ပြည်ထောင်စုအစိုးရအဖွဲ့ရုံးဝန်ကြီးဌာနနှင့် အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနတို့ကို တိုးချဲ့ ဖွဲ့စည်းမည်ဖြစ်ပြီး အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်းနှင့် နိုင်ငံခြားရေးဝန်ကြီးဌာန ဒုတိယ၀န်ကြီး ဦးကျော်တင်တို့အား ပြည်ထောင်စုဝန်ကြီးများအဖြစ် ခန့်အပ်မည်ဖြစ်ကြောင်း လွှတ်တော်သို့ တင်ပြ

(၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေး၌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်အတူ နိုင်ငံခြားရေးဝန်ကြီးဌာန ဒုတိယ၀န်ကြီး ဦးကျော်တင်နှင့် အမျိုးသားလုံခြုံရေးဆိုင်ရာအကြံပေးပုဂ္ဂိုလ် ဦးသောင်းထွန်းတို့ကို တွေ့ရစဉ်

ပြည်ထောင်စုအစိုးရအဖွဲ့ရုံးဝန်ကြီးဌာနနှင့် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာနတို့ကို တိုးချဲ့ဖွဲ့စည်းမည်ဖြစ်ပြီး အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်းနှင့် နိုင်ငံခြားရေးဝန်ကြီးဌာန ဒုတိယ၀န်ကြီး ဦးကျော်တင်တို့အား ပြည်ထောင်စုဝန်ကြီးများအဖြစ် ခန့်အပ်မည်ဖြစ်ကြောင်း နိုဝင်ဘာ ၂၀ ရက်က ပြည်ထောင်စုလွှတ်တော်သို့ တင်ပြသည်။

ပြည်ထောင်စုဝန်ကြီးဌာနနှစ်ခု တိုးချဲ့ ဖွဲ့စည်းခြင်းနှင့် ပတ်သက်၍ နိုင်ငံတော်သမ္မတကိုယ်စား တာဝန်ပေးအပ်သည့် ပြည်ထောင်စု ရှေ့နေချုပ် ဦးထွန်းထွန်းဦးက လွှတ်တော်သို့ ရှင်းလင်းတင်ပြသည်။

ပြည်ထောင်စုအစိုးရအဖွဲ့ရုံးဝန်ကြီးဌာန ဖွဲ့စည်း ဆောင်ရွက်ရာတွင် ပြည်ထောင်စုအစိုးရအဖွဲ့ရုံး၏ လက်ရှိ ၀န်ထမ်းဖွဲ့စည်းပုံ အင်အားဖြင့်ပင် ဆောင်ရွက်မည်ဖြစ်ပြီး နိုင်ငံတော်၏ ဘဏ္ဍာငွေ ပိုမိုကုန်ကျမည် မဟုတ်ပါကြောင်း ဦးထွန်းထွန်းဦးက ပြောကြားသည်။

“ဖြည့်စွက် ဖွဲ့စည်းလိုတဲ့ ၀န်ကြီးဌာနတစ်ခုမှာ ပြည်ထောင်စုအစိုးရအဖွဲ့ရုံး ၀န်ကြီးဌာန ဖြစ်ပါတယ်။ ပြည်ထောင်စု အစိုးရအဖွဲ့၏ လုပ်ငန်းတာဝန်များနှင့် စပ်လျဉ်း၍ ပြည်ထောင်စုအစိုးရအဖွဲ့ရုံး ညွှန်ကြားရေးမှူးချုပ်ဖြစ်သူ ပြည်ထောင်စုအစိုးရအဖွဲ့ အတွင်းရေးမှူးက နိုင်ငံတော်သမ္မတထံ တင်ပြ၍ ဆောင်ရွက်လျက်ရှိပါတယ်။ ပြည်ထောင်စုအစိုးရအဖွဲ့ အနေဖြင့် ပြည်ထောင်စု၏ အုပ်ချုပ်မှုဆိုင်ရာကိစ္စများ၊ စီမံကိန်းနှင့် ဘဏ္ဍာရေးဆိုင်ရာကိစ္စရပ်များ၊ စီးပွားရေးဆိုင်ရာ ကိစ္စရပ်များ၊ ဥပဒေကြမ်း တင်သွင်းခြင်းဆိုင်ရာ ကိစ္စရပ်များနှင့် တခြားကိစ္စရပ်များ အပါအ၀င် များပြားသည့် လုပ်ငန်းတာဝန်များကို ဆောင်ရွက်လျက် ရှိပါတယ်။ ယင်းကဲ့သို့ ဆောင်ရွက်ရာတွင် နိုင်ငံတော်သမ္မတအား တာဝန်ခံမည့် ပြည်ထောင်စုအစိုးရအဖွဲ့ဝင် ပြည်ထောင်စုဝန်ကြီး တစ်ဦးကို ခန့်အပ်၍ တာဝန်ယူ ဆောင်ရွက်စေမည်ဆိုပါက ပိုမိုထိရောက်စွာ အကောင်အထည်ဖော် ဆောင်ရွက်နိုင်မည်ဖြစ်သဖြင့် ယင်းဝန်ကြီးဌာနကို ထပ်မံဖြည့်ဆည်း ဖွဲ့စည်းလိုပါတယ်”ဟု ပြည်ထောင်စုရှေ့နေချုပ် ဦးထွန်းထွန်းဦးက ရှင်းလင်းတင်ပြသည်။

ထို့ပြင် အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနနှင့် ပတ်သက်၍ “မြန်မာနိုင်ငံသည် နိုင်ငံတကာအရေး ကိစ္စများတွင် တက်ကြွစွာ ပါဝင်ဆောင်ရွက်လျက် ရှိပါတယ်။ ယင်းသို့ ဆောင်ရွက်ရာတွင် နိုင်ငံတကာ ဆက်ဆံရေးတွင် နိုင်ငံခြားရေးဝန်ကြီးဌာနနှင့်အတူ ပူးပေါင်းဆောင်ရွက်ရန်နှင့် နိုင်ငံတကာရေးရာ ကိစ္စရပ်များကို နိုင်ငံရေးရှုထောင့်အပြင် စီးပွားရေးရှုထောင့်မှလည်း ခြုံငုံသုံးသပ်ပြီး နိုင်ငံတော်သမ္မတအား တာဝန်ခံ ဆောင်ရွက်မည့် ၀န်ကြီးဌာနတစ်ခု လိုအပ်လာသည့်အတွက် ဤပြည်ထောင်စုဝန်ကြီးဌာနအသစ်ကို ဖွဲ့စည်းရခြင်း ဖြစ်ပါတယ်။ ဖော်ပြပါ ၀န်ကြီးဌာနကိုလည်း ၀န်ထမ်းများ ထပ်မံတိုးချဲ့ဖွဲ့စည်းလိုခြင်း မပြုဘဲ နိုင်ငံခြားရေးဝန်ကြီးဌာန၏ အပြည်ပြည်ဆိုင်ရာ အဖွဲ့အစည်းများနှင့် စီးပွားရေးဦးစီးဌာန၏ ၀န်ထမ်းများဖြင့် ဖွဲ့စည်းဆောင်ရွက်သွားမှာ ဖြစ်ပါတယ်။ နိုင်ငံတော်၏ အတိုင်ပင်ခံပုဂ္ဂိုလ်သည် နိုင်ငံခြားရေးဝန်ကြီးဌာန၏ လုပ်ငန်းတာဝန်များကို ထမ်းဆောင်လျက်ရှိရာ အချို့သော နိုင်ငံတကာ အစည်းအဝေးများတွင် နိုင်ငံခြားရေးဝန်ကြီးဌာန ပြည်ထောင်စုဝန်ကြီး တက်ရောက်ပြီး အချို့သောနိုင်ငံတကာ အဖွဲ့အစည်းများတွင် ယခုဖွဲ့စည်းမည့် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးက တက်ရောက်မှာ ဖြစ်ပါတယ်။ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနကိုလည်း နိုင်ငံခြားရေးဝန်ကြီးဌာန အဆောက်အအုံတွင်ပင် ထားရှိမည်ဖြစ်ရာ ၀န်ကြီးဌာနနှစ်ခု နီးကပ်စွာ ပူးပေါင်း ဆောင်ရွက်နိုင်မှာ ဖြစ်ပါတယ်။ ယခုအခါတွင် နိုင်ငံခြားသံတမန်ရေးရာ ကိစ္စရပ်များကို နိုင်ငံခြားရေးဝန်ကြီးဌာနက ဆောင်ရွက်ပြီး နိုင်ငံတကာ အဖွဲ့အစည်းနှင့် ပတ်သက်သည့် ကိစ္စရပ်များကို စီမံကိန်းနှင့် ဘဏ္ဍာရေးဝန်ကြီးဌာနက ဆောင်ရွက်လျက် ရှိပါတယ်။ ယင်းနိုင်ငံတကာ အဖွဲ့အစည်းနှင့် ပတ်သက်သည့် ကိစ္စများကို ယခုဖွဲ့စည်းမည့် အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနက ဆောင်ရွက်ခြင်းအားဖြင့် နိုင်ငံတကာဆက်ဆံရေးကို ပိုမိုအဆင်ပြေချောမွေ့စွာ ပူးပေါင်းဆောင်ရွက်သွားနိုင်မှာ ဖြစ်ပါတယ်” ဟု ဦးထွန်းထွန်းဦးက ဆက်လက်ရှင်းပြသည်။

ထို့အတူ နိုင်ငံတော်သမ္မတက ပြည်ထောင်စုအစိုးရအဖွဲ့ရုံး ၀န်ကြီးဌာနတွင် လက်ရှိ၌ အမျိုးသားလုံခြုံရေးဆိုင်ရာ အကြံပေးပုဂ္ဂိုလ်အဖြစ် တာဝန်ယူ ဆောင်ရွက်နေသည့် နိုင်ငံခြားရေးဝန်ကြီးဌာန သံအမတ်ကြီး (ငြိမ်း) ဦးသောင်းထွန်းကို ပြည်ထောင်စုဝန်ကြီးအဖြစ် ခန့်အပ်မည် ဖြစ်ကြောင်းနှင့် အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနတွင် လက်ရှိ၌ နိုင်ငံခြားရေးဝန်ကြီးဌာန ဒုတိယ၀န်ကြီးအဖြစ် တာဝန်ထမ်းဆောင်နေသည့် ဦကျော်တင်ကို ပြည်ထောင်စုဝန်ကြီးအဖြစ် ခန့်အပ်မည် ဖြစ်ကြောင်း ပြည်ထောင်စု လွှတ်တော်သို့ သ၀ဏ်လွှာပေးပို့ခဲ့သည်။

