ရန်ကင်းမြို့နယ် တိုင်းလွှတ်တော် ကိုယ်စားလှယ်က ပရဟိတ ခွေးဂေဟာပိုင်ရှင်ကို ပုဒ်မ ၆၆ (ဃ) ဖြင့် တရားစွဲဆိုထားသည့်အမှု လာမည့်ရုံးချိန်းတွင် စွဲချက်တင်သင့် မတင်သင့် အမိန့်ချမည်

ရန်ကင်းမြို့နယ် တိုင်းဒေသကြီး လွှတ်တော်ကိုယ်စားလှယ် ဒေါ်သီတာမောင်က ပရဟိတ ခွေးဂေဟာ တည်ထောင်ထားသည့် ဒေါ်မြတ်သက်မွန်အား ရန်ကင်းမြို့နယ် တရားရုံး၌ ဆက်သွယ်ရေး ဥပဒေပုဒ်မ ၆၆ (ဃ) ဖြင့် တရားစွဲထားခြင်းနှင့် ပတ်သက်၍ စက်တင်ဘာ ၁၉ ရက် ရုံးချိန်းတွင် စွဲချက်တင်သင့် မတင်သင့် အမိန့်ချမည် ဖြစ်ကြောင်း သိရသည်။

“ ဒီနေ့ကတော့ ၆၆ (ဃ) အတွက် လျှောက်လဲချက် ပေးတယ်။ ပုဒ်မ ၅၀၀ ရဲ့ လျှောက်လဲချက်ကတော့ အရင်ရှေ့နေက ပေးပြီးသွားပြီ။ ၆၆ (ဃ) ကိုတော့ ရှေ့နေအသစ် ပြောင်းထားတယ်။ လာမယ့် ၁၉ ရက်နေ့ ရုံးချိန်းကျရင် ၆၆ (ဃ) အတွက်ကို စွဲချက်တင်သင့် မတင်သင့် တရားရုံးက အမိန့်ချမှာပါ”ဟု စွပ်စွဲခံရသူ ဒေါ်မြတ်သက်မွန်က ပြောကြားသည်။

ပရဟိတခွေးဂေဟာ တည်ထောင်ထားသည့် ဒေါ်မြတ်သက်မွန်ကို ရန်ကင်းမြို့နယ် တိုင်းဒေသကြီး လွှတ်တော်ကိုယ်စားလှယ် ဒေါ်သီတာမောင်က ဆက်သွယ်ရေး ဥပဒေပုဒ်မ ၆၆ (ဃ)နှင့် ရန်ကင်းမြို့နယ် တိုင်းဒေသကြီး လွှတ်တော်ကိုယ်စားလှယ် ဦးသိန်းဇော်က အသရေဖျက်မှု ပုဒ်မ ၅၀၀ တို့ဖြင့် တရားလိုပြုလုပ်၍ ရန်ကင်းမြို့နယ် တရားရုံး၌ တရားစွဲဆိုထားခြင်း ဖြစ်သည်။

ဒေါ်မြတ်သက်မွန်အား ဆက်သွယ်ရေး ဥပဒေပုဒ်မ ၆၆ (ဃ) ဖြင့် တရားစွဲဆိုထားမှုနှင့် ပတ်သက်ပြီး ၂၀၁၇ ခုနှစ် မေ ၃၁ ရက် ရုံးချိန်းတွင် ရန်ကင်းမြို့နယ် တရားသူကြီးက ဒေါ်မြတ်သက်မွန်အား ကျင့်ထုံးဥပဒေ ၄၉၇ (၁)အရ ကျပ် သိန်းသုံးရာတန် ခံဝန်ဖြင့် အာမခံပေးခဲ့ကြောင်း သိရသည်။

အဆိုပါ အမှုဖြစ်စဉ်မှ တရားစွဲဆို ခံရသည့် ပရဟိတ ခွေးဂေဟာ တည်ထောင်သူ ဒေါ်မြတ်သက်မွန်သည် လွန်ခဲ့သည့် ခုနစ် နှစ်ခန့်ကစ၍ မမြသက်မွန် ဟုခေါ်သည့် မိန်းကလေးငယ်ကို အိမ်အကူအဖြစ် ခေါ်ထားခဲ့ကြောင်း၊၂၀၁၆ ခုနှစ် စက်တင်ဘာ ၁၇ ရက်တွင် မြသက်မွန် (ခ) သက်သက်မှာ ပျောက်ဆုံးသွားသဖြင့် ရဲစခန်းသို့ တိုင်တန်းခဲ့ကြောင်း သိရသည်။

အဆိုပါကိစ္စနှင့် ပတ်သက်၍ ယင်းနေ့ မွန်းလွဲပိုင်းတွင် ရန်ကင်းမြို့နယ် တိုင်းဒေသကြီး လွှတ်တော်ကိုယ်စားလှယ် (၁) ဒေါ်သီတာမောင်က စာထုတ် ဆင့်ခေါ်သဖြင့် အမျိုးသားဒီမိုကရေစီအဖွဲ့ချုပ်ရုံးသို့ သွားရောက်ခဲ့ကြောင်း၊ ရုံးရောက်သောအခါ အိမ်အကူ မိန်းကလေးငယ်ကို နှိပ်စက်ကြောင်း၊ ထမင်းမကျွေးကြောင်း၊ လခမပေးကြောင်း ၎င်းကို ပြောကြားကြသည်ဟု ဒေါ်မြတ်သက်မွန်ထံမှ သိရသည်။

ယင်းသို့ ရုံးခန်းတွင် ပြောဆိုခဲ့သော အကြောင်းအရာများကို ဒေါ်မြတ်သက်မွန် က ၎င်း၏ Facebook စာမျက်နှာတွင် ရေးသားခဲ့ကြောင့် တိုင်းဒေသကြီး လွှတ်တော်ကိုယ်စားလှယ် ဒေါ်သီတာမောင်က ပုဒ်မ ၆၆ (ဃ) ဖြင့် တရားလိုပြုလုပ်၍ တရားစွဲဆိုခဲ့ခြင်း ဖြစ်ကြောင်း သိရသည်။

ကော့ကရိတ်မြို့မရဲစခန်းတွင် စိတ်ကြွရူးသွပ်ဆေးပြားများ သုံးစွဲဖြန့်ဖြူးမှုများ အောင်မြင်ပါစေဟု Social Media တွင် ရေးသားခဲ့သူအား ပုဒ်မ ၆၆(ဃ ) ဖြင့် အမှုဖွင့်

ကရင်ပြည်နယ် ကော့ကရိတ်မြို့မရဲစခန်းတွင် စိတ်ကြွရူးသွပ်ဆေးပြားများ သုံးစွဲဖြန့်ဖြူးမှုများ အောင်မြင်ပါစေဟု Social Media တွင် ရေးသားခဲ့သူ Win Tun အကောင့်ပိုင်ရှင်အား ကော့ကရိတ်မြို့မရဲစခန်း မှ ဆက်သွယ်ရေး ဥပဒေပုဒ်မဖြင့် သြဂုတ် ၁၉ ရက်က အမှုဖွင့် အရေးယူလိုက်ကြောင်း သိရသည်။

သြဂုတ် ၁၃ ရက် နံနက် ၈း၀၅ နာရီတွင် ကော့ကရိတ်မြို့မရဲစခန်းမှူး ဒုရဲမှူး ထူးအောင်ရွှေသည် Social Media တွင် Win Tun အကောင့်ဖြင့် ကော့ကရိတ်မြို့မ ရဲစခန်းတွင် စိတ်ကြွရူးသွပ်ဆေး သုံးစွဲဖြန့်ဖြူးမှုများ အောင်မြင်ပါစေဟု ရေးသားထားခြင်းနှင့် ပတ်သက်၍ အဆိုပါ အကောင့်အား ၀င်ရောက် ကြည့်ရှု စစ်ဆေးပြီး ရေချိုးစဉ် Lives လွှင့်ထားသော ပုံနှင့်တူသူအား လိုက်လံရှာဖွေရာ ကော့ကရိတ်မြို့ အမှတ်(၁) ရပ်ကွက်၊ ရဲစခန်းတောင်ဘက် ၄ ဖာလုံအကွာ၌ ဇော်ငြိမ်းထွန်း ( ၃၉ နှစ် )၊ (ဘ) ဦးပါရာအား တွေ့ရှိစစ်ဆေးခဲ့သည်။

Win Tun အကောင့်၌ ရေချိုးနေသည့်ပုံနှင့် ၎င်း ဇော်ငြိမ်းထွန်းမှာ တူညီနေပြီး OPPO အနက်ရောင်ဖုန်းတွင်လည်း Win Tun အမည်ဖြင့် Facebook အကောင့် ဖွင့်ထားသည်ကို တွေ့ရှိရ၍ သက်သေများရှေ့၌ ရှာဖွေပုံစံဖြင့် သိမ်းဆည်းကာ ၎င်းအား ရဲစခန်းသို့ ခေါ်ဆောင်ခဲ့ကြောင်း သိရသည်။

ကော့ကရိတ် မြို့မရဲစခန်းမှ ရဲတပ်ဖွဲ့ဝင်များအား အသရေဖျက်ခြင်း၊ မမှန်သော သတင်းအချက်အလက်များကို Internet စာမျက်နှာပေါ်တွင် ဖြန့်ခြင်းများ ဆောင်ရွက်ခဲ့သူ ဇော်ငြိမ်းထွန်းအား ဥပဒေအရ အရေးယူပေးပါရန် ကော့ကရိတ်မြို့မရဲစခန်းမှူး ဒုရဲမှူး ထူးအောင်ရွှေက တရားလိုပြုလုပ် တိုင်ကြားသဖြင့် ကော့ကရိတ်မြို့မရဲစခန်းမှ ပ ၃၃၂/၂၀၁၈ ဆက်သွယ်ရေး ဥပဒေပုဒ်မ ၆၆ (ဃ) / ၆၈ (က ) တို့ဖြင့် အရေးယူ စစ်ဆေးလျက်ရှိကြောင်း သိရသည်။

မြောင်းမြမြို့၌ လွှတ်တော်ကိုယ်စားလှယ်များကို အကြည်ညိုပျက်စေရန် ဝေဖန်ရေးသားသည်ဟုဆိုကာ လွှတ်တော်ကိုယ်စားလှယ်ရုံး အဖွဲ့ဝင်က ၆၆ (ဃ) ဖြင့် အမှုဖွင့်ထားသည့် ဖြစ်စဉ်တွင် တရားလိုမှာ လွှတ်တော်ကိုယ်စားလှယ်ရုံး အဖွဲ့ဝင် မဟုတ်ကြောင်းနှင့် ကိုယ်စားလှယ်ရုံးနှင့် မပတ်သက်ကြောင်း ကြေညာချက်ထုတ်ပြန်

မြောင်းမြမြို့တွင် လွှတ်တော်ကိုယ်စားလှယ်များ နယ်မြေကွင်းဆင်းရာ၌ ကျောင်းသားများ စောင့်ဆိုင်းကြိုဆိုနေသည့် ဖြစ်စဉ်နှင့် ပတ်သက်၍ ကျောင်းသား ကျောင်းသူတွေ အခုထိ အသုံးချခံနေရပဲလား။ ခေတ်အဆက်ဆက် လူကြီးတွေလာတိုင်း လက်လေးပိုက်ပြီး ဦးခိုက်နေရတုန်းပဲလား ပြောင်းလဲချင်လား မပြောင်းလဲချင်လားဟု စာသားများပါဝင်သည့် ဝေဖန်ပြောကြားချက် တစ်ခုကို Facebook ပေါ်တွင် ရေးသားခဲ့သည့် ပြည်သူတစ်ဦးအား မြောင်းမြမြို့နယ် အမျိုးသား ဒီမိုကရေစီအဖွဲ့ ချုပ် လွှတ်တော်ကိုယ်စားလှယ်များ ရုံးအဖွဲ့ဝင်က လွှတ်တော်ကိုယ်စားလှယ်များအား အကြည်ညိုပျက်စေရန် ရေးသားခဲ့သည်ဟုဆိုကာ ဇူလိုင် ၁၁ ရက်က ဆက်သွယ်ရေး ဥပဒေပုဒ်မ ၆၆ (ဃ) ဖြင့် အမှုဖွင့် တိုင်ကြားခဲ့သည့် ဖြစ်စဉ်တွင် လွှတ်တော်ကိုယ်စားလှယ်ရုံး အဖွဲ့ဝင် ဟုဆိုကာ တရားစွဲဆိုခဲ့သည့် တရားလိုဖြစ်သူ ဦးပြုံး (ခ) ဦးပြူးမှာ လွှတ်တော်ကိုယ်စားလှယ်ရုံး အဖွဲ့ဝင် မဟုတ်ဘဲ လွှတ်တော်ကိုယ်စားလှယ်ရုံးနှင့် ပတ်သက်ခြင်း မရှိကြောင်း မြောင်းမြမြို့နယ် လွှတ်တော်ကိုယ်စားလှယ်များရုံး အဖွဲ့က ဇူလိုင် ၁၄ ရက်တွင် ကြေညာချက် ထုတ်ပြန်ခဲ့ကြောင်း သတင်းရရှိသည်။

