နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မြောင်းမြမြို့သို့ လာရောက်မည်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဧပြီ ၁၀ ရက်တွင် ၎င်းမိခင်၏ ဇာတိမြို့ဖြစ်သော မြောင်းမြမြို့သို့ လာရောက်မည်ဖြစ်ကြောင်း သတင်းရရှိ သည်။

မြောင်းမြကြိုးတံတား ပြတ်ကျခဲ့သောကြောင့် နိုင်ငံတော်၏ အတိုင်ပင်ခံပုဂ္ဂိုလ်မှာ မြောင်းမြမြို့သို့ နေပြည်တော်မှ ရဟတ်ယာဉ်ဖြင့် လာရောက်မည်ဖြစ်ကြောင်း၊ မြောင်းမြ ဂုန်နီစက်ရုံရှိ ရဟတ်ယာဉ်ကွင်းတွင် ဆင်းသက်ကာ ၎င်း၏မိခင်ဖြစ်သူဒေါ်ခင်ကြည် ကိုးကွယ်ခဲ့သည့် ဇေယျမေဒိနီ ဘုန်းကြီးကျောင်းသို့ သွားရောက်ကာ ဂါရ၀ပြု၍ မြို့ပေါ်တွင် ကျင်းပသည့် ငြိမ်းချမ်းရေးစကားဝိုင်းသို့ တက်ရောက် ဆွေးနွေးမည်ဖြစ်ကြောင်း၊ ယင်းနောက်ပြတ်ကျခဲ့သည့် မြောင်းမြကြိုးတံတားနေရာအား သွားရောက်ကြည့်ရှု ပြီးနောက် ရဟတ်ယာဉ်ဖြင့်ပင် ပြန်လည် ထွက်ခွာမည်ဖြစ်ကြောင်း သိရသည်။

“ဘယ်အချိန်ရောက်မယ်၊ ဘာလုပ်မယ်ဆိုတာ အသေးစိတ်တော့ မသိရသေးဘူး။ စီစဉ်စရာရှိတာတွေတော့ စီစဉ်နေပါတယ်။ အသေအချာတော့ ဘာမှပြောလို့ မရသေးဘူး” ဟု ဧရာဝတီတိုင်းဒေသကြီး အစိုးရအဖွဲ့ဝင် စည်ပင်သာယာရေးဝန်ကြီး ဦးကျော်မြင့် က ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် လာရောက်မည့် ခရီးစဉ်အတွက် မြောင်းမြမြို့ပေါ်တွင် ပြင်ဆင်မှု စတင်ပြုလုပ်နေပြီဖြစ်ပြီး လုံခြုံရေးဆိုင်ရာ စီမံချက်များကို ရေးဆွဲလျက်ရှိကြောင်း သိရသည်။

နိုင်ငံတော်၏အတိုင်ပင်ခံပုဂ္ဂိုလ်သည် သြစတြေးလျနိုင်ငံ ခရီးစဉ်အတွင်း ခရီးဝေးလေယာဉ်ခရီးစဉ်နှင့် သင်္ဘောခရီးစဉ်များကြောင့် မူးဝေမှုခံစားခဲ့ရသည့်အပြင် မြန်မာနိုင်ငံသို့ အပြန်ခရီးစဉ်အတွက် အနားယူရန်လိုအပ်သဖြင့် တွေ့ဆုံမှုအစီအစဉ်အချို့ ဖျက်သိမ်းခဲ့ရကြောင်း နိုင်ငံခြားရေးဝန်ကြီးဌာန ထုတ်ပြန်

Photo: Ministry of Foreign Affairs Myanmar

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် သြစတြေးလျနိုင်ငံ ခရီးစဉ်အတွင်း ခရီးဝေးလေယာဉ်ခရီးစဉ်နှင့် သင်္ဘောခရီးစဉ်များကြောင့် မူးဝေမှုခံစားခဲ့ရသည့်အပြင် မြန်မာနိုင်ငံသို့ အပြန်ခရီးစဉ်အတွက် အနားယူရန်လိုအပ်သဖြင့် တွေ့ဆုံမှုအစီအစဉ်အချို့ ဖျက်သိမ်းခဲ့ရကြောင်း မတ် ၂၁ ရက် နိုင်ငံခြားရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

နိုင်ငံခြားရေးဝန်ကြီးဌာန၏ ထုတ်ပြန်ချက်အရ သြစတြေးလျနိုင်ငံခရီးစဉ်အတွင်း နိုင်ငံတော်၏အတိုင်ပင်ခံပုဂ္ဂိုလ်သည် သြစတြေးလျနိုင်ငံ တရားဝင်ချစ်ကြည်ရေးခရီးစဉ်၏ အဓိကအစီအစဉ်များကို အောင်မြင်စွာပြုလုပ်နိုင်ခဲ့ကြောင်းလည်း ရေးသားထားသည်။

နိုင်ငံတော်၏အတိုင်ပင်ခံပုဂ္ဂိုလ်သည် သြစတြေးလျနိုင်ငံ၌ ကျင်းပသည့် အာဆီယံ-သြစတြေးလျ အထူးထိပ်သီးအစည်းအဝေး တက်ရောက်ခြင်းနှင့် တရားဝင်ချစ်ကြည်ရေးခရီးစဉ်အတွက် မတ် ၁၇ ရက်မှ ၂၀ ရက်အထိ သြစတြေးလျနိုင်ငံသို့ သွားရောက်ခဲ့ခြင်းဖြစ်သည်။

သြစတြေးလျနိုင်ငံ ဆစ်ဒနီမြို့၌ မတ် ၁၇ ရက်မှ ၁၈ ရက်အထိကျင်းပသည့် အာဆီယံ-သြစတြေးလျ အထူးထိပ်သီးအစည်းအဝေး၏ မျက်နှာစုံညီအစည်းအဝေး၊ အာဆီယံ-သြစတြေးလျ သီးသန့်အထူးထိပ်သီးအစည်းအဝေးများတွင် မြန်မာနိုင်ငံ၏ ဒီမိုကရေစီအသွင်ကူးပြောင်းရေး၊ ငြိမ်းချမ်းရေးနှင့် အမျိုးသားပြန်လည်သင့်မြတ်ရေး လုပ်ငန်းစဉ်များနှင့် ရခိုင်ပြည်နယ်ကိစ္စအပါအ၀င် စိန်ခေါ်မှုများ၏ သိမ်မွေ့နက်နဲမှုများကို ရှင်းလင်းပြောကြားခဲ့ပြီး အဆိုပါစိန်ခေါ်မှုများ ဖြေရှင်းနိုင်ရေးအတွက် မြန်မာအစိုးရ၏ ဦးဆောင်ကြိုးပမ်းအားထုတ်မှု လုပ်ငန်းစဉ်များ အောင်မြင်ရေးနှင့် စွမ်းဆောင်ရည်မြှင့်တင်ရေးကိစ္စများတွင် အပြုသဘောပါဝင်ကူညီပံ့ပိုးကြရန် နိုင်ငံတော်၏အတိုင်ပင်ခံပုဂ္ဂိုလ်က ဆွေးနွေးပြောကြားခဲ့ကြောင်း နိုင်ငံခြားရေးဝန်ကြီးဌာန၏ ထုတ်ပြန်ချက်အရ သိရသည်။

Photo: Ministry of Foreign Affairs Myanmar

ထို့ပြင် အာဆီယံ-သြစတြေးလျ အထူးထိပ်သီးအစည်းအဝေးတွင် အာဆီယံအဖွဲ့ကြီးနှင့် သြစတြေးလျနိုင်ငံတို့အကြား အကြမ်းဖက်မှုတိုက်ဖျက်ရေး ပူးပေါင်းဆောင်ရွက်မှု နားလည်မှုစာချွန်လွှာကို လက်မှတ်ရေးထိုးနိုင်ခဲ့ကြောင်း သိရသည်။ ထို့နောက် နိုင်ငံတော်၏အတိုင်ပင်ခံပုဂ္ဂိုလ် ဦးဆောင်သော မြန်မာကိုယ်စားလှယ်အဖွဲ့သည် သြစတြေးလျနိုင်ငံတွင် တရားဝင်ချစ်ကြည်ရေးခရီးစဉ်အတွက် မတ် ၁၈ ရက်ညနေပိုင်းတွင် ကင်ဘာရာမြို့သို့ ဆက်လက်သွားရောက်ခဲ့ပြီး မတ် ၁၉ ရက် နံနက်ပိုင်းတွင် သြစတြေးလျဝန်ကြီး မစ္စတာမယ်လ်ကွန်တန်ဘယ်လ်က နိုင်ငံတော်၏အတိုင်ပင်ခံပုဂ္ဂိုလ်အား ဂုဏ်ပြုကြိုဆိုပွဲဖြင့် ကြိုဆိုခဲ့ကာ နှစ်နိုင်ငံဆွေးနွေးပွဲကျင်းပခဲ့ကြောင်း သိရသည်။

အဆိုပါ နှစ်နိုင်ငံဆွေးနွေးပွဲတွင် နှစ်နိုင်ငံဆက်ဆံရေး၊ ကုန်သွယ်ရေးနှင့် ရင်းနှီးမြှုပ်နှံမှုကဏ္ဍတွင် ပူးပေါင်းဆောင်ရွက်မှု တိုးမြှင့်ရေးကိစ္စရပ်များ၊ ပညာရေးကဏ္ဍအပါအ၀င် လူ့စွမ်းအားဖွံ့ဖြိုးတိုးတက်ရေးနှင့် ရခိုင်ပြည်နယ်အရေးကိစ္စတွင် သြစတြေးလျနိုင်ငံမှ ပါဝင်ကူညီဆောင်ရွက်ပေးနိုင်မည့် အလားအလာများကို ဆွေးနွေးခဲ့ကြောင်း ထုတ်ပြန်ချက်အရ သိရသည်။

အစိုးရကို ဝေဖန်ပိုင်ခွင့်ရှိကြောင်းနှင့် ဝေဖန်မခံချင်ပါက နိုင်ငံရေး မလုပ်ရန်သာရှိကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

