ကျွဲ၊ နွားများ ခိုးရောင်းနေခြင်းကြောင့် နှစ်ဖက် အကျိုးမရှိသည့်အတွက် တရားဝင် ခွင့်ပြုခြင်းဖြစ်ကြောင်းနှင့် တောင်သူများ ကြုံတွေ့နေရသည့် အခြေအနေကြောင့် ပြန်လည် သုံးသပ်မည် ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ပြောကြား

ကျွဲ၊ နွားများ ခိုးရောင်းနေခြင်းကြောင့် နှစ်ဖက် အကျိုးမရှိသည့်အတွက် တရားဝင် ခွင့်ပြုခြင်း ဖြစ်ကြောင်းနှင့် တောင်သူများ ကြုံတွေ့နေရသည့် အခြေအနေကြောင့် ပြန်လည်သုံးသပ်မည် ဖြစ်ကြောင်း နိုင်ငံတော်၏ အတိုင်ခံပင်ပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

ပခုက္ကူမြို့နယ် ချောက်ကန်ကျေးရွာတွင် သြဂုတ် ၉ ရက် နံနက်က ပြုလုပ်သည့် ပခုက္ကူဒေသခံ ရှစ်ဦး ပါဝင်သည့် ငြိမ်းချမ်းရေး စကားဝိုင်းတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ထည့်သွင်း ပြောဆိုခဲ့ခြင်း ဖြစ်သည်။

“ခိုင်းစားနွားတွေကို ရောင်းစားလိုက်မယ်ဆိုရင် တောင်သူ လယ်သမားတွေအတွက် ပြဿနာရှိတယ်။ သို့သော်ငြားလည်း ဒီလို တရားဝင်လုပ်ရတဲ့ အကြောင်းရင်းက ဘာလဲဆိုတော့ ခိုးခိုးပြီး ရောင်းနေလို့။ ခိုးခိုးပြီး ရောင်းနေတဲ့အတွက် ဘယ်ဘက်ကမှ အမြတ်မရှိဘူး။ ဒီဟာကို တရားဥပဒေ ဘောင်အတွင်းဝင်အောင် လုပ်ရတဲ့သဘောပဲ။ ဒါပေမဲ့ ဒါကို အလေးအနက်ထားပြီး ပြန်သုံးသပ်ပါမယ်” ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

အဆိုပါ ငြိမ်းချမ်းရေး စကားဝိုင်းတွင် ပခုက္ကူမြို့နယ် ကိုင်းကျေးရွာမှ တောင်သူ ကိုသက်ခိုင်က လက်ရှိ ဖြစ်ပေါ်နေသည့် တောင်သူလုပ်ငန်း အခြေအနေအရ စက်မှုလယ်ယာသို့ ပြောင်းလဲရန် မလွယ်ကူသေးကြောင်း၊ ကျွဲနွား တရားဝင် တင်ပို့မှုကြောင့် ကျွဲနွားဈေး မြင့်တက်လာပြီး ကျေးလက်ဒေသတွင် ကျွဲနွား ရှားပါးလာကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား တင်ပြ ဆွေးနွေးခဲ့သည်။

ပခုက္ကူမြို့နယ် ကိုင်းကျေးရွာမှ တောင်သူ ကိုသက်ခိုင်ကပင် တောင်သူများ ချေးငွေရရှိမှုမှာ စိုက်ပျိုးစရိတ်ထက် နည်းပါးကြောင်း၊ အချိန်မီ မရရှိသည့်အတွက် ပြင်ပငွေတိုး ရှာဖွေရကြောင်း ၊ သုတေသန စိုက်ခင်းများ လုပ်ဆောင်ပေးစေလိုကြောင်းနှင့် စိုက်ပျိုးရေးဌာနသည် တောင်သူများနှင့် ကင်းကွာနေကြောင်း ဆွေးနွေးခဲ့သည်။

“ကျွဲနွားတွေကို မကွေးတိုင်းအနေနဲ့ အခုချိန်အထိ ၁၇၀၀၀ ကျော်လောက် တင်ပို့ထားပါတယ်။ ကုမ္ပဏီပေါင်း ၁၇၀ ကနေ တင်ပို့ထားတာပါ။ တရားမ၀င် တင်ပို့ထားတာတွေ ရှိတယ်လို့လည်း ကြားသိရပါတယ်။ သက်ဆိုင်ရာ လွှတ်တော် ကိုယ်စားလှယ်တွေရယ် ညှိနှိုင်းပြီး တတ်နိုင်သမျှ ထိန်းချုပ်သွားမှာပါ” ဟု မကွေးတိုင်းဒေသကြီး စိုက်ပျိုးရေးနှင့် ဆည်မြောင်းဝန်ကြီး ဦးဝင်းမော်ဌေးက အများပြည်သူသို့ ပြန်လည် ဖြေကြားခဲ့သည်။

