ရေငုပ်ခရီးစဉ်နှင့် Aventure ခရီးစဉ်အနေဖြင့် စိတ်ဝင်စားမှု မြင့်တက်ခဲ့သည့် ကြက်မောက်ကျွန်းနှင့် ညောင်ဦးဖီးကျွန်း အပါအ၀င် ကော့သောင်းရှိ ကျွန်းများသို့ ပြီးခဲ့သည့် ဘဏ္ဍာနှစ်တွင် နိုင်ငံခြားသား ခရီးသွား သုံးသိန်းကျော် ၀င်ရောက်

မြိတ်ကျွန်းစုအတွင်းရှိ စမတ်ကျွန်း (ခ) ပါပန့်ကျွန်းသို့ လာရောက်လည်ပတ်သည့် ခရီးသွားများအား တွေ့ရစဉ် (ဓာတ်ပုံ-ဇော်မိုးဦး(မြိတ်))

ရေငုပ်ခရီးစဉ်နှင့် Aventure ခရီးစဉ် အနေဖြင့် စိတ်ဝင်စားမှု မြင့်တက်ခဲ့သည့် ကြက်မောက်ကျွန်း၊ ၁၁၅ ကျွန်းနှင့် ညောင်ဦးဖီးကျွန်း အပါအ၀င် ကော့သောင်းရှိ ကျွန်းများသို့ ပြီးခဲ့သည့် ဘဏ္ဍာနှစ်တွင် နိုင်ငံခြားခရီးသွား သုံးသိန်းကျော် ၀င်ရောက်မှုမှ အမေရိကန်ဒေါ်လာ ခြောက်သိန်းကျော်နှင့် မြန်မာငွေကျပ် ၆၃၃ သိန်းကျော် ရရှိခဲ့ကြောင်း ဟိုတယ်နှင့် ခရီးသွားလာရေး ၀န်ကြီးဌာန (ကော့သောင်း) မှ လက်ထောက် ညွှန်ကြားရေးမှူး ဦးအာကာထွန်းက ပြောကြားသည်။

နှစ်စဉ် နိုင်ငံခြားသားခရီးသွား ၀င်ရောက်မှု များလာသည့် ကျွန်းစုများသို့ ၂၀၁၅-၂၀၁၆ ဘဏ္ဍာနှစ်တွင် နိုင်ငံခြားသား ခရီးသွားဝင်ရောက်မှု ၂၇၂၈၂၁ ဦးမှ ဒေါ်လာ ၄၂၇၆၄၀ နှင့် ကျပ် ၇၆၅၀၀၀၀၀၊ ၂၀၁၆-၂၀၁၇ ဘဏ္ဍာနှစ်တွင် နိုင်ငံခြားသား ခရီးသွား ၃၂၆၄၂၃ ဦး မှ ဒေါ်လာ ၆၃၀၅၅၀ နှင့် ကျပ် ၇၅၉၃၀၀၀၀၊ ၂၀၁၇-၂၀၁၈ ဘဏ္ဍာနှစ်တွင် နိုင်ငံခြားခရီးသွား ၃၄၀၁၆၀ မှ ဒေါ်လာ ၆၁၃၂၀၀ နှင့် ကျပ် ၆၃၃၉၀၀၀၀ ရရှိထားကြောင်း သိရသည်။

“မြိတ်ကျွန်းစုကို ဟိုးအရင်နှစ်တွေက နိုင်ငံခြားခရီးသွား ဧည့်သည်တွေ သိပ်သတိမထားမိကြပါဘူး။ နိုင်ငံခြားသားတွေ သတိထားမိတာက လေးငါးနှစ်လောက်ပဲ ရှိပါသေးတယ်။ မြိတ်ကျွန်းစုမှာ ခရီးစဉ်အသစ်တွေ ဖော်ဆောင်ဖို့လည်း ရှိတယ်လို့ကြားတယ်။ ဥရောပ နိုင်ငံသားတွေအပြင် ထိုင်းလူမျိုးတွေ အများဆုံး လာပါတယ်။ သဘာဝပတ်ဝန်းကျင် ထိန်းသိမ်းဖို့ကတော့ ဥရောပနိုင်ငံသားတွေက ပြောစရာကို မလိုပါဘူး။ သူတို့ကတောင် ပြန်သင်ပေးသွားတာတွေ ရှိသေးတယ်။ အိမ်နီးချင်းနိုင်ငံတွေကိုပဲ ပြောစရာရှိပါတယ်။ ထိုင်းတို့ စင်ကာပူတို့ဆိုရင် စည်းကမ်းပိုင်းက လိုအပ်တယ်” ဟု ခရီးသွားလုပ်ငန်းရှင် အသိုင်းအ၀ိုင်းမှ သုံးသပ်ပြောကြားသည်။

အဆိုပါ မြိတ်ကျွန်းစုသို့ လာရောက်လည်ပတ်သည့် နိုင်ငံခြားသား ခရီးသွားများအတွက် ရွက်လှေကုမ္ပဏီများက ရေငုပ်ခရီးစဉ်နှင့် Aventure ခရီးစဉ်ဟူ၍ ခရီးစဉ်များ ရေးဆွဲရောင်းချလျက်ရှိကြောင်း သိရသည်။

