နိုင်ငံရေး ဆွေးနွေးမှုဆိုင်ရာ မူဘောင်အရ ဆွေးနွေးမှုဖြစ်စဉ်သည် အဆင့်များလွန်းသည့်အတွက် မူဘောင်ကို ပြင်ဆင်ရမည်ဖြစ်ကြောင်း နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ပြောကြား

ပြည်ထောင်စုငြိမ်းချမ်းရေး ညီလာခံ-၂၁ ရာစု ပင်လုံ တတိယ အစည်းအဝေး ဖွင့်ပွဲအခမ်းအနား ကျင်းပနေမှုအား တွေ့ရစဉ် (ဓာတ်ပုံ-မောင်ထူး)

နိုင်ငံရေး ဆွေးနွေးမှုဆိုင်ရာ မူဘောင်အရ ဆွေးနွေးမှုဖြစ်စဉ်သည် အဆင့်များလွန်းသည့်အတွက် အဆိုပါ မူဘောင်ကို ပြင်ဆင်ရမည်ဖြစ်ကြောင်း နိုင်ငံတော် အတိုင်ပင်ခံရုံး ၀န်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောကြားသည်။

ပြည်ထောင်စု ငြိမ်းချမ်းရေး ညီလာခံ- ၂၁ ရာစုပင်လုံ တတိယ အစည်းအဝေး တတိယနေ့ (ဇူလိုင် ၁၃ ရက်) တွင်ပြုလုပ်သော ကဏ္ဍအလိုက် ဆွေးနွေးပွဲများအပြီး သတင်းစာ ရှင်းလင်းပွဲ ပြုလုပ်ရာ၌ ဦးဇော်ဌေးက ထိုသို့ပြောကြားခြင်း ဖြစ်သည်။

“ကျွန်တော်တို့ ဒီ Framework ကို ပြန်ပြောင်းရမယ်။ မနက်က ကျွန်တော်တို့ ဆွေးနွေးတဲ့ နိုင်ငံရေး ဆွေးနွေးမှု Stucture ဆိုတာ အဲဒါကိုပြောတာ။ Dialogue Structure ကြီးက ရှည်တယ်။ ရှည်ပြီးတော့ အဆင့်တွေများတယ်။ Prolong ဖြစ်နေတယ်။ ပြီးရင် အဲအပေါ်မှာ ယုံကြည်မှုတွေ စကားပိုများစေတယ်။ ပြောရရင်တော့ စကားများတာတွေ ပိုဖြစ်အောင် လုပ်ထားသလိုပဲ။ အဲဒီတော့ စကားသိပ်မများအောင် ကျွန်တော်တို့နောက် ညီလာခံကျရင်လုပ်မယ်” ဟု ဦးဇော်ဌေးက ပြောကြားသည်။

အဆိုပါ နိုင်ငံရေး ဆွေးနွေးမှုဆိုင်ရာမူဘောင် (The Framework for Political Dialogue) ကို တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) အရ အစိုးရ ကိုယ်စားလှယ်များနှင့် တိုင်းရင်းသား လက်နက်ကိုင် အဖွဲ့အစည်းများက ရေးဆွဲထားခြင်းဖြစ်သည်။

အဆိုပါ မူဘောင်ကို ပြီးခဲ့သည့် ၂၁ ရာစုပင်လုံ ဒုတိယ အစည်းအဝေးအပြီးတွင် ပြန်လည် ပြင်ဆင်ထားကြောင်း၊ နိုင်ငံရေး ဆွေးနွေးမှုဆိုင်ရာ မူဘောင်ကို ပြင်ဆင်လာသည်မှာ ၁၁ ကြိမ်ခန့် ရှိပြီဖြစ်ကြောင်း ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အတွင်းရေးမှူးအဖွဲ့ဝင် ဦးလှမောင်ရွှေက ပြောကြားသည်။

“ကျွန်တော်တို့ဘက်က တင်ပြချင်တာကတော့ ကျွန်တော်တို့အနေနဲ့ ဒီဟာကို အကောင်းဆုံး ဖြစ်မယ်လို့ ယူဆတဲ့ Framework နဲ့ ToR ကို ပြီးခဲ့တဲ့ ညီလာခံပြီးမှ ပြန်လုပ်ထားတာ။ အဲဒီတော့ အခုလည်း ဒီဟာအတိုင်း ဆောင်ရွက်မှာပဲ။ အကယ်လို့ Review လုပ်စရာရှိတယ်။ ပြန်ပြင်စရာရှိရင်လည်း ဒီညီလာခံပြီးမှ Framework က ပြင်လို့ရတဲ့အတွက် အဲဒီအတိုင်း လုပ်မှာပါ” ဟု ဦးလှမောင်ရွှေက ဆိုသည်။

နိုင်ငံရေးမူဘောင် အနေဖြင့် မှားယွင်းခြင်း မရှိကြောင်း UPDJC ဒုတိယဥက္ကဋ္ဌ ဒေါက်တာဆလိုင်းလျန်မှုန်းက ဆိုသည်။

