ပြည်သူလူထု သတင်းမှန်ရရှိရေး Right to Information လှုပ်ရှားမှုများ ဆက်လက် ပြုလုပ်မည်

စက်တင်ဘာ ၁၆ ရက်က ပြည်သူလူထု သတင်းမှန်ရရှိရေး Right to Information လှုပ်ရှားမှု ပြုလုပ်နေစဉ် (ဓာတ်ပုံ-ကြည်နိုင်)

ပြည်သူလူထု သတင်းမှန်ရရှိရေး Right to Information လှုပ်ရှားမှုများ ဆက်လက် ပြုလုပ်မည် ဖြစ်ကြောင်း သိရသည်။

ပြည်သူလူထု သတင်းမှန်ရရှိရေး Right to Information လှုပ်ရှားမှုကို ပထမအကြိမ်အဖြစ် ဆန္ဒထုတ်ဖော်မှု ပြုလုပ်ခဲ့ပြီး ဒုတိယအကြိမ်အဖြစ် မဟာဗန္ဓုလပန်းခြံရှေ့တွင် စက်တင်ဘာ ၁၆ ရက် ညနေပိုင်းက ဆန္ဒထုတ်ဖော်ခြင်း၊ ပါဖောမန့်များ ပြုလုပ်ခြင်းတို့ကို ပြုလုပ်ခဲ့သည်။

အဆိုပါ လှုပ်ရှားမှုကို သက်ဆိုင်ရာ အာဏာပိုင်များက အစောပိုင်းတွင် ခွင့်မပြုခဲ့ဘဲ ညှိနှိုင်းမှုများ ပြုလုပ်ပြီးနောက် မဟာဗန္ဓုလပန်းခြံ၌ ပြုလုပ်ရန် ခွင့်ပြုခဲ့ကြောင်း၊ လှုပ်ရှားမှုတွင် ထောင်ဒဏ် ခုနစ်နှစ် ချမှတ်ခံထားရသော ရိုက်တာသတင်းဌာနမှ သတင်းထောက် ကိုဝလုံးနှင့် ကိုကျော်စိုးဦး တို့အား ပြန်လွှတ်ပေးရေးကိုလည်း တောင်းဆိုခဲ့ကြောင်း သိရသည်။

လှုပ်ရှားမှု ဦးဆောင်သူ တစ်ဦးဖြစ်သော အသံအဖွဲ့မှ ကိုဆောင်းခက “လက်ရှိအချိန်မှာ လွတ်လပ်စွာ ထုတ်ဖော်ခွင့်လို့ ပြောလိုက်ရင် အွန်လိုင်းမှာ ပြောရင်လည်း ၆၆(ဃ) ရှိတယ်။ မြေပြင်မှာ ဆန္ဒပြမယ်ဟေ့ ဆိုရင် ၁၁ မြို့နယ်အမိန့် ရှိတယ်။ ၁၁ မြို့နယ်ကနေ ကျော်ပြီး စဉ်းစားရင် ဆန္ဒပြမယ်ဟေ့ ဆိုရင် တာမွေ ဟစ်တိုင်ကို ပို့တယ်။ အဲဒါကို ကြည့်ခြင်းအားဖြင့် လွတ်လပ်စွာ ထုတ်ဖော်ခွင့်က လက်ရှိအခြေအနေမှာ တော်တော်ကို ဆိုးရွားတဲ့ အခြေအနေတစ်ခု ဖြစ်နေပြီလို့ ပြောချင်တယ်” ဟုပြောကြားသည်။

အမှန်တရား ဖော်ထုတ်ရေးသားသူများကို ထောင်ဒဏ် ချမှတ်ပြီး နှုတ်ပိတ်လိုက်ခြင်းသည် မီဒီယာသမားများ အပါအ၀င်၊ ပြည်သူများကိုလည်း အမှန်တရား မဖော်ထုတ်ရဲအောင် ခြိမ်းခြောက်လိုက်ခြင်း ဖြစ်ကြောင်း၊ လှုပ်ရှားမှုများ ပြုလုပ်ခြင်း ရပ်တန့်နေမည် မဟုတ်ဘဲ စတေကာကမ်ပိန်း ကဲ့သို့ လှုပ်ရှားမှုများ ဆက်လက် လုပ်ဆောင်သွားရန် ရှိကြောင်း ကိုဆောင်းခက ဆက်လက် ပြောကြားသည်။

ဒုတိယအကြိမ် လှုပ်ရှားမှုတွင် အရပ်ဘက် အဖွဲ့အစည်းများ၊ ပညာဒါနကျောင်းမှ ကျောင်းသားများနှင့် ပြည်သူများ အပါအ၀င် စုစုပေါင်း ၁၅၀ ခန့် ပါဝင်ခဲ့ကြပြီး သတင်းမှန် သိခွင့်ရရှိရေး ဒုိ့အရေး၊ ကိုဝလုံးနှင့် ကိုကျော်စိုးဦး ချက်ချင်းလွှတ် စသည့် ကြွေးကြော်သံများဖြင့် လည်းကောင်း၊ Right to Information စာသားပါ ဗွီနိုင်းများ ကိုင်ဆောင်၍ လည်းကောင်း တောင်းဆိုချက်များ၊ ကြွေးကြော်သံများဖြင့် ပါဖော့မင့်များဖြင့် ပြုလုပ်ခဲ့ကြောင်း သိရသည်။

ဦးဆောင်သူ တစ်ဦးဖြစ်သူ PCJM မှ ကိုသာလွန်ဇောင်းထက်က လှုပ်ရှားမှု၏ အဓိကရည်ရွယ်ချက်မှာ ပြည်သူလူထု၏ အခြေခံ အခွင့်အရေးဖြစ်သော ဒီမိုကရေစီ အခွင့်အရေးဖြစ်သည့် သတင်းအမှန်များ သိခွင့်ရှိဖို့ လုပ်ဆောင်တာ ဖြစ်ကြောင်း၊ အစိုးရထုတ် သတင်းစာများသည် သတင်းအမှန်ကို မသိနိုင်ဘဲ လွတ်လပ်သော ပုဂ္ဂလိက သတင်းမီဒီယာများနှင့် လွတ်လပ်သော သတင်းမီဒီယာသမားများကြောင့်သာ သိနိုင်မှာဖြစ်ကြောင်း ပြောကြားသည်။

PCJM မှ ကိုသာလွန်ဇောင်းထက်က “ပြည်သူလူထုက သတင်းအမှန်တွေ သိခွင့်မရှိရင် ဘယ်လိုမှ ဆုံးဖြတ်နိုင်မှာ မဟုတ်ပါဘူး။ အခု နိုဝင်ဘာလမှာဆိုရင် ကြားဖြတ်ရွေးကောက်ပွဲ လာတော့မယ်။ အဲဒီမှာ ပြည်သူတွေက သူတို့ ရွေးကောက် တင်မြှောက်လိုက်တဲ့ အစိုးရဟာ ဘယ်လောက်ထိ ပြည်သူလူထုအတွက် အလုပ်လုပ်ပေးတယ်။ ဘယ်လောက်ထိ နိုင်ငံအတွက် အလုပ်လုပ်ပေးသလဲ ဆိုတာ အစိုးရထုတ်တဲ့ သတင်းစာတွေကို ဖတ်ပြီးတော့ မသိနိုင်ပါဘူး။ ကျွန်တော်တို့ လွတ်လပ်တဲ့ ပုဂ္ဂလိက သတင်းမီဒီယာတွေ၊ လွတ်လပ်တဲ့ ပုဂ္ဂလိက ကိုဝလုံးတို့၊ ကိုကျော်စိုးဦးတို့လို သတင်းသမားတွေကလုပ်မှ သိနိုင်တာပါ။ ဒါကြောင့်မို့ ဒီနိုင်ငံမှာ လွတ်လပ်တဲ့ သတင်းသမားတွေ အားလုံးအနေနဲ့ ဘယ်နေ့များ ငါတို့ကို ၁၇ (၁) နဲ့ လာဖမ်းမလဲ။ ဘယ်နေ့များ ငါတို့ကို ၅၀၅ (ခ)၊ နိုင်ငံတော်လျှို့ဝှက်ချက် အက်ဥပဒေနဲ့ လာဖမ်းမလဲ ဆိုပြီးတော့ နေ့တိုင်း စိုးရိမ်စိတ်နဲ့ နေရတဲ့နိုင်ငံမှာ ဘယ်လိုလုပ် ပြည်သူလူထု က သတင်းအမှန်သိခွင့် ရှိနိုင်ပါဦးမလဲ” ဟု ပြောကြားသည်။

ကြည်နိုင်

ရိုက်တာသတင်းဌာနမှ မြန်မာသတင်းထောက် နှစ်ဦးအမှု နှစ်ဖက် လျှောက်လဲချက် ကြားနာပြီးနောက် လာမည့်ရုံးချိန်း အပြီးသတ်အမိန့်ချရန် ချိန်းဆို

ရိုက်တာ သတင်းဌာနမှ မြန်မာသတင်းထောက်နှစ်ဦးကို သြဂုတ် ၂၀ ရက်က ရုံးထုတ်လာစဉ် (ဓာတ်ပုံ- ကြည်နိုင်)

ရိုက်တာသတင်းဌာနမှ မြန်မာသတင်းထောက်နှစ်ဦး ဖြစ်သော ကိုဝလုံးနှင့် ကျော်စိုးဦးအမှုအား သြဂုတ် ၂၀ ရက်က မြောက်ပိုင်းခရိုင် တရားရုံးတွင် နှစ်ဖက် လျှောက်လဲချက် ပေးခဲ့ကြောင်း သိရသည်။

မြောက်ပိုင်းခရိုင် တရားရုံးက နှစ်ဖက် လျှောက်လဲချက် ကြားနာပြီးနောက် လာမည့် သြဂုတ် ၂၇ ရက် ရုံးချိန်းတွင် အပြီးသတ် အမိန့်ချရန် ပြန်လည် ချိန်းဆိုလိုက်ကြောင်း သိရသည်။

ရိုက်တာ သတင်းထောက်နှစ်ဦး၏ ရှေ့နေ တရားလွှတ်တော်ရှေ့နေ ဦးခင်မောင်ဇော်က “ကျွန်တော်တို့ အပြီးသတ် လျှောက်လဲချက် သဘောအရ ကျွန်တော်တို့ဘက်က အပြစ်မရှိကြောင်းနှင့် လွှတ်ပေးဖို့ လျှောက်တယ်။ အဲဒါကို တရားလိုဘက်ကနေ ပြန်ချေပပြီး အပြစ်ပေးသင့်ကြောင်း လျှောက်လဲပါတယ်”ဟု မီဒီယာများအား ပြောကြားသည်။