ပခုက္ကူမြို့နယ် ချောက်ကန်ကျေးရွာတွင် ပြုလုပ်သည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နှင့် ပခုက္ကူဒေသခံ ရှစ်ဦးတို့၏ ငြိမ်းချမ်းရေးစကားဝိုင်းတွင် ကျန်းမာရေး ၊ ပညာရေးနှင့် ငြိမ်းချမ်းရေး ကိစ္စများလည်း ဆွေးနွေးခဲ့ကြသည်။

နိုင်ငံတော်၏အတိုင်ပင်ခံပုဂ္ဂိုလ်နှင့် ပခုက္ကူဒေသခံတို့၏ ငြိမ်းချမ်းရေးစကားဝိုင်းအား ယနေ့ပြုလုပ်မည်

ပခုက္ကူမြို့နယ် အရှေ့ချောက်ကန် ကျေးရွာတွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ပခုက္ကူဒေသခံရှစ်ဦးတို့၏ ငြိမ်းချမ်းရေး စကားဝိုင်းအား သြဂုတ် ၉ ရက် နံနက်ပိုင်းတွင် ပြုလုပ်လျှက်ရှိကြောင်း သိရသည်။

“အခု ဆွေးနွေးစကားပြောခွင့်ရတဲ့အတွက် ၀မ်းသာမိပါတယ်။ ပြည်တွင်းစစ်ကြာရှည်မှု၊ တိုင်းပြည်စီးပွားရေးနောက်ကျမှုနဲ့ ကျွန်တော်တို့ တောင်သူတွေ ကြုံတွေ့နေရတဲ့ အခက်အခဲတွေကို တင်ပြသွားမှာပါ” ဟု တောင်သူတစ်ဦးအနေဖြင့် ဆွေးနွေး စကားပြောခွင့်ရရှိမည့် ကိုင်ကျေးရွာမှ ကိုသက်ခိုင်က ပြောကြားသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ပခုက္ကူမြို့သို့ သြဂုတ် မနက် ၉ နာရီခန့်တွင် ရောက်ရှိလာခဲ့ပြီး ပခုက္ကူစက်မှုဇုန်တွင် ဒေသခံများနှင့် တွေ့ဆုံခြင်း၊ ထန်းသားဖြင့် ပရိဘောဂများ ပြုလုပ်သည့် စက်ရုံသို့ သွားရောက်ကြည့်ရှုမည်ဖြစ်ကြောင်း သိရသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ပခုက္ကူမြို့တွင် ပြုလုပ်မည့် ငြိမ်းချမ်းရေးစကားဝိုင်းအပြီးတွင် ပုပ္ပားသို့ ထပ်မံသွားရောက်ဖြစ်ပြီး သြဂုတ် ၁၁ ရက်တွင် မန္တလေးမြို့သို့ ဆက်လက် သွားရောက်မည်ဖြစ်ကြောင်း သိရသည်။

ပြည်သူများကို ရှေ့တန်းတင်သည်ဆိုပါက ငြိမ်းချမ်းရေးကို ရှေ့တန်းတင်ရမည်ဟု နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

မော်လမြိုင်သို့ ရောက်ရှိလာသည့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား တွေ့ရစဉ် (ဓာတ်ပုံ-ကိုသက်)

ပြည်သူများကို ရှေ့တန်းတင်သည်ဆိုပါက ငြိမ်းချမ်းရေးကို ရှေ့တန်းတင်ရမည်ဖြစ်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဇွန် ၁၄ ရက်တွင် မွန်ပြည်နယ် မော်လမြိုင်မြို့၌ ကျင်းပသည့် နိုင်ငံတော်၏ အတိုင်ပင်ခံပုဂ္ဂိုလ်နှင့် ဒေသခံပြည်သူများစကားဝိုင်းတွင် အထက်ပါကဲ့သို့ ထည့်သွင်းဆွေးနွေး ပြောကြားခဲ့ခြင်းဖြစ်သည်။

