အခွန်လျှော့ချရန် တောင်းဆိုနေသော်လည်း အာဆီယံနိုင်ငံများနှင့် နှိုင်းယှဉ်ပါက ၀င်ငွေခွန်နှင့် ကုန်သွယ်လုပ်ငန်းခွန်များမှာ သင့်တင့်သော နှုန်းထားများဖြစ်၍ နှုန်းထားတိုးမြှင့်မှု မပြုသင့်ဟု ပြည်သူ့ငွေစာရင်း ပူးပေါင်းကော်မတီ အကြံပြု

အခွန်လျှော့ချရန် တောင်းဆိုမှုများ ရှိနေသော်လည်း လက်ရှိ ကောက်ခံနေသည့် ၀င်ငွေခွန်နှင့် ကုန်သွယ်လုပ်ငန်းခွန်များမှာ အာဆီယံနိုင်ငံများနှင့် နှိုင်းယှဉ်ပါက သင့်တင့်သော နှုန်းထားများဖြစ်ကြောင်းနှင့် နှုန်းထား တိုးမြှင့်မှု မပြုသင့်ကြောင်း ပြည်သူ့ငွေစာရင်း ပူးပေါင်းကော်မတီက အကြံပြုထားသည်။

မြန်မာနိုင်ငံတွင် လက်ရှိ ကောက်ခံနေသော ၀င်ငွေခွန် ၂၅ ရာခိုင်နှုန်းနှင့် ကုန်သွယ်လုပ်ငန်းခွန် ငါးရာခိုင်နှုန်းမှာ အာဆီယံနိုင်ငံများနှင့် နှိုင်းယှဉ်မှုအရ သင့်တင့်သော နှုန်းထားများဖြစ်သည်ဟု ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ “ပြည်ထောင်စုစာရင်းစစ်ချုပ်၏ ၂၀၁၆-၂၀၁၇ ဘဏ္ဍာရေးနှစ် စစ်ဆေးတွေ့ရှိချက် အစီရင်ခံစာအပေါ် လေ့လာတွေ့ရှိချက်နှင့် သဘောထားမှတ်ချက်” အစီရင်ခံစာတွင် ဖော်ပြထားသည်။

ထို့ပြင် အာဆီယံနိုင်ငံများတွင် မြန်မာနိုင်ငံ၏ အခွန်ရငွေနှင့် ဂျီဒီပီအချိုးမှာ ၄ ဒသမ ၉ ရာခိုင်နှုန်းသာ ရှိပြီး အာဆီယံနိုင်ငံများတွင် အနည်းဆုံး ဖြစ်နေကြောင်း ပြည်သူ့ငွေစာရင်း ပူးပေါင်းကော်မတီက Heritage Foundation ၏ 2015 Macro Economic Data နှင့် Index of Economic Freedom အစီရင်ခံစာတို့ကို ကိုးကား၍ ဖော်ပြထားသည့် ၀ီကီပီဒီးယားရှိ ကမ္ဘာ့နိုင်ငံများ၏ အခွန်အကောက်ရငွေနှင့် ဂျီဒီပီ အချိုးဇယားကို ကိုးကား ဖော်ပြထားသည်။

မြန်မာနိုင်ငံအနေဖြင့် အခွန်ရရှိမှု အနည်းဆုံးနှင့် ဂျီဒီပီတွင် အခွန်ပါဝင်မှုအချိုး နည်းပါးနေသော်လည်း အခွန်ရရှိမှု နှစ်စဉ် မြင့်တက်နေပြီး လာမည့် ၂၀၁၈-၂၀၁၉ ဘဏ္ဍာနှစ် အခွန်လျာထားချက်တွင်လည်း ၂၀၁၇-၂၀၁၈ ဘဏ္ဍာနှစ်ထက် ဘီလျံ ၁၀၀၀ ကျော် တိုးမြှင့်ရရှိရန် ခန့်မှန်းထားသည်။

နှစ်အလိုက် အခွန်ရရှိမှုများတွင် ၂၀၁၃- ၂၀၁၄ ဘဏ္ဍာနှစ်တွင် အခွန်အကောက်ရငွေ ကျပ် ၄၄၅၉ ဘီလျံရှိပြီး အခွန်နှင့် ဂျီဒီပီအချိုး မှာ ၇ ဒသမ ၆၉ ဖြစ်ကာ ၂၀၁၄-၂၀၁၅ ဘဏ္ဍာနှစ်တွင် အခွန်အကောက်ရငွေ ကျပ် ၆၅၁၈ ဘီလျံရှိပြီး အခွန်နှင့် ဂျီဒီပီအချိုးမှာ ၉ ဒသမ ၉၉ အထိ အမြင့်ဆုံး ဖြစ်ခဲ့သည်။ ၂၀၁၅-၂၀၁၆ ဘဏ္ဍာနှစ် အခွန်အကောက်ရငွေ ကျပ် ၆၃၁၄ ဘီလျံရှိပြီး အခွန်နှင့် ဂျီဒီပီအချိုးမှာ ၈ ဒသမ ၆၈ ဖြစ်ကာ ၂၀၁၆-၂၀၁၇ ဘဏ္ဍာနှစ်တွင် အခွန်အကောက်ရငွေ ကျပ် ၇၁၂၂ ဘီလျံရှိပြီး အခွန်နှင့် ဂျီဒီပီအချိုးမှာ ၈ ဒသမ ၉၃ သာ ရှိခဲ့သည်။

အခွန်နှင့် ဂျီဒီပီအချိုးမှာ နှစ်စဉ် ကျဆင်းနေသော်လည်း အခွန်ရရှိမှုတွင် များပြားနေခြင်းနှင့် ကျဆင်းနေသော မြန်မာ့စီးပွားရေး ပြန်လည် ဆွဲတင်နိုင်ရန် လုပ်သာကိုင်သာရှိသော အခွန်နှုန်းလျှော့ချမှု တစ်ရပ်ကို လုပ်ငန်းရှင်များက တောင်းဆိုနေသကဲ့သို့ ၀င်ငွေရလမ်း မပြနိုင်သည့်သူများ ပေးဆောင်ရသည့် စည်းကြပ်မှုမှ လွတ်ကင်းနေသော အခွန်ရာခိုင်နှုန်း ၃၀ ကောက်ခံမှု ကင်းလွတ်ခွင့်ပေးရန်၊ အခွန်နှုန်းကို ငါးရာခိုင်နှုန်းသို့ တစ်နှစ်၊ နှစ်နှစ် ကင်းလွတ်ခွင့် ပေးရန်နှင့် အလုပ်လျှော့ချမှုများ ရှိလာကြောင်း စေပိုင် ကုမ္ပဏီဥက္ကဋ္ဌ ဦးမောင်ဝိတ်က နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား သြဂုတ် ၂၇ ရက်က နေပြည်တော်တွင် ကျင်းပသည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် လုပ်ငန်းရှင်များ တွေ့ဆုံပွဲတွင် တင်ပြခဲ့ပြီး MCEA ဥက္ကဋ္ဌ ဦးရှိန်ဝင်းကလည်း အခွန်နှုန်းထားများ လျှော့ချရန်နှင့် အခွန်ရရှိမှု လျော့ကျပါက ၎င်း၏ ပိုင်ဆိုင်မှုမှ စိုက်လျော်မည်ဟု ဒေါ်အောင်ဆန်းစုကြည်ကို ကတိပေးခဲ့သည်။

