နိုင်ငံခြားသံရုံးများကို ရန်ကုန်မှ နေပြည်တော်သို့ ပြောင်းရွှေ့ဖွင့်လှစ်ရန် အတွက် မူဝါဒများချမှတ်ပြီး ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

ဖေဖော်ဝါရီ ၁၆ ရက်က နိုင်ငံခြားရေးဝန်ကြီးဌာန၌ ပြုလုပ်သည့် နိုင်ငံခြားသံရုံးများ နေပြည်တော် သံတမန်ဇုန်သို့ ပြောင်းရွှေ့ဖွင့်လှစ် နိုင်ရေးအတွက် နေပြည်တော် သံတမန်ဇုန် မြေယာမူဝါဒဆိုင်ရာ ညှိနှိုင်း အစည်းအဝေးကို တွေ့ရစဉ် (ဓာတ်ပုံ- MOFA)

နိုင်ငံခြားသံရုံးများကို ရန်ကုန်မှ နေပြည်တော်သို့ ပြောင်းရွှေ့ဖွင့်လှစ်နိုင်ရန်အတွက် မူဝါဒများ ချမှတ်ထားပြီးဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံခြားရေးဝန်ကြီး ဒေါ်အောင်ဆန်းစုကြည်က ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နေပြည်တော်ရှိ နိုင်ငံခြားရေး ၀န်ကြီးဌာန၌ ဖေဖော်ဝါရီ ၁၆ ရက်က ကျင်းပသည့် ရန်ကုန်မြို့အခြေစိုက် နိုင်ငံခြားသံရုံးများ နေပြည်တော်သံတမန်ဇုန်သို့ ပြောင်းရွှေ့ဖွင့်လှစ် နိုင်ရေးအတွက် နေပြည်တော်သံတမန်ဇုန် မြေယာမူဝါဒဆိုင်ရာ ညှိနှိုင်းအစည်းအဝေးတွင် အထက်ပါကဲ့သို့ ထည့်သွင်းပြောကြားခဲ့ကြောင်း နိုင်ငံခြားရေး ၀န်ကြီးဌာန၏ သတင်းထုတ်ပြန်ချက်အရ သိရသည်။

အဆိုပါ နေပြည်တော်သံတမန်ဇုန် မြေယာမူဝါဒဆိုင်ရာ ညှိနှိုင်းအစည်းအဝေးတွင် ဒေါ်အောင်ဆန်းစုကြည်က အဖွင့်အမှာစကား ပြောရာ၌ နေပြည်တော်သည် မြန်မာနိုင်ငံ၏ အစိုးရရုံးစိုက်သည့် မြို့တော်ဖြစ်သည်နှင့်အညီ နိုင်ငံခြားသံရုံးများကို ရန်ကုန်မှ နေပြည်တော်သို့ ပြောင်းရွှေ့ဖွင့်လှစ်နိုင်ရန်အတွက် မူဝါဒများ ချမှတ်ထားပြီး ဖြစ်ကြောင်း၊ ယခုအခါ နိုင်ငံခြားသံရုံးများ အနေဖြင့် လုပ်ငန်းဆောင်ရွက်မှု၊ နေထိုင်မှု စသည်တို့ ပိုမိုအဆင်ပြေစေရန် အတွက်လည်းကောင်း၊ သံရုံးများမှ အဆိုပြု တင်ပြချက်များမှ လက်တွေ့တွင် ဖြစ်နိုင်မည့် အချက်များနှင့်အညီ ဆောင်ရွက်ပေးနိုင်ရန်အတွက် လည်းကောင်း မူဝါဒများကို ပြန်လည်သုံးသပ်မှု ပြုလုပ်ရန် လိုအပ်ကြောင်းနှင့် ဆက်သွယ်ရေး၊ ပို့ဆောင်ရေး၊ ပညာရေးနှင့် ကျန်းမာရေးဆိုင်ရာ ၀န်ဆောင်မှု ကိစ္စရပ်များကို ပိုမိုမြှင့်တင် ဆောင်ရွက်သွားနိုင်မည့် နည်းလမ်းများ ရှာဖွေဆောင်ရွက်ရန် လိုအပ်ကြောင်းဖြင့် ထည့်သွင်းပြောကြား ခဲ့သည်ဟု နိုင်ငံခြားရေး ၀န်ကြီးဌာနက ထုတ်ပြန်သည်။

ထို့နောက် သက်ဆိုင်ရာ ၀န်ကြီးဌာန အသီးသီးမှ ပြည်ထောင်စုဝန်ကြီးများ၊ ပြည်ထောင်စုရှေ့နေချုပ်၊ နေပြည်တော်ကောင်စီ ဥက္ကဋ္ဌနှင့် အဖွဲ့ဝင်များ၊ နေပြည်တော် စည်ပင်သာယာရေး ကော်မတီနှင့် ရန်ကုန်မြို့တော် စည်ပင်သာယာရေး ကော်မတီတို့မှ တာဝန်ရှိသူများက နိုင်ငံခြားသံရုံးများ နေပြည်တော်သို့ ပြောင်းရွှေ့ဖွင့်လှစ် နိုင်ရေးအတွက် အစီအစဉ်များနှင့် ဆောင်ရွက်ထားရှိမှုများကို ဆွေးနွေးခဲ့ကြကြောင်း နိုင်ငံခြားရေး ၀န်ကြီးဌာနက ဆိုသည်။

အဆိုပါ အစည်းအဝေးသို့ နိုင်ငံတော် အတိုင်ပင်ခံရုံး ၀န်ကြီးဌာန၊ ပို့ဆောင်ရေးနှင့် ဆက်သွယ်ရေး ၀န်ကြီးဌာန၊ လျှပ်စစ်နှင့် စွမ်းအင်ဝန်ကြီးဌာန၊ ပညာရေးဝန်ကြီးဌာန၊ စီမံကိန်းနှင့် ဘဏ္ဍာရေး ၀န်ကြီးဌာန၊ ဆောက်လုပ်ရေး ၀န်ကြီးဌာန၊ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနတို့မှ ပြည်ထောင်စုဝန်ကြီးများ၊ ပြည်ထဲရေး ၀န်ကြီးဌာနမှ ဒုတိယ၀န်ကြီး၊ ပြည်ထောင်စုရှေ့နေချုပ်၊ နေပြည်တော် ကောင်စီဥက္ကဋ္ဌ၊ ရန်ကုန်မြို့တော် စည်ပင်သာယာရေး ကော်မတီ မြို့တော်ဝန်နှင့် တာဝန်ရှိသူများ တက်ရောက်ခဲ့သည်။

 

လက်နက်များ ခဏဘေးဖယ်ပြီး တွေ့ဆုံဆွေးနွေးရေး စားပွဲဝိုင်းများတွင် မိသားစုအချင်းချင်း ပွင့်ပွင့်လင်းလင်း ဆွေးနွေးကြည့်ကာ ဖက်ဒရယ်ပြည်ထောင်စု တည်ထောင်ရေးစတင်မှု အသစ်တစ်ခု အစပြုပေးရန် နိုင်ငံတော်၏ အတိုင်ပင်ခံပုဂ္ဂိုလ် ပြောကြား

ဖေဖော်ဝါရီ ၁၃ ရက်က နေပြည်တော်တွင် ပြုလုပ်သော NCA စာချုပ်တွင် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့ ပါဝင်လက်မှတ်ရေးထိုးပွဲ အခမ်းအနား၌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မိန့်ခွန်းပြောကြားစဉ် (ဓာတ်ပုံ-ဇေယျာထွန်း)

လက်နက်များ ခဏဘေးဖယ်ပြီး တွေ့ဆုံဆွေးနွေးရေး စားပွဲဝိုင်းများတွင် မိသားစုအချင်းချင်း ပွင့်ပွင့်လင်းလင်း ဆွေးနွေးကြည့်ကာ ဖက်ဒရယ် ပြည်ထောင်စု တည်ထောင်ရေး စတင်မှု အသစ်တစ်ခုကို အစပြုပေးရန် အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန ဥက္ကဋ္ဌ၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

နေပြည်တော် MICC-2 တွင် ဖေဖော်ဝါရီ ၁၃ ရက်က တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) တွင် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့ ပါဝင်လက်မှတ် ရေးထိုးပွဲ အခမ်းအနားတွင် မိန့်ခွန်းပြောကြားရာတွင် ၎င်းကထိုသို့ ပြောကြားခြင်းဖြစ်သည်။