ဖြစ်စဉ်မှာ ဇူလိုင် ၁၀ ရက်တွင် မြောင်းမြမြို့နယ် လွှတ်တော်ကိုယ်စားလှယ် ဖြစ်ကြသည့် အမျိုးသားလွှတ်တော် ကိုယ်စားလှယ် ဦးမန်းထွန်းကြိုင်၊ မဲဆန္ဒနယ် အမှတ် (၂) တိုင်းဒေသကြီး ကိုယ်စားလှယ် ဒေါ်ခိုင်ဇင်ဦး၊ လွှတ်တော်ကိုယ်စားလှယ်များရုံး အဖွဲ့မှူး ဦးဝင်းမြင့်နှင့် ရုံးအဖွဲ့ဝင် ဦးအောင်ကိုလတ်တို့မှာ မဲဆန္ဒရှင် ပြည်သူများနှင့် တွေ့ဆုံရန် ငါးမြင်းချောင်း ကျေးရွာအုပ်စု ကွင်းကလေးကျေးရွာသို့ သွားရောက်ခဲ့ကြောင်း၊ ယင်းသို့ သွားရောက်ရာတွင် ကျောင်းသား ကျောင်းသူများက စောင့်ဆိုင်းကြိုဆိုခဲ့ကြောင်း၊ ယင်းသို့ ကြိုဆိုနေသည့် ဓာတ်ပုံများနှင့် အခြားသော မှတ်တမ်းဓာတ်ပုံများကို လွှတ်တော်ကိုယ်စားလှယ်များရုံး အဖွဲ့ဝင် ဦးပြုံး(ခ) ဦးပြူးက ၎င်း၏ Facebook အကောင့်ဖြစ်သည့် Sat Ka ဆိုသည့် အကောင့်မှ Post တင်ခဲ့ကြောင်း၊ ၎င်းပုံများတင်ပြီး တစ်နာရီခန့်အကြာတွင် ကိုကောင်းထက်ဇင်ဆိုသူက ၎င်း၏ Facebook အကောင့်ဖြစ်သည့် Kaung Htet Linn အမည်ရှိ အကောင့်မှ လွှတ်တော်ကိုယ်စားလှယ်အား ကျောင်းသား ကျောင်းသူများ ကြိုဆိုနေသည့်ပုံအား ကူးယူ၍ လွှတ်တော်ကိုယ်စားလှယ်များနှင့် ရုံးအဖွဲ့မျက်နှာများအား စတေကာဖြင့် အုပ်ကာ “ကျောင်းသား ကျောင်းသူတွေက အခုထိ အသုံးချခံနေရပဲလား၊ ခေတ်အဆက်ဆက် လူကြီးတွေလာတိုင်း လက်ကလေးပိုက်ပြီး ဦးခိုက်နေရတုန်းပဲလား၊ ပြောင်းလဲချင်လား၊ မပြောင်းလဲချင်လား၊ ကိုယ်မျက်နှာလိုအားရ လုပ်ချင်တာနဲ့ ကလေးတွေ စိတ်ဓာတ်ကို ရိုက်ချိုးပြီး စာသင်ချိန်တွေကို လုပ်ချင်တိုင်း လုပ်လို့ရသတဲ့လား” စသည့် စာသားများရေးသားကာ Post တင်ခဲ့ကြောင်း၊ ယင်းသို့ ရေးသားခဲ့မှုများမှာ ပြည်သူလူထုက လွှတ်တော်ကိုယ်စားလှယ်များ အထင်အမြင် လွှဲမှားအောင် ရေးသားခဲ့ခြင်း ဖြစ်သောကြောင့် ဟုဆိုကာ လွှတ်တော်ကိုယ်စားလှယ် ဒေါ်ခိုင်ဇင်ဦးက ကိုကောင်းထက်ဇင်အား Facebook Messenger မှတစ်ဆင့် တင်ထားသည့်  Post အား ဖျက်ပေးရန် ပြောကြားခဲ့ကြောင်း၊ ကိုကောင်းထက်ဇင်ကလည်း ဖျက်ပေးမည်ဟု ပြန်လည် ပြောကြားခဲ့သော်လည်း ဇူလိုင် ၁၁ ရက် ညနေပိုင်းအထိ Post အား ဖျက်ပေးခြင်း မရှိသောကြောင့် ကိုကောင်းထက်ဇင်မှာ လွှတ်တော်ကိုယ်စားလှယ်များအား ပြည်သူများက အထင်မြင် လွဲမှားစေရန် ရေးသားခဲ့သည် ဟုဆိုကာ လွှတ်တော်ကိုယ်စားလှယ်များရုံး အဖွဲ့ဝင် ဦးပြုံး(ခ) ဦးပြူးမှ အမှုဖွင့် တိုင်ကြားခဲ့ခြင်း ဖြစ်ကြောင်း၊ တရားလိုဖြစ်သူ ဦးပြုံးက လွှတ်တော်ကိုယ်စားလှယ်များရုံး အဖွဲ့ဝင် ဟုဆိုကာ အမှုဖွင့်တိုင်ကြားမှုမှာ လွှတ်တော်ကိုယ်စားလှယ်ရုံးနှင့် ပတ်သက်ခြင်းမရှိဘဲ ဦးပြုံးမှာလည်း လွှတ်တော်ကိုယ်စားလှယ်ရုံး အဖွဲ့ဝင် မဟုတ်ကြောင်း မြောင်းမြမြို့နယ် လွှတ်တော်ကိုယ်စားလှယ်များရုံး အဖွဲ့မှ သတင်းထုတ်ပြန်ခဲ့ကြောင်း သိရသည်။

“ကျွန်တော်တို့ လွှတ်တော်ကိုယ်စား လှယ်များရုံးအဖွဲ့မှာ ဦးပြုံးမပါပါဘူး။ အခု တရားစွဲဆိုတာမှာလည်း လွှတ်တော်ကိုယ်စားလှယ်များ ရုံးအဖွဲ့ရဲ့ သဘောတူညီမှုနဲ့ လုပ်ဆောင်ခဲ့တာ မဟုတ်ပါဘူး။ တိုင်းဒေသကြီး လွှတ်တော်ကိုယ်စားလှယ် ဒေါ်ခိုင်ဇင်ဦးရဲ့ လွှတ်တော်ကိုယ်စားလှယ်ရဲ့ ကိုယ်စားလှယ်အဖြစ် လုပ်ဆောင်ပေးနေတာတော့ သိပါတယ်။ အခုဖြစ်စဉ်မှာ ကိုကောင်းထက်လင်းတင်တဲ့ ပို့စ်နဲ့ ပတ်သက်ပြီးတော့ ကျွန်တော်တို့ လွှတ်တော်ကိုယ်စားလှယ်များရုံး အဖွဲ့ကို အကြည်ညို ပျက်စေတယ်လို့ မထင်ပါဘူး” ဟု မြောင်းမြမြို့နယ် လွှတ်တော်ကိုယ်စားလှယ်များရုံး အဖွဲ့မှူး ဦးဝင်းမြင့်က ပြောကြားသည်။

ကြေညာချက် ထုတ်ပြန်သည့် အကြောင်းနှင့် ပတ်သက်၍ တရားလို တိုင်ကြားခဲ့သူ ဦးပြုံး (ခ) ဦးပြူးကို တွေ့ဆုံမေးမြန်းရာတွင် “ကျွန်တော် အခု အရမ်းစိတ်မကောင်း ဖြစ်နေတယ်။ အခုချိန်မှာ ကျွန်တော်ဘာမှ မဖြေချင်ပါဘူး။ ကျွန်တော်အခုချိန် ဖြေလိုက်ရင် စိတ်ပေါက်ကွဲကုန်မှာစိုးလို့ မဖြေချင်သေးပါဘူး” ဟု ပြန်လည်ဖြေကြားခဲ့သည်။

လွှတ်တော်ကိုယ်စားလှယ်များနှင့် လွှတ်တော်ကိုယ်စားလှယ်ရုံး အဖွဲ့အား အကြည်ညိုပျက်စေသည် ဟုဆိုကာ အမှုဖွင့်လှစ်ထားခြင်းဖြစ်ပြီး ပါဝင်ခဲ့သည့် အမျိုးသားလွှတ်တော် ကိုယ်စားလှယ် ဦးမန်းထွန်းကြိုင်နှင့် လွှတ်တော်ကိုယ်စားလှယ်များရုံး အဖွဲ့မှ အမှုဖွင့်လှစ် တိုင်ကြားရသည့် အကြောင်းအရာနှင့် ပတ်သက်၍ အကြည်ညို ပျက်စေသည် ထိခိုက်နစ်နာစေသည်ဟု မထင်မိဟု ငြင်းဆိုထားခြင်းကြောင့် တိုင်းဒေသကြီး လွှတ်တော်ကိုယ်စားလှယ် ဒေါ်ခိုင်ဇင်ဦးအား တွေ့ဆုံမေးမြန်းရာတွင် “ဦးပြုံးကို ကျွန်မမေးကြည့်တယ်။ ဦးပြုံးက ဘာလို့ဒီအမှုကိုဖွင့်တာလဲ မေးကြည့်တဲ့ အခါမှာ အခုသတင်းတွေထဲမှာလည်း တွေ့လာတယ်။  Facebook တွေထဲမှာလည်း တွေ့လာတယ်။ ၆၆ (ဃ) နဲ့ပတ်သက်ပြီး ဥပဒေပြောင်းသွားတာတွေ၊ မေးကြည့်တဲ့အခါမှာ ကျွန်တော်က ၆၆ (ဃ) ဆိုတာတွေကို အဓိပ္ပာယ်လည်း မသိဘူး။ သူသိစရာလည်း မလိုဘူး စခန်းမှာ သူမေးတယ်။ လွတ်လပ်စွာ ရေးသားပြောဆိုခွင့် ရှိသလို လွတ်လပ်စွာ ရေးသားပြောဆိုခွင့်က တစ်ဖက်သားကို ထိခိုက်လို့ရှိရင် ဘယ်လိုကာကွယ်လို့ရလဲ ရတဲ့ဥပဒေရှိလား မေးတယ်၊ အဲဒီရှိတဲ့အရာနဲ့ ကျွန်တော်ကတော့ ဒီလိုရှိတယ်။ ကျွန်တော့်နေရာက ဒီလိုခံစားရတယ်။ အဲဒီတော့ ဒီဟာအပေါ်မှာ ကျွန်တော် ဘယ်လိုဖွင့်လို့ ရမလဲလို့ မေးတဲ့အပေါ်မှာ ဒီလိုပုဒ်မတပ်ခြင်းက ဦးပြူးတပ်တာ မဟုတ်ဘူးဆိုတာ ကျွန်မမေးလို့ သိရတယ်။ အမှုဖွင့်ဖို့ ဦးပြုံးကိုတော့ ကျွန်မအနေနဲ့ ခိုင်းစေခဲ့ခြင်း ကိုယ်စားလှယ်လွှတ်ခြင်း မရှိခဲ့ဘူး။ ဦးပြုံးက ကျွန်မလွှတ်တော် လုပ်ငန်းများနဲ့ မအားမလပ် ဖြစ်နေချိန်ဆို ကျွန်မရဲ့ကိုယ်စား ဆောင်ရွက်ပေးနေသူပါ။ သူ့ကို ကျွန်မသိထားတာက လွှတ်တော်ကိုယ်စားလှယ်များရုံး အဖွဲ့ဝင်လို့ပဲ သိထားပါတယ်” ဟု ဒေါ်ခိုင်ဇင်ဦးက ပြောကြားသည်။

ယင်းဖြစ်စဉ်နှင့် ပတ်သက်၍ မြောင်းမြမြို့မရဲစခန်းက (ပ) ၁၀၂၀/၂၀၁၈ ဆက်သွယ်ရေး ဥပဒေပုဒ်မ ၆၆ (ဃ) ဖြင့် အမှုဖွင့်လှစ် စစ်ဆေးဆောင်ရွက်လျက်ရှိပြီး ယနေ့အချိန်ထိ စွပ်စွဲခံရသူများနှင့် နစ်နာသည်ဆိုသည့် သက်သေများကို ခေါ်ယူစစ်ဆေးရခြင်း မရှိသေးကြောင်း၊ မြောင်းမြမြို့မ ရဲစခန်းမှူးနှင့် တွေ့ဆုံမေးမြန်းခွင့်ရရန် ခွင့်တောင်းခဲ့သော်လည်း ရုံးချိန်မဟုတ်သောကြောင့် အပြင်သို့ ရောက်ရှိနေသဖြင့် ရုံးချိန်များတွင်သာ လာရောက် မေးမြန်းရန်သာ အကြောင်းပြန်ကြားသည်။

 

ပဲခူးတိုင်းဒေသကြီးဝန်ကြီးချုပ်နှင့် ၀န်ကြီးများက ပုဒ်မ ၆၆ (ဃ) ဖြင့် အမှုဖွင့်ထားသော Nyunt Wai Mg (Bagominthar) အကောင့်ပိုင်ရှင်ဟု သံသယရှိသူများအား ခေါ်ယူစစ်ဆေး

ပဲခူးတိုင်းဒေသကြီးဝန်ကြီးချုပ်နှင့် ၀န်ကြီးများအား Facebook တွင် ဂုဏ်သိက္ခာထိခိုက်စေသော စာသားများ ရေးသားသည်ဟုဆိုကာ ဆက်သွယ်ရေးဥပဒေပုဒ်မ ၆၆ (ဃ) ဖြင့်အမှုဖွင့်ခံထားရသော Nyunt Wai Mg (Bagominthar)  အကောင့်ပိုင်ရှင်ဟု သံသယရှိသူများအနက် ခြောက်ဦးကို ဇွန် ၂၂ ရက် မွန်းလွဲပိုင်းက ပဲခူးမြို့မရဲစခန်းတွင် ခေါ်ယူ စစ်ဆေးခဲ့ကြောင်း သိရသည်။

