ထိုင်းနိုင်ငံအတွင်းရှိ ရွှေ့ပြောင်းလုပ်သားများကို တင်းကျပ်ထားသည့် ဥပဒေပါပြစ်မှုပြစ်ဒဏ်အချို့ကို ထိုင်းအလုပ်သမားဝန်ကြီးဌာန ဖြေလျှော့ပေး

ထိုင်းနိုင်ငံအတွင်းရှိ ရွှေ့ပြောင်းလုပ်သားများကို တင်းကျပ်ထားသည့် ဥပဒေပါပြစ်မှု ပြစ်ဒဏ်များအနက် အချို့အချက်များကို ထိုင်းအလုပ်သမားဝန်ကြီးဌာနမှ ဖြေလျှော့ပေးလိုက်ကြောင်း သတင်းရရှိသည်။

ထိုင်းနိုင်ငံ အလုပ်သမားဝန်ကြီးဌာန လက်အောက်ရှိ ရွှေ့ပြောင်းလုပ်သားစီမံခန့်ခွဲရေးနှင့် မူဝါဒချမှတ်သည့်ဌာနမှ ရွှေ့ပြောင်း လုပ်သားများကို ထိန်းချုပ်ထားသည့်ဥပဒေကို နိုင်ငံတကာလူ့အခွင့်အရေး စည်းမျဉ်းစည်းကမ်းနှင့် လိုက်လျောညီထွေမှုရှိစေရန်၊ လူကုန်ကူးမှုကာကွယ်ရန်နှင့် လုပ်ငန်းရှင်များအနေဖြင့် အလုပ်သမားများထံမှ ကုန်ကျစရိတ်များကို မလိုအပ်ဘဲ ကောက်ခံနိုင်ခြင်း မပြုနိုင်ရန်အတွက် နိုင်ငံခြားသားအလုပ်သမား စီမံခန့်ခွဲရေးဥပဒေပါ ပြစ်မှုပြစ်ဒဏ်များကို ပြင်ဆင်ဖြေလျှော့ပေးခြင်းဖြစ်ကြောင်း ထုတ်ပြန်ခဲ့သည်။

ယခုအသစ်ထုတ်ပြန်လိုက်သည့် ဖြေလျှော့ချက်အရ အလုပ်လုပ်ခွင့်ပါမစ်မရှိသည့် ရွှေ့ပြောင်းအလုပ်သမားများအား ထောင်ဒဏ်ငါးနှစ် ဒဏ်ငွေဘတ် တစ်သောင်းမှ တစ်သိန်းအထိ ချမှတ်နိုင်သည့် ပြစ်ဒဏ်ကို ဒဏ်ငွေ ဘတ်ငါးထောင်မှ ငါးသောင်းအထိ ဖြေလျှော့ပေးလိုက်ပြီး ထောင်ဒဏ်ကိုလည်း ပယ်ဖျက်ခဲ့ခြင်းဖြစ်သည်။ ထို့ပြင် တရားမ၀င်ရွှေ့ပြောင်း အလုပ်သမားများကို ငှားရမ်းလက်ခံ ထားသော အလုပ်ရှင်များကိုလည်း ချမှတ်နိုင်သည့် ဒဏ်ငွေဘတ်လေးသိန်းမှ ရှစ်သိန်းအစား ဒဏ်ငွေ ဘတ်တစ်သောင်းမှ တစ်သိန်းအထိ ဖြေလျှော့ပေးခဲ့သည်။ သို့သော် အလုပ်ရှင်အနေဖြင့် တရားမ၀င်အလုပ်သမားများကို ခိုင်းစေမှုကို အကြိမ်ကြိမ် ကျူးလွန်မှုရှိခဲ့ပါက တစ်နှစ်ထက် မပိုသော ထောင်ဒဏ်နှင့် ဒဏ်ငွေ ဘတ်ငါးသောင်းမှ နှစ်သိန်းအထိ ချမှတ်ခံရမည်ဖြစ်ပြီး ရွှေ့ပြောင်းအလုပ်သမားငှားရမ်းခြင်းကို သုံးနှစ်ပိတ်ပင်ခံရမည်ဖြစ်ကြောင်း သိရသည်။

“အရင်တုန်းက ပြစ်မှုပြစ်ဒဏ်တွေတုန်းက တကယ်ကိုပြင်းထန်တဲ့အတွက် အလုပ်သမားတွေအနေနဲ့ စိုးရိမ်ပူပန်နေရတာပေါ့။ တကယ်ကို အဖမ်းခံရရင် အလုပ်သမားတွေအနေနဲ့ အရမ်းနစ်နာသွားမှာပါ။ ထောင်ဒဏ်ရော ငွေဒဏ်ရောဆိုတော့။ အခုထောင်ဒဏ်ကိုပယ်ဖျက်ပြီး ငွေဒဏ်ပဲဆိုတော့ အလုပ်သမားတွေ အနေနဲ့ နည်းနည်းသက်သာသွားတယ်လို့ ဆိုရမှာပါ။ ဘာလို့လဲဆိုတော့ အလုပ်လုပ်ခွင့်ပါမစ်က မထင်မှတ်ဘဲ ပျက်သွားတာတွေ ရှိလို့ပါ။ ဒါပေမဲ့ ပြစ်ဒဏ်ကို ဖြေလျှော့တယ်ဆိုပေမယ့် ရွှေ့ပြောင်းအလုပ်သမားတွေ အနေနဲ့ ပြည်ပမှာရောက်တဲ့အတွက် ထိုင်းအစိုးရချမှတ်ထားတဲ့ စည်းကမ်းတွေအတိုင်း အထောက်အထားတွေ စုံလင်အောင် လုပ်ထားဖို့ လိုအပ်ပါတယ်” ဟု ရွှေ့ပြောင်း မြန်မာအလုပ်သမားကို ကူညီပေးနေသည့် AAC အဖွဲ့မှ ကိုရဲမင်းက ပြောကြားသည်။

ယင်းအပြင် ပန်းရောင်ကတ်ကိုင်ဆောင်ထားသည့် အလုပ်သမားများအနေဖြင့် ယခင်က မိမိအလုပ်လုပ်သည့်နေရာတွင်သာ နေထိုင်သွားလာခွင့်ရှိပြီး မြို့နယ်ကျော်ပါက သက်ဆိုင်ရာကို ခွင့်ပြုချက်တင်ရပြီး ယခုဖြေလျှော့ပေးချက်အရ အလုပ်ရှင်အနေဖြင့် တခြားမြို့ နယ်တွင် အလုပ်ရုံရှိပါက အလုပ်သမားများအနေဖြင့် လွတ်လပ်စွာ သွားလာနိုင်မည်လည်းဖြစ်ကြောင်း သိရသည်။

ထိုင်းနိုင်ငံမှာ မြန်မာရွှေ့ပြောင်းလုပ်သားအများစု သွားလာလုပ်ကိုင်လျက်ရှိသည့် နိုင်ငံတစ်ခုဖြစ်ပြီး တရားဝင် လုပ်ကိုင်လျက်ရှိသည့် မြန်မာရွှေ့ပြောင်းလုပ်သား တစ်သန်းကျော် လုပ်ကိုင်လျက်ရှိကြောင်း ထိုင်းနိုင်ငံရှိ မြန်မာရွှေ့ပြောင်းလုပ်သားအရေး လုပ်ကိုင်နေသူများထံမှ သိရသည်။

 

အာဆီယံနိုင်ငံများအနက် ရွှေ့ပြောင်း အလုပ်သမားအများစုမှာ မြန်မာနိုင်ငံက ၃၃ ရာခိုင်နှုန်းဖြင့် အမြင့်ဆုံးဖြစ်

