လက်ရှိအချိန်အထိ မြန်မာနိုင်ငံသို့ နိုင်ငံခြား ရင်းနှီးမြှုပ်နှံမှုဝင်ရောက်မှု ယခင်နှစ်ထက် လျော့ကျသော်လည်း နိုင်ငံသားများ၏ ရင်းနှီးမြှုပ်နှံမှု မြင့်တက်လျက်ရှိ

၂၀၁၈ခုနှစ် လက်ရှိအချိန်အထိ မြန်မာနိုင်ငံ အတွင်းသို့ နိုင်ငံခြားရင်းနှီးမြှုပ်နှံမှု ၀င်ရောက်မှုမှာ ယခင်နှစ်ကာလတူထက် လျော့ကျနေသော်လည်း မြန်မာနိုင်ငံသားများ၏ ရင်းနှီးမြှုပ်နှံမှုမှာမူ ယခင်နှစ်ထက် မြင့်တက်လျက်ရှိကြောင်း မြန်မာနိုင်ငံ ရင်းနှီးမြှုပ်နှံမှု ကော်မရှင်အတွင်းရေးမှူး ဦးအောင်နိုင်ဦးက ပြောကြားသည်။

“နိုင်ငံခြား ရင်းနှီးမြှုပ်နှံမှုကျပေမယ့် နိုင်ငံသားရင်းနှီးမြှုပ်နှံမှုက မကျဘူး” ဟု ညွှန်ကြားရေးမှူးချုပ် ဦးအောင်နိုင်ဦးက ပြောကြားသည်။

၂၀၁၇ ခုနှစ် ဇွန်လလယ်အထိ နိုင်ငံခြား ရင်းနှီးမြှုပ်နှံမှုလုပ်ငန်း ၆၆ ခု၊ ရင်းနှီးမြှုပ်နှံမှု ပမာဏ ဒေါ်လာ ၁၈၅၁ ဒသမ ၉၃၂ သန်း ဖြစ်သည်။ ရင်းနှီးမြှုပ်နှံမှု တိုးမြှင့်ခြင်း အပါအ၀င် စုစုပေါင်း ရင်းနှီးမြှုပ်နှံမှု ပမာဏဒေါ်လာ ၁၉၆၀ ဒသမ ၈၂၁ သန်း စီးဝင်ခြင်းဖြစ်သည်။ ၂၀၁၇-၂၀၁၈ ဘဏ္ဍာနှစ်အတွင်း အထူးစီးပွားရေးဇုန်ဥပဒေအရ သီလ၀ါအထူးစီးပွားရေးဇုန်တွင် ရင်းနှီးမြှုပ်နှံမှုပမာဏဒေါ်လာ ၁၂၇ ဒသမ ၄၈၀ သန်းခွင့်ပြုခဲ့သဖြင့် စုစုပေါင်း ရင်းနှီးမြှုပ်နှံမှုပမာဏဒေါ်လာ ၂၀၈၈ ဒသမ ၃၀၁ သန်း စီးဝင်ခဲ့ခြင်းဖြစ်ကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်မှ သိရသည်။

အဆိုပါ ကာလအတွင်း မြန်မာနိုင်ငံသား ရင်းနှီးမြှုပ်နှံမှု ခွင့်ပြုပေးခဲ့မှုမှာ နိုင်ငံသား ရင်းနှီးမြှုပ်နှံမှုလုပ်ငန်း ၂၄ ခု၊ ဒေါ်လာ ၂၄၄ သန်းကျော် အပါအ၀င် ကျပ် ၅၀၁၇၃၇ ဒသမ ၄၆၃ သန်းဖြစ်သည်။

နိုင်ငံခြားရင်းနှီးမြှုပ်နှံမှု အခြေအနေကို လေ့လာကြည့်ပါက ၂၀၁၈ ခုနှစ် ဧပြီမှ စက်တင်ဘာလအထိ ကြားကာလခြောက်လအတွင်း ရင်းနှီးမြှုပ်နှံမှုများ ခွင့်ပြုပေးလျက်ရှိရာတွင် ဧပြီနှင့်မေနှစ်လအတွင်း သီလ၀ါအထူး စီးပွားရေးဇုန်တွင် ၀င်ရောက်ရင်းနှီးမြှုပ်နှံမှု၊ ရင်းနှီးမြှုပ်နှံမှု တိုးမြှင့်ခြင်း အပါအ၀င် နိုင်ငံခြား ရင်းနှီးမြှုပ်နှံမှု ပမာဏဒေါ်လာ ၁၉၃ ဒသမ ၃၅၆ သန်းအထိ ၀င်ရောက်မြှုပ်နှံထားကြောင်း သိရသည်။

၂၀၁၇ ခုနှစ် ဇွန်လလယ်အထိ နိုင်ငံခြား ရင်းနှီးမြှုပ်နှံမှု ဒေါ်လာနှစ်ဘီလျံကျော်ဝင် ရောက်ထားသော်လည်း ၂၀၁၈ ခုနှစ် မေလအထိတွင်မူ ဒေါ်လာ ၁၉၃ သန်းကျော်သာ ၀င်ရောက်ထားသည်။

