ငြိမ်းချမ်းရေးလုပ်ငန်းစဉ်တွင် အစိုးရနှစ်ရပ်နှင့်ဆွေးနွေးနေသည့်ပုံစံသည် ငြိမ်းချမ်းရေးအောင်မြင်မှုမရရှိနိုင်ကြောင်း ချင်းအမျိုးသားတပ်ဦး ဒုတိယဥက္ကဋ္ဌ သတိပေး

 

နေပြည်တော်တွင် ဇူလိုင် ၁၅ ရက်ကကျင်းပခဲ့သည့် UPDJC အစည်းအဝေးတွင် ဒေါက်တာဆလိုင်းလျန်မှုန်းဆာခေါင်းအား တွေ့ရစဉ်(ဓာတ်ပုံ-မင်းနိုင်စိုး)

လက်ရှိအကောင်အထည်ဖော်ဆောင်ရွက်နေသည့် ငြိမ်းချမ်းရေးလုပ်ငန်းစဉ်တွင် အစိုးရအဖွဲ့က ဦးဆောင်မှုယူရမည်ဖြစ်ပြီး အစိုးရနှစ်ရပ်နှင့်ဆွေးနွေးနေသည့် ပုံစံသည် ငြိမ်းချမ်းရေးမအောင်မြင်နိုင်ကြောင်း ချင်းအမျိုးသားတပ်ဦး (CNF)  ဒုတိယဥက္ကဋ္ဌ ဒေါက် တာဆလိုင်းလျန်မှုန်းဆာခေါင်းက သတိပေး ပြောကြားသည်။

ရန်ကုန်မြို့၊ ဗိုလ်အောင်ကျော်လမ်းရှိ City Hotel Yangon တွင် ဇူလိုင် ၂၁ ရက် နံနက်ပိုင်းက “တတိယအကြိမ်ညီလာခံ ငြိမ်းချမ်းရေးတံခါး ပွင့်ပြီလား” ဟူသော ခေါင်းစဉ်ဖြင့် ပြုလုပ်ခဲ့သော DVB Debate  ဆွေးနွေးပွဲတွင် ဒေါက်တာဆလိုင်းလျန်မှုန်းဆာခေါင်းက ထိုသို့ သတိပေးပြောကြားခဲ့ခြင်း ဖြစ်သည်။

“အခုလက်ရှိအနေအထားက ဒါ ပွင့်ပွင့် လင်းလင်း ပြည်သူလူထုကို ကျွန်တော်တင်ပြချင်တာက အစိုးရနှစ်ရပ်နဲ့ကျွန်တော်တို့ ဆွေး နွေးနေတဲ့ ပုံစံနဲ့တော့ ကျွန်တော်တို့ ဒီငြိမ်းချမ်းရေး မအောင်မြင်နိုင်ဘူး။ ထို့အတွက်ကြောင့် ကျွန်တော်တို့ တိုင်းရင်းသားဘက်က တင်ပြသင့်တဲ့ တင်ပြမှု ဖက်ဒရယ်အခြေခံမူပဲဖြစ်ဖြစ်၊ ဒီမိုကရေစီအခြေခံမူပဲဖြစ်ဖြစ် ကျွန်တော်တို့တင်ပြသင့်သလောက်တော့ တင်ပြပြီးပြီ။ အဲဒီအပေါ်မှာ အစိုးရနဲ့တပ်မတော်ကနေပြီးတော့ တိုင်ပင်ပြီးတော့ ဒီလောက်ကတော့ ဒီတိုင်းပြည်အတွက် လက်ခံသင့်တယ်၊ လက်မခံသင့်ဘူးဆိုတာသူတို့ရဲ့ဘုံသဘောထားနဲ့ကျွန်တော်တို့ကို လာဆွေးနွေးသင့်တယ်လို့ ကျွန်တော်မြင်ပါတယ်။ တပ်မတော်က တခြား၊ အစိုးရကတခြားဆိုတဲ့ ပုံစံနဲ့ လာဆွေးနွေးနေသရွေ့ကတော့ ကျွန်တော်တို့ ဒီငြိမ်းချမ်းရေးဖြစ်စဉ်ကတော့ ရှေ့တိုးမှာ မဟုတ်ဘူး” ဟု ၎င်းက ဆိုသည်။

နိုင်ငံတစ်ခု၏ ပြည်သူလူထုက ရွေးကောက်တင်မြှောက်ထားသော အစိုးရသည် ငြိမ်းချမ်းရေးဖြစ်စဉ်တွင် ပို၍ပင်ဦးဆောင်မှု ယူရမည်ဖြစ်ပြီး တိုင်းရင်းသားလက်နက်ကိုင်အဖွဲ့အစည်းများအနေဖြင့် အစိုးရနှင့်တပ်မတော်ကို သီးခြားစီဆွေးနွေးနေရသည့် ပုံစံမျိုး မကြာခဏဖြစ်ပေါ်နေကာ အစိုးရအနေဖြင့် အကျိုးဆောင်ပေးရုံ ဘေးကထိုင်နေသည့် ပုံစံမျိုးဖြင့် ဆက်သွား၍ မရတော့ကြောင်း ဒေါက်တာဆလိုင်းလျန်မှုန်းဆာခေါင်းက သုံးသပ်ပြောကြားသည်။

“ဘာဖြစ်လို့လဲဆိုတော့ ကျွန်တော်တို့ နဲ့တပ်မတော်ပဲ ငြင်းခုံ၊ ဆွေးနွေး၊ အဖြေရှာမရ။ ဒီကြားထဲမှာ အစိုးရက ဦးဆောင်တယ်ဆိုပြီးတော့လည်း ဘေးကနေပဲထိုင်တယ်ဆိုတဲ့ ပုံစံမျိုးနဲ့တော့ ဆက်သွားလို့ မရတော့ဘူးလို့ ကျွန်တော်မြင်တယ်။ ဘာဖြစ်လို့လဲဆိုတော့ ကျွန်တော်တို့အနေနဲ့အစိုးရနှစ်ရပ်နဲ့ ဆက်ပြီးတော့ ဆွေးနွေးဖို့ ခက်သွားပြီ”ဟု ၎င်းက ပြောကြားသည်။

တိုင်းပြည်ကို မိဘသဖွယ်ဦးဆောင်နေသည့် နိုင်ငံ့ခေါင်းဆောင်နှင့်အစိုးရအဖွဲ့သည် ငြိမ်းချမ်းရေးလုပ်ငန်းစဉ်တွင် အကျိုးဆောင်ရုံဖြင့် လုံလောက်မှုမရှိကြောင်း၊ အစိုးရ၊ တပ်မတော်နှင့် တိုင်းရင်းသားလက်နက်ကိုင် အဖွဲ့သုံးဖွဲ့အကြားတွင် စေ့စပ်ခြင်း၊ ညှိ နှိုင်းခြင်းများ ပြုလုပ်ပေးရမည်ဖြစ်ကာ ဆွေး နွေးပွဲအချို့၌ ထိပ်တိုက်တွေ့မှု ဖြစ်စဉ်များတွင် အစိုးရက ငုတ်တုတ်ထိုင်ကြည့်နေသည်ဟု ကရင်အမျိုးသားအစည်းအရုံး (KNU) ဗဟို အလုပ်အမှုဆောင်ကော်မတီဝင် ပဒိုမန်းငြိမ်းမောင်ကလည်း အဆိုပါဆွေးနွေးပွဲတွင် ပြော ကြားသည်။

“အစိုးရက ဒီအတိုင်းကြားကနေ ထိုင်နေတယ်။ ဘာမှ ဦးဆောင်မှုမပေးနိုင်ဘူး။ ဒါ ကျွန်တော်တို့ အတွေ့အကြုံဖြစ်တယ်။ကျွန်တော်အခုပြောတာ အပြုသဘောနဲ့ ပြောတာဖြစ်တယ်။ တိုင်းပြည်က ဒါတွေသိဖို့လိုတယ်။ဒါတွေသိမှ ဒါတွေ ကျွန်တော်တို့အ ခက်အခဲတွေကို တိုင်းပြည်က ၀ိုင်းပြီးမှကူ နိုင်မယ်လို့ ကျွန်တော်ထင်တယ်။ အကျိုးဆောင်ပေးရုံနဲ့တော့ မလုံလောက်ဘူး။ အစိုးရတစ်ရပ်က ဦးဆောင်ဖို့ပဲ။ တိုင်းပြည်ကို အုပ်ချုပ်တာ ဦးဆောင်ဖို့ပဲ။ ကောင်းမွန်တဲ့စနစ်တွေ ချမှတ်နိုင်ဖို့အတွက် ဦးဆောင်ဖို့ပဲ။ကြားဝင်ပေးရုံလောက်နဲ့တော့ မလုံလောက်ဘူးလို့ ကျွန်တော်ထင်ပါတယ်”ဟု ပဒိုမန်းငြိမ်းမောင်က ပြောကြားသည်။

ယခုပြုလုပ်သည့် ဆွေးနွေးပွဲတွင် ရခိုင်ပြည် လွတ်မြောက်ရေးပါတီ (ALP) ဗဟိုအလုပ်အမှုဆောင် ကော်မတီဝင် ဒေါ်စောမြရာ ဇာလင်းနှင့်တိုင်းရင်းသားလူမျိုးများရေးရာစင်တာမှ ဒုတိယအလုပ်အမှုဆောင် ဒါရိုက်တာ ဒေါက်တာပညာမွန်တို့လည်း ပါဝင်ဆွေး နွေးခဲ့ကြသည်။

ငြိမ်းချမ်းရေးခရီးလမ်းသည် ဝေးလွန်းသော်လည်း အားမလျှော့ရန်လိုကြောင်း၊ တိုင်းရင်းသားလက်နက်ကိုင်များအနေဖြင့် ငြိမ်းချမ်းရေး လုပ်ငန်းစဉ်တွင် နောက်ကြောင်းပြန်မလှည့်ဟု သန္နိဋ္ဌာန်ချထားကာအဆိုပါ ခရီးကို ဆက်သွားမည်ဟု ပဒိုမန်းငြိမ်းမောင်က ပြောကြားသည်။

ငြိမ်းချမ်းရေးအတွက် မန္တလေးကျုံးဘေး၌ ဖယောင်းတိုင်ထွန်း ဆုတောင်းခဲ့ခြင်းကြောင့် ပုဒ်မ ၁၉ ဖြင့် အမှုဖွင့်ဖမ်းဆီးခံထားရသည့် ဗကသအဖွဲ့ဝင်နှစ်ဦးကို အောင်မြေသာစံမြို့နယ်တရားရုံးက ထောင်ဒဏ် သုံးလ ချမှတ်

ကိုသန်းထိုက်နှင့် ကိုနှင်းအောင်တို့အား ဇူလိုင်လ ၅ ရက်ရုံးချိန်း၌ တွေ့ရစဉ်

စစ်ပွဲများ ရပ်တန့်ပေးရန်နှင့် ငြိမ်းချမ်းရေးအတွက် မန္တလေးကျုံးဘေးတွင် ဖယောင်းတိုင်ထွန်း ဆုတောင်းခဲ့ခြင်းကြောင့် ငြိမ်းစုစီ ဥပဒေပုဒ်မ ၁၉ ဖြင့် အမှုဖွင့် ဖမ်းဆီးခံထားရသည့် ဗကသအဖွဲ့ဝင် နှစ်ဦးဖြစ်သည့် ကိုသန်းထိုက်နှင့် ကိုနှင်းအောင်တို့ကို ယနေ့ (ဇူလိုင် ၅ ရက်) က အောင်မြေသာစံမြို့နယ် တရားရုံး၌ ကိုးကြိမ်မြောက် ရုံးထုတ်ခဲ့ပြီးနောက် ထောင်ဒဏ်သုံးလ ချမှတ်ခဲ့ကြောင်း သိရသည်။

ငြိမ်းချမ်းရေးအတွက် မန္တလေးကျုံးနံဘေးတွင် ဖယောင်းတိုင်ထွန်း ဆုတောင်းခဲ့မှုကြောင့် ငြိမ်းချမ်းစွာ စုဝေးခွင့်နှင့် စီတန်း လှည့်လည်ခြင်းဆိုင်ရာ ဥပဒေ ပုဒ်မ ၁၉ ဖြင့် အမှုဖွင့် ဖမ်းဆီးတရားစွဲဆို ခံထားရသည့် ဗကသအဖွဲ့ဝင်နှစ်ဦးအမှုကို ဇူလိုင် ၅ ရက် နံနက်ပိုင်းက အောင်မြေသာစံမြို့နယ် တရားရုံးတွင် ရုံးထုတ်ခဲ့သည်။ အဆိုပါ အမိန့်ချမှတ်မည့် ရုံးချိန်းသို့ မိသားစုဝင်များ၊ ဗကသအဖွဲ့ဝင်များ အပါအဝင် အမှုအားစိတ်ပါဝင်စားသူများ လာရောက် နားထောင်ခဲ့ကြကြောင်း သိရသည်။

ပြီးခဲ့သည့် ဇွန် ၂၁ ရက် ရုံးချိန်းက အမှုနှင့်ပတ်သက်၍ နောက်ဆုံးကျန်ရှိနေသည့် တရားလိုပြသက်သေ ရဲတပ်ဖွဲ့ဝင်တစ်ဦးကို စစ်ဆေးခဲ့ပြီးနောက် စွပ်စွဲခံထားရသူ နှစ်ဦးတို့ကို တွဲဖက်မြို့နယ်တရားသူကြီးက ဆက်လက် စစ်ဆေးခဲ့ပြီး အမှုကို အပြီးသတ် အမိန့်ချမှတ်ရန်အတွက် ဇွန် ၂၇ ရက်သို့ ထပ်မံ ချန်းဆိုခဲ့သော်လည်း အမှုကို အပြီးသတ်လျှောက်လဲချက် ကြားနာမှုသာပြုလုပ်ခဲ့ပြီး ဇူလိုင် ၅ ရက်သို့ အပြီးသတ် အမိန့်ချမှတ်ရန်အတွက် တရားသူကြီးက ရုံးချိန်းဆက်လက် ချိန်းဆိုခဲ့ကာ ယခုရုံးချိန်း၌ မြို့နယ်တရားရုံးက ထောင်ဒဏ် သုံးလ ချမှတ်ခဲ့ခြင်း ဖြစ်သည်။

ငြိမ်းချမ်းရေးအတွက် ယုံကြည်မှု တည်ဆောက်ခြင်း

မြန်မာနိုင်ငံသည် ပြည်တွင်းစစ်အရှည်ကြာဆုံးနှင့် ယင်း၏ဆိုးရွားသော သက်ရောက်မှုဒဏ်ကို ကြီးစွာခံစားနေရသော နိုင်ငံတစ်နိုင်ငံလည်း ဖြစ်သည်။ နိုင်ငံလွတ်လပ်ရေးရပြီးကတည်းကပင် လက်နက်ကိုင်ပဋိပက္ခများ အဆုံးသတ်နိုင်ရန် အစိုးရအဆက်ဆက် နည်းအမျိုးမျိုးဖြင့် ကြိုးစားလာခဲ့သော်လည်း လက်ရှိအချိန်အထိ ငြိမ်းချမ်းရေးရရှိရန် ခက်ခဲနေဆဲဖြစ်သည်ကို တွေ့ရပေလိမ့်မည်။ အာဏာရှင်စနစ်မှ ဒီမိုကရေစီ အသွင်ကူးပြောင်းရေးကာလသို့ ရောက်ရှိလာသည့်တိုင် တိုင်းရင်းသားဒေသများတွင် ဖြစ်ပွားနေသော တိုက်ပွဲများ ချုပ်ငြိမ်းသွားမှု မရှိခြင်းနှင့် စစ်မှန်သောငြိမ်းချမ်းရေးအတွက် ယုံကြည်မှု တည်ဆောက်နိုင်ခြင်း မရှိသေးသည်က တိုင်းပြည်အတွက် ကြီးမားသောကွက်လပ် တစ်ခုဖြစ်နေပေသည်။ ယခင်သမ္မတဦးသိန်းစိန် အစိုးရလက်ထက်က စတင်၍ ငြိမ်းချမ်းရေး ဆွေးနွေးပွဲများနှင့် တိုင်းရင်းသားများအကြား ယုံကြည်မှု တည်ဆောက်ရန် ကြိုးစားခဲ့ကြသော်လည်း အများမျှော်လင့်နေသကဲ့သို့ ငြိမ်းချမ်းရေးခရီးသည် လွယ်ကူချောမွေ့မှု မရှိသည်ကို တွေ့ရသည်။ NLD အစိုးရလက်ထက်တွင်လည်း မွန်နှင့်လားဟူအဖွဲ့နှစ်ဖွဲ့မှ NCA လက်မှတ်ထိုးခဲ့သော်လည်း ငြိမ်းချမ်းရေးခရီးသည် စိန်ခေါ်မှုများနှင့် ထင်သလောက် မလွယ်ကူသည်ကို တွေ့ရပြန်သည်။ မြန်မာပြည် ငြိမ်းချမ်းရေးနှင့် ပတ်သက်လျှင် အနှစ်ချုပ်ကြည့်လျှင် တိုင်းရင်းသားများအကြား ယုံကြည်မှု တည်ဆောက်၍ မရသေးခြင်းက ပြဿနာတစ်ရပ်ဖြစ်သည်ဟု ကောက်ချက်ချကြသည်။