အာဆီယံနိုင်ငံများအနက် ရွှေ့ပြောင်း အလုပ်သမားအများစုမှာ မြန်မာနိုင်ငံက ၃၃ ရာခိုင်နှုန်းဖြင့် အမြင့်ဆုံးဖြစ်ကြောင်း ပြည်တွင်း အလုပ်အကိုင်ရှာဖွေရေး ကုမ္ပဏီဖြစ်သည့် Job Net က သတင်းထုတ်ပြန်သည်။

မြန်မာနိုင်ငံထဲတွင်ပင် လုပ်ခလစာ သက်သာသော နိုင်ငံသားများအစား ပိုပြီး ဈေးနှုန်းကြီးမြင့်သော အိမ်နီးချင်းနိုင်ငံက ကျွမ်းကျင်လုပ်သားများက နေရာယူထားကြကြောင်း Myanmar Center for Economic and Social Development အဖွဲ့၏ လေ့လာချက်များအရ သိရကြောင်း Job Net ၏ သတင်းထုတ်ပြန်ချက်တွင် ပါရှိခဲ့သည်။

မြန်မာနိုင်ငံမှ အခြားတစ်နုိုင်ငံသို့ ရွှေ့ပြောင်း လုပ်ကိုင်ကြခြင်းအပြင် ပြည်တွင်းတွင်လည်း နယ်ဒေသများမှ မြို့ကြီးများသို့ ရွှေ့ပြောင်း လုပ်ကိုင်ကြသော နှုန်းထားများလည်း မြင့်တက်လာပြီး အများစုမှာ ကျေးလက်ဒေသများတွင် ရာသီအလိုက် လုပ်ကိုင်ရမည့် စိုက်ပျိုးရေး လုပ်ငန်းများအစား မြို့ကြီးများရှိ အထည်ချုပ်စက်ရုံများတွင် လစဉ် ပုံမှန်ဝင်ငွေရသော လုပ်သားများအဖြစ် ကူးပြောင်းလာကြကြောင်း သိရသည်။

ရန်ကုန်တိုင်းဒေသကြီးတွင် နေထိုင်လျက်ရှိသော လူဦးရေ၏ ၄၂ ဒသမ ၃ ရာခိုင်နှုန်းသည် အခြားတိုင်းဒေသကြီး၊ ပြည်နယ်များမှ ပြောင်းရွှေ့လာကြသူများ ဖြစ်ကြပြီး ၂၆ ရာခိုင်နှုန်းသည် အလုပ်အကိုင်ကြောင့် ရွှေ့ပြောင်းသွားလာခြင်း ဖြစ်ကြောင်း အပြည်ပြည်ဆိုင်ရာ အလုပ်သမားအဖွဲ့၏ စစ်တမ်းက ဖော်ပြခဲ့ကာ နိုင်ငံခြားရင်းနှီးမြှုပ်နှံမှုများနှင့် ပြည်တွင်းရင်းနှီးမြှုပ်နှံမှုများက အလုပ်အကိုင်အခွင့်အလမ်းများ ဖန်တီးပေးမှုရှိသော်လည်း ကျွမ်းကျင်လုပ်သားရှားပါးမှု ပြဿနာကို ဖြေရှင်းပေးနိုင်ခြင်း မရှိကြောင်း သိရသည်။

ထိုင်းနိုင်ငံသို့အလုပ်လုပ်ရန် MoU စာချုပ်ဖြင့် ရောက်ရှိလာသော်လည်း စာချုပ်ပါအချက်များနှင့် ကွဲလွဲခြင်း၊ အလုပ်မရရှိသေးခြင်းကြောင့် အလုပ်သမားတစ်ရာကျော် အခက်အခဲဖြစ်နေ

ထိုင်းသို့အလုပ်သွားရောက်မည့် မြန်မာလုပ်သားများကို တာဝန်ရှိသူများက နယ်စပ်ဂိတ်တွင် စစ်ဆေးနေစဉ်

ထိုင်းနိုင်ငံသို့ တရားဝင်အကျိုးဆောင် အေဂျင်စီများမှတစ်ဆင့် MoU စာချုပ်ဖြင့် အလုပ်လုပ်ရန် ရောက်ရှိလာသည့် အလုပ်သမား တစ်ရာကျော်မှာ စာချုပ်ပါအချက်များနှင့် ကွဲလွဲအလုပ်လုပ်နေရခြင်း၊ အလုပ်မရရှိခြင်း စသည့်အခက်အခဲများ ကြုံတွေ့နေရကြောင်း ကာယကံရှင်အလုပ်သမားများက ပြောကြားသည်။

ထိုင်းနိုင်ငံသို့ တရားဝင် MoU စနစ်ဖြင့် လာရောက်ခဲ့ကြသော်လည်း အလုပ်မရရှိသေးသူများ၊ စာချုပ်ပါ အချက်အလက်များဖြင့် ကွဲလွဲပြီး လုပ်အားခ မတန်တဆဈေးနှုန်းများဖြင့် ခေါင်းပုံဖြတ်ခံနေရသည့်သူများနှင့် အလုပ်နေရာမတူသူများ စုစုပေါင်းလုပ်သား ၁၀၀ ကျော် AAC ဂေဟာသို့ လာရောက်အကူအညီတောင်း ခံခိုလှုံနေကြောင်း AAC အဖွဲ့မှ ကိုရဲမင်းက ပြောကြားသည်။

“ထိုင်းကို ရောက်လာပြီးတော့ အလုပ်မရှိတဲ့သူတွေ၊ အလုပ်မရှိဘဲ ဒီကိုခေါ်လာတယ်။ ပြီးတော့ နောက်တစ်မျိုးက အလုပ်တော့ရှိတယ်။ စာချုပ်ချုပ်လာတာနေ့စား။ ဒါပေမဲ့ ပုတ်ပြတ်တွေနဲ့လုပ်နေရတယ် မတန်မဆဈေးနှုန်းတွေနဲ့။ အဲဒီလိုပုံစံမျိုးတွေပေါ့။ သတ်မှတ်ထားတဲ့ လုပ်အားခမရရှိတာတွေ နောက်ပြီး အလုပ်နေရာမတူတာတွေ စသည်ဖြင့်ပေါ့။ အခုကျွန်တော်တို့ဂေဟာမှာ MoU ငါးဖွဲ့ရောက်လာပြီး အကူအညီတောင်းတယ်။ စုစုပေါင်း လူတစ်ရာကျော်တယ်” ဟု ကိုရဲမင်းက ပြောကြားသည်။

ထိုသို့ အလုပ်မရရှိသေးသည့်အတွက် စားဝတ်နေရေး အခက်အခဲဖြစ်ကြောင်း ကာယကံရှင် အလုပ်သမားများက ပြောကြားသည်။

“ကျွန်တော်က စွမ်းတော်ဝင်ကုမ္ပဏီနဲ့ MoU စနစ် စာချုပ်ချုပ်ပြီးတော့မှ ထိုင်းနိုင်ငံကို ရောက်လာတာဖြစ်ပါတယ်။ အခုထိုင်းကို ရောက်လာတာ နှစ်လကျော်ကြာနေပြီ။ အလုပ်က မရသေးပါဘူး။ အလုပ်မရှိတဲ့အတွက် ကျွန်တော်တို့မှာ စားဝတ်နေရေး အခက်အခဲတွေဖြစ်တဲ့အတွက် AAC ဂေဟာကို လာရောက် အကူအညီတောင်းခံရတာပါ” ဟု အလုပ်မရရှိသေးသူ ကိုအောင်စိုးထိုက်က ပြောကြားသည်။

“ကျွန်မက စတားပိုင်အိုးနီးယားနဲ့ တက်လာတဲ့အလုပ်သမားတစ်ဦးပါ။ ကျွန်မနာမည်က သဉ္ဇာဦးပါ။ ကျွန်မတို့ကို စာချုပ်တဲ့အတိုင်းမဟုတ်ဘဲ ပုတ်ပြတ်သဘောနဲ့ အလုပ်လုပ်နေရတဲ့အတွက် အကူအညီ လာတောင်းတာပါ။ မတန်တဆဈေးနဲ့ အလုပ်လုပ်နေရတာပါ” ဟုပြောကြားသည်။

