နိုင်ငံရေးဆွေးနွေးပွဲများတွင် အစုအဖွဲ့တစ်ဖွဲ့တည်း၏ မူဝါဒ၊ ရပ်တည်ချက်များအပေါ် ဖက်တွယ်မထားဘဲ အပေးအယူ အလျှော့အတင်းများဖြင့် စေ့စပ်ညှိနှိုင်းပြီး ကွဲလွဲမှုများကို ကျော်လွှားကြရန် နိုင်ငံတော်၏အတိုင်ပင်ခံပုဂ္ဂိုလ် တိုက်တွန်း

နိုင်ငံတော်၏အတိုင်ပင်ခံပုဂ္ဂိုလ်က ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ တတိယအစည်းအဝေးတွင် အဖွင့်အမှာစကား ပြောကြားစဉ်

နိုင်ငံရေးဆွေးနွေးပွဲများ၊ စကားဝိုင်းများတွင် ဖြစ်ပေါ်နေသော ကွဲလွဲမှုများနှင့် ပတ်သက်၍ ဆွေးနွေးဖက်အစုအဖွဲ့ အသီးသီး အနေဖြင့် ဘက်တစ်ဘက်၊ အစုအဖွဲ့တစ်ဖွဲ့တည်း၏ မူဝါဒများ၊ ရပ်တည်ချက်များအပေါ် ဖက်တွယ်မထားဘဲ အားလုံးညှိနှိုင်းပြီး အပေးအယူ အလျှော့အတင်းများဖြင့် စေ့စပ်ညှိနှိုင်း၍ ကွဲလွဲမှုများကို ကျော်လွှားကြရန် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနဥက္ကဋ္ဌ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

နေပြည်တော်ရှိ အပြည်ပြည်ဆိုင်ရာ ကွန်ဗင်းရှင်းဗဟိုဌာန (၂) တွင် ဇူလိုင် ၁၁ ရက်က ပြုလုပ်သော ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ တတိယအစည်းအဝေး ဖွင့်ပွဲအခမ်းအနားတွင် ၎င်းက ထိုသို့ ပြောကြားခြင်းဖြစ်သည်။

“ပိုမိုကွဲလွဲစေနိုင်တာကို သတိထား ရှောင်ရှားပြီး ပိုမိုဆုံစည်း၊ ပိုမိုစုစည်းစေနိုင်မယ့် အခြေအနေတွေကို ဦးတည်ပြီးတော့ အားလုံးလက်ခံနိုင်တဲ့ အဖြေတစ်ခုကို ၀ိုင်းဝန်းကြိုးစား ရှာဖွေပေးကြဖို့၊ အနာဂတ်မှာဖြစ်ပေါ်လာမယ့် ဒီမိုကရေစီဖက်ဒရယ် ပြည်ထောင်စုကို မျှော်မှန်းပြီး ဘက်တစ်ဘက်တည်း၊ အစုအဖွဲ့တစ်ဖွဲ့တည်းရဲ့ မူဝါဒတွေ၊ ရပ်တည်ချက်တွေအပေါ်မှာပဲ ဖက်တွယ်မထားဘဲ အားလုံးနဲ့ညှိနှိုင်းပြီး အပေးအယူ အလျှော့အတင်းတွေနဲ့ စေ့စပ်ညှိနှိုင်းပြီးတော့ ကွဲလွဲမှုတွေကို ကျော်လွှားနိုင်ဖို့ အလေးထား တိုက်တွန်း ပြောကြားလိုပါတယ်” ဟု ဒေါ်အောင်ဆန်းစုကြည်က ပြောကြားသည်။

အရေးအကြီးဆုံးမှာ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်အရ ပစ်ခတ်တိုက်ခိုက်မှုရပ်စဲရေး လုပ်ငန်းစဉ်များ၊ နိုင်ငံရေးဆွေးနွေးမှု လုပ်ငန်းစဉ်များကို အထူးအလေးထား အာရုံစိုက်ပြီး အစုအဖွဲ့ အသီးသီးက ကြိုးပမ်းဆောင်ရွက်နေကြချိန်တွင် ပဋိပက္ခဒေသရှိ တိုင်းရင်းသား ပြည်သူလူထု၏ ဒေသဖွံ့ဖြိုးရေး၊ လူမှုစီးပွားအခြေအနေ တိုးတက်ဖွံ့ဖြိုးရေးကို အရှိန်အဟုန်မြှင့်တင် ဆောင်ရွက်သွားရန် အစိုးရ-ပုဂ္ဂလိက ပူးပေါင်းဆောင်ရွက်ရေး လုပ်ငန်းများမှတစ်ဆင့် ကြိုးပမ်းဆောင်ရွက်နေကြောင်းလည်း ဒေါ်အောင်ဆန်းစုကြည်က အသိပေး ပြောကြားသည်။

အားလုံးက လက်တွဲပူးပေါင်းပြီး လျှောက်လှမ်းကြမည်ဟု စိတ်ပိုင်းဖြတ် သန္နိဋ္ဌာန်ချထားပြီးဖြစ်သည့်အတွက် ရှေ့ဆက်လျှောက်လှမ်းကြရာတွင် တစ်ဦးနှင့်တစ်ဦး ရိုင်းပင်း ကူညီရန် အရေးကြီးပြီး ပန်းတိုင်တူ၊ လမ်းကြောင်းတူနေပြီဖြစ်သည့် ယခုအချိန်တွင် တစ်ကျောင်း တစ်ဂါထာ၊ တစ်ရွာ တစ်ပုဒ်ဆန်းဆိုသကဲ့သို့ ၀ိဝါဒကွဲပြားစရာ အဖြေရှာမှုများ ထွေပြားလာမည်ဆိုပါက အားလုံးမျှော်မှန်းထားသည့် ရလဒ်နှင့် ဝေးကွာလာနိုင်သည်ကို အထူးသတိပြုကြရမည်ဖြစ်သည်ဟု ၎င်းက ဆက်လက်ပြောကြားသည်။

“အားလုံး ညှိနှိုင်းလက်ခံပြီးတဲ့နောက်မှာ အခုတစ်မျိုး၊ တော်ကြာတစ်မျိုး အနေအထားတွေ မကြာခဏ ဖြစ်ပေါ်လာရင် ယုံကြည်မှုတွေ ပျက်ပြားသွားစေနိုင်သလို ငါ့မြင်းငါစိုင်းဆိုတဲ့ အခြေအနေတွေနဲ့လည်း ကြုံတွေ့လာရနိုင်ပါတယ်။ ငြိမ်းချမ်းရေးဟာ ဖိအားပေးပြီး ရယူနိုင်တာမျိုးမဟုတ်ဘဲ နားလည်မှု၊ ယုံကြည်မှုတွေနဲ့ တည်ဆောက်ကြရတာမျိုး ဖြစ်ပါတယ်” ဟု ဒေါ်အောင်ဆန်းစုကြည်က ပြောကြားသည်။

အမှောင်ထုကို အမှောင်ထုဖြင့် ဖြိုခွင်းနိုင်မည်မဟုတ်ဘဲ အလင်းတန်းဖြင့်သာ ဖြိုခွင်းဖယ်ရှားနိုင်မည်ဖြစ်ပြီး NCA တွင် ပါဝင် လက်မှတ်ရေးထိုးထားခြင်း မရှိသေးသော အင်အားစုများ၊ ပုဂ္ဂိုလ်များအနေဖြင့် ပြည်ထောင်စုအပေါ် သစ္စာစေတနာ စောင့်သိကာ ပါဝင်လာရန် ၎င်းက ဖိတ်ခေါ်ခဲ့သည်။

လက်ရှိအချိန်သည် အားလုံးသိကြသည့်အတိုင်း နိုင်ငံတကာနှင့် ဒေသတွင်း ဆက်ဆံရေး အခြေအနေများအရ မြန်မာနိုင်ငံအနေဖြင့် ပြည်ထောင်စုတိုင်းရင်းသားများအားလုံး စုပေါင်းညီညွတ်စွာ နေထိုင်နိုင်သည်ဆိုသည်ကို ပြသနိုင်ရန် အထူးလိုအပ်နေပြီး နှစ်ပေါင်း ၇၀ ကျော် ပဋိပက္ခများဖြင့် ဆူဆူညံညံဖြစ်နေသည့် အနေအထားကို ပြည်ထောင်စုအတွင်း နေထိုင်သူအားလုံးက ပြုပြင်မှရမည်ဟု ဒေါ်အောင်ဆန်းစုကြည်က ပြောကြားသည်။

“ဒီအခွင့်အရေးဟာ ဒီကနေ့ ဒီခန်းမကြီးထဲမှာ ရောက်ရှိနေကြတဲ့ အင်အားစု အသီးသီးက ခေါင်းဆောင်တွေရဲ့ လက်ဝယ်မှာ ရှိနေပါတယ်။ ကျွန်မတို့ရဲ့ နောင်လာမယ့် မျိုးဆက်သစ်တွေအတွက် အနာဂတ်ဒီမိုကရေစီ ဖက်ဒရယ်ပြည်ထောင်စုကြီးကို ညီညီညွတ်ညွတ်နဲ့ ထုဆစ်ပုံဖော်ဖို့ သမိုင်းပေးတာဝန်ဟာ ကျွန်မတို့အားလုံးရဲ့ ပခုံးပေါ်မှာ ရောက်ရှိနေပါပြီ” ဟု ဒေါ်အောင်ဆန်းစုကြည်က ပြောကြားသည်။