၂၀၁၈ ခုနှစ် ဧပြီမှစက်တင်ဘာလအထိ ကြားကာလခြောက်လအတွင်း ရင်းနှီးမြှုပ်နှံမှုများ ခွင့်ပြုပေးလျက်ရှိရာတွင် ဧပြီနှင့်မေနှစ်လအတွင်း နိုင်ငံသား ရင်းနှီးမြှုပ်နှံမှုလုပ်ငန်း ၃၄ ခုမှ ရင်းနှီးမြှုပ်နှံမှုနှင့် ရင်းနှီးမြှုပ်နှံမှု တိုးမြှင့်ခြင်း အပါအ၀င် စုစုပေါင်း ရင်းနှီးမြှုပ်နှံမှုပမာဏ ဒေါ်လာ ၁၁၉ သန်း အပါအ၀င် ကျပ် ၆၆၇ ဘီလျံကျော်အထိ ခွင့်ပြုပေးထားကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်မှ သိရသည်။

၂၀၁၈ ခုနှစ် ဧပြီမှစက်တင်ဘာလ ခြောက်လအတွင်း မေလအထိ မြန်မာနိုင်ငံသား ရင်းနှီးမြှုပ်နှံမှုခွင့်ပြုပေးခဲ့မှုမှာ မြန်မာနိုင်ငံသား ရင်းနှီးမြှုပ်နှံမှုလုပ်ငန်း ၃၄ ခု၊ ဒေါ်လာ ၁၁၈ ဒသမ ၃၂၈ သန်း အပါအ၀င် ကျပ် ၆၅၈၇၇၉ ဒသမ ၅၉၉ သန်းဖြစ်ကြောင်း၊ ရင်းနှီးမြှုပ်နှံမှု တိုးမြှင့်ခြင်း အပါအ၀င် စုစုပေါင်း ရင်းနှီးမြှုပ်နှံမှုပမာဏဒေါ်လာ ၁၁၉ ဒသမ ၄၇၆ သန်း အပါအ၀င်ကျပ် ၆၆၇၈၇၀ ဒသမ ၅၉၉ သန်း ခွင့်ပြုပြီးဖြစ်ကြောင်း ထုတ်ပြန်ထားသည်။

နှစ်ပေါင်း ၃၀ နီးပါးအတွင်း တိုင်းနှင့်ပြည်နယ်အလိုက် ခွင့်ပြုပြီး နိုင်ငံခြား ရင်းနှီးမြှုပ်နှံမှုများအနက် ရပ်ဆိုင်း၊ ပိတ်သိမ်းခဲ့သည့် လုပ်ငန်းများ နုတ်ပယ်ပါက လက်ရှိလုပ်ငန်း ဆောင်ရွက်နေသည့် ရင်းနှီးမြှုပ်နှံမှု ဒေါ်လာ ၆၂ ဘီလျံကျော် ရှိနေ

သီလ၀ါ အထူးစီးပွားရေးဇုန်တွင် လုပ်ကိုင်နေသည့် ကုမ္ပဏီတစ်ခုကို တွေ့ရစဉ် (ဓာတ်ပုံ-နီလာ)

နှစ်ပေါင်း ၃၀ နီးပါးအတွင်း တိုင်းဒေသကြီးနှင့် ပြည်နယ်အလိုက် ခွင့်ပြုပြီး နိုင်ငံခြား ရင်းနှီးမြှုပ်နှံမှုများအနက် ရပ်ဆိုင်းခြင်း၊ ပိတ်သိမ်းခြင်း စသည်ဖြင့် ပြုလုပ်ခဲ့သည့် လုပ်ငန်းများ နုတ်ပယ်ပါက လက်ရှိ လုပ်ငန်းဆောင်ရွက်နေသည့် ရင်းနှီးမြှုပ်နှံမှုပမာဏ ဒေါ်လာ ၆၂ ဘီလျံကျော်အထိ ရှိနေကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ သိရသည်။

၁၉၈၈-၁၉၈၉ ဘဏ္ဍာနှစ်မှ ၂၀၁၇-၂၀၁၈ ဘဏ္ဍာနှစ်အထိ ပြည်နယ်နှင့် တိုင်းဒေသကြီးအလိုက် လက်ရှိ လုပ်ငန်းဆောင်ရွက်နေသည့် နိုင်ငံခြားရင်းနှီးမြှုပ်နှံမှု လုပ်ငန်းများတွင် ရန်ကုန်တိုင်းဒေသကြီး၌ ဒေါ်လာဘီလျံ ၂၀ ကျော်၊ ကချင်ပြည်နယ်တွင် ၁၂ ဘီလျံကျော်၊ ရခိုင်ပြည်နယ်တွင် ၁၀ ဘီလျံကျော်၊ မွန်ပြည်နယ်တွင် ခြောက်ဘီလျံကျော်၊ မန္တလေးတိုင်းဒေသကြီးတွင် သုံးဘီလျံကျော်၊ တနင်္သာရီတိုင်း ဒေသကြီးတွင် ၂ ဒ သမ ၅ ဘီလျံကျော်၊ စစ်ကိုင်းတိုင်း ဒေသကြီးတွင် ဒေါ်လာ ၂ ဒသမ ၅ ဘီလျံကျော်၊ ပဲခူးတိုင်းဒေသကြီးတွင် ၁ ဒသမ ၄ ဘီလျံကျော်၊ ရှမ်းပြည်နယ်တွင် ဒေါ်လာသန်း ၈၀၀ ကျော်၊ မကွေးတိုင်းဒေသကြီးတွင် ဒေါ်လာ သန်း ၇၀၀ ကျော်၊ ဧရာဝတီတိုင်း ဒေသကြီးတွင် ဒေါ်လာသန်း ၄၂၀ ကျော်၊ ကရင်ပြည်နယ်တွင် ဒေါ်လာ ၂၂၈ သန်းကျော်၊ နေပြည်တော်ကောင်စီတွင် ဒေါ်လာသန်း ၆၀ ကျော်နှင့် ကယားပြည်နယ်တွင် ဒေါ်လာနှစ်သန်းကျော် ၀င်ရောက် လုပ်ကိုင်နေခြင်းဖြစ်ကြောင်း သိရသည်။

