၂၁ ရာစုပင်လုံ တတိယအစည်းအဝေးကို ဇူလိုင် ၁၁ ရက်တွင် စတင်ကျင်းပရန်လျာထားပြီး ညီလာခံသို့ AA ၊ MNDAA ၊ TNLA သုံးဖွဲ့အား ဖိတ်ကြားရန် တပ်မတော်နှင့် အစိုးရ ဆက်လက်ညှိနှိုင်းရမည်ဖြစ်ကြောင်း နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ပြောကြား

ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ ဒုတိယအကြိမ်အစည်းအဝေး ကျင်းပနေသည့် မြင်ကွင်း

ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ တတိယအစည်းအဝေးကို ဇူလိုင် ၁၁ ရက်တွင် စတင်ကျင်းပရန်လျာထားပြီး ညီလာခံသို့  AA ၊ MNDAA ၊ TNLA သုံးဖွဲ့အား ဖိတ်ကြားရန် တပ်မတော်နှင့်အစိုးရ ဆက်လက်ညှိနှိုင်းရမည်ဖြစ်ကြောင်း နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောကြားသည်။

ဦးဇော်ဌေးက “ညီလာခံကျင်းပမယ့်ရက်ကိုလည်း ကျွန်တော်တို့ ဇူလိုင် ၁၁ ရက်က စကျင်းပဖို့ပေါ့။ အရင် UNFC ဆွေးနွေးနေတဲ့ DPN ထဲကဆိုရင် KNPP ဖိတ်ကြားဖို့ UPDJC ကို တင်ပြမယ်။ ကျန်တဲ့ ANC တော့ ကျွန်တော်တို့ မဖိတ်တော့ဘူး။ “၀” ၊ မိုင်းလား၊ SSPP ၊ KIA ဖိတ်ပါမယ်။ ဟိုသုံးဖွဲ့မှာတော့ ကျွန်တော်တို့ ထပ်ပြီးညှိဖို့ရှိသေးတယ်။ သုံးဖွဲ့နဲ့ပတ်သက်လို့ အတိအကျ ဘယ်လိုလာမလဲဆိုတာ အတိအကျတော့ မပြောနိုင်သေးဘူး။ အစိုးရနဲ့ တပ်မတော်နဲ့ ညှိမှာ။ အစိုးရနဲ့ တပ်မတော်ညှိပြီးတော့ သုံးဖွဲ့လုံးဖိတ်မလား။ ဒါလေးတွေ အတည်ပြုဖို့ရှိပါတယ်။ သို့သော် မူအားဖြင့်တော့ ဒီညီလာခံက အားလုံးပါဝင် ဖို့မှန်းတဲ့အတွက် အားလုံးပါဝင်ရေးမူနဲ့ပဲ ချဉ်းကပ်တယ်။ သို့သော် နောက်ဆုံးအပြီးသတ်ထပ်ပြီးလုပ်ဖို့ လိုသေးတယ်” ဟု ပြောကြားသည်။

ဇွန် ၂၅ ရက်က နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေး ဗဟိုဌာန (NRPC) တွင် ပြုလုပ်သည့် UPDJC အတွင်းရေးမှူး အဖွဲ့အစည်းအဝေးအပြီးတွင် သတင်းမီဒီယာများ၏ မေးမြန်းမှုကို နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက အထက်ပါကဲ့သို့ ပြန်လည်ဖြေကြားခဲ့ခြင်း ဖြစ်သည်။

ယခုပြုလုပ်မည့် ပြည်ထောင်စုငြိမ်းချမ်းရေး ညီလာခံအား လေးရက်ကျင်းပရန် လျာထားပြီး အဆိုပါညီလာခံတွင် ညီလာခံအခင်း အကျင်းတချို့ ပြောင်းလဲမည်ဖြစ်ကြောင်း ဦးဇော်ဌေးက ဆိုသည်။