လက်ရှိတွင် ထိုင်းနိုင်ငံသို့ MoU စနစ်ဖြင့် သွားရောက်အလုပ်လုပ်ကိုင်နေကြသည့် အလုပ်သမားများအနက် အချို့အလုပ်သမားများမှာ မသမာသည့်အေဂျင်စီများကြောင့် စာချုပ်ပါအချက်များအတိုင်း အလုပ်မရရှိမှု၊ လစာမရရှိမှုအပါဝင် အခြားအကြောင်းရင်းများကြောင့် အခက်အခဲများဖြစ်ပေါ်နေကြောင်း သိရသည်။

ပြည်ပနိုင်ငံများသို့ အလုပ်သမား စေလွှတ်သည့် အေဂျင်စီများအနက် သတ်မှတ်ထားသည့် စည်းကမ်းများ ချိုးဖောက်သဖြင့် အရေးယူခြင်းနှင့် လိုင်စင်ယာယီရုပ်သိမ်းထားသည့် အေဂျင်စီ ၂၃ ခုရှိကြောင်း မြန်မာပြည်ပအလုပ်အကိုင် ၀န်ဆောင်မှုလုပ်ငန်းရှင်များအဖွဲ့ချုပ် (MOEAF) မှ စုံစမ်းသိရသည်။

ထိုင်းနိုင်ငံ အလုပ်အကိုင်ဌာန၏ စာရင်းအရ CI ပြုလုပ်ရန် ကျန်ရှိသည့် မြန်မာအလုပ်သမား ၂၈၀၀၀ ကျော်ရှိနေ

ထိုင်းနိုင်ငံ အလုပ်အကိုင်ဌာန၏ စာရင်းအရ ယင်းဌာန၌ မှတ်ပုံတင်ထားပြီးဖြစ်သော်လည်း CI (Certificates of Identify) ပြုလုပ်ရန်ကျန်ရှိသည့် မြန်မာအလုပ်သမား ၂၈,၁၉၄ ဦးခန့်ရှိနေပြီး ကျန်ရှိနေသည့် မြန်မာလုပ်သားများအနေဖြင့် မေ ၆ ရက် အတွင်း CI အပြီးပြုလုပ်ရန် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက တိုက်တွန်းချက် ထုတ်ပြန်သည်။

CI ပြုလုပ်ရန်ကျန်ရှိသည့် နိုင်ငံခြားသား အလုပ်သမားများအတွက် ၂၀၁၈ ခုနှစ် မေ ၂ ရက်မှ ၆ ရက်အထိ ထိုင်းနိုင်ငံဘက်မှ ဘန်ကောက်မြို့တွင် OSS စခန်းလေးခုနှင့် ကျန် ၇၆ ခရိုင်တွင် ခရိုင်တစ်ခုလျှင် OSS စခန်းတစ်ခုစီဖြင့်လည်းကောင်း ဖွင့်လှစ်၍ ဆောင်ရွက်ပေးသွားမည်ဖြစ်သည့်အတွက် CI ပြုလုပ်ရန်ကျန်ရှိသည့် အလုပ်သမားများအနေဖြင့် သတ်မှတ်ကာလအတွင်း အချိန်မီသွားရောက်ဆောင်ရွက်ရန် လိုအပ်မည်ဖြစ်သည်။

နိုင်ငံသားစိစစ်ပြီးစီး၍ CI စာအုပ်ရရှိပြီးသူ အလုပ်သမားများအနေဖြင့် ကျန်းမာရေးစစ်ဆေးပြီးလျှင် နီးစပ်ရာ OSS စခန်းများသို့ သွားရောက်၍ လူဝင်မှုကြီးကြပ်ရေးဌာန၌ နေထိုင်ခွင့်ဗီဇာ နှစ်နှစ်ပြုလုပ်ခြင်း၊ အလုပ်အကိုင်ဌာနတွင် အလုပ်လုပ်ကိုင်ခွင့် လက်မှတ်ပြုလုပ်ခြင်းနှင့် ပြည်ထဲရေးဌာနမှ ကိုယ်ရေးအချက်အလက်များ ပြင်ဆင်ဖြည့်စွက်၍ ဂဏန်း ၁၃ လုံးပါသည့် ပန်းရောင် ID ကတ်ထုတ်ယူခြင်း စသည့်လုပ်ငန်းစဉ်များကို ဆောင်ရွက်ရမည်ဖြစ်သည်။

သက်ဆိုင်ရာ အလုပ်အကိုင်ဌာနနှင့် Online စနစ်တို့တွင် မှတ်ပုံတင်ခဲ့၍ စာရင်းဝင်ပြီး နိုင်ငံသားစိစစ်ရန် ကျန်ရှိနေသည့် နိုင်ငံခြားသားအလုပ်သမားများအတွက် ထိုင်းအလုပ်အကိုင်ဌာနမှ လိုအပ်သည့် အလုပ်သမားဖုန်းနံပါတ်များ၊ အလုပ်ရှင်၏ အချက်အလက်များ ရယူထားပြီးဖြစ်ရာ OSS စခန်းများသို့ သွားရောက်ရမည့်ရက်ချိန်းကို ကာယကံရှင်အလုပ်သမားများထံသို့ SMS စနစ်ဖြင့် Message ပေးပို့အကြောင်းကြားပေးမည်ဖြစ်ပြီး ရက်ချိန်းရရှိပြီးသူ အလုပ်သမားများအနေဖြင့် သတ်မှတ်နေ့ရက်တွင် မသွားရောက်နိုင်ပါက ထိုင်းနိုင်ငံ အလုပ်အကိုင်ဌာန၏ Hot Line ဖုန်းနံပါတ် ၀၂-၂၄၈၇၂၉၀ သို့ကြိုတင် ဆက်သွယ်အကြောင်းကြားရမည်ဖြစ်သည်။

အလုပ်သမားများ ၂၄ နာရီ ဆက်သွယ်အကြောင်းကြားနိုင်ရန် ထိုင်းနိုင်ငံ အလုပ်အကိုင်ဌာန၌ Call Center ကြိုးဖုန်း ၁၀ လုံးနှင့် Wall Room Monitor တို့အား တပ်ဆင်ထားရှိပြီး Monitor Screen တွင် OSS စခန်းများအလိုက် လာရောက်ဆောင်ရွက် ပြီးစီးသူဦးရေ၊ ကျန်ရှိဦးရေစသည့် အသေးစိတ်စာရင်းတို့အား Update ဖော်ပြထားမည်ဖြစ်ကြောင်း ထိုင်းနိုင်ငံ အလုပ်အကိုင်ဌာနမှ အသိပေးထားကြောင်း သိရသည်။

အလုပ်သမားများအနေဖြင့် သတ်မှတ်ရက်အတွင်း လာရောက်မဆောင်ရွက်နိုင်ကြောင်း ကြိုတင်အကြောင်းကြားရန် ပျက်ကွက်ပါက ရက်ချိန်း (Q) အား ပယ်ဖျက်ခြင်းခံရမည်ဖြစ်၍ ကာယကံရှင်အလုပ်သမားအနေဖြင့် ထပ်မံဆောင်ရွက်ခွင့် ရရှိတော့မည်မဟုတ်ဘဲ ထိုင်းနိုင်ငံအတွင်း တရားဝင်ပြန်လည်ဝင်ရောက်လိုပါက MoU စနစ်ဖြင့်သာ ပြန်လည်ဝင်ရောက်ခြင်းကို တရားဝင်ခွင့်ပြုမည်ဖြစ်ကြောင်း သိရသည်။