NCA လက်မှတ်ရေးထိုးသည့် အဖွဲ့အရေအတွက် မများလှသော်လည်း ယခုလက်မှတ်ရေးထိုးပွဲ အခမ်းအနား ထမြောက်အောင်မြင်အောင် လျှောက်လှမ်းလာခဲ့သည့်ခရီးသည် မလွယ်ကူလှကြောင်း၊ အမျိုးသားပြန်လည် သင့်မြတ်ရေးနှင့် ပြည်ထောင်စု ငြိမ်းချမ်းရေးအတွက် အနာဂတ်တွင် ပေါ်ထွန်းလာမည့် ဒီမိုကရေစီ ဖက်ဒရယ်ပြည်ထောင်စုကြီး၏ အုတ်မြစ်ကို အတူတကွ လက်တွဲပြီး စိုက်ထူကြရန် စိတ်ပိုင်းဖြတ်လိုက်သော ခြေလှမ်းတစ်လှမ်း ဖြစ်သည့်အတွက် အဆိုပါ ခြေတစ်လှမ်းကို ရဲရဲကြီး တက်လှမ်းလိုက်သည့် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့ကို ၀မ်းမြောက်ဝမ်းသာ ကြိုဆိုဂုဏ်ပြုကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

ထို့ပြင် NCA သည် ငြိမ်းချမ်းရေးဖြစ်စဉ်၏ လမ်းဆုံးမဟုတ်ဘဲ ငြိမ်းချမ်းရေးဖြစ်စဉ်၏ အစ၊ နိုင်ငံရေး ဆွေးနွေးပွဲများ အစ၊ လက်နက်ကိုင်ပဋိပက္ခ လျှော့ချခြင်းများ၏အစ၊ တွေ့ဆုံဆွေးနွေးမှုမှတစ်ဆင့် နိုင်ငံရေး ပြဿနာများကို ညှိနှိုင်းတိုင်ပင် အဖြေရှာမည့် နိုင်ငံရေးဖြစ်စဉ်၏ အစပင်ဖြစ်ကြောင်း၊ နှစ်ဖက်အဖွဲ့အစည်းများ အကြား အပြန်အလှန် သဘောတူညီချက် (Bilateral Agreement) များရှိခဲ့သည်မှာ မှန်သော်လည်း ပြည်သူများအား သိစေချင်သည်မှာ အဆိုပါ သဘောတူညီချက်များနှင့် ပတ်သက်၍ တစ်ဖက်နှင့်တစ်ဖက် အငြင်းပွားဖွယ်ရာများ ဖြစ်လာပါက မည်သို့ညှိနှိုင်း ဖြေရှင်းမည် ဆိုသည်ကို ဖြေရှင်းရေးယန္တရားများ မပါကြောင်း၊ NCA ဆိုသည်မှာ လက်နက်ကိုင် ပဋိပက္ခများ လျော့နည်းသွားအောင်၊ အငြင်းပွားမှုများ ပေါ်ပေါက်လာခဲ့ပါက တစ်ဖက်နှင့် တစ်ဖက် လက်နက်ကိုင်ဖြေရှင်းခဲ့သည့် အခြေအနေမှသည် စားပွဲဝိုင်းတွင် ညှိနှိုင်းဆွေးနွေး ဖြေရှင်းနိုင်အောင် စတင်လိုက်သည့် စတင်ခြင်းအသစ်ဟု ပြောချင်ကြောင်း ၎င်းကဆိုသည်။

“အတိတ်က သံသယတွေ၊ အာဃာတတွေ ပစ္စုပ္ပန်အပေါ် အရိပ်ထိုးတတ် ကြပါတယ်။ ဒါဟာ လူ့သဘာဝအရ ဖြစ်တတ်ပါတယ်။ ဒါပေမဲ့ ကျွန်မတို့အားလုံး ပြီးခဲ့တဲ့ အတိတ်ကို သင်ခန်းစာယူပြီး တိုင်းပြည်ရဲ့ အနာဂတ်အတွက်၊ ကျွန်မတို့ ပြည်သူတွေရဲ့ အနာဂတ်အတွက် ရှေ့ကိုခြေလှမ်းတစ်လှမ်း ရဲရဲကြီး လှမ်းလိုက်ဖို့ ပြောချင်ပါတယ်။ လက်နက်တွေ ခဏဘေးဖယ်ပြီး တွေ့ဆုံဆွေးနွေးရေး စားပွဲဝိုင်းတွေမှာ မိသားစုအချင်းချင်း ပွင့်ပွင့်လင်းလင်း ဆွေးနွေးကြည့်ကြဖို့၊ ဖက်ဒရယ်ပြည်ထောင်စု တည်ထောင်ရေးအတွက် စတင်မှုအသစ် တစ်ခုကို အစပြုပေးကြဖို့ ပြောကြားလိုပါတယ်။ ကျွန်မတို့ အမျိုးသားဒီမိုကရေစီ အဖွဲ့ချုပ်အနေနဲ့ အားလုံးသဘောတူ လက်ခံနိုင်တဲ့ ဒီမိုကရေစီ ဖက်ဒရယ်ပြည်ထောင်စုကြီး ပေါ်ထွန်းရေးအတွက် ဦးတည်ကြိုးပမ်းနေတဲ့ (၂၁) ရာစု ပင်လုံညီလာခံ လမ်းကြောင်းကို မမှိတ်မသုန် ဆက်လက် လျှောက်လှမ်းသွားဖို့ သန္နိဋ္ဌာန်ချထားပြီး ဖြစ်ပါတယ်။ ဘယ်လိုအခက်အခဲမျိုး၊ ဘယ်လို စိန်ခေါ်မှုမျိုး ကြုံတွေရသည်ဖြစ်စေ ဖက်ဒရယ်ပန်းတိုင် အပျောက်မခံဘဲ ခြေလှမ်းမှန်မှန်နဲ့ ရှေ့ကိုဆက်ပြီး လျှောက်လှမ်းသွားမှာ ဖြစ်ကြောင်း အလေးအနက် ပြောလိုပါတယ်” ဟု  ဒေါ်အောင်ဆန်းစုကြည်က ပြောကြားသည်။

ထို့ပြင် မိမိတို့၏ အမျိုးသားပြန်လည် သင့်မြတ်ရေးပန်းတိုင် ဖက်ဒရယ်ခရီးသည် ချောချောမွေ့မွေ့ သာသာယာယာနှင့် ဖြတ်သန်းရမည် မဟုတ်ဘဲ ငြိမ်းချမ်းရေးခရီးသည် တာဝေးခရီး ဖြစ်သည့်အတွက် စိတ်ဓာတ်နှင့် ယုံကြည်မှုသည် အရင်းခံဖြစ်ကြောင်း၊ လက်ရှိအချိန်တွင် ဖက်ဒရယ် ဆိုသည်မှာ သမိုင်း၏ လိုအပ်ချက်တစ်ရပ်၊ ပြည်ထောင်စု၏ ထွက်ရပ်လမ်း တစ်ရပ်အဖြစ် ရောက်ရှိနေခဲ့ပြီးဖြစ်ကြောင်း၊ မည်သည့် ဖက်ဒရယ်မျိုးနည်းဟု မေးပါက မိမိတို့နိုင်ငံ၊ မိမိတို့နိုင်ငံ ပြည်သူများအတွက် ရေရှည်တည်တံ့ခိုင်မြဲမည့် ညီညွတ်သော ပြည်ထောင်စုကြီးကို ထိန်းသိမ်းပေးနိုင်မည့် ဖက်ဒရယ်မျိုးပင် ဖြစ်ကြောင်း၊ ကမ္ဘာပေါ်တွင် နိုင်ငံအားလုံးအတွက် အံဝင်ခွင်ကျဖြစ်စေမည့် တစ်ခုတည်းသော ဖက်ဒရယ်စနစ် မရှိကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

“ကျွန်မတို့နိုင်ငံ၊ ကျွန်မတို့ နိုင်ငံသားတွေ ညီညွတ်ဖို့လိုတယ်။ ညီညွတ်တဲ့ ပြည်ထောင်စုတွေကသာ ဖက်ဒရယ်ကို ခိုင်ခိုင်မာမာ ရေရှည်ကျင့်သုံး ထိန်းသိမ်းနိုင်တာ ဖြစ်ပါတယ်။ ညီညွတ်ရေးကို တည်ဆောက်နိုင်ဖို့ အတွက် နားလည်မှုနဲ့ ယုံကြည်မှုတွေကို ဦးစွာတည်ဆောက်ကြရမှာ ဖြစ်ပါတယ်။ ဒါကြောင့်လည်း ကျန်ရှိနေသေးတဲ့ အဖွဲ့အစည်းတွေကို ကျွန်မတို့ရဲ့ နိုင်ငံရေးဆွေးနွေးပွဲ စားပွဲဝိုင်းတွေကို လာရောက်ကြဖို့ ညှိနှိုင်းနေ၊ ဖိတ်ခေါ်နေတာ ဖြစ်ပါတယ်” ဟု ဒေါ်အောင်ဆန်းစုကြည်က ပြောကြားသည်။

