၂၀၁၆-၂၀၁၇ စည်းကြပ်နှစ်အတွက် ၀င်ငွေခွန်နှင့် ကုန်သွယ်လုပ်ငန်းခွန် အများဆုံးပေးဆောင်ခဲ့သူများအား ဂုဏ်ထူးဆောင်ဆုနှင့် ဂုဏ်ပြုမှတ်တမ်းလွှာများ ပေးအပ်

နိုင်ငံတော်သမ္မတ၊ အစိုးရတာဝန်ရှိသူများနှင့် ၂၀၁၆-၂၀၁၇ စည်းကြပ်နှစ်အတွက် ၀င်ငွေခွန်အများဆုံး ထမ်းဆောင်သူများအား တွေ့ရစဉ်

၂၀၁၆-၂၀၁၇ စည်းကြပ်နှစ်အတွက် ၀င်ငွေခွန်နှင့် ကုန်သွယ်လုပ်ငန်းခွန် အများဆုံးပေးဆောင်ခဲ့သူများအား ဂုဏ်ထူးဆောင်ဆုနှင့် ဂုဏ်ပြုမှတ်တမ်းလွှာ aပးအပ်ချီးမြှင့်သည့် အခမ်းအနားကို မတ် ၆ ရက်တွင် နိုင်ငံတော်သမ္မတအိမ်တော် ဧည့်ခန်းမဆောင်၌ ကျင်းပရာ နိုင်ငံတော်သမ္မတ ဦးထင်ကျော် တက်ရောက်ပြီး ဂုဏ်ထူးဆောင်ဆုနှင့် ဂုဏ်ပြုမှတ်တမ်းလွှာများ ပေးအပ်ခဲ့သည်။

အခမ်းအနားတွင် နိုင်ငံတော်သမ္မတ ဦးထင်ကျော်က နှုတ်ခွန်းဆက်စကားပြောကြားရာ၌ ယခုကြွရောက်လာကြသူများသည် နိုင်ငံတော်အသွင်ကူးပြောင်းရေးကာလတွင် နိုင်ငံတော်ကို တစ်ဖက်တစ်လမ်းမှ တာဝန်သိစွာဖြင့်၊ တာဝန်ကျေစွာဖြင့် ၀ိုင်းဝန်းပံ့ပိုးနေကြသူများအဖြစ် သတ်မှတ်ထားသည့်အတွက် ယခုကဲ့သို့တွေ့ဆုံရခြင်းသည် အထူးမင်္ဂလာရှိပါကြောင်း၊ မိမိအနေဖြင့် အကြောင်းအမျိုးမျိုးကြောင့် ၁၀ ဦးစီကိုသာ ကန့်သတ်၍ ဖိတ်ခေါ်ရပါကြောင်း၊ အမှန်တကယ် ကျေကျေပွန်ပွန် အခွန်ထမ်းဆောင်နေကြသည့် ကျန်ရှိသောပုဂ္ဂိုလ်များကို မိမိအနေဖြင့် လျစ်လျူရှုသည့်သဘောမရှိပါကြောင်း၊ အကြောင်းအမျိုးမျိုးကြောင့်သာ ယခုကဲ့သို့ကန့်သတ်၍ ဂုဏ်ပြုရခြင်းဖြစ်ပါကြောင်း၊ ယနေ့အခမ်းအနားကို မတက်ရောက်လာနိုင်သူများနှင့် မိမိဖိတ်ကြားခြင်းမပြုနိုင်ခဲ့သည့် ပုဂ္ဂိုလ်များကိုလည်း ကျေးဇူးတင်စကားပြောကြားလိုပါကြောင်း၊ အခွန်နှင့်ပတ်သက်၍ မိမိတို့နိုင်ငံတွင် ယခုအချိန်အခါ၌ များစွာနိုးကြားလာကြပြီဖြစ်ပါကြောင်း၊ အခွန်ထမ်းဆောင်ခြင်းသည် နိုင်ငံသူနိုင်ငံသားတိုင်း၏ တာဝန်ဖြစ်ပါကြောင်း၊ အထူးသဖြင့် လုပ်ငန်းရှင်များသည် ပြည်ပနှင့် ထိတွေ့ဆက်ဆံနေသူများဖြစ်ကြ၍ အခွန်ထမ်းဆောင်ခြင်း အလေ့အထနှင့် တာဝန်ကိုပိုမိုသိရှိကြမည်ဟု ယုံကြည်ပါကြောင်း၊ မိမိတို့နိုင်ငံတွင် အဆိုပါအလေ့အကျင့်၊ အဆိုပါယဉ်ကျေးမှုသည် အားနည်းနေပါကြောင်း၊ ထို့ကြောင့် အခွန်ထမ်းဆောင်ကြသည့် ပုဂ္ဂိုလ်များကို ကျေးဇူးတင်ပါကြောင်း၊ အခွန်သည် လူတိုင်း၏တာဝန်ဖြစ်ပါကြောင်း၊ တာဝန်ကိုမသိ၍ မလုပ်သည့်သူများရှိကြောင်း၊ သိရှိပြီး မသိကျိုးကျွန်ပြုနေသူများလည်း ရှိပါကြောင်းသိရှိပြီး အထိုက်အလျောက် အခွန်တာဝန်ထမ်းဆောင်နေသည့် ပုဂ္ဂိုလ်များလည်းရှိပါကြောင်း၊ အပြည့်အ၀ အခွန်တာဝန်ထမ်းဆောင်သည့် ပုဂ္ဂိုလ်များလည်းရှိပါကြောင်း ပြောကြားသည်။

