါရုံးချိန်းတွင် နည်းပညာမှုခင်းဌာနမှ ရဲမှူးအောင်ကျော်ဆန်းက သတင်းထောက်နှစ်ဦး၏ ဖုန်းအတွင်းမှ တွေ့ရှိချက်များကို စာရွက်စာတမ်း ၂၁ စောင်ဖြင့် သက်သေခံတင်သွင်းခဲ့ရာ ရုံးတော်မှ လက်ခံခဲ့ကြောင်း သိရသည်။

မြန်မာသတင်းထောက်နှစ်ဦး၏ ရှေ့နေ တရားလွှတ်တော်ရှေ့နေ ဦးခင်မောင်ဇော်က “အိုင်တီကျွမ်းကျင်ပညာရှင်ကို ခေါ်ပြီးတော့မှ သူတို့တင်ထားတဲ့ စာရွက်စာတမ်းတွေ မူလစွဲ မဟုတ်ဘူးပေါ့ဗျာ။ ကိုဝလုံးနဲ့ ကိုကျော်စိုးဦးတို့ ဖုန်းထဲက ထုတ်ယူတယ်ဆိုတဲ့ စာရွက်စာတမ်းတွေ ၂၁ စောင်တင်တယ်။ ရုံးကို မိတ္တူတွေ ပေးတယ်။ အဲဒီမိတ္တူတွေကို သက်သေခံသွင်းဖို့ ကျွမ်းကျင်ပညာရှင်က ပထမနေ့မှာ သွင်းတာကို ကျွန်တော်တို့က ကန့်ကွက်တယ်။ ဒီကနေ့မှာတော့ ဒီပုဂ္ဂိုလ်ကနေပြီးတော့ ဖုန်းကိုဖွင့်ပြီးတော့ ဖုန်းထဲက စာရွက်စာတမ်းနဲ့ အပြင်မှာသူတို့ထုတ်ထားတဲ့ စာရွက်စာတမ်းတွေကို တိုက်ပြပြီး သက်သေခံသွင်းတယ်။ ကျွန်တော်တို့က ဆရာဦးသန်းဇော်အောင်က ကန့်ကွက်တယ်။ ဘာကြောင့်လဲဆိုတော့ ထုတ်ယူခြင်းမှတ်တမ်းကို သူတို့တင်တယ်။ တင်ပေမဲ့လို့ အဲဒီထုတ်ယူခြင်းမှတ်တမ်းမှာ  မပြည့်စုံဘူးဆိုပြီး ဆရာဦးသန်းဇော်အောင်က ကန့်ကွက်တယ်။ ဒီဖုန်းတွေကို ဘယ်အချိန်က ဘယ်သူ့လက်ထဲမှာ ဘယ်လိုထိန်းသိမ်းတယ်။ ထုတ်ယူခြင်း မှတ်တမ်းပဲပါတယ်။ သူ့မှာပါရမယ့် ဟာတစ်ခုရှိတယ်။ အဲဒီဟာက ဖုန်းတွေကို ထိန်းသိမ်းထားတဲ့ အစဉ်အဆက်ကွင်းဆက်ကြီး Report လုပ်ရမယ်။  အဲဒီ Report မပါဘူး။ မပါတဲ့အတွက် ကန့်ကွက်တယ်။ ကန့်ကွက်ပေမဲ့လို့ Expert Report ကို ရုံးကနေ သက်သေခံဥပဒေအရ ခြွင်းချက်အရ အသစ်ပြဋ္ဌာန်းထားတဲ့ သက်သေခံဥပဒေ ပြင်ဆင်ထားတဲ့အရ ဒါကိုလက်ခံတယ်” ဟု မီဒီယာများသို့ ဖြေကြားသည်။

ထို့နောက် အမှုကို မေ ၂၈ ၊ ၂၉ ရက် များသို့ ပြန်လည်ချိန်းဆိုခဲ့ပြီး တရားလိုပြ သက်သေများ ဆက်လက်စစ်ဆေးသွားမည် ဖြစ်သည်။ အဆိုပါအမှုတွင် တရားလိုပြသက်သေ ၂၅ ဦးတင်သွင်းထားပြီး သက်သေနှစ်ဦးကို ပယ်ဖျက်ထားကြောင်း၊ ၂၀ ဦး စစ်ဆေးပြီးသဖြင့် နောက်ထပ်သက်သေ သုံးဦးခန့်စစ်ဆေးရန် ကျန်ရှိကြောင်း သိရသည်။

သတင်းထောက်နှစ်ဦး၏ရှေ့နေ ဦးသန်း ဇော်အောင်က “ထူးခြားတာကတော့ ဒီအမှုမှာ စီအိုင်ဒီကနေ ကျွမ်းကျင်သူထင်မြင်ချက်ဆိုပြီး ပေးထားတာရှိတယ်။ အဲဒီမှာ ပေးထားတာက ရဲအရာရှိတစ်ယောက်။ မနေ့နဲ့ ဒီနေ့ သက်သေခံထွက်သွားတဲ့ ရဲအရာရှိကတစ်ယောက်။ အဲဒီတော့  ဒီဟာပေါ်မှာ Cellebrite brite Software ဆိုတာ သုံးတယ်။ Cellebrite brite Software ကိုသုံးတဲ့သူရဲ့  Certification က ရှိရတယ်။ ဒီဟာကိုသုံးခွင့်ရှိတယ် ဆိုတဲ့အကြောင်း။ ဒီ Report တွေမှာက ရဲမှူးဝင်းကိုကိုထွန်းက ရီပို့လုပ်ထားတာ။ ကျွမ်းကျင်သူ ထင်မြင်ချက်ဆိုပြီးတော့။ နေပြည်တော်ကနေပို့ထားတဲ့ဟာ။ ဒါပေမဲ့ ဒီကို သက်သေခံလာထွက်တာက ရဲမှူးအောင်ကျော်ဆန်းက လာထွက်တယ်။ အဲဒီတော့ ခုနကလို  Cellebrite Software ကို သုံးခွင့်ရှိတယ်ဆိုတာ Certification က ရုံးမှာ ထင်ရှားခြင်း မရှိဘူး” ဟု ပြောကြားသည်။

မြန်မာသတင်းထောက် ကိုသက်ဦးမောင် (ခေါ်) ၀လုံးနှင့် ကိုကျော်စိုးဦး (ခေါ်) ကိုမိုးအောင်တို့နှစ်ဦးကို အစိုးရလျှို့ဝှက် စာရွက်စာတမ်းများနှင့်အတူ တွေ့ရှိသည်ဟုဆို ကာ ၁၉၂၃ ခုနှစ် မြန်မာနိုင်ငံအစိုးရလျှို့ဝှက်ချက် အက်ဥပဒေပုဒ်မ – ၃(၁)(ဂ)ဖြင့် ရန်ကုန်တိုင်းဒေသကြီးရဲတပ်ဖွဲ့မှ   ဒုတိယရဲမှူးကြီး ယုနိုင်က တရားလိုပြုလုပ်၍ မြောက်ပိုင်းခရိုင် တရားရုံးတွင် တရားစွဲဆိုခဲ့သည်။

ရိုက်တာသတင်းဌာနမှ မြန်မာသတင်းထောက်နှစ်ဦးအား ထောက်ချောက်ဆင်ဖမ်းဆီးရန် ရဲမှူးချုပ် တင်ကိုကိုက အမိန့်တစ်စုံတစ်ရာပေးခဲ့ခြင်းမရှိဟု မြန်မာနိုင်ငံရဲတပ်ဖွဲ့ ရဲချုပ်ပြောကြား

နိုင်ငံတော်အစိုးရ၏ ပြည်သူ့အတွက် ဒုတိယတစ်နှစ်တာ ကာလအတွင်း ဆောင်ရွက်ခဲ့မှုများနှင့် ပတ်သက်သည့် သတင်းစာရှင်းလင်းပွဲကို မေ ၁၅ ရက်က နေပြည်တော်၌ ပြုလုပ်စဉ်

ရိုက်တာသတင်းဌာနမှ မြန်မာသတင်းထောက်နှစ်ဦးအား ထောက်ချောက်ဆင်ဖမ်းဆီးရန် ရဲမှူးချုပ် တင်ကိုကိုက အမိန့်တစ်စုံ တစ်ရာပေးခဲ့ခြင်းမရှိဟု မြန်မာနိုင်ငံရဲတပ်ဖွဲ့ရဲချုပ် အောင်ဝင်းဦးက ပြောကြားသည်။

မေ ၁၅ ရက်တွင် နေပြည်တော်ရှိ ပြန်ကြားရေးဝန်ကြီးဌာနရုံး အစည်းအဝေးခန်းမတွင် ပြုလုပ်သည့် ပြည်ထဲရေးဝန်ကြီးဌာန၏ ဒုတိယတစ်နှစ်တာကာလအတွင်း ဆောင်ရွက်မှုများနှင့်ပတ်သက်ပြီး ရှင်းလင်းစဉ်ပြောကြားခဲ့ခြင်း ဖြစ်သည်။

ဧရာဝတီသတင်းဌာနမှ သတင်းထောက်တစ်ဦးက “ဒုရဲမှူးမိုးရန်နိုင်ရဲ့ ထွက်ဆိုမှုမှာ ထောင်ချောက်ဆင် ဖမ်းဆီးတယ်ဆိုတဲ့စကား လုံးအပေါ်မှာ ရဲတပ်ဖွဲ့အနေနဲ့ လက်ခံပါသလား။ အဲဒါတွေနဲ့ပတ်သက်ပြီး ဘာပြောချင်ပါသလဲ။ အဲဒီအမှုမှာ ရဲမှူးချုပ်တင် ကိုကိုကခိုင်းလို့ ထောက်ချောက်ဆင်ဖမ်းရတယ်လို့ ပါပါတယ်။ ရဲမှူးချုပ်တင်ကိုကို ကို မြန်မာနိုင်ငံရဲတပ်ဖွဲ့က အရေးယူထားပါသလား။ ဒါမှမဟုတ်သူဟာ သူရဲ့လုပ်ပိုင်ခွင့်နဲ့ ဥပဒေဘောင်အတွင်းကလုပ်ခဲ့တာ ဟုတ်ပါသလား သိချင်ပါတယ်” ဟု မေးမြန်းခဲ့သည်။

အဆိုပါမေးမြန်းမှုအား ရဲချုပ်အောင်ဝင်းဦးက “ဦးမိုးရန်နိုင်က ထောက်ချောက်ဆင် ဖမ်းဆီးခဲ့တယ်လို့ ထွက်ဆိုထားတာရှိပါတယ်။ အဲဒီလိုဖမ်းဆီးမှု မဆောင်ရွက်ပါဘူး။ မလုပ်ပါဘူး။ ပွင့်ပွင့်လင်းလင်းပြောရရင် ဒီဦးမိုးရန်နိုင် အပြောတစ်ခုပဲ သတင်းထောက်ကြီးတို့ သိထားတာရှိပါသေးတယ်။ တရားလိုပြသက်သေတွေ ကျန်ပါသေးတယ်။ တရားလိုပြသက်သေတွေရဲ့ တရားရုံးရှေ့ထွက်ဆိုချက်တွေကို နားထောင်ကြည့်ပါဦးလို့ မေတ္တာရပ်ခံပါရစေ။ အဲဒါကြောင့် လတ်တလော အခြေအနေမှာတော့ ရဲမှူးချုပ်တင်ကိုကို ကို  အရေးယူမှုဆောင်ရွက်ထားတာ မရှိပါဘူး။ သူကလည်း ဦးမိုးရန်နိုင်ပြောသလို ထောင်ချောက်ဆင်တဲ့ဇာတ်လမ်းကို အခြေအနေ ဖန်တီးခဲ့တာ မဟုတ်ပါဘူး။ ပွင့်ပွင့်လင်းလင်း ပြောရရင်တော့ ဒီရိုက်တာသတင်းထောက် ပုဂ္ဂိုလ်တွေကို ရဲမှူးချုပ်တင်ကိုကို တွေ့ဖူးခြင်းလည်း မရှိပါဘူး။ သူတို့ကို ဥပဒေနဲ့အညီ အမှုရင်ဆိုင်တော့မှပဲ သိတဲ့အခြေအနေ ဖြစ်ပါတယ်။ ရဲမှူးချုပ်တင်ကိုကိုက ဦးမိုးရန်နိုင်ကို ထောက်ချောက်ဆင်ဖမ်းဖို့ အမိန့်တစ်စုံတစ်ရာ ပေးခဲ့ခြင်းမရှိဘူးလို့ ပြောလိုပါတယ်” ဟု ပြန်လည်ဖြေကြားခဲ့သည်။