မြန်မာပြည်ငြိမ်းချမ်းရေးအတွက် တိုင်းရင်းသား အချင်းချင်း အပြန်အလှန် နားလည်မှုနှင့် ယုံကြည်မှုသည် များစွာအရေးကြီးသည်။ ထိုအချက်ကို ဗိုလ်ချုပ်အောင်ဆန်းသည် အလေးအနက်ထားသည့်အတွက် လွတ်လပ်ရေးကြိုးပမ်းရာတွင် တောင်တန်းပြည်မ မခွဲခြားဘဲ တိုင်းရင်းသားအချင်းချင်း ချစ်ကြည်ရေးရရှိရန် အလေးထား ဆောင်ရွက်ခဲ့သည်။ ၁၉၄၅ သြဂုတ် ၁၅ တွင် ဂျပန်များစစ်ရှုံး၍ လက်နက်ချပြီးနောက် အင်္ဂလိပ်တို့ ပြန်လည်ဝင်ရောက်လာသောအခါ လွတ်လပ်ရေးအတွက် တောင်တန်းဒေသများ၏ သဘောတူညီမှုရရှိရန် လိုသည်ဟုဆိုသည့်အတွက် ဗိုလ်ချုပ်အောင်ဆန်းသည် တောင်တန်းဒေသရှိ ကချင်တိုင်းရင်းသားများကို စည်းရုံးရန် ကြိုးစားခဲ့သည်။ ၁၉၄၆ ခုနှစ် နိုဝင်ဘာ ၂၈ တွင် ဗိုလ်ချုပ်သည် ကချင်ပြည်နယ်သို့ ရောက်ရှိခဲ့ပြီး မြေပြန့်တောင်တန်း သွေးစည်းညီညွတ်ရေးအတွက် ကချင်ဒေသခံလူထုနှင့် တွေ့ဆုံ၍ မိန့်ခွန်းတစ်ရပ် ပြောကြားခဲ့သည်။ ယင်းမိန့်ခွန်းတွင် ဗိုလ်ချုပ်က တိုင်းရင်းသားများနှင့် ယုံကြည်မှု တည်ဆောက်နိုင်ရန်အတွက် “ဗမာတစ်ကျပ်၊ ကချင်တစ်ကျပ် တန်းတူအခွင့်အရေးရမည်” ဟု ပြောကြားမှုသည် သမိုင်းတွင်ခဲ့သည်။

ဗမာတစ်ကျပ်၊ ကချင်တစ်ကျပ်နှင့် တိုင်းရင်းသားများအကြား တန်းတူအခွင့်အရေးဆိုသည့် အချက်မှာ ယနေ့တိုင် ရှုတ်ထွေးမှုများ၊ နက်နဲသော စိန်ခေါ်မှုများနှင့် ပြဿနာတစ်ရပ်အဖြစ် ရှိနေသည်မှာလည်း အမှန်ပင်ဖြစ်သည်။ မည်သို့ပင်ဆိုစေကာမူ ဆယ်စုနှစ်များစွာ ကြာမြင့်ခဲ့ပြီဖြစ်သော လက်နက်ကိုင်ပဋိပက္ခနှင့် ငြိမ်းချမ်းရေးပြဿနာသည် ကြီးမားသော စိန်ခေါ်မှုဖြစ်ပြီး တိုင်းရင်းသားများအကြား ယုံကြည်မှုတည်ဆောက်နိုင်ရန် အင်မတန်ခက်ခဲသော အခြေအနေတွင် လူနည်းစုတိုင်းရင်းသားများအပေါ် စာနာထောက်ထားမှုနှင့် ငဲ့ညှာမှုမပြုနိုင်ပါက တန်းတူအခွင့်အရေးအပေါ် ၎င်းတို့မှ ယုံကြည်ကိုးစားမှု ရှိလာနိုင်မည်မဟုတ်ပေ။ သို့ဖြစ်ရာ ဆယ်စုနှစ်များစွာ ကြာမြင့်လာပြီဖြစ်သည့် လက်နက်ကိုင်ပဋိပက္ခ ချုပ်ငြိမ်းရေးနှင့် စစ်မှန်သောငြိမ်းချမ်းရေး တည်ဆောက်နိုင်ရန်အတွက် တာဝန်ရှိသူများ အနေဖြင့် တိုင်းရင်းသားအချင်းချင်းကြား ယုံကြည်မှု အပြည့်အ၀ ရရှိစေရန် အတ္တနှင့်မာနတို့ကို သတိပြုဆင်ခြင်သင့်ပါကြောင်း The Daily Eleven သတင်းစာက ရေးသားအပ်ပါသည်။

ဇူလိုင်လ ၅ ရက်နေ့ထုတ် The Daily Eleven သတင်းစာ အယ်ဒီတာ့အာဘော်

ငြိမ်းချမ်းရေး

၂၁ ရာစု ပင်လုံ တတိယအစည်းအဝေးကျင်းပရန်အတွက် (၁၅)ကြိမ်မြောက် UPDJC အစည်းအဝေးအား နေပြည်တော်၌ ဇွန် ၂၉ ရက်က ပြုလုပ်စဉ် (ဓာတ်ပုံ-ဇေယျာထွန်း)

■ ငြိမ်းချမ်းရေးရတော့မှာလား

ကိုဘသစ်က ဖုန်းဆက်ပြီး သွားနေကျ လက်ဖက်ရည်ဆိုင်ကို ချိန်းလိုက်ပါတယ်။

ဟိုရောက်တော့ သူကပဲ စပြောပါတယ်။

“ဇူလိုင် ၁၁ ရက်မှာ၂၁ ရာစု  ပင်လုံ ငြိမ်းချမ်းရေးညီလာခံ တတိယအကြိမ် အစည်းအဝေးကို ကျင်းပပါမယ်။ စိတ်ပါဝင်စားသူများ တက်ရောက်ဖို့ကိုလည်း ဖိတ်ခေါ်ထားတယ်”

“ခင်ဗျား သွားတက်မလို့လား”

“ကျွန်တော် အခြေအနေကို ကြည့်နေတာပါပဲ။ တစ်လောက ဆရာတော်ဦးဇ၀နက မေးတယ်။ ဒကာကြီး ငြိမ်းချမ်းရေးရတော့မှာလားတဲ့”

“ခင်ဗျား ဘယ်လို ဖြေလိုက်လဲ”

“လူအများဟာ ဒီမေးခွန်းကိုမေးတတ်ပါတယ်။ ကျုပ်က ‘အရှင်ဘုရား ဒါဆိုရင် သုံးကြိမ်မြောက်ပေါ့။ ၂၁ ရာစု ပင်လုံညီလာခံ အတွက် တတိယအကြိမ်မြောက် ဆွေးနွေးမှုကို စတင်တော့မှာလို့ သတင်းစာထဲပါတယ်။ ရလဒ်ကတော့ ဘယ်သူမှ မခန့်မှန်းနိုင်ကြဘူး’လို့ပဲ ဖြေလိုက်တယ် “

“အင်း ဆွေးနွေးတာ ရလဒ်ကောင်းကို ပဲ မျှော်လင့်တာပဲ မဟုတ်လား”

“မျှော်လင့်ပါတယ်။ ဒါပေမဲ့ ကျွန်တော်တို့မှာ လိုအပ်ချက်တွေ အတော်လေးကိုများနေတယ်”

“ဒါဆိုရင် ဆွေးနွေးတာတွေဟာ အလကားပဲလား”

“ဒီလိုလည်းမဟုတ်ပါဘူး။ တွေ့ဆုံဆွေးနွေးကြတာတွေက ကောင်းပါတယ်။ ညှိနှိုင်းဖို့ လိုတာကိုး”

“ငြိမ်းချမ်းရေးမရဘူးဆိုတာ မတည့်ကြတာ။ အယူအဆတွေမတူတာ မဟုတ်လား”

“မှန်ပါတယ်။ အဖွဲ့အစည်းတစ်ခုနဲ့ တစ်ခုမတည့်တာ၊ လူမျိုးအချင်းချင်း ရန်ဖြစ်တာမျိုးပါ”

“လောကမှာ ဒီလိုပဲ။ တစ်အိမ်တည်းနေ ညီအစ်ကိုမောင်နှမတွေတောင် အယူအဆ မတူသူတွေ အများကြီးပဲ”

“ဟုတ်ပါတယ်။ ဘာသာရေး အမြင်မတူသူတွေ ၀ါဒမတူသူတွေ မတူတာတွေ အများကြီးရှိတယ်။ ပြီးတော့ သူတို့ဟာ အတူတူနေကြတယ်”

“မတူတဲ့အခါ  တစ်ယောက်ကို တစ်ယောက် အပြစ်မြင်ကြတာပေါ့”

“အင်း လူတွေဆိုတာ အပြစ်ရှိကြတယ် မဟုတ်လား”

“လူတွေဟာ အမှားလုပ်တတ်တယ်။ To err is human beings ဆိုတဲ့ စကားရှိတယ်။ ဒါပေမဲ့ အပြစ်ရှိတယ်ဆိုတာတော့ မတွေ့ဘူး”

“မှားတယ်ဆိုတာ အပြစ်တွေပေါ့။ လူတိုင်း မှားတတ်တယ်ဆိုတာကိုက လူတိုင်း အပြစ်ရှိတယ်လို့ ပြောတာနဲ့ အတူတူပဲပေါ့”

 

■  မေတ္တာနဲ့ဆေးကြော

“မဟုတ်သေးဘူး။ အပြစ်ရှိတယ်ဆိုတာကတော့ လူတွေရဲ့ အယူအဆတွေ ပါလာတယ်။ ဗုဒ္ဓဘာသာမှာ အရက်သောက်တာ အပြစ်ဆိုပေမယ့် ခရစ်ယာန်ဘာသာဝင်အတွက် အရက်နည်းနည်း သောက်တာဟာ အပြစ်မဟုတ်ဘူး။ ဒါပေမဲ့ အရက်သောက်တဲ့အခါ အပြစ်တွေ ကျူးလွန်တတ်တာတွေရှိပါတယ်”

“ထားပါတော့ တို့တတွေဟာ အယူဝါဒ မတူကြတော့ အမှားတွေကို ကျူးလွန်တာတွေ ရှိတာပဲပေါ့။ တစ်ယောက်နဲ့တစ်ယောက် တွေ့ဆုံဆွေးနွေးတော့မယ်ဆိုပါတော့ ဒီလို တွေ့ဆုံဆွေးနွေးတဲ့အခါ မင်းအပြစ်ကဘာ၊ ငါ့အပြစ်က ဘာရယ်လို့ စွပ်စွဲနေလို့မရဘူး”

“ဒါပေမဲ့ အပြစ်ကို မြင်နေတာပဲ မဟုတ်လား”

“အပြစ်ရှိသူတွေဆိုတော့ အပြစ်တွေကို မြင်ကြမှာပဲ”

“လူဆိုတာ အပြစ်ရှိတယ်ဆိုတော့ အဆင်ပြေဖို့ ဘာတွေ လုပ်သင့်လဲ”

“တစ်ယောက်နဲ့တစ်ယောက် တွေ့ဆုံတဲ့အခါ မေတ္တာနဲ့ ဆေးရတယ်။မေတ္တာဆိုတာ ဆပ်ပြာနဲ့တူတယ်။ ချေးညော်မတင်အောင် ဆေးကြောရပါတယ်”

“မေတ္တာဆိုတာကို နှစ်ဖက်စလုံး ထားရမှာပေါ့ ဟုတ်လား”

“တစ်ဖက်က စ,ထားရင် ရပါတယ်။ မေတ္တာဆိုတာ အလျားအနံမရှိပေမယ့် အသွားအပြန် ရှိတယ်”

“ဘယ်လို ဆေးကြောမလဲ”

“ အဖွဲ့နှစ်ဖွဲ့ ဆွေးနွေးတယ်ဆိုပါတော့။ သူတို့ဟာ လက်နှစ်ဖက်နဲ့ တူတယ်။

လက်နှစ်ဖက်ကို ဆပ်ပြာတိုက်ရေဆေးတယ်ဆိုရင် လက်တစ်ဖက်က နောက်တစ်ဖက်ကို ပွတ်တိုက် ဆေးကြောပေးတာပဲ”

 

■  ငြိမ်းချမ်းရေးအတွက် အခက်အခဲ

“ဘာလို့ ဒီလောက်တောင် ခက်ခဲနေရလဲ၊ ကိုဘသစ်”

“အကြောင်းတွေကတော့ အများကြီးပေါ့။ မြန်မာပြည်မှာ တိုင်းရင်းသားတွေအများကြီးရှိတယ်။ အထူးသဖြင့် ယနေ့ တိုင်းဒေသကြီးနဲ့ ပြည်နယ် ၁၄ ခုမှာ ဗဟိုချုပ်ကိုင်မှုတွေနဲ့ အုပ်ချုပ်နေတာက ဒီလို ငြိမ်းချမ်းရေးဆွေးနွေးတဲ့နေရာမှာ ခက်ခဲရတဲ့အကြောင်းတစ်ခု ပါမယ်”

“ဘယ်လိုမျိုးလဲ”

“ကျွန်တော်တို့ ဒေသအသီးသီးမှာ စီးပွားရေးလုပ်ငန်းတွေကို ဗဟိုကပဲ အဓိကချုပ်ကိုင်ထားတယ်။ ဥပမာ ဓာတ်သတ္တု တူးဖော်ရေး လုပ်ငန်းလိုမျိုး၊ လျှပ်စစ်ဓာတ်ထုတ်လုပ်ရေး လုပ်ငန်းတွေလိုမျိုးပေါ့”

“အင်း ဒါတွေက အတော်လေးခက်ပါတယ်။ ကျွန်တော်တို့က ဖယ်ဒရယ်ဝါဒနဲ့သွားကြမယ် မဟုတ်လား”

“မှန်ပါတယ်၊ ဖက်ဒရယ်က အရေးပါပါတယ်။ ဒါပေမဲ့ ဗဟိုချုပ်ကိုင်မှုက အဓိကကျနေတယ်”

“အင်း ဖက်ဒရယ်ဆိုတာ သားသမီးတွေကို အိမ်ထောင်ရက်သားချပေးပြီး သူတို့ ကိုယ်တိုင် တစ်အိုးတစ်အိမ် ထူထောင်ပေးတာမျိုးနဲ့ တူတာပဲ။ သူတို့ကို တစ်အိုးတစ်အိမ် ထူထောင်ပေးပြီးနောက် မိဘက သွားပြီး သူ တို့အိမ်ကို စီမံအုပ်ချုပ်တာမျိုးတော့ မလုပ်ကောင်းဘူးပေါ့”

“မှန်ပါတယ်။ ဒါကို Decentralize လုပ်တယ်လို့ ခေါ်တယ်။ ဖက်ဒရယ်နဲ့ ပတ်သက်ပြီး Decentralize လုပ်စရာတွေ အများကြီး ရှိသေးတယ် ထင်တယ်”

“ရှိမှာပေါ့။ တို့ဟာ တိုင်းရင်းသားတွေနဲ့ အတူနေထိုင်လာတဲ့ ကာလတွေမှာ တိုင်းရင်းသားတွေကို လက်အောက်ခံလို့ သဘောထားခဲ့တဲ့ အချိန်တွေရှိခဲ့တယ် မဟုတ်လား”

“အဲဒါက ပဒေသရာဇ်ခေတ်ပေါ့။ မြန်မာဘုရင်လက်ထက်ကပါ။ ပြည်သူအချင်းချင်း နားလည်မှုတွေ လွဲနေကြတဲ့ခေတ် မဟုတ်လား။ အရောက်အပေါက်လည်း နည်းတာကိုး”

“ဒါပေါ့။ ဆက်ဆံရေး မလွယ်တဲ့ ခေတ်အခါမှာ  နားလည်မှုတွေ လွဲကြတာပဲ။ တိုင်းရင်းသားတွေ ရိုးသားတယ်။ ပြည်မကလူတွေက အဲဒီအပေါ် အခွင့်ကောင်းယူတာတွေ ရှိတာပဲ။ အင်္ဂလိပ်ကိုလိုနီခေတ်မှာ လူဆိုးတွေကိုနယ်နှင်ရင် ရှမ်းပြည်တို့လိုနေရာ ပို့တာပဲ”

“မှန်ပါတယ်။ မြန်မာဘုရင်လက်ထက်မှာလည်း မဲဇာပို့တာတွေမျိုး ရှိပါတယ်။

အင်္ဂလိပ်ခေတ်က လူဆိုးတွေကို တစ်ကျွန်းပို့တယ်ဆိုတာ ရှိတယ်။ အဲဒါက ကပ္ပလီကျွန်းပို့တာမျိုးပေါ့။ နောက်ပိုင်းမှာ ကိုကိုးကျွန်းကို ပို့တယ်”

“ဒီနေရာမှာ နားလည်မှုတွေပေါ့လေ။ နယ်စပ်ဒေသတွေမှာ ဖွံ့ဖြိုးရေးတွေ လုပ်ပေးရမယ့်အစား လူဆိုးတွေကို ပို့တာတော့ အဆင်မပြေဘူး ထင်တယ်။ အဲဒီဒေသမှာ မတည်မငြိမ်ဖြစ်ပြီး ပိုလို့ ဆိုးသွားစေမှာပေါ့”

“မှန်ပါတယ်။ ကျွန်တော်တို့ နားလည်မှုတွေ လွဲနေကြတယ်။ သူ့အိုးအိမ်ကို ဖျက်ဆီးတာမဟုတ်ဘဲ သူတို့ကို လုပ်ပိုင်ခွင့်တွေပေးတဲ့ ဖက်ဒရယ်မူတော့ လိုတယ်”