ရိုက်တာ သတင်းထောက် ကိုဝလုံးနှင့် ကိုကျော်စိုးဦးတို့၏ ရှေ့နေများ ဖြစ်သော တရားလွှတ်တော်ရှေ့နေ ဦးခင်မောင်ဇော်၊ တရားလွှတ်တော်ရှေ့နေ ဦးသန်းဇော် အပါအ၀င် ရှေ့နေ သုံးဦးက စာမျက်နှာ ၂၇ ပါ စာဖိုင်ကို ရေးသားတင်ပြချက် အနေဖြင့် တင်ပြခဲ့ကြောင်း သိရသည်။

ထို့ပြင် တရားလွှတ်တော်ရှေ့နေ ဦးခင်မောင်ဇော်က “ဒီဥပဒေက နိုင်ငံ ငါးနိုင်ငံလောက်မှာ တညီတည်းရှိတဲ့ ဥပဒေ။ သူရဲ့ ပင်မက ၁၉၁၁ ခုနှစ် အင်္ဂလန်နိုင်ငံက လာတဲ့ဥပဒေ။ အင်္ဂလန်နိုင်ငံမှာပင် ဒါကြီးက အသုံးမ၀င်တော့ဘူး။ လူ့လောကနဲ့ အသုံးမကျတော့ဘူး ဆိုပြီး ပစ်ပယ်ပြီး အတိုက်ခိုက်ခံရတဲ့ ဥပဒေ။ အဲဒီဥပဒေနဲ့ အရေးယူ အပြစ်ပေးမယ် ဆိုရင်တောင်မှ အဲဒီဥပဒေမှာပါတဲ့ ၃ (၁) (ဂ) ပါပြဋ္ဌာန်းချက်နဲ့ မညီဘူး ဆိုတာရယ်၊ နောက်တစ်ခါ နိုင်ငံခြား စီရင်ထုံးတွေအရ အဲဒီဥပဒေတွေက သတင်းရယူ စုဆောင်းမှု ဂျာနယ်လစ်တွေနဲ့ အကျုံးမ၀င်ကြောင်း တညီတည်း သူတို့နိုင်ငံတွေမှာ ပြောထားတဲ့ စီရင်ချက်တွေကို ရုံးကို လေ့လာနိုင်ဖို့အတွက် ဒါကို ကိုးကားပြီး လွှတ်ဖို့ မဟုတ်ပါဘူး ။ အဲဒါကို တင်ပြခဲ့ပါတယ်။ ရုံးကလည်း လက်ခံပါတယ်”ဟု ဆက်လက် ပြောကြားသည်။

တရားစွဲဆို ခံထားရသော ရိုက်တာ သတင်းထောက် ကိုဝလုံးက အမှုရင်ဆိုင်ရသည့် ကိုးလတာ ကာလအတွင်း အပြီးသတ် နှစ်ဖက် လျှောက်လဲချက်ပေးပြီးသည့် အချိန်အထိ လုံးဝ အပြစ်မရှိကြောင်း ခိုင်ခိုင်မာမာ ပြောနိုင်ပြီး တရားလိုဘက်ကလည်း ၎င်းတို့အပေါ် အပြစ်ရှိကြောင်း စွပ်စွဲနိုင်ခဲ့ခြင်း မရှိကြောင်း၊ ရုံးတော်မှ မျှမျှတတ ဆုံးဖြတ်ကာ လွှတ်ပေးမည်ဟု ယုံကြည်ကြောင်းနှင့် မကြာခင် မွေးဖွားပြီးကာစ သမီးဖြစ်သူထံ ပြန်သွားနိုင်မည်ဟု ပြောကြားသည်။

“ကျွန်တော်တို့ အခိုင်အမာ ယုံကြည်တာက ကျွန်တော်တို့ဟာ သတင်းသမား ကျင့်ဝတ်နဲ့အညီ သတင်းတွေ လိုက်ခဲ့တာ ဖြစ်တယ်။ မြန်မာနိုင်ငံရဲ့ အကျိုးစီးပွားကို ယုတ်လျော့အောင်လို့ ဘာတစ်ခုမှ လုပ်ခဲ့တာ မရှိဘူး။ လာမယ့်အပတ်မှာ ရုံးတော်က ဆုံးဖြတ်မယ့် အနေအထားမှာလည်း ကျွန်တော်တို့ မျှော်လင့်ချက်တွေနဲ့အတူ ကျွန်တော်တို့ ယုံကြည်တဲ့ ဒီမိုကရေစီ၊ တရားမျှတမှုနဲ့ သတင်းလွတ်လပ်ခွင့်အပေါ်မှာ အခြေခံပြီးတော့ အပြစ်မရှိတဲ့ကိစ္စကို ရုံးတော်က မျှမျှတတ ဆုံးဖြတ်ပြီးတော့ လွှတ်ပေးမယ်လို့ အခိုင်အမာ ကျွန်တော်တို့ ယုံကြည်ထားပါတယ်။ မကြာခင်မှာ ကျွန်တော့် သမီးလေးဆီကို မကြာခင် ပြန်သွားနိုင်တော့မယ်လို့ ကျွန်တော် အခိုင်အမာ ယုံကြည်ထားပါတယ်” ဟု ရိုက်တာသတင်းထောက် ကိုဝလုံးက ပြောကြားသည်။

ရိုက်တာသတင်းဌာနမှ မြန်မာသတင်းထောက် ကိုဝလုံး (ခ) ကိုသက်ဦးမောင်နှင့် ကိုကျော်စိုးဦး (ခေါ်) ကိုမိုးအောင်တို့ နှစ်ဦးသည် လျှို့ဝှက် စာရွက်စာတမ်းများအတူ တွေ့ရှိသည်ဟု ဆိုကာ မင်္ဂလာဒုံမြို့နယ်တွင် ဖမ်းဆီးခံရခဲ့ပြီး ၁၉၂၃ ခုနှစ် မြန်မာနိုင်ငံ အစိုးရလျှို့ဝှက်ချက်အက် ဥပဒေပုဒ်မ – ၃ (၁) (ဂ)ဖြင့် ရန်ကုန်တိုင်းဒေသကြီးရဲတပ်ဖွဲ့ မှ ဒုတိယရဲမှူးကြီးယုနိုင်က တရားလိုပြုလုပ်၍ မြောက်ပိုင်းခရိုင်တရားရုံးတွင် တရားစွဲဆိုခဲ့ ကြောင်းသိရသည်။

ရိုက်တာသတင်းထောက် ကိုဝလုံးနှင့် ကိုကျော်စိုးဦးတို့သည် ၂၀၁၇ ဒီဇင်ဘာ ၁၂ ရက် ညပိုင်းတွင် ဖမ်းဆီး ထိန်းသိမ်းခံရပြီးနောက် ယနေ့ထိ ကိုးလကြာ ချုပ်နှောင် ထိန်းသိမ်းခံထားရကာ အမှုအတွက် ရုံးချိန်းပေါင်း ၃၆ ကြိမ် ရင်ဆိုင်ထားရပြီး ဖြစ်ကြောင်းလည်း သိရသည်။

ရိုက်တာသတင်းဌာနမှ မြန်မာသတင်းထောက်နှစ်ဦးအမှု (၃၄) ကြိမ်မြောက်ရုံးထုတ်ပြီး သက်သေအဖြစ် သတင်းထောက်နှစ်ဦးကို ကားမောင်းပို့ပေးခဲ့သော ယာဉ်မောင်းအား စစ်ဆေး

ရိုက်တာသတင်းဌာနမှ မြန်မာသတင်းထောက် နှစ်ဦး၏ (၃၄) ကြိမ်မြောက် ရုံးချိန်းတွင် သတင်းထောက် ကိုဝလုံးက မီဒီယာများအား ဖြေကြားနေစဉ် (ဓာတ်ပုံ-ကြည်နိုင်)

ရိုက်တာသတင်းဌာနမှ မြန်မာသတင်းထောက်နှစ်ဦး ကိုဝလုံးနှင့် ကိုကျော်စိုးဦးတို့ အမှုကို  ဇူလိုင် ၃၀ ရက်က မြောက်ပိုင်းခရိုင် တရားရုံးတွင် ၃၄ ကြိမ်မြောက် ရုံးထုတ်ခဲ့ပြီး သက်သေအဖြစ် သတင်းထောက် နှစ်ဦးကို ကားမောင်းပို့ပေးခဲ့သော ယာဉ်မောင်းကို စစ်ဆေးခဲ့ကြောင်း သိရသည်။

ယ​နေ့ရုံးချိန်းတွင်​ ရိုက်​တာသတင်း​ထောက်​ ကို​ကျော်​စိုးဦးကို တစ်​ဖက်​ဥပ​ဒေ အရာရှိက အပြန်​အလှန်​​မေးခွန်းစစ်​​မေးခဲ့​​​ကြောင်း၊ ကို​ကျော်​စိုးဦးပြီး​နောက်​ ​​နောက်​ထပ်​သက်​​သေ တစ်​ဦးဖြစ်​​သော ကိုဝလုံးနှင့် ကိုကျော်​စိုးဦးတို့ကို အခင်းဖြစ်​ညက လိုက်​ပို့ပေးခဲ့​​သော ရိုက်တာသတင်းဌာနမှ ယာဉ်ေ​​​​မာင်း ​ကိုမျိုးသန့်ထွန်းက ထွက်​ဆိုမှု ပြုလုပ်​ခဲ့သည်​။

ရိုက်​တာသတင်း​ထောက်​ နှစ်​ဦး၏ ​ရှေ့နေ တရားလွတ်​​တော်​​ရှေ့​နေ ဦးသန်း​ဇော်​​အောင်​က “ဥပ​ဒေအရာရှိ အဓိကထားပြီး ​မေးသွားတာက ဒုသမ္မတခရီးစဉ် ကိစ္စ​တွေ၊ မာန်​​အောင်​ကျွန်း စီးပွား​ရေးဆိုင်​ရာ ဖွံ့ဖြိုးတိုးတက်​​ရေး ပ​ရောဂျက်​ ကိစ္စ​တွေ။ အဲဒီဖုန်းထဲက ရတဲ့ဟာ​တွေ အဓိက​မေးတာ။ တကယ်​​တော့ ဒီစာရွက်​စာတမ်း​တွေ ဥပမာ ဒုသမ္မတခရီးစဉ်​က တိုးတိုးတိတ်​တိတ်​သွားတဲ့ ခရီးစဉ်​မဟုတ်​ဘူး။ အများပြည်သူသိ​အောင်​ သတင်းစာ​တွေမှာ ထုတ်​ပြန်​ပြီးသား ကိစ္စ​တွေ။ ဒါ​တွေကလည်း တရားရုံးမှာ သက်သေခံ တင်​သွင်းပြီးသား” ဟု​ ပြောကြားသည်​။

