ဒေါ်လာဈေး အခြေအနေနှင့် ပတ်သက်၍ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် စီးပွားရေးနယ်ပယ်မှ ပုဂ္ဂိုလ်များ ယခုလအတွင်း တွေ့ဆုံရန် စီစဉ်

ဒေါ်လာဈေး အခြေအနေနှင့် ပတ်သက်၍ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် စီးပွားရေးနယ်ပယ်မှ ပုဂ္ဂိုလ်များ ယခုလအတွင်း တွေ့ဆုံရန် စီစဉ်နေကြောင်း သိရသည်။

သြဂုတ် ၁၆ ရက်က နေပြည်တော်ရှိ သင်္ဂဟဟိုတယ်တွင် ပြုလုပ်သည့် ရခိုင်ပြည်နယ်ဆိုင်ရာ လွတ်လပ်သော စုံစမ်းစစ်ဆေးရေးကော်မရှင်၏ သတင်းစာရှင်းလင်းပွဲ အပြီးတွင် နိုင်ငံတော်သမ္မတရုံး ပြောရေးဆိုခွင့်ရှိသူ ဦးဇော်ဌေးက ယင်းကဲ့သို့ ပြောကြားခဲ့ခြင်း ဖြစ်သည်။

“ကျွန်တော်တို့ အဲဒါကို အတိုင်ပင်ခံပုဂ္ဂိုလ်ရယ်၊ ဗဟိုဘဏ်ဥက္ကဋ္ဌနဲ့ တာဝန်ရှိတဲ့ သူတွေ။ နောက် စီးပွားရေးဝန်ကြီးဌာနက လူတွေနဲ့ အမြဲမပြတ် ဆွေးနွေးနေပါတယ်။ နောက် ဒီလာမယ့် ဒီလနှောင်းပိုင်းမှာလည်း ကျွန်တော်တို့ စီးပွားရေးနယ်ပယ်မှာရှိတဲ့ ပုဂ္ဂိုလ်တွေ အကုန်လုံးနဲ့ အတိုင်ပင်ခံပုဂ္ဂိုလ်တွေ့ဖို့ ရှိပါတယ်။ အဲဒါလည်း ကျွန်တော်တို့ စီစဉ်နေတယ်။ ဆိုလိုတာက အစိုးရပိုင်းက ပေါ်လစီတွေကို ထိန်းညှိတဲ့အပိုင်း၊ လုပ်ငန်းရှင်တွေအပိုင်းက စီးပွားရေးနဲ့ ပတ်သက်လို့ လူးသာ လွန့်သာပေါ့၊ ဖြစ်အောင် လုပ်ရမယ့်အပိုင်း။ တစ်ချိန်တည်းမှာပဲ ကျွန်တော်တို့ဆီလည်း စီးပွားရေးနဲ့ ပတ်သက်တဲ့ ပညာရှင်တွေ၊ လုပ်ငန်းရှင်တွေကနေ အကြံဉာဏ်တွေ၊ ပေးပို့ချက်တွေလည်း ရနေပါတယ်။ ဒါကိုတော့ ပြောရရင်တော့ အတိုင်ပင်ခံပုဂ္ဂိုလ်ရော၊ ကျွန်တော်တို့ သမ္မတကြီးရော နောက် စီးပွားရေးဆိုင်ရာ တာဝန်ရှိတဲ့သူတွေရော အကောင်းဆုံးတော့ ညှိနှိုင်းပူးပေါင်းပြီးတော့ ဆောင်ရွက်နေပါတယ်”ဟု ဦးဇော်ဌေးက ပြောကြားသည်။