ထို့ပြင် ပြည်ထောင်စုလွှတ်တော် နာယက မန်းဝင်းခိုင်သန်းက ပြည်ထောင်စုဝန်ကြီး နှစ်ဦး ခန့်အပ် တာဝန်ပေးခြင်းနှင့် စပ်လျဉ်း၍ ပုံမှန်အားဖြင့် လွှတ်တော်အစည်းအဝေးတွင် ၀န်ကြီးဌာနများ ဖွဲ့စည်းမှုကို အတည်ပြုပြီးမှသာ လွှတ်တော်သို့ အမည်စာရင်း တင်သွင်းခြင်း၊ သဘောတူညီချက် ရယူခြင်းများ ဆောင်ရွက်လေ့ရှိကြောင်း၊ သို့သော် လက်ရှိ လွှတ်တော်အစည်းအဝေးများ ဆက်လက် ကျင်းပမည့်ကာလ လျာထားမှုအခြေအနေ နှင့် နိုင်ငံတော်သမ္မတ၏ တင်ပြမှုတို့အရ သက်ဆိုင်ရာ ၀န်ကြီးဌာနနှစ်ခု တိုးချဲ့ဖွဲ့စည်းခြင်းကို လွှတ်တော်က အတည်ပြုကြောင်း ဆုံးဖြတ်ပါက ၎င်းကိစ္စနှင့် တစ်ဆက်တည်း ဆောင်ရွက်သွားမှာ ဖြစ်ကြောင်း ကြေညာသည်။

ပြည်ထောင်စုဝန်ကြီးဌာန နှစ်ခု တိုးချဲ့ ဖွဲ့စည်းမည့်ကိစ္စနှင့် ပြည်ထောင်စုဝန်ကြီး နှစ်ဦး ခန့်အပ်ခြင်းကိစ္စတို့နှင့် စပ်လျဉ်းပြီး ဆွေးနွေးလိုသည့် ကိုယ်စားလှယ်များအနေဖြင့် နိုဝင်ဘာ ၂၂ ရက် နောက်ဆုံးထားကာ အမည်စာရင်း တင်သွင်းနိုင်ပြီး နိုဝင်ဘာ ၂၃ ရက်တွင် လွှတ်တော်၏ အဆုံးအဖြတ် ရယူသွားမည်ဖြစ်ကြောင်း လွှတ်တော်နာယကက ကြေညာသည်။

“နိုင်ငံရဲ့အခြေအနေအရလည်း ရှင်းပြသွားသလိုပဲ ဘာကြောင့် ဖွဲ့စည်းလဲဆိုတာ အချက်အလက်တွေကတော့ လက်ခံနိုင်ဖွယ် ရှိပါတယ်။ ပြီးတော့ အခုလိုအချိန်မှာ ဒီလိုဝန်ကြီးဌာန နှစ်ခုလုံးကလည်းပဲ နိုင်ငံရဲ့အခြေအနေအရလည်းပဲ လိုအပ်နေတဲ့ ၀န်ကြီးဌာနတွေ ဖြစ်တယ်”ဟု ပြည်သူ့လွှတ်တော် ကိုယ်စားလှယ် ဒေါက်တာသက်သက်ခိုင်က ပြောကြားသည်။

လက်ရှိတွင် ပြည်ထောင်စုဝန်ကြီးဌာန ၂၂ ခုဖြင့် ဆောင်ရွက်လျက်ရှိပြီး ယခု ၀န်ကြီးဌာန နှစ်ခုတိုးချဲ့ ဖွဲ့စည်းပါက ပြည်ထောင်စုဝန်ကြီးဌာန ၂၄ ခုအထိ ရှိလာမည်ဖြစ်ပြီး ပြည်ထောင်စုဝန်ကြီး စုစုပေါင်းမှာလည်း ၂၃ ဦးအထိ ရှိလာမည် ဖြစ်သည်။

ပြီးခဲ့သည့် သမ္မတဟောင်း ဦးသိန်းစိန် အစိုးရလက်ထက်တွင် ပြည်ထောင်စုဝန်ကြီးဌာန ၃၆ ခုဖြင့် ဖွဲ့စည်းဆောင်ရွက်ခဲ့သည်။

ဒေါ်အောင်ဆန်းစုကြည် တောင်ပြိုနယ်စပ်သို့ သွားရောက်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် နိုဝင်ဘာ ၂ ရက်နေ့ နေ့လည် ၁၂ နာရီ ၁၀ ​မိနစ်အချိန်တွင် တောင်​ပြို​နယ်စပ်သို့ ရောက်ရှိခဲ့ကြောင်း သိရသည်။

ဒေါ်အောင်ဆန်းစုကြည်သည် မြန်မာ-ဘင်္ဂလားဒေ့ရ်ှနယ်စပ် ချစ်ကြည်ရေးတံတား အနီးရှိ တစ်ဖက်နိုင်ငံသို့ ရောက်ရှိနေသည့် ဘင်္ဂါလီများ ပြန်လည်လက်ခံရေးစခန်း ဆောက်လုပ်မည့်နေရာနှင့် နှစ်နိုင်ငံ ချစ်ကြည်ရေးတံတားသို့ သွားရောက်ကြည့်ရှုခဲ့ပြီး မွန်းလွဲ ၁၂ နာရီ ၅၀ အချိန်တွင် ပြန်လည် ထွက်ခွာခဲ့ကြောင်း သိရသည်။

နိုင်ငံတော်အတိုင်ပင်ခံပုဂ္ဂိုလ်သည် ရခိုင်ပြည်နယ် စစ်တွေမြို့သို့ ယနေ့နံနက်ပိုင်းတွင် ရောက်ရှိလာပြီးနောက် လေဆိပ်တွင် လူငယ် ၁၁ ဦးနှင့်တွေ့ဆုံပြီး ရခိုင်ပြည်နယ် အရေးကိစ္စများအား ဆွေးနွေးခဲ့ကြောင်းသိရသည်။

ထို့နောက် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မောင်တောဒေသသို့ နိုဝင်ဘာ ၂ ရက် နံနက် ၉ နာရီ ၅၀ မိနစ်က ရောက်ရှိခဲ့ပြီး မောင်တောမြို့နယ် ပန်းတောပြင် ဘင်္ဂါလီကျေးရွာသို့ ဦးစွာသွားရောက်ခဲ့ပြီး ကျေးရွာသားများနှင့် တွေဆုံကာ အေးအေးချမ်းချမ်း နေထိုင်ရန်ပြောကြားခဲ့ပြီးနောက် ပြန်လည် နေရာချထားမည့် နေရာကို ကြည့်ရှုခဲ့ပြီး ထိုမှတဆင့် မောင်တော အမှတ် (၁) ဝင်ထွက်စခန်း (POE) သို့ သွားရောက် ကြည့်ရှုခဲ့ကြောင်း သိရသည်။

ယခု ခရီးစဉ်အတွင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်အတူ နိုင်ငံတော်အတိုင်ပင်ခံရုံး ၀န်ကြီးဌာန ပြည်ထောင်စုဝန်ကြီး ဦးကျော်တင့်ဆွေ၊ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးကျော်ဆွေ၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်၊ အလုပ်သမား/ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေ၊ လူမှုဝန်ထမ်း/ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၊ သမ္မတရုံးဝန်ကြီးဌာန ဒုတိယဝန်ကြီး ဦးမင်းသူ၊ ပြည်ထောင်စုအစိုးရအဖွဲ့ရုံး အမြဲတမ်းအတွင်းဝန် ဦးဇော်သန်းသင်း၊ မြန်မာနိုင်ငံရဲတပ်ဖွဲ့ ရဲချုပ်အောင်ဝင်းဦးနှင့် ရခိုင်ပြည်နယ် ၀န်ကြီးချုပ် ဦးညီပုတို့လိုက်ပါလာကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံပွဲ ပြည်မြို့၊ ပခုက္ကူမြို့၊ ကလေးမြို့တို့တွင် ပြုလုပ်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံပွဲ ပခုက္ကူမြို့၌ ပြုလုပ်စဉ်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံပွဲကို ပြည်မြို့၊ ပခုက္ကူမြို့နှင့် ကလေးမြို့တို့တွင် ပြုလုပ်ခဲ့ကြောင်း သိရသည်။

ပြည်မြို့

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံပွဲကို ပဲခူးတိုင်းဒေသကြီး (အနောက်ပိုင်း) ပြည်မြို့တွင် ပြုလုပ်ခဲ့ကြောင်း သိရသည်။

အဆိုပါထောက်ခံပွဲကို အောက်တိုဘာ ၁၀ ရက် နံနက်ပိုင်းက ပြည်မြို့ ယဉ်ကျေးမှု ကဇာတ်ရုံကြီးတွင် ပြုလုပ်ခဲ့ခြင်းဖြစ်ပြီး မြို့နယ်အတွင်း နိုင်ငံရေး အင်အားစုများ၊ အရပ်ဘက် အဖွဲ့အစည်းများ၊ နာရေးကူညီမှုအသင်း၊ နိုင်ငံရေး အကျဉ်းသားဟောင်းများ၊ ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းတို့ တက်ရောက်ခဲ့ကြကာ ထောက်ခံဟောပြောမှုများ ပြုလုပ်ခဲ့ကြောင်း သိရသည်။

ယင်းထောက်ခံပွဲတွင် ပြည်မြို့ဒေသခံ ကာတွန်းဆရာများက ဒေါ်အောင်ဆန်းစုကြည် ပုံတူကာတွန်းများ ရေးဆွဲကာ အခမဲ့ ဝေငှပေးခြင်း၊ ဟိန္ဒူဘာသာဝင်၊ အစ္စလာမ်ဘာသာဝင်တို့မှ သဘောထားကြေညာချက်များ ဖတ်ကြားခြင်း၊ အကြမ်းဖက် လုပ်ရပ်များအား ကန့်ကွက်ရှုတ်ချကြောင်း ပြောကြားခြင်းတို့ ပြုလုပ်ခဲ့ကြသည်။