“အခွန်နှုန်းထားတွေက သုံးရာခိုင်နှုန်း၊ ငါးရာခိုင်နှုန်း တောင်းဆိုနေတာမျိုး မဟုတ်ဘဲ လုပ်သာကိုင်သာရှိတဲ့ နှုန်းထားတစ်ခုကို လျှော့ချသင့်တယ်။ သုံးရာခိုင်နှုန်း ၊ ငါးရာခိုင်နှုန်းကတော့ နည်းလွန်းတယ်” ဟု စီးပွားရေးပညာရှင် ဒေါက်တာ အောင်ကိုကိုက ဆိုသည်။

ထိုသို့ လုပ်ငန်းရှင်များက အခွန်လျှော့ချ ခိုင်းနေသော်လည်း လက်ရှိတွင် အခွန်ရရှိမှု နည်းပါးနေသည်ဟု စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်း က ပြောကြားသည်။

“အခွန်လျှော့ချ ခိုင်းနေပေမယ့် အခွန်ရရှိမှုတွေက လျော့နည်းနေပါတယ်။ ဒီနှစ်ခုကို ဘယ်လို အပေးအယူ (Compromise) လုပ်မလဲဆိုတာကို အဖြေရှာဖို့ လိုပါတယ်” ဟု ဦးစိုးဝင်းက ပြောကြားသည်။

 

ဝင်ငွေခွန်ဥပဒေ ပြင်ဆင်ရေးနှင့် ဌာနအနေဖြင့် အခွန်ဆိုင်ရာ ပြုပြင်ပြောင်းလဲမှုများ ဆောင်ရွက်လျက်ရှိကြောင်း စီမံ/ဘဏ္ဍာ ဒုတိယ၀န်ကြီး ပြောကြား

လက်ရှိအချိန်တွင် စီမံကိန်းနှင့် ဘဏ္ဍာ ရေးဝန်ကြီးဌာန အနေဖြင့် ၀င်ငွေခွန်ဥပဒေ ပြင်ဆင်ရေး ဆောင်ရွက်နေကြောင်းနှင့် ဌာနအနေဖြင့် အခွန်ဆိုင်ရာ ပြုပြင်ပြောင်းလဲမှုများ ဆောင်ရွက်လျက်ရှိကြောင်း စီမံကိန်းနှင့် ဘဏ္ဍာရေး ၀န်ကြီးဌာန၊ ဒုတိယ၀န်ကြီး ဦးမောင်မောင်ဝင်းက မေ ၁၁ ရက်က ရန်ကုန်မြို့ရှိ နိုဗိုတယ် ဟိုတယ်တွင် ကျင်းပသည့် CEO Conference တွင် ပြောကြားသည်။

“ကျွန်တော်တို့  အခွန်ဆိုင်ရာ ပြုပြင်ပြောင်းလဲမှုတွေ ဆောင်ရွက်နေပြီးတော့ ဥပဒေမှာ ဖြေလျှော့မှုတွေ ပြင်ဆင်မှုတွေ လုပ်ခဲ့တာ ရှိသလို မကြာခင်မှာလည်း ၀င်ငွေခွန်ဥပဒေကို ပြင်ဆင်ဖို့ လုပ်နေတာတွေ ရှိပါတယ်။ ဒါကလည်း မကြာခင် ပြဋ္ဌာန်းနိုင်မယ်လို့ မျှော်လင့်ပါတယ်” ဟု စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ပြောကြားသည်။

“အစိုးရ၏ရဲ့ ၀င်ငွေအပိုင်းကို ကြည့်ရင် တကယ်တမ်းမှာ Taxation မှာ လုပ်ငန်းရှင်များ၏ Incentive ပင်ဖြစ်တယ်၊ မက်လုံးတွေဖြစ်တယ်။ ဒါကြောင့်မို့ မျှဖို့လိုတာက Taxation ကို တစ်ဖက်က အစိုးရအနေနဲ့ ၀င်ငွေတိုးအောင်လုပ်တာ ရှိသလို ပေးချင်အောင် ပုဂ္ဂလိကကဏ္ဍက အခွန်ကို ပေးချင်လာအောင် ဘာလုပ်မလဲလို့ စဉ်းစားဖို့ လိုပါတယ်။ Tax Rate နဲ့ Tax Volume မကွဲဘူးဖြစ်နေတယ်။ Rate တွေတင်တိုင်း Tax Income မတိုးဖူး” ဟု ရန်ကုန်စီးပွားရေးတက္ကသိုလ် ဧည့်ပါမောက္ခ ဒေါက်တာအောင်ထွန်းသက်က ပြောကြားသည်။

ယခင်က အိမ်ခြံမြေအခွန်ကို ၃၅ ရာခိုင်နှုန်းအထိ တိုးမြှင့်ကောက်ခံခဲ့ဘူးကြောင်း၊ သို့သော်လည်း ပေးဆောင်မည့်သူ မရှိကြောင်း၊  အခွန်နှုန်းသာ တိုးသွားသော်လည်း အခွန်ကောက်ခံရရှိမှု တိုးတက်မလာကြောင်း သိရသည်။

“အဲတော့ စဉ်းစားဖို့လိုတာက Tax Rate ကိုလျှော့လိုက်ရင် အချို့နိုင်ငံတွေမှာ Zero Tax တောင်ပြောတယ်။ နောက်တစ်ခုက အခွန်ဆောင်တဲ့နေရာမှာ ပြဿနာရှိတာက ပွင့်လင်းမြင်သာမှု မရှိတာပဲ။ အခွန်ပေးချင်ရင် နိုင်ငံခြားမှာဆို အွန်လိုင်းနဲ့ အခွန်ပေးလို့ရတယ်။ ဥပဒေကိုတော့ အခုလည်း နိုင်ငံတော်အစိုးရက စတော့စနေပြီ ဖြစ်တဲ့အတွက် ဒီထက်ပိုပြီး အခွန်ကို ပြင်စေချင်တယ်၊ မဟုတ်ရင် အခွန်ကို အစိုးရရဲ့ ၀င်ငွေအနေနဲ့ စဉ်းစားနေလို့ကတော့ ကျွန်တော်ထင်တယ် Incentive မပါရင် ပေးတဲ့သူက ပေးချင်မှာ မဟုတ်ဘူး” ဟု ဒေါက်တာအောင်ထွန်းသက်က သုံးသပ်ပြောကြားသည်။