ထို့ပြင်​ ရဲတပ်​ကြပ်​နိုင်​လင်းက ရိုက်​တာသတင်း​ထောက်​ နှစ်​​ယောက်​ကို အငှားယာဉ်​ဖြင့်​ လာသည်​ဟု ထွက်ဆိုထား​သော်​လည်း သတင်း​ထောက်​နှစ်​ဦး​ အနေဖြင့်​ မင်္ဂလာဒုံသို့ သွား​ရောက်​ရာတွင်​ ရိုက်တာသတင်းဌာနမှ ယာဉ်​၊ ယာဉ်ေ​မာင်းတို့ဖြင့်​ ​သွား​ရောက်​ခြင်းဖြစ်​ပြီး  ကွဲလွဲ​နေ​ကြောင်း တရားလွှတ်တော်​​ရှေ့နေ ဦးသန်း​ဇော်​​အောင်​က ဆိုသည်​။

ဆက်လက်၍ “ကားဆရာက ထွက်​ဆိုချက်​က အချင်းဖြစ်​တဲ့ညက သူ့ကိုခေါ်တယ်။ ​ခေါ်ပြီး​တော့ ရဲတပ်​ရင်း ၈ နားမှာ​​စောင့်ေ​​​နတယ်။ ​အဲဒီက အရပ်​၀တ်​အင်္ကျီအဖြူ နဲ့ လူနှစ်​​ယောက်​က ဆိုင်​ကယ်​နဲ့ ရှေ့က ဦးဆောင်သွားတယ်​။ ဆောင်းရိပ်​မွန်​မှာ ချ​ပေးခဲ့တယ်​။ သူထားခဲ့တယ်​လို့ ထွက်​ဆိုသွားတယ်​” ဟု တရားလွှတ်​​တော်​​ရှေ့နေ ဦးသန်း​ဇော်​​အောင်​က ပြောကြားသည်​။

သက်​​သေအဖြစ်​ လာ​ရောက်​ထွက်​ဆို​သော ယာဉ်​​မောင်း ကိုမျိုးသန့်​ထွန်းက ကိုဝလုံးတို့နှစ်ဦး ကားပေါ်တွင် ပြောဆိုနေမှုများနှင့် ပတ်သက်၍ “ရဲကချိန်းလို့ သွားတယ်​လို့​တော့ ကြားမိတယ်​။ ရဲနာမည်​​တော့ အဲဒီလိုတော့ မသိဘူး။ ရဲနဲ့ Appointment ရှိတယ်​လို့​ပြောတယ်​။ ဆိုင်​ကယ်​က ​နောက်​​ကျောက မြင်​ရ​တော့ မျက်​နှာကို မမြင်​ရဘူး။ ရဲလိုမျိုး နှစ်​​ယောက်​က ​ဆိုင်​ကယ်​နဲ့ အ​ရှေ့က​နေ ​စီးသွားတယ်​။ ယူနီ​ဖောင်းနဲ့ မဟုတ်​ဘူး။ သူတို့က ဦး​ဆောင်​ပြီး ​ခေါ်သွားတယ်​။ ဒါ​တွေ ကျွန်​တော်​တရားရုံးမှာ ထွက်​ဆိုခဲ့တာပါ” ဟု တရားရုံးချိန်း အပြီးတွင်​ မီဒီယာများအား ​ဖြေကြားသည်​။

အမှုအ​နေဖြင့်​ စွပ်​စွဲခံရသူဘက်​မှ တင်​သွင်း​သော သက်​​သေသုံးဦးသာ စစ်​​ဆေးရန်​ ကျန်​ရှိ​တော့မည်​ဖြစ်​ကာ YJS သတင်းစာပညာ သင်​​ကျောင်း​မှ ​ကျောင်းအုပ်​ကြီး ဦးရဲနိုင်​မိုး၊ ကိုဝလုံး၏ မိတ်​​ဆွေ ကိုသန့်​ဇင်​စိုးနှင့်​ ဆက်​သွယ်​​ရေး​ အော်​ပ​ရေတာ တယ်​လီ​နောမှ နည်းပညာဆိုင်​ရာ တာဝန်​ခံ တစ်​ဦးဖြစ်ပြီး လာမည့် သြဂုတ်​ ၆၊ ၇ ရက်​ ရုံးချိန်းတွင်​ စစ်​​ဆေးသွားမည်​ဖြစ်​သည်​။

ရဲတပ်​ကြပ်​နိုင်​လင်းက ရိုက်​တာသတင်း​ထောက်​ ကိုဝလုံးတို့ကို တယ်​လီ​နော ဖုန်းနံပါတ်​ဖြင့်​ ​ခေါ်ဆိုမှုများ ပြုလုပ်​ထားခြင်းရှိ၍ တယ်​လီ​နောမှ နည်းပညာဆိုင်​ရာ တာဝန်ခံတစ်​ဦးကို သက်​​သေအဖြစ်​ တင်သွင်းထားခြင်း ဖြစ်​​ကြောင်း သိရသည်​။

ရိုက်တာသတင်းထောက် ကိုကျော်စိုးဦးက “ဒီနေ့တော့ ကျွန်တော်ထွက်ဆိုတာ ပြီးသွားပါပြီ။ အဓိက ထွက်ဆိုခဲ့တာက ဒီစာရွက်တွေနဲ့ ပတ်သက်ပြီး ကျွန်တော်တို့ မသိရှိဘူးဆိုတဲ့ အကြောင်းအရာတွေ၊ အင်ဒင်းစတိုရီကို လိုက်ခဲ့တာလည်း သတင်းမီဒီယာ ကျင့်ဝတ်နဲ့အညီ လိုက်ခဲ့တယ် ဆိုတာ ထွက်ဆိုခဲ့ပါတယ်။ ကားဆရာကိုလည်း စစ်ဆေးပါတယ်။ ဘာကြောင့်လဲဆိုရင် နိုင်လင်းတို့က ကျွန်တော်တို့ကို ဦးဆောင်ပြီး ခေါ်သွားတာကို ကားဆရာက မြင်လိုက်လို့ပါ” ဟု မီဒီယာများအား ပြောကြားသည်။

 

ရိုက်တာသတင်းဌာနမှ မြန်မာသတင်းထောက်နှစ်ဦးကို ဖမ်းဆီးပြီး ထောက်ကြန့်ရဲစခန်းတွင် ရှာဖွေပုံစံဖြည့်ရာ၌ ဖမ်းဆီးသည့်နေရာ ကွဲလွဲနေကြောင်း ဖမ်းဆီးခံ သတင်းထောက် ကိုကျော်စိုးဦး ပြောကြား

ဇူလိုင် ၂၄ ရက် ရုံးချိန်းတွင် သမီးဖြစ်သူအား ချီပိုးထားသည့် သတင်းထောက် ကိုကျော်စိုးဦးကို တွေ့ရစဉ် (ဓာတ်ပုံ-ကြည်နိုင်)

ရိုက်တာသတင်းဌာနမှ မြန်မာသတင်းထောက်နှစ်ဦးကို ဖမ်းဆီးပြီး ထောက်ကြန့်ရဲစခန်းတွင်  ရှာဖွေပုံစံဖြည့်ရာ၌ ဖမ်းဆီးသည့် နေရာကွဲလွဲနေကြောင်း ဖမ်းဆီးခံသတင်းထောက် ကိုကျော်စိုးဦးက ဇူလိုင် ၂၄ ရက်တွင် မြောက်ပိုင်းခရိုင် တရားရုံး၌ ပြောကြားသည်။

အစိုးရ လျှို့ဝှက်ချက်များ အက်ဥပဒေဖြင့် တရားစွဲခံထားရသော ရိုက်တာသတင်းထောက် ၀လုံး (ခ) ကိုသက်ဦးမောင်နှင့် ကိုကျော်စိုးဦး (ခ) မိုးအောင်တို့ကို မြောက်ပိုင်းခရိုင် တရားရုံးတွင် ဆက်လက် ရုံးထုတ်ခဲ့ပြီး ရုံးချိန်းတွင် စွပ်စွဲခံရသူများဘက်မှ တင်သွင်းသော သက်သေများ စစ်ဆေးနေရာ သက်သေအဖြစ် ကိုကျော်စိုးဦးက စစ်ဆေးခံခဲ့သည်။

ကိုကျော်စိုးဦးက “ဖမ်းဆီးရမိတဲ့ပုံစံက ကွဲလွဲနေပါတယ်။ ကျွန်တော်တို့ကို တွေ့ရှိတဲ့ နေရာကတော့ အမှန်ပါပဲ။ ကျွန်တော့်ရှာဖွေ ပုံစံမှာကျတော့ ဆောင်းရိပ်မွန် ဘီယာဆိုင်ရှေ့ထွက်ပေါက် ဆိုပြီးတော့ သူတို့က ကျွန်တော့်ကို အတင်းရေးခိုင်းခဲ့ပါတယ်။ ကိုဝလုံးရဲ့ ရှာဖွေပုံစံမှာကျတော့ အဲဒီအချက်အလက်တွေ မပါခဲ့ပါဘူး။ တကယ်တမ်း အမှန်အတကယ် ကျွန်တော်တို့ကို ဖမ်းဆီးခဲ့တဲ့ နေရာကလည်း ဆောင်းရိပ်မွန် ဘီယာဆိုင်ရှေ့ ထွက်ပေါက်ပဲ ဖြစ်ပါတယ်” ဟု ရုံးချိန်းအပြီးတွင် မီဒီယာများအား ပြောကြားသည်။

ရဲတပ်ဖွဲ့၏ ရှာဖွေပုံစံတွင် ဖမ်းဆီးသည့် နေရာကွဲလွဲနေခြင်းမှာ တခြားနေရာသို့ ရွှေ့ပြောင်းရန် ရှာဖွေပုံစံကို အမြန်လုပ်ခြင်း ဖြစ်သည်ဟု ထင်မြင်ကြောင်း ကိုကျော်စိုးဦးက ဆက်လက်ပြောကြားသည်။

“အဲဒီလို ကွဲလွဲနေတာက ကျွန်တော်တို့ကို ထောက်ကြန့်ရဲစခန်းမှာ အကြာကြီး မထားလိုဘူး။ ရှာဖွေပုံစံကို မြန်မြန်ဆန်ဆန် ပြီးအောင်လုပ်တယ်။ တခြားနေရာကို ရွှေ့ဖို့လိုလို့။ အဲဒါကြောင့်လို့ ထင်တာပဲ” ဟု ကိုကျော်စိုးဦးက ပြောကြားသည်။