ပခုက္ကူမြို့

ပခုက္ကူခရိုင် အတွင်းရှိ မြို့နယ်ငါးမြို့ နယ်မှ ပြည်သူများစုပေါင်း၍ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံကြောင်း အခမ်းအနားအား အောက်တိုဘာ ၁၀ ရက် နံနက် ၈ နာရီခွဲခန့်က ပခုက္ကူမြို့တွင် ပြုလုပ်ခဲ့ကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံပွဲကျင်းပရာ ပခုက္ကူမြို့ လွတ်လပ်ရေးပန်းခြံတွင် ဒေသခံများ စုဝေးခဲ့ကြပြီး ‘WE STAND WITH DAW AUNG SAN SU KYI’ စာတန်းပါ ဗီနိုင်းပိုစတာများကိုလည်း ကိုင်ဆောင်ခဲ့ကြကြောင်း သိရသည်။

ပခုက္ကူမြို့နယ် မြိုင်မြို့နယ်နှင့် ပေါက်မြို့နယ်များမှ တက်ရောက်လာသူများကလည်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံကြောင်း အမှတ်တရ စကားများ ပြောကြားခဲ့ကြပြီး နိုင်ငံတော်သီချင်း သီဆိုခြင်း ၊ နိုင်ငံတော်အလံ အလေးပြုခြင်းနှင့် ဒေါ်အောင်ဆန်းစုကြည် သက်ရှည် ကျန်းမာစေရန် ဆုတောင်းမှုများ ပြုလုပ်ခဲ့ကြကြောင်း သိရသည်။

ကလေးမြို့

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထောက်ခံပွဲနှင့် ဘာသာပေါင်းစုံ ငြိမ်းချမ်းရေး ဆုတောင်းပွဲကို အောက်တိုဘာ ၁၀ ရက် နံနက်ပိုင်းနှင့် ညနေပိုင်းတို့တွင် ကလေးမြို့၌ ကျင်းပခဲ့ကြောင်း သိရသည်။

“ရခိုင်အရေးနဲ့ ပတ်သက်ပြီး အစိုးရဆိုလည်း ဟုတ်တယ်။ လူထုခေါင်းဆောင် နိုင်ငံတော် အတိုင်ပင်ခံပုဂ္ဂိုလ်က နိုင်ငံတကာမှာ သူ့ကိုပုတ်ခတ်တာ၊ မဟုတ်မမှန် စွပ်စွဲတာ ရှိတဲ့အခါကျတော့ ပြည်သူလူထုကလည်း သူ့ကို ၀န်းရံနေတယ်ဆိုတာ၊ ကမ္ဘာက သူ့ကိုသိအောင် လုပ်တယ်ဆိုတာ အားရပါတယ်” ဟု စစ်ကိုင်းတိုင်းဒေသကြီး ချင်းတိုင်းရင်းသားရေးရာဝန်ကြီး ဦးလားထောင်ထန်းက ပြောကြားသည်။

အဆိုပါ ထောက်ခံပွဲကို ကလေးမြို့ ရွှေဘုံသာ ဘုရားကြီးတွင် လူစု၍ ဘုရားကြီးလမ်း၊ ဝေဇယန္တာလမ်း၊ ဗိုလ်ချုပ်လမ်း၊ ပင်လုံလမ်းမတော်သို့ သွားရောက်ခဲ့ကြပြီး ရွှေဘုံသာဘုရားကြီးသို့ ပြန်လည်ရောက်ရှိကာ ကဗျာရွတ်ခြင်း၊ အမှတ်တရစကားများ ပြောဆိုခြင်းများ ပြုလုပ်ခဲ့ကြသည်ဟု သိရသည်။

“ဒီပွဲကတော့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို နိုင်ငံတကာက ဖိအားတွေ ပေးနေကြတဲ့ အချိန်မှာ ကျွန်တော်တို့ ပြည်သူတွေက ဒေါ်အောင်ဆန်းစုကြည်နဲ့အတူ ရှိနေတယ်ဆိုတာ ပြသချင်လို့ ဒီပွဲကိုလုပ်တာပါ။ ဒေါ်အောင်ဆန်းစုကြည်နဲ့ ပတ်သက်ပြီးတော့ ပြည်သူတွေက ၂၀၁၅ ကတည်းက တစ်သားတည်း ရပ်တည်ခဲ့ကြတယ်။ အခုချိန်ထိလည်း တစ်သွေးတစ်သားတည်း ရပ်တည်နေတာ မြင်ရတော့ ကောင်းပါတယ်။ အားလုံးကလည်း ဒီလိုကိစ္စတွေမှာ နိုင်ငံတော် အတိုင်ပင်ခံပုဂ္ဂိုလ်၊ အစိုးရနဲ့အတူ တစ်သွေး တစ်သားတည်း အတူတကွ ရပ်တည်ကြပါလို့ ပြောချင်ပါတယ်” ဟု ကလေး မြို့မှ ဒေသခံ ကိုလွင်မိုးအောင်က ပြောကြားခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လူထုထောက်ခံပွဲကို ကလေးမြို့ပေါ်မှ ဒေသခံများအပြင် ကလေးမြို့နယ်အတွင်းရှိ ကျေးရွာများမှ ဒေသခံများလည်း ကားများဖြင့် လာရောက် ပူးပေါင်းခဲ့ကြပြီး လူထုအင်အား ၂၀၀၀ ကျော် ပါဝင်ကြောင်း သိရသည်။

 

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံပွဲ ပုသိမ်မြို့နှင့် စစ်ကိုင်းမြို့တွင် ပြုလုပ်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံပွဲ ပုသိမ်မြို့တွင် ပြုလုပ်စဉ်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံပွဲကို ပုသိမ်မြို့နှင့် စစ်ကိုင်းမြို့တို့တွင် အသီးသီး ကျင်းပခဲ့ကြောင်း သိရသည်။

ပုသိမ်မြို့တွင် ပြုလုပ်သည့် ထောက်ခံပွဲတွင် ဧရာဝတီတိုင်းဒေသကြီး အစိုးရအဖွဲ့ဝင်များနှင့် လွှတ်တော်ကိုယ်စားလှယ်များပါ တက်ရောက်ခဲ့ပြီး ငြိမ်းချမ်းရေး လုပ်ငန်းစဉ်များ၊ ပဋိပက္ခ အကြမ်းဖက် ပြဿနာအပေါ် တရားမျှတစွာ ဖြေရှင်းဆောင်ရွက်နိုင်မှုနှင့် စွမ်းဆောင်နိုင်မှုကို ထောက်ခံသည့် ဆန္ဒထုတ်ဖော်ပွဲအား ပုသိမ်မြို့ မြို့တော်ခန်းမရှေ့ရှိ ရှုခင်းသာရင်ပြင်တွင် အောက်တိုဘာ ၈ ရက် နံနက် ၁၀ နာရီခန့်က ကျင်းပခဲ့ကြောင်း သတင်းရရှိသည်။

တိုင်းဒေသကြီး အတွင်းရှိ မြို့နယ်အသီးသီးမှ ပြည်သူအင်အား တစ်သောင်းခန့်က ပုသိမ်မြို့ ကမ်မဆန်စုရပ်၊ တဂေါင်းဘုရားစုရပ်၊ ဘူတာခွစုရပ်၊ ကိုးသိန်းစုရပ်၊ ကွမ်းခြံထိပ်စု ရပ်တို့တွင် စုစည်းကာ ပုသိမ်မြို့တော် ခန်းမရှေ့သို့ ချီတက်လမ်းလျှောက်ခဲ့ကြပြီး နိုင်ငံတော်၏ အတိုင်ပင်ခံပုဂ္ဂိုလ်အား ထောက်ခံခြင်းကို ပြသခဲ့ကြကြောင်း၊ မြို့တော်ခန်းမရှေ့တွင် ပန်းရဲ့လမ်း ဂီတအဖွဲ့မှ ဖျော်ဖြေမှုများပါ ပြုလုပ်ခဲ့ကြပြီး ဧရာဝတီတိုင်းဒေသကြီး ၀န်ကြီးချုပ် ဦးမန်းဂျော်နီက ထောက်ခံပွဲ ပြုလုပ်ရခြင်းအား ကြိုဆိုမိန့်ခွန်း ပြောကြားခဲ့ပြီး ၈၈ မျိုးဆက်မှ ကိုဂျင်မီ၊ စာရေးဆရာ ဦးထင်လင်းဦး၊ ကဗျာဆရာ ဦးတိုးဝေတို့က ငြိမ်းချမ်းရေးနှင့် နိုင်ငံတော်၏ ရှေ့ဆက်သွားနေသည့် မူဝါဒများအပေါ် ထောက်ခံမှု၊ ဟောပြောမှုများ ပြုလုပ်ခဲ့ကြောင်း သိရသည်။

ထောက်ခံပွဲတွင် ပူးပေါင်းပါဝင်ခဲ့သူ ဧရာဝတီတိုင်းဒေသကြီး အစိုးရအဖွဲ့ဝင် စည်ပင်သာယာရေးဝန်ကြီး ဦးကျော်မြင့်က “ပြည်သူလူထုက ထောက်ခံတဲ့နေရာမှာ ကျွန်တော်တို့ကလည်း ပြည်သူထဲက ပြည်သူအနေနဲ့ ကျွန်တော်တို့အမေ ဒေါ်အောင်ဆန်းစုကြည်ရဲ့ ဦးဆောင်မှုတွေကို ဟောပြောမှုတွေ လမ်းညွှန်မှုတွေကို လိုက်နာကြဖို့၊ ထောက်ခံကြဖို့ တစ်တိုင်းလုံးကနေ ထောက်ခံပြီး ချီတက်လာကြတာပါ။ ကျွန်တော်တို့ တိုင်းဒေသကြီး အစိုးရတို့၊ တိုင်းဒေသကြီးပါတီတို့ကတော့ ပြည်သူလူထုကနေပြီး ကျင်းပတဲ့ ထောက်ခံပွဲမှာ ပြည်သူလူထုထဲက ပြည်သူလူထုအနေနဲ့ ပါဝင်ချီတက် အားပေးတဲ့ အနေအထားပါပဲ။ အားလုံးကတော့ တစ်တိုင်းလုံးကနေ ထောက်ခံကြတယ်။ ပြည်သူလူထု ကိုယ်စားပြုသူတွေကပဲ ဟောပြောကျင်းပခြင်း ဖြစ်ပါတယ်” ဟု စည်ပင်သာယာရေးဝန်ကြီး ဦးကျော်မြင့်က ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံပွဲ စစ်ကိုင်းမြို့တွင် ပြုလုပ်စဉ်