ဖြစ်စဉ်မှာ မေ ၁၀ ရက် မွန်းလွဲ ၁ နာရီခန့် က ပဲခူးတိုင်းဒေသကြီးအစိုးရအဖွဲ့ရုံးမှ ဦးစီးအရာရှိ  ဦးဥက္ကာသန်း (ဘ) ဦးကြည်သန်းသည် တိုင်းဒေသကြီးအစိုးရအဖွဲ့ရုံး၌ လူမှုကွန်ရက် Facbook အသုံးပြုနေစဉ် Nyunt Wai Mg (Bagominthar)  အကောင့်ပိုင်ရှင်က “ပဲခူးတိုင်းဒေသကြီး ၀န်ကြီးချုပ်အပါအ၀င် တိုင်းဒေသကြီး ၀န်ကြီးအချို့နှင့် ပဲခူးစည်ပင်ကော်မတီဝင် တစ်ဦး အဂတိလိုက်စားမှုအချက်အလက်များအား အဂတိလိုက်စားမှုတိုက်ဖျက် ရေးကော်မရှင်သို့တိုင်ကြားရန် ပဲခူးမြို့ခံပြည်သူတချို့ ပြင်ဆင်နေကြောင်းသိရ ခေါင်းစဉ်ဖြင့် ယခင်ပြုတ်သွားတဲ့ သစ်တောဝန်ကြီး ကျော်မင်းဇံရဲ့ သစ်ကိစ္စလာဘ်စားမှု အချက်အလက်များ၊ ပြုတ်သွားတဲ့ ပဲခူးစည်ပင်ဝန်ကြီး မောင်မောင်လွင်ရဲ့ တင်ဒါကိစ္စလာဘ်စားမှုအချက်အလက်များ၊ ဒီရက်ပိုင်းမှာဖြစ်သွားတဲ့  ပဲခူးမြို့နယ်စည်ပင်ဌာနက လာဘ်ပေးတဲ့ငွေကြေးအပေါ် ပဲခူးစည်ကော်သုံးဦးထဲက ဦးအောင်ခင်နှင့် ဒေါ်မြင့်မြင့်ဝေက ငြင်းပယ်ခဲ့ သော်လည်း ကျန်တဲ့ စည်ကော်တစ်ဦးက လက်ခံရယူခဲ့တဲ့ကိစ္စ၊ ပဲခူးစီမံကိန်းဝန်ကြီး ဦးညွန့်ရွှေ (ဖလေး) ရဲ့တစ်ဖက်လှည့်နဲ့ ရယူပိုင်ဆိုင်လိုက်တဲ့ စက်ရုံစီမံကိန်းများ၊ ဦးညွန့်ရွှေက ပဲခူးတိုင်းဒေသကြီး လွှတ်တော်မှာတင်တဲ့ ၎င်း၏ ပိုင်ဆိုင်မှု သိန်း ၂၀၀ ထက် ဆယ်ဆခန့်ကျော်နေသော က၀မြို့နယ်၊ ကျားတတ်ကျေးရွာနှင့် က၀မြို့ရှောင်လမ်းဘေးနားက ဦးညွန့်ရွှေရဲ့ စီးပွားရေးဖြစ်တဲ့ ယက္ကန်းစက်ရုံနှစ်ရုံကိစ္စ၊ ပဲခူးတိုင်းဝန်ကြီးချုပ်ရဲ့ပဲခူးမြို့က အိမ်သစ်ကြီး ကိစ္စနှင့် ၀န်ကြီးချုပ်ဦးဝင်းသိန်းက သူ့အစ်ကို ဖြစ်တဲ့ ဦးဌေးလွင်အမည်နှင့် ပြည်ခရိုင်ထွေအုပ်။ ပြည်မြို့နယ်ထွေအုပ်။ ပန်းတောင်းမြို့နယ်ထွေအုပ်တို့နှင့် ပေါင်းပြီး ဧရာဝတီမြစ်ထဲက ကျောက်စရစ်ထုတ်ယူခြင်း၊ လုပ်ကွက်ကြီး သုံးခုနှင့်ပတ်သက်တဲ့ အချက်အလက်များ၊ ပဲခူးတိုင်းဝန်ကြီးချုပ် ဦးဝင်းသိန်းနဲ့အနီးကပ်နေသူ သူ့မိတ်ဆွေဦးတင်မောင်နိုင် (မုဒိတာ ဖောင်ဒေးရှင်း) တို့နှစ်ယောက် စပ်တူတည်ဆောက်လုပ်ကိုင်နေတဲ့ ပဲခူးအထွက် ကလိကျေးရွာနားက ဘိလပ်မြေဖျော်စပ်စက်ရုံလုပ်ငန်းရဲ့ရင်းနှီးမှုအချက်အလက်များ၊ ၀န်ကြီးချုပ်ရဲ့အစ်ကို ဦးဌေးလွင်ကိုမှီပြီး ဧရာဝတီမြစ်ထဲမှာ ကျောက်စရစ်လုပ်ကွက်တွေကို တစ်ဖက်လှည့်ရယူထားကြတဲ့ ပြည်မြို့နယ်အုပ်ချုပ်ရေးမှူးနှင့် ပြည်ခရိုင်အုပ်ချုပ်ရေးမှူးနဲ့ ပန်းတောင်းမြို့နယ် အုပ်ချုပ်ရေးမှူးတို့ရဲ့ အဂတိအရှုပ်အထုတ်များ ဒီလိုတွေ ဒါမျိုးတွေ ပဲခူးတိုင်းအစိုးရအဖွဲ့မှာ ၀န်ကြီးချုပ် ဦးဝင်းသိန်း ကနေစပြီး အသားထဲက လောက်ထွက်ကုန်ကြတဲ့ကိစ္စတွေကို အဂတိလိုက်စားမှုတိုက်ဖျက်ရေး ကော်မရှင်ထံ တင်ပြတိုင်ကြားသွားမည့်အကြောင်း သတင်းထွက်လာခဲ့ပါပြီ”ဟု ဂုဏ်သိက္ခာ ညှိုးနွမ်းထိခိုက်စေရန် ဖော်ပြရေးသား ဖြန့်ဝေသည်ဟုဆိုကာ ဦးဥက္ကာသန်းအား သက်ဆိုင်ရာရဲစခန်းတွင် အမှုဖွင့်ရန် ညွှန်ကြားသဖြင့် ဦးဥက္ကာသန်း (ဦးစီးအရာရှိ) က တရားလိုပြုလုပ်ပြီး ပဲခူးတိုင်းဒေသကြီးအစိုးရ အဖွဲ့ဝန်ကြီးချုပ်နှင့် ၀န်ကြီးများ၊ ဌာနဆိုင်ရာများကို မဟုတ်မမှန်လုပ်ကြံရေးသားသော  Nyunt Wai Mg (Bagominthar) အကောင့် အား ပဲခူးမြို့မရဲစခန်းတွင် မေ ၁၅ ရက်ညနေ ၅ နာရီခန့်က (ပ) ၁၀၂၁/၂၀၁၈ ဆက်သွယ်ရေး ဥပဒေပုဒ်မ ၆၆ (ဃ) ဖြင့် အမှုဖွင့်ပြီး  Nyunt Wai Mg (Bagominthar) အကောင့် ပိုင်ရှင်ဟု သံသယရှိသူများကို ခေါ်ယူစစ်ဆေးနေခြင်းဖြစ်ကြောင်း သိရသည်။

“ဒီကိစ္စက မဖြစ်သင့်တဲ့ကိစ္စပဲ။ အမှန်ဆို တိုက်ရိုက်တရားစွဲရမှာမဟုတ်ဘဲနဲ့ ခံရတဲ့သူတွေအတွက် အများကြီးနစ်နာတယ်။ ကိုယ့်ကိစ္စကို ရှင်းရဲလို့ နာမည်အရင်းနဲ့အကောင့်အစစ်ပဲ သုံးပါတယ်။ သူတို့သံသယရှိတာက အ ယောက် ၃၀ လောက်ရှိတယ်။ ဒီနေ့ မနက် ၁၁ နာရီလောက် သုံးယောက်စစ်တယ်။ မွန်းလွဲ ၂ နာရီလောက် သုံးယောက်စစ်တယ်။ အားလုံး ဒီနေ့ ခြောက်ယောက်စစ်တယ်။ နောက်ထပ်လည်း စစ်ဦးမယ်လို့ပြောတယ်။အခုတော့ အစိုးရအဖွဲ့နဲ့ ရဲတပ်ဖွဲ့တွေလုပ်ရပ်က အများရယ်စရာလိုဖြစ်နေတယ်။ အထင်ခံရတဲ့သူတွေအတွက် အများကြီးနစ်နာမှုတွေ ရှိနေပါတယ်”ဟု မီဒီယာသမားတစ်ဦးဖြစ်သူ ကိုသန်းဝင်းနိုင်က ပြောကြားသည်။

လူမှုကွန်ရက်တွင် ဂုဏ်သိက္ခာမဲ့အောင် စော်ကားရေးသားသည်ဟုဆိုကာ NLD ပါတီတိုင်းဒေသကြီးလွှတ်တော်ကိုယ်စားလှယ်က ဆက်သွယ်ရေးဥပဒေ ပုဒ်မ ၆၆ (ဃ) ဖြင့် အမှုဖွင့်ထားပြီး အမျိုးသားနှစ်ဦးအား ဖမ်းဆီးစစ်ဆေး၍ အာမခံပေး

လူမှုကွန်ရက်တွင် ဂုဏ်သိက္ခာမဲ့အောင် စော်ကားရေးသားသည်ဟုဆိုပြီး NLD ပါတီ တိုက်ကြီးမြို့နယ်တိုင်းဒေသကြီး လွှတ်တော်ကိုယ်စားလှယ် ဦးတင်ရှိန်က ဆက်သွယ်ရေး ဥပဒေပုဒ်မ ၆၆ (ဃ) ဖြင့် အမှုဖွင့်ထားမှုတွင် အမျိုးသားနှစ်ဦးကို ဖမ်းဆီးစစ်ဆေး၍ အာ မခံပေးထားကြောင်း ဇွန် ၈ ရက်တွင် စုံစမ်းသိရှိရသည်။

ဆက်သွယ်ရေးဥပဒေပုဒ်မ ၆၆ (ဃ) ဖြင့် အမှုဖွင့်ခံထားရသည့် တိုက်ကြီးမြို့နယ်တွင် နေထိုင်ကြသော Myo Min Min  အမည်ရှိ အကောင့်ပိုင်ရှင်နှင့် ဘရန်စိုင်းအမည်ရှိ အကောင့်ပိုင်ရှင်အား တိုက်ကြီးမြို့မရဲစခန်းက စစ်ဆေးမေးမြန်းခဲ့ပြီး အာမခံပေးခဲ့ကြောင်း သိရသည်။

“တိုင်ထားတဲ့နှစ်ယောက်က တိုက်ကြီး ထဲကပဲ။ ကျွန်တော်တို့က သူတို့ကိုဖမ်းဆီးစစ်ဆေးပြီး အာမခံပေးထားတယ်” ဟု တိုက်ကြီးမြို့မရဲစခန်းမှ ရဲအရာရှိတစ်ဦးက ဆိုသည်။

မေ ၂၈ ရက်က ကျင်းပသည့် ရန်ကုန်တိုင်းဒေသကြီးလွှတ်တော်တွင် တိုက်ကြီးမြို့ နယ်မဲဆန္ဒနယ်အမှတ် (၁) တိုင်းဒေသကြီး လွှတ်တော်ကိုယ်စားလှယ် ဦးတင်ရှိန်က  ရန်ကုန်တိုင်းဒေသကြီးအတွင်းရှိ ဥပဒေချိုးဖောက်ပြီး တရားမ၀င်လုပ်ကိုင်နေသော လုပ်ငန်းများကို ယခင်ကထက် ပိုမိုထိရောက်စွာ အရေးယူဆောင်ရွက်မှုများပြုလုပ်ပေးရန် အဆို တင်သွင်းခဲ့ကြောင်း သိရသည်။

ယင်းအဆိုတွင် တိုက်ကြီး၊ မှော်ဘီ၊ လှည်းကူးမြို့နယ်တို့တွင် တရားမ၀င် အုတ်ဖုတ်လုပ်ငန်း၊ တရားမ၀င် ငါးကန်များ တူးဖော်ခြင်း၊ တောင်များဖြိုချပြီး ရောင်းချနေမှုများ အစရှိသည်တို့ကို ထိထိရောက်ရောက် အရေးယူနိုင်ရန် ရည်ရွယ်၍ လွှတ်တော်တွင် အဆိုတင်သွင်းခဲ့ခြင်းဖြစ်ကြောင်း သိရသည်။

Myo Min Min အမည်ရှိ အကောင့်ပိုင်ရှင်သည် မေ ၂၈ ရက်က ရန်ကုန်တိုင်းဒေသကြီး လွှတ်တော်တွင် ဆွေးနွေးသည့် အဆိုကို ပြန်လည်ကူးယူဖော်ပြရာတွင် ၎င်း၏ Comment  တွင် ဘရန်စိုင်းအမည်ဖြင့် အကောင့်သုံးစွဲ သူက “ချိန်းဘဒီးကိုယ့်မြို့သားတွေ တိုးဂိတ်ကြေးခံနေရတာကို အဆိုမတင်သွင်းဘဲ ဘာဦးနှောက်နဲ့အုတ်လုပ်ငန်းကို ထည့်ပြောနေရတာလဲ။ ခင်ဗျားအထက်လူကြီးတွေက ဒီမြို့ကအုတ်တွေကြောင့် ဆောက်လုပ်ရေးအတွက် အဆင်ပြေနေတာကိုသိတယ်” ဟု ရေးသားထားပြီး Myo Min Min အမည်ရှိ အကောင့်ပိုင်ရှင်က ၎င်းအောက်တွင် “တိုက်ကြီးသားတွေကိုများ အမြင်ကတ်နေတာလား မသိဘူးကွာ။ မျှတရင်တော့ မကပ်လောက်ဘူး။ သူ့ဘေးနားက သစ်မှောင်ခိုသမားတွေကို မသိသလိုနေပေးတယ်လို့ တစ်ဖက်က သတင်းပေးထားတာရှိတယ်။ မျှတဖို့ပဲလိုတာပါ။ အုတ်လုပ်ငန်းရှင် တိုက်ကြီးသားတွေက ဂျပလွတ်အဆင့်ပဲရှိတယ်။ တရုတ်အုပ်လုပ်ငန်းရှင်တွေကို ဘယ်လိုလုပ်နိုင်မလဲ စောင့်ကြည့်ရမှာပါ” ဟု ရေးသားခဲ့သည့်အတွက် ဆက်သွယ်ရေးဥပဒေ ပုဒ်မ ၆၆ (ဃ) ဖြင့် တိုင်ကြားခြင်းဖြစ်ကြောင်း သိရသည်။