ဆက်လက်၍ “အဓိက,က ကျွန်တော်တို့ နိုင်ငံရဲ့ Foreign Result က နိုင်ငံခြား အရန်ငွေပမာဏက ဘယ်လောက်ထိန်းမလဲပေါ့။ ဒီ Local မှာရှိနေတဲ့ Supply , Demand ။ ဒီ ဈေးကွက်ကြီးကို ထိန်းချုပ်နိုင်လောက်အောင် ကျွန်တော်တို့က ဘယ်လောက်အထိ ထိန်းနိုင်မလဲ။ တစ်နေ့ကို ဥပမာ ဒေါ်လာတစ်သန်း ထည့်မယ်ဆိုရင် ၀ယ်တဲ့သူကိုလည်း ကျွန်တော်တို့ သတ်မှတ်တဲ့ဈေးနဲ့ ရောင်းပေးရမယ်။ ရောင်းတဲ့သူကိုလည်း ကျွန်တော်တို့က ၀ယ်ပေးနိုင်ရမယ်။ ဗဟိုဘဏ်က ဒီအနေအထားမှာ ကျွန်တော်တို့ ခုကတော့ ဗဟိုဘဏ်က သူ့ဘာသူ ချိန်ညှိပြီးတော့ လုပ်တာတွေ ဒီ Float လုပ်ထားတာကို ဖြုတ်လိုက်တယ်ပေါ့နော်။ ဖြုတ်လိုက်တယ်။ ဒီ Free Float ပုံစံမျိုး ထားထားတယ်။ အရင်တုန်းက Manage Float ပေါ့နော်။ အဲဒီပုံစံမျိုးကနေပြီးတော့ အထူးသဖြင့် လူတွေက ဒီထက်ပိုပြီး ဈေးတက်လာမှာ စိုးရိမ်တဲ့အတွက် ကြိုပြီးတော့ ၀ယ်ကြတာတွေ ရှိတယ်။ အဲဒါတွေလည်း လန့်ပြီးတော့ စိုးရိမ်ပြီးတော့ ငွေတွေပိုပြီးတော့ စုထားတယ်။ အစိမ်းတွေ ၀ယ်ပြီးတော့ စုဆောင်းတဲ့အခါမှာ ဈေးကွက်ထဲမှာ ၀ယ်လိုအားက ပိုများသွားတယ်။ ဒါပေမဲ့ ဒီနေ့ပဲ ကြည့်လိုက်ရင် နည်းနည်းလေး ပြန်ကျလာတယ်။ မနက်ပိုင်းမှာ ၁၅၆၀ လောက်အထိ ဖြစ်သွားပြီး အခု ၂၀ ကျော်လောက် ပြန်ကျသွားတယ်လို့ သိရတယ်”ဟု ၎င်းက ဆိုသည်။

ပြည်တွင်းမှာ ဖြစ်ပေါ်နေသည့် နိုင်ငံခြားငွေလဲလှယ်နှုန်း နိမ့်ကျသွားရန်နှင့် မြင့်မားသွားရန် မလိုအပ်ဘဲ တန်ဖိုးတစ်ခုတွင် တည်ငြိမ်နေရန် လိုအပ်ကြောင်းလည်း ဦးဇော်ဌေးက ပြောကြားသည်။

ဦးဇော်ဌေးက “အခုက ကျွန်တော်တို့က အရမ်းအပြောင်းအလဲက မြန်နေတော့ ဒီအနေအထားလေးကိုတော့ ဒီရက်ပိုင်းမှာတော့ မကြာခင်မှာတော့ ငြိမ်သွားမယ်လို့ ကျွန်တော်တို့က မျှော်လင့်တယ်” ဟု ပြောကြားသည်။

နိုင်ငံတော်၏​ အတိုင်ပင်ခံပုဂ္ဂိုလ်၊ ပြည်ထောင်စုအစိုးရ၊ တိုင်းအစိုးရအဖွဲ့ကို အင်တာနက်ပေါ်တွင် အကြည်ညိုပျက်အောင် ရေးသားသူများအား တရားစွဲဆိုရန် မကွေးတိုင်း NLD ပါတီဥက္ကဋ္ဌက ပါတီတွင်း ညွှန်ကြားစာထုတ်