ဒေါ်အောင်ဆန်းစုကြည်က “ပြည်သူတွေကိုချစ်ရင် ငြိမ်းချမ်းရေးရအောင် လုပ်ရမယ်။ ဘာဖြစ်လို့လဲဆိုတော့ ငြိမ်းချမ်းရေးရခြင်းဟာ ပြည်သူတွေကို သက်သာစေတယ်။ ပြည်သူတွေကို ရှေ့တန်းတင်တယ်ဆိုရင် ငြိမ်းချမ်းရေးကို ရှေ့တန်းတင်ရမယ်။ ပြည်သူတွေရဲ့ဘ၀ကို အေးချမ်းစေချင်တယ်ဆိုရင် ငြိမ်းချမ်းရေးရအောင်ကို လုပ်ရမယ်။ နောက်ပြီးတော့ ကိုယ်လိုချင်တဲ့ ပန်းတိုင်တွေကိုရောက်ဖို့ ကိုယ်ယုံကြည်တဲ့ ယုံကြည်ချက်အရ သွားဖို့ရာ ငြိမ်းချမ်းရေးနည်းနဲ့လည်း ရနိုင်တယ်ဆိုတာကို ကိုယ့်ကိုယ်ကိုယ်ယုံကြည်ချက် ရှိရမယ်” ဟု ပြောကြားသည်။

တစ်ဦးနှင့်တစ်ဦး ထိတွေ့မှုသည် အရေးကြီးကြောင်း၊ ညှိနှိုင်းတိုင်ပင်နေရမည်ဖြစ်ကြောင်း၊ ညှိနှိုင်းဆွေးနွေးသည့်နည်းတူ ယင်းနိုင်ငံရေးယဉ်ကျေးမှုကို ယုံကြည်ပြီဆိုပါက ငြိမ်းချမ်းရေးသည် ခိုင်မာပြီဖြစ်ကြောင်း နိုင်ငံတော်၏အတိုင်ပင်ခံပုဂ္ဂိုလ်က ဆက်လက် ပြောကြားသည်။

“အခုကျွန်မတို့ဆိုလို့ရှိရင် ငြိမ်းချမ်းရေးရဖို့အတွက် ခက်နေတဲ့ကိစ္စတစ်ခုက အချင်းချင်း ယုံကြည်မှု တည်ဆောက်ရမယ်ဆိုတဲ့ ကိစ္စ။ ဒါလည်း ခဏခဏကြားရပါတယ်။ တစ်ဖက်က တစ်ဖက်ကို မယုံဘူးစသဖြင့်။ ကျွန်မက ပြောတယ်။ ပထမဦးဆုံး ယုံကြည်ရမှာပါက ကိုယ်ကိုယုံကြည်ရမှာ။ ဒီကိစ္စကို ငြိမ်းချမ်းရေးဘောင်အတွင်းက ငါတို့လုပ်နိုင်တယ်ဆိုတဲ့ ကိုယ့်ကိုယ်ကိုယ်ယုံကြည်မှု ရှိရမယ်။ အဲဒီလို ကိုယ့်ကိုယ်ကိုယ် ယုံကြည်မှုရှိပြီဆိုရင် ငြိမ်းချမ်းရေးလမ်းကို မလျှောက်ရဲစရာအကြောင်း ဘာမှမရှိဘူး။ အဲဒါကို ပြည်သူလူထုကနေပြီးတော့ ပြည်သူ့အသံနဲ့ ဒီကိစ္စကို ကျယ်ကျယ်ပြန့်ပြန့် အားလုံးသိအောင်လို့ ပြောပေးစေချင်တယ်” ဟု နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

အဆိုပါ စကားဝိုင်းသို့ တက်ရောက်ဆွေးနွေးကြသည့် ဒေသခံပြည်သူများက ငြိမ်းချမ်းရေး အခြေအနေများ၊ ဒေသ၏ လိုအပ်ချက်များ၊ စီးပွားရေး၊ လူမှုရေး၊ ပညာရေးတို့နှင့် ပတ်သက်၍ ဆွေးနွေးတင်ပြခဲ့ကြသည်။