ဆန္ဒထုတ်ဖော်ပွဲသို့ တက်ရောက်လာသည့် လွှတ်တော်ကိုယ်စားလှယ် တစ်ဦးကလည်း “ကျွန်မတို့ကတော့ နိုင်ငံတော်၏ အတိုင်ပင်ခံပုဂ္ဂိုလ်နဲ့ ကျွန်မတို့နဲ့ တစ်သားတည်း ထပ်တူရှိနေတယ်ဆိုတဲ့ ဒီနေ့ သက်သေပြတဲ့ ပွဲပေါ့နော်။ ကျွန်မတို့နိုင်ငံအနေနဲ့ အခက်အခဲတွေကို ကြံ့ကြံ့ခံပြီး ရင်ဆိုင်ပေးနေတဲ့ ကျွန်မတို့ရဲ့ ခေါင်းဆောင်ကြီးရဲ့နောက်မှာ ပြည်သူလူထုက ဘယ်လိုအခက်အခဲပဲ ရှိနေပါစေ တစ်ထပ်တည်း ကျနေတယ် ဆိုတာကို ကျွန်မတို့ သက်သေပြတာပါ” ဟု အိမ်မဲမြို့နယ် အမှတ် (၁) တိုင်းဒေသကြီး လွှတ်တော်ကိုယ်စားလှယ် ဒေါ်ရီရီထွန်းက ပြောကြားသည်။

အဆိုပါ ထောက်ခံဆန္ဒထုတ်ဖော်ပွဲအား ပုသိမ်တက္ကသိုလ် ကျောင်းသားသမဂ္ဂ၊ အနှေးယာဉ် လုပ်သားများ သမဂ္ဂနှင့် အခြားသော လူမှုရေး အဖွဲ့အစည်းများ၊ ပြည်သူများကပါ ပူးပေါင်းပါဝင်ခဲ့ကြောင်း သိရသည်။

ထို့ပြင် စစ်ကိုင်းမြို့တွင် ပြုလုပ်သည့် ထောက်ခံပွဲကို စစ်ကိုင်းမြို့တော် ဖွံ့ဖြိုးတိုးတက်ရေးအဖွဲ့နှင့် စစ်ကိုင်းတိုင်းဒေသကြီး ကျောက်မျက်ရတနာ လုပ်ငန်းရှင်များအသင်းတို့ ပူးပေါင်းလုပ်ဆောင်ခြင်းဖြစ်ကြောင်း သိရပြီး အင်အား ၁၂၀၀ ကျော် တက်ရောက်ခဲ့ကြောင်း သိရသည်။

“နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို လူထုက ဒီအချိန်မှာ ၀န်းရံရမယ်၊ ထောက်ခံရမယ်။ သူဆောင်ရွက်နေတဲ့ လုပ်ငန်းစဉ်တွေကို လူထုက ထောက်ခံသင့်တယ်၊ အားပေးသင့်တယ် ထင်ပါတယ်။ ဒါကြောင့်မို့ ကျွန်တော်တို့ အခုလို ထောက်ခံပွဲကို စီစဉ်ရခြင်း ဖြစ်ပါတယ်။ စုစုပေါင်း တက်ရောက်အင်အား ၁၂၀၀ ကျော်ပါတယ်” ဟု စစ်ကိုင်းမြို့တော် ဖွံ့ဖြိုးတိုးတက်ရေးအဖွဲ့ဝင် ဦးစိုးလှိုင်ထွန်းက ပြောကြားသည်။

စစ်ကိုင်းမြို့ တကောင်းရပ်ရှိ ကျောက်မျက်ရတနာ လုပ်ငန်းရှင်များ အသင်းရုံးတွင် နံနက် ၈ နာရီ၌ စုရပ်ပြုလုပ်၍ စစ်ကိုင်းမြို့မဈေးလမ်း၊ တာရိုးလမ်းမှ ဗိုလ်ချုပ်အောင်ဆန်းပန်းခြံ အသင်္ခယာစောယွမ်း အ၀ိုင်းပတ်မှ ဗိုလ်ချုပ်လမ်းအတိုင်း စီတန်းလှည့်လည်ကာ ‘အမေစု ကျန်းမာပါစေ’၊ ‘ပြည်သူ့အစိုးရ အောင်မြင်ပါစေ’ စသည့် ကြွေးကြော်သံများ ကြွေးကြော်ကာ ဒေါ်အောင်ဆန်းစုကြည် ကျန်းမာပါစေ၊ We Stand with Daw Aung San Suu Kyi စာတန်းပါ တီရှပ်များ ၀တ်ဆင်ခြင်း၊ အမေစုနှင့်အတူ ရပ်တည်မည် စသည့်ဗီနိုင်းများ ကိုင်ဆောင်ကာ ဗိုလ်ချုပ်အောင်ဆန်း ပန်းခြံရှေ့တွင် နိုင်ငံတော်သီချင်း သီဆိုခြင်း၊ မိုးပျံပူဖောင်းများ လွှတ်တင်ခြင်းများ ပြုလုပ်ခဲ့ကာ စစ်ကိုင်းမြို့တွင်း အဆိုပါ လမ်းများအတိုင်း စီတန်းလှည့်လည် ဆန္ဒထုတ်ဖော်ခဲ့ကာ နံနက် ၁၀ နာရီကျော်တွင် ထောက်ခံပွဲ ပြီးစီးခဲ့ကြောင်း သိရသည်။

 

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံကြောင်း ရန်ကုန်မြို့တွင် လူထုလမ်းလျှောက်ပွဲပြုလုပ်

နိုင်ငံတော်၏ အတိုင်ပင်ခံပုဂ္ဂိုလ်အား ထောက်ခံကြောင်း ရန်ကုန်မြို့တွင် အောက်တိုဘာ ၁ ရက်က လူထုလမ်းလျှောက်ပွဲ ပြုလုပ်စဉ် (ဓာတ်ပုံ-ကြည်နိုင်)

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံကြောင်း ရန်ကုန်မြို့ သခင်မြပန်းခြံမှ မဟာဗန္ဓုလပန်းခြံသို့ ပြည်သူ ၅၀၀ မှ ၇၀၀ ခန့်သည် အောက်တိုဘာ ၁ ရက် ညနေ ၃ နာရီခန့်က လူထုလမ်းလျှောက်ပွဲ ပြုလုပ်ခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံသော လူထုလမ်းလျှောက်ပွဲတွင် ပါဝင်သော ပြည်သူများသည် ညနေ ၂ နာရီခန့်မှစ၍ သခင်မြပန်းခြံတွင် လူစုပြီး ၃ နာရီခန့်တွင် သခင်မြပန်းခြံမှတစ်ဆင့် ကမ်းနားလမ်း၊ မဟာဗန္ဓုလလမ်အတိုင်း ရန်ကုန်မြို့တွင်းကိုဖြတ်၍ မဟာဗန္ဓုလ ပန်းခြံရှေ့အထိ လမ်းလျှောက်ပွဲ ပြုလုပ်ခဲ့ခြင်းဖြစ်သည်။

“ကျွန်တော်တို့ရဲ့ လူထုခေါင်းဆောင် ဒေါ်အောင်ဆန်းစုကြည်ဟာ ရခိုင်ပြည်နယ်မှာ ဖြစ်ပွားနေတဲ့ ပဋိပက္ခတွေကို နိုင်ငံတကာ သံတမန်တွေရဲ့ ကြားထဲမှာ သံခင်းတမန်ခင်း လှလှပပ ခင်းကျင်းပြီးတော့ သံတမန်နည်းလမ်းတွေကို ကျွမ်းကျင်စွာ ကိုယ်တွယ်ဖြေရှင်းသွားတဲ့ သူ့ရဲ့ဥာဏ်ပညာနဲ့ သမာသမတ်ကျမှု  ကိုယ်ကျင့်တရားကို လေးစားလို့ ထောက်ခံတဲ့ပွဲ ပြုလုပ်ရခြင်း ဖြစ်ပါတယ်။ ပြည်သူနဲ့ ခေါင်းဆောင် တစ်သွေးတစ်သားတည်း ရှိတယ်။ အောက်စဖို့ဒ် တက္ကသိုလ်က ပန်းချီဖြုတ်ချလိုက်လို့ ကျွန်တော်တို့ ရင်ဘတ်ထဲက သူ့ဂုဏ်သိက္ခာနဲ့ပုံရိပ် ပြုတ်မကျသွားဘူး။ ပျောက်ပျက်မသွားဘူး” ဟု အဆိုပါပွဲ ဖြစ်မြောက်ရေးတွင် ပါဝင်သော ကိုမန်းအောင်နိုင်ကြည်က ပြောကြားသည်။

ယခုပြုလုပ်သော လူထုထောက်ခံပွဲသည် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံသည့် အနေဖြင့် ဒုတိယအကြိမ် ပြုလုပ်ခြင်းဖြစ်ပြီး ပထမအကြိမ်ကို စက်တင်ဘာ ၂၄ ရက်က မဟာဗန္ဓုလ ပန်းခြံရှေ့တွင်ပင် ပြုလုပ်ခဲ့ကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ်အား ထောက်ခံသည့်ပွဲသို့ ပူးပေါင်းပါဝင်လာသော ပြည်သူများသည် ဒေါ်အောင်ဆန်းစုကြည် ရုပ်ပုံနှင့် “We Stand With Aung San Suu Kyi၊ အမေစု ကျန်းမာပါစေ” စာသားပါ ဗီနိုင်းများ ကိုင်ဆောင်၍ လည်းကောင်း၊ ‘အမေစုနှင့်အတူ’ ဟူသည့် စာသားပါဝင်သော နဖူးစည်းများ၊ လက်ပတ်များ ချည်နှောင်၍ လည်းကောင်း၊ ဒေါ်အောင်ဆန်းစုကြည်ပုံပါ တီရှပ်များ ၀တ်ဆင်၍လည်းကောင်း ပါဝင်ခဲ့ကြသည်။

ထို့ပြင် ဗြိတိန်နိုင်ငံ အောက်စဖို့ဒ်တက္ကသိုလ်တွင် ထားရှိရာမှ ဖယ်ရှားခံခဲ့ရသော ဒေါ်အောင်ဆန်းစုကြည်၏ ပုံတူပန်းချီကားကို လူတစ်ရပ်ခန့် ဗီနိုင်းထုတ်ပြီး ထောက်ခံပွဲတွင် ပါဝင်သော ပြည်သူများက ကိုင်ဆောင်၍ ပါဝင်ခဲ့ကြကြောင်း သိရသည်။