ထို့ပြင် သတင်းထောက်တစ်ဦးက ရိုက်တာသတင်းထောက်နှစ်ဦးကို ဘာလို့အရေးယူတာလဲ သိချင်ပါတယ်ဆိုသည့် မေးမြန်းချက်အား ရဲချုပ်အောင်ဝင်းဦးက “ရိုက်တာသတင်းထောက်နှစ်ယောက်ကို ဘာလို့ အရေးယူလဲဆိုတာမှာ ကိုသက်ဦးမောင်နဲ့ ကိုကျော်စိုးဦးတို့ဆီမှာ လုံခြုံရေးအဆင့်အတန်း သတ်မှတ်ထားတဲ့ အထောက်အထား တွေတွေ့တဲ့အတွက် ရဲတပ်ဖွဲ့က အရေးယူခြင်းပဲ ဖြစ်ပါတယ်။ သူတို့ကိုတော့ ရဲတပ်ဖွဲ့ရဲ့ လုပ်ထုံးလုပ်နည်းအရတော့ ဒီသက်သေအထောက်အထားတွေ တွေ့တယ်။ ဒါတွေကို ကျွန်တော်တို့ အမှုတည်ဆောက်တယ်။ တည်ဆောက်ပြီးတဲ့အခါမှာ  ဘယ်လိုဥပဒေ၊ ဘယ်လိုအကြောင်းအရာတွေနဲ့ အရေးယူသင့်လဲဆိုတာ ဥပဒေအကြံပြုချက်တောင်းရပါတယ်။ ဒီအချက် ဒီအချက်တွေတော့ ငြိစွန်းတယ်။ ဒီကိစ္စတွေအတွက် ငြိစွန်းတဲ့အတွက် ဒီလိုအရေးယူသင့်ပါတယ်လို့ အကြံပြုချက်တွေရမှ တရားရုံးကို စွဲတင်ရမှာ ဖြစ်ပါတယ်။ အဲဒါကြောင့် ၂၀၁၈ ခုနှစ် ဇန်န၀ါရီ ၁၀ ရက်က  တရားရုံးကို စွဲတင်ခဲ့ပါတယ်။ တရားလိုဘက်က သက်သေ ၂၅ ဦး တင်ပြထားခဲ့ပါတယ်။ လက်ရှိမှာတော့ သက်သေ ၁၈ ဦးကို စစ်ဆေးထားပြီး ဖြစ်ပါတယ်။ သက်သေ ခုနစ်ဦးကို စစ်ဆေးဖို့ ကျန်နေသေးကြောင်း စစ်ဆေးသိရှိရပါတယ်။ သက်သေအားလုံးရဲ့ ထွက်ဆိုချက်ပြီးမှပဲ တရားရုံးက ဒီအမှုကို စွဲချက်တင်မယ်၊ မတင်ဘူး ဆုံးဖြတ်မှာဖြစ်ပါတယ်” ဟု ပြောကြားသည်။

ထို့ပြင် မေ ၁၂ ရက်က တာမွေမြို့နယ်၌ ကချင်ပြည်နယ်စစ်ပွဲများနှင့် ပတ်သက်၍ ဆန္ဒပြသူများ ဖမ်းဆီးခံရမှုအပေါ် ရဲချုပ်အောင်ဝင်းဦးက “တာမွေကိစ္စဖြစ်စဉ်မှာ အရပ်သားတွေကို အသုံးပြုခဲ့တဲ့ဖြစ်စဉ် မရှိဘူးလို့ပဲ ဖြေကြားပါရစေ။ ကချင်ပြည်နယ်က စစ်ပွဲတွေနဲ့ပတ်သက်ပြီး ဆန္ဒဖော်ထုတ်ရာမှာ ဥပဒေနဲ့အညီ တင်ပြထားခြင်း မရှိတဲ့အတွက် အရေးယူခဲ့ခြင်းဖြစ်ပါတယ်။ တာမွေဖြစ်စဉ်မှာတော့ အရပ်သားအင်အားကို သုံးစွဲခဲ့ခြင်း မရှိပါဘူး။ အသိပေးတင်ပြခြင်းမရှိဘဲ ဆန္ဒပြခြင်းကို ဥပဒေအရ ဖမ်းဆီးခြင်း အရေးယူခြင်းတွေကို ရဲစခန်းက ဆောင်ရွက်ပါတယ်” ဟု ပြောကြားသည်။

အမှန်တရားကို အမြန်ဆုံးနည်းဖြင့် ဖော်ထုတ်ပေးစေလိုကြောင်း သမ္မတနှင့် အတိုင်ပင်ခံပုဂ္ဂိုလ်သိစေရန် ဒုရဲမှူးမိုးရန်နိုင်၏မိသားစု သတင်းစာရှင်းလင်း

သတင်းစာရှင်းလင်းပွဲ ပြုလုပ်နေသော ဒုရဲမှူးမိုးရန်နိုင်၏ မိသားစုကို တွေ့ရစဉ်

အမှန်တရားကို အမြန်ဆုံးနည်းဖြင့် ဖော်ထုတ်ပေးစေလိုကြောင်း နိုင်ငံတော်သမ္မတနှင့် အတိုင်ပင်ခံပုဂ္ဂိုလ်သိစေရန်အတွက် ဒုရဲမှူးမိုးရန်နိုင်၏ မိသားစုက မန္တလေးမြို့ ချမ်းအေးသာစံမြို့နယ်ရှိ မီဒီယာစင်တာ (မန္တလေး) တွင် ဧပြီ ၂၂ ရက် မွန်းလွဲ ၃ နာရီခန့်က သတင်းစာရှင်းလင်းပွဲ ပြုလုပ်ခဲ့ကြောင်း သိရသည်။

“အမှန်တရားဘက်မှာ နိုင်ငံတော်သမ္မတနဲ့ အတိုင်ပင်ခံပုဂ္ဂိုလ်တို့ ရပ်တည်မယ်လို့ ယုံကြည်ပါတယ်။ ဒါကြောင့် အခုလို သတင်းစာရှင်းလင်းပွဲပြုလုပ်ပြီး တောင်းဆိုရခြင်းဖြစ်ပါတယ်။ အမှန်တရားကို အမြန်ဆုံးဖော်ထုတ်ပေးစေလိုသလို ပါဝင်ပတ်သက်သူတွေကိုလည်း အရေးယူစေချင်ပါတယ်။ ကျွန်မယောက်ျား ဒီစာရွက်စာတမ်းတွေကို သတင်းထောက်နှစ်ယောက်ကို ပေးခဲ့တယ် မပေးခဲ့ဘူး။ လုပ်ခဲ့တယ် မလုပ်ခဲ့ဘူးဆိုတာ ရဲမှူးချုပ်တင်ကိုကို အသိဆုံးပါ။ အခု ကျွန်မတို့မိသားစု နေထိုင်ရတာ မလုံခြုံသလို ခံစားနေရပါတယ်” ဟု ဒုရဲမှူးမိုးရန်နိုင်၏ဇနီး ဒေါ်တူးက ပြောကြားသည်။

ဒုရဲမှူးမိုးရန်နိုင်၏ မိသားစုအတွက် အလှူငွေများကိုလည်း ခင်ပွန်းဖြစ်သူ၏ စိတ်ဆန္ဒကို သိရှိသောကြောင့် ယခုအချိန်ထိ လက်ခံခြင်းမရှိကြောင်း၊ မိမိခင်ပွန်းအတွက် အမှန်တရားပေါ်ပေါက်ပြီး မူရင်းတာဝန် ထမ်းဆောင်ခွင့်ပြန်ရလျှင်လည်း ပြင်ပတွင်သာ လုပ်ကိုင်စားသောက်တော့မည်ဖြစ်ကြောင်း မိသားစုက ရှင်းလင်းခဲ့သည်။

ရိုက်တာသတင်းဌာနမှ မြန်မာသတင်းထောက်နှစ်ဦး ထောင်ဖမ်းခံရခြင်းဖြစ်ကြောင်း တရားရုံးတွင် ထွက်ဆိုခဲ့သည့်ဒုရဲမှူး မိုးရန်နိုင်၏ ဇနီးနှင့်မိသားစုမှာ နေပြည်တော်ရှိ ရဲဝန်ထမ်းအိမ်ရာမှ ဧပြီ ၂၁ ရက်က ဖယ်ရှားခံခဲ့ရကြောင်း သိရသည်။

ထိုသို့ဖယ်ရှားခံခဲ့ရသဖြင့် တက္ကသိုလ်တက်နေသည့် သမီးဖြစ်သူနှင့် အဋ္ဌမတန်းတက်ရောက်မည့် သမီးတို့ကို ခင်ပွန်းဖြစ်သူ၏ ဇာတိမြေသို့ ပြန်လည်ပို့ဆောင်ရန် နေပြည်တော်မှ ထွက်ခွာလာခဲ့ခြင်းဖြစ်ပြီး မိသားစုဘ၀ မလုံခြုံသကဲ့သို့ ခံစားနေရခြင်း၊ အလှူငွေဒေါ်လာများရခြင်း စသည့်ပြောဆိုဝေဖန် တိုက်ခိုက်မှုများကို ဖြေရှင်းလိုသည့်အတွက် ရှင်းလင်းရခြင်းဖြစ်ကြောင်း၊ ယင်းအပြင် မိမိခင်ပွန်း၏ မျိုးရိုးစဉ်ဆက် ရဲတပ်ဖွဲ့ဝင်များဖြစ်ခဲ့ပြီး သိက္ခာသမာဓိ ရှိသူများဖြစ်သဖြင့် စုံစမ်းနိုင်ကြောင်း စသည်တို့ကို ရှင်းလင်းခဲ့ကြောင်း သိရသည်။

ရိုက်တာသတင်းဌာနမှ မြန်မာသတင်းထောက်နှစ်ဦး ထောင်ဖမ်းခံရခြင်းမှာ ဟုတ်မှန်ကြောင်းနှင့် အမှန်တရားဖွင့်ပြောရခြင်းမှာ ရဲတပ်ဖွဲ့ဝင်တွင်လည်း မည်သည့်အဆင့်အတန်းမဆို ဂုဏ်သိက္ခာရှိကြောင်း ဒုရဲမှူးမိုးရန်နိုင်က ဧပြီ ၂၀ ရက်က ရန်ကုန်တိုင်းဒေသကြီး မြောက်ပိုင်းခရိုင်တရားရုံးတွင် ပြောကြားသည်။

ဒုရဲမှူး မိုးရန်နိုင်၏ဇနီးနှင့်မိသားစု နေပြည်တော်ရှိ ရဲဝန်ထမ်းအိမ်ရာမှ ဖယ်ရှားခံရခြင်းနှင့်ပတ်သက်၍ နေပြည်တော်တိုင်းရဲတပ်ဖွဲ့ ဒုတိယတိုင်းတပ်ဖွဲ့မှူး ရဲမှူးကြီးစိုးလင်းအောင်က “ရတဖ (၈) မှာ သူတို့လိုင်းခန်းရှိပါတယ်။ ရဲတပ်ဖွဲ့မှာ နေရာပြောင်းရင် ပြောင်းတဲ့နေရာမှာ လိုင်းခန်းရတယ်။ သူ့အစား တခြားပြောင်းလာတဲ့တပ်ဖွဲ့ဝင်တွေရဲ့ နေရေးထိုင်ရေးလည်းရှိလို့။ အမှန်က နဂိုကတည်းက ပြောင်းရမှာပေါ့။ သူ့သားသမီးတွေရဲ့ ပညာရေးအတွက်။ အခုက ကျောင်းပိတ်လို့ ပြောင်းခိုင်းရတာပါ” ဟုပြောကြားသည်။

ထိုသို့ အမှန်တရားကို ဖော်ထုတ်သည်ဟုဆိုကာ ဒုရဲမှူးမိုးရန်နိုင်အား ပြည်သူလူထုက ၀န်းရံထောက်ခံပွဲကို ပဲခူးတိုင်းဒေသကြီး (အနောက်ပိုင်း) ပြည်မြို့တွင် ပြုလုပ်ခဲ့ကြောင်း သိရသည်။

အဆိုပါထောက်ခံပွဲကို ဧပြီ ၂၂ ရက် ညနေ ၃ နာရီခွဲခန့်က ပြည်မြို့ ဗိုလ်ချုပ်မြင်းစီး ကျောက်ရုပ်အနီး ပလက်ဖောင်းတွင် ပြုလုပ်ခဲ့ခြင်းဖြစ်ကာ ဒေသခံပြည်သူများ၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက် (ပြည်ခရိုင်)၊ လူငယ့်ရိပ်မြုံ၊ အဖြူရောင်သွေးပရဟိတ၊ လူဘောင်သစ်ဒီမိုကရက်တစ်ပါတီ (ပြည်ခရိုင်)၊ လူ့အခွင့်အရေးကာကွယ် မြှင့်တင်သူများအဖွဲ့၊ မြေလတ်ဂျာနယ်လစ်ကွန်ရက်နှင့် တက်ကြွလှုပ်ရှားသူ ၅၀ ကျော် တက်ရောက်ခဲ့ကြသည်။

ထင်ရှားသည့် လူ့အခွင့်အရေးဆိုင်ရာရှေ့နေ အေမယ်ကလူးနေးက ရိုက်တာသတင်းထောက်နှစ်ဦး၏ ရှေ့နေအဖွဲ့သို့ ပူးပေါင်းပါဝင်

ထင်ရှားသည့် လူ့အခွင့်အရေးဆိုင်ရာ အမျိုးသမီးရှေ့နေ အေမယ်ကလူးနေးသည် မြန်မာနိုင်ငံ၌ ဖမ်းဆီးထိန်းသိမ်းခံထားရသော ရိုက်တာသတင်းထောက်နှစ်ဦးကို ကိုယ်စားပြုသည့် ရှေ့နေအဖွဲ့၌ ပူးပေါင်းပါဝင်လိုက်ကြောင်း သိရသည်။

ရိုက်တာသတင်းထောက်နှစ်ဦးဖြစ်သော ၀လုံး (၃၁ နှစ်) နှင့် ကျော်စိုးဦး (၂၈ နှစ်) တို့အား ကိုလိုနီခေတ်ကဥပဒေဖြစ်သော အစိုးရလျှို့ဝှက်ချက်အက်ဥပဒေဖြင့် တရားစွဲဆိုသင့် မသင့် ဆုံးဖြတ်ရန် ရန်ကုန်မြို့ရှိ တရားရုံးတစ်ခုက ဇန်န၀ါရီလကတည်းက အကြိုကြားနာစစ်ဆေးမှုများကို ပြုလုပ်ခဲ့သည်။ အဆိုပါဥပဒေအရ ပြစ်မှုထင်ရှားပါက အမြင့်ဆုံးပြစ်ဒဏ်အဖြစ် ထောင်ဒဏ် ၁၄ နှစ်အထိ အပြစ်ပေးနိုင်သည်။

