အနာဂတ် စိုးရိမ်ရေမှတ်များနဲ့ မြန်မာနိုင်ငံ

ရန်ကုန်တိုင်းဒေသကြီး တောင်ဒဂုံမြို့နယ်အတွင်း နေစရာအခက်အခဲကြောင့် ကျူးကျော်နေထိုင်နေသည့် တဲအိမ်စု အချို့ကို တွေ့ရစဉ်

မြန်မာနိုင်ငံရဲ့ တည်ငြိမ်မှု အခြေအနေဟာ သတိနဲ့ စောင့်ကြည့်ရမယ့် အဆင့်မှာ ရှိနေဆဲ ဖြစ်တယ်လို့ The Fund for Peace အဖွဲ့ရဲ့ ၂၀၁၈ အစီရင်ခံစာမှာ ဖော်ပြထားပါတယ်။ အစီရင်ခံစာအရ မြန်မာနိုင်ငံဟာ နိုင်ငံပေါင်း ၁၇၈ မှာ အဆင့် ၂၂  ဖြစ်ပါတယ်။

မြန်မာနိုင်ငံထက် အခြေအနေဆိုးတဲ့ နိုင်ငံတွေအဖြစ်  နံပါတ် (၁) နေရာက တောင်ဆူဒန် နောက်မှာ ဆိုမာလီယာ၊ ယီမင်၊ ဆီရီးယား၊ အာဖရိက၊ ကွန်ဂို၊ ဆူဒန်၊ အာဖဂန်နစ္စတန်၊ ဇင်ဘာဘွေစတဲ့ ၂၁ နိုင်ငံဖြစ်ပါတယ်။

The Fund for Peace အဖွဲ့အနေနဲ့ နိုင်ငံတစ်ခု ပြိုလဲနိုင်တယ်ဆိုတဲ့ အညွှန်းကိန်းကို တပ်မတော်က အရပ်သားအုပ်ချုပ်မှု အောက်မှာ ရှိ၊ မရှိ၊ စစ်ပွဲများ ဖြစ်ပွားနေခြင်း ရှိ၊ မရှိ၊ ရဲတပ်ဖွဲ့ အဆင့်မီ၊ မမီ၊ လက်နက်များ ပြန့်ပွားမှုအခြေအနေ၊ အစိုးရကြွေးမြီ၊ ဘဏ် တိုးနှုန်း၊ ငွေကြေးဖောင်းပွမှု၊ စီးပွားရေးအခြေ အနေ၊ နိုင်ငံခြား ရင်းနှီးမြှုပ်နှံမှု၊ အစိုးရအပေါ် လူထုယုံကြည်မှု၊ ဆန္ဒပြမှုနဲ့ အဓိကရုဏ်းများ ဖြစ်ပွားမှု၊ ပွင့်လင်းမြင်သာမှု၊ ရွေးကောက်ပွဲ များရဲ့ လွတ်လပ်မျှတမှု၊ နိုင်ငံရေးအရ လုပ် ကြံမှု၊ အကြမ်းဖက်မှု၊ လူဦးရေတိုးတက်နှုန်း၊ ပျံ့နှံ့နေထိုင်မှုနှုန်း၊ ပြည်သူ့ကျန်းမာရေး၊ စား နပ်ရိက္ခာအခြေအနေ၊ မိုးခေါင်မှုအခြေအနေ၊ သဘာဝပတ်ဝန်းကျင် အခြေအနေ၊ ဂိုဏ်းဂဏ ကွဲပြားမှု၊ အစွန်းရောက်ပြောဆိုမှု၊ အမုန်းတရားပြန့်ပွားမှု၊ ပညာရေး စတဲ့ အချက်တွေကို အခြေခံပြုစုထားတာ ဖြစ်ပါတယ်။

မြန်မာနိုင်ငံအနေနဲ့ (၁) Security Apparatus မှာ ၉ မှတ်၊ (၂) Fictionalized Elite မှာ ၈ ဒသမ ၃ မှတ်၊ (၃) Group Grievance မှာ ၉ ဒသမ ၈ မှတ်၊ (၄) Economics indicators – Decline မှာ ၅ ဒသမ ၆ မှတ်၊ (၅) Uneven development မှာ ၇ ဒသမ ၄ မှတ်၊ (၆) Human Flight and Brain Drain မှာ ၆ ဒသမ ၉ မှတ်၊ (၇)  Political indicator – State legitimacy မှာ ၈ ဒသမ ၆ မှတ်၊ (၈) Public Service မှာ ၈ ဒသမ ၆ မှတ်၊ (၉) Human rights and rule of law မှာ ၉ မှတ်၊ (၁၀) Social Indicators မှာ ၆ ဒသမ ၃ မှတ်၊ (၁၁)  Refugees နဲ့ IDP အရေးမှာ ၉ ဒသမ ၂ မှတ်၊ (၁၂) Cross cutting indicators-external intervention မှာ ၇ ဒသမ ၄ မှတ် ရရှိတဲ့အတွက် စုစုပေါင်း အမှတ် ၁၂၀ ပေးထားရာမှာ မြန်မာနိုင်ငံက ၉၆ ဒသမ ၁ မှတ် ရရှိခဲ့တာ ဖြစ်ပါတယ်။

ဒီလို အနေအထားတွေကြောင့် အနာဂတ်မှာ မြန်မာနိုင်ငံဟာ ပျောက်ကွယ်သွားဖို့ အလားအလာ ရှိ၊ မရှိ ဆိုတာက စိတ်မအေးစရာ ဖြစ်လာပါတယ်။ သမိုင်းပညာရှင် တစ်ဦးဖြစ်တဲ့ ဒေါက်တာသန့်မြင့်ဦးကတော့ လူတွေရဲ့ သက်တမ်းအတွင်းမှာပဲ နိုင်ငံက ပျောက်ကွယ်ကောင်း ပျောက်ကွယ်သွားနိုင်တယ်လို့ ဆိုပါတယ်။

ရန်ကုန် နိုဗိုတယ်ဟိုတယ်မှာ ဇူလိုင် ၈ ရက်က ကျင်းပခဲ့တဲ့ ‘ယောမင်းကြီးဇရပ် စကားဝိုင်းဆွေးနွေးပွဲ’ မှာ ဒေါက်တာသန့်မြင့်ဦးက အနာဂတ်မြန်မာနိုင်ငံ ၂၀၅၀ နဲ့ပတ် သက်လို့ ဆွေးနွေးရာမှာ ထည့်သွင်းပြောကြား ခဲ့ပါတယ်။

ဒါ့အပြင် မြန်မာနိုင်ငံဟာ ၂၁ ရာစု ပြဿနာတွေ ရှေ့မှောက်ရောက်ချိန်မှာ ၂၀ ရာစုက အဖြေတွေနဲ့ ငြင်းခုံနေကြတဲ့အတွက် အနာဂတ်စိန်ခေါ်မှုတွေကို ရင်ဆိုင်နိုင်မယ့် စွမ်းရည်တွေ နေရာတိုင်းမှာရှိဖို့က သံသယဖြစ်စရာ ရှိတယ်လို့ ဒေါက်တာသန့်မြင့်ဦးက ပြောပါတယ်။

ဒေါက်တာသန့်မြင့်ဦးဟာ ရန်ကုန်မြို့ပြ အမွေအနှစ် ထိန်းသိမ်းစောင့်ရှောက်ရေးအဖွဲ့ (YHT) ဥက္ကဋ္ဌအဖြစ် ဆောင်ရွက်နေပြီး ကုလသမဂ္ဂ အတွင်းရေးမှူးချုပ်ဟောင်း ဦးသန့်ရဲ့ မြေးဖြစ်သလို ၂၀၁၃ နဲ့ ၂၀၁၄ မှာ ကမ္ဘာ့ထိပ်တန်း တွေးခေါ်ရှင်အဖြစ် စာရင်းဝင်ခဲ့သူလည်း ဖြစ်ပါတယ်။

လက်ရှိ မြန်မာနိုင်ငံမှာ ပြည်တွင်းလက်နက်ကိုင် ပဋိပက္ခ မချုပ်ငြိမ်းမှု၊ စီးပွားရေးကျဆင်းမှုအပြင် ရခိုင်အရေးကြောင့် နိုင်ငံတကာ ဖိအားအောက်ကို ရောက်ရှိနေချိန်မှာ ပြည်တွင်းမှာလည်း လူသတ်မှု၊ မုဒိမ်းမှု၊ လုယက်မှု၊ မူးယစ်ဆေးဝါး ရောင်းဝယ်ဖောက်ကားမှု စတဲ့ ပြဿနာတွေက တစ်နှစ်ထက် တစ်နှစ်မြင့် တက်လာနေပါတယ်။ ဒီလိုထူပြောလှတဲ့ ပြဿနာတွေကြောင့် နိုင်ငံရဲ့ အခြေအနေဟာ ပြိုလဲကျဆုံးခြင်းဆီကို ဦးတည်လာနေတယ်လို့ သုံးသပ်မှုတွေလည်း ရှိနေပါတယ်။

လွတ်လပ်ရေး ရပြီးနောက်ပိုင်း သက်ဆိုးရှည်လာခဲ့တဲ့ ပြည်တွင်းလက်နက်ကိုင် ပဋိပက္ခက ဒီနေ့အထိ ဆက်လက်အောင်ပွဲခံနေဆဲ ဖြစ်ပါတယ်။

မြန်မာနိုင်ငံမှာ အာဏာရှင်စနစ်ကနေ ဒီမိုကရေစီစနစ်ကို ၂၀၁၀ မှာ ကူးပြောင်းခဲ့ပြီး ဦးသိန်းစိန် ဦးဆောင်တဲ့ အစိုးရ တက်လာပါတယ်။ ဦးသိန်းစိန်လက်ထက်မှာ ပြည်တွင်းလက်နက်ကိုင် ပဋိပက္ခနဲ့ ပတ်သက်လို့ တိုင်းရင်းသား လက်နက်ကိုင် ရှစ်ဖွဲ့နဲ့ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ကို ချုပ်ဆိုနိုင်ခဲ့ပါတယ်။

၂၀၁၅ ရွေးကောက်ပွဲပြီးချိန်မှာတော့ အာဏာရလာတဲ့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်တဲ့ အစိုးရဟာ ငြိမ်းချမ်းရေးကို ဦးစားပေးလုပ်ဆောင်ခဲ့ပြီး သက်တမ်းနှစ်နှစ် ကျော်ချိန်မှာတော့ နောက်ထပ် တိုင်းရင်းသားလက်နက်ကိုင် နှစ်ဖွဲ့က NCA  မှာ လက်မှတ်ရေးထိုး ခဲ့ပါတယ်။

အစိုးရနဲ့ အပစ်ရပ်စာချုပ် လက်မှတ်ရေးထိုးတဲ့ တိုင်းရင်းသား လက်နက်ကိုင်အဖွဲ့ ၁၀ ဖွဲ့ ဖြစ်လာပေမယ့် မြန်မာနိုင်ငံရဲ့ ရှမ်းနဲ့ ကချင်ပြည်နယ် တွေမှာတော့ လက်နက်ကိုင် ပဋိပက္ခတွေက ဆက်ရှိနေပါသေးတယ်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်တဲ့ အစိုးရ လက်ထက်မှာ ပြည်ထောင်စု ငြိမ်းချမ်းရေး ညီလာခံ- ၂၁ ရာစုပင်လုံကို တတိယအကြိမ်အထိ ပြုလုပ်ခဲ့ပေမယ့် လက်နက်ကိုင်ပဋိပက္ခ ဖြစ်ပွားနေတဲ့ မြောက်ပိုင်းမဟာမိတ် ခုနစ်ဖွဲ့ကတော့ NCA စာချုပ်မှာ လက်မှတ်ပါဝင် ရေးထိုးနိုင်ခြင်း မရှိသေးပါဘူး။

ဒါ့အပြင် ၂၁ ရာစုပင်လုံ ဒုတိယအစည်း အဝေးမှာ ပြည်ထောင်စု သဘောတူညီချက် အစိတ်အပိုင်းအဖြစ် အချက် ၃၇ ချက်ကို အတည်ပြုနိုင်ခဲ့ပေမယ့် တတိယ အစည်းအဝေးမှာတော့ ၁၄ ချက်ကိုသာ အတည်ပြုနိုင် ခဲ့ပါတယ်။ အဲဒီလို အတည်ပြုလိုက်တဲ့ အချက်တွေထဲမှာလည်း အနာဂတ်ဖက်ဒရယ် ဒီမိုကရေစီ ပြည်ထောင်စုကိုသွားမယ့် အခြေခံမူတွေ မပါဝင်သေးတဲ့အတွက် တိုင်းရင်းသား လက်နက်ကိုင်အဖွဲ့တွေက အားရကျေနပ်မှုတော့ မရှိကြပါဘူး။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ၂၀၁၈ နဲ့ ၂၀၁၉ နှစ်နှစ်အတွင်းမှာ နောက်ထပ် ၂၁ ရာစုပင်လုံ အစည်းအဝေး သုံးကြိမ်လုပ်ပြီး ဖက်ဒရယ်ဒီမိုကရေစီ ပြည်ထောင်စုအတွက် လိုအပ်တဲ့ အခြေခံမူတွေကို ချမှတ်သွားမယ်လို့ တတိယပင်လုံ အစည်းအဝေး အဖွင့်နေ့မှာ ပြောကြားခဲ့ပါတယ်။