လက်ရှိတွင် ပြည်သူများက ၂၁ ရာစု ပင်လုံညီလာခံကို မျှော်လင့်ချက်ကြီးကြီးဖြင့် စောင့်ကြည့်နေကြပြီး မိမိတို့၏ တုဖက်ပြိုင်ဆိုင်မှုများ၊ မာန်မာနနှင့် အာဃာတ တိုးတိုက်မှုများကို ပြည်သူများက အကဲဖြတ်ကြမည် ဖြစ်ကြောင်း၊ အတိတ်၌သာခဲ့သည်များ၊ နာခဲ့သည်များ ပြန်လည်သယ်ဆောင်နေဦးမည် ဆိုပါက မိမိတို့၏ ညီညွတ်ရေးကို ပိုမိုကွဲဟစေမည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

ဒေါ်အောင်ဆန်းစုကြည်အား ၂၀၁၁ ခုနှစ်က ပေးအပ်ချီးမြှင့်ခဲ့သည့် Freedom of the City ဂုဏ်ပြုဆုကို ပြန်လည်ရုပ်သိမ်းရန် နယူးကာဆယ်မြို့ ကောင်စီအဖွဲ့ မဲခွဲဆုံးဖြတ်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ၂၀၁၁ ခုနှစ်က ပေးအပ်ချီးမြှင့်ထားခဲ့သည့် Freedom of the City ဂုဏ်ပြုဆုကို ပြန်လည်ရုပ်သိမ်းရန် နယူးကာဆယ်မြို့တော် ကောင်စီအဖွဲ့က မဲခွဲဆုံးဖြတ် အတည်ပြုခဲ့ကြောင်း သိရသည်။

ငြိမ်းချမ်းရေးနိုဘယ်လ်ဆုရှင် ဒေါ်အောင်ဆန်းစုကြည် အနေဖြင့် လူ့အခွင့်အရေးဆိုင်ရာ လှုပ်ရှားမှုနှင့် လွတ်လပ်စွာ ထုတ်ဖော်ပြောဆိုခွင့်တို့အတွက် နှစ်ရှည်လများ ရပ်တည်အားပေး ထောက်ခံခဲ့မှုများအပေါ် အသိအမှတ်ပြုသည့် အနေဖြင့် နယူးကာဆယ်မြို့တော် ကောင်စီက Freedom of Newcastle ဂုဏ်ပြုဆုကို ၄င်းနေအိမ်အကျယ်ချုပ်မှ လွတ်မြောက်လာခဲ့ပြီးနောက်တွင် ပေးအပ်ချီးမြှင့်ခဲ့ခြင်းလည်း ဖြစ်သည်။

သို့သော်လည်း လက်ရှိအချိန်တွင် သူမအနေဖြင့် ဘဂါင်္လီမွတ်ဆလင်များ (မူရင်းတွင် ရိုဟင်ဂျာဟု သုံးနှုန်းထား) ဖိနှိပ်ခံရမှုအပေါ် မသိကျိုးကျွန် ပြုလုပ်ခဲ့မှုများကြောင့် နယူးကာဆယ်မြို့ ကောင်စီအဖွဲ့က ပေးအပ်ခဲ့သည့်ဆုကို ပြန်လည်ရုပ်သိမ်းရန် ဆုံးဖြတ်ခဲ့ခြင်းဖြစ်ကြောင်း သိရသည်။ ဒေါ်အောင်ဆန်းစုကြည်အား ပေးအပ်ချီးမြှင့် ထားခဲ့သည့် ဂုဏ်ပြုဆုကို ရုပ်သိမ်းရေးအတွက် အတည်ပြုနိုင်ရန် ဖေဖော်ဝါရီ ၇ ရက် ညပိုင်းက ကောင်စီအဖွဲ့ အနေဖြင့် မဲခွဲဆုံးဖြတ်ခဲ့ကြကြောင်း နယူးကာဆယ်ကောင်စီ အကြီးအကဲ နစ်ဖို့ဘ်စ်က ပြောကြားခဲ့သည်။

ထို့ပြင် နစ်ဖို့ဘ်စ်က မိမိတို့အနေဖြင့် ယခုကဲ့သို့ ဆုံးဖြတ်လုပ်ဆောင်ရခြင်းအပေါ် များစွာစိတ်မကောင်း ဖြစ်ရကြောင်းနှင့် ဒေါ်အောင်ဆန်းစုကြည် အနေဖြင့် မြန်မာ့ဒီမိုကရေစီရေးအတွက် များစွာကြိုးစား ရုန်းကန်ခဲ့ရမှုအပေါ် အသိအမှတ်ပြုသည့် အနေဖြင့် မှန်ကန်သည့် ဆုံးဖြတ်ချက် တစ်ခုအဖြစ် ၂၀၁၁ ခုနှစ်က သူမကို ယင်းကဲ့သို့ ဂုဏ်ပြုချီးမြှင့်ခဲ့ခြင်း ဖြစ်ကြောင်းလည်း ပြောကြားခဲ့သည်။

ယခုကဲ့သို့ နယူးကာဆယ်မြို့ ကောင်စီအဖွဲ့မှ ဂုဏ်ပြုဆု ပြန်လည်ရုပ်သိမ်းခြင်း ဖြစ်ရပ်မှာ ၄င်းတို့သမိုင်း တစ်လျှောက်တွင် ပထမဆုံးလည်းဖြစ်သည်။

နယူးကာဆယ်မြို့ကောင်စီက ပေးအပ်သည့် Freedom of the City ဂုဏ်ပြုဆုကို နာမည်ကျော်ကြားသူများ ဖြစ်သည့် နယ်လ်ဆင်မင်ဒဲလား၊ ဘော့ဂဲဒေါ့ဖ်နှင့် အန်ဒရီဆာခါရော့ဗ်တို့လည်း ရရှိခဲ့ဖူးကြောင်း သိရသည်။

Ref: Chronicle, ITV

စွမ်းအင်ကဏ္ဍတွင် သဘာဝပတ်ဝန်းကျင်ထိခိုက်မှု နည်းစေသည့် နည်းလမ်းများ ရှာဖွေသွားနိုင်ရေးကိစ္စနှင့် ပတ်သက်၍ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကုလသမဂ္ဂ ပတ်ဝန်းကျင် ထိန်းသိမ်းရေး အစီအစဉ် (UNEP) ၏ အမှုဆောင် ညွှန်ကြားရေးမှူး ဆွေးနွေး

ဖေဖော်ဝါရီ ၆ ရက်က နေပြည်တော်တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ကုလသမဂ္ဂ ပတ်ဝန်းကျင်ထိန်းသိမ်းရေး အစီအစဉ်၏ အမှုဆောင် ညွှန်ကြားရေးမှူးနှင့် ကုလသမဂ္ဂ ဒုတိယ အတွင်းရေးမှူးချုပ် Mr.Erik Solheim အား လက်ခံတွေ့ဆုံစဉ် (Photo – MOFA Myanmar)

မြန်မာနိုင်ငံ၏ စွမ်းအင်ကဏ္ဍတွင် သဘာဝပတ်ဝန်းကျင် ထိခိုက်မှုနည်းစေသည့် နည်းလမ်းများ ရှာဖွေဆောင်ရွက် သွားနိုင်ရေး ကိစ္စနှင့်ပတ်သက်၍ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကုလသမဂ္ဂ ပတ်ဝန်းကျင်ထိန်းသိမ်းရေး အစီအစဉ် (UNEP) ၏ အမှုဆောင် ညွှန်ကြားရေးမှူးတို့ ဆွေးနွေးခဲ့ကြောင်း သတင်းရရှိသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် မြန်မာနိုင်ငံသို့ ရောက်ရှိနေသည့် ကုလသမဂ္ဂ ပတ်ဝန်းကျင်ထိန်းသိမ်းရေး အစီအစဉ် (United Nations Enviroment Programme – UNEP) ၏ အမှုဆောင် ညွှန်ကြားရေးမှူးနှင့် ကုလသမဂ္ဂ ဒုတိယအတွင်းရေးမှူးချုပ် Mr.Erik Sholheim အား ဖေဖော်ဝါရီ ၆ ရက်က နေပြည်တော်ရှိ နိုင်ငံခြားရေး ၀န်ကြီးဌာန ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံခဲ့ကြောင်း နိုင်ငံခြားရေး ၀န်ကြီးဌာနက သတင်းထုတ်ပြန်ခဲ့သည်။

ထိုသို့တွေ့ဆုံရာတွင် UNEP နှင့် ဒေသတွင်းနိုင်ငံများ ပူးပေါင်းဆောင်ရွက်နေသည့် ကိစ္စရပ်များ၊ မြန်မာနိုင်ငံ၏ စွမ်းအင်ကဏ္ဍတွင် သဘာဝပတ်ဝန်းကျင် ထိခိုက်မှုနည်းစေသည့် နည်းလမ်းများ ရှာဖွေဆောင်ရွက်သွားနိုင်ရေး၊ စိုက်ပျိုးရေးနှင့် သီးနှံထုတ်ကုန် မြှင့်တင်ရေးနှင့် သဘာဝပတ်ဝန်းကျင် ထိန်းသိမ်းရေးစသည့် ကိစ္စရပ်များအား ဆွေးနွေးခဲ့ကြောင်း နိုင်ငံခြားရေး ၀န်ကြီးဌာနက သတင်းထုတ်ပြန်ခဲ့သည်။

