ဘင်္ဂါလီအရေးနှင့်ပက်သက်၍ မြန်မာအစိုးရကို ICC သို့တင်ရန် ဗြိတိသျှလွှတ်တော်အမတ်များ ကြိုးပမ်း

ဘင်္ဂလားဒေ့ရ်ှနိုင်ငံရှိ ဘင်္ဂါလီဒုက္ခသည်စခန်း တစ်ခုကို ဧပြီလ အတွင်းက တွေ့ရစဉ် (Photo – AFP)

အစိုးရကသဘောတူသော ဘင်္ဂါလီများကို လူမျိုးသုဉ်းသတ်ဖြတ်မှု၊ လူ့အခွင့်အရေး ချိုးဖောက်မှုတို့နှင့်သက်ဆိုင်သော သက်သေအထောက်အထားနှင့် ပက်သက်၍ မြန်မာအစိုးရကို အပြည်ပြည်ဆိုင်ရာ ရာဇ၀တ်မှုခုံရုံး (ICC) သို့ လွှဲပြောင်းပေးရန် ကြိုပမ်းမှုများကို ဗြိတိန်က ထောက်ခံသွားမည်ဖြစ်ကြောင်း ဗြိတိသျှလွှတ်တော် နိုင်ငံတကာဖွံ့ဖြ်ိုးရေးကော်မတီက လွှတ်တော်အမတ်များက ထုတ်ဖော်ပြောကြားခဲ့ကြသည်။

မြန်မာနိုင်ငံသို့ ပေးအပ်သည့် ဗြိတိန်အထောက်အပံ့ကို အပြည့်အ၀ပြန်လည်သုံးသပ်သွားရန်လည်း ၄င်းတို့က တောင်းဆိုခဲ့ကြသည်။ ဗြိတိန်သည် ၂၀၁၈ ခုနှစ်တွင် မြန်မာနိုင်ငံသို့ ပေါင်သန်း ၁၀၀ ထောက်ပံ့ကူညီခဲ့ပြီး ထိုပမာဏမှာ ဒီမိုကရေစီသို့ အသွင်ကူးပြောင်းနေပုံရသောကြောင့် ထိုအချိန်တုန်းက ပေးအပ်ရန် သဘောတူခဲ့သော ပမာဏဖြစ်သည်ဟုဆိုသည်။

ယင်းသို့အသွင်ကူးပြောင်းမှုကိုလည်း မတွေ့ ရသကဲ့သို့ စစ်မှန်သည့် ငြိမ်းချမ်းရေးလုပ်ငန်းစဉ် မှန်သမျှကိုလည်း မတွေ့ရကြောင်း ကော်မတီက ကောက်ချက်ချကာ မြန်မာအာဏာပိုင်တို့က နောက်ဆုံးအချိန်ရောက်မှ ဗီဇာငြင်းပယ်လိုက်သောကြောင့် ဗြိတိန်အထောက်အပံ့ စီမံကိန်းများကို လာရောက်ကြည့်ရှုကြရန် မြန်မာနိုင်ငံသို့ လာရောက်လည်ပတ်ခွင့်လည်း တားမြစ်ခံခဲ့ရသည်ဟု လွှတ်တော်ဖွံ့ ဖြိုးရေးကော်မတီက ဖြည့်စွက်ပြောကြားခဲ့သည်။

လုံခြုံရေးကောင်စီတွင် ဗီတိုအာဏာရှိသောအဖွဲ့ဝင် တရုတ်နိုင်ငံက အတိုက်အခံလုပ်ခဲ့သောကြောင့် ကုလသမဂ္ဂတွင် မြန်မာနိုင်ငံကို စုပေါင်းအရေးယူရေးမည့် စိတ်ကူးသည် ရပ်တန့်နေခဲ့ရသည်။