“ညီလာခံကတော့ ပုံမှန်အားဖြင့်ကတော့ ငါးရက်ပေါ့။ ၁၁ ရက်နေ့က စလုပ်မယ်။သို့သော် လေးရက်လောက်ဆိုရင် အဆင်ပြေမလားပေါ့။ ဒါလည်း လုပ်ငန်းကော်မတီ အစည်းအဝေးတွေအပေါ်၊ သဘောထားတွေ ဘယ်လောက်ရမလဲပေါ်မူတည်ပြီးတော့ ညီလာခံရက်က ဘယ်လောက်ဆိုတာဖြစ်မယ်။ ပြောင်းမယ်ဆိုတာက အရင်ညီလာခံ ဒုတိယအစည်းအဝေးတုန်းက ကဏ္ဍအလိုက် အစည်းအဝေးတွေကို အလေးထားပြီးဆောင်ရွက်တယ်။ အခုဟာကတော့ ကဏ္ဍအလိုက်တွေ လုပ်မယ်။ သို့သော်အစုအဖွဲ့အလိုက် အစည်းအဝေးတွေကို အဓိကဦးစားပေးမယ်။ အချိန်ပိုပေးမယ်” ဟု ဦးဇော်ဌေးက ပြောကြားသည်။

၎င်းက “ဒီညီလာခံမှာကျတော့ နိုင်ငံရေး ကိစ္စမှာတော့ အထူးသဖြင့် အရေးကြီးတဲ့ နိုင်ငံရေး Package ကိစ္စမပါသော်လည်း လူနည်းစုအခွင့်အရေး၊ ကျား / မတန်းတူရေး ဒီကိစ္စတွေကို နိုင်ငံရေးပိုင်းမှာ အလေးထားပြီးဆွေးနွေးမယ်။ လုံခြုံရေးနဲ့ပတ်သက်လို့ အထူးသဖြင့် ဒီလုပ်ငန်းကော်မတီတချို့ ကိစ္စရပ်တွေ ဆွေးနွေးသွားမယ်။ ဆွေးနွေးတဲ့ဟာကလည်း EAO နဲ့ တပ်မတော် အလွတ်သဘောဆွေးနွေးပွဲမှာ သဘောတူတဲ့အချက်တွေအပေါ် အခြေခံပြီး ဆွေးနွေးမယ်” ဟု ဆက်လက်ပြောကြားသည်။

၂၁ ကြိမ်မြောက် UPDJC အတွင်းရေးမှူး အဖွဲ့အစည်းအဝေးတွင် ဆုံးဖြတ်ချက်ပေါင်း ၁၅ ခု ချမှတ်နိုင်ခဲ့ပြီး လုံခြုံရေးကဏ္ဍနှင့်ပတ်သက်၍ တိုင်းရင်းသားလက်နက်ကိုင် အဖွဲ့အစည်းများနှင့် အလွတ်သဘောညှိထားသည့် သဘောတူညီချက်များအပေါ် အခြေခံပြီး လုပ်ငန်းကော်မတီအစည်းအဝေးများတွင် ဆွေးနွေးမှုစတင်ရန် သဘောတူခဲ့ကြောင်း ဦးဇော်ဌေးက ဆိုသည်။

၂၁ ပင်လုံညီလာခံ တတိယအစည်းအဝေးသို့ မြောက်ပိုင်းမဟာမိတ်အဖွဲ့များအား ဖိတ်ကြားမည်ဖြစ်သော်လည်း အဖွဲ့ဝင်အားလုံးကို ဖိတ်ကြားရန် မသေချာသေးကြောင်း နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ပြောကြား

၂၁ ရာပင်လုံ တတိယအစည်းအဝေး ကျင်းပနိုင်ရေး အစိုးရ၊ တပ်မတော်၊ လွှတ်တော်အစုအဖွဲ့ ကြိုတင်ဆွေးနွေးပွဲ ပြုလုပ်နေမှုအား တွေ့ရစဉ် (ဓာတ်ပုံ-နေရိုင်း)