“နိုင်ငံရေးမူဘောင် အနေနဲ့တော့ မှားယွင်းတာတော့ မရှိပါဘူး။ ကျွန်တော်တို့ လုပ်တဲ့ဟာတွေအားလုံး ပြည့်စုံပါတယ်။ သို့သော် အဲဒီမူဘောင်ထဲမှာ ကျွန်တော်တို့ စနစ်နှစ်ခုကို ပေါင်းထားတယ်။ အောက်ခြေက တက်လာတဲ့ Bottom Up အခြေအနေနဲ့ အပေါ်ကနေ ချပေးရမယ့် To Down နှစ်ခုကို လုပ်ထားတာရှိတယ်။ ယနေ့အထိ ကျွန်တော်တို့ အသုံးပြုနေတာ အောက်ခြေကနေ တက်လာတဲ့ အောက်ခြေဆိုတဲ့နေရာမှာ လူထုတွေ့ဆုံပွဲလုပ်တယ်။ အမျိုးသားအဆင့် နိုင်ငံရေး ဆွေးနွေးပွဲလုပ်တယ်။ ပြီးတော့ လုပ်ငန်းကော်မတီလုပ်တယ်။ ပြီးတော့ UPDJC တစ်ဆင့်ပြီးတစ်ဆင့် လုပ်တာပေါ့။ နောက်ဆုံးကျမှ ညီလာခံကို လာတာကိုး။ အဲဒီပုံစံရှိတယ်။ သို့သော် အဲဒီအထဲမှာ တကယ့်ထိပ်သီးတွေက ၀င်ပြီးတော့ ဆွေးနွေးဆုံးဖြတ် ပေးရမယ့် Top Down Approach ကို ကျွန်တော်တို့ ဒီဇိုင်းလုပ်တာ ယနေ့အထိ မသုံးရသေးဘူး။ ဆိုတော့ အဲဒီအသုံးမချသေးတဲ့ ကဏ္ဍကို ကျွန်တော်တို့အနေနဲ့ နောက်နောင်မှာဆိုတော့ ပိုပြီးတော့ အသုံးချဖို့လိုတယ် ဆိုတာတော့ ကျွန်တော်သဘောတူတယ်။ အခုအချိန်မှာ ကျွန်တော်တို့က နည်းပညာအရ ကျွန်တော်တို့ အားလုံးဆွေးနွေးပြီးပြီ။ ဒီမိုကရေစီ အကြောင်းလည်း ဆွေးနွေးပြီးပြီ။ ဖက်ဒရယ် အကြောင်းလည်း အားလုံးဆွေးနွေးပြီးပြီ။ သဘောထားတွေအားလုံး စုစည်းပြီးပြီ။ စီးပွားရေးကဏ္ဍ၊ လူမှုရေးကဏ္ဍ အားလုံးစုစည်းပြီးပြီ။ ဒါပေမဲ့ ကျွန်တော်တို့ ဆုံးဖြတ်ချက်ချလို့ မရဘူး။ ဘာလို့ ဆုံးဖြတ်ချက်ချလို့ မရလဲဆိုတော့ နိုင်ငံရေးအရ အရေးကြီးဆုံး ဆုံးဖြတ်ချက်ချရမယ့် ကိစ္စမှာ ကျွန်တော်တို့ လူကြီးတွေ ဆုံးဖြတ်ချက် မချမပေးချင်း ကျွန်တော်တို့ ဒီမှာဘယ်လောက်ပဲ ဆွေးနွေးဆွေးနွေး ဒီမှာ အဖြေထွက်မှာ မဟုတ်ဘူး။ အဲဒီအတွက်ကြောင့် အခုက နည်းပညာအရ ပြဿနာ မဟုတ်တော့ဘူး။ နိုင်ငံရေးအရ ထိပ်ဆုံးက ပုဂ္ဂိုလ်တွေ နိုင်ငံတော်၏ အတိုင်ပင်ခံပုဂ္ဂိုလ်လို ဒါမှမဟုတ် တပ်ချုပ်ကြီးလို ပြီးတော့ ကျွန်တော်တို့ ဘက်ကလည်းပဲ တိုင်းရင်းသား လက်နက်ကိုင် တော်လှန်ရေး အဖွဲ့အစည်း အသီးသီးက ခေါင်းဆောင်တွေ ကိုယ်တိုင်က နိုင်ငံရေးအရ သတ္တိရှိရှိ ဆုံးဖြတ်ရမယ့် အချိန်ရောက်ပြီ။ အဲဒါကို ကျွန်တော်တို့ မလုပ်နိုင်သေးဘူး။ အဲဒါလုပ်ဖို့လိုတယ် ဆိုတာကိုတော့ ကျွန်တော်တို့ဘက်ကလည်း တင်ပြတယ်။ အဲဒါကိုပဲ ဦးဇော်ဌေး ထည့်ပြောတာ ဖြစ်ပါလိမ့်မယ်လို့ ကျွန်တော်ထင်ပါတယ်” ဟု ဒေါက်တာဆလိုင်းလျန်မှုန်းက ပြောကြားသည်။

အမျိုးသားအဆင့် နိုင်ငံရေး ဆွေးနွေးပွဲများနှင့် ပြည်ထောင်စု ငြိမ်းချမ်းရေး ညီလာခံကို နိုင်ငံရေး ဆွေးနွေးမှုဆိုင်ရာ မူဘောင်ပြဋ္ဌာန်းချက်များနှင့်အညီ ကျင်းပရခြင်းဖြစ်သည်။

 

မြောက်ပိုင်း တိုင်းရင်းသား လက်နက်ကိုင် အဖွဲ့များ နေပြည်တော်မှ ပြန်လည်ထွက်ခွာ

ခေတ္တတည်းခိုသည့် ဟိုတယ်မှ ပြန်လည်ထွက်ခွာရန် ပြင်ဆင်နေသည့် မြောက်ပိုင်းတိုင်းရင်းသား လက်နက်ကိုင်အဖွဲ့ ခေါင်းဆောင်အချို့အား တွေ့ရစဉ် (ဓာတ်ပုံ – မင်းနိုင်စိုး)

နေပြည်တော်တွင် ပြုလုပ်လျက်ရှိသည့် ပြည်ထောင်စု ငြိမ်းချမ်းရေး ညီလာခံ – ၂၁ ရာစုပင်လုံ တတိယ အစည်းအဝေးသို့ တက်ရောက်လာသော မြောက်ပိုင်းမဟာမိတ် တိုင်းရင်းသား လက်နက်ကိုင် အဖွဲ့များသည် ဇူလိုင် ၁၄ ရက်တွင် နေပြည်တော်မှ ပြန်လည်ထွက်ခွာ သွားပြီဖြစ်သည်။

အကြီးအကဲတချို့၏ ကျန်းမာရေး မကောင်းမှုကြောင့် သတင်းစာရှင်းလင်းပွဲ မပြုလုပ်ရခြင်းဖြစ်ပြီး ငြိမ်းချမ်းရေး လုပ်ငန်းစဉ် ဆက်ရှိနေမည် ဖြစ်သည့်အတွက် (အစိုးရ၊ တပ်မတော်နှင့်တွေ့ဆုံရန်) ပြန်လာမည်ဟု ဗိုလ်ချုပ်ဂွန်မော်က ပြောကြားသည်။

”ဝ” အဖွဲ့ (UWSP/UWSA)၊ ကချင်တိုင်းရင်းသား လက်နက်ကိုင်အဖွဲ့ (KIO/KIA)၊ ကိုးကန့် လက်နက်ကိုင်အဖွဲ့ (MNDAA)၊ တအန်းလက်နက်ကိုင်အဖွဲ့ (TNLA)၊ ရခိုင်လက်နက်ကိုင်အဖွဲ့ (AA) တို့သည်  နေပြည်တော်တွင် ခေတ္တတည်းခို နေထိုင်သည့် Horizon Lake View ဟိုတယ်မှ မွန်းလွဲပိုင်းတွင် နေပြည်တော်မှ တရုတ်နိုင်ငံ ကူမင်းမြို့သို့ တိုက်ရိုက်လေကြောင်းဖြင့် ထွက်ခွာသွားခြင်းဖြစ်သည်။