“ကျွန်တော့်ဂုဏ်သိက္ခာ ညှိုးနွမ်းစေတဲ့ အတွက်ကြောင့်အမှုဖွင့်တာပါ။  ဒါက လွှတ်တော်ကိုတင်တဲ့ တရားဥပဒေစိုးမိုးရေးအဆိုပါ။ ပုဂ္ဂလိက ဖြစ်တဲ့ကိစ္စမဟုတ်ဘူး။ တရားဥပဒေ စိုးမိုးရေးအဆိုတင်တာကို တရားဥပဒေ မကြိုက်တဲ့လူတွေရဲ့ ဥပဒေမဲ့ကျူးလွန်တဲ့ကိစ္စပါ” ဟု NLD  ပါတီ တိုက်ကြီးမြို့နယ်တိုင်းဒေသကြီး လွှတ်တော်ကိုယ်စားလှယ် ဦးတင်ရှိန်က ဇွန် ၈ ရက်တွင် ပြောကြားသည်။

 

လူမှုကွန်ရက်တွင် စီမံကိန်းများနှင့် လာဘ်စားမှုကိစ္စ စွပ်စွဲရေးသားသည်ဟုဆိုကာ ပဲခူးတိုင်းဒေသကြီး ၀န်ကြီးချုပ်နှင့် အစိုးရအဖွဲ့က Nyunt Wai Mg (Bagominthar) အကောင့်ပိုင်ရှင်အား ဆက်သွယ်ရေး ဥပဒေပုဒ်မ ၆၆ (ဃ) ဖြင့် အမှုဖွင့်

လူမှုကွန်ရက်တွင် စီမံကိန်းများနှင့် လာဘ်စားမှုကိစ္စ စွပ်စွဲရေးသားသည်ဟု ဆိုကာ ပဲခူးတိုင်းဒေသကြီး ၀န်ကြီးချုပ်နှင့် အစိုးရအဖွဲ့က Nyunt Wai Mg (Bagominthar) အကောင့်ပိုင်ရှင်အား ဆက်သွယ်ရေး ဥပဒေပုဒ်မ ၆၆ (ဃ) ဖြင့် မေ ၁၅ ရက် ညနေပိုင်းက ပဲခူးမြို့မရဲစခန်းတွင် အမှုဖွင့်ခဲ့ကြောင်း သိရသည် ။

ဖြစ်စဉ်မှာ မေ ၁၀ ရက် မွန်းလွဲ ၁ နာရီ က ပဲခူးတိုင်းဒေသကြီး အစိုးရအဖွဲ့ရုံးမှ ဦးစီးအရာရှိ ဦးဥက္ကာသန်း (၃၁နှစ်) (ဘ) ဦးကြည်သန်းသည် တိုင်းဒေသကြီး အစိုးရအဖွဲ့ရုံး၌ Facebook အသုံးပြုနေစဉ် Nyunt Wai Mg (Bagominthar) အကောင့်ပိုင်ရှင်က ပဲခူးတိုင်းဒေသကြီး ၀န်ကြီးချုပ်နှင့် ၀န်ကြီးများ အပါအ၀င် ပဲခူးစည်ပင်ကော်မတီဝင် တစ်ဦး၏ အဂတိလိုက်စားမှု အချက်အလက်များကို အဂတိလိုက်စားမှု တိုက်ဖျက်ရေးကော်မရှင်သို့ တိုင်ကြားရန် ဒေသခံပြည်သူအချို့က ပြင်ဆင်နေကြောင်း၊ ပြုတ်သွားသော စည်ပင်ဝန်ကြီး၏ တင်ဒါလာဘ်စားမှုကိစ္စ၊ ပြုတ်သွားသော သစ်တောဝန်ကြီး၏ သစ်ကိစ္စ လာဘ်စားမှု၊ ပဲခူးမြို့နယ် စည်ပင်ဌာနက လာဘ်ပေးသည့် ငွေကြေးအပေါ် ပဲခူးစည်/ကော် သုံးဦး မှ ဦးအောင်ခင်နှင့် ဒေါ်မြင့်မြင့်ဝေက ငြင်းပယ်သော်လည်း ကျန်တစ်ဦးက လက်ခံသည့် ကိစ္စ၊ ပဲခူးစီမံဝန်ကြီး၏ တစ်ဖက်လှည့် ရယူလိုက်သော စီမံကိန်းကိစ္စ၊ ၀န်ကြီးချုပ် ဦးဝင်းသိန်း၏ ပဲခူးမြို့မှ အိမ်သစ်ကြီးကိစ္စ၊ ၀န်ကြီးချုပ် ဦးဝင်းသိန်းက ၎င်း၏ အစ်ကိုအမည်ဖြင့် ပြည်ခရိုင်ထွေအုပ်၊ ပြည်မြို့နယ်ထွေအုပ်၊ ပန်းတောင်းမြို့နယ်ထွေအုပ် တို့နှင့်ပေါင်းပြီး ဧရာဝတီမြစ်ထဲမှ ကျောက်ထုတ်ယူခြင်း လုပ်ကွက်ကြီး သုံးခုနှင့် အချက်အလက်များ၊ ပဲခူးတိုင်း အစိုးရအဖွဲ့မှ ၀န်ကြီးချုပ် ဦးဝင်းသိန်းမှ စပြီး အသားထဲက လောက်ထွက်ကုန်ကြသည့်ကိစ္စများကို အဂတိလိုက်စားမှု တိုက်ဖျက်ရေးကော်မရှင်သို့ တိုင်ကြားသွားမည့်အကြောင်း သတင်းထွက်ပေါ်ခဲ့ပါပြီ ဟူသော စာသားများ ရေးသားဖော်ပြခဲ့သည်ကို တွေ့ရှိရပြီးလျှင် ၀န်ကြီးချုပ် ဦးဝင်းသိန်းအား တင်ပြခဲ့သည်ဟု ဆိုသော စာသားများ ရေးသားဖော်ပြထားသည်ကို တွေ့ရသည်ဟု ဆိုသည်။

ထို့အတွက် အထက်ပါ အချက်များမှာ ၀န်ကြီးချုပ်နှင့် အစိုးရအဖွဲ့၏ ဂုဏ်သိက္ခာကို ထိခိုက် ညှိုးနွမ်းစေသည်ဟုဆိုကာ ၀န်ကြီးချုပ်၏ ညွှန်ကြားချက်ဖြင့် ပဲခူးတိုင်းအစိုးရအဖွဲ့ ဦးစီးအရာရှိ ဦးဥက္ကာသန်းက ပဲခူးမြို့မ ရဲစခန်းတွင် ဆက်သွယ်ရေး ဥပဒေပုဒ်မ ၆၆ (ဃ) ဖြင့် အမှုဖွင့်ခဲ့ကြောင်း သိရသည်။

“အမှုဖွင့်ထားတာ ဟုတ်ပါတယ်။ ဘာမှ မသိရသေးဘူး။ အမှု တည်ဆောက်ဆဲပါ။ မနေ့က ညနေက လာဖွင့်တာ။ အားလုံးရဲ့ ကိုယ်စား ဦးဥက္ကာသန်း တစ်ယောက်တည်းက လာဖွင့်တာပါ။ အကောင့်ပိုင်ရှင်ကို မမိသေးပါဘူး။ ဖမ်းဆီးရမိရေး ဆောင်ရွက်နေဆဲပါ”ဟု ပဲခူးမြို့မရဲစခန်းမှ ရဲအုပ်နေဖြိုးလင်းက ပြောကြားသည်။

အဆိုပါအမှုနှင့် ပတ်သက်၍ Nyunt Wai Mg (Bagominthar) အကောင့်ပိုင်ရှင်အား ပဲခူးမြို့မရဲစခန်းတွင် မေ ၁၅ ရက် ညနေ ၅ နာရီက (ပ) ၁၀၂၁/၂၀၁၈ ဆက်သွယ်ရေး ဥပဒေပုဒ်မ ၆၆ (ဃ) ဖြင့် အမှုဖွင့်ထားကြောင်း သိရသည်။

ဝတ္တရားနှောင့်ယှက်မှုဖြင့် ထောင်ဒဏ်လေးလချမှတ်ခံရသည့် မဇာဇာထွန်းနှင့် တရားရုံးများ၊ တရားသူကြီးများကို လူမှုကွန်ရက်တွင် ပြောဆိုခြင်းကြောင့် ပုဒ်မ ၆၆ (ဃ) ဖြင့် အမှုဖွင့်ခံထားရသော အဆိုတော်တသသတို့နှင့်ပတ်သက်၍ မန္တလေးတိုင်း တရားရေးဘက်က ရှင်းလင်း

မန္တလေးတိုင်းဒေသကြီး တရားလွှတ်တော်တွင်ပြုလုပ်သည့် သတင်းစာရှင်းလင်းပွဲအား တွေ့ရစဉ်

ဝတ္တရားနှောင့်ယှက်မှုဖြင့် ထောင်ဒဏ်လေးလ ချမှတ်ခံရသည့် မဇာဇာထွန်းနှင့် တရားရုံးများ၊ တရားသူကြီးများကို လူမှုကွန်ရက်တွင် ပြောဆိုခြင်းကြောင့် ပုဒ်မ ၆၆ (ဃ) ဖြင့် အမှုဖွင့်ခံထားရသော အဆိုတော်တသသတို့နှင့် ပတ်သက်၍ မန္တလေးတိုင်းတရားရေးဘက်မှ ရှင်းလင်းပွဲကို မန္တလေးတိုင်းဒေသကြီး တရားလွှတ်တော်တွင် မတ် ၂၀ ရက်က ပြုလုပ်ခဲ့ကြောင်း သတင်းရရှိသည်။

ပြည်ကြီးတံခွန်မြို့နယ်နှင့် စဥ့်ကူးမြို့နယ် တရားရုံးတို့တွင် ဖြစ်ပွားခဲ့သည်တို့နှင့်ပတ်သက်ပြီး ရှင်းလင်းပွဲကို မန္တလေးခရိုင် တရားသူကြီး၊ မန္တလေးတိုင်းဒေသကြီး တရားရေးဦးစီးမှူးနှင့် ပြင်ဦးလွင်ခရိုင် တရားသူကြီးတို့က ရှင်းလင်းခဲ့ကြခြင်းဖြစ်သည်။

အထက်ပါတရားရုံးများတွင် ဖြစ်ပွားခဲ့သည့် လူမှုကွန်ရက်စာမျက်နှာများတွင် ပျံ့နှံ့နေသည့် ဖြစ်ရပ်များနှင့်ပတ်သက်ပြီး ဖြစ်စဉ်အမှန်များကို ပြည်သူများသိရှိစေရန် ရှင်းလင်းရခြင်းဖြစ်ကြောင်း၊ ပြည်ကြီးတံခွန်မြို့နယ် တရားရုံးတွင် ဖြစ်ပွားခဲ့သော မဇာဇာထွန်းကို ပုဒ်မ ၂၂၈ ဖြင့်စွဲဆိုခဲ့ပြီး နှစ်ရက်အတွင်း အမှုအပြီးစစ်ဆေးကာ အလုပ်နှင့် ထောင်ဒဏ်လေးလ ချခဲ့သည်နှင့်ပတ်သက်ပြီး မန္တလေးတိုင်းတရားလွှတ်တော်မှ တရားရေးဦးစီးမှူး ဒေါ်ခင်ခင်ချိုက ရှင်းလင်းခဲ့သည်။

ဖြစ်စဉ်နှင့်ပတ်သက်ပြီး တရားရုံး လုပ်ထုံးလုပ်နည်း၊ ဥပဒေနှင့်အညီသာ ဆောင်ရွက်ခဲ့ခြင်းဖြစ်ကြောင်း၊ မဇာဇာထွန်းကို ရှေ့နေဖြင့် ခုခံချေပခွင့်မပေးခဲ့ခြင်းမှာလည်း မဟုတ်ကြောင်း စသည်တို့ကို ရှင်းလင်းခဲ့သည်။

ပြည်ကြီးတံခွန်မြို့နယ် NLD ပါတီဝင်ဖြစ်သူ မဇာဇာထွန်းအနေဖြင့် ၂၀၁၅ ခုနှစ်အတွင်းက ဖြစ်ပွားခဲ့သည့် မိသားစုချင်း အချင်းများခဲ့သည့်ကိစ္စနှင့်ပတ်သက်၍ တရားရုံးတွင် အမှုရင်ဆိုင်နေခဲ့ရာ အမှုပိတ်ပေးရန်အတွက် တရားသူကြီးထံ ပြောကြားခဲ့ရာမှတစ်ဆင့် ပုဒ်မ ၂၂၈ (နိုင်ငံ့ဝန်ထမ်းကို တာဝန်ဝတ္တရားနှောင့်ယှက်မှု) ဖြင့် တရားစွဲဆိုခံခဲ့ရပြီး နှစ်ရက်အတွင်း အမှုအပြီးအပြတ်စစ်ဆေးကာ အလုပ်နှင့်ထောင်ဒဏ်လေးလ ကျခံခဲ့ရသည့် ဖြစ်စဉ်နှင့်ပတ်သက်၍ ရှင်းလင်းခဲ့ခြင်းဖြစ်သည်။

