ဘင်္ဂလားဒေ့ရ်ှနိုင်ငံမှ မောင်တောမြို့နယ်သို့ ထွက်ပြေး ရောက်ရှိနေသည့် ရခိုင်မျိုးနွယ်စုဝင် မြိုတိုင်းရင်းသားများအား ဘင်္ဂလားဒေ့ရ်ှနိုင်ငံ ကောင်စစ်ဝန်နှင့်အဖွဲ့ လာရောက်တွေ့ဆုံ

ဘင်္ဂလားဒေ့ရ်ှနိုင်ငံမှ မောင်တောမြို့နယ်အတွင်း ထွက်ပြေး ရောက်ရှိနေသည့် ရခိုင်မျိုးနွယ်စုဝင် မြိုတိုင်းရင်းသားများအား ဘင်္ဂလားဒေ့ရ်ှနိုင်ငံ ကောင်စစ်ဝန်နှင့်အဖွဲ့က လာရောက်တွေ့ဆုံပြီး ကောင်စစ်ဝန်ရေးရာ လုပ်ငန်းများ ဆောင်ရွက်ခဲ့ကြောင်း သိရသည်။

အဆိုပါ ရခိုင် မျိုးနွယ်စုဝင်များသည် ၂၀၁၇ ခုနှစ် သြဂုတ် ၂၅ ရက် ဖြစ်စဉ်နောက်ပိုင်း ဘင်္ဂလားဒေ့ရ်ှနိုင်ငံမှ မောင်တောမြို့နယ်သို့ ၀င်ရောက် နေထိုင်သူများဖြစ်ကြပြီး ၂၀၁၈ ခုနှစ် သြဂုတ် ၂ ရက် မွန်းလွဲပိုင်းမှစ၍ မောင်တောမြို့ သီရိမင်္ဂလာခန်းမတွင် ဘင်္ဂလားဒေ့ရှ် သမ္မတနိုင်ငံ၊ စစ်တွေအခြေစိုက် ကောင်စစ်ဝန်နှင့်အဖွဲ့က လာရောက် တွေ့ဆုံကာ ကောင်စစ်ဝန်ရေးရာ လုပ်ငန်းများ ဆောင်ရွက်ခဲ့ခြင်း ဖြစ်ကြောင်း သိရသည်။

သြဂုတ် ၂ ရက်က မြိုတိုင်းရင်းသား ၁၆၆ ဦးအား ကောင်စစ်ဝန်အဖွဲ့က တွေ့ဆုံမေးမြန်းခဲ့ပြီး သြဂုတ် ၃ ရက်တွင်လည်း ဘင်္ဂလားဒေ့ရ်ှနိုင်ငံမှ မောင်တောမြို့နယ်အတွင်းသို့ ပြန်လည်ရောက်ရှိ နေထိုင်ကြသည့် ကျန်ရှိ ဘင်္ဂလားဒေ့ရ်ှနိုင်ငံသား ခံယူထားသော ရခိုင်မျိုးနွယ်စုဝင်များနှင့် ဆက်လက် တွေ့ဆုံမည်ဖြစ်ကြောင်း သိရသည်။

ဘင်္ဂလားဒေ့နိုင်ငံမှ မောင်တောမြို့နယ်သို့ ၀င်ရောက် နေထိုင်ကြသူများမှာ ဘင်္ဂလားဒေ့ရ်ှနိုင်ငံသား ခံယူထားသော ရခိုင်မျိုးနွယ်စုဝင် တိုင်းရင်းသားများဖြစ်ပြီး လက်ရှိတွင် မောင်တောမြို့နယ် မြောက်ပိုင်း သစ်တုန်းနားခွဆုံ၊ နန်းရာကိုင်း၊ မင်္ဂလာညွန့်၊ မြ၀တီကျေးရွာများတွင် လာရောက် နေထိုင်နေကြခြင်း ဖြစ်ကြောင်း သိရသည်။