လက်ရှိအစိုးရအနေဖြင့် ပင်လုံညီလာခံ အစည်းအဝေး နှစ်ကြိမ်ကျင်းပပေးပြီး လက်ရှိ ၂၀၁၈ ခုနှစ်အတွင်း နောက်ထပ် ညီလာခံတစ်ကြိမ်၊ လာမည့် ၂၀၁၉ ခုနှစ်အတွင်း နောက်ထပ် ညီလာခံနှစ်ကြိမ် စုစုပေါင်း ညီလာခံသုံးကြိမ် ကျင်းပနိုင်ရေးနှင့် အဆိုပါ ညီလာခံသုံးကြိမ်တွင် အရေးကြီးသော ဒီမိုကရေစီနှင့် ဖက်ဒရယ်စနစ်ဆိုင်ရာ အခြေခံမူများ အပြီးအပြတ်ချမှတ်ပြီး အနာဂတ် ဒီမိုကရေစီဖက်ဒရယ် ပြည်ထောင်စုအတွက် အခြေခံအုတ်မြစ်များ ခိုင်ခိုင်မာမာ တည်ဆောက်ပေးနိုင်ရန် မျှော်မှန်းထားကြောင်း ၎င်းက ပြောကြားသည်။

နိုင်ငံရေးပြဿနာများကို ညှိနှိုင်းဖြေရှင်းရာတွင် အရေးကြီးသည့်အချက်မှာ အားလုံးက ရပ်တန့်မနေဘဲ ရှေ့ဆက်လျှောက်လှမ်းနေရန်ဖြစ်ကြောင်း၊ အခက်အခဲနှင့် စိန်ခေါ်မှုများ မည်မျှပင် ကြုံတွေ့စေကာမူ စိတ်မပျက် အားမလျှော့ဘဲ ဒီမိုကရေစီနှင့်ဖက်ဒရယ် ပြည်ထောင်စုခရီးလမ်းတွင် ခိုင်မာသော စိတ်ဓာတ်ဖြင့် ဆက်လက်လျှောက်လှမ်းနိုင်အောင် ကြိုးစားအားထုတ်ရမည်ဖြစ်ကြောင်း ဒေါ်အောင်ဆန်းစုကြည်က ပြောကြားသည်။

၂၁ ရာစုပင်လုံ တတိယအစည်းအဝေးတွင် ဆွေးနွေးမည့် လုံခြုံရေးကဏ္ဍအောက်ရှိ အကြောင်းအရာများ အစိုးရနှင့် တိုင်းရင်းသားလက်နက်ကိုင်အဖွဲ့များ အလွတ်သဘော ရွေးချယ်

၂၁ ရာစုပင်လုံ တတိယအစည်းအဝေးတွင်ဆွေးနွေးမည့် လုံခြုံရေးကဏ္ဍအောက်ရှိ အကြောင်းအရာများအတွက် အစိုးရနှင့် တိုင်းရင်းသား လက်နက်ကိုင်အဖွဲ့များအလွတ် သဘောရွေးချယ်ခဲ့ကြောင်း မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF) ဒုတိယဥက္ကဋ္ဌ ရဲဘော်မျိုးဝင်းက ပြောကြားသည်။

အစိုးရ၊ တပ်မတော်နှင့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့များမှ ကိုယ်စားလှယ်များပါဝင်သည့် လုံခြုံရေးကဏ္ဍဆိုင်ရာ အလွတ်သဘောတွေ့ဆုံပွဲကို ရန်ကုန်မြို့ရှိ အမျိုးသားပြန်လည်သင့်မြတ်ရေးနှင့်ငြိမ်းချမ်း ရေးဗဟိုဌာန (NRPC) တွင် ဇွန် ၁၆ ရက်က  ပြုလုပ်သည်။

လာမည့်ပင်လုံအစည်အဝေးတွင် ဆွေးနွေးမည့် လုံခြုံရေးကဏ္ဍအောက်ရှိ အကြောင်းအရာများကို ယင်းအလွတ်သဘောတွေ့ဆုံပွဲတွင် ရွေးချယ်ခြင်းဖြစ်သည်။

“အဓိက,ကတော့ လုံခြုံရေးကဏ္ဍမှာ ဆွေးနွေးမယ့် အကြောင်းအရာတွေအတွက် ပြင်ဆင်တာပဲလေ။ အသေးစိတ်ပြောဖို့တော့ နှစ်ဖက်သဘောထားအရတော့ အခက်အခဲရှိတာပေါ့နော်။ လာမယ့်ညီလာခံမှာ လုံခြုံရေးကဏ္ဍအတွက် ညှိနှိုင်းပြင်ဆင်တဲ့အနေအထားလောက်ပါပဲ။ အကြောင်းအရာတွေ သတ်မှတ်တာရှိတယ်။ လုံခြုံရေးကဏ္ဍအတွက် ဆွေးနွေးရမယ့်ကိစ္စတွေရှိတယ်။ နှစ်ဖက်အမြင် သဘောထားဖလှယ်တယ်” ဟု ရဲဘော်မျိုးဝင်းက ပြောကြားသည်။

လုံခြုံရေးကဏ္ဍကို ပြီးခဲ့သည့် ပြည်ထောင်စုငြိမ်းချမ်းရေးညီလာခံများတွင် ဆွေးနွေးခြင်း မပြုဘဲ ယခုလာမည့် တတိယအကြိမ်မြောက် ပြည်ထောင်စုငြိမ်းချမ်းရေးညီလာခံတွင် စတင်ဆွေးနွေးမည်ဖြစ်သည်။

ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ (UPDJC) အစည်းအဝေး၊ UPDJC အတွင်းရေးမှူးအစည်းအဝေးနှင့် လုပ်ငန်းကော်မတီအစည်းအဝေးတို့ ကျင်းပမည့်ရက်များကို မကြာမီသတ်မှတ်နိုင်မည်ဖြစ်ကြောင်း ရဲဘော်မျိုးဝင်းက ပြောကြားသည်။

အစိုးရ၊ တပ်မတော်နှင့် တိုင်းရင်းသား လက်နက်ကိုင်အဖွဲ့အစည်းများအကြား မေလကုန်ပိုင်းကပြုလုပ်ခဲ့သည့် နိုင်ငံရေးကဏ္ဍဆိုင်ရာ အလွတ်သဘောတွေ့ဆုံပွဲတွင် ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ တတိယအစည်းအဝေးကို ဇွန်လကုန်သို့မဟုတ် ဇူလိုင်လဆန်းတွင်ပြုလုပ်ရန် ဘုံသဘောထား စုစည်းနိုင်ခဲ့သည်။

သို့သော် ယင်းတွေ့ဆုံပြီးနောက် NCA ရေးထိုးထားသည့် တိုင်းရင်းသားလက်နက်ကိုင်အဖွဲ့များသည် ထိုင်းနိုင်ငံ ချင်းမိုင်မြို့တွင် အစည်းအဝေးတစ်ရပ်ပြုလုပ်ပြီး ၂၁ ရာစု ပင်လုံ တတိယအစည်းအဝေးကို ဇူလိုင်လလယ် တွင်ကျင်းပရန်အတွက် အစိုးရသို့ စာပေးပို့ထားကြောင်း သိရသည်။

လက်ရှိတွင် တိုင်းရင်းသားလက်နက်ကိုင်အဖွဲ့များသည် ၂၁ ရာစုပင်လုံ တတိယ အစည်းအဝေးတွင်ဆွေးနွေးမည့် ကဏ္ဍအလိုက်အကြောင်းအရာများအတွက် ပြင်ဆင်နေကြသည်။

ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံအစည်းအဝေးများတွင် ကဏ္ဍအလိုက်ဆွေးနွေးမည့် ခေါင်းစဉ်ငါးခုမှာ နိုင်ငံရေး၊ လုံခြုံရေး၊ စီးပွားရေး၊ လူမှုရေးနှင့် မြေယာ နှင့် သဘာဝပတ်ဝန်းကျင်တို့ဖြစ်သည်။

အစိုးရနှင့် တိုင်းရင်းသားလက်နက်ကိုင်အဖွဲ့များ၏ အလွတ်သဘော တွေ့ဆုံဆွေးနွေးရေးအဖွဲ့တို့ ဇွန် ၁၆ ရက်တွင် ရန်ကုန်မြို့၌ ထပ်မံတွေ့ဆုံမည်

ပြည်ထောင်စုငြိမ်းချမ်းရေး ညီလာခံ- ၂၁ ရာစုပင်လုံ တတိယအစည်းအဝေး ကျင်းပရေး ရက်သတ်မှတ်မည့် ကိစ္စနှင့်ပတ်သက်၍ အစိုးရနှင့် NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့များ၏ အလွတ်သဘော တွေ့ဆုံဆွေးနွေးရေးအဖွဲ့တို့ ဇွန် ၁၆ ရက်တွင် ရန်ကုန်မြို့၊ ရွှေလီလမ်းရှိ အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွေ့ဆုံဆွေးနွေးသွားမည်ဖြစ်ကြောင်း တိုင်းရင်းသားလက်နက်ကိုင်အဖွဲ့ ကိုယ်စားလှယ်များထံမှ သိရသည်။