သြစတြေးလျနိုင်ငံသို့ ရောက်ရှိနေသည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို မတ် ၁၉ ရက် နံနက်ပိုင်းက သြစတြေးလျနိုင်ငံ လွှတ်တော်အဆောက်အအုံ၌ သြစတြေးလျနိုင်ငံ ၀န်ကြီးချုပ်က ဂုဏ်ပြုတပ်ဖွဲ့ဖြင့် ကြိုဆိုနေသည်ကို တွေ့ရစဉ် (MOFA Myanmar)

အစိုးရကို ဝေဖန်ပိုင်ခွင့်ရှိကြောင်းနှင့် ဝေဖန်မခံချင်ပါက နိုင်ငံရေးမလုပ်ရန်သာရှိကြောင်း သြစတြေးလျနိုင်ငံသို့ ချစ်ကြည်ရေးခရီး ရောက်ရှိနေသည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မတ် ၁၉ ရက်တွင် သြစတြေးလျနိုင်ငံရှိ မြန်မာများအား တွေ့ဆုံသည့် အခမ်းအနား၌ အထက်ပါကဲ့သို့ ထည့်သွင်းပြောကြား ခဲ့ခြင်းဖြစ်သည်။

ထိုသို့တွေ့ဆုံရာတွင် အစိုးရတစ်ရပ်အနေဖြင့် ဖြေရှင်းကိုင်တွယ်ရန် ခက်ခဲသည့် ပြဿနာ အခြေအနေမှန်များကို ပြည်သူများ တရားဝင်သိရှိရေး၊ ပူးပေါင်းပါဝင်နိုင်ရေးကို ဘေးပယောဂ အနှောင့်အယှက်များ မကြီးပွားစေဘဲ အကောင်အထည် ဖော်စေချင်ကြောင်း၊ ရွေးကောက်ပွဲနိုင်စအချိန်တွင် အစိုးရအပေါ်၊ တိုင်းပြည်အပေါ် ပြည်သူများ ပူးပေါင်းပါဝင်ရေးစိတ်များ တက်ကြွနေခဲ့သော်လည်း ယခု အချိန်ကြာလာသည့်အခါတွင် သွေးအေးပြီး လူမှုကွန်ရက်တွင် ဝေဖန်မှုများ ကြီးပွားနေကြောင်း၊ ပြဿနာ အခြေအနေမှန်များကို ပြည်သူများအား တရားဝင်အသိပေးပြီး ပညာပေးပူးပေါင်းပါဝင်ရေး စီစဉ်နေမှု ရှိ၊ မရှိ သိလိုကြောင်း သြစတြေးလျနိုင်ငံရောက် မြန်မာတစ်ဦးက စာဖြင့်မေးမြန်းခဲ့သည်။

“ဝေဖန်ပိုင်ခွင့်ရှိတယ်။ အစိုးရဖြစ်လာရင် ဝေဖန်မှာပဲ။ ဒါဟာ ဘေးပယောဂတော့ ဘေးပယောဂပေါ့။ ဒါပေမဲ့ လူမှုကွန်ရက်တွေမှာ တက်နေတဲ့ဟာတွေက အရင်က တက်ကြွနေပေမယ့် အခုချိန်မှာ သွေးအေးပြီး လူမှုကွန်ရက်တွေက ဝေဖန်မှုတွေ ကြီးလာပါတယ်ဆိုတာ အဲဒါတော့ လုံးဝမှန်တယ်လို့ ပြောလို့မရပါဘူး။ ဝေဖန်မှုတွေလည်းရှိတယ်။ ထောက်ခံမှုတွေလည်း အင်မတန်မှ ကောင်းပါတယ်။ ကျွန်မတို့ အရေးကြီးပြီဆိုရင် သွေးစည်းမယ်ဆိုတဲ့ စိတ်ဓာတ်က ကျွန်မတို့ ပြည်သူ၊ ပြည်သားတွေထဲမှာ ရှိပြီးသားပါ။ ဝေဖန်မှုကတော့ ဝေဖန်မှာပဲ။ အစိုးရ တစ်ခုဆိုတာ အဝေဖန်မခံရဘဲနဲ့တော့ ဘယ်လိုမှ မဖြစ်နိုင်ဘူး။ အခု ဒီလိုအင်မတန်မှ ဖွံ့ဖြိုးတိုးတက်တဲ့နိုင်ငံ၊ ချမ်းသာနေတဲ့ နိုင်ငံမှာတောင်မှ အစိုးရကို မဝေဖန်တာရှိလို့လား။ ဒါကတော့ ရှင်းနေတာပဲ။ ဝေဖန်မခံချင်လို့ရှိရင်တော့ နိုင်ငံရေးမလုပ်ဖို့ပဲရှိတယ်။ ကျွန်မတို့အနေနဲ့လည်း ကျွန်မတို့ ဘာလုပ်နေတယ် ဆိုတာကို ပြည်သူကို အစဉ်တစိုက် အသိပေးခဲ့ပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဖြေကြားသည်။

အစိုးရကို ဝေဖန်ပိုင်ခွင့်ရှိရမည်ဖြစ်ပြီး ဝေဖန်သည် ဆိုသည်မှာ တစ်နည်းအားဖြင့် အစိုးရကို တည့်မတ်ပေးကြခြင်း ဖြစ်ကြောင်း ဒေါ်အောင်ဆန်းစုကြည်က ဆိုသည်။

“အစိုးရကို ဝေဖန်တာတော့ ဝေဖန်ပိုင်ခွင့်ရှိရမယ်။ ဒီဝေဖန်တာလည်း အစိုးရကို တစ်နည်းအားဖြင့် တည့်မတ်ပေးကြတာ ဖြစ်တယ်။ စေတနာနဲ့ ဝေဖန်တာလား။ သက်သက်ပြဿနာရှာတာလား ဆိုတာလည်း ဒါကလည်း သိနိုင်ပါတယ်။ ဒီလိုဝေဖန်မှုတွေကို ကြည့်လိုက်လို့ရှိရင် သိနိုင်ပါတယ်။ အားလုံး ကျေနပ်အောင်လို့တော့ ဘယ်အစိုးရမှ မလုပ်ပေးနိုင်ပါဘူး။ ကျွန်မတို့နိုင်ငံမှာ တိုးတက်မှုတွေ ရှိခဲ့ပါတယ်” ဟု ဒေါ်အောင်ဆန်းစုကြည်က ပြောကြားသည်။

အဆိုပါတွေ့ဆုံပွဲတွင် နိုင်ငံ၏ တည်ငြိမ်ရေးသည် အရေးကြီးဆုံးဖြစ်ကြောင်း၊ အစုအဖွဲ့များ အားလုံးကြားတွင် သဟဇာတဖြစ်ရေး၊ ချစ်ချစ်ခင်ခင် နေနိုင်ရေးသည် အရေးကြီးကြောင်း နိုင်ငံတော်၏ အတိုင်ပင်ခံပုဂ္ဂိုလ်က ဆိုသည်။

ထို့ပြင် ရခိုင်အရေးနှင့် ပတ်သက်၍ ဒေါ်အောင်ဆန်းစုကြည်က “ကျွန်မတို့ ရခိုင်မှာဆိုလို့ရှိရင် တချို့တွေသိတာက ရခိုင်နဲ့ မူဆလင်ပဲသိတာ။ ဒါပေမဲ့ လူမျိုးစုငယ်လေးတွေလည်း ရှိသေးတယ်။ ဒီလူမျိုးစုငယ်လေးတွေရဲ့ ကိစ္စက ဘယ်သူကမှ သိပ်ပြီးတော့ စိတ်မ၀င်စားဘူး။ ဒါပေမဲ့ ကျွန်မတို့က စိတ်ဝင်စားရမယ်။ စိတ်မ၀င်စားလို့ မရဘူး။ ကျွန်မတို့အတွက် အရေးကြီးတာပဲ။ ထောင်ဂဏန်းအထိပဲရှိလို့ ဒီလိုသိန်းနဲ့သန်းနဲ့ချီပြီးရှိတဲ့ လူမျိုးစုလောက် အရေးမကြီးဘူးလို့ ဒီလိုစိတ်ဓာတ်ထားလို့ မဖြစ်ဘူး။ ကျွန်မတို့အတွက် နိုင်ငံသားအားလုံးကို လေးလေးစားစား တန်ဖိုးထားရမယ်။ ကျွန်မတို့ နိုင်ငံအတွင်းမှာ ခိုလှုံနေနေတဲ့ လူအားလုံးကို လုံခြုံမှုပေးနိုင်ဖို့ ကျွန်မတို့ ကြိုးစားရမယ်။ ဒါဟာ နေ့ချင်းညချင်း လုပ်လို့ရတဲ့ ကိစ္စမဟုတ်ပါဘူး။ ကျွန်မတို့ အစိုးရဟာ ဒီနေ့ကနေ စတွက်လို့ရှိရင် နှစ်နှစ်တောင် မပြည့်သေးပါဘူး။ ဒီနှစ်နှစ် မပြည့်သေးတဲ့ အချိန်မှာ ရာစုနှစ်နဲ့ချီပြီးတော့ ရှိခဲ့တဲ့ ပြဿနာကို နေ့ချင်းညချင်း ဖြေရှင်းမယ်ဆိုတာ ဘယ်လိုမှ မဖြစ်နိုင်ဘူး ဆိုတာတော့ အားလုံးသဘောပေါက်လိမ့်မယ်လို့ ထင်ပါတယ်။ တစ်ဆင့်ချင်း တစ်ဆင့်ချင်း သွားရမယ်။ ကျွန်မတို့ရဲ့ အဓိကတာဝန်က နိုင်ငံရေး ခေါင်းဆောင်ကြီးတစ်ယောက် ပြောခဲ့သလိုပေါ့နော် နိုင်ငံရဲ့ ဒဏ်ရာဒဏ်ချက်တွေကို ကုဖို့။ ဒါဟာ ကျွန်မတို့အတွက် အင်မတန်မှ အရေးကြီးပါတယ်။ ဘယ်သူ့အပေါ်မှာမှ အာဃာတ မထားဘဲနဲ့ အားလုံးအပေါ်မှာ မေတ္တာစေတနာ ထားပြီးတော့ နိုင်ငံရဲ့ ဒဏ်ရာဒဏ်ချက်တွေကို ကုဖို့ဆိုတာ ဒါဟာ ကျွန်မတို့အတွက် အင်မတန်မှ အရေးကြီးပါတယ်။ ခက်တယ်။ ကျွန်မတို့ ဝေဖန်ခံရတယ်။ တိုက်ခိုက်ခံရတယ်။ ကျွန်မတို့ လုပ်ချင်တဲ့ပုံစံကို မယုံကြည်ဘူး။ မလေးစားဘူး။ မဖြစ်နိုင်ဘူး။ ဒီလိုပြောတာတွေလည်း ရှိကြပါတယ်။ ဒါပေမဲ့ ကျွန်မတို့အချင်းချင်း ညီညီညွတ်ညွတ်နဲ့ အားလုံးဝိုင်းပြီးတော့ ကြိုးစားလို့ရှိရင် မဖြစ်မြောက်စရာ ဘာမှမရှိပါဘူး။ အခု ပြည်ထောင်စု ၀ိုင်းဝန်းပြီးတော့ လုပ်တယ်ဆိုတာဟာ ရခိုင်ပြည်နယ်ဟာ သီးသန့်နေရာမျိုး တစ်ခုမဟုတ်ဘူး။ ကျွန်မတို့ ပြည်ထောင်စုရဲ့ တစ်စိတ်တစ်ပိုင်းဖြစ်တယ်။ ဒါကြောင့်မိုလို့ ရခိုင်ပြည်နယ်အရေးဟာ ပြည်ထောင်စုတစ်ခုလုံးရဲ့ အရေးပဲ” ဟု ထည့်သွင်း ပြောကြားခဲ့သည်။