အလုပ်သမားများ သတ်မှတ်ရက်အတွင်း CI လျှောက်ထားရယူနိုင်ရေးအတွက် ထိုင်းနိုင်ငံ အလုပ်အကိုင်ဌာနအနေဖြင့် သက်ဆိုင်ရာ နယ်မြေရုံးများမှတစ်ဆင့် အလုပ်ရှင်များသို့ ဆက်သွယ်အကြောင်းကြား ဆောင်ရွက်သွားမည်ဖြစ်သည့်အတွက် CI လျှောက်ထားရယူရန် ကျန်ရှိသည့် အလုပ်သမားများအနေဖြင့် ၂၀၁၈ ခုနှစ် မေ ၆ ရက်အတွင်း CI စာအုပ်များ အပြီးထုတ်ယူရန် လိုအပ်ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက တိုက်တွန်းချက် ထုတ်ပြန်ထားသည်။

ပွဲစား၏ တရားမ၀င်ပို့ဆောင် လူကုန်ကူးခံရသူ မြန်မာနိုင်ငံသား ၁၄ ဦးအား အလုပ်သမားသံအရာရှိနှင့် MWRN အဖွဲ့ ချိတ်ဆက်ပြီး မိခင်နိုင်ငံ ပြန်ပို့မည်

ပွဲစား၏ တရားမ၀င်ပို့ဆောင် လူကုန်ကူးခံရသူ မြန်မာနိုင်ငံသား ၁၄ ဦးအား အလုပ်သမားသံအရာရှိနှင့် MWRN အဖွဲ့ ချိတ်ဆက်ကာ မိခင်နိုင်ငံသို့ ပြန်လည်ပို့ဆောင်ရန် စီစဉ်နေစဉ်

ပွဲစား၏ တရားမ၀င်ပို့ဆောင် လူကုန်ကူးခံရသူ မြန်မာနိုင်ငံသား ၁၄ ဦးအား အလုပ်သမားသံအရာရှိနှင့် MWRN အဖွဲ့ ချိတ်ဆက်ကာ မိခင်နိုင်ငံသို့ ပြန်လည်ပို့ဆောင်မည်ဖြစ်ကြောင်း သိရသည်။

ထိုင်းနိုင်ငံ ဘန်ကောက်မြို့အနီး စမွတ်ဆာခွန်ခရိုင်၊ မဟာချိုင်နယ်မြေရှိ ဝေလရပ်ကွက် (၁၀) လမ်းတွင် ပွဲစားများက တရားမ၀င်ပို့ဆောင်ကာ လူကုန်ကူးခံထားရသည့် မြန်မာရွှေ့ပြောင်းအလုပ်သမား ၁၄ ဦးအား အလုပ်သမားသံအရာရှိ ဦးစန်းမောင်ဦးနှင့် နယ်မြေခံအလုပ်သမား အဖွဲ့အစည်းဖြစ်သည့် MWRN အဖွဲ့တို့မှ ချိတ်ဆက်၍ ဧပြီ ၂၅ ရက်က ကယ်ထုတ်ဆောင်ရွက်နိုင်ခဲ့ခြင်းဖြစ်ကြောင်း သိရသည်။

ထိုင်းနိုင်ငံသို့ တရားမ၀င်ပို့ဆောင်ခြင်းခံရသူ မြန်မာနိုင်ငံသားများ အမျိုးသားငါးဦး၊ အမျိုးသမီးကိုးဦးတို့မှာ မကွေးတိုင်းဒေသကြီး ငဖဲမြို့နယ်မှဖြစ်ပြီး ပွဲစားဖြစ်သူ ဦးကြည်နိုင်က တစ်ဦးလျှင် ကျပ်ငွေရှစ်သိန်း အမြန်ကြေးဖြင့် ပို့ဆောင်ပေးခဲ့သည်ဟု ဆိုသည်။

“ကျွန်မတို့ကိုပြောတော့ မြ၀တီလမ်းကနေ သွားရမယ်။ မြ၀တီမှာ စာချုပ်ချုပ်တာ လုပ်ရမယ်ဆိုပြီးပြောတယ်။ နောက်တော့ မြ၀တီလမ်းက လူများနေလို့ မြိတ်ဘက်ကနေပဲ သွားတော့မယ်ဆိုပြီး ပြောတယ်။ ကျွန်မတို့တွေ မြိတ်ကားဂိတ်ရောက်တော့ မြန်မာ-ထိုင်း နယ်စပ်မြို့ဖြစ်တဲ့ မောတောင်ကိုသွားဖို့ဆိုပြီး ပွဲစားဦးကြည်နိုင်တို့နဲ့ ချိတ်ဆက်ထားတဲ့ မသန္တာဆိုတဲ့ အမျိုးသမီးတစ်ဦးက လာကြိုတယ်။ အဲဒီကနေမှ ထိုင်းဘက်ကိုသွားဖို့ အစိမ်းရောင်ကတ်ပြားလေး (Border Pass) တွေလုပ်ပေးတယ်။ ထိုင်းဘက်ခြမ်းကိုရောက်တော့ နယ်စပ်ကနေ ပကျွတ်မြို့ထဲကိုသွားဖို့ ထိုင်းနိုင်ငံသား ပွဲစားတစ်ဦးက ကားနဲ့သူ့အိမ်ကို ခေါ်သွားတယ်။ အဲဒီကနေမှ မဟာချိုင်မြို့ကိုသွားဖို့ ပွဲစားကိုလှဝင်းတို့ လင်မယားနှစ်ဦးက ကားနဲ့လာကြိုတာပါ” ဟု အလုပ်သမားတစ်ဦးက ပြောကြားသည်။

အဆိုပါ မြန်မာအလုပ်သမားများမှာ ထိုင်းနိုင်ငံ စမွတ်ဆာခွန်ခရိုင် မဟာချိုင်မြို့သို့ရောက်ရှိပြီး တစ်လခန့်ကြာပြီးသည့်တိုင် အလုပ်လုပ်ခွင့်မရရှိသလို နေထိုင်ရာတွင်လည်း အတည်တကျနေထိုင်ရခြင်း မရှိကြောင်းနှင့် ၎င်းတို့၏ ပတ်စပို့စာအုပ်များကိုလည်း ပွဲစားက သိမ်းထားခဲ့သည်ဟု ဆိုသည်။

ထို့ပြင် ပွဲစားဖြစ်သူ ကိုလှဝင်းဆိုသူက ဗီဇာပြုလုပ်ရန်နှင့် အလုပ်ရှင်ပြောင်းရန်အတွက် အလုပ်သမားတစ်ဦးစီထံမှ ထိုင်းနိုင်ငံသုံး ဘတ်ငွေ ၁၅၀၀၀ စီ ထပ်မံပေးဆောင်ရန်အတွက် လုပ်ခလစာထွက်သည့်အချိန်၌ ထိုင်းဘတ်ငွေ ၂၀၀၀ စီကိုလည်း အလုပ်သမားများထံမှ ဖြတ်တောက်မှုများ ပြုလုပ်ခဲ့ကြောင်း သိရသည်။

“ကျွန်မတို့တွေ မြန်မာနိုင်ငံမှာ တစ်ဦးစီအတွက် ငွေကျပ်ရှစ်သိန်းစီ ပေးခဲ့ရတာပါ။ အဲဒီငွေကျပ် ရှစ်သိန်းကလည်း အတိုးနဲ့ချေးပြီး ပေးခဲ့ရပါတယ်။ အခုလည်း ဘာလို့ထပ်ပြီး ပိုက်ဆံတောင်းတာလည်းပေါ့နော်။ လောလောဆယ် ကျွန်မတို့မှာလည်း အခက်အခဲတွေဖြစ်လို့ သူတို့ကိုတောင်းပန်တာ မရဘူး။ အလုပ်လုပ်တဲ့ ကိုးရက်အတွက် လုပ်အားခငွေ ဘတ် ၃၁၂၆ ဘတ်ရတာ ပွဲစားကိုလှဝင်းက ဘတ်ငွေ ၂၀၀၀ အဓမ္မလာယူသွားခဲ့ပါတယ်။ အဲဒါကြောင့် ကျွန်မတို့ အခုလိုဒုက္ခတွေဖြစ်တာနဲ့ အလုပ်သမားသံအရာရှိ ဦးစန်းမောင်ဦးထံ ဖုန်းဆက်အကူအညီတောင်းခံခဲ့ရတာပါ” ဟု အလုပ်သမတစ်ဦးက ဆိုသည်။