ပူးပေါင်ပါဝင်လာသော ပြည်သူများက ဒေါ်အောင်ဆန်းစုကြည်ကို အပြည့်အ၀ ထောက်ခံ၊ ယုံကြည်မှု ရှိကြောင်းနှင့် ကျန်းမာရေး ကောင်းမွန်စေလို ကြောင်းကိုလည်း ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် စက်တင်ဘာ ၁၉ ရက် နံနက် ၁၀ နာရီက နိုင်ငံတော်အခြေပြ မိန့်ခွန်းတစ်ရပ် ပြောကြားခဲ့ပြီး အဆိုပါမိန့်ခွန်းကို ရန်ကုန်မြို့တော်ခန်းမတွင် တပ်ဆင်ထားသော LED ဘုတ်မှတစ်ဆင့် ပြသခဲ့ရာ ပြည်သူထောင်နှင့်ချီ လာရောက် နားထောင်ခဲ့ကြပြီး တစ်နိုင်ငံလုံးမှ မြို့ကြီးများကလည်း ယင်းမိန့်ခွန်း ပြောကြားမှုကို LED ဘုတ်မှတစ်ဆင့် ပြသခဲ့ကြသည်။

 

ရခိုင်အရေးနှင့် ပတ်သက်၍ နိုင်ငံတကာ၏ စစ်ဆေးမှုကို ကြောက်ရွံ့နေမည် မဟုတ်ကြောင်းနှင့် ဘင်္ဂလားဒေ့ရ်ှနိုင်ငံသို့ ထွက်ပြေးသွားသူများအား ပြန်လည်လက်ခံရေး စိစစ်မှုလုပ်ငန်းစဉ် စတင်နိုင်ရန် ပြင်ဆင်ထားကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

စက်တင်ဘာ ၁၉ ရက်က နေပြည်တော်တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မိန့်ခွန်းပြောကြားနေစဉ် (ဓာတ်ပုံ-စိုးမင်းထိုက်)

ရခိုင်အရေးနှင့် ပတ်သက်၍ နိုင်ငံတကာ၏ စစ်ဆေးမှုကို ကြောက်ရွံ့နေမည် မဟုတ်ကြောင်းနှင့် ဘင်္ဂလားဒေ့ရ်ှနိုင်ငံသို့ ထွက်ပြေးသွားသူများအား ပြန်လည်လက်ခံရေး စိစစ်မှုလုပ်ငန်းစဉ် စတင်နိုင်ရန် ပြင်ဆင်ထားကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က စက်တင်ဘာ ၁၉ ရက်တွင် ပြောကြားသည်။

ရခိုင်ပြည်နယ်တွင် အာစာဘင်္ဂါလီ အစွန်းရောက် အကြမ်းဖက်သမားများ၏ တိုက်ခိုက်မှုကြောင့် ဒေသခံ ရခိုင်တိုင်းရင်းသားများနှင့် ဘင်္ဂါလီများ ထွက်ပြေးတိမ်းရှောင်ရမှု ဖြစ်စဉ်များနှင့် စပ်လျဉ်း၍ အစိုးရနှင့် တပ်မတော်၏ ကိုင်တွယ်ဖြေရှင်းမှုများအပေါ် နိုင်ငံတကာက ဝေဖန်တိုက်တွန်းမှုများ ရှိနေချိန် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နေပြည်တော်၌ သံတမန်များအား ဖိတ်ခေါ်ပြောကြားသည့် မိန့်ခွန်းတွင် ထည့်သွင်းပြောကြား ခဲ့ခြင်းဖြစ်သည်။

မိနစ် ၃၀ ကြာမြင့်ခဲ့သည့် အင်္ဂလိပ်ဘာသာစကားဖြင့် ပြောဆိုသော ဒေါ်အောင်ဆန်းစုကြည်၏ မိန့်ခွန်းကို ရုပ်သံအစီအစဉ်များမှလည်း တိုက်ရိုက်ထုတ်လွှင့်ခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မိန့်ခွန်းတွင် မြန်မာပြည်သူများနှင့် အစိုးရက လက်မခံသည့် ရိုဟင်ဂျာဆိုသော အသုံးအနှုန်းအား ထည့်သွင်းအသုံးပြုခဲ့ခြင်း မရှိဘဲ မွတ်စလင်များဟုသာ သုံးနှုန်းခဲ့သည်။

မြန်မာနိုင်ငံသည် ရှုပ်ထွေးသည့် နိုင်ငံဖြစ်ပြီး ထိုသို့စိန်ခေါ်မှုများ အားလုံးကို အချိန်တိုတိုအတွင်း ဖြေရှင်းနိုင်ရန် အများက မျှော်လင့်နေကြောင်း၊ လက်ရှိတွင် မိမိတို့အစိုးရသည် အဆိုပါစိန်ခေါ်မှုများကို သက်တမ်း ၁၈ လဖြင့် ဖြေရှင်း၍ မရကြောင်းနှင့် ၁၈ လဖြင့် ဖြေရှင်းရန်မှာ အချိန်အရမ်း တိုတောင်းကြောင်း၊ သို့ရာတွင် အများက မျှော်လင့်ထားသည့် အရာများကို ဖြည့်ဆည်းပေးရန် မိမိတို့အဆင်သင့် မဖြစ်သေးဟု ဆိုလိုခြင်းလည်း မဟုတ်ကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

“အကြောင်းကတော့ နိုင်ငံတစ်နိုင်ငံဆိုတာ အဖွဲ့အစည်းတစ်ခု အနေနဲ့ ကျွန်မမိတ်ဆွေတွေကို ကျွန်မတို့ ကြုံတွေ့နေရတဲ့ အခက်အခဲတွေ၊ စိန်ခေါ်မှုတွေကို ပြန်လည်မျှဝေချင်ပါတယ်။ ဒီမိုကရေစီ အသွင်ကူးပြောင်းမှု၊ တည်ငြိမ်မှုနဲ့ ငြိမ်းချမ်းရေး၊ ဖွံ့ဖြိုးတိုးတက်ရေး စတာတွေနဲ့ ပတ်သက်လို့ ပြောပြချင်တာ ဖြစ်ပါတယ်။ ရခိုင်အရေးကိစ္စကို အသေအချာ စောင့်ကြည့်နေပါတယ်။ အရေးတယူ လုပ်ပါတယ်။ မနှစ်က ကုလသမဂ္ဂ အထွေထွေညီလာခံမှာ ကျွန်မပြောခဲ့သလိုပဲ နိုင်ငံတကာကနေ စစ်ဆေးမှုတွေ ရှိလာရင်လည်း မြန်မာနိုင်ငံ အနေနဲ့ ကြောက်ရွံ့နေမှာ မဟုတ်ပါဘူး။ ရခိုင်ပြည်နယ်မှာရှိတဲ့ အသိုင်းအ၀န်း အားလုံးရဲ့ တည်ငြိမ်အေးချမ်းရေးနဲ့ ဖွံ့ဖြိုးတိုးတက်ရေးအတွက် တည်တည်ငြိမ်ငြိမ် ဖြေရှင်းဆောင်ရွက်သွားမှာ ဖြစ်ပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

ထို့ပြင် ဒေါ်အောင်ဆန်းစုကြည်က ရခိုင်ပြည်နယ်တွင် ဖြစ်ပွားခဲ့သည့် အကြမ်းဖက်တိုက်ခိုက်မှု ဖြစ်စဉ်ကြောင့် ထိခိုက်ခံစားရသူ အားလုံးအတွက်လည်း စိတ်မကောင်းဖြစ်ရကြောင်း၊ အိုးအိမ်များကို စွန့်ခွာပြီးထွက်ပြေးရသူ အများအပြားရှိကြောင်း၊ ထိုသို့ထွက်ပြေးရသူများတွင် မွတ်စလင်သာမကဘဲ ရခိုင်နှင့် အခြားလူနည်းစုများ ဖြစ်ကြသည့် ကမန်၊ မြို၊ သက်၊ မရမာကြီး၊ ဟိန္ဒူများလည်း ပါဝင်ကြောင်း ပြောကြားသည်။

“မြန်မာကနေ ဘင်္ဂလားဒေ့ရ်ှကို ထွက်ပြေးသွားတဲ့ ဒုက္ခသည်တွေကို ပြန်ပို့ဖို့ တောင်းဆိုမှုတွေလည်း ရှိနေပါတယ်။ နိုင်ငံသားအဖြစ် စိစစ်အတည်ပြုမှု လုပ်ငန်းစဉ်ကို အချိန်မရွေး စတင်နိုင်ဖို့ ကျွန်မတို့ ပြင်ဆင်ထားခဲ့ပါတယ်။ နိုင်ငံသား စိစစ်အတည်ပြုမှုကို ၁၉၉၃ ခုနှစ် လောက်က စတင်ဆောင်ရွက်ခဲ့ပြီး မြန်မာဘက်ကို ပြန်လာချင်တဲ့ ဒုက္ခသည်တွေကို စိစစ်အတည်ပြုရေးကို အဲဒီအချိန်က နှစ်နိုင်ငံ သဘောတူညီချက်ပေါ် အခြေခံ ဆောင်ရွက်ခဲ့တာ ဖြစ်ပါတယ်။ အဲဒီအချိန်က သဘောတူညီမှုမှာပါတဲ့ သတ်မှတ်ချက်တွေအတိုင်း ကျွန်မတို့ လိုက်နာသွားမှာပါ။ ဒါ့ကြောင့် အဲဒီစိစစ် အတည်ပြုမှုကို အချိန်မရွေး စတင်ဖို့ အသင့်ရှိနေတယ်ဆိုတာ ကျွန်မအတည်ပြု ပြောလိုပါတယ်” ဟု ဒေါ်အောင်ဆန်းစုကြည်က ပြောကြားသည်။