ထို့ပြင် Facebook စာမျက်နှာများတွင် ပျံ့နှံ့နေခဲ့သည့် အဆိုတော်တသသ၏ တရားရုံးများ၊ တရားသူကြီးများနှင့်ပတ်သက်ပြီး Live လွှင့်ကာ ပြောဆိုိခဲ့မှုများနှင့်ပတ်သက်၍ စဥ့်ကူးမြို့နယ်တရားသူကြီးက တရားလိုပြုကာ ၆၆ (ဃ) ဖြင့် အမှုဖွင့်ထားကြောင်း၊ ယင်းအမှုနှင့်ပတ်သက်၍ တရားရုံးလုပ်ထုံးလုပ်နည်း၊ ဥပဒေအတိုင်းသာ ဆောင်ရွက်ခဲ့ကြောင်း ရှင်းလင်းခဲ့ခြင်းဖြစ်သည်။

အဆိုပါသတင်းစာရှင်းလင်းပွဲ၏ အဓိကအကြောင်းရင်းနှစ်ခုမှ သက်ဆိုင်သူများဖြစ်သည့် ဦးဇော်ဝင်းနှင့် အဆိုတော်တသသတို့သည် ယင်းရှင်းလင်းပွဲသို့ တက်ရောက်ရန် လာခဲ့ကြသော်လည်း ၀င်ရောက်ခွင့်မရခဲ့ကြောင်း သိရသည်။

ပြည်ကြီးတံခွန်မြို့နယ် တရားရုံးတွင်ဖြစ်ပွားခဲ့သည့် မဇာဇာထွန်းအမှုအား တရားမျှတစွာ ရင်ဆိုင်ခွင့်မရရှိဟုဆိုကာ ဦးဇော်ဝင်းက တရားခွင်ရှေ့ရှိ ဆိုင်းဘုတ်ကို ဖိနပ်ဖြင့်ပစ်ပေါက်ခဲ့သဖြင့် ပြည်ကြီးတံခွန်မြို့မရဲစခန်းတွင် (ပ) ၁၆၀/၂၀၁၈ ရာဇသတ်ကြီးပုဒ်မ ၂၉၄/၃၅၃/၂၂၈/၅၀၆ ဖြင့် အမှုဖွင့်ထားကြောင်း သိရသည်။

စဥ့်ကူးမြိ့နယ် တရားရုံးရှေ့တွင် တရားစီရင်ရေးနှင့် ပတ်သက်ပြီး Live လွှင့်ပြောကြားခဲ့သည့် အဆိုတော်တသသကလည်း ၎င်းအား ၆၆ (ဃ) ဖြင့်စွဲဆိုထားသည်ကို ရင်ဆိုင်သွားမည်ဖြစ်သလို ၂၀၁၄ ခုနှစ်က ဖြစ်ပွားခဲ့သည့် သူမ၏ဖြစ်ရပ်များကို သတင်းစာရှင်းလင်းပွဲ ပြုလုပ်သွားမည်ဖြစ်ကြောင်း မီဒီယာများကို ပြောကြားသည်။

၆၆ (ဃ) ဟာ ပြစ်မှုကျူးလွန်သူတွေ အကာအကွယ်ယူနေတဲ့ဥပဒေ ဖြစ်နေပြီလား

သတင်းသမားများ၏ ဘ၀လုံခြုံရေးနှင့် လွတ်လပ်စွာ သတင်းရယူပိုင်ခွင့်ရရှိရေး လားရှိုးမြို့တွင် သတင်းမီဒီယာသမားများ ဇွန် ၁၆ ရက်က လက်ပတ်ဖြူလှုပ်ရှားမှု ပြုလုပ်စဉ်

ဒီမိုကရေစီစနစ်ကို အကောင်အထည်ဖော်မည့် မြန်မာနိုင်ငံတွင် ယင်းစနစ်အား အနှောင့်အယှက် အဟန့်အတားဖြစ်စေမည့် ပုဒ်မတစ်ခုရှိသည်။ ယင်းပုဒ်မပြဋ္ဌာန်းခဲ့သည်မှာ သက်တမ်းလေးနှစ်သာ ရှိသော်လည်း လူထုအကြားတွင် ပြင်းစွာသော ရိုက်ခတ်မှုတစ်ခု ဖြစ်စေခဲ့သည်။ ယင်းပုဒ်မမှာ ဆက်သွယ်ရေး ဥပဒေပုဒ်မ ၆၆ (ဃ) ဖြစ်သည်။

၂၀၁၃ ခုနှစ်တွင် စတင်ပြဋ္ဌာန်းခဲ့သည့် ယင်းဥပဒေမှာ လေးနှစ်ကျော်အကြာတွင် အများပြည်သူ၏ တောင်းဆိုခဲ့ခြင်းကြောင့် အမျိုးသားဒီမိုကရေစီ အစိုးရလက်ထက် လွှတ်တော်နှစ်ရပ်တွင် ပြင်ဆင်ချက် (သို့မဟုတ်) ဖျက်သိမ်းရန် လွှတ်တော်တွင် ဆွေးနွေး၍ ပြန်လည်ပြင်ဆင်ခဲ့ခြင်း ဖြစ်သည်။

လွှတ်တော်နှစ်ရပ်မှ အတည်ပြုထားသည့် ပြင်ဆင်ချက်ကို ၂၀၁၇ ခုနှစ် သြဂုတ် ၂၉ ရက်တွင် နိုင်ငံတော်သမ္မတ ဦးသိန်းစိန်က ဥပဒေပြင်ဆင်ချက်အား အတည်ပြုပြဋ္ဌာန်းခဲ့သည်။

ယင်းကဲ့သို့ ဆက်သွယ်ရေးဥပဒေ ၆၆ (ဃ) အား အပြီးတိုင် ဖျက်သိမ်းပေးရန် လူထုတောင်းဆိုမှု တစ်နှစ်ကျော် ကြာမြင့်လာသည့်အချိန်မှသာ အကောင်အထည်ပေါ်ခဲ့ခြင်းဖြစ်ပြီး လွှတ်တော်တွင် မဲခွဲဆုံးဖြတ်လိုက်သည့်အခါ ပြင်ဆင်မှုသာ ပြုလုပ်ခဲ့ခြင်းဖြစ်သည်။

ပြင်ဆင်ခဲ့သည့် ဆက်သွယ်ရေးဥပဒေပုဒ်မ ၆၆ (ဃ) မှာ ထူးထူးခြားခြား ပြုပြင်ခြင်းမရှိဘဲ မည်သူမဆိုအောက်ပါ ပြုလုပ်မှုတစ်ရပ်ရပ်ကို ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် ထိုသူအား သုံးနှစ်ထက်မပိုသော ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်ဟူသည့် ပြဋ္ဌာန်းချက်ကို မည်သူမဆို အောက်ပါပုဒ်မခွဲ (က)၊ (ခ) နှင့် (ဂ) တို့ပါ ပြုလုပ်မှု တစ်ရပ်ရပ်ကို ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် ထိုသူအား သုံးနှစ်ထက်မပိုသော ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်ဖြစ်ပြီး ပုဒ်မခွဲ (ဃ) ပါ ပြုလုပ်မှုတစ်ရပ်ရပ်ကို ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် ထိုသူအား နှစ်နှစ်ထက် မပိုသော ထောင်ဒဏ်ဖြစ်စေ၊ ကျပ်တစ်ဆယ်သိန်းထက်မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်ဟု ပြင်ဆင်အတည်ပြုခဲ့သည်။ ထို့ပြင် ဥပဒေပါပြစ်မှုများကို ရဲအရေးယူပိုင်ခွင့်ရှိသော ပြစ်မှုများအဖြစ် သတ်မှတ်သည်။ ဥပဒေအရ ပြစ်မှုတစ်ခုခုဖြင့် တရားစွဲဆိုရာတွင် ၀န်ကြီးဌာန၏ ကြိုတင်ခွင့်ပြုချက် ရယူရမည်၊ ပုဒ်မ ၆၆ (ဃ) ပါ ဆက်သွယ်ရေးကွန်ရက်တစ်ခုခုကို အသုံးပြုပြီး ပုဂ္ဂိုလ်တစ်ဦးဦးအား အသရေဖျက်ခြင်းပြုကြောင်း သက်ဆိုင်ရာ နစ်နာသူကိုယ်တိုင်ဖြစ်စေ၊ ထိုသူ၏ ကိုယ်စားလွှဲအပ်ခြင်းခံရသူက ဖြစ်စေ တိုင်တန်းချက်မဟုတ်လျှင် အရေးယူ ဆောင်ရွက်ခြင်းမပြုရဟူသည်တို့ကို ပြောင်းလဲခဲ့ခြင်းဖြစ်သည်။

ယခင်က ဆက်သွယ်ရေးဥပဒေပုဒ်မ ၆၆ (ဃ) ဖြင့် အမှုဖွင့်ခံရလျှင် အာမခံမရရှိဘဲ အမှုဖွင့်ခံရသူမှာ အချုပ်ကျခံရပြီး အချုပ်အတွင်းမှ တရားရင်ဆိုင်ခဲ့ရခြင်းဖြစ်သည်။ ယင်းအချက်မှာ ပြင်ဆင်လိုက်သည့် ဥပဒေကြောင့် တရားသူကြီး၏ ဆင်ခြင်တုံတရားပေါ်မူတည်ကာ အာမခံရရှိနိုင်သည်ဟု ပြောင်းလဲခဲ့သည်။ ထိုသို့ ပြောင်းလဲခဲ့သော်လည်း ဆက်သွယ်ရေးဥပဒေပုဒ်မ ၆၆ (ဃ) မှာ ထူးထူးခြားခြား ပြောင်းလဲလာခြင်းမရှိဘဲ လူမှုကွန်ရက်စာမျက်နှာတွင် ရေးသားဖော်ပြခံရသူက အမှုဖွင့် တရားစွဲဆိုခံရသူ များပြားလျက်ရှိနေဆဲပင်။ ပြင်ဆင်ခဲ့သည့် သြဂုတ် ၂၉ ရက်နောက်ပိုင်းမှစပြီး ဆက်သွယ်ရေးဥပဒေပုဒ်မ ၆၆ (ဃ) ဖြင့် အမှုဖွင့်ခံရသူ ၁၅ ဦးအထိရှိကြောင်း အသံ-လွတ်လပ်စွာ ထုတ်ဖော်ပြောဆိုခွင့် လှုပ်ရှားမှုအဖွဲ့မှ Executive Director မောင်ဆောင်းခက ပြောကြားသည်။

မောင်ဆောင်းခမှာ ဆက်သွယ်ရေးဥပဒေပုဒ်မ ၆၆ (ဃ) ဖြင့် အမှုဖွင့်ခံရကာ ထောင်ခြောက်လကျခံခဲ့ရသူဖြစ်ပြီး ၎င်းမှာ အာမခံမရရှိဘဲ အချုပ်တွင်းမှ တရားရင်ဆိုင်ခဲ့ရသူ ဖြစ်သည်။ “ဆက်သွယ်ရေးပုဒ်မက ဘာမှထွေထွေထူးထူး ပြောင်းလဲတာ မရှိဘူး။ စစ်မှန်တဲ့ ပြောင်းလဲမှုလို့ ခေါ်လို့မရဘူး။ ပြင်ဆင်ပြီးမှ တရားစွဲခံရတာ ကျွန်တော်တို့အဖွဲ့ လက်လှမ်းမီသလောက် ကောက်ယူထားတဲ့စာရင်းအရ ၁၅ ယောက်ရှိတယ်” ဟု မောင်ဆောင်းခက ဆိုသည်။

ပြင်ဆင်ခဲ့သည့်အချက်မှာ အဓိက အချက်အနေဖြင့် ဆက်သွယ်ရေးဥပဒေပုဒ်မ ၆၆ (ဃ) အား ကျူးလွန်ကြောင်း တွေ့ရှိပါက ယခင် ထောင်ဒဏ်သုံးနှစ်အစား နှစ်နှစ်သို့ ပြောင်းလဲလိုက်ခြင်းနှင့် နစ်နာသူ ကိုယ်တိုင်တိုင်ကြားမှသာ အရေးယူ ဆောင်ရွက်နိုင်သည်ဆိုသည့် အချက်များဖြစ်သည်။

လွှတ်တော်မှာ မအောင်မြင်တဲ့ ဆက်သွယ်ရေး ဥပဒေပုဒ်မ ၆၆ (ဃ) ဖျက်သိမ်းရေး

လွှတ်တော်နှစ်ရပ်တွင် ယင်းဥပဒေကို ဆွေးနွေးခဲ့စဉ်က ဖျက်သိမ်းရန် လွှတ်တော်ကိုယ်စားလှယ်အချို့က ဆွေးနွေးခဲ့သော်လည်း အရာမထင်ခဲ့ပေ။ ဆက်သွယ်ရေးဥပဒေပုဒ်မတွင် ပါဝင်သည့် ပြဋ္ဌာန်းချက်များမှာ အခြားသော ဥပဒေများတွင် ပါဝင်ခြင်းကြောင့် ဖျက်သိမ်းရန် ကြိုးစားခဲ့ကြောင်း စစ်ကိုင်းမဲဆန္ဒနယ်အမှတ် (၅) မှ အမျိုးသား လွှတ်တော်ကိုယ်စားလှယ် ဦးရဲထွဋ် (ခ) ၀င်းထွဋ်ဇော်က ပြောကြားသည်။

