ယူကေတွင် လူပေါင်း ၈၁၁ ဦးဖြင့် အာဖရိကတိုက်ပုံဖော်ခဲ့သည့် စံချိန်းကိုချိုး၍ မြန်မာနိုင်ငံမြေပုံပုံဖော်မှု ဂင်းနစ်စံချိန်ဝင်

တယ်လီနော မြန်မာမှ ကြီးမှူးပြုလုပ်သည့် လူများဖြင့် ပုံဖော်ထားသည့် မြန်မာနိုင်ငံမြေပုံကို တွေ့ရစဉ် (Photo: Telenor Myanmar Facebook)

ယူကေတွင် လူပေါင်း ၈၁၁ ဦးဖြင့် အာဖရိကတိုက်ပုံဖော်ခဲ့သည့် စံချိန်းကိုချိုး၍ မြန်မာနိုင်ငံမြေပုံကို ကမ္ဘာ့အကြီးဆုံးပုံဖော်မှုဖြင့် ဂင်းနစ်စံချိန်ဝင်ခဲ့ကြောင်း တယ်လီနောမြန်မာ၏ သတင်းထုတ်ပြန်ချက်အရသိရသည်။

တယ်လီနောအနေဖြင့် ယင်းကမ္ဘာ့အကြီးဆုံး မြေပုံကြီးကို ဂင်းနစ်ကမ္ဘာ့စံချိန်သစ် (Guinnes World Record) တစ်ခုအဖြစ် မှတ်တမ်းဝင်နိုင်ရန် ကြိုးပမ်းခဲ့ခြင်းဖြစ်သည်။ လူများဖြင့် ပုံဖော်ထားသည့် မြန်မာနိုင်ငံမြေပုံကို ကမ္ဘာ့စံချိန်သစ်တင်နိုင်ရေးကြိုးပမ်းမှုကို ဂင်းနစ်စံချိန် မှတ်တမ်းတင်အဖွဲ့အစည်းက အတည်ပြုခဲ့ခြင်းဖြစ်သည်။ မြန်မာနိုင်ငံအနေဖြင့် ဂင်းနစ်ကမ္ဘာ့စံချိန်သစ်တစ်ခု တင်နိုင်ခဲ့ပြီဖြစ်သည်။

မကွေးတိုင်းဒေသကြီးအစိုးရအဖွဲ့၏ ပံ့ပိုးကူညီမှုဖြင့် တယ်လီနောမြန်မာမှ ဦးဆောင်ကာ ဖေဖော်ဝါရီ ၁၂ ရက် (ပြည်ထောင်စု)နေ့တွင် မကွေးမြို့ခရိုင်အားကစားကွင်း၌ ပြုလုပ်ခဲ့သော ကမ္ဘာ့စံချိန်သစ်တင်နိုင်ရေး ကြိုးပမ်းမှုတွင် တက္ကသိုလ်နှင့် ကောလိပ်ကျောင်းသူကျောင်းသားများ၊ ဌာနေပြည်သူပြည်သားများနှင့် တယ်လီနောဝန်ထမ်းများ စုစုပေါင်း ၃၄၆၆ ဦးက စတုရန်းပေ ၂၄ ဒသမ ၈၀၄ အကျယ်အ၀န်းရှိ မြန်မာနိုင်ငံမြေပုံကြီးကို စုပေါင်းပုံဖော်ခဲ့ကြခြင်းဖြစ်သည်။

ဂင်းနစ်ကမ္ဘာ့စံချိန်အဖွဲ့အစည်း၏ အတည်ပြုချက်အရ ၂၀၁၆ ခုနှစ်က ယူကေနိုင်ငံတွင် (Belron Internal) ဦးဆောင်ကာ လူပေါင်း ၈၁၁ ဦးဖြင့် အာဖရိကတိုက် ပုံဖော်ခဲ့သည့်စံချိန်ကိုချိုးရန် မြန်မာနိုင်ငံက ကြိုးပမ်းရာတွင် အတိအကျလိုက်နာရန် လိုအပ်သည့် စည်းမျဉ်းစည်းကမ်းများနှင့် ကိုက်ညီပြီး တရားဝင်စံချိန်သစ်တင်နိုင်ခဲ့သည်။

“ဒီကြိုးပမ်းမှုကို ဦးဆောင်ခွင့်ရခဲ့တဲ့အတွက် တယ်လီနောမြန်မာအနေနဲ့ တကယ်ကို ၀မ်းမြောက်ဂုဏ်ယူပါတယ်။ လူငယ်တွေအများစုပါဝင်တဲ့ လူပေါင်းထောင်နဲ့ချီပြီး ကျွန်တော်တို့ မြန်မာနိုင်ငံမြေပုံကြီးကို အတူတကွလက်တွဲလို့ ပုံဖော်ကြတာကို မြင်ရတဲ့အချိန်ကတကယ့်ကို စိတ်လှုပ်ရှားစရာကောင်းသလို ဂုဏ်ယူစရာလည်းကောင်းပါတယ်” ဟု တယ်လီနောမြန်မာဒေသဆိုင်ရာ စီးပွားရေးတာဝန်ခံ ဦးရေချမ်းက ပြောကြားသည်။

အဆိုပါ ဂင်းနစ်ကမ္ဘာ့စံချိန်သစ်သည် မြန်မာနိုင်ငံအတွက် လူအများစု၏ပါဝင်မှုဖြင့် ကြိုးပမ်းခဲ့သော ပထမဆုံးစံချိန်လည်းဖြစ်သည်။ ယခင်ကရယူခဲ့ဖူးသည့် ကမ္ဘာ့စံချိန်များမှာ တစ်သီးပုဂ္ဂလနှင့်သာသက်ဆိုင်သော စံချိန်များဖြစ်ပြီး အထင်ရှားဆုံးမှာ မှတ်ဉာဏ်အကောင်းဆုံးလူပုဂ္ဂိုလ်အဖြစ် ၁၉၈၅ ခုနှစ်က စံချိန်တင်ခဲ့သော မင်းကွန်းဆရာတော်ကြီး ဦးဝိစိတ္တသာရ ဖြစ်သည်။

စွမ်းအင်ကဏ္ဍတွင် သဘာဝပတ်ဝန်းကျင်ထိခိုက်မှု နည်းစေသည့် နည်းလမ်းများ ရှာဖွေသွားနိုင်ရေးကိစ္စနှင့် ပတ်သက်၍ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကုလသမဂ္ဂ ပတ်ဝန်းကျင် ထိန်းသိမ်းရေး အစီအစဉ် (UNEP) ၏ အမှုဆောင် ညွှန်ကြားရေးမှူး ဆွေးနွေး

ဖေဖော်ဝါရီ ၆ ရက်က နေပြည်တော်တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ကုလသမဂ္ဂ ပတ်ဝန်းကျင်ထိန်းသိမ်းရေး အစီအစဉ်၏ အမှုဆောင် ညွှန်ကြားရေးမှူးနှင့် ကုလသမဂ္ဂ ဒုတိယ အတွင်းရေးမှူးချုပ် Mr.Erik Solheim အား လက်ခံတွေ့ဆုံစဉ် (Photo – MOFA Myanmar)

မြန်မာနိုင်ငံ၏ စွမ်းအင်ကဏ္ဍတွင် သဘာဝပတ်ဝန်းကျင် ထိခိုက်မှုနည်းစေသည့် နည်းလမ်းများ ရှာဖွေဆောင်ရွက် သွားနိုင်ရေး ကိစ္စနှင့်ပတ်သက်၍ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကုလသမဂ္ဂ ပတ်ဝန်းကျင်ထိန်းသိမ်းရေး အစီအစဉ် (UNEP) ၏ အမှုဆောင် ညွှန်ကြားရေးမှူးတို့ ဆွေးနွေးခဲ့ကြောင်း သတင်းရရှိသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် မြန်မာနိုင်ငံသို့ ရောက်ရှိနေသည့် ကုလသမဂ္ဂ ပတ်ဝန်းကျင်ထိန်းသိမ်းရေး အစီအစဉ် (United Nations Enviroment Programme – UNEP) ၏ အမှုဆောင် ညွှန်ကြားရေးမှူးနှင့် ကုလသမဂ္ဂ ဒုတိယအတွင်းရေးမှူးချုပ် Mr.Erik Sholheim အား ဖေဖော်ဝါရီ ၆ ရက်က နေပြည်တော်ရှိ နိုင်ငံခြားရေး ၀န်ကြီးဌာန ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံခဲ့ကြောင်း နိုင်ငံခြားရေး ၀န်ကြီးဌာနက သတင်းထုတ်ပြန်ခဲ့သည်။

ထိုသို့တွေ့ဆုံရာတွင် UNEP နှင့် ဒေသတွင်းနိုင်ငံများ ပူးပေါင်းဆောင်ရွက်နေသည့် ကိစ္စရပ်များ၊ မြန်မာနိုင်ငံ၏ စွမ်းအင်ကဏ္ဍတွင် သဘာဝပတ်ဝန်းကျင် ထိခိုက်မှုနည်းစေသည့် နည်းလမ်းများ ရှာဖွေဆောင်ရွက်သွားနိုင်ရေး၊ စိုက်ပျိုးရေးနှင့် သီးနှံထုတ်ကုန် မြှင့်တင်ရေးနှင့် သဘာဝပတ်ဝန်းကျင် ထိန်းသိမ်းရေးစသည့် ကိစ္စရပ်များအား ဆွေးနွေးခဲ့ကြောင်း နိုင်ငံခြားရေး ၀န်ကြီးဌာနက သတင်းထုတ်ပြန်ခဲ့သည်။