နိုင်ငံနယ်နိမိတ် စာချုပ်ပါ သတ်မှတ်ချက်များ ချိုးဖောက်ရာ ရောက်သည့် သဲအိတ်၊ အိုဗာဟက်ပစ်ကျင်းနှင့် ဘန်ကာများ ဘင်္ဂလားဒေ့ရ်ှဘက်ခြမ်း၌ ပြုလုပ်ထားသည့် ကိစ္စနှင့် ပတ်သက်၍ ပြည်ထောင်စုဝန်ကြီး ဦးကျော်တင်က မေ ၈ ရက်တွင် မြန်မာနိုင်ငံဆိုင်ရာ ဘင်္ဂလားဒေ့ရ်ှနိုင်ငံ သံအမတ်ကြီး Mr. Manjurul Karim Khan Chowdhury အား ခေါ်ယူတွေ့ဆုံပြီး ကန့်ကွက်စဉ်က လွန်ခဲ့သော လများအတွင်း ဘင်္ဂလားဒေ့ရ်ှနိုင်ငံဘက်မှ မြန်မာနိုင်ငံသို့ ၀င်ရောက်လာကြသည့် ဘင်္ဂလားဒေ့ရ်ှနိုင်ငံသားဟု ယူဆရသော ရခိုင်၊ မြို၊ ခမီ၊ ဒိုင်းနက်လူမျိုး ၃၆၈ ဦးတို့နှင့် ပတ်သက်၍ အသိပေးပြောကြားခဲ့ပြီး ၎င်းတို့အား လိုအပ်သော နိုင်ငံသားစိစစ်မှုများ ဆောလျင်စွာ ပြုလုပ်ရေးနှင့် ၎င်းတို့ဆန္ဒအလျောက် ဘင်္ဂလားဒေ့ရ်ှနိုင်ငံရှိ နေရပ်သို့ ပို့ဆောင်ရေးအတွက် ဆောင်ရွက်ရန် ပြောကြားခဲ့ကြောင်း သတင်းထုတ်ပြန်ချက်အရ သိရသည်။

၂၀၁၈ ခုနှစ် ဖေဖော်ဖော်ဝါရီ လကုန်ပိုင်းမှစ၍ ဘင်္ဂလားဒေ့ရ်ှနိုင်ငံမှ ထွက်ပြေးလာသူများ မြန်မာနိုင်ငံ မောင်တောမြို့နယ်သို့ ၀င်ရောက်လာကြခြင်းဖြစ်ပြီး မတ် ၂၃ ရက်အထိ ရခိုင်နှင့် မြို၊ ဒိုင်းနက်လူမျိုး ၃၄၀ ကျော် ရောက်ရှိနေပြီဖြစ်ပြီး ၎င်းတို့သည် မောင်တောမြို့နယ် မြောက်ပိုင်းရှိ ကျေးရွာ ငါးရွာတွင် နေထိုင်လျက်ရှိကြောင်း သိရသည်။

၂၀၁၈ နှစ်ဆန်းပိုင်း ဖေဖော်ဝါရီ ၂၁ ရက်မှစ၍ လက်ရှိ အချိန်အထိ မောင်တောမြို့နယ် မြောက်ပိုင်း အောင်သပြေကျေးရွာ စာသင်ကျောင်းတွင် ဘင်္ဂလားဒေ့ရ်ှနိုင်ငံ၊ ဘန်ဒရာဘန်ခရိုင်၊ တန်းဆိပ်မြို့နယ်၊ မော်တုတ်ကြီးကျေးရွာမှ ရခိုင်အိမ်ထောင်စု ၂၄ စု၊ စုစုပေါင်း လူဦးရေ ၈၁ ဦး၊ သစ်တုံးနားခွဆုံ ကျေးရွာသစ်တွင် ဘင်္ဂလားဒေ့ရ်ှနိုင်ငံ၊ ဘန်ဒရာ ဘန်ခရိုင်၊ တန်းဆိပ်မြို့နယ်၊ လမားကျေးရွာမှ မြိုမိသားစု ၃၀ စု၊ လူဦးရေ ၁၅၅ ဦးနှင့် ဒိုင်းနက် မိသားစု ၄ စု လူဦးရေ ၂၇ ဦး စုစုပေါင်း လူဦးရေ ၁၈၂ ဦး နှင့် သုပဏ္ဏက ကျေးရွာတွင် ဘင်္ဂလားဒေ့ရ်ှနိုင်ငံ၊ အလယ်ခေါ်တော်ခရိုင်၊ ဘော်ဘီတီကျေးရွာမှ မြိုမိသားစု ၁၁ စု လူဦးရေ ၆၃ ဦး၊ တောင်ပြိုနယ်စပ် နံ့သာတောင် ကျေးရွာတွင် ရခိုင်လူမျိုး ခြောက်ဦးနှင့် မီးတိုက်ကျေးရွာတွင် ဘင်္ဂလားဒေ့ရ်ှနိုင်ငံ ဘန်ဒရာဘန်ခရိုင် အလီခေါ်တောင်မြို့နယ် ရွမ်ဘို (ဒိုင်းနက်) ရွာမှ ဒိုင်းနက်လူမျိုး ၁၃ ဦး ရောက်ရှိနေခြင်းဖြစ်ပြီး စုစုပေါင်း ၃၄၅ ဦး ရောက်ရှိနေခြင်း ဖြစ်ကြောင်း သတင်းထုတ်ပြန်ချက်အရ သိရသည်။