လက်ရှိအချိန်မှာတော့ မြောက်ပိုင်းတိုင်းရင်းသား လက်နက်ကိုင် ခုနစ်ဖွဲ့ NCA မှာ ပါဝင်ဖို့ အစိုးရဘက်က အလွတ်သဘော တွေ့ဆုံဆွေးနွေးမှုတွေ ရှိပေမယ့် NCA ထီးရိပ်အောက်ဝင်ဖို့က မသေချာသေးပါဘူး။

အစိုးရလျှောက်လှမ်းနေတဲ့ ငြိမ်းချမ်းရေးခရီးက အခက်အခဲတွေ ရှိနေသလို တစ်ဖက်မှာလည်း နိုင်ငံ့စီးပွားရေးက နာမကျန်း ဖြစ်နေတယ်လို့ သုံးသပ်မှုတွေ ရှိလာပါတယ်။

“ကျွန်တော်တို့နိုင်ငံရဲ့စီးပွားရေး အခြေအနေဟာ နာမကျန်းဘူးလို့ ကျွန်တော် ထင်ပါတယ်” လို့ စီးပွားရေး ပညာရှင် ဦးမြင့်က ပြောထားပါတယ်။

မြန်မာနိုင်ငံမှာ ၂၀၀၀ ပြည့်နှစ်တုန်းက တစ်ဦးချင်းဝင်ငွေ (ဂျီဒီပီ) ဒေါ်လာ ၁၉၃ ဒသမ ၂ ရှိခဲ့ပြီး အာဆီယံနိုင်ငံတွေရဲ့ အောက်ဆုံးမှာ ရှိခဲ့ပါတယ်။ ၂၀၁၀ မှာ အာဆီယံနိုင်ငံထဲက ကမ္ဘောဒီးယားကိုကျော်ပြီး အောက်ဆုံးအဆင့်က ရုန်းထွက်နိုင်ခဲ့ပေမယ့် လက်ရှိ NLD အစိုးရရဲ့ လက်ကျန်သက်တမ်း အတွင်းမှာ လာအိုကို အမီလိုက်ဖို့ အလားအလာ နည်းတယ်လို့ ဦးမြင့်က မှတ်ချက်ပြုထားပါတယ်။

ဘာကြောင့်လဲဆိုတော့ အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) က မြန်မာနိုင်ငံရဲ့ တစ်ဦးချင်း (ဂျီဒီပီ)ကို ၂၀၂၀-၂၁ မှာ ဒေါ်လာ ၁၈၃၂ ဖြစ်မယ်လို့ ခန့်မှန်းထားပေမယ့် လာအိုနိုင်ငံရဲ့ ၂၀၁၅ တုန်းက တစ်ဦးချင်း (ဂျီဒီပီ) ဒေါ်လာ ၂၁၅၉ ထက် နည်းနေသေးတာကြောင့် လာအိုကိုကျော်တက်ဖို့  အလားအလာ နည်းတယ်လို့ ဦးမြင့်က ပြောကြားထားပါတယ်။

ယခုနှစ်မှာလည်း မေလကနေ စတင်ပြီး ကမ္ဘာ့ဒေါ်လာဈေး အညွှန်းကိန်း မြင့်တက်လာမှုနဲ့အတူ ပြည်တွင်းဈေးကွက်မှာ ငါးလအတွင်း နိုင်ငံခြားငွေလဲနှုန်းက တစ်စတစ်စ မြင့်တက်လာခဲ့ပါတယ်။ မြန်မာကျပ်ငွေ ကျဆင်းမှုနဲ့အတူ စီးပွားရေး အခြေအနေကလည်း အဘက်ဘက်က စိုးရိမ်စရာကောင်းတဲ့ အခြေအနေကို ထိုးဆင်းသွားခဲ့ရပါတယ်။

ပြီးခဲ့တဲ့ ဇွန် ၁၁ ရက်ကနေ ဇူလိုင် ၁၈ ရက်အထိ တစ်လကျော်အတွင်း မြန်မာကျပ်ငွေတန်ဖိုး ခြောက်ရာခိုင်နှုန်းလောက် ကျဆင်းသွားပြီး နိုင်ငံခြား ငွေလဲလှယ်နှုန်းကလည်း တစ်ဒေါ်လာ ၁၄၃၀ နီးပါးအထိ ရောက်ရှိလာတာကြောင့် သမိုင်းတစ်လျှောက် စံချိန်တင် ဒေါ်လာဈေးနှုန်းကို မီဖို့ ၁၂ ကျပ် လောက်ပဲ လိုပါတော့တယ်။

ဒီလိုအခြေအနေမှာ အစိုးရအနေနဲ့ လက်တွေ့ဖြစ်ပျက်နေတဲ့ စီးပွားရေးကဏ္ဍ အကျပ်အတည်းနဲ့ အောက်ခြေက အခြေအနေမှန်တွေကို သုံးသပ်အဖြေရှာနိုင်ဖို့ လုပ်ဆောင်ရမှာ ဖြစ်ပေမယ့် လက်တွေ့မကျတဲ့ ကိန်းဂဏန်းတွေ အပေါ်မှာ မူတည်ပြီး တိုင်းပြည်စီးပွားရေးကို သုံးသပ်လုပ်ဆောင် နေတဲ့အတွက် ဝေဖန်မှုတွေလည်း ရှိနေပါတယ်။

ကမ္ဘာ့ဘဏ်ရဲ့ ခန့်မှန်းတွက်ချက်မှုများအရ ၂၀၁၈-၂၀၁၉ ဘဏ္ဍာနှစ်မှာ မြန်မာနိုင်ငံရဲ့ ဂျီဒီပီတိုးတက်မှုနှုန်း ၆ ဒသမ ၈ ရာခိုင်နှုန်း ရှိနိုင်မယ်လို့ သုံးသပ်ချိန်မှာ သမ္မတဦးဝင်းမြင့် က ၂၀၁၈-၂၀၁၉ ဘဏ္ဍာနှစ်အတွက် အမျိုးသားစီမံကိန်းမှာ နိုင်ငံရဲ့ ဂျီဒီပီကို ၇ ဒသမ ၆ ရာခိုင်နှုန်း တိုးတက်ဖို့ မျှော်မှန်းထားတယ်လို့ ပြောကြားခဲ့ပါတယ်။

ဒါ့ပြင် နိုင်ငံရဲ့ စီးပွားရေးက အရှိန်အဟုန်နဲ့ မတိုးတက်ပေမယ့် လယ်ယာထွက်ကုန်များ ပြည်ပသို့ ပိုမိုတင်ပို့နိုင်ခြင်း၊ နိုင်ငံခြားရင်း နှီးမြှုပ်နှံမှုများ ထုတ်လုပ်မှုကဏ္ဍများသို့ စီးဝင်လာခြင်း၊ အသေးစား အလတ်စား လုပ်ငန်းများ၊ ပို့ဆောင်ရေးနဲ့ ခရီးသွား ၀န်ဆောင်မှုလုပ်ငန်းများ၊ ဆက်သွယ်ရေး၊ ငွေရေးကြေးရေးနဲ့ အခြားဝန်ဆောင်မှုများ တိုးတက်ကောင်းမွန်လာခြင်းကြောင့် ၂၀၁၇-၂၀၁၈ ဘဏ္ဍာနှစ် နှစ်ကုန်ခန့်မှန်းခြေအရ စီးပွားရေး တိုးတက်မှုနှုန်းက ၆ ဒသမ ၅ ရာခိုင်နှုန်းရှိခဲ့တာကို တွေ့ရတယ်လို့ သမ္မတဦးဝင်းမြင့်က ဆိုပါတယ်။

ပြီးခဲ့တဲ့ ဇူလိုင် ၂၅ ရက်က ပြုလုပ်တဲ့ ပြည်ထောင်စုလွှတ်တော် အစည်းအဝေးမှာ စီမံကိန်းနှင့် ဘဏ္ဍာရေး ၀န်ကြီးဌာန ဒုတိယ၀န်ကြီး ဦးမောင်မောင်ဝင်းကလည်း မြန်မာနိုင်ငံမှာ စီးပွားရေး ကျပ်တည်းနေတယ်လို့ ပြောနေကြပေမယ့် စီးပွားရေး ဖွံ့ဖြိုးတိုးတက်မှုက နှုန်းအရ တက်နေတယ်လို့ မီဒီယာတွေကို ပြောကြားခဲ့ပါတယ်။

“မြန်မာ့စီးပွားရေးနဲ့ ပတ်သက်လို့ စီးပွားရေးဖွံ့ဖြိုးတိုးတက်မှုနှုန်း ဆိုတာရှိတယ်။ အဲ့ဒီနှုန်း (Indicator) နဲ့ တိုင်းရတာပဲလေ။ ပြီးခဲ့တဲ့နှစ်က စီးပွားရေး ဖွံ့ဖြိုးတိုးတက်မှုနှုန်း ၆ ဒသမ ၈။ ကျွန်တော်တို့  ၂၀၁၇-၁၈ ကုန်တဲ့ အချိန်မှာ ရခဲ့တယ်။ စီးပွားရေး တိုးတက်မှုနှုန်းကတော့ နှုန်းအားဖြင့် တက်နေတယ်။ ဒါပေမဲ့ ပြင်ပမှာ စီးပွားရေး လည်ပတ်နေတဲ့ အပေါ်မှာတော့ လည်ပတ်နေတဲ့ နေရာမှာ အထစ်အငေါ့တွေ ရှိနေတဲ့ အတွက်ကြောင့် ကျပ်တယ်လို့ ပြောနေကြတာပါ” လို့ ဒုဝန်ကြီး ဦးမောင်မောင်ဝင်းက ပြောပါတယ်။

အစိုးရ ပြောစကားတွေနဲ့ လက်တွေ့ဘ၀ထဲက အဖြစ်အပျက်တွေဟာ ဆန့်ကျင်ဘက်တွေ ဘာကြောင့် ဖြစ်နေရပါသလဲ။ မြန်မာနိုင်ငံထဲမှာ စီးပွားရေးကမ္ဘာနှစ်ခု တည်ရှိခဲ့လို့ သံသယပွားစရာတွေ ဖြစ်တယ်လို့ စီးပွားရေး ပညာရှင် ဦးမြင့်က ပြောကြားထားပါတယ်။

“မြန်မာနိုင်ငံထဲမှာ စီးပွားရေးကမ္ဘာနှစ်ခု တည်ရှိခဲ့တယ်လို့ သံသယပွားစရာ ဖြစ်စေခဲ့တယ်။ ကမ္ဘာတစ်ခုကတော့ လူတွေရှိနေတဲ့ လက်တွေ့ကမ္ဘာကြီးပါ။ နောက်ကမ္ဘာတစ်ခုကတော့ အစိုးရ အစီရင်ခံစာတွေထဲမှာပဲ တည်ရှိတဲ့ ကိန်းဂဏန်းကမ္ဘာပါ” လို့ ဦးမြင့်က ပြောပါတယ်။

နိုင်ငံအတွင်း စီးပွားရေး ကျဆင်းနေချိန် မှာ နိုင်ငံရဲ့ဘတ်ဂျက်လိုငွေကလည်း တစ်နှစ်ထက် တစ်နှစ် မြင့်မားလာခဲ့ပါတယ်။ သမ္မတ ဦးသိန်းစိန် အစိုးရလက်ထက် (၂၀၁၁-၂၀၁၅) ငါးနှစ်အတွင်း ဘတ်ဂျက်လိုငွေ စုစုပေါင်း ကျပ် ၈၀၈၂ ဘီလျံရှိခဲ့ပါတယ်။

NLD အစိုးရ လက်ထက်မှာတော့ ၂၀၁၆-၁၇ ဘဏ္ဍာနှစ်မှာ ဘတ်ဂျက်လိုငွေ (မူလခန့်မှန်းခြေနဲ့ ဖြည့်စွက်ခွင့်ပြုငွေ) ကျပ် ၄၆၄၂ ဘီလျံ၊ ၂၀၁၇-၁၈ ဘဏ္ဍာနှစ်မှာ ဘတ်ဂျက်လိုငွေ (မူလခန့်မှန်းခြေနဲ့ ဖြည့်စွက်ခွင့်ပြုငွေ) ကျပ် ၆၅၃၉ ဘီလျံ၊ ၂၀၁၈ (ခြောက်လတာကာလ) ဘတ်ဂျက်လိုငွေ မူလခန့်မှန်းခြေ ၂၁၈၅ ဘီလျံနဲ့ ၂၀၁၈-၁၉  ဘတ်ဂျက်လိုငွေ မူလခန့်မှန်းခြေ  ၄၉၀၃ ဘီလျံ ရှိတာကြောင့် စုစုပေါင်းကျပ် ၁၈၂၆၉ ဘီလျံ လိုငွေပြနေပါတယ်။ ၂၀၁၈-၂၀၁၉ ဘဏ္ဍာနှစ်အတွင်း ရငွေကျပ်ဘီလျံ ၂၀၀၀၀ ကျော်ရှိပြီး သုံးငွေက ကျပ်ဘီလျံ ၂၄၀၀၀ ကျော် ရှိနေတာကြောင့် ဘတ်ဂျက်လိုငွေ ကျပ်ဘီလျံ ၅၀၀၀ နီးပါး ရှိနေပါတယ်။