မြန်မာနိုင်ငံတွင် လက်ရှိ ဓာတ်အားသုံးစွဲမှုပမာဏ အမြင့်ဆုံးမှာ ၃၁၈၉ မဂ္ဂါဝပ် ခန့်ရှိပြီး အဆိုပါ လိုအပ်ချက်ကို ရေအားလျှပ်စစ်စက်ရုံ၁၇ ရုံနှင့် အပူစွမ်းအင်သုံး ဓာတ်အားပေးစက်ရုံ ၁၅ ရုံ တို့မှ ထုတ်လုပ်ပေးလျက် ရှိကြောင်း၊ နှစ်အလိုက် ဓာတ်အားတိုးတက်သုံးစွဲနှုန်းမှာ ၁၅ ရာခိုင်နှုန်း တိုးတက်နေပြီး ၂၀၂၀- ၂၀၂၁ ခုနှစ်တွင် ၄၅၃၁ မဂ္ဂါဝပ်ထိ သုံးစွဲမည်ဟု ခန့်မှန်းထားကြောင်း သိရသည်။

လက်ရှိတွင် ၃၁၈၉ မဂ္ဂါဝပ်အထိ ထုတ်လုပ်နိုင်၍ ၁၃၄၂ မဂ္ဂါဝပ်ထပ်မံ လိုအပ်ကြောင်း၊ ယင်းအတွက် ၂၀၁၈ ခုနှစ်တွင် စက်ရုံသုံးရုံမှ ၄၃၉ မဂ္ဂါဝပ်၊ ၂၀၁၉ ခုနှစ်တွင် စက် ရုံလေးရုံမှ ၇၅၀ မဂ္ဂါဝပ်၊ ၂၀၂၀ ပြည့်နှစ်တွင် စက်ရုံသုံးရုံမှ ၂၆၀ မဂ္ဂါဝပ်၊ ၂၀၂၁ ခုနှစ်တွင် စက်ရုံငါးရုံမှ ၉၇၁ မဂ္ဂါဝပ်နှင့် ၂၀၂၂ ခုနှစ်တွင် စက်ရုံငါးရုံမှ ၈၉၁ မဂ္ဂါဝပ် ထုတ်လုပ်နိုင်ရေး စီစဉ်ထားကြောင်း သိရသည်။

အဆိုပါစက်ရုံများ ဓာတ်အားထုတ်လုပ်မှုတွင် ရေအားစက်ရုံများ ၁၅ ရာခိုင်နှုန်း၊ HFO စက်ရုံများ ၁၈ ရာခိုင်နှုန်း၊ သဘာဝဓာတ်ငွေ့သုံး စက်ရုံများ ရာခိုင်နှုန်း ၃၀၊ LNG စက်ရုံ ၃၂ ရာခိုင်နှုန်း၊ Solar စက်ရုံ ငါးရာခိုင်နှုန်း ပါဝင်မည် ဖြစ်ကြောင်း သိရသည်။

ထို့ပြင် မြန်မာနိုင်ငံတွင် မီးသုံးစွဲသူ ၁၀ ဒသမ ၈၇၇ သန်းအနက် ၄ ဒသမ ၂၈၉ သန်း (၃၉ ဒသမ ၄ ရာခိုင်နှုန်း) လျှပ်စစ်မီးရရှိပြီး ၆ ဒသမ ၅၈၈ သန်း မီးရရှိရန် ကျန်ရှိနေကြောင်း သိရသည်။

မြို့အနေဖြင့် ၄၈၂ မြို့အနက် ဓာတ်အားစနစ်မှ မြို့ ၃၅၀ မီးရရှိပြီး အခြားနည်းလမ်းဖြင့် ကျန် ၁၃၂  မြို့ မီးရရှိထားကြောင်း၊ ကျေးရွာများ အနေဖြင့် ၆၃၇၃၇ ရွာရှိသည့် အနက် ၃၂၂၂၈ ရွာ မီးရရှိပြီး ၃၁၅၀၉ ရွာ ကျန်ရှိနေကြောင်း သိရသည်။

 

တက္ကသိုလ်ရိပ်သာလမ်းရှိ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နေအိမ်ခြံဝင်း အတွင်းသို့ မီးလောင်စေနိုင်သည့်ပုလင်း ပစ်သွင်းခဲ့သူမှာ စိတ်ရောဂါဝေဒနာရှင် ဖြစ်နေကြောင်း သိရ

တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည် နေအိမ်ရှေ့တွင် လုံခြုံရေးများ စောင့်ကြပ်နေသည်ကို ဖေဖော်ဝါရီ ၁ ရက်က တွေ့ရစဉ် (ပုံကြီး)၊ ကျူးလွန်သည်ဟု ယူဆရသူအား တွေ့ရစဉ် (ပုံသေး)

ရန်ကုန်တိုင်းဒေသကြီး ဗဟန်းမြို့နယ် တက္ကသိုလ်ရိပ်သာလမ်းရှိ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နေအိမ်ခြံဝင်းအတွင်းသို့ မီးလောင်စေနိုင်သည့်ပုလင်း ပစ်သွင်းခဲ့သူကို ဖမ်းဆီးရမိပြီဖြစ်ကြောင်း ဖေဖော်ဝါရီ ၂ ရက်တွင် ဗဟန်းမြို့ နယ် မဲဆန္ဒနယ် အမှတ် (၂) မှ တိုင်းဒေသကြီး လွှတ်တော်ကိုယ်စားလှယ်ထံမှ သိရသည်။

“ကျူးလွန်သူကိုမိပါပြီ။ သူက မြောက်ဒဂုံမှာနေတယ်။ ကျူးကျော်ရပ်ကွက်မှာ နေတယ်လို့ သိရတယ်။ သူ့မှာ မိသားစုရှိပါတယ်။ မြကျွန်းသာမှာ ညစောင့်လုံခြုံရေး လုပ်ပါတယ်လို့ သိရတယ်။ ဒါပေမဲ့ ခုလုပ်နေတာလား။ အရင်ကလုပ်ခဲ့ဖူးတာလား ဆိုတာတော့ သေချာအတိအကျ မသိရသေးဘူး။ မိတာကတော့ သေချာပါတယ်။ အခြားအချက်အလက်တွေကိုတော့ ရဲက ကျွန်တော်တို့ကို မပြောသေးဘူး” ဟု ဗဟန်းမြို့နယ် မဲဆန္ဒနယ် အမှတ် (၂) မှ တိုင်းဒေသကြီး လွှတ်တော်ကိုယ်စားလှယ် ဦးသောင်းထွဋ်က ပြောကြားသည်။

ဖမ်းဆီးရမိသူမှာ မြောက်ဒဂုံမြို့နယ်တွင် နေထိုင်သည့် ၀င်းနိုင်  (၄၂နှစ်) ဆိုသူဖြစ်ပြီး ၎င်းသည် မြကျွန်းသာတွင် ညစောင့်လုံခြုံရေး အလုပ်ကို လုပ်ကိုင်သူ ဖြစ်ကြောင်းနှင့် ဖေဖော်ဝါရီ ၂ ရက် နံနက်ပိုင်းတွင် ဖမ်းဆီးရမိခဲ့ခြင်း ဖြစ်ကြောင်း ကနဦးသတင်းများအရ သိရသည်။

ဖမ်းဆီးရမိသူမှာ မြကျွန်းသာပန်းခြံတွင် ညစောင့်အလုပ် လုပ်ကိုင်နေသူဖြစ်ပြီး ၎င်းအား ဖမ်းဆီးရမိချိန်တွင် အခင်းဖြစ်စဉ်က ၀တ်ဆင်ထားသည့် အင်္ကျီကို ၀တ်ဆင်ထားကြောင်း သိရသည်။

မီးလောင်စေနိုင်သည့်ပုလင်း ပစ်သွင်းခဲ့သူ ၀င်းနိုင်မှာ ရွာသာကြီး စိတ်ကျန်းမာရေး ဆေးရုံတွင် ၂၀၁၆ ခုနှစ်က တက်ရောက်ကုသခဲ့သည့် ဆေးမှတ်တမ်းများ လူမှုကွန်ရက် စာမျက်နှာများတွင် ထွက်ပေါ်လျက်ရှိပြီး ယင်းမှတ်တမ်းနှင့် ပတ်သက်ပြီး ရန်ကုန်တိုင်းဒေသကြီး ရဲတပ်ဖွဲ့ထံ အတည်ပြုနိုင်ရန် ဆက်သွယ်မေးမြန်း ခဲ့သော်လည်း ဖုန်းပြန်လည် ဖြေကြားခြင်း မရှိပေ။