မြန်မာနိုင်ငံတွင် လက်ရှိ ဓာတ်အားသုံးစွဲမှုပမာဏ အမြင့်ဆုံးမှာ ၃၁၈၉ မဂ္ဂါဝပ် ခန့်ရှိပြီး အဆိုပါ လိုအပ်ချက်ကို ရေအားလျှပ်စစ်စက်ရုံ၁၇ ရုံနှင့် အပူစွမ်းအင်သုံး ဓာတ်အားပေးစက်ရုံ ၁၅ ရုံ တို့မှ ထုတ်လုပ်ပေးလျက် ရှိကြောင်း၊ နှစ်အလိုက် ဓာတ်အားတိုးတက်သုံးစွဲနှုန်းမှာ ၁၅ ရာခိုင်နှုန်း တိုးတက်နေပြီး ၂၀၂၀- ၂၀၂၁ ခုနှစ်တွင် ၄၅၃၁ မဂ္ဂါဝပ်ထိ သုံးစွဲမည်ဟု ခန့်မှန်းထားကြောင်း သိရသည်။

လက်ရှိတွင် ၃၁၈၉ မဂ္ဂါဝပ်အထိ ထုတ်လုပ်နိုင်၍ ၁၃၄၂ မဂ္ဂါဝပ်ထပ်မံ လိုအပ်ကြောင်း၊ ယင်းအတွက် ၂၀၁၈ ခုနှစ်တွင် စက်ရုံသုံးရုံမှ ၄၃၉ မဂ္ဂါဝပ်၊ ၂၀၁၉ ခုနှစ်တွင် စက် ရုံလေးရုံမှ ၇၅၀ မဂ္ဂါဝပ်၊ ၂၀၂၀ ပြည့်နှစ်တွင် စက်ရုံသုံးရုံမှ ၂၆၀ မဂ္ဂါဝပ်၊ ၂၀၂၁ ခုနှစ်တွင် စက်ရုံငါးရုံမှ ၉၇၁ မဂ္ဂါဝပ်နှင့် ၂၀၂၂ ခုနှစ်တွင် စက်ရုံငါးရုံမှ ၈၉၁ မဂ္ဂါဝပ် ထုတ်လုပ်နိုင်ရေး စီစဉ်ထားကြောင်း သိရသည်။

အဆိုပါစက်ရုံများ ဓာတ်အားထုတ်လုပ်မှုတွင် ရေအားစက်ရုံများ ၁၅ ရာခိုင်နှုန်း၊ HFO စက်ရုံများ ၁၈ ရာခိုင်နှုန်း၊ သဘာဝဓာတ်ငွေ့သုံး စက်ရုံများ ရာခိုင်နှုန်း ၃၀၊ LNG စက်ရုံ ၃၂ ရာခိုင်နှုန်း၊ Solar စက်ရုံ ငါးရာခိုင်နှုန်း ပါဝင်မည် ဖြစ်ကြောင်း သိရသည်။

ထို့ပြင် မြန်မာနိုင်ငံတွင် မီးသုံးစွဲသူ ၁၀ ဒသမ ၈၇၇ သန်းအနက် ၄ ဒသမ ၂၈၉ သန်း (၃၉ ဒသမ ၄ ရာခိုင်နှုန်း) လျှပ်စစ်မီးရရှိပြီး ၆ ဒသမ ၅၈၈ သန်း မီးရရှိရန် ကျန်ရှိနေကြောင်း သိရသည်။

မြို့အနေဖြင့် ၄၈၂ မြို့အနက် ဓာတ်အားစနစ်မှ မြို့ ၃၅၀ မီးရရှိပြီး အခြားနည်းလမ်းဖြင့် ကျန် ၁၃၂  မြို့ မီးရရှိထားကြောင်း၊ ကျေးရွာများ အနေဖြင့် ၆၃၇၃၇ ရွာရှိသည့် အနက် ၃၂၂၂၈ ရွာ မီးရရှိပြီး ၃၁၅၀၉ ရွာ ကျန်ရှိနေကြောင်း သိရသည်။

 

အကျပ်အတည်းဆိုင်ရာ နိုင်ငံတကာ အကြံပေးအဖွဲ့သစ် အကြီးအကဲက မြန်မာနိုင်ငံ ရခိုင်ပြည်နယ်သို့ လွတ်လပ်စွာ ၀င်ရောက်ခွင့်ပြုရန် တောင်းဆို

စက်တင်ဘာ ၇ ရက်က မောင်တောမြို့အနီး ကင်းလှည့်နေကြသော မြန်မာရဲတပ်ဖွဲ့ဝင်များ (Photo : AFP)

လူသားချင်း စာနာထောက်ထားမှုဆိုင်ရာ ၀န်ထမ်းများနှင့် ဂျာနယ်လစ်များအား ဘင်္ဂါလီမွတ်စလင် ၆၅၀,၀၀၀ ဘင်္ဂလားဒေ့ရ်ှသို့ ထွက်ပြေးခဲ့ရသည့် အကြမ်းဖက်မှုများ ဖြစ်ပွားရာ မြန်မာနိုင်ငံ ရခိုင်ပြည်နယ်သို့ လွတ်လပ်စွာ ၀င်ရောက်ခွင့်ပြုရန် အကျပ်အတည်းဆိုင်ရာ နိုင်ငံတကာ အကြံပေးအဖွဲ့သစ်၏ အကြီးအကဲက တောင်းဆိုခဲ့သည်။

ထိုင်းနိုင်ငံခြားရေး ၀န်ကြီးဟောင်းဖြစ်သူ ဆူရာကီအက်ဆာသီရာထိုင်းက လွန်ခဲ့သည့်လက မြန်မာနိုင်ငံတွင် ရိုက်တာသတင်းထောက် နှစ်ဦးအား ဖမ်းဆီးခဲ့မှုနှင့် ပတ်သက်၍ စိုးရိမ်မိကြောင်းလည်း ဖော်ပြခဲ့ပြီး ၎င်းအနေဖြင့် ယင်းကိစ္စသည် နိုင်ငံတကာ မီဒီယာများအား ပိုမိုကျယ်ပြန့်စွာ ကန့်သတ်ပိတ်ပင်မှုများဆီသို့ ဦးတည်မသွားစေရန် မျှော်လင့်မိသည်ဟုလည်း ပြောကြားခဲ့သည်။

“စာနယ်ဇင်းတွေနဲ့ လူသားချင်းစာနာ ထောက်ထားမှုဆိုင်ရာ အဖွဲ့တွေ ရခိုင်ပြည်နယ်ကို ၀င်ခွင့်ရရေးဟာ အရေးကြီးတဲ့ကိစ္စ ဖြစ်သလို တခြားသက်ဆိုင်ရာ ပုဂ္ဂိုလ်တွေလည်း ၀င်ခွင့်ရဖို့ အရေးကြီးပါတယ်” ဟု ဆူ ရာကီအက်က ဘန်ကောက်မြို့တွင် ပြုလုပ်သော တွေ့ဆုံမေးမြန်းခန်း တစ်ခု၌ ပြောကြားခဲ့သည်။ သူက “တရားဝင် သတင်းရေးသားမှုတွေဟာ အားပေးသင့်တဲ့ကိစ္စ ဖြစ်ပါတယ်” ဟုလည်း ပြောကြားခဲ့သည်။

မြန်မာနိုင်ငံတွင် ဘင်္ဂါလီမွတ်စလင် အကြမ်းဖက်သမားများ၏ တိုက်ခိုက်မှုများကို တုံ့ပြန်သောအားဖြင့် တပ်မတော်က စစ်ဆင်ရေးတစ်ရပ် ဆောင်ရွက်ခဲ့ရာ ရခိုင်ပြည်နယ်သို့ ၀င်ရောက်ခွင့်ကို ပြင်းပြင်းထန်ထန် ပိတ်ထားခဲ့သည်။ တပ်မတော်၏ စစ်ဆင်ရေးကို ကုလသမဂ္ဂက လူမျိုးစုလိုက် သုတ်သင်မှုဟု ပြစ်တင်ရှုတ်ချ ခဲ့သော်လည်း ဗုဒ္ဓဘာသာဝင်အများစု နေထိုင်သော မြန်မာနိုင်ငံက ယင်းစွပ်စွဲချက်ကို ပယ်ချခဲ့သည်။

ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် ဦးဆောင်သည့် အစောပိုင်း ကော်မရှင်တစ်ရပ်၏ အကြံပြုချက်များကို မည်သို့မည်ပုံ အကောင်အထည် ဖော်ရမည်ကို အကြံပေးမည့် အဖွဲ့ဝင် ၁၀ ဦး ပါဝင်သော ဘုတ်အဖွဲ့အား ဦးဆောင်ရန် မြန်မာခေါင်းဆောင် ဒေါ်အောင်ဆန်းစုကြည်က ဆူရာကီအက် (၅၉ နှစ်) ကို ရွေးချယ်ခဲ့သည်။