“ဖက်ဒရယ်မူနဲ့ တရားမျှတမှုရှိအောင် ဆောင်ရွက်ဖို့ လိုတယ်။ ဒါတွေကို မလုပ်ရင် ငြိမ်းချမ်းရေးအတွက် အခက်အခဲတွေ့မှာပေါ့။ ဥပမာ တိုင်းရင်းသားခေါင်းဆောင်တွေက NCA လက်မှတ်တွေ ရေးထိုးသွားမယ်။ပြီးတော့ သူတို့ပြန်သွားပြီး သူတို့ဒေသခံတိုင်းရင်းသားတွေနဲ့ တွေ့မယ်။ ဒီအခါ တိုင်းရင်း သားတွေက မေးတော့မယ်။ သူတို့ရဲ့ အနေအထား ဘယ်လိုရှိလဲပေါ့”

“သူတို့ လုပ်ပိုင်ခွင့်တွေကို မေးမှာပေါ့”

“ဒီအခါ ပြတ်ပြတ်သားသား မပြောနိုင်ရင် သူတို့ခေါင်းဆောင်တွေကို သူတို့ယုံကြည်တော့မှာ မဟုတ်ဘူး”

“အင်း ဒါကလည်း တကယ့်အခက်အခဲပဲ။ ယုံကြည်မှုကို တည်ဆောက်ဖို့လိုတာပေါ့”

“ဒါပေမဲ့ ဒီလိုယုံကြည်မှု တည်ဆောက်ဖို့အတွက် တရားမျှတမှုလိုတယ်။ မိမိတို့ဟာ အမှန်တရားကို အမြဲ လုပ်ဆောင်နေကြရမယ်။ ငြိမ်းချမ်းရေးဆိုတာ ပြည်သူတွေအတွက် အမှန်တရားတစ်ခုပါ။ ဒါကြောင့် ငြိမ်းချမ်းရေးရဖို့ ဟိုကွေ့မှာ ဟိုတက်နဲ့လှော်ပြီး ဒီကွေ့မှာ ဒီတက်နဲ့လှော်လို့ မရောက်နိုင်ပါဘူး”

 

■  လေးစားမှု

“လူတွေဟာ မှားတယ်လို့ ဆိုပါတယ်။ ဒီတော့ ဒီလိုမှားတာတွေကို သည်းခံဖို့လည်း အရေးကြီးတယ်”

“မှန်တာပေါ့။ ကျွန်တော်တို့ဟာ တစ်ယောက်ကိုတစ်ယောက် ထောက်ပြဝေဖန်တာတွေကို လက်ခံရမယ်။ အပြစ်ပြောတာတွေကိုလည်း သည်းခံကြရမယ်”

“ဒါက လေးစားမှုနဲ့ ဆိုင်တယ်။ ဆွေးနွေးပွဲကို ရောက်လာတဲ့သူတွေဟာ ပထမအနေနဲ့ တစ်ယောက်ကို တစ်ယောက် လေးစားဖို့လိုတယ်။ သူ ပြောတဲ့စကား ကိုယ်နားထောင်။ ကိုယ်ပြောတဲ့စကား သူ နားထောင် တာမျိုးက အရေးပါတယ်”

“ဟုတ်ပါတယ်။ စိတ်ပါဝင်စားစွာ နားထောင်ဖို့လိုတယ်။ အထင်နဲ့ ရမ်းပြီးကောက်ချက်မချဖို့ လိုတယ်။ သူ ဒီလိုပြောနေတာ သူ ဒါကို လိုချင်လို့ပဲလို့ ကြိုတင်ကောက်ချက်ချတာမျိုး လုံးဝ မလုပ်ရပါဘူး”

“မှန်ပါတယ်။ ဒါဟာ အထင်သေးမှုတွေ ပါဝင်နိုင်တဲ့ ကိစ္စပါ”

“နောက်တစ်ခုက သူတို့နဲ့ ကျွန်တော်တို့ အခြေခံတွေးခေါ်မှုတွေ မတူဘူး”

“ဒါကတော့ ကြီးပြင်းလာတဲ့ ပုံစံမှမတူတာပဲ။ သူတို့ အရေးကြီးတယ်လို့ ယူဆပြီး အလေးထားတာကို ကျွန်တော်တို့က အရေးမပါဘူးလို့ ယူဆတာတွေပေါ့။ ဒီနေရာမှာ ပြဿနာအများကြီး ဖြစ်သွားနိုင်တယ်”

ဘာတွေ လုပ်မလဲ

“ဒီတော့ တိုင်းရင်းသား ဒေသတွေမှာ တိုးတက်မှုတွေဖြစ်အောင် လုပ်ရမှာ အသေအချာပဲ။ ဒီတော့ ဘာကို အရင် တိုးတက်အောင် လုပ်ကြရမလဲ”

“ပထမလုပ်ရမှာက စီးပွားရေးပေါ့။ ကမ္ဘာကြီးမှာ နည်းပညာဟာ အတော်လေးကို တိုးတက်နေတယ်။ ဒီတော့ စက်ရုံကြီးတွေကို နေရာအနှံ့ တည်ဆောက်နိုင်သလို စိုက်ပျိုးရေးလို လုပ်ငန်းတွေလည်း တည်ဆောက်လို့ရနိုင်တယ်။ စိုက်ပျိုးရေးနည်းပညာ မြင့်တက်နေပါပြီ။ ဒီတော့ တိုင်းရင်းသားဒေသတွေမှာ စီးပွားရေး တိုးတက်လာမယ်”

“ဒီလို စက်ရုံ အလုပ်ရုံတွေနဲ့ ဖွံ့ဖြိုးတိုးတက်နေတဲ့ စိုက်ပျိုးရေးလုပ်ငန်းတွေမှာ အလုပ်တွေလုပ်နိုင်ဖို့ အရေးပါတာက ပညာပါပဲ။ သူတို့ဟာ ကမ္ဘာနဲ့အဆက်အသွယ်ရဖို့ စာတတ်ပြီး စာဖတ်သူတွေဖြစ်ရမယ်”

 

နိဂုံး

ဆင်းရဲတွင်းကလွတ်ဖို့ အရေးအကြီးဆုံးက ပညာပဲလို့ ဆိုတယ်။ ပညာတတ်မှ မထုံမအ တာပဲပေါ့။ ငါဟာ ဘယ်သူ၊ ငါ့အရည်အသွေး ဘာလဲဆိုတာသိဖို့ ပညာလိုတာပါပဲ။မေတ္တာထားဖို့ဟာ ပညာလိုတယ်။ မနာလို ၀န်တိုကင်းဖို့ ပညာလိုတယ်။ သူတစ်ပါး ကောင်းစားတာကို မုဒိတာပွားဖို့ ပညာလိုတာပါပဲ။ ဘယ်အဆင့်ရောက်ရောက် မငြိမ်းချမ်းရင် ဒုက္ခတွေနဲ့ပဲဆိုတာ မမေ့ပါနဲ့။ ကျွန်တော်တို့ဟာ အမိမြန်မာပြည်ရဲ့ သားသမီးရတနာတွေပါ။ အားလုံးဟာ အတူတူပါပဲ။ အထူးသဖြင့် ရေရှည်ခရီးအတွက် တိုင်းရင်း သားတွေကို လုပ်ပိုင်ခွင့်တွေ ပေးပြီး ငြိမ်းချမ်းနိုင်ဖို့ မျှော်လင့်နေပါတယ်။

ငြိမ်းချမ်းရေးထိန်းသိမ်းမှု လုပ်ငန်းအတွက် ဘတ်ဂျက်ကို ဒေါ်လာ ၆ ဒသမ ၇ ဘီလျံ ချပေးရန် ကုလသမဂ္ဂက အတည်ပြု

ဇန်န၀ါရီ ၁၂ ရက်က ဗဟိုအာဖရိကသမ္မတနိုင်ငံတွင် ကုလသမဂ္ဂမစ်ရှင်မှ ငြိမ်းချမ်းရေးထိန်းသိမ်းမှု တပ်ဖွဲ့ဝင်များကို တွေ့ရစဉ် (Photo – AFP)

ကုလသမဂ္ဂအဖွဲ့ဝင် နိုင်ငံများသည် ဇူလိုင် ၁ ရက်က ငြိမ်းချမ်းရေးထိန်းသိမ်းမှု လုပ်ငန်းတို့အတွက် ဘတ်ဂျက်ကို ဒေါ်လာ ၆ ဒသမ ၇ ဘီလျံနီးပါးချပေးရန် အတည်ပြုခဲ့သည်ဟု သံတမန်ရေး သတင်းရင်းမြစ်များက ပြောကြားခဲ့သည်။

ငြိမ်းချမ်းရေးထိန်းသိမ်းမှုလုပ်ငန်းများ အတွက်ဘတ်ဂျက်ကို ဒေါ်လာ ၆ ဒသမ ၆၈၉ ဘီလျံဖြင့် အတည်ပြုလိုက်သည်ဟု သတင်းရင်းမြစ်နှစ်ခုက အတည်ပြုပြောကြားခဲ့ပြီး ယင်းသည် ကျွမ်းကျင်သူအဖွဲ့က အကြံဥာဏ်ပေးသည့် ပမာဏထက် ဒေါ်လာ ၁၂၂ သန်း ပိုနည်းသည်ဟု သိရသည်။ ထို့ပြင် ယမန်နှစ်က ဘတ်ဂျက် ဒေါ်လာ ၇ ဒသမ ၃ ဘီလျံ က်လည်း သန်း ၆၀၀ ကျော် ပိုနည်းနေသည်။

ယမန်နှစ်က ဘတ်ဂျက်သည် မူလက  ဒေါ်လာ ၆ ဒသမ ၈ ဘီလျံဖြင့် အတည်ပြုခဲ့ ခြင်းဖြစ်သည်။ သို့သော် ဒီဇင်ဘာလတွင် ဟေတီနှင့် ဆူဒန်ရှိ ဒါဖာဒေသတို့မှ မစ်ရှစ်တို့အတွက် ဒေါ်လာသန်း ၅၀၀ ထပ်ရခဲ့ ခြင်းဖြစ်သည်။

လက်ရှိတွင် ကမ္ဘာတစ်ဝန်းမှ မစ်ရှင် ၁၄ ခုအတွက် ငြိမ်းချမ်းရေးထိန်းသိမ်းသည့် တပ်ဖွဲ့ဝင် ၁၀၀၀၀၀ ကျော်ကို ကုလသမဂ္ဂက စီမံနေသည်။ ယခုအတည်ပြုလိုက်သည့် ဘတ်ဂျက်ကို ဇူလိုင် ၁ ရက် သို့မဟုတ် ၂ ရက် နှောင်းပိုင်းတွင် အထွေထွေညီလာခံ၌ တရားဝင်အတည်ပြုပေးမည် ဖြစ်သည်။

အရေးကြီးဆုံးနှင့် ငွေကုန်ကြေးကျ အများဆုံးမစ်ရှင်များမှာ တောင်ဆူဒန်၊ ဒီအာကွန်ဂိုနှင့် မာလီတို့ဖြစ်ပြီး ယင်းမစ်ရှင်တစ်ခုချင်းစီသည် တစ်နှစ်လျှင် ဒေါ်လာ တစ်ဘီလျံကျော်စီ ကုန်ကျသည်။

ငြိမ်းချမ်းရေးထိန်းသိမ်းမှု လုပ်ငန်းများအတွက် ဘတ်ဂျက်သည် ဒီဇင်ဘာလက ကြေညာခဲ့သော ကုလသမဂ္ဂ လုပ်ငန်းလည်ပတ်ရေး ဘတ်ဂျက်နှင့် သီးခြားစီဖြစ်သည်။

ပြီးခဲ့သည့်နှစ်က ငြိမ်းချမ်းရေးထိန်း သိမ်းမှုလုပ်ငန်းများအတွက် ထိပ်တန်းထောက်ပံ့ငွေထည့်ဝင်သည့် နိုင်ငံများမှာ အမေရိကန် (၂၈ ဒသမ ၅ ရာခိုင်နှုန်း)တရုတ် ( ၁၀ ဒသမ ၃ ရာခိုင်နှုန်း) နှင့် ဂျပန် ( ၉ ဒသမ ၇ ရာခိုင်နှုန်း) တို့ဖြစ်ကြသည်။

မတ်လကမူ ကုလသမဂ္ဂဆိုင်ရာအမေရိ ကန်သံအမတ် နစ်ကီဟာလေက အခြားနိုင်ငံများကို ထောက်ပံ့ငွေတိုးမြှင့်ထည့်ဝင်ကြရန် တိုက်တွန်းခဲ့ပြီး အမေရိကန်၏ ကုလသမဂ္ဂသို့ ထောက်ပံ့ငွေထည့်ဝင်မှုကို ၂၅ ရာခိုင် နှုန်းသို့ လျှော့ချမည်ဟုလည်း ပြောကြားခဲ့သည်။

ကုလသမဂ္ဂသို့ အမေရိကန်၏အလှူငွေကို ၂၅ ရာခိုင်နှုန်းထားရှိရန် ၁၉၉၀ ပြည့် ကတည်းက အမေရိကန်ဥပဒေထဲတွင် ပြဋ္ဌာန်းထားသည်။ သို့သော် အစိုးရ၏ တောင်းဆိုမှုကြောင့် ကွန်ဂရက်သည် ယခင်က သက်ညှာ ခွင့်ပေးထားခြင်း ဖြစ်သည်။

လက်ရှိသမ္မတဒေါ်နယ်ထရန့်၏ အစိုးရ လက်ထက်တွင် ကုလသမဂ္ဂအလှူငွေနှင့် ပတ်သက်၍ တင်းမာသော သဘောထားရှိပြီး ထောက်ပံ့ငွေများကို လျှော့ချခြင်း၊ ကုလသမဂ္ဂကိုလည်း  စရိတ်ချွေတာသည့် ပြုပြင်ပြောင်းလဲမှုများ လုပ်ဆောင်ရန် တွန်းအားပေးခြင်းတို့ လုပ်ဆောင်နေသည်။

Ref; AFP

စကားဝိုင်းတွေနဲ့ မြန်မာ့ငြိမ်းချမ်းရေးရာသီဥတု

ဇွန် ၁၄ ရက်က မော်လမြိုင်မြို့တွင် ပြုလုပ်သည့် နိုင်ငံတော်၏အတိုင်ပင်ခံပုဂ္ဂိုလ်နှင့် ဒေသခံပြည်သူများစကားဝိုင်း

၂၀၁၇ ကို ငြိမ်းချမ်းရေးနှစ်အဖြစ် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က သတ်မှတ်ခဲ့ပါတယ်။ ဒါကြောင့်လည်း ၂၀၁၇ ဇန်န၀ါရီ ၁ ရက်ကစလို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဦးဆောင်ပြီး ငြိမ်းချမ်းရေးစကားဝိုင်းတွေကို ပြုလုပ်ခဲ့တာပါ။

ပထမဆုံး ငြိမ်းချမ်းရေးစကားဝိုင်းအဖြစ် ၂၀၁၇ ဇန်န၀ါရီ ၁ ရက်က နေပြည်တော် မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန- ၂ မှာ နိုင်ငံတော်၏အတိုင်ပင်ခံပုဂ္ဂိုလ်နဲ့ လူငယ်များ စကားဝိုင်းကို ကျင်းပခဲ့ပါတယ်။ ဒေါ်အောင်ဆန်းစုကြည်က နှစ်သစ်ကူး အဖွင့်နှုတ်ခွန်းဆက် စကားပြောကြားရာမှာ နိုင်ငံအတွက် ပြည်တွင်းငြိမ်းချမ်းရေးကို ဦးစားပေး လုပ်ဆောင်မယ်လို့ ထည့်သွင်းပြောကြားခဲ့ပါတယ်။

“ကျွန်မတို့ အခု ၂၀၁၇ ခုနှစ်ကနေ စတင်စဉ်းစားရမှာက ကျွန်မတို့နိုင်ငံအတွက် ဘာတွေပထမဦးဆုံး ဦးစားပေးပြီးတော့ လုပ်ရမလဲဆိုတဲ့ ကိစ္စပါပဲ။ အရင်နှစ်တုန်းက ပြည်သူလူထုအများစုရဲ့ ရွေးချယ်တင် မြှောက်မှုနဲ့ အမျိုးသားဒီမိုကရေစီအဖွဲ့ချုပ်အစိုးရ စထူထောင်ကတည်းက ကျွန်မတို့အနေနဲ့ တင်ပြထားတဲ့ကိစ္စတွေရှိပါတယ်။ ဘာတွေကို ကျွန်မတို့ ဦးစားပေးပြီး ဆောင် ရွက်မလဲဆိုတာကို ကျွန်မတို့တင်ပြထားပါတယ်။ အဲဒီထဲမှာ အရေးကြီးဆုံးတစ်ခုကတော့ ပြည်တွင်းငြိမ်းချမ်းရေးပါပဲ။ ပြည်တွင်းငြိမ်းချမ်းရေးနဲ့ ပြည်သူလူထုတွေရဲ့ ဘ၀တိုးတက်ရေးဟာ ကျွန်မတို့ ဦးစားပေးထားတဲ့ ကိစ္စနှစ်ခုဖြစ်ပါတယ်။ ဒီနှစ်ခုကလည်း ဆက်နွှယ်မှုရှိပါတယ်။ ကျွန်မတို့ရဲ့နိုင်ငံအေးချမ်းမှ ကျွန်မတို့ နိုင်ငံသူနိုင်ငံသားတွေရဲ့ ဘ၀တွေဟာ တိုးတက်နိုင်မှာ ဖြစ်ပါတယ်။ ဘ၀တွေတိုးတက်မှလည်း ငြိမ်းချမ်းရေးကို ထိန်းသိမ်းထားနိုင်မှာ ဖြစ်ပါတယ်။ ဒါကြောင့်မို့လို့ ဒီနှစ်ခုကို အရေးကြီးဆုံး ကျွန်မတို့ရဲ့ ရည်ရွယ်ချက်တွေအနေနဲ့ သတ်မှတ်ထားတာ ဖြစ်ပါတယ်”လို့ ဒေါ်အောင်ဆန်းစုကြည်က ဆိုပါတယ်။