ဖြစ်စဉ်မှာ ဗဟန်းမြို့နယ်၊ ရွှေတောင်ကြား (၁) ရပ်ကွက်၊ တက္ကသိုလ်ရိပ်သာလမ်းရှိ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နေအိမ်ဖြစ်သည့် ခြံအမှတ် ၅၄/၅၆ သို့ ဖေဖော်ဝါရီ ၁ ရက် နံနက် ၆ နာရီခွဲခန့်က အမျိုးသားတစ်ဦး ရောက်ရှိလာပြီး ခြံ၏ယာဘက်ထောင့်နားမှနေ၍ ခြံအတွင်းသို့ မီးလောင်စေနိုင်သည့် ပုလင်းတစ်လုံး ပစ်သွင်းခဲ့ပြီး အဆိုပါ အမျိုးသားမှာ ထွက်ပြေးသွားခဲ့ကြောင်း သိရသည်။

ထိုသို့ ပစ်သွင်းခဲ့သဖြင့် ခြံဝင်းအတွင်း ခြံစောင့်တဲအနီးရှိ ရေပိုက်တစ်ချောင်း မီးစွဲလောင်ခဲ့ပြီး ဒဏ်ရာရရှိသူ မရှိခဲ့ကြောင်း သိရပြီး အဆိုပါဖြစ်စဉ်မှ ပြစ်မှုကျူးလွန်သူကို ဗဟန်းမြို့မ ရဲစခန်းမှ (ပ)၆၄/၂၀၁၈၊ ရာဇသတ်ကြီး ပုဒ်မ ၄၃၆ ဖြင့် အမှုဖွင့်ထားကြောင်း သိရသည်။

ထိုသို့ နိုင်ငံတော်၏ အတိုင်ပင်ခံပုဂ္ဂိုလ်၏ ရန်ကုန်မြို့ရှိ နေအိမ်သို့ မီးလောင်စေနိုင်သည့် ပုလင်းပစ်သွင်းခဲ့သည့် ဖြစ်စဉ် ဖြစ်ပွားခဲ့သဖြင့် လက်ရှိတွင် နေအိမ်ရှေ့၌ လုံခြုံရေးများကို တင်းကျပ်ထားကြောင်း သိရသည်။

နေအိမ်ရှေ့ ပလက်ဖောင်းပေါ်တွင် သွပ်ကြိုးအကာအရံများ များပြားစွာချထားခြင်း၊ လုံခြုံရေး ရယူနေသည့် ရဲတပ်ဖွဲ့ဝင်များကို အင်အားတိုးမြှင့်ခြင်းများ ဆောင်ရွက်ထားသည်ကို တွေ့ရသည်။

နယူးကာဆယ်ကောင်စီက ဒေါ်အောင်ဆန်းစုကြည်အား မြို့၏လွတ်လပ်ခွင့်ဆု ရုပ်သိမ်းရန်ကြိုးပမ်း

၂၀၁၇ ခုနှစ် စက်တင်ဘာ ၁၉ ရက်က နေပြည်တော်တွင် နိုင်ငံတော်ရုပ်သံမိန့်ခွန်း ပြောကြားနေသော ဒေါ်အောင်ဆန်းစုကြည် (Photo: AP)

ငြိမ်းချမ်းရေးနိုဘယ်ဆုရှင် ဒေါ်အောင်ဆန်းစုကြည်သည် မြန်မာနိုင်ငံ၌ ဘင်္ဂါလီမွတ်စလင်များကို နှိပ်ကွပ်မှုအား ဆန့်ကျင်ပြောဆိုရန် ပျက်ကွက်ခဲ့မှုကြောင့် နယူးကာဆယ်မြို့က အပ်နှင်းထားသည့် မြို့၏လွတ်လပ်ခွင့်ဆုကို ပြန်လည်ရုပ်သိမ်းခံရနိုင်မှုနှင့် ရင်ဆိုင်နေရကြောင်း ဇန်န၀ါရီ ၂၉ ရက် သတင်းများအရ သိရသည်။

နယူးကာဆယ်ကောင်စီခေါင်းဆောင် နစ်ဖိုးဘီးက ဘင်္ဂါလီမွတ်စလင်အရေးနှင့်ပတ်သက်၍ ဒေါ်အောင်ဆန်းစုကြည်ထံမှ ဂုဏ်ပြုဆုကို ပြန်ရုပ်သိမ်းသင့်ကြောင်း အဆိုပြုမည်ဖြစ်သည်။

လူ့အခွင့်အရေးနှင့် လွတ်လပ်စွာပြောဆိုခွင့်ကို ထောက်ခံမှုအား ရေရှည်ပြုလုပ်ခဲ့ခြင်းအပေါ် အသိအမှတ်ပြုသောအားဖြင့် ဒေါ်အောင်ဆန်းစုကြည်အား နယူးကာဆယ်ကောင်စီက အဆိုပါဆုကို ၂၀၁၁ ခုနှစ်တွင် ချီးမြှင့်ခဲ့ခြင်းဖြစ်သည်။

သို့သော် ဒေါ်အောင်ဆန်းစုကြည်သည် သူ၏နိုင်ငံအတွင်း အကြမ်းဖက်မှုများဖြစ်ပေါ်ခြင်းကို ဆန့်ကျင်ပြောဆိုရန် ပျက်ကွက်ခဲ့သည့်အတွက် နိုင်ငံတကာ၏အကြီးအကျယ် ဝေဖန်မှုများအား ရင်ဆိုင်နေရသည်။ ယခုအခါ နယူးကာဆယ်ကောင်စီကို လာမည့်သီတင်းပတ်တွင် ပြုလုပ်မည့် အစည်းအဝေးတစ်ရပ်၌ ဒေါ်အောင်ဆန်းစုကြည်ထံမှ ဂုဏ်ပြုဆုကို ပြန်လည်ရုပ်သိမ်းရန် တောင်းဆိုမည်ဖြစ်သည်။ ယင်းကဲ့သို့ရုပ်သိမ်းခြင်းမျိုးကို နယူးကာဆယ်ကောင်စီ အာဏာပိုင်များအနေဖြင့် ယခင်က တစ်ကြိမ်တစ်ခါမျှ ပြုလုပ်ခဲ့ဖူးခြင်းမရှိပေ။

ယင်းကဲ့သို့ ပြုလုပ်မှုမျိုးမရှိဖူးခဲ့သည့်အတွက် ပြုလုပ်မည့်လုပ်ငန်းစဉ်ကိုလည်း ရေရေရာရာသိရှိရခြင်းမရှိသေးပေ။

ကောင်စီခေါင်းဆောင် နစ်ဖိုးဘီးက ၀န်ကြီးချုပ်ရာထူးနှင့်ညီမျှသော မြန်မာနိုင်ငံ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ထံမှ လွတ်လပ်ခွင့်ဆုကိုရုပ်သိမ်းရန် အစီအစဉ်ကိုပါ အဆိုပြုတင်သွင်းမည်ဖြစ်သည်။

သူ၏ဆောင်ရွက်မှုတွင် နစ်ဖိုးဘီးက ဘင်္ဂါလီမွတ်စလင်များသည် မြန်မာနိုင်ငံတွင် ဆယ်စုနှစ်များချီကြာလျက် အခြေခံလူ့အခွင့်အရေးများ ငြင်းပယ်ခံထားရကြောင်း၊ ရခိုင်ပြည်နယ်တွင်ဖြစ်ပွားသော ပဋိပက္ခက ဘင်္ဂါလီမွတ်စလင်များနှင့် အခြားတိုင်းရင်းသားလူနည်းစုများအပေါ် အကြမ်းဖက်လုပ်ရပ်များ ကျရောက်မှုဆီသို့ ဦးတည်စေခဲ့ကြောင်း၊ အမျိုးသမီးနှင့်ကလေးများ အဓိကပါဝင်သည့် လူပေါင်း ၆၅၀၀၀၀ ကို နေအိမ်များစွန့်ခွာထွက်ပြေးစေလျက် ဘင်္ဂလားဒေ့ရ်ှရှိ ကျပ်ညပ်နေသော ဒုက္ခသည်စခန်းများ၌ နေထိုင်စေခဲ့ရကြောင်းနှင့် ဘင်္ဂါလီမွတ်စလင်များအပေါ် ဆက်ဆံမှုအား လူမျိုးတုံးသတ်ဖြတ်မှုအဖြစ်မှ ပယ်ဖျက်ခြင်းမပြုနိုင်ဟု ကုလသမဂ္ဂက ပြောကြားခဲ့ကြောင်းတို့အား ကောင်စီသို့ ပြောကြားမည်ဖြစ်သည်။