ကာလကြာရှည်ခဲ့ပြီဖြစ်သော ရခိုင်ပြည်နယ်၏ လူမျိုးရေးနှင့် ဘာသာရေး တင်းမာမှုများကို ဖြေရှင်းရန်အတွက် စုံစမ်းစစ်ဆေးမှုများ ပြုလုပ်ရန် ၂၀၁၆ ခုနှစ်က ဒေါ်အောင်ဆန်းစုကြည် ခန့်အပ်ခဲ့သည့် ကိုဖီအာနန်၏ ကော်မရှင်မှ ထုတ်ပြန်သော ၆၃ မျက်နှာပါသည့် အစီရင်ခံစာတွင် လွတ်လပ်သော မီဒီယာများကို သတင်းရယူ ရေးသားခွင့်ပြုရန်သည် အထူးအကြံပြုချက် တစ်ရပ်အဖြစ် ပါဝင်သည်။

ရခိုင်ပြည်နယ်၌ ဖြစ်ပွားသော ပဋိပက္ခများနှင့် ပတ်သက်၍ သတင်းရေးသားခဲ့သော ရိုက်တာသတင်းထောက် နှစ်ဦးဖြစ်သည့် ၀လုံးနှင့် ကျော်စိုးမိုးတို့အား မြန်မာနိုင်ငံ၏ တရားဝင် လျှို့ဝှက်အက်ဥပဒေအား ချိုးဖောက်မှုနှင့် ပတ်သက်၍ သင်္ကာမကင်းဖြစ်ကာ ဒီဇင်ဘာ ၁၂ ရက်က ရန်ကုန်မြို့တွင် ဖမ်းဆီးခဲ့သည်။

Ref : Reuters

မြန်မာနိုင်ငံရှိ အင်းကျားများကို တရားမ၀င် သတ်ဖြတ်ရောင်းဝယ်မှု မြင့်မားလာပြီး ကာကွယ်ထိန်းသိမ်းရန် အရေးတကြီး လိုအပ်နေ

ထမံသီဘေးမဲ့တောအတွင်းရှိ အင်းကျားတစ်ကောင်ကို ကင်မရာမှတ်တမ်းမှ တွေ့ရစဉ်  (ဓာတ်ပုံ- WCS Myanmar)

မြန်မာနိုင်ငံ၏ အရေးကြီးမျိုးစိတ်ဖြစ်သော အင်းကျားများကို တရားမ၀င် သတ်ဖြတ်ရောင်းဝယ်မှု မြင့်မားလာသဖြင့် ကာကွယ်ထိန်းသိမ်းရန် အရေးတကြီး လိုအပ်နေကြောင်း သိရသည်။

ကျားကဲ့သို့ပင် အင်းကျားများ၏ ခန္ဓာကိုယ်အစိတ်အပိုင်းများကို တိုင်းရင်းဆေးများ ဖော်စပ်ရာတွင် အသုံးပြုခြင်း၊ ၎င်းတို့၏လှပသော အရောင်အသွေးကြောင့် အလှဆင်ရန် အသုံးပြုခြင်းတို့ကြောင့် အင်းကျားများကို တရားမ၀င် သတ်ဖြတ်ရောင်းဝယ်မှု မြင့်မားလာရကြောင်း သားငှက်ထိန်းသိမ်းရေးအဖွဲ့ (မြန်မာနိုင်ငံအစီအစဉ်) မှ အင်းကျားသုတေသန ပြုလုပ်နေသူ ဦးလှနိုင်က ပြောကြားသည်။

“ကျားနဲ့ ကျားသစ်ပြီးရင် အင်းကျားက မြန်မာနိုင်ငံရဲ့ အရေးကြီးဆုံး မျိုးစိတ်တစ်ခု ဖြစ်သလို တရားမ၀င် သတ်ဖြတ်ရောင်းဝယ်ခံရမှု မြင့်မားတဲ့အထဲမှာ ကျားနဲ့ ကျားသစ်ပြီးရင် အင်းကျားက တတိယနေရာမှာ ရှိနေ တယ်။ တစ်ကမ္ဘာလုံးမှာ ကျားကောင်ရေက အလွန်ဆုံးရှိလှမှ ၃၀၀၀ ကျော်လောက်ပဲ ကျန်တော့တာဆိုတော့ ဈေးကွက်က ၀ယ်လိုအား ကြီးမားပေမယ့် သဘာဝတောတောင်တွေထဲမှာ ကျားကိုရရှိနိုင်ဖို့ ခဲယဉ်းလာတယ်။ ကျားသစ်ကလည်း ကျားလောက်နီးပါး ရှားပါးလာတဲ့ အနေအထားမှာ ရှိတယ်။ ဒီတော့ အင်းကျားလည်း ဆေးဖက်ဝင်တယ် ဆိုတာက တစ်ပိုင်း၊ သူတို့ရဲ့ သွင်ပြင်လက္ခဏာက အရောင်အသွေးက လှပတယ်။ ဆန်းကြယ်တယ်။ ဆွဲဆောင်မှုရှိတယ်ဆိုတော့ ကျားတို့၊ ကျားသစ်တို့လိုပဲ အရောင်အသွေးလှပမှုကို ခုံမင်ပြီး ရောင်းဝယ်ဖောက်ကားကြတဲ့ အနေအထားမှာရှိတယ်” ဟု ဦးလှနိုင်က ပြောကြားသည်။

သစ်တောပြုန်းတီးခြင်းကြောင့် အင်းကျားတို့ နေထိုင်ကျက်စားရန် ကောင်းမွန်သော တောအုပ်များ ရှားပါးလာခြင်း၊ ၎င်းတို့၏ အစားအစာ ရှားပါးလာရခြင်းတို့ကြောင့်လည်း အင်းကျားကောင်ရေများ လျော့နည်းကျဆင်း လာရကြောင်း ၎င်းကဆိုသည်။

“ကြောင်မျိုးစိတ်ရှစ်မျိုးထဲမှာ ကျန်တဲ့ကြောင်အုပ်စုတွေနဲ့ မတူတဲ့အချက်က အင်းကျားက သဘာဝ တောတောင်ထဲက သစ်ရိပ်၊ ၀ါးရိပ် ရွက်အုပ်ကောင်းတဲ့ တောမှာပဲနေတယ်။ ပင်မြင့်တောတွေ ရှိမှသာလျှင် အပင်ပေါ်မှာလည်း ဟိုအပင်ကူး ဒီအပင်ကူး နေထိုင်ကျက်စားတဲ့ ဓလေ့စရိုက်ရှိတယ်။ သဘာဝ တောမကောင်းဘူး။ ပင်မြင့်တောတွေ မရှိဘူး။ တစ်ပင်နဲ့တစ်ပင် ရွက်အုပ်ဆက်စပ်နေတဲ့ တောတွေ မရှိဘူးဆိုရင် အင်းကျားက ကြာကြာမနေနိုင်ဘူး။ ပြောရမယ်ဆိုရင် အင်းကျားဟာ သဘာဝ တောတောင်ရဲ့ အရည်အသွေး ကောင်းမွန်ခြင်းရဲ့ သင်္ကေတ ဖြစ်နေတယ်။ ဒါပေမဲ့ သစ်တွေကို စနစ်တကျ မထုတ်ခဲ့ဘဲ စည်းလွတ်ဝါးလွတ် အပြောင်ရှင်းပစ်တာ။ သဘာဝတောတောင်ရဲ့ အကျိုးအမြတ်ကို လိုချင်တာနဲ့ မြေနေရာဦးပြီး တောတွေရှင်းပစ်တာ စတာတွေကြောင့် အင်းကျားတွေ နေစရာ ပျောက်လာတာ။ သူတို့ရဲ့ အစားအသောက်တွေ ရှားပါးလာတာကြောင့် အင်းကျားကောင် ရေကျဆင်းလာရတာ ဖြစ်တယ်” ဟု ဦးလှနိုင်က ဆက်လက်ပြောကြားသည်။

အင်းကျားသည် ကျားကဲ့သို့ပင် ကြောင်မျိုးစိတ်ဝင် တစ်မျိုးဖြစ်ပြီး မြန်မာနိုင်ငံတွင် ကျား၊ ကျားသစ်၊ အင်းကျား၊ ကြောင်မြင်း၊ တောကြောင်၊ သစ်ကြောင်၊ ကြောင်သလင်းနှင့် ကြောင်တံငါဟူ၍ ကြောင်မျိုးစိတ်ဝင် ရှစ်မျိုးအထိ ရှိကြောင်း သိရသည်။

၁၉၉၀ ပြည့်နှစ်နှင့် ၂၀၀၂ ခုနှစ်တွင် မြန်မာနိုင်ငံ၌ ပြုလုပ်သော ကျားကောင်ရေ လေ့လာစာရင်းကောက်သော စီမံကိန်း၊ မြန်မာနိုင်ငံတောင်ပိုင်း တနင်္သာရီဒေသတွင် ပြုလုပ်သော သုတေသနနှင့် မြန်မာနိုင်ငံမြောက်ပိုင်း သစ်တောများတွင် ပြုလုပ်သော သုတေသနများအရ မြန်မာနိုင်ငံအတွင်း အင်းကျား နေထိုင်ကျက်စားသော နေရာ ၁၅ နေရာရှိကြောင်း သိရသည်။