ရခိုင်အရေးနှင့် ပတ်သက်၍လည်း မိမိတို့နိုင်ငံသည် ဖိအားအမျိုးမျိုး၊ ဝေဖန်မှုအမျိုးမျိုးကို ခံနေရကြောင်း၊ ဖွဲ့စည်းပုံ အခြေခံဥပဒေ ပြုပြင်ပြောင်းလဲရေးနှင့် ပတ်သက်၍ ပြည့်ဝသည့် ဒီမိုကရေစီစနစ်ဖြစ်ရန် လက်ရှိဖွဲ့စည်းပုံ အခြေခံဥပဒေကို ပြောင်းလဲရန်လိုကြောင်းလည်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ထည့်သွင်းပြောကြားသည်။

နိုင်ငံအတွင်း မှန်ကန်သည့်ဈေးနှုန်းဖြင့် ဆန်ရရှိနိုင်ရန် အရေးကြီးကြောင်း နိုင်ငံတော်၏ အတိုင်ပင်ခံပုဂ္ဂိုလ် ပြောကြား

မတ် ၆ ရက်က နေပြည်တော် MICC – 2 တွင် ကျင်းပသည့် မြန်မာ့ဆန်စပါးကဏ္ဍ ဖွံ့ဖြိုးရေးနှီးနှောဖလှယ်ဆွေးနွေးပွဲ ၂၀၁၈ တွင် ဒေါ်အောင်ဆန်းစုကြည် အမှာစကားပြောကြားစဉ် (ဓာတ်ပုံ-ဇေယျာထွန်း)

နိုင်ငံအတွင်း မှန်ကန်သည့်ဈေးနှုန်းဖြင့် ဆန်ရရှိနိုင်ရန်အရေးကြီးကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

“ဆန်ဟာ ကျွန်မတို့ ပြည်သူပြည်သားများရဲ့ အဓိက စားသုံးနေတဲ့ အစားအစာ ဖြစ်တာကြောင့်မို့လို့ ဒီနိုင်ငံ အတွင်းမှာ မှန်ကန်တဲ့ဈေးနဲ့ ဆန်ရနိုင်ဖို့က အရေးကြီးပါတယ်။ ဒါကိုလည်း ကျွန်မတို့ ကြည့်ရပါမယ်။ တစ်ဖက်မှာလည်း ပြည်ပကို ပို့ကုန်တစ်ခုအနေနဲ့ ဆန်ဟာ ကျွန်မတို့နိုင်ငံအတွက် အကျိုးအမြတ်ရစေမယ့် ပစ္စည်းတစ်ခု အနေနဲ့လည်း စီးပွားရေး လက်နက်တစ်ခု အနေနဲ့လည်း ကျွန်မတို့ကြည့်ဖို့ လိုပါတယ်။ ဒီနှစ်ခုစလုံးကြည့်မှ ကျွန်မတို့ဟာ အောင်မြင်နိုင်မှာပါ” ဟု ဒေါ်အောင်ဆန်းစုကြည်က ပြောကြားသည်။

မတ် ၆ ရက်က နေပြည်တော်ရှိ MICC-2 တွင်ကျင်းပသည့် မြန်မာ့ဆန်စပါးကဏ္ဍ ဖွံ့ဖြိုးရေး နှီးနှောဖလှယ် ဆွေးနွေးပွဲ (၂၀၁၈) တွင် ဒေါ်အောင်ဆန်းစုကြည်က အမှာစကား ပြောကြားရာတွင် အထက်ပါကဲ့သို့ ထည့်သွင်းပြောကြား ခဲ့ခြင်းဖြစ်သည်။

တောင်သူလယ်သမားကြီးများ အနေဖြင့် ရဲရဲဝံ့ဝံ့ဖြင့် စွန့်စားကာ နည်းလမ်းသစ်များကို သုံးရဲ၊ ရှာရဲရမည် ဖြစ်ကြောင်း၊ မိမိတို့၏ ဘိုးဘွားများ လုပ်ခဲ့သည့်အတိုင်း အမြဲလုပ်သွားမည်ဆိုသည့်စိတ် မရှိဘဲ ယခင်ကထက် ပိုမိုကောင်းမွန်ရန်နှင့် လက်ရှိ ကမ္ဘာကြီးနှင့် ဆီလျော်ရန် နည်းလမ်းသစ်များရှာခြင်းသည် အင်မတန် အရေးကြီးကြောင်း ဒေါ်အောင်ဆန်းစုကြည်က ဆိုသည်။

၎င်းက “ဆန်စပါးကဏ္ဍက မြန်မာနိုင်ငံအတွက် အရေးကြီးတယ် ဆိုတာကိုတော့ ထူးထူးထွေထွေပြောဖို့ မလိုပါဘူး။ ကျွန်မတို့ အစိုးရအနေနဲ့လည်း ပြည်သူလူထုကို အနိုင်ကျင့်ဖို့ဆိုတာဟာ ကျွန်မတို့ လုံးဝစိတ်ထဲမှာ မရှိပါဘူး။ ပြည်သူကလည်း အစိုးရကို အနိုင်ကျင့်ချင်တဲ့စိတ် မရှိဖို့လည်း လိုပါတယ်။ ထိုနည်းတူပဲ ဆန်ကုန်သည်ကြီး တွေကလည်း တောင်သူလယ်သမားကြီးတွေကို အနိုင်ကျင့်ချင်တဲ့စိတ် မရှိရဘူး။ တောင်သူလယ်သမားတွေကလည်း ဆန်ကုန်သည်ကြီးတွေ အနိုင်ကျင့်ချင်တဲ့စိတ် မရှိရဘူး။ တစ်ဦးနဲ့ တစ်ဦးကို ရန်သူလို မမြင်ဘဲနဲ့ မိတ်ဆွေတွေလို၊ လုပ်ဖော်ကိုင်ဖက်လိုမြင်မှသာ အဆင်ပြေမှာ ဖြစ်ပါတယ်။ တစ်ဖက်က တိုးတက်မှ တစ်ဖက်ကလည်း အောင်မြင်နိုင်မယ်ဆိုတဲ့ စိတ်ဓာတ်တွေနဲ့ ကျွန်မတို့ လုပ်သွားမယ်လို့ဆိုရင် အောင်မြင်ဖို့ ဆိုတာဟာ မလွဲမသွေဖြစ်မယ့် ကိစ္စပါ” ဟု ပြောကြားသည်။

မတ် ၆ ရက်က နေပြည်တော်ရှိ MICC-2 တွင်ကျင်းပသည့် မြန်မာ့ဆန်စပါးကဏ္ဍဖွံ့ဖြိုးရေး နှီးနှောဖလှယ် ဆွေးနွေးပွဲ (၂၀၁၈) ပြုလုပ်နေစဉ်

တောင်သူလယ်သမားမျိုးရိုးမှ ပေါက်ဖွားလာသည့် လူငယ်များသည် စိုက်ပျိုးရေး ကဏ္ဍတွင်နေပြီး တိုးတက်၊ ခေတ်မီနိုင်သည်ဆိုသည့် စိတ်ဓာတ်များ ဖြစ်လာစေချင်ကြောင်း၊ နည်းလမ်းသစ်များ ရှာဖွေရာတွင် ပတ်ဝန်းကျင်အား မထိခိုက်သည့် နည်းလမ်းများ ရှာတတ်ရန် လိုအပ်ကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

“ကျွန်မတို့ တောင်သူလယ်သမားတွေအတွက် ယဉ်ကျေးမှုတစ်ရပ်ကို အားပေးချင်တယ်။ အဲဒါက ဘာလဲဆိုတော့ တောင်သူလယ်သမားကြီးများဟာ မိမိတို့ရဲ့ မိသားစုများ လယ်ယာစိုက်ပျိုးခြင်းရဲ့ ဂုဏ်သိက္ခာ၊ လယ်ယာစိုက်ပျိုးခြင်းရဲ့ တန်ဖိုးကိုလည်း နားလည်အောင် လုပ်ပေးစေချင်ပါတယ်။ ဒီဟာကိုလည်း ကျွန်မတို့ အစိုးရလည်း ဒီဘက်မှာ ကူညီမစ ပေးစေချင်တယ်။ လယ်ယာကဏ္ဍ ဆိုတာဟာ အထင်သေးစရာကဏ္ဍ မဟုတ်ဘူး။ လယ်ယာကဏ္ဍမှာ နည်းပညာအမျိုးမျိုး တိုးတက်နိုင်တဲ့ အခွင့်အရေးတွေလည်း ရှိတယ်။ ဒီလိုတိုးတက်ခြင်းအားဖြင့် ကျွန်မတို့ နိုင်ငံဟာ တခြားနိုင်ငံတွေနဲ့မတူ လယ်ယာစိုက်ပျိုးရေး ကဏ္ဍကို အခြေခံတဲ့ ဖွံ့ဖြိုးတိုးတက်တဲ့ စက်မှုနိုင်ငံတစ်ခု ဖြစ်အောင်လို့ ကျွန်မတို့ မလုပ်နိုင်ဘူးလား။ ဒါတွေကို ကျွန်မတို့ကနေပြီးတော့ တီထွင်ဥာဏ်နဲ့ ရဲရဲရင့်ရင့် စဉ်းစားပြီးတော့ အကောင်အထည် ဖော်စေချင်ပါတယ်” ဟု  ဒေါ်အောင်ဆန်းစုကြည်က ပြောကြားသည်။