“ကျွန်တော်တို့အနေနဲ့က MoU စနစ်နဲ့ပဲလာလာ၊ ဘယ်လိုနည်းလမ်းတွေနဲ့လာလာ ထိုင်းနိုင်ငံကို ရောက်ရှိလာပြီး အခက်အခဲတွေဖြစ်နေတဲ့ ကျွန်တော်တို့နိုင်ငံသားတွေကို ကူညီမှုများ ဆောင်ရွက်ပေးနေပါတယ်။ အခုအလုပ်သမား ၁၄ ဦးဆိုလည်း သူတို့တွေ ထိုင်းနိုင်ငံကို တရားမ၀င်နည်းလမ်းနဲ့ ၀င်လာကြတယ်။ လူကုန်ကူးခံထားရတယ်ဆိုတာတောင် မသိရှာဘူး။ ပွဲစားတွေက လုပ်အားခငွေကြေးတွေကို မတရားသဖြင့် ဖြတ်တောက်တာတွေ လုပ်လာလို့သာ ကျွန်တော်တို့ထံ အခုလိုရောက်လာတာပါ။ ဒါပေမဲ့ ဘယ်လိုပဲဖြစ်ဖြစ် တိုင်းတစ်ပါးမှာ ဒုက္ခရောက်နေတဲ့ ကျွန်တော်တို့ နိုင်ငံသားတွေကိုတော့ အစွမ်းကုန်ကူညီမှုပေးသွားမှာပါ” ဟု အလုပ်သမားသံအရာရှိ ဦးစန်းမောင်ဦးက ပြောကြားသည်။

နှစ်ကူးပြန် မြန်မာရွှေ့ပြောင်းလုပ်သားများ ထိုင်းနိုင်ငံသို့ အလုံးအရင်းဖြင့် ပြန်လည်ဝင်ရောက်နေခြင်းကြောင့် မဲဆောက်-ဘန်ကောက် ကားခဈေးနှုန်း မြင့်တက်ပြီး လက်မှတ်ဝယ်ယူရ အခက်တွေ့နေ

ထိုင်းနိုင်ငံရှိ လုပ်ငန်းခွင်သို့ ပြန်လည်ဝင်ရောက်မည့် မြန်မာရွှေ့ပြောင်း လုပ်သားများအား ထိုင်း-မြန်မာ ချစ်ကြည်ရေးတံတားအနီး တွေ့ရစဉ်

မိခင်မြန်မာနိုင်ငံသို့ပြန်၍ နှစ်သစ်ကူးအတာသကြန်ပွဲ ဆင်နွှဲခဲ့သည့် ရွှေ့ပြောင်းလုပ်သားများသည် လုပ်ငန်းခွင်ရှိရာ ထိုင်းနိုင်ငံသို့ အလုံးအရင်းဖြင့် ပြန်လည်ဝင်ရောက်နေခြင်းကြောင့် မဲဆောက်-ဘန်ကောက် ကားခဈေးနှုန်း မြင့်တက်ကာ လက်မှတ်ဝယ်ယူရ အခက်အခဲဖြစ်လျက်ရှိကြောင်း သိရသည်။

ဘန်ကောက်သို့ ပြန်သွားမည့်သူ များပြားခြင်းကြောင့် မဲဆောက်မြို့ရှိ အဝေးပြေးကားဂိတ်တွင် ကားစီးခရီးသည်များ ကြိတ်ကြိတ်တိုးလျက်ရှိကာ နံနက် ၇ နာရီဆိုလျှင် လက်မှတ်မရှိတော့ကြောင်း သိရသည်။

“မဲဆောက်မြို့မှာရှိတဲ့ ဘန်ကောက်ကားလက်မှတ် ပွဲစားဈေးနှုန်းက လို့တု (ကားလတ်) ရိုးရိုး ၆၅၀ ဘတ်၊ ၇၀၀ ဘတ်နှစ်စားဗျ။ နှစ်ထပ်ကားကြီး ၆၀၀ ဘတ်၊ ၇၀၀ ဘတ် ဖြစ်နေပါတယ်။ သူလည်း နှစ်စားကြားရတယ်ဗျို့။ ယခင်ထက် အထူးသဖြင့်တော့ ပင်ရင်းဈေးထက်တော့ မြင့်တက်သွားတာပေါ့” ဟု မြန်မာပြည်သားများအရေး ပူးတွဲလှုပ်ရှားမှုကော်မတီ (JACBA) ဥက္ကဋ္ဌ ဦးမိုးကြိုးက ပြောကြားသည်။

ချစ်ကြည်ရေးတံတားအနီးတွင် ခရီးသည်ပို့ဆောင်ရေး အကျိုးဆောင်ပေးသူ (ပွဲစား) များ၏ “အပေါ်ပြန်တက်မှာလား။ ကားလက်မှတ်မရှိတော့ဘူး။ ကားဝင်းသွားလည်း မောရုံပဲနော်။ ဒီမှာ အဆင်သင့်ရှိတယ်နော်” စသည့်ပြောဆိုမှုမျိုးလည်း ကျယ်ကျယ်လောင်လောင် ကြားနေရသည်။

သို့ဖြစ်၍ လုပ်ငန်းခွင်သို့ သွားရောက်ကြမည့် မြန်မာရွှေ့ပြောင်း လုပ်သားများအား ထိုင်းနိုင်ငံမှ တရားဝင်အစိုးရကားများဖြင့် သွားလာကြရန် တိုက်တွန်းထားသည်။

“ထိုင်းအစိုးရရဲ့ တရားဝင် ကိုးသုံးလုံး (၉၉၉) နှစ်ထပ်ကားလိုမျိုး၊ တရားဝင်ပြေးဆွဲနေတဲ့ လိုင်းကားတွေနဲ့သာ သွားလာဖို့ တိုက်တွန်းလိုပါတယ်။ နေရာအရောက်ပို့ပေးရုံနဲ့ မိမိအသက်အန္တရာယ်အတွက် အာမခံချက်မရှိတဲ့ လို့တု (ကားလတ်) တွေနဲ့ မသွားကြဘဲ တရားဝင်ကားတွေနဲ့ သွားလာကြဖို့ မှာချင်ပါတယ်” ဟုလည်း ဦးမိုးကြိုးက ပြောကြားသည်။

ထို့ပြင် မိမိစီးနင်းမည့် မော်တော်ယာဉ် ကြံ့ခိုင်မှု ရှိ၊ မရှိ ယာဉ်မောင်းများအား အရက်သေစာ သောက်စားခြင်း ရှိ၊ မရှိကိုလည်း ကြည့်ရှုသုံးသပ် ကန့်ကွက်ဖို့လိုအပ်သည်ဟု ဆိုသည်။

သင်္ကြန်ခွင့်ရက် ကုန်ဆုံးမည့် ဧပြီ ၃၀ ရက် နီးလာလေလေ ယခုကဲ့သို့ ကားလက်မှတ်အခက်အခဲ ပိုမိုများပြားလာလေ ဖြစ်သည့်အတွက် ထိုင်းအဝေးပြေးယာဉ်လိုင်း ကြီးကြပ်သူများအနေဖြင့် မော်တော်ယာဉ်များ တိုးချဲ့ပြေးဆွဲဖို့ လိုအပ်ကြောင်းလည်း တိုက်တွန်းပြောကြားခဲ့သည်။