ထို့ပြင် နိုင်ငံသားဖြစ်ခွင့်နှင့် ပတ်သက်၍ အတည်ပြု စစ်ဆေးနိုင်သည့် လုပ်ငန်းစဉ် ဆောင်ရွက်နိုင်ရန် အတွက်လည်း ဒေသအသီးသီးမှ ပူးပေါင်းပါဝင်ကြရန် လိုအပ်ကြောင်း၊ သို့သော် မွတ်စလင်ခေါင်းဆောင် အချို့က အတည်ပြု စစ်ဆေးမည့် လုပ်ငန်းစဉ်အား မပူးပေါင်းရန် ဆုံးဖြတ်ထားကြောင်း၊ အကယ်၍ အဆိုပါ လုပ်ငန်းစဉ်တွင် ပူးပေါင်းပါဝင်လာရန် အားလုံးက ဖျောင်းဖျနိုင်မည် ဆိုပါက မိမိတို့က ကျေးဇူးတင်ရှိ သွားမည်ဖြစ်ကြောင်း၊ အဘယ့်ကြောင့်ဆိုသော် ၎င်းတို့အတွက် ဆုံးရှုံးစရာမရှိ၍ ဖြစ်ကြောင်းလည်း ဒေါ်အောင် ဆန်းစုကြည်က ပြောကြားသည်။

ထို့အတူ ဒေါ်အောင်ဆန်းစုကြည်က ဘင်္ဂလားဒေ့ရ်ှနိုင်ငံသို့ ထွက်ပြေးသွားသူများနှင့် ပတ်သက်၍လည်း မည်သည့်အတွက်ကြောင့် ထွက်ပြေးသည် ဆိုသည်ကို ဖော်ထုတ်ချင်ကြောင်းနှင့် ထွက်ပြေးသွားသူ များနှင့်လည်း စကားပြောချင်ကြောင်း ပြောကြားသည်။

အစိုးရအနေဖြင့် ရခိုင်ပြည်နယ်ရှိ လူမှုအသိုင်းအ၀န်းများကြား သဟဇာတဖြစ်ရေးနှင့် ငြိမ်းချမ်းရေး၊ တည်ငြိမ်ရေး ပြန်လည်ရရှိရေးအတွက် ကြိုးစားဆောင်ရွက်နေကြောင်း၊ ထွက်မပြေးသည့် မွတ်စလင်ရွာ အများအပြား ရှိကြောင်းနှင့် နိုင်ငံတကာ အသိုင်းအ၀န်း အနေဖြင့် ရခိုင်ဒေသသို့ လာရောက် ကြည့်ရှုရန် ဖိတ်ခေါ်ကြောင်း ဒေါ်အောင်ဆန်းစုကြည်က ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ်က အကြမ်းဖက်မှုကို ပိုမိုဆိုးရွားစေသည့် မည်သည့် လူ့အခွင့်အရေး ချိုးဖောက်မှုကိုမဆို ရှုတ်ချကြောင်း၊ မြန်မာနိုင်ငံကို ဘာသာရေးယုံကြည်မှု၊ တိုင်းရင်းသားလူမျိုးပေါ် အခြေခံပြီး ခွဲခြားထားသည့် နိုင်ငံမျိုး မဖြစ်စေချင်ကြောင်း မိန့်ခွန်းတွင် ထည့်သွင်းပြောကြားသည်။

အလားတူ ဒေါက်တာကိုဖီအာနန် ဦးဆောင်သည့် ရခိုင်ပြည်နယ်ဆိုင်ရာ အကြံပေးကော်မရှင် အစီရင်ခံစာတွင် အချိန်တိုအတွင်း ရခိုင်ပြည်နယ် အခြေအနေ တိုးတက်ကောင်းမွန်အောင် လုပ်ဆောင်ရန် ပထမဦးစားပေး အနေဖြင့် အကြံပြု ထောက်ခံထားကြောင်း၊ ကျန်ရှိသည့် အကြံပြုချက်များသည်လည်း ရခိုင်ပြည်နယ်တွင် ငြိမ်းချမ်းရေး၊ ဖွံ့ဖြိုးတိုးတက်ရေးနှင့် သဟဇာတ ဖြစ်စေရန် အကျိုးကျေးဇူးများ ရှိနေသောကြောင့် တတ်နိုင်သမျှ အမြန်ဆုံး အကောင်အထည်ဖော် ဆောင်ရွက်သွားမည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မိန့်ခွန်းတွင် ထည့်သွင်းပြောကြားသည်။

မုံရွာမြို့တွင် ဒေါ်အောင်ဆန်းစုကြည်မိန့်ခွန်းအား လူဦးရေ ထောင်ချီ လာရောက်နားထောင်

စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နိုင်ငံတော်အခြေပြ မိန့်ခွန်းအား လာရောက်နားထောင်သူ ၁၀၀၀ နီးပါးရှိကြောင်း သိရသည်။

အဆိုပါ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နိုင်ငံတော်အခြေပြုမိန့်ခွန်းအား မုံရွာမြို့လယ်ခေါင်တွင် တည်ရှိသော နာရီစင်၏ မြောက်ဘက်ကပ်လျက်တွင် ကျင်းပပြုလုပ်နေခြင်း ဖြစ်ကြောင်း သိရသည်။

အဆိုပါ အခမ်းအနားအား စစ်ကိုင်းတိုင်းဒေသကြီးရှိ အရပ်ဖက် အဖွဲ့အစည်းများက ဦးဆောင်ကျင်းပခြင်းဖြစ်ပြီး နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နိုင်ငံတော်အခြေပြု မိန့်ခွန်းအား စစ်ကိုင်းတိုင်းဒေသကြီးမှ တိုင်းလွှတ်တော် ကိုယ်စားလှယ်များလည်း လာရောက်နားထောင်ခဲ့ကြောင်း သိရသည်။

အခမ်းအနားကို နံနက် ၉ နာရီ အချိန်တွင် လာရောက်နားထောင်သူများက နိုင်ငံတော်သီးချင်းအား သံပြိုင်ရွတ်ဆိုခဲ့ကြောင်းနှင့် ခိုက်ရန်ဖြစ်ပွားမှုများ မဖြစ်အောင် လုံခြုံရေး ရဲတပ်ဖွဲ့ဝင်များအား တင်းကြပ်စွာ ချထားပေးနေကြောင်း သိရသည်။

 

ကုလသမဂ္ဂ အထွေထွေညီလာခံသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မတက်ရောက်သည့် အကြောင်းရင်း လေးချက်ရှိကြောင်း ဦးဇော်ဌေး ပြောကြား

ကုလသမဂ္ဂ အထွေထွေညီလာခံသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မတက်ရောက်သည့် အကြောင်းရင်း လေးချက်ရှိကြောင်း ဦးဇော်ဌေးက ပြောကြားသည်။

စက်တင်ဘာ ၁၃ ရက်က နေပြည်တော်ရှိ နိုင်ငံတော်သမ္မတအိမ်တော် သတင်းစာ ရှင်းလင်းဆောင်တွင် ပြုလုပ်သည့် နိုင်ငံတော်၏ အတိုင်ပင်ခံပုဂ္ဂိုလ် ခရီးစဉ်နှင့် ပတ်သက်ပြီး နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက မီဒီယာများအား ယင်းကဲ့သို့ ပြောကြားခဲ့ခြင်းဖြစ်သည်။

ဦးဇော်ဌေးက “နံပါတ်တစ်က ရခိုင်ပြည်နယ် မောင်တောဒေသ ARSA အကြမ်းဖက်သမားတွေ အကြမ်းဖက် တိုက်ခိုက်မှု ဖြစ်သွားတယ်။ ဖြစ်သွားတဲ့ဟာမှာ မွတ်စလင်ဘာသာဝင်တွေရောပါတယ်။ ရခိုင်တိုင်းရင်းသားတွေ၊ ဟိန္ဒူ လူမှုအဖွဲ့အစည်းတွေပါတယ်။ နောက် ဒိုင်းနက်၊ မြို၊ ဒေသခံ ဟိုးအရင်က နေထိုင်လာတဲ့ ဌာနေတိုင်းရင်းသားတွေ သေကြေရတယ်။ ပျက်စီးရတယ်။ နောက် ထွက်ပြေးရတယ်။ အဲဒီလို ထွက်ပြေးတိမ်းရှောင်မှုတွေ ဖြစ်သလိုပဲ ဘင်္ဂါလီတွေလည်း မြောက်ဘက်ကိုပြေးတယ်။ ပြေးတဲ့အခါမှာ ဒီဖြစ်စဉ်ကို ပြန်ကြည့်လိုက်တော့ ဘင်္ဂါလီတွေက မြောက်ဘက်ကို ပြေးတယ်။ တိုင်းရင်းသားတွေက တောင်ဘက်ကို ပြေးတယ်။ ဘယ်အထိ ပြေးလဲဆိုတော့ စစ်တွေဘက်အထိ ပြေးကြတယ်။ ပြေးသွားတဲ့ ဟာတွေမှာ အခု ခုနစ်နေရာ ပြန်စုစည်းပြီး လက်ခံဖို့ လုပ်ထားတယ်။ တိုင်းရင်းသားတွေကိုတော့ သူတို့ရဲ့ ရွာတွေမှာ ထားထားတယ်။ ပြန်ပြီးတော့ နေရာချထားတယ်။ အဲဒါတွေအပြင် လူသားချင်းစာနာ ထောက်ထားမှုတွေ ချက်ချင်းလုပ်ရမှာပေါ့။ အဲဒါတွေလုပ်ဖို့ရှိတယ်။ အဲဒါ နံပါတ်တစ်။ နံပါတ်နှစ် အချက်က ပြည်တွင်းမှာ ရခိုင်ပြည်နယ် မောင်တောပြဿနာနဲ့ ပတ်သက်ပြီးတော့ ပြည်တွင်းမှာ အစိုးရကို ဆန့်ကျင်တဲ့ ဆန္ဒပြမှုတွေရှိတယ်။ ဆန္ဒပြမှုတွေနဲ့ ဆက်စပ်ပြီးတော့ လူမျိုးရေး၊ ဘာသာရေးဘက်ကို ဆွဲသွားတဲ့ ပဋိပက္ခ ဖန်တီးမှုတွေလည်းရှိတယ်။ ပြီးခဲ့တဲ့ တောင်တွင်းကြီးဖြစ်စဉ်မှာ တွေ့ခဲ့ရသလို။ အဲဒီတော့ ပြည်တွင်းမှာ တည်ငြိမ်မှုအတွက် အထူးအလေးထားပြီး လုပ်နေရတဲ့ အနေအထား ရှိပါတယ်။ နောက် တတိယအချက်က အကြမ်းဖက် တိုက်ခိုက်မှုတွေ လုပ်နိုင်တယ်ဆိုတဲ့ သတင်းအချက်အလက် တွေရှိတယ်။ မြန်မာနိုင်ငံ မြို့ကြီးတွေမှာ အကြမ်းဖက် တိုက်ခိုက်မယ်ဆိုတဲ့ သတင်းအချက်အလက် တွေရတယ်။ အဲဒါကလည်း လုံခြုံရေးအရ အထူးအလေးထား ဆောင်ရွက်နေရတဲ့ အနေအထားရှိတယ်။ နောက် နံပါတ်လေးအချက်က နိုင်ငံတော်သမ္မတကြီး ဦးထင်ကျော်က ထိုင်းနိုင်ငံ ဘန်ကောက်မှာ ဆေးဝါးကုသထားတယ်။ အဲဒါနဲ့ပတ်သက်လို့ ခွဲစိတ်ကုသမှု အောင်မြင်ကြောင်း သတင်းထုတ်ပြန်ထားပါတယ်။ သို့သော် ဒီမှာတော့ သမ္မတကြီး ဆေးရုံတက်နေတယ် မရှိဘူးပေါ့။ ဒီနေ့အချိန်အထိ ဆေးရုံမှာရှိနေတယ်။ ဒီအချက် လေးချက်အရ နိုင်ငံတော် အတိုင်ပင်ခံပုဂ္ဂိုလ်က မူလက သွားဖို့ရည်ရွယ်ထားတယ်။ အဲဒီမှာလည်း ကြိုတင်ပြင်ဆင်မှုတွေ လုပ်ထားပြီးပြီ။ အခြေအနေ အကြောင်းကြောင်းကြောင့် မသွားဖြစ်တော့ဘူး။ မသွားဖြစ်တော့ဘဲနဲ့ ဒုတိယ သမ္မတသွားမယ်” ဟု ဦးဇော်ဌေးက ပြောကြားသည်။