အစိုးရ၏ လျှို့ဝှက်စာရွက်စာတမ်းများကို လက်ဝယ်ရှိကြောင်း စွပ်စွဲခံရသည့် သတင်းထောက်များကို ချက်ချင်းလွှတ်ပေးသင့်သည်ဟု ကလူးနေးက ပြောကြားခဲ့သည်။

သြဂုတ်လတွင် စတင်သည့် တပ်မတော်စစ်ဆင်ရေးတစ်ရပ်အတွင်း ရခိုင်ပြည်နယ်တွင် မွတ်စလင် ၁၀ ဦးကို သတ်ဖြတ်ခဲ့မှုအား ရိုက်တာသတင်းဌာန၏ စုံစမ်းမှု၌ ၎င်းတို့နှစ်ဦးက ပါဝင်လုပ်ဆောင်ခဲ့ခြင်းဖြစ်သည်။

သတင်းထောက်နှစ်ဦး၏ ရှေ့နေများက ၎င်းတို့နှစ်ဦးအား တရားစွဲဆိုရန် လုံလောက်သော အထောက်အထားများမရှိဟု ပြောကြားလျက် အမှုကိုပယ်ချရန် တရားရုံးသို့ မတ် ၂၈ ရက်တွင် တောင်းဆိုခဲ့သည်။

နာမည်ကြီး ဟောလိဝုဒ်ရုပ်ရှင်မင်းသား ဂျော့ကလူးနေး၏ ဇနီးဖြစ်သူ အေမယ်ကလူးနေးက “၀လုံးနဲ့ ကျော်စိုးဦးတို့နှစ်ဦးဟာ သတင်းအစီရင်ခံမှုကြောင့် တရားစွဲဆိုခံရတာပါပဲ။ ကျွန်မအမှုတွဲကို သုံးသပ်ပြီးပါပြီ။ ဂျာနယ်လစ်နှစ်ဦးမှာ အပြစ်မရှိဘဲ ချက်ချင်းလွှတ်ပေးသင့်တယ်ဆိုတာ သံသယအဆင့်ကို ကျော်လွန်လောက်အောင် ရှင်းနေတာပါပဲ။ ဒီအမှုရဲ့ ရလဒ်က မြန်မာနိုင်ငံရဲ့ တရားဥပဒေစိုးမိုးရေးကို ကျင့်သုံးမှုအကြောင်းနဲ့ လွတ်လပ်စွာ ပြောဆိုခွင့်အကြောင်း ကျွန်မတို့ကို အများကြီးပြောပြပါလိမ့်မယ်” ဟု သူ၏ ရုံးမှထုတ်ပြန်ချက်တစ်ရပ်တွင် ပြောကြားထားသည်။

အစိုးရလျှို့ဝှက်ချက်အက်ဥပဒေဖြင့် တရားစွဲခံထားရသည့် ရိုက်တာသတင်းဌာနမှ မြန်မာသတင်းထောက်နှစ်ဦး၏အမှု တရားလိုပြသက်သေနှစ်ဦး ဆက်လက်စစ်ဆေး

မြန်မာနိုင်ငံအစိုးရ လျှို့ဝှက်ချက်အက်ဥပဒေဖြင့် တရားစွဲဆိုခံထားရသည့် ရိုက်တာသတင်းဌာနမှ မြန်မာသတင်းထောက်နှစ်ဦးဖြစ်သော ကိုဝလုံး (ခ) သက်ဦးမောင်နှင့် ကိုကျော်စိုးဦး (ခ) ကိုမိုးအောင်တို့နှစ်ဦးကို မတ် ၂၁ ရက်က မြောက်ပိုင်းခရိုင်တရားရုံးတွင် ဆက်လက်ရုံးထုတ်စစ်ဆေးခဲ့ကြောင်း သိရသည်။

အဆိုပါရုံးချိန်းတွင် အမှုနှင့်ပတ်သက်ပြီး တရားလိုပြသက်သေများအဖြစ် သတင်းထောက် ကိုဝလုံး၏နေအိမ်ကို ၀င်ရောက်ရှာဖွေစဉ်က ပစ္စည်းများအပ်နှံပေးခဲ့သည့် ကိုဝလုံး၏ညီဖြစ်သူ ကိုသူရအောင်နှင့် ကိုကျော်စိုးဦးတို့ တည်းခိုခဲ့သည့် ဟိုတယ်အား သွားရောက်ရှာဖွေခဲ့သည့် ဦးပြေငြိမ်းတို့နှစ်ဦးကို စစ်ဆေးခဲ့သည်။

“ဒီနေ့တရားလိုပြသက်သေနှစ်ဦးကို စစ်ဆေးတယ်။ တစ်ယောက်ကိုဝလုံးရဲ့ညီဖြစ်တဲ့ သူရအောင်၊ နောက်တစ်ယောက်က ရှာဖွေသက်သေဦးပြေငြိမ်း။ ကိုဝလုံးရဲ့ ညီဖြစ်သူကိုသူရအောင်ကတော့ အိမ်မှာဘယ်ပစ္စည်းတွေကို ဘယ်လိုသိမ်းသွားတယ်ဆိုတဲ့အကြောင်းတွေ၊ အစ်ကိုဖြစ်သူရဲ့ စာရိတ္တနဲ့ပတ်သက်ပြီး လူမှုရေးကိစ္စတွေလုပ်တယ်။ အကျင့်စာရိတ္တကောင်းမွန်တယ်ဆိုတဲ့ အကြောင်းတွေကို ထွက်ဆိုသွားတယ်။ သက်သေ ဦးပြေငြိမ်းတော့ ကိုကျော်စိုးဦး တည်းခိုတဲ့ဟိုတယ်မှာ ဘယ်ပစ္စည်းတွေကို ဘယ်လိုသိမ်းဆည်းခဲ့တယ်ဆိုတဲ့ အကြောင်းအရာတွေကို ထွက်ဆိုသွားခဲ့တယ်” ဟု တရားစွဲခံထားရသည့် ရိုက်တာသတင်းထောက်နှစ်ဦး၏ တရားလွှတ်တော်ရှေ့နေ ဦးသန်းဇော်အောင်က ရုံးချိန်းအပြီးတွင် သတင်းထောက်များအား ပြောကြားသည်။

အကျဉ်းထောင်များတွင် လူ့အခွင့်အရေးနှင့်မညီသည့် ဖြစ်ရပ်များရှိကြောင်း တရားစွဲခံရသည့် ကိုဝလုံးက ပြောကြားသည်။

“အကျဉ်းထောင်ထဲမှာ လူတွေပြည့်နေတယ်။ ဒါက မဖြစ်သင့်ဘူး။ ရာဇ၀တ်မှုနဲ့ကျတဲ့ အကျဉ်းသားတွေဆိုရင် ညဘက်မှာ တစ်ယောက်ပဲနေလို့ရတဲ့ အခန်းထဲမှာ ရှစ်ယောက်လောက်နေကြရတယ်။ အိမ်သာရေသုံးဖို့ အခက်အခဲတွေရှိတယ်။ အိပ်ရင်လည်း စောင်တွေ၊ ခြင်ထောင်တွေမရှိဘူး။ ဒီအတိုင်း ကြမ်းပြင်မှာဖြစ်သလို အိပ်နေကြရတယ်။ ဒီကိစ္စတွေက လူ့အခွင့်အရေးနဲ့မညီဘူး။ ဒီကိစ္စကိုအစိုးရအနေနဲ့ ဂရုစိုက်ပေးဖို့လိုအပ်တယ်။ အိုင်စီအာစီအနေနဲ့လည်း လာရောက်ကူညီပေးဖို့ တောင်းဆိုချင်တယ်” ဟု တရားစွဲခံထားရသည့် သတင်းထောက်ကိုဝလုံးက ပြောကြားသည်။

ထို့နောက် တရားရုံးမှ ရုံးချိန်းကို မတ် ၂၈ ရက်သို့ ပြန်လည်ချိန်းဆိုခဲ့ပြီး တရားလိုပြသက်သေများအား ဆက်လက်စစ်ဆေးမည်ဖြစ်ကြောင်း သိရသည်။

ရိုက်တာသတင်းဌာန၏ မြန်မာသတင်းထောက်နှစ်ဦးဖြစ်သော ကိုဝလုံး (ခ) သက်ဦးမောင်နှင့် ကိုကျော်စိုးဦး (ခ) ကိုမိုးအောင်တို့နှစ်ဦးအား ၁၉၂၃ ခုနှစ် မြန်မာနိုင်ငံ အစိုးရလျှို့ဝှက်ချက်အက်ဥပဒေ ပုဒ်မ ၃(၁)(ဂ)ဖြင့် မြောက်ပိုင်းခရိုင် တရားရုံးတွင် တရားစွဲဆိုစစ်ဆေးနေခြင်းဖြစ်ပြီး တရားလိုဘက်မှ တရားလိုအပါအ၀င် တရားလိုပြသက်သေ စုစုပေါင်း ၂၅ ဦးတင်ပြထားကာ လက်ရှိတွင် တရားလိုပြသက်သေ ၁၄ ဦးစစ်ဆေးပြီးဖြစ်သည်။

ရိုက်တာသတင်းဌာနမှ ဖမ်းဆီးခံ မြန်မာသတင်းထောက်နှစ်ဦးအား ခြောက်ကြိမ်မြောက်ရုံးထုတ်ပြီး တရားလိုပြသက်သေ ဒုရဲအုပ်တစ်ဦးကို စစ်ဆေး

ရိုက်တာသတင်းဌာနမှ ဖမ်းဆီးခံ မြန်မာသတင်းထောက်နှစ်ဦးအား အင်းစိန်မြို့နယ်ရှိ မြောက်ပိုင်းခရိုင်တရားရုံးတွင် ဖေဖော်ဝါရီ ၁၄ ရက်က ခြောက်ကြိမ်မြောက်ရုံးထုတ်ပြီး တရားလိုပြသက်သေ ဒုရဲအုပ်တစ်ဦးအား စစ်ဆေးခဲ့ကြောင်း သိရသည်။

အဆိုပါရုံးချိန်းတွင် ရိုက်တာသတင်းဌာနမှ မြန်မာသတင်းထောက်နှစ်ဦးအား ဖမ်းဆီးစဉ်က ပါဝင်ခဲ့သည်ဆိုသော ထောက်ကြန့်နယ်မြေရဲစခန်းမှ ဒုရဲအုပ်မျိုးကိုကိုအား တရားလိုပြသက်သေအဖြစ် စစ်ဆေးမေးမြန်းခဲ့ကြောင်း သိရသည်။

ဖမ်းဆီးခံသတင်းထောက်နှစ်ဦး၏ အကျိုးဆောင်ရှေ့နေ ဦးသန်းဇော်အောင်က “ဒီနေ့ ရှာဖွေဖမ်းဆီးတဲ့နေရာမှာပါတယ်ဆိုတဲ့ ဒုရဲအုပ်မျိုးကိုကိုကိုစစ်ပါတယ်။ သူတို့ကိုယ်တိုင် ရဲလက်စွဲဥပဒေကို သိသလားလို့မေးတဲ့အခါ သေချာမသိဘူးလို့ အဲဒါတော့ပြောသွားတယ်။ နောက်တစ်ခါ ရဲနေ့စဉ်မှတ်တမ်းတွေ တရားရုံးကိုတင်ပြဖို့ ကျွန်တော်တို့ လျှောက်ထားခဲ့တယ်။ သို့ပေမဲ့ အခွင့်အလမ်းမသာခဲ့ဘူး” ဟုပြောကြားသည်။

ရုံးချိန်းကို ဖေဖော်ဝါရီ ၂၁ ရက်သို့ ပြန်လည်ချိန်းဆိုခဲ့ပြီး တရားလိုပြသက်သေများ ဆက်လက်စစ်ဆေးမေးမြန်းမည်ဖြစ်ပြီး စစ်ဆေးရန် တရားလိုပြသက်သေ ၂၁ ဦးခန့်ကျန်ရှိနေကြောင်း သိရသည်။

ထို့ပြင် နောက်အပတ်ရုံးချိန်းများတွင် တရားလိုပြသက်သေများစစ်မေးရာတွင် တစ်ပတ်လျှင် နှစ်ဦးခန့်စစ်ဆေးမေးမြန်းရန် တရားရုံးအား မေတ္တာရပ်ခံခဲ့ကြောင်း အကျိုးဆောင်ရှေ့နေတစ်ဦးဖြစ်သူ ဦးခင်မောင်ဇော်က ပြောကြားသည်။

ရိုက်​တာသတင်းဌာနမှ သတင်း​ထောက်​ ကိုသက်​ဦး​အောင်​ (ခ) ၀လုံးနှင့်​ ကို​ကျော်​စိုးဦး (ခ) မိုး​အောင်​တို့ကို ရန်​ကုန်​တိုင်း​ဒေသကြီးရဲတပ်ဖွဲ့မှ ဒုတိယရဲမှူးကြီးယုနိုင်​က တရားလိုပြုလုပ်​၍ ​မြန်​မာနိုင်​ငံအစိုးရ လျှို့ဝှက်​ချက်​အက်​ဥပ​ဒေပုဒ်မ-၃ (၁) (ဂ) ဖြင့်​ တရားစွဲဆိုထားခြင်းဖြစ်ပြီး တရားလိုပြသက်သေ ၂၅ ဦးတင်ထားကြောင်း သိရသည်။