ဆက်လက်၍ “အခုဆိုရင် တောင်သူလယ်သမားတွေကို ဘာသီးနှံစိုက်ပါလို့ မပြောတာဟာ တောင်သူလယ်သမားများဟာ ကိုယ့်ရဲ့လိုအပ်ချက်ကို ကိုယ်နားလည်တယ်။ ကိုယ့်ရဲ့မြေရဲ့ အကောင်းဆုံး အခြေအနေတွေကို ဘယ်လိုဖြစ်အောင် လုပ်ရမလဲဆိုတာ နားလည်တယ်ဆိုတဲ့ အခြေခံ ယုံကြည်ချက်အရ ကျွန်မတို့ဟာ ကိုယ့်ဘာသာကိုယ် စိုက်ချင်တဲ့ဟာ စိုက်ကြပါ။ သို့သော် ကိုယ့်အကျိုး၊ အများအကျိုးကို ကြည့်ပြီးတော့ စိုက်ကြပါလို့ ကျွန်မပြောချင်ပါတယ်” ဟု ဒေါ်အောင်ဆန်းစုကြည်က ဆက်လက် ပြောကြားသည်။

 

ဖွံ့ဖြိုးတိုးတက်ရေးအတွက် ဘဏ္ဍာရေး လိုအပ်ချက်များကို အစိုးရ-ပုဂ္ဂလိက ပူးပေါင်းခြင်း၊ နိုင်ငံအချင်းချင်းနှင့် နိုင်ငံတကာ ရင်းနှီးမြှုပ်နှံမှုများကို ကြိုဆိုခြင်းတို့ဖြင့် ရင်းနှီးမြှုပ်နှံမှုပုံစံကို ပြောင်းလဲမည်ဟု နိုင်ငံတော်၏ အတိုင်ပင်ခံပုဂ္ဂိုလ် ပြောကြား

Myanmar Development Effectiveness Roundtable အခမ်းအနားကို တွေ့ရစဉ်

ဖွံ့ဖြိုးတိုးတက်ရေးအတွက် ဘဏ္ဍာရေး လိုအပ်ချက်များကို အစိုးရ-ပုဂ္ဂလိက ပူးပေါင်းခြင်း၊ နိုင်ငံအချင်းချင်းနှင့် နိုင်ငံတကာ ရင်းနှီးမြှုပ်နှံမှုများကို ကြိုဆိုခြင်းတို့ဖြင့် ရင်းနှီးမြှုပ်နှံမှုပုံစံကို ပြောင်းလဲမည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

“မြန်မာနိုင်ငံအတွက် ဖွံ့ဖြိုးမှုအကူအညီတွေ ပေးအပ်နေတဲ့ နိုင်ငံတကာ အသိုက်အ၀န်းတွေရဲ့ စိတ်ကောင်းစေတနာတွေကို အသိအမှတ်ပြုသလို မြန်မာနိုင်ငံအနေနဲ့ စဉ်ဆက်မပြတ် ဖွံ့ဖြိုးမှုပန်းတိုင်ကို ရောက်ရှိဖို့  ကြိုးပမ်းဆောင်ရွက်နေတဲ့ အချိန်မှာ မိမိတို့ ဖွံ့ဖြိုးမှု အကူအညီများ ညှိနှိုင်းရေးအဖွဲ့က မျက်ခြည်မပြတ်ခဲ့ပါဘူး။ ဒီလိုဆောင်ရွက်ရာမှာ မိမိတို့အတွက် အဓိကကျတဲ့ဖွံ့ဖြိုးမှု မိတ်ဖက်အဖွဲ့အစည်း တစ်ရပ်ဖြစ်တဲ့ ပုဂ္ဂလိကကဏ္ဍ အဖွဲ့အစည်းများနဲ့ အတူတကွ လက်တွဲသွားမှာ ဖြစ်ပါတယ်။ နိုင်ငံရဲ့ ဖွံ့ဖြိုးတိုးတက်မှုအတွက် ဘဏ္ဍာရေး လိုအပ်ချက်များကို အစိုးရ-ပုဂ္ဂလိက ပူးပေါင်းခြင်း၊ နိုင်ငံအချင်းချင်းနဲ့ နိုင်ငံတကာ ရင်းနှီးမြှုပ်နှံမှုများကို ကြိုဆိုခြင်းအားဖြင့် မြန်မာနိုင်ငံ ဖွံ့ဖြိုးဖို့အတွက် ရင်းနှီးမြှုပ်နှံမှုပုံစံကို ကျွန်မတို့ ပြောင်းလဲသွားမှာ ဖြစ်ပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က  ပြောကြားသည်။

နေပြည်တော်ရှိ MICC-2 ခန်းမတွင် ဖေဖော်ဝါရီ ၂၆ ရက်က ပြုလုပ်သော မြန်မာနိုင်ငံ ၀န်ကြီးဌာနများ၊ အလှူရှင်နိုင်ငံများ၊ အပြည်ပြည်ဆိုင်ရာ မိတ်ဖက်အဖွဲ့အစည်းများနှင့် ကုလသမဂ္ဂ အဖွဲ့အစည်းများ၊ ပြည်တွင်း ပြည်ပ ပုဂ္ဂလိက အဖွဲ့အစည်းများ တက်ရောက် ဆွေးနွေးသည့် မြန်မာနိုင်ငံ၏ ဖွံ့ဖြိုးမှုအကူအညီများ ထိရောက်မှုရှိစေရေး ဆွေးနွေးပွဲ Myanmar Development Effectiveness Roundtable တွင် ယင်းကဲ့သို့ ပြောကြားခဲ့ခြင်းဖြစ်သည်။

မိမိတို့၏ ဦးစားပေး လုပ်ငန်းများကို ဖွံ့ဖြိုးမှု အကူအညီဆိုင်ရာမူဝါဒ (DAP) တွင် ထည့်သွင်းဖော်ပြထားပြီး ယင်းမူဝါဒကို အခမ်းအနားတွင် တရားဝင် မိတ်ဆက်မည်ဖြစ်ကြောင်း၊ အဆိုပါမူဝါဒသည် မြန်မာနိုင်ငံအတွက် ပထမဆုံး ထုတ်ပြန်သည့် မူဝါဒဖြစ်ပြီး မိမိတို့ပြည် သူလူထုကောင်းကျိုးအတွက် ဖွံ့ဖြိုးမှုအကူအညီတွေကို အကျိုးရှိထိရောက်ပြီး ပွင့်လင်းမြင်သာစွာ အသုံးပြုနိုင်ရေးအတွက် ပြီးပြည့်စုံသည့်မူဝါဒ လမ်းညွှန်ချက်များ၊ လုပ်ထုံးလုပ်နည်းများကို ထည့်သွင်းရေးဆွဲထားကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

“DAP ကို ရေးဆွဲရာမှာ ဒီဖွံ့ဖြိုးမှုအကူအညီကို သင့်လျော်တဲ့ စောင့်ကြည့်စစ်ဆေး အကဲဖြတ်မှုလုပ်ဖို့ လိုအပ်တယ်ဆိုတဲ့ အချက်ကို မချန်လှပ်ခဲ့ဘဲ ထိရောက်တဲ့ လုပ်ထုံးလုပ်နည်းတွေဖြစ်စေဖို့ DACU ကို တောင်းဆိုခဲ့ပါတယ်။ အထူးသဖြင့် သက်ဆိုင်ရာ ၀န်ကြီးဌာနတွေ၊ အစိုးရ အဖွဲ့အစည်းတွေအနေနဲ့ သူတို့ရရှိတဲ့ အကူအညီတွေကို မိမိတို့ပိုင်အဖြစ် ပိုမိုစီမံခန့်ခွဲနိုင်အောင် တာဝန်ပေးလိုတဲ့ ရည်ရွယ်ချက်နဲ့ ဒီ DAP ကို ရေးဆွဲခဲ့တာ ဖြစ်ပါတယ်။ မိမိအနေနဲ့ ဖွံ့ဖြိုးမှုအကူအညီဆိုင်ရာမူဝါဒ ရေးဆွဲထုတ်ပြန်နိုင်ခဲ့တာကို အထူးပင် ကျေနပ်မိပါတယ်။ ဆွေးနွေးပွဲကို တက်ရောက်လာကြတဲ့ ဖွံ့ဖြိုးမှုမိတ်ဖက်များ အနေနဲ့လည်း ထုတ်ပြန်ထားတဲ့ မူဝါဒအတိုင်း လိုက်နာဆောင်ရွက်ကြဖို့ ကျွန်မအနေနဲ့ တိုက်တွန်းလိုပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