ထိုသို့ အခွန်စနစ်ဆိုင်ရာ ပြုပြင်ပြောင်းလဲမှုအတွက် လက်ရှိတွင် ၀င်ငွေခွန်ဥပဒေကို အသစ်ပြန်လည် ရေးဆွဲနေပြီး မူကြမ်းအဆင့် ရောက်နေပြီဖြစ်ကာ လက်ရှိဝင်ငွေခွန်ခေါင်းစဉ် ခုနစ်မျိုးအနက်  လေးမျိုးလျှော့ချထားပြီး ပြင်ဆင်ကောက်ခံမည့် ၀င်ငွေခွန်ခေါင်းစဉ် သုံးမျိုးမှာ စီးပွားရေးလုပ်ငန်းမှရငွေ၊ အခြေပစ္စည်းမှ မြတ်စွန်းငွေနှင့် လစာရငွေတို့သာ ပါဝင်မည်ဖြစ်ကြောင်း သိရသည်။

လက်ရှိဝင်ငွေခွန် ဥပဒေကို ၁၉၇၄ ခု နှစ်တွင် စတင်ပြဋ္ဌာန်းခဲ့ပြီး ၁၉၉၉ ခုနှစ်၊ ၂၀၁၄ ခုနှစ်တို့တွင် ၀င်ငွေခွန်ဥပဒေ ပြင်ဆင်သည့် ဥပဒေများဖြင့် ပြင်ဆင်ဖြည့်စွက် ခဲ့ခြင်းဖြစ်သည်။ ယင်းဝင်ငွေခွန်ဥပဒေပါ  ၀င်ငွေခွန်ခေါင်းစဉ် ခုနစ်မျိုးမှာ လစာ၊ အသက်မွေးဝမ်းကျောင်း ပညာလုပ်ငန်း၊ စီးပွားရေးလုပ်ငန်း၊ ပစ္စည်း၊ အခြေပစ္စည်းမှ မြတ်စွန်းငွေ၊ ၀င်ငွေရလမ်း မဖော်ပြနိုင်သည့်ဝင်ငွေ၊ အခြားရလမ်းမှ ၀င်ငွေတို့ဖြစ်ပြီး လက်ရှိ ရေးဆွဲနေသည့် ၀င်ငွေခွန်ဥပဒေသစ်တွင် ခေါင်းစဉ်သုံးမျိုးသာ ထည့်သွင်းတော့မည် ဖြစ်သည်။

လက်ရှိအခွန်စနစ်ဖြစ်သည့် ၀င်ငွေခွန်ကို အထူးပြုကောက်ခံနေမှုအစား ပြည်သူများအားလုံး ပါဝင်သည့် အခွန်စနစ် ဖြစ်စေရေးအတွက် သွယ်ဝိုက်ခွန်များဖြစ်သည့် ကုန်သွယ်လုပ်ငန်းခွန်နှင့် အထူးကုန်စည်ခွန်များကို အထူးပြုကောက်ခံရန် မဟာဗျူဟာချမှတ် ဆောင်ရွက်နေကြောင်း စီမံကိန်းနှင့် ဘဏ္ဍာရေး ၀န်ကြီးဌာနမှ သိရသည်။

၂၀၁၆-၂၀၁၇ စည်းကြပ်နှစ်အတွက် ၀င်ငွေခွန်နှင့် ကုန်သွယ်လုပ်ငန်းခွန် အများဆုံးပေးဆောင်ခဲ့သူများအား ဂုဏ်ထူးဆောင်ဆုနှင့် ဂုဏ်ပြုမှတ်တမ်းလွှာများ ပေးအပ်

နိုင်ငံတော်သမ္မတ၊ အစိုးရတာဝန်ရှိသူများနှင့် ၂၀၁၆-၂၀၁၇ စည်းကြပ်နှစ်အတွက် ၀င်ငွေခွန်အများဆုံး ထမ်းဆောင်သူများအား တွေ့ရစဉ်

၂၀၁၆-၂၀၁၇ စည်းကြပ်နှစ်အတွက် ၀င်ငွေခွန်နှင့် ကုန်သွယ်လုပ်ငန်းခွန် အများဆုံးပေးဆောင်ခဲ့သူများအား ဂုဏ်ထူးဆောင်ဆုနှင့် ဂုဏ်ပြုမှတ်တမ်းလွှာ aပးအပ်ချီးမြှင့်သည့် အခမ်းအနားကို မတ် ၆ ရက်တွင် နိုင်ငံတော်သမ္မတအိမ်တော် ဧည့်ခန်းမဆောင်၌ ကျင်းပရာ နိုင်ငံတော်သမ္မတ ဦးထင်ကျော် တက်ရောက်ပြီး ဂုဏ်ထူးဆောင်ဆုနှင့် ဂုဏ်ပြုမှတ်တမ်းလွှာများ ပေးအပ်ခဲ့သည်။

အခမ်းအနားတွင် နိုင်ငံတော်သမ္မတ ဦးထင်ကျော်က နှုတ်ခွန်းဆက်စကားပြောကြားရာ၌ ယခုကြွရောက်လာကြသူများသည် နိုင်ငံတော်အသွင်ကူးပြောင်းရေးကာလတွင် နိုင်ငံတော်ကို တစ်ဖက်တစ်လမ်းမှ တာဝန်သိစွာဖြင့်၊ တာဝန်ကျေစွာဖြင့် ၀ိုင်းဝန်းပံ့ပိုးနေကြသူများအဖြစ် သတ်မှတ်ထားသည့်အတွက် ယခုကဲ့သို့တွေ့ဆုံရခြင်းသည် အထူးမင်္ဂလာရှိပါကြောင်း၊ မိမိအနေဖြင့် အကြောင်းအမျိုးမျိုးကြောင့် ၁၀ ဦးစီကိုသာ ကန့်သတ်၍ ဖိတ်ခေါ်ရပါကြောင်း၊ အမှန်တကယ် ကျေကျေပွန်ပွန် အခွန်ထမ်းဆောင်နေကြသည့် ကျန်ရှိသောပုဂ္ဂိုလ်များကို မိမိအနေဖြင့် လျစ်လျူရှုသည့်သဘောမရှိပါကြောင်း၊ အကြောင်းအမျိုးမျိုးကြောင့်သာ ယခုကဲ့သို့ကန့်သတ်၍ ဂုဏ်ပြုရခြင်းဖြစ်ပါကြောင်း၊ ယနေ့အခမ်းအနားကို မတက်ရောက်လာနိုင်သူများနှင့် မိမိဖိတ်ကြားခြင်းမပြုနိုင်ခဲ့သည့် ပုဂ္ဂိုလ်များကိုလည်း ကျေးဇူးတင်စကားပြောကြားလိုပါကြောင်း၊ အခွန်နှင့်ပတ်သက်၍ မိမိတို့နိုင်ငံတွင် ယခုအချိန်အခါ၌ များစွာနိုးကြားလာကြပြီဖြစ်ပါကြောင်း၊ အခွန်ထမ်းဆောင်ခြင်းသည် နိုင်ငံသူနိုင်ငံသားတိုင်း၏ တာဝန်ဖြစ်ပါကြောင်း၊ အထူးသဖြင့် လုပ်ငန်းရှင်များသည် ပြည်ပနှင့် ထိတွေ့ဆက်ဆံနေသူများဖြစ်ကြ၍ အခွန်ထမ်းဆောင်ခြင်း အလေ့အထနှင့် တာဝန်ကိုပိုမိုသိရှိကြမည်ဟု ယုံကြည်ပါကြောင်း၊ မိမိတို့နိုင်ငံတွင် အဆိုပါအလေ့အကျင့်၊ အဆိုပါယဉ်ကျေးမှုသည် အားနည်းနေပါကြောင်း၊ ထို့ကြောင့် အခွန်ထမ်းဆောင်ကြသည့် ပုဂ္ဂိုလ်များကို ကျေးဇူးတင်ပါကြောင်း၊ အခွန်သည် လူတိုင်း၏တာဝန်ဖြစ်ပါကြောင်း၊ တာဝန်ကိုမသိ၍ မလုပ်သည့်သူများရှိကြောင်း၊ သိရှိပြီး မသိကျိုးကျွန်ပြုနေသူများလည်း ရှိပါကြောင်းသိရှိပြီး အထိုက်အလျောက် အခွန်တာဝန်ထမ်းဆောင်နေသည့် ပုဂ္ဂိုလ်များလည်းရှိပါကြောင်း၊ အပြည့်အ၀ အခွန်တာဝန်ထမ်းဆောင်သည့် ပုဂ္ဂိုလ်များလည်းရှိပါကြောင်း ပြောကြားသည်။