တိုင်းပြည်စီးပွားရေး မကောင်းတာကို အစိုးရသိဖို့အတွက် ဟိုတယ်သုံးလုံး ပိတ်လိုက်တာ ဖြစ်တယ်လို့ စီးပွားရေး လုပ်ငန်းရှင် ဦးဌေးအောင်က ဇူလိုင် ၁၇ ရက်က ပြောကြားထားပါတယ်။ ဒါ့ပြင် စက်မှုဇုန်တွေက စက်ရုံတချို့ ပိတ်သိမ်းရတာတွေလည်း ရှိနေပါတယ်။ စီးပွားရေး လုပ်ငန်းရှင်တွေနဲ့ စီးပွားရေး ပညာရှင် တွေကလည်း လက်ရှိ စီးပွားရေး အကျပ်အတည်းတွေနဲ့ ပတ်သက်လို့ အစိုးရရဲ့ မူဝါဒအပေါ် ထောက်ပြဝေဖန်မှုတွေ ရှိလာပါတယ်။ မတည်ငြိမ်သေးတဲ့ ငြိမ်းချမ်းရေးနဲ့ ကျဆင်းလာတဲ့ စီးပွားရေး အခြေအနေတွေက နိုင်ငံတော်ကို ပြိုလဲ၊ ကျဆုံး သွားစေလား နိုင်မလား ဆိုတာကတော့ စဉ်းစားရတော့မယ့် အချက် ဖြစ်လာပါတယ်။

မြန်မာနိုင်ငံကို ပြိုလဲ၊ ကျဆုံးသွားအောင် ခြိမ်းခြောက်နေတဲ့ နောက်ထပ်အရာ တစ်ခုကတော့ သဘာဝ ဘေးအန္တရာယ်ပဲ ဖြစ်ပါတယ်။ ရာသီဥတု ဖောက်ပြန်မှုကြောင့် မြန်မာနိုင်ငံမှာ နှစ်စဉ်နွေရာသီဆို ရေရှားပါးတဲ့ဒဏ်ကို ခံနေရပြီး မိုးရာသီ ဆိုရင်တော့ ရေကြီးမှုဒဏ်ကို ပြည်သူတွေ ခံနေကြရပါတယ်။

မြန်မာပြည်အနေနဲ့ ရေရှည်တည်တံ့ချင်တယ် ဆိုပါက အရှေ့အနောက် ပထ၀ီနိုင်ငံရေး ယှဉ်ပြိုင်မှုအောက်မှာ ကြားမညပ်အောင် နေထိုင်ဖို့နဲ့ ရာသီဥတု ပြောင်းလဲမှု ကပ်ဆေးတဲ့အထဲ ပါမသွားဖို့ ဘယ်လိုလုပ်မလဲဆိုတဲ့ အပေါ်မှာ မူတည်တယ်လို့ မြန်မာနိုင်ငံရဲ့ သဘာဝ ပတ်ဝန်းကျင် အဖွဲ့အစည်းဖြစ်တဲ့ Ecodev Myanmar မှ အုပ်ချုပ်မှု ဒါရိုက်တာ ဦးဝင်းမျိုးသူက မှတ်ချက်ပြုပါတယ်။

ရန်ကုန် နိုဗိုတယ်ဟိုတယ်မှာ ဇူလိုင် ၈ ရက်က ကျင်းပခဲ့တဲ့ ‘ယောမင်းကြီးဇရပ်စကားဝိုင်း ဆွေးနွေးပွဲ’ မှာ  ဦးဝင်းမျိုးသူက အနာဂတ် မြန်မာနိုင်ငံ ၂၀၅၀ နဲ့ ပတ်သက်လို့ ဆွေးနွေးရာမှာ ထည့်သွင်းပြောကြား ခဲ့ပါတယ်။

“ပြည်တွင်းမှာ ပြဿနာအသီးသီးနဲ့ အရူးမီးဝိုင်းသလို ဖြစ်နေတာထက် ရေရှည်မြန်မာပြည် အဓွန့်ရှည်စွာ ရပ်တည်နိုင်ရေးဆိုတာ ပြင်ပဗဟိဒ္ဓ လွှမ်းမိုးမှုတွေဖြစ်တဲ့ အရှေ့အနောက် ပထ၀ီဝင်နိုင်ငံရေး ယှဉ်ပြိုင်မှုအောက်မှာ ကြားမညပ်အောင် ဘယ်လိုနေမလဲ ဆိုတာရယ်၊ ရာသီဥတုပြောင်းလဲမှု ကပ်ဆေးတဲ့အထဲ ပါမသွားရအောင် ဘယ်လိုလိုက်လျောညီထွေ နေမလဲဆိုတဲ့အပေါ် မူတည်ပါတယ်” လို့ ဦး ၀င်းမျိုးသူက ဆိုပါတယ်။

ကချင်ပြည်နယ်အတွင်းမှ စစ်ဘေးရှောင်များအား လူမှုအဖွဲ့အစည်းများက အကူအညီပေးနေသည်ကို ၂၀၁၈ ခုနှစ်၊ ဧပြီလကုန်ပိုင်းက တွေ့ရစဉ်

ဒါပြင် ရာသီဥတု ပြောင်းလဲမှုကို အန်တုဖို့  ကြိုးစားမှုက အောင်မြင်ခဲ့ရင်တောင် အပူချိန်ဟာ လက်ရှိထက် နှစ်ဒီဂရီစင်တီဂရိတ် မြင့်မှာဖြစ်ကြောင်း၊ ပင်လယ်ရေမျက်နှာပြင် အနည်းဆုံး တစ်ပေကျော် တက်လာမှာ ဖြစ်တဲ့အတွက် ဧရာဝတီတိုင်းက လူဦးရေ နှစ်သိန်းကျော်နဲ့ သုံးသိန်းကျော်လောက်က အိုးမဲ့အိမ်မဲ့ ဖြစ်သွားနိုင်ကြောင်း၊ ပူပြင်းခြောက်သွေ့မှု ပိုမိုပြင်းထန်လာပါက အညာဒေသက လူ ၁၄ သန်း ဒုက္ခရောက်မှာ ဖြစ်ကြောင်း၊ ရေကြီးရေလျှံဖြစ်ပါက မြစ်ကမ်းပါးတစ်လျှောက် နေထိုင်သူ ခြောက်သန်းလောက် ဘေးအန္တရာယ် ကြုံတွေ့ရနိုင်ကြောင်း၊ သစ်တောဂေဟစနစ် ပျက်ယွင်းမှုက လူဦးရေ သန်း ၂၀ လောက်ရဲ့ လူမှုဘ၀ တည်ငြိမ်မှုကို ဆိုးကျိုးသက်ရောက် စေမှာဖြစ်ကြောင်း ဦးဝင်းမျိုးသူက ဆက်ပြောပါတယ်။

ဒါပြင် မြန်မာနိုင်ငံအတွက် အကြီးမားဆုံး ခြိမ်းခြောက်မှုက ရာသီဥတု ဖောက်ပြန်ပြောင်းလဲမှု ဖြစ်တယ်လို့ သမိုင်းပညာရှင် ဒေါက်တာသန့်မြင့်ဦးက ပြောပါတယ်။

“ယနေ့အချိန်မှာ ကျွန်တော်တို့ ကြုံတွေ့နေရတဲ့ အကြီးမားဆုံး ခြိမ်းခြောက်မှုကတော့ ရာသီဥတု ဖောက်ပြန်ပြောင်းလဲမှုပဲ ဖြစ်ပါတယ်။ ကျွန်တော်တို့က ပြင်းထန်ဆိုးရွားတဲ့ ရာသီဥတုထဲကို ရောက်နေပါပြီ။ ၂၀၀၈ ခုနှစ်က ဖြစ်ခဲ့တဲ့ နာဂစ်မုန်တိုင်းလို မကြာခဏ ကြုံရပါလိမ့်မယ်။ မြန်မာနိုင်ငံ အချို့ဒေသတွေမှာ လူနေလို့ မရနိုင်တဲ့အထိ ပူပြင်းတာတွေ ဖြစ်လာပါမယ်။ ဟိမ၀န္တာ တောင်တန်းမှာ ရေခဲတွေပျော်လို့ အကြီးအကျယ် မခန့်မှန်းနိုင်တဲ့ အတိုင်းအဆနဲ့ ရေလွှမ်းမိုးမှုတွေ ဖြစ်လာနိုင်ပါတယ်။ ပင်လယ်ရေမျက်နှာပြင် မြင့်တက်လာမှုကြောင့် ကမ်းရိုးတန်းတွေ ရေဖုံးလွှမ်းတာ၊ နောက်ဆုံး ရန်ကုန်မြို့တော် ရေဖုံးလွှမ်းသွားတာ ဖြစ်နိုင်ပါတယ်။ ကျွန်တော်တို့က ရာသီဥတု ဖောက်ပြန်ပြောင်းလဲမှု အကြီးအကျယ် ခံစားနေရတဲ့ ကမ္ဘာကြီးရဲ့ အစိတ်အပိုင်းမှာ နေထိုင်နေကြရပါတယ်။ ဒီလိုရုတ်ခြည်းနဲ့ မမျှော်လင့်ထားတဲ့ ပုံစံပြောင်းလဲခြင်းတွေကြောင့် စိုက်ပျိုးရေးနဲ့ စားနပ်ရိက္ခာ လုံခြုံရေးအပေါ် ထိခိုက်မှုတွေက အတိုင်းအဆ မသိနိုင်အောင်ပါပဲ။ လူတွေက သူတို့နေထိုင် နေကြရာ ဘ၀တွေ၊ နေထိုင်နေကြရာ ဒေသတွေမှာနေဖို့ မဖြစ်နိုင်တော့ လောက်အောင်ပါ” လို့ ဒေါက်တာသန့်မြင့်ဦးက ဆိုပါတယ်။

ဒီလို ကပ်ဘေးတွေ ကြုံလာပါက ပြန်လည်နာလန်ထူနိုင်စွမ်းရှိတဲ့ ပစ်တိုင်းထောင် လူ့အဖွဲ့အစည်းတစ်ရပ်ကို ကြိုတင်ပြင်ဆင်မှုတွေလုပ်ဖို့ လိုတယ်လို့ ဦးဝင်းမျိုးသူက မှတ်ချက်ပြုပါတယ်။

“ဒီကပ်ဘေး တွေကြုံတွေ့ရင်တောင်မှ ပြန်လည်နလန်ထူနိုင်စွမ်းရှိမဲ့ ပစ်တိုင်းထောင် လူ့အဖွဲ့အစည်းတစ်ရပ် တည်ထောင်နိုင်ဖို့ ကြိုတင်ပြင်ဆင်မှုတွေ လုပ်ဖို့လိုပါတယ်။ ဒီလိုအနာဂတ် ရှုမြင်ကွင်း ပစ်တိုင်းထောင်လူ့အဖွဲ့ စည်းဟာလည်း ဂုဏ်အင်္ဂါလေးရပ်နဲ့ ပြည့်စုံရပါမယ်။ (၁) ပြန်လည်ရှင်သန် ထမြောက်နိုင်စွမ်း ရှိရမယ်။ (၂) ကိုယ်စွမ်းရှိသလောက် ဥာဏ်စွမ်းရှိသလောက် အကျိုးဖြစ်ထွန်းနိုင်မယ့် အခြေအနေကောင်း ရှိရမယ်။ (၃) မျှော်လင့်ချက် ရောင်ခြည်တွေ ကွန့်မြူးနိုင်မယ့် အခွင့်အလမ်းတွေ ပေါကြွယ်ဝရမယ်၊ နောက်ဆုံးနံပါတ် လေးအနေနဲ့ ဂုဏ်သိက္ခာရှိတဲ့ လူ့အဖွဲ့စည်း ဖြစ်ရမယ်” လို့ ဦးဝင်းမျိုးသူက ပြောပါတယ်။

မြန်မာနိုင်ငံအတွက် ရာသီဥတုဖောက်ပြန်မှုက အနာဂတ်မှာ ဘေးအန္တရာယ် ကြုံတွေ့နိုင်သလို နောက်ထပ်စိန်ခေါ်မှု တစ်ခုကတော့ သိပ်မကြာခင် အချိန်မှာပဲ မြန်မာပြည်သူတွေဟာ အိုမင်းလာတော့မှာ ဖြစ်ပါတယ်။

မြန်မာနိုင်ငံမှာ ၂၀၁၄ သန်းခေါင်စာရင်း အရ လူဦးရေ ၅၁ သန်းကျော် နေထိုင်ပါတယ်။ မြန်မာနိုင်ငံရဲ့ လူဦးရေတိုးနှုန်းဟာ ၁၉၇၃ ကနေ ၁၉၈၃ ခုနစ်အတွင်း ၂ ဒသမ ၀၂ ရာခိုင်နှုန်း၊ ၁၉၈၃ ကနေ ၁၉၉၃ ခုနစ်အတွင်း ၁ ဒသမ ၄၁ ရာခိုင်နှုန်း၊ ၁၉၉၃ ကနေ ၂၀၀၃ ခုနစ်အတွင်း ၁ ဒသမ ၃၈ ရာခိုင်နှုန်း တစ်သမတ်တည်း ကျဆင်းခဲ့ပါတယ်။၂၀၁၃ နဲ့ ၂၀၁၄ အတွင်း မြန်မာနိုင်ငံရဲ့ နှစ်စဉ်လူဦးရေတိုးနှုန်း က ၀ ဒသမ ၈၉ ရာခိုင်နှုန်းသာ ရှိပါတယ်။