မဲဆောက်- ဘန်ကောက် ကားလက်မှတ် နေ့ချင်းဝယ်ယူ၍ မရခြင်းကြောင့် တစ်ညအိပ်ပြီးမှ ကားလက်မှတ်ဝယ်ယူသူ အချို့ရှိကြောင်းလည်း သိရသည်။

ပြည်ပရောက် မြန်မာကျွမ်းကျင်လုပ်သားများ ပြန်လည်ဝင်ရောက်လုပ်ကိုင်နိုင်သည့် အလုပ်အကိုင်များ ပြည်တွင်း၌ရှိကြောင်း ထုတ်ပြန်

ပြည်ပရောက် မြန်မာကျွမ်းကျင်လုပ်သားများအနေဖြင့် ပြည်တွင်းသို့ ပြန်လည်ဝင်ရောက်လုပ်ကိုင်နိုင်မည့် အလုပ်အကိုင်အခွင့်အလမ်းနှင့် အခြေအနေကောင်းများစွာရှိကြောင်း JobNet.com.mm သတင်းထုတ်ပြန်ချက်အရ သိရသည်။

ပြည်တွင်းရှိကုမ္ပဏီများအနေဖြင့် အလုပ်အကိုင်ရာထူးအမျိုးမျိုးအတွက် အထူးသဖြင့် အလယ်အလတ်အဆင့်ရှိ Management ရာထူးများနှင့် အထက်ပိုင်းရာထူးကြီးများအတွက် မြန်မာအလုပ်သမားများကိုသာ ခန့်အပ်ရန် ပိုမိုလိုလားကြကြောင်း သိရသည်။

“ဥပဒေအရရော အနေအထားအရ မန်နေဂျာရာထူးလောက်ကစပြီး အပေါ်ပိုင်းတွေအထိတောင် မြန်မာလုပ်သားတွေကို အလုပ်ခန့်လာတာ တွေ့ရပါတယ်။ ရပ်ဝေးကိုသွားစရာမလိုတော့ဘဲ ကိုယ့်နိုင်ငံထဲမှာတင် မိသားစုအနားမှာနေပြီး ကိုယ့်ဘ၀တက်လမ်း Career တွေကိုယူသွားနိုင်တဲ့ အခြေအနေရောက်နေပြီဖြစ်တဲ့အတွက် JobNet.com.mm ကနေ ဖိတ်ခေါ်ရတာလည်းဖြစ်ပါတယ်” ဟု JobNet.com.mm ၏ လူထုဆက်ဆံရေးမန်နေဂျာ ကိုမှူးအိမ်ဇော်က ပြောကြားသည်။

ယခင်ငါးနှစ်အတွင်းက မြန်မာအလုပ်သမားများအနေဖြင့် အလုပ်အကိုင်အခွင့်အလမ်းများ ရှာဖွေရာတွင် ပြည်ပနိုင်ငံများသို့ သွားရောက်လုပ်ကိုင်ရှာဖွေကြရသည်။ လက်ရှိတွင် အခြားနိုင်ငံများသို့ အလုပ်အကိုင်အခွင့်အလမ်းများကြောင့် သွားရောက်သူများရှိနေသကဲ့သို့ နိုင်ငံဖွံ့ဖြိုးတိုးတက်မှုနှင့်အတူ ပိုမိုကောင်းမွန်လာနိုင်သည့် အနာဂတ်အခြေအနေများကြောင့် အဝေးရောက် အချို့မြန်မာအလုပ်သမားများမှာ ပြည်တွင်းသို့ ပြန်လည်ဝင်ရောက်လာပြီး ယင်းတို့နှင့် အံဝင်ခွင်ကျ ဖြစ်မည့်အလုပ်များကိုလည်း ရှာဖွေလုပ်ကိုင်လာကြောင်း JobNet.com.mm စစ်တမ်းကောက်ယူမှုများအရ သိရသည်။

အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာနမှ ၁၉၉၀ မှ ၂၀၁၇ ခုနှစ် ဒီဇင်ဘာလကုန်အထိ အလုပ်သမားစေလွှတ်ခဲ့သောနိုင်ငံများမှာ စင်ကာပူ၊ မလေးရှား၊ ကိုရီးယား၊ လစ်ဗျား၊ ထိုင်း၊ ကမ္ဘောဒီးယား၊ ဂျပန်၊ ဆွစ်ဇာလန်၊ ဘရူနိုင်း၊ ယူအေအီး၊ ယူအက်(စ်)အေ၊ ပြင်သစ်၊ ဂျာမနီ၊ ကာတာ၊ ကူဝိတ်၊ ဟောင်ကောင်၊ မကာအို စသောနိုင်ငံများသို့ မြန်မာလုပ်သားများကို အများဆုံးစေလွှတ်ခဲ့ကြောင်း သိရသည်။

JobNet Myanmar သည် မြန်မာနိုင်ငံအတွင်း အလုပ်အကိုင်ရှာဖွေရန်၊ အလုပ်သမားရရှိရန် အခြေအနေများအတွက် အကောင်အထည်ဖော်ဆောင်နေလျှက်ရှိ အဝေးရောက် မြန်မာနိုင်ငံသား အလုပ်သမားများအနေဖြင့် ၎င်းတို့လက်ရှိလုပ်ကိုင်လျက်ရှိသော နိုင်ငံများမှပင် မြန်မာနိုင်ငံတွင်းမှ နိုင်ငံအလုပ်အတွေ့အကြုံရှိသော လုပ်သားများကိုခေါ်ယူနေသော အလုပ်ခေါ်ယူမှုများကို ဤ https://www.jobnet.com.mm/jobs-in-myanmar.repat ၀က်ဘ်ဆိုက်မှတစ်ဆင့် ရှာဖွေလျှောက်ထားနိုင်မည်ဖြစ်သည်။

သင်္ကြန်ပြန် မြန်မာရွှေ့ပြောင်းလုပ်သားများ လုပ်ငန်းခွင်ရှိရာ ထိုင်းနိုင်ငံသို့ မြ၀တီ-မဲဆောက်လမ်းမှ ပြန်လည်ထွက်ခွာ

ထိုင်းနိုင်ငံသို့ ပြန်လည်ထွက်ခွာသည့် မြန်မာ့ရွှေ့ပြောင်းလုပ်သားများအား တွေ့ရစဉ်

နှစ်သစ်ကူး အတာသင်္ကြန်ပွဲတော် ဆင်နွှဲရန် နေရပ်ရင်းသို့ ပြန်လာခဲ့ကြသည့် ရွှေ့ပြောင်းလုပ်သားများမှာ နှစ်ဆန်း ၂ ရက် ဧပြီ ၁၈ ရက်မှ စတင်ကာလုပ်ငန်းခွင်ရှိရာ ထိုင်းနိုင်ငံသို့ မြ၀တီနယ်စပ် ချစ်ကြည်ရေးတံတားမှတစ်ဆင့် ပြန်လည်ထွက်ခွာနေကြပြီဖြစ်ကြောင်း သိရသည်။

ထိုင်းနိုင်ငံသို့ ပြန်လည်ထွက်ခွာသည့် မြန်မာ့ရွှေ့ပြောင်းလုပ်သားများအား မြန်မာနိုင်ငံဘက်တွင်လည်း တံတားဖြတ်သန်းခွင့် အထွက်တံဆိပ်တုံးထုရာတွင်လည်း ငွေကြေးတစ်စုံတစ်ရာ ပေးရခြင်းမရှိကြောင်း သိရသည်။