ယင်းနောက် နိုင်ငံတော်သမ္မတက ၂၀၁၆-၂၀၁၇ စည်းကြပ်နှစ်အတွက် ၀င်ငွေခွန် အများဆုံးပေးဆောင်ခဲ့ကြသည့် ကမ္ဘောဇဘဏ်လီမိတက်၊ Diamond Star Co., Ltd၊ Myawaddy Bank Ltd၊ Shwe Taung Development Co.,Ltd၊ Myanmar Economic Holding Limited၊ Myawaddy Trading Ltd၊ PT Power Trading Co., Ltd၊ Thilawa Special Economic Zone Management Committee၊ Jing Hpaw Aung Jade & Jewellery Co.,Ltd၊ Myanmar Awba Group တို့မှတာဝန်ရှိသူများ၊ ကုန်သွယ်လုပ်ငန်းခွန် အများဆုံးပေးဆောင်ခဲ့ကြသူများဖြစ်ကြသည့် Dagon Beverages Co., Ltd၊ Myawaddy Trading Ltd၊ Denko Trading Co., Ltd၊ PT Power Trading Co., Ltd၊ Shwe Byain Phyu Co., Ltd၊ International Beverages Trading Co., Ltd၊ Asia Energy Co., Ltd၊ Royal Myawaddy Distillery Group၊ City Mart Holding Co., Ltd နှင့် Regency Material Trading Co., Ltd တို့မှတာဝန်ရှိသူများအား ဂုဏ်ပြုမှတ်တမ်းလွှာများ ပေးအပ်ချီးမြှင့်ခဲ့သည်။

နှစ်တစ်နှစ်အတွင်း ၀င်ငွေကျပ်သိန်း ၆၀ အထိရရှိသူဖြစ်ပါက ၀င်ငွေခွန်စည်းကြပ်ခြင်းမပြုရန်နှင့် သိန်း ၆၀ အထက်ရရှိသူများကိုသာ ၀င်ငွေခွန်ထမ်းဆောင်သင့်သည်ဟု ပြင်ဆင်သင့်ကြောင်း ဥပဒေကြမ်းပူးပေါင်းကော်မတီ သဘောထားမှတ်ချက်ပြု

နှစ်တစ်နှစ်အတွင်း ၀င်ငွေကျပ်သိန်း ၆၀ အထိရရှိသူဖြစ်ပါက ၀င်ငွေခွန်စည်းကြပ်ခြင်းမပြုရန်နှင့် ၀င်ငွေကျပ်သိန်း ၆၀ အထက်ရရှိသူများကိုသာ ၀င်ငွေခွန်ထမ်းဆောင်သင့်သည်ဟု ပြင်ဆင်သင့်ကြောင်း ပြည်ထောင်စုလွှတ်တော် ဥပဒေကြမ်းပူးပေါင်းကော်မတီက ဖေဖော်ဝါရီ ၂၈ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် ၂၀၁၈ ခုနှစ် ပြည်ထောင်စု၏ အခွန်အကောက်ဥပဒေကြမ်းနှင့်စပ်လျဉ်းပြီး ပြည်ထောင်စုလွှတ်တော် ဥပဒေကြမ်းပူးပေါင်းကော်မတီက လေ့လာတွေ့ရှိချက်နှင့် သဘောထားမှတ်ချက် အစီရင်ခံတင်သွင်းရာတွင် မှတ်ချက်ပြုထားသည်။

ဥပဒေကြမ်း၏ အခန်း (၇) ၀င်ငွေခွန်အခန်းတွင် လစာမှနှစ်တစ်နှစ်အတွင်း ၀င်ငွေကျပ် သိန်း ၆၀ အထိရရှိသူဖြစ်လျှင် မည်သူ့ကိုမျှ ၀င်ငွေခွန်စည်းကြပ်ခြင်းမပြုရ။ ထိုသို့စည်းကြပ်ခြင်းမပြုသဖြင့် ကင်းလွတ်ခွင့်ရသည့် လစာဝင်ငွေဆိုင်ရာ သက်သေခံအထောက်အထားကို တောင်းခံလာပါက သတ်မှတ်ချက်များနှင့်အညီ ပြည်တွင်းအခွန်များဦးစီးဌာနက ထုတ်ပေးရမည်။ သို့ရာတွင် လစာမှနှစ်တစ်နှစ်အတွင်း ၀င်ငွေကျပ်သိန်း ၆၀ အထက်ရရှိသူဖြစ်လျှင် ရရှိသည့်လစာ ၀င်ငွေစုစုပေါင်းအပေါ်တွင် ၀င်ငွေခွန်ထမ်းဆောင်ရမည်။ လစာမှနှစ်တစ်နှစ်အတွင်း ၀င်ငွေကျပ်သိန်း ၆၀ အထက်ရရှိသူဖြစ်လျှင် သို့မဟုတ် အသက်မွေးဝမ်းကျောင်းပညာလုပ်ငန်း၊ စီးပွားရေးလုပ်ငန်းနှင့် အခြားရလမ်းများမှ ၀င်ငွေဖြစ်လျှင် မည်သူ့ကိုမဆို စုစုပေါင်းဝင်ငွေမှ ၀င်ငွေခွန်ဥပဒေပုဒ်မ ၆ အရ သက်သာခွင့်များခုနှိမ်ပြီးနောက် ကျန်ဝင်ငွေအပေါ် ၀င်ငွေအလွှာအလိုက် စည်းကြပ်ရမည့် ၀င်ငွေခွန်နှုန်းထားများကို အောက်ပါအတိုင်း ပြင်ဆင်သင့်သည်ဟု ဥပဒေကြမ်းပူးပေါင်းကော်မတီက သဘောထားမှတ်ချက်ပြုခဲ့သည်။