၂၁ ပင်လုံညီလာခံ တတိယအစည်းအဝေးသို့ မြောက်ပိုင်းမဟာမိတ်အဖွဲ့များအား ဖိတ်ကြားမည်ဖြစ်သော်လည်း အဖွဲ့ဝင်အားလုံးကို ဖိတ်ကြားရန် မသေချာသေးကြောင်း နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောကြားသည်။

နေပြည်တော်ရှိ အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာနတွင် ဇွန် ၁၉ ရက်မှ စတင်ကာ သုံးရက်ကြာ ပြုလုပ်သည့် အစိုးရ၊ လွှတ်တော်၊ တပ်မတော်အစုအဖွဲ့များမှ ပြည်ထောင်စုငြိမ်းချမ်းရေး ညီလာခံ အောင်မြင်စွာ ကျင်းပပြီး ရလဒ်များ အကောင်အထည်ဖော်ရန်အတွက် ကြိုတင်ပြင်ဆင်သည့် ဆွေးနွေးပွဲ တတိယနေ့ဖြစ်သည့် ဇွန် ၂၁ ရက်တွင် ညွှန်ကြားရေးမှူးချုပ် ဦးဇော်ဌေးက သတင်းထောက်များအား အထက်ပါကဲ့သို့ ပြောကြားခဲ့ခြင်း ဖြစ်သည်။

“NCA ရေးမထိုးထားတဲ့အဖွဲ့တွေဆိုရင် အရင်ဆွေးနွေးဖက် KNPP တို့တော့ ဖိတ်မှာ ဖြစ်ပါတယ်။ ဒါပေမဲ့ မြောက်ပိုင်းအဖွဲ့တွေနဲ့ ပတ်သက်လို့ အစိုးရဘက်က ပြန်ဆွေးနွေးရဦးမယ်။ မူလအတိုင်းတော့ ဖိတ်ကြားဖို့မှန်းတယ်။ သို့သော် နှစ်ဦးနှစ်ဖက် သဘောထားတွေကို ပြန်ညှိနှိုင်းပြီး ဖိတ်မှာဖြစ်ပါတယ်။ မြောက်ပိုင်းအဖွဲ့တွေဖိတ်မယ်။ သို့သော် အကုန်လုံးပါမပါ ပြန်ညှိရဦးမယ်။ ဒါနဲ့ပတ်သက်လို့ မူမကျသေးဘူး။ မြောက်ပိုင်းအဖွဲ့တွေကို ပုံမှန်အားဖြင့်တော့ ဖိတ်တယ်။ သို့သော် အကုန်လုံး ဖိတ်မလားတော့ မသိသေးဘူး” ဟု ဦးဇော်ဌေးက ပြောကြားသည်။

တတိယအကြိမ် ပင်လုံညီလာခံအား ဇူလိုင်လ ဒုတိယပတ်အတွင်း ကျင်းပရန် နိုင်ငံတော်၏အတိုင်ပင်ခံပုဂ္ဂိုလ်နှင့် အစိုးရဘက်သို့ အကြမ်းဖျင်းတင်ပြထားပြီး တပ်မတော်ဘက်မှ တပ်တော်အကြီးအကဲများ တက်ရောက်နိုင်မှု အနေအထားကို မေးမြန်းထားကြောင်း ဦးဇော်ဌေးက ပြောကြားသည်။

၂၁ ရာစုပင်လုံ တတိယအစည်းအဝေးအား ဇူလိုင်လလယ်တွင် ပြုလုပ်ရန် အပါအ၀င် ဆက်စပ်အစည်းအဝေးများ ပြုလုပ်မည့် အဆိုပြုရက်များကို NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့များက ပြည်ထောင်စုအစိုးရအဖွဲ့ထံ ဇွန် ၁၂ ရက်တွင် တရားဝင်စာဖြင့် ပေးပို့ထားသည့်အပြင် အစိုးရနှင့် NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့များ၏ လုံခြုံရေးကဏ္ဍ အလွတ်သဘော အစည်းအဝေးနှင့် ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ (UPDJC) အတွင်းရေးမှူးအဖွဲ့ အလွတ်သဘော အစည်းအဝေးကို ဇွန် ၁၆ ရက်က ရန်ကုန်မြို့တွင် ပြုလုပ်ထားသည်။