“ထိုင်းနိုင်ငံဘက် ထွက်ခွာမယ့် မြန်မာလုပ်သားတွေကို ဧပြီ ၃၀ ရက်အထိ အထွက်တံဆိပ်တုံး အခမဲ့ ထုပေးနေပါတယ်။ ထိုင်းနိုင်ငံဘက်မှာလိုပါပဲ အ၀င်ရော အထွက်ပါ အခမဲ့ ဆောင်ရွက်ပေးပါတယ်” ဟု မြ၀တီချစ်ကြည်ရေးတံတားတွင် တာဝန်ထမ်းဆောင်နေသည့် ဒုလ၀ကမှူး ဦးကျော်နန္ဒသက်တင်က ပြောကြားသည်။

ယခုနှစ် သင်္ကြန်ပွဲတော်အတွက် ထိုင်းနိုင်ငံအတွင်း လာရောက်လုပ်ကိုင်ကြသည့် ရွှေ့ပြောင်းလုပ်သားများ နေရပ်ပြန်နိုင်ရေးအတွက် မည်သည့်အခကြေးငွေမှ မပေးဆောင်ရဘဲ နယ်စပ် ဖြတ်သန်းသွားလာခွင့်အား ဒုတိယနှစ်အဖြစ် ခွင့်ပြုလိုက်သည့်အတွက် နေရပ်ပြန်လာသူ ယခင်နှစ်ကထက် ပိုမိုများပြားခဲ့ကြောင်း သိရသည်။

“ဒီနှစ် သင်္ကြန်ပွဲတော်အတွင်း သွားလာခွင့်အဖြစ် ဧပြီ ၅ ရက်မှ ၃၀ ရက်အထိ ထိုင်းအစိုးရက မည်သည့်ငွေကြေးမှမပေးရဘဲ တရားဝင် သွားလာခွင့်ပြုထားတာဆိုပေမယ့် လုပ်ငန်းခွင်ဝင်ဖို့ ဒီမနက် (၁၈-၄-၂၀၁၈) ပြန်ခဲ့ကြတာပါ။ တကယ်ဆိုမိဘ၊ မောင်နှမတွေနဲ့ အကြားကြီး နေချင်ပေမယ့် မရတော့ပါဘူး။ ဆက်နေရင် လက်ရှိအလုပ်က အထုတ်ခံရပါမယ်။ ဒါကြောင့် သင်္ကြန်ပြီးတာနဲ့ ချက်ချင်းပြန်သွားရတာပါ” ဟု လုပ်ငန်းခွင်ရှိရာ ထိုင်းနိုင်ငံသို့ ပြန်လည်ထွက်ခွာမည့် ဘီလူးကျွန်းချောင်းဆုံမြို့နယ်မှ ကိုထွန်းက ပြောကြားသည်။

“မိဘတွေ၊ သူငယ်ချင်းတွေနဲ့ အကြာကြီးနေချင်တာပေါ့။ ခွဲခွာပြီးအလုပ်သွား လုပ်ခဲ့တာလည်း နှစ်မနည်းတော့ပါဘူး။ ဒါပေမဲ့ အလုပ်မရှိ ၀င်ငွေမရှိတော့ နေမပျော်တော့ဘူးလေ။ ကော်ဆန်း (ပန်းရန်) အလုပ်ပင်ပန်းပေမယ့် ပိုက်ဆံရဖို့အရေး သင်္ကြန်လွန်တာနဲ့ ချက်ချင်းလာခဲ့ကြတာပါ” ဟု ဘားအံမြို့ရှိ မိဘများထံသို့ သွားရောက်သင်္ကြန်ပွဲတော် ဆင်နွှဲခဲ့သည့် ကိုကိုလင်းက ပြောကြားသည်။

ယခုနှစ်သင်္ကြန်အကြို ကာလတွင် မဲဆောက်-မြ၀တီလမ်းမှတစ်ဆင့် နေရပ်သို့ ဧပြီ ၅ ရက်နောက်ပိုင်း ပြန်လာသူ မြန်မာလုပ်သားတစ်သိန်းခန့် ယခင်လိုအတက် အဆင်း မရှိတော့ကြောင်း၊ ထိုင်းနိုင်ငံသို့ ပြန်လည်ထွက်ခွာမည့် မြန်မာလုပ်သားများဧပြီ ၁၈ ရက်၊ နှစ်ဆန်း ၂ ရက်မှ စတင်ပြီး မြ၀တီ-မဲဆောက် ချစ်ကြည်ရေးတံတားမှ ထိုင်းနိုင်ငံဘက်သို့ ထွက်ခွာလျက်ရှိသော်လည်း ဧပြီ ၃၀ ရက် နောက်ဆုံးထားပြီး ထိုင်းနိုင်ငံသို့ ပြန်လည် ၀င်ရောက်ရန်လိုအပ်ကြောင်း သိရသည်။

ပြည်တွင်း၌ အလုပ်အကိုင် အခွင့်အလမ်းနည်းပါးခြင်း၊ အလုပ်ရှိသော်လည်း စားလောက်သည့် လုပ်အားခ၀င်ငွေ မရရှိခြင်းနှင့် အလုပ်အကိုင် အခွင့်အလမ်း ရှားပါးခြင်းတို့ကြောင့် သင်္ကြန်ပြန် လူငယ်လူရွယ်များမှာ မိခင်ရင်ခွင်၌ နွေးထွေးအောင် မနေနိုင်ကြဘဲ လုပ်ငန်းခွင်ရှိရာ ထိုင်းနိုင်ငံသို့ သင်္ကြန်လွန်သည်နှင့် ချက်ချင်းပြန်လည် ထွက်ခွာနေကြခြင်းဖြစ်သည်။

အတာသင်္ကြန်ဆင်နွှဲရန် နေရပ်ပြန်လာသူ မြန်မာရွှေ့ပြောင်းအလုပ်သမား တစ်နေ့ထက်တစ်နေ့ ပိုများလာခြင်းကြောင့် နေရပ်ပြန်ရန် ယာဉ်အခက်အခဲဖြစ်ပေါ်

နေရပ်ပြန်လာသည့် မြန်မာအလုပ်သမားများအား ဧပြီ ၈ ရက်က တွေ့ရစဉ်

အတာသင်္ကြန်ဆင်နွှဲရန် နေရပ်ပြန်လာသူ မြန်မာရွှေ့ပြောင်းအလုပ်သမား တစ်နေ့ထက်တစ်နေ့ ပိုများလာခြင်းကြောင့် နေရပ်ပြန်ရန် ယာဉ်အခက်အခဲဖြစ်လျက်ရှိကြောင်း သိရသည်။

မြ၀တီမြို့သည် နယ်စပ်မြို့ဖြစ်သော်လည်း အဝေးပြေးကားဝင်းမရှိခြင်း၊ သင်္ကြန်ခွင့်ပြန်သူများခြင်းကြောင့် ကားစီးရန်အခက်အခဲဖြစ်သလို ယာဉ်လက်မှတ်ဝယ်ယူရရှိရန် အခက်အခဲဖြစ်လျက်ရှိသည်။

ထို့ပြင် တရားဝင်မော်တော်ယာဉ်လိုင်းများတွင် ယာဉ်စီးခနှုန်းထား မြင့်တက်ခြင်းမရှိသော်လည်း မြို့တွင်း၊ ချစ်ကြည်ရေးတံတားထိပ်၌ လူခေါ်ပြီး ခရီးသည်ကြိုပို့လုပ်နေသည့် မော်တော်ယာဉ်များမှာ ပါးစပ်မှထွက်ဈေး ဖြစ်နေသည်။