ပြည်ထောင်စုငြိမ်းချမ်းရေးညီလာခံ -၂၁ ရာစုပင်လုံ တတိယအစည်းအဝေး ကျင်းပနိုင်ရေးနှင့်ပတ်သက်၍ NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့ ခေါင်းဆောင်များဖြင့် ဖွဲ့စည်းထားသော ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) ၏ (၂၁) ကြိမ်မြောက် အစည်းအဝေးကို ထိုင်းနိုင်ငံ၊ ချင်းမိုင်တွင် ဇွန် ၁၁ ရက်က ပြုလုပ်ခဲ့ပြီး အဆိုပါ အစည်းအဝေးတွင် ဆုံးဖြတ်ခဲ့သော ဆုံးဖြတ်ချက်များကို ဇွန် ၁၂ ရက်တွင် အစိုးရထံ တရားဝင် စာပေး ပို့ထားသည်။

အစိုးရထံ ပေးပို့ခဲ့သောစာတွင် ပြည်ထောင်စုငြိမ်းချမ်းရေးညီလာခံ -၂၁ ရာစုပင်လုံ တတိယအစည်းအဝေး ကျင်းပမည့်ရက်၊ ဆက်စပ်အစည်းအဝေးများ ကျင်းပမည့်ရက်များနှင့် ပတ်သက်၍ NCA လက်မှတ်ရေးထိုးထားသော တိုင်းရင်းသားလက်နက်ကိုင် အဖွဲ့များ၏ အဆိုပြုချက်များ ပါဝင်ကြောင်း သိရသည်။

“ကျွန်တော်တို့ ရက်တွေကို ညှိနှိုင်းတဲ့အခါကျတော့ PPST ကတော့ နိုင်ငံရေးအရ အလွတ်သဘောဆွေးနွေးစဉ်မှာ ဇွန် ၃၀ ကို နှစ်ဖက်လုံးက သဘောထား စုစည်းခဲ့တဲ့နေရာမှာ ဇွန် ၃၀ မှာ ကျင်းပနိုင်ရေး ကြိုးစားမှုပေါ့။ ဒါပေမဲ့ လက်ရှိအချိန်မှာ ဆွေးနွေးပွဲတွေမှာက တတိယပင်လုံ အစည်းအဝေး မတိုင်ခင်မှာ လုပ်ငန်းကော်မတီ အကြိုညှိနှိုင်းမှုတွေကိုလည်း အချိန်ပေးပြီးလုပ်ဖို့ လိုတယ်။ လုပ်ငန်း ကော်မတီတွေမှာ အချိန်ပေးပြီး ညှိနှိုင်းမှုတွေ လုပ်ရမှာဆိုတော့ ဒီဇွန် ၃၀ က ရက်က အတော်ကပ်သွားတဲ့ သဘောရှိတယ်။ ရက်ကကပ်နေတော့ ကျွန်တော်တို့ ဇူလိုင် ၁၀ ရက်ကို အဆိုပြုတာ ဖြစ်ပါတယ်။ အဲဒါကို အခုလာမယ့် အလွတ်သဘောမှာ ရက်ညှိတဲ့ကိစ္စပေါ့လေ။ ကျန်တဲ့ကိစ္စတွေ မပါပါဘူး။ အဲဒီရက်ညှိတဲ့ကိစ္စ အဆင်ပြေရင် နှစ်ဖက်အတည်ပြုပြီး ဆက်သွားကြဖို့ပါပဲ” ဟု ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) ဒုတိယဥက္ကဋ္ဌ ဦးခွန်မြင့်ထွန်းက ပြောကြားသည်။

၂၁ ရာစုပင်လုံ တတိယအစည်းအဝေးတွင် ပြည်ထောင်စုမှ ခွဲမထွက်ရေး၊ ကိုယ်ပိုင်ပြဋ္ဌာန်းခွင့်နှင့် ပြည်နယ်ဖွဲ့စည်းပုံအခြေခံ ဥပဒေရေးဆွဲရေးစသည့် ခက်ခဲသောကိစ္စရပ်များ မဆွေးနွေးရန် PPST အစည်းအဝေးက ဆုံးဖြတ်ထားကြောင်း သိရသည်။

(၂၁) ရာစုပင်လုံ တတိယအစည်းအဝေးကို ယခုလကုန်ပိုင်းတွင်ပြုလုပ်ရန် အစိုးရဘက်မှ ပြင်ဆင်ထားသော်လည်း တိုင်းရင်းသားလက်နက်ကိုင်များဘက်က အဆင်သင့်မဖြစ်ခဲ့ဟု ဦးဇော်ဌေး ပြောကြား

ပြည်ထောင်စုငြိမ်းချမ်းရေးညီလာခံ (၂၁) ရာစုပင်လုံ တတိယအစည်းအဝေးကို ယခင်လျာထားချက်အတိုင်း ယခုလကုန်ပိုင်းတွင် ပြုလုပ်ရန် အစိုးရနှင့် နိုင်ငံရေးပါတီများက ပြင်ဆင်ထားသော်လည်း တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားသော တိုင်းရင်းသားလက်နက်ကိုင်များဘက်က အဆင်သင့်မဖြစ်ခဲ့သည့်အတွက် ယခုလကုန်ပိုင်းတွင် ညီလာခံပြုလုပ်ရန် အဆင်မပြေဖြစ်လာခဲ့သည်ဟု နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ်ဦးဇော်ဌေးက ပြောကြားသည်။

ပြည်ထောင်စုငြိမ်းချမ်းရေးညီလာခံ (၂၁) ရာစုပင်လုံ တတိယအစည်းအဝေးကို သတ်မှတ်ထားသည့်အတိုင်း အောင်မြင်စွာ ပြုလုပ်နိုင်ရေးအတွက် အစိုးရကိုယ်စားလှယ်များနှင့် NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့များ ကိုယ်စားလှယ်များဖြင့် ဖွဲ့စည်းထားသည့် အလွတ်သဘော တွေ့ဆုံဆွေးနွေးရေးအဖွဲ့တို့ မေ ၁၈ ရက်နှင့် ၁၉ ရက်တွင် နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ၌ အလွတ်သဘော တွေ့ဆုံဆွေးနွေးခဲ့ကြသော်လည်း ညှိနှိုင်းမှု အဆင်မပြေဖြစ်ခဲ့ကြောင်း သိရသည်။

“ဘယ်လိုပဲဖြစ်ဖြစ် ကျွန်တော်တို့က ညီလာခံကျင်းပဖို့အတွက် အစိုးရပိုင်းက အားလုံးပြင်ထားတာ။ နိုင်ငံရေးပါတီတွေဘက်ကလည်း ပြင်ထားတယ်။ ဒီလထဲမှာပဲပေါ့။ ညီလာခံကျင်းပဖို့အတွက် အလွတ်သဘော အစည်းအဝေးပြီးရင် အကြောင်းပြန်မယ်လို့ EAO တွေက ပြောတယ်။ ဒါကြောင့်မို့ အလွတ်သဘော အစည်းအဝေးမှာ ဆွေးနွေးတယ်။ ဆွေးနွေးတဲ့ဟာတွေကလည်း ဒုတိယ အစည်းအဝေးကဟာတွေပဲ ပြန်ဖြစ်လာတယ်။ ဖြစ်လာတော့ EAO တွေဘက်က အဆင်သင့်မဖြစ်ဘူး။ မဖြစ်တော့ ညီလာခံကျင်းပဖို့ မေလကုန်ဆိုပြီး စီစဉ်ထားတာဟာ အဆင်မပြေဘူး ဖြစ်လာတယ်ပေါ့နော်။ အစိုးရဘက်က အဆင်သင့်ဖြစ်တယ်။ EAO ဘက်က အဆင်သင့်မဖြစ်ဘူး” ဟု ၎င်းက ဆိုသည်။

ပြည်ထောင်စုငြိမ်းချမ်းရေးညီလာခံကို တစ်နှစ်လျှင် နှစ်ကြိမ်ပြုလုပ်ရန် သတ်မှတ်ထားသော်လည်း ဒုတိယအစည်းအဝေးပြီးသည့်အချိန်မှ လက်ရှိအချိန်အထိ တစ်နှစ်ကျော်အတွင်း တစ်ကြိမ်မျှ ပြုလုပ်နိုင်ခြင်း မရှိသေးကြောင်း သိရသည်။

၂၁ ပင်လုံညီလာခံအတွက် ငြိမ်းချမ်းရေး အကြိုလှုပ်ရှားမှုအနေဖြင့် ကော့သောင်း-ရန်ကုန် မိုင် ၁၀၀၀ နီးပါးဖြတ်သန်းခဲ့သည့် ၂၄ ရက်ကြာ Wheel Chair ရထားခရီးစဉ် သွားရောက်ခဲ့သူများအား ဂုဏ်ပြု