သတင်းထောက်နှစ်ဦး၏ တရားလွှတ်တော်ရှေ့နေ ဦးသန်းဇော်အောင်ကလည်း “ကိုဝလုံးဆီမှာတော့ ရှာဖွေပုံစံမှာတော့ ဖမ်းဆီးတဲ့နေရာက ကြားတစ်နေရာ ဖြစ်နေတယ်။ ကိုကျော်စိုးဦးကတော့ ဒီဟာကို သူ့ကို ဖမ်းဆီးတဲ့ နေရာအမှန် ဖြည့်ပေးတော့မှသာ လက်မှတ်ထိုးမယ်ဆိုတဲ့ အချေအတင် ဖြစ်ပြီးတော့မှ နောက်တော့မှ တရားရုံးရောက်တော့မှ ကြည့်ရှင်းတာပေါ့ဆိုပြီး အရာရှိကိုယ်တိုင်က ဒီဟာကို ဖြည့်ပေးလိုက်တယ်။ ဆောင်းရိပ်မွန် ဘီယာဆိုင် ထွက်ပေါက်ဆိုပြီး ဒီဟာကို ဖြည့်ပေးလိုက်တယ်” ဟု မီဒီယာများအား ဖြေကြားသည်။

ကိုဝလုံးနှင့် ကိုကျော်စိုးဦးကို မြန်မာနိုင်ငံ အစိုးရ လျှို့ဝှက်ချက်များ အက်ဥပဒေ ပုဒ်မ ၃ (၁) (ဂ) ဖြင့် စွဲချက်တင်ကြောင်း မြောက်ပိုင်းခရိုင် တရားရုံးက ဇူလိုင် ၉ ရက်တွင် အမိန့်ချမှတ်ခဲ့သည်။

အမှုကို ဇူလိုင် ၃၀ ရက်သို့ ပြန်လည်ချိန်းဆိုခဲ့ပြီး ကိုကျော်စိုးဦးအား ဆက်လက် စစ်ဆေးမည်ဖြစ်သည်။

ရိုက်တာသတင်းဌာနမှ အင်းဒင်သတင်း ထုတ်ပြီးနောက် ရဲမှူးချုပ်တင်ကိုကို၊ ရဲမှူးကြီးမျိုးသူစိုး ပါဝင်သည့်အဖွဲ့က သတင်းမှန်ကန်မှုရှိကြောင်း အင်းစိန်ထောင်အတွင်း အတည်ပြုချက် လက်မှတ်ရေးထိုးခိုင်းဟု ရိုက်တာသတင်းထောက် ကိုဝလုံး ထွက်ဆို

ဇူလိုင် ၁၇ ရက်က ရုံးထုတ်လာသည် ရိုက်တာသတင်းထောက် တစ်ဦးအား တွေ့ရစဉ်

ရိုက်တာသတင်းဌာနမှ အင်းဒင်သတင်း ထုတ်ပြီးနောက် ရဲမှူးချုပ်တင်ကိုကို၊ ရဲမှူးကြီးမျိုးသူစိုး ပါဝင်သည့်အဖွဲ့က သတင်းမှန်ကန်မှုရှိကြောင်း အင်းစိန်ထောင်အတွင်း အတည်ပြုချက် လက်မှတ်ရေးထိုးခိုင်းဟု ရိုက်တာသတင်းထောက် ကိုဝလုံး ထွက်ဆိုခဲ့ကြောင်း ၎င်း၏ရှေ့နေ တရားလွှတ်တော်ရှေ့နေ ဦးသန်းဇော်အောင်က ဇူလိုင် ၁၇ ရက်တွင် မီဒီယာများအား ဖြေကြားသည်။

မြန်မာနိုင်ငံ အစိုးရလျှို့ဝှက်ချက်များ အက်ဥပဒေ ပုဒ်မ ၃ (၁) (ဂ) ဖြင့် တရားစွဲဆိုခံရသော  ရိုက်တာသတင်းဌာနမှ မြန်မာသတင်းထောက် ကိုသက်ဦးမောင် (ခ) ကိုဝလုံးနှင့် ကိုကျော်စိုးဦး (ခ) ကိုမိုးအောင်တို့ကို မြောက်ပိုင်းခရိုင် တရားရုံးတွင် ၃၁ ကြိမ်မြောက်ရုံး ထုတ်ခဲ့ပြီး စွပ်စွဲခံရသူများဘက်မှ တင်သွင်းသော သက်သေများကို စစ်ဆေးမှုစတင်နေရာ ကိုဝလုံးအား ဦးစွာစစ်ဆေးနေခြင်း ဖြစ်ကြောင်း သိရသည်။

တရားလွှတ်တော်ရှေ့နေ ဦးသန်းဇော်အောင်က “သူရဲ့ထွက်ဆိုချက်အရ ဖေဖော်ဝါရီ ၁၀ ရက်နဲ့ ၁၁ ရက်မှာ ရိုက်တာသတင်းဌာနက အင်းဒင်သတင်းကို ထုတ်ပြီးတဲ့ နောက်ပိုင်းမှာ ထောင်ထဲကိုလာတယ်။ ရဲမှူးချုပ်တင်ကိုကို၊ ရဲမှူးကြီးမျိုးသူစိုးပါတဲ့ အဖွဲ့က လာပြီးတော့ ဒီသတင်းက မှန်ကန်မှုရှိတယ်ဆိုတဲ့ အကြောင်းကို အတည်ပြုချက် ရယူပြီးတော့ လက်မှတ်ထိုးခိုင်းသွားတယ်” ဟု မီဒီယာများအား ဖြေကြားသည်။

ထို့ပြင် အဆိုပါ သတင်းများနှင့် ပတ်သက်၍ ရေးသားမှု ရာခိုင်နှုန်း ၈၀ ရှိချိန်တွင် အစိုးရသက်ဆိုင်ရာက အတည်ပြုချက် တောင်းခံရန် ဆောင်ရွက်နေချိန် ဖမ်းဆီးခံရခြင်းဖြစ်ကြောင်း သတင်းထောက် ကိုဝလုံးက ထွက်ဆိုခဲ့ဟု ဦးသန်းဇော်အောင်က ပြောကြားသည်။

“သူသတင်းမီဒီယာ ကျင့်ဝတ်နဲ့အညီ ရေးသားခဲ့တယ်။ ရေးသားရင်းနဲ့ ဒီလို ဖမ်းဆီးခံရတယ်။ အဲဒီလိုမျိုး သူရေးတဲ့သတင်းက Complete ရာခိုင်နှုန်း ၈၀ ပြည့်စုံနေပြီ။ အစိုးရ အဖွဲ့တွေကို အတည်ပြုချက် တောင်းခံမလို့ လုပ်နေတဲ့ အချိန်မှာပဲ သူအဖမ်းခံရတယ်ဆိုတဲ့ အကြောင်းကို ထွက်ဆိုသွားတယ်။ သူတို့ကို အောင်သပြေ စစ်ကြောရေးမှာ စစ်ကြောမေးမြန်းတယ်။ အဲဒီအချိန်မှာပဲ သူတို့ကို စစ်ကြောတဲ့လူကလည်း မြေပြင်မောင်တောမှာ သွားပြီးတော့ စုံစမ်းတယ်။ စုံစမ်းလို့ရတဲ့ အချက်အလက်တွေနဲ့ အစိုးရက အရင်ဦးဆုံး သတင်းထုတ်ပြန်ခဲ့တာပေါ့။ ဒါကလည်း သက်သေခံတွေအရ ထင်ရှားပြီးဖြစ်တယ်” ဟု တရားလွှတ်တော်ရှေ့နေ ဦးသန်းဇော်အောင်က ပြောကြားသည်။

ဆက်လက်၍ ယနေ့ထွက်ဆိုချက်၏ ထူးခြားချက် တစ်ခုအနေဖြင့် သတင်းထောက် ကိုဝလုံးနှင့် ကိုကျော်စိုးဦးတို့ကို အောင်သပြေ စစ်ကြောရေးတွင် စစ်ကြောနေစဉ် ကာလအတွင်း အင်းဒင်သတင်း မထုတ်ခဲ့လျှင် ညှိနှိုင်းမည့်အကြောင်း ကိုဝလုံးက ထွက်ဆိုခဲ့ကြောင်းနှင့် မည်သူများ စစ်ဆေးခဲ့သည်ဆိုခြင်း အတိအကျ မပေါ်ခဲ့ကြောင်း ဦးသန်းဇော်အောင်က ပြောကြားသည်။

ကိုဝလုံးနှင့် ကိုကျော်စိုးဦးသည် မင်္ဂလာဒုံမြို့နယ်ရှိ စားသောက်ဆိုင် တစ်ဆိုင်တွင် ရဲဒုတပ်ကြပ်နှင့် တွေ့ဆုံပြီး စာရွက်စာတမ်း အပေးခံရပြီးနောက် ဆိုင်အပြင် အရောက်တွင် ဖမ်းဆီးခံခဲ့ရကြောင်း ကိုဝလုံးက ထွက်ဆိုခဲ့ကြောင်း သိရသည်။

“သေချာတာတစ်ခုက သူ့ရဲ့ထွက်ဆိုချက်ကပဲ ဒုတပ်ကြပ်နိုင်လင်းက ဆောင်းရိပ်မွန် စားသောက်ဆိုင်မှာ ဒီစာရွက်စာတမ်းတွေကို ပေးတယ်။ စာရွက်စာတမ်းတွေ ပေးတဲ့ဟာနဲ့ ပတ်သက်ပြီး ဘယ်သူ့ကိုမှ ဖမ်းဆီးခံထားရတာ မရှိဘူး။ ဒီစာရွက်စာတမ်းတွေက ဘာမှန်း မသိလိုက်ခင်မှာပဲ လက်ထဲကရတယ်။ ရပြီးတော့ စားသောက်ဆိုင်အပြင် အထွက်မှာပဲ အဖမ်းခံလိုက်ရတယ်ဆိုတဲ့ အနေအထားမျိုး ပေါ်ပေါက်တယ်” ဟု ဦးသန်းဇော်အောင်က ပြောကြားသည်။

ရိုက်တာသတင်းထောက် ကိုဝလုံးက တရားရုံးချိန်းပြီးနောက် မီဒီယာများအား ပြောကြားရာတွင် “ကျွန်တော် အခုလို တရားရုံးတော်မှာ အမှန်အတိုင်း ထွက်ဆိုခွင့်ရလို့ အရမ်းကျေနပ် အားရပါတယ်။ ဘာဖြစ်လို့လဲဆို ဒီကိစ္စက ခုနစ်လ၊ ရှစ်လလောက်ရှိပြီ။ ကျွန်တော်တို့ မတရားခံခဲ့ရတာကို မျိုသိပ်ခဲ့ရပါတယ်။ ဒီကိစ္စတွေကို ပြောပြပေးမယ်လို့ ဘယ်သူမှ ကျွန်တော်တို့ကို အာဏာပိုင် အဖွဲ့အစည်းက အရေးယူ ဆောင်ရွက်တာမျိုး နားထောင်တာမျိုး မလုပ်ခဲ့တာကြ အခုလိုမျိုး တရားရုံးတော်မှ အမှန်အတိုင်း ပြောခွင့်ရတာ အရမ်းကျေနပ် အားရပါတယ်။ ကျွန်တော်တို့ မတရားခံခဲ့ရတာတွေ ဒီနေ့ ပြောခွင့်ရပါတယ်” ဟု ပြောကြားသည်။