ထို့ပြင် မိုင်းလားအဖွဲ့ (NDAA) သည် မြောက်ပိုင်းမဟာမိတ် နေပြည်တော်မှ ဇူလိုင် ၁၄ ရက် နံနက်ပိုင်းတွင် ပုဂံသို့ ကားဖြင့်လည်းကောင်း၊ ရှမ်းပြည်တိုးတက်ရေးပါတီ (SSPP/SSA)သည် ၎င်းတို့၏ ဌာနချုပ်သို့ ဇူလိုင် ၁၄ ရက်တွင်ပင် ကားလမ်းခရီးဖြင့် လည်းကောင်း အသီးသီး ပြန်လည်ထွက်ခွာသွားသည်။

မြောက်ပိုင်း မဟာမိတ်တိုင်းရင်းသား လက်နက်ကိုင်အဖွဲ့များတွင် ”ဝ” အဖွဲ့ (UWSP/UWSA)၊ ကချင်အဖွဲ့ (KIO/KIA) မိုင်းလားအဖွဲ့ (NDAA)၊ ရှမ်းပြည်တိုးတက်ရေးပါတီ (SSPP) တို့သည် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဇူလိုင် ၁၁ ရက်တွင် လည်းကောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဇူလိုင် ၁၂ ရက်တွင်လည်းကောင်း တွေ့ဆုံခဲ့ကြသည်။

ကိုးကန့်အဖွဲ့ (MNDAA)၊ တအန်းအဖွဲ့ (TNLA)၊ ရခိုင်အဖွဲ့ (AA) တို့သည် ဇူလိုင် ၁၁ ရက်တွင် ဒုတိယ တပ်မတော် ကာကွယ်ရေးဦးစီးချုပ်နှင့် လည်းကောင်း ဇူလိုင် ၁၂ ရက်တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်န်းစုကြည်နှင့် လည်းကောင်း တွေ့ဆုံခဲ့ကြသည်။

အစိုးရအကြီးအကဲ၊ တပ်မတော်အကြီးအကဲများနှင့် မြောက်ပိုင်းမဟာမိတ် တိုင်းရင်းသား လက်နက်ကိုင် အဖွဲ့များ၏ အဆိုပါ တွေ့ဆုံမှုများတွင် ပြည်တွင်းငြိမ်းချမ်းရေး တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) တွင် ပါဝင်လက်မှတ်ရေးထိုးရေး စသည့်ကိစ္စရပ်များကို ဆွေးနွေးခဲ့ကြကြောင်း သိရသည်။

၂၁ ရာစုပင်လုံ တတိယအစည်းအဝေးတွင် နိုင်ငံရေးကဏ္ဍ သဘောတူညီချက် နည်းပါးနိုင်ပြီး အခြားကဏ္ဍများမှ သဘောတူညီချက် အများဆုံးရအောင် ကြိုးပမ်းမည်ဟု မျှော်မှန်းထားကြောင်း နိုင်ငံတော်အတိုင်ပင်ခံရုံး ပြောရေးဆိုခွင့်ရှိသူ ပြောကြား

ပြည်ထောင်စုငြိမ်းချမ်းရေးညီလာခံ -၂၁ ရာစု ပင်လုံတတိယအစည်းအဝေးတွင် နိုင်ငံရေးကဏ္ဍ သဘောတူညီချက် နည်းပါးနိုင်ပြီး အခြားကဏ္ဍများမှ သဘောတူညီချက် အများဆုံးရအောင် ကြိုးပမ်းသွားမည်ဟု မျှော်မှန်းထားကြောင်း နိုင်ငံတော်အတိုင်ပင်ခံရုံးဝန်ကြီးဌာန ပြောရေးဆိုခွင့်ရှိသူ ညွှန်ကြားရေးမှူးချုပ် ဦးဇော်ဌေးက သတင်းထောက်များအား ပြောကြားသည်။

ဇူလိုင် ၄ ရက်က နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းစင်တာတွင် ပြုလုပ်သည့် ငြိမ်းချမ်းရေးညီလာခံ အကြိုကဏ္ဍအလိုက် လုပ်ငန်းကော်မတီများ ဆွေးနွေးပွဲ ခေတ္တရပ်နားချိန်တွင် သတင်းထောက်များအား ပြောကြားခဲ့ခြင်း ဖြစ်သည်။

ဦးဇော်ဌေးက “အခုလုပ်ငန်းကော်မတီ အစည်းအဝေးမှာတော့ အထူးသဖြင့်ကတော့ ပြီးခဲ့တဲ့ UPDJC မှာ ဆုံးဖြတ်လိုက်တဲ့ဟာပေါ့။ အထူးသဖြင့် နိုင်ငံရေးပေါ့။ နိုင်ငံရေးကဏ္ဍနဲ့ ပတ်သက်လို့ ခေါင်းစဉ်နှစ်ခုတင်တယ်။ ပထမတစ်ချက်ကတော့ တိုင်းရင်းသား လူနည်းစုအခွင့်အရေး၊ နောက်တစ်ချက်က ဒီမိုကရေစီလူ့အခွင့်အရေးနဲ့ ကျား/မ တန်းတူရေးပေါ့။ အဲဒီမှာတော့ UPDJC မှာ အကြိတ်အနယ် ဆွေးနွေးတယ်။ လူနည်းစု ကိစ္စပေါ့။ အဲဒီအပေါ်မှာတော့ သဘောတူညီချက်မရဘူး။ တိုင်းရင်းသား လူနည်းစု၊ အခြားလူနည်းစုပေါ့။ ဒီအပေါ်မှာ အဓိပ္ပာယ် ဖွင့်တဲ့အခါမှာ နိုင်ငံရေးကဏ္ဍမှာ တော်တော်လေး အပြင်းအထန်ပြောရတယ်။ ပြောရတဲ့အတွက် အခုညီလာခံမှာတော့ ဒါကိုမဆွေးနွေးသေးဘူး” ဟု ပြောကြားသည်။

ထို့ပြင် ငြိမ်းချမ်းရေးညီလာခံသည် အဓိကဦးတည်သည်မှာ ဖက်ဒရယ်အတွက် ဖြစ်သောကြောင့် ဖက်ဒရယ် Principle များ မပြတ်သေးကြောင်း၊ ဒီမိုကရေစီ Principle များ ကျန်သေးကြောင်း၊ ဒီမိုကရေစီနှင့် ပတ်သက်သည့် Principle များမှာ မူလကတည်းက ဆွေးနွေးရန် ဦးတည်ထားခြင်း မရှိကြောင်း၊ ထို့ကြောင့် ဒီမိုကရေစီ အခွင့်အရေးများ၊ နိုင်ငံသားများ၏ မူလအခွင့်အရေး ကိစ္စရပ်များအပေါ်တွင် စကားလုံးအရ အကျေအလည်မရကြောင်း ၎င်းကပြောကြားသည်။