၁၉၈၈-၁၉၈၉ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ်အထိ မြန်မာနိုင်ငံ ရင်းနှီးမြှုပ်နှံမှု ကော်မရှင်၏ ခွင့်ပြုမိန့်ပေးပြီး လုပ်ငန်းများမှ တိုင်းဒေသကြီးနှင့် ပြည်နယ်အလိုက် လက်ရှိလုပ်ငန်း ဆောင်ရွက်လျက်ရှိသည့် လုပ်ငန်း ၁၁၇၆ ခု၊ ရင်းနှီးမြှုပ်နှံမှုပမာဏ ဒေါ်လာသန်းပေါင်း ၆၂၃၂၃ ဒ သမ ၂၁၂ ရှိပြီး ချင်းပြည်နယ်မှလွဲ၍ နေပြည်တော်ကောင်စီ အပါအ၀င် ကျန်တိုင်းဒေသကြီးနှင့် ပြည်နယ်များတွင် ရင်းနှီးမြှုပ်နှံမှုများ ၀င်ရောက်ထားသည်။

၂၀၁၈ ခုနှစ် မေလတွင် မြန်မာနိုင်ငံသို့ နိုင်ငံခြားရင်းနှီးမြှုပ်နှံမှု ဒေါ်လာ ၁၀၂ သန်းကျော်သာ ၀င်ရောက်ခဲ့ပြီး ကုန်ထုတ်လုပ်ငန်း ကဏ္ဍတွင် ရင်းနှီးမြှုပ်နှံမှုအများဆုံး ၀င်ရောက်ခဲ့ကြောင်း ရင်းနှီးမြှုပ်နှံမှုနှင့်  ကုမ္ပဏီများ ညွှန်ကြားမှု ဦးစီးဌာနမှ ထုတ်ပြန်ထားသည့် နိုင်ငံခြား ရင်းနှီးမြှုပ်နှံမှုဆိုင်ရာ စာရင်းများအရ သိရသည်။

၂၀၁၇ ခုနှစ် မေလတွင်မူ နိုင်ငံခြား ရင်းနှီးမြှုပ်နှံမှုပမာဏ ဒေါ်လာ သန်း ၂၀၀ ကျော် ၀င်ရောက်ခဲ့သဖြင့် ၂၀၁၈ ခုနှစ် မေလတွင် နိုင်ငံခြား ရင်းနှီးမြှုပ်နှံမှု ၀င်ရောက်မှု ပမာဏမှာ ယခင်နှစ် ကာလတူထက် လျော့ကျခဲ့ကြောင်း သိရသည်။

၂၀၁၈ ခုနှစ် ဧပြီနှင့်မေလတွင် စိုက်ပျိုးရေးကဏ္ဍသို့ နိုင်ငံခြား ရင်းနှီးမြှုပ်နှံမှုဒေါ်လာ ၅ ဒသမ ၆၅၀ သန်း၊ ဟိုတယ်နှင့် ခရီးသွားကဏ္ဍသို့ နိုင်ငံခြားရင်းနှီးမြှုပ်နှံမှု ဒေါ်လာ ၄ ဒသမ ၆၃၅ သန်း၊ အိမ်ရာအဆောက်အအုံ ကဏ္ဍသို့ နိုင်ငံခြား ရင်းနှီးမြှုပ်နှံမှု ဒေါ်လာ ၂ ဒသမ ၈၈၀ သန်း၊ စက်မှုဇုန် တည်ဆောက်မှု ကဏ္ဍသို့ နိုင်ငံခြားရင်းနှီးမြှုပ်နှံမှု ဒေါ်လာ ၆ ဒသမ ၄၈၁ သန်း၊ ကုန်ထုတ်လုပ်ငန်းကဏ္ဍသို့ ဒေါ်လာ ၁၀၃ ဒသမ ၂၈၈ သန်း၊ အခြားဝန်ဆောင်မှုကဏ္ဍသို့ နိုင်ငံခြားရင်းနှီးမြှုပ်နှံမှု ဒေါ်လာ ၂၆ ဒသမ ၂၇၃ သန်း၊ စုစုပေါင်း နိုင်ငံခြား ရင်းနှီးမြှုပ်နှံမှု ဒေါ်လာ ၁၄၉ ဒသမ ၂၀၇ သန်း ၀င်ရောက်ခဲ့သည်။

၂၀၁၈ ခုနှစ် ဧပြီလအထိ မြန်မာနိုင်ငံတွင် ရင်းနှီးမြှုပ်နှံခွင့်ပြုထားသည့် နိုင်ငံခြားရင်းနှီးမြှုပ်နှံမှု ပမာဏ စုစုပေါင်း ဒေါ်လာ ၇၆၀၇၄ ဒသ မ ၃၇၇ သန်းရှိပြီး မေလကုန်တွင် မြန်မာနိုင်ငံရှိ နိုင်ငံခြားရင်းနှီးမြှုပ်နှံမှု ပမာဏ စုစုပေါင်း ဒေါ်လာ ၇၆၁၇၆ ဒသမ ၄၈၅ သန်းရှိသဖြင့် မေလတစ်လတည်းတွင် နိုင်ငံခြားရင်းနှီးမြှုပ်နှံမှု ဒေါ်လာ ၁၀၂ ဒသမ ၁၀၈ သန်း ၀င်ရောက်ခဲ့ခြင်း ဖြစ်ကြောင်း သိရသည်။