တရားရုံးချိန်းကို ဇူလိုင် ၂၃၊ ၂၄ ရက်သို့ ပြန်လည်ချိန်းဆိုခဲ့ပြီး ရိုက်တာသတင်းထောက် ကိုကျော်စိုးဦးကို စစ်ဆေးသွားမည် ဖြစ်သည်။ ရိုက်တာသတင်းဌာနမှ ကိုဝလုံးနှင့် ကိုကျော်စိုးဦးတို့ကို မြန်မာနိုင်ငံအစိုးရ လျှို့ဝှက်များ အက်ဥပဒေ ပုဒ်မ ၃ (၁) (ဂ) ဖြင့် စွဲချက်တင်ကြောင်း မြောက်ပိုင်းခရိုင် တရားရုံးက ဇူလိုင် ၉ ရက်တွင် အမိန့်ချမှတ်ခဲ့ကြောင်း သိရသည်။

 

ရိုက်တာသတင်းဌာနမှ မြန်မာသတင်းထောက် နှစ်ဦးအား အစိုးရ လျှို့ဝှက်ချက်များ အက်ဥပဒေပုဒ်မဖြင့် စွဲချက်တင်ကြောင်း မြောက်ပိုင်းခရိုင်တရားရုံး အမိန့်ချ

စွဲချက်တင်အမိန့် ချမှတ်ကြောင်း တရားရုံးချိန်း အပြီးတွင် မီဒီယာများ၏ မေးမြန်းမှုကို ရိုက်တာသတင်းဌာနမှ မြန်မာသတင်းထောက် ကိုဝလုံး ဖြေကြားနေစဉ် (ဓာတ်ပုံ-ကြည်နိုင်)

ရိုက်တာသတင်းဌာနမှ မြန်မာသတင်းထောက် နှစ်ဦးဖြစ်သော ကိုဝလုံးနှင့် ကိုကျော်စိုးဦးကို မြန်မာနိုင်ငံ အစိုးရ လျှို့ဝှက်ချက်များ အက်ဥပဒေဖြင့် စွဲချက်တင်ကြောင်း မြောက်ပိုင်းခရိုင် တရားရုံးက ဇူလိုင် ၉ ရက်တွင် အမိန့်ချမှတ်ခဲ့သည်။

ယင်းကဲ့သို့ စွဲချက်တင် အမိန့်ချမှတ်ရသော အကြောင်းပြချက်မှာ အစိုးရလျှို့ဝှက်ချက် စာရွက်စာတမ်းများ၊ အစိုးရ အကျိုးစီးပွားကို ဆန့်ကျင်စေသော ရည်ရွယ်ချက်ဖြင့် စုဆောင်းခြင်း၊ ရယူရေးမှတ်ဖြန့်ဝေခြင်း ပေါ်ပေါက်သည် ဟုဆိုသော အကြောင်းပြချက်ဖြင့် အမှုကို စစ်ဆေးသည့် တရားသူကြီးက စွဲချက်တင်မိန့် ချမှတ်ခြင်း ဖြစ်ကြောင်း သတင်းထောက်နှစ်ဦး၏ ရှေ့နေက ပြောကြားသည်။

တရားစွဲခံရသည့် သတင်းထောက်နှစ်ဦး၏ရှေ့နေ တရားလွှတ်တော်ရှေ့နေ ဦးခင်မောင်ဇော်က   “စွပ်စွဲချက်တင်သင့် မတင်သင့်ကို တရားသူကြီးက အမိန့်ချတယ်။ အမိန့်ချတော့ ကိုဝလုံးရော ကိုကျော်စိုးဦးရော နှစ်ယောက်လုံးကို စွဲချက်တင်လိုက်ပါတယ်။ တင်တဲ့အကြောင်းပြချက်ကတော့ ကိုဝလုံးတို့ကို ဘယ်နေရာ ဘယ်အချိန်မှာ အစိုးရလျှို့ဝှက်ချက် စာရွက်စာတမ်းများ အစိုးရ အကျိုးစီးပွား ဆန့်ကျင်စေတဲ့ ရည်ရွယ်ချက်ဖြင့် ရန်သူနဲ့ ဆက်စပ်ရာ သဘောဖြင့် စုဆောင်းခြင်း ရယူခြင်း ရေးမှတ်ခြင်း ဖြန့်ဝေခြင်း အစရှိသည်ကို ပြုတယ်လို့ ပေါ်ပေါက်တဲ့ အတွက်ကြောင့် အစိုးရလျှို့ဝှက်ချက်များ အက်ဥပဒေ ပုဒ်မ ၃ (၁) (ဂ) ဖြင့် စွဲချက်တင်လိုက်သည်၊ မည်သည့်အတွက်ကြောင့် အပြစ်မပေးထိုက်ကြောင်း ထုချေပါလို့ တရားသူကြီးက အမိန့်ချမှတ်ကြောင်း ပြောပါတယ်။ နှစ်ယောက်စလုံးကို ထုချေခိုင်းတာပေါ့” ဟု မီဒီယာများအား ဖြေကြားသည်။

ထို့ကြောင့် ကိုဝလုံးနှင့် ကိုကျော်စိုးဦးသည် နိုင်ငံတော်ကို ဆန့်ကျင်တဲ့ နိုင်ငံတော်ကို အကျိုးစီးပွား လုံးဝပျက်စီး စေလိုသော ရည်ရွယ်ချက် မရှိသည့်အကြောင်း၊ စာရွက်စာတမ်းများကိုလည်း စုဆောင်းခြင်း ဖြန့်ဝေခြင်း ရေးမှတ်ခြင်း မပြုခဲ့သည့်အကြောင်း၊ ဂျာနယ်လစ် တစ်ယောက်၏ ကျင့်ဝတ်နှင့်အညီ လုပ်ကိုင်ခဲ့ခြင်းကြောင့် အပြစ်မရှိကြောင်း တရားရုံးတွင် ထုချေခဲ့ကြောင်း တရားလွှတ်တော်ရှေ့နေ ဦးခင်မောင်ဇော်က ဆက်လက် ပြောကြားသည်။

ရိုက်တာသတင်းထောက်နှစ်ဦး အနေဖြင့် ၎င်းတို့နှစ်ဦးကို တရားစွဲဆိုထားသော မြန်မာနိုင်ငံအစိုးရ လျှို့ဝှက်ချက်များ အက်ဥပဒေပုဒ်မ ၃ (၁) (ဂ) အမှုကို ဆက်လက် ရင်ဆိုင်ရမည်ဖြစ်ကြောင်း သိရသည်။

ရိုက်တာသတင်းထောက် ကိုဝလုံးက တရားရုံးမှ စွဲချက်တင်ကြောင်း အမိန့်ချခြင်းသည် မိမိတို့ကို အပြစ်ရှိသည်ဟု ဆုံးဖြတ်ခြင်း မဟုတ်ကြောင်း၊ စွဲချက်တင်တာနှင့် ပတ်သက်၍ လုံးဝတုန်လှုပ်သွားမည် မဟုတ်ဘဲ အပြစ်မရှိကြောင်း ရင်ဆိုင်ချေပ သွားမည်ဖြစ်ကြောင်း တရားရုံးချိန်း အပြီးတွင် ပြောကြားသည်။

“ဒီနေ့ စွဲချက်တင်တဲ့ကိစ္စနဲ့ ပတ်သက်ပြီးတော့ ကျွန်တော်တို့ လက်လျှော့မှာ မဟုတ်ပါဘူး။ ရုံးတော်က ဆုံးဖြတ်လိုက်တာလည်း ကျွန်တော်တို့ကို အပြစ်ရှိတယ်လို့ ဆုံးဖြတ်လိုက်တာ မဟုတ်ပါဘူး။ ကျွန်တော်တို့မှာ ခုခံချပြခွင့် ရှိပါတယ်။ ကျွန်တော်တို့မှာ အပြစ်မရှိဘူး ဆိုတာကို လာမယ့်ရုံးချိန်းမှာ ထွက်ဆိုသွားပါမယ်။ စွဲချက်တင်တာနဲ့ ပတ်သက်ပြီး လုံးဝတုန်လှုပ်သွားမှာ မဟုတ်ပါဘူး။ ကျွန်တော်တို့ ဆောင်ရွက်ခဲ့တဲ့ ကိစ္စသည် သတင်းသမား ကျင့်ဝတ်နဲ့အညီ ရခိုင်ပြည်မှာ ဖြစ်ပွားခဲ့တဲ့ လူ့အခွင့်အရေး ချိုးဖောက်မှုတွေနဲ့ ပတ်သက်ပြီးတော့ စုံစမ်းဖော်ထုတ်ခဲ့တာ အားလုံးသိပြီးသား ဖြစ်ပါတယ်။ ဒါတွေကို ဆက်လက်ပြီး တရားရုံးတော်မှာ ရင်ဆိုင်သွားမှာ ဖြစ်ပါတယ်။ မတရားအမှုဟာ ဘယ်တော့မှ အနိုင်ရမှာ မဟုတ်ဘူးလို့ ပြောချင်ပါတယ်” ဟု ရိုက်တာသတင်းထောက် ကိုဝလုံးက ပြောကြားသည်။

လာမည့်တရားရုံးချိန်းတွင် စွပ်စွဲခံရသူများဘက်မှ တင်သွင်းသော သက်သေများကို စစ်ဆေးမည်ဖြစ်ပြီး ကိုဝလုံးနှင့် ကိုကျော်စိုး ဦးတို့ကလည်း သက်သေအဖြစ် အစစ်ဆေးခံမည်ဖြစ်ကြောင်း၊ ရုံးချိန်းကို ဇူလိုင် ၁၆၊ ၁၇ ရက်သို့ ပြန်လည်ချိန်းဆိုခဲ့ကြောင်း သိရ သည်။

 

ရိုက်တာသတင်းဌာနမှ သတင်းထောက်နှစ်ဦးကို စွဲချက်တင်သည့် တရားရုံး၏ ဆုံးဖြတ်ချက်ကို စိတ်ပျက်ကြောင်း အမေရိကန်သံရုံး ထုတ်ပြန်

ရိုက်တာသတင်းဌာနမှ သတင်းထောက်နှစ်ဦးကို စွဲချက်တင်သည့် တရားရုံး၏ ဆုံးဖြတ်ချက်ကို စိတ်ပျက်မိကြောင်း ရန်ကုန်မြို့ရှိ အမေရိကန်သံရုံးက ဇူလိုင် ၉ ရက်တွင် ထုတ်ပြန်သည်။