ယင်းနောက် နိုင်ငံတော်သမ္မတက ၂၀၁၆-၂၀၁၇ စည်းကြပ်နှစ်အတွက် ၀င်ငွေခွန် အများဆုံးပေးဆောင်ခဲ့ကြသည့် ကမ္ဘောဇဘဏ်လီမိတက်၊ Diamond Star Co., Ltd၊ Myawaddy Bank Ltd၊ Shwe Taung Development Co.,Ltd၊ Myanmar Economic Holding Limited၊ Myawaddy Trading Ltd၊ PT Power Trading Co., Ltd၊ Thilawa Special Economic Zone Management Committee၊ Jing Hpaw Aung Jade & Jewellery Co.,Ltd၊ Myanmar Awba Group တို့မှတာဝန်ရှိသူများ၊ ကုန်သွယ်လုပ်ငန်းခွန် အများဆုံးပေးဆောင်ခဲ့ကြသူများဖြစ်ကြသည့် Dagon Beverages Co., Ltd၊ Myawaddy Trading Ltd၊ Denko Trading Co., Ltd၊ PT Power Trading Co., Ltd၊ Shwe Byain Phyu Co., Ltd၊ International Beverages Trading Co., Ltd၊ Asia Energy Co., Ltd၊ Royal Myawaddy Distillery Group၊ City Mart Holding Co., Ltd နှင့် Regency Material Trading Co., Ltd တို့မှတာဝန်ရှိသူများအား ဂုဏ်ပြုမှတ်တမ်းလွှာများ ပေးအပ်ချီးမြှင့်ခဲ့သည်။

ရန်ကုန်တိုင်းဒေသကြီးအတွင်း ၀င်ငွေခွန်အများဆုံး ထမ်းဆောင်သူ ၅၀ စာရင်း ထုတ်ပြန်ရာတွင် မြေကွက်၊ အခြေပစ္စည်းရောင်းချခြင်းနှင့် လစာဖြင့် ၀င်ငွေခွန်ထမ်းဆောင်သူများ အများဆုံးပါဝင်