၂၀၁၄ သန်းခေါင်စာရင်းအရ မြန်မာ နိုင်ငံမှာ အသက် ၁၅ နှစ်အောက် ကလေး အရွယ်ဦးရေဟာ ၁၄ သန်းကျော်၊ အသက် ၁၅ နှစ်ကနေ ၆၄ နှစ်အတွင်းက ၃၂ သန်း ကျော်နဲ့ အသက် ၆၅ နှစ်နဲ့ အထက်က နှစ် သန်းကျော်ရှိပါတယ်။ ရာခိုင်းနှုန်းအားဖြင့် သက် ၁၅ နှစ်အောက် ကလေးအရွယ်ဦးရေ ဟာ ၂၈ ဒသမ ၆ ရာခိုင်နှုန်း၊ အသက် ၁၅ နှစ်ကနေ ၆၄ နှစ်အတွင်းက  ၆၅ ဒသမ ၆ ရာခိုင်နှုန်းနဲ့ အသက် ၆၅ နှစ်နဲ့ အထက်က ၅ ဒသမ ၈ ရာခိုင်နှုန်း ရှိနေပါတယ်။

မှီခိုသူ သက်ကြီးရွယ်အိုအညွှန်းကိန်းက လည်း ၁၉၇၃ က ၈ ဒသမ ၈ ရှိရာက ၁၉၈၃ မှာ ၁၀ ဒသမ ၂ နဲ့ ၂၀၁၄ မှာ ၂၀ ဒသမ ၁ အထိ မြင့်တက်လာပါတယ်။ မြန်မာနိုင်ငံမှာ သက်ကြီးရွယ်အို မှီခိုမှုအညွှန်းကိန်း မြင့်တက် လာပေမယ့် ကလေးမွေးဖွားနှုန်းမှာတော့ ကျ ဆင်းနေတယ်လို့ ၂၀၁၄ သန်းခေါင်စာရင်းက ဆိုပါတယ်။ ၂၀၁၄ သန်းခေါင်စာရင်းအရ မြန်မာနိုင်ငံမှာ အမျိုးသမီးတစ်ဦး စုစုပေါင်း ကလေးမွေးဖွားနှုန်းမှာ ၂ ဒသမ ၂၉ ဖြစ်ပြီး အိမ်ထောင်ကျဖူးသူ အမျိုးသမီးတစ်ဦးရဲ့ စုစုပေါင်း ကလေးမွေးဖွားနှုန်းက ၄ ဒသမ ၀၃ ဖြစ်တယ်လို့ သိရပါတယ်။ ပထမ ကလေး မွေးဖွားတဲ့ အသက်မြင့်မားလာခြင်းနဲ့ အိမ် ထောင်မကျသေးတဲ့ အပျိုအချိုးအစား များလွန်းတာကြောင့် မွေးနှုန်းကျဆင်းရတယ်လို့ ၂၀၁၄ သန်းခေါင်စာရင်းမှာ ဖော်ပြထားပါ တယ်။

၂၀၁၄ သန်းခေါင်စာရင်းအရ နောင်အနှစ် ၂၀ နဲ့ ၃၀ ၀န်းကျင်ရောက်ရင် မြန်မာနိုင်ငံမှာ သက်ကြီးရွယ်အိုတွေ များပြားလာမယ့် အခြေအနေမျိုးကို ကြုံတွေ့ရဖို့ ရှိနေပါတယ်။

“သိပ်မကြာခင်မှာပဲ မြန်မာနိုင်ငံက အိုမင်းကြတော့မှာပါ။ ၁၉၇၀ ခုနှစ်များကတည်းက ကမ္ဘာကြီးပေါ်မှာ ကလေးမွေးဖွားမှု အနိမ့်ဆုံးနှုန်းကို ကြုံနေကြရပါတယ်။ ကျန်တဲ့အာဆီယံနိုင်ငံတွေလိုပဲ မြန်မာနိုင်ငံက ရာစုနှစ် အလယ်မှာ အိုမင်းသူ လူဦးရေ အများအပြား ရှိလာပါမယ်။ ကျန်တဲ့သူတွေနဲ့ မတူတာက၊ မြန်မာနိုင်ငံက မချမ်းသာခင် အိုမင်းသွားကြမှာ ဖြစ်ပါတယ်” လို့ ဒေါက်တာသန်းမြင့်ဦးက ဆိုထားပါတယ်။

သက်ကြီးရွယ်အို အညွှန်းကိန်း တက်လာပါက မှီခိုသူ များပြားလာတဲ့အတွက် အနာဂတ်မှာ နိုင်ငံ့စီးပွားရေး ကောင်းမွန်ပြီး အလုပ်အကိုင် အခွင့်အလမ်းကောင်းတွေ ဖန်တီးပေးနိုင်မှသာ မှီခိုသူများတဲ့ မိသားစုဘ၀တွေက လောက်ငှမှာ ဖြစ်ပါတယ်။

လက်ရှိအချိန်မှာ အစိုးရက အနည်းဆုံး အခကြေးငွေအဖြစ် တစ်ရက်ကို ကျပ် ၄၈၀၀ တိုးမြှင့်သတ်မှတ် ပေးထားပေမယ့် အခြေခံ စားသောက်ကုန် ဈေးနှုန်းတွေက တက်နေတာကြောင့် အလုပ်သမားတွေရဲ့ဘ၀က တစ်နေ့လုပ် တစ်နေ့စား အဆင့်မှာသာ ရှိနေပါသေးတယ်။

မြန်မာနိုင်ငံအနေနဲ့ ဆင်းရဲမွဲတေမှု ညွှန်းကိန်းများအရ ၂၀၁၇ မှာ နိုင်ငံလူဦးရေရဲ့ ၂၅ ဒသမ ၆ ရာခိုင်နှုန်းက ဆင်းရဲမှုမျဉ်းအောက် ကျရောက်နေဆဲ ဖြစ်တဲ့အပြင် ဆင်းရဲ၊ ချမ်းသာ ကွာဟမှု အကြီးမားဆုံး နိုင်ငံများ စာရင်းမှာလည်း ၀င်နေပါသေးတယ်။

စီးပွားရေးကျဆင်းမှု၊ အလုပ်အကိုင်ရှားပါးမှု၊ ၀င်ငွေထွက်ငွေ မမျှတမှု၊ ဆင်းရဲချမ်းသာ ကွာဟမှု၊ ဆင်းရမွဲတေမှု စတဲ့အခြေအနေ တွေကနေတစ်ဆင့် ခိုးဆိုးလုယက် လူသတ်မှုတွေ များလာသလို တရားဥပဒေ စိုးမိုးရေးကိုပါ စိန်ခေါ်လာတဲ့အထိ ဖြစ်လာပါတယ်။

NLD အစိုးရသက်တမ်း နှစ်နှစ်ကျော်အတွင်း မြန်မာနိုင်ငံရဲတပ်ဖွဲ့ တရားဝင် ထုတ်ပြန်ချက်တွေအရ အမှုကြီး ၁၀ နဲ့ အခြားအမှုတွေဟာ တစ်နှစ်ထက်တစ်နှစ် ပိုပြီးမြင့်မားလာတာကို တွေ့ရပါတယ်။ NLD ပါတီ ၂၀၁၅ ရွေးကောက်ပွဲ ကြေညာစာတမ်းမှာ တရားဥပဒေစိုးမိုးရေးကို အလေးထားဆောင်ရွက်ဖို့ အဓိကအနေနဲ့ ပါရှိပေမယ့် ပြည်သူတွေ မျှော်မှန်းထားသလောက် မအောင်မြင်သေးပါဘူး။

အမှုကြီး ၁၀ မျိုးထဲမှာ မုဒိမ်းမှုဖြစ်ပွားနှုန်းက ပိုပြီးမြင့်တက်လာသလို လူသတ်မှု၊ နေ့ခင်းကြောင်တောင် အနုကြမ်းစီးမှု စတဲ့အမှုတွေကလည်း တရားဥပဒေ စိုးမိုးရေးနဲ့ လိုက်တမ်း ပြေးတမ်း ကစားသလို ဖြစ်နေပါတယ်။

ဒီလို နေရာတိုင်းမှာ တရားဥပဒေစိုးမိုးမှု လျော့ကျလာတဲ့အတွက် ပြည်သူတွေရဲ့ သွားရေးလာရေး၊ အသက်အိုးအိမ် စည်းစိမ်ကလည်း မလုံခြုံတော့သလို ခံစားလာကြရပါတယ်။ ဒီလိုတွေ ဖြစ်နေတာက ရဲတပ်ဖွဲ့ဝင်အင်အား မလုံလောက်လို့လားဆိုတာ မေးစရာ ရှိလာပါတယ်။ နိုင်ငံတကာမှာ ရဲနဲ့ပြည်သူအချိုးက ၁း ၄၀၀ ဆိုပေမယ့် မြန်မာနိုင်ငံ မှာတော့ ရဲနဲ့ ပြည်သူအချိုးက ၁း ၁၀၀၀ ကျော်ရှိပါတယ်။ ရဲတပ်ဖွဲ့ဝင် အင်အားမလုံ လောက်တဲ့အပြင် ရဲတပ်ဖွဲ့ဝင်တွေရဲ့ စွမ်း ဆောင်ရည်ကလည်း မေးခွန်းထုတ်စရာဖြစ် လာပါတယ်။ ကမ္ဘာ့လုံခြုံရေးနှင့် ရဲတပ်ဖွဲ့ရေး ရာ အညွှန်းကိန်းအရ မြန်မာနိုင်ငံရဲတပ်ဖွဲ့ အနေနဲ့ နိုင်ငံပေါင်း ၁၂၇ နိုင်ငံမှာ အဆင့် ၁၀၁ ရှိနေပြီး အာဆီယံ နိုင်ငံအဆင့်မှာလည်း အနိမ့်ဆုံးဖြစ်နေပါတယ်။ ဒီလို တရားဥပဒေ စိုးမိုးမှု လျော့ရဲနေခြင်းကလည်း နိုင်ငံတော် ပြိုလဲနိုင်တဲ့ အခြေအနေဘက်ကို ဦးတည်နိုင်ပါတယ်။

နောက်ထပ် တစ်ခုကတော့ အကြမ်းဖက် မှုနဲ့ ပဋိပက္ခတွေပဲ ဖြစ်ပါတယ်။ မြန်မာနိုင်ငံမှာ နိုင်ငံရေးပဋိပက္ခ၊ စီးပွားရေးပဋိပက္ခ၊ ဘာသာ ရေးပဋိပက္ခ၊ လူမှုရေးပဋိပက္ခစတဲ့ ပဋိပက္ခ ပေါင်းစုံက ရှင်သန်ကြီးထွားလို့ နေပါတယ်။ PACE အဖွဲ့က မြန်မာနိုင်ငံမှာ ကောက်ယူခဲ့တဲ့ စစ်တမ်းတစ်ခုအရ ပြည်သူလူထုကြားမှာ တစ်ဦးနှင့် တစ်ဦး ယုံကြည်မှု ကျဆင်းလာနေတယ်လို့ ဖော်ပြထားပါတယ်။

ရခိုင်ပြည်နယ် အကြမ်းဖက် တိုက်ခိုက်ခံမှု အပြီးမှာ မြန်မာနိုင်ငံအပေါ် နိုင်ငံတကာ ဖိအားတွေက အမျိုးမျိုး ကျရောက်လာခဲ့ပါ တယ်။ လက်ရှိ NLD အစိုးရအနေနဲ့ ရခိုင်အရေးကို အကောင်းဆုံး ဖြေရှင်းနေပေမယ့် နိုင်ငံတကာကနေ ဆန်ရှင်တွေ ချမှတ်လာသလို ဖိအားတွေကိုလည်း အမျိုးမျိုး ပေးလာတာကို တွေ့ရပါတယ်။

ဒီလို နိုင်ငံတကာရဲ့ဖိအားတွေ ရှိနေပေမယ့်လည်း ခေါင်းဆောင်တွေအနေနဲ့ ကမ္ဘာကြီးနဲ့ ဘယ်လိုပေါင်းစပ်မလဲ ဆိုတာကို လုပ်ဆောင်ဖို့က အရေးကြီးတယ်လို့ ISP Myanmar မှ အမှုဆောင်ဒါရိုက်တာ ဦးမင်းဇင်က တိုက်တွန်းပါတယ်။

“ကျွန်တော်တို့ အခုလိုနေတာက တပ်မတော် ခေါင်းဆောင်များရော၊ နိုင်ငံရေး ခေါင်းဆောင်များရော၊ အရပ်ဘက် အဖွဲ့အစည်းများရော ဖိအားတွေပိုများလေ Reform လုပ်တာလျှင် ထွက်ပေါက်ဖြစ်တယ်ဆိုတဲ့ Vision ကျွန်တော်တို့ လိုမယ်လို့ ထင်ပါတယ်။ အဲဒီလို မဟုတ်ဘဲနဲ့ စီးပွားရေး ပိတ်ဆို့မှုဒဏ် တို့မမှု၊ ဘယ်သူလာလာ တို့မမှု ဆိုရင်တော့ ကျွန်တော်တို့ဟာ ဧကစာရီ ကျင့်တာကနေ ကျွန်တော်တို့ ဒီနိုင်ငံက ဘယ်တုန်းကမှ တိုးတက်ခဲ့ဖူးတဲ့ အစဉ်အလာ မရှိပါဘူး။ ကျွန်တော်တို့ ကမ္ဘာကြီးနဲ့ ရင်ပေါင်တန်းပြီးတော့ ဘယ်လို ပေါင်းစပ်မလဲ။ အဲဒီ Vision အရေးကြီးမယ်လို့ ထင်ပါတယ်” လို့ ဇူလိုင် ၈ ရက်က ကျင်းပတဲ့ ယောမင်းကြီးဇရပ် စကားဝိုင်းမှာ ဦးမင်းဇင်က ပြောကြားခဲ့တာပါ။