“လုံးဝဖျက်သိမ်းသင့်တာ။ လူတစ်စုကို အကာအကွယ်ပေးနေတဲ့ ဥပဒေပုံစံမျိုးဖြစ်နေတာကိုး။ ဖျက်သိမ်းဖို့ ကြိုးစားပေမယ့် ပြင်ဆင်ဆိုတာလောက်နဲ့ပဲ ကျေနပ်ခဲ့ရတယ်” ဟု ဦးဝင်းထွဋ်ဇော်က ပြောကြားသည်။

အလားတူ ပြည်သူ့လွှတ်တော်တွင် ဆွေးနွေးစဉ်ကလည်း လှိုင်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးအောင်ကျော်ကျော်ဦးက အဆိုပါပုဒ်မမှာ ၂၀၀၈ ဖွဲ့စည်းပုံအခြေခံဥပဒေနှင့် ဆန့်ကျင်နေခြင်း၊ အဆိုပါပုဒ်မတွင် ပြဋ္ဌာန်းထားသည့် ပြဋ္ဌာန်းချက်များအားလုံးသည် ရာဇသတ်ကြီးတွင် ပြည့်ပြည့်စုံစုံ ပြဋ္ဌာန်းထားပြီးဖြစ်ကြောင်း ဦးအောင်ကျော်ကျော်ဦးက ပြောကြားသည်။

“ရာဇသတ်ကြီးမှာလည်း ပြည့်ပြည့်စုံစုံ ပြဋ္ဌာန်းထားပြီးဖြစ်တဲ့အပြင်ကို ၆၆ (ဃ) မှာလည်း ဒီဥပဒေတွေကို ထပ်ပြီးတော့ ပြဋ္ဌာန်းထားတာ ဖြစ်ပါတယ်။ ရာဇသတ်ကြီးမှာ ကိုယ်၊ နှုတ်၊ အမူအရာ၊ စာနဲ့ကျူးလွန်ပါက အရေးယူနိုင်တယ်။ ဆက်သွယ်ရေးကွန်ရက်မပါဘူးလို့ မေးခွန်းထုတ်စရာ ရှိပါတယ်။ ဒါပေမဲ့ သက်သေခံဥပဒေကို ပြင်ဆင်တဲ့ဥပဒေ ၂၀၁၅ ပြည်သူ့လွှတ်တော် ဥပဒေအမှတ် ၇၃ ပုဒ်မ ၃ မှာ Document ဆိုသည့် စကားရပ်အဓိပ္ပာယ်နောက်တွင် Electronic Record and Information are ဆိုသည့် စကားရပ်ကို ဖြည့်စွက်ထားပြီး ဖြစ်သည့်အတွက် အွန်လိုင်းပေါ်က ပြစ်မှုတွေ အားလုံးကို ရာဇသတ်ကြီးက လုံလုံလောက်လောက် အရေးယူလို့ ရပါတယ်။ ဒါကြောင့် ဥပဒေနှစ်ခုဖြစ်နေလို့ ဒီ ၆၆ (ဃ) ကို ပယ်ဖျက်သင့်တယ်လို့ ဆိုလိုတာ ဖြစ်ပါတယ်” ဟု ဦးအောင်ကျော်ကျော်ဦးက ဆွေးနွေးစဉ် ပြောကြားသည်။

ဥပဒေတစ်ခုပြဋ္ဌာန်းပါက ဥပဒေမူလပြဋ္ဌာန်းစဉ်က ရည်ရွယ်ချက် အမှန်တကယ် ရ မရနှင့် ကျင့်သုံးပုံ မှန် မမှန် ဆန်းစစ်ရန် လိုအပ်ကြောင်း၊ ၂၀၁၇ ခုနှစ် ဇူလိုင် ၁၄ ရက်အထိ ကောက်ခံရရှိသည့် ၇၄ မှုကို လေ့လာကြည့်ရာတွင် အမုန်းစကားနှင့် ပတ်သက်သည့် အမှုတစ်ခုမျှ မပါဝင်သည်ကို တွေ့ရကြောင်း၊ ပုဒ်မ ၆၆ (ဃ)ကို လိုလျှင်လိုသလို၊ မလိုလျှင် မလိုသလို တလွဲအသုံးပြုနေခြင်းကြောင့်၊ ပြည်သူကို ဒုက္ခပေးခဲ့၍ လွှတ်တော်က ဖျက်သိမ်းလိုက်သည့် ၁၉၅၀ အရေးပေါ်စီမံမှုဥပဒေ၊ ၁၉၇၅ နိုင်ငံတော်အား နှောင့်ယှက်ဖျက်ဆီးသူများ၏ ဘေးအန္တရာယ်မှ ကာကွယ် စောင့်ရှောက်သည့်ဥပဒေ သန်းခေါင်စာရင်းဥပဒေများကဲ့သို့ ကျင့်သုံးပုံလွဲမှားမှုကြောင့် နာမည်ဆိုးနှင့် ကျော်ကြားနေခြင်းဖြစ်ကြောင်း၊ စတုတ္ထမဏ္ဍိုင်ဖြစ်သည့် သတင်းမီဒီယာ၏ သတင်းဖော်ပြမှုကိုလည်း ထိခိုက်စေကြောင်း၊ Facebook တွင် အကောင့်အတု လုပ်ရသည်မှာ လွယ်ကူသောကြောင့် တစ်ဦးဦးအား အခြားတစ်ဦးဦးက ချောက်ချလိုပါက အကောင့်အတုဖွင့်ပြီး အသရေဖျက်မှုတစ်ခု လုပ်လိုက်ရုံဖြင့် ချောက်တွန်းခံရသူသည် အာမခံရသည်ဖြစ်စေ၊ မရသည်ဖြစ်စေ တရားရုံးတွင် ၎င်းမဟုတ်ကြောင်း သက်သေပြရန်အတွက် အမှုပြီးပြတ်သည်အထိ ရင်ဆိုင်ရမည်ဖြစ်သောကြောင့် လူတစ်ဦး၏ ဂုဏ်သိက္ခာ၊ အချိန်၊ ငွေကြေးများ နစ်နာဆုံးရှုံးမှုများ ဖြစ်ပေါ်မည် ဖြစ်သဖြင့် မိမိ၏ Profile အမှန်၊ အကောင့်အမှန်ဖြင့် အသုံးပြုသူများအပေါ် သက်ရောက်မှုရှိပြီး အကောင့် အတုများဖြင့် အွန်လိုင်းပေါ်တွင် စနစ်တကျ အမုန်းစကားများ၊ မမှန်သတင်းများ၊ ပုတ်ခတ်စော်ကားမှုများ ပြုလုပ်သူများကိုမူ အရေးမယူနိုင်ဘဲဖြစ်နေကြောင်း၊ ထိုသို့ဖြစ်ရသည်မှာ မညီမျှမှုပင်ဖြစ်နေပြီး ပြည်သူများကို လွတ်လပ်မှုအပ်နှင်းရန်၊ လွတ်လပ်မှု၏ အရသာကို ခံစားနိုင်ရန် ယင်းဥပဒေအား ပယ်ဖျက်ပေးရန် ဦးအောင်ကျော်ကျော်ဦးက ပြောကြားသည်။

သို့သော် ဆက်သွယ်ရေးဥပဒေပုဒ်မ ၆၆ (ဃ) မှာ ပြင်ဆင်ချက် နှစ်ချက်သာ ဖြစ်ခဲ့ခြင်းကြောင့် ထိရောက်ခြင်းမရှိကြောင်း ဆောင်းပါးရှင် ဦးထက်မြက်က ပြောကြားသည်။

“အဲဒီပုဒ်မက လုံးဝဖျက်သိမ်းမှပဲရမယ်။ အခုပြင်ဆင်လိုက်တယ် ဆိုတာက နာမည်ဆိုးထွက်လာတော့ ပြင်မယ်ဆိုပြီး လုပ်ပေးတာ။ ကျန်တာက ဘာမှမပြောင်းလဲဘူး။ ပျားရည်နဲ့ဝမ်းချထားတဲ့ ပုံစံပဲ။ လူတွေက ဖျက်သိမ်းပေးဖို့ တော်တော်များများ တောင်းဆိုတော့ ငြိမ်အောင်လုပ်ပေးလိုက်တဲ့ သဘောပဲ” ဟု စာရေးဆရာ ဦးထက်မြက်က ပြောကြားသည်။

ယင်းဥပဒေပုဒ်မမှာ ဒီမိုကရေစီစံနှုန်းဖြစ်သည့် လွတ်လပ်စွာ ထုတ်ဖော်ပြောဆိုခွင့်အပေါ် တားဆီး ပိတ်ပင်ထားသည့် ပုဒ်မတစ်ခုဖြစ်ကြောင်း လူတစ်စုက ရည်ရွယ်ချက် ရှိရှိဖြင့် ရေးဆွဲခဲ့ခြင်းအပေါ် လက်ရှိအစိုးရလက်ထက်အထိ တည်မြဲနေခြင်းကို မေးခွန်းထုတ်စရာတစ်ခု ဖြစ်နေကြောင်း ဦးထက်မြက်က ဆက်လက်ပြောကြားသည်။

“အဲဒီပုဒ်မက အခုထိ သက်ဆိုးရှည်နေတာ မေးခွန်းထုတ်စရာ ဖြစ်နေပြီ။ နိုင်ငံရေးအရ ပြောလို့ဆိုလို့ဆိုပြီး Facebook ပေါ်တင်လိုက်ရင်လည်း ၆၆ (ဃ)၊ ဆူပူရမ်းကားလို့ဆိုပြီး Facebook ပေါ်တင်လိုက်ရင်လည်း ၆၆ (ဃ)။ တင်တာတွေကလည်း အမှန်တွေပဲ။ အဲဒါကို ၆၆ (ဃ) နဲ့ ဆွဲတယ်ဆိုတော့ ဒါကဥပဒေကိုပြန်ပြီး ဆန်းစစ်ဖို့လိုနေပြီ။ နောက်ပြီးတော့ ဂျာနယ်တွေမှာ ရေးထားတဲ့စာတွေကို အွန်လိုင်းပေါ်တင်ရင်လည်း ၆၆ နဲ့က ငြိတယ်။ The Voice ဆိုရင် ၆၆ နဲ့ အဆွဲခံရတာပဲ။ ကျန်တာတွေနဲ့ ဆွဲလို့ရတာကို ဘာကြောင့် ဒါနဲ့ပဲ ဆွဲတာလဲ။ မေးစရာတစ်ခုက ရှိလာတာက အရင်ကတော့ ဆွဲခံရပြီဆိုရင် ထောင်ထဲသွား၊ အခုကျတော့ အာမခံဆိုတာ ပါလာတယ်။ ဒါပေမဲ့ မေးခွန်းထုတ်စရာတွေက အများကြီးပဲ” ဟု ဦးထက်မြက်က ပြောကြားသည်။

စာရေးဆရာဦးထက်မြက်မှာ ၆၆ (ဃ) နှင့် ပတ်သက်ပြီး ပြည်သူ့လွှတ်တော်တွင် ဆွေးနွေးမှုမစမီ ပြည်သူ့လွှတ်တော်ဥက္ကဋ္ဌ ဦးဝင်းမြင့်နှင့် အလွတ်သဘောတွေ့ဆုံခဲ့ပြီး ယင်းတွေ့ဆုံတွင် ဆက်သွယ်ရေးဥပဒေပုဒ်မ ၆၆ (ဃ) နှင့်ပတ်သက်ပြီး ဆွေးနွေးခဲ့သူဖြစ်သည်။

“အဲဒီတုန်းကတော့ ကိုယ့်အပေါင်းအသင်းနဲ့ မတွေ့တာလည်း ကြာပြီဖြစ်တော့ သွားတွေ့တဲ့သဘောပဲ။ ဒါပေမဲ့ ၆၆ (ဃ) ဖျက်သိမ်းပေးဖို့ပဲ ပြောခဲ့တယ်” ဟု ဦးထက်မြက်က ပြောကြားသည်။

အလားတူ ဆက်သွယ်ရေးဥပဒေပုဒ်မ ပြင်ဆင်ရေးနှင့် ပုဒ်မ ၆၆ (ဃ) ဖျက်သိမ်းရေးလှုပ်ရှားမှု ပြုလုပ်သည့် အရပ်ဘက် အဖွဲ့အစည်း ၂၂ ခုတို့ကလည်း ပုဒ်မ ၆၆ (ဃ) မှာ မိမိ၏ လွတ်လပ်စွာ တွေးခေါ်ထင်မြင် ယူဆခွင့်၊ ထုတ်ဖော်ပြောဆိုခွင့်၊ ရေးသားခွင့်ကို ကျင့်သုံးခြင်းကို တရားစွဲဆိုနေခြင်း၊ တ၀န်ယူမှု တာဝန်ခံမှုရှိသည့် သတင်းသမားများကို အသရေဖျက်မှုဖြင့် တရားစွဲကာ ရာဇ၀တ်ပြစ်ဒဏ်ပေးနေခြင်းများကြောင့် မတူကွဲပြားသောအသံများကို တိတ်ဆိတ်စေလျက် လွတ်လပ်စွာ ထုတ်ဖော်ပြောဆို ရေးသားခွင့်ကို ထိခိုက်စေကြောင်း၊ ဒီမိုကရေစီနိုင်ငံတစ်ခုတွင် ရှိသင့်ရှိထိုက်သော တရားဝင်သော နိုင်ငံရေးဝေဖန်မှုများကို ရည်ရွယ်ပစ်မှတ်ထား ဖိနှိပ်သောကြောင့် ဒီမိုကရေစီ အလေ့အထကောင်းများ သေဆုံးစေကြောင်း ထုတ်ပြန်ခဲ့သည်။