ရိုက်တာသတင်းထောက် နှစ်ဦးဖြစ်သည့် ကိုဝလုံးနှင့် ကိုကျော်စိုးဦးတို့အား နိုင်ငံတော် လျှို့ဝှက်ချက် အက်ဥပဒေ ချိုးဖောက်မှု စွပ်စွဲချက်ဖြင့် ဆက်လက်တရားစွဲဆိုရန် တရားရုံးက ဇူလိုင် ၉ ရက်တွင် ဆုံးဖြတ်ချက် ချခြင်းအပေါ် ထုတ်ပြန်ခြင်းဖြစ်သည်။

တရားစွဲခံရသော ရိုက်တာသတင်းထောက်နှစ်ဦး အလုပ်ပြန်လည် လုပ်ဆောင်နိုင်ရန်နှင့် မိသားစုဝင်များနှင့် ပြန်လည်ဆုံစည်းနိုင်ရန် မြန်မာအာဏာပိုင်များ အနေဖြင့် ခွင့်ပြုပေးသင့်ကြောင်း ထုတ်ပြန်ချက်တွင် ပါရှိသည်။

ယခုကဲ့သို့ ဆုံးဖြတ်ချက်သည် (ရိုက်တာသတင်းထောက် နှစ်ဦးကို မြန်မာနိုင်ငံအစိုးရ လျှို့ဝှက်ချက်များ အက်ဥပဒေဖြင့် စွဲချက်တင် အမိန့်ချ) မြန်မာနိုင်ငံအတွင်း သတင်းမီဒီယာ လွတ်လပ်ခွင့်နှင့် တရားဥပဒေ စိုးမိုးရေးအတွက် အနှောင့်အယှက် တစ်ရပ်ဖြစ်ကြောင်း အမေရိကန်သံရုံး၏ ထုတ်ပြန်ချက်တွင် ဆက်လက် ဖော်ပြထားသည်။

ထို့ပြင် ရိုက်တာသင်းဌာနမှ အယ်ဒီတာချုပ် Stephen J.Adler ကလည်း ထုတ်ပြန်ချက်တစ်ခု ကြေညာခဲ့ပြီး ၎င်းထုတ်ပြန်ချက်တွင် သတင်းထောက်နှစ်ဦးအား အခြေအမြစ်မရှိဘဲ စွဲထားသောအမှုကို တရားရုံးက ဖြေရှင်းပေးရန် ငြင်းပယ်လိုက်မှုအပေါ် ၎င်းအနေဖြင့် အလွန်စိတ်ပျက်မိကြောင်း၊ မြန်မာနိုင်ငံ၏ သတင်းလွတ်လပ်ခွင့်နှင့် တရားဥဒေစိုးမိုးရေးအပေါ် သံသယရှိလာကြောင်း ပါရှိသည်။

ရိုက်တာသင်းဌာနမှ အယ်ဒီတာချုပ် Stephen J.Adler က “ကိုဝလုံးနဲ့ ကိုကျော်စိုးဦးတို့ကို စွပ်စွဲထားတဲ့ အခြေအမြစ် မရှိဘဲ အချိန်စွဲထားတဲ့ အမှုကို တရားရုံးက ဖြေရှင်းပေးဖို့ ငြင်းပယ်လိုက်တဲ့အပေါ် ကျွန်တော်တို့ အနေနဲ့ အလွန်အမင်း စိတ်ပျက်မိပါတယ်။ ဒီသတင်းထောက်တွေကို လွှတ်ပေးဖို့ အချိန်တန်နေပါပြီ။ သူတို့အနေနဲ့ လျှို့ဝှက်အက်ဥပဒေ အပါအ၀င် အခြားဘယ်ဥပဒေကို ချိုးဖောက်ခဲ့တာ ဒါမှမဟုတ် အမှားတစ်ခုခု လုပ်ခဲ့တာကို ထောက်ပြနိုင်တဲ့ သက်သေအချက်အလက် တစ်ခုမှ မရှိပါဘူး။ သူတို့ရဲ့ မိသားစုတွေ မိတ်ဆွေတွေနဲ့ လုပ်ဖော်ကိုင်ဖက်တွေနဲ့ တွေ့ဆုံဖို့ သူတို့ကို လွှတ်ပေးသင့်ပါပြီ။ ဒါ့အပြင် ဒီနေ့ချလိုက်တဲ့ ဆုံးဖြတ်ချက်ကြောင့် မြန်မာနိုင်ငံရဲ့ သတင်းလွတ်လပ်ခွင့်နဲ့ မြန်မာနိုင်ငံ အနေနဲ့ ကတိက၀တ် ပြုထားတဲ့ တရားဥပဒေ စိုးမိုးရေးအပေါ် သံသယရှိစရာ ဖြစ်လာပါတယ်” ဟု ပြောကြားသည်။

ထို့ပြင် နိုင်ငံခြားရေးနှင့် လုံခြုံရေးမူဝါဒဆိုင်ရာ အီးယူအဆင့်မြင့် ကိုယ်စားလှယ် ဖဒယ်ရီကာမိုဂါရီနီ၏ ပြောရေးဆိုခွင့်ရှိသူကလည်း ထုတ်ပြန်ချက်တစ်စောင် ထုတ်ပြန်ခဲ့ပြီး တရားရုံးမှ ရိုက်တာသတင်းထောက် နှစ်ဦးဖြစ်သော ၀လုံးနှင့် ကျော်စိုးဦးတို့အား ၁၉၂၃ နိုင်ငံတော် လျှို့ဝှက်အက်ဥပဒေဖြင့် တရားစွဲဆိုရန် ဆုံးဖြတ်လိုက်ခြင်းသည် မြန်မာနိုင်ငံတွင် အခြေခံလွတ်လပ်ခွင့်၊ လွတ်လပ်သည့် မီဒီယာနှင့် အများပြည်သူ သတင်းရပိုင်ခွင့်တို့အတွက် အင်မတန်စိုးရိမ် ပူပန်ဖွယ်ရာ ဖြစ်ရကြောင်း ဖော်ပြထားသည်။

ဥရောပသမဂ္ဂ အနေဖြင့် လွတ်လပ်စွာ ထုတ်ဖော်ပြောဆိုခွင့်ကို ကျင့်သုံးကာ ၎င်းတို့ အလုပ် ၎င်းတို့လုပ်ကိုင်ခြင်းကြောင့် တရားစွဲဆိုခံရသည့် သတင်းထောက်နှစ်ဦးတို့အပေါ် တင်ထားသည့် စွဲချက်များကို ရုပ်သိမ်းပြီး မိသားစုနှင့် ပြန်လည်ဆုံစည်းကာ အရေးပါလှသည့် လုပ်ငန်းများ ပြန်လည် လုပ်ဆောင်နိုင်ရန်အတွက် အလျင်မြန်ဆုံး ပြန်လည်လွတ်မြောက်လာရန် မျှော်လင့်လျက်ရှိကြောင်း ဖော်ပြထားသည်။

ရိုက်တာသတင်းဌာနမှ မြန်မာသတင်းထောက် နှစ်ဦးအား ဖမ်းဆီးစစ်ဆေးနေသည်မှာ ရှစ်လကျော် ကြာမြင့်ပြီဖြစ်ပြီး ဇူလိုင် ၉ ရက်တွင် စွဲချက်တင်အမိန့် ချမှတ်ခဲ့သည်။

 

ရိုက်တာသတင်းဌာနမှ မြန်မာသတင်းထောက်နှစ်ဦးကို ဖမ်းဆီးပြီးနောက် ထောက်ကြန့်ရဲစခန်းတွင် ထိန်းသိမ်းထားခဲ့ဟု စခန်းမှူးက ထွက်ဆိုသော်လည်း သတင်းထောက်နှစ်ဦးက ညတွင်းချင်း အောင်သပြေစစ်ကြောရေးစခန်းတွင် ထိန်းသိမ်းစစ်ဆေးခံရဟု ပြောကြား

ရိုက်တာသတင်းဌာနမှ မြန်မာသတင်းထောက်နှစ်ဦးကို ဖမ်းဆီးပြီးနောက် ထောက်ကြန့်ရဲစခန်းတွင် ထိန်းသိမ်းထားခဲ့ဟု စခန်းမှူးက ထွက်ဆိုသော်လည်း သတင်းထောက်နှစ်ဦးက ညတွင်းချင်းပင် အောင်သပြေစစ်ကြောရေးစခန်း၌ ထိန်းသိမ်းစစ်ဆေးခံရဟု ပြောကြားခဲ့ကြောင်း ဇွန် ၁၁ ရက် ရုံးချိန်းတွင် သိရသည်။

မြန်မာနိုင်ငံ အစိုးရလျှို့ဝှက်ချက်များ အက်ဥပဒေဖြင့် တရားစွဲဆိုခံထားရသော ရိုက်တာသတင်းဌာနမှ မြန်မာသတင်းထောက်နှစ်ဦးကို မြောက်ပိုင်းခရိုင် တရားရုံးတွင် ဇွန် ၁၁ ရက်က ၂၅ ကြိမ်မြောက် ရုံးထုတ်ခဲ့ပြီး တရားခွင်၌ တရားလိုပြသက်သေအဖြစ် မင်္ဂလာဒုံမြို့နယ် ထောက်ကြန့်နယ်မြေရဲစခန်းမှူး ဒုရဲမှူးမြင့်လွင်က လာရောက်ထွက်ဆိုခဲ့သည်။

သတင်းထောက်နှစ်ဦး၏ရှေ့နေ တရားလွှတ်တော်ရှေ့နေ ဦးသန်းဇော်အောင်က “ဒီအမှုကို မူလအမှုစစ်ဖြစ်တဲ့ ထောက်ကြန့်စခန်းမှူးဖြစ်တဲ့ ရဲအုပ်မြင့်လွင်၊ အခုတော့ ဒုရဲမှူး၊ အမှုဖြစ်တုန်းကတော့ နှစ်ပွင့်ပဲရှိတယ်။ ရာထူးတိုးပြီး အမှုစစ်အဖြစ် သက်သေလာထွက်တယ်။ စွပ်စွဲခံရသူတွေကို သူတို့ဖမ်းပြီးတော့ ထောက်ကြန့်စခန်းမှာပဲ ထိန်းသိမ်းထားတယ်ဆိုပြီးတော့ ထွက်တယ်။ အမှန်တကယ် သတင်းထောက်တွေပြောတာက အဲဒီညတွင်းချင်းပဲ စစ်ကြောရေးစခန်းကို ပါသွားတယ်။ ဒီနေ့လာတဲ့ သက်သေက အောင်သပြေမှာ စစ်ကြောတယ်ဆိုတဲ့ဟာကို ဆန့်ကျင်ပြီး ငြင်းဆန်သွားတယ်။ နောက်တစ်ခါ သတင်းထောက်တွေရဲ့ ဖုန်း Password တွေကို သူကိုယ်တိုင်ဖွင့်ပြီးတော့ သတင်းထောက်တွေရဲ့ ဖုန်းမှန်၊ မမှန် ဖွင့်ကြည့်တာပါဆိုပြီးတော့ ထွက်ဆိုသွားတယ်။ ဒီသတင်းထောက်တွေရဲ့ ဖုန်း Password နံပါတ်တွေ မှန်မမှန်ဆိုတာက တောင်းစရာ အကြောင်းမရှိဘူး” ဟု မီဒီယာများအား ဖြေကြားသည်။