နိုင်ငံတော်၌ ဖြစ်ပေါ်နေသည့် လက်ရှိအခြေအနေများနှင့် ပတ်သက်၍ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် စက်တင်ဘာ ၁၉ ရက်တွင် မိန့်ခွန်းပြောကြားမည်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား စက်တင်ဘာ ၇ ရက်နေ့က တွေ့ရစဉ် (ဓာတ်ပုံ – ကြည်နိုင်)

နိုင်ငံတော်တွင် ဖြစ်ပေါ်နေသည့် လက်ရှိအခြေအနေများနှင့် ပတ်သက်၍ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် စက်တင်ဘာ ၁၉ ရက်တွင် မိန့်ခွန်းပြောကြားမည်ဟု အတိုင်ပင်ခံရုံး ၀န်ကြီးဌာန ညွှန်ကြားရေးမှူးချုပ် ဦးဇော်ဌေးက မီဒီယာများအား ပြောကြားသည်။

စက်တင်ဘာ ၁၃ ရက်တွင် နိုင်ငံတော်သမ္မတ အိမ်တော်ဝင်းအတွင်း ညွှန်ကြားရေးမှူးချုပ် ဦးဇော်ဌေးက မီဒီယာများနှင့် တွေ့ဆုံပြီး နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အနေဖြင့် ကုလသမဂ္ဂ အထွေထွေ ညီလာခံသို့ တက်ရောက်နိုင်ခြင်း မရှိသည့် အကြောင်းများအား မီဒီယာများနှင့် တွေ့ဆုံစဉ် ပြောကြားခဲ့ခြင်းဖြစ်သည်။

ဧရာဝတီသတင်းဌာနမှ သတင်းထောက်တစ်ဦးက “ဒေါ်အောင်ဆန်းစုကြည်က ကိုယ်တိုင် ကုလသမဂ္ဂ အထွေထွေ ညီလာခံကို မသွားနိုင်တဲ့အတွက် နိုင်ငံတကာက ပြောဆိုနေတာကို သူကိုယ်တိုင်ရှင်းပြမယ်။ နောက်ပြီးတော့ အခွင့်အရေး ဆုံးရှုံးတယ်။ ဘင်္ဂါလီပြဿနာက အများစွပ်စွဲနေကြသလို ဥပဒေချိုးဖောက်မှု ရှိတယ်။ အဲဒါ မရှင်းပြချင်လို့လား။ ဒါကို ၀န်ခံလိုက်သလို ဖြစ်နေတယ်ဆိုတဲ့ စွပ်စွဲချက်တွေ ရှိနေတယ်။ ဒေါ်အောင်ဆန်းစုကြည် UN မသွားတာက ဒါကိုဝန်ခံလိုက်တာလား။ အစိုးရအနေနဲ့ ၀န်ခံလိုက်တဲ့ သဘောလား။ ရှင်းပြပေးပါ” ဟု မေးမြန်းခဲ့သည်။

အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက “ရည်ရွယ်ချက်ကတော့ အကြောင်းရင်း လေးချက်ရှိတယ်။ ဒီအကြောင်းရင်း လေးချက်ပေါ် မူတည်ပြီးတော့ စဉ်းစားကြည့်လို့ရပါတယ်။ နောက်တစ်ချက်က ထုတ်ဖော်ပြောကြားဖို့ ကျန်နေတာ။ အတိုင်ပင်ခံပုဂ္ဂိုလ် အပါအ၀င် ကျန်တဲ့ လုံခြုံရေးဆိုင်ရာ ကိစ္စတွေ ရှိပါတယ်။ အဲဒါတွေ လုပ်နေပါတယ်။ အစောကမေးတဲ့ ၀န်ခံလိုက်သလိုဖြစ်တယ်ဆိုတာ မဟုတ်ပါဘူး။ ၀န်ခံတာ မဟုတ်ဘူး။ ကျွန်တော်တို့က ဖြစ်စဉ်ဖြစ်ရပ် အမှန်အတိုင်း လုပ်ပါမယ်။ အဲဒီအတွက်လည်း ကျွန်တော်တို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နောက်အပတ်ထဲမှာ မိန့်ခွန်းပြောပါမယ်။ ပြောမယ့် အကြောင်းအရာက ဘာလဲဆိုတော့ ကျွန်တော်တို့ နိုင်ငံတော် အခြေပြမိန့်ခွန်း သဘောမျိုးပဲ။ အမျိုးသားပြန်လည် သင့်မြတ်ရေးနဲ့ ငြိမ်းချမ်းရေးဆိုင်ရာမိန့် ခွန်းပြောမှာ ဖြစ်ပါတယ်။ အဲဒီအခါကျရင် ကျွန်တော်တို့ မီဒီယာတွေလည်း ၀င်ရောက်ခွင့်ပြုမှာပါ။ မီဒီယာတွေကို ခွင့်ပြုတဲ့အခါမှာ ပြည်ပသတင်းထောက်တွေ အနေနဲ့ ပြည်ပကနေ လာပြီးတော့ သတင်းယူချင်တယ်ဆိုရင် ပြန်ကြားရေး ၀န်ကြီးဌာနကို ဒီနေ့ပြောထားပါတယ်။ တကယ်လို့ ပြည်ပအခြေစိုက်ကနေ လာချင်တယ်ဆိုရင် ဗီဇာလျှောက်ရာမှာ ခက်ခဲမှာစိုးလို့ ကျွန်တော်တို့ကို စာရင်းပေး။ နိုင်ငံခြားရေး ၀န်ကြီးဌာနကနေပြီးတော့ ဗီဇာမြန်မြန်ရအောင် ပြောပေးမှာဖြစ်ပါတယ်။ အဲဒီပွဲလာဖို့ ကျွန်တော်တို့ဖိတ်မှာ ဖြစ်ပါတယ်။ အခုပြန်ကြားရေး ၀န်ကြီးဌာနကို ကျွန်တော်တို့ ဖိတ်ခိုင်းထားပါတယ်။ ဆိုလိုတာက ဒီဟာတွေနဲ့ ပတ်သက်ပြီးတော့ ၀န်ခံတာ၊ ၀န်မခံတာထက် တကယ့်အဖြစ်မှန် ပြောပါမယ်။ ပြောမှာဆိုတာက တစ်ကမ္ဘာလုံးကို ပြောမှာဖြစ်ပါတယ်။ အဲဒါကို သတင်းထောက်တွေကိုလည်း ၀င်ခွင့်ပြုမယ်။ တိုက်ရိုက်လည်း ထုတ်လွှင့်မှာ ဖြစ်ပါတယ်။ မြန်မာနိုင်ငံမှာရှိတဲ့ သံတမန်တွေအပြင် မြန်မာနိုင်ငံမှာ သံရုံးမစိုက်ဘဲ ထိုင်းတို့၊ နယူးဒေလီတို့မှာ သံရုံးစိုက်တယ်။ တွဲကိုင်နေတဲ့ သူတွေရှိတယ်။ အဲဒီသူတွေကိုလည်း မရောက်ရောက်အောင်တက်ဖို့ ကျွန်တော်တို့ ဖိတ်ထားပါတယ်။ စက်တင်ဘာ ၁၉ ရက်မှာ မိန့်ခွန်းပြောမှာ ဖြစ်ပါတယ်” ဟု ပြောကြားသည်။

အလားတူ Frontineer သတင်းဌာနမှ သတင်းထောက်က “ကုလသမဂ္ဂ ညီလာခံမှာ  ဒေါ်အောင်ဆန်းစုကြည်လို နိုင်ငံတကာမှာ သြဇာရှိတဲ့သူက မြန်မာနိုင်ငံ ကိုယ်စားပြုပြီးတော့ သွားမပြောပြနိုင်တာ နိုင်ငံအတွက် ဘယ်လိုနစ်နာမှုတွေ ရှိမလဲ။ အဲဒီအတွက် အစိုးရဘက်က ဘယ်လိုပြင်ဆင်ထားလဲ” ဟု မေးမြန်းခဲ့သည်။

ဦးဇော်ဌေးက “အဲဒီအတွက် စီစဉ်ထားပါတယ်။ စီစဉ်ထားတယ် ဆိုတာက ဟိုသွားလည်း အတိုင်ပင်ခံပုဂ္ဂိုလ်က ပြောမှာပဲ။ ဒီမြန်မာနိုင်ငံကနေ ပြီးတော့လည်း ပြောမှာပဲ။ တခြားသော မီဒီယာတွေနဲ့ ပတ်သက်တာတွေ အတည်ပြုနိုင်ခြင်း မရှိသေးလို့ ပြောလို့မရသေးတာတွေ ရှိပါတယ်။ နိုင်ငံတော်၏ အတိုင်ပင်ခံကိုယ်တိုင် လုပ်မယ့်ဟာတွေ စီစဉ်နေပါတယ်။ အဲဒီလောက်ပဲ ပြောနိုင်ပါသေးတယ်” ဟု ပြောကြားသည်။