“ကျွန်တော်တို့ကတော့ လွှတ်တော်မှာ မအောင်မြင်သေးတဲ့ ပုဒ်မ ၆၆ ကို ဖျက်သိမ်းပေးဖုိ့ လှုပ်ရှားမှုတွေကို ဆက်လုပ်သွားမယ်။ ကျွန်တော်တို့ အဖွဲ့တွေ စုပေါင်းတောင်းဆိုထားတဲ့အတိုင်း အဲဒီပုဒ်မ ဖျက်သိမ်းတဲ့အထိ လုပ်သွားမယ်” ဟု မောင်ဆောင်းခက ပြောကြားသည်။

ဆက်သွယ်ရေး ဥပဒေပုဒ်မဖြင့် အမှုဖွင့်ခံရပြီဆိုပါက သက်ဆိုင်ရာ မြို့နယ်ရဲတပ်ဖွဲ့က အမှုဖွင့်ခံရသူ၏ ဆက်သွယ်ရေးပစ္စည်းဖြစ်သည့် လက်ကိုင်ဖုန်းကို သိမ်းဆည်းကာ CID သို့ ပေးပို့စစ်ဆေးကြောင်း၊ CID ၏ ခွင့်ပြုချက်၊ ပို့ဆောင်ရေးနှင့် ဆက်သွယ်ရေးဝန်ကြီးဌာန၏ ခွင့်ပြုချက်ဖြင့် တရားစွဲဆိုရမည်ဖြစ်သည်။ ယင်းအချက်နှင့်ပတ်သက်ပြီး လွှတ်တော်တွင် ဆွေးနွေးစဉ်က မြေပုံမဲဆန္ဒနယ်မှ ဦးဖေသန်းက ပယ်ဖျက်ပေးရန် ဆွေးနွေးခဲ့သည်။

“ဒါတရားစွဲခံရသူကို ကာကွယ်ပေးတယ်လို့ အပေါ်ယံကြည့်ရင် မြင်နိုင်ပေမယ့် တကယ်တမ်းကျတော့ ဒါဟာအကျိုးသက်ရောက်မှု အကြောင်းအရာ ဖြစ်သွားပါတယ်။ အထက်အာဏာပိုင်တွေက အောက်ခြေပြည်သူတစ်ယောက်ကို တရားစွဲမယ်ဆိုရင် ရေစုန်ဆင်းရသလို ရှောရှောရှူရှူဖြစ်ပြီးတော့ အထက်အာဏာပိုင်တွေကို အောက်ခြေပြည်သူတစ်ယောက်က ပြန်ပြီးတော့ တရားစွဲမယ်ဆိုရင် ရေဆန်တက်ရသလို ခက်ခက်ခဲခဲ အခွင့်အရေး ဖြစ်ပါတယ်။ ဥပမာပြောရမယ်ဆိုရင် လူတွေက အဂတိတရားလေးပါးဆိုတာ အနည်းနဲ့အများ ရှိကြပါတယ်။ ကျွန်တော့်အနေနဲ့ သာမန်ပြည်သူတစ်ယောက် အနေနဲ့ အထက်ကအရာရှိတစ်ယောက် ဥပမာဆက်သွယ်ရေးဝန်ကြီးကို တရားစွဲမယ်ဆိုရင် ခွင့်ပြုမလား၊ အဲဒီလိုသူ့အထက်က ၀န်ကြီးတွေကိုစွဲရင် ခွင့်ပြုမလား၊ တာဝန်ရှိတဲ့သူတွေကိုစွဲရင် ခွင့်ပြုမလား၊ ဘယ်လိုမှ မဖြစ်နိုင်လောက်အောင် အခြေအနေ ဖြစ်ပါတယ်။ ဒါပေမဲ့ အောက်ခြေပြည်သူတွေကို စွဲမယ်ဆိုရင်တော့ ဒါဟာအင်မတန်မှကို လွယ်သွားတယ်လို့ ကျွန်တော်ပြောချင်ပါတယ်” ဟု ဦးဖေသန်းက ပြောကြားသည်။

သို့သော် ယင်းအချက်မှာ ပယ်ချခဲ့ရပြီး လက်ရှိတွင် ဆက်သွယ်ရေးပုဒ်မ ၆၆ (ဃ) ဖြင့် တရားစွဲဆိုမှုတွင် အာဏာနှင့် ပါဝါမရှိသူများ၏ တိုင်ကြားမှုများကိုမူ အမှန်တရား ဖော်ထုတ်စီရင်ပေးခြင်း မရှိခဲ့ကြောင်း ဆက်သွယ်ရေးဥပဒေပုဒ်မ ပြင်ဆင်ရေးနှင့်ပုဒ်မ ၆၆ (ဃ) ဖျက်သိမ်းရေး လှုပ်ရှားမှုအဖွဲ့က ထုတ်ပြန်ထားသည်။

လက်ရှိတွင် ဖြစ်ပွားလျက်ရှိသည့် ဆက်သွယ်ရေးဥပဒေပုဒ်မ ၆၆ (ဃ) ဖြင့် တရားစွဲဆိုမှုများတွင်လည်း အာဏာပါဝါမရှိသူများက တိုင်ကြားချက်များမှာ ထိရောက်မှုမရှိသည့် အချက်မှာ မေးခွန်းထုတ်စရာ အခြေအနေတစ်ခု ဖြစ်နေသည်ကိုလည်း တွေ့ရသည်။

“ဥပဒေဆိုတာ လူတန်းစားတစ်ရပ်အတွက်ပဲ လုပ်လို့မရဘူး။ အကုန်လုံးက အကျိုးခံစားခွင့်ရှိရမှာ။ နောက်တစ်ခုက ဒီပုဒ်မကို လိုသလို အသုံးချနေတဲ့ ပုံစံဖြစ်နေတော့ ရဲလည်းအလုပ်ရှုပ်တယ်” ဟု စာရေးဆရာထက်မြက်က ဆက်လက်ပြောကြားသည်။

ဆက်သွယ်ရေးဥပဒေပုဒ်မကို အကာအကွယ်ယူနေသလား

မြန်မာနိုင်ငံတွင် လူသုံးအများဆုံးဖြစ်သည့် လူမှုကွန်ရက်မီဒီယာဖြစ်သော Facebook စာမျက်နှာတွင် ရေးသားခံရသူက ရေးသားသူအား ရဲစခန်းတွင် ဆက်သွယ်ရေးဥပဒေပုဒ်မဖြင့် အမှုဖွင့်ခြင်းများလာသည်ကို တွေ့ရသည်။ ထိုသို့ အမှုဖွင့်ခံရပြီဆိုပါက အမှန်တရား ရှာဖွေရန်ထက် ဆက်သွယ်ရေးဥပဒေဖြင့် အမှုဖွင့်ခံရမည်ဖြစ်သည်။ ယင်းသို့ အမှုဖွင့်ခံရခြင်းကြောင့် အမှန်တရားမှာ ပျောက်ဆုံးနေခြင်းများကို တွေ့ရသည်။

ထင်ရှားသည့် ဖြစ်စဉ်အချို့မှာ ၂၀၁၇ ခုနှစ် မေတွင် ဖြစ်ပွားခဲ့သည့် ရန်ကုန်တိုင်း မြောက်ဒဂုံမြို့နယ်တွင် ရှေ့နေတစ်ဦးက မြောက်ဒဂုံရပ်ကွက်တစ်ခုမှ အုပ်ချုပ်ရေးမှူးတစ်ဦးမှာ ပွဲစားများဖြင့်ပေါင်းပြီး မြေကွက်အလွတ်များကို ရောင်းစားနေသည်ဟု Facebook တွင် ရေးသားခဲ့သည့် ဖြစ်စဉ်၊ ဇွန်လတွင် ဒေါ်ကေသီခိုင် အမည်ရှိ အမျိုးသမီးအား ၎င်း၏ညီမ သမ္မတရုံးညွှန်ကြားရေးမှူး၏ ဇနီးဖြစ်သူက တရားစွဲဆိုခဲ့သည့် ဖြစ်စဉ်၊ မိုက်ကယ်ကျော်မြင့်က ရန်ကုန်တိုင်းဒေသကြီးဝန်ကြီးချုပ်၏ ကိုယ်ရေးအရာရှိက ငွေကြေးများ လာဘ်ယူခဲ့သည်ဟုဆိုကာ သတင်းစာ ရှင်းလင်းပွဲ ပြုလုပ်မည့် အကြောင်းအား လွှင့်တင်ခဲ့သည့်ဖြစ်စဉ်၊ အိမ်ဖော်မိန်းကလေးနှိပ်စက်သည်ဟုဆိုကာ လွှတ်တော်ကိုယ်စားလှယ်များက မမှန်မကန် ဆုံးဖြတ်သည်ဟု လူမှုကွန်ရက်တွင် ဖော်ပြခဲ့သည့် ခွေးပရဟိတဂေဟာ ဖွင့်လှစ်ထားသည့် ဒေါ်မြတ်သက်မွန်အား ရန်ကင်းမြို့နယ် တိုင်းဒေသကြီး လွှတ်တော်ကိုယ်စားလှယ် ဒေါ်သီတာမောင်က စွဲဆိုထားသည့်ဖြစ်စဉ်၊ မော်ဒယ် ရွှေအိမ်စည်နှင့် အမျိုးသမီးတစ်ဦးအား အမျိုးသမီးတစ်ဦးက အမှုဖွင့်ထားခြင်း၊ အမျိုးသမီးငယ်များအား ဗေဒင်ဟောရာတွင် ထိကိုင်သည်ဟု လူမှုကွန်ရက်တွင် ရေးသားခဲ့သည့် ကေခိုင်မြင့်မြတ်အမည်ရှိ အကောင့်ပိုင်ရှင် အမျိုးသမီးငယ်အား ဗေဒင်ဆရာအောင်ချစ်ပိုက အမှုဖွင့်ထားသည့်ဖြစ်စဉ် စသည်တို့ဖြစ်သည်။

ယခင် ဦးသိန်းစိန်အစိုးရလက်ထက်တွင် ၆၆(ဃ) ဖြင့် တရားစွဲခံရမှု ခုနစ်မှုရှိခဲ့ပြီး ပြစ်ဒဏ်ချမှတ်ခံရမှု ငါးမှုရှိခဲ့ပြီး လက်ရှိအစိုးရလက်ထက်တွင် တရားရုံးတင် တရားစွဲဆိုခံရသည့်အမှု ၉၆ မှု ရှိလာကြောင်း ဆက်သွယ်ရေးဥပဒေဆိုင်ရာ သုတေသနအဖွဲ့က ထုတ်ပြန်ထားသည်။ ယင်းအမှုများတွင် ပြစ်ဒဏ်ချမှတ်ပြီး အမှု ၁၃ မှု၊ လတ်တလော အာမခံမရရှိဘဲ အချုပ်ကျနေသောအမှု သုံးမှုအထိရှိသည်။ ထိုအမှုများတွင် တပ်မတော်က တရားစွဲခဲ့သောအမှုခုနစ်မှု၊ NLD ပါတီမှ တရားစွဲခဲ့သောအမှု ခုနစ်မှုနှင့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ပတ်သက်၍ ကြားလူများက တရားစွဲခဲ့သော အမှု ၁၀ မှုရှိသည်။ သတင်းမီဒီယာသမားများကို စွဲဆိုထားမှု ၁၂ မှုအထိရှိနေပြီး သတင်းသမား ၂၀ တရားရင်ဆိုင်ရလျက်ရှိသည်။ ယင်းစာရင်းမှာ ဆက်သွယ်ရေးဥပဒေဆိုင်ရာ သုတေသနအဖွဲ့က ၂၀၁၇ ခုနှစ် သြဂုတ်လအထိ ကောက်ယူထားသည့်စာရင်းဖြစ်ပြီး ရဲစခန်းတွင် ပိတ်သိမ်းသွားသည့် အမှုများနှင့် တရားခံမဖော်နိုင်သည့် အမှုများ ပါဝင်ခြင်း မရှိပေ။ ထိုစာရင်းများကိုသာ ကောက်ယူမည်ဆိုပါက အမှုများ ရာကျော်သွားမည်ဖြစ်သည်။

“အောင်ချစ်ပိုအမှုဆိုရင် သူတကယ်ကျူးလွန်သလား၊ မကျူးလွန်သလား စစ်ဆေးရမှာ။ အခုကျတော့ အမျိုးသမီးငယ်တွေကို သူက အမှုပြန်ဖွင့်လိုက်တယ်။ အဲဒီတော့ ဒီ ၆၆ ထပ် အရေးကြီးတာက အမျိုးသမီးငယ်တွေ ကျူးလွန်ခံရသလား မခံရဘူးလားဆိုတာက ပေါ့သွားနိုင်တယ်။ အဲဒါတွေက တရားဥပဒေစိုးမိုးရေးမှာ အနှောင့်အယှက် ဖြစ်စေနိုင်တယ်” ဟု အမျိုးသားလွှတ်တော် ကိုယ်စားလှယ် ဦးဝင်းထွဋ်ဇော်က ပြောကြားသည်။

တရားဥပဒေစိုးမိုးရေး လုပ်ဆောင်မည်ဆိုပါက မလိုလားအပ်သည့်ပုဒ်မများ၊ ခေတ်နောက်ကျနေသည့် ပုဒ်မများကို ပြင်ဆင်ပယ်ဖျက်မှသာ ထိရောက်နိုင်မည်ဖြစ်ကြောင်း ပညာရှင်များက ထောက်ပြဝေဖန်လျက်ရှိသည်။