ရန်ကုန်တိုင်းဒေသကြီးအတွင်း ၀င်ငွေခွန် အများဆုံး ထမ်းဆောင်သူ ၅၀ စာရင်းထုတ်ပြန်ရာတွင်  ထိပ်တန်းအခွန်ထမ်း ၅၀ ၌ မြေကွက်၊ အဆောက်အအုံ၊ အခြေပစ္စည်း ရောင်းချခြင်းနှင့် လစာဖြင့် ၀င်ငွေခွန်ထမ်းဆောင်ခဲ့သူများ အများဆုံးပါဝင်ခဲ့ကြောင်း ပြည်တွင်းအခွန်များဦးစီးဌာန၏ မတ် ၄ ရက် ထုတ်ပြန်ချက်အရ သိရသည်။

ရန်ကုန်တိုင်းဒေသကြီးအတွင်း အများဆုံး ၀င်ငွေခွန်ထမ်းဆောင်သူ ၅၀ စာရင်းတွင် ဒေါ်မာမာဦး-ဦးဇော်ဝင်း၊ ပထမ ထိပ်တန်းကုန်ထုတ် သမ၀ါယမအသင်းလီမိတက်၊ အေးချမ်းမြေအထွေထွေရောင်းဝယ်ရေး သမ၀ါယမအသင်း၊ ဒေါ်တင်လေးနွယ်၊ ဦးကျော်မြင့်၊ ဦးခင်မောင်စော-ဒေါ်ဝင်းဝင်း၊ ဦးကိုကိုထွေး၊ Mr.Mansoor Ali(Pepsico)၊ ဦးလှ-ဒေါ်ရွှင်ကြည်နှင့် ဦးသိန်းဝင်းဇော်တို့မှာ ၀င်ငွေခွန်အများဆုံးထမ်းဆောင် သူ ၁၀ ဦးအဖြစ် အစဉ်လိုက်ရှိနေသည်။

မြေကွက်၊ အဆောက်အအုံရောင်းချခြင်းနှင့် ငှားရမ်းခြင်း၊ အခြေပစ္စည်းများ ရောင်းချခြင်းများမှ ၀င်ငွေခွန်အများဆုံး ထမ်းဆောင်ခဲ့သူများစာရင်းတွင် ဦးကျော်မြင့်၊ ဦးခင်မောင်စော-ဒေါ်ဝင်းဝင်း၊ ဦးကိုကိုထွေးတို့ အစဉ်လိုက်ရှိနေပြီး အဆင့် (၉) နေရာမှ ဦးလှ-ဒေါ်ရွှင်ကြည်နှင့် အဆင့် (၁၀) နေရာမှ ဦးသိန်းဝင်းဇော်တို့လည်း ပါဝင်ခဲ့သည်။