လုံခြုံရေးကောင်စီက မြန်မာနိုင်ငံကို ICC သို့ လွှဲပြောင်းပေးရေးနှင့် ထိပ်တန်းပုဂ္ဂိုလ်အားလုံးကို ပစ်မှတ်ထားသည့် ဘဏ္ဍာရေးပိတ်ဆို့မှုကို ပြုလုပ်နိုင်ရန် ဗြိတိန်နှင့် မဟာမိတ်နိုင်ငံများက ထောက်ခံမှုနည်းလမ်းကို ရှာဖွေနေကြောင်း ကော်မတီက ပြောကြားသည်။ မြန်မာနိုင်ငံသည် ICC တွင် ပါဝင်ရန် လက်မှတ်ရေးထိုးထားသော နိုင်ငံမဟုတ်ပေ။

ဘင်္ဂါလီများ ဘင်္ဂလားဒေ့ရ်ှနိုင်ငံသို့ ရောက်ရှိလာပုံကို ၄င်းအနေဖြင့် စုံစမ်းစစ်ဆေး၍ ရနိုင်၊ မရနိုင်ဆိုသည့် စီရင်ထုံးတစ်ရပ်ကို ရှာဖွေမည့် ICC ၏တရားစွဲဆိုရေးဆိုင်ရာ အကြီးအကဲ ဖာတူးဘင်ဆူးဒါး၏ လုပ်ဆောင်မှုကိုလည်း ကော်မတီက ကြိုဆိုသည်။

လွန်ခဲ့သောလက လုံခြုံရေးကောင်စီမှ သံတမန်များ မြန်မာနိုင်ငံကို လာရောက်လည်ပတ်ခဲ့ပြီးနောက် ဘင်္ဂါလီဒုက္ခသည်များ ဘေးကင်းစွာပြန်လာနိုင်ရေးကို ၄င်းတို့က တောင်းဆိုခဲ့သည်သာမက မြန်မာ့အချုပ်အခြာအာဏာကိုလည်း အသိအမှတ်ပြုကြောင်း ပြောဆိုခဲ့ကြသည်။ ၂၀၁၇ ခုနှစ် သြဂုတ်လတွင် ပဋိပက္ခဖြစ်ပွားခဲ့ပြီးနောက် ဘင်္ဂါလီ ၆၈၀၀၀၀ ကျော်သည် ရခိုင်ပြည်နယ်မှ ဘင်္ဂလားဒေ့ရ်ှနိုင်ငံသို့ ထွက်ပြေးခဲ့ကြသည်။

ဟာရီမင်းသားနှင့် အမေရိကန်သရုပ်ဆောင် မက်ဂန်မာခယ်တို့၏ မင်္ဂလာပွဲကို ၀င်ဆာရဲတိုက်တွင် ကျင်းပ

Photo: AFP

ဗြိတိန်မင်းဟားဟာရီနှင့် အမေရိကန် ရုပ်သံသရုပ်ဆောင် မက်ဂန်မာခယ်တို့၏ မင်္ဂလာပွဲကို မေ ၁၉ ရက်တွင် ၀င်ဆာရဲတိုက်ရှိ စိန့်ဂျော့ခ်ျဝတ်ပြုဆောင်၌ ကျင်းပခဲ့သည်။

ဟာရီသည် လူပျိုရံလုပ်မည့်အစ်ကိုဖြစ်သူ ၀ီလျံမင်းသားနှင့်အတူ ဘုရားကျောင်းသို့ ရောက်ရှိခဲ့သည်။ ဟာရီနှင့်ဝီလျံသည် အမည်းရောင်စစ်ဝတ်စုံများကို ၀တ်ဆင်ခဲ့ကြသည်။