“စကားလုံးအရ အကျေအလည် မရဘူး။ မရတော့ နိုင်ငံရေးကဏ္ဍမှာ တစ်ချက်ပဲရတယ်။ အဲဒါကတော့ ကျား/မ တန်းတူရေးနဲ့ ပတ်သက်ပြီး သဘောတူညီချက်ရအောင်လုပ်မယ်။ ကျန်တဲ့ကဏ္ဍတွေကတော့ သိပ်ပြီးတော့ များများစားစား အငြင်းပွားစရာ မရှိဘူးပေါ့။ စီးပွားရေးကလည်း ထွက်သင့်သလောက် ထွက်မယ်။ လူမှုရေးကလည်း မူလကသဘောတူထားတာ ခြောက်ချက်ရှိတယ်။ အခုသုံးရက်မှာလည်း ထပ်ဆွေးနွေးဖို့။ မူလမှန်းထားတာက လူမှုရေးကဏ္ဍက ၁၀ ချက်လောက် တင်နိုင်ဖို့ ကြိုးစားမယ်လို့ ဆုံးဖြတ်ထားတယ်။ ဘာလို့လဲဆိုတော့ ဒီညီလာခံမှာ နိုင်ငံရေးကဏ္ဍက သဘောတူညီချက်က နည်းနည်းလေး နည်းမယ်ပေါ့။ နည်းမယ့်သဘောရှိတဲ့အတွက် ကျန်တဲ့ကဏ္ဍတွေကနေ သဘောတူညီချက်တွေ အများဆုံးရအောင် ကြိုးပမ်းသွားမယ်လို့ မှန်းထားတာပေါ့” ဟု ညွှန်ကြားရေးမှူးချုပ် ဦးဇော်ဌေးက ပြောကြားသည်။

ထို့ပြင် ၂၁ ရာစုပင်လုံ တတိယအစည်းအဝေးသို့ မြောက်ပိုင်းမဟာမိတ်အဖွဲ့ တက်ရောက်ရန် တရုတ်သံရုံးမှတစ်ဆင့် ဖိတ်စာများပို့ထားပြီး တက်ရောက်မည်ဟု သိရကြောင်း၊ NCA ရေးထိုးရခြင်းမရှိသေးသည့် ကရင်နီအမျိုးသားတိုးတက်ရေးပါတီ (KNPP) ကလည်း တက်ရောက်မည်ဟု အကြောင်းပြန်ထားကြောင်း ဦးဇော်ဌေးက ဆိုသည်။

ဇူလိုင် ၄ ရက်မှ ၆ ရက်အထိ နေပြည်တော်တွင် နိုင်ငံရေး၊ လုံခြုံရေး၊ စီးပွားရေး၊ လူမှုရေး၊ မြေယာနှင့် သဘာဝပတ်ဝန်းကျင် စသည့် ကဏ္ဍများအား လုပ်ငန်းကော်မတီအလိုက် ဆွေးနွေးလျက်ရှိသည်။

၂၁ ရာစုပင်လုံ တတိယအစည်းအဝေး ပြုလုပ်ရန် ကြိုတင်ပြင်ဆင်လုပ်ငန်းကော်မတီ အစည်းအဝေးများကို ဇွန် ၂၆ ရက်မှ ၂၈ ရက်အထိ နေပြည်တော်တွင် ပြုလုပ်ခဲ့ပြီး လုပ်ငန်းကော်မတီဝင်အစိုးရအဖွဲ့၊ နိုင်ငံရေးပါတီများ၊ အရပ်ဘက် အဖွဲ့အစည်းများ၊ လွှတ်တော်ကိုယ်စားလှယ်များ၊ တပ်မတော်တို့မှ ကိုယ်စားလှယ်များ တက်ရောက်ဆွေးနွေးခဲ့ပြီး ဆွေးနွေးသည့်အကြောင်းအရာများအား စာတမ်းများပြုစုကာ ဇွန် ၂၉ ရက်တွင် ပြုလုပ်သည့် UPDJC အစည်းအဝေးသို့ တင်ပြခဲ့ကာ ယခုထပ်မံ၍ လုပ်ငန်းကော်မတီ အစည်းအဝေးများ ပြုလုပ်ခြင်းဖြစ်သည်။

၂၁ ရာစု ပင်လုံအစည်းအဝေး ကျင်းပနိုင်ရုံဖြင့် မိမိတို့နိုင်ငံ၏ အရင်းခံ နိုင်ငံရေးပြဿနာများ ပြေလည်မည် မဟုတ်ကြောင်း KNU ဥက္ကဋ္ဌ ပြောကြား

ထိုင်းနိုင်ငံ ချင်းမိုင်မြို့တွင် ဇူလိုင် ၁ ရက်က ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) ၏ (၂၂) ကြိမ်မြောက် အစည်းအဝေး ပြုလုပ်နေစဉ် ( ဓာတ်ပုံ- NCA-SEAO)

ပြည်ထောင်စုငြိမ်းချမ်းရေး ညီလာခံ -၂၁ ရာစုပင်လုံ အစည်းအဝေးကျင်းပနိုင်ရုံဖြင့် မိမိတို့နိုင်ငံ၏ အရင်းခံ နိုင်ငံရေး ပြဿနာများ ပြေလည်မည် မဟုတ်ကြောင်း  ကရင်အမျိုးသားအစည်းအရုံး (KNU) ဥက္ကဋ္ဌ  ဗိုလ်ချုပ်ကြီး စောမူတူးစေးဖိုးက ပြောကြားသည်။

ထိုင်းနိုင်ငံ ချင်းမိုင်မြို့တွင် ဇူလိုင် ၁ ရက်က စတင်ပြုလုပ်သော တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) လက်မှတ်ရေးထိုးထားသည့် တိုင်းရင်းသား လက်နက်ကိုင်အဖွဲ့များ၏ ငြိမ်းချမ်းရေး လုပ်ငန်းစဉ် ဦးဆောင်အဖွဲ့ (PPST) ၏ (၂၂)  ကြိမ်မြောက်အစည်းအဝေး၌ အဖွင့်အမှာစကားပြောရာတွင် ဗိုလ်ချုပ်ကြီးစောမူတူးစေးဖိုးက ယင်းသို့ပြောကြားခြင်းဖြစ်ကြောင်း NCA SEAO ရုံး၏ သတင်းထုတ်ပြန်ချက်တွင် ပါရှိသည်။