မြိတ်ကျွန်းစုသို့ နိုင်ငံခြားခရီးသွားများ တစ်နှစ်ထက် တစ်နှစ် စက်တပ်ရွက်လှေများ ဖြင့် ၀င်ရောက်လေ့လာမှု များလာပြီး အဆိုပါ စက်တပ်ရွက်လှေများကို တိုင်းရင်းသားပိုင် ရွက်လှေလုပ်ငန်းနှင့် နိုင်ငံခြားသားပိုင် ရွက်လှေလုပ်ငန်းများ ချိတ်ဆက်ပြီး လာရောက် လည်ပတ်ကြကြောင်း သိရသည်။

ခရီးသွားများ လာရောက်လည်ပတ်မှု အဆင်ပြေစေရန် စက်တပ်ရွက်လှေလုပ်ငန်း ကုမ္ပဏီအနေဖြင့် နိုင်ငံခြားသားပိုင် ကုမ္ပဏီ ၁၄ ခုနှင့် နိုင်ငံသားပိုင် ကုမ္ပဏီ သုံးခုကို လုပ်ကိုင်ခွင့်ပြုထားကြောင်း သိရသည်။

နိုင်ငံသားပိုင် လုပ်ငန်းနှင့် ချိတ်ဆက်လာသော ခရီးသည်များကို ကော့သောင်းခရိုင်အထိ ဒေါ်လာ ၅၀ နှင့် မြိတ်ခရိုင်အထိ ဒေါ်လာ ၈၀ ကောက်ခံခြင်းဖြစ်ပြီး နိုင်ငံခြားသားပိုင်ရွက်လှေ လုပ်ငန်းများနှင့် ချိတ်ဆက်လာသည့် နိုင်ငံခြားသား ခရီးသွားများကို ၀င်ကြေးအဖြစ် ကော့သောင်းခရိုင်အတွင်း တစ်ဦးလျှင် ဒေါ်လာ ၁၀၀၊ မြိတ်ခရိုင်အထိ ဒေါ်လာ ၁၅၀ နှင့် လေးညအိပ် ငါးရက်ထက်ပိုပါက ရက်ပိုကြေးအဖြစ် ခရီးသွား တစ်ဦးလျှင် တစ်ရက် ဒေါ် လာ ၂၀ နှုန်း ကောက်ခံခြင်းဖြစ်ကြောင်း သိရသည်။

တနင်္သာရီတိုင်းဒေသကြီးရှိ မြိတ်ကျွန်းစုများသည် ကျွန်းစုများ နီးကပ်စွာ တည်ရှိနေခြင်းကြောင့် သဘာဝဘေး အန္တရာယ် ကျရောက်နိုင်မှု နည်းပါးခြင်း၊ ကျွန်းများပေါ်၌ လူနေမှု နည်းပါးခြင်းနှင့် သဘာဝသယံဇာတများစွာ မပျက်မစီး တည်ရှိခြင်း စသည်တို့ကြောင့် နိုင်ငံခြားသား ခရီးသွားများ လာရောက် လည်ပတ်ခြင်းဖြစ်သည်။

လက်ရှိတွင် မြိတ်ကျွန်းစုရှိ ကျွန်းများသို့ ခရီးသွားပါက အခြေခံ အဆောက်အအုံများ မဖွံ့ဖြိုးမှုကြောင့် လူတစ်ဦးလျှင် တစ်ပတ် နေထိုင်မှု ကုန်ကျစရိတ် ဒေါ်လာတစ်သိန်းခန့် ကုန်ကျနိုင်သည်ဟု သိရသည်။

မြိတ်ကျွန်းစုအတွင်း ပြည်သူလူထု အခြေပြု ခရီးသွားလုပ်ငန်း ဆောင်ရွက်ရန် စီမံထားပြီးဖြစ်သော်လည်း ယခုအထိ အကောင်အထည်ဖော် ဆောင်ရွက်နိုင်ခြင်း မရှိသေးကြောင်း ဒေသခံများ ပြောကြား

ဒုံးညောင်မှိုင်းကျေးရွာတွင် ဆလုံတိုင်းရင်းသားများအား မုန့်ပဲသရေစာဝေနေသူများ

မြိတ်ကျွန်းစုအတွင်း လူထုအခြေပြု ခရီးသွားလုပ်ငန်း ဆောင်ရွက်ရန် စီမံထားပြီးဖြစ်သော်လည်း ယခုအထိ အကောင်ထည်ဖော် ဆောင်နိုင်ခြင်းမရှိသေးကြောင်း ဒေသခံများ၏ ပြောကြားချက်အရ သိရသည်။