ဒါ့အပြင် နိုင်ငံသူနိုင်ငံသားတွေအနေနဲ့ ငြိမ်းချမ်းရေးအပေါ် ဘယ်လိုအမြင်မျိုးတွေရှိပြီး ငြိမ်းချမ်းရေးနဲ့ပတ်သက်တဲ့ ပြဿနာတွေ၊ စိန်ခေါ်မှုတွေကို ဘယ်လိုကိုင်တွယ်မလဲဆိုတဲ့ ရည်ရွယ်ချက်တွေကို သိချင်တဲ့အတွက် စကားဝိုင်းဆွေးနွေးပွဲကို လုပ်ရတာဖြစ်တယ်လို့ ဒေါ်အောင်ဆန်းစုကြည်က ပြောပါတယ်။

“ကျွန်မတို့ ဒါကို ဆွေးနွေးဖို့အတွက်ကျတော့ ဘယ်သူတွေနဲ့ စတင်ပြီးဆွေးနွေးမလဲဆိုတာကို စဉ်းစားပါတယ်။ ဘာဖြစ်လို့လဲဆိုတော့ ကျွန်မတို့နိုင်ငံသူ နိုင်ငံသားတွေဟာ အများကြီးလည်းဖြစ်တယ်။ အလွှာမျိုးစုံလည်းဖြစ်တယ်။ တိုင်းရင်းသား လူမျိုး အမျိုးစုံလည်းဖြစ်တယ်။ အမြင်မျိုးစုံလည်းဖြစ်တယ်။ ဒီတော့ ဘယ်သူတွေအတွက် ငြိမ်းချမ်းရေးက အရေးကြီးဆုံးလိုသလဲဆိုတော့ လူငယ်တွေအတွက် အရေးကြီးပါတယ်။ ဘာဖြစ်လို့လဲဆိုတော့ ဒီလူငယ်တွေက အကြာကြီး ဒီနိုင်ငံရဲ့ တာဝန်တွေကို ဆက်ပြီးတော့ ထိန်းသိမ်းထားရ မယ့် အချိန်တွေကို ရှေးရှုသွားရမှာပါ။ လူကြီးတွေဆိုတာကတော့ အနိစ္စ သဘောတရားအရ သိပ်မကြာခင် ကာလမှာတော့ တာဝန်တွေကို ချရတော့မှာ ဖြစ်ပါတယ်။ ဆက်ပြီးတော့ တာဝန်တွေထမ်းဆောင်ရမည့် လူငယ်တွေရဲ့အမြင် ဘယ်လိုရှိသလဲဆိုတာဟာ ကျွန်မတို့အတွက် အလွန်အင်မတန် အရေးကြီးပါတယ်။ အမှန်ပြောရရင်တော့ ကျွန်မက ဒါထက်ငယ်တဲ့ ကလေးတွေနဲ့ ကျွန်မက ဆွေးနွေးချင်တာပါ။ ဒါတော့ ပထမဦးဆုံးကလေးတွေနဲ့ဆိုတော့ သိပ်အဆင်မပြေဘူးထင်တယ်ဆို ပြီးတော့ လူငယ်တွေနဲ့စပြီးတော့ (လုပ်တာဖြစ်ပြီး) နောင်တစ်ကြိမ် တစ်ခါမှာတော့ ကျွန်မကတော့ သတ်မှတ်ထားတဲ့အရွယ်အောက် ကလေးတွေနဲ့ပဲ ဆွေးနွေးတာမျိုးပဲ လုပ်ချင်ပါတယ်”လို့ ဒေါ်အောင်ဆန်းစုကြည်က ဆိုပါတယ်။

နောက်ပိုင်းမှာ စီးပွားရေးသမားတွေ၊ လူမှုအဖွဲ့အစည်းတွေ၊ ပညာရေးအဖွဲ့အစည်းတွေ စတဲ့ အဖွဲ့အစည်းတွေနဲ့လည်း တွေ့ဆုံဆွေးနွေးသွားဖို့ ရှိတယ်လို့ သူက ဆက်ပြောပါတယ်။

“ဒီလိုဆွေးနွေးပွဲတွေ လုပ်ခြင်းအားဖြင့်လည်း ကျွန်မတို့ရဲ့ နိုင်ငံသူ နိုင်ငံသားအားလုံးဟာ ဒီငြိမ်းချမ်း ရေးဖြစ်စဉ်ကို သူတို့လည်း ပိုင်တယ်ဆိုတဲ့စိတ် ရှိလာအောင်လို့ပါ”လို့ ငြိမ်းချမ်းရေးစကားဝိုင်းတွေ လုပ်ရတဲ့ ရည်ရွယ်ချက်နဲ့ပတ်သက်ပြီး ဒေါ်အောင်ဆန်းစုကြည်က ရှင်းပြပါတယ်။

ပထမဆုံးပြုလုပ်တဲ့ ငြိမ်းချမ်းရေးစကားဝိုင်းမှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ လူငယ် ၁၈ ဦးက ငြိမ်းချမ်းရေးအတွက် ယုံကြည်မှု တည်ဆောက်ရေး၊ တိုင်းဒေသကြီးနဲ့ ပြည်နယ်များ လုပ်ပိုင်ခွင့်ပိုမိုရရှိရေး၊ ပြည်ထောင်စုစိတ်ဓာတ်ထားရှိရေး၊ မတူကွဲပြားမှုကနေ ညီညွတ်မှု တည်ဆောက်နိုင်ရေး၊ ပြည်တွင်းစစ်ကြောင့် ရရှိခဲ့တဲ့ စိတ်ဒဏ်ရာများ ကုစားနိုင်ရေး၊ ပြည်သူလူထုကို ဗဟိုပြုတဲ့ တရားဥပဒေနဲ့ အုပ်ချုပ်ရေး၊ ငြိမ်းချမ်းရေးဖြစ်စဉ်တွေမှာ လူငယ်များ ပါဝင်ရေး၊ စစ်ကြောင့် ကိုယ်အင်္ဂါ ဆုံးရှုံးခဲ့ရသူတွေကို ကူညီစောင့်ရှောက်ရေး စတဲ့ကိစ္စတွေနဲ့ ပတ် သက်လို့ အပြန်အလှန် ဆွေးနွေးခဲ့ကြပါတယ်။

၂၀၁၇ ကို ငြိမ်းချမ်းရေးနှစ်လို့ နိုင်ငံတော်၏ အတိုင်ပင်ခံပုဂ္ဂိုလ်က သတ်မှတ်ထားတဲ့အတိုင်း အဲဒီနှစ်အတွင်းမှာ ငြိမ်းချမ်းရေးစကားဝိုင်း ငါးကြိမ်တိတိ ပြုလုပ်ခဲ့တာကို တွေ့ရပါတယ်။ ဒုတိယမြောက် ငြိမ်းချမ်းရေးစကားဝိုင်းအဖြစ် ၂၀၁၇ ဖေဖော်ဝါရီ ၁၂ ရက်က ရှမ်းပြည်နယ်၊ ပင်လုံမြို့မှာ  နှစ် ၇၀ ပြည့် ပြည်ထောင်စုနေ့ ကျင်းပရင်းနဲ့ နိုင်ငံတော်၏ အတိုင်ပင်ခံပုဂ္ဂိုလ်နဲ့ တိုင်းရင်းသားတွရဲ့ ပင်လုံငြိမ်းချမ်းရေးစကားဝိုင်းကိုပါ ပြုလုပ်ခဲ့ပါတယ်။

တတိယ ငြိမ်းချမ်းရေးစကားဝိုင်းကိုတော့ ၂၀၁၇ ဧပြီ ၁၁ ရက်က နေပြည်တော် မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန-၂ မှာ နိုင်ငံတော်၏အတိုင်ပင်ခံပုဂ္ဂိုလ်နဲ့ ကျေးလက်တောရွာနေ လူငယ်များ စကားဝိုင်းဆိုပြီး ပြုလုပ်ခဲ့တာပါ။ စတုတ္ထစကားဝိုင်းကိုတော့ ၂၀၁၇ သြဂုတ် ၇ ရက်က မိတ္ထီလာခရိုင် ၀မ်းတွင်းမြို့ မြေတိုင်ကန်ကျေးရွာ သီဟာရာမဘုန်းတော်ကြီးကျောင်းဝင်းမှာ ကျင်းပခဲ့ပါတယ်။ ပဉ္စမမြောက် ငြိမ်းချမ်းရေးစကားဝိုင်းကို ၂၀၁၇ ဒီဇင်ဘာ ၂၉ ရက်က ကယားပြည်နယ် လွိုင်ကော်မြို့ရှိ ပြည်နယ်ခန်းမမှာ ကျင်းပခဲ့ပါတယ်။

ဒါ့အပြင် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) အရ အမျိုးသားအဆင့် နိုင်ငံရေးဆွေးနွေးပွဲတွေကို ကရင်၊ ချင်းနဲ့ ပအိုင်းဒေသတွေမှာ ပြုလုပ်နိုင်ခဲ့တာကြောင့် ငြိမ်းချမ်းရေးနှစ် ဖြစ်တဲ့ ၂၀၁၇ ခုနှစ်ဟာ တာထွက်လှခဲ့တယ်လို့ သုံးသပ်ကြပါတယ်။ ၂၀၁၇ မေ ၂၄ ရက်က ပြည်ထောင်စု ငြိမ်းချမ်းရေးညီလာခံ ၂၁ ရာစု ပင် လုံ ဒုတိယအကြိမ် အစည်းအဝေးကို နေပြည်တော်မှာ ခြောက်ရက်ကြာ ပြုလုပ်နိုင်ခဲ့ပါတယ်။

ပြည်ထောင်စုငြိမ်းချမ်းရေးပူးတွဲကော်မတီ (UPDJC) မှာ ဆွေးနွေးညှိနှိုင်းပြီး အတည်ပြုခဲ့ရာမှာ အားလုံးလက်ခံနိုင်တဲ့ အခြေခံမူ ၄၁ ချက်ရရှိခဲ့ပေမယ့် ညီလာခံမှာ နိုင်ငံရေးဆိုင်ရာ မူဝါဒအဆိုပြုချက် ၁၂ ချက်၊ စီးပွားရေးဆိုင်ရာမူဝါဒ ၁၁ ချက်၊ လူမှုရေးဆိုင်ရာ မူဝါဒလေးချက်၊ မြေယာနှင့် သဘာဝပတ်ဝန်း ကျင်ဆိုင်ရာမူဝါဒ ၁၀ ချက် စုစုပေါင်း သဘောတူညီချက် ၃၇ ချက်ကို အတည်ပြုနိုင်ခဲ့ပြီး ပြည်ထောင်စု သဘောတူစာချုပ်ရဲ့ အစိတ်အပိုင်းတစ်ရပ်အဖြစ် လက်မှတ်ရေးထိုးခဲ့ပါတယ်။ ဒါဟာ ငြိမ်းချမ်းရေးလုပ်ငန်း စဉ်ဆောင်ရွက်နေတဲ့ NLD အစိုးရ နဲ့ တိုင်းရင်းသားလက်နက်ကိုင်တပ်ဖွဲ့တွေကြား ပထမဆုံး သဘောတူ နိုင်ခဲ့တဲ့ နိုင်ငံရေးဆွေးနွေးမှုရလဒ် လည်းဖြစ်တဲ့အတွက် ငြိမ်းချမ်းရေးနှစ်လို့ သတ်မှတ်ထားတဲ့ ၂၀၁၇ ဟာ ချိုမြိန်မှုတွေနဲ့ စခဲ့ပါတယ်။

“အခုလို ဖက်ဒရယ်ဆိုင်ရာ အခြေခံမူတွေကို ဖော်ထုတ်နိုင်အောင် ကျွန်မတို့အစိုးရ၊ တပ်မတော်၊ တိုင်း ရင်းသားလက်နက်ကိုင်အဖွဲ့အစည်းတွေ၊ နိုင်ငံရေးပါတီတွေဟာ အချိန်ပေးပြီး စိတ်ရှည်လက်ရှည် ညှိနှိုင်းခဲ့ရတာဖြစ်ပါတယ်”လို့ ဒေါ် အောင်ဆန်းစုကြည်က ဆိုပါတယ်။

ဒါပေမဲ့ ပြည်ထောင်စုသဘောတူစာချုပ် အစိတ်အပိုင်းနဲ့ပတ်သက်လို့ အငြင်းပွားမှုတွေနဲ့ မေးခွန်းထုတ်မှုတွေ တိုင်းရင်းသားလက်နက်ကိုင်တွေအပြင် ငြိမ်းချမ်းရေးလေ့လာသူတွေကြားမှာပါ ရှိခဲ့ပါတယ်။ ဘာကြောင့်လဲဆိုတော့ ငြိမ်းချမ်းရေးညီလာခံမတိုင်မီ NCA လက်မှတ်ထိုးအဖွဲ့အချို့ လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ မကျင်းပနိုင်ခြင်း၊ ညီလာခံမှာ ဆုံးဖြတ်ချက်ချမှတ်မှုအပိုင်းနဲ့ NCA မထိုးရသေးတဲ့ တိုင်းရင်းသားလက်နက်ကိုင်အဖွဲ့တွေ ကျန်ရှိနေခြင်းစတဲ့ အချက် တွေအပေါ်မှာ မေးခွန်းထုတ်ကြတာပါ။

တစ်ဖက်မှာလည်း လက်နက်ကိုင်းပဋိပက္ခတွေက ဆက်လက်ဖြစ်ပွားနေပြီး ၂၀၁၇ ဇန်န၀ါရီကနေ နိုဝင်ဘာအထိ တိုက်ပွဲပေါင်း ၂၃၃ ကြိမ်ဖြစ်ပွားခဲ့တယ်လို့ မြန်မာ့ငြိမ်းချမ်းရေးအထောက်အကူပြုဆိုင်ရာ အဖွဲ့အစည်း (Myanmar Peace Monitor) ရဲ့ အချက်အလက်တွေအရ သိရပါတယ်။

၂၀၁၆ ဇန်န၀ါရီကနေ နိုဝင်ဘာအထိ တိုက်ပွဲပေါင်း ၂၂၇ ကြိမ်သာ ဖြစ်ပွားခဲ့ပေမယ့် ငြိမ်းချမ်းရေး နှစ်ဖြစ်တဲ့ ၂၀၁၇ ခုနှစ် ဇန်န၀ါရီကနေ နိုဝင်ဘာအထိ တိုက်ပွဲပေါင်း ၂၃၃ ကြိမ်ဖြစ်ပွားခဲ့တာကြောင့် အရင်ကာ လတူထက် လက်နက်ကိုင်ပဋိပက္ခ ဖြစ်ပွားမှုနှုန်း ပိုများနေခဲ့ပါတယ်။

၂၀၁၇ မှာ တပ်မတော်နဲ့ တအာင်းလက်နက်ကိုင်အဖွဲ့ (TNLA) ကြား ပစ်ခတ်တိုက်ခိုက်မှု အများဆုံးဖြစ်ပွားခဲ့ပါတယ်။ ကချင်လက်နက်ကိုင်အဖွဲ့ (KIA) ၊ ရှမ်းလက်နက်ကိုင်အဖွဲ့များဖြစ်ကြတဲ့ (SSPP/SSA) နဲ့ (RCSS/SSA) တို့က ဒုတိယအများဆုံးဖြစ်ပွားခဲ့ပြီး DKBA လက်နက်ကိုင်အဖွဲ့၊ ULA/AA လက်နက်ကိုင်အဖွဲ့တို့နဲ့လည်း ထိတွေ့ပစ်ခတ်မှုအချို့ ရှိခဲ့တယ်လို့ Myanmar Peace Monitor ရဲ့ အ ချက်အလက်တွေမှာ ပါရှိပါတယ်။

ဒီလို လက်နက်ကိုင်ပဋိပက္ခတွေ ဖြစ်ပွားနေဆဲအချိန်မှာပဲ NCA လက်မှတ်ရေးထိုးဖို့ အစိုးရနဲ့ ညှိနှိုင်းနေတဲ့ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) ကနေ ကချင်အဖွဲ့(KIO) ၊ တအာင်းပလောင်အဖွဲ့ (TNLA) ၊ ကိုးကန့်အဖွဲ့ (MNDAA) နဲ့ ‘၀’ အမျိုးသားအဖွဲ့ချုပ် (WNO) တို့က နုတ်ထွက်ခဲ့ပြီး  ‘၀’ ပြည် သွေးစည်းညီညွတ်ရေးပါတီ (UWSP) ဦးဆောင်မှုအောက်ကို ရောက်သွားပါတယ်။