“ပြည်ထောင်စုငြိမ်းချမ်းရေး ညီလာခံ – ၂၁ ရာစု ပင်လုံအစည်းအဝေး ကျင်းပနိုင်ရုံနဲ့ ကျွန်တော်တို့ နိုင်ငံရဲ့ အရင်းခံ နိုင်ငံရေးပြဿနာတွေ ပြေလည်သွားမှာ မဟုတ်ဘူး ဆိုတာကိုလည်း သတိမူကြ စေလိုပါတယ်။ ဘာကြောင့်လဲဆိုတော့ နိုင်ငံရေး ဆွေးနွေးပွဲဆိုင်ရာ မူဘောင်အရ ညီလာခံတစ်ခုစီကို ရောက်ရှိဖို့အတွက် မရှိမဖြစ်ပြုလုပ်ဖို့ လိုအပ်တဲ့ အဆင့်ဆင့်သော အစည်းအဝေးပေါင်း များစွာကို ကျော်ဖြတ်ရမှာ ဖြစ်သလို သက်ဆိုင်သူများအကြား အဲဒီအစည်းအဝေးပေါင်း များစွာမှာ ဘယ်လောက်အတိုင်းအတာအထိ အောင်မြင်စွာ ညှိနှိုင်းနိုင်ခဲ့ကြသလဲဆိုတဲ့ အပေါ်မှာ မူတည်လို့ပဲ ဖြစ်ပါတယ်” ဟု PPST အဖွဲ့ခေါင်းဆောင်လည်းဖြစ်သူ ဗိုလ်ချုပ်ကြီးစောမူတူးစေးဖိုးက ပြောကြားသည်။

ပြည်ထောင်စုငြိမ်းချမ်းရေး ညီလာခံ-၂၁ ရာစုပင်လုံ တတိယအစည်းအဝေးကို ဇူလိုင် ၁၁ ရက်မှ ၁၆ ရက်အထိ ခြောက်ရက်ကြာ ပြုလုပ်မည်ဖြစ်သည်။

ထို့ပြင် “ပြည်ထောင်စုငြိမ်းချမ်းရေး ညီလာခံ- ၂၁ ရာစုပင်လုံ အစည်းအဝေးကနေ ငြိမ်းချမ်းတဲ့ အနာဂတ် ဒီမိုကရေစီနဲ့ ဖက်ဒရယ်နိုင်ငံကို ထူထောင်ကြမှာမို့ အဲဒီအခြေခံ မူတွေကို ရရှိရေး စဉ်းစားတဲ့အခါမှာ မတူကွဲပြား ခြားနားမှုကို အသိအမှတ်ပြုပြီး သဘောထားကြီးမှု၊ အမြင်ကျယ်မှုနဲ့ အမျိုးသားပြန်လည် သင့်မြတ်ရေးဆိုင်ရာ ခံယူချက်၊ သဘောထားအမြင်တွေ ကိုယ်စီထားရှိကြရမှာဖြစ်ပြီး ၂၀၀၈ ဖွဲ့စည်းပုံ အခြေခံဥပဒေရဲ့ အားနည်းချက်တွေကို ပြင်ဆင်နိုင်တဲ့ နိုင်ငံရေးအရ လွှမ်းခြုံတဲ့ အခြေခံမူတွေ ရရှိရေးကို ဦးတည်စဉ်းစား အဖြေထုတ်လိုတဲ့ ဆန္ဒမွန် ရှိဖို့လည်း အရေးကြီးပါတယ်” ဟု ဗိုလ်ချုပ်ကြီး စောမူတူးစေးဖိုးက ပြောကြားသည်။

မိမိတို့နိုင်ငံသည် ဖွဲ့စည်းပုံ အခြေခံဥပဒေ အကျပ်အတည်းအောက်တွင် ရှိနေသည်ဆိုခြင်းကို သတိမူရန် ဖြစ်ကြောင်း ၎င်းကဆက်လက် ပြောကြားသည်။

NCA စာချုပ် အပိုဒ် (၂၂) (ဃ) တွင် “ပြည်ထောင်စုညီလာခံမှ ထွက်ပေါ်လာသော ဆုံးဖြတ်ချက်များအပေါ် အခြေခံ၍ ဖွဲ့စည်းပုံ အခြေခံဥပဒေ အပါအ၀င် ဥပဒေများကို လိုအပ်သလို ပြင်ဆင်ခြင်း၊ ဖြည့်စွက်ခြင်းနှင့် ပယ်ဖျက်ခြင်းများကို လုပ်ထုံးလုပ်နည်းနှင့်အညီ ပြုလုပ်ရန် သဘောတူညီသည်” ဟု ဖော်ပြခဲ့သည်။

PPST ၏ (၂၂) ကြိမ်မြောက် အစည်းအဝေးကို ဇွန် ၁ ရက်မှ ၂ ရက်အထိ ပြုလုပ်မည်ဖြစ်ပြီး အစည်းအဝေးတွင် PPST အဖွဲ့ဝင်များ၏ လုံခြုံရေးကဏ္ဍ အလွတ်သဘော အစည်းအဝေး၊ နိုင်ငံရေးဆွေးနွေးမှုဆိုင်ရာ ကဏ္ဍအလိုက် အစည်းအဝေးနှင့် (၁၅) ကြိမ်မြောက် ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အစည်းအဝေးများနှင့် ပတ်သက်၍ အစီရင်ခံစာ တင်ပြခြင်းနှင့် တတိယအကြိမ် ပင်လုံညီလာခံ ကျင်းပရေး အပါအ၀င် ငြိမ်းချမ်းရေး လုပ်ငန်းစဉ်များနှင့် စပ်လျဉ်း၍ ရှေ့ဆက်မည့် လုပ်ငန်းစဉ်များကို ဆွေးနွေးမည်ဖြစ်ကြောင်း NCA-SEAO ရုံးက သတင်းထုတ်ပြန်သည်။

PPST အဖွဲ့ကို ကနဦး NCA လက်မှတ်ရေးထိုးထားသော တိုင်းရင်းသား လက်နက်ကိုင်အဖွဲ့များမှ ခေါင်းဆောင်များဖြင့် ဖွဲ့စည်းထားသည်။ ၂၀၁၈ ခုနှစ် ဖေဖော်ဝါရီတွင် NCA လက်မှတ်ရေးထိုးခဲ့သော မွန်ပြည်သစ်ပါတီ (NMSP) နှင့် လားဟူဒီမိုကရက်တစ် အစည်းအရုံး (LDU) တို့မှာ မဟာမိတ်အဖြစ် ပူးပေါင်းပါဝင်လျက်ရှိသည်။

 

တရုတ်နိုင်ငံ၏ အခန်းကဏ္ဍသည် မြန်မာနိုင်ငံ၏ တည်ငြိမ်အေးချမ်းမှု၊ ငြိမ်းချမ်းရေးနှင့် ဖွံ့ဖြိုးတိုးတက်ရေးတို့တွင် အရေးပါပြီး ပြည်တွင်း လက်နက်ကိုင်ပဋိပက္ခ ဖြစ်စေသည့် အဖွဲ့အစည်းများအပေါ် အားပေးကူညီမှု မရှိဟုဆို