နစ်ဖိုးဘီးက ဒီမိုကရေစီအတွက် ရေရှည်ရုန်းကန်ခဲ့မှုကို အသိအမှတ်ပြုသည့်အနေဖြင့် ဒေါ်အောင်ဆန်းစုကြည်အား မြို့၏လွတ်လပ်ခွင့်ဆု ချီးမြှင့်ခြင်းမှာ မှန်ကန်ခဲ့သော်လည်း လက်ရှိနှင့် ဆက်လက်ဖြစ်ပွားနေဆဲ နှိပ်ကွပ်မှုများနှင့် ဘင်္ဂါလီမွတ်စလင်တို့၏ ဒုက္ခများနှင့်ပတ်သက်၍ နယူးကာဆယ်သားများအကြား ကြီးမားသည့် စိုးရိမ်မှုရှိနေသည်ဟုဆိုသည်။

(၆၉) နှစ်မြောက် အိန္ဒိယသမ္မတနိုင်ငံ၏ အမျိုးသားနေ့ အခမ်းအနားသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်

ဇန်န၀ါရီ ၂၆ ရက်က အိန္ဒိယနိုင်ငံ နယူးဒေလီမြို့တွင် ပြုလုပ်သော (၆၉) နှစ်မြောက် အိန္ဒိယနိုင်ငံ၏ အမျိုးသားနေ့ အခမ်းအနားသို့ တက်ရောက်လာသော နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား တွေ့ရစဉ် (Photo : AFP)

အိန္ဒိယနိုင်ငံ နယူးဒေလီမြို့တွင် ဇန်န၀ါရီ ၂၆ ရက်က ကျင်းပသည့် (၆၉) နှစ်မြောက် အိန္ဒိယသမ္မတနိုင်ငံ၏ အမျိုးသားနေ့ အခမ်းအနားသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်ခဲ့ကြောင်း သတင်းရရှိသည်။

အဆိုပါ အခမ်းအနားသို့ အာဆီယံ အဖွဲ့ဝင်နိုင်ငံများမှ နိုင်ငံခေါင်းဆောင်များလည်း တက်ရောက်ခဲ့ကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် အိန္ဒိယနိုင်ငံသို့ ဇန်န၀ါရီ ၂၄ ရက် ညနေပိုင်းတွင် ရောက်ရှိကာ ဒေသစံတော်ချိန် ည ၇ နာရီခွဲတွင် အိန္ဒိယနိုင်ငံ ၀န်ကြီးချုပ် မစ္စတာနရင်ဒရာမိုဒီနှင့်  နယူးဒေလီမြို့ရှိ နိုင်ငံတော်ဧည့်ဂေဟာ (Hyderabad House) ၌တွေ့ဆုံခဲ့ကြောင်း နိုင်ငံတော် အတိုင်ပင်ခံရုံးက သတင်းထုတ်ပြန်ထားသည်။

အဆိုပါ တွေ့ဆုံမှု၌ နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှု တိုးမြှင့်ရေး၊ မပြီးပြတ်သေးသော နယ်နိမိတ် တိုင်းတာသတ်မှတ်ရေး ကိစ္စရပ်များအား အရှိန်အဟုန်မြှင့် ဆောင်ရွက်ရေး၊ နယ်စပ်ဖြတ်ကျော် အကြမ်းဖက်မှုများအား နှိမ်နင်းရေးအတွက် ပူးပေါင်းဆောင်ရွက်ရေး၊ နှစ်နိုင်ငံအကြား လမ်းပန်းဆက်သွယ်ရေးနှင့် သယ်ယူပို့ဆောင်မှု ပူးပေါင်းဆောင်ရွက်ရေး၊ နှစ်နိုင်ငံအကြား နယ်စပ်ဂိတ်များ ဖွင့်လှစ်၍ နှစ်ဖက်ဒေသ ပြည်သူများ အပြန်အလှန် ကူးသန်းသွားလာနိုင်ရေး၊ ရခိုင်ပြည်နယ် ဖွံ့ဖြိုးတိုးတက်ရေးနှင့် ပတ်သက်၍ အိန္ဒိယနိုင်ငံမှ အကူအညီပေးရေး ကိစ္စရပ်များကို ဆွေးနွေးခဲ့ကြောင်း သတင်းထုတ်ပြန်မှုအရ သိရသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် အိန္ဒိယသမ္မတနိုင်ငံ သမ္မတ မစ္စတာရမ်နက်သ်ကိုဗင့်ဒ်က ဇန်န၀ါရီ ၂၅ ရက်၌ နယူးဒေလီမြို့ရှိ သမ္မတအိမ်တော် (Rashtrapati Bhavan) ၌  အာဆီယံအဖွဲ့ဝင် နိုင်ငံခေါင်းဆောင်များနှင့် အစိုးရအဖွဲ့ အကြီးအကဲများအား တည်ခင်းဧည့်ခံသည့် ဂုဏ်ပြုနေ့လယ်စာ စားပွဲသို့ တက်ရောက်ခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် အာဆီယံအဖွဲ့ဝင် နိုင်ငံများမှ နိုင်ငံခေါင်းဆောင်များ၊ အစိုးရအဖွဲ့ အကြီးအကဲများနှင့်အတူ နယူးဒေလီမြို့ရှိ သမ္မတအိမ်တော်၌ ကျင်းပသည့် အိန္ဒိယသမ္မတနိုင်ငံ ၀န်ကြီးချုပ်နှင့် အာဆီယံအဖွဲ့ဝင်နိုင်ငံ အကြီးအကဲများ၏ သီးသန့်အစည်းအဝေးသို့ တက်ရောက်ခဲ့သည်။

ယင်းအစည်းအဝေးတွင် ‘ရေကြောင်းဆိုင်ရာ ပူးပေါင်းဆောင်ရွက်ရေးနှင့် လုံခြုံရေး ဘာသာရပ်’ ခေါင်းစဉ်နှင့် စပ်လျဉ်း၍ အိန္ဒိယနှင့် အာဆီယံနိုင်ငံများအကြား ပူးပေါင်းဆောင်ရွက်မှု တိုးမြှင့်ရေးနှင့် ပတ်သက်၍ အမြင်ချင်း ဖလှယ်ကြရာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အာဆီယံ- အိန္ဒိယ ရေကြောင်း ပူးပေါင်းဆောင်ရွက်ရေးနှင့် ပတ်သက်ပြီး မြန်မာနိုင်ငံ၏ သဘောထားအမြင်နှင့် မြန်မာနိုင်ငံတွင် ရေကြောင်းကဏ္ဍ ပူးပေါင်းဆောင်ရွက်မှုနှင့် မြန်မာနိုင်ငံမှ ကြိုးပမ်းဆောင်ရွက်နေမှုများကို ဆွေးနွေးခဲ့ကြောင်း သိရသည်။

ယင်းနောက် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဇန်န၀ါရီ ၂၅ ရက် ဒေသစံတော်ချိန် ညနေ ၆ နာရီတွင် နယူးဒေလီမြို့ရှိ Hotel Taj Palace Shahjehen Hall ၌ကျင်းပသည့် အာဆီယံ-အိန္ဒိယ ဆွေးနွေးဖက် ဆက်ဆံရေး (၂၅)နှစ်မြောက် အထိမ်းအမှတ် ထိပ်သီးအစည်းအဝေး၏ မျက်နှာစုံညီ အစည်းအဝေးသို့ တက်ရောက်ခဲ့သည်။

အဆိုပါ အစည်းအဝေးတွင် အိန္ဒိယနိုင်ငံ ၀န်ကြီးချုပ်နှင့် တက်ရောက်လာကြသည့် အာဆီယံအဖွဲ့ဝင်နိုင်ငံများမှ နိုင်ငံခေါင်းဆောင်များ၊ အစိုးရအဖွဲ့ အကြီးအကဲများက မိန့်ခွန်းအသီးသီး ပြောကြားခဲ့ကြပြီး “India-Asean Shared Values, Common Destiny” ခေါင်းစဉ်ဖြင့် ဒေသတွင်းနှင့် နိုင်ငံတကာရေးရာ ကိစ္စရပ်များ၊ အနာဂတ် အာဆီယံ-အိန္ဒိယ ဆက်ဆံရေး ကိစ္စရပ်များနှင့် ပတ်သက်၍ ဆွေးနွေးခဲ့ကြောင်း နိုင်ငံခြားရေး ၀န်ကြီးဌာနက သတင်းထုတ်ပြန်ထားသည်။