“အဲဒါတွေ နှစ်ဦးနှစ်ဖက် ညှိနှိုင်းပြီးတော့ ပြေလည်တဲ့ရက်ပေါ့။ အဲဒီကာလဖြစ်မယ်လို့တော့မှန်းတယ်။ ဇူလိုင်ဒုတိယအပတ်မှာတော့ ၂၁ ရာစု ပင်လုံတတိယ အစည်းအဝေး ကျင်းပနိုင်မယ်လို့ မှန်းထားတယ်။ ရက်အတိအကျကတော့ လူကြီးတွေရဲ့ တက်ရောက်နိုင်မှုအပေါ် ပြန်ညှိမှာပါ” ဟု ညွှန်ကြားရေးမှူးချုပ် ဦးဇော်ဌေးက ပြောကြားသည်။

အစိုးရ၊ လွှတ်တော်၊ တပ်မတော်အစု အဖွဲ့များမှ ပြည်ထောင်စုငြိမ်းချမ်းရေးညီလာခံ အောင်မြင်စွာ ကျင်းပပြီး ရလဒ်များ အကောင်အထည်ဖော်ရန်အတွက် ကြိုတင်ပြင်ဆင်သည့် အလုပ်ရုံဆွေးနွေးပွဲကို ဇွန် ၁၉ ရက်မှ ၂၁ ရက်အထိ သုံးရက်ကြာ ပြုလုပ်ခဲ့ပြီး အစည်းအဝေးတွင် ကဏ္ဍငါးခုအနက် လေးခုကို အဓိကထား ဆွေးနွေးခဲ့ကြောင်း သိရသည်။

ဦးဇော်ဌေးက “လုံခြုံရေးကဏ္ဍက တိုင်းရင်းသားလက်နက်ကိုင် အဖွဲ့အစည်းတွေနဲ့ ဆွေးနွေးတဲ့မူပေါ့။ မပြတ်သေးဘူး။ အကြမ်းဖျင်းကတော့ ကိုယ့်ဘက်မှာ ဘယ်လိုဟာမျိုးတွေ ဆွေးနွေးနိုင်မလဲ စုစည်းချက် သဘောမျိုးနဲ့ ဆွေးနွေးတယ်ပေါ့” ဟု ပြောကြားသည်။

ယခုပြုလုပ်မည့် ညီလာခံတွင် ဒုတိယအကြိမ် ညီလာခံက သဘောတူညီမှုမရှိခဲ့သည့် ကိုယ်ပိုင်ပြဋ္ဌာန်းခွင့်နှင့် ခွဲမထွက်ရေးကိစ္စအား ဆွေးနွေးမည်မဟုတ်ဘဲ ညီလာခံပြီးမှသာ အစိုးရနှင့် တိုင်းရင်းသားလက်နက်ကိုင် အဖွဲ့အစည်းများ အကျေအလည် ဆွေးနွေးရန် အလွတ်သဘော အစည်းအဝေးများတွင် သဘောတူထားကြောင်း ဦးဇော်ဌေးက ပြောကြားသည်။

လာမည့် ဇွန် ၂၅ ရက်တွင် UPDJC အတွင်းရေးမှူးအဖွဲ့ အစည်းအဝေးအား နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် ပြုလုပ်သွားမည်ဖြစ်ပြီး ဇွန် ၂၆ ရက်မှ ဇွန် ၂၈ ရက်အထိ လုပ်ငန်းကော်မတီ အစည်းအဝေးအား MICC-2 တွင် ပြုလုပ်သွားမည်ဖြစ်ကြောင်း သိရသည်။