ဝင်ငွေခွန်စည်းကြပ်ရန် ၀င်ငွေအလွှာ ၁ ကျပ်မှ သိန်း ၂၀ အထိအား ၀ ရာခိုင်နှုန်း၊ ၂၀၀၀၀၀၁ ကျပ်မှ ၅၀၀၀၀၀၀ ကျပ်အထိ ၅ ရာခိုင်နှုန်း၊ ၅၀၀၀၀၀၁ ကျပ်မှ ၁၀၀၀၀၀၀၀ ကျပ်အထိအား ၁၀ ရာခိုင်နှုန်း၊ ကျပ် ၁၀၀၀၀၀၀၁ မှ ၂၀၀၀၀၀၀၀ ကျပ်အထိ ၁၅ ရာခိုင်နှုန်း၊ ၂၀၀၀၀၀၀၁ ကျပ်မှ ၃၀၀၀၀၀၀၀ ကျပ်အထိ ၂၀ ရာခိုင်နှုန်း၊ ၃၀၀၀၀၀၀၁ ကျပ်နှင့်အထက်အား ၂၅ ရာခိုင်နှုန်းအထိ သတ်မှတ်သင့်ကြောင်း ဥပဒေကြမ်းပူးပေါင်းကော်မတီက မှတ်ချက်ပြုခဲ့သည်။

ဥပဒေကြမ်း၏ အပိုဒ် ၂၀ ၀င်ငွေခွန် ဥပဒေပုဒ်မ ၆၊ ပုဒ်မခွဲ (က)၊ ပုဒ်မခွဲငယ် (၁၊၂) တို့အရ အခြေခံသက်သာခွင့် ခွင့်ပြုငွေသည် ၀င်ငွေအမျိုးအစားတစ်ခုစီ၏ ရာခိုင်နှုန်း ၂၀ နှင့်ညီမျှသောငွေဖြစ်ရမည်။ သို့ရာတွင် နှစ်တစ်နှစ်အတွက် အခြေခံသက်သာခွင့် ခွင့်ပြုငွေစုစုပေါင်းသည် ကျပ်သိန်း ၁၀၀ ထက်မပိုစေရ၊ ၀င်ငွေခွန်ဥပဒေပုဒ်မ ၆၊ ပုဒ်မခွဲ (က) ပုဒ်မခွဲငယ် (၁၊၂)တို့အရ အောက်ပါသက်သာခွင့် ခွင့်ပြုငွေကို ၀င်ငွေခွန်ဥပဒေပုဒ်မ ၆၊ ပုဒ် မခွဲ(ဂ)၊ ပုဒ်မခွဲငယ် (၂) ပါ တစ်ဦးချင်းပုဂ္ဂိုလ်၏ စုစုပေါင်းဝင်ငွေမှနုတ်ပယ်၍ ကျန်ငွေအပေါ်တွင် ၀င်ငွေခွန်စည်းကြပ်ရမည် (က) အတူနေ မိဘတစ်ဦးလျှင် ကျပ် ၁၀ သိန်းစီ၊ အိမ်ထောင်ဖက်တစ်ဦးအတွက်သာလျှင် ကျပ် ၁၀ သိန်း၊ သားသမီးတစ်ဦးလျှင် ကျပ် ၅ သိန်းစီ၊ ၀င်ငွေခွန်ဥပဒေပုဒ်မ ၆ နှင့် ၆-က တို့အရ သက်သာခွင့်များမနုတ်မီ ပြည်ပနေနိုင်ငံသား၏ ကင်းလွတ်ခွင့်ရရှိသည့် ၀င်ငွေခေါင်းစဉ်မှတစ်ပါး နိုင်ငံခြားငွေဖြင့် ပြည်ပတွင်ရရှိသည့် စုစုပေါင်းဝင်ငွေအပေါ် ၁၀ ရာခိုင်နှုန်းဖြင့် ၀င်ငွေခွန်စည်းကြပ်ရမည်ဟု ပြဋ္ဌာန်းသင့်ကြောင်း ဥပဒေကြမ်းပူးပေါင်းကော်မတီက သဘောထားမှတ်ချက်ပြုခဲ့သည်။

မူလဥပဒေကြမ်းတွင် ၀င်ငွေခွန်အဖြစ် လစာမှနှစ်တစ်နှစ်အတွင်း ၀င်ငွေကျပ် ၄၈ သိန်းအထိရရှိသူဖြစ်လျှင် မည်သူ့ကိုမျှ ၀င်ငွေခွန်စည်းကြပ်ခြင်းမပြုရ။ ထိုသို့စည်းကြပ်ခြင်းမပြုသဖြင့် ကင်းလွတ်ခွင့်ရသည့် လစာဝင်ငွေဆိုင်ရာ သက်သေခံအထောက်အထားကို တောင်းခံလာပါက သတ်မှတ်ချက်များနှင့်အညီ ပြည်တွင်းအခွန်များဦးစီးဌာနက ထုတ်ပေးရမည်။ သို့ရာတွင် လစာမှနှစ်တစ်နှစ်အတွင်း ၀င်ငွေကျပ် ၄၈ သိန်းအထက်ရရှိသူဖြစ်လျှင် ရရှိသည့် လစာဝင်ငွေစုစုပေါင်းအပေါ်တွင် ၀င်ငွေခွန်ထမ်းဆောင်ရမည်ဟု ပြဋ္ဌာန်းထားသည်။

ပြည်သူ့ငွေစာရင်း ပူးပေါင်းကော်မတီ ဒုတိယဥက္ကဋ္ဌ ဦးအောင်မင်းက “လစာနဲ့ပတ်သက်ရင် ၄၈ သိန်း ၁ ကျပ်ကစပြီး ၀င်ငွေခွန်ဆောင်ရတယ်။ ကျပ်၄၈ သိန်းထိရတဲ့သူ ၀င်ငွေခွန်ဆောင်စရာမလိုဘူး။ အခုဆိုလို့ရှိရင် လစာဝင်ငွေသိန်း ၆၀ ထိ ရတဲ့သူတွေ ၀င်ငွေခွန်ဆောင်စရာမလိုဘူး။ ကျပ်သိန်း ၆၀ နဲ့တစ်ကျပ်ရမှ ၀င်ငွေခွန်ဆောင်ရမယ်။ အဲဒီတော့ ပျမ်းမျှခြင်းပြောရရင် တစ်လလစာ ငါးသိန်းရတဲ့သူတွေ ၀င်ငွေခွန်ဆောင်စရာမလိုတော့ဘူး။ အဲဒါကတော့ ၀င်ငွေခွန်ပေးဆောင်ရမယ့် နှုန်းထားလေးကို မြှင့်ပေးလိုက်တာပေါ့။ ကျပ် ၄၈ သိန်းကနေ သိန်း ၆၀ ကို မြှင့်ပေးလိုက်တာပါ။ ဒါပေမဲ့လည်း တစ်လကို လစာaလးသိန်းငါးသိန်းဆိုတာ တကယ့်တကယ်ပြောမယ်ဆို ကျွန်တော်တို့ရဲ့အနေအထားနဲ့က တကယ့်အများကြီး မဟုတ်သေးပါဘူး။ အစိုးရဌာနဆိုင်ရာမှာဆိုရင်လည်း လစာငါးသိန်းရတာက ဦးဆောင်ညွှန်ကြားရေးမှူးတို့၊ ညွှန်ချုပ်တို့ပဲရှိပါတယ်။ ကျန်တာက ငါးသိန်းအောက်ပါပဲ၊ ပြင်ပပုဂ္ဂလိကလုပ်ငန်းမှာ လုပ်နေတဲ့သူတွေကလည်း ငါးသိန်းအထိရတဲ့ ၀န်ထမ်းတွေက ဘယ်လိုဝန်ထမ်းတွေအများစုလည်း၊ နဂိုတည်းက ပြောပါတယ်။ ပြည်သူတွေကို ဖိစီးမှုမဖြစ်စေလိုတဲ့ဟာလည်း ပါပါတယ်။ လျှော့နိုင်သမျှ လျှော့ပေးမယ်။ အဲဒီတော့ လျော့သွားတဲ့အခွန်တွေ ဘယ်ကပိုကောက်မလဲ ကုန်သွယ်လုပ်ငန်းခွန်တွေ ကောက်မှာပေါ့” ဟု သတင်းထောက်များအား ပြောကြားသည်။