တရုတ်နိုင်ငံ၏ အခန်းကဏ္ဍသည် မြန်မာနိုင်ငံ၏ တည်ငြိမ်အေးချမ်းမှု၊ ငြိမ်းချမ်းရေးနှင့် ဖွံ့ဖြိုးတိုးတက်ရေးတို့တွင် အရေးပါပြီး ပြည်တွင်း လက်နက်ကိုင်ပဋိပက္ခ ဖြစ်စေသည့် အဖွဲ့အစည်းများအပေါ် အားပေးကူညီမှု မရှိကြောင်း နိုင်ငံတော်အတိုင်ပင်ခံရုံး ၀န်ကြီးဌာန ညွှန်ကြားရေးမှူးချုပ် ဦးဇော်ဌေး က ပြောကြားသည်။

ပြန်ကြားရေးဝန်ကြီးဌာနတွင် မေ ၂၃ ရက်က ပြုလုပ်သည့် နိုင်ငံတော်အစိုးရ၏ ပြည်သူ့အတွက် ဒုတိယ တစ်နှစ်တာကာလအတွင်း ဆောင်ရွက်မှုများနှင့် ပတ်သက်၍ သတင်းစာရှင်းလင်းပွဲ၌ ဦးဇော်ဌေးက အထက်ပါကဲ့သို့ ပြောကြားခဲ့ခြင်း ဖြစ်သည်။

လက်ရှိ မြန်မာနိုင်ငံအနေဖြင့် ပြည်တွင်း လက်နက်ကိုင်ပဋိပက္ခများ ဖြစ်ပွားနေသည့်အပြင် ဖွံ့ဖြိုးဆဲနိုင်ငံ ဖြစ်နေသည့်အတွက် တရုတ်နိုင်ငံကဲ့သို့ အခြားအိမ်နီးချင်းနိုင်ငံများသည် အရေးကြီးကြောင်း ဦးဇော်ဌေးက ဆိုသည်။

၎င်းက “တရုတ်နိုင်ငံရဲ့အခန်းကဏ္ဍက ကျွန်တော်တို့ မြန်မာနိုင်ငံလို နိုင်ငံမျိုး ပြည်တွင်းလက်နက်ကိုင် ပဋိပက္ခတွေ မပြီးသေးဘူး။ ဖွံ့ဖြိုးဆဲနိုင်ငံ ဖြစ်တယ်။ ဒီမိုကရေစီ ကူးပြောင်းရေးဆိုတဲ့ နိုင်ငံမျိုးမှာ အိမ်နီးချင်းနိုင်ငံတွေ အရေးကြီးပါတယ်။ အိမ်နီးချင်းက ငါးနိုင်ငံစလုံး အရေးကြီးတယ်။ တကယ့် တရုတ်နိုင်ငံရဲ့ အခန်းကဏ္ဍက အရေးကြီးတယ်။ မြန်မာနိုင်ငံ တည်ငြိမ်အေးချမ်းရေး၊ ငြိမ်းချမ်းရေး၊ ဖွံ့ဖြိုးတိုးတက်ရေး အားလုံးမှာ အရေးပါပါတယ်”ဟု ပြောကြားသည်။

မြန်မာနိုင်ငံ ငြိမ်းချမ်းရေးဖြစ်စဉ်တွင် တရုတ်နိုင်ငံမှ အထူးကိုယ်စားလှယ် ထားရှိဆောင်ရွက်နေပြီး ပြီးခဲ့သည့် ၂၁ ရာစု ဒုတိယအကြိမ် ပင်လုံညီလာခံ၌ မြောက်ပိုင်းအဖွဲ့ ခုနစ်ဖွဲ့အား ညီလာခံ တက်နိုင်ရန် ဆောင်ရွက်နိုင်ခဲ့ကြောင်း သိရသည်။

“အခုလည်း မြောက်ပိုင်း ခုနစ်ဖွဲ့နဲ့ တွေ့တယ်။ ကျွန်တော်တို့လည်း ပြောတယ်။ မူဆယ်ဖြစ်စဉ် ဖြစ်တဲ့အချိန်မှာ TNLA က လာတိုက်တာ အရပ်သားတွေ သေတယ်။ တရုတ်နိုင်ငံသားတွေ သေသွားတယ်။ တရုတ်ဘက်ကလည်း သူတို့ရဲ့ စိုးရိမ်ပူပန်မှုကိစ္စကို အစိုးရကို ပြောတယ်။ သူတို့ကလည်း ပြန်ပြောတယ်။ ဒီဘက်ကတော့ ကျွန်တော်တို့ ပြည်သူလူထုတွေ သေတယ်။ လာပြီးသတ်တဲ့ အခါကျတော့ ကာကွယ်တာရှိတယ်။ အစိုးရ စစ်တပ်ကတော့ ကာရမှာပဲ။ လူထုကို အန္တရာယ်ပေးလာပြီဆိုရင် အဲဒီအနေအထားကို ပြောတော့ သူတို့ဘက်ကိုလည်း ထိန်းထိန်းသိမ်းသိမ်း လုပ်ခိုင်းတဲ့အတွက် သူတို့လည်း လုပ်နေတယ်ပေါ့။ သို့သော် ကျန်ခဲ့တဲ့ မြန်မာပဋိပက္ခပိုင်းမှာ ကျန်ခဲ့တဲ့နေရာတွေ ကြည့်လိုက်ရင် တရုတ်၊ မြန်မာ နယ်စပ်တောက်လျှောက်ပါ။ အဲဒီကို အခြေခံပြီး လှုပ်ရှားတာတွေ ရှိတယ်”ဟု ဦးဇော်ဌေးက ဆိုသည်။

တရုတ် ဗဟိုအစိုးရအနေဖြင့် မြန်မာနိုင်ငံ၏ ပြည်တွင်းလက်နက်ကိုင် ပဋိပက္ခဖြစ်စေသည့် အဖွဲ့များအား ထောက်ခံခြင်း မရှိသလို အားပေးကူညီမှု မရှိကြောင်း ဦးဇော်ဌေးက ဆိုသည်။

၎င်းက “သို့သော် အောက်ခြေမှာကျတော့ နယ်နိမိတ်ပိုင်း ဟိုဘက်ဒီဘက် ကူးလူးဆက်ဆံမှုတွေမှာ နည်းနည်းလေးတွေ ရှိတယ်။ အဲဒီတော့ တရုတ်နိုင်ငံရဲ့ အခန်းကဏ္ဍက အရေးကြီးပါတယ်။ သို့သော် သူသည် မြန်မာနိုင်ငံအစိုးရက လုပ်နေတဲ့ ငြိမ်းချမ်းရေးဖြစ်စဉ်ကို ပံ့ပိုးကူညီတဲ့ သဘောနဲ့ပဲ သူတို့လုပ်တာပါ”ဟု ဆက်လက် ပြောကြားသည်။