ဖွံ့ဖြိုးမှု အကူအညီများ ရယူရာတွင် ကောင်းမွန်သေချာသည့် ညှိနှိုင်းမှုရှိရန်နှင့်  ပွင့်လင်းမြင်သာမှုရှိရန် ကဏ္ဍအလိုက် ညှိနှိုင်းဆောင်ရွက်မှု အဖွဲ့များသည် မရှိမဖြစ် လိုအပ်ကြောင်း၊ သို့မှသာ ပြည်ထောင်စုဝန်ကြီးများ အနေဖြင့် ၎င်းတို့အခန်းကဏ္ဍတွင် အကောင်းဆုံး ဆောင်ရွက်နိုင်ဖို့ လိုအပ်သည့် သတင်းအချက်အလက်များကို ရရှိကြမည်ဖြစ်ကြောင်း၊ အချို့အဖွဲ့များအနေဖြင့် ကဏ္ဍဆိုင်ရာ စီမံကိန်းများနဲ့ မဟာဗျူဟာများ ရေးဆွဲဆောင်ရွက်နေပြီး အချို့က ဘဏ္ဍာငွေ ကုန်ကျစရိတ်တွေကို ပြုစုဆောင်ရွက်နေသည်ဟုလို့ သိရကြာင်း ၎င်းက ပြောကြားသည်။

“ဒါဟာ အရေးကြီးတဲ့ လုပ်ငန်းပါ။ ဘာလို့လဲဆိုတော့ အောင်အောင်မြင်မြင် လုပ်နိုင်မယ်ဆိုရင် တစ်နှစ်စာ စီမံကိန်းနဲ့ ဘတ်ဂျက်စက်ဝန်းကနေ ကျွန်မတို့ ရုန်းထွက်နိုင်မှာဖြစ်ပြီး ကာလရှည်၊ ကာလလတ်အတွက် မဟာဗျူဟာကျကျ စဉ်းစားပြီး စီမံကိန်း ချမှတ်သွားနိုင်မှာ ဖြစ်ပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

အရပ်ဘက် လူမှုအဖွဲ့အစည်းများနှင့် ပုဂ္ဂလိကကဏ္ဍ အဖွဲ့အစည်းများမှ ကိုယ်စားလှယ်များအနေဖြင့် ကဏ္ဍဆိုင်ရာ ပေါင်းစပ်ညှိနှိုင်းရေး အဖွဲ့များတွင် ပါဝင်ဆောင်ရွက် သွားစေလိုကြောင်း၊ လုပ်ငန်းစီမံချက် အစီအစဉ်များကို အကောင်အထည်ဖော်ရာတွင် ၎င်းတို့သည် ရှေ့တန်းမှ ဆောင်ရွက်ရမည် ဖြစ်သည့်အတွက် အရပ်ဘက် လူမှုအဖွဲ့အစည်းများနှင့် ပုဂ္ဂလိကကဏ္ဍ အဖွဲ့အစည်းများ၏ အတွေးအမြင်များ၊ ကျွမ်းကျင်မှုများကိုလည်း ကြိုဆိုတန်ဖိုးထားကြောင်း ၎င်းကပြောကြားသည်။

 

နိုင်ငံခြားသံရုံးများကို ရန်ကုန်မှ နေပြည်တော်သို့ ပြောင်းရွှေ့ဖွင့်လှစ်ရန် အတွက် မူဝါဒများချမှတ်ပြီး ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

ဖေဖော်ဝါရီ ၁၆ ရက်က နိုင်ငံခြားရေးဝန်ကြီးဌာန၌ ပြုလုပ်သည့် နိုင်ငံခြားသံရုံးများ နေပြည်တော် သံတမန်ဇုန်သို့ ပြောင်းရွှေ့ဖွင့်လှစ် နိုင်ရေးအတွက် နေပြည်တော် သံတမန်ဇုန် မြေယာမူဝါဒဆိုင်ရာ ညှိနှိုင်း အစည်းအဝေးကို တွေ့ရစဉ် (ဓာတ်ပုံ- MOFA)

နိုင်ငံခြားသံရုံးများကို ရန်ကုန်မှ နေပြည်တော်သို့ ပြောင်းရွှေ့ဖွင့်လှစ်နိုင်ရန်အတွက် မူဝါဒများ ချမှတ်ထားပြီးဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံခြားရေးဝန်ကြီး ဒေါ်အောင်ဆန်းစုကြည်က ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နေပြည်တော်ရှိ နိုင်ငံခြားရေး ၀န်ကြီးဌာန၌ ဖေဖော်ဝါရီ ၁၆ ရက်က ကျင်းပသည့် ရန်ကုန်မြို့အခြေစိုက် နိုင်ငံခြားသံရုံးများ နေပြည်တော်သံတမန်ဇုန်သို့ ပြောင်းရွှေ့ဖွင့်လှစ် နိုင်ရေးအတွက် နေပြည်တော်သံတမန်ဇုန် မြေယာမူဝါဒဆိုင်ရာ ညှိနှိုင်းအစည်းအဝေးတွင် အထက်ပါကဲ့သို့ ထည့်သွင်းပြောကြားခဲ့ကြောင်း နိုင်ငံခြားရေး ၀န်ကြီးဌာန၏ သတင်းထုတ်ပြန်ချက်အရ သိရသည်။

အဆိုပါ နေပြည်တော်သံတမန်ဇုန် မြေယာမူဝါဒဆိုင်ရာ ညှိနှိုင်းအစည်းအဝေးတွင် ဒေါ်အောင်ဆန်းစုကြည်က အဖွင့်အမှာစကား ပြောရာ၌ နေပြည်တော်သည် မြန်မာနိုင်ငံ၏ အစိုးရရုံးစိုက်သည့် မြို့တော်ဖြစ်သည်နှင့်အညီ နိုင်ငံခြားသံရုံးများကို ရန်ကုန်မှ နေပြည်တော်သို့ ပြောင်းရွှေ့ဖွင့်လှစ်နိုင်ရန်အတွက် မူဝါဒများ ချမှတ်ထားပြီး ဖြစ်ကြောင်း၊ ယခုအခါ နိုင်ငံခြားသံရုံးများ အနေဖြင့် လုပ်ငန်းဆောင်ရွက်မှု၊ နေထိုင်မှု စသည်တို့ ပိုမိုအဆင်ပြေစေရန် အတွက်လည်းကောင်း၊ သံရုံးများမှ အဆိုပြု တင်ပြချက်များမှ လက်တွေ့တွင် ဖြစ်နိုင်မည့် အချက်များနှင့်အညီ ဆောင်ရွက်ပေးနိုင်ရန်အတွက် လည်းကောင်း မူဝါဒများကို ပြန်လည်သုံးသပ်မှု ပြုလုပ်ရန် လိုအပ်ကြောင်းနှင့် ဆက်သွယ်ရေး၊ ပို့ဆောင်ရေး၊ ပညာရေးနှင့် ကျန်းမာရေးဆိုင်ရာ ၀န်ဆောင်မှု ကိစ္စရပ်များကို ပိုမိုမြှင့်တင် ဆောင်ရွက်သွားနိုင်မည့် နည်းလမ်းများ ရှာဖွေဆောင်ရွက်ရန် လိုအပ်ကြောင်းဖြင့် ထည့်သွင်းပြောကြား ခဲ့သည်ဟု နိုင်ငံခြားရေး ၀န်ကြီးဌာနက ထုတ်ပြန်သည်။

ထို့နောက် သက်ဆိုင်ရာ ၀န်ကြီးဌာန အသီးသီးမှ ပြည်ထောင်စုဝန်ကြီးများ၊ ပြည်ထောင်စုရှေ့နေချုပ်၊ နေပြည်တော်ကောင်စီ ဥက္ကဋ္ဌနှင့် အဖွဲ့ဝင်များ၊ နေပြည်တော် စည်ပင်သာယာရေး ကော်မတီနှင့် ရန်ကုန်မြို့တော် စည်ပင်သာယာရေး ကော်မတီတို့မှ တာဝန်ရှိသူများက နိုင်ငံခြားသံရုံးများ နေပြည်တော်သို့ ပြောင်းရွှေ့ဖွင့်လှစ် နိုင်ရေးအတွက် အစီအစဉ်များနှင့် ဆောင်ရွက်ထားရှိမှုများကို ဆွေးနွေးခဲ့ကြကြောင်း နိုင်ငံခြားရေး ၀န်ကြီးဌာနက ဆိုသည်။

အဆိုပါ အစည်းအဝေးသို့ နိုင်ငံတော် အတိုင်ပင်ခံရုံး ၀န်ကြီးဌာန၊ ပို့ဆောင်ရေးနှင့် ဆက်သွယ်ရေး ၀န်ကြီးဌာန၊ လျှပ်စစ်နှင့် စွမ်းအင်ဝန်ကြီးဌာန၊ ပညာရေးဝန်ကြီးဌာန၊ စီမံကိန်းနှင့် ဘဏ္ဍာရေး ၀န်ကြီးဌာန၊ ဆောက်လုပ်ရေး ၀န်ကြီးဌာန၊ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနတို့မှ ပြည်ထောင်စုဝန်ကြီးများ၊ ပြည်ထဲရေး ၀န်ကြီးဌာနမှ ဒုတိယ၀န်ကြီး၊ ပြည်ထောင်စုရှေ့နေချုပ်၊ နေပြည်တော် ကောင်စီဥက္ကဋ္ဌ၊ ရန်ကုန်မြို့တော် စည်ပင်သာယာရေး ကော်မတီ မြို့တော်ဝန်နှင့် တာဝန်ရှိသူများ တက်ရောက်ခဲ့သည်။

 

လက်နက်များ ခဏဘေးဖယ်ပြီး တွေ့ဆုံဆွေးနွေးရေး စားပွဲဝိုင်းများတွင် မိသားစုအချင်းချင်း ပွင့်ပွင့်လင်းလင်း ဆွေးနွေးကြည့်ကာ ဖက်ဒရယ်ပြည်ထောင်စု တည်ထောင်ရေးစတင်မှု အသစ်တစ်ခု အစပြုပေးရန် နိုင်ငံတော်၏ အတိုင်ပင်ခံပုဂ္ဂိုလ် ပြောကြား

ဖေဖော်ဝါရီ ၁၃ ရက်က နေပြည်တော်တွင် ပြုလုပ်သော NCA စာချုပ်တွင် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့ ပါဝင်လက်မှတ်ရေးထိုးပွဲ အခမ်းအနား၌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မိန့်ခွန်းပြောကြားစဉ် (ဓာတ်ပုံ-ဇေယျာထွန်း)