ဝင်ငွေခွန်ဥပဒေသစ် မူကြမ်းအဆင့်ရောက်နေပြီဖြစ်ပြီး လက်ရှိဝင်ငွေခွန်ကောက်ခံနေသည့် ခေါင်းစဉ်ခုနစ်မျိုးအနက် လေးမျိုးလျှော့ချကာ စီးပွားရေးလုပ်ငန်းမှရငွေ၊ အခြေပစ္စည်းမှမြတ်စွန်းငွေ၊ လစာရငွေတို့သာပါဝင်မည်

ရန်ကုန်မြို့ ပန်းဆိုးတန်းလမ်းရှိ ပြည်တွင်းအခွန်များ ဦးစီးဌာနရုံးကို တွေ့ရစဉ်

ဝင်ငွေခွန်ဥပဒေကို အသစ်ပြန်လည်ရေးဆွဲနေပြီး မူကြမ်းအဆင့်ရောက်နေပြီဖြစ်ကာ လက်ရှိဝင်ငွေခွန် ခေါင်းစဉ်ခုနစ်မျိုးအနက် လေးမျိုးလျှော့ချကာ စီးပွားရေးလုပ်ငန်းမှ ရငွေ၊ အခြေပစ္စည်းမှမြတ်စွန်းငွေ၊ လစာရငွေတို့သာ ပါဝင်မည်ဖြစ်ကြောင်း ပြည်တွင်းအခွန်များဦးစီးဌာန ညွှန်ကြားရေးမှူးချုပ် ဦးမင်းထွဋ်က ပြောကြားသည်။

“လက်ရှိဝင်ငွေခွန်နဲ့ပတ်သက်တဲ့ ခေါင်းစဉ် ခုနစ်ခုရှိတယ်။ အခြေပစ္စည်းမှမြတ်စွန်းငွေတို့၊ စီးပွားရေးလုပ်ငန်းမှရငွေတို့၊ အခြေပစ္စည်းမှဝင်ငွေတို့၊ စည်းကြပ်မှုမှလွတ်ကင်းငွေတို့၊ အခြားတို့ အဲဒီလို ခုနစ်ခုရှိတာပေါ့။ အခု ၀င်ငွေခွန်ဥပဒေကို အသစ်ပြန်ဆွဲနေတယ်။ အခု မူကြမ်းတော့ရပြီ။ အဲဒီဝင်ငွေခွန် ဥပဒေအသစ် ထွက်လာတဲ့အခါကျရင် ၀င်ငွေခွန်နဲ့ပတ်သက်တဲ့ ခေါင်းစဉ်က သုံးမျိုးပဲပါတော့မယ်။ အဲဒီသုံးမျိုးကတော့ စီးပွားရေးလုပ်ငန်းမှရငွေ၊ အခြေပစ္စည်းမှမြတ်စွန်းငွေ၊ လစာရငွေတို့ဖြစ်ပါတယ်” ဟု ၎င်းက ပြောကြားသည်။

လက်ရှိ ၀င်ငွေခွန်ဥပဒေကို ၁၉၇၄ ခုနှစ်တွင် စတင်ပြဋ္ဌာန်းခဲ့ပြီး ၁၉၉၉ ခုနှစ်၊ ၂၀၁၄ ခုနှစ်တို့တွင် ၀င်ငွေခွန်ဥပဒေပြင်ဆင်သည့် ဥပဒေများဖြင့် ပြင်ဆင်ဖြည့်စွက်ခဲ့ခြင်း ဖြစ်သည်။ ယင်းဝင်ငွေခွန်ဥပဒေပါ ၀င်ငွေခွန် ခေါင်းစဉ်ခုနစ်မျိုးမှာ လစာ၊ အသက်မွေးဝမ်း ကျောင်းပညာလုပ်ငန်း၊ စီးပွားရေးလုပ်ငန်း၊ ပစ္စည်း၊ အခြေပစ္စည်းမှမြတ်စွန်းငွေ၊ ၀င်ငွေရလမ်း မဖော်ပြနိုင်သည့်ဝင်ငွေ၊ အခြားရလမ်းမှ ၀င်ငွေတို့ဖြစ်ပြီး လက်ရှိရေးဆွဲနေသည့် ၀င်ငွေခွန်ဥပဒေသစ်တွင် ခေါင်းစဉ်သုံးမျိုးသာ ထည့်သွင်းတော့မည် ဖြစ်သည်။

“ဒီဥပဒေပြဋ္ဌာန်းနိုင်ဖို့က အချိန်တစ်နှစ်ကျော်လောက် ယူရမှာပါ။ အခုကျွန်တော်တို့ လာမယ့်နှစ်မှာ ၀င်ငွေခွန်ကို ဖြေလျှော့ပေးထားတယ်။ အဲဒီပေးထားတဲ့ အချိန်တစ်နှစ်ပြီးသွားရင် နောက်ပိုင်း အိမ်ဝယ်တာပဲ ဖြစ်ဖြစ်၊ ကားဝယ်တာပဲဖြစ်ဖြစ်၊ ရှယ်ယာထည့်တာပဲဖြစ်ဖြစ်မှာ ၀င်ငွေရလမ်းရှိတဲ့ငွေ ရှိရင် ရှိ၊ ဒါမှမဟုတ် အခွန်ဆောင်ပြီးရထားတဲ့ Certificate လက်မှတ်ရှိရင်ရှိပေါ့။ အဲဒါမှ မရှိရင် မလာခဲ့နဲ့တော့။ နိုင်ငံတကာလို တရားဝင် ရင်းနှီးမြှုပ်နှံနိုင်တဲ့ငွေမရှိရင် ရင်းနှီးမြှုပ်နှံလို့ မရတော့ဘူးပေါ့။ အခုပေးထားတဲ့ အခွင့်အရေးအရ ကိုယ့်ရင်းနှီးမြှုပ်နှံမှုမှာအကြောင်း အမျိုးမျိုးကြောင့် အခွန်လျော့နည်းခဲ့တာရှိ တယ်ဆိုရင် အခုတစ်နှစ်အတွင်း ကျွန်တော်တို့ဆီမှာ လာဆောင်၊ အခွန်ရုံးက Certificate ပေးမယ်။ နောက်ပိုင်း တစ်ခုခုပြန်ရင်း နှီးမြှုပ်နှံတယ်ဆိုရင် ဒီ Certificate ရှိရင် အခွန်သက်သာမှာပေါ့။ တဖြည်းဖြည်းနဲ့ အခွန်လမ်းကြောင်းကို နိုင်ငံတကာအဆင့်ဖြစ်အောင် သွားနေပါတယ်” ဟု ဦးမင်းထွဋ်က ပြောကြားသည်။