‘၀’ ပြည် သွေးစည်းညီညွတ်ရေးပါတီ (UWSP) က ဦးဆောင်ပြီး ကချင်လွတ်လပ်ရေးအဖွဲ့(KIO) ၊ ရက္ခိုင်အမျိုးသားအဖွဲ့ချုပ် (ULA) ၊ ပလောင်ပြည်နယ်လွတ်မြောက်ရေးတပ်ဦး (PSLF) ၊ မြန်မာနိုင်ငံ အမှန်တရားနှင့် တရားမျှတသော အမျိုးသားပါတီ(MNTJP) ၊ ရှမ်းပြည်တိုးတက်ရေးပါတီ(SSPP) ၊ ရှမ်းပြည်နယ်အရှေ့ပိုင်း ငြိမ်းချမ်းရေးနှင့် စည်းလုံးရေးကော်မတီ (PSC) တို့နဲ့ စုဖွဲ့ပြီး ပြည်ထောင်စု နိုင်ငံရေး ဆွေးနွေးညှိနှိုင်းရေးကော်မတီ (FPNCC) ကို  ဖွဲ့စည်းလိုက်ပါတယ်။

ပြည်ထောင်စု နိုင်ငံရေးဆွေးနွေးညှိနှိုင်းရေးကော်မတီ (FPNCC) အနေနဲ့ NCA လက်မှတ်မထိုးဘဲ အစိုးရနဲ့ နိုင်ငံရေးဆွေးနွေးဖို့ ကြိုးစားလာပါတယ်။ ဒါကြောင့်လည်း နောက်ပိုင်းမှာ NCA ဟာ တိုင်းရင်းသားတွေ လိုလားချက်အတွက် မပြည့်စုံဘူးဆိုပြီး မြောက်ပိုင်း ခုနစ်ဖွဲ့ရဲ့ မူဝါဒတွေ၊ ရပ်တည်ချက်တွေနဲ့ အပစ်ရပ်စာချုပ်ကို ဖော်ပြခဲ့ပါတယ်။

အစိုးရအနေနဲ့ မြောက်ပိုင်းအဖွဲ့ရဲ့ စုဖွဲ့မှုနဲ့ မူဝါအပေါ် လက်ခံခြင်းမရှိသလို အဲဒီအဖွဲ့တွေ NCA မှာ ပါဝင်လက်မှတ်ရေးထိုးရေးကိုလည်း ညှိနှိုင်းမှုမလုပ်ခဲ့ပါဘူး။ အထူးသဖြင့် တပ်မတော်က NCA ပြင်ဆင်ဖို့ မရှိ ဘူးဆိုပြီး တုံ့ပြန်မှု ပြုလုပ်ခဲ့ပါတယ်။

“တပ်မတော်ရဲ့ငြိမ်းချမ်းရေး ရပ်တည်ချက်ကတော့ ကျွန်တော်တို့ နိုင်ငံရဲ့ငြိမ်းချမ်းရေးမဟာဗျူဟာဖြစ်တဲ့ NCA လမ်းကြောင်းပေါ်မှာ မသွေမဖည် ခိုင်ခိုင်မာမာရပ်တည် လုပ်ဆောင်သွားမှာဖြစ်ပါတယ်။ NCA လမ်းကြောင်းကို လျှောက်လှမ်းရာမှာလည်း တပ်မတော်ရဲ့ငြိမ်းချမ်းရေးမူ (၆) ရပ်နဲ့အညီ ခိုင်မာစွာ ရပ်တည်လုပ်ဆောင်သွားမှာ ဖြစ်ပါတယ်”လို့ ပြည်ထောင်စုငြိမ်းချမ်း ရေးညီလာခံ- ၂၁ ရာစုပင်လုံ (ဒုတိယအကြိမ်) အစည်းအဝေး နှုတ်ခွန်း ဆက် အမှာစကားမှာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ထည့်သွင်း ပြောကြားခဲ့ပါတယ်။

ဒါပေမဲ့ တရုတ်နိုင်ငံရဲ့ ကြားဝင်စေ့စပ်ပေးမှုကြောင့် ၂၁ ရာစုပင်လုံ ဒုတိယအကြိမ် အစည်းအဝေးကို အထူးဖိတ်ကြားသူအနေနဲ့ UWSA မှ ဦးကျောက်ကော်အမ်းနဲ့ KIO မှ ဗိုလ်ချုပ်ကြီး အင်ဘန်လတို့က တက်ရောက်ခဲ့ပါတယ်။ အစည်းအဝေးကို တက်ရောက်လာတဲ့ မြောက်ပိုင်းခုနစ်ဖွဲ့ကို ဒေါ်အောင်ဆန်းစုကြည်က သူ့နေအိမ်မှာ နှစ်ဖွဲ့ခွဲ တွေ့ဆုံဧည့်ခံခဲ့ပေမယ့် ဆွေးနွေးမှု မဟုတ်ကြောင့် ဘာအဖြေမှတော့ မထွက်ခဲ့ပါဘူး။

၂၁ ရာစု ပင်လုံ ဒုတိယအကြိမ်အစည်းအဝေးကို မြောက်ပိုင်း ခုနစ်ဖွဲ့က တက်ရောက်ခဲ့ပေမယ့် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) ကတော့ တက်ရောက်ခဲ့ခြင်း မရှိခဲ့ပါဘူး။ ဘာကြောင့်လဲဆိုတော့ တန်းတူပါဝင်ခွင့် မရသေးတဲ့ အခြေအနေကြောင့်လို့ UNFC ဘက်က ဆိုပါတယ်။

“ကျွန်မတို့အစိုးရအနေနဲ့ ငြိမ်းချမ်းရေးလုပ်ငန်းစဉ်ကို စတင်ခဲ့ချိန်မှာ NCA လက်မှတ်ရေးထိုးဖို့ ညှိနှိုင်းဆဲအဖွဲ့တွေ ရှိနေသလို အခြားတစ်ဖက်မှာလည်း NCA ကို လက်မခံနိုင်သေးတဲ့အဖွဲ့တွေ ရှိနေခဲ့ပါ တယ်။ ဒီအဖွဲ့တွေနဲ့ တွေ့ဆုံဆွေးနွေးဖို့ ငြိမ်းချမ်းရေးတံခါးဖွင့်လှစ်ထားပြီး လက်ကမ်းကြိုဆိုလျက်ရှိ နေပါတယ်”လို့ ၂၀၁၇ ခုနှစ် အောက်တိုဘာ ၁၅ ရက်က ကျင်းပတဲ့ NCA လက်မှတ်ရေးထိုးခြင်း နှစ်နှစ်မြောက် အထိမ်းအမှတ်အခမ်းအနား မိန့်ခွန်းမှာ ဒေါ်အောင်ဆန်းစုကြည်က ထည့်သွင်းပြောကြားခဲ့ပါတယ်။

၂၁ ရာစု ပင်လုံ ဒုတိယအကြိမ် အစည်းအဝေးနောက်ပိုင်း ကာလအတော်ကြာ ညှိနှိုင်းမရဖြစ်နေတဲ့ ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ကျင်းပမယ့် နေရာကို ခြောက်ကြိမ်မြောက် NCA အကောင်အထည်ဖော်ရေးဆိုင်ရာ ညှိနှိုင်းအစည်းအဝေး (JICM) မှာ သဘောတူညီမှု ရခဲ့ပါတယ်။

ရှမ်းပြည် ပြန်လည်ထူထောင်ရေး ကောင်စီ (RCSS) က တောင်ကြီး ဒါမှမဟုတ် ပင်လုံမှာ ရှမ်းလူမျိုး အလိုက် အမျိုးသားအဆင့် နိုင်ငံရေး ဆွေးနွေးတွေကို ကျင်းပချင်ပေမယ့် တပ်မတော်က မိုင်းပန်မှာ ကျင်းပဖို့ သဘောတူမှုကို ဒေါ်အောင်ဆန်းစုကြည် ကြားဝင်စေ့စပ်မှုနဲ့ လင်းခေးမြို့မှာ ကျင်းပဖို့ သဘောတူခဲ့ပါတယ်။

ဒီလို အဆင်ပြေချောမွေ့လာပြီလို့ ထင်ရတဲ့  အချိန်မှာပဲ UPDJC နဲ့ JICM သဘောတူညီချက်အရ ပြုလုပ်မယ့် ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ အကြိုလူထုတွေ့ဆုံပွဲတွေကို ကျင်းပတဲ့အခါမှာ တပ်မတော်က ဟန့်တားခဲ့ပါတယ်။

အမျိုးသားအဆင့် နိုင်ငံရေးဆွေးနွေးပွဲများ လုပ်ငန်းစဉ်အရ အမျိုးသားအဆင့် နိုင်ငံရေးဆွေးနွေးပွဲများ (အကြို) ဒါမှမဟုတ် လူထုတွေ့ဆုံပွဲတွေကို မြန်မာနိုင်ငံ ရှမ်းလူမျိုးများ နေထိုင်ရာဒေသတွေမှာ ကျင်းပရမှာဖြစ်တာကြောင့် လူထုတွေ့ဆုံပွဲတွေကို ရှမ်းပြည်နယ်နဲ့ ရှမ်းလူမျိုးများရှိရာ ရှမ်းပြည်နယ်ပြင်ပမြို့တွေ မှာ အစိုးရရဲ့ သဘောတူညီချက်နဲ့ ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေး သဘောတူစာချုပ်ပါ အချက်တို့အရ ပြုလုပ်ခဲ့ပါတယ်။

၂၀၁၇ ခုနှစ် ဒီဇင်ဘာ ၁၇ ရက် ကနေ ၂၅ ရက်အထိ ရှမ်းပြည်နယ်ထဲက မြို့နယ်ပေါင်း ၁၄ မြို့နယ်မှာ အမျိုးသားအဆင့် နိုင်ငံရေးဆွေးနွေးပွဲများ (အကြို) ဒါမှမဟုတ် လူထုတွေ့ဆုံပွဲတွေကို ကျင်းပတဲ့အခါ မြို့နယ်အများစုမှာ တပ်မတော်က မပြုလုပ်ဖို့ တားမြစ်ခဲ့ပြီး ပင်လုံ၊ တာချီလိတ်၊ ကာလိ၊ ကျောက်မဲ စတဲ့ မြို့နယ်တွေ က အဆိုးဆုံးဖြစ်ခဲ့ပါတယ်။

ဒီဖြစ်စဉ်နဲ့ပတ်သက်လို့ ရှမ်း ပြည်ထူထောင်ရေးကောင်စီ (RCSS) ကနေ ၂၀၁၈ ခုနှစ် ဇန်န၀ါရီ ၈ ရက် နေ့စွဲနဲ့ အမျိုးသားအဆင့် နိုင်ငံရေးဆွေးနွေးပွဲကို ယာယီရွေ့ ဆိုင်းလိုက်တယ်လို့ ကြေညာချက် တစ်စောင် ထုတ်ပြန်ခဲ့ပါတယ်။

ဒီလို လူထုတွေ့ဆုံပွဲတွေကို ပိတ်ပင်တာက မဖြစ်သင့်ဘူးလို့ ရှမ်းပြည်ပြန်လည်ထူထောင်ရေးကောင်စီ RCSS မှ ပြောရေးဆိုခွင့်ရှိသူ ဒုတိယဗိုလ်မှူးကြီး စိုင်းဦးက ဆိုပါတယ်။

“ကျွန်တော်တို့ RCSS အနေနဲ့ လင်းခေးမှာလုပ်ဖို့ ရည်ရွယ်ထားပြီးသား။ တခြား NCA-s EAO အဖွဲ့ တွေဖြစ်တဲ့ ရခိုင်ကလည်း လုပ်ခွင့်မရသေးဘူး။ ကရင်မှာပဲ လုပ်ခွင့်ရပြီးတော့ တခြားတိုင်းနဲ့ ပြည်နယ်တွေမှာ လုပ်ဖို့အတွက်ကျတော့ လုပ်ခွင့်မကျဘူး။ အဲဒီလိုတွေ ဖြစ်နေတယ်။ အမှန်က လူထုဆွေးနွေးပွဲတွေကို ကျယ်ကျယ်ပြန့်ပြန့် လုပ်ဆောင်နိုင်လေ ငြိမ်းချမ်းရေးဖြစ်စဉ်အတွက် ပိုကောင်းလို့ ကျွန်တော်တို့က အဲဒီလို မြင်တယ်။ ပြည်သူလူထုနဲ့ တွေ့ဆုံပွဲအတွက်  ဆွေးနွေးပွဲတွေအတွက် ပိတ်ပင်ခံရတယ်ဆိုတာက အမှန်ဆိုရင် ဒီကိစ္စက မဖြစ်သင့်ဘူး” လို့ ဒုတိယဗိုလ်မှူးကြီး စိုင်းဦးက ပြောပါတယ်။

ဒီကိစ္စအပေါ်မှာ NCA လက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့အစည်း ရှစ်ဖွဲ့ရဲ့ ငြိမ်းချမ်းရေးလုပ်ငန်းစဉ် ဦးဆောင် အဖွဲ့ (PPST) အရေးပေါ် အစည်းအဝေးကို ၂၀၁၈ ခုနှစ် ဇန်န၀ါရီ ၁၁ ရက်မှ ၁၂ ရက်အထိ ထိုင်းနိုင်ငံ၊ ချင်းမိုင်မြို့တွင် ပြုလုပ်ခဲ့ပါတယ်။ အစည်းအဝေးပြီးဆုံးချိန်မှာတော့ အချက်လေးချက်ပါတဲ့ တောင်းဆိုချက်တစ်ရပ် ထုတ်ပြန်ခဲ့ပါတယ်။တောင်းဆိုချက်ရဲ့ ပထမအချက်မှာ နိုင်ငံရေးဆွေးနွေးပွဲဆိုင်ရာ လုပ်ငန်းစဉ် အဆင့်ဆင့်ကို အကောင်အထည် ဖော်ဆောင်ရွက်ပြီးမှသာ ပြည်ထောင်စု ငြိမ်းချမ်းရေးညီလာခံ ၂၁ ရာစု ပင်လုံ (တတိယအစည်းအဝေး) ကို ဆက်လက်ပြုလုပ်သွားမယ်လို့ ပါရှိတာကြောင့် ၂၀၁၈ ခုနှစ် ဇန်န၀ါ ရီလကုန်ပိုင်းမှာ ကျင်းပဖို့ လျာထားတဲ့  ၂၁ ရာစု ပင်လုံတတိယအကြိမ် အစည်းအဝေးကို အစိုးရက ရွှေ့ဆိုင်းခဲ့ရပါတယ်။

အစိုးရက ကျင်းပခွင့်ပြုထားပေမယ့် အမျိုးသားအဆင့် နိုင်ငံရေး အကြိုဆွေးနွေးပွဲတွေကို တပ်မတော်က ကျင်းပခွင့် ပိတ်ပင်ခြင်းဟာ အရှိန်မြင့်လာတဲ့ အစိုးရငြိမ်းချမ်းရေးလမ်းစဉ်နဲ့ တပ်မတော်ရဲ့ ငြိမ်းချမ်းရေး မူဝါဒအကြား ပွတ်တုိုက်မှု ရလဒ်ဖြစ်နိုင်တယ်လို့ တိုင်းရင်းသား လက်နက်ကိုင်အဖွဲ့အစည်းတွေက သုံးသပ်ခဲ့ပါတယ်။

အဓိက,ကတော့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ငြိမ်းချမ်းရေးလမ်းစဉ်နဲ့ တပ်မတော်ရဲ့ ငြိမ်းချမ်းရေးမူ ကွာဟချက်က ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ရေးနဲ့ မပြင်ဆင်ရေးပဲ ဖြစ်ပါတယ်။ ဒေါ်အောင်ဆန်းစုကြည်က ငြိမ်းချမ်းရေး ဆွေးနွေးရင်းနဲ့ နိုင်ငံရေးအရ ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်ဖို့ ဦးတည်ထားပြီး တပ်မတော်ဘက်ကတော့ ငြိမ်းချမ်းရေးကုို ၂၀၀၈ ဖွဲ့စည်းပုံအခြေခံဥပဒေဘောင်အတွင်းကသာ တည်ဆောက်ဖို့ ရည်ရွယ်ထားထားပါတယ်။ တပ်မတော်ဘက်က မူ ခြောက်ချက်ကို ဆုပ်ကိုင်ထားပြီး နိုင်ငံတော်၏ အတိုင်ပင်ခံပုဂ္ဂိုလ်က ငြိမ်းချမ်းရေး လမ်းပြမြေပုံ ခုနစ်ချက်ကို ထုတ်ပြန်ထားပါတယ်။

တပ်မတော်ရဲ့ ငြိမ်းချမ်းရေး မူ ၆ ချက်မှာ ၁။ ထာဝရငြိမ်းချမ်းရေး ရယူရန်အတွက် အမှန်တကယ် ဆန္ဒရှိရန်၂။ သဘောတူစာချုပ်များအတိုင်း ကတိတည်ရန် ၃။ ငြိမ်းချမ်းရေး သဘောတူညီချက်များအပေါ် အမြတ်မထုတ်ရန် ၄။ ဒေသခံပြည်သူများအပေါ် ၀န်ထုတ်ဝန်ပိုးမဖြစ်စေရန် ၅။ နိုင်ငံတော်မှ ထုတ်ပြန်ထားသည့် တည်ဆဲဥပဒေများကို လိုက်နာရန် ၆။ ဒို့တာဝန် အရေးသုံးပါးနှင့် ဒီမိုကရေစီ အနှစ်သာရကို လက်ခံပြီး ၂၀၀၈ ဖွဲ့စည်းပုံ အခြေခံ ဥပဒေဖြင့် ဒီမိုကရေစီလျှောက်လှမ်းနေမှုတွင် လိုက်ပါလုပ်ဆောင်ဖို့ ဖြစ်ပါတယ်။