ရိုက်တာသတင်းဌာနရဲ့ အင်းဒင်ကျေးရွာဖြစ်စဉ် ဖော်ပြမှုနဲ့ အဆိပ်ရည်အပြည့်နဲ့ပုံး

ရိုက်တာသတင်းဌာနက မြန်မာ-အင်္ဂလိပ် နှစ်ဘာသာဖြင့် ဖော်ပြထားသော အင်းဒင်ကျေးရွာဖြစ်စဉ်သတင်းမှ ဖော်ပြချက်အချို့

(၁) “ဝေးလံခေါင်ဖျားသည့် ကျေးရွာတစ်ခုတွင် မြန်မာလုံခြုံရေးတပ်ဖွဲ့ဝင်များနှင့် ဗုဒ္ဓဘာသာဝင်ရွာသားများက ရိုဟင်ဂျာနေအိမ်များအား မီးရှို့ဖျက်ဆီးခဲ့ပြီး သတ်ဖြတ်ခဲ့ကြသည်” လို့ ခေါင်းစဉ်တပ်ထားတဲ့ သတင်းတစ်ခုကို ရိုက်တာသတင်းဌာနက ဖေဖော်ဝါရီ ၈ ရက်နေ့မှာ မြန်မာ၊ အင်္ဂလိပ် နှစ်ဘာသာနဲ့ ဖော်ပြခဲ့ပြီး သတင်းဓာတ်ပုံတွေကိုပါ ပူးတွဲဖော်ပြခဲ့ပါတယ်။

ရိုက်တာသတင်းဌာနအနေနဲ့ သမားရိုးကျဖော်ပြမှုမဟုတ်ဘဲ ထူးခြားတဲ့ ဖော်ပြမှုဖြစ်နေတာကိုလည်း သတိထားမိပါတယ်။ ပုံမှန်ဖော်ပြနေကျ အင်္ဂလိပ်ဘာသာအပြင် မြန်မာဘာသာကိုပါ ပြန်ဆိုပေးထားခြင်း၊ ရခိုင်ပြည်နယ်မြောက်ပိုင်း အင်းဒင်ကျေးရွာတွင် ဖြစ်ပွားခဲ့တဲ့ ဘင်္ဂါလီ ၁၀ ဦး (မူရင်းအရေးအသားတွင် ရိုဟင်ဂျာဟု ဖော်ပြထား) အသတ်ခံ မခံရမီ အလောင်းမြေမြှုပ်ဖို့ တူးထားတဲ့ မြေကျင်းတွေအနီး ဒူးထောက်ထိုင်ခိုင်းထားတဲ့ပုံနဲ့ သေဆုံးသူတွေကို မြှုပ်နှံရန် မြေတွင်းထဲ ထည့်ထားတဲ့ပုံတွေကို ဖော်ပြထားခြင်း၊ ဓာတ်ပုံမှာပါဝင်တဲ့ လက်နက်ကိုင်လုံခြုံရေး တပ်ဖွဲ့ဝင် မည်သူမည်ဝါ၊ သတင်းမှာ ဖြေကြားပေးသူ ဒေသခံတချို့ကို အမည်နဲ့တကွ ဖော်ပြထားခြင်းစတဲ့ ထူးခြားတဲ့ သတင်းဖော်ပြမှုတွေ မြင်တွေ့ရပါတယ်။

ဒီသတင်းမှာ ကျူးလွန်သူတွေဟာ ဗုဒ္ဓဘာသာဗမာလူမျိုး၊ ဗုဒ္ဓဘာသာရခိုင်လူမျိုးစတဲ့ ဝေါဟာရတွေကို အကြိမ် ၂၀ ကျော် ဖော်ပြထားပြီး အသတ်ခံရသူများနဲ့ ပတ်သက်ပြီး ရိုဟင်ဂျာမွတ်စလင်၊ အစ္စလာမ်ဘာသာရေးဆရာ စတဲ့ ဝေါဟာရတွေကို ခြောက်ကြိမ် ဖော်ပြထားပါတယ်။ အင်္ဂလိပ်ဘာသာနဲ့ ဖော်ပြထားမှုမှာ Buddhist Villagers (ဗုဒ္ဓဘာသာဝင် ရွာသားများ)၊ Rakhine Buddhist Elder (ဗုဒ္ဓဘာသာဝင် ရခိုင်လူကြီး)၊ Buddhist Community (ဗုဒ္ဓဘာသာဝင်အသိုင်းအ၀ိုင်း) စတဲ့ ကိုးကွယ်တဲ့ဘာသာလူမျိုးကို တွဲဆက်ဖော်ပြတဲ့ စကားလုံးပေါင်း ၆၀ ကျော်ကို အသုံးပြုထားပါတယ်။ ပြီးတော့ ဒီဖော်ပြမှုရဲ့ စာပိုဒ်တိုင်းမှာ ဗုဒ္ဓဘာသာဝင်များ၊ ဗုဒ္ဓဘာသာဝင် ရခိုင်လူမျိုးများ၊ ဗုဒ္ဓဘာသာဝင် ရခိုင်ရွာသားများဆိုတဲ့ ဝေါဟာရတွေကို ထပ်ခါတလဲလဲ အသုံးပြုပြီး ဗုဒ္ဓဘာသာဝင်တွေအပေါ် အထင်အမြင်လွဲအောင် ပုံဖော်ထားသလို ဖြစ်နေပါတယ်။

ဒီလိုဖော်ပြမှုတွေနဲ့ ပတ်သက်လို့ (၁) ရိုက်တာသတင်းထောက်နှစ်ဦး အဖမ်းခံရပြီးချိန်တွင် ယခုကဲ့သို့ မဖော်ပြခဲ့ခြင်း၊ (၂) ကုလသမဂ္ဂလုံခြုံရေးကောင်စီက ဘင်္ဂါလီအရေးနဲ့ ပတ်သက်ပြီး မြန်မာနိုင်ငံအပေါ် အရေးယူမှု ပြုလုပ်မယ့် ဆုံးဖြတ်ချက်မချမီ တစ်ပတ်အလိုကျမှာ အခုလို ဖော်ပြခြင်း၊ (၃) သတင်း၊ သတင်းဓာတ်ပုံနဲ့ သတင်းမှာ အသုံးပြုတဲ့ ဝေါဟာရများ၊ သတင်းရေးသားမှုပုံစံများက ဘာသာရေး၊ လူမျိုးရေးအပေါ် တစ်ဖက်သတ် အထင်အမြင် လွဲမှားစေနိုင်ခြင်း၊ (၄) ဂျာနယ်လစ်ဇင်ကျင့်ဝတ်ကို ကျော်လွန်ဖော်ပြခြင်း စတဲ့ အချက်တွေကို မြင်တွေ့ရပါတယ်။

(၂) ၁၈၅၁ ခုနှစ်ကတည်းက စတင်ထူထောင်ခဲ့တဲ့ ကမ္ဘာ့အဆင့် ရိုက်တာသတင်းဌာနအနေနဲ့ ပဋိပက္ခဖြစ်စဉ်များ၊ ဘာသာရေး၊ လူမျိုးရေး အကြောင်းအရာများအပေါ် ရေးသား ဖော်ပြရာမှာ လူမျိုးတစ်ခုနဲ့တစ်ခုအကြား၊ လူ့အဖွဲ့အစည်းတစ်ခုနဲ့ တစ်ခုအကြား အမှန်တရားများ ပေါ်ပေါက်ရေး၊ အမုန်းတရားများ တိုးပွားမလာစေရေး၊ ဂရုပြုရမယ့် အခြေခံဂျာနယ်လစ်ဇင်ကျင့်ဝတ်ကို မသိနိုင်စရာ မရှိပါဘူး။

သာဓကအနေနဲ့ ရိုက်တာသတင်းဌာနက ၂၀၁၇ ခုနှစ် စက်တင်ဘာ ၂၇ ရက်မှာ ရှားရှားပါးပါး ဖော်ပြခဲ့တဲ့ ရိုဟင်ဂျာမွတ်စလင်များက ဟိန္ဒူအမျိုးသားများကို လည်လှီးသတ်ဖြတ်ကာ ဟိန္ဒူအမျိုးသမီးတွေကို မွတ်စလင်ဘာသာသို့ အတင်းအကျပ် ပြောင်းခိုင်းပြီး မပြောင်းလိုသူတွေကို သတ်ဖြတ်မှု သတင်းဖော်ပြရာမှာ သတ်ဖြတ်သူများကို မွတ်စလင်များဟု ယူဆရသူ၊ မွတ်စလင်များအဖြစ် ပုံဖော်ထားသူဟူသော အသုံးအနှုန်းများကိုသာ ရေးသားခဲ့တာ တွေ့ရပါတယ်။

ဒါ့အပြင် ရခိုင်ပြည်နယ်မြောက်ပိုင်းမှာ ဖြစ်ပွားခဲ့တဲ့ ဖြစ်စဉ်မှာ ဒေသခံရခိုင်တိုင်းရင်းသားတွေကို ARSA အကြမ်းဖက်တွေက အကြမ်းဖက်သတ်ဖြတ်တာ၊ မွတ်စလင်အစွန်းရောက် အကြမ်းဖက်တွေက ဒေသခံ ဟိန္ဒူဘာသာဝင်တွေကို ရက်ရက်စက်စက် သတ်ဖြတ်တာတွေနဲ့ ပတ်သက်ပြီး အခုအင်းဒင်ကိစ္စ ဖော်ထုတ်သလို အသေးစိတ် စုံစမ်းရေးသားခဲ့တာမျိုး မတွေ့ရပါဘူး။

အခု အင်းဒင်ကိစ္စ သတင်းဖော်ပြချက်မှာပါဝင်တဲ့ တချို့ဝေါဟာရ စကားလုံးတွေကို ထပ်တလဲလဲ အသုံးပြုမှုတွေက မွတ်စလင်ရိုဟင်ဂျာတွေကို ဗုဒ္ဓဘာသာဝင်တွေက အစုလိုက်အပြုံလိုက် သတ်ဖြတ်တယ်ဆိုတာမျိုးနဲ့ ကမ္ဘာတစ်လွှားမှာရှိတဲ့ ဗုဒ္ဓဘာသာဝင်တွေနဲ့ မွတ်စလင်ဘာသာဝင်တွေအကြား ရန်တိုက်ပေးသလိုဖြစ်နေပြီး ဗုဒ္ဓဘာသာကို သိက္ခာချသလိုဖြစ်နေတယ်လို့ ယူဆစရာ ဖြစ်နေပါတယ်။

တကယ်တော့ ရခိုင်ပြည်နယ် ဖြစ်စဉ်ဟာ သာမန်ပဋိပက္ခဖြစ်စဉ် မဟုတ်ပါဘူး။ နှစ်ပေါင်းများစွာ အကျိတ်အခဲတွေကနေ ဖြစ်တည်လာတဲ့ ပြဿနာတွေလို့ ဆိုရမှာပါ။ ၂၀၁၂ ခုနှစ်က ဖြစ်ပွားခဲ့တဲ့ မသီတာထွေး အဓမ္မပြုကျင့် အသတ်ဖြတ်ခံခဲ့ရတဲ့ဖြစ်စဉ်ဟာ ရခိုင်ပြည်နယ်တစ်လွှား၊ မြန်မာပြည်အနှံ့သာမက မလေးရှားရောက် မြန်မာများ အကြမ်းဖက် သတ်ဖြတ်ခံရတဲ့အထိ ကူးစက်ခဲ့တဲ့ ဖြစ်စဉ်ကြီးတစ်ခုပါ။ ၂၀၁၇ ခုနှစ် သြဂုတ် ၂၅ ရက် ဖြစ်စဉ်ပြီးတဲ့နောက်မှာ အသတ်ဖြတ်ခံရတဲ့သူတွေဟာ ကမ္ဘာ့မီဒီယာတွေ ဦးစားပေးဖော်ပြတဲ့ ဘင်္ဂါလီတွေပဲ သေဆုံးခဲ့တာ မဟုတ်ပါဘူး။ ရခိုင်၊ မြို၊ ခမီ၊ ဒိုင်းနက် စတဲ့ ဒေသခံတိုင်းရင်းသားတွေနဲ့ ဟိန္ဒူဘာသာဝင်တွေလည်း အသတ်ဖြတ်ခံခဲ့ရတာပါ။ ဒါပေမဲ့ ရိုက်တာသတင်းဌာနအနေနဲ့ အဲဒီကိစ္စတွေအပေါ် အသေးစိတ် စုံစမ်းဖော်ထုတ်ခဲ့တာမရှိဘဲ အခုမှ အင်းဒင်ကိစ္စတစ်ခုတည်းကို အသေးစိတ် ဖော်ထုတ်ခဲ့တာပါ။

(၃) မြန်မာနိုင်ငံရဲ့ ဒီမိုကရေစီဟာ နုနယ်ပြီး ထိလွယ်ရှလွယ်တဲ့ အနေအထား ဖြစ်ပါတယ်။ အခက်အခဲများစွာ ရင်ဆိုင်နေရသလို ရခိုင်ပဋိပက္ခမှာလည်း ကိုးကွယ်ရာ မတူညီတဲ့ ဘာသာဝင်တွေကြား၊ လူမှုအသိုင်းအ၀ိုင်းကြား သဟဇာတဖြစ်ရေးနဲ့ ငြိမ်းချမ်းရေး၊ တည်ငြိမ်ရေးအတွက် အလေးထားနေကြရပါတယ်။ ရခိုင်ပြည်နယ်မှာ ဖြစ်ပွားခဲ့တဲ့ အကြမ်းဖက် တိုက်ခိုက်မှုဖြစ်စဉ်ကြောင့် ထိခိုက်ခံစားရသူအားလုံးအတွက် စိတ်မကောင်းဖြစ်ရပြီး အိုးအိမ်စွန့်ခွာ ထွက်ပြေးရသူတွေဟာ မွတ်စလင်ဘာသာဝင်တွေသာမက ရခိုင်တိုင်းရင်းသားတွေနဲ့ ကမန်၊ မြို၊ သက်၊ မရမာကြီး၊ ဟိန္ဒူဘာသာဝင်တွေ ပါဝင်နေတာကို သတိပြုသင့်ပါတယ်။