The Fund for Peace အဖွဲ့ရဲ့ အစီရင်ခံစာတွေအရ မြန်မာနိုင်ငံရဲ့ မတည်ငြိမ်မှုအဆင့် က ၂၀၁၅ မှာ ၂၇၊ ၂၀၁၆ မှာ ၂၆၊ ၂၀၁၇ မှာ ၂၅ နဲ့ ၂၀၁၈ မှာ ၂၂ အထိ တက်လာတာ စိုးရိမ်စရာပါ။ ဘာကြောင့်လဲဆိုတော့ အဆိုး ဆုံးကို နံပါတ် ၁ က ထားပြီး ရေတွက်တာ ကြောင့် အဆိုးဆုံး၁၀ နိုင်ငံထဲမှာ မပါသေး ပေမယ့် မြန်မာနိုင်ငံရဲ့ အဆင့်က တစ်နှစ်ထက် တစ်နှစ် ထိပ်နားကို တက်နေပါ တယ်။ ဒါက အနာဂတ်မှာ မြန်မာနိုင်ငံဟာ ပြိုလဲနိုင်ခြေရှိတယ်လို့ သတိပေးလိုက်တဲ့ အနေအထားမျိုးလည်း ဖြစ်နေပါတယ်။

ဒါ့ပြင် ‘နိုင်ငံများ ကျဆုံးရခြင်းအကြောင်း’ (Why Nations Fail) စာအုပ်ကို ရေးသားခဲ့တဲ့ နိုင်ငံတကာပညာရှင် နှစ်ဦးဖြစ်သူ ဒါရွန်အေစီ မိုဂလူး (Daron Acemoglu) နဲ့ ဂျိမ်းစ်အေရိုဘင်ဆင် (James A. Robinson) တို့က ကျဆုံးနိုင်ငံတော်ဖြစ်ရတဲ့ အကြောင်းအချက်များနဲ့ ပတ်သက်လို့ ပုဂ္ဂလိက ပိုင်ဆိုင်ခွင့် မရှိခြင်း၊ အဓမ္မလုပ်အားပေးမှုများ ရှိနေခြင်း၊ လုပ်ပိုင်ခွင့်များ မညီမျှခြင်း၊ အကြီးစားစီးပွား ရေးသမားနဲ့ အာဏာရှိသူက လက်ဝါးကြီးအုပ်ထားခြင်း၊ ထိပ်တန်းခေါင်းဆောင်များက နည်းပညာသစ်များကို ပိတ်ဆို့ခြင်း၊ တရားဥပဒေ စိုးမိုးမှု မရှိခြင်း၊ ဗဟိုအစိုးရ အားနည်းခြင်း၊ အစိုးရ ၀န်ဆောင်မှုများ ညံ့ဖျင်းခြင်း၊ နိုင်ငံရေးအရ ခေါင်းပုံဖြတ်ခြင်းနဲ့ သယံဇာတများကို လုယက်နေခြင်း စတဲ့အချက်တွေနဲ့ ထောက်ပြထားပါတယ်။

The Fund for Peace အဖွဲ့ရဲ့ အစီရင်ခံစာကို အခြေခံအချက်တွေနဲ့ နိုင်ငံကျဆုံးရခြင်းအကြောင်း စာအုပ်ထဲက အချက်အလက်တွေအရ မြန်မာနိုင်ငံကို ချိန်ထိုးကြည့်ရင် အကြောင်းအရာ တော်တော်များများက တန်းဆင်းဇုန်ထဲမှာပဲ ရှိနေသေးတယ် ဆိုတာကို ရင်မောဖွယ်ရာ တွေ့နေရပါတယ်။

“မြန်မာနိုင်ငံက အခုအခါ အရေးပေါ် အခြေအနေ ရောက်နေပါပြီ။ မြန်မာပြည်သူ ပြည်သားတွေအနေနဲ့ သူတို့လိုချင်တဲ့ ဘ၀၊ ကမ္ဘာပေါ်မှာ သူတို့ဖြစ်ချင်တဲ့ အဆင့်အတန်းကို အလေးအနက် ပြန်လည်စဉ်းစားဖို့ အချိန်ပါ။ နိုင်ငံရေးမှာ ကျရှုံးခြင်းဟာ စိတ်ကူးစိတ်သန်းတွေ ကျရှုံးရခြင်းပဲ ဖြစ်ပါတယ်။ မြန်မာနိုင်ငံဟာ ဇာတ်လမ်းအသစ်တစ်ပုဒ်ရေးဖို့ လိုအပ်နေသလို၊ အနာဂတ်မျှော်မှန်းချက် အသစ်စက်စက်တစ်ခု လိုအပ်နေပါတယ်။ တကယ့် စိန်ခေါ်မှု ပြဿနာတွေကို အတူတကွ ပူးပေါင်းဖြေရှင်းကြဖို့ လူတွေကို ဆွဲခေါ်နိုင်တဲ့ ရည်မှန်းချက်မျိုး လိုအပ်ပါတယ်” လို့ ဒေါက်တာ သန့်မြင့်ဦးက တိုက်တွန်းထားပါတယ်။

 

ထိုင်းနိုင်ငံရှိ လိုဏ်ဂူအတွင်း ပိတ်မိနေသည့် လူငယ် ၁၃ ဦးအား ကယ်ဆယ်ရေးတွင် မြန်မာနိုင်ငံက အပြည့်အ၀ ပူးပေါင်းကူညီမည်

Photo : AFP

ထိုင်းနိုင်ငံရှိ လိုဏ်ဂူအတွင်း ပိတ်မိနေကြသည့် လူငယ် ၁၃ ဦးအား ကယ်ဆယ်ရေးတွင် မြန်မာနိုင်ငံက အပြည့်အဝ ပူးပေါင်းကူညီ ဆောင်ရွက်သွားမည်ဖြစ်ကြောင်း ဇွန်လ ၂၈ ရက်၊ ရက်စွဲခြင့် နိုင်ငံတော် သမ္မတရုံးက ထုတ်ပြန်ခဲ့သည်။

ဇွန်လ ၂၃ ရက်နေ့က ထိုင်းနိုင်ငံ၊ မယ်ဆိုင်မြို့ရှိ ထမ့်လုံခွန်နမ့် လိုဏ်ဂူအတွင်း ၀င်ရောက်သွားပြီး လိုဏ်ဂူအတွင်း ပိတ်မိနေသည့် လူငယ်ဘောလုံးအသင်းမှ (၁၃) ဦးကို ရှာဖွေကယ်ဆယ်နိုင်ရေးအတွက် ထိုင်းနိုင်ငံမှ တာဝန်ရှိသူများနှင့် ကယ်ဆယ်ရေး အဖွဲ့များက ကယ်ဆယ်ရေးလုပ်ငန်းများ ဆောက်ရွက်လျက်ရှိကြောင်း သိရသည်။

ထိုသို့ ကယ်ဆယ်ရေး ဆောင်ရွက်မှုများအတွက် မြန်မာနိုင်ငံက လိုအပ်သည်များကို အပြည့်အ၀ ပူးပေါင်းကူညီ ဆောက်ရွက်သွားရန် ပြည်ထောင်စုအစိုးရက နိုင်ငံခြားရေး ၀န်ကြီးဌာနနှင့် ရှမ်းပြည်နယ် အစိုးရအဖွဲ့တို့ကို ညွှန်ကြားထားပြီး ဖြစ်ကြောင်း ထုတ်ပြန်ခဲ့သည်။

ပြည်သူ့မျက်နှာကိုကြည့် မူပြောင်း လူပြောင်းကြလော့

၂၀၁၇ ကြားဖြတ်ရွေးကောက်ပွဲမတိုင်မီ လမ်းမတော်မြို့နယ် အမှတ်(၆)ရပ်ကွက် ကော်မရှင်အဖွဲ့ခွဲရုံးရှေ့တွင် ကြေညာထားသည့် မဲစာရင်းကို လာရောက်ကြည့်ရှုနေသူများအား တွေ့ရစဉ်

ကြက်ဥအရောင်တိမ်တောင်သဖွယ် မင်းရေးကျယ်ဆိုတဲ့စကားနဲ့အညီ တိုင်းရေး ပြည်ရေးနဲ့ ပတ်သက်ရင် ရှေ့လျှောက်ဘယ် လိုဖြစ်လာမလဲဆိုတာ ခန့်မှန်းရမလွယ်သလို  အလွန်လည်းရှုပ်ထွေးပွေလီလှပါတယ်။ မူဝါဒတွေ၊ လမ်းစဉ်တွေ၊ ဗျူဟာတွေနဲ့ လူပုဂ္ဂိုလ်တွေ အကြား လုံးထွေးနေတဲ့ ခေတ်ပြိုင်နိုင်ငံရေး အခင်းအကျင်းမှာ ပြည်သူ့မျက်နှာတစ်ခုတည်းကိုကြည့်ရင်း ဆုံးဖြတ်နိုင်ဖို့က အရေးကြီးသထက် ကြီးလာနေပါတယ်။ လူပြောမသန်၊ လူသန် မပြောဆိုသလို အပြောကြီး၊ လေလုံးထွားတဲ့ မင်းအစိုးရမျိုးမဟုတ်ဘဲ၊ ပြည်သူ့မျက်နှာကို တကယ်ကြည့်တဲ့၊ ပြည်သူကိုတကယ်မျက်နှာမူတဲ့ အစိုးရမင်းမျိုးဖြစ်ဖို့ဆိုရင် အစိုးရရဲ့ မူပိုင်းရော၊ လူပိုင်းကိုပါ လိုက်လျောညီထွေပြောင်းလဲနိုင်ဖို့က သော့ချက်ကျလာနေပါတယ်။

ပြောင်းလဲချိန်တန်ပြီလို့ကြွေးကြော်နေရင်း အပြောင်းအလဲတွေက မထင်မှတ်လောက်အောင် လေးလံထိုင်းမှိုင်းလှချည်လားလို့ ပြောသံဆိုသံ၊ ဝေဖန်သံတွေက ကျယ်လောင်လာနေပါတယ်။ ပြောင်းလဲချိန်တန်ပြီဆိုတဲ့အသံတွေဟာ ဗလုံးဗထွေးဖြစ်လာကာ အပြောင်းအလဲတွေဟာ ဗလောင်းဗလဲဖြစ်လာမလားဆိုတဲ့ စိုးရိမ်သံတွေကလည်း မြင့်တက်လာနေပါတယ်။ နှစ်ပေါင်း ၅၀ ကျော်အမြစ်တွယ်ခဲ့တဲ့  ဆိုးမွေတွေကို နေ့ချင်းညချင်း မြေလှန်ပစ်ဖို့၊ ပြောင်းလဲပစ်ဖို့ မလွယ်ဘူးဆိုတာ ပြည်သူတွေလည်း နားလည်သဘောပေါက်ပြီးဖြစ်ပါတယ်။ အဲဒါကြောင့် အစိုးရနဲ့လွှတ်တော်ထဲက ပုဂ္ဂိုလ်တွေအနေနဲ့ ပြဿနာရှာနေတယ်၊ သခွတ်ပင်က မီးတကျီကျီလုပ်နေတယ်ဆိုတဲ့ ယုံမှားသံသယတွေကို ဘေးဖယ်ထားကာ၊ ပြည်သူ့မျက်နှာကိုကြည့် အလုပ်လုပ်နိုင်ကြဖို့ အရေးကြီးတဲ့အကြောင်း ဦးဦးဖျားဖျားပြောချင်ပါတယ်။

ပူးသတ်သူတွေလည်း ရောနေတဲ့လော်ဘီတွေအကြား ခေတ်စားနေတဲ့ အခုရေတွင်းတူး၊ အခု ရေကြည်သောက်လို့ မရနိုင်ဘူးဆိုတဲ့စကားကို တိုင်းရင်းသားပြည်သူလူထုတစ်ရပ်လုံးက ဘ၀တွေနဲ့ပေးဆပ်ရင်းနှီးကာ နားလည်ပြီးသားဖြစ်ပါတယ်။ တိုင်းရင်းသားပြည်သူတွေက အခုချက်ချင်းရေကြည်သောက်ရဖို့ ဆန္ဒပြုနေတာမဟုတ်သလို ရေကြည်မတိုက် ရစကောင်းရယ်လို့ အစိုးရနဲ့လွှတ်တော်တွေကို မေးခွန်းတွေထုတ်နေတာ မဟုတ်ဘူးလို့ နားလည်မိပါတယ်။ တိုင်းရင်းသားပြည်သူ တွေစိုးရိမ်နေတာက ရေတွင်းတူးမယ့်နေရာရှာရင်း အချိန်ကုန်၊ ငွေကုန်၊ လူပန်းဖြစ်မှာ၊ ရေတွင်းတော့တူးပါရဲ့၊ ရေကြည်ရေသန့် မထွက်ဆိုသလိုဖြစ်မှာကိုပါ။ အဲဒီလိုကနေ အစိုးရတွေနဲ့လွှတ်တော်တွေအပေါ် ပြည်သူအများစုက စိတ်ပျက်စ ပြုလာမယ်ဆိုရင် အဲဒီအခြေအနေဟာ မြန်မာ့ဒီမိုကရေစီ စပ်ကူးမတ်ကူးအတွက် အနုတ်သဘော သက်ရောက်လာနိုင်မှာဖြစ်ပါတယ်။