ထို့အတူ အိန္ဒိယနိုင်ငံ ခရီးစဉ်အတွင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဗီယက်နမ် ၀န်ကြီးချုပ် မစ္စတာငုယင်တန်ဇွန်းနှင့် နယူးဒေလီမြို့ရှိ သမ္မတအိမ်တော်တွင် ဇန်န၀ါရီ ၂၅ ရက်က တွေ့ဆုံခဲ့ပြီး နှစ်နိုင်ငံ ဆက်ဆံရေးနှင့် ပူးပေါင်းဆောင်ရွက်မှု တိုးမြှင့်ရေး ကိစ္စရပ်များကို အပြန်အလှန် ဆွေးနွေးခဲ့သည်။

အစိုးရအဖွဲ့များ၊ လွှတ်တော်ကိုယ်စားလှယ်များသည် တစ်နိုင်ငံလုံးရှိ ပြည်သူနှင့်အတူ တွေ့ဆုံညှိနှိုင်း ဆောင်ရွက်ခြင်း မရှိသည့်အတွက် နိုင်ငံတော်၏ အတိုင်ပင်ခံပုဂ္ဂိုလ်သိစေရန် နေပြည်တော်တွင် တစ်ကိုယ်တော် ဆန္ဒထုတ်ဖော်

နိုင်ငံတော်၏ အတိုင်ပင်ခံပုဂ္ဂိုလ် သွားရောက်သည့် လမ်းကြောင်းနံဘေးတွင် ကားရပ်၍ ဆန္ဒထုတ်ဖော် နေသည်ကို တာဝန်ရှိသူတို့ စစ်ဆေးနေစဉ်

အစိုးရအဖွဲ့များ၊ လွှတ်တော်ကိုယ်စားလှယ်များသည် တစ်နိုင်ငံလုံးရှိ ပြည်သူနှင့်အတူ တွေ့ဆုံညှိနှိုင်း ဆောင်ရွက်ခြင်း မရှိသည့်အတွက် နိုင်ငံတော်၏ အတိုင်ပင်ခံပုဂ္ဂိုလ် သိစေရန် ဇန်န၀ါရီ ၂၃ ရက် နံနက်က ဆန္ဒထုတ်ဖော်ခဲ့ကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ်သိစေရန် ခေါင်းစဉ်ဖြင့် “အစိုးရအဖွဲ့များ၊ လွှတ်တော်ကိုယ်စားလှယ်များ (တစ်နိုင်ငံလုံး) ပြည်သူနှင့်အတူ တွေ့ဆုံညှိနှိုင်း ဆောင်ရွက်ခြင်း လုံးဝမရှိပါ” စာတမ်းပါ ဗီနိုင်းအား ကားတွင်ကပ်ကာ ဒေါ်အောင်ဆန်းစုကြည် ဖြတ်သန်းသွားမည့် လမ်းကြောင်းနံဘေးတွင် ကားရပ်၍ လွှတ်တော်ပြင်ပ အစိုးရ အထောက်အကူပြု လူမှုနိုင်ငံရေး အင်အားစုမှ ဦးကျော်ကျော်ဟိန်းက တစ်ဦးတည်း ဆန္ဒထုတ်ဖော်ခဲ့သည်။

“အဲဒီလိုမလုပ်ရင်လည်း အတိုင်ပင်ခံက ဘယ်လိုမှ သိမှာမဟုတ်တဲ့အတွက် ဖြစ်ချင်တာဖြစ်ဆိုပြီး လုပ်လိုက်ပါတယ်။ ပြီးခဲ့တဲ့အစိုးရ လက်ထက်ကလည်း ပြည်သူတွေ ဒီလိုပဲကူညီပေးရန် စာတွေရောက်တယ်။ အခုအစိုးရ လက်ထက်လည်း မပြတ်ဘူး ရောက်နေတယ်။ ရောက်နေတဲ့စာတွေ အားလုံးကို သက်ဆိုင်ရာ ကိုယ်စားလှယ်တွေ၊ အစိုးရအဖွဲ့တွေဆီကို အရင်အစိုးရ လက်ထက်ကဆိုလည်း သွားပို့တယ်။ ဆွေးနွေးတယ်။ တိုင်ပင်တယ်။ ပြန်လည်ဖြေရှင်းပေးဖို့အတွက် လုပ်ခဲ့တယ်။ လုပ်ပေးခဲ့သမျှ ကိစ္စအားလုံး မပြီးခဲ့တာ မရှိခဲ့ဘူး။ မလုပ်ပေးနိုင်တဲ့ဟာဆိုလည်း ဥပဒေ လုပ်ထုံးလုပ်နည်းနဲ့ မညီလို့ မလုပ်ရပါဘူးဆိုတဲ့ဟာကို ပြန်လိုက်ရင် လူတွေကျေနပ်တယ်။ အခုဟာက အဲဒီနေရာကို မရောက်ဘူး။ ဘယ်သူက ဘာတာဝန်ယူထားမှန်းကို ကိုယ်တွေတောင် ဒီမှာအနီးကပ်နေပြီးတော့ ဇဝေဇ၀ါ ဖြစ်နေတဲ့ အခါကျတော့ ပြည်သူတွေကတော့ ဝေးပေါ့” ဟု ဦးကျော်ကျော်ဟိန်းက ပြောကြားသည်။

ယင်းကဲ့သို့ နိုင်ငံတော်၏ အတိုင်ပင်ခံပုဂ္ဂိုလ် သွားရောက်သည့် လမ်းကြောင်းနံဘေးတွင် ကားရပ်ကာ ဆန္ဒထုတ်ဖော်ခဲ့သည့်အတွက် နေပြည်တော်တိုင်းရဲတပ်ဖွဲ့က ရာဇသင်္ဂဟလမ်းပေါ်ရှိ တုံဂပူရီဟိုတယ်အနီးသို့ သွားရောက် ဖမ်းဆီးခဲ့ကြောင်း သိရသည်။

နေပြည်တော် တိုင်းရဲတပ်ဖွဲ့မှူး ရဲမှူးကြီး ထက်လွင်က “ဥပဒေအရ ချိုးဖောက်တယ် ဆိုရင်တော့ ဥပဒေအတိုင်း အရေးယူမှာပေါ့။ (အတိုင်ပင်ခံလာတဲ့ လမ်းကြောင်း) လမ်းမှာတော့ ကျွန်တော် သိသလောက်ကတော့ လမ်းမှာတော့ မဆုံကြဘူး။ လောလောဆယ်တော့ စိစစ်တုန်းပါပဲ” ဟု ပြောကြားသည်။

“အဲဒါကြောင့် အန်တီခရီးစဉ်သွားတဲ့ လမ်းကြောင်းမှာ မြင်အောင်ရပ်ပြပေမယ့် ဥပဒေအရတော့ ရှိမှာပေါ့။ ဥပဒေအရ လုပ်သင့်လုပ်ထိုက်တာ လုပ်ပါစေတော့” ဟု ဦး ကျော်ကျော်ဟိန်းက ဆက်လက်ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် သိစေရန် ဆန္ဒထုတ်ဖော်ခဲ့သည့် ဦးကျော်ကျော်ဟိန်းအား ငြိမ်း၊ စု၊ စီ ဥပဒေပုဒ်မ ၁၉၊ မော်တော်ယာဉ်အက် ဥပဒေပုဒ် ၅၈ (က) တို့ဖြင့် ဇဗ္ဗူသီရိမြို့နယ် အမှတ် (၁) မြို့မရဲစခန်းတွင် အမှုဖွင့်ထားကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တရုတ်နိုင်ငံခြားရေးဝန်ကြီးဌာန အာရှရေးရာအထူးကိုယ်စားလှယ် ဆွန်းကော့ရှန်တို့ နေပြည်တော်၌ တွေ့ဆုံ

Photo : MOFA Myanmar

နိုင်ငံတော်၏ အတိုင်ပင်ခံပုဂ္ဂိုလ် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်သည် တရုတ်ပြည်သူ့သမ္မတနိုင်ငံ နိုင်ငံခြားရေးဝန်ကြီးဌာန အာရှရေးရာအထူးကိုယ်စားလှယ် မစ္စတာဆွန်းကော့ရှန်အား ဒီဇင်ဘာ ၁၉ ရက် နံနက် ၁၀ နာရီတွင် နေပြည်တော်ရှိ နိုင်ငံခြားရေးဝန်ကြီးဌာန ဧည့်ခန်းမ၌ လက်ခံတွေ့ဆုံခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်သည်။

ထိုသို့တွေ့ဆုံစဉ် မြန်မာနိုင်ငံငြိမ်းချမ်းရေးနှင့် အမျိုးသားပြန်လည်သင့်မြတ်ရေး လုပ်ငန်းစဉ်အတွက် ၎င်း၏ခရီးစဉ်အတွင်း အမေရိကန်ဒေါ်လာ တစ်သန်းပေးအပ်ခဲ့သည့်ကိစ္စ၊ ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ တတိယအကြိမ်အစည်းအဝေး၊ ရခိုင်ပြည်နယ်အရေးကိစ္စရပ်များနှင့် ပတ်သက်ပြီး ဆွေးနွေးခဲ့ကြကြောင်း သတင်းထုတ်ပြန်ချက်အရ သိရသည်။