“ကျွန်တော် အခုဒေသခံ တိုင်းရင်းသားဆိုတဲ့နေရာမှာ ကျွန်တော်နေထိုင်ရာ သထုံမြို့နယ်ကို အခြေခံပြီးတော့ ပြောချင်ပါတယ်။ ကျွန်တော်တို့ သထုံမြို့နယ်က မွန်ပြည်နယ် ၁၀ မြို့နယ်မှာဆိုရင် ကရင်တိုင်းရင်းသား အများဆုံး မှီတင်းနေထိုင်တယ်။ အဲဒီထဲက အများစုကလည်း စစ်ပွဲနဲ့ထိစပ်တဲ့ဒေသတွေမှာ နေထိုင်ခဲ့ကြရပါတယ်။ ဆိုတော့ သူတို့အပေါ်မှာ ကျွန်တော် တည့်တည့်မြင်ပြီး ပြောရမယ်ဆိုရင်တော့ လောလောဆယ် ငြိမ်းချမ်းရေး တည်ဆောက်နေမှုဖြစ်စဉ်မှာ သူတို့ သိရှိနားလည် သဘောပေါက်ပြီးတော့ ပါဝင်ဆောင်ရွက်နေတဲ့နှုန်းက မတွေ့ရသလောက်ပါပဲ။ ဒါက ငြိမ်းချမ်းရေးအတွက် ရေရှည်ငြိမ်းချမ်းရေး တည်တံ့ဖို့အတွက်က အဓိက အခက်အခဲတစ်ခု ဖြစ်နေပါတယ်။ ဆိုတော့ အကြောင်းရင်းရှာတဲ့ အခါကျတော့ အပစ်အခတ်ကာလတွေ အချိန်ကြာမြင့်စွာ ရှိခဲ့တယ်။ အခုကတော့ အပစ်ရပ်ပြီးတော့ သုံးနှစ်တာကာလထဲ ရောက်လာပြီပေါ့။ ဒီကာလမှာ ငြိမ်းချမ်းရေးရဲ့ အသီးအပွင့်တွေကို ခံစားရပြီးတော့ သူတို့ ငြိမ်းချမ်းရေးကို သူတို့အနေနဲ့ ကြီးမားတဲ့ မက်လုံးသဖွယ် မြတ်နိုးတန်ဖိုးထားနေမယ်ဆိုလို့ ရှိရင်တော့ သူတို့ကိုယ်တိုင်ပါဝင် တည်ဆောက်ထုစစ်လာဖို့ ဆွဲအားလို့ ဖြစ်နိုင်မှာပါ” ဟု စကားဝိုင်းတွင် ဆွေးနွေးသူ စောကျော်မိုးက ဆိုသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဒေသခံပြည်သူများ ငြိမ်းချမ်းရေးစကားဝိုင်းကို နေပြည်တော်၊ လွိုင်ကော်၊ မြောင်းမြ၊ ၀မ်းတွင်း၊ မော်လမြိုင် စသည်တို့၌ ပြုလုပ်ထားသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဒေသခံပြည်သူများ ငြိမ်းချမ်းရေးစကားဝိုင်း မြောင်းမြမြို့၌ ယနေ့ပြုလုပ်မည်

မြောင်းမြမြို့၌ နိုင်ငံတော်၏အတိုင်ပင်ခံပုဂ္ဂိုလ်နှင့် ဒေသခံပြည်သူများ ငြိမ်းချမ်းရေးစကားဝိုင်းပြုလုပ်ရန် ပြင်ဆင်နေမှုအား ဧပြီ ၉ ရက်က တွေ့ရစဉ်

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဒေသခံပြည်သူများ စကားဝိုင်း (PEACE TALK)  ကို ဧရာဝတီတိုင်းဒေသကြီး မြောင်းမြမြို့၌ ဧပြီ ၁၀ ရက် (ယနေ့) တွင် ပြုလုပ်မည် ဖြစ်သည်။

အဆိုပါ ငြိမ်းချမ်းရေးစကားဝိုင်းကို မြောင်းမြမြို့ အမှတ် (၁) အခြေခံပညာအထက်တန်းကျောင်းအတွင်း၌ ပြုလုပ်မည် ဖြစ်သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် မြောင်းမြမြို့သို့ ဧပြီ ၁၀ ရက် နံနက်ပိုင်းတွင် ရဟတ်ယာဉ်ဖြင့် လာရောက်မည်ဖြစ်ပြီး မြောင်းမြမြို့ ဂုန်နီစက်ရုံတွင်စီစဉ်ထားသည့် ရဟတ်ယာဉ်ကွင်းမှ တစ်ဆင့် မော်တော်ယာဉ်များဖြင့် အခမ်းအနားကျင်းပရာ အမှတ် (၁) အခြေခံပညာအထက်တန်းကျောင်းသို့ လာရောက်မည်ဖြစ်ကြောင်း၊ ဆွေးနွေးပွဲပြီးဆုံးပါက နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်သည် ၎င်း၏ မိခင်ဖြစ်သူ ဒေါ်ခင်ကြည် ကိုးကွယ်ခဲ့သည့် ဇေယျမေဒနီဘုန်းတော်ကြီးသင် စာသင်တိုက်ကျောင်းသို့ သွားရောက်မည်ဖြစ်ကြောင်း သိရသည်။