နိုင်ငံတော်၏ အတိုင်ပင်ခံပုဂ္ဂိုလ် ပြည်ထောင်စုအစိုးရ၊ တိုင်းအစိုးရ၏အဖွဲ့ကို အင်တာနက် စာမျက်နှာပေါ်တွင် အကြည်ညိုပျက်အောင် ရေးသားသူများအား တရားစွဲဆိုရန် မကွေးတိုင်းဒေသကြီး အမျိုးသားဒီမိုကရေစီအဖွဲ့ချုပ် (NLD) ပါတီ တိုင်းအလုပ်အမှုဆောင် ဥက္ကဋ္ဌက လက်မှတ်ရေးထိုး၍ သြဂုတ် ၁၃ ရက် နေ့စွဲဖြင့် ပါတီတွင်း ညွှန်ကြားစာ ထုတ်ပြန်ခဲ့ကြောင်း သိရသည်။

အဆိုပါ ညွှန်ကြားစာတွင် တရားစွဲဆိုရာ၌ မြို့နယ် အလုပ်အမှုဆောင်အဖွဲ့၏ ဆုံးဖြတ်ချက်ဖြင့် တိုင်းအလုပ်အမှုဆောင်အဖွဲ့၏ တာဝန်ပေးချက်အရ အလုပ်အမှုဆောင် အဖွဲ့ဝင်တစ်ဦးက တရားစွဲဆိုရန် ဖြစ်ကြောင်းနှင့် ဥပဒေပညာရှင်များနှင့် ညှိနှိုင်း၍ တရားစွဲရန်ဖြစ်ကြောင်း ရေးသားထားသည်။

ညွှန်ကြားစာ ထုတ်ပြန်မှုနှင့် ပတ်သက်၍ ဝေဖန်မှုများရှိနေပြီး မကွေးတိုင်းဒေသကြီး NLD ပါတီ တိုင်းအလုပ်အမှုဆောင်အဖွဲ့ဝင်များကို ဆက်သွယ်မေးမြန်းရာတွင် အဆိုပါစာ ထုတ်ပြန်မှုနှင့်ပတ်သက်၍ အများစုက မသိရှိကြောင်း ပြောကြားသည်။

“စာကိုတော့ ကျွန်တော်လည်း တွေ့တယ်။ စာထုတ်တာလည်း မသိဘူး။ တစ်ဆင့်ဖတ်ရတာပေါ့။ စာထဲမှာတော့ တိုင်းအလုပ်အမှုဆောင်အဖွဲ့ အစည်းအဝေးဆုံးဖြတ်ချက် ဆိုတဲ့ဟာ မပါဘူးခင်ဗျ။ အခုရက်ပိုင်း လမ်းကြောင်းတွေ ရှိနေတော့ မကွေးကိုလည်း မရောက်ဖြစ်ဘူးပေါ့။ စာထုတ်တာလည်း မသိပါဘူး။ ကျွန်တော် ထင်တာကတော့ တိုင်းအလုပ်အမှုဆောင်အဖွဲ့ရဲ့ အစည်းအဝေး ဆုံးဖြတ်ချက်ဆိုတဲ့ စာလည်း မပါတော့ ဒီစာက တစ်ဦးတစ်ယောက်ရဲ့ ဆုံးဖြတ်ချက်နဲ့ ထုတ်ထားတဲ့စာလို့ပဲ ထင်မိပါတယ်။ ဒါနဲ့ ပတ်သက်ပြီး သတင်းထုတ်ပြန်မယ်ဆိုရင်တောင် ဗဟိုအလုပ်အမှုဆောင်အဖွဲ့ကနေပဲ ထုတ်ပြန်သင့်တယ်လို့ ထင်တာပဲ။ ဒါနဲ့ ပတ်သက်ပြီးတော့ ဗဟိုအလုပ်အမှုဆောင် အဖွဲ့ကလည်း တိုင်းကို စာထုတ် ညွှန်ကြားထားတာမျိုး ဘာမျိုးလည်း မတွေ့ဖူးပါဘူး” ဟု မကွေးတိုင်းဒေသကြီး NLD ပါတီ ဒုတိယဥက္ကဋ္ဌ ဦးကျော်ကျော်နိုင်က The Daily Eleven သတင်းစာသို့ ပြောကြားသည်။