သတင်းထောက်နှစ်ဦး၏ ဖုန်းများကို ယင်းကဲ့သို့ ဖွင့်ရန် ခွင့်ပြုချက်များ၊ ခွင့်ပြုမိန့် ရရှိခဲ့သလားဟု စွပ်စွဲခံရသူများ၏ ရှေ့နေများက ဒုရဲမှူးမြင့်လွင်ကို မေးမြန်းရာ ၎င်းက မည်သူ့ခွင့်ပြုချက်မှ ရယူခဲ့ခြင်းမရှိဘဲ သူ့သဘောဖြင့် သူလုပ်ခဲ့သည့်ပုံစံမျိုး ထွက်ဆိုသွားကြောင်း တရားလွှတ်တော်ရှေ့နေ ဦးသန်းဇော်အောင်က ပြောကြားသည်။

ရိုက်တာသတင်းထောက်နှစ်ဦးအား အောင်သပြေစစ်ကြောရေးစခန်းကို ခေါ်ဆောင်သွားပြီးနောက် အဖွဲ့ပေါင်းစုံမှ စစ်ဆေးခဲ့ကြောင်း၊ ရဲတပ်ဖွဲ့၊ သတင်းတပ်ဖွဲ့၊ စီအိုင်ဒီနှင့် တပ်မတော်အဖွဲ့လည်း ပါဝင်ကြောင်း အဆိုပါရှေ့နေက ဆက်လက်ပြောကြားသည်။

ဖမ်းဆီးတရားစွဲဆိုခံထားရသော သတင်းထောက်နှစ်ဦးအနက် သတင်းထောက် ကိုဝလုံးက “အောင်သပြေစစ်ကြောရေးစခန်းမှာ ရှိခဲ့ပါတယ်။ ပြီးတော့မှ အင်းစိန် စီအိုင်ဒီကို တစ်ရက်နေခဲ့ရပါတယ်။ သူတို့ပြောတဲ့ ထောက်ကြန့်ရဲစခန်းမှာ နေခဲ့ရတယ်ဆိုတာ မဟုတ်ပါဘူး” ဟု ပြောကြားသည်။

ယခင်ရုံးချိန်းတွင် နေပြည်တော်မှ နည်းပညာကျွမ်းကျင် ရဲမှူးအောင်ကျော်ဆန်း တင်သွင်းသော သတင်းထောက်နှစ်ဦး၏ဖုန်းအတွင်းမှ တွေ့ရှိသည်ဆိုသည့် အချက်အလက် ၂၁ ခုကို သက်သေအဖြစ် တင်သွင်းရာ ရုံးတော်မှ လက်ခံခဲ့သော်လည်း စွပ်စွဲခံရသော သတင်းထောက်နှစ်ဦး၏ ရှေ့နေများက ယင်းအချက်အလက်များသည် အများပြည်သူ သိရှိပြီးသား အကြောင်းအရာများဖြစ်ကြောင်းကို သတင်းစာများ၊ ဂျာနယ်များဖြင့် ပြန်လည်သက်သေ တင်သွင်းခဲ့သည်။

ထို့ပြင် ရိုက်တာသတင်းဌာနမှ မြန်မာသတင်းထောက်နှစ်ဦး ရေးသားသော အင်းဒင်လူသတ်မှု သတင်းဆောင်းပါးကိုလည်း စွပ်စွဲခံရသူနှစ်ဦး၏ရှေ့နေများက သက်သေခံအဖြစ် တင်သွင်းရာ မြောက်ပိုင်းခရိုင် တရားရုံးတော်က ၂၄ ကြိမ်မြောက် ရုံးချိန်းတွင် လက်ခံခဲ့သည်။ အမှုကို ဇွန် ၁၂ ရက်တွင် ထပ်မံစစ်ဆေးမည်ဖြစ်ပြီး စီအိုင်ဒီမှ ဒုရဲမှူးတစ်ဦးကို တရားလိုပြသက်သေအဖြစ် စစ်ဆေးမည်ဖြစ်သည်။

အဆိုပါအမှုနှင့် ပတ်သက်ပြီး စစ်ဆေးရန် တရားလိုပြသက်သေ၂၅ ဦးတင်သွင်းထားကာ ၂၁ ဦး စစ်ဆေးပြီးကြောင်း၊ သက်သေနှစ်ဦးကို စာရင်းမှ ပယ်ဖျက်ထား၍ သက်သေနှစ်ဦးခန့် စစ်ဆေးရန်ကျန်ရှိကြောင်း မြောက်ပိုင်းခရိုင် တရားရုံးမှ သိရသည်။

ကျန်ရှိသက်သေများတွင် ဒုရဲမှူးမိုးရန်နိုင်နှင့် တစ်ပါတည်း ထိန်းသိမ်းခံရသည်ဆိုသော တပ်ကြပ်ကြီးခင်မောင်လင်းလည်း ပါဝင်နေကြောင်း သိရပြီး အဆိုပါတပ်ကြပ်ကြီး ခင်မောင်လင်းမှာ မည်သည့်နေရာတွင် ဖမ်းဆီးထားသည်ကို မသိရသေးပေ။

မြန်မာသတင်းထောက် ကိုသက်ဦးမောင် (ခေါ်) ၀လုံးနှင့် ကိုကျော်စိုးဦး(ခေါ်) ကိုမိုး အောင်တို့နှစ်ဦးကို အစိုးရလျှို့ဝှက် စာရွက်စာတမ်းများနှင့်အတူ တွေ့ရှိသည်ဟုဆိုကာ မင်္ဂလာဒုံမြို့နယ်တွင် ဖမ်းဆီးခဲ့ပြီး ၁၉၂၃ ခုနှစ် မြန်မာနိုင်ငံ အစိုးရလျှို့ဝှက်ချက်အက်ဥပဒေ ပုဒ်မ – ၃(၁)(ဂ) ဖြင့် မြောက်ပိုင်းခရိုင် တရားရုံးတွင် တရားစွဲဆိုခဲ့သည်။

ရိုက်တာသတင်းဌာနမှ မြန်မာသတင်းထောက်နှစ်ဦး ရေးသားသော အင်းဒင်လူသတ်မှု သတင်းဆောင်းပါးကို သက်သေခံအဖြစ် တင်သွင်းမှု တရားရုံးမှလက်ခံ

ရိုက်တာသတင်းဌာနမှ မြန်မာသတင်းထောက် နှစ်ဦးအား ဇွန် ၅ ရက်က ရုံးထုတ်လာစဉ် (ဓာတ်ပုံ- ကြည်နိုင်)

ရိုက်တာသတင်းဌာနမှ မြန်မာသတင်းထောက်နှစ်ဦး ရေးသည့် အင်းဒင်လူသတ်မှု သတင်းဆောင်းပါးကို သက်သေခံအဖြစ် တင်သွင်းမှု မြောက်ပိုင်းခရိုင် တရားရုံးက ၂၄ ကြိမ်မြောက် ရုံးချိန်းတွင် လက်ခံခဲ့ကြောင်း သတင်းထောက်နှစ်ဦး၏ရှေ့နေ ဦးသန်းဇော်အောင်က ပြောကြားသည်။

ရိုက်တာသတင်းဌာနမှ သတင်းထောက် ကိုဝလုံးနှင့် ကိုကျော်စိုးဦးတို့ကိုယ်တိုင် ရေးသားသော အင်းဒင်လူသတ်မှု သတင်းဆောင်းပါးကို သက်သေအဖြစ် တင်သွင်းမှုကို ရုံးတော်မှ လက်ခံခြင်းသည် ထူးခြားမှုတစ်ခုဖြစ်ကြောင်း ရှေ့နေဦးသန်းဇော်အောင်က ပြောကြားသည်။ အင်းဒင် သတင်းဆောင်းပါးကို ယခင်က သက်သေအဖြစ် တင်သွင်းမှုကို လက်မခံဘဲ ပယ်ချထားသည်။

“သေချာတာ တစ်ခုကတော့ စွပ်စွဲခံရသူတွေက မောင်တော၊ အင်းဒင်နဲ့ ပတ်သက်တဲ့ သတင်းကို လိုက်တယ်။ လိုက်ရင်းအဖမ်းခံရတယ်။ အဖမ်းခံရတဲ့အခါမှာ အင်းဒင်ဆိုတဲ့ သတင်းဆောင်းပါး ရေးတယ် ဆိုတဲ့ကိစ္စ ပျောက်နေတယ်။ ဒီနေ့ကတော့ သူတို့နှစ်ယောက် ကိုယ်တိုင်ရေးတဲ့ သတင်းဆောင်းပါးကို သက်သေခံအဖြစ် ရုံးတော်ကနေ လက်ခံပါတယ်” ဟု ရှေ့နေဦးသန်းဇော်အောင်က ပြောကြားသည်။

မြန်မာနိုင်ငံ အစိုးရလျှို့ဝှက်ချက်များ ဥပဒေဖြင့် တရားစွဲဆိုခံထားရသော ရိုက်တာသတင်းဌာနမှ မြန်မာသတင်းထောက်နှစ်ဦး အမှုတွင် စွပ်စွဲခံရသူ ကိုဝလုံးက တရားရုံးက မျှမျှတတ ဆုံးဖြတ်တော့မည်ဟု ခံစားရကြောင်း၊ ယနေ့ရုံးချိန်းသည် အမှန်တရားနှင့် တရားမျှတမှုအတွက် မျှော်လင့်ချက် များစွာရှိသောနေ့ ဖြစ်ကြောင်း ရုံးချိန်းအပြီးတွင် မီဒီယာများအား ပြောကြားသည်။

“ကျွန်တော်တို့ အင်းဒင်စတိုရီနဲ့ ပတ်သက်ပြီးတော့ ဒီနေ့တရားရုံးက သက်သေခံချက်အဖြစ်နဲ့ လက်ခံလိုက်ပါပြီ။ အဲဒီတော့ ကျွန်တော်တို့ ဆောင်ရွက်ခဲ့တဲ့ အမှန်တရားတွေ မကြာခင် ပေါ်လာတော့မယ်။ ကျွန်တော်တို့ ဆောင်ရွက်ခဲ့တဲ့ ကိစ္စတွေနဲ့ ပတ်သက်ပြီးတော့လည်း တရားရုံးကနေပြီးတော့ တရားမျှမျှတတ ဆုံးဖြတ်တော့မယ် ဆိုတာမျိုးကို ကျွန်တော်တို့ဒီနေ့ ခံစားရပါတယ်။ ဒီနေ့ရုံးချိန်းနဲ့ ပတ်သက်ပြီးတော့ ကျွန်တော်တို့ကတော့ အမှန်တရားနဲ့ တရားမျှတမှု အတွက်ကို အများကြီး မျှော်လင့်ချက်ရှိတဲ့နေ့လို့ ပြောချင်ပါတယ်” ဟု ပြောကြားသည်။