ထို့ပြင် NCA အား အစိုးရသဘောဖြင့် ပြင်ဆင်၍ မရဘဲ NCA တွင် မပါသည့်ကိစ္စများ ပေါ်ပါက အခြေခံမူဘောင်အတိုင်းသာ သွားရမည်ဖြစ်ကြောင်း ဦးဇော်ဌေး ဆိုသည်။

မေ ၂၃ ရက်က ပြန်ကြားရေးဝန်ကြီးဌာနတွင် ပြုလုပ်သည့် နိုင်ငံတော်အစိုးရ၏ ပြည်သူ့အတွက် တစ်နှစ်တာအတွင်း ဆောင်ရွက်မှုများနှင့် ပတ်သက်၍ သတင်းစာရှင်းလင်းပွဲတွင် သတင်းထောက်တစ်ဦးက “အစိုးရအနေဖြင့် “၀” ဘက်မှ တောင်းဆိုလာပါက NCA အား ပြင်ပေးမလား ” ဟုမေးမြန်းမှုအပေါ် ဦးဇော်ဌေးက အထက်ပါကဲ့သို့ ပြန်လည် ဖြေကြားခဲ့ခြင်း ဖြစ်သည်။

“ NCA က အစိုးရကပဲ ပိုင်တာ မဟုတ်ဘူး။ NCA က Joint Ownership ဖြစ်ပါတယ်။ NCA သည် EAO နဲ့ အစိုးရ။ အစိုးရပိုင်းမှာ အစိုးရ၊ တပ်မတော်၊ လွှတ်တော် ပါတယ်။ NCA ကို အစိုးရသဘောနဲ့ ပြင်လို့မရဘူး။ NCA ရဲ့ သဘောတရား။ သို့သော် NCA ပြဋ္ဌာန်းချက်မှာ ပြန်ကြည့်လိုက်ရင် NCA ပြင်ဆင်ခြင်းဆိုတာ မပါဘူး။ NCA သဘောတူစာချုပ်မှာ လွှမ်းခြုံနိုင်ခြင်းမရှိတဲ့ ကိစ္စတွေပေါ်လာရင် ဆိုလိုတာက စာချုပ်ထဲမှာ မပါတဲ့ကိစ္စတွေ ပေါ်လာရင် ဘယ်လိုလုပ်မလဲဆိုတဲ့ဟာ ပါတယ်။ အဲဒါက NCA ရဲ့ ပြင်ဆင်ခြင်း အပါအ၀င် ကျန်တဲ့ကိစ္စတွေကို စဉ်းစားတဲ့အခါမှာ ဆွဲယူလို့ရတဲ့ဟာ။ အဲဒါက နံပါတ် ၁ အချက်ပေါ့”ဟု ဦးဇော်ဌေးက ပြောကြားသည်။

ဆက်လက်၍ “ NCA ပြင်ပေးမှာလား ဆိုရင် အစိုးရသဘောနဲ့ ပြင်လို့မရဘူး။ NCA ထိုးပြီးသား ၁၀ ဖွဲ့ရှိတယ်။ ၁၀ ဖွဲ့ရဲ့ သဘောထားနဲ့ ပြင်ဆင်ခြင်းအခန်း မပါဘူးဆိုတာကို ကျွန်တော်တို့က ပြင်ချင်ပါတယ်လို့ ပြောတာ မဟုတ်ဘူး။ အဲဒီအဖွဲ့တွေနဲ့လည်း ဆွေးနွေးရမယ်။ NCA ပြင်သင့်၊ မပြင်သင့်။ အဲဒီ NCA က လွှမ်းခြုံမှုမရှိတဲ့ ဒီလိုကိစ္စတွေပေါ်လာရင် ဘယ်လိုလုပ်မလဲ။ သို့သော် အဲဒီလိုမျိုး ဆွေးနွေးနိုင်မှုသည် NCA ထဲရောက်မှရမယ်။ NCA အပြင်ကနေ ဒီ NCA ကြီး ဒါပြင်ပေးပါဆိုရင် ကျွန်တော်တို့ အစိုးရသဘောနဲ့ ပြောလို့မရဘူး။ NCA ထဲ ရောက်လာပြီဆိုရင် အဲဒီမှာရှိတဲ့ ခေါင်းဆောင်တွေနဲ့ ထိုးပြီးသား အဖွဲ့တွေရော သူတို့နဲ့ပေါင်းပြီးတော့ အစိုးရနဲ့ပေါင်းပြီးတော့ NCA က လွှမ်းခြုံမှုမရှိတဲ့ ကိစ္စတွေပေါ်လာရင် ညှိနှိုင်းဆွေးနွေးမယ်ဆိုရင် NCA မှာပါတယ်။ ခေါင်းဆောင်တွေ ညှိနှိုင်းဆွေးနွေးရမယ်။ နှစ်ဖက် ညှိနှိုင်းဆွေးနွေးရမယ်။ ဆွေးနွေးဖို့ပဲ ရှိတယ်။ အဲဒါက NCA ပြင်ပေးမလားဆိုရင် ကျွန်တော်တို့ အစိုးရသဘောတည်းနဲ့ ပြင်လို့မရဘူး။ NCA မပါတဲ့ ကိစ္စတွေပေါ်လာရင် ဘယ်လိုလုပ်မလဲဆိုတဲ့ Frame Work က ရှိပြီးသား ဒီတိုင်းသွားရမယ်”ဟု ပြောကြားသည်။

ယခု ၂၈ ရက်မှ ၃၀ ရက်အထိ EAO နှင့် နိုင်ငံရေး၊ လုံခြုံရေး အလွတ်သဘော ဆွေးနွေးမှုနှစ်ပွဲ ပြုလုပ်မည်ဖြစ်ပြီး တွေ့ဆုံမှုအပေါ် မူတည်ပြီး ၂၁ ရာစုပင်လုံ တတိယအကြိမ် အစည်းအဝေးပြုလုပ်ရန် ဆွေးနွေးမည် ဖြစ်ကြောင်း သိရသည်။