ထိုင်းအစိုးရ၏ နိုင်ငံဖြတ်ကျော် ၀န်ဆောင်မှုအခမဲ့ သင်္ကြန်ခွင့်ပြန်ခရီးဖြစ်သော ဧပြီ ၈ ရက်တွင် နံနက် ၁၁ နာရီအထိ ထိုင်းနိုင်ငံမှ နေရပ်ပြန်လာသူ ၁၅၀၀၀ ကျော်ရှိကြောင်း ချစ်ကြည်ရေးတံတား မဲဆောက်ဘက်ကမ်း လ၀ကမှတ်တမ်းအရ သိရသည်။ ထို့ပြင် သောင်ရင်းဖြတ်ကျော် စက်လှေဂိတ်များမှလည်း ပြန်လာသူအများအပြားရှိသည့်အတွက် ဧပြီ ၈ ရက်တွင် နေရပ်ပြန်လာသူ ၂၀၀၀၀ ခန့်ရှိသည်ဟု ဆိုသည်။

သင်္ကြန်ခွင့်ရက် ပထမနေ့ဖြစ်သော ဧပြီ ၅ ရက်တွင် ချစ်ကြည်ရေးတံတားပေါ်မှ ပြန်လာသူ ၃၀၀၀ ကျော်၊ ဧပြီ ၆ ရက်တွင် ၆၀၀၀ ကျော်၊ ဧပြီ ၇ ရက်တွင် ၁၂၀၀၀ ကျော်နှင့် ဧပြီ ၈ ရက်တွင် ၁၅၀၀၀ ကျော်ပြန်လာခဲ့ကြပြီး စက်လှေဂိတ်များကလည်း ထောင်နှင့်ချီ၍ ပြန်လာခဲ့ကြသည်။

နေရပ်ပြန် ခရီးသွားများခြင်းကြောင့် မြ၀တီမြို့မှပြေးဆွဲနေသော ယာဉ်လိုင်းများရှိ ယာဉ်စီးရေနှင့် လုံလောက်မှုမရှိဘဲ လက်မှတ်ဝယ်ယူရခက်ခဲလျက်ရှိသည်။ သို့ဖြစ်၍ ပြင်ပမှ ယာဉ်လိုင်းမဲ့ပြေးဆွဲနေသော မော်တော်ယာဉ်များမှာ ဈေနှုန်းမြင့်တက်လျက်ရှိသည်။

မြ၀တီနယ်စပ်မြို့မှ ရန်ကုန်မြို့သို့ ယာဉ်လိုင်း ၂၂ လိုင်း ပြေးဆွဲလျက်ရှိသလို နေပြည်တော်သို့ နှစ်လိုင်း၊ တောင်ကြီးသို့ နှစ်လိုင်း၊ မန္တလေးသို့ ခြောက်လိုင်း၊ တောင်ငူသို့ ၁၂ လိုင်း ပြေးဆွဲလျက်ရှိကြောင်း သိရသည်။

ပုသိမ်မြို့သို့ တို့ညီနောင်ယာဉ်လိုင်းက ပြေးဆွဲလျက်ရှိသလို မုံရွာမြို့သို့ တို့လာဘ်မိုးသူ ခရီးသည်ပို့ဆောင်ရေးယာဉ်လိုင်က ပြေးဆွဲလျက်ရှိသည်။

အထောက်အထားမဲ့လုပ်သားများ နေရပ်ပြန်ချိန် ကိုးလကျော်လာသည့်တိုင် နေ့စဉ်ရာချီ၍ ပြန်လာနေဆဲဖြစ်

မြ၀တီ ပြန်လည်ကြိုဆိုရေးစခန်းသို့ ဧပြီ ၃ ရက် ညနေက ရောက်ရှိလာသည့် မြန်မာနိုင်ငံသား လုပ်သားများအား တွေ့ရစဉ်

ထိုင်းနိုင်ငံအတွင်း အလုပ်ရှင်အလုပ်သမားဥပဒေကြောင့် နေရပ်မြန်မာနိုင်ငံသို့ ပြန်လာနေကြသည်မှာ ကိုးလကျော်လာသည့်တိုင်အောင် နေ့စဉ်ရာနှင့်ချီ၍ ပြန်လာနေကြဆဲဖြစ်ကြောင်း သိရသည်။

ထိုင်းနိုင်ငံအတွင်း အလုပ်ရှင်အလုပ်သမား ဥပဒေသစ်ကြောင့် ဖမ်းဆီးခံရသူနှင့် ဖမ်းဆီးခံရမည်ကို စိုးကြောက်သူအထောက်အထားမဲ့ မြန်မာလုပ်သာများမှာ ၂၀၁၇၊ ဇွန် ၂၉ ရက်မှ စတင်နေရပ်ပြန်ခဲ့ကြရာ ၂၀၁၈ ဧပြီ ၃ ရက်အထိ အမျိုးသား၊ အမျိုးသမီး ၇၂၅၀၁ ဦးထိရှိလာပြီဖြစ်ကြောင်း သိရသည်။

ယခုအခါ နေရပ်မြန်မာနိုင်ငံသို့ ပြန်လာသူများတွင် ထိုင်းနိုင်ငံအတွင်း အထောက်အထားမဲ့ လုပ်ကိုင်နေသူများအပြင် မလေးရှားနိုင်ငံ သွားရောက်လုပ်ကိုင်နေသူ အများအပြားပါဝင်ကြောင်း မြ၀တီကျောက်လုံးကြီး ပြန်လည်ကြိုဆိုရေးစခန်းသို့ ရောက်ရှိလာသူများထံမှ သိရသည်။

ဧပြီ ၃ ရက် ညနေက မြ၀တီ ပြန်လည်ကြိုဆိုရေးစခန်းသို့ ရောက်ရှိလာသူ မြန်မာနိုင်ငံသားများအား တရားဝင်အလုပ်သမားအဖြစ် ထိုင်းနိုင်ငံသို့ ပြန်လည်သွားရောက်လုပ်ကိုင်လိုပါက ဆောင်ရန်ရှောင်ရန်များကို အလုပ်သမားလူဝင်မှုကြီးကြပ်ရေးဦးစီးဌာနမှ တာဝန်ရှိသူများက ရှင်းလင်းပြောကြားသည်။

မလေးရှားနိုင်ငံအတွင် အလုပ်လုပ်ကိုင်ပြီး အထောက်အထားမရှိသူ၊ မစုံလင်သူ၊ ပတ်စ်ပို့စာအုပ် သက်တမ်းပြည့်သူများမှာ ဖမ်းဆီးရေးစီမံချက်ကြောင့် ပွဲစားနှင့်ချိတ်ဆက်ကာ မလေးငွေရင်းဂစ် ၁၂၀၀ ပေးပြီး ပြန်လာခဲ့ရသည်ဟုဆိုသည်။ မလေရှားနိုင်ငံအတွင်း လုပ်ခလစာကောင်းသော်လည်း ပတ်စ်ပို့စာအုပ်သက်တမ်းကုန်ဆုံး၍ နေရပ်သို့ပြန်လာသူ မကွေးမြို့နယ်မှ ကိုအောင်မျိုးသက်က “အလုပ်ကကောင်းပေမဲ့ စာအုပ်သက်တမ်းသုံးနှစ်ပြည့်လို့ ပြန်လာခဲ့ရတာပါ။ မပြန်ရင်အန္တရာယ်ရှိပါတယ်။ ဒါကြောင့် ပွဲစားကိုရင်းဂစ် ၁၂၀၀ ပေးပြီး ထိုင်းဘက်က ပြန်လာခဲ့ရပါတယ်” ဟု ဧပြီ ၃ ရက်ညနေက ပြောကြားသည်။

မြန်မာနိုင်ငံ ကျောက်လုံးကြီး ပြန်လည်ကြိုဆိုရေးစခန်းသို့ ရောက်ရှိလာသူ မြန်မာနိုင်ငံသားများအား မြ၀တီခရိုင်အထွေထွေ အုပ်ချုပ်ရေးဌာနနှင့် တာဝန်ရှိသူများက ကြိုဆိုကြပြီး ထမင်းနှင့်ရေသန့်ဘူးများ ပေးဝေလျက်ရှိကြောင်း သိရသည်။