မောင်တော မြောက်ပိုင်းသို့ ၀င်ရောက်လာသော တိုင်းရင်းသား မျိုးနွယ်စုများနှင့် ဒေသခံ တိုင်းရင်းသားများအား ကူညီစောင့်ရှောက်ရန် အရေးကြီးကြောင်း ပြည်သူ့လွှတ်တော် ကိုယ်စားလှယ် ပြောကြား

မောင်တောမြို့နယ်သို့ ထွက်ပြေး ရောက်ရှိလာသည့် တိုင်းရင်းသား မျိုးနွယ်စုများအား CRR က ကူညီထောက်ပံ့မှုများ ပြုလုပ်နေသည်ကို ဧပြီလ ပထမပတ်အတွင်း တွေ့ရစဉ်

ရခိုင်ပြည်နယ် မောင်ေတာ မြောက်ပိုင်းသို့ ဘင်္ဂလားဒေ့ရ်ှမှ ၀င်ရောက်လာသော တိုင်းရင်းသား မျိုးနွယ်စုများနှင့် ဒေသခံ တိုင်းရင်းသားများကို ကူညီစောင့်ရှောက်ပေးရန် အရေးကြီးကြောင်း မောင်တော မြောက်ပိုင်းသို့ သွားရောက် လေ့လာခဲ့သော ပြည်သူ့လွှတ်တော် ကိုယ်စားလှယ် ဦးဦးလှစောက ပြောကြားသည်။

ဘင်္ဂလားဒေ့ရ်ှနိုင်ငံ စစ်တကောင်း တောင်တန်းမှ ရခိုင်ပြည်နယ် အတွင်းသို့ ခိုလှုံ ရောက်ရှိလာသော မြိုနှင့် ရခိုင်တိုင်းရင်းသား ၃၀၀ ကျော်တို့ မောင်တောမြို့နယ် မြောက်ပိုင်းတွင် နေထိုင်ကြရသော်လည်း ကူညီထောက်ပံ့မှု နည်းပါးပြီး အစိုးရအနေဖြင့် ဘင်္ဂါလီများ ၀င်ရောက်လာရေး တစ်ခုတည်းကိုသာ အလေးထား မဆောင်ရွက်သင့်ကြောင်းနှင့် တိုင်းရင်းသားများကိုလည်း အလေးထား ကူညီ စောင့်ရှောက်သင့်ကြောင်း ပြောဆိုသည်။

ယင်းနှင့် ပတ်သက်ပြီး ဦးဦးလှစောက “ဘင်္ဂါလီတွေ အမျိုးမျိုး အနှောင့်အယှက် ပေးတဲ့အတွက် စိုးရိတ်ထိတ်လန့်ပြီး ထွက်ပြေးလာတဲ့ မြိုတိုင်ရင်းသားတွေကို တွေ့ခဲ့ရတယ်။ ကျွန်တော်တို့ CRR အနေနဲ့ အကူအညီတွေ ပေးခဲ့တယ်။ မြိုတွေဟာ သစ်တုံးနားခွဆုံအုပ်စုမှာ နေရာနှစ်ခုခွဲပြီး နေထိုင်ကြတယ်။ ကလေးတွေ အတော်များတယ်။ မြိုလူမျိုး ၂၅၀ လောက် ရှိတယ်။ ရခိုင်တွေကတော့ အောင်သပြေက ကျောင်းတစ်ေကျာင်းမှာ တွေ့ခဲ့တယ်။ ကျွန်တော်တို့ နိုင်သလောက် လှူဒါန်းခဲ့တယ်။ အဲဒီမှာ မြိုမိသားစုနေတဲ့ အခြေအနေက အတော်လေး ဆိုးတယ်။ လောလောဆယ် ထမင်းတစ်လုတ် စားဖို့တော့ ရှိတယ်။ ရေရှည်အတွက်တော့ အဲဒီနေရာမှာ မသင့်တော်ဘူးလို့ မြင်တယ်။ အစိုးရက ကူညီစောင့်ရှောက်မှုပေးရင် အလုပ်လုပ်မယ်။ တောင်ယာခုတ်မယ် ဆိုတဲ့သဘော ရှိတယ်။ ဒီနေ့အထိတော့
သက်ဆိုင်ရာက ရှေ့ရေးအတွက် လာရောက် ဆွေးနွေးတာ မရှိသေးဘူးလို့ သိရတယ်”ဟု ပြောကြားသည်။