ကော့သောင်း-ရန်ကုန် မိုင် ၁၀၀၀ နီးပါးဖြတ်သန်းခဲ့သည့် ၂၄ ရက်ကြာ Wheel Chair ရထားခရီးစဉ် ဂုဏ်ပြုပွဲမြင်ကွင်းကို တွေ့ရစဉ် (ဓာတ်ပုံ- နေမျိုးဝင်း)

၂၁ ပင်လုံညီလာခံအတွက် ငြိမ်းချမ်းရေး အကြိုလှုပ်ရှားမှုအနေဖြင့် ကော့သောင်း-ရန်ကုန် မိုင် ၁၀၀၀ နီးပါးဖြတ်သန်းခဲ့သည့် ၂၄ ရက်ကြာ Wheel Chair ရထားခရီးစဉ် သွားရောက်ခဲ့သူများကို ဧပြီ ၂၈ ရက် မွန်းလွဲ ၁ နာရီတွင် ရန်ကုန်မျက်မမြင်ကြောင်း (ခ၀ဲခြံ) ၌ ဂုဏ်ပြုပွဲ ပြုလုပ်ခဲ့ကြောင်း သိရသည်။

အဆိုပါခရီးစဉ်မှာ မြန်မာနိုင်ငံ ခရစ်ယာန်မျက်မမြင်များ မိတ်သဟာယမှ ဦးစီးပြုလုပ်ခဲ့ခြင်းဖြစ်ပြီး ငြိမ်းချမ်းရေးတွဲလက်များအဖွဲ့မှ Wheel Chair သမား ၁၀ ဦးနှင့် ၀န်းရံပါဝင်သူများသည် မြို့ပေါင်း ၂၁ မြို့၊ မိုင်အားဖြင့် ၉၈၁ မိုင်ကို ၂၀၁၈ ခုနှစ် မတ် ၁၆ ရက်မှ ဧပြီရှစ်ရက်အထိ ဖြတ်သန်းသွားလာခဲ့သော ခရီးစဉ်ဖြစ်ပြီး ဖြတ်သန်းခဲ့သည့် ပြည်/တိုင်းများမှာ မွန်ပြည်နယ်၊ ကရင်ပြည်နယ် ပဲခူးတိုင်းဒေသကြီး၊ ရန်ကုန်တိုင်းဒေသကြီးတို့ဖြစ်သည်။

“ကျွန်တော်တို့ ငြိမ်းချမ်းရေးတွဲလက်များက အခုဆောင်ရွက်တဲ့ခရီးစဉ်ဟာ တတိယအကြိမ် ခရီးစဉ်ဖြစ်ပါတယ်။ ပထမအကြိမ်ခရီးစဉ်ကို မြစ်ကြီးနားကနေ နေပြည်တော်အထိ အားလုံး ၁၁ ရက်တိုင်တိုင် မိုင်ပေါင်း ၅၇၇ မိုင် ခရီးနှင်ပြီး အောင်မြင်စွာ ဆောင်ရွက်နိုင်ခဲ့ပါတယ်။ ဒုတိယခရီးစဉ်လည်း ဆောင်ရွက်ခဲ့ပါတယ်။ အခုက တတိယခရီးစဉ် ဖြစ်ပါတယ်။ ကျွန်တော်တို့ချစ်တဲ့ ပြည်ထောင်စုမြန်မာနိုင်ငံတော်ကြီး နိုင်ငံတော်အစိုးရကဆောင်ရွက်နေတဲ့ ပြည်ထောင်စုငြိမ်းချမ်းရေးဖြစ်စဉ်ကြီး အောင်မြင်ပြီးမြောက်အောင်အထိ ပြည်သူလူထုအများနဲ့ တွဲဖက်ပြီးတော့ ကျွန်တော်တို့ စဉ်ဆက်မပြတ် ဆောင်ရွက်သွားဖို့ဟာ ကျွန်တော်တို့ရဲ့ ပန်းတိုင်ဖြစ်ပါတယ်” ဟု ငြိမ်းချမ်းရေးတွဲလက်များ၏ ရှေ့လုပ်ငန်းစဉ်များကို စာရေးဆရာ ဇေယျာမင်းသျှင်က ပြောကြားသည်။

ရန်ကုန်ခ၀ဲခြံ မျက်မမြင်ကျောင်းမှ အမြင်အာရုံ မသန်စွမ်းသူများနှင့် အခြားမသန်စွမ်းသူများ စုဝေး၍ ခရီးစဉ်ဖြတ်သန်းခဲ့သည့် ရည်ရွယ်ချက်မှာ မြန်မာနိုင်ငံတွင် ပစ်ခတ်တိုက်ခိုက်လျက်ရှိသည့် ပြည်တွင်းစစ် အဆုံးသတ်ရပ်စဲရေး တွန်းအားပေးရန်၊ တိုင်းပြည်ငြိမ်းချမ်းရေးအတွက် ဆွေးနွေးမှုစားပွဲဝိုင်းများတွင် ညှိနှိုင်းအဖြေရှာစေရေး တွန်းအားပေးရန်၊ ပစ်ခတ်တိုက်ခိုက်နေသူများအား တစ်ဦးနှင့်တစ်ဦး အပြန်အလှန်ခွင့်လွှတ်ပြီး ငြိမ်းချမ်းရေးသို့ ဦးတည်စေရေး တိုက်တွန်းနှိုးဆော်ရန်နှင့် ပြည်သူလူထုအကြား လူမျိုးဘာသာမခွဲခြားဘဲ ငြိမ်းချမ်းရေးစိတ်ဓာတ်ပေါ်လွင် ထင်ရှားစေရန် ရည်ရွယ်ချက်တို့ဖြင့် ပြုလုပ်ခဲ့ခြင်းဖြစ်ကြောင်း သိရသည်။

ထို့ပြင် ငြိမ်းချမ်းရေးတွဲလက်များအဖွဲ့အနေဖြင့် ၂၀၁၈ ခုနှစ် နိုဝင်ဘာလအတွင်း ဧရာဝတီတိုင်းဒေသကြီးနှင့် ရခိုင်ပြည်နယ်တို့တွင် ငြိမ်းချမ်းရေးဆောင်ရွက်မှုများ ပြုလုပ်မည်ဖြစ်ပြီး ၂၀၁၉ ခုနှစ် ဇန်န၀ါရီလဆန်းတွင် မန္တလေးမြို့မှ ရန်ကုန်မြို့အထိ ဧရာဝတီမြစ်ကြောင်းအတိုင်း ငြိမ်းချမ်းရေးလှုပ်ရှားမှုများအပြင် ၂၀၁၉ ခုနှစ်အတွင်း မတ်၊ ဧပြီလများတွင် ရှမ်းပြည်နယ်အရှေ့ပိုင်းနှင့် ကယားပြည်နယ်တို့တွင် ငြိမ်းချမ်းရေးဆောင်ရွက်မှုများ ပြုလုပ်မည်ဖြစ်ကြောင်း သိရသည်။

FPNCC အနေဖြင့် အစိုးရ၏ တရားဝင်ဖိတ်ကြားလွှာရရှိပါက ၂၁ ရာစုပင်လုံ တတိယအစည်းအဝေးသို့ အဖွဲ့ဝင်အားလုံး တက်ရောက်သွားမည်ဖြစ်ကြောင်း FPNCC ထုတ်ပြန်

ပြည်ထောင်စု နိုင်ငံရေးဆွေးနွေးညှိနှိုင်းရေးကော်မတီ (FPNCC) အနေဖြင့် အစိုးရ၏ တရားဝင် ဖိတ်ကြားလွှာရရှိပါက ၂၁ ရာစု ပင်လုံတတိယအစည်းအဝေးသို့ အဖွဲ့ဝင် အားလုံး စုံစုံညီညီ တက်ရောက်သွားမည်ဖြစ်ပြီး လုံခြုံရေးအာမခံချက်ရှိရေး တရုတ်နိုင်ငံက ကူညီပေးရန် မြောက်ပိုင်းတိုင်းရင်းသား လက်နက်ကိုင်အဖွဲ့များ ပူးပေါင်းဖွဲ့စည်းထားသည့် FPNCC က မတ် ၂၈ ရက်တွင် ကြေညာချက် ထုတ်ပြန်သည်။

FPNCC ၏ ဒုတိယအကြိမ် အမြဲတမ်း ကော်မတီအစည်းအဝေးကို မတ် ၂၆ ရက်မှ ၂၈ ရက်ထိ “၀” သွေးစည်းညီညွတ်ရေးပါတီ ဌာနချုပ်ဖြစ်သည့် ပန်ခမ်း (ပန်ဆန်း) မြို့တွင် ပြုလုပ်ခဲ့ပြီးနောက် အဆိုပါကြေညာချက်အား ထုတ်ပြန်ခြင်းဖြစ်သည်။

အဆိုပါ ထုတ်ပြန်ချက်တွင် သမ္မတသစ်အဖြစ် ရွေးချယ်ခံရသော ဦးဝင်းမြင့်အား FPNCC မှ ကြိုဆိုပြီး သမ္မတသစ်၏ ဦးဆောင်မှုအောက်တွင် မြန်မာနိုင်ငံ၏ ငြိမ်းချမ်းရေးကို ဆောလျင်စွာ အကောင်အထည်ဖော်နိုင်ရန် မျှော်လင့်ကြောင်း ဖော်ပြထားသည်။