 

နိုင်ငံခြားရင်းနှီးမြှုပ်နှံသူများအား သင့်လျော်သည့်ဈေးနှုန်းဖြင့် မြေနေရာ မပေးနိုင်သည့်အတွက် လယ်မြေများကို မြို့သစ်စီမံကိန်း အကောင်အထည်ဖော်ကာ မြေများကို ရင်နှီးမြှုပ်နှံသူများအား သင့်လျော်သည့် ဈေးနှုန်းဖြင့် ပေးမည်ဟု ရန်ကုန်တိုင်းဒေသကြီး ၀န်ကြီးချုပ် ပြောကြား

ဧပြီ ၂၀ ရက်က ကျင်းပသည့် Yangon Investment Forum 2018 ဆိုင်ရာ သတင်းစာ ရှင်းလင်းပွဲကို တွေ့ရစဉ် (ဓာတ်ပုံ-ဇေယျာငြိမ်း)

လက်ရှိအချိန် ရန်ကုန်တိုင်းဒေသကြီးအတွင်း နိုင်ငံခြားရင်းနှီးမြှုပ်နှံသူများအား သင့်လျော်သည့်ဈေးနှုန်းဖြင့် မြေနေရာ မပေးနိုင်သည့်အတွက် လယ်မြေများကို မြို့သစ်စီမံကိန်း အကောင်အထည်ဖော်ကာ နိုင်ငံတော်ပိုင် ဖြစ်လာမည့် မြေများကို ရင်းနှီးမြှုပ်နှံသူများအား သင့်တင့်သောဈေးနှုန်းဖြင့် ရောင်းချပေးသွားမည်ဖြစ်ကြောင်း ဧပြီ ၂၀ ရက်က ကျင်းပသည့် Yangon Investment Forum 2018 ဆိုင်ရာ သတင်းစာ ရှင်းလင်းပွဲတွင် ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောကြားသည်။

“နိုင်ငံခြားရင်းနှီးမြှုပ်နှံသူတွေ အနေနဲ့ မြန်မာနိုင်ငံမှာ လာရောက်ရင်းနှီးရင်းမြှုပ်နှံတဲ့အခါမှာ ဘယ်လိုအခက်အခဲ တွေရှိတယ်။ ဘယ်လိုဆောင်ရွက်ချင်တဲ့ အခြေအနေတွေကို ကျွန်တော်တို့ဆီ တင်ပြပါတယ်။ ဒီတင်ပြ ဆွေးနွေးမှုတွေကို အခြေခံပြီး ခြုံငုံသုံးသပ် ကြည့်မယ်ဆိုရင် ကျွန်တော်တို့ဆီမှာ မြေနဲ့ပတ်သက်တဲ့ အခက်အခဲတွေ ရှိနေတယ်ဆိုတဲ့ အခြေအနေ တစ်ခုကို ကြားသိရပါတယ်။ ဒါနဲ့ပတ်သက်ပြီး ကျွန်တော်တို့ တိုင်းဒေသကြီး အစိုးရအဖွဲ့ကနေ ဘယ်စက်မှုဇုန်မှာတော့ ခင်ဗျားတို့ လာပြီးရင်းနှီးမြှုပ်နှံရင် အစိုးရက ထိုက်သင့်တဲ့ မြေဈေးနှုန်းနဲ့ပေးမယ်လို့ ပေးစရာမြေ လတ်တလော ကျွန်တော်တို့မှာ မရှိပါဘူး။ ဒါပေမဲ့ မြို့သစ်စီမံကိန်းတွေ ပေါ်ပေါက်လာပြီ ဆိုရင်တော့ ဒီစီမံကိန်းတွေက များစွာသော အထောက်အကူဖြစ်နိုင်တဲ့ အခြေအနေတွေ ရှိပါတယ်။ စက်ရုံတွေ လာရောက်ရင်းနှီးမြှုပ်နှံနိုင်တဲ့ အခွင့်အလမ်းတွေလည်း များစွာရလာမှာ ဖြစ်ပါတယ်” ဟု ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောကြားသည်။

လယ်မြေများကို မြို့သစ်စီမံကိန်းများ တည်ဆောက်မည်ဆိုပါက အဆိုပါလယ်မြေများ တန်ဖိုးမြင့်တက် လာမည်ဖြစ်ပြီး တန်ဖိုးမြင့်တက်လာခြင်းကြောင့် အပိုထွက်လာမည့် မြေများသည် နိုင်ငံတော်ပိုင်အဖြစ် ရရှိမည်ဖြစ်ကြောင်း၊ အဆိုပါ နိုင်ငံတော်ပိုင်ဖြစ်လာသည့် မြေများကို နိုင်ငံ့ဖွံ့ဖြိုး တိုးတက်ရေးအတွက် အမှန်တကယ် လိုအပ်နေသည့် နိုင်ငံခြင်း ရင်းနှီးမြှုပ်နှံမှုများအား သင့်တင့်သော ဈေးနှုန်းထားဖြင့် ပြန်လည်ချထား ပေးနိုင်မည်ဖြစ်ကြောင်း သိရသည်။