ထိုနေရာများအနက် စစ်ကိုင်းတိုင်းဒေသကြီး အထက်ပိုင်းရှိ ထမံသီဘေးမဲ့တောသည် အင်းကျားနေထိုင် ကျက်စားရန် အကောင်းမွန်ဆုံး သစ်တောဖြစ်ပြီး သစ်တောဦးစီးဌာန အောက်စဖို့တက္ကသိုလ်၏ ဇီဝဗေဒဌာန လက်အောက်ရှိ Wildlife Conservation Research Unit (Wild CRU) နှင့်အတူ သားငှက်ထိန်းသိမ်းရေးအဖွဲ့ (မြန်မာနိုင်ငံ အစီအစဉ်) မှ ၂၀၁၄-၂၀၁၅ ခုနှစ်နှင့် ၂၀၁၅-၂၀၁၆ ခုနှစ်တွင် ပူးပေါင်းပြုလုပ်သော သုတေသနများအရ ထမံသီဘေးမဲ့တော၏ ၁၀၀ စတုရန်း ကီလိုမီတာလျှင် အင်းကျားတစ်ကောင်မှ သုံးကောင်အထိ နေထိုင်ကျက်စားနေကြောင်း သိရသည်။

အာရှတိုက် ကုန်းမကြီးတွင် နေထိုင်ကျက်စားသော အင်းကျား (Clouded Leopard) နှင့် အာရှကျွန်းဆွယ်ပိုင်းတွင် နေထိုင်ကျက်စားသော (Sunta Clouded Leopard) ဟူ၍ အင်းကျားမျိုးစိတ် နှစ်မျိုးရှိပြီး မြန်မာနိုင်ငံရှိ အင်းကျားမျိုးစိတ်သည် အာရှတိုက် ကုန်းမကြီးရှိ အင်းကျား (Clouded Leopard) မျိုးစိတ်ဖြစ်ကြောင်း သိရသည်။

အင်းကျားကို ကျားကဲ့သို့ ကမ္ဘာအနှံ့တွင် မတွေ့ရှိရဘဲ အာရှတိုက်ရှိ နီပေါ၊ အိန္ဒိယ၊ ဘင်္ဂလားဒေ့ရှ်၊ မြန်မာ၊ ထိုင်း၊ ကမ္ဘောဒီးယား၊ မလေးရှား၊ အင်ဒိုနီးရှား၊ လာအို၊ ဘူတန်နှင့် တရုတ်နိုင်ငံများတွင်သာ တွေ့ရှိရကြောင်း သိရသည်။

 

ဘင်္ဂါလီမွတ်စလင်များကို ပြန်လည်လက်ခံရေးအတွက် မြန်မာနှင့် ဘင်္ဂလားဒေ့ရ်ှတို့ အလုပ်အဖွဲ့  ဖွဲ့စည်း

နတ်မြစ်မှတစ်ဆင့် ဖောင်စီးပြီး ဘင်္ဂလားဒေ့ရ်ှထဲသို့ ၀င်မည့် ဘင်္ဂါလီမွတ်စလင် ဒုက္ခသည် များကို နိုဝင်ဘာ ၁၁ ရက်က တွေ့ရစဉ် (Photo : AFP)

ဘင်္ဂါလီမွတ်စလင် ဒုက္ခသည်များ ပြန် လည်လက်ခံရေးကို ကြီးကြပ်ရန်အတွက် အဖွဲ့ဝင် ၃၀ ပါဝင်သော ပူးတွဲအလုပ်အဖွဲ့ (JWG) ကို မြန်မာနှင့် ဘင်္ဂလားဒေ့ရ်ှနိုင်ငံတို့က ဖွဲ့စည်းလိုက်ကြောင်း သိရသည်။

နှစ်နိုင်ငံ ကိုယ်စားလှယ်များသည် မဂ္ဂနာ အစိုးရအဖွဲ့ရုံးတွင် ဒီဇင်ဘာ ၁၉ ရက် ဒေသစံတော်ချိန် နံနက် ၈ နာရီ ၁၀ မိနစ်၌ အစည်းအဝေး ထိုင်ခဲ့ကြပြီး ဘင်္ဂလားဒေ့ရ်ှနှင့် မြန်မာနိုင်ငံတို့မှ ကိုယ်စားလှယ် ၁၅ ဦးစီ ပါဝင်လျက် အရေးကြီးသော JWG ကို ဖွဲ့စည်းခဲ့ခြင်းဖြစ်သည်။

ဘင်္ဂလားဒေ့ရ်ှနိုင်ငံဘက်မှ JWG ကို နိုင်ငံခြားရေးအတွင်းဝန် အမ်ဒီရှာဟီဒူဟက်က ဦးဆောင်မည်ဖြစ်ပြီး မြန်မာနိုင်ငံဘက်မှ နိုင်ငံခြားရေး ၀န်ကြီးဌာန အမြဲတမ်းအတွင်းဝန် ဦးမြင့်သူက ဆောင်ရွက်မည်ဖြစ်ကြောင်း ဘင်္ဂလားဒေ့ရှ် နိုင်ငံခြားရေးဝန်ကြီး အေအိတ်ခ်ျမာမွတ် အလီက အစည်းအဝေးပြီးနောက် သတင်းထောက်များအား ပြောကြားခဲ့သည်။

နိုဝင်ဘာ ၂၃ ရက်တွင် နှစ်နိုင်ငံ လက်မှတ်ရေးထိုးခဲ့ကြသော သဘောတူညီချက်အရ ဒုက္ခသည်များ ပြန်လည်လက်ခံခြင်း လုပ်ငန်းစဉ်ကို ဇန်န၀ါရီ ၂၁ ရက်တွင် စတင်ရန် ရည်မှန်းထားသော်လည်း ယင်းလုပ်ငန်းစဉ်ကို ဖေဖော်ဝါရီလ ကျမှသာ စတင်နိုင်ဖွယ်ရှိကြောင်း အဆိုပါ အစည်းအဝေး၏ သတင်းရင်းမြစ်များအရ သိရသည်။

ဘင်္ဂလားဒေ့ရှ် နိုင်ငံခြားရေးဝန်ကြီး ရှေ့မှောက်တွင် ပြုလုပ်သည့် လေးနာရီကြာသော အစည်းအဝေးပြီးနောက် သဘောတူညီချက် မဖြစ်စလောက်ကိုသာ လက်မှတ်ရေးထိုး နိုင်ခဲ့သည်ဟု သိရသည်။

ဒီဇင်ဘာ ၁၉ ရက်တွင် ပြုလုပ်သည့် အစည်းအဝေးတွင် ဘင်္ဂလားဒေ့ရှ် နိုင်ငံခြားရေး အတွင်းဝန် အမ်ဒီရှာဟီဒူဟက်က လူကိုးဦး ပါဝင်သည့် ဘင်္ဂလားဒေ့ရ်ှအဖွဲ့ကို ဦးဆောင်ခဲ့ပြီး မြန်မာနိုင်ငံခြားရေး ၀န်ကြီးဌာန အမြဲတမ်းအတွင်းဝန် ဦးမြင့်သူက ခြောက်ဦးပါဝင်သော အဖွဲ့ကို ဦးဆောင်ခဲ့သည်။

နိုဝင်ဘာ ၂၃ ရက်က ဘင်္ဂလားဒေ့ရ်ှနှင့် မြန်မာတို့ လက်မှတ်ရေးထိုးခဲ့ကြသည့် ပြန်လည်လက်ခံရေး သဘောတူညီချက်အရ မြန်မာနိုင်ငံသည် ၎င်းနိုင်ငံအတွင်း၌ နေထိုင်သူများ ဘင်္ဂလားဒေ့ရ်ှသို့ ၀င်ရောက်မှုများကို ရပ်ဆိုင်းရေးအတွက် လိုအပ်သော နည်းလမ်းများကို လုပ်ဆောင်ရန်၊ ရခိုင်ပြည်နယ် မြောက်ပိုင်း၌ ပုံမှန်အနေအထား ပြန်လည်ရောက်ရှိအောင် ထိန်းသိမ်းရန်နှင့် မြန်မာနိုင်ငံမှ ထွက်ခွာလာသူများ အနေဖြင့် ၎င်းတို့၏ နေအိမ်များ မူရင်းနေရပ်များ သို့မဟုတ် ၎င်းတို့ ရွေးချယ်သည့် လုံခြုံသောနေရာများသို့ သဘောဆန္ဒအလျောက် ဘေးကင်းလုံခြုံစွာ ပြန်နိုင်ရေးကို အားပေးရန် သဘောတူထားကြောင်း သိရသည်။

Ref : Dhaka Tribune

၂၀၁၀ ပြည့်နှစ်နောက်ပိုင်း မြန်မာအပါအ၀င် တစ်ကမ္ဘာလုံး၌ သွေးလွန်တုပ်ကွေးဖြစ်ပွားမှု နှစ်စဉ် နှစ်သန်းကျော် ရှိလာပြီး နှစ် ၅၀ ကျော်အတွင်း အဆနှစ်ထောင်ကျော် မြင့်တက် 