ယင်းညွှန်ကြားစာတွင် လက်မှတ်ရေးထိုးထားသည့် မကွေးတိုင်းဒေသကြီး NLD ပါတီ အလုပ်အမှုဆောင်ဥက္ကဋ္ဌ ဦးသိန်းဇော် က “အကြမ်းပြောရရင် ပါတီအတွင်း ညွှန်ကြားစာပါ။ အဲဒါကို အွန်လိုင်းပေါ် တက်သွားတာပါ။ တိုင်းအလုပ်အမှုဆောင်က ထုတ်တာပါ။ ဒါကို အွန်လိုင်းတင်လို့လည်း မရပါဘူး” ဟု ပြောကြားသည်။

ထိုကဲ့သို့ ညွှန်ကြားစာထုတ်ပြန်ရန် ပါတီဗဟိုအနေဖြင့် ညွှန်ကြားထားခြင်း မရှိကြောင်း NLD ပါတီ ဗဟိုပြောရေးဆိုခွင့်ရှိသူ ဒေါက်တာမျိုးညွန့်က ပြောကြားသည်။

“လုံးဝမရှိပါဘူး။ လုံးဝမရှိပါဘူး။ ဒီလို ညွှန်ကြားထားတာ။ နောက်ပြီး ဒီညွှန်ကြားစာဆိုတဲ့ စာကိုယ်၌ကိုယ်ကလည်း အစစ်အမှန် ဟုတ်၊ မဟုတ် ကျွန်တော်တို့ မသိသေးပါဘူး။ ဒီဟာတွေဟာ ညွန်ကြားစရာလည်း မလိုပါဘူး”ဟု ဒေါက်တာမျိုးညွန့်က ပြောကြားသည်။

ထို့ပြင် မည်သည့်ရည်ရွယ်ချက်ဖြင့် ညွှန်ကြားစာ ထုတ်ပြန်သည်ကို မသိရှိကြောင်း၊ ညွှန်ကြားစာသည် အတု-အစစ် ဖြစ်သည်ကိုလည်း သတင်းမရောက်သဖြင့် မသိနိုင်သေးကြောင်း၊ အဆိုပါ ညွှန်ကြားစာကိုလည်း မတွေ့သေးကြောင်း၊ ညွှန်ကြားစာ ထုတ်ပြန်ပါက ပါတီဗဟိုသို့ မိတ္တူပေးသင့်ကြောင်း ၎င်းက ဆက်လက်ပြောကြားသည်။

ဆန်ဈေးကြီးမှုနှင့် ပတ်သက်၍ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ညစ်ညမ်းစွာ ဆဲဆိုသူအား အာမခံမရဘဲ အမြင့်ဆုံးထောင်ဒဏ် သုံးနှစ်အထိ ချမှတ်နိုင်သည့် လူပုဂ္ဂိုလ်ဆိုင်ရာ လွတ်လပ်မှု/လုံခြုံမှုကာကွယ်ရေး ဥပဒေပုဒ်မ ၁၀ ဖြင့် အမှုဖွင့်ဖမ်းဆီး