လွန်ခဲ့တဲ့နှစ်နှစ်သက်တမ်း အစိုးရတွေနဲ့ လွှတ်တော်တွေရဲ့စွမ်းဆောင်ရည်ကို ဆန်းစစ်၊ အမှတ်ပေးပါဆိုရင် ကျွန်တော့်အနေနဲ့ကတော့ ဘယ်လိုမှ အောင်မှတ်ပေးနိုင်မှာ မဟုတ်ပါဘူး။ ပြည်သူလူထု အများစုအကြားမှာ ကျယ်ကျယ်ပြန့်ပြန့် စစ်တမ်းကောက်ကြည့်ရင်လည်း အောင်မှတ်ပေးကြမှာ မဟုတ်ပါဘူး။ မော်ဒရေးရှင်းနဲ့တောင် အောင်မှတ်ရဖို့ မလွယ်ပါဘူး။ အစိုးရတွေ၊ လွှတ်တော်တွေရဲ့ဆောင်ရွက်ချက်တွေနဲ့ ပတ်သက်ရင် အမှတ်ပေးစရာ လုံးဝမရှိဘူး၊ သုညလို့ ဆိုလိုတာ မဟုတ်ပါဘူး။ အမှတ် ၁၀၀ ပေးရင်သာ မန်အောင်မှတ်ဖြစ်တဲ့ အမှတ် ၄၀ မရတာကို ပြောချင်တာပါ။ အစိုးရတွေနဲ့ လွှတ်တော်တွေရဲ့စွမ်းဆောင်ရည်က အောင်မှတ်တောင်မရ နိုင်ဖြစ်နေတဲ့ အခင်းအကျင်းမှာ ဟိုးအရင့် အရင်၊ ပြည်သူကရွေးကောက်တင်မြှောက်တာ မဟုတ်တဲ့ အစိုးရတွေခေတ်တုန်းကလို အစိုးရသတင်းစာတွေ၊ ရုပ်မြင်သံကြားတွေကနေ နှစ်နှစ်သက်တမ်းရှိနေတဲ့ အစိုးရရဲ့စွမ်းဆောင်မှုတွေဆိုပြီး၊ စီကာပတ်ကုံးရေးပြ၊ ရိုက်ပြနေတာတွေတွေ့ရတော့ တကယ့်ကို နားမလည်နိုင်ဖြစ်မိပါတယ်။ ရှက်လည်း ရှက်မိပါတယ်။

အစိုးရတွေနဲ့လွှတ်တော်တွေရဲ့စွမ်းဆောင်ရည်နဲ့ပတ်သက်ရင် ပြည်သူတွေအနေ နဲ့ ပွင့်ပွင့်လင်းလင်း ဝေဖန်ထောက်ပြတာတွေဟာ တကယ်တော့ အဆီအနှစ်တွေပဲဖြစ်ပါတယ်။ ပြည်သူကအသိဆုံးပါ။ အဆင်းရဲဆုံး၊  အမွဲတေဆုံး၊ ဆင်းရဲမွဲတေတဲ့နွံထဲနစ်နေတဲ့ ပြည်သူတွေက အခြေခံအကျဆုံး အားနည်းချက်တွေ၊ လိုအပ်ချက်တွေကို ပိုအသိဆုံးဖြစ်ပါတယ်။ ၂၀၁၅ ခုနှစ်ရွေးကောက်ပွဲမှာ သူတို့ ပုံအောထောက်ခံမဲပေးခဲ့တဲ့ အစိုးရလက်ထက်မှာ သူတို့ပုခုံးထက်က ၀န်ထုပ်ဝန်ပိုးတွေ လျော့သွားသလား၊ ပိုတိုးလာသလားဆိုတာ ပြည်သူတွေက ဘ၀နဲ့ရင်းလို့ သိထားပြီးသားပါ။ ပြည်သူတွေဟာ သဘောထားကြီးကြီးနဲ့  တတ်နိုင်သရွေ့ မသိဟန် ဆောင်နေတာလည်း  ဖြစ်ကောင်းဖြစ်နိုင်ပါတယ်။ အဲဒီလို သဘော ထားကြီးတယ်ဆိုတဲ့ နေရာမှာ အကန့်အသတ်တော့ ရှိနိုင်ပါတယ်။ အစိုးရ၊ လွှတ်တော်နဲ့ အာဏာရပါတီတွေအနေနဲ့ တိုင်းရင်းသား ပြည်သူတွေကို လျှော့မတွက်မိဖို့သိပ်ကို အရေးကြီးတယ်ဆိုတဲ့အကြောင်း စကားမစပ် ပြောလိုပါတယ်။

ပြည်သူလို့ပြောရင် အဲဒီပြည်သူတွေနဲ့ အနီးကပ်ဆုံးမှာရှိနေတဲ့ သတင်းမီဒီယာတွေ၊ လူမှုအဖွဲ့အစည်းတွေကိုလည်း ဘေးဖယ်ထားလို့ မဖြစ်နိုင်ပါ။ သူတို့ရဲ့အသံတွေဟာ ပြည်သူ လူထုရဲ့အသံစစ်၊ အသံမှန်တွေကို မြင့်မြင့်မားမား ကိုယ်စားပြုနေတယ်ဆိုတာ မျက်ခြည်မပြတ်ဖို့လိုပါတယ်။ ပြည်သူတွေ၊ သတင်းမီဒီယာတွေ၊ လူမှုအဖွဲ့အစည်းတွေကနေ အစိုးရတွေနဲ့လွှတ်တော်တွေကို ပေးတဲ့အမှတ်တွေ အပေါ်အခြေခံကာ အာဏာသုံးရပ် စာမေးပွဲအောင်တယ်၊ မအောင်ဘူးဆိုတာ သတ်မှတ်နိုင်ရင် ပိုအဓိပ္ပာယ်လေးနက်မယ်လို့ ယုံကြည်မိပါတယ်။ တကယ်တော့ အစိုးရတွေ၊ လွှတ်တော်တွေဟာ နှစ်နှစ်စွန်းစွန်းသက်တမ်းမှာ သူတို့ရဲ့အားနည်းချက်တွေ၊ လိုအပ်ချက်တွေ၊ အလွဲအချော်တွေ၊ လုပ်မှားကိုင်မှားအဆုံးအဖြတ်မှားခဲ့တာတွေ၊ ပြည်သူကို ၀န်ပိုပိစေခဲ့တာတွေကို ပြန်ပြောင်းဆန်းစစ်သုံးသပ်ရင်း ပြည်သူကို လူသိရှင်ကြား ထုတ်ဖော်တောင်းပန်သင့်တာဖြစ်ပါတယ်။ ပြည်သူကို အလေးထား တောင်းပန်တာမျိုး လုံးလုံးမတွေ့ရပဲ၊ အရင့် အရင် အစိုးရတွေရဲ့ပုံစံခွက်ထဲကနေ အားလုံးကောင်းပါတယ်ဆိုတဲ့ ထုံးနဲ့ချဉ်းကပ်နေတာကတော့ အတော့်ကို စိတ်ပျက်စရာလို့လည်း ဆိုရမှာဖြစ်ပါတယ်။ အဲဒီလိုအမှားတွေ၊  အားနည်းချက်တွေ၊ လိုအပ်ချက်တွေကို လာမယ့် လက်ကျန်သက်တမ်းမှာ ဘယ်လိုပြုပြင်၊  ထိန်းကျောင်းဆောင်ရွက်သွားမယ်ဆိုတာမျိုး တိုင်းရင်းသားပြည်သူလူထုကို ပွင့်ပွင့်လင်းလင်း အသိပေးနိုင်မယ်၊ ကတိပေးနိုင်မယ်ဆိုရင် ပိုလျော်ကန်သင့်မြတ်မယ်လို့သုံး သပ်မိပါတယ်။

ပြည်ထောင်စုဝန်ကြီးဌာနတွေ၊ ပြည်ထောင်စုအဆင့် အဖွဲ့အစည်းတွေ၊ တိုင်းဒေသကြီးနဲ့ပြည်နယ်အစိုးရတွေနဲ့လွှတ်တော်တွေ၊  တိုင်းဒေသကြီးနဲ့ ပြည်နယ်အဆင့်ဌာနဆိုင်ရာတွေရဲ့ သက်တမ်းနှစ်နှစ်စွန်းစွန်း ကာလ စွမ်းဆောင်ရည်နဲ့ ပတ်သက်လို့ ကျောသားရင် သားမခွဲမခြား၊ လွတ်လပ်၊ တရားမျှတစွာ ဆန်းစစ်၊ သုံးသပ်၊ အဖြေထုတ်ထားတဲ့ သုံးသပ်ချက် အစီရင်ခံစာမျိုးကို မြင်ချင်တာပါ။ အထက်ဖား အောက်ဖိမဟုတ်တဲ့၊ သနပ်ခါးလိမ်း၊ ပန်းပန်ထားတာမျိုးမဟုတ်တဲ့ အောက်ခြေက ပြည်သူတွေရဲ့ဘ၀မှန်တွေ၊ အခြေအနေမှန်တွေ၊ ဖြစ်စဉ်မှန်တွေကို ရာခိုင်နှုန်း အတော်များများထင်ဟပ်စေနိုင်တဲ့ အစီရင်ခံစာမျိုးကမှ တိုင်းပြည်ရဲ့အပြောင်းအလဲအတွက် တကယ်အစွမ်းထက်တဲ့ ဆေးကောင်းဝါးကောင်းဖြစ်မှာပါ။ အသက်ကယ်ဆေးဖြစ်မှာပါ။ ဆေးဝါးအတုတွေနဲ့ရမ်းကုကို အိမ်ဦးခန်းမှာ ခန့်ခန့်ကြီးထိုင်ခိုင်းပြီး၊ အိမ်ပင့်ဆေးကုခိုင်းသလို ဖြစ်နေမယ်ဆိုရင်တော့ မြွေပါလည်း ဆုံး၊ သားလည်းဆုံး ဖြစ်ရကိန်းရှိလာနိုင်တယ်ဆိုတာ သတိနဲ့ဆင်ခြင်သိစေချင်ပါတယ်။

မြန်မာနိုင်ငံရဲ့လက်ငင်းအခြေအနေဟာ အထူးကြပ်မတ်ကုသခန်း (အိုင်စီယူ)ထဲ ရောက်နေတဲ့၊ အသက်လုနေရတဲ့ လူနာနဲ့ အတော်ကိုဆင်ပါတယ်။ အသက်ကယ်ဆေး မြန်မြန်ထိုးဖို့လိုနေတဲ့ အနေအထားဆိုရင်လည်း မမှားနိုင်ပါဘူး။ အဲဒီလိုအခြေအနေမှာ ချီတုံချတုံဖြစ်နေမယ်၊ တုဏှိဘာဝေ လုပ်နေမယ်၊ တွေဝေနေမယ်၊ ဆုံးဖြတ်ချက် မပြတ်မသားဖြစ်နေမယ်ဆိုရင် လူနာဟာ အခြေအနေ ပိုဆိုးသွားဖို့၊ အသက်ဆုံးသွားဖို့ပဲရှိနေတယ် လို့သုံးသပ်ရမှာဖြစ်ပါတယ်။ ဘွင်းဘွင်းပြောရ ရင် ၂၀၁၅ ခုနှစ် အထွေထွေရွေးကောက်ပွဲအလွန် ဖွဲ့စည်းခဲ့တဲ့ အစိုးရတွေ၊ လွှတ်တော်တွေ၊ အဖွဲ့အစည်းတွေဟာ နှစ်နှစ်စွန်းစွန်း ကာလမှာ အိုင်စီယူထဲရောက်နေတဲ့လူနာလို၊ အသက်ကယ်ဆေး ထိုးရမယ့်ကိန်း ဆိုက်နေပြီဆိုတာ သိစေ၊ မြင်စေချင်တာပါ။

အခုကာလမှာ အသက်ကယ်ဆေးထိုးဖို့၊  မူပိုင်းရော၊ လူပုဂ္ဂိုလ်ပိုင်းရော အပြောင်းအလဲတွေ လုပ်ဖို့ ဆက်တွန့်ဆုတ်နေဦးမယ်၊ မပြတ်မသားဖြစ်နေဦးမယ်ဆိုရင် ဒီမိုး ဒီလေ ဒီလူတွေနဲ့ နောက်သက်တမ်းသုံးနှစ်မှာ ပဆိုးမနိုင် ပ၀ါမနိုင်ဖြစ်မှာ၊ ဦးနင်းပဲ့ထောင်၊ ပဲ့နင်းဦးထောင်ဖြစ်မှာ၊ ဗရုတ်ဗရက်တွေဖြစ်မှာ၊ ကျော် မကောင်း ကြားမကောင်းတွေဖြစ်မှာ ပြေးကြည့်စရာမလို၊ တွေးကြည့်တာနဲ့သိနိုင်ပါတယ်။ အဲဒါကြောင့် အခုအချိန်မှာ လွန်ခဲ့တဲ့ နှစ်နှစ်စွန်းစွန်းကာလ အစိုးရတွေ၊ လွှတ် တော်တွေရဲ့စွမ်းဆောင်ရည်တွေကို လွတ်လပ်၊ တရားမျှတစွာ ပြန်လည်ဆန်းစစ် သုံးသပ်ရင်း၊ အပြောင်းအလဲတွေကို မဖြစ်မနေ ဖော်ဆောင်ဖို့ လိုအပ်နေပြီလို့ မြင်မိပါတယ်။ အပြောင်းအလဲ ဆိုတဲ့နေရာမှာ မူဝါဒပိုင်း၊လုပ်နည်း လုပ်ဟန်ပိုင်း၊ နည်းနာပိုင်းတွေမှာသိသာ  မြင်သာ ပြောင်းလဲဖို့ လိုအပ်နေသလို၊ လူပုဂ္ဂိုလ်ပိုင်း၊ ၀န်ကြီးတွေ၊ ဒုတိယ၀န်ကြီးတွေ  အပိုင်းတွေမှာလဲ အပြောင်းအလဲတွေလုပ်ဖို့  လိုအပ်နေတာဖြစ်ပါတယ်။ အဲဒါကြောင့်မူပိုင်းရော၊ လူပိုင်းရော အပြောင်းအလဲတွေကို  တိုင်းပြည်နဲ့ပြည်သူလူထု မျက်နှာကိုပဲကြည့်ပြီး၊ အမြန်ဆုံး ဖော်ဆောင်သင့်တဲ့အကြောင်း  တိုက်တွန်းဆော်သြလိုတာဖြစ်ပါတယ်။