တာမွေမြို့နယ်အတွင်း တစ်နေရာ၌ သွေးလွန်တုပ်ကွေး ကြိုတင်ကာကွယ်ရေးအတွက် ခြင်နှိမ်နှင်းရေးလုပ်ငန်း လုပ်ဆောင်နေစဉ် (ဓာတ်ပုံ-ကြည်နိုင်)

၂၀၁၀ ပြည့်နှစ်နောက်ပိုင်း မြန်မာနိုင်ငံ အပါအ၀င် ကမ္ဘာ့နိုင်ငံများ အားလုံး၌ သွေးလွန်တုပ်ကွေးဖြစ်ပွားမှု နှစ်စဉ် နှစ်သန်းကျော် ထိရှိလာပြီး ၁၉၅၉ မှ၂၀၁၀ ပြည့်နှစ် နှစ်ပေါင်း ၅၀ ကျော်အတွင်း အဆပေါင်းနှစ်ထောင်ကျော် မြင့်တက်လာကြောင်း ကမ္ဘာ့ကျန်းမာရေးအဖွဲ့၏ ထုတ်ပြန်ချက်အရ သိရသည်။

ကမ္ဘာ့နိုင်ငံများတွင် ၁၉၅၅-၅၉ ခုနှစ်၊ ငါးနှစ်တာအတွင်း သွေးလွန်တုပ်ကွေးဖြစ် ပွားသူ ၉၀၅ ဦးသာရှိခဲ့ရာ ၂၀၁၀ ပြည့်နှစ် နောက်ပိုင်း နှစ်စဉ်လူဦးရေနှစ်သန်းကျော် အထိ ရောဂါဖြစ်ပွားမှုများ မြင့်တက်လာ ကြောင်းနှင့် မြန်မာနိုင်ငံတွင် သွေးလွန်တုပ် ကွေးဖြစ်ပွားမှုမှာ ၁၉၇၄-၇၆ ခုနှစ်တွင် လူဦး ရေ ၆၀၀၀ ကျော်သာရှိခဲ့ရာ ၂၀၁၅ ခုနှစ်အ တွင်း လူဦးရေ ၄၀၀၀၀ကျော်အထိ ဖြစ်ပွား မှုမြင့်တက်လာကြောင်း သိရသည်။

၂၀၁၇ ခုနှစ် ဇန်န၀ါရီလမှ အောက်တိုဘာ ၂၁ ရက်အထိ ရရှိထားသည့်စာရင်းများ အရ တစ်နိုင်ငံလုံး၌ သွေးလွန်တုပ်ကွေး ဖြစ် ပွားမှုမှာ နေပြည်တော်တွင် ၅၈၁ ဦး၊ ကယား တွင် ၁၀၃၆ ဦး၊ ကချင်တွင်၂၂၇၃ ဦး၊ ကရင် တွင် ၁၇၆၉ ဦး၊ မွန်တွင် ၁၈၂၆ ဦး၊ ရခိုင်တွင် ၂၄၈၉ ဦး၊ ရှမ်းတွင် ၁၃၂၃ ဦး၊ စစ်ကိုင်းတွင် ၁၁၀၂ ဦး၊ တနင်္သာရီတွင် ၈၁၇ ဦး၊ ပဲခူးတွင် ၁၆၁၅ဦး၊ မကွေးတွင် ၈၈၀ ဦး၊ မန္တလေးတွင် ၂၁၀၂ ဦး၊ ရန်ကုန်တွင် ၆၆၁၆ ဦး၊ ဧရာဝတီ တွင် ၂၉၈၄ ဦးနှင့် သွေးလွန်တုပ်ကွေးကြောင့် သေဆုံးမှုမှာ နေပြည်တော်တွင် လေးဦး၊ ကချင် တွင် ၁၅ ဦး၊ ကယားတွင် နှစ်ဦး၊ ကရင်ပြည်နယ်တွင် တစ်ဦး၊ စစ်ကိုင်းတွင် ငါးဦး၊ တနင်္သာရီတွင် တစ်ဦး၊ ပဲခူးတွင် ၁၈ ဦး၊ မကွေးတွင် ၁၆ ဦး၊ မန္တလေးတွင် တစ်ဦး၊ မွန်တွင် တစ်ဦး၊ ရခိုင်တွင်၂၆ ဦး၊ ရန်ကုန်တွင် ၄၆ ဦး၊ ရှမ်းတွင် သုံးဦး၊ ဧရာဝတီတွင် ၃၃ ဦးရှိကြောင်း သိရသည်။

ယခုနှစ် ပထမခြောက်လ အတွင်းက တစ်နိုင်ငံလုံးတွင် သွေးလွန်တုပ်ကွေးဖြစ်ပွား သူ ၁၀၁၀၁ ဦး၊ သေဆုံးသူ ၅၄ ဦးသာရှိခဲ့ရာ ယခုနှစ်ကုန်ပိုင်းတွင် ဖြစ်ပွား၊ သေဆုံးနှုန်းများ ဆက်တိုက်မြင့်တက်ခဲ့ကြောင်းနှင့် အဖြစ်များ သည့် ရန်ကုန်၊ ဧရာဝတီတိုင်း၊ ရခိုင်နှင့် မွန် ပြည်နယ်များသာမက အခြားဒေသများတွင်လည်း ဖြစ်ပွားနှုန်းများ ဆက်တိုက်မြင့်တက်လာကြောင်း သိရသည်။

သွေးလွန်တုပ်ကွေးရောဂါကို မြန်မာနိုင်ငံတွင် ၁၉၆၅ ခုနှစ်က ရန်ကုန်မြို့၌ စတင် ဖြစ်ပွားခဲ့ပြီး ၁၉၆၉ခု နှစ်မှစ၍ ရောဂါဖြစ်ပွားမှုကို စောင့်ကြပ်ကြည့်ရှုခဲ့ကြောင်း၊ ရောဂါဖြစ်ပွားချိန်မှစ၍ ၁၉၇၀ ပြည့်နှစ်အထိ ရန်ကုန်မြို့တွင်သာ ဖြစ်ပွားမှု ရှိခဲ့သော်လည်း  ၁၉၇၄ ခုနှစ်တွင် ရန်ကုန်အပါအ၀င် မွန်၊ ပဲခူး၊ မန္တလေးတွင် ကူးစက်ပျံ့နှံ့ခဲ့ကြောင်း၊ ပြီးနောက် အခြားပြည်နယ်နှင့် တိုင်းဒေသကြီးများ အားလုံးကို ကူးစက်ပျံ့နှံ့ခဲ့ကြောင်း သိရသည်။

ရောဂါဖြစ်ပွားသူများအနက် အသက်ငါးနှစ်မှ ကိုးနှစ်အတွင်းရှိ ကလေးငယ်များမှာ အများဆုံးဖြစ်ပြီး ရန်ကုန်တိုင်း ဒေသကြီးအတွင်း ရောဂါအဖြစ်အများဆုံး မြို့နယ်များမှာ ဒဂုံမြို့သစ် (တောင်ပိုင်း)၊ လှိုင်သာယာ၊ သာကေတ၊ ဒဂုံဆိပ်ကမ်း၊ ဆိပ်ကြီးခနောင်တို၊ တာမွေ၊ ဒလ၊ မင်္ဂလာတောင်ညွန့်၊ အင်းစိန်၊ လှိုင်မြို့နယ်များမှာ အများဆုံးဖြစ်ကြောင်း ရန်ကုန်တိုင်းဒေသကြီး၊ ပြည်သူ့ကျန်းမာရေး ဦးစီးဌာနမှ ကောက်ယူထားသည့် အချက်အလက်များအရ သိရသည်။

မြန်မာနိုင်ငံတွင် သွေးလွန်တုပ်ကွေး ဖြစ်ပွားမှု နှစ်စဉ်မြင့်တက်လာရာ ပျမ်းမျှတစ်နှစ်လျှင် လူဦးရေ တစ်သောင်းကျော် ဖြစ်ပွားပြီး ၆၀ ဦးနှုန်း သေဆုံးနေကြောင်းနှင့် ရန်ကုန်၊ ဧရာဝတီတိုင်း ဒေသကြီးများတွင် ဖြစ်ပွားနှုန်းများ ဆက်တိုက်မြင့်တက်လျက် ရှိကြောင်းနှင့် တစ်နိုင်ငံလုံး အတိုင်းအတာဖြင့် ရောဂါဖြစ်ပွားမှုနှုန်း နှစ်စဉ်မြင့်တက်လာသည့် သွေးလွန်တုပ်ကွေး ရောဂါကို ၂၀၁၅ ခုနှစ်မှစ၍ တစ်နှစ်ပတ်လုံး စောင့်ကြပ်ကြည့်ရှုရသည့် ရောဂါစာရင်းတွင် စတင်ထည့်သွင်းခဲ့သည်။

 

မြန်မာနိုင်ငံ၌ သုံးကောင်သာ ကျန်ရှိတော့သော မျိုးသုဉ်းရန် အလွန်နီးစပ်နေသည့် သောင်လိပ်အား မွန်ပြည်နယ် ချောင်းဆုံမြို့နယ်တွင် တွေ့ရှိခဲ့ပြီး မျိုးဆက်ပြန့်ပွားနိုင်ရန် ဆောင်ရွက်နေ