အဆိုပါ အင်းဒင်ဖြစ်စဉ်နှင့် ပတ်သက်ပြီး ဘင်္ဂါလီအကြမ်းဖက် ၁၀ ဦးအပေါ် ဥပဒေနှင့်အညီ ဆောင်ရွက်ခြင်း မရှိဘဲ ပြစ်မှုကျူးလွန်ခဲ့သည့် တပ်မတော်သား ခုနစ်ဦးအား အလုပ်ကြမ်းနှင့် ထောင်ဒဏ် ၁၀ နှစ်စီ ချမှတ်ထားကြောင်း တပ်မတော် ကာကွယ်ရေးဦးစီးချုပ်ရုံးက ဧပြီ ၁၀ ရက် ညပိုင်းက သတင်းထုတ်ပြန်သည်။

ယင်းနေ့ရုံးချိန်းတွင် ရဲမှူးအောင်ကျော်ဆန်းက စွပ်စွဲခံရသော သတင်းထောက်နှစ်ဦး၏ ဖုန်းအတွင်းမှ တွေ့ရှိသည်ဆိုသော အချက်အလက် ၂၁ ခုကို တရားရုံးသို့ သက်သေအဖြစ် တင်သွင်းရာ ရုံးတော်မှ လက်ခံခဲ့သည်။ သို့သော် စွပ်စွဲခံရသော သတင်းထောက်နှစ်ဦး၏ ရှေ့နေများက ယင်းအချက်အလက်များသည် အများပြည်သူ သိရှိပြီးသား အကြောင်းအရာများ ဖြစ်ကြောင်းကို သတင်းစာများ၊ ဂျာနယ်များဖြင့် ပြန်လည် သက်သေတင်သွင်းခဲ့ကြောင်း သိရသည်။

ထို့ပြင် ပုပ်ရဟန်းမင်းကြီး၏ ခရီးစဉ်၌  တရားဟောမည့်နေရာ၏ နေရာပြမြေပုံကို လုံခြုံရေး အစီအမံပြမြေပုံ ဟုဆိုကာ လျှို့ဝှက်ချက်များအဖြစ် အချက်အလက် ၂၁ တစ်ခုထဲတွင် ထည့်သွင်းခဲ့ရာ စွပ်စွဲခံရသူ နှစ်ဦး၏ ရှေ့နေများက အစိုးရ သို့မဟုတ် ရဲတပ်ဖွဲ့က ထုတ်ထားသောမြေပုံ မဟုတ်ဘဲ ဂျာမနီနိုင်ငံ ၀က်ဘ်ဆိုက်တစ်ခုမှ ကူးယူထားခြင်းဖြစ်ကြောင်း တရားခွင်တွင် ပြန်လည်ပြောကြားရာ ရဲမှူးအောင်ကျော်ဆန်းက အစိုးရ သို့မဟုတ် ရဲတပ်ဖွဲ့က ထုတ်ထားသော မြေပုံမဟုတ်ဟု ၀န်ခံခဲ့ကြောင်း ရှေ့နေဦးသန်းဇော်အောင်က ပြောကြားသည်။

အဆိုပါ ရုံးချိန်းတွင် နေပြည်တော် ရဲမှုခင်းတပ်ဖွဲ့၊ နည်းပညာမှုခင်းဌာနမှ နည်းပညာကျွမ်းကျင်သူ ရဲမှူးအောင်ကျော်ဆန်းကို တရားလိုပြ သက်သေအဖြစ် ခြောက်ကြိမ်မြောက် စစ်ဆေးခဲ့ပြီး ၎င်းကို တစ်ပတ်လျှင် နှစ်ရက်နှုန်းဖြင့် သုံးပတ်ကြာ စစ်ဆေးမှု အပြီးသတ်ခဲ့ခြင်းလည်း ဖြစ်သည်။ နောက်လာမည့် ရုံးချိန်းကို ဇွန် ၁၁ ရက်နှင့် ၁၂ ရက်သို့ ပြန်လည်ချိန်းဆိုခဲ့ပြီး ရဲတပ်ဖွဲ့မှ အမှုစစ်အရာရှိ တစ်ဦးကို စစ်ဆေးမည်ဖြစ်သည်။

 

ရိုက်တာသတင်းထောက် နှစ်ဦး၏ ဖုန်းနှစ်လုံးကို ရဲတပ်ဖွဲ့က အီလက်ထရွန်နစ်ပစ္စည်းများ သယ်ပို့သည့်အခါ အသုံးပြုသော အထူးအိတ် တစ်မျိုးအား အသုံးမပြုဘဲ စာအိတ်ဖြင့် ချိပ်ပိတ်ပေးကြောင်း CID ရဲမှူး ထွက်ဆိုခဲ့ဟု စွပ်စွဲခံရသူများ၏ရှေ့နေ ပြောကြား

ရိုက်တာသတင်းဌာနမှ မြန်မာသတင်းထောက်နှစ်ဦးအမှု မေ ၂၉ ရက်က မြောက်ပိုင်းခရိုင် တရားရုံးတွင် (၂၂) ကြိမ်မြောက်ရုံးထုတ်စဉ် (ဓာတ်ပုံ – ကြည်နိုင်)

ရိုက်တာသတင်းဌာနမှ မြန်မာသတင်းထောက်နှစ်ဦးထံမှ သိမ်းဆည်းရမိသော ဖုန်းနှစ်လုံးကို ရဲတပ်ဖွဲ့က အီလက်ထရွန်နစ်ပစ္စည်းများ သယ်ပို့သည့်အခါ အသုံးပြုသော အထူးအိတ်တစ်မျိုးကို အသုံးမပြုဘဲ စာအိတ်ဖြင့် ချိပ်ပိတ်ပေးကြောင်း CID ရဲမှူး ထွက်ဆိုခဲ့ဟု စွပ်စွဲခံရသူများ၏ တရားလွှတ်တော်ရှေ့နေ ဦးသန်းဇော်အောင်က မေ ၂၉ ရက်တွင် ပြော ကြားသည်။

မြန်မာနိုင်ငံ အစိုးရလျှို့ဝှက်ချက်များ ဥပဒေဖြင့် တရားစွဲဆိုခံထားရသော ရိုက်တာသတင်းဌာနမှ မြန်မာသတင်းထောက်နှစ်ဦး အမှုကို မေ ၂၉ ရက်က မြောက်ပိုင်းခရိုင် တရားရုံးတွင် (၂၂) ကြိမ်မြောက် ရုံးထုတ်ခဲ့ပြီး ရုံးချိန်းတွင် နေပြည်တော် ရဲမှုခင်းတပ်ဖွဲ့၊ နည်းပညာမှုခင်းဌာနမှ ရဲမှူးအောင်ကျော်ဆန်းသည် တရားလိုပြ သက်သေအဖြစ် ဆက်လက် စစ်ဆေးခဲ့သည်။

တရားလွှတ်တော်ရှေ့နေ ဦးသန်းဇော်အောင်က “ဒီနေ့ ကျွန်တော်တို့ စီအိုင်စီက နည်းပညာ ကျွမ်းကျင်သူ ရဲမှူးအောင်ကျော်ဆန်းကို စစ်ဆေးဖြစ်တယ်။ စစ်ဆေးတဲ့အခါမှာတော့ သူက ကွန်ပျူတာနဲ့ ပတ်သက်ပြီးတော့ တက္ကသိုလ်၊ ဒီဂရီ၊ ကောလိပ်တစ်ခုက ဘွဲ့ရခဲ့တဲ့သူ မဟုတ်ဘူး။ နောက်တစ်ခါ စွပ်စွဲခံရသူတွေရဲ့ တယ်လီဖုန်းတွေကို ယူလာတဲ့အခါမှာ ရဲတပ်ဖွဲ့ကနေပြီးတော့ စာအိတ်နဲ့ ချိပ်ပိတ်ပြီးပေးတယ်။ ဒီဟာက အီလက်ထရွန်နစ်ပစ္စည်းတွေကို သယ်ပို့တဲ့အခါမှာ အထူးအိတ်တစ်မျိုးနဲ့ ပို့ရတယ်။ အဲဒီဟာကို သူတို့မသုံးခဲ့ဘူး ဆိုတာကို ရုံးတော်မှာ ထွက်ဆိုထားတယ်။ သူပြောတာတော့ ဒီအိတ်သည် နှစ်ဒေါ်လာလောက်တန်တယ်။ အဲဒါကြောင့်မို့ သူတို့မသုံးဘူးဆိုတဲ့ သဘောမျိုးပြောတာ။ ဘယ်လိုပဲဖြစ်ဖြစ် ရဲတပ်ဖွဲ့က ပို့လိုက်တာ၊ စက္ကူအိတ်နဲ့ ပို့လိုက်တာ အဲဒီအခြေအနေမျိုးမှာ ဒီဟာသည် အချက်အလက်တွေ သတင်းစကားတွေ ဒီဖုန်းထဲကို အချိန်နဲ့တစ်ပြေးညီ ၀င်လာနိုင်တယ်။ သူတို့နည်းပညာဌာနကို မရောက်ခင်အချိန် အထိမှာ တခြားအချက်အလက်တွေ ပြုပြင်ပြောင်းလဲလို့ ရတယ်ဆိုတဲ့ အနေအထားမျိုးမှာ တွေ့ရတယ်” ဟု ပြောကြားသည်။

ယင်းကဲ့သို့ အထူးစီမံထားသော အိတ်များဖြင့် ယူမလာသော ဖုန်းများထဲသို့ မက်ဆေ့ခ်ျများ ၀င်နေသည့် အနေအထားမျိုးရှိကြောင်း၊ ထောက်ကြန့်ရဲစခန်းမှ နည်းပညာဌာနသို့ ပစ္စည်းများ လွဲပြောင်းသည့်အခါ မည်သူက မည်သည့်အချိန်တွင် လွှဲပြောင်းသည်ဆိုသော မှတ်တမ်းမျိုးကိုလည်း ရုံးတော်ကို မတင်ပြနိုင်ခဲ့ဘဲ စီအိုင်ဒီ နည်းပညာအဖွဲ့က စစ်ဆေးရာတွင် မည်သူက မည်သည့် အချိန်တွင် စစ်ဆေးပြီး မည်ကဲ့သို့ ကိုင်တွယ်သည်ကိုလည်း သက်သေထင်ရှား မပြနိုင်ခဲ့ကြောင်း တရားလွှတ်တော်ရှေ့နေ ဦးသန်းဇော်အောင်၏ ပြောကြားချက်အရ သိရသည်။