FPNCC အစည်းအဝေး၌ အဖွဲ့ဝင် အဖွဲ့အစည်း အသီးသီးမှ မျက်မှောက်ပြည်တွင်း နိုင်ငံရေးအခြေအနေနှင့် ငြိမ်းချမ်းရေးဖြစ်စဉ် တိုးတက်မှု အလားအလာအပေါ် ဆွေးနွေးသုံးသပ်မှုများ ပြုလုပ်ခဲ့ပြီး မြန်မာနိုင်ငံ၏ ငြိမ်းချမ်းရေးဖြစ်စဉ်တွင် တရုတ်ပြည်သူ့သမ္မတနိုင်ငံ၏ အပြုသဘောဆောင်သော ပါဝင်မှုသည် ပိုမိုအရေးပါလာပြီး ကင်းကွာ၍မရနိုင်ဟု ထင်မြင်ယူဆကြကြောင်းလည်း ထုတ်ပြန်ချက်တွင် ပါရှိသည်။

ထို့ပြင် အစည်းအဝေးတွင် ၂၁ ရာစု ပင်လုံ တတိယအစည်းအဝေးအပေါ် မည်သို့သဘောထားရှိသည်ကို သေချာဆွေးနွေးသုံးသပ်ပြီး FPNCC အနေဖြင့် အစိုးရ၏ တရားဝင်ဖိတ်ကြားလွှာကို လက်ခံရရှိပါက FPNCC အဖွဲ့ဝင်အားလုံး စုံစုံညီညီ တက်ရောက်သွားမည်ဖြစ်ပြီး အစည်းအဝေး တက်ရောက်သည့်အခါ လုံခြုံရေးအာမခံချက်ရှိရန်အတွက် တရုတ်ပြည်သူ့သမ္မတနိုင်ငံအနေဖြင့် ခရီးစဉ်အတွက် ဆက်လက်ကူညီ ထောက်ပံ့ပေးပါရန် မေတ္တာရပ်ခံကြောင်း ထုတ်ပြန်ချက်၌ တောင်းဆိုထားသည်။

သို့ရာတွင် FPNCC အနေဖြင့် ဖိတ်ကြားခြင်းမပြုဘဲ တစ်ဖွဲ့ချင်းဖိတ်ကြားပါက တက်ရောက်မည်မဟုတ်ကြောင်း “၀” သွေးစည်းညီညွတ်ရေးပါတီ လားရှိုးဆက်ဆံရေးရုံးဒုတိယ တာဝန်ခံ ဦးညီရန်းက မတ် ၂၈ ရက် ညပိုင်းတွင် ပြောကြားသည်။

FPNCC အဖွဲ့ဝင်များမှာ “၀” သွေးစည်းညီညွတ်ရေးပါတီ (UWSP/UWSA)၊ မိုင်းလားအဖွဲ့ (NDAA)၊ ကချင်လက်နက်ကိုင်အဖွဲ့ (KIO/KIA)၊ ရှမ်းပြည်တိုးတက်ရေးပါတီ (SSPP/SSA)၊ ရခိုင်လက်နက်ကိုင်အဖွဲ့ (AA)၊ တအန်းလက်နက်ကိုင်အဖွဲ့ (TNLA) နှင့် ကိုးကန့်လက်နက်ကိုင်အဖွဲ့ (MNDAA) တို့ ဖြစ်ကြသည်။

ဇန်န၀ါရီနောက်ဆုံးပတ်တွင် ပြုလုပ်ရန်စီစဉ်ထားသည့် ၂၁ ရာစုပင်လုံ တတိယအကြိမ် အစည်းအဝေးကို ရွှေ့ဆိုင်း

ဇန်န၀ါရီ နောက်ဆုံးပတ်တွင် ပြုလုပ်ရန် စီစဉ်ထားသည့် ၂၁ ရာစု ပင်လုံ တတိယအကြိမ် အစည်းအဝေးကို ရွှေ့ဆိုင်းလိုက်ပြီဖြစ်ကြောင်း အစိုးရငြိမ်းချမ်းရေးကော်မရှင်အဖွဲ့ဝင် ဦးအောင်စိုးက ပြောကြားသည်။

လက်ရှိအခြေအနေများအရ ၂၁ ရာစု ပင်လုံ တတိယအကြိမ် အစည်းအဝေးကို ကျင်းပရန် ယခုဇန်န၀ါရီလထဲတွင် မဖြစ်နိုင်တော့ဘဲ ဖေဖော်ဝါရီလအတွင်း ဖြစ်သွားနိုင်သည်ဟု ဦးအောင်စိုးက ဆိုသည်။

ယခုလို နောက်ဆုတ်လိုက်ရသည့် အကြောင်းရင်းမှာ ပင်လုံညီလာခံကို အတတ်နိုင်ဆုံး ပြည့်ပြည့်စုံစုံဖြင့် အားလုံးပါဝင်သည့် ပြည်ထောင်စုသဘောတူညီချက် အစိတ်အပိုင်းတစ်ခု တက်လာနိုင်ရေးအတွက်ဖြစ်သည်ဟု ဦးအောင်စိုးက ပြောကြားသည်။

“မဖြစ်နိုင်တဲ့ အခြေအနေကတော့ လက်ရှိအခြေအနေပေါ့။ အားလုံးပြည့်စုံနိုင်အောင်ပေါ့။ UNFC အဖွဲ့ကလည်း လက်မှတ်ထိုးဖို့ အစီအစဉ်လေးတွေရှိတယ်။ သူတို့ထိုးပြီးရင်လည်း ရှေ့ဆက်လုပ်ရမယ့် အလုပ်ကလေးတွေလည်းရှိတယ်။ ဖြစ်နိုင်ရင်တော့ ပင်လုံတစ်ခုက အတတ်နိုင်ဆုံး ပြည့်ပြည့်စုံစုံလေး ဖြစ်စေချင်တယ်။ အဲဒါမှ အားလုံးပါဝင်တဲ့ ပြည်ထောင်စုသဘောတူညီချက် အစိတ်အပိုင်းလေးတစ်ခု တက်လာနိုင်အောင်ပေ့ါဗျာ” ဟု အစိုးရငြိမ်းချမ်းရေးကော်မရှင်အဖွဲ့ဝင် ဦးအောင်စိုးက ပြောကြားသည်။

ရှမ်းလက်နက်ကိုင်အဖွဲ့ (RCSS/SSA) အနေဖြင့် လင်းခေးမြို့တွင် အမျိုးသားအဆင့် နိုင်ငံရေးဆွေးနွေးပွဲ ကျင်းပခွင့် ရရှိထားသော်လည်း တောင်ကြီးမြို့တွင် ပြုလုပ်မည့် အကြိုဆွေးနွေးပွဲကို ကျင်းပခွင့်မပေးသောကြောင့် လင်းခေးမြို့တွင် ၂၀၁၈ ခုနှစ် ဇန်န၀ါရီ ၁၂ ရက်မှ ၁၄ ရက်အထိ ပြုလုပ်မည့် ရှမ်းလူမျိုးလိုက် အမျိုးသားအဆင့်နိုင်ငံရေး ဆွေးနွေးပွဲကို ယာယီရွှေ့ဆိုင်းခဲ့သလို ဒုတိယအကြိမ် ပြုလုပ်မည့် ကရင်လူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲ အကြိုအဖြစ် လူထုတွေ့ဆုံပွဲများကို ဧရာဝတီတိုင်းဒေသကြီး ပုသိမ်မြို့နှင့် တနင်္သာရီတိုင်းဒေသကြီး ထားဝယ်မြို့တို့တွင် ကျင်းပရန်ခွင့်ပြုချက် တောင်းခံရာတွင်လည်း မရရှိခဲ့သည့်ဖြစ်စဉ်များ ရှိခဲ့သည်။

ယင်းကဲ့သို့ဖြစ်ပေါ်နေသည့် အခြေအနေများတွင် အမျိုးသားအဆင့်နိုင်ငံရေး ဆွေးနွေးပွဲများလည်း လုပ်နိုင်ရန်နှင့် အားလုံးပြေပြေလည်လည် ဖြစ်ရန်မှာလည်း ပင်လုံအစည်းအဝေးကို ရွှေ့ဆိုင်းလိုက်သည့်အချက်များတွင် ပါဝင်သည်ဟု အစိုးရငြိမ်းချမ်းရေး ကော်မရှင်အဖွဲ့ဝင် ဦးအောင်စိုးက ပြောကြားသည်။

NCA အကောင်အထည်ဖော်မှု လုပ်ငန်းစဉ်အရ ပြုလုပ်ဆောင်ရွက်ရမည့် အမျိုးသားအဆင့်နိုင်ငံရေးဆွေးနွေးပွဲများနှင့် လူထုတွေ့ဆုံပွဲများ ကန့်သတ်ပိတ်ပင်ခံရခြင်းများနှင့် ပတ်သက်သည့် ဖြေရှင်းရန်ကိစ္စရပ်များအတွက် နိုင်ငံတော်တာဝန်ရှိသူများနှင့် ဆွေးနွေးညှိနှိုင်း အဖြေရှာပြီးမှသာ ပြည်ထောင်စု ငြိမ်းချမ်းရေးညီလာခံကို ဆက်လုပ်သွားမည် ဖြစ်သည်ဟု NCA လက်မှတ်ထိုးထားသော တိုင်းရင်းသားလက်နက်ကိုင်တော်လှန်ရေးအဖွဲ့အစည်း ရှစ်ဖွဲ့၏ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) က ထုတ်ပြန်ထားသည်။

ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံသည် ၂၀၁၈ ခုနှစ်အတွင်း ထူးခြားသော အောင်မြင်မှုများ ရရှိလိမ့်မည်ဟု ယုံကြည်ကြောင်း NLD ပါတီ ကြေညာချက် ထုတ်ပြန်

ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံမှာ ၂၀၁၈ ခုနှစ်အတွင်း ထူးခြားသော အောင်မြင်မှုများ ရရှိလိမ့်မည်ဟု ယုံကြည်ကြောင်း အမျိုးသားဒီမိုကရေစီအဖွဲ့ချုပ် (NLD) ပါတီက ကြေညာချက် ထုတ်ပြန်ခဲ့သည်။

ဇန်န၀ါရီ ၄ ရက်တွင် ကျရောက်သည့် နှစ် (၇၀) မြောက် လွတ်လပ်ရေးနေ့ အထိမ်းအမှတ် ကြေညာချက် ထုတ်ပြန်ရာတွင် အထက်ပါအတိုင်း ထည့်သွင်းဖော်ပြခြင်း ဖြစ်သည်။

နိုင်ငံတော်၏ အမျိုးသားလွတ်လပ်ရေးနှင့်အတူ ယှဉ်တွဲလာခဲ့သော နှစ်ပေါင်း ၇၀ ရှည်ကြာခဲ့ပြီဖြစ်သည့် ပြည်တွင်းလက်နက်ကိုင်ပဋိပက္ခ အပြီးတိုင် ချုပ်ငြိမ်းစေပြီး ထာဝရ ငြိမ်းချမ်းရရှိစေရေးမှာ အမျိုးသားဒီမိုကရေစီအဖွဲ့ချုပ်၏ အဓိကဦးတည်ချက်ဖြစ်ကြောင်း၊ အမျိုးသား ပြန်လည်ရင်ကြားစေ့ရေးကို အခြေခံသော ငြိမ်းချမ်းရေးမှတစ်ဆင့် ဒီမိုကရေစီဖက်ဒရယ် ပြည်ထောင်စုထူထောင်ရေး၊ ဒီမိုကရေစီ စံချိန်စံညွှန်းများနှင့်အညီ နိုင်ငံတော်နှင့် သင့်လျော်သော ဖွဲ့စည်းပုံ အခြေခံဥပဒေတစ်ရပ် ပေါ်ပေါက်ရန် အကောင်အထည် ဖော်နိုင်မည်ဖြစ်ကြောင်း ကြေညာချက်တွင် ဖော်ပြထားသည်။

ဆက်လက်၍ စီးပွားရေး၏ အဓိက မောင်းနှင်အားဖြစ်သည့် ပုဂ္ဂလိကကဏ္ဍကို အားပေးမြှင့်တင်ခြင်းဖြင့် ပြည်သူများ၏ လူမှုစီးပွားရေးဘ၀ တိုးတက်ကောင်းမွန်လာရန် ၀ိုင်းဝန်းကြိုးပမ်း ဆောင်ရွက်နိုင်မည်ဖြစ်ကြောင်းနှင့် အခြားသော လုပ်ငန်းပေါင်းစုံ စိန်ခေါ်မှုများစွာကိုလည်း ဖြေရှင်းနိုင်မည်ဖြစ်ကြောင်း ထည့်သွင်းဖော်ပြထားသည်။

ထို့ပြင် ပြည်တွင်းလက်နက်ကိုင် ပဋိပက္ခ ချုပ်ငြိမ်းရေးနှင့် ထာဝရငြိမ်းချမ်းရေးကို အဓိကထားလျက် လတ်တလော ကြုံတွေ့နေရသည့် ရခိုင်ပြည်နယ် မြောက်ပိုင်းပြဿနာသည် အကြီးမားဆုံး စိန်ခေါ်မှုအဖြစ် သတ်မှတ်ရင်ဆိုင်လျက်ရှိကြောင်း ကြေညာချက်တွင် ဖော်ပြထားသည်။

အမျိုးသားဒီမိုကရေစီအဖွဲ့ချုပ်သည် အဖွဲ့ချုပ်၏ မူလချမှတ်ခဲ့သော မူဝါဒနှင့် သဘောထားများမှလည်းကောင်း၊ ရွေးကောက်ပွဲ ကြေညာစာတမ်းပါ ကတိပြုချက်များမှလည်းကောင်း မည်သို့မျှသွေဖည်မည် မဟုတ်ကြောင်းလည်း ကြေညာချက်တွင် ဖော်ပြထားသည်။

နိဂုံးချုပ်အနေဖြင့် တိုင်းရင်းသားမျိုးနွယ်စုများနှင့် သွေးစည်းညီညွတ်ရေး၊ ငြိမ်းချမ်းရေး၊ ဒီမိုကရေစီဖက်ဒရယ် ပြည်ထောင်စုထူထောင်ရေး ကြိုးပမ်းမှုများနှင့်အတူ၊ ချမ်းသာကြွယ်ဝ၍ ကမ္ဘာ့ဗိုလ်ဘုံအလယ် ထည်ဝါခန့်ညားသော ဒီမိုကရေစီနိုင်ငံတော်သစ်ဆီသို့ ပြည်သူနှင့်အတူ ချီတက်ကြရန် နှစ်(၇၀)ပြည့် လွတ်လပ်ရေးနေ့တွင် တိုက်တွန်းနှိုးဆော်ကြောင်း ဖော်ပြပါရှိသည်။

ပြည်ထောင်စုငြိမ်းချမ်းရေးညီလာခံ- ၂၁ ရာစုပင်လုံ တတိယအကြိမ် အစည်းအဝေးကို ဇန်န၀ါရီလ နောက်ဆုံးပတ်တွင် ကျင်းပသွားရန်ရှိကြောင်း သိရသည်။

ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ကြိုတင်ပြင်ဆင်မှုအဖြစ် ရှမ်းအဖွဲ့အစည်းများမှ ကိုယ်စားလှယ်များပါဝင်သော အဖွဲ့ငါးဖွဲ့ဖြင့် ရှမ်းလူမျိုးများ နေထိုင်သည့်နေရာများသို့ သွားရောက်သဘောထားရယူမည်

ရှမ်းလူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲ ကြိုတင်ပြင်ဆင်မှုအဖြစ် ရှမ်းအဖွဲ့အစည်းများမှ ကိုယ်စားလှယ်များပါဝင်သော အဖွဲ့ငါးဖွဲ့ဖြင့် ရှမ်းလူမျိုးများနေထိုင်သည့်နေရာများသို့ ဒီဇင်ဘာ ၁၇ ရက်မှ စတင်သွားရောက်ကာ သဘောထားရယူမည်ဖြစ်ကြောင်း ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) ပါတီတွဲဖက်အတွင်းရေးမှူး (၂) စိုင်းကျော်ညွန့်က ပြောကြားသည်။

ထိုသို့သွားရောက်မည့် အဖွဲ့ငါးဖွဲ့အနက်တစ်ဖွဲ့သည် ရှမ်းပြည်နယ်ပြင်ပရှိ ရှမ်းလူမျိုးများနေထိုင်ရာဒေသများသို့ သွားရောက်မည်ဖြစ်ပြီး လေးဖွဲ့မှာ ရှမ်းပြည်နယ်အတွင်း နေရာများခွဲကာ သွားရောက်မည်ဖြစ်ကြောင်း ၎င်းကပြောကြားသည်။

အဆိုပါအဖွဲ့ငါးဖွဲ့တွင် ရှမ်းနိုင်ငံရေးပါတီများ၊ ရှမ်းလက်နက်ကိုင်အဖွဲ့ဝင်များ၊ ရှမ်းအရပ်ဘက်အဖွဲ့အစည်းများမှ ကိုယ်စားလှယ်များ ပါဝင်မည်ဖြစ်ကြောင်း သိရသည်။

ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲကျင်းပနိုင်ရေးအတွက် ရှမ်းပြည်ညီညွတ်ရေးကော်မတီ (CSSU) ၏ ကြိုတင်ပြင်ဆင်သည့် အလုပ်ရုံဆွေးနွေးပွဲကို ဒီဇင်ဘာ ၁၂ ရက်မှ ၁၄ ရက်အထိ ကျင်းပခဲ့သည်။

ထို့ပြင် နိုင်ငံရေးဆွေးနွေးပွဲတွင် ဆွေးနွေးရန်သတ်မှတ်ထားသည် ကဏ္ဍငါးခုအား ရှမ်းအဖွဲ့အစည်းအသီးသီးမှ တာဝန်ယူထားသူများက သက်ဆိုင်ရာကဏ္ဍအလိုက် အဖွဲ့များခွဲ၍ ဆွေးနွေးခြင်းနှင့် ပြည်သူလူထုထံ သွားရောက်မည့် အဖွဲ့ငါးဖွဲ့ဖွဲ့စည်းခြင်းတို့အား ဒီဇင်ဘာ ၁၅ ရက်တွင် ထပ်မံဆွေးနွေးခဲ့ကြောင်း သိရသည်။