ထို့ပြင် မြိုဆိုသည်မှာလည်း ရခိုင်တို့၏ မျိုးနွယ်စုဝင်များ ဖြစ်ကြောင်း၊ ရခိုင် တိုင်းရင်းသားများကို အားကိုးလျက် ရခိုင်ပြည်နယ်အတွင်းသို့ ၀င်ရောက်လာသော တိုင်းရင်းသားများ ဖြစ်သည့်အတွက် ကြိုဆိုရမည် ဖြစ်ကာ လုပ်ကိုင် စားသောက်ရေးအတွက် နေရာချထား ဆောင်ရွက် ပေးသင့်ကြောင်း၊ မောင်တော မြောက်ပိုင်းတွင် လုပ်ကိုင် စားသောက်၍ ရနိုင်သည့် တောင်ကုန်း၊ တောင်တန်းများ၊ လယ်ကွင်းများ ရှိကြောင်း၊ ယင်းတို့မှာ လုပ်ကိုင် စားသောက်ရန် အဆင်သင့်ရှိသည်ကို တွေ့ရှိရကြောင်း ၎င်းက ဆိုသည်။

“သူတို့ဟာ ကျွန်တော်တို့ မျိုးရင်းတွေပေါ့။ ဒါကြောင့် လုပ်ကိုင် စားသောက်ဖို့ လုပ်ဆောင်ပေးမယ်။ နေရာထိုင်ခင်းတွေ လုပ်ပေးမယ်ဆိုရင် ဒီဒေသမှာ အခြေချမယ့်လူဦးရေ တိုးလာမှာ ဖြစ်တယ်။ ဆက်လက် ရှင်သန်ဖို့အတွက် အများကြီး အထောက်အကူ ပြုနိုင်တယ်လို့ မြင်ပါတယ်။ ဒီကိစ္စကို ပြည်နယ်အစိုးရဘက်ကလည်း သေချာ စဉ်းစားပြီးတော့ လုပ်ပေးဖို့ လိုတယ်။ ဒီလူတွေကို ဦးစားပေး လုပ်ဆောင်ပေးသင့်တယ်။ ဘာဖြစ်လို့လဲဆိုရင် တစ်ခါလာရင် ဟိုက ပြန်ဝင်လာမယ့် ဘင်္ဂါလီအရေးကိုပဲ ဇောင်းပေးနေတာထက် အဲဒီအရေးကိုလည်း ဇောင်းပေးပါ။ ဒီမှာရှိနေတဲ့ ရခိုင်တွေ၊ မြိုတွေ၊ ဒိုင်းနက်တွေ၊ သက်တွေကို ထွက်မသွားဖို့ အတွက်လည်း ဦးစားပေး လုပ်ပေးဖို့လိုတယ်လို့ မြင်ပါတယ်” ဟုလည်း ဦးဦးလှစောက ပြောကြားသည်။