မွန်ပြည်နယ် ချောင်းဆုံမြို့နယ် ရွာလွတ်ကျေးရွာရှိ ရှင်ဥပဂုတ္တ ဘေးမဲ့ကန်၌ရှိသော သောင်လိပ်အား တွေ့ရစဉ်

မြန်မာနိုင်ငံတွင် သုံးကောင်သာ ကျန်ရှိတော့သော သောင်လိပ် (ရေငန်လိပ်) အား မျိုးဆက်ပြန့်ပွားနိုင်စေရန် ဆောင်ရွက်နေကြောင်း သိရသည်။

ရန်ကုန်မြို့ ဗိုလ်တထောင်ဘုရားရှိ ရေကန်တွင် သောင်လိပ်တစ်ကောင်နှင့် မွန်ပြည်နယ် ဘီလူးကျွန်း ချောင်းဆုံမြို့နယ် ရွာလွတ်ကျေးရွာရှိ ဘုန်းတော်ကြီးကျောင်း ရေကန်တွင် သောင်လိပ် အထီး၊ အမ နှစ်ကောင်ရှိရာရွာ လွတ်ကျေးရွာရှိ သောင်လိပ်များအား မျိုးဆက်ပြန့်ပွားနိုင်စေရန် ဆောင်ရွက်နေကြောင်း WCS/TSA လိပ်မျိုးဆက် ရှင်သန်ရေးအဖွဲ့မှ မန်နေဂျင်းဒါရိုက်တာ ဒေါ်ကလျာ၏ ပြောကြားချက်အရ သိရသည်။

“ရန်ကုန် ဗိုလ်တထောင်ဘုရားက သောင်လိပ်ကတော့ သောင်လိပ်အမပေါ့။သူ့ကို မျိုးဆက်ပြန့်ပွားအောင်လုပ်ဖို့ တောင်းတော့ ဘုရားဂေါပကတွေက မပေးဘူး။ နောက်တော့ ရွာလွတ်ကျွန်းက ဘုန်းကြီးကျောင်း ဘုရားကန်မှာ အထီး၊ အမ တစ်စုံထပ်တွေ့တော့ မျိုးဖောက်ဖို့ ထပ်တောင်းတော့လည်း မပေးဘူး။ သူတို့ကလည်း သူများဘေးမဲ့ လွှတ်ထားတာဆိုတော့ ပေးလို့မရဘူးဆိုပြီး ဘုရားဂေါပကတွေက မပေးတော့ အခုအဲဒီနေရာမှာ သောင်ပြင် သွားဆောက်ပေးတာ။ သူတို့ဥချင်ရင် ဥလို့ရအောင်ပေါ့။ နဂိုက သူတို့နေတဲ့ရေကန်က ရေတွေချည်းပဲ ဆိုတော့ သူတို့ဥချင်ရင် တောင်ရေထဲ ဥချရတာဆိုတော့ ဘာအကောင်မှ မပေါက်နိုင်ဘူးလေ။ ဥတွေက ရေထဲကျရင် ဘာမှမထူးဘူး။ ပုပ်ကုန်မှာပဲ။ အထဲက သန္ဓေသားက ဖွံ့ဖြိုးခွင့် မရတော့ဘူး။ နောက်ပြီး ဘုရားကန်ဆိုတော့ ဘာပဲဖြစ်ဖြစ် ငါးတွေဘာတွေလည်း ရှိတာဆိုတော့ ဥတွေက ဘယ်လိုမှ သားပေါက်ဖို့ အခွင့်အရေး မရှိဘူး။ ဒါကြောင့် အခု သဲသောင်ပြင် ဆောက်ပေးလိုက်တော့ သူတို့ဥရင် သန္ဓေအောင်တဲ့ သားလောင်းတွေ ပေါက်နိုင်တာပေါ့” ဟု ဒေါ်ကလျာက ဆိုသည်။

ငါးအလွန်အကျွံ ဖမ်းဆီးမှု၊ သစ်တောများပြုန်းတီးမှု၊ မြစ်ရေမသန့်ရှင်းမှုနှင့် သောင်လိပ်များဥချရာ သောင်ပြင်များ ပျက်စီးပျောက်ဆုံး လာမှုတို့ကြောင့် မြန်မာနိုင်ငံရှိ သောင်လိပ်များ မျိုးသုဉ်းသွားခဲ့သည်မှာ အနှစ် ၂၀ နီးပါးခန့် ရှိလာပြီဖြစ်ကြောင်း ဒေါ်ကလျာ၏ ပြောကြားချက်အရ သိရသည်။

“အစ်မတို့ Survey စလုပ်ချိန် ၁၉၉၉ ခုနှစ်လောက်ကစပြီး အခုအချိန်အထိ သောင်လိပ်ကို အသက်ရှင်လျက် တွေ့ဖူးတာဆိုလို့ အဲဒီသုံးကောင်ပဲ ရှိသေးတယ်။ ကျန်တာတွေက အသေတွေ အခွံတွေပဲ မြင်ဖူးတာ။ မြန်မာနိုင်ငံမှာ သောင်လိပ်တွေ မျိုးပြုတ်သွားတာ ဆယ်စုနှစ်တစ်ခုကျော် အနှစ် ၂၀ နီးပါး ရှိနေပြီပေါ့။ သူတို့ အဓိက မျိုးပြုတ်ရတဲ့ အကြောင်းရင်းတွေကတော့ ငါးဖမ်းပိုက်တွေနဲ့ ငါးအလွန်အကျွံဖမ်းတာ။ သူတို့နေတဲ့ နေရာတွေက ငါးသလောက် နေတဲ့နေရာ ပေါ်တဲ့နေရာနဲ့ အတူတူပဲ။ ဒီတော့ ငါးဖမ်းပိုက်တွေနဲ့ အလွန်အကျွံ ဖမ်းတဲ့အခါ ပိုက်မှာငြိပြီး သေကြရတယ်။ နောက်ပြီး သူတို့စားတဲ့ လမုသီးတွေလည်း အရမ်းရှားပြီး လမုတောတွေလည်း ပြုန်းကုန်တယ်။ မီးသွေးဖုတ်တာ၊ ဆားကွင်းလုပ်တာ၊ နောက်ပြီး ကျားပုစွန် မွေးမြူရေးတွေလုပ်တာ စတာတွေက အရမ်းလုပ်လာကြတော့ သူတို့ရဲ့ စားကျက်တွေ ပျောက်ကုန်တာပေါ့။ နောက်တစ်ချက်က သူတို့ဥဥချတဲ့ သောင်ပြင်တွေလည်း ပျက်စီးကုန်တာ။ မြစ်ဖျားပိုင်းဒေသမှာ တောင်ပြိုတာ၊ သစ်တောပြုန်းတီး တာတွေကြောင့် ရေအရမ်းကြီးပြီး ရေထဲမှာ နုန်းတွေအရမ်းပါလာတယ်။ အဲဒါတွေက ဘယ်မှာသွားစုသလဲဆိုတော့ ရာဝတီမြစ်ဝကျွန်းပေါ် ဒေသမှာ အကုန်သွားပုံတယ်လေ။ အဲဒီလို ရွှံ့ညွန်တွေ သွားပုံတော့ နဂိုကလိပ်တွေ ဥလို့ရတဲ့ သဲသောင်ပြင်တွေက သဲမဖြစ်တော့ပဲ ရွှံ့တွေဖြစ်သွားတာလေ။ ရွှံ့တွေဖုံးသွားတယ်။ နောက်ပြီး ရွှံ့တွေဆိုတော့ သဲလိုမခြောက်တော့ လိပ်က ဘယ်လိုမှ တက်ဥဖို့ မဖြစ်နိုင်တော့ဘူး။ မဖြစ်မနေ ဥရင်လည်း အဲဒီအစို ဓာတ်ကြီးနဲ့ဆိုတော့ လိပ်ဥတွေ ပုပ်ကုန်တော့တာပေါ့။ လိပ်ဥဆိုတာက ရေ၀င်ထွက်လို့ရတယ်။ အဲဒီအခွံကိုဖြတ်ပြီး သန္ဓေသားလေးက အောက်ဆီဂျင်ကို ရှူရတာလေ။ အဲဒီအခါကျတော့ အပေါ်ကနေပြီး ရေတွေပါတဲ့ မြေကြီးထဲမှာဆိုရင် ရေတွေဖြတ်ဝင်သွားရင် အထဲက သန္ဓေသားလောင်းက ပွပြီးပုပ်ကုန်မှာပဲ။ နောက်ပြီး အဲဒီလိပ်တွေက အကောင်ကြီးကြီးဆိုတော့ သတ်စားကြတယ်။ ဖမ်းပြီး တရုတ်ပြည်ကို ပို့ကြတယ်။ ပြီးတော့ သူတို့ဥတွေကလည်း ငန်းဥထက်တောင်ကြီးတော့ ဖော်ပြီးစားကြတယ် စတဲ့အချက်တွေကြောင့် မြန်မာနိုင်ငံတွေမှာ သောင်လိပ်တွေ မျိုးပြုတ်ကုန်တာပေါ့” ဟု ဒေါ်ကလျာက ဆိုသည်။