“အဖွဲ့ငါးဖွဲ့နဲ့ ကျွန်တော်တို့ပြည်သူတွေနဲ့ သွားတွေ့ဆုံတဲ့ပွဲလုပ်ပါ့မယ်။ ကျွန်တော်တို့ရေးဆွဲထားတဲ့မူဝါဒတွေ၊ ပေါ်လစီတွေကို ပြည်သူတွေကိုချပြမယ်။ သွားတင်ပြမယ်ပေါ့ဗျာ။ ပြည်သူတွေ ပြန်ပြီးအကြံပြုတာတွေ၊ အကြံပြုချက်တွေ။ ပြည်သူတွေသဘောထားတွေပေါ့လေ။ အဲဒီသဘောထားတွေပေါင်းပြီးတော့၊ သတ်မှတ်ထားတဲ့မြို့တွေကို သွားလို့ပြီးပြီဆိုရင်တော့ဖြင့် ကျွန်တော်တို့ တောင်ကြီးမှာ နောက်တစ်ခါပြန်တွေ့မှာဖြစ်ပါတယ်။ အဲဒီမှာ ပြည်သူနဲ့တွေ့ဆုံတုန်းမှာရရှိခဲ့တဲ့ အချက်အလက်တွေပြန်ပြီးတော့ ကျွန်တော်တို့စုပေါင်းပြီးတော့ ရေးဆွဲထားတဲ့မူဝါဒတွေပေါ်မှာ ပြည်သူတွေရဲ့သဘောထားတွေ၊ ပြည်သူတွေရဲ့တုံ့ပြန်မှုတွေအကုန်လုံးကို ပြန်ပြီးတော့စဉ်းစားတော့ ကျွန်တော်တို့က ဒုတိယမူကြမ်းလိုမျိုး ပြန်လုပ်မယ့်သဘောရှိပါတယ်။ မူဝါဒတွေကို ပြန်ပြုပြင်သင့်တာတွေ ဖြည့်စွက်မွမ်းမံတာတွေ အကုန်လုံးပေါ့ဗျာ။ အဲဒါတွေ ပြန်လုပ်မှာဖြစ်ပါတယ်။ လုပ်ပြီးပြီဆိုကာမှပဲ အကြိုပွဲလိုမျိုးတစ်ပွဲဖြစ်ဖြစ်လုပ်မယ်။ ပြီးမှပဲ အမျိုးသားအဆင့်လုပ်မယ်ဆိုတဲ့ပုံစံကတော့ လောလောဆယ် အကြမ်းဖျင်းစီစဉ်ထားပါတယ်” ဟု စိုင်းကျော်ညွန့်က ပြောကြားသည်။

တပ်မတော်နှင့် NCA ရေးထိုးထားသည့် ရှမ်းပြည်ပြန်လည်ထူထောင်ရေးကောင်စီ (RCSS/SSA) အကြား လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ (ရှမ်း) ကျင်းပမည့်နေရာ အငြင်းပွားနေမှုအပေါ် နိုဝင်ဘာ ၂၇ ရက်ကပြုလုပ်သည့် တစ်နိုင်ငံလုံးပစ်ခတ်မှုရပ်စဲရေး သဘောတူစာချုပ် အကောင်အထည်ဖော်မှုဆိုင်ရာ ညှိနှိုင်းအစည်းအဝေး (JICM) တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ကြားဝင်စေ့စပ်ညှိနှိုင်းပေးမှုအရ ရှမ်းပြည်နယ် လင်းခေးမြို့၌ ပြုလုပ်ရန်ဆုံးဖြတ်ခဲ့သဖြင့် ယခုကဲ့သို့ ကြိုတင်ပြင်ဆင်မှုများ ပြုလုပ်လာခြင်းလည်းဖြစ်သည်။

လူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲ (ရှမ်း) ကျင်းပခွင့်အား ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ ဒုတိယအစည်းအဝေးမတိုင်မီကပင် ခွင့်ပြုထားသော်လည်း ဆွေးနွေးပွဲကျင်းပမည့်နေရာအား တပ်မတော်ဘက်မှ မိုင်းပန်မြို့၊ မုံးထော်၊ မုံးထမြို့၊ နမ့်ပန်ခွန်မြို့တို့တွင်သာကျင်းပရန် ထောက်ခံခဲ့ပြီး RCSS/SSA က တောင်ကြီးမြို့ (သို့မဟုတ်) ပင်လုံမြို့၌ ကျင်းပရန်တောင်းဆိုခဲ့သဖြင့် အငြင်းပွားခဲ့ခြင်းဖြစ်သည်။

လူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲအား NCA ရေးထိုးထားသည့် တိုင်းရင်းသားလက်နက်ကိုင်အဖွဲ့ဦးဆောင်၍ တရားဝင်နိုင်ငံရေးပါတီ ပူးပေါင်းကာကျင်းပခွင့်ရှိပြီး လူမျိုးအလိုက်အမျိုးသားအဆင့် နိုင်ငံရေးဆွေးနွေးပွဲ (ရှမ်း) ကျင်းပရန် RCSS/SSA၊ ရှမ်းနိုင်ငံရေးပါတီများ၊ အရပ်ဘက်အဖွဲ့အစည်းများက အကြိုဆွေးနွေးပွဲများကျင်းပထားပြီး မူဝါဒမူကြမ်းများရရှိထားကာ နိုင်ငံရေးသိက္ခာအရ တောင်ကြီး (သို့မဟုတ်) ပင်လုံတွင်သာ ကျင်းပခွင့်ပေးရန် RCSS/SSA က အစဉ်တစိုက်တောင်းဆိုခဲ့ပြီးနောက် လင်းခေးမြို့တွင်ကျင်းပရန် သဘောတူခဲ့ခြင်းဖြစ်သည်။

ပြည်ထောင်စုငြိမ်းချမ်းရေးညီလာခံ- ၂၁ ရာစုပင်လုံ ဒုတိယအစည်းအဝေးမတိုင်မီက အမျိုးသားအဆင့်နိုင်ငံရေးဆွေးနွေးပွဲများ ကျင်းပရာတွင် လူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲအား (ချင်း)၊ (ပအိုဝ်း)၊ (ကရင်) သုံးပွဲ၊ ဒေသအလိုက် အမျိုးသားအဆင့်နိုင်ငံရေးဆွေးနွေးပွဲအား (ပဲခူး)၊ (တနင်္သာရီ)၊ (ရှမ်း) သုံးပွဲကျင်းပခဲ့ပြီး အဆိုပါခြောက်ပွဲမှရရှိထားသည့် သဘောထားစာတမ်းများကို စုစည်းကာ ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ ဒုတိယအစည်းအဝေးတွင် တင်သွင်းဆုံးဖြတ်မှုများ ပြုလုပ်ခဲ့သည်။ အကြောင်းအရာအလိုက် အမျိုးသားအဆင့်နိုင်ငံရေးဆွေးနွေးပွဲ (သို့မဟုတ်) အရပ်ဘက်အဖွဲ့အစည်းများဖိုရမ်ကို နေပြည်တော်တွင် ၂၁ ရာစုပင်လုံ ဒုတိယအစည်းအဝေးမတိုင်မီက ကျင်းပခဲ့သော်လည်း ညီလာခံသို့ စာတမ်းတင်သွင်းခဲ့ခြင်းမရှိပေ။

ပြည်ထောင်စု ငြိမ်းချမ်းရေးညီလာခံ-၂၁ ရာစုပင်လုံ တတိယအစည်းအဝေး နေပြည်တော်၌ ၂၀၁၈ ခုနှစ် ဇန်န၀ါရီ နောက်ဆုံးပတ်တွင် ကျင်းပမည်

ပြည်ထောင်စု ငြိမ်းချမ်းရေးညီလာခံ-၂၁ ရာစုပင်လုံ တတိယအကြိမ် အစည်းအဝေးအား ၂၀၁၈ ခုနှစ် ဇန်န၀ါရီလ နောက်ဆုံးပတ်တွင် ကျင်းပရန် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် အကောင်အထည်ဖော်မှုဆိုင်ရာ ညှိနှိုင်းအစည်းအဝေး (JICM) အစည်းအဝေးတွင် ဆုံးဖြတ်ခဲ့ကြောင်း သိရသည်။

နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် နိုဝင်ဘာ ၂၇ ရက်က ပြုလုပ်သည့် ခြောက်ကြိမ်မြောက် JICM အစည်းအဝေးတွင် သဘောတူညီခဲ့ကြောင်း အစည်းအဝေးအပြီး ပြုလုပ်သည့် သတင်းစာရှင်းလင်းပွဲတွင် နှစ်ဖက်တာဝန်ရှိသူများက ပြောကြားသည်။