သို့သော်လည်း လက်ရှိတွင် သက်လူမျိုးများ အနေဖြင့် ဒေသ စွန့်ခွာသွားနေသည်ကိုလည်း တွေ့ရှိခဲ့ကြောင်း၊ သက်လူမျိုးများ ဒေသစွန့်ခွာ၍ သွားနေကြသည်မှာ စိတ်မကောင်းစွာ ကြားသိခဲ့ရကြောင်း၊ ကြောက်၍ စွန့်ခွာသွားသည် ဆိုပါက တခြားလူမျိုးများ ဖြစ်သည့် မြို၊ ဒိုင်းနက်၊ ရခိုင်များလည်း ရှိနေကြောင်း၊ ကြောက်၍ ထွက်ပြေးသည် ဆိုသည်ကို လက်ခံနိုင်စရာ အကြောင်းမရှိကြောင်း ပြောကြားသည်။

“ကြောက်လို့ ထွက်ပြေးတာ ဆိုမျိုးကိုတော့ သိပ်လက်မခံဘူး။ ဒီနေရာမှာ ကြံ့ကြံ့ခံတဲ့ အနေနဲ့ အခက်အခဲကို အတူတကွ ရင်ဆိုင်ဖြေရှင်းရမယ်။ သတင်းတစ်ခုမှာ ကြားလိုက်တယ်။ သက်တွေကို အမ်းဘက်မှာသွားပြီး နေထိုင်ခွင့် ပေးထားတယ်လို့ ပြောတယ်။ ဒါဟာ သက်ဆိုင်ရာက တရားဝင် ပေါ်လစီတစ်ခုနဲ့ လုပ်တယ်ဆိုရင်တော့ ကျွန်တော်တို့ကတော့ လက်မခံဘူး။ အဲဒီနေရာမှာပဲ လုံခြုံရေးတွေ အပြည့်ချထားမယ်။ လုပ်ကိုင်စားသောက်ဖို့ အခွင့်အရေးတွေ ဖန်တီးပေးမယ်။ လူဦးရေ များလာအောင် ထားရမယ်။ ဟိုဘက်က ဘင်္ဂါလီတွေ ၀င်လာမယ် ဆိုရင်တော့ လူဦးရေညီမျှအောင် လုပ်ဆောင်ရမှာ ဖြစ်တယ်။ အဲဒီလိုမလုပ်ဘဲ သက်တွေကို တခြားနေရာမှာ သွားနေခိုင်းတယ် ဆိုတာမျိုးတော့ ကောင်းတဲ့မူ မဟုတ်ဘူး။ နောက်ပြီး အဲဒီလို လုပ်တာကလည်း ပြည်နယ်အစိုးရရဲ့သဘောထားလား၊ တစ်သီးပုဂ္ဂလလား၊ အမတ်တွေက လုပ်တာလား ဆိုတာတော့ ကျွန်တော်တို့ မသိသေးဘူး။ ကြံ့ကြံ့ခံပြီး နေထိုင်နိုင်အောင် ကြိုးစားရမှာက အဓိကသာ ဖြစ်တယ်”ဟုလည်း ဦးဦးလှစောက ပြောကြားသည်။

မောင်တောမြို့နယ် မြောက်ပိုင်း ခမောင်းဆိပ်ကျေးရွာမှ မြိုတိုင်းရင်းသား ရှစ်ဦး ဘော်တလာ ဘင်္ဂါလီကျေးရွာပျက် အနီးသို့ ဟင်းစားရှာသွားစဉ် မြိုတိုင်းရင်းသူ တစ်ဦး သတ်ဖြတ်ခံရ

မောင်တောမြို့နယ် မြောက်ပိုင်း ခမောင်းဆိပ်ကျေးရွာမှ မြိုတိုင်းရင်းသား ရှစ်ဦးသည် ဘော်တလာ ဘင်္ဂါလီကျေးရွာပျက် အနီးသို့ ဟင်းစားရှာသွားစဉ် မြိုတိုင်းရင်းသူ တစ်ဦး သတ်ဖြတ်ခံရကြောင်းနှင့် မြိုအမျိုးသမီးတစ်ဦး ပျောက်ဆုံးနေကြောင်း ကနဦး သိရသည်။