တစ်ကမ္ဘာလုံး ရင်ဆိုင်နေရတဲ့ Islamophobia အတွက် နိုင်ငံတော် လုံခြုံရေးကို ဆောင်ရွက်နေရတဲ့ အခြေအနေမှာ မြန်မာနိုင်ငံအကြောင်း ခရေစေ့တွင်းကျ လေ့လာမှုမရှိတဲ့ ကမ္ဘာ့မီဒီယာတချို့ကြောင့် မြန်မာနိုင်ငံဟာ အခက်တွေ့ခဲ့ရတာဖြစ်ပြီး အစိုးရပြန်ကြားရေးဌာန အနေနဲ့ ပြည်ပမီဒီယာတွေရဲ့ မဟုတ်မှန်တဲ့ ဖော်ပြမှုတွေအပေါ် တုံ့ပြန် ဆောင်ရွက်နိုင်မှုအပိုင်းမှာ လိုအပ်ချက်တွေ များစွာရှိခဲ့ပါတယ်။ ကမ္ဘာ့မီဒီယာတွေနဲ့ ရင်ဆိုင်ပြီး ထိရောက်တဲ့ တုံ့ပြန်နိုင်စွမ်းမရှိရင် ပြည်သူ့ဘဏ္ဍာတွေ အကုန်ခံပြီး ပြန်ကြားရေးဝန်ကြီးဌာန ဆက်ထားနေမှုအပေါ် မေးခွန်းထုတ်စရာ ဖြစ်စေခဲ့ပါတယ်။ ဒါ့အပြင် ပြည်တွင်းမီဒီယာတွေအပေါ် ဖိနှိပ်တာတွေကိုကလည်း ထောက်ပြစရာတွေ ဖြစ်စေခဲ့ပါတယ်။

ကမ္ဘာ့မီဒီယာတွေက မြန်မာနိုင်ငံကို မီဒီယာစစ်ပွဲနဲ့ ဖိအားပေးနေသလို မီဒီယာတွေမှာ ပါဝင်နေသူတို့ရဲ့ ကိုယ်ကျိုးစီးပွားအတွက် အကျိုးစီးပွားကိုယ်စီနဲ့ ဖိအားပေးနေတာတွေကလည်း သတိပြုစရာပါ။ ဒီဖိအားဟာ မီဒီယာတိုင်း၊ သတင်းထောက်တိုင်း လိုချင်ကြတဲ့ ပူလစ်ဇာဆုကြောင့်လို့ ကောက်ချက်ချနိုင်ပါတယ်။ အာအက်ဖ်အေ၊ ဗွီအိုအေ စတဲ့ အမေရိကန်ကျောထောက်နောက်ခံပြု မီဒီယာ၊ ဗြိတိန်က ကျောထောက်နောက်ခံပြုပေးထားတဲ့ ရိုက်တာနဲ့ ဘီဘီစီ၊ ကာတာအခြေစိုက် အယ်လ်ဂျာဇီးယားလို မီဒီယာတွေဟာ ရခိုင်ကိစ္စကို ပုံဖော်ရာမှာ ဘင်္ဂါလီအရေးကို ပိုမိုဇောင်းပေးနေတယ်လို့ ဆိုရမှာဖြစ်ပါတယ်။

အေအက်ဖ်ပီသတင်းဌာနရဲ့ ရခိုင်အရေးမှာ သတင်းအမှား ဖော်ပြခဲ့မှု၊ တူရကီဒုတိယ၀န်ကြီးချုပ်ရဲ့ ရခိုင်အရေး ဓာတ်ပုံမှားယွင်းဖော်ပြမှု၊ အယ်လ်ဂျားဇီးယားက ဒေါ်အောင်ဆန်းစုကြည်ရဲ့ မိန့်ခွန်းနဲ့ ပတ်သက်ပြီး ဖော်ပြခဲ့ရာမှာ NLD ပါတီက မဲနိုင်ရင် နိုင်ငံသားကတ်ထုတ်ပေးမယ် ပြောခဲ့တယ်ဆိုပြီး တကယ်မပြောခဲ့တာတွေကို ပြည်ခိုင်ဖြိုးပါတီရဲ့ မဲဆွယ်စကားနဲ့ မှားယွင်းဖော်ပြခဲ့တဲ့အပြင် ၁၉၄၇ ခုနှစ်မှာ ကျဆုံးခဲ့တဲ့ ဗိုလ်ချုပ်အောင်ဆန်းကို မီတယ်လို့ အသက် ၅၀ ကျော်အရွယ်က ပြောတာကို ကိုးကားဖော်ပြခဲ့တာ၊ ဘင်္ဂါလီရွာတွေကို တကယ်မသွားခဲ့တဲ့ ဒေါ်အောင်ဆန်းစုကြည်ကို အဲဒီရွာတွေကိုသွားပြီး ဒေါ်အောင်ဆန်းစုကြည် ထွက်သွားတာနဲ့ တစ်ပြိုင်နက် တိုက်ခိုက်မှုတွေ စတင်လာတယ်ဆိုတဲ့ ဘင်္ဂါလီတစ်ဦးရဲ့ လိမ်လည်ပြောကြားတာကို Channel News Asia မှာ ကိုးကားဖော်ပြခဲ့မှု၊ စက်တင်ဘာ ၁၈ ရက်က ရိုက်တာသတင်းဌာနရဲ့ သတင်းဓာတ်ပုံ မှားယွင်းဖော်ပြခဲ့မှု စတဲ့ အခြေအနေတွေကို ကြည့်မယ်ဆိုရင် တစ်ကမ္ဘာလုံးမှာ ရခိုင်အရေးနဲ့ ပတ်သက်ပြီး သတင်းအမှားတွေ ရောက်နေတာကို ပိုပြီးမြင်သာစေခဲ့သလို ကမ္ဘာ့မီဒီယာကြီးတွေရဲ့ ကျင့်ဝတ်မဲ့ချွတ်ချော်မှုတွေကို မြင်တွေ့ရမှာ ဖြစ်ပါတယ်။

၂၀၁၇ ခုနှစ် သြဂုတ် ၂၅ မှာ ARSA အစွန်းရောက်ဘင်္ဂါလီအကြမ်းဖက်များရဲ့ အလစ်အငိုက် ၀င်ရောက်တိုက်ခိုက်မှုကြောင့် တပ်မတော်သား၊ ရဲတပ်ဖွဲ့ဝင်နဲ့ ဒုလ၀ကဦးစီးမှူးတို့ သေဆုံးခဲ့ပြီး ဒဏ်ရာရသူ အများအပြား ရှိခဲ့ပါတယ်။ နောက်ပိုင်းမှာ အကြမ်းဖက်ဖြစ်စဉ်များ ဆက်လက်ဖြစ်ပေါ်ခဲ့လို့ မောင်တောဒေသမှာရှိတဲ့ ဒေသခံ ရခိုင်တိုင်းရင်းသားတွေနဲ့ တခြားလူနည်းစု ဟိန္ဒူဘာသာဝင်တွေ၊ သူတို့ရဲ့ နေအိမ်တွေကို စွန့်ခွာပြီး ထွက်ပြေးခဲ့ကြပါတယ်။ ဖြစ်စဉ်အစောပိုင်းမှာ လုံခြုံရေး အပြည့်အ၀ ရယူနိုင်ခြင်း မရှိသေးတာကို အခွင့်ကောင်းယူပြီး ဘင်္ဂါလီအကြမ်းဖက်သမားတွေက မီးရှို့ဖျက်ဆီးမှုတွေ၊ တိုင်းရင်းသားတွေကို သတ်ဖြတ်မှု စတာတွေကို လုပ်ဆောင်ခဲ့ကြပါတယ်။

သြဂုတ်လကုန်ပိုင်းနဲ့ စက်တင်ဘာ လဆန်းပိုင်းတွေမှာတော့ နယ်မြေတည်ငြိမ်မှုကို အဆင့်အလိုက် လုပ်ဆောင်နိုင်ချိန်မှာတော့ ဘင်္ဂါလီတွေဟာ ဘင်္ဂလားဒေ့ရ်ှဘက်ကို အလုံးအရင်းနဲ့ ထွက်ပြေးတဲ့သတင်းတွေ ထွက်ပေါ်ခဲ့ပါတယ်။ နိုင်ငံတကာ သတင်းစာမျက်နှာတွေမှာလည်း ရခိုင်ဒေသ ပဋိပက္ခအတွင်း မြန်မာနိုင်ငံမှ ဘင်္ဂလားဒေ့ရ်ှဘက်သို့ ထွက်ပြေးတိမ်းရှောင်ကြတဲ့ ဘင်္ဂါလီဒုက္ခသည်များအရေးကို ရှေ့တန်းတင်လာခဲ့ကြတယ်။ လူ့အခွင့်အရေး ဆုံးရှုံးမှု အခြေအနေတွေကို နိုင်ငံတကာမှာ ပိုမိုပျံ့နှံ့လာစေခဲ့တယ်။ နယ်မြေရှင်းလင်းစဉ် ဘင်္ဂါလီတွေ ညှဉ်းပန်း သတ်ဖြတ်ခံရတာ၊ အဓမ္မပြုကျင့်ခံရတာတွေ ရှိတယ်လို့ စွပ်စွဲချက်များ ပိုမိုပျံ့နှံ့သွားပြီး လူမျိုးတုံးသတ်ဖြတ်မှုတွေ ရှိနေတယ်လို့တောင် အနောက်နိုင်ငံတွေက သုံးသပ်ပြောဆိုမှုတွေ ရှိလာပါတယ်။ ဒါ့အပြင် ရခိုင်ပြည်နယ် ဖြစ်စဉ်အပေါ် အခြေခံပြီး မြန်မာနိုင်ငံရဲ့ အချုပ်အခြာအာဏာကို ထိခိုက်စေနိုင်တဲ့ ဖိအားပေးမှုတွေကိုပါ လုပ်ဆောင်ခဲ့ကြတယ်။ ကုလသမဂ္ဂ လုံခြုံရေးကောင်စီမှာ လူ့အခွင့်အရေးခေါင်းစဉ်ကို အသုံးပြုပြီး တံခါးပိတ်ဆွေးနွေးပွဲတွေနဲ့အတူ ဗြိတိန်ဦးဆောင်တဲ့ အနောက်နိုင်ငံတွေက မြန်မာအစိုးရနဲ့ တပ်မတော်အပေါ် ဝေဖန်တိုက်ခိုက်ခဲ့ကြတယ်။

ရခိုင်ဒေသ ဖြစ်စဉ်ရဲ့ အစပိုင်းမှာ အစိုးရရဲ့ တုံ့ပြန်ဆောင်ရွက်မှုတွေ အားနည်းခဲ့သလို သတင်းထုတ်ပြန်နိုင်မှု လိုအပ်ချက်တွေကြောင့် နိုင်ငံတကာမျက်နှာစာမှာ ဘင်္ဂါလီ အရေးနဲ့ပတ်သက်ပြီး တစ်ဖက်သတ် စွပ်စွဲမှုတွေကို ထိရောက်အောင် တုံ့ပြန်နိုင်မှု မရှိသလောက် ဖြစ်ခဲ့ရပါတယ်။ နိုင်ငံတကာ မီဒီယာတွေမှာ ရခိုင်ဒေသရဲ့ အကြမ်းဖက်ခံရမှု အခြေအနေမှန် ပျောက်ဆုံးပြီး ဘင်္ဂါလီ အရေးသာ ရှေ့တန်းရောက်ခဲ့ရတယ်။ တူရကီဒုတိယ၀န်ကြီးချုပ် ကိုယ်တိုင် သတင်းအမှားများ၊ ဓာတ်ပုံအတုများ ဖြန့်ဝေပြီး ဘင်္ဂါလီတွေအပေါ် အာဏာပိုင်တွေက လူမျိုးတုံး သတ်ဖြတ်မှုတွေ လုပ်နေတယ်လို့ မဟုတ်မမှန် ဖြန့်ဝေမှုတွေအထိ ရှိခဲ့ပါတယ်။

ကုလသမဂ္ဂလုံခြုံရေးကောင်စီကလည်း ဘင်္ဂါလီအရေးကို ရှေ့တန်းတင် ဆွေးနွေးခဲ့ပြီး လူ့အခွင့်အရေးဆိုင်ရာ Agenda တစ်ရပ်အဖြစ် ဖိအားပေးခဲ့ပါတယ်။ ကုလသမဂ္ဂ လူ့အခွင့်အရေးကောင်စီက ရခိုင်ပြည်နယ်ကို လွတ်လပ်သော နိုင်ငံတကာ အချက်အလက် ရှာဖွေဖော်ထုတ်ရေးအဖွဲ့ စေလွှတ်ရန် အပါအ၀င် ဖိအားပေးမှုတွေ လုပ်ဆောင်ခဲ့သလို ကုလသမဂ္ဂ လုံခြုံရေးတပ်ဖွဲ့ဝင်များ ၀င်ရောက်လာနိုင်တဲ့ R2P အစီအစဉ်ကို လုပ်ဆောင်နိုင်ဖို့ အခြေအနေမျိုးအထိ ပုံဖော်ခဲ့ကြပါတယ်။