ပြည်သူလူထု အခြေပြုခရီးသွားလုပ်ငန်းကို တနင်္သာရီတိုင်းဒေသကြီး ထားဝယ်ခရိုင်ရှိ စမ်းလှမ်းကမ်းခြေ၊ မြိတ်ခရိုင်ရှိ ဒုံးညောင်းမှိုင်းကျွန်း၊ ကော့သောင်းခရိုင်ရှိ မကျုံဂလက်ကျေးရွာတို့တွင် ဆောင်ရွက်ရန် စီမံထားပြီးဖြစ်သော်လည်း ယခုအထိ အကောင်အထည်ဖော် ဆောင်ရွက်နိုင်ခြင်း မရှိသေးကြောင်း သိရသည်။

ပြီးခဲ့သည့် ၂၀၁၇ ခုနှစ် နိုဝင်ဘာတွင် လွှတ်တော်ကိုယ်စားလှယ်များနှင့် ဌာနဆိုင်ရာ အရာရှိများ လာရောက်၍ ပြည်သူလူထုအခြေပြု ခရီးသွားလုပ်ငန်းအတွက် ဒေသခံများအား တွေ့ဆုံခြင်း၊ မြေနေရာ သတ်မှတ်ပေးခြင်း၊ ကော်မတီဖွဲ့ခြင်းများ ဆောင်ရွက်ပေးခဲ့ခြင်း ဖြစ်ကြောင်း သိရသည်။ ဒေသခံအများစုမှ အဆိုပါ အစီအစဉ်မှာ ဒေသခံတို့၏ ဘ၀ဖွံ့ဖြိုးနိုင်သောကြောင့် ကြိုဆိုပြီး ဆောင်ရွက်လိုကြသော်လည်း အခက်အခဲများ ဖြစ်နေကြောင်း သိရသည်။

“ရွာသားတွေရဲ့ ဆန္ဒက CBT ကို လုပ်ချင်နေကြတယ်။ အများက လုပ်ချင်နေကြတယ်။ ရွာပိုင်လုပ်မယ့် ဒီမြေကို ကျေးရွာအုပ်ချုပ်ရေးမှူးက သူ့ရဲ့မြေကိုဆိုပြီး လုပ်ထားတာရှိတယ်။ အဲဒါကို ရပ်သူရပ်သားတွေက သူ့ကိုမလွန်ဆန်နိုင်ဘူး ဖြစ်နေတယ်။ ဒါကြောင့် CBT ကို အကောင်အထည် ဖော်ဖို့မဖြစ်ဘူး ဖြစ်နေတယ်။ လုပ်ချင်တဲ့သူတွေတော့ အများကြီး ရှိနေတယ်။ လွှတ်တော်ကိုယ်စားလှယ်တွေလည်း ဆင်းလာပြီးပြီ။ ဒီမှာလုပ်ဖို့ဆိုပြီး စာလည်းတင်ထားပြီးပြီ။ လွှတ်တော်ကိုယ်စားလှယ်တွေလည်း သိပါတယ်။ ဘာတွေလိုအပ်သလဲဆိုတော့ ကိုယ်စားလှယ်တွေ ထပ်ဆင်းလာဖို့ လိုပါတယ်။ ရွာမှာလည်း လိုအပ်ချက်တွေ အများကြီး ရှိပါသေးတယ်။ ကျန်းမာရေး၊ ပညာရေးကဏ္ဍ နောက်ပြီးအထွေထွေပေါ့” ဟု ဒုံးညောင်းမှိုင်းကျေးရွာမှ CBT ကော်မတီဝင် ကိုဖိုးဇော်က ပြောကြားသည်။

လက်ရှိအနေထားတွင် ခရီးသွားလုပ်ငန်းများစွာ တိုးတက်လာသော်လည်း ဒေသခံများအတွက် ထိရောက်သည့် အလုပ်အကိုင် အခွင့်အလမ်းများ မရရှိသေးပဲ ထမင်းဟင်းရောင်းခြင်း၊ ဆလုံတိုင်းရင်းသားများကို အလုပ်အကိုင် အခွင့်အလမ်း မဖန်တီးပေးနိုင်ဘဲ လာရောက်ကြည့်ရှုသူများကပေးသည့် မုန့်ပဲသရေစာများကိုသာ ပေးနေသည့် အနေအထားတွင်သာ ရှိနေကြောင်း သိရသည်။

“ဒေသခံတွေ အနေနဲ့ကတော့ အလုပ်အကိုင် အခွင့်အလမ်း မရရှိသေးကြပါဘူး။ ဈေးဆိုင်ရောင်းတဲ့ တစ်ဆိုင်နှစ်ဆိုင်လောက်ပဲ စီးပွားရေး လုပ်နိုင်သေးတယ်။ ဒီတစ်နှစ်၊ နှစ်နှစ်အတွင်းမှာ ခရီးသွားတွေ နည်းနည်းတိုးလာတယ်။ ခရီးသည်တွေကို လူတစ်ယောက်စားဖို့ ကျပ် ၇၀၀၀ နဲ့ ရောင်းချပါတယ်။ ပင်လယ်စာ သီးသန့်ချက်ကျွေးရပါတယ်။ ဟင်းအမည်က ခုနစ်မျိုးအထိ ပါဝင်တယ်” ဟု ဒုံးညောင်းမှိုင်းတွင် ထမင်းဆိုင် ရောင်းချနေသူတစ်ဦးက ပြောကြားသည်။