ဖြစ်စဉ်မှာ မောင်တောမြောက်ပိုင်း ခမောင်းဆိပ်ကျေးရွာတွင် နေထိုင်သူ မြိုတိုင်းရင်းသား အမျိုးသားသုံးဦးနှင့် မြိုအမျိုးသမီး ငါးဦး စုစုပေါင်း ရှစ်ဦးသည် ဧပြီ ၄ ရက် နံနက် ၁၁ နာရီခန့်တွင် ဘော်တလာ ကျေးရွာဘက်သို့ ဟင်းစားရှာရန် ထွက်ခွာခဲ့ရာ မွန်းတည့် ၁၂ နာရီခန့်တွင် ဘော်တလာကျေးရွာ အနီးရှိ ရွှေဇံချောင်းအနီးတွင် ဓားရှည်နှင့် သံတုတ်များ ကိုယ်စီ ကိုင်ဆောင်ထားသည့် ဘင်္ဂါလီ သုံးဦးနှင့် တွေ့ရှိသဖြင့် ကျေးရွာဘက်သို့ ပြန်လည် ထွက်ပြေးလာခဲ့ကြကြောင်း၊ ယင်းသို့ ထွက်ပြေးလာစဉ် ထွက်ပြေး လာသူများအနက် ဦးရွှေဇုံက ခမောင်းဆိပ်ကျေးရွာနေ ဦးဖွေရပ်ထံ ဖုန်းဆက် အကြောင်းကြားသဖြင့် ကျေးရွာရှိ ကျန်ကျေးရွာသားများ စုစည်းနေစဉ် ဦးရွှေဇုံ အပါအ၀င် အမျိုးသားသုံးဦး၊ အမျိုးသမီးသုံးဦးတို့ လွတ်မြောက်လာသော်လည်း ကျန်အမျိုးသမီး နှစ်ဦးမှာ ကျန်နေခဲ့ကြောင်း သိရသည်။

ကျေးရွာသား ရှစ်ဦးအနက် ထွက်ပြေး လွတ်မြောက်လာသူများမှာ ဦးရွှေဇုံ (ဘ) ဦးသောကြာ (၃၄ နှစ် )၊ ဦးသောင်းဝင်း (ဘ ) ဦးမန်ရောက် (၄၀ နှစ် )၊ မောင်လုံဝိုင်း (ဘ) ဦးစံလှအောင် (ကိုးနှစ်)၊ ဒေါ်တောင်ကောင် (ဘ) ပါလိန် (၅၀ နှစ်)၊ ဒေါ်ကိုင်ဆုံလိုင်ကောင်း (၄၄ နှစ်)၊ ဒေါ်ဆူမရီ (ဘ) ရူနိုင်း (၄၀ နှစ်) တို့ဖြစ်ပြီး ပျောက်ဆုံးနေသူများမှာ ဒေါ်ဆောင်ရွေး (ဘ) ဦးခံပတ် (၄၀ နှစ်) နှင့် ဒေါ်မွေရွေး (ဘ) ဦးမန်စီ (၃၀ နှစ်) တို့ဖြစ်ကြောင်း သိရသည်။

ပျောက်ဆုံးနေသူ နှစ်ဦးအား နယ်ခြားစောင့်ရဲ နယ်မြေရဲတပ်ဖွဲ့မှူး ဦးစီးပြီး နယ်ခြားစောင့် ရဲတပ်ဖွဲ့ဝင်များက ရှာဖွေခဲ့ရာ လူမနေသည့် ဘော်တလာကျေးရွာအနီးတွင် ပျောက်ဆုံးနေသူ နှစ်ဦး မှ ဒေါ်ဆောင်ရွေးအား ဦးခေါင်းခွံ ပြတ်ရှဒဏ်ရာ လေးချက်ဖြင့် လဲကျ သေဆုံးနေသည်ကို တွေ့ရှိရပြီး ဒေါ်မွေရွေးမှာ ပျောက်ဆုံးလျက် ရှိနေကြောင်းနှင့် လုံခြုံရေးတပ်ဖွဲ့ဝင်များနှင့် ကျေးရွာသားများ လိုက်လံ ရှာဖွေလျက် ရှိကြောင်း သိရသည်။

ထို့နောက် ပျောက်ဆုံးခဲ့သည့် မြိုတိုင်းရင်းသူ ဒေါ်မွေရွေးအား ယင်းနေ့ ညနေ ၄ နာရီ မိနစ် ၅၀ ခန့်တွင် မင်္ဂလာညွန့် ကျေးရွာသူ ရွာသားများက သစ်တုံးနားခွဆုံကျေးရွာအနီးတွင် ပြန်လည်တွေ့ရှိခဲ့ကြောင်း ဒေသခံတို့ အဆိုအရ သိရသည်။