(၄) အင်းဒင်လူသတ်မှုသတင်းကို အချိန်ကိုက် ဖော်ပြတာလား

ရိုက်တာသတင်းဌာနအနေနဲ့ အင်းဒင်ရွာ လူသတ်မှုဖြစ်စဉ်ကို အမှန်တရား ဖော်ထုတ်ဖို့အတွက်လား၊ ဒါမှမဟုတ် အခြားရည်ရွယ်ချက်တစ်ခုကြောင့် အချိန်ကိုက်ဖော်ပြတာလားဆိုတာ မေးခွန်းထုတ်စရာပါ။

အခု ရိုက်တာက ဖော်ပြတဲ့ အင်းဒင်ရွာ လူသတ်မှုဖြစ်စဉ် သတင်းမှာ သတင်းထောက်လေးဦး အမည်ကို ဖော်ပြထားပါတယ်။ အဲဒီထဲက နှစ်ဦးဖြစ်တဲ့ မြန်မာနိုင်ငံသား ရိုက်တာသတင်းထောက် ကိုဝလုံးနဲ့ ကိုကျော်စိုးဦးတို့ဟာ ဒီဇင်ဘာလ ၁၂ ရက်မှာ အစိုးရရဲ့ ဖမ်းဆီးထိန်းသိမ်းခြင်း ခံထားရသူတွေ ဖြစ်ပါတယ်။ ရခိုင်ဖြစ်စဉ်နဲ့ ဆက်နွှယ်သော အစိုးရလျှို့ဝှက် စာရွက်စာတမ်းများ ရယူမှုနဲ့ပတ်သက်ပြီး တရားစွဲဆို ဖမ်းဆီးခံထားရတာ ဖြစ်ပါတယ်။ ဒီသတင်းမဖော်ပြမီ တစ်ရက်အလို ဖေဖော်ဝါရီ ၇ ရက်မှာ အမေရိကန်၊ ပြင်သစ်နဲ့ ဗြိတိန်အပါအ၀င် အခြားနိုင်ငံ ငါးနိုင်ငံက မြန်မာနိုင်ငံမှ ထွက်ပြေးသွားတဲ့ ဘင်္ဂါလီမွတ်စလင်တို့ရဲ့ ကံကြမ္မာအရေးကို ကုလသမဂ္ဂလုံခြုံရေးကောင်စီမှာ ဆွေးနွေးဖို့ တောင်းဆိုခဲ့ပါတယ်။ ဖေဖော်ဝါရီလ ၈ ရက်နေ့မှာတော့ ရိုက်တာသတင်းဌာနက ရခိုင်ပြည်နယ် အင်းဒင်ရွာ လူသတ်မှုဖြစ်စဉ် အသေးစိတ်ကို ဖော်ပြခဲ့တာပါ။

ရိုက်တာသတင်းဌာနအနေနဲ့ အမှန်တရားကို ဖော်ထုတ်ဖို့အတွက်ဆိုရင် မိမိသတင်းထောက်နှစ်ဦး ဖမ်းဆီးခံရချိန်ကတည်းက ဒီလိုဖြစ်စဉ်တွေကို သတင်းရယူစုဆောင်းရင်း အဖမ်းခံရတာဖြစ်တယ်လို့ ထုတ်ပြန်သင့်ပါတယ်။ အစိုးရတာဝန်ရှိသူတွေ အနေနဲ့လည်း ဥပဒေအတိုင်း စုံစမ်းစစ်ဆေး အရေးယူနိုင်အောင် ဘယ်လိုဖြစ်စဉ်တွေ ရှိတယ်ဆိုတာကို အချက်အလက်တွေနဲ့ ဖော်ပြသင့်ပါတယ်။ ဒါပေမဲ့ အဲဒီတုန်းက အခုလိုမဖော်ပြခဲ့ဘဲ ရိုက်တာသတင်းထောက်တွေ အဖမ်းခံရတာ နှစ်လနီးပါးခန့်ကြာပြီး မြန်မာနိုင်ငံနဲ့ ပတ်သက်လို့ ကုလသမဂ္ဂလုံခြုံရေး ကောင်စီမှာ တောင်းဆိုမှုတွေ လုပ်ဆောင်နေချိန်နဲ့ တိုက်ဆိုင်ပြီး အချိန်ကိုက်ဖော်ပြတာဟာ အမှန်တရားကို ဖော်ထုတ်ဖို့လား၊ တခြားရည်ရွယ်ချက်က ဘာလဲဆိုတာ မေးခွန်းထုတ်စရာပါ။

(၅) နိုင်ငံရေးကစားကွက် ဖြစ်နေလား

၂၀၁၇ ခုနှစ် သြဂုတ်လနှောင်းပိုင်းမှာ တစ်ကျော့ပြန်ဖြစ်ပွားခဲ့တဲ့ ရခိုင်-ဘင်္ဂါလီပြဿနာဟာ လူမျိုးရေး၊ ဘာသာရေး ပဋိပက္ခဆိုတာတွေအပြင် အင်အားကြီးနိုင်ငံတွေရဲ့ နိုင်ငံရေးကစားကွက်အဖြစ် ပုံဖော်ခံနေရသလား ဆိုတာနဲ့ ပတ်သက်ပြီး နိုင်ငံတကာအရေး ကျွမ်းကျင်သူတွေက သုံးသပ်ပြောဆိုမှုတွေ ရှိလာပါပြီ။

ရခိုင်ပြည်နယ်မှာ ဖြစ်ပေါ်ခဲ့တဲ့ ဘင်္ဂါလီကိစ္စဟာ ကမ္ဘာလုံးဆိုင်ရာ ပထ၀ီနိုင်ငံရေးအခြေအနေနဲ့ မီးလောင်ရာလေပင့် လုပ်ခဲ့ပုံပေါ်တယ်လို့ Institute of Oriental Studies of The Russian Academy of Sciences ရဲ့ အရှေ့တောင်အာရှရေးရာဌာနမှူး Dmitry Mosyakov က ရုရှားတီဗီ (RT) ကို ပြောကြားထားပါတယ်။

ဘင်္ဂါလီအရေးကိစ္စမှာ အချက်သုံးချက်ရှိပြီး ပထမအချက်က ရခိုင်ဒေသမှာ ရင်းနှီးမြှုပ်နှံမှု အကြီးအကျယ် ပြုလုပ်ထားတဲ့ တရုတ်အရေး ကိစ္စအပေါ် အမေရိကန်ရဲ့ ၀င်ရောက် ကစားတာဖြစ်ပြီး ဒုတိယအချက်က အရှေ့တောင်အာရှမှာ မွတ်စလင် အစွန်းရောက်ဝါဒ ထွန်းကားလာစေဖို့ မီးမွှေးလိုက်တာပါလို့ သုံးသပ်ခဲ့တယ်။ နောက်တစ်ချက်ကတော့ အာဆီယံဒေသက အင်ဒိုနီးရှား၊ မလေးရှားနဲ့ မြန်မာနိုင်ငံအကြား သွေးခွဲဖို့ ကြိုးပမ်းခြင်းဖြစ်တယ်လို့လည်း Dmitry Mosyakov က သုံးသပ်ထားပါတယ်။

ရခိုင်ဒေသမှာ ရွှေသဘာဝ ဓာတ်ငွေ့သိုက်ကဲ့သို့ အဖိုးတန် ရေနံနဲ့ သဘာဝဓာတ်ငွေ့သိုက်များ ရှိနေခြင်းကြောင့် တရုတ်နိုင်ငံက မျက်စိကျခဲ့ပြီး ရခိုင်ပြည်နယ် ကျောက်ဖြူ ရေနက်ဆိပ်ကမ်းကနေ တရုတ်နိုင်ငံ ယူနန်ပြည်နယ် ခွန်းမိန်မြို့အထိ ဆက်သွယ်ထားတဲ့ ရေနံနဲ့သဘာဝ ဓာတ်ငွေ့ပိုက်လိုင်း စတင်ခဲ့တာဖြစ်ကြောင်း၊ အဲဒီစီမံကိန်း ဆောက်လုပ်နေစဉ်အတွင်း လူပေါင်းတစ်သိန်းကျော် နေရပ်စွန့်ခွာထွက်ပြေးခဲ့ရတဲ့ ရခိုင်-ဘင်္ဂါလီပြဿနာ ၂၀၁၂ ခုနှစ် မှာ ဖြစ်ပွားခဲ့ကြောင်း အရှေ့တောင် အာရှရေးရာဌာနမှူး Dmitry Mosyakov က ရုရှားနိုင်ငံ Sputnil အွန်လိုင်းမဂ္ဂဇင်း၊ Opinion ကဏ္ဍမှာ ဖော်ပြခဲ့ပါတယ်။

မကြာသေးမီက မြန်မာနိုင်ငံနဲ့ တရုတ်နိုင်ငံအကြား OBOR သဘောတူညီချက်မူကြမ်း ချုပ်ဆိုနိုင်ခဲ့သလို မြန်မာနဲ့ ရုရှားနိုင်ငံအကြား စစ်ဘက်ဆက်ဆံရေး အလျင်အမြန် တိုးတက်လာခဲ့ပါတယ်။ ရုရှားကာကွယ်ရေးဝန်ကြီး မြန်မာနိုင်ငံကို လာရောက်ခဲ့ပြီး အဆင့်မြင့် တိုက်လေယာဉ် SU-30 များ ရောင်းချရန် သဘောတူညီချက် ရရှိခဲ့ပါတယ်။ ဒီအချက်ကို အမေရိကန်က ပြင်းပြင်းထန်ထန် ကန့်ကွက်ခဲ့သလို ဘင်္ဂါလီအရေးနဲ့ပတ်သက်ပြီး နိုင်ငံတကာ ဖိအားတွေ အများအပြား ရှိခဲ့ပါတယ်။ တပ်မတော်ထိပ်တန်းခေါင်းဆောင်တချို့ကိုလည်း အမေရိကန်က ပိတ်ဆို့အရေးယူမှုတွေ ပြုလုပ်လိုက်ပါတယ်။

(၆) ပြည်တွင်းနဲ့ ပြည်ပမီဒီယာတွေရဲ့ မတူညီတဲ့ အနေအထား

မီဒီယာတွေ ရပ်တည်ဖို့ ခက်ခဲလာတဲ့အချိန်မှာ တချို့ဟာ အထောက်အပံ့ခံတွေ ဖြစ်ကုန်တယ်။ အောင်မြင်မှုအရှိဆုံး၊ ကြော်ငြာရရှိမှုနဲ့ စောင်ရေအများဆုံးဖြစ်တဲ့ Eleven တောင် ရပ်တည်ဖို့ အတော်ရုန်းကန်နေရတယ်။ မီဒီယာအများစုဟာ ရပ်တည်မှုအတွက် ရုန်းကန်နေကြရတယ်။ ဒီလိုအချိန်မှာ လစာဒေါ်လာ ထောင်ချီပေး၊ လူတွေအများအပြား ခန့်ထားပြီး သတင်းတွေရဖို့ လုပ်လာတာကြောင့် ယှဉ်ပြိုင်နိုင်ဖို့ ခက်လာတယ်။ အမေရိကန်အစိုးရရဲ့ ဗွီအိုအေ၊ အာအက်ဖ်အေ၊ ဗြိတိန်အစိုးရရဲ့ ဘီဘီစီ၊ ကာတာအစိုးရရဲ့ အယ်လ်ဂျာဇီးယားစတဲ့ သတင်းဌာနတွေရဲ့ လုပ်ဆောင်မှုတွေက သတိပြုစရာဖြစ်လာတယ်။ ပြီးတော့ တချို့သတင်းဂျာနယ်ကြီးတွေ၊ သတင်းစာတွေကိုယ်တိုင် ဂျာနယ်လစ်ထရိန်နင်ဆိုတဲ့ခေါင်းစဉ်အောက်မှာ အထောက်အပံ့တွေ ယူတာမျိုးတွေ ရှိလာတယ်လို့ ကြားလာရတယ်။ ဒီလို အထောက်အပံ့တွေက ဘယ်အတွက်ပေးတာလဲ။ ဒီမိုကရေစီအတွက်၊ ဂျာနယ်လစ်ဇင် ဖွံ့ဖြိုးဖို့အတွက်ဆိုရင် ပြဿနာမရှိနိုင်ပေမဲ့ ဘင်္ဂါလီကိစ္စနဲ့ ဘာသာရေးကိစ္စကိုပဲ အဓိကဇောင်းပေးတာမျိုး၊ ငြိမ်းချမ်းရေးဆိုတာကို အကြောင်းပြပြီး စစ်တပ်ဆန့်ကျင်ရေး၊ ပြည်ထောင်စု မတည်မငြိမ်ဖြစ်အောင် လုပ်ရေးတွေအတွက် ဆိုရင်တော့ အန္တရာယ်ရှိတာ အမှန်ပဲ။ Geo-politics အရ တရုတ်လိုနိုင်ငံရဲ့ အိမ်နီးချင်းအဖြစ် ရှိနေတဲ့ မြန်မာနိုင်ငံမှာ ပြည်တွင်းရေး မတည်မငြိမ်ဖြစ်ရင် အန္တရာယ်ရှိတယ်။ ဒီလိုအခြေအနေမှာ အစိုးရအနေနဲ့ ပြည်တွင်းမီဒီယာတွေကို အကာအကွယ်ပေးရမယ့်အစား ပြည်တွင်းမီဒီယာတွေကို ဖိနှိပ်၊ သတင်းသမားတွေကို ဖိနှိပ်တာမျိုးကတော့ မဖြစ်သင့်ပါဘူး။ ပြည်ပမီဒီယာတွေနဲ့ အင်အားခြင်းမမျှစွာ ပြိုင်ဆိုင်နေရတဲ့ ပြည်တွင်းမီဒီယာတွေကို အားမပေးခဲ့လေတော့ ပြည်ပမီဒီယာတွေရဲ့ တစ်ဖက်သတ် ဖော်ပြချက်တွေကို တုံ့ပြန်ရာမှာ ထိရောက်မှု အားနည်းခဲ့ရပါတယ်။