လက်နက်များ ခဏဘေးဖယ်ပြီး တွေ့ဆုံဆွေးနွေးရေး စားပွဲဝိုင်းများတွင် မိသားစုအချင်းချင်း ပွင့်ပွင့်လင်းလင်း ဆွေးနွေးကြည့်ကာ ဖက်ဒရယ် ပြည်ထောင်စု တည်ထောင်ရေး စတင်မှု အသစ်တစ်ခုကို အစပြုပေးရန် အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန ဥက္ကဋ္ဌ၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

နေပြည်တော် MICC-2 တွင် ဖေဖော်ဝါရီ ၁၃ ရက်က တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) တွင် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့ ပါဝင်လက်မှတ် ရေးထိုးပွဲ အခမ်းအနားတွင် မိန့်ခွန်းပြောကြားရာတွင် ၎င်းကထိုသို့ ပြောကြားခြင်းဖြစ်သည်။

NCA လက်မှတ်ရေးထိုးသည့် အဖွဲ့အရေအတွက် မများလှသော်လည်း ယခုလက်မှတ်ရေးထိုးပွဲ အခမ်းအနား ထမြောက်အောင်မြင်အောင် လျှောက်လှမ်းလာခဲ့သည့်ခရီးသည် မလွယ်ကူလှကြောင်း၊ အမျိုးသားပြန်လည် သင့်မြတ်ရေးနှင့် ပြည်ထောင်စု ငြိမ်းချမ်းရေးအတွက် အနာဂတ်တွင် ပေါ်ထွန်းလာမည့် ဒီမိုကရေစီ ဖက်ဒရယ်ပြည်ထောင်စုကြီး၏ အုတ်မြစ်ကို အတူတကွ လက်တွဲပြီး စိုက်ထူကြရန် စိတ်ပိုင်းဖြတ်လိုက်သော ခြေလှမ်းတစ်လှမ်း ဖြစ်သည့်အတွက် အဆိုပါ ခြေတစ်လှမ်းကို ရဲရဲကြီး တက်လှမ်းလိုက်သည့် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့ကို ၀မ်းမြောက်ဝမ်းသာ ကြိုဆိုဂုဏ်ပြုကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

ထို့ပြင် NCA သည် ငြိမ်းချမ်းရေးဖြစ်စဉ်၏ လမ်းဆုံးမဟုတ်ဘဲ ငြိမ်းချမ်းရေးဖြစ်စဉ်၏ အစ၊ နိုင်ငံရေး ဆွေးနွေးပွဲများ အစ၊ လက်နက်ကိုင်ပဋိပက္ခ လျှော့ချခြင်းများ၏အစ၊ တွေ့ဆုံဆွေးနွေးမှုမှတစ်ဆင့် နိုင်ငံရေး ပြဿနာများကို ညှိနှိုင်းတိုင်ပင် အဖြေရှာမည့် နိုင်ငံရေးဖြစ်စဉ်၏ အစပင်ဖြစ်ကြောင်း၊ နှစ်ဖက်အဖွဲ့အစည်းများ အကြား အပြန်အလှန် သဘောတူညီချက် (Bilateral Agreement) များရှိခဲ့သည်မှာ မှန်သော်လည်း ပြည်သူများအား သိစေချင်သည်မှာ အဆိုပါ သဘောတူညီချက်များနှင့် ပတ်သက်၍ တစ်ဖက်နှင့်တစ်ဖက် အငြင်းပွားဖွယ်ရာများ ဖြစ်လာပါက မည်သို့ညှိနှိုင်း ဖြေရှင်းမည် ဆိုသည်ကို ဖြေရှင်းရေးယန္တရားများ မပါကြောင်း၊ NCA ဆိုသည်မှာ လက်နက်ကိုင် ပဋိပက္ခများ လျော့နည်းသွားအောင်၊ အငြင်းပွားမှုများ ပေါ်ပေါက်လာခဲ့ပါက တစ်ဖက်နှင့် တစ်ဖက် လက်နက်ကိုင်ဖြေရှင်းခဲ့သည့် အခြေအနေမှသည် စားပွဲဝိုင်းတွင် ညှိနှိုင်းဆွေးနွေး ဖြေရှင်းနိုင်အောင် စတင်လိုက်သည့် စတင်ခြင်းအသစ်ဟု ပြောချင်ကြောင်း ၎င်းကဆိုသည်။

“အတိတ်က သံသယတွေ၊ အာဃာတတွေ ပစ္စုပ္ပန်အပေါ် အရိပ်ထိုးတတ် ကြပါတယ်။ ဒါဟာ လူ့သဘာဝအရ ဖြစ်တတ်ပါတယ်။ ဒါပေမဲ့ ကျွန်မတို့အားလုံး ပြီးခဲ့တဲ့ အတိတ်ကို သင်ခန်းစာယူပြီး တိုင်းပြည်ရဲ့ အနာဂတ်အတွက်၊ ကျွန်မတို့ ပြည်သူတွေရဲ့ အနာဂတ်အတွက် ရှေ့ကိုခြေလှမ်းတစ်လှမ်း ရဲရဲကြီး လှမ်းလိုက်ဖို့ ပြောချင်ပါတယ်။ လက်နက်တွေ ခဏဘေးဖယ်ပြီး တွေ့ဆုံဆွေးနွေးရေး စားပွဲဝိုင်းတွေမှာ မိသားစုအချင်းချင်း ပွင့်ပွင့်လင်းလင်း ဆွေးနွေးကြည့်ကြဖို့၊ ဖက်ဒရယ်ပြည်ထောင်စု တည်ထောင်ရေးအတွက် စတင်မှုအသစ် တစ်ခုကို အစပြုပေးကြဖို့ ပြောကြားလိုပါတယ်။ ကျွန်မတို့ အမျိုးသားဒီမိုကရေစီ အဖွဲ့ချုပ်အနေနဲ့ အားလုံးသဘောတူ လက်ခံနိုင်တဲ့ ဒီမိုကရေစီ ဖက်ဒရယ်ပြည်ထောင်စုကြီး ပေါ်ထွန်းရေးအတွက် ဦးတည်ကြိုးပမ်းနေတဲ့ (၂၁) ရာစု ပင်လုံညီလာခံ လမ်းကြောင်းကို မမှိတ်မသုန် ဆက်လက် လျှောက်လှမ်းသွားဖို့ သန္နိဋ္ဌာန်ချထားပြီး ဖြစ်ပါတယ်။ ဘယ်လိုအခက်အခဲမျိုး၊ ဘယ်လို စိန်ခေါ်မှုမျိုး ကြုံတွေရသည်ဖြစ်စေ ဖက်ဒရယ်ပန်းတိုင် အပျောက်မခံဘဲ ခြေလှမ်းမှန်မှန်နဲ့ ရှေ့ကိုဆက်ပြီး လျှောက်လှမ်းသွားမှာ ဖြစ်ကြောင်း အလေးအနက် ပြောလိုပါတယ်” ဟု  ဒေါ်အောင်ဆန်းစုကြည်က ပြောကြားသည်။

ထို့ပြင် မိမိတို့၏ အမျိုးသားပြန်လည် သင့်မြတ်ရေးပန်းတိုင် ဖက်ဒရယ်ခရီးသည် ချောချောမွေ့မွေ့ သာသာယာယာနှင့် ဖြတ်သန်းရမည် မဟုတ်ဘဲ ငြိမ်းချမ်းရေးခရီးသည် တာဝေးခရီး ဖြစ်သည့်အတွက် စိတ်ဓာတ်နှင့် ယုံကြည်မှုသည် အရင်းခံဖြစ်ကြောင်း၊ လက်ရှိအချိန်တွင် ဖက်ဒရယ် ဆိုသည်မှာ သမိုင်း၏ လိုအပ်ချက်တစ်ရပ်၊ ပြည်ထောင်စု၏ ထွက်ရပ်လမ်း တစ်ရပ်အဖြစ် ရောက်ရှိနေခဲ့ပြီးဖြစ်ကြောင်း၊ မည်သည့် ဖက်ဒရယ်မျိုးနည်းဟု မေးပါက မိမိတို့နိုင်ငံ၊ မိမိတို့နိုင်ငံ ပြည်သူများအတွက် ရေရှည်တည်တံ့ခိုင်မြဲမည့် ညီညွတ်သော ပြည်ထောင်စုကြီးကို ထိန်းသိမ်းပေးနိုင်မည့် ဖက်ဒရယ်မျိုးပင် ဖြစ်ကြောင်း၊ ကမ္ဘာပေါ်တွင် နိုင်ငံအားလုံးအတွက် အံဝင်ခွင်ကျဖြစ်စေမည့် တစ်ခုတည်းသော ဖက်ဒရယ်စနစ် မရှိကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

“ကျွန်မတို့နိုင်ငံ၊ ကျွန်မတို့ နိုင်ငံသားတွေ ညီညွတ်ဖို့လိုတယ်။ ညီညွတ်တဲ့ ပြည်ထောင်စုတွေကသာ ဖက်ဒရယ်ကို ခိုင်ခိုင်မာမာ ရေရှည်ကျင့်သုံး ထိန်းသိမ်းနိုင်တာ ဖြစ်ပါတယ်။ ညီညွတ်ရေးကို တည်ဆောက်နိုင်ဖို့ အတွက် နားလည်မှုနဲ့ ယုံကြည်မှုတွေကို ဦးစွာတည်ဆောက်ကြရမှာ ဖြစ်ပါတယ်။ ဒါကြောင့်လည်း ကျန်ရှိနေသေးတဲ့ အဖွဲ့အစည်းတွေကို ကျွန်မတို့ရဲ့ နိုင်ငံရေးဆွေးနွေးပွဲ စားပွဲဝိုင်းတွေကို လာရောက်ကြဖို့ ညှိနှိုင်းနေ၊ ဖိတ်ခေါ်နေတာ ဖြစ်ပါတယ်” ဟု ဒေါ်အောင်ဆန်းစုကြည်က ပြောကြားသည်။