ဘယ်တုန်းက ဘယ်လောက်စွန့်လွှတ်၊  အနစ်နာခံခဲ့ပါစေ၊ သစ္စာရှိခဲ့ပါစေ၊ ပုဂ္ဂိုလ်ရင်းနှီးခဲ့ပါစေ၊ လုပ်ရည်ကိုင်ရည်နဲ့ စွမ်းဆောင်ရည် အားနည်းရင်တော့ ဘယ်သူ့မျက်နှာမှထောက်ထားစရာ မလို၊ ပြည်သူ့မျက်နှာကိုပဲ ထောက်ထားကာ အမြန်ဆုံး လဲပစ်၊ အစားထိုးပစ်ရမယ်လို့ သဘောပေါက်မိပါတယ်။ နိုင်ငံရေးမှာ  သံယောဇဉ်တွေ၊ ခင်မင်တာတွေ၊ ပုဂ္ဂိုလ်ရေးတွေထက် တိုင်းရင်းသားပြည်သူလူထုက ပို  အခရာကျပါတယ်။ နိုင်ငံတော်နဲ့နိုင်ငံသားတွေရဲ့အကျိုးစီးပွားကို ဦးစားပေး၊ မျက်နှာသာပေး၊ ရှေးရှုရမှာဖြစ်ပါတယ်။ တကယ်လို့ အစိုးရတွေ၊ လွှတ်တော်တွေနဲ့ အဖွဲ့အစည်းတွေအနေနဲ့ မူဝါဒပိုင်းရော၊ လူပုဂ္ဂိုလ်ပိုင်းရော   အပြောင်းအလဲတွေ၊ ပြုပြင်ပြောင်းလဲတာတွေ  အဆောတလျင်ဖော်ဆောင်ဖို့ ပျက်ကွက်နေ ဦးမယ်၊ တုန့်ဆိုင်းနေဦးမယ်ဆိုရင် အခြေအနေဟာ နေမြင့်လေ အရူးရင့်လေဖြစ်ကာ ဆိုးသထက် ဆိုးလာမှာကို စိုးရိမ်မိပါတယ်။

ဖိုးသူတော် မျက်စိလည်လေ ဆန်ပိုရလေ ဖြစ်မယ့် အနေအထားတွေကလည်း ရှိနေပါတယ်။ ဖင်မနိုင်ပဲ ပဲကြီးဟင်း သောက်တယ်လို့လည်းပြောသံ ဆိုသံတွေ ဆူညံနေတာကြားရပါတယ်။ မရဲဘဲနဲ့ ကျွဲပြဲစီးသလိုဖြစ်မယ်ဆိုရင်တော့ အရှက်တွေကွဲသထက်၊ ကွဲမှာကို ကြောင့်ကြမိပါတယ်။ တကယ်ကိုင်စွဲရမှာက  လက်ညှိုးမကောင်း လက်ညှိုး၊ လက်မ  မကောင်း၊ လက်မဆိုတဲ့ ဆောင်ပုဒ်ဖြစ်ပါတယ်။ အစိုးရ၊ လွှတ်တော်နဲ့ ပြည်ထောင်စုအဆင့် အဖွဲ့အစည်းတွေထဲက လုပ်ရည်ကိုင်ရည် အားနည်းတဲ့သူတွေ၊ ဖော်လံဖားတွေ၊ မလုပ်မရှုပ် မပြုတ်တွေ၊ အားလုံးကောင်းပါတယ်ဆိုတဲ့ သူတွေကို ပြတ်ပြတ်သားသား လက်တွဲ  ဖြုတ်ခဲ့ဖို့ အချိန်မစောတော့ဘူး၊ နောက်တောင် ကျနေပြီဆိုတာ သိစေချင်ပါတယ်။  အဲဒါကြောင့် ပြင်သင့်တဲ့မူဝါဒတွေ၊ လဲသင့်တဲ့ လူပုဂ္ဂိုလ်တွေကို အမြန်ဆုံးပြင်ဖို့၊ လဲဖို့  အားစိုက်ရင်း ပြည်သူ့မျက်နှာကိုကြည့် မူပြောင်း လူပြောင်းကြလော့ဟု ထပ်ဆင့်ဆော်သြလိုက်ရပါတယ်။

ပဲတီစိမ်း အဓိကတင်ပို့နေသော ဥရောပဈေးကွက်အပြင် တရုတ်နိုင်ငံက ၀ယ်လိုအားကောင်းနေသဖြင့် ပြည်တွင်း၌ ပဲတီစိမ်း ဈေးကောင်းရနေဟုဆို

ပဲခူးတိုင်းဒေသကြီး အတွင်းရှိ ပဲစိုက်တောင်သူများ ပဲသိမ်းနေမှုကို တွေ့ရစဉ်

မြန်မာနိုင်ငံမှ ထွက်ရှိသည့် ပဲတီစိမ်းကို အဓိကတင်ပို့နေသော ဈေးကွက်ဖြစ်သည့် ဥရောပအပြင် တရုတ်နိုင်ငံတို့မှ ၀ယ်လိုအားကောင်းနေသဖြင့် ပဲတီစိမ်းဈေးနှုန်းများ ကောင်းနေကြောင်း မြန်မာနိုင်ငံပဲမျိုးစုံနှင့် နှမ်းကုန်သည်အသင်းမှ သိရသည်။

“ပဲတီစိမ်းကတော့ တရုတ်ဘက်က အ၀ယ်ကောင်းတာရော နောက်ဥရောပဘက်က အမာခံတွေနဲ့ဆိုတော့ ပဲတီစိမ်းကတော့ ဈေးကောင်းပါတယ်” ဟု မြန်မာနိုင်ငံ ပဲမျိုးစုံနှင့် နှမ်းကုန်သည်အသင်းမှ အတွင်းရေးမှူး ဦးမင်းကိုဦးက ပြောကြားသည်။

လက်ရှိအချိန်တွင် ခရမ်းရွှေဝါပဲတီစိမ်း သုံးတင်းတစ်အိတ် (အချိန် ၆၀) ကို ကျပ် ၁၁၅,၀၀၀ အထိရှိကြောင်း၊ ခရမ်းရွှေဝါပဲတီစိမ်း တစ်တန်ကို ၁၁ သန်းခွဲခန့်အထိရှိကြောင်း မြန်မာနိုင်ငံပဲမျိုးစုံနှင့် နှမ်းကုန်သည်အသင်းမှ သိရသည်။

မြန်မာနိုင်ငံမှ ထွက်ရှိသည့် ပဲတီစိမ်းများကို ဥရောပနိုင်ငံများအနေဖြင့် ပဲပင်ပေါက် ဖောက်စားရန် ၀ယ်ယူခြင်းဖြစ်ကြောင်း၊ ထို့ကြောင့် ၀ယ်ယူရာတွင် အရည်အသွေး စံချိန်စံညွှန်း ကောင်းမွန်သော ပဲတီစိမ်းကိုသာ ၀ယ်ယူပြီး ဒေသတွင်းနိုင်ငံများထက် ဈေးနှုန်းပိုမိုရရှိကြောင်း သိရသည်။

မြန်မာနိုင်ငံမှ ပဲတီစိမ်းကို တရုတ်နိုင်ငံဘက်မှ ကုန်သည်များသည် မန္တလေးတိုင်းအထိ ဆင်းဝယ်ကြောင်း ယင်းကဲ့သို့ ၀ယ်ယူရာတွင် အရည်အသွေး စံချိန်စံညွှန်းအားလုံးကို ၀ယ်ယူပြီး အရည်အသွေးပေါ် မူတည်ကာ ဈေးနှုန်းကွာခြားချက်ရှိကြောင်း သိရသည်။

ပဲတီစိမ်းကို ရန်ကုန်တိုင်းဒေသကြီးအတွင်း ခရမ်းနှင့် သုံးခွမြို့နယ်များ၌ အဓိက အများဆုံး စိုက်ပျိုးနေခြင်း ဖြစ်ကြောင်း သိရသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနနှင့် ဥရောပသမဂ္ဂနိုင်ငံများ ပူးပေါင်းပြီး ဥရောပ စံချိန်စံညွှန်းများဖြင့် ပဲတီစိမ်းကို ကန်ထရိုက်စိုက်ခင်းများ ဆောင်ရွက်လျက်ရှိကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

မြန်မာနိုင်ငံမှထွက်ရှိသည့် ပဲမျိုးစုံအနက် ပဲတီစိမ်း၊ မတ်ပဲနှင့် ပဲစင်းငုံတို့ကို ပြည်ပသို့ အဓိကတင်ပို့နေခြင်း ဖြစ်ကြောင်း၊ ပဲတီစိမ်းကို ဥရောပဈေးကွက်သို့ အဓိကတင်ပို့နေခြင်းဖြစ်ပြီး မတ်ပဲနှင့် ပဲစင်းငုံနှစ်မျိုးကို အိန္ဒိယနိုင်ငံသို့ အဓိက တင်ပို့နေခြင်းဖြစ်သည်။

ယခုဘဏ္ဍာနှစ် ၁၁ လကျော်အတွင်း မြန်မာနိုင်ငံမှ ပြည်ပသို့ ပဲမျိုးစုံတန်ချိန် ၁ ဒသမ ၂ သန်းကျော် တင်ပို့ထားပြီး တန်ဖိုး ဒေါ်လာ သန်း ၈၀၀ ကျော်ရရှိထားကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

၂၀၁၇-၂၀၁၈ ဘဏ္ဍာနှစ် မတ် ၂ ရက် အထိ ပြည်ပသို့ ပဲမျိုးစုံတင်ပို့မှုသည် တန်ချိန် ၁ ဒသမ၂ သန်းကျော်ရှိပြီး တန်ဖိုး ဒေါ်လာ ၈၀၇ သန်းအထိရရှိထားကြောင်း စီးပွား/ကူးသန်းဝန်ကြီးဌာန စာရင်းများအရ သိရ သည်။

လက်ရှိ ၂၀၁၇-၂၀၁၈ ဘဏ္ဍာနှစ် ဇန်န၀ါရီ ၁၉ ရက်အထိ ပြည်ပသို့ ပဲမျိုးစုံ တန်ချိန် ၁ ဒသမ ၀၉ သန်း တင်ပို့ထားကာ ၀င်ငွေ ဒေါ်လာ ၇၇၄ သန်းနီးပါးသာ ရရှိခဲ့သည်။

ဇန်န၀ါရီ ၁၉ ရက်မှ မတ် ၂ ရက်အထိ တစ်လကျော်အတွင်း တန်ချိန်တစ်သိန်းကျော် တင်ပို့ထားပြီး တန်ဖိုး ဒေါ်လာ ၃၃ သန်း အထိ ရရှိထားခြင်းဖြစ်ကြောင်း စာရင်းများအရ သိရသည်။

မြန်မာ-တရုတ်-ဘင်္ဂလားဒေ့ရှ် သုံးနိုင်ငံအကြား လျှပ်စစ်ဓာတ်အား ကုန်သွယ်ရေးအတွက် ၀န်ကြီးအဆင့် ညှိနှိုင်းအစည်းအဝေး ပြုလုပ်ခဲ့ပြီး မူအားဖြင့် သဘောတူညီမှုရရှိ

နေပြည်တော်ရှိ Horizon Lake View ဟိုတယ်တွင် မြန်မာ-တရုတ်-ဘင်္ဂလားဒေ့ရှ် သုံးနိုင်ငံ ၀န်ကြီးအဆင့် ညှိနှိုင်းအစည်းအဝေး ပြုလုပ်စဉ်

မြန်မာ-တရုတ်-ဘင်္ဂလားဒေ့ရှ် သုံးနိုင်ငံအကြား လျှပ်စစ်ဓာတ်အား ကုန်သွယ်ရေးအတွက် ၀န်ကြီးအဆင့် ညှိနှိုင်းအစည်းအဝေးကို မတ် ၉ ရက်က နေပြည်တော်ရှိ Horizon Lake View ဟိုတယ်တွင် ပြုလုပ်ခဲ့ပြီး မူအားဖြင့် သဘောတူညီမှု ရရှိခဲ့ကြောင်း သိရသည်။

လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်က “ဒီနေ့ သုံးနိုင်ငံက စွမ်းအင်ဝန်ကြီးတွေ အားလုံးကတော့ မူအားဖြင့် အားလုံးသဘောတူပါတယ်။ ဒီအစည်းအဝေးမှာ ဆုံးဖြတ်တာကတော့ နိုင်ငံသုံးနိုင်ငံကတော့ Initiative ပေါ်မှာ သုံးနိုင်ငံက လက်ခံတယ်။ သဘောတူတယ်။ တစ်နိုင်ငံနဲ့ တစ်နိုင်ငံ လျှပ်စစ်တွေ ပိုတဲ့သူကလည်း လိုတဲ့သူကိုရောင်းမယ်။ တချို့တိုင်းပြည်တွေ ဖြတ်ရမယ် ဆိုရင်လည်း တချို့တိုင်းပြည်တွေကလည်း ဖြတ်ကျော်ပြီးတော့ ကိုယ့်တိုင်းပြည်လည်း ဒီလျှပ်စစ်ကိုယူမယ်။ ဒီလိုမျှပြီးသုံးတဲ့ အတွက်လည်း ကုန်ကျစရိတ်တွေမှာ အများကြီး သက်သာတာပေါ့” ဟု ပြောကြားသည်။

လျှပ်စစ်ဓာတ်အား ကုန်သွယ်ရေး ဆောင်ရွက်နိုင်ရန် နိုင်ငံတစ်နိုင်ငံစီမှ အဖွဲ့ဝင် ငါးဦးစီပါဝင်သည့် Joint Working Group ဖွဲ့စည်းဆွေးနွေးပြီး ၀န်ကြီးအဆင့် ဆက်လက် တွေ့ဆုံညှိနှိုင်းကာ သက်ဆိုင်ရာနိုင်ငံရှိ အစိုးရဆီ ပြန်လည်တင်ပြပြီးမှသာ ဆက်လက် အကောင်အထည်ဖော်သည့် အဆင့်သို့ ရောက်လာမည် ဖြစ်ကြောင်း သိရသည်။

“တစ်နိုင်ငံငါးယောက် စုစုပေါင်း ကော်မတီမှာ စုစုပေါင်း ၁၅ ယောက်ကနေပြီးတော့ ဒီလုပ်ငန်းကြီး အောင်မြင်ဖို့ လိုအပ်တဲ့ ဆောင်ရွက်ရမယ့် နည်းပညာပိုင်း၊ ဥပဒေပိုင်း၊ သင့်တင့်မျှတတဲ့ဈေးနှုန်း ဒါတွေဘယ်လို ဆောင်ရွက်ကြမလဲ ဆိုတာကို အဖွဲ့လိုက် အဖွဲ့လိုက် သတ်မှတ်ဆွေးနွေးပြီးတော့ အစည်းအဝေးတော့ နှစ်ကြိမ်၊ သုံးကြိမ်လောက်တော့ လုပ်ရဦးမှာပေါ့။ လုပ်ပြီးတော့မှ ၀န်ကြီးတွေကအခုလို နောက်တစ်ခါ ပြန်တွေ့ရမယ်။ အဲဒီကျတော့ တော်တော်လေး လိုအပ်တဲ့ အချက်အလက်တွေ ပြည့်စုံလို့ရှိပြီဆိုတဲ့ အချိန်မှာ သက်ဆိုင်ရာ မိမိတို့အစိုးရဆီ ပြန်တင်ပြပြီးတော့မှ ဆက်လက် အကောင်အထည်ဖော်ဖို့အထိ ရောက်လာမှာပါ” ဟု ပြည်ထောင်စုဝန်ကြီး ဦးဝင်းခိုင်က ပြောကြားသည်။

ဆက်လက်၍ “တစ်နိုင်ငံနဲ့ တစ်နိုင်ငံကို Flow လုပ်တာ။ ကိုယ်လိုတဲ့အချိန်မှာ သူ့ဘက်ကယူမယ်။ သူပိုတဲ့အခါမှာ သူတို့ဘက်ကို ပြန်ပေးမယ်။ အာဆီယံမှာလည်း ဒါမျိုးတွေ ရှိပါတယ်။ ဒါလုပ်ခြင်းအားဖြင့် တစ်နိုင်ငံနဲ့ တစ်နိုင်ငံ ရင်းနှီးမှုတွေ ပိုရတယ်။ တစ်ယောက်နဲ့တစ်ယောက် ဖွံ့ဖြိုးဖို့ အချိတ်အဆက်တွေ ဖြစ်သွားရော။ လူထုအချင်းချင်း ပူးပေါင်းပါဝင်မှုတွေ။ ရေရှည်ပြောမယ် ဆိုရင်တော့ ကိုယ့်တိုင်းပြည်ကိုလည်း ဘေးကပတ်ဝန်းကျင် တိုင်းပြည်မှာ ဓာတ်အားစနစ်တွေ ချိတ်ထားလိုက်ပြီပေါ့။ ဒါက ကျွန်တော်တို့ စပြီးဆောင်ရွက်တဲ့ အစည်းအဝေးဖြစ်တယ်။ ဒီနေ့က ဘာမှမဆုံးဖြတ်သေးပါဘူး” ဟု လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီးက ဆက်လက်ပြောကြားသည်။

မြန်မာ-တရုတ်-ဘင်္ဂလားဒေ့ရှ် သုံးနိုင်ငံအကြား လျှပ်စစ်ဓာတ်အား ကုန်သွယ်ရေးအတွက် ၀န်ကြီးအဆင့် ဆွေးနွေးပွဲသို့ မြန်မာနိုင်ငံမှ လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ တရုတ်ပြည်သူ့ သမ္မတနိုင်ငံ အမျိုးသားစွမ်းအင် အုပ်ချုပ်ရေး အဖွဲ့၏ Vice Administrator H.H.Mr.Li Fanrong၊ ဘင်္ဂလားဒေ့ရှ် ပြည်သူ့သမ္မတနိုင်ငံ လျှပ်စစ်စွမ်းအင်နှင့် သတ္တုအရင်းအမြစ် ၀န်ကြီးဌာန ၀န်ကြီး H.E.Dr.Tawfiqe- Elahi Chowdgury BB နှင့် စွမ်းအင်ဆိုင်ရာ အဆင့်မြင့် အရာရှိကြီးများ တက်ရောက်ခဲ့ကြောင်း သိရသည်။

 

နဖူးတွင် သေနတ်ဒဏ်ရာဖြင့် မြစ်ထဲတွင် သေဆုံးနေသည့် ထိုင်းရောက် မြန်မာအလုပ်သမားအမှုကို အမှုမှန်ပေါ်ပေါက်ရေး အလုပ်သမား သံအရာရှိရုံး ကူညီမည်

မြန်မာလုပ်သား၏ အလောင်းအား တာဝန်ရျိသူများက ဆယ်ယူနေစဉ်

နဖူးတွင် သေနတ်ဒဏ်ရာဖြင့် မြစ်ထဲတွင် သေဆုံးနေသည့် ထိုင်းရောက် မြန်မာလုပ်သား တစ်ဦးအမှု အမှုမှန်ပေါ်ပေါက်ရန် မြန်မာသံရုံး အလုပ်သမား သံအရာရှိရုံးက ဆောင်ရွက်မည်ဖြစ်ကြောင်း သိရသည်။

ထိုင်းနိုင်ငံ စမွတ်ဆာခွန်ခရိုင် မဟာချိုင်ဒေသ ဘန့်ဖရောင်းမြို့နယ် ထာ့ကျင့်မြစ်အတွင်းမှ လက်ပြန်ကြိုး တုပ်ခံထားရပြီး နဖူးတွင် သေနတ်ဒဏ်ရာဖြင့် ပုပ်ပွသေဆုံးလျက်ရှိသည့် မြန်မာရွှေ့ပြောင်း လုပ်သားတစ်ဦး၏ အလောင်းကို ဖေဖော်ဝါရီ ၁၁ ရက်က ထိုင်းအာဏာပိုင်များက ဆယ်ယူရရှိခဲ့သည်။

သေဆုံးခဲ့သည့် အလုပ်သမားမှာ ၂၆ နှစ်အရွယ် ကျော်မင်းဦး(ခ) မင်းခိုင်ဦး ဆိုသူဖြစ်ပြီး ဖေဖော်ဝါရီ ၆ ရက်က ပျောက်ဆုံးခဲ့ခြင်းဖြစ်ပြီး ဖေဖော်ဝါရီ ၁၁ ရက်တွင် သေဆုံးလျက် မြစ်အတွင်းမှ တွေ့ရှိခဲ့ခြင်းဖြစ်သည်။  ထိုင်းလူမျိုး သူဌေးတစ်ဦး၏ နေအိမ်အတွင်း စိုက်ပျိုးထားသည့် ဘိန်းစာရွက်ပင်ကို သေဆုံးသူနှင့်သူ ငယ်ချင်းများက ညဘက်သွားရောက် ခိုးခူးရာမှ ကျော်မင်းဦးကိုဖမ်းမိပြီး အသတ်ခံရခြင်း ဖြစ်နိုင်ကြောင်း သေဆုံးသူ၏ မိခင်နှင့် ဆွေမျိုးများက စွပ်စွဲကာ ရဲစခန်းသို့ သွားရောက်တိုင်ကြားခဲ့မှုကို သူဌေးမှ ငြင်းဆိုပြီး ၎င်း၏ခြံဝင်း အတွင်းမှ ထွက်ပြေးပျောက်ဆုံး သွားခြင်းသာဖြစ်ကြောင်း ရဲကိုဖြေကြားထားသည်။

အဆိုပါ ဖြစ်စဉ်နှင့် ပတ်သက်ပြီး မြန်မာသံရုံး အလုပ်သမား သံအရာရှိချုပ် ဦးစန်းမောင်ဦးက “သတင်းဝဘ်ဆိုဒ်တွေမှာ ရေးထားတာ တွေ့ရသလောက်ကတော့ ကာယကံရှင်ရဲ့ မိဘဆွေမျိုးတွေရဲ့ ပြောပြချက်အရ ဒီလိုမျိုး ဘိန်းစာရွက်ခိုးခူးလို့ မိသွားပြီး အသတ်ခံရတယ် ထင်တယ်ဆိုပြီး တွေ့ရတယ်။ ဒါပေမယ့် ကျွန်တော့်အနေနဲ့တော့ ဘိန်းစာရွက်ကို ခူးလို့ ဒီလိုဖြစ်တယ် ဆိုတာကိုတော့ မပြောချင်ဘူး။  သေချာတာ တစ်ခုက ဒါက လူသတ်မှုက သေချာတယ်။ အလောင်းတွေ့ပြီးနောက် တစ်နေ့မှာ ဒီအန်အေစစ်ဖို့ ရဲဆေးရုံကို ကျွန်တော်တို့လွှဲထားတယ်။ ကျွန်တော်တို့ အလုပ်သမား သံအရာရှိ ရုံးအနေနဲ့ ဒီအမှုမှန်ပေါ်ပေါက်ဖို့ ၀ိုင်းပြီးပံ့ပိုး ကူညီမှာပါ။ လိုအပ်တာတွေကူညီမယ်။ ဒါပေမယ့် ဘိန်းစာရွက် ခိုးခူးလို့သူဌေးက သတ်လိုက်တယ် ဆိုတာမျိုးတော့ ကျွန်တော်တို့ မစွပ်စွဲချင်ဘူး” ဟု မတ် ၂ ရက်က ပြောကြားသည်။

အဆိုပါအမှုနှင့် ပတ်သက်ပြီး အလုပ်သမား သံအရာရှိ တစ်ဦးကို တာဝန်ပေးထားပြီး ထိုင်းရဲတပ်ဖွဲ့ အနေဖြင့်လည်း လိုအပ်သည့် စုံစမ်းစစ်ဆေးမှုများကို ပြုလုပ်နေကြောင်း၊ စစ်ဆေးပြီးပါက ထွက်ပေါ်လာသည့်ရလဒ်ကို အလုပ်သမား သံအရာရှိရုံး အနေဖြင့် သွားရောက် နားထောင်ပြီး ပူးပေါင်းဆောင်ရွက်မည် ဖြစ်ကြောင်း၊ အကယ်၍ ကာယကံရှင် မိသားစုအနေဖြင့် ကျေနပ်မှုမရှိပါက ၎င်းတို့၏ ဆန္ဒသဘောအရ လုပ်ဆောင်ချင်သည့် အရာများကို ကူညီဆောင်ရွက်ပေးမည်ဟု ၎င်းကဆက်လက် ပြောကြားသည်။

“အားလုံးပြီးလို့ သူတို့ရဲ့ တွေ့ရှိချက် အပေါ်ကို ကျွန်တော်တို့ သွားနားထောင်မယ်။ တကယ်လို့ အဲဒီတွေ့ရှိချက်က အဆင်မပြေဘူးဆိုရင် ကာယကံရှင်မိသားစုရဲ့ဆန္ဒအရ သူတို့ဖြစ်ချင်တာကို ၀ိုင်းကူညီ ပေးသွားပါမယ်” ဟု ဦးစန်းမောင်ဦးက ပြောကြားသည်။

၂၀၁၇ ခုနှစ် သြဂုတ် ၆ ရက်ကလည်း ထိုင်းနိုင်ငံ ရပ်ဘူရီခရိုင်ဘန်ပုံနယ်မြေရှိ ထိုင်းလူမျိုး သူဌေးတစ်ဦး၏ နေအိမ်တွင် အလုပ်လုပ်နေသော ၁၇ နှစ်အရွယ် မနော်ညိုအေးသည် ဦးခေါင်းနောက်တွင် သေနတ်ဒဏ်ရာ နှစ်ချက်ဖြင့် သေဆုံးခဲ့သည့်အမှုကို မိမိကိုယ်ကိုယ် သတ်သေမှုဖြင့် အမှုဖွင့်ထားမှုကိုလည်း ထိုင်းအထူး စုံစမ်းစစ်ဆေးရေး ရဲတပ်ဖွဲ့မှ စစ်ဆေးနေသည်။