တကယ်တော့ ရိုက်တာရဲ့ အခုလို လုပ်ဆောင်မှုဟာ အဆိပ်ရည် အပြည့်နဲ့ ပုံးလိုပါပဲ။ သတင်းအတွက် ရိုးသားမှုရှိတယ်ဆိုရင် ဒီကိစ္စကို ပရော်ဖက်ရှင်နယ်ပီပီသသ ဖော်ထုတ်ရမယ့်အချိန်က အခုမှမဟုတ်ပါဘူး။ ရိုက်တာက သတင်းသမားနှစ်ယောက် အဖမ်းခံရတဲ့ အချိန်မှာ လုပ်သင့်တာပါ။ အစောကြီးကတည်းက ဒီလိုတွေဖြစ်တာပါလို့ Defend လုပ်သင့်တယ်။ ဂျာနယ်လစ်ဇင်ကိစ္စမှာ ကိုယ့်သတင်းထောက်တွေဘက်က ပြတ်ပြတ်သားသား ရပ်တည်ရမယ်။ ဒီလိုမျိုး ဥပဒေမဲ့ လူသတ်မှုတွေ မရှိသင့်ဘူး။ ဒါကြောင့် ဥပဒေမဲ့ လူသတ်မှုဖြစ်ရင် စုံစမ်းစစ်ဆေးနိုင်ဖို့ ဒီနေရာမှာသာမက တခြားနေရာတွေမှာလည်း စုံစမ်းစစ်ဆေးပေးနိုင်ဖို့ ကျင့်ဝတ်နဲ့အညီ လုပ်ဆောင်သင့်တယ်။

ဒါပေမဲ့ ဒီလိုအချိန်မျိုးမှ ဖော်ပြတဲ့အတွက် မေးခွန်းထုတ်စရာတွေ ဖြစ်စေပါတယ်။ ရိုက်တာအနေနဲ့ သတင်းရယူစုဆောင်းပုံ၊ သတင်းတင်ဆက်ပုံက ရိုးသားမှုရှိရဲ့လား။ ဂျာနယ်လစ်ဇင်ကျင့်ဝတ်ကို ကျော်လွန်ပြီး လုပ်ခဲ့တယ်လို့ ယူဆစရာ ရှိနေတယ်။ ဒီသတင်းနဲ့ ပတ်သက်တဲ့ အချက်အလက်ရရှိခဲ့တာက စက်တင်ဘာလ အစောပိုင်းဖြစ်နေပြီး ရိုက်တာသတင်းထောက်နှစ်ယောက် အဖမ်းခံရတာက ဒီဇင်ဘာ ၁၂ ရက်မှပါ။ ရရှိထားတဲ့ အချက်အလက်တွေအရ သတင်းအတွက် လုံလောက်နေချိန်မှာ ရဲတပ်ဖွဲ့ဝင်တွေနဲ့ ဘာလို့ထပ်ဆက်သွယ်သလဲဆိုတာ စိတ်ဝင်စားစရာပါ။ ရဲတပ်ဖွဲ့ဝင်တွေဆီက ရနိုင်တာတွေထဲမှာ နိုင်ငံတော်လုံခြုံရေးဆိုင်ရာ လျှို့ဝှက်ချက်တွေ ရှိနိုင်ပါတယ်။ အဲလိုအချက်တွေ ရလာခဲ့မယ်ဆိုရင်တောင် တရားဝင်ဖြစ်အောင် လုပ်ဆောင်သင့်ပါတယ်။ ပြီးတော့ ရိုက်တာသတင်းထောက်နှစ်ဦး ဖမ်းဆီးစစ်ဆေးခံရမှုနဲ့ ပတ်သက်ပြီး အစောဆုံး ကြေညာချက်ထုတ်တာ အမေရိကန်သံရုံးက ဖြစ်ပါတယ်။ ပြီးတော့ နောက်ဆက်တွဲကြေညာချက်တွေ ထုတ်ပြန်သလို ရခိုင်ကော်မရှင်မှာပါတဲ့ ဘီရစ်ချက်ဆန်ကိုယ်တိုင် ထုတ်ဖော်တောင်းဆိုတဲ့အထိ အမေရိကန်တွေရဲ့ ပါဝင်ပတ်သက်မှုကလည်း စိတ်ဝင်စားစရာ ဖြစ်နေပါတယ်။

သေချာတာက ရိုက်တာရဲ့ သတင်းဖော်ပြသင့်တဲ့ အချိန်ဟာ ဒီလိုအချိန်မဟုတ်ပါဘူး။ ဒါကြောင့် ဒီသတင်းတင်ဆက်ပုံဟာ ရိုးသားမှုမရှိဘူး၊ ကျင့်ဝတ်ထက်ကျော်လွန် လုပ်ဆောင်ထားတယ်၊ မြန်မာနိုင်ငံကို အပြစ်မရောက်ရောက်အောင်၊ အစိုးရ၊ တပ်မတော်နဲ့ ရခိုင်လူမှုအသိုင်းအ၀ိုင်းသာမက မြန်မာနိုင်ငံသားတွေနဲ့ ဗုဒ္ဓဘာသာဝင်တွေအပေါ် သိက္ခာမကျကျအောင် ရည်ရွယ်ချက်ရှိရှိ ချိန်သားကိုက် လုပ်ဆောင်သလို ဖြစ်နေတယ်။ Agenda Setting ချပြီးလုပ်သလို ဖြစ်နေတယ်။

ကျွန်တော်တို့အနေနဲ့ ရိုက်တာသတင်းထောက်နှစ်ယောက်ကို ထောင်ဒဏ်နှစ်ရှည် ချမှတ်နိုင်တဲ့ ပုဒ်မကြီးမျိုးနဲ့ တရားစွဲဆိုဖမ်းဆီးထားတာကို လက်မခံဘူး၊ ကန့်ကွက်ပါတယ်။ ဂျာနယ်လစ်တွေကို ဖိနှိပ်ပြီး လွတ်လပ်စွာ ရေးသားဖော်ထုတ်ခွင့်တွေကို ကန့်သတ်ဖိနှိပ်တာတွေ အားလုံးကို ကန့်ကွက်ပါတယ်။ ဒါပေမဲ့ ကျင့်ဝတ်ကိုကျော်လွန်ပြီး ရိုးသားမှုမရှိတာမျိုးကိုတော့ ထောက်ပြရမှာပါ။ လုံခြုံရေးကောင်စီက တစ်ဆင့် မြန်မာနိုင်ငံကို အရေးယူ ဆောင်ရွက်အောင် တမင်အကွက်ချပြီး မြန်မာနိုင်ငံမှာ R2P ဖြစ်လာအောင်၊ Safe Zone တွေ ဖြစ်လာအောင်၊ အကြမ်းဖက်မှုတွေ တိုးပွားလာအောင် လှုံ့ဆော်တဲ့သဘောမျိုးနဲ့ ရခိုင်အရေးနဲ့ပတ်သက်ပြီး မြန်မာနိုင်ငံကို သိက္ခာကျအောင် မြန်မာ့လူ့အဖွဲ့အစည်းကို သိက္ခာချဖို့ ရည်ရွယ်ချက်ရှိရှိ လုပ်ဆောင်မှုမျိုးကိုတော့ လုံးဝလက်မခံနိုင်ပါဘူး။ ဒါကြောင့် အခုလို အခြေအနေနဲ့ အချိန်အခါမျိုးမှာ ရိုက်တာရဲ့ အင်းဒင်ကျေးရွာဖြစ်စဉ် ဖော်ပြမှုဟာ အဆိပ်ရည်အပြည့်နဲ့ပုံးလို့ပဲ ဆိုရမှာပါ။

အစိုးရလျှို့ဝှက်ချက်အက်ဥပဒေဖြင့် တရားစွဲခံထားရသော ရိုက်တာသတင်းဌာနမှ မြန်မာသတင်းထောက်နှစ်ဦးအား ဖမ်းဆီးစဉ်က ရဲမှတ်တမ်းများကို ကိုယ်တိုင်မီးရှို့ခဲ့ကြောင်း တရားလိုပြသက်သေ ဒုရဲအုပ်ထွက်ဆိုဟု စွပ်စွဲခံရသူများဘက်မှရှေ့နေ ပြောကြား

ရိုက်တာသတင်းဌာနမှ မြန်မာသတင်းထောက်များကို ဖေဖော်ဝါရီ ၆ ရက်က ရုံးထုတ်လာစဉ် (ဓာတ်ပုံ-ကြည်နိုင်)

မြန်မာနိုင်ငံ အစိုးရလျှို့ဝှက်ချက်အက်ဥပဒေဖြင့် တရားစွဲဆိုခံထားရသော ရိုက်တာသတင်းဌာနမှ မြန်မာသတင်းထောက်နှစ်ဦးအား ဖမ်းဆီးစဉ်က ရဲမှတ်တမ်းများကို ကိုယ်တိုင်မီးရှို့ခဲ့ကြောင်း တရားလိုပြသက်သေ ဒုရဲအုပ်တင်ထွေးဦးက တရားရုံးတွင် ထွက်ဆိုသည်ဟု သတင်းထောက်နှစ်ဦး၏ ရှေ့နေဦးသန်းဇော်အောင်က ပြောကြားသည်။

ရိုက်တာသတင်းဌာနမှ မြန်မာသတင်းထောက်နှစ်ဦးကို ဖေဖော်ဝါရီ ၆ ရက်နံနက်က မြောက်ပိုင်းခရိုင်တရားရုံးတွင် ငါးကြိမ်မြောက်ရုံးထုတ်ခဲ့ပြီး ရုံးချိန်းတွင် ရှေ့နေဦးသန်းဇော်အောင်က ယင်းကဲ့သို့ပြောကြားခြင်းဖြစ်သည်။

“ဒီနေ့သတင်းထောက်တွေကို ရှာဖွေတဲ့နေရာမှာပါတဲ့ ဒုရဲအုပ်တင်ထွေးဦးကို ကျွန်တော်တို့စစ်တယ်။ အရေးကြီးတဲ့အချက်နှစ်ချက် ကျွန်တော်တို့တွေ့တယ်။ နံပါတ်တစ်အချက်သည် ဒီသတင်းထောက်တွေဖမ်းပြီးပြီးချင်း သူ့ရဲ့ရဲမှတ်တမ်း၊ ဘာတွေဘယ်လိုဖြစ်တယ်ဆိုတဲ့ မှတ်တမ်းစာရွက်ကို သူကိုယ်တိုင်မီးရှို့လိုက်တယ်။ နောက်တစ်ချက်က သူ့ရုံးမှာ သက်သေလာမထွက်ခင် သူပြောဆိုရမယ့်အကြောင်းအရာတွေကို ဒိုင်ယာရီကိုကြည့်ပြီးတော့ တောက်လျှောက် ထွက်ဆိုသွားတယ်။ အကြောင်းအရာတွေကလည်း မနေ့ည သို့မဟုတ် ဒီနေ့မနက်မှ ရေးကူးလာတဲ့အကြောင်းအရာတွေဖြစ်တယ်။ အဲဒီတော့ တစ်စုံတစ်ယောက်က ဒီလိုပြောပါ၊ ဒီလိုထွက်ပါဆိုပြီးတော့ပြောဆိုလို့ သူတရားရုံးမှာလာပြီး ထွက်ဆိုရတဲ့ပုံစံမျိုး ဖြစ်နေတယ်။ သတင်းထောက်တွေကို ဖမ်းဆီးတဲ့ပုံစံနဲ့ သူထွက်ဆိုသွားတဲ့ပုံစံက ကွဲလွဲမှုတွေရှိတယ်” ဟု ရှေ့နေဦးသန်းဇော်အောင်က ပြောကြားသည်။

ထို့ပြင် ရှာဖွေပုံစံဖြည့်သွင်းခြင်းကို ထောက်ကြန့်နယ်မြေရဲစခန်းတွင် ပြုလုပ်ခဲ့သည်ဟု ဖမ်းဆီးခံသတင်းထောက်နှစ်ဦးက ဆိုထားသော်လည်း ဒုရဲအုပ်တင်ထွေးဦးက ထွက်ဆိုရာတွင် ဖမ်းဆီးခဲ့သောနေရာတွင် ပြုလုပ်ခဲ့သည်ဟု ထွက်ဆိုခဲ့ကြောင်း ရှေနေ့ဦးသန်းဇော်အောင်က ပြောကြားသည်။

ဒုရဲအုပ်အနေဖြင့် ဒိုင်ယာရီကြည့်ပြီး ထွက်ဆိုချက်များမှာ မနေ့ည သို့မဟုတ် မနက်မှကူးလာပြီး ထွက်ဆိုခြင်းကို တရားရုံးတွင် စစ်ဆေးမေးမြန်းခဲ့ကြောင်း ၎င်းကဆက်လက်ပြောကြားသည်။