ထို့ပြင်  နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် မြောင်းမြမြို့ တွင်ဆောက်လုပ်မည့် ဒေါ်ခင်ကြည်သူနာပြုသင်တန်းကျောင်း မြေနေရာအား လေ့လာကာ ပြီးခဲ့သည့်ရက်ပိုင်းက ကျိုးပျက်ခဲ့သည့် မြောင်းမြကြိုးတံတားနေရာအား သွားရောက်ကြည့်ရှုမည်ဖြစ်ကြောင်း စကားဝိုင်းဆွေးနွေးပွဲ အခမ်းအနားစီစဉ်သူများ၏ ပြောကြားချက်အရ သိရသည်။

နိုင်ငံတော်၏ အတိုင်ပင်ခံပုဂ္ဂိုလ်နှင့် ဒေသခံပြည်သူများစကားဝိုင်း (PEACE TALK) အခမ်းအနားတွင် နိုင်ငံတော်၏အတိုင်ပင်ခံပုဂ္ဂိုလ်နှင့်အတူ ဒေသခံပြည်သူများဖြစ်သည့် ဦးဇော်တင်မိုး၊ ဒေါ်ပြုံးပြုံးအေး၊ ဦးအောင်မြင့်မြတ်၊ ဦးဝင်းနိုင်၊ ဒေါ်ဖြိုးအိကြိုင်၊ ဦးအောင်ကြည်မြင့်၊ ဒေါ်နန့်ရီစိုင်းနား၊ ဦးစိုးလှိုင်ဦးတို့က ပါဝင်ဆွေးနွေးမည်ဖြစ်ပြီး ယင်းဆွေးနွေးပွဲအား မြောင်းမြမြို့မအားကစားကွင်းကြီးအတွင်းတွင် LED ဘုတ်များဖြင့် တိုက်ရိုက်ထုတ်လွှင့်ပြသထားမည်ဖြစ်ကြောင်း သိရသည်။

“အစ်ကို့အနေနဲ့က ဒီပွဲကို CSO အနေနဲ့ တက်ရောက်တာဆိုတော့ CSO အဖွဲ့တွေ လုပ်ဆောင်နေတဲ့ ငြိမ်းချမ်းရေးဖိုရမ်တွေနဲ့ ပက်သက်ပြီးတော့ပဲ လုပ်ဆောင်နေမှုတွေကို အဓိကထားတင်ပြသွားမှာပါ၊ နောက်ပိုင်းမှာ CSO ဖိုရမ်တွေကို ဒေသတွင်းဆွေးနွေးပွဲ လူမျိုးစုအလိုက် ဆွေးနွေးပွဲတွေ ဖြစ်မြောက်အောင် ဆက်လက်လုပ်ဆောင်နိုင်ဖို့ ဒါတွေကိုပဲ အဓိကထားတင်ပြသွားပါမယ်” ဟု ဆွေးနွေးပွဲတွင် တက်ရောက်ဆွေးနွေးရန် ဖိတ်ကြားခံရသူ ဦးစိုးလှိုင်ဦးက ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ်၏ မြောင်းမြခရီးစဉ်အား မြို့ခံပြည်သူများ ကြိုဆိုနိုင်ရေးအတွက် မြောင်းမြမြို့နယ် အမျိုးသားဒီမိုကရေစီအဖွဲ့ချုပ်ကလည်း လိုက်လံနှိုးဆော်မှုများပြုလုပ်ပြီး ကြိုဆိုနှုတ်ဆက်လို သူများသည် မြောင်းမြဂုန်နီစက်ရုံ၊ ပညာဇေယျုံ ဘုန်းကြီးကျောင်းရှေ့၊ နတ်စင်လမ်းထိပ်၊ ဦးဘချိုရုပ်တုရှေ့၊ အထက (၆) ကျောင်းရှေ့ နှင့် (၁၂) လမ်းထိပ်များတွင် စောင့်ဆိုင်းကြိုဆိုနိုင်ကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်သည် ယခုကဲ့သို့ အလားတူ စကားဝိုင်းဆွေးနွေးပွဲများကို နေပြည်တော်၊ ရှမ်းပြည်နယ် ပင်လုံမြို့၊ မန္တလေးတိုင်းဒေသကြီး ၀မ်းတွင်းမြို့နယ် မြေတိုင်ကန်ကျေးရွာ၊ ကယားပြည်နယ် လွိုင်ကော်မြို့စသည့်နေရာများတွင် ပြုလုပ်ထားသည်။

မင်းသူဝင်းထွဋ်