နိုင်ငံတော် အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက “နောက်လာမယ့် ပြည်ထောင်စုငြိမ်းချမ်းရေးညီလာခံ -၂၁ ရာစုပင်လုံ တတိယအစည်းအဝေး ကျင်းပမယ့်ရက်ကိုလည်း အတည်ပြုနိုင်ခဲ့တယ်။ ကျင်းပမယ့် ရက်ကတော့ လာမယ့် ဇန်န၀ါရီလ နောက်ဆုံးပတ်အတွင်းမှာ ကျင်းပ ပြုလုပ်သွားဖို့ဆိုပြီးတော့ JICM အစည်းအဝေးက သဘောတူညီခဲ့ပါတယ်”ဟု ပြောကြားသည်။

JICM အစည်းအဝေးတွင် အစိုးရဘက်မှ နုိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဒုတိယ တပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်းတို့ ဦးဆောင် တက်ရောက်ပြီး NCA ရေးထိုးထားသည့် တိုင်းရင်းသား လက်နက်ကိုင်အဖွဲ့များဘက်မှ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) ခေါင်းဆောင် ကရင်အမျိုးသားအစည်းအရုံး (KNU) ဥက္ကဋ္ဌ ဗိုလ်ချုပ်ကြီး မူတူးစေးဖိုး ဦးဆောင်ကာ အခြားတိုင်းရင်းသား လက်နက်ကိုင်အဖွဲ့ ခေါင်းဆောင်များ တက်ရောက်ကြသည်။

ပြည်ထောင်စု ငြိမ်းချမ်းရေးညီလာခံအား အနိမ့်ဆုံးအနေဖြင့် တစ်နှစ်နှစ်ကြိမ် ပုံစံမျိုးဖြင့် သတ်မှတ်ထားသော်လည်း တိုင်းပြည်၏ ငြိမ်းချမ်းရေး အကောင်းဆုံးဖြစ်နိုင်မည့် အနေအထားကို စဉ်းစားကာ နှစ်ဖက်ညှိနှိုင်း ဆောင်ရွက်ကာ အဆိုပါရက်ကို ရွေးချယ်ခဲ့ခြင်း ဖြစ်ကြောင်း ချင်းအမျိုးသားတပ်ဦး (CNF) ဒုတိယဥက္ကဋ္ဌ (၁) ဒေါက်တာ ဆလိုင်းလျန်မှုန်းဆာခေါင်းက ပြောကြားသည်။

“အနိမ့်ဆုံးမှာ တစ်နှစ်နှစ်ကြိမ်ဆိုပြီးတော့ ပုံစံမျိုးနဲ့ လုပ်တာဖြစ်ပါတယ်။ ဒါပေမဲ့ အားလုံးသိတဲ့အတိုင်း တိုင်းပြည်ရဲ့အခက်အခဲ။ ရခိုင်ပြည်ရဲ့ အခက်အခဲ။ ပထမအကြိမ် ကျင်းပပြီးတဲ့ နောက်ပိုင်း အားလုံးကို ခြုံငုံပြီးတော့ အခြေအနေအချိန်အခါ အားလုံး သုံးသပ်ပြီးတော့မှ ကျွန်တော်တို့ အားလုံးအတွက် အကောင်းဆုံးဖြစ်အောင် လုပ်ဆောင်နေတာ ဖြစ်ပါတယ်။ ရွှေ့ဆိုင်းတဲ့သဘော မဟုတ်ဘူး။ Negative ပုံစံမျိုးနဲ့ ကျွန်တော်တို့ ရွှေ့ဆိုင်းတာလည်း မဟုတ်ဘူး။ အားလုံးက ဒီတိုင်းပြည်ရဲ့ ငြိမ်းချမ်းရေး အကောင်းဆုံးဖြစ်နိုင်မယ့် အနေအထားကို စဉ်းစားပြီးတော့ နှစ်ဖက်ညှိနှိုင်းပြီးတော့ အဲဒီနေ့ကို ရွေးတာဖြစ်ပါတယ်” ဟု ဒေါက်တာဆလိုင်းလျန်မှုန်းဆာခေါင်းက ပြောကြားသည်။

ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ ဒုတိယ အစည်းအဝေးကို ၂၀၁၇ ခုနှစ် မေလက ကျင်းပခဲ့ပြီး တစ်နှစ် နှစ်ကြိမ် သတ်မှတ်ချက်အရ ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ တတိယအစည်းအဝေးကို လာမည့် ဒီဇင်ဘာလအတွင်း ကျင်းပရန် အစိုးရဘက်က ဆန္ဒရှိသော်လည်း တိုင်းရင်းသား လက်နက်ကိုင်အဖွဲ့များဘက်က ၂၀၁၈ ခုနှစ် ဖေဖော်ဝါရီလတွင် ကျင်းပရန် ဆန္ဒရှိခဲ့ပြီး ယခုကဲ့သို့ ၂၀၁၈ ခုနှစ် ဇန်န၀ါရီ နောက်ဆုံးပတ်တွင် ကျင်းပရန် ဆုံးဖြတ်ခဲ့ခြင်းလည်း ဖြစ်သည်။

NCA ရေးထိုးထားသည့် နှစ်နှစ်ပြည့် နှစ်ပတ်လည် အခမ်းအနားတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က ၂၀၁၇ ခုနှစ်အတွင်း ကျင်းပရန် ကျန်ရှိနေသေးသည့် ပြည်ထောင်စုငြိမ်းချမ်းရေးညီလာခံ တတိယအကြိမ် အစည်းအဝေးတွင် ပြီးခဲ့သည့် ညီလာခံမှ သဘောတူညီချက် မရသေးသည့် ဖက်ဒရယ်ဆိုင်ရာ အခြေခံမူများကို ဆက်လက်ညှိနှိုင်း ဆွေးနွေးရဦးမည်ဖြစ်ပြီး ၂၀၁၈ တွင် ကျင်းပမည့် ညီလာခံနှစ်ကြိမ် အပါအ၀င် နောက်ထပ်ပြုလုပ်မည့် ညီလာခံ သုံးကြိမ်မြောက်တွင် ဖက်ဒရယ်မူများ အပြီးအပြတ် ချမှတ်နိုင်သည်အထိ ရည်မှန်းချက်ထား ကြိုးပမ်းဆောင်ရွက်သွားရန် တိုက်တွန်းပြောကြားထားသဖြင့် ယခုကဲ့သို့ ၂၁ ရာစု ပင်လုံ တတိယ အစည်းအဝေးအား ၂၀၁၈ နှစ်ဆန်းပိုင်းသို့ ရွှေ့ဆိုင်းလိုက်သောကြောင့် ၂၀၁၈ ခုနှစ်တွင် ၂၁ ပင်လုံ အစည်းအဝေး နှစ်ကြိမ်ထက်မက ကျင်းပမည့်သဘော ရှိသည်။

ထို့အတူ JICM အစည်းအဝေးတွင် ပြည်ထောင်စု သဘောတူစာချုပ် အကောင်အထည်ဖော်သည့်အခါ NCA အတိုင်း ဆောင်ရွက်သွားမည် ဆိုသည့်အချက်အား ဆုံးဖြတ်ချက် ကျခဲ့ကြောင်း ဦးဇော်ဌေးက ဆိုသည်။

“ပြည်ထောင်စု သဘောတူစာချုပ်အကောင်အထည် ဖော်တဲ့အခါမှာ NCA အတိုင်း ဆောင်ရွက်သွားမယ် ဆိုတဲ့ဟာက ဆုံးဖြတ်ချက်ကျပါတယ်။ သဘောတူညီခဲ့ပါတယ်။ နောက် အဓိက,ကတော့ NCA လက်မှတ် ရေးထိုးထားတဲ့ အစိုးရနဲ့ EAO ကြားမှာ နှစ်နှစ်တာ ကာလကျော်လွန်ပြီးတဲ့အချိန်မှာ ပြန်လည်သုံးသပ်တယ်။ ပြန်သုံးသပ်ပြီးတော့ နှစ်ဖက်သဘောတူညီတဲ့ ဆက်လက် ဆောင်ရွက်ရမယ့် ကိစ္စတွေလည်း အလုပ်အဖွဲ့အစီရင်ခံစာ ကျွန်တော်တို့ လုပ်ခဲ့ပါတယ်။ အားလုံးခြုံပြီး ပြောလိုက်ရင်တော့ ကျွန်တော်တို့ JICM အစည်းအဝေးက အနှစ်သာရပြည့်ပြည့်၀၀နဲ့ စေ့စပ်ညှိနှိုင်းမှု၊ ပူးပေါင်းဆောင်ရွက်မှု၊ စည်းလုံးညီညွတ်မှုပေါ့။ ဒီအပေါ်မှာ ပေါ်လွင်တဲ့ အစည်းအဝေးဖြစ်ကြောင်း ပြောကြားလိုပါတယ်” ဟု ၎င်းက ပြောကြားသည်။

ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ (ဒုတိယအကြိမ်) အစည်းအဝေးကို ၂၀၁၇ ခုနှစ် မေ ၂၄ ရက်မှ ၂၉ ရက်အထိ ကျင်းပခဲ့ရာ ပြည်ထောင်စုသဘောတူစာချုပ် အစိတ်အပိုင်း (၁) အဖြစ် စုစုပေါင်း ၃၇ ချက် သဘောတူညီမှု ရခဲ့သည်။