 

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကချင်နှစ်ခြင်း ခရစ်ယာန်အဖွဲ့ချုပ် (KBC) တာဝန်ရှိသူများ နေပြည်တော်၌တွေ့ဆုံပြီး ကချင်ပြည်နယ် ငြိမ်းချမ်းရေးနှင့် နေရပ်စွန့်ခွာတိမ်းရှောင်နေရသူများ ကိစ္စရပ်များဆွေးနွေး

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကချင်နှစ်ခြင်း ခရစ်ယာန်အဖွဲ့ချုပ် (KBC) တာဝန်ရှိသူများသည် နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) အစည်းအဝေးခန်းမ၌ ဇူလိုင် ၂၄ ရက်နံနက် ၁၀ နာရီတွင်တွေ့ဆုံပြီး ကချင်ပြည်နယ်ငြိမ်းချမ်းရေးနှင့် နေရပ်စွန့်ခွာတိမ်းရှောင်နေရသူများ ကိစ္စရပ်များဆွေးနွေးခဲ့ကြောင်း နိုင်ငံတော်အတိုင်ပင်ခံရုံးက သတင်းထုတ်ပြန်သည်။

အဆိုပါတွေ့ဆုံပွဲတွင် ကချင်နှစ်ခြင်း ခရစ်ယာန်အဖွဲ့ချုပ် အထွေထွေအတွင်းရေးမှူး ဒေါက်တာခလမ်ဆမ်ဆွန်က ကချင်ပြည်နယ် ငြိမ်းချမ်းရေးတည်ဆောက်ရာတွင် အခက်အခဲဖြစ်စေသည့် အခြေအနေများနှင့် ငြိမ်းချမ်းရေးဆိုင်ရာ အကြံပြုချက်များကို ရှင်းလင်းခဲ့ကြောင်း သိရသည်။

ထို့နောက် ကချင်ပြည်နယ်ငြိမ်းချမ်းရေးနှင့် NCA လက်မှတ်ရေးထိုးရေး၊ နေရပ်စွန့်ခွာ တိမ်းရှောင်နေကြသူများ အရေးကိစ္စရပ်များနှင့် ပတ်သက်၍ နှစ်ဖက်ဆွေးနွေးမှုများ ပြုလုပ်ခဲ့ကြောင်း သတင်းထုတ်ပြန်ချက်အရ သိရသည်။
နိုင်ငံတော်၏ အတိုင်ပင်ခံပုဂ္ဂိုလ်က ဆွေးနွေးတင်ပြချက်များအပေါ် ပြန်လည်သုံးသပ် ဆွေးနွေးမှုများပြုလုပ်ခဲ့ပြီး ကချင်နှစ်ခြင်း ခရစ်ယာန်အဖွဲ့ချုပ်ဥက္ကဋ္ဌ သိက္ခာတော်ရဆရာကြီး လလောက်ဂျုံးခေါင်နှင့် အဖွဲ့ဝင်များအား အမှတ်တရလက်ဆောင်များ ပေးအပ်ခဲ့သည်။

ယင်းတွေ့ဆုံပွဲသို့ နိုင်ငံတော် အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေ၊ ငြိမ်းချမ်းရေးကော်မရှင်ဥက္ကဋ္ဌ ဒေါက်တာတင်မျိုးဝင်း၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၊ ဒုတိယ၀န်ကြီး ဦးမင်းသူ၊ ကချင်နှစ်ခြင်း ခရစ်ယာန်အဖွဲ့ချုပ်ဥက္ကဋ္ဌ သိက္ခာတော်ရဆရာကြီး လလောက်ဂျုံးခေါင်၊ သိက္ခာတော်ရ ဆရာကြီးဒေါက်တာခလမ်ဆမ်ဆွန်၊ သိက္ခာတော်ရဆရာ ခေါဘောမ်၊ သိက္ခာတော်ရဆရာ ဂွန်ထန်ခွန်နောင်၊ သိက္ခာတော်ရဆရာ လထော်ခွန်နောင်၊ သိက္ခာတော်ရဆရာ ဒေါင်ခေါင်၊ သိက္ခာတော်ရ ဆရာထွန်းနော်၊ သိက္ခာတော်ရ ဆရာလဖိုင်ဇော်ရာ၊ သိက္ခာတော်ရ ဆရာမရန်ဇော်မန်၊ ဖော်ရမ်ခါးလီ၊ ဒေါ်ဂျာနန်တို့ တက်ရောက်ခဲ့ကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ်သည် ၂၀၁၇ ခုနှစ်မတ်လကုန်ပိုင်းက ကချင်ပြည်နယ် မြစ်ကြီးနားမြို့သို့ သွားရောက်ခဲ့သည့် ခရီးစဉ်တွင် KBC မှဘာသာရေးခေါင်းဆောင်များအပါအ၀င် ကချင်လူထုခေါင်းဆောင်များ၊ လူမှုအဖွဲ့အစည်းများမှ တာဝန်ရှိသူများနှင့် သုံးနာရီနီးပါးကြာ တံခါးပိတ်ဆွေးနွေးမှုပြုလုပ်ခဲ့ပြီး ထိုစဉ်အချိန်က နိုင်ငံတော်၏ အတိုင်ပင်ခံပုဂ္ဂိုလ်က ကချင်လက်နက်ကိုင်အဖွဲ့ (KIO/KIA) အနေဖြင့် NCA ကိုယုံယုံကြည်ကြည် လက်မှတ်ရေးထိုးရန် တွေ့ဆုံပွဲတွင် တိုက်တွန်းပြောကြားခဲ့ကြောင်း တွေ့ဆုံပွဲတက်ရောက်ခဲ့သူများ၏ ပြန်လည်ပြောကြားချက်အရ သိရသည်။

တပ်မတော်နှင့် ကချင်လက်နက်ကိုင်အဖွဲ့ (KIO/KIA) ကြား ၂၀၁၁ ခုနှစ် ဇွန် ၉ ရက်မှစတင်ကာ တစ်ကျော့ပြန်တိုက်ပွဲများ ပြန်လည်ဖြစ်ပွားနေခြင်းမှာ ခြောက်နှစ်ကျော်လာပြီဖြစ်ကာ တိုက်ပွဲများသည် လက်ရှိအချိန်ထိ ဖြစ်ပွားနေဆဲဖြစ်သည်။

ကချင်လက်နက်ကိုင်အဖွဲ့ (KIO/KIA) အနေဖြင့် တိုင်းရင်းသားတပ်ပေါင်းစုဖြစ်သော ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) တွင် အဖွဲ့ဝင်အဖြစ်ပါဝင်ကာ ယခင်သမ္မတဦးသိန်းစိန် ဦးဆောင်သော အစိုးရလက်ထက် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) ဖြစ်ပေါ်လာရေး ဆွေးနွေးပွဲများတွင်ပါဝင်ခဲ့ပြီး NCA လက်မှတ်ရေးထိုးရာတွင်မူ တိုင်းရင်းသား လက်နက်ကိုင်အဖွဲ့အားလုံး ပါဝင်ရေးထိုးခွင့်မရသဖြင့် NCA စာချုပ်ရေးဆွဲရာတွင် ပါဝင်သော်လည်း လက်မှတ်ရေးထိုးရာတွင် မပါဝင်ခဲ့သည့်အဖွဲ့များအနက် တစ်ဖွဲ့ဖြစ်သည်။

ထို့နောက် NLD အစိုးရလက်ထက်တွင် NCA လက်မှတ်ရေးထိုးနိုင်ရေး UNFC တပ်ပေါင်းစုတွင် ဆက်လက်ပါဝင်ကာ အစိုးရနှင့် တွေ့ဆုံဆွေးနွေးမှုများပြုလုပ်ခဲ့ပြီး အခြားတစ်ဖက်တွင် NCA အားလက်မခံဘဲ NCA နှင့်အလားတူ စာချုပ်သစ်တစ်ခုဖြင့် အစိုးရနှင့် ငြိမ်းချမ်းရေးဆွေးနွေးရန် ‘၀’ အဖွဲ့ဦးဆောင်ဖွဲ့စည်းခဲ့သော မြောက်ပိုင်းတိုင်းရင်းသားလက်နက်ကိုင်များ ပါဝင်သည့် ပြည်ထောင်စုနိုင်ငံရေး ဆွေးနွေးညှိနှိုင်းရေးကော်မတီ (FPNCC) သို့ပါဝင်ခဲ့ကာ ၂၀၁၇ ခုနှစ်ဇွန်တွင်ကျင်းပသည့် UNFC ဒုတိယအကြိမ်ညီလာခံတွင် UNFC အဖွဲ့ဝင်အဖြစ်မှ တရားဝင်နုတ်ထွက်ခဲ့သည်။

ကချင်ပြည်နယ်နှင့် ရှမ်းပြည်နယ်မြောက်ပိုင်းဒေသတွင် စစ်ဘေးဒုက္ခသည်စခန်း ၁၈၈ ခုရှိပြီး လူဦးရေတစ်သိန်းနှစ်သောင်းကျော်ရှိကာ အဆိုပါဒုက္ခသည်စခန်းများအနက် အစိုးရထိန်းချုပ်သည့်နယ်မြေတွင် စခန်းအများအပြားရှိပြီး ကချင်လက်နက်ကိုင်အဖွဲ့ (KIO) ထိန်းချုပ်နယ်မြေတွင် စခန်းအနည်းငယ်သာရှိသော်လည်း လူဦးရေများပြားသောကြောင့် ဒုက္ခသည်များမှာ အစိုးရနှင့် ကေအိုင်အို ထိန်းချုပ်ဒေသတွင် တစ်ဝက်စီရှိနေကြောင်း ကချင်စစ်ဘေးဒုက္ခသည်အရေး ဆောင်ရွက်နေသည့် အဖွဲ့ကိုးဖွဲ့ပါဝင်သော ပူးပေါင်းလုပ်ငန်းစဉ်အဖွဲ့၏ ဇွန်လအတွင်းက ထုတ်ဖော်ပြောကြားချက်အရ သိရသည်။

Writer:
ကျော်ဇင်ဝင်း