“ဆက်သွယ်ရေးဥပဒေကို ပယ်ဖျက်။ ပြီးရင် နည်းပညာနဲ့ ပတ်သက်တဲ့ ဥပဒေတစ်ခု အစားထိုးမလား။ ဒါမှမဟုတ် ဒီထဲက ဒီမိုကရေစီစံနဲ့ မကိုက်ညီတဲ့ပုဒ်မတွေကို ပယ်ဖျက်မလား။ အဲဒီလိုလုပ်မှရမယ်။ အကောင်းဆုံးကတော့ ဆက်သွယ်ရေး ဥပဒေက ပယ်ဖျက်လိုက်တာ အကောင်းဆုံးပဲ” ဟု စာရေးဆရာ ဦးထက်မြက်က ပြောကြားသည်။

ယင်းပုဒ်မဖြင့် တရားစွဲဆိုခြင်း မပြုဘဲ အသရေဖျက်မှုဖြင့်လည်း တရားစွဲဆိုနိုင်ကြောင်း၊ အသရေဖျက်မှုပုဒ်မ ၅၀၀ မှာလည်း ပြစ်ဒဏ်မှာ နှစ်နှစ်အထိ သတ်မှတ်ထားကြောင်း၊ သို့သော် အများစုမှာ ဆက်သွယ်ရေးဥပဒေပုဒ်မ ၆၆ (ဃ) အား လက်နက်တစ်ခုသဖွယ် အသုံးချနေသည်ကို တွေ့ရသည်။

ဆက်သွယ်ရေးဥပဒေအား ပြင်ဆင်လိုက်သည်ဆိုသည့် အချက်များမှာလည်း များစွာပြောင်းလဲလာခြင်းမရှိဘဲ အာမခံပေးနိုင်သည်ဆိုသည့် ဖြစ်စဉ်မှာပင် တရားသူကြီး၏ ဆင်ခြင်တုံတရားပေါ်တွင် မူတည်သည်ဟူသော အချက်မှာ မေးခွန်း ထုတ်စရာ အခြေအနေတစ်ခုဖြစ်ကြောင်း ထောက်ပြဝေဖန်မှုများ ရှိနေသည်။

ထို့ပြင် ပုဒ်မ ၆၆ (ဃ) အရ တိုင်ကြားသူ ၇၅ ရာခိုင်နှုန်းသည် မတူညီသော နောက်ကြောင်းရာဇ၀င် ခုနစ်မျိုးရှိပြီး ပြည်သူ့ဝန်ထမ်းအရာရှိ၊ နိုင်ငံရေးပါတီများ၊ တပ်မတော်၊ စီးပွားရေး၊ မီဒီယာ၊ ဘာသာရေး၊ အနုပညာနှင့် တက်ကြွလှုပ်ရှားသူတို့ဖြစ်ကာ ပုဒ်မ ၆၆ (ဃ) ဖြင့် တိုင်ကြားသူ အများစုသည် အာဏာရှိသူများဖြစ်ပြီး နိုင်ငံတော်အစိုးရနှင့် ပတ်သက်သူ အများစုလည်း ပါဝင်ကြောင်း Free Expression Myanmar (လွတ်လပ်သော ထုတ်ဖော်ပြောဆိုခြင်းမြန်မာ) ၏ နှစ်ကုန်ပိုင်းတွင် ထုတ်ပြန်ထားသည့် အစီရင်ခံစာတွင် ဖော်ပြထားသည်။

အဂတိလိုက်စားမှုကို အဟန့်အတားဖြစ်နေတဲ့ ဆက်သွယ်ရေး ဥပဒေပုဒ်မ

ယခုနှစ်စပိုင်းတွင် အစိုးရက အဂတိလိုက်စားမှု တိုက်ဖျက်ရေးလုပ်ငန်းများအတွက် ကြိုးပမ်းလာမှုများ ရှိနေသော်လည်း ယင်းဆက်သွယ်ရေးဥပဒေမှာ အနှောင့်အယှက် တစ်ခုဖြစ်နေသည်။ အဂတိလိုက်စားမှုများကို တိုင်ကြားနိုင်သည့် အခြေအနေများနှင့် ပတ်သက်ပြီး လူထုက ရှင်းရှင်းလင်းလင်း မသိရှိနိုင်သည့် အခြေအနေတွင် လူမှုကွန်ရက် စာမျက်နှာမှာ ပြည်သူများအတွက် တိုင်ကြားစရာ နေရာတစ်ခုဖြစ်နေသည်။ ယင်းအချက်မှာ အမှန်တရားကို ဖုံးကွယ်လိုသူများအတွက် ဆက်သွယ်ရေးဥပဒေမှာ အကောင်းဆုံး အကာအကွယ် တစ်ခုပင်ဖြစ်ကြောင်း အမျိုးသားလွှတ်တော်ကိုယ်စားလှယ် ဦးဝင်းထွဋ်ဇော်က ပြောကြားသည်။

“ဒီဥပဒေရှိနေသမျှ ကာလပတ်လုံး သူဟာသူခိုးပါလို့ ပြောချင်တာတောင် ပြောလို့မရဘူး။ အမှန်တရားကို ပြောလို့မရဘူး။ ပြောလိုက်ပြီဆိုတာနဲ့ တင်တဲ့သူက အရင်အမှုဖွင့်ခံရတာပဲ” ဟု ဦးဝင်းထွဋ်ဇော်က ပြောကြားသည်။

အစိုးရအဖွဲ့က အဂတိလိုက်စားမှု တိုက်ဖျက်ရေးလုပ်ငန်းများ ဆောင်ရွက်နေသည်ဆိုသော်လည်း ယင်းဥပဒေကြောင့် အနှောင့်အယှက် များစွာဖြစ်နေသည်ကို တွေ့ရသည်။

“အစိုးရဌာနတစ်ခု လူတစ်ယောက် လာဘ်စားနေပါတယ်လို့ ပြောလို့မရဘူး။ အဲဒီလို သတင်းထွက်လာပြီဆိုရင် အဲဒီလူ အဲဒီဌာနကို စုံစမ်းတာကနောက်မှ။ အရင်ဆုံးတင်တဲ့သူ အမှုဖွင့်ခံရဖို့များတယ်” ဟု မောင်ဆောင်းခက ဆိုသည်။

၂၀၁၇ ခုနှစ် ဇွန်လထုတ်ပြန်ခဲ့သည့် အဖွဲ့ ၂၂ ဖွဲ့ ပါဝင်သည့် ဆက်သွယ်ရေးဥပဒေပြင်ဆင်ရေးနှင့် ပုဒ်မ ၆၆ (ဃ) ဖျက်သိမ်းရေးလှုပ်ရှားမှု ပူးပေါင်းအဖွဲ့၏ ထုတ်ပြန်ချက်တွင် လာဘ်ပေးလာဘ်ယူ ကိစ္စများအပေါ် ဖော်ထုတ်တင်ပြသူများအား အသရေဖျက်မှုဖြင့် တရားစွဲကာ ဖမ်းဆီးထောင်ချနိုင်ခြင်းကြောင့် အစိုးရ၏ အဂတိလိုက်စားမှု တိုက်ဖျက်ရေးကို အဟန့်အတားဖြစ်စေကြောင်း၊ ဥပဒေ၏ေ၀၀ါးကျယ်ပြန့်မှု၊ တိကျသည့် လုပ်ထုံးလုပ်နည်းနှင့် စီရင်ထုံးအားနည်းမှုတို့ကြောင့် လက်တစ်လုံးခြား အလွဲသုံးစား လုပ်နိုင်ခြင်းများ ရှိနေသည်ကို တွေ့ရှိရသည့်အတွက် ရေရှည်တွင် တရားဥပဒေစိုးမိုးရေးကို ထိခိုက်စေပြီး ပြည်သူလူထုဘ၀ လုံခြုံမှုကိုပါ ထိပါးလာနိုင်ခြင်းကြောင့် အုပ်ချုပ်သူအစိုးရကို ယုံကြည်မှု ကျဆင်းစေကြောင်း တွေ့ရှိရသည်ဟု ဖော်ပြထားသည်။

ဆက်သွယ်ရေးဥပဒေပုဒ်မ ၆၆ (ဃ) ဖြင့် အမှုဖွင့်ထားသည့်အမှုများအနက် တင်ဒါခေါ်ယူရာတွင် စည်းကမ်းများနှင့် မညီညွတ်ဟု ဝေဖန်ခဲ့သည့် အကောင့်ပိုင်ရှင်များလည်း တရားစွဲခံရသည့် ဖြစ်စဉ်များလည်း ရှိခဲ့ပြီး လွတ်လပ်စွာ ဝေဖန်မှုအား တားဆီးဟန့်တားနေသည်ကို တွေ့ရသည်။

“အဂတိလိုက်စားမှု တိုက်ဖျက်ရေးကိုတော့ ဒီပုဒ်မက အဟန့်အတားတစ်ခုပဲ။ အဲဒါအပြင် ၂၀၁၇ ခုနှစ် နိုင်ငံသားများရဲ့ပိုင်ဆိုင်မှုနဲ့ ပုဂ္ဂလိက ကာကွယ်ပိုင်ဆိုင်ရေးဥပဒေနဲ့လည်း ဖွင့်လာတာတွေ့ရတယ်။ မကွေးမြို့နယ် တရားရုံးမှာဆိုရင် ဦးမျိုးအောင်ဆိုတဲ့လူက အဂတိလိုက်စားမှု တိုက်ဖျက်ရေး ကော်မရှင်ကို တိုင်ကြားတယ်။ ပြီးတော့သူက သူ့ရဲ့ Facebook မှာ တိုင်ထားတယ် ဆိုတာကို တင်တယ်။ အဲဒီလိုရေးလိုက်လို့ဆိုပြီး အချုပ်ထဲရောက်နေတယ်။ အခုဟာက ငါ့ကိုဒီလိုလုပ်ရင်တော့ ဒီလိုပြန်လုပ်မယ်ဆိုတာ ဖြစ်နေတယ်” ဟု တရားလွှတ်တော်ရှေ့နေ ဦးရောဘတ်စန်းအောင်က ပြောကြားသည်။

အဂတိလိုက်စားမှု တိုက်ဖျက်ရေးအတွက် အဟန့်အတားတစ်ခု ဖြစ်နေသည့် ဆက်သွယ်ရေးဥပဒေ ပုဒ်မ ၆၆ (ဃ) အား ဖျက်သိမ်းသင့်သည့် အခြေအနေတွင် ရှိသော်လည်း လက်ရှိတွင်မူ အဆိုပါ ဥပဒေကို ဖျက်သိမ်းရန် တောင်းဆိုမှု နည်းပါးလျက်ရှိသည်ကို တွေ့ရသည်။

ဒီမိုကရေစီစနစ်၏ အနှစ်သာရဖြစ်သော လွတ်လပ်စွာ ထုတ်ဖော်ပြောဆိုခွင့်၊ ထင်မြင်ယူဆခွင့်၊ ရေးသားခွင့်များမှာ အသက်သွေးကြောတစ်ခုဖြစ်သည်။ သို့သော် ယင်းကဲ့သို့ ပြုလုပ်မည်ဆိုပါက ဆက်သွယ်ရေးဥပဒေပုဒ်မ ၆၆ (ဃ) မှာ အကြီးမားဆုံး အဟန့်အတားတစ်ခု ဖြစ်နေသည်ကိုလည်း တွေ့ရသည်။ ယင်းပုဒ်မအား ပြောင်းလဲလိုက်သည်ဟု ဆိုသော်လည်း ယင်းပြောင်းလဲမှုမှာ သိသာထင်ရှားခြင်း မရှိသည်ကိုလည်း တွေ့ရသည်။

လွန်ခဲ့သည့် နှစ်နှစ်ကာလအတွင်း အာဏာရှိသူတို့သည် ၎င်းတို့၏ လုပ်ရပ်အပေါ် ဝေဖန်မေးခွန်းထုတ်သူများအား ပုဒ်မ ၆၆ (ဃ) ကို လက်နက်သဖွယ် ရွေးချယ်အသုံးပြု၍ အပြစ်ပေးခဲ့ကြောင်း၊ အစိုးရ၏ ၂၀၁၇ ခုနှစ် သြဂုတ်လက ပုဒ်မ ၆၆ (ဃ) ပြင်ဆင်ချက်သည် သိသာထင်ရှားသော ထိရောက်မှု မရှိခဲ့ကြောင်းနှင့် အစီရင်ခံစာတွင် ပုဒ်မ ၆၆ (ဃ) သည် လွတ်လပ်စွာ ထုတ်ဖော်ပြောဆိုခွင့်ကို ချိုးဖောက်နေကြောင်း ရှင်းလင်းထားပြီး တရားဝင် ဆွေးနွေးငြင်းခုံမှုကို ဖြတ်တောက်တားဆီးရန် ပုဒ်မ ၆၆ (ဃ) ကို အသုံးပြုနေဆဲဖြစ်ကြောင်း ထင်ရှားသည့် အထောက်အထား ရှာဖွေတွေ့ရှိခဲ့ကြောင်း Free Expression Myanmar (လွတ်လပ်သော ထုတ်ဖော်ပြောဆိုခြင်း မြန်မာ) ၏ အစီရင်ခံစာတွင် ဖော်ပြထားသည်။

ဒီမိုကရေစီစနစ်ကျင့်သုံးမည်ဟု ပြောဆိုထားသည့် အစိုးရအနေဖြင့် ဒီမိုကရေစီစနစ်အတွက် အဟန့်အတား၊ နိုင်ငံတိုးတက်ရေးတွင် ကြီးမားသော အထောက်အကူဖြစ်မည့် အဂတိလိုက်စားမှု တိုက်ဖျက်ရေးတွင် အဟန့်အတားဖြစ်နေသည့် ယင်းဆက်သွယ်ရေးဥပဒေပုဒ်မ ၆၆ (ဃ) အား အစိုးရနှင့် လွှတ်တော်က မည်သို့မည်ပုံ ပြန်လည်ကိုင်တွယ်မည်ကို ဆက်လက်စောင့်ကြည့်ရမည် ဖြစ်ပေသည်။