အဆိုပါတွေ့ဆုံမှု၌ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်၊ နိုင်ငံရေးရာဦးစီးဌာန ညွှန်ကြားရေးမှူးချုပ် ဦးစိုးဟန်နှင့် တာဝန်ရှိသူများ တက်ရောက်ခဲ့ကြကြောင်း သိရသည်။

တရုတ်နိုင်ငံသည် မြန်မာနိုင်ငံ ငြိမ်းချမ်းရေးလုပ်ငန်းစဉ်များတွင် ပါဝင်ဆောင်ရွက်ရေးအပါအ၀င် မြန်မာအစိုးရနှင့် မြောက်ပိုင်းတိုင်းရင်းသားလက်နက်ကိုင် အဖွဲ့များအကြား ညှိနှိုင်းဆွေးနွေးမှုများအတွက် ကြားဝင်ဆောင်ရွက်ရန် တရုတ်နိုင်ငံခြားရေးဝန်ကြီးဌာန အာရှရေးရာအထူးကိုယ်စားလှယ် မစ္စတာဆွန်းကော့ရှန်အား တာဝန်ပေးထားသည်။

လတ်တလောတွင် တရုတ်နိုင်ငံ ယူနန်ပြည်နယ် ကူမင်းမြို့တွင် ဒီဇင်ဘာ ၁၅ ရက်က မစ္စတာဆွန်းကော့ရှန်၏ ကြားဝင်ဆောင်ရွက်မှုဖြင့် ငြိမ်းချမ်းရေးကော်မရှင်မှတာဝန်ရှိသူ အချို့နှင့် ကချင်လက်နက်ကိုင်အဖွဲ့ (KIO/KIA)၊ “၀” သွေးစည်းညီညွတ်ရေးပါတီ (UWSP/UWSA) တို့ သီးခြားစီတွေ့ဆုံ ဆွေးနွေးမှုများပြုလုပ်ထားကြောင်း သတင်းဖော်ပြချက်များအရ သိရသည်။

မစ္စတာဆွန်းကော့ရှန်သည် မြန်မာနိုင်ငံသို့ မကြာခဏလာရောက်လေ့ရှိပြီး တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်လည်း တွေ့ဆုံလေ့ရှိသည်။

တရုတ်နိုင်ငံက မြန်မာနိုင်ငံ၏ ငြိမ်းချမ်းရေးလုပ်ငန်းစဉ်အတွက် အမေရိကန်ဒေါ်လာ သုံးသန်း လှူဒါန်းမည်ဖြစ်ကြောင်း ကတိပြုထားသည်။

ငြိမ်းချမ်းရေးလုပ်ငန်းစဉ်များ ဖွံ့ဖြိုးတိုးတက်စေရန်အတွက် တရုတ်ပြည်သူ့သမ္မတနိုင်ငံက အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနသို့ အမေရိကန်ဒေါ်လာ ငါးသိန်းအလှူငွေပေးအပ်ပွဲကို ဒီဇင်ဘာ ၁၇ ရက်က နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန၌ကျင်းပခဲ့ပြီး မစ္စတာဆွန်းကော့ရှန် ကိုယ်တိုင်တက်ရောက်ကာ အလှူငွေပေးအပ်ခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ်သည် တရုတ်နိုင်ငံသို့ ဒီဇင်ဘာလဆန်းပိုင်းက သွားရောက်ထားသည်။

အဆိုပါခရီးစဉ်အတွင်း နိုင်ငံတော်၏ အတိုင်ပင်ခံပုဂ္ဂိုလ်သည် တရုတ်သမ္မတ ရှီကျင်ပင်းနှင့်တွေ့ဆုံခြင်း၊ တရုတ်ကွန်မြူနစ်ပါတီနှင့် ပြည်ပနိုင်ငံရေးပါတီများ၏ အဆင့်မြင့်ခေါင်းဆောင်များဆွေးနွေးပွဲတွင် တရုတ်အစိုးရ၏ အထူးဧည့်သည်တော်အဖြစ် တက်ရောက်မိန့်ခွန်းပြောကြားခြင်းတို့ ပြုလုပ်ခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် တရုတ်နိုင်ငံသို့မသွားရောက်မီ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် တရုတ်ပြည်သူ့သမ္မတနိုင်ငံ ဗဟိုစစ်ကော်မရှင်အဖွဲ့ဝင်နှင့် ပူးတွဲစစ်ဦးစီးဌာန စစ်ဦးစီးချုပ် Gen.Li.Zuocheng ၏ ဖိတ်ကြားချက်အရ နိုဝင်ဘာ ၂၁ ရက်မှ ၂၆ ရက်ထိ တရုတ်နိုင်ငံသို့ သွားရောက်ခဲ့သည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အား တရုတ်နိုင်ငံခရီးစဉ်အတွင်း တရုတ်ပြည်သူ့လွတ်မြောက်ရေး တပ်မတော်တာဝန်ရှိသူများအပြင် တရုတ်နိုင်ငံသမ္မတ ရှီကျင်ပင်းကိုယ်တိုင် လက်ခံတွေ့ဆုံခဲ့သည်။

ဒေါ်အောင်ဆန်းစုကြည် တောင်ပြိုနယ်စပ်သို့ သွားရောက်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် နိုဝင်ဘာ ၂ ရက်နေ့ နေ့လည် ၁၂ နာရီ ၁၀ ​မိနစ်အချိန်တွင် တောင်​ပြို​နယ်စပ်သို့ ရောက်ရှိခဲ့ကြောင်း သိရသည်။

ဒေါ်အောင်ဆန်းစုကြည်သည် မြန်မာ-ဘင်္ဂလားဒေ့ရ်ှနယ်စပ် ချစ်ကြည်ရေးတံတား အနီးရှိ တစ်ဖက်နိုင်ငံသို့ ရောက်ရှိနေသည့် ဘင်္ဂါလီများ ပြန်လည်လက်ခံရေးစခန်း ဆောက်လုပ်မည့်နေရာနှင့် နှစ်နိုင်ငံ ချစ်ကြည်ရေးတံတားသို့ သွားရောက်ကြည့်ရှုခဲ့ပြီး မွန်းလွဲ ၁၂ နာရီ ၅၀ အချိန်တွင် ပြန်လည် ထွက်ခွာခဲ့ကြောင်း သိရသည်။

နိုင်ငံတော်အတိုင်ပင်ခံပုဂ္ဂိုလ်သည် ရခိုင်ပြည်နယ် စစ်တွေမြို့သို့ ယနေ့နံနက်ပိုင်းတွင် ရောက်ရှိလာပြီးနောက် လေဆိပ်တွင် လူငယ် ၁၁ ဦးနှင့်တွေ့ဆုံပြီး ရခိုင်ပြည်နယ် အရေးကိစ္စများအား ဆွေးနွေးခဲ့ကြောင်းသိရသည်။

ထို့နောက် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မောင်တောဒေသသို့ နိုဝင်ဘာ ၂ ရက် နံနက် ၉ နာရီ ၅၀ မိနစ်က ရောက်ရှိခဲ့ပြီး မောင်တောမြို့နယ် ပန်းတောပြင် ဘင်္ဂါလီကျေးရွာသို့ ဦးစွာသွားရောက်ခဲ့ပြီး ကျေးရွာသားများနှင့် တွေဆုံကာ အေးအေးချမ်းချမ်း နေထိုင်ရန်ပြောကြားခဲ့ပြီးနောက် ပြန်လည် နေရာချထားမည့် နေရာကို ကြည့်ရှုခဲ့ပြီး ထိုမှတဆင့် မောင်တော အမှတ် (၁) ဝင်ထွက်စခန်း (POE) သို့ သွားရောက် ကြည့်ရှုခဲ့ကြောင်း သိရသည်။

ယခု ခရီးစဉ်အတွင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်အတူ နိုင်ငံတော်အတိုင်ပင်ခံရုံး ၀န်ကြီးဌာန ပြည်ထောင်စုဝန်ကြီး ဦးကျော်တင့်ဆွေ၊ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးကျော်ဆွေ၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်၊ အလုပ်သမား/ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေ၊ လူမှုဝန်ထမ်း/ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၊ သမ္မတရုံးဝန်ကြီးဌာန ဒုတိယဝန်ကြီး ဦးမင်းသူ၊ ပြည်ထောင်စုအစိုးရအဖွဲ့ရုံး အမြဲတမ်းအတွင်းဝန် ဦးဇော်သန်းသင်း၊ မြန်မာနိုင်ငံရဲတပ်ဖွဲ့ ရဲချုပ်အောင်ဝင်းဦးနှင့် ရခိုင်ပြည်နယ် ၀န်ကြီးချုပ် ဦးညီပုတို့လိုက်ပါလာကြောင်း သိရသည်။