“သူရေးထားတဲ့ဒိုင်ယာရီမှာ ရက်စွဲအစဉ်တွေပါတယ်။ တစ်လပိုင်း၊ နှစ်လပိုင်းစသည်ဖြင့် အသီးသီးပါတယ်။ ဒီနေ့ထွက်ဆိုတဲ့ စာရွက်ရဲ့စာမျက်နှာမတိုင်ခင်မှာ ၅ ရက်နေ့၊ ၂ လ၊ ၂၀၁၈ လို့ရေးထားတယ်။ အဲ့ဒါကြောင့် ဒီဟာသည် ၅ ရက်နေ့ည သို့မဟုတ် ဒီမနက်မှာမှရေးလာပြီး ရုံးပေါ်လာထွက်ဆိုတဲ့သဘောပေါ့။ အဲဒါတော့ ကျွန်တော်တို့ရုံးပေါ်မှတ်တမ်းတင်ထားပါတယ်။ သေချာလည်းစစ်မေးခဲ့တယ်” ဟု ၎င်းကပြောကြားသည်။

“ရဲတပ်ဖွဲ့ကနေ မျှမျှတတစစ်ဆေးပြီးတော့ ရုံးတော်ကိုတင်ပြတာမရှိဘူးလို့ ကျွန်တော်တို့ခံစားရတယ်။ လာပြီးတော့ ရုံးတော်မှာ ထွက်ဆိုနေတာတွေကလည်း အမှန်တရားဖုံးကွယ်နေတယ်လို့ ကျွန်တော်ပြောချင်တယ်။ ကျွန်တော်တို့ ဘယ်သူနဲ့မှ ပြဿနာဖြစ်တာမဟုတ်ဘူး။ သတင်းသမားကျင့်ဝတ်နဲ့အညီ ဆောင်ရွက်ခဲ့တာဖြစ်တယ်။ ရုံးတော်မှာလာတင်တဲ့ဟာတွေက ကျွန်တော်တို့ကို တရားစွဲလို့ရအောင်တင်တာတွေပဲဖြစ်တယ်။ အစိုးရက ဥပဒေအတိုင်း ဆောင်ရွက်မယ်ပြောပြီးတော့ တကယ်တမ်းစစ်ဆေးတော့ ကျွန်တော်တို့ပြောဆိုခဲ့တာတွေနဲ့ပတ်သက်ပြီး ဘာမှရုံးတော်ကို တင်ပြလာတာမရှိဘူး။ ကျွန်တော်တို့ဟာ တရားမမျှတဘူးလို့ ခံစားရပါတယ်” ဟု ကိုဝလုံးက ပြောကြားသည်။

ရုံးချိန်းတွင် တရားလိုပြသက်သေအဖြစ် ထောက်ကြန့်နယ်မြေရဲစခန်းမှ ဒုရဲအုပ်တင်ထွေးဦးကို စစ်ဆေးမေးမြန်းမှုများပြုလုပ်ခဲ့ပြီး ရုံးချိန်းကို ဖေဖော်ဝါရီ ၁၄ ရက်သို့ ပြန်လည်ချိန်းဆိုခဲ့ကာ တရားလိုပြသက်သေများကိုသာ စစ်ဆေးမှုများ ပြုလုပ်မည်ဖြစ်သည်။

ရိုက်​တာသတင်းဌာနမှ သတင်းထောက်​ ကိုသက်​ဦး​အောင်​ (ခ) ၀လုံးနှင့်​ ကို​ကျော်​စိုးဦး (ခ) မိုး​အောင်​တို့ကို ရန်​ကုန်​တိုင်း​ဒေသကြီး ​မြောက်​ပိုင်းခရိုင်​ရဲတပ်​ဖွဲ့၏ ခရိုင်​ရဲတပ်​ဖွဲ့မှူး ဒုတိယရဲမှူးကြီးယုနိုင်​က တရားလိုပြုလုပ်၍ ​မြန်​မာနိုင်ငံအစိုးရ လျှို့ဝှက်​ချက်​အက်​ဥပ​ဒေပုဒ်မ ၃(၁)(ဂ)ဖြင့်​ တရားစွဲထားခြင်းဖြစ်သည်။

အမှုတွင် တရားလိုဒုတိယရဲမှူးကြီး ယုနိုင်၊ တရားလိုပြသက်သေ ဒဂုံမြို့နယ်ရဲတပ်ဖွဲ့မှူး ရဲမှူးမင်းသန့် (ယခင်မင်္ဂလာဒုံမြို့နယ် ရဲတပ်ဖွဲ့မှူး) တို့ကိုစစ်ဆေးခဲ့ပြီးဖြစ်ကာ တရားလိုပြသက်သေ ၂၅ ဦးတင်ထားကြောင်း သိရသည်။

ရိုက်တာသတင်းဌာနမှ မြန်မာသတင်းထောက်နှစ်ဦး ဖမ်းဆီးခံရခြင်းနှင့် ပတ်သက်၍ ပွင့်လင်းမြင်သာစွာဆောင်ရွက်မည်ဖြစ်ပြီး တရားရုံးထုတ်ချိန်တွင် မိသားစုနှင့်တွေ့ခွင့်ရမည်ဟု ပြည်ထဲရေးဝန်ကြီးဌာန အမြဲတမ်းအတွင်းဝန် ပြောကြား

ရိုက်တာသတင်းဌာနမှ မြန်မာသတင်းထောက်နှစ်ဦး ဖမ်းဆီးခံရခြင်းနှင့်ပတ်သက်၍ ပွင့်လင်းမြင်သာစွာ ဆောင်ရွက်မည်ဖြစ်ပြီး တရားရုံးထုတ်ချိန်တွင် မိသားစုနှင့် တွေ့ခွင့်ရမည်ဖြစ်ကြောင်း ပြည်ထဲရေးဝန်ကြီးဌာန အမြဲတမ်းအတွင်းဝန် ဦးတင်မြင့်က ပြောကြားသည်။

နေပြည်တော်ရှိ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနတွင် ဒီဇင်ဘာ ၂၂ ရက်ကပြုလုပ်သော အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ အစည်းအဝေးအပြီးတွင် မီဒီယာများ၏မေးမြန်းမှုကို ၎င်းက အထက်ပါအတိုင်း ပြောကြားခဲ့ခြင်းဖြစ်သည်။

သတင်းထောက်နှစ်ဦးအား ဖမ်းဆီးထားသည့် အခြေအနေနှင့်ပတ်သက်၍ မေးမြန်းသည့်အပေါ် “အဲဒါကလည်း လုပ်ထုံးလုပ်နည်းနဲ့အညီ ရဲတပ်ဖွဲ့က တည်ဆဲဥပဒေနဲ့အညီလုပ်မှာပါပဲ။ သူတို့ကတော့ တရားစွဲထားတာပေါ့။ သတင်းထုတ်တာတွေ ပွင့်လင်းမြင်သာစွာလုပ်မှာပါ” ဟု အမြဲတမ်းအတွင်းဝန် ဦးတင်မြင့်က ပြောကြားသည်။

သတင်းထောက်နှစ်ဦးအား မည်သည့်နေရာတွင် ချုပ်နှောင်ထားသည်ကို မေးမြန်းသည့်အပေါ်တွင် ၎င်းအနေဖြင့်မသိရှိကြောင်း၊ ရဲတပ်ဖွဲ့က ဆောင်ရွက်ခြင်းဖြစ်ကြောင်း ၎င်းကပြောကြားသည်။

လက်ရှိတွင် သတင်းထောက်နှစ်ဦးအား ဖမ်းဆီးထားသည်မှာ တစ်ပတ်ကျော်ပြီဖြစ်သော်လည်း မိသားစုနှင့်လည်း တွေ့ခွင့်မရသေးသည့်အပေါ် မေးမြန်းရာတွင်လည်း တရားရုံးထုတ်သည့်အချိန်တွင် တွေ့ခွင့်ရမည်ဖြစ်ကြောင်း ၎င်းကပြောကြားသည်။

“ရမန်ယူရတာပေါ့။ ရမန်ကြီးတစ်ပတ်ဆိုတာ ၁၅ ရက်ပေါ့။ ရမန်ကြီးတစ်ပတ်ယူပြီးတဲ့အချိန်ကျရင်တော့ တွေ့ခွင့်ရပါတယ်။ ရမန်ကာလဆိုရင် တရားရုံးမှာထုတ်ပြီး သူတို့ထွက်ဆိုချက်ယူမယ်။ တရားရုံးမှာစွဲတင်ပေါ့။ အဲဒီကျရင်တွေ့ရမှာပေါ့” ဟု အမြဲတမ်းအတွင်းဝန် ဦးတင်မြင့်က ပြောကြားသည်။

ရိုက်တာသတင်းဌာနမှ မြန်မာသတင်းထောက်နှစ်ဦးဖြစ်သော ကိုသက်ဦးမောင်မောင် (ခ) ကိုဝလုံးနှင့် ကိုကျော်စိုးဦး (ခ) မိုးအောင်တို့နှစ်ဦးအား ၂၀၁၇ ခုနှစ် ဒီဇင်ဘာ ၁၂ ရက်ညက ဖမ်းဆီးထားပြီး မြန်မာနိုင်ငံအစိုးရ လျှို့ဝှက်ချက်များ အက်ဥပဒေပုဒ်မ ၃ အရ အမှုဖွင့်ထားကြောင်း သိရသည်။

အဆိုပါဖမ်းဆီးခံရခြင်းနှင့်ပတ်သက်ပြီး မြန်မာနိုင်ငံ အမျိုးသားလူ့အခွင့်အရေးကော်မရှင်က သတင်းထောက်နှစ်ဦးအား မည်သည့်နေရာတွင် ဖမ်းဆီးထားသည်ကို မသိရှိသကဲ့သို့ မိသားစုနှင့်လည်း တွေ့ခွင့်မရကြောင်း၊ ဖမ်းဆီးထိန်းသိမ်းခံရစဉ် ညှဉ်းပန်းနှိပ်စက်မှုမခံရစေရေး၊ ကျန်းမာရေးစောင့်ရှောက်မှုရရှိရေး၊ မိသားစုဝင်များ၊ ရှေနေများနှင့် တွေ့ဆုံခွင့်ရရေးအပါအ၀င် ၎င်းတို့ရပိုင်ခွင့်ရှိသော လူ့အခွင့်အရေးများရရှိခံစားနိုင်ရေး ဆောင်ရွက်ပေးသင့်သည်ဟု တိုက်တွန်းထားကြောင်း သိရသည်။

ထို့သို့ တိုက်တွန်းချက်များအပါအ၀င် ပြည်တွင်းပြည်ပအဖွဲ့အစည်းများက ကန့်ကွက်ဝေဖန်မှုများရှိနေသည့်အပေါ် မီဒီယာများက မေးမြန်းရာတွင်လည်း အပြစ်ရှိ၍ဖမ်းဆီးခြင်းသာဖြစ်ပြီး ပွင့်လင်းမြင်သာစွာ ဆောင်ရွက်သွားမည်ဟု ၎င်းကပြောကြားသည်။

“အဲဒီအပေါ်မှာ မြန်မာနိုင်ငံရဲတပ်ဖွဲ့က ဆက်လုပ်ပါလိမ့်မယ်။ လူတစ်ယောက် အပြစ်မရှိရင်တော့ မဖမ်းပါဘူး။ တည်ဆဲဥပဒေအရ ဆက်သွယ်ရေးဥပဒေတို့၊ သတ်မှတ်ကန့်သတ်ထားတဲ့နေရာကို သွားတာတို့၊ နေရာတိုင်းမှာ လုံခြုံရေးဧရိယာရှိတာပေါ့။ လုံခြုံရေးအရ တားမြစ်ကန့်သတ်ထားတဲ့ နေရာရှိပါတယ်။ ပုဒ်မ ၁၄၄ ထုတ်ထားတဲ့နေရာဆိုရင် တစ်ခါတည်းဖမ်းဆီးချုပ်နှောင်တာရှိတယ်။ ပွင့်လင်းမြင်သာစွာ ဆောင်ရွက်နေပါတယ်။ အဲဒီအတွက် ဘာမှစိတ်မပူပါနဲ့” ဟု အမြဲတမ်းအတွင်းဝန် ဦးတင်မြင့်က ပြောကြားသည်။

အဆိုပါသတင်းထောက်နှစ်ဦး၏အမှုကို နိုင်ငံတော်သမ္မတရုံး၏ခွင့်ပြုချက်ဖြင့် အရေးယူဆောင်ရွက်ခဲ့ခြင်းဖြစ်ပြီး တရားရုံးသို့ အမှုစွဲဆိုတင်ပြထားသည်ဟု သမ္မတရုံးမှ ပြောရေးဆိုခွင့်ရှိသူ ဦးဇော်ဌေးက ပြောကြားကြောင်း သတင်းစာတစ်စောင်တွင် ဖော်ပြထားသည်။

ယင်းသတင်းထောက်နှစ်ဦးမှာ ထောင်ဖမ်းခံရခြင်းဖြစ်နိုင်ကြောင်းလည်း NLD ပါတီ ဗဟိုအလုပ်အမှုဆောင်အဖွဲ့ အတွင်းရေးမှူးအဖွဲ့ဝင် ဦးဝင်းထိန်က ပြောကြားထားသည်။

သတင်းထောက်နှစ်ဦးအား စွဲဆိုထားသော မြန်မာနိုင်ငံအစိုးရလျှို့ဝှက်ချက်များ အက်ဥပဒေအရ အမြင့်ဆုံးပြစ်ဒဏ်အဖြစ် ထောင်ဒဏ် ၁၄ နှစ်အထိ ချမှတ်နိုင်ကြောင်း သိရသည်။