ဟာရီနှင့် မာခယ်၏မင်္ဂလာပွဲတွင် မင်းသားဂျော့ခ်ျနှင့် ရှားလော့မင်းသမီးတို့အပါအ၀င် သတို့သမီးအရံနှင့် ရှေ့ထွက် ၁၀ ဦး ပါဝင်ခဲ့သည်။ မာခယ်သည် ဗြိတိန်ဒီဇိုင်နာ Clare Waight Keller ဖန်တီးသည့် အဖြူရောင်ဂါဝန်ရှည်ကို ၀တ်ဆင်ခဲ့သည်။ မာခယ်၏ မင်္ဂလာလက်စွပ်ကို တော်ဝင်မင်္ဂလာပွဲများအတွက် အစဉ်အလာဖြစ်သည့် ဝေလရွှေဖြင့်ပြုလုပ်ခဲ့ပြီး ဟာရီ၏လက်စွပ်ကို ပလက်တီနမ်ဖြင့် ပြုလုပ်ခဲ့သည်ဟု သိရသည်။

Photo: AFP

အသက် ၃၆ နှစ်အရွယ်ရှိ သတို့သမီးမာခယ်သည် မင်္ဂလာလျှောက်လမ်းတစ်ဝက်ကို တစ်ဦးတည်း လျှောက်လှမ်းခဲ့ပြီး တစ်ဝက်ကို ဟာရီ၏ဖခင် ချားစ်မင်းသား၏ လက်တွဲခေါ်ဆောင်မှုဖြင့် လျှောက်လှမ်းခဲ့သည်။ ၀တ်ပြုဆုတောင်းစဉ်အတွင်း ခရစ်ယာန်ဓမ္မတေးသံစုံကျူးအဖွဲ့က Ben E.King ၏ Stand By Me သီချင်းဖြင့် ဖျော်ဖြေခဲ့သည်။

၎င်းတို့၏မင်္ဂလာပွဲသို့ ဖိတ်ကြားခဲ့သည့်ဧည့်သည် ၆၀၀ ထဲတွင် အော်ပရာဝင်းဖရေး၊ ဂျော့ကလူနီနှင့် အမယ်ကလူနီ၊ ဒေးဗစ်ဘက်ခမ်နှင့် ဗစ်တိုးရီးယားဘက်ခမ်၊ ဆာအယ်လ်တန်ဂျွန်၊ တင်းနစ်အကျော်အမော် ဆီရီနာဝီလျံ၊ အဆိုတော် ဂျိမ်းစ်ဘလန့်၊ သရုပ်ဆောင် အိုင်းဒရစ်အယ်လ်ဘာ၊ တွမ်ဟာဒီနှင့် ဟာရီ၏ရည်းစားဟောင်းများဖြစ်သည့် Chelsy Davy နှင့် Cressida Bona တို့လည်း တက်ရောက်ခဲ့သည်။

အလိဇဘတ်ဘုရင်မကြီးက ဟာရီမင်းသားနှင့် မာခယ်တို့အား Sussex မြို့စားနှင့် မြို့စားကတော်အဖြစ် ချီးမြှင့်ခဲ့သည်ဟု ဘက်ကင်ဟမ်နန်းတော်က မင်္ဂလာပွဲမတိုင်မီ ထုတ်ပြန်ခဲ့သည်။ ဘုရင်မကြီးသည် ဗြိတိန်ထီးနန်းဆက်ခံမည့် ဆဋ္ဌမမြောက်နေရာတွင်ရှိသည့် ဟာရီမင်းသားကို Earl of Dumbarton နှင့် မာခယ်ကို Baron of Kilkeel ဘွဲ့လည်း ချီးမြှင့်ခဲ့သည်။

သောင်းနှင့်ချီသောလူထုသည် မင်္ဂလာပွဲကျင်းပသည့် ၀င်ဆာရဲတိုက်ရှေ့တွင် စောင့်ဆိုင်းနေကြပြီး မင်္ဂလာဇနီးမောင်နှံအတွက် ကောင်းချီးပေးခဲ့ကြသည်။ ဟာရီနှင့် မာခယ်၏မင်္ဂလာပွဲကို ကမ္ဘာတစ်ဝန်းမှ စောင့်ကြည့်သူ သန်းနှင့်ချီရှိသည်ဟု သိရသည်။