ဆန်ဈေးကြီးမှုနှင့် ပတ်သက်၍ နိုင်ငံတော်၏ အတုိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ညစ်ညမ်းစွာ ဆဲဆိုသူအား လူပုဂ္ဂိုလ်ဆိုင်ရာ လွတ်လပ်မှု/လုံခြုံမှုကာကွယ်ရေးဥပဒေပုဒ်မ ၁၀ ဖြင့် ကျောက်တန်းမြို့နယ်၊ တံတားနယ်မြေရဲစခန်းတွင် သြဂုတ် ၁၄ ရက်က အမှုဖွင့် အရေးယူထားကြောင်း သိရသည်။

အဆိုပါ အမှုဖြစ်စဉ်မှာ သြဂုတ် ၁၂ ရက် နံနက် ၈ နာရီခန့်တွင် ကျောက်တန်းမြို့နယ်၊ တမံကြီးကုန်းကျေးရွာ နေထိုင်သူ တရားလို ဦး……(၆၃) နှစ်သည် ၄င်းနေအိမ်မှ ရွာ၏ တောင်ဘက်ရှိ အုန်းတောကွင်းသို့ ၀က်စာသွားယူစဉ် တစ်ရွာတည်းနေ စန်းဦး (၃၀) နှစ်၏ နေအိမ်ဘေး လမ်းပေါ်အရောက်တွင် စန်းဦးမှ ဆန်ဈေးကြီးမှုနှင့် ပတ်သက်၍ ဒေါ်အောင်ဆန်းစုကြည်အား ညစ်ညမ်းစွာ ဆဲဆိုနေကြောင်း ရဲတပ်ဖွဲ့သို့ တိုင်ကြားစာအရ သိရသည်။

ထို့သို့ ဆဲဆိုနေခြင်းအား ဦး….. (၆၃)နှစ်က တားမြစ်သော်လည်း မရသဖြင့် နိုင်ငံတော်၏အတိုင်ပင်ခံပုဂ္ဂိုလ်အား ညစ်ညမ်းဆဲဆိုပြီး တရားလိုဖြစ်သူကိုလည်း မချေမငံပြောဆိုသူ စန်းဦး (၃၀) နှစ်အား အရေးယူပေးပါရန် သြဂုတ် ၁၄ ရက် ကျောက်တန်းမြို့နယ်၊ တံတားနယ်မြေရဲစခန်းသို့ တိုင်ကြားခဲ့ကြောင်း သိရသည်။

အဆိုပါဖြစ်စဉ်မှ ဆဲဆိုသူ စန်းဦး (၃၀) နှစ်အား ကျောက်တန်းမြို့နယ်၊ တံတားနယ်မြေရဲစခန်းမှ (ပ)၄၀/၂၀၁၈၊ လူပုဂ္ဂိုလ်ဆိုင်ရာ လွတ်လပ်မှု/လုံခြုံမှုကာကွယ်ရေး ဥပဒေပုဒ်မ ၁၀ဖြင့် အမှုဖွင့် အရေးယူခဲ့ကြောင်း သိရသည်။

နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်မှုနှင့် ပုဂ္ဂိုလ်ဆိုင်ရာ လုံခြုံမှုကို ကာကွယ်ပေးရေး ဥပဒေ အခန်း (၅) ပုဒ်မ ၁၀ တွင် ပုဒ်မ ၇ ပါ တားမြစ်ချက်ကိုသော် လည်းကောင်း၊ ပုဒ်မ ၈ ပါ တားမြစ်ချက် တစ်ရပ်ရပ်ကိုသော် လည်းကောင်း ဖောက်ဖျက် ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ထိုသူကို အနည်းဆုံး ခြောက်လမှ အများဆုံး သုံးနှစ်အထိ ထောင်ဒဏ်ချမှတ်ရမည့်အပြင် အနည်းဆုံး ကျပ်သုံးသိန်းမှ အများဆုံး ကျပ် ၁၅ သိန်းအထိ ငွေဒဏ် ချမှတ်နိုင်သည်ဟု ပြဋ္ဌာန်းထားသည်။

နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်မှုနှင့် ပုဂ္ဂိုလ်ဆိုင်ရာ လုံခြုံမှုကို ကာကွယ်ပေးရေး ဥပဒေ အခန်း (၄) ပုဒ်မ ၈ (စ)တွင် နိုင်ငံသားတစ်ဦး၏ ပုဂ္ဂိုလ်ဆိုင်ရာ၊ မိသားစုရေးရာကိစ္စများတွင် အဓမ္မ ၀င်ရောက် စွတ်ဖတ်ခြင်း သို့မဟုတ် လူတစ်ဦး၏ ဂုဏ်သိက္ခာနှင့် ထင်ပေါ်ကျော်ကြားမှုကို ပုတ်ခတ်ခြင်း သို့မဟုတ် ထိခိုက်စေရန် တစ်နည်းနည်းဖြင့် ဆောင်ရွက်ခြင်း မပြုရဟု ပြဋ္ဌာန်းထားသည်။

 

ဝန်ထမ်းများက အစိုးရအဖွဲ့များကို ပံ့ပိုးသည့်အခါတွင် စေတနာသန့်သန့်ဖြင့် ပံ့ပိုးပေးစေချင်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

ဝန်ထမ်းများက အစိုးရအဖွဲ့များကို ပံ့ပိုးသည့်အခါတွင် စေတနာသန့်သန့်ဖြင့် ပံ့ပိုးပေးစေချင်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဇူလှိုင် ၂၅ ရက်က နေပြည်တော်တွင် ပြုလုပ်သော နိုင်ငံတော်အတိုင်ပင်ခံရုံးဝန်ကြီးဌာန၏ နှစ်နှစ်ပြည့် နှစ်ပတ်လည်နေ့ အခမ်းအနားသို့ တက်ရောက်၍ သြ၀ါဒစကားပြောကြားရာတွင် ထည့်သွင်းပြောကြားခဲ့ကြောင်း နိုင်ငံတော်အတိုင်ပင်ခံရုံး၏ သတင်းထုတ်ပြန်ချက်အရ သိရသည်။

မိမိတို့အနေဖြင့် ၀န်ထမ်းများ၏ မိသားစုဘ၀ ပိုမိုစိုပြည်အောင် တတ်နိုင်သမျှ ကြိုးစားလုပ်ပေးမည်ဖြစ်ကြောင်း၊ ဥပမာ အဓိကထားသည့်ကိစ္စရပ်မှာ ၀န်ထမ်းအိမ်ရာဖြစ်ကြောင်း၊ ၀န်ထမ်းများသည် နိုင်ငံအတွက် လုပ်သက်တစ်သက်လုံး အင်အားများ စိုက်ထုတ်ပြီးသည့်အခါ အေးအေးဆေးဆေးဖြင့် အငြိမ်းစားယူစေချင်ကြောင်း၊ ထို့ကြောင့် ၀န်ထမ်းအိမ်ရာများကို ဦးစားပေးပြီး ရေတိုမဟုတ်ကြောင်း၊ ရေတိုဝန်ထမ်းကောင်းများ ရဖို့သာမက ရေရှည်နိုင်ငံပေါ်တွင် တာဝန်ကျေသွားသည့် ၀န်ထမ်းအနေဖြင့် စိတ်အေးလက်အေး နေသွားရန်ဖြစ်ကြောင်း နိုင်ငံတော်၏အတိုင်ပင်ခံပုဂ္ဂိုလ်က ပြောကြားသည်။