ဒါကြောင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ငြိမ်းချမ်းရေး လမ်းပြမြေပုံ ခုနစ်ချက်နဲ့ တပ်မတော်ရဲ့မူ ခြောက်ချက်က ဦးတည်ချက်ခြားနားနေပြီး အနှစ်သာရလည်း ကွာခြားနေတာကို တွေ့ရပါတယ်။

“အစိုးရနဲ့ တပ်မတော်က တစ်ထပ်တည်း မဖြစ်တော့ ကျွန်တော်တို့ EAO လည်း အလုပ်လုပ်ရတာ အခက်အခဲ ဖြစ်တယ်”လို့ ပအိုဝ်းအမျိုး သားလွတ်မြောက်ရေးအဖွဲ့ချုပ် (PNLO) မှ တွဲဖက်အထွေထွေအတွင်းရေးမှူး (၁) ဦးခွန်ထွန်းတင်က ပြောကြားပါတယ်။

သမ္မတဦးသိန်းစိန် အစိုးရ အာဏာမလွှဲပြောင်းမီ ကတိုက်ကရိုက်ချုပ်ဆိုခဲ့တဲ့ NCA စာချုပ်မှာ မရှင်းလင်းမှုတွေ၊ လုပ်ငန်းစဉ် မပီပြင်မှုတွေ၊ အဓိပ္ပာယ်ဖွင့်ဆိုချက် နှစ်ခွဖြစ်နေမှုတွေရှိနေတဲ့အတွက်  အဓိပ္ပာယ် တိတိကျကျ သတ်မှတ်မှသာ အကောင်အထည်ဖော်ရာမှာ အထောက်အကူဖြစ်လိမ့်မယ်လို့ တိုင်းရင်းသားလက်နက်ကိုင်အဖွဲ့တွေက ဆိုပါတယ်။

တိကျရှင်းလင်းမှု မရှိတဲ့အတွက် အဓိပ္ပာယ် နှစ်ခွဖြစ်နေတဲ့အပေါ် အစိုးရ၊ တပ်မတော်နဲ့ တိုင်းရင်း သားလက်နက်ကိုင် အဖွဲ့အစည်းတွေအကြား အဓိပ္ပာယ်ကောက်ယူရာမှာ လွဲမှားမှုတွေ ရှိနေတာကြောင့် အမျိုးသားအဆင့် နိုင်ငံရေးဆွေးနွေးပွဲအကြို လူထုတွေ့ဆုံပွဲတွေကို တားမြစ်ပိတ်ပင်မှုတွေ ဖြစ်ခဲ့တာပါ။

“တတိယအကြိမ် ပင်လုံညီလာခံကို ကျင်းပမယ်ဆိုရင် အမျိုးသားအဆင့် နိုင်ငံရေးဆွေးနွေးပွဲ မကျင်းပရသေးတဲ့ ရှမ်းနဲ့ရခိုင်မှာ အမျိုးသားအဆင့် နိုင်ငံရေးဆွေးနွေးပွဲတွေ ကျင်းပနိုင်မယ်ဆို ပိုထိရောက်မယ်။  တတိယပင်လုံဟာ ပိုပြီး အဓိပ္ပာယ် ပြည့်ဝလာလိမ့်မယ်။ ကျင်းပခွင့် မရှိဘူးဆိုရင်တော့ တတိယပင်လုံမှာ ဘာကို ဆွေးနွေးကြမလဲ။ ဘယ်အချက်ကို အခြေခံပြီးတော့ ဆွေးနွေးမလဲ။ အဲဒီလိုမျိုး စဉ်းစားစရာကြီး ဖြစ်နေတယ်”လို့ ပအိုင်းအမျိုးသား လွတ်မြောက်ရေးအဖွဲ့ချုပ် (PNLO) မှ တွဲဖက်အထွေထွေအတွင်းရေးမှူး (၁) ဦးခွန်ထွန်းတင်က မေးခွန်းထုတ်လိုက်ပါတယ်။

ဒီလို ၂၀၁၇ ငြိမ်းချမ်းရေးနှစ်မှာ အကျပ်အတည်းတွေ ရှိခဲ့ပေမယ့် နိုင်ငံတော်၏အတိုင်ခံပုဂ္ဂိုလ် ဒေါ်အောင်ဆန်းစုကြည်ကတော့ ငြိမ်းချမ်းရေးစကားဝိုင်းတွေကို ဆက်လက်ကျင်းပခဲ့ပါတယ်။ ၂၀၁၈ ဧပြီ ၁၀ ရက်က ဧရာဝတီတိုင်း မြောင်းမြမြို့မှာ နိုင်ငံတော်အတိုင်ပင်ခံပုဂ္ဂိုလ်နဲ့ မြောင်းမြမြို့ဒေသခံပြည်သူတွေရဲ့ စကားဝိုင်းကို ကျင်းပခဲ့ပါတယ်။ အမှန်က ၂၀၁၈ ဖေဖော်ဝါရီတုန်းက မော်လမြိုင်မြို့မှာ ကျင်းပဖို့ ပြင်ဆင်ခဲ့ပေမယ့် မဖြစ်ခဲ့ဘဲ ဧပြီလရောက်မှသာ မြောင်းမြမြို့မှာ စကားဝိုင်းကို ကျင်းပနိုင်ခဲ့တာ ဖြစ်ပါတယ်။

ဆွေးနွေးမှုအပြီး အင်တာနက်အွန်လိုင်းကနေ မေးမြန်းတဲ့ မေးခွန်းကို ဒေါ်အောင်ဆန်းစုကြည်က ပြန်လည်ဖြေကြားရာ NCA မှာ တိုင်းရင်းသားလက်နက်ကိုင်အားလုံး ပါဝင်လက်မှတ်ရေးထိုးခြင်း မရှိသေး တာက တစ်ဦးနဲ့တစ်ဦး ယုံကြည်မှု မရှိတာကြောင့် ဖြစ်တယ်လို့ ဆိုပါတယ်။

၂၀၁၈ ခုနှစ် ဖေဖော်ဝါရီ ၁၃ ရက်က ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ  (UNFC) အဖွဲ့ဝင်ဖြစ်တဲ့ မွန်ပြည်သစ်ပါတီ (NMSP) နဲ့ လားဟူဒီမိုကရက်တစ်အစည်းအရုံး (LDU) တို့က တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်မှာ လက်မှတ်ရေးခဲ့ကြပါတယ်။

NCA စာချုပ်မှာ လက်မှတ်ရေးထိုးထားတဲ့ ကရင်အမျိုးသား အစည်းအရုံး (KNU) ၊ ရှမ်းပြည် ပြန်လည်ထူထောင်ရေးကောင်စီ (RCSS) ၊ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) ၊ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF) ၊ ချင်းအမျိုးသားတပ်ဦး (CNF) ၊ ရခိုင်ပြည်လွတ်မြောက်ရေးပါတီ (ALP) ၊ ဒီမိုကရေစီအကျိုးပြု ကရင်တပ်မတော် (DKBA) KNLA ငြိမ်း ချမ်းရေးကောင်စီအပြင် မွန်ပြည်သစ်ပါတီ (NMSP) နဲ့ လားဟူဒီမိုကရက်တစ်အစည်းအရုံး (LDU) တို့လည်း ပါဝင်လာတာ ဖြစ်ပါတယ်။

NCA စာချုပ်မှာ တိုင်းရင်းသားလက်နက်ကိုင်အဖွဲ့နှစ်ဖွဲ့ ထပ်တိုးလာတာကြောင့် NLD အစိုးရ လက်ထက်မှာ ငြိမ်းချမ်းရေးလုပ်ငန်းစဉ်က ပြီးမြောက်အောင်မြင်နိုင်မလားဆိုတဲ့ မျှော်လင့်ချက်တွေက ပြည်သူတွေကြားမှာ မြင့်တက်လို့လာပါတယ်။ ဒီလိုမျှော်လင့်ချက်တွေ မြင့်တက်နေတုန်းမှာပဲ NCA လက်မှတ်ရေးထိုးထားတဲ့ ကရင်ပြည်နယ်မြောက်ပိုင်း ဖာပွန်ခရိုင်ထဲက ကရင်အမျိုးသားအစည်းအရုံး (KNU) ရဲ့ တပ်မဟာ (၅) ထိန်းချုပ်နယ်မြေမှာ မတ် ၅ ရက်က တပ်မတော်နဲ့ KNU အကြား တိုက်ပွဲပြန်လည်ဖြစ်ပွားခဲ့ပါတယ်။ တိုက်ပွဲဖြစ်ရတဲ့ အကြောင်းကတော့ တပ်မတော်အနေ နဲ့ KNU တပ်မဟာ ၅ နယ်မြေအတွင်း လမ်းဖောက်လုပ်ခဲ့တာကြောင့် နှစ်ဖက်တင်းမာမှုဖြစ်ပွားပြီး တိုက်ပွဲတွေ တစ်ကျော့ပြန်ဖြစ်လာတာပါ။ ဒါပေမဲ့ မေ ၁၇ ရက်က တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နဲ့ KNU ဥက္ကဋ္ဌ စောမူတူးစေးဖိုးတို့ တွေ့ဆုံခဲ့ပြီး ခေးပူ-လွယ်မူပလောလမ်းကြောင်း ပြုပြင်ဆောင်ရွက်နေမှုကို တပ်မတော်ကနေ ယာယီရပ်ဆိုင်းပေးထားမယ်ဆိုတဲ့ ဆွေးနွေးသဘောတူညီမှု ရရှိခဲ့ပြီးနောက်မှာတော့ နှစ်ဖက်ထိတွေ့မှုတွေ ရပ်တန့်ခဲ့ပါတယ်။

NCA စာချုပ်ကို လက်မှတ်ရေးထိုးလိုက်တဲ့အတွက် မွန်ပြည်သစ်ပါတီ (NMSP) အနေနဲ့ NCA စာချုပ်အရ  အမျိုးသားအဆင့် နိုင်ငံရေးဆွေးနွေးပွဲတွေ မကျင်းပမီ မွန်ပြည်သစ်ပါတီအခြေစိုက်ရာ ခရိုင်ငါးခုမှာ မတ်လအတွင်း အကြိုလူထု တွေ့ဆုံပွဲများကျင်းပဖို့ စီစဉ်ခဲ့ပေမယ့် တပ်မတော်က လူဦးရေကန့် သတ်လာမှုကြောင့် ရပ်ဆိုင်းခဲ့ရပါတယ်။

မွန်ပြည်နယ်မှာ ဖြစ်သွားတဲ့ အမျိုးသားအဆင့် နိုင်ငံရေးဆွေးနွေးပွဲအကြိုလူထုတွေ့ဆုံမှု ကန့်သတ်မှုတွေရှိနေတာက ရှမ်းပြည်နယ်မှာ ဖြစ်ပွားခဲ့တဲ့ တားမြစ်ခံရမှု တူညီနေပါတယ်။ ဒီလို လူထုတွေ့ဆုံပွဲ တွေကို ကန့်သတ်တားမြစ်မှုတွေဟာ NCA လက်မှတ်ထိုးဖို့ ကျန်ရှိနေသေးတဲ့ တိုင်းရင်းသားလက်နက် ကိုင်အဖွဲ့တွေရဲ့ ယုံကြည်မှုကို ထိခိုက်စေပါတယ်။

NCA စာချုပ်ပါ အခန်း (၅) နိုင်ငံရေးဆွေးနွေးပွဲဆိုင်ရာ အာမခံချက်များအခန်း ပုဒ်မ ၂၀ ကို ဖောက်ဖျက်ရလည်း ကျပါတယ်။ ဘာလို့လဲဆိုတော့ ပုဒ်မ ၂၀ ပါ  “နိုင်ငံ ရေးလမ်းပြမြေပုံ ချမှတ်ခြင်း” မှာ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် လက်မှတ်ရေးထိုးခြင်းအပါအ၀င် ဆက်လက်လုပ်ဆောင်ရမယ့် အချက် ခြောက်ခု ရှိပါတယ်။ အဲဒီထဲက တတိယအချက်မှာ “ထိုမူဘောင်ကို အခြေခံ၍ အမျိုးသားအဆင့် နိုင်ငံ ရေးဆွေးနွေးပွဲများ ကျင်းပခြင်း၊ လုံခြုံရေးဆိုင်ရာ ပြန်လည်ပေါင်းစည်းခြင်းကိစ္စရပ်များ၊ လုပ်ငန်းစဉ်များကို ညှိနှိုင်းဆွေးနွေးခြင်းနှင့် နှစ်ဖက်သဘောတူညီသော ကြိုတင်ဆောင်ရွက်ဖွယ်ရာများကို လုပ်ဆောင်ခြင်း” ဖော်ပြထားပါတယ်။ ဒါကြောင့် အမျိုးသားအဆင့်နိုင်ငံရေးဆွေးနွေးပွဲ အကြို လူထုတွေ့ဆုံပွဲတွေကို ကန့်သတ်တားမြစ်တာဟာ NCA စာ ချုပ်ပါ ပုဒ်မ ၂၀ ကို ချိုးဖောက်သလို ဖြစ်နေတယ်လို့ ဆိုရမှာပါ။

လက်ရှိအချိန်မှာ NCA လက် မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့အစည်းတွေက  ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံ (တတိယအစည်းအဝေး) ကို လာမယ့်ဇူလိုင်လထဲမှာ လုပ်ဖို့ အစိုးရဆီ အဆိုပြုထားပေမယ့် ညီလာခံကျင်းပမယ့်ရက်ကိုတော့ သတ်မှတ်နိုင်ခြင်း မရှိသေးပါဘူး။  ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံ (ဒုတိယ အစည်းအဝေး) ကို ၂၀၁၇ မေလက ကျင်းပခဲ့ပြီး လက်ရှိအချိန်အထိ ၂၁ ရာစုပင်လုံ (တတိယအစည်းအဝေး) ကို မကျင်းပနိုင်ခဲ့တာ တစ်နှစ်ကျော် ကြာခဲ့ပါပြီ။ ဒီတစ်နှစ်အတွင်း ၂၁ ရာစုပင်လုံ (တတိယအစည်းအဝေး) ကို ရွှေ့ဆိုင်းခဲ့ရတာ သုံးကြိမ်အထိ ရှိခဲ့ပြီး လက်ရှိအချိန်မှာ NCA လက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့အစည်းတွေက လာမယ့်ဇူလိုင်လအတွင်းမှာ ကျင်းပဖို့ အစိုးရထံ အဆိုပြုခဲ့တာပါ။

လက်ရှိအချိန်မှာလည်း လုံခြုံရေးကဏ္ဍနဲ့ပတ်သက်လို့ အစိုးရ၊ တပ်မတော်နဲ့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ်  (NCA) လက်မှတ်ထိုးထားတဲ့ တိုင်းရင်းသားလက်နက်ကိုင်အဖွဲ့တွေက အလွတ်သဘောတွေ့ဆုံ ဆွေးနွေးမှုတွေကို လုပ်နေပါတယ်။

ဒီလို ငြိမ်းချမ်းရေးလမ်းကြောင်းမှာ အကျပ်အတည်းတွေ ရှိနေပေမယ့်လည်း ၂၀၁၈ ဇွန် ၁၄ ရက်က မော်လမြိုင်မြို့မှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ဒေသခံပြည်သူတွေရဲ့ ငြိမ်းချမ်းရေးစကားဝိုင်းကို ကျင်းပခဲ့ပါတယ်။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အနေနဲ့ ငြိမ်းချမ်းရေးစကားဝိုင်းတွေကို ၂၀၁၇ ဇန်န၀ါရီ  ၁ ရက်က နေ ၂၀၁၈ ဇွန် ၁၄ ရက်အထိ ကျင်းပလာခဲ့တာ ခုနှစ်ကြိမ်တိတိ ရှိပြီဖြစ်ပါတယ်။

ဒီလိုငြိမ်းချမ်းရေးစကားဝိုင်းတွေကို ခုနစ်ကြိမ်အထိ ကျင်းပခဲ့ပေ မယ့်လည်း လက်ရှိသွားနေတဲ့ ငြိမ်းချမ်းရေးလမ်းကြောင်းကို အထောက်အကူမပြုဘူးလို့ သုံးသပ်မှုတွေကလည်း ရှိလာပါတယ်။ ဘာကြောင့် လဲဆိုတော့ ငြိမ်းချမ်းရေးလုပ်ငန်းစဉ်တွေမှာ ဘယ်လိုအကျပ်အတည်းတွေ ဖြစ်ပေါ်နေတယ်ဆိုတာကို ငြိမ်း ချမ်းရေးစကားဝိုင်းတွေဆီကနေ ပြည်သူတွေကို ချပြမှုမရှိတဲ့အတွက်ကြောင့်လို့ ထောက်ပြပြောဆိုမှုတွေ ရှိလာပါတယ်။