ဝင်ငွေရလမ်း မပြနိုင်သည့်စည်းကြပ်မှုမှ လွတ်ကင်းနေသော ၀င်ငွေအပေါ် ၀င်ငွေခွန်အဖြစ် ယခင်က ၁၅ ရာခိုင်နှုန်းမှ ရာခိုင်နှုန်း ၃၀ အထိ ကောက်ခံခဲ့ရာမှ ၂၀၁၈ စည်းကြပ်နှစ်မှ စတင်ပယ်ဖျက်လိုက်ပြီး ယခင်အခွန် မဆောင်ခဲ့သည့် ၀င်ငွေနှင့် ပိုင်ဆိုင်မှုများ အားလုံးအတွက် ၂၀၁၈ ခုနှစ် ဧပြီ ၁ ရက်မှ ခြောက်လအတွင်း အခွန်ပေးဆောင်မည်ဆိုပါက သုံးရာခိုင်နှုန်းနှင့် အဆိုပါပထမခြောက်လအပြီး ဒုတိယခြောက်လတွင် အခွန်ထမ်းဆောင်မည်ဆိုပါက အခွန်နှုန်း ငါးရာခိုင်နှုန်း ထမ်းဆောင်ရန် ပြင်ဆင်လျှော့ချလိုက်ကြောင်း ၂၀၁၈ ခုနှစ် ပြည်ထောင်စု၏ အခွန်အကောက်ဥပဒေကြမ်းတွင် ဖော်ပြထားမှုအရ သိရသည်။

ထိုသို့ စည်းကြပ်မှုမှ လွတ်ကင်းနေသော ၀င်ငွေအပေါ် အခွန်နှုန်း ရာခိုင်နှုန်း ၃၀ မှ ငါးရာခိုင်နှုန်းအထိ လျှော့ချသည့် အစီအစဉ် အကောင်အထည်ဖော် ဆောင်ရွက်ရန်ပေးထားသည့် အချိန်မှာ ၂၀၁၈ ခုနှစ် ဧပြီ ၁ ရက်မှ ၂၀၁၉ ခုနှစ် ဧပြီ ၁ ရက်အထိဖြစ်ပြီး နောင်တွင် ၀င်ငွေခွန်ဥပဒေ၌ စည်းကြပ်မှုမှ လွတ်ကင်းနေသော ၀င်ငွေကို ပယ်ဖျက်ကာ ၀င်ငွေခွန်ဥပဒေသစ်အတိုင်းသာ အခွန်ပေးဆောင်ရမည်ဖြစ်ပြီး နောင်တွင် အခွန်တိမ်းရှောင်မှုများအတွက် ထိရောက်စွာ အရေးယူမည်ဖြစ်ကြောင်းနှင့် စည်းကြပ်မှုမှ လွတ်ကင်းနေသော ၀င်ငွေများကို ၀င်ငွေခွန်ဥပဒေအရ အရေးမယူဘဲ အခွန်ပြန်လည်ပေးဆောင်နိုင်မည့် နောက်ဆုံးအခွင့် အရေးဖြစ်ကြောင်း စီမံကိန်းနှင့် ဘဏ္ဍာရေး ၀န်ကြီးဌာန ဒုတိယ၀န်ကြီး ဦးမောင်မောင်ဝင်းက ဖေဖော်ဝါရီ ၁၃ ရက်တွင် ပြည်ထောင်စုလွှတ်တော်၌ ပြောကြားသည်။

လုပ်ငန်းရှင်များ၏ ကန့်ကွက်မှု ကြုံတွေ့နေရသည့် Withholding Tax ကောက်ခံမှု ပယ်ဖျက်တော့မည်ဖြစ်ကြောင်း ပြည်တွင်းအခွန် ပြောကြား

လုပ်ငန်းရှင်များ၏ ကန့်ကွက်မှု ကြုံတွေ့နေရသည့် ၀င်ငွေခွန်အပေါ် ကြိုတင်ကောက်ခံသောပင်ရင်းမှ နုတ်ယူပေးသွင်းသည့် အခွန် Withholding Tax ကောက်ခံမှုကို နိုင်ငံတော်အစိုးရက ကောက်ခံတော့မည်မဟုတ်ဘဲ ပယ်ဖျက်တော့မည်ဖြစ်ကြောင်း ပြည်တွင်း အခွန်များဦးစီးဌာနထံမှ သိရှိရသည်ဟု ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်က ဖေဖော်ဝါရီ ၁၁ ရက်တွင် သတင်းထုတ်ပြန်သည်။

အဆိုပါ ပြောကြားချက်ကို ကုန်သည်စက်မှုအသင်းချုပ်တွင် ဖေဖော်ဝါရီ ၁၁ ရက်က ဆွေးနွေးခဲ့သည့် ပြည်ထောင်စုအခွန်အကောက်ဥပဒေဆိုင်ရာ အစိုးရ-ပုဂ္ဂလိက ဆွေးနွေးပွဲ၌ ပြည်တွင်းအခွန်များဦးစီးဌာနက အသိပေး ပြောကြားခဲ့ခြင်းဖြစ်ပြီး လက်ရှိတွင် Withholding Tax ကောက်ခံခြင်းအား ပယ်ဖျက်ရန် အဆင့်ဆင့် တင်ပြဆောင်ရွက်နေကာ မကြာမီလအနည်းငယ်အတွင်း စတင်အကျိုးသက်ရောက်နိုင်မည်ဖြစ်ကြောင်း ထုတ်ပြန်ချက်အရ သိရသည်။

၂၀၁၈ ပြည်ထောင်စု အခွန်အကောက်ဥပဒေတွင် ထည့်သွင်းရေးဆွဲသင့်သည့် အကောက်ခွန်နှင့် အခွန်ဆိုင်ရာနှုန်းထားများကို ကုန်သည်စက်မှုအသင်းချုပ်တွင် ဆွေးနွေးနေခြင်းဖြစ်ပြီး ကုန်သည်စက်မှုအသင်းချုပ်နှင့် ညီနောင်အသင်းများမှ ကိုယ်စားလှယ်များက ရန်ကုန်တိုင်းဒေသကြီးဝန်ကြီးချုပ်၊ တိုင်းဒေသကြီး စီမံ-ဘဏ္ဍာဝန်ကြီး အပါအ၀င် သက်ဆိုင်ရာ အစိုးရတာဝန်ရှိသူများနှင့် အခွန်ဆိုင်ရာ ဖြေလျှော့မှုများအတွက် ဆွေးနွေးခဲ့သည်။