သောင်လိပ်များသည် ရေချို၊ ရေငန်စပ် လိပ်များဖြစ်ကြပြီး ပင်လယ်ရေ ဆားငန်နှုန်း ၁၃ ရာခိုင်နှုန်းခန့်ရှိသော နေရာဒေသများတွင် ရှင်သန်ကျက်စားလေ့ရှိသည်။ သောင်လိပ်များတွင် တောင်ပိုင်းသောင်လိပ်နှင့် မြောက်ပိုင်းသောင်လိပ်ဟု နှစ်မျိုးရှိကာ တောင်ပိုင်းသောင်လိပ်များကို မွန်ပြည်နယ်၊ တနင်္သာရီ တိုင်းဒေသကြီးတို့တွင် တွေ့ရှိရပြီး မြောက်ပိုင်းသောင်လိပ်များကို ဧရာဝတီမြစ်ဝကျွန်းပေါ်ဒေသ၊ ပဲခူးတိုင်းဒေသကြီးနှင့် ရခိုင်ပြည် ယ်တို့တွင် ယခင်က တွေ့ရှိရသော်လည်း ယခုအခါ မျိုးသုဉ်းပျောက်ကွယ်လုနီး ရှားပါးလာကြောင်း သိရသည်။

မြန်မာနိုင်ငံတွင် ကုန်းလိပ်၊ ရေချိုရေငန်လိပ် စုစုပေါင်းမျိုးစိတ် ၂၆ မျိုးရှိပြီး အာရှတိုက်တွင် အင်ဒိုနီးရှားနိုင်ငံ၊ အိန္ဒိယနိုင်ငံနှင့် ဗီယက်နမ်နိုင်ငံပြီးလျှင် စတုတ္ထအများဆုံးနိုင်ငံဖြစ်ကာ တစ်ကမ္ဘာလုံး အတိုင်းအတာအရ သတ္တမနေရာတွင် ရှိကြောင်း သိရသည်။

မြန်မာနိုင်ငံရှိ လိပ်မျိုးစိတ်များ၏ တစ်ဝက်ခန့်မှာ မျိုးသုဉ်းမည့် အန္တရာယ်နှင့် ရင်ဆိုင်နေရပြီး မျိုးစိတ် ၂၆ မျိုးအနက် ခြောက်မျိုးမှာ မြန်မာနိုင်ငံတွင်သာ တွေ့ရှိရသည့် ဒေသရင်းဖွား မျိုးစိတ်များဖြစ်ကြောင်း သိရသည်။

မြန်မာနိုင်ငံ လူဦးရေ စုစုပေါင်း၏ ၁၅ ဒသမ ၈ သန်းသည် ဆင်းရဲနွမ်းပါးသည့် အခြေအနေတွင် နေထိုင်လျက်ရှိကြောင်း ကမ္ဘာ့ဘဏ်၏ အကြံပြုအစီရင်ခံစာ၌ ဖော်ပြ

မြန်မာနိုင်ငံ လူဦးရေစုစုပေါင်း၏ ၁၅ ဒသမ ၈ သန်းသည် ဆင်းရဲနွမ်းပါးသည့် အခြေအနေတွင် နေထိုင်လျက်ရှိကြောင်း ဒီဇင်ဘာ ၁၂ ရက်က နေပြည်တော်၌ ကျင်းပသည့် မြန်မာနိုင်ငံ၏ ဆင်းရဲနွမ်းပါးမှု အခြေအနေ လေ့လာစိစစ်ချက် အစီရင်ခံစာ ဒုတိယတွဲ ထုတ်ပြန်သည့် အခမ်းအနားမှ ကမ္ဘာ့ဘဏ်၏ အကြံပြုချက် အစီရင်ခံစာအရ သိရသည်။

မြန်မာနိုင်ငံ၏ ဆင်းရဲနွမ်းပါးမှုသည် ၂၀၀၄ ခုနှစ်မှစ၍ သိသာစွာ ကျဆင်းခဲ့ပြီး ၂၀၁၅ ခုနှစ်တွင် ၄၈ ဒသမ ၂ ရာခိုင်နှုန်းမှ ၃၂ ဒသမ ၁ ရာခိုင်နှုန်းသို့ ကျဆင်းခဲ့ရာ နည်းလမ်းအသစ်ကို အသုံးပြုတွက်ချက်မှုအရ မြန်မာနိုင်ငံ၏ လူဦးရေ စုစုပေါင်း ၁၅ ဒသမ ၈ သန်းသည် ဆင်းရဲနွမ်းပါးသည့် အခြေအနေတွင် နေထိုင်လျက်ရှိပြီး ၁၃ ဒသမ ၈ သန်းကျော်မှာ ကျေးလက်ဒေသတွင် နေထိုင်ကာ နှစ်သန်းမှာ မြို့ပြများ၌ နေထိုင်သူများဖြစ်ကြောင်း အစီရင်ခံတွင် ဖော်ပြထားသည်။

စီမံကိန်းနှင့် ဘဏ္ဍရေးဝန်ကြီးဌာန စီမံကိန်းရေးဆွဲရေး ဦးစီးဌာနမှ ညွှန်ကြားရေးမှူးချုပ် ဦးမောင်မောင်တင်က “အဓိကကျဆင်းရတဲ့ အကြောင်းရင်းကတော့ နံပါတ် (၁) အချက်က Rule of Law ပေါ့။ ၂၀၀၄ လောက်တုန်းက စီးပွားရေးနဲ့ ပတ်သက်တဲ့ ဥပဒေတွေဆိုရင် ကျွန်တော်တို့မှာ သေချာမရှိဘူး။ အခုဆိုရင် ရင်းနှီးမြှုပ်နှံမှုဥပဒေ ဆိုရင်လည်း ခေတ်နဲ့အညီ အဆင့်ဆင့် ပြုပြင်ပြောင်းလဲတာတွေ ရှိတယ်။ ကုမ္မဏီအက် ဆိုတာတွေ ရှိတယ်။ စီးပွားရေး လုပ်ငန်းတွေမှာ လုပ်ကိုင်နိုင်တဲ့ အခွင့်အလမ်းတွေ အများကြီး။ ပြီးခဲ့တဲ့ အစိုးရရော၊ အခုအစိုးရရော ဖန်တီးပေးခဲ့တာတွေရှိတယ်။ ရှိတဲ့အပြင် ပုဂ္ဂလိကကဏ္ဍကို အရေးထားပြီးတော့ ဆောင်ရွက်လာတဲ့ အတွက်ဖြစ်တယ်။ ဒါကတစ်ချက်။ နောက်တစ်ချက်ကတော့ ကျွန်တော်တို့ဘာသာပဲ သီးသန့်ရပ်တည်ပြီးတော့ ကိုယ့်ဘာသာ လုပ်လာတာ။ အခုကတော့ ဒေသနဲ့လည်း ချိတ်ဆက်တယ်။ ဒေသနဲ့ ချိတ်ဆက်တယ် ဆိုတာက အာဆီယံပေါ့။ အာဆီယံနဲ့ ချိတ်ဆက်တယ်။ ကျွန်တော်တို့ တစ်တွေရဲ့ တည်နေရာ အနေအထားအရ အားသာချက်ဖြစ်တဲ့ အရှေ့တောင်အာရှနဲ့ ချိတ်ဆက်တဲ့ ကုန်းလမ်းကြီးဆိုတဲ့ အနေနဲ့ တရုတ်တို့၊ အိန္ဒိယတို့ ဒီလိုအနေအထားတွေကို အသုံးချနိုင်တယ်။ နောက်တစ်ချက် ကမ္ဘာ့အဖွဲ့အစည်းတွေက  အကူအညီ တွေကလည်း ကျွန်တော်တို့ဆီကို စီးဝင်လာတယ်။ စီးဝင်လာတယ် ဆိုတဲ့နေရာမှာ တချို့ကလည်း ချေးငွေ၊ FDI နဲ့ Graph အနေနဲ့ စီးဝင်လာတာပေါ့။ ဒီလိုကူညီ ထောက်ပံ့မှုတွေကစပြီးတော့ ကျွန်တော်တို့ဟာ ဒီလိုဖြစ်လာရတယ်လို့ ယူဆပါတယ်” ဟု ပြောကြားသည်။

ဆင်းရဲနွမ်းပါးသည့် အိမ်ထောင်စုများတွင် အလုပ်လုပ်နိုင်သည့် အသက်အရွယ်ရှိသူ ဦးရေနည်းပါးပြီး မှီခိုသူဦးရေ များလေ့ရှိပြီး ၀င်ငွေရှာပေးနိုင်သည့် မြေယာ သို့မဟုတ် လယ်ယာသုံး ပစ္စည်းများကဲ့သို့ အရင်းအမြစ် များမှာလည်း အနည်းငယ်သာရှိကြောင်း အစီရင်ခံစာတွင် ဖော်ပြထားသည်။

ထို့ပြင် အလွန်အမင်း ဆင်းရဲနွမ်းပါး သူများသည် လယ်ယာလုပ်ငန်းတွင် ကျပန်းအလုပ်သမားများ သို့မဟုတ် မြေယာအနည်းငယ် ပိုင်ဆိုင်သူများအဖြစ် အချိုးမညီမျှစွာ ရှိနေပြီး ၀င်ငွေရသည့် အခြားနည်းလမ်းများမှာလည်း အနည်းငယ်သာရှိကြောင်း ထုတ်ပြန်ချက်အရ သိရသည်။