“ငြိမ်းချမ်းရေး စကားဝိုင်းတွေ လုပ်ခဲ့ပေမယ့် လက်ရှိငြိမ်းချမ်းရေး ဖြစ်စဉ်မှာ အထောက်အကူရတယ်လုိ့ ကျွန်တော်ကတော့ မမြင်ပါဘူး။ ဘာဖြစ်လို့လဲဆိုတော့ ငြိမ်းချမ်းရေးမှာ ဘယ်အဆင့်အထိရောက်နေလဲ ဆိုတာကို သာမန်ပြည်သူလူထုကမသိဘူး။ ဒီဟာကို လုပ်ဆောင်ဖို့အတွက်ကလည်း အစိုးရကလည်း တာဝန်ပျက်ကွက်တယ်။ ဒီလိုစကားဝိုင်း ပုံစံမဟုတ်ဘဲနဲ့ ငြိမ်းချမ်းရေးက ဘယ်လိုဖြစ်နေတယ်ဆိုတာ၊ ဘယ်လိုအခက်အခဲ အကျပ်အတည်းဖြစ်နေတယ်ဆိုတာကို ပြည်သူလူထုကို သိအောင်လို့ ချပြရမှာက အစိုးရရဲ့တာဝန်ဖြစ်တယ်။ ပြောရမယ်ဆိုရင် ချိုမှန်းချဉ်မှန်းတောင် မစားဖူးတဲ့ သူကို ချိုသလား ချဉ်သလားလို့ သွားမေးနေသလိုဖြစ်နေတော့ ကျွန်တော်က သိပ်သက်ရောက်မှုမရှိဘူးလို့ မြင်တယ်” လို့ ပြည်ထောင်စုငြိမ်းချမ်း ရေးပူးတွဲကော်မတီ (UPDJC) အတွင်းရေးမှူး စိုင်းကျော်ညွန့်က မှတ်ချက်ပြုပါတယ်။

ကရင်အမျိုးသားအစည်းအရုံး (KNU) ဗဟိုကော်မတီဝင် ပဒိုမန်းငြိမ်းမောင်က “လူငယ်တွေကို ငြိမ်းချမ်းရေးကို ချပြတာတော့ ကျွန်တော်တို့က ဘယ်လိုမှ သဘောကွဲလွဲစရာမရှိပါဘူး။ ဒါပေမဲ့ ငြိမ်းချမ်းရေးမရ, ရခြင်းရဲ့ အကြောင်းက အဓိကအဟန့်အတားဖြစ်နေတာမှာဘာတွေ တစ်ဆို့နေလဲ။ ဘာတွေ အခက်အခဲရှိတယ်ဆိုတာ လူထုတွေ၊ လူငယ်တွေကိုချပြဖို့ လိုတယ်လို့ ထင်တယ်” လို့ ပြောပါတယ်။

ဒါ့အပြင် ငြိမ်းချမ်းရေးစကားဝိုင်းတွေက ထိရောက်မှု ရှိ၊ မရှိ ပြန် လည်သုံးသပ်ဖို့ လိုတယ်လို့ ကချင်ဒီမိုကရေစီပါတီရဲ့ ဥက္ကဋ္ဌ ဒေါက်တာမနန်တူးဂျာက ဆိုပါတယ်။

“ဒီစကားဝိုင်းတွေကို ပြန်လည် သုံးသပ်ဖို့ လိုတယ်။ ငြိမ်းချမ်းရေး ဖြစ်စဉ်အပေါ်မှာ ဘယ်လောက် အကျိုးရှိလာသလဲ။ အကျိုးရှိသလား၊ မရှိဘူးလားဆိုတာကို သက်ဆိုင်ရာခေါင်းဆောင်တွေနဲ့ အတိုင်ပင်ခံပုဂ္ဂိုလ်ကအစ ပြန်လည်သုံးသပ်ဖို့ လိုတယ်။ သုံးသပ်ပြီးတော့မှ ထိရောက်မှု သိပ်မရှိရင် ထိရောက်မှု ရှိအောင် လုပ်ရမယ်။ ဒီအတိုင်းပဲ ဒါကို ပြန်လည်သုံးသပ်တာ၊ ဆန်းစစ်တာ မရှိဘူးဆိုရင်တော့ ဒါက သိပ်ပြီး မထိရောက်နိုင်ဘူး” လို့ ဒေါက်တာ မနန်တူးဂျာက ဆိုပါတယ်။

ငြိမ်းချမ်းရေးစကားဝိုင်းတွေနဲ့ ပတ်သက်လို့ နိုင်ငံရေးလေ့လာသူ ဦးမောင်မောင်စိုးကတော့ နိုင်ငံ တော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေနဲ့ ငြိမ်းချမ်းရေးနဲ့ပတ်သက်ပြီး လူထုကြားထဲကို မက်ဆေ့ပေးချင်ရုံ သက်သက်လို့သာ ထင်မိတယ်လို့ မှတ်ချက်ပြုပါတယ်။

နိုင်ငံတော်၏ အတိုင်ပင်ခံ ဒေါ်အောင်ဆန်းစုကြည်အနေနဲ့ လူငယ်တွေနဲ့ ငြိမ်းချမ်းရေးစကားဝိုင်းကို နှစ်လတစ်ကြိမ် ဒါမှမဟုတ် သုံးလတစ်ကြိမ်လုပ်ဖို့ရှိတဲ့အတွက် ငြိမ်းချမ်းရေးလမ်းကြောင်းကို တစ်စုံတစ်ရာ အထောက်အပံ့ဖြစ်ဖို့ဆိုရင် လူငယ်တွေသာမက ငြိမ်းချမ်းရေး၊ နိုင်ငံရေးကို ထဲထဲဝင်ဝင် လုပ်ဆောင်သူတွေနဲ့ပါ စကားဝိုင်းတွေ လုပ်သင့်တယ်လို့ အကြံပြုမှုတွေလည်း ရှိလာပါတယ်။ ဒီလိုမှ မဟုတ်ဘဲ ငြိမ်းချမ်းရေးစကားဝိုင်းတွေကို ဒီအတိုင်းသာ ဆက်လက်လုပ်ဆောင်နေမယ်ဆိုရင်တော့ ပြည်သူကို ငြိမ်းချမ်းရေးအသိလောက်သာ ပေးရုံရှိပြီး တကယ့်ငြိမ်းချမ်းရေးလမ်းကြောင်းကို အထောက်အကူ မပြုနိုင် တဲ့အတွက် မြန်မာ့ငြိမ်းချမ်းရေး ရာသီဥတု ပကတိအခြေအနေအမှန်ကို ပြည်သူတွေ တကယ်သိနိုင်မှာ မဟုတ်ပါဘူး။

ဒီကိစ္စနဲ့ပတ်သက်လို့ ပြည်ထောင်စုငြိမ်းချမ်းရေးပူးတွဲကော်မတီ (UPDJC) အတွင်းရေးမှူး စိုင်းကျော်ညွန့်က “တကယ် ငြိမ်းချမ်းရေးဆိုတဲ့ အဓိပ္ပာယ်ကို ပြီးပြည့်စုံစေတယ်ဆိုရင် တိုင်းရင်းသားလက်နက်ကိုင်တွေရဲ့အကြောင်းကို ဂဃနဏ နားလည်တဲ့လူ၊  နောက်ပြီး တိုင်းရင်းသားနိုင်ငံရေးပါတီအကြောင်းကို ဂဃနဏနားလည်တဲ့သူ၊ ပြီးတော့ လက်ရှိ နိုင်ငံရေးအခင်းအကျင်း တွေကိုလည်း သိတဲ့လူ၊ ပြီးရင် ဒေသနိုင်ငံရေးအခင်းအကျင်းကိုလည်း သိတဲ့လူတွေပါမယ်။ ကမ္ဘာ့အခင်းအကျင်းကို သိတဲ့လူတွေလည်း ပါမယ်။ အဲဒီလိုမျိုးလူတွေကို ထောင့်စုံအောင် ဖိတ်ကြားပြီးတော့ ပြောတယ်ဆို ဒီထက်ပိုပြီးတော့ အဓိပ္ပာယ်ရှိမယ်လို့မြင်တယ်” လို့ သုံးသပ်ပါတယ်။

ငြိမ်းချမ်းရေးဟူသည် . . .

သြစတြေးလျနိုင်ငံ ဆစ်ဒနီမြို့ အခြေစိုက် စီးပွားရေးနှင့် ငြိမ်းချမ်းရေးဆိုင်ရာဌာန (IEP) က ထုတ်ပြန်သော ကမ္ဘာလုံးဆိုင်ရာ ငြိမ်းချမ်းရေးအညွှန်းကိန်း (GPI) အစီရင်ခံစာတွင် မြန်မာနိုင်ငံသည် အဆင့် ၁၅ ဆင့် ကျဆင်းသွားခဲ့ပြီး အဆင့် ၁၂၂ အဖြစ် သတ်မှတ်ခြင်းခံရကြောင်း သိရသည်။ မြန်မာနိုင်ငံသည် အာရှ-ပစိဖိတ်ဒေသတွင်း၌ နိုင်ငံပေါင်း ၁၉ နိုင်ငံအနက် မြောက်ကိုရီးယား (အဆင့် ၁၅၀) နှင့် ဖိလစ်ပိုင် (အဆင့် ၁၃၇ ) တို့ပြီးပါက တတိယမြောက် အဆင့်အနိမ့်ဆုံးနိုင်ငံဖြစ်ကြောင်း သိရသည်။ အာရှ-ပစိဖိတ်ဒေသတွင်း၌ အဆင့်အကြီးအကျယ် ကျဆင်းသွားသောနိုင်ငံမှာ မြန်မာနိုင်ငံနှင့် ကမ္ဘောဒီးယားနိုင်ငံတို့ဖြစ်ပြီး မြန်မာနိုင်ငံသည် ဘင်္ဂါလီမွတ်စလင်များ (မူရင်း၌ ရိုဟင်ဂျာဟုဖော်ပြ) တို့အပေါ် လုပ်ဆောင်နေဆဲ စစ်ဆင်ရေးများကြောင့် ယင်းကဲ့သို့ ကျဆင်းရခြင်းဖြစ်ပြီး ကမ္ဘောဒီးယားနိုင်ငံသည် ယခုနှစ် ရွေးကောက်ပွဲများ နီးကပ်လာချိန်၌ ၀န်ကြီးချုပ်ဟွန်ဆန်၏ အတိုက်အခံများအပေါ် ဖိနှိပ်ရန် ကြိုးပမ်းမှုကြောင့် ကျဆင်းရခြင်းဖြစ်သည်ဟု ဆိုသည်။ မြန်မာနိုင်ငံနှင့် နယ်နိမိတ်ချင်း ထိစပ်နေသော တောင်အာရှဒေသမှ ဘင်္ဂလားဒေ့ရ်ှနိုင်ငံသည်လည်း နိုင်ငံရေး မတည်ငြိမ်မှုများနှင့် အကြမ်းဖက်မှုများ ရိုက်ခတ်မှုကြောင့် အဆင့် ၁၀ ဆင့် ကျဆင်းသွားပြီး အဆင့် ၉၃ အဖြစ် သတ်မှတ်ခံရကြောင်း သိရသည်။ ယင်းမှာ မြန်မာနိုင်ငံမှ ဘင်္ဂါလီမွတ်စလင်ဒုက္ခသည် ၇၀၀,၀၀၀ ရုတ်တရက် ၀င်ရောက်လာခြင်းနှင့် ပတ်သက်နေသည်ဟု ဆိုသည်။

ယခု ၁၂ ကြိမ်မြောက် ကမ္ဘာလုံးဆိုင်ရာ ငြိမ်းချမ်းရေးအညွှန်းကိန်း အစီရင်ခံစာကို ပြင်ဆင်ခဲ့သည့် IEP သည် အကျိုးအမြတ် ရယူခြင်းမရှိသည့် အကြံပေးအဖွဲ့ဖြစ်ပြီး လွတ်လပ်သောနိုင်ငံများနှင့် နယ်မြေများ စုစုပေါင်း ၁၆၃ ခုကို ၎င်းတို့၏ ငြိမ်းချမ်းမှု အဆင့်အလိုက် အမှတ်ပေးကာ ထုတ်ပြန်ခြင်းဖြစ်သည်။ ၂၀၁၈ ခုနှစ် GPI အစီရင်ခံစာတွင် တင်းမာမှုများ၊ ပဋိပက္ခများနှင့် အကျပ်အတည်းများအတွင်း ကျရောက်နေသည့် ကမ္ဘာကြီးကို ဖော်ပြခဲ့သည်။ အထူးသဖြင့် အရှေ့အလယ်ပိုင်းဒေသတွင် လွန်ခဲ့သည့် ဆယ်စုနှစ်အတွင်း မဖြေရှင်းနိုင်သည့် ပြဿနာများကြောင့် ယင်းကဲ့သို့ ဖြစ်ပွားရခြင်းဖြစ်ပြီး အမေရိကန်ပြည်ထောင်စုနှင့် အခြားကမ္ဘာ့အင်အားကြီးနိုင်ငံများသည်လည်း နိုင်ငံရေး မတည်ငြိမ်မှုများနှင့် ရင်ဆိုင်ရသောကြောင့် ငြိမ်းချမ်းမှု ဖြည်းဖြည်းချင်း ကျဆင်းလာရသည်ဟု ဆိုသည်။ ယခု အစီရင်ခံစာအရ ၂၀၁၆ ခုနှစ်နှင့် ၂၀၁၇ ခုနှစ်အကြားတွင် နိုင်ငံပေါင်း ၉၂ နိုင်ငံသည် ငြိမ်းချမ်းမှု ကျဆင်းသွားပြီး ၇၁ နိုင်ငံသည် ငြိမ်းချမ်းမှု တိုးတက်လာကြောင်း သိရသည်။ ဆီးရီးယား၊ အာဖဂန်နစ္စတန်၊ တောင်ဆူဒန်၊ အီရတ်နှင့် ဆိုမာလီယာတို့သည် ကမ္ဘာပေါ်တွင် ငြိမ်းချမ်းမှု အနည်းဆုံးနိုင်ငံများဖြစ်ကြပြီး အိုက်စလန်၊ နယူးဇီလန်၊ သြစတြီးယား၊ ပေါ်တူဂီနှင့် ဒိန်းမတ်နိုင်ငံတို့သည် အငြိမ်းချမ်းဆုံးနိုင်ငံများဖြစ်ကြောင်း သိရသည်။

ငြိမ်းချမ်းရေးဟူသည် အဘယ်နည်း။ ငြိမ်းချမ်းရေးကို လူများအနေဖြင့် အကြမ်းဖက်မှုမရှိဘဲ ၎င်းတို့၏ ပဋိပက္ခများကို ဖြေရှင်းနိုင်ပြီး ၎င်းတို့၏ ဘ၀အရည်အသွေးများ တိုးတက်လာအောင် အတူတကွ လုပ်ဆောင်နိုင်သည့်အခါ ရရှိခြင်းဖြစ်သည်။ ငြိမ်းချမ်းရေးကို လူတိုင်းအနေဖြင့် အကြမ်းဖက်မှုများကို ကြောက်လန့်ရခြင်း၊ ခြိမ်းခြောက်ခံရခြင်းတို့ မရှိဘဲ ဘေးကင်းလုံခြုံစွာ နေထိုင်နိုင်သည့်အခါ ရရှိသည်။ ငြိမ်းချမ်းရေးကို လူတိုင်းအနေဖြင့် ဥပဒေ၏ရှေ့မှောက်၌ မည်မျှစွာရှိခြင်း၊ တရားရေးစနစ်များ ယုံကြည်ရခြင်းနှင့် လူတို့၏ အခွင့်အရေးများကို မျှတပြီး ထိရောက်သည့် ဥပဒေများက ကာကွယ်ပေးထားခြင်းတို့ ရှိသည့်အခါ ရရှိသည်။ ငြိမ်းချမ်းရေးကို လူတိုင်းအနေဖြင့် နိုင်ငံရေး ဆုံးဖြတ်ချက်များကို ပုံဖော်ရာ၌ ပါဝင်နိုင်စွမ်းရှိပြီး အစိုးရက ပြည်သူများအပေါ် တာဝန်ခံမှုရှိသည့်အခါ ရရှိသည်။ ငြိမ်းချမ်းရေးကို လူတိုင်းအနေဖြင့် စားနပ်ရိက္ခာ၊ သန့်ရှင်းသောရေ၊ နေစရာ၊ ပညာရေး၊ ကျန်းမာရေးစောင့်ရှောက်မှုနှင့် နေချင်စရာ ၀န်းကျင်တို့အား မျှတညီမျှစွာ ရရှိသည့်အခါ ရရှိသည်။ ငြိမ်းချမ်းရေးကို ကျား/မ၊ လူမျိုး သို့မဟုတ် မည်သည့် အမျိုးအမည် ခွဲခြားမှုနှင့်မျှမဆိုင်ဘဲ အလုပ်လုပ်ရန် ညီမျှသော အခွင့်အရေး ရရှိကာ အသက်မွေးဝမ်းကျောင်း ပြုနိုင်သည့်အခါ ရရှိသည်။

မည်သို့ပင်ဆိုစေကာမူ မြန်မာနိုင်ငံအနေဖြင့် ငြိမ်းချမ်းရေး အညွှန်းကိန်း ပြန်လည်မြင့်တက်လျက် မြန်မာနိုင်ငံသူနိုင်ငံသားများ ငြိမ်းချမ်းရေး ရရှိပါစေကြောင်း The Daily Eleven သတင်းစာက ဆုမွန်ကောင်း တောင်းအပ်ပါသည်။