“ဥပမာ ဧကနှစ်သောင်းလောက်ရှိတဲ့ မြေနေရာကို မြို့သစ်စီမံကိန်းကြီး တည်ဆောက်မယ်ဆိုရင် မြေလျော်ကြေး ပြန်ပေးရင် လယ်မြေကနေ မြို့မြေဖြစ်သွားရင် တန်ဖိုးတက်လာတာ ဖြစ်တဲ့အတွက် ဒီမြေအပေါ်ကနေပြီးတော့ ၂၀ ရာခိုင်နှုန်းပေး မယ်ဆိုရင် ဒီ၂၀ ရာခိုင်နှုန်းကို ဧကတစ်သောင်းဆို ဧကနှစ်ထောင်ပေးရုံပဲ ရှိပါတယ်။ ဧကနှစ်သောင်းဆို ဧကလေးထောင်ပဲ ပေးရမှာပါ။ ဧကတစ်သောင်းခြောက်ထောင်ဟာ နိုင်ငံတော်ပိုင်ဖြစ်မှာ ဖြစ်ပါတယ်။ ဒီနိုင်ငံတော်ပိုင်ဖြစ်မယ့် မြေတွေကို ပုဂ္ဂလိကကို ခွဲဝေပေးလိုက်မယ့် ပုံစံမျိုး ဆောင်ရွက်ဖို့ အစီအစဉ် မရှိပါဘူး။ နိုင်ငံတော်ကရရှိမယ့် မြေတွေကို နိုင်ငံတော်ဖွံ့ဖြိုး တိုးတက်ရေးအတွက် နိုင်ငံခြားရင်းနှီးမြှုပ်နှံမှုတွေ လာတဲ့အခြေအနေတွေမှာ တန်ဖိုးသင့်တင့်တဲ့ နှုန်းထားနဲ့ ပေးနိုင်တဲ့ အခွင့်အလမ်းတွေ ရှိလာမှာပါ။ ဒါကြောင့်မို့ မြို့သစ်စီမံကိန်းတွေဟာ နိုင်ငံခြား ရင်းနှီးမြှုပ်နှံမှုတွေအတွက် များစွာအခွင့်အလမ်းကောင်းတွေ ရလာမှာ ဖြစ်ပါတယ်” ဟု ဦးဖြိုးမင်းသိန်းက ပြောကြားသည်။

 

၂၀၁၇-၂၀၁၈ ဘဏ္ဍာနှစ်တွင် မြန်မာနိုင်ငံသို့ နိုင်ငံခြား ရင်းနှီးမြှုပ်နှံမှုဒေါ်လာ ၅ ဒသမ ၇ ဘီလျံကျော်သာ ၀င်ရောက်ခဲ့ပြီး ၂၀၁၆-၂၀၁၇ ဘဏ္ဍာနှစ်ထက် ဒေါ်လာသန်း ၉၃၀ ကျော် လျော့ကျ

နိုင်ငံခြား ရင်းနှီးမြှုပ်နှံမှုများ အများဆုံးဝင်ရောက်သည့် သီလ၀ါအထူးစီးပွားရေးဇုန်နှင့် အနီးပတ်ဝန်းကျင်ကို တွေ့ရစဉ်

၂၀၁၇-၂၀၁၈ ဘဏ္ဍာနှစ်တွင် မြန်မာနိုင်ငံသို့ နိုင်ငံခြားရင်းနှီးမြှုပ်နှံမှု ဒေါ်လာ ၅ ဒသမ ၇ ဘီလျံကျော် ၀င်ရောက်ခဲ့သော်လည်း ပြီးခဲ့သည့် ၂၀၁၆-၂၀၁၇ ဘဏ္ဍာနှစ်တွင် ၀င်ရောက်ခဲ့သည့် နိုင်ငံခြား ရင်းနှီးမြှုပ်နှံမှုထက် ဒေါ်လာ သန်း ၉၃၀ ကျော် လျော့ကျခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ထုတ်ပြန်ထားသည့် နိုင်ငံခြားရင်းနှီးမြှုပ်နှံမှုဆိုင်ရာ စာရင်းများအရ သိရသည်။

၂၀၁၇-၂၀၁၈ ဘဏ္ဍာနှစ်တွင် မြန်မာနိုင်ငံသို့ နိုင်ငံခြားရင်းနှီးမြှုပ်နှံမှု ၅၇၁၈ ဒသမ ၀၈၆ သန်းဝင်ရောက်ခဲ့ပြီး ၂၀၁၆-၂၀၁၇ ဘဏ္ဍာနှစ်တွင် နိုင်ငံခြားရင်းနှီးမြှုပ်နှံမှုဒေါ်လာ ၆၆၄၉ ဒသမ ၈၁၂ သန်း ၀င်ရောက်ခဲ့သည်။ ၂၀၁၇-၂၀၁၈ ဘဏ္ဍာနှစ် နိုင်ငံခြားရင်းနှီးမြှုပ်နှံမှု ၀င်ရောက်မှုမှာ ၂၀၁၆-၂၀၁၇ ဘဏ္ဍာနှစ်ထက် ဒေါ်လာ ၉၃၁ ဒသ မ ၇၂၆ သန်း လျော့ကျခဲ့သည်။