အဆိုပါ အစီရင်ခံစာသည် စီမံကိန်းနှင့် ဘဏ္ဍာရေး ၀န်ကြီးဌာနနှင့် ကမ္ဘာ့ဘဏ် ပူးတွဲပြုစု ထားခြင်းဖြစ်ပြီး ၂၀၁၅ ခုနှစ် မြန်မာနိုင်ငံဆင်းရဲမှုနှင့် စားဝတ်နေရေး အခြေအနေ လေ့လာမှုစစ်တမ်း ပထမတွဲပါ အချက်အလက်များကို အခြေခံကာ ခေတ်ကာလ အခြေအနေ၊ အချိန်အခါနှင့် လျော်ညီသည့် အိမ်ထောင်စုများ၏ သုံးစွဲမှုပုံစံများကို ထည့်သွင်း တွက်ချက်ခြင်းဖြင့် ဆင်းရဲနွမ်းပါးမှု တိုင်းတာသည့် နည်းလမ်းအား ပြန်လည်စိစစ် သုံးသပ်နိုင်ရန် အကြံပြုဖော်ပြချက် အစီရင်ခံစာဖြစ်ကြောင်း သိရသည်။

 

ထိုင်းဘုရင်က မြန်မာမင်းသားကို အနိုင်ရခဲ့သည်ဆိုသည့် စီးချင်းထိုးပွဲသည် ဖြစ်ခဲ့ဖွယ်မရှိဟု စောဒက တက်ခဲ့သော ထိုင်းသမိုင်းပညာရှင်အား စွဲချက်တင်ရန် စီစဉ်မှုကို တရားရုံးက ရွှေ့ဆိုင်း

ဒီဇင်ဘာ ၇ ရက်က ဘန်ကောက်ရှိ စစ်ဘက်တရားရုံးသို့ ရောက်ရှိလာသော  ထိုင်းသမိုင်းပညာရှင် ဆူလက် (၀ဲ) (Photo : AP)

လွန်ခဲ့သော နှစ် ၅၀၀ က စီးနင်းထိုးပွဲတွင် ထိုင်းဘုရင်က မြန်မာမင်းသားကို အနိုင်ယူခဲ့သည်ဆိုသော ဖြစ်စဉ်သည် အမှန်တကယ် ဖြစ်ခဲ့ခြင်း မရှိဟု စောဒကတက်ခဲ့သော သြဇာကြီး သမိုင်းပညာရှင် တစ်ဦးအား စွဲချက်တင်ရန် ဆုံးဖြတ်ချက်ကို ထိုင်းတရားရုံးက ဒီဇင်ဘာ ၇ ရက်တွင် ရွှေ့ဆိုင်းခဲ့သည်။

အသက် ၈၄ နှစ်အရွယ် ဆူလက်ဆီဝါရက်ဆာသည် တော်ဝင်အသရေဖျက်မှု ဥပဒေဖြင့် အောက်တိုဘာလတွင် စွဲချက်တင်ခံခဲ့ရသည်။

ကျွမ်းကျင်သူများနှင့် သမိုင်းပညာရှင်များ၏ အမြင်ကို ကြားနာရန် ဆူလက်က တောင်းဆိုခဲ့မှုကို စစ်ဘက်ဆိုင်ရာ တရားရုံးက သဘောတူညီခဲ့ပြီး ဇန်န၀ါရီ ၁၇ ရက်တွင် နောက်တစ်ကြိမ် ကြားနာရန် ချိန်းဆိုခဲ့သည်။ ၁၅၉၃ ခုနှစ်က နာမည်ကျော်တိုက်ပွဲတွင် ဦးဆောင်ခဲ့သော နာရာဆူအန်ဘုရင်ကို မှတ်ချက်ပေးမှုသည် တရားမ၀င်ဟု စဉ်းစားမည်ဆိုလျှင် ထိုင်းတို့အနေဖြင့် သမိုင်းမှ လေ့လာသင်ယူရန် ဖြစ်နိုင်မည် မဟုတ်ဟု ဆူလက်က တရားရုံးအပြင်တွင် သတင်းထောက်များကို ပြောကြားခဲ့သည်။

ထိုင်းသမိုင်းကို ဓမ္မဓိဋ္ဌာန်ကျကျ စဉ်းစားရန် တက္ကသိုလ် ဆွေးနွေးပွဲတစ်ခု၌ ဆူလက်က ထိုင်းဘုရင်နှင့် ပတ်သက်သည့် မှတ်ချက်ကို ပြောကြားခဲ့ခြင်းဖြစ်သည်။ ၂၀၁၄ ခုနှစ်က ပြောကြားခဲ့သော ယင်းမှတ်ချက်အတွက် ဆူလက်ကို ယခုနှစ် အောက်တိုဘာတွင် တရားစွဲခဲ့ခြင်းဖြစ်သည်။ ထိုင်းစစ်အစိုးရသည် ၂၀၁၄ ခုနှစ်တွင် အာဏာသိမ်းခဲ့ပြီးနောက် တော်ဝင်အသရေဖျက်မှု ဥပဒေဖြင့် တရားစွဲဆိုမှု ၂၅၀ ကျော် ရှိထားကြောင်း ထိုင်းသတင်းစာ Prachatai က ပြောကြားခဲ့သည်။

၁၆ ရာစုနှစ် တိုက်ပွဲနှင့် ပတ်သက်ပြီး မေးခွန်းထုတ်ခဲ့ခြင်းအတွက် ထင်ရှားသော ပညာရှင်တစ်ဦးကို တော်ဝင်အသရေဖျက်မှုဖြင့် တရားစွဲဆိုခြင်းသည် စစ်အစိုးရ၏ ယင်းဥပဒေ အသုံးပြုမှုအတွက် စိတ်ပျက်ဖွယ်ရာ ရေချိန်ဖြစ်ကြောင်း လူ့အခွင့်အရေး စောင့်ကြည့်ရေးအဖွဲ့ HRW ၏ အာရှဆိုင်ရာ ဒါရိုက်တာ ဘရက်အဒန်က ပြောကြားခဲ့သည်။

ဆူလက်သည် ထင်ရှားသည့် ပညာရှင်တစ်ဦးနှင့် တော်ဝင်ကို လိုလားသူ တစ်ဦးဖြစ်သည်။ သို့သော်လည်း တော်ဝင်အသရေဖျက်မှု ဥပဒေကို သူက ဝေဖန်သည်။

Ref : AFP

မြန်မာနိုင်ငံ၌ လူမျိုးတုံးသတ်ဖြတ်မှုနှင့် ပတ်သက်၍ ဖြစ်နိုင်ဖွယ်အရိပ် လက္ခဏာများ ရှိနိုင်သည်ဟု ကုလသမဂ္ဂ လူ့အခွင့်အရေး အကြီးအကဲ ပြောကြား

ကုလသမဂ္ဂ လူ့အခွင့်အရေးဆိုင်ရာ အကြီးအကဲက လနှင့်ချီကြာသော ကာလအတွင်း လူနည်းစုမွတ်စလင် ၆၂၀,၀၀၀ ခန့်အား ထွက်ပြေးသွားစေခဲ့ရသည့် မြန်မာနိုင်ငံ၏ ဘင်္ဂါလီမွတ်စလင်များ (မူရင်း၌ ရိုဟင်ဂျာဟု ဖော်ပြ) အပေါ် ကျူးလွန်ခဲ့မှုများနှင့် ပတ်သက်၍ လူမျိုးတုံး သတ်ဖြတ်မှု၏ အရိပ်လက္ခဏာများ ရှိနိုင်ကြောင်း ဒီဇင်ဘာ ၅ ရက်တွင် သတိပေးလိုက်သည်။

ကုလသမဂ္ဂ လူ့အခွင့်အရေးဆိုင်ရာ အကြီးအကဲ ရာအက်အယ်ဟူစိန်က ကျည်ဆန်များကို ကြုံသလို ပစ်ခတ်ခြင်း၊ ဗုံးများကို အသုံးပြုခြင်း၊ အနီးကပ်ပစ်သတ်ခြင်း၊ ဓားဖြင့်ထိုးခြင်း၊ သေသည်အထိ ရိုက်နှက်ခြင်းနှင့် မိသားစုများ အထဲ၌ရှိနေစဉ် အိမ်များကို မီးရှို့ခြင်း အစရှိသော နည်းလမ်းများဖြင့် သတ်ဖြတ်ခဲ့သည်ဟု စွပ်စွဲချက်များ အပါအ၀င် ဘင်္ဂါလီမွတ်စလင်များအပေါ် ကျူးလွန်ခဲ့မှု အချက်အလက်များကို စာရင်းချပြခဲ့သည်။

ယင်း နောက် ၎င်းကကုလသမဂ္ဂ လူ့အခွင့်အရေး ကောင်စီအား “ဒါတွေအားလုံးကို ပေးလိုက်ရင် တစ်စုံတစ်ဦး အနေနဲ့ လူမျိုးတုံးသတ်ဖြတ်မှု အရိပ်လက္ခဏာတွေ ရှိနိုင်တယ် ဆိုတာကို ပယ်ချနိုင်ပါ့မလား” ဟု မေးခွန်းထုတ်ခဲ့သည်။

Ref : AFP