ဇွန်လ ၈ ရက်နေ့ထုတ် The Daily Eleven သတင်းစာ အယ်ဒီတာ့အာဘော်

ငြိမ်းချမ်းရေးဖော်ဆောင်မှု နှောင့်နှေးကြန့်ကြာနေရခြင်းဆိုသည့် အကြောင်းတရားသည် တပ်မတော်ကြောင့် မဟုတ်ကြောင်း ကာကွယ်ရေးဝန်ကြီးဌာန အမြဲတမ်းအတွင်းဝန် ပြောကြား

မေ ၂၉ ရက်က ပြန်ကြားရေးဝန်ကြီးဌာနတွင် ပြုလုပ်သည့် နိုင်ငံတော်အစိုးရ၏ ပြည်သူ့အတွက် ဒုတိယတစ်နှစ်တာကာလအတွင်း ဆောင်ရွက်မှုများနှင့်ပတ်သက်၍ သတင်းစာရှင်းလင်းပွဲကို တွေ့ရစဉ်

ငြိမ်းချမ်းရေးဖော်ဆောင်မှု နှောင့်နှေးကြန့်ကြာနေရခြင်းဆိုသည့် အကြောင်းတရားသည် တပ်မတော်ကြောင့်မဟုတ်ကြောင်း ကာကွယ်ရေးဝန်ကြီးဌာနအမြဲတမ်း အတွင်းဝန်  ဗိုလ်မှူးချုပ်အောင်ကျော်ဟိုးက ပြောကြားသည်။

မေ ၂၉ ရက်က ပြန်ကြားရေးဝန်ကြီးဌာနတွင် ပြုလုပ်သည့် နိုင်ငံတော်အစိုးရ၏ ပြည်သူ့အတွက် ဒုတိယ တစ်နှစ်တာကာလအတွင်း ဆောင်ရွက်မှုများနှင့်ပတ်သက်၍ သတင်းစာရှင်းလင်းပွဲတွင် သတင်းမီဒီယာများ၏ မေးမြန်းမှုနှင့်ပတ်သက်၍ ဗိုလ်ချုပ်အောင်ကျော်ဟိုးက “ငြိမ်းချမ်းရေးဖော်ဆောင်မှု နှောင့်နှေးကြန့်ကြာနေရခြင်းဆိုတဲ့ အကြောင်းတရားသည် တပ်မတော်ကြောင့် မဟုတ်ပါဘူး။ ဒီအပေါ်မှာမူတည်ပြီးတော့ သူတို့တွေဟာ သူတို့ရရှိထားတဲ့ အခွင့်အရေးတွေပေါ့။ ရရှိထားတဲ့အခွင့်အရေးတွေ၊ သူတို့ရဲ့ လက်နက်စွဲကိုင်ပြီးတော့ တောင်းဆိုချင်တဲ့အချက်တွေ၊ အဲဒီအပေါ်မှာမူတည်ပြီးတော့ပဲ ကျွန်တော်တို့ ကြန့်ကြာနေရခြင်းဖြစ်တယ်လို့ ကျွန်တော်ထင်မြင်ယူဆပါတယ်” ဟု ပြောကြားသည်။

ဆက်လက်၍ “ကျွန်တော်တို့အနေနဲ့ နှောင့်နှေးနေတယ်လို့တော့ မမြင်ပါဘူး။ ဒီအပေါ်မှာ ငြိမ်းချမ်းရေးရရှိဖို့အတွက်ကို ခုနပြောခဲ့တဲ့ ဒီ NCA လမ်းကြောင်းပေါ့။ NCA လမ်းကြောင်းပေါ်ကို ကျွန်တော်တို့ တကယ်လျှောက်လှမ်းမယ်ဆိုရင် ဒီငြိမ်းချမ်းရေးက မရစရာအကြောင်းဘာမှမရှိပါဘူး။ ဒီအပေါ်မှာ လျှောက်လှမ်းနိုင်ဖို့အတွက်ကိုလည်း ကျွန်တော်တို့ (၁) အချက်က တစ်ယောက်တစ်ယောက် ယုံကြည်မှုရှိရပါမယ်။ ရိုးသားမှု ရှိရပါမယ်။ ဒီအပေါ်မှာ မူတည်ပြီးတော့ ကျွန်တော်တို့ အမြတ်မထုတ်ဖို့ လိုပါတယ်။ ဒီလိုသာခံယူထားမယ်ဆိုရင် ဒီဟာသည် နှောင့်နှေးနေစရာအကြောင်း မရှိပါဘူး။ ဒီအပေါ်မှာသွားနိုင်ဖို့လည်း ကျွန်တော်တို့က ငြိမ်းချမ်းရေးမူဝါဒခြောက်ရပ်ကိုလည်း ကျွန်တော်တို့ ချမှတ်ပေးထားပါတယ်။ ငြိမ်းချမ်းရေးမူဝါဒခြောက်ရပ်ကိုလည်း လေးစားလိုက်နာမယ်။ ကျွန်တော်တို့ပြောခဲ့သလို ဒီ NCA လမ်းကြောင်းပေါ်ကို မှန်မှန်ကန်ကန်နဲ့ လျှောက်လာမယ်။ လုပ်လာမယ်ဟေ့ဆိုရင် နှောင့်နှေးကြန့်ကြာစရာအကြောင်း မရှိပါဘူး။ ကျွန်တော်စပြီးရှင်းပြထားသလို NCA ဆိုတာ တစ်ဦးတစ်ယောက်ရဲ့ လိုလားချက်မဟုတ်ဘဲနဲ့ ဒီတိုင်းရင်းသားအဖွဲ့တွေရဲ့ သူတို့တွေအချင်းချင်းတွေကိုကကို စုပေါင်းဆွေးနွေးပြီးတော့ လိုချင်တဲ့အချက်ကို ဘုံသဘောတူညီချက်တစ်ခု ဖြစ်အောင်အထိကို လုပ်ထားတာဖြစ်တဲ့အတွက်ကြောင့်မို့ ဒါထည့်သွင်းစဉ်းစားပေးဖို့ လိုပါလိမ့်မယ်”ဟု ၎င်းက ပြောကြားသည်။

ပြည်ထောင်စုငြိမ်းချမ်းရေးညီလာခံအား ကာကွယ်ရေးဝန်ကြီးဌာနက ပူးပေါင်းပါဝင်ဆောင်ရွက်ခဲ့ပြီး NCA လမ်းကြောင်းပေါ်မှ အကောင်အထည်ဖော်ဆောင်ရွက်လာသည့်အတွက် ပြည်ထောင်စုငြိမ်းချမ်းရေး ညီလာခံပေါ်လာခြင်းဖြစ်ကြောင်း၊ တပ်မတော်အနေဖြင့် လှိုက်လှိုက်လှဲလှဲ ပါဝင်ဆောင်ရွက်ခဲ့သည့်အတွက် ပြည်ထောင်စု ငြိမ်းချမ်းရေး ညီလာခံပေါ်လာခြင်းဖြစ်ကြောင်း၊ လက်ရှိတွင် ၂၁ ပင်လုံဟု နာမည်ပြောင်းသော်လည်း တပ်မတော်၏သဘောထားသည် ဘာမျှပြောင်းလဲခြင်းမရှိကြောင်း ဗိုလ်မှူးချုပ်အောင်ကျော်ဟိုးက ဆက်လက်ပြောကြားသည်။

မူဆယ်တိုက်ခတ်ခံရမှုဖြစ်စဉ်နှင့်  ကချင်ပြည်နယ်တိုက်ပွဲဖြစ်စဉ်များနှင့် တပ်မတော်၏ တန်ပြန်ဆောင်ရွက်မှုသည် ပြည်သူလူထု အားကာကွယ်ရန်၊ နိုင်ငံတော်၏ အုပ်ချုပ်ရေးယန္တရားများမရပ်တန့်ရန်နှင့် နိုင်ငံတော်၏ အချုပ်အခြာအာဏာတည်တံ့ရန်အတွက် ကာကွယ်ရခြင်းဖြစ်ကြောင်း ဗိုလ်မှူးချုပ် အောင်ကျော်ဟိုးက ဆိုသည်။

ငြိမ်းချမ်းရေးအတွက် စီတန်းလှည့်လည်ဆုတောင်းခြင်းကို ကက်သလစ်ဘာသာဝင် ၅၀၀၀ ကျော်ခန့် မြစ်ကြီးနားမြို့တွင် ပြုလုပ်

ငြိမ်းချမ်းရေး

ငြိမ်းချမ်းရေးအတွက် စီတန်းလှည့် လည်ဆုတောင်းခြင်းကို ကက်သလစ်ဘာ သာဝင် ၅၀၀၀ ကျော်ခန့်ဖြင့် ကချင်ပြည်နယ် မြစ်ကြီးနားမြို့တွင် မေ ၂၈ ရက် နံနက်ပိုင်းက ပြုလုပ်ခဲ့ကြောင်း သိရသည်။

ယင်းစီတန်းလှည့်လည် ဆုတောင်းခြင်းတွင် စီတာပူဘုန်းတော်ကြီးတိုက်နယ်နှင့် မြစ်ကြီးနားဘုန်းတော်ကြီးတိုက်နယ်မှ ကက်သလစ်ဘာသာဝင်များပါဝင်ပြီး သခင် ခရစ်တော်ရဲ့ မိခင်မယ်တော်သခင်မကိုသဒ္ဓါ ကြည်ညိုစိတ်ပုတီးစိပ်ခြင်း၊ ဆုတောင်းခြင်းနှင့် ဓမ္မတေးသီချင်းများဖြင့် ဂုဏ်တော်ချီးမွမ်းခြင်းများ ပြုလုပ်ခဲ့သည်။

“စီတန်းလှည့်လည်ဆုတောင်းခြင်းရဲ့ အဓိကရည်ရွယ်ချက်ကတော့ အမိမြန်မာနိုင်ငံတော်ကြီးနဲ့တကွ ကချင်ပြည်နယ် အမြန်ဆုံးစစ်မှန်သော ငြိမ်းချမ်းခြင်းကိုရရှိနိုင်ရန်အတွက် မယ်တော်ထမ်းစင်နဲ့အတူတကွ ပုတီးစိပ်ခြင်း၊ ဓမ္မသီချင်းများ ဂုဏ်တော်ချီးမွန်းခြင်းနဲ့ စီတာပူဘုန်းတော်ကြီးတိုက်နယ်နှင့် မြစ်ကြီးနားဘုန်းတော်ကြီးတိုက်နယ်မှ ဘာသာသူများ  ၅၀၀၀ အထက် အတူတကွစုရုံးပြီး ပြုလုပ်ခြင်းဖြစ်ပါတယ်။ နိုင်ငံတော်ကိုအုပ်ချုပ်နေတဲ့ သက်ဆိုင်ရာလူကြီးမင်းများလည်း စိတ်ရှည်လက်ရှည်နဲ့ ကျွန်တော်တို့ပြည်သူများရဲ့ ဆုတောင်းသံနှင့်အတူတကွ စစ်မှန်တဲ့ငြိမ်းချမ်းရေးကို ဖော်ဆောင်နိုင်ပါစေ၊ ဦးဆောင်နိုင်ပါစေလို့ ဦးဆောင်နေတဲ့ နိုင်ငံခေါင်းဆောင်များအားလုံးအတွက်ရော ဆုတောင်းပေးလျက်ရှိပါတယ်” ဟု ဖြစ်မြောက်ရေးကော်မတီ ဒုတိယဥက္ကဋ္ဌ ဦးတူးရော်က ပြောကြားသည်။

အစိုးရနှင့် သဘောတူညီမှုအသစ် ရရှိပြီးနောက် ဆီးရီးယားသူပုန်များက လက်နက်ချ

မေ ၃ ရက်က ဒမတ်စကတ်တောင်ဘက်ရှိ ယယ်ဒါမြို့မှ ထွက်ခွာရန် ဆီးရီးယားသူပုန်များနှင့် အရပ်သားများက ပြင်ဆင်နေကြစဉ် (Photo: AFP)

အလယ်ပိုင်းပိုင်နက်တစ်ခွင်အတွက် အစိုးရနှင့် သဘောတူညီမှု အသစ်တစ်ခုရရှိခဲ့ပြီးနောက် ဆီးရီးယားသူပုန်များသည် မေ ၄ ရက်တွင် ၎င်းတို့၏ လက်နက်ကြီးများကို  အပ်နှံခဲ့သည်ဟု ဆီးရီးယားလူ့အခွင့်အရေး ဆိုင်ရာစောင့်ကြည့်အဖွဲ့က ထုတ်ပြန်ခဲ့သည်။

သူပုန်မြို့များဖြစ်သည့် Talbisseh ၊ Rastan နှင့် Al-Houla တို့ အပါအ၀င် ဆီးရီးယား၏ အလယ်ပိုင်းပြည်နယ်များဖြစ်သည့် ဟာမာ၊ ဟွမ်ပြည်နယ်တို့၏ အစိတ်အပိုင်းများတွင် အပစ်အခတ်ရပ်စဲရေး သဘောတူညီမှုအတွက် အတိုက်အခံတိုက်ခိုက်ရေးသမားများက ယခုသီတင်းပတ်တွင် ဆီးရီးယားအစိုးရတပ်ဖွဲ့နှင့် ၎င်းတို့၏ မဟာမိတ်များနှင့် သဘောတူညီမှု ရရှိခဲ့သည်။

“တိုက်ခိုက်ရေးသမားတွေက သူတို့ရဲ့  အကြီးစားနဲ့ အလယ်လတ်စားလက်နက်တွေကို ရုရှားနဲ့ ဆီးရီးယားတပ်ဖွဲ့ဆီကို နှစ်ရက်ဆက်တိုက် လွှဲပြောင်းပေးခဲ့တယ်”ဟု  ယင်းစောင့်ကြည့်အဖွဲ့က ထုတ်ပြန်ခဲ့သည်။

လွှဲပြောင်းပေးသည့်လက်နက်များထဲတွင် အမြောက်၊ စက်သေနတ်များ ပါဝင်သည်ဟု  ဗြိတိန်အခြေစိုက်စောင့်ကြည့်အဖွဲ့၏ ဥက္ကဋ္ဌ ရာမီအဗ္ဗဒယ်ရာမန်က ပြောကြားခဲ့သည်။

လက်နက်လွှဲပြောင်းပေးမှုပြီးဆုံးသည်နှင့်တစ်ပြိုင်နက် သူပုန်များသည်အရပ်သားများနှင့်အတူ ဘေးကင်းရာသို့ ပြောင်းရွှေ့ထွက်ခွာလိုကြောင်း အဗ္ဗဒယ်ရာမန်က ပြောကြားခဲ့သည်။

အလက်ပိုပြည်နယ်ရှိ သူပုန်ထိန်းချုပ်ထားသော Jarabulus မြို့သို့ သူပုန်များနှင့် အရပ်သားများ ဘေးကင်းလုံခြုံစွာဖြတ်သန်းခွင့်ပြုမည်ဟု အစိုးရပိုင် SANA သတင်း အေဂျင်စီက ထုတ်ပြန်ခဲ့သည်။

ယင်းသဘောတူညီမှုသည် မြို့သုံးမြို့တွင် အစိုးရအဖွဲ့များပြန်လည်ထားရှိရေး နှင့် အဓိကအဝေးပြေးလမ်းမကြီးတစ်ခု ပြန်ဖွင့်ပေးရေးအတွက်လည်း အထောက်အပံ့ဖြစ်ခဲ့ကြောင်း SANA က ထုတ်ပြန်ခဲ့သည်။

အဝေးပြေးလမ်းမသည် မြို့တော်ဒမတ်စကတ်မှ ဟွမ်ကို ဖြတ်ပြီး  ဒုတိယအကြီးဆုံးမြို့ဖြစ်သော အလက်ပိုမြို့ထိ ပေါက်သည်။ ယင်းအဝေးပြေးလမ်းမရရှိမှုသည် ဆီးရီးယားအစိုးရ၏ စစ်ဆင်ရေးအတွက် အဓိက ရည်မှန်းချက်တစ်ခုဖြစ်သည်။

ဟွမ်ပြည်နယ်ဒေသသည် လွန်ခဲ့သည့် နှစ်တွင် အတိုက်အခံ ထောက်ခံသူ တူရကီ နှင့် ဆီးရီးယားစစ်တပ်၏ မဟာမိတ်များဖြစ်သည့် အီရန်နှင့် ရုရှားတို့က တိုက်ပွဲလျှော့ချရေးဇုန် တစ်ခုအဖြစ် သဘောတူညီမှု ရရှိထားသည့် ဒေသတစ်ခုဖြစ်သည်။ ဇုန်လေးခုတွင် ကနဦး၌ ဗုံးကြဲမှု လျှော့ချခဲ့သည်ဟု ယူဆရသော်လည်း ယင်းနောက် အကြမ်းဖက်မှု မြင့်တက်လာခဲ့သည်။ ယင်းဇုန်ထဲမှတစ်ခု ဖြစ်သည့် အရှေ့ဂိုတာကို ဆီးရီးယား အစိုးရတပ်ဖွဲ့ဝင်များက နှစ်လကြာထိုးစစ်ဆင်ခဲ့ပြီးနောက် ပြီးခဲ့သည့်လတွင် ပြန်လည်သိမ်းပိုက်နိုင်ခဲ့သည်။