၂၀၁၇-၂၀၁၈ ဘဏ္ဍာနှစ်တွင် စိုက်ပျိုးရေး၊ မွေးမြူရေးနှင့် ရေလုပ်ငန်း၊ သတ္တုကဏ္ဍ၊ ကုန်ထုတ်လုပ်ငန်း၊ လျှပ်စစ်ကဏ္ဍ၊ သယ်ယူပို့ဆောင်ရေးနှင့် ဆက်သွယ်ရေးကဏ္ဍ၊ ဟိုတယ်နှင့် ခရီးသွားလုပ်ငန်း၊ အိမ်ခြံမြေလုပ်ငန်း၊ စက်မှုဖွံ့ဖြိုးတိုးတက်ရေးလုပ်ငန်းနှင့် အခြားဝန်ဆောင်မှုကဏ္ဍများသို့ နိုင်ငံခြား ရင်းနှီးမြှုပ်နှံမှု ၀င်ရောက်ခဲ့သော်လည်း ရေနံနှင့် သဘာဝဓာတ်ငွေ့ကဏ္ဍ၊ ဆောက်လုပ်ရေးကဏ္ဍတို့သို့ နိုင်ငံခြားရင်းနှီးမြှုပ်နှံမှု ၀င်ရောက်ခဲ့ခြင်းမရှိကြောင်း သိရသည်။

ယမန် ၂၀၁၇-၂၀၁၈ ဘဏ္ဍာနှစ်တွင် ဘင်္ဂလားဒေ့ရှ်၊ ဘရူနိုင်း၊ ကနေဒါ၊ တရုတ်၊ ပြင်သစ်၊ ဂျာမနီ၊ ဟောင်ကောင်၊ အိန္ဒိယ၊ အင်ဒိုနီးရှား၊ ဂျပန်၊ မကာအို၊ မလေးရှား၊ ကိုရီးယား၊ စင်ကာပူ၊ သီရိလင်္ကာ၊ ထိုင်း၊ နယ်သာလန်၊ ယူအေအီး၊ ယူနိုက်တက်ကင်းဒမ်း၊ အမေရိကန်၊ ဗီယက်နမ်၊ လူဇင်ဘတ်၊ ဆာမိုအာ၊ မာရှယ်ကျွန်းစု၊ နော်ဝေ၊ ထိုင်ဝမ်၊ အိုင်ယာလန် စသည့် နိုင်ငံဒေသများမှ နိုင်ငံခြား ရင်းနှီးမြှုပ်နှံမှုများ ၀င်ရောက်ခဲ့သည်။

မြန်မာနိုင်ငံအတွင်း ဘဏ္ဍာနှစ်အလိုက် နိုင်ငံခြားရင်းနှီးမြှုပ်နှံမှုများ ၀င်ရောက်သည့် ပမာဏမှာ ၁၉၈၈-၁၉၈၉ ဘဏ္ဍာနှစ်မှ ၂၀၀၄-၂၀၀၅ ဘဏ္ဍာနှစ်အထိ ဒေါ်လာ ၇၇၅၁ ဒသမ ၃၇၈ သန်း၊ ၂၀၀၅-၂၀၀၆ တွင် ဒေါ်လာ ၆၀၆၅ ဒသမ ၆၇၅ သန်း၊ ၂၀၀၆-၂၀၀၇ တွင် ဒေါ်လာ ၇၁၉ ဒသမ ၇၀၂ သန်း၊ ၂၀၀၇-၂၀၀၈ တွင် ဒေါ်လာ ၂၀၅ ဒသမ ၇၂၀ သန်း၊ ၂၀၀၈-၂၀၀၉ တွင် ဒေါ်လာ ၉၈၄ ဒသမ ၇၆၄ သန်း၊ ၂၀၀၉-၂၀၁၀ တွင် ဒေါ်လာ ၃၂၉ ဒသမ ၅၈၀ သန်း၊ ၂၀၁၀-၂၀၁၁ တွင် ဒေါ်လာ ၁၉၉၉၈ ဒသမ ၉၆၅ သန်း၊ ၂၀၁၁-၂၀၁၂ တွင် ဒေါ်လာ ၄၆၄၄ ဒသမ ၄၆၀ သန်း၊ ၂၀၁၂-၂၀၁၃ တွင် ဒေါ်လာ ၁၄၁၉ ဒသမ ၄၆၇ သန်း၊ ၂၀၁၃-၂၀၁၄ တွင် ဒေါ်လာ ၄၁၀၇ ဒသမ ၀၅၅ သန်း၊ ၂၀၁၄-၂၀၁၅ ဘဏ္ဍာနှစ်တွင် ဒေါ်လာ ၈၀၁၀ ဒသမ ၅၃၃ သန်း၊ ၂၀၁၅-၂၀၁၆ ဘဏ္ဍာနှစ်တွင် ဒေါ်လာ ၉၄၈၆ ဒသမ ၁၂၃ သန်း၊ ၂၀၁၆-၂၀၁၇ ဘဏ္ဍာနှစ်တွင် ဒေါ်လာ ၆၆၄၉ ဒသမ ၈၁၂ သန်း၊ ၂၀၁၇-၂၀၁၈ ဘဏ္ဍာနှစ်မတ်လကုန်အထိ ဒေါ်လာ ၅၇၁၈ ဒသမ ၀၈၆ သန်း ၀င်ရောက်ခဲ့ခြင်းဖြစ်သည်။

၁၉၈၈-၈၉ ဘဏ္ဍာနှစ်မှ ၂၀၁၇-၂၀၁၈ ဘဏ္ဍာနှစ် မတ်လကုန်အထိ ခွင့်ပြုထားသည့် စုစုပေါင်း နိုင်ငံခြားရင်းနှီးမြှုပ်နှံမှု ပမာဏမှာ ဒေါ်လာ ၇၆၀၃၂ ဒသမ ၅၁၀ သန်းရှိကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ သိရသည်။