“အဲဒီလို နေနိုင်ဖို့ကိုလည်း ၀န်ထမ်းတွေအတွက် လုပ်ပေးချင်တဲ့ ကိစ္စတွေအားလုံး လုပ်ပေးဖို့ဆိုတာ နိုင်ငံဖွံ့ဖြိုးတိုးတက်ဖို့လိုတယ်။ ဘဏ္ဍာလည်း တောင့်ဖို့လိုတယ်။ ဘဏ္ဍာငွေတောင့်ဖို့ဆိုတာ အစိုးရကနေ ရုန်းကန်ရတယ်။ အစိုးရကနေ ပံ့ပိုးပေးရတယ်။ ၀န်ထမ်းတွေက အစိုးရအဖွဲ့တွေကို ပံ့ပိုးတဲ့အခါမှာ စေတနာသန့်သန့်နဲ့ ပံ့ပိုးပေးစေချင်တယ်။ ကိုယ့်ရဲ့ဌာနကို အသစ်ရောက်လာတဲ့ ၀န်ကြီးပဲဖြစ်ဖြစ်၊ အခြားဝန်ထမ်းပဲဖြစ်ဖြစ် အမြန်ဆုံး အရည်အချင်းပြည့်ဝအောင် အလုပ်တာဝန်ကို ပြည့်ပြည့်၀၀ ကျေကျေပွန်ပွန် ထမ်းဆောင်နိုင်အောင် ကူညီပံ့ပိုးပေးတယ် ဆိုတာဟာ အင်မတန်မှ ဂုဏ်သိက္ခာရှိတဲ့ အလုပ်ဖြစ်ပါတယ်။ ပူးပေါင်းဆောင်ရွက်နိုင်တဲ့ အရည်အချင်းဟာ အင်မတန်မှ အရေးကြီးပါတယ်” ဟု နိုင်ငံတော်၏အတိုင်ပင်ခံပုဂ္ဂိုလ်က ပြောကြားသည်။

ဝန်ကြီးဌာနများတွင် အသစ်ရောက်လာသည့် ၀န်ကြီးအား ပညာပြလိုသည့် ၀န်ထမ်းအချို့ရှိကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အထက်ပါ အခမ်းအနားတွင် ပြောကြားခဲ့ကြောင်း နိုင်ငံတော်အတိုင်ပင်ခံရုံး၏ ကနဦးသတင်း ထုတ်ပြန်ချက်တွင်ပါရှိခဲ့ပြီး သတင်းမီဒီယာအချို့၏ အွန်လိုင်းစာမျက်နှာများတွင်လည်း ကူးယူဖော်ပြမှုရှိခဲ့သော်လည်း ဇူလိုင် ၂၅ ရက် ညပိုင်းတွင် အဆိုပါပြောကြားချက်မှာ နိုင်ငံတော်အတိုင်ပင်ခံရုံး၏ သတင်းထုတ်ပြန်ချက်တွင် မရှိတော့ဘဲ ပြန်လည်ပြင်ဆင်ထားသည်ကို တွေ့ရသည်။

“တချို့ကတော့ လူ့သဘာဝအရ ပညာပြချင်တယ်။ တချို့က ၀န်ထမ်းလုပ်ခဲ့တာ ဘယ်နှနှစ်ရှိပြီ။ ဒီဝန်ကြီးကတော့ မနေ့တစ်နေ့ကမှ ရောက်လာတာ။ ငါတို့အနေနဲ့ ပညာပြလို့ရတယ်။ အဲဒီလိုစိတ်ထားတဲ့ ၀န်ထမ်းတွေလည်း တချို့ရှိတယ်” ဟု နိုင်ငံတော်၏အတိုင်ပင်ခံပုဂ္ဂိုလ်က ပြောကြားခဲ့ကြောင်း သိရသည်။

နိုင်ငံတော်အတိုင်ပင်ခံရုံးဝန်ကြီးဌာန၏ နှစ်နှစ်ပြည့် နှစ်ပတ်လည်နေ့ အခမ်းအနားသို့ တက်ရောက်၍ ထူးချွန်ဝန်ထမ်းများနှင့် ထူးချွန်ကျောင်းသား ကျောင်းသူများအား ဂုဏ်ပြုဆုများ ပေးအပ်ချီးမြှင့်ခဲ့ကြောင်းလည်း သိရသည်။