လက်ရှိတွင် ပြည်သူများက ၂၁ ရာစု ပင်လုံညီလာခံကို မျှော်လင့်ချက်ကြီးကြီးဖြင့် စောင့်ကြည့်နေကြပြီး မိမိတို့၏ တုဖက်ပြိုင်ဆိုင်မှုများ၊ မာန်မာနနှင့် အာဃာတ တိုးတိုက်မှုများကို ပြည်သူများက အကဲဖြတ်ကြမည် ဖြစ်ကြောင်း၊ အတိတ်၌သာခဲ့သည်များ၊ နာခဲ့သည်များ ပြန်လည်သယ်ဆောင်နေဦးမည် ဆိုပါက မိမိတို့၏ ညီညွတ်ရေးကို ပိုမိုကွဲဟစေမည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

ဒေါ်အောင်ဆန်းစုကြည်အား ၂၀၁၁ ခုနှစ်က ပေးအပ်ချီးမြှင့်ခဲ့သည့် Freedom of the City ဂုဏ်ပြုဆုကို ပြန်လည်ရုပ်သိမ်းရန် နယူးကာဆယ်မြို့ ကောင်စီအဖွဲ့ မဲခွဲဆုံးဖြတ်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ၂၀၁၁ ခုနှစ်က ပေးအပ်ချီးမြှင့်ထားခဲ့သည့် Freedom of the City ဂုဏ်ပြုဆုကို ပြန်လည်ရုပ်သိမ်းရန် နယူးကာဆယ်မြို့တော် ကောင်စီအဖွဲ့က မဲခွဲဆုံးဖြတ် အတည်ပြုခဲ့ကြောင်း သိရသည်။

ငြိမ်းချမ်းရေးနိုဘယ်လ်ဆုရှင် ဒေါ်အောင်ဆန်းစုကြည် အနေဖြင့် လူ့အခွင့်အရေးဆိုင်ရာ လှုပ်ရှားမှုနှင့် လွတ်လပ်စွာ ထုတ်ဖော်ပြောဆိုခွင့်တို့အတွက် နှစ်ရှည်လများ ရပ်တည်အားပေး ထောက်ခံခဲ့မှုများအပေါ် အသိအမှတ်ပြုသည့် အနေဖြင့် နယူးကာဆယ်မြို့တော် ကောင်စီက Freedom of Newcastle ဂုဏ်ပြုဆုကို ၄င်းနေအိမ်အကျယ်ချုပ်မှ လွတ်မြောက်လာခဲ့ပြီးနောက်တွင် ပေးအပ်ချီးမြှင့်ခဲ့ခြင်းလည်း ဖြစ်သည်။

သို့သော်လည်း လက်ရှိအချိန်တွင် သူမအနေဖြင့် ဘဂါင်္လီမွတ်ဆလင်များ (မူရင်းတွင် ရိုဟင်ဂျာဟု သုံးနှုန်းထား) ဖိနှိပ်ခံရမှုအပေါ် မသိကျိုးကျွန် ပြုလုပ်ခဲ့မှုများကြောင့် နယူးကာဆယ်မြို့ ကောင်စီအဖွဲ့က ပေးအပ်ခဲ့သည့်ဆုကို ပြန်လည်ရုပ်သိမ်းရန် ဆုံးဖြတ်ခဲ့ခြင်းဖြစ်ကြောင်း သိရသည်။ ဒေါ်အောင်ဆန်းစုကြည်အား ပေးအပ်ချီးမြှင့် ထားခဲ့သည့် ဂုဏ်ပြုဆုကို ရုပ်သိမ်းရေးအတွက် အတည်ပြုနိုင်ရန် ဖေဖော်ဝါရီ ၇ ရက် ညပိုင်းက ကောင်စီအဖွဲ့ အနေဖြင့် မဲခွဲဆုံးဖြတ်ခဲ့ကြကြောင်း နယူးကာဆယ်ကောင်စီ အကြီးအကဲ နစ်ဖို့ဘ်စ်က ပြောကြားခဲ့သည်။

ထို့ပြင် နစ်ဖို့ဘ်စ်က မိမိတို့အနေဖြင့် ယခုကဲ့သို့ ဆုံးဖြတ်လုပ်ဆောင်ရခြင်းအပေါ် များစွာစိတ်မကောင်း ဖြစ်ရကြောင်းနှင့် ဒေါ်အောင်ဆန်းစုကြည် အနေဖြင့် မြန်မာ့ဒီမိုကရေစီရေးအတွက် များစွာကြိုးစား ရုန်းကန်ခဲ့ရမှုအပေါ် အသိအမှတ်ပြုသည့် အနေဖြင့် မှန်ကန်သည့် ဆုံးဖြတ်ချက် တစ်ခုအဖြစ် ၂၀၁၁ ခုနှစ်က သူမကို ယင်းကဲ့သို့ ဂုဏ်ပြုချီးမြှင့်ခဲ့ခြင်း ဖြစ်ကြောင်းလည်း ပြောကြားခဲ့သည်။

ယခုကဲ့သို့ နယူးကာဆယ်မြို့ ကောင်စီအဖွဲ့မှ ဂုဏ်ပြုဆု ပြန်လည်ရုပ်သိမ်းခြင်း ဖြစ်ရပ်မှာ ၄င်းတို့သမိုင်း တစ်လျှောက်တွင် ပထမဆုံးလည်းဖြစ်သည်။

နယူးကာဆယ်မြို့ကောင်စီက ပေးအပ်သည့် Freedom of the City ဂုဏ်ပြုဆုကို နာမည်ကျော်ကြားသူများ ဖြစ်သည့် နယ်လ်ဆင်မင်ဒဲလား၊ ဘော့ဂဲဒေါ့ဖ်နှင့် အန်ဒရီဆာခါရော့ဗ်တို့လည်း ရရှိခဲ့ဖူးကြောင်း သိရသည်။

Ref: Chronicle, ITV

စွမ်းအင်ကဏ္ဍတွင် သဘာဝပတ်ဝန်းကျင်ထိခိုက်မှု နည်းစေသည့် နည်းလမ်းများ ရှာဖွေသွားနိုင်ရေးကိစ္စနှင့် ပတ်သက်၍ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကုလသမဂ္ဂ ပတ်ဝန်းကျင် ထိန်းသိမ်းရေး အစီအစဉ် (UNEP) ၏ အမှုဆောင် ညွှန်ကြားရေးမှူး ဆွေးနွေး

ဖေဖော်ဝါရီ ၆ ရက်က နေပြည်တော်တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ကုလသမဂ္ဂ ပတ်ဝန်းကျင်ထိန်းသိမ်းရေး အစီအစဉ်၏ အမှုဆောင် ညွှန်ကြားရေးမှူးနှင့် ကုလသမဂ္ဂ ဒုတိယ အတွင်းရေးမှူးချုပ် Mr.Erik Solheim အား လက်ခံတွေ့ဆုံစဉ် (Photo – MOFA Myanmar)

မြန်မာနိုင်ငံ၏ စွမ်းအင်ကဏ္ဍတွင် သဘာဝပတ်ဝန်းကျင် ထိခိုက်မှုနည်းစေသည့် နည်းလမ်းများ ရှာဖွေဆောင်ရွက် သွားနိုင်ရေး ကိစ္စနှင့်ပတ်သက်၍ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကုလသမဂ္ဂ ပတ်ဝန်းကျင်ထိန်းသိမ်းရေး အစီအစဉ် (UNEP) ၏ အမှုဆောင် ညွှန်ကြားရေးမှူးတို့ ဆွေးနွေးခဲ့ကြောင်း သတင်းရရှိသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် မြန်မာနိုင်ငံသို့ ရောက်ရှိနေသည့် ကုလသမဂ္ဂ ပတ်ဝန်းကျင်ထိန်းသိမ်းရေး အစီအစဉ် (United Nations Enviroment Programme – UNEP) ၏ အမှုဆောင် ညွှန်ကြားရေးမှူးနှင့် ကုလသမဂ္ဂ ဒုတိယအတွင်းရေးမှူးချုပ် Mr.Erik Sholheim အား ဖေဖော်ဝါရီ ၆ ရက်က နေပြည်တော်ရှိ နိုင်ငံခြားရေး ၀န်ကြီးဌာန ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံခဲ့ကြောင်း နိုင်ငံခြားရေး ၀န်ကြီးဌာနက သတင်းထုတ်ပြန်ခဲ့သည်။

ထိုသို့တွေ့ဆုံရာတွင် UNEP နှင့် ဒေသတွင်းနိုင်ငံများ ပူးပေါင်းဆောင်ရွက်နေသည့် ကိစ္စရပ်များ၊ မြန်မာနိုင်ငံ၏ စွမ်းအင်ကဏ္ဍတွင် သဘာဝပတ်ဝန်းကျင် ထိခိုက်မှုနည်းစေသည့် နည်းလမ်းများ ရှာဖွေဆောင်ရွက်သွားနိုင်ရေး၊ စိုက်ပျိုးရေးနှင့် သီးနှံထုတ်ကုန် မြှင့်တင်ရေးနှင့် သဘာဝပတ်ဝန်းကျင် ထိန်းသိမ်းရေးစသည့် ကိစ္စရပ်များအား ဆွေးနွေးခဲ့ကြောင်း နိုင်ငံခြားရေး ၀န်ကြီးဌာနက သတင်းထုတ်ပြန်ခဲ့သည်။

မြန်မာနိုင်ငံတွင် လက်ရှိ ဓာတ်အားသုံးစွဲမှုပမာဏ အမြင့်ဆုံးမှာ ၃၁၈၉ မဂ္ဂါဝပ် ခန့်ရှိပြီး အဆိုပါ လိုအပ်ချက်ကို ရေအားလျှပ်စစ်စက်ရုံ၁၇ ရုံနှင့် အပူစွမ်းအင်သုံး ဓာတ်အားပေးစက်ရုံ ၁၅ ရုံ တို့မှ ထုတ်လုပ်ပေးလျက် ရှိကြောင်း၊ နှစ်အလိုက် ဓာတ်အားတိုးတက်သုံးစွဲနှုန်းမှာ ၁၅ ရာခိုင်နှုန်း တိုးတက်နေပြီး ၂၀၂၀- ၂၀၂၁ ခုနှစ်တွင် ၄၅၃၁ မဂ္ဂါဝပ်ထိ သုံးစွဲမည်ဟု ခန့်မှန်းထားကြောင်း သိရသည်။