၂၀၁၇-၂၀၁၈ ဘဏ္ဍာနှစ် ဖေဖော်ဝါရီလကုန်အထိ မြန်မာနိုင်ငံအတွင်းသို့ သီလ၀ါအထူးစီးပွားရေးဇုန် အပါအ၀င် နိုင်ငံခြားရင်းနှီးမြှုပ်နှံမှုပမာဏ ဒေါ်လာ ၅ ဒသမ ၇ ဘီလျံနီးပါး ၀င်ရောက်

သီလ၀ါအထူးစီးပွားရေးဇုန် အတွင်းရှိ ကုန်ထုတ်စက်ရုံတစ်ရုံကို တွေ့ရစဉ် (ဓာတ်ပုံ-စည်သူအောင်)

၂၀၁၇-၂၀၁၈ ဘဏ္ဍာနှစ် ဖေဖော်ဝါရီလကုန်အထိ မြန်မာနိုင်ငံအတွင်းသို့ သီလ၀ါအထူးစီးပွားရေးဇုန်သို့ ၀င်ရောက်ထားသည့် ရင်းနှီးမြှုပ်နှံမှု အပါအ၀င် နိုင်ငံခြားရင်းနှီးမြှုပ်နှံမှုပမာဏ ၅ ဒသမ ၇ ဘီလျံနီးပါးရှိကြောင်း မြန်မာနိုင်ငံရင်းနှီးမြှုပ်နှံမှု ကော်မရှင် သတင်းထုတ်ပြန်ချက် ၃/၂၀၁၈ အရ သိရသည်။

မြန်မာနိုင်ငံရင်းနှီးမြှုပ်နှံမှု ကော်မရှင်၏ အစည်းအဝေး အမှတ်စဉ် ၃/၂၀၁၈ ကို ၂၀၁၈ ခုနှစ် ဖေဖော်ဝါရီ ၂၇ ရက် ရန်ကုန်မြို့ရှိ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနတွင် ပြုလုပ်ခဲ့ခြင်း ဖြစ်သည်။

အဆိုပါ အစည်းအဝေးတွင် နိုင်ငံခြားရင်းနှီးမြှုပ်နှံမှု လုပ်ငန်းနှစ်ခုကို ခွင့်ပြုခဲ့ပြီး နိုင်ငံခြား ရင်းနှီးမြှုပ်နှံမှုလုပ်ငန်း လေးခုကို အတည်ပြုခဲ့သည်။

ရန်ကုန်တိုင်းဒေသကြီး ရင်းနှီးမြှုပ်နှံမှု ကော်မတီက အတည်ပြုခဲ့သည့် လုပ်ငန်းလေးခုနှင့် စစ်ကိုင်းတိုင်းဒေသကြီး ရင်းနှီးမြှုပ်နှံမှု ကော်မတီမှ အတည်ပြုပေးခဲ့သော လုပ်ငန်းတစ်ခုရှိသဖြင့် အဆိုပါ အစည်းအဝေး ကာလတွင် စုစုပေါင်း လုပ်ငန်း ၁၁ ခုမှ ရင်းနှီးမြှုပ်နှံမှုပမာဏ ဒေါ်လာ ၉၀ ဒသမ ၃၃၆ သန်းကို ခွင့်ပြု/အတည်ပြုခဲ့ပြီး ယင်းလုပ်ငန်းများမှ ပြည်တွင်းလုပ်သားများအတွက် အလုပ်အကိုင် အခွင့်အလမ်းပေါင်း ၆၅၂၀ ကို ဖန်တီပေးနိုင်မည်ဖြစ်သည်။

ယင်းခွင့်ပြု/အတည်ပြုလုပ်ငန်း ၁၁ ခု ၌ စက်မှုလုပ်ငန်းကဏ္ဍ ခုနစ်ခု၊ အခြားဝန်ဆောင်မှုကဏ္ဍ နှစ်ခုနှင့် လျှပ်စစ်ဓာတ်အားကဏ္ဍ နှစ်ခုတို့ဖြစ်ကြောင်း သိရသည်။

၂၀၁၇-၂၀၁၈ ဘဏ္ဍာနှစ်အတွက် နိုင်ငံခြားရင်းနှီးမြှုပ်နှံမှု ခွင့်ပြု/အတည်ပြု ပေးခဲ့ခြင်းသည် ၂၀၁၈ ခုနှစ် ဖေဖော်ဝါရီလကုန်အထိ နိုင်ငံခြားရင်းနှီးမြှုပ်နှံမှု လုပ်ငန်း ၂၀၆ ခုရှိပြီး ရင်းနှီးမြှုပ်နှံမှု ပမာဏ ဒေါ်လာ ၄၅၀၈ ဒသမ ၄၅၃ သန်းဖြစ်ကြောင်း၊ ရင်းနှီးမြှုပ်နှံမှု တိုးမြှင့်ခြင်း အပါအ၀င် စုစုပေါင်း ရင်းနှီးမြှုပ်နှံမှု ပမာဏမှာ ဒေါ်လာ ၅၃၀၇ ဒသမ ၂၀၁၇ သန်းဖြစ်ကြောင်း သိရသည်။

၂၀၁၇-၂၀၁၈ ဘဏ္ဍာနှစ်အတွင်း အထူးစီးပွားရေးဇုန် ဥပဒေအရ သီလ၀ါအထူး စီးပွားရေးဇုန်တွင် ဒေါ်လာ ၃၆၆ ဒသမ ၅၃၀ သန်း ခွင့်ပြုခဲ့သဖြင့် စုစုပေါင်းခွင့်ပြုပြီး ရင်းနှီးမြှုပ်နှံမှုပမာဏ ဒေါ်လာ ၅၆၇၃ ဒသမ ၇၃၇ သန်းဖြစ်ကြောင်း သိရသည်။