ယနေ့ အစည်းအဝေးတွင် ပြည်တွင်းမှ ထုတ်လုပ်နေသည့်စက်ရုံများ ပို့ကုန်မြှင့်တင်ရေးနှင့် သွင်းကုန်အစားထိုးရေးအတွက် အကျိုးပြုနေသည့် လုပ်ငန်းများ၏ ယှဉ်ပြိုင်နိုင်စွမ်း တိုးတက်လာဖို့ ကုန်သွယ်လုပ်ငန်းခွန်နှင့် အကောက်ခွန်နှုန်းထားများ လျှော့ချရေး၊ အိမ်၊ ခြံ၊ မြေ၀ယ်ယူရာတွင် ပေးဆောင်နေရသည့် ၀င်ငွေခွန်နှုန်းထားများ လျှော့ချရေးနှင့် ၀င်ငွေခွန်ဥပဒေသစ်ရေးဆွဲရာတွင် ပုဂ္ဂလိကကဏ္ဍ၏ အကြံပြုချက်များကို ကျယ်ကျယ်ပြန့်ပြန့် ရယူရေး ဆွေးနွေးခဲ့ကြောင်း သိရသည်။

ထို့ပြင် အခွန်ဆိုင်ရာနှစ် (Tax Year) ကို ဧပြီ ၁ ရက်မှ မတ် ၃၁ ရက်အထိထားရှိရေး၊ အခွန်ဆိုင်ရာဥပဒေများ၊ အခွန်ဆိုင်ရာ လုပ်ထုံးလုပ်နည်းများ၊ ဆောင်ရွက်မှုပုံစံများ ပိုမိုရှင်းလင်း လွယ်ကူလာစေရေးနှင့် ICT နည်းပညာများ အသုံးပြုရေးအပြင် ပြည်တွင်းအခွန်များဦးစီးဌာနအတွက် နိုင်ငံတော်အစိုးရက ပိုမိုပံ့ပိုးထောက်ပံ့ပေးခြင်းနှင့် နှစ်စဉ်ဘဏ္ဍာငွေ ပိုမိုစီစဉ်ပေးခြင်း စသည့်နည်းများနှင့် အခွန်ထမ်းပြည်သူကို ပိုမိုကောင်းမွန်သည့် ၀န်ဆောင်မှုပေးနိုင်ရေး ဆွေးနွေးခဲ့ကြောင်း သိရသည်။

မြေကွက်ရောင်းချခြင်းအပါအ၀င် အခြေပစ္စည်းမှ မြတ်စွန်းငွေများအပေါ် ၀င်ငွေခွန်ပေးဆောင်ထားသည့် အခွန်ထမ်း ၁၀ ဦးစာရင်း ထုတ်ပြန်

မြေကွက်ရောင်းချခြင်းအပါအ၀င် အခြေပစ္စည်းမှ မြတ်စွန်းငွေများအပေါ် ၀င်ငွေခွန်ပေးဆောင်ထားသည့် အခွန်ထမ်း ၁၀ ဦးစာရင်းကို  ပြည်တွင်းအခွန်များဦးစီးဌာနက ထုတ်ပြန်ခဲ့ကြောင်း သိရသည်။

နှစ်ဟောင်းစည်းကြပ်နှစ်များအတွက် အခြေပစ္စည်းမှ မြတ်စွန်းငွေများအား ၂၀၁၆-၂၀၁၇ စည်းကြပ်နှစ်အတွင်း ၂၀၁၇ ခုနှစ် မတ် ၃၁ ရက်အထိ ပေးသွင်းထားသည့် အခွန်ထမ်းများစာရင်း၏ ၀င်ငွေခွန်ကောက်ခံရငွေစာရင်းကို ပြည်တွင်းအခွန်များဦးစီးဌာနက ထုတ်ပြန်ခဲ့ခြင်းဖြစ်ကြောင်း သိရသည်။

အဆိုပါစာရင်းတွင် ကျပ်သန်း ၅၀၀၀ အောက်ပေးသွင်းသူတစ်ဦး၊  ကျပ်သန်း ၉၀၀ အောက်ပေးသွင်းသူတစ်ဦး၊ ကျပ်သန်း ၃၀၀ အောက်ပေးသွင်းသူတစ်ဦး၊ ကျပ်သန်း ၂၀၀ အောက်ပေးသွင်းသူလေးဦး၊ ကျပ်သန်း ၁၀၀ အောက်ပေးသွင်းသူသုံးဦး စုစုပေါင်း ၁၀ ဦး စာရင်းကို ထုတ်ပြန်ထားသည်။

Shwe Ayer Nadi Limited က ကုန်ထုတ်လုပ်ငန်းအမျိုးအစားဖြင့် ကျပ်သန်း ၅၀၀၀ အောက်ပေးသွင်းထားခြင်းဖြစ်ပြီး Soe Electric & Machinery Co..,Ltd က ကုန်သွယ်ရေး လုပ်ငန်းအမျိုးအစားဖြင့် ကျပ်သန်း ၉၀၀ အောက် ပေးဆောင်ထားခြင်းဖြစ်ကြောင်း သိရသည်။

Kanbawza Industries Ltd က ကျပ်သန်း ၃၀၀ အောက်ပေးသွင်းထားပြီး ကျပ်သန်း ၂၀၀ အောက်ပေးဆောင်သူများစာရင်းတွင် Nilar Yoma Gems Co.., Ltd ၊ ဒေါ်ခင် စု (ခ) ချင်စုကော်၊ Capital Power Co.,Ltd ၊ ဒေါ်မေရင် (ခ) ဒေါ်သန်းသန်းအေးတို့ပါဝင်ကြောင်း သိရသည်။ ကျပ်သန်း ၁၀၀ အောက် ပေးဆောင်သူများစာရင်းတွင် ဒေါ်အေးစုံ၊ ဦးကျော်စိန်နှင့် ဦးထွန်းစိန်၊ ဒေါ်ခင်သန်းရီ တို့ပါဝင်ပြီး ၎င်းတို့မှာ မြေကွက်ရောင်းချခြင်း၊ မြေအဆောက် အအုံငှားရမ်းခြင်းတို့အတွက် ၀င်ငွေခွန်ပေးဆောင်ခဲ့ခြင်း ဖြစ်သည်။

အခြေပစ္စည်းဆိုသည်မှာ မြေ၊ အဆောက်အအုံနှင့် ယင်းတို့၏အခန်းများ၊ ယာဉ်နှင့်လုပ်ငန်းဆိုင်ရာ မçတည်ပစ္စည်းကို ဆိုလိုကြောင်း ယင်းစကားရပ်တွင် အစုရှယ်ယာနှင့် ကတိဝန်ခံချုပ်တို့အပြင် ငွေချေးသက်သေခံလက်မှတ်များ၊ ယင်းတို့ကဲ့သို့သော အလားတူ စာချုပ်စာတမ်းများပါဝင်ကြောင်း ၀င်ငွေခွန် ဥပဒေတွင် ဖော်ပြထားသည်။