လက်ရှိတွင် ၃၁၈၉ မဂ္ဂါဝပ်အထိ ထုတ်လုပ်နိုင်၍ ၁၃၄၂ မဂ္ဂါဝပ်ထပ်မံ လိုအပ်ကြောင်း၊ ယင်းအတွက် ၂၀၁၈ ခုနှစ်တွင် စက်ရုံသုံးရုံမှ ၄၃၉ မဂ္ဂါဝပ်၊ ၂၀၁၉ ခုနှစ်တွင် စက် ရုံလေးရုံမှ ၇၅၀ မဂ္ဂါဝပ်၊ ၂၀၂၀ ပြည့်နှစ်တွင် စက်ရုံသုံးရုံမှ ၂၆၀ မဂ္ဂါဝပ်၊ ၂၀၂၁ ခုနှစ်တွင် စက်ရုံငါးရုံမှ ၉၇၁ မဂ္ဂါဝပ်နှင့် ၂၀၂၂ ခုနှစ်တွင် စက်ရုံငါးရုံမှ ၈၉၁ မဂ္ဂါဝပ် ထုတ်လုပ်နိုင်ရေး စီစဉ်ထားကြောင်း သိရသည်။

အဆိုပါစက်ရုံများ ဓာတ်အားထုတ်လုပ်မှုတွင် ရေအားစက်ရုံများ ၁၅ ရာခိုင်နှုန်း၊ HFO စက်ရုံများ ၁၈ ရာခိုင်နှုန်း၊ သဘာဝဓာတ်ငွေ့သုံး စက်ရုံများ ရာခိုင်နှုန်း ၃၀၊ LNG စက်ရုံ ၃၂ ရာခိုင်နှုန်း၊ Solar စက်ရုံ ငါးရာခိုင်နှုန်း ပါဝင်မည် ဖြစ်ကြောင်း သိရသည်။

ထို့ပြင် မြန်မာနိုင်ငံတွင် မီးသုံးစွဲသူ ၁၀ ဒသမ ၈၇၇ သန်းအနက် ၄ ဒသမ ၂၈၉ သန်း (၃၉ ဒသမ ၄ ရာခိုင်နှုန်း) လျှပ်စစ်မီးရရှိပြီး ၆ ဒသမ ၅၈၈ သန်း မီးရရှိရန် ကျန်ရှိနေကြောင်း သိရသည်။

မြို့အနေဖြင့် ၄၈၂ မြို့အနက် ဓာတ်အားစနစ်မှ မြို့ ၃၅၀ မီးရရှိပြီး အခြားနည်းလမ်းဖြင့် ကျန် ၁၃၂  မြို့ မီးရရှိထားကြောင်း၊ ကျေးရွာများ အနေဖြင့် ၆၃၇၃၇ ရွာရှိသည့် အနက် ၃၂၂၂၈ ရွာ မီးရရှိပြီး ၃၁၅၀၉ ရွာ ကျန်ရှိနေကြောင်း သိရသည်။

 

တက္ကသိုလ်ရိပ်သာလမ်းရှိ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နေအိမ်ခြံဝင်း အတွင်းသို့ မီးလောင်စေနိုင်သည့်ပုလင်း ပစ်သွင်းခဲ့သူမှာ စိတ်ရောဂါဝေဒနာရှင် ဖြစ်နေကြောင်း သိရ

တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည် နေအိမ်ရှေ့တွင် လုံခြုံရေးများ စောင့်ကြပ်နေသည်ကို ဖေဖော်ဝါရီ ၁ ရက်က တွေ့ရစဉ် (ပုံကြီး)၊ ကျူးလွန်သည်ဟု ယူဆရသူအား တွေ့ရစဉ် (ပုံသေး)

ရန်ကုန်တိုင်းဒေသကြီး ဗဟန်းမြို့နယ် တက္ကသိုလ်ရိပ်သာလမ်းရှိ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နေအိမ်ခြံဝင်းအတွင်းသို့ မီးလောင်စေနိုင်သည့်ပုလင်း ပစ်သွင်းခဲ့သူကို ဖမ်းဆီးရမိပြီဖြစ်ကြောင်း ဖေဖော်ဝါရီ ၂ ရက်တွင် ဗဟန်းမြို့ နယ် မဲဆန္ဒနယ် အမှတ် (၂) မှ တိုင်းဒေသကြီး လွှတ်တော်ကိုယ်စားလှယ်ထံမှ သိရသည်။

“ကျူးလွန်သူကိုမိပါပြီ။ သူက မြောက်ဒဂုံမှာနေတယ်။ ကျူးကျော်ရပ်ကွက်မှာ နေတယ်လို့ သိရတယ်။ သူ့မှာ မိသားစုရှိပါတယ်။ မြကျွန်းသာမှာ ညစောင့်လုံခြုံရေး လုပ်ပါတယ်လို့ သိရတယ်။ ဒါပေမဲ့ ခုလုပ်နေတာလား။ အရင်ကလုပ်ခဲ့ဖူးတာလား ဆိုတာတော့ သေချာအတိအကျ မသိရသေးဘူး။ မိတာကတော့ သေချာပါတယ်။ အခြားအချက်အလက်တွေကိုတော့ ရဲက ကျွန်တော်တို့ကို မပြောသေးဘူး” ဟု ဗဟန်းမြို့နယ် မဲဆန္ဒနယ် အမှတ် (၂) မှ တိုင်းဒေသကြီး လွှတ်တော်ကိုယ်စားလှယ် ဦးသောင်းထွဋ်က ပြောကြားသည်။

ဖမ်းဆီးရမိသူမှာ မြောက်ဒဂုံမြို့နယ်တွင် နေထိုင်သည့် ၀င်းနိုင်  (၄၂နှစ်) ဆိုသူဖြစ်ပြီး ၎င်းသည် မြကျွန်းသာတွင် ညစောင့်လုံခြုံရေး အလုပ်ကို လုပ်ကိုင်သူ ဖြစ်ကြောင်းနှင့် ဖေဖော်ဝါရီ ၂ ရက် နံနက်ပိုင်းတွင် ဖမ်းဆီးရမိခဲ့ခြင်း ဖြစ်ကြောင်း ကနဦးသတင်းများအရ သိရသည်။

ဖမ်းဆီးရမိသူမှာ မြကျွန်းသာပန်းခြံတွင် ညစောင့်အလုပ် လုပ်ကိုင်နေသူဖြစ်ပြီး ၎င်းအား ဖမ်းဆီးရမိချိန်တွင် အခင်းဖြစ်စဉ်က ၀တ်ဆင်ထားသည့် အင်္ကျီကို ၀တ်ဆင်ထားကြောင်း သိရသည်။

မီးလောင်စေနိုင်သည့်ပုလင်း ပစ်သွင်းခဲ့သူ ၀င်းနိုင်မှာ ရွာသာကြီး စိတ်ကျန်းမာရေး ဆေးရုံတွင် ၂၀၁၆ ခုနှစ်က တက်ရောက်ကုသခဲ့သည့် ဆေးမှတ်တမ်းများ လူမှုကွန်ရက် စာမျက်နှာများတွင် ထွက်ပေါ်လျက်ရှိပြီး ယင်းမှတ်တမ်းနှင့် ပတ်သက်ပြီး ရန်ကုန်တိုင်းဒေသကြီး ရဲတပ်ဖွဲ့ထံ အတည်ပြုနိုင်ရန် ဆက်သွယ်မေးမြန်း ခဲ့သော်လည်း ဖုန်းပြန်လည် ဖြေကြားခြင်း မရှိပေ။

ဖြစ်စဉ်မှာ ဗဟန်းမြို့နယ်၊ ရွှေတောင်ကြား (၁) ရပ်ကွက်၊ တက္ကသိုလ်ရိပ်သာလမ်းရှိ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နေအိမ်ဖြစ်သည့် ခြံအမှတ် ၅၄/၅၆ သို့ ဖေဖော်ဝါရီ ၁ ရက် နံနက် ၆ နာရီခွဲခန့်က အမျိုးသားတစ်ဦး ရောက်ရှိလာပြီး ခြံ၏ယာဘက်ထောင့်နားမှနေ၍ ခြံအတွင်းသို့ မီးလောင်စေနိုင်သည့် ပုလင်းတစ်လုံး ပစ်သွင်းခဲ့ပြီး အဆိုပါ အမျိုးသားမှာ ထွက်ပြေးသွားခဲ့ကြောင်း သိရသည်။

ထိုသို့ ပစ်သွင်းခဲ့သဖြင့် ခြံဝင်းအတွင်း ခြံစောင့်တဲအနီးရှိ ရေပိုက်တစ်ချောင်း မီးစွဲလောင်ခဲ့ပြီး ဒဏ်ရာရရှိသူ မရှိခဲ့ကြောင်း သိရပြီး အဆိုပါဖြစ်စဉ်မှ ပြစ်မှုကျူးလွန်သူကို ဗဟန်းမြို့မ ရဲစခန်းမှ (ပ)၆၄/၂၀၁၈၊ ရာဇသတ်ကြီး ပုဒ်မ ၄၃၆ ဖြင့် အမှုဖွင့်ထားကြောင်း သိရသည်။

ထိုသို့ နိုင်ငံတော်၏ အတိုင်ပင်ခံပုဂ္ဂိုလ်၏ ရန်ကုန်မြို့ရှိ နေအိမ်သို့ မီးလောင်စေနိုင်သည့် ပုလင်းပစ်သွင်းခဲ့သည့် ဖြစ်စဉ် ဖြစ်ပွားခဲ့သဖြင့် လက်ရှိတွင် နေအိမ်ရှေ့၌ လုံခြုံရေးများကို တင်းကျပ်ထားကြောင်း သိရသည်။

နေအိမ်ရှေ့ ပလက်ဖောင်းပေါ်တွင် သွပ်ကြိုးအကာအရံများ များပြားစွာချထားခြင်း၊ လုံခြုံရေး ရယူနေသည့် ရဲတပ်ဖွဲ့ဝင်များကို အင်အားတိုးမြှင့်ခြင်းများ ဆောင်ရွက်ထားသည်ကို တွေ့ရသည်။