“၂၁ ပင်လုံ တတိယအစည်းအဝေး ဘယ်တော့လုပ်မလဲ ဆိုတော့ ကျွန်တော်တို့ အစတုန်းက ဇန်န၀ါရီလ မှန်းထားတယ်။ မဖြစ်လာဘူး။ JICM ဆုံးဖြတ်ချက် ရှိတယ်။ ပြီးခဲ့တဲ့ အလွတ်သဘောမှ မေလကုန်ဆိုပြီး ထပ်လုပ်တယ်။ အဲဒါ အဆင်မပြေဘူး။ ဒီလ ၂၈၊ ၂၉ ၊ ၃၀ မှာ EAO နဲ့ နိုင်ငံရေး၊ လုံခြုံရေး အလွတ်သဘော နှစ်ပွဲတွေ့မယ်။ တွေ့တဲ့အပေါ်မှာ မူတည်ပြီးတော့ ညီလာခံ ကျင်းပရက်ကို ကျွန်တော်တို့ဘက်ကတော့ ဇွန်လထဲမှာ လုပ်စေချင်တယ်။ ဒါပေမဲ့ ရက်တော့ မသတ်မှတ်နိုင်သေးဘူး။ ဇွန်လထဲကတော့ ဖြစ်အောင် ကျွန်တော်တို့ ကြိုးစားမယ်”ဟု ဦးဇော်ဌေးက ပြောကြားသည်။

 

၂၁ ရာစုပင်လုံ တတိယ အစည်းအဝေးကျင်းပနိုင်ရေးနှင့် ဖက်ဒရယ်အခြေခံမူများကို အဓိကထားဆွေးနွေးမည့် အစိုးရနှင့် တိုင်းရင်းသားလက်နက်ကိုင်အဖွဲ့များ၏ အလွတ်သဘော တွေ့ဆုံဆွေးနွေးပွဲ ယနေ့ ပြုလုပ်မည်

၂၁ ရာစုပင်လုံ တတိယအစည်းအဝေး ကျင်းပနိုင်ရေးနှင့် ဖက်ဒရယ်အခြေခံမူများကို အဓိကထားဆွေးနွေးမည့် အစိုးရနှင့် တိုင်းရင်းသား လက်နက်ကိုင်အဖွဲ့များ၏ နိုင်ငံရေးကဏ္ဍဆိုင်ရာ အလွတ်သဘောတွေ့ဆုံဆွေးနွေးပွဲ ယနေ့ (မေ ၁၈ ရက်) ပြုလုပ်မည်ဖြစ် ကြောင်း မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) ဒုတိယဥက္ကဋ္ဌ ရဲဘော်မျိုးဝင်းက မေ ၁၇ ရက်တွင် ပြောကြားသည်။

နိုင်ငံရေးကဏ္ဍဆိုင်ရာ အလွတ်သဘော ဆွေးနွေးပွဲကို မေ ၁၈ ရက်နှင့် လုံခြုံရေးကဏ္ဍဆိုင်ရာ အလွတ်သဘော ဆွေးနွေးပွဲကို မေ ၁၉ ရက်တွင်  နေပြည်တော်ရှိ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် ပြုလုပ်မည်ဖြစ်ကြောင်း ရဲဘော်မျိုးဝင်းက ပြောကြားသည်။

“အကြောင်းအရာကတော့ နှစ်ခုပေါ့။ ငြိမ်းချမ်းရေးလုပ်ငန်းစဉ်ကို ဘယ်လိုအဆင့်ဆင့် အကောင်အထည်ဖော်မလဲဆိုတဲ့ ကိစ္စလည်း ပါမယ်။ လာမယ့်ညီလာခံမှာ တင်သွင်းဖို့အတွက် ရှိနေတဲ့ ဖက်ဒရယ်အခြေခံမူကိစ္စaတွလည်း ပါမယ်ပေါ့။ တခြားအကြောင်း အရာတွေလည်း ပါတာပေါ့” ဟု မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) ဒုတိယဥက္ကဋ္ဌ ရဲဘော်မျိုးဝင်းက ပြောကြားသည်။

အစိုးရနှင့် နိုင်ငံရေး၊ လုံခြုံရေးဆိုင်ရာ ကိစ္စရပ်များကို အလွတ်သဘောဆွေးနွေးရန်အတွက် တိုင်းရင်းသားလက်နက်ကိုင်အဖွဲ့များ၏ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) က  အလွတ်သဘောတွေ့ဆုံရေး ကော်မတီကို ဖွဲ့စည်းထားသည်။ သို့ဖြစ်၍ ယနေ့ပြုလုပ်မည့် နိုင်ငံရေးကဏ္ဍဆိုင်ရာ အလွတ်သဘောတွေ့ဆုံပွဲတွင် အဆိုပါကော်မတီက တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ရေးထိုးထားသည့် တိုင်းရင်းသားလက်နက်ကိုင်အဖွဲ့များ ကိုယ်စား ဆွေးနွေးရမည်ဖြစ်သည်။

“ (ပြည်ထောင်စုငြိမ်းချမ်းရေးညီလာခံ) ကျင်းပနိုင်ဖို့အတွက် မျှော်မှန်းထားတာတော့ ရှိတာပေါ့။ မျှော်မှန်းထားတဲ့အတိုင်း ကျင်းပဖို့ဆိုတာကတော့ အဲဒီ ညီလာခံ မတိုင်ခင်မှာ လုပ်ရမယ့်အလုပ်တွေက ပြီးမြောက်လား၊ မပြီးမြောက်ဘူးလား။ အချိန်အလုံအလောက် ရှိရဲ့လားဆိုတဲ့အပေါ်မှာ မူတည်တာပေါ့။ အသေးစိတ် ဆွေးနွေးရမယ်ပေါ့” ဟု ရဲဘော်မျိုးဝင်းက ပြောကြားသည်။

၂၁ ရာစု ပင်လုံ တတိယအစည်းအဝေးကို မူလက ၂၀၁၈ ခုနှစ် ဇန်န၀ါရီ နောက်ဆုံးပတ်တွင် ကျင်းပရန် စီစဉ်ထားသော်လည်း ရှမ်းပြည် ပြန်လည် ထူထောင်ရေးကောင်စီ (RCSS) နှင့် ရခိုင်ပြည် လွတ်မြောက်ရေးပါတီ (ALP) တို့၏ အမျိုးသားအဆင့်နိုင်ငံ ရေးဆွေးနွေးပွဲများကို ကျင်းပနိုင်ခြင်းမရှိသေးသည့် အခြေအနေ အပါအ၀င် အကြောင်းအမျိုးမျိုးကြောင့် ဧပြီလကုန် (သို့မဟုတ်) မေလဆန်းသို့ ရွှေ့ဆိုင်းထားသော်လည်း ပြီးခဲ့သည့် ဧပြီက ပြုလုပ်သည့် အလွတ်သဘောတွေ့ဆုံပွဲတွင် ၂၁ ရာစုပင်လုံ တတိယအစည်းအဝေး ကို မေလကုန်ပိုင်းတွင် ပြုလုပ်ရန် သဘောတူထားကြောင်း သိရသည်။