သီလ၀ါ အထူးစီးပွားရေးဇုန်၌ လက်ရှိအချိန်အထိ စီးပွားဖြစ် လည်ပတ်ထုတ်လုပ်နိုင်သည့် စက်ရုံ ၄၀ ခန့်သာရှိပြီး အဆိုပါစက်ရုံများမှ ပို့ကုန်အခြေအနေများကို မကြာမီ ထုတ်ပြန်ပေးမည်ဖြစ်ကြောင်း သီလ၀ါ အထူးစီးပွားရေးဇုန် စီမံခန့်ခွဲမှု ကော်မတီဥက္ကဋ္ဌ ဦးဆက်အောင်က ပြောကြားထားသည်။

 

ဘဏ္ဍာနှစ် အပြောင်းအလဲ ကာလဖြစ်သည့် ၂၀၁၈ ခုနှစ် ဧပြီမှ စက်တင်ဘာလအထိ ခြောက်လတာကာလအတွင်း မြန်မာနိုင်ငံသို့ နိုင်ငံခြား ရင်းနှီးမြှုပ်နှံမှု ဒေါ်လာသုံးဘီလျံ ၀င်ရောက်ရန် မျှော်မှန်းထား

နိုင်ငံတကာမှ စိတ်ဝင်စားမှု မြင့်တက်နေသည့် သီလ၀ါအထူးစီးပွားရေးဇုန်ကို တွေ့ရစဉ် (ဓာတ်ပုံ-ကျော်ဇင်ဖြိုး)

ဘဏ္ဍာနှစ် အပြောင်းအလဲကာလဖြစ်သည့် ၂၀၁၈ ခုနှစ် ဧပြီမှ စက်တင်ဘာလအထိ ခြောက်လတာကာလအတွင်း မြန်မာနိုင်ငံသို့ နိုင်ငံခြား ရင်းနှီးမြှုပ်နှံမှုပမာဏ ဒေါ်လာ သုံးဘီလျံအထိ ၀င်ရောက်ရန် မျှော်မှန်းထားကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ ဒုတိယညွှန်ကြားရေးမှူးချုပ် ဦးသန်းအောင်ကျော်က ပြောကြားသည်။

ယခင်က ဘဏ္ဍာနှစ်များသည် နှစ်စဉ် ဧပြီ ၁ ရက်မှ မတ် ၃၁ ရက်အထိ ဖြစ်သော်လည်း ၂၀၁၈ ခုနှစ် ဧပြီမှ စက်တင်ဘာလအထိ ခြောက်လတာကာလ သတ်မှတ်ထားပြီး ၂၀၁၈ ခုနှစ် အောက်တိုဘာ ၁ ရက်မှ ၂၀၁၉ ခုနှစ် စက်တင်ဘာ ၃၀ ရက်ကို ဘဏ္ဍာနှစ်အဖြစ် ပြောင်းလဲ သတ်မှတ်ထားခြင်းဖြစ်သည်။

“နိုင်ငံခြားရင်းနှီးမြှုပ်နှံမှုများ တိုးမြင့်လာဖို့အတွက် ရည်ရွယ်ပြီး ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန အနေနဲ့ ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) ရဲ့ အကူအညီနဲ့ ကာလရှည် နိုင်ငံခြားတိုက်ရိုက် ရင်းနှီးမြှုပ်နှံမှု တိုးမြှင့်ရေးဆိုင်ရာ စီမံကိန်းရေးဆွဲရာမှာ ၂၀၁၄ ခုနှစ်ကနေ ၂၀၃၀ ပြည့်နှစ်အထိ နိုင်ငံခြား ရင်းနှီးမြှုပ်နှံမှုတန်ဖိုး အမေရိကန် ဒေါ်လာ သန်းထောင်ပေါင်း ၁၄၀ ရရှိရန် ရည်မှန်းထားတယ်ဆိုတာ သုံးသပ်တွေ့ရှိရပါတယ်” ဟု စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ပြောကြားသည်။

လက်ရှိတွင် ကာလရှည် နိုင်ငံခြား တိုက်ရိုက်ရင်းနှီးမြှုပ်နှံမှု တိုးမြှင့်ရေးဆိုင်ရာ စီမံကိန်းကို ပြင်ဆင်ပြီး ပြန်လည်သုံးသပ်လျက်ရှိကြောင်း ၀န်ကြီးဦးကျော်ဝင်းက ဆက်လက်ပြောကြားသည်။

၂၀၁၈ ခုနှစ်အတွင်း နိုင်ငံခြား ရင်းနှီးမြှုပ်နှံမှု အလားအလာ အကောင်းဆုံးကဏ္ဍများအဖြစ် ကုန်ထုတ်လုပ်မှုလုပ်ငန်းများ၊ စားသောက်ကုန်လုပ်ငန်းများ၊ အိမ်ခြံမြေကဏ္ဍနှင့် ဆက်သွယ်ရေးကဏ္ဍတို့တွင် ၀င်ရောက်မြှုပ်နှံရန်အတွက် နိုင်ငံတကာမှ လုပ်ငန်းရှင်များက စိတ်ဝင်စားမှု မြင့်တက်နေကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) အတွင်းရေးမှူး ဦးအောင်နိုင်ဦးက ပြောကြားသည်။