ထို့ပြင် ၀င်ငွေခွန် အများဆုံးထမ်းဆောင်သူ (၁၁) နေရာမှ ဦးကျော်ဇော၊ ဒေါ်မြစိန်၊ အဆင့် (၁၂) နေရာမှ ဦးရှီး ရိုချိန်(ခ) ဦးကျော်စိန်လင်း၊ အဆင့် (၁၃) နေရာမှ ဦးကျော်မြင့် (ခ) လင်အိပိန်း၊ အဆင့် (၁၅) နေရာမှ ဦးကြည်စိုး၊ အဆင့် (၁၆) နေရာမှ ဦးအောင်ဇော်ပါတစ်ဦး၊ အဆင့် (၁၈) နေရာမှ ဒေါ်နန္ဒာမော်နိုင်၊ အဆင့် (၁၉) နေရာမှ ဒေါ်စန္ဒာဝင်း၊ အဆင့် (၂၀) နေရာမှ ဒေါ်ခင်အေး၊ အဆင့် (၂၃) နေရာမှ ဦးအောင်စိုးဦး-ဒေါ်ချိုချိုထွန်း၊ အဆင့် (၂၄) နေရာမှ ဒေါ်လီလီမြင့်၊ အဆင့် (၂၅) နေရာမှ ဒေါ်အမရာ သီရိမြိုင်၊ အဆင့်(၂၆) နေရာမှ ဦးသိန်းထိုက်၊ အဆင့် (၂၇ ) နေရာမှ ဒေါ်ခိုင်ပြည့်စုံကြိုင်၊ အဆင့် (၂၉) နေရာမှ ဒေါ်ဖြူဖြူဝင်း (ခ)ဒေါ်အေးအေးမော်၊ အဆင့် (၃၃) နေရာမှ ဒေါ်ခင်ညို၊ အဆင့် (၃၄) နေရာမှ ဒေါ်စန်းမြင့်၊ အဆင့် (၃၅) နေရာမှ ဦးခင်မောင်မြင့်၊ အဆင့် (၃၈) နေရာမှ ဦးကျော်ဇင်လှ-ဦးနေမျိုးလှ၊ အဆင့် (၃၉) နေရာမှ ဦးအောင်ဇော်-ဒေါ်ယဉ်ယဉ်မြတ်၊ အဆင့် (၄၆) နေရာမှ ဦးမင်းမော်နှင့် အဆင့် (၄၉) နေရာမှ ဒေါ်မူမူဝင်းတို့မှာ မြေကွက်၊ အဆောက်အအုံ ရောင်းချခြင်းနှင့် ငှားရမ်းခြင်း၊ အခြေပစ္စည်းများ ရောင်းချခြင်းများမှ ၀င်ငွေခွန်အများဆုံး ထမ်းဆောင်ခဲ့ကြောင်း သိရသည်။

ထို့ပြင် လစာဖြင့် ၀င်ငွေခွန်အများဆုံး ထမ်းဆောင်သူများစာရင်းတွင် အဆင့် (၈) နေရာမှ Mr.Mansoor Ali(Pepsico)၊ အဆင့် (၁၄) နေရာမှ Mr.Rajesh Balraj Ahuja (Australia and New Zeland Banking Group Ltd-Rep ;Office) ၊ အဆင့် (၁၇) နေရာမှ Mr.Jasper Lisandro Camacho (P.E.S Myanmar) ၊ အဆင့် (၂၂) နေရာမှ Ajjaay Advani ၊ အဆင့် (၂၈) နေရာမှ Mr.Jens Helmut GertKnoke ၊ အဆင့် (၃၁) နေရာမှ Pui Thai Chong (ပီစီမြန်မာ-ဟောင်ကောင်)၊ အဆင့် (၃၇) နေရာမှ ဂျာရန်းအနက် အန်ဒမ် (ပီစီမြန်မာ-ဟောင်ကောင်)၊ အဆင့် (၄၀) နေရာမှ Mr.Dominic Sheek Wing Lum (P.E.S Myanmar) ၊ အဆင့် (၄၁) နေရာမှ Mr.Kohji Maruyama (MITSUBISHI ELECERIC) ၊ အဆင့် (၄၂) နေရာမှ Azian  Bin Mohd Sabirin (ပီစီမြန်မာ-ဟောင်ကောင်)၊ အဆင့် (၄၃) နေရာမှ Micheal Toh(P.E.S Myanmar) ၊ အဆင့် (၄၄) နေရာမှ မစ္စတာ နီတင်ကူးမားမီရှာရာ (P.E.S Myanmar )၊ အဆင့် (၄၅) နေရာမှ Mr.Seiro Tokunaga (OJI Asia Packaging Sdn Bhd) ၊ အဆင့် (၄၇) နေရာမှ Mr. Wong Chee Keong (မြန်မာဂျပန် စီးကရက်)၊ အဆင့် (၄၈) နေရာမှ  Mr.Yuro Kisaka (AEON Microfinance Myanmar Co,Ltd) နှင့် အဆင့် (၅၀) နေရာမှ Mr. Hugh Raebvrn (P.E.S Myanmar ) တို့ ပါဝင်